Shaimaa Shebl ❤️

عسى الله أن يأتيني بهم جميعًا: أحلامي، دعواتي، وأمنياتي. ✨️

لازم تخمنوا انتو كمان 😂♥️

https://www.facebook.com/share/p/18M8LMQSus/

ايه السر اللي بيخليني بشتغل في كتابة المحتوى من سنتين بدون توقف وعدد العملاء بيزيد كل يوم؟!

✔ بسوق لنفسي كويس خالص في المجال وبدأت ده متأخر كمان، زي البوست ده كده تسويق! 🫡

✔ بطور نفسي وبتعلم علطول في المجال فعشان كده العملاء بيفضلوا معايا أو بيكرروا شغل جديد معايا.

✔ عندي شوية علاقات في المجال رائعة، ف بيرشحوني لو حد سألهم على شغل أو بيشغلوني معاهم.

✔ خليك واقعي، مش ببدأ الشغل مع أي عميل بمرتب خارق، بطلب مرتب معقول ولما يشوف نتائج الشغل بيزود الراتب أو أنا بطلب وهو بيوافق.

✔ بحاول أبذل مجهودي في اي شغل، تصديقًا لفكرة إن أي مجهود مبذول في أي مكان ليه نتيجة وجزاء وإن كان في مكان آخر.

✔ وعلشان تكسب رضا العميل، خلي عندك مرونة في التعامل معاه، وكل شغل جديد أو إضافي هي إضافة لخبرتك بدون ما تتعدي حدود طاقتك طبعًا، دي حاجة هتخليك دايمًا في الصورة ويجدد معاك الشغل في المستقبل.

✔ وفي الأخر، الأهم من كل ده هو الإيمان بإنك لو بتعمل حاجة من قلبك وبتطور نفسك علطول، النتيجة هتظهر وتحققلك كل الخير وربنا هيكرمك.🌻

شيماء شبل

قد تكون إنسان مُسوف وبتأجل كل شغلك ومذاكرتك لأجل لا يعلمه إلا الله ولكن بعد البوست ده هتعرف إزاي تنجز مهامك في وقتها! 🌻

لازم تكون عارف ان التسويف يا اما جاي من أن عليك حاجات كتير فانت عمال تراكمها:(

يا اما السبب التاني ان مفيش هدف واضح وانت اصلا مش حابب انك تنجز الحاجة دى فمفيش رغبة ف بتأجل!

فالحل واضح وهو ترتيب الأولويات لأن مش كل الأهداف بنفس الأهمية، لازم تنظم يومك بأنك تعمل قائمة مهام تكتب فيها أهم 3 حاجات.

وليكن أنت محتاج في اليوم الواحد
وتقرأ الورد والأذكار وتحفظ قرآن
وعندك شغل
وبتدرس
وحابب تقرأ
وكمان تاخد كورس
وتطور نفسك في اللغة
وتلعب رياضة
وتمارس هواية كمان بتحبها
وتاخد دورة في السيرة
وتقعد مع عائلتك
وترتب حاجات في البيت

فرد مخك الطبيعي، ايه ده بجد هو احنا هنعمل كل ده!
طب يلا تسويف بقي وبكرة هنصحي بدري ونظبط كل ده:) وبكرة ده لا يأتي بجد

الحل ايه؟
1️⃣ هقرأ الورد أو هحفظه والاذكار مع صلاة الفجر.
2️⃣ هبدأ اليوم اني اخلص الشغل لأنه أكتر أهمية.
3️⃣ هذاكر محاضرة واحدة بس.
4️⃣ هسمع درس التفسير.
5️⃣ هقضي وقت مع عيلتي.
طبعا كل إنسان عنده أولويات مختلفة.

أهم مهام ليهم تأثير مباشر على يومي ولو انجزتهم بس خلال اليوم هيبقا عملت إنجاز كبير ولو خلصت بدري هيكون فيه وقت لأي مهمة تانية حتي لو كنت مرهق لانهم مش محتاجين طاقة كتير.

بالنسبة لو مفيش هدف واضح زي ماقولت فوق، زي مثلا ان انت بتسمع اي كورس او تقرأ اي كتاب علشان حد مهم رشحه وانت اصلا مش عارف انت بتاخد الحاجة دي ليه فانت لازم يكون عندك هدف واضح لكل خطوة بتعملها في يومك عشان ده هيكون محفز يخليك تشتغل. ✨

وبس كده بالتوفيق لو بتعاني من مشكلة تانية عرفني في الكومنتات.

شيماء شبل

https://www.facebook.com/share/r/15PNe63znM/
توثيقي للإنجاز الأجمل في 2024 ♥️

ياشيماء قولنا نعمل ايه عشان نحقق اهدافنا وننفذ الخطط اللي بنعملها؟!

دايمًا ردي بيكون وهيكون الاجتهاد، هو ده الحل بدون تزويق الكلام، طب عارفين ايه بقا الاجتهاد؟

الاجتهاد هو انك تعمل الشيء المكروه لنفسك، يعني نفسك وهواك مش عايزين يعملوه!

الاجتهاد هو انك تكمل مذاكره أو شغل أو سعي بدون ما تلاقي نتيجة ولكن أنت مستمر.

الاجتهاد هو إنك تفضل تشتغل وأنت حالتك المزاجية مش كويسة، كما يُقال الايام دي يعني فاقد الشغف:)

الاجتهاد هو انك تبذل مجهودك الحقيقي، يعني مش ساعة وكده تمام، لا أنت تجيب آخرك بجد.

الاجتهاد هو انك تأجل الملهيات والمتع وتنفذ شغلك ومذاكرتك بدون تأجيل، مش العكس.

الخلاصة:-
حياتك مش منظمة، ومش عارف تحقق حاجة في حياتك ومش بتتقدم يبقى الحل مش تخطيط أو تدوين أو كورسات، الحل هو الفعل.

فيه أسابيع مش مخططلها ولا بكتب مهام كل يوم ولكن بلاقي نتائج كويسة في شغلي وفي حياتي وده لاني بعمل الفعل اللي يوصلني لكده، فهمتوا؟

ومش معنى كلامي إن نلغي التخطيط أو أنا ماشاءالله بجتهد علطول، انا بقولكم على الحقيقة والواقع.

وبالمناسبة كنت قراءت لشيخ الإسلام ابن تيمية (رحمه الله)
إذا اجتهد واستعان بالله تعالى، ولازم الاستغفار والاجتهاد، فلا بد أن يؤتيه الله من فضله ما لم يخطر ببال، وإذا رأى أنه لا ينشرح صدره، ولا يحصل له حلاوة الإيمان، ونور الهداية، فليكثر التوبة والاستغفار، وليلازم الاجتهاد بحسب الإمكان، فإن الله يقول: {والذين جاهدوا فينا لنهدينهم سبلنا}. ♥️

وبس كده سلام

شيماء شبل

https://www.facebook.com/share/p/1K45APihac/

شوفوا كده وتفاعلوا مع البوست.♥️🌻

اي حد بيقول اني هعمل الحاجة دي يومًا ما!!
فلازم تكون عارف إن:-
"يوماً ما ليس من أيام الاسبوع"

وده هيكون شعار نوفمبر لانقاذ أخر شهرين من السنة. ✨♡

شيماء شبل

https://www.facebook.com/share/p/12BVCYf1XGi/

https://www.facebook.com/share/p/17mYKSTUBD/?mibextid=UyTHkb

بناتي المتحمسين اللي رد فعلهم كان جامد على الفكرة دي! ♥️🙈

لينك الجروب اهو وياريت لو تعملوا دعوه لأصحابكم عشان انا عندي مشكله ومش عارفة اعمل دعوة لحد ♥️

وهنزل عليه السلسلة اللي كنت عملتها قبل كده 🌸

https://www.facebook.com/share/g/19G2JPfSez/?mibextid=A7sQZp

حد كلمني وقالي ان بقاله فترة معندوش اي رغبة أنه يعمل الحاجات اللي كانت بتفرحه وانها مبقتش تديله احساس السعادة والإنجاز!

حتى الشغل اللي كان بيحبه جدًا وعايز يوصله مبقاش عنده رغبه فيه.. وأنا نفس الشيء بالله:)

عملت قهوة بلبن وقلت اسمع بودكاست وانا بشتغل شوية، بودكاست لكريم اسماعيل بيتكلم عن الحزن.

عارفين قال ايه؟
قال إن البحث عن الانبساط مش هو الأساس
إن الإنسان قد تكون مهمته عشان يمر من اختبار الدنيا انه يكون صابر وراضي، أنه يتألم بدون سخط على الله!

قال إن الانبساط مش هو الشئ اللي بيقول إحنا ماشيين صح ولا غلط، وان غياب الانبساط مش هو اللي يحدد إننا مطمئنين ولا لا؟

وإن أخذ الحياة بشئ من التحدي، ده غلط!
إننا محتاجين نراجع نظرتنا للدنيا واننا محتاجين شوية هدوء وسكينة وانخفاض في المقاومة.

وإن الفكر الداخلي لازم يكون فيه شئ من الاستسلام وأنت بتعمل اللي عليك، بمعنى إنك تكون راضي وأنت بتعمل اللي عليك وبس.

فلو حد حزين مثلي وعنده انعدام الرغبة في الأشياء التي كانت تجعل معدته مليئة بالفراشات، يعرف ان الكلام ده حقيقي 100%

وإن السعادة هرمون ومنحني.. يرتفع ولكن لازم ينخفض تاني لإنه مادة كيميائية مينفعش تفضل مرتفعة في جسم الإنسان وإن الرضا أولى.

وده مش دعاء إنك تعيش حزين طول حياتك لا قدر الله
ولكن السعادة متبقاش الهدف الرئيسي واتعامل عادي عند غيابها.

شيماء شبل

https://www.facebook.com/share/p/1EthH8F2gs/?mibextid=oFDknk

أهلا أهل التليجرام ♥️

يارب اجعلنا ممن كان سعيه موصولاً بالخير مليئاً بالجبر، مباركاً الأثر " ✨

فلوج جديد ♥️

https://www.facebook.com/share/r/1ASDcpn7xq/?mibextid=qi2Omg

تصحى من نومك تمسك الموبايل تفتح فيسبوك، تتصفح الـ Stories و Reels وتشوف آخر الأخبار وبعدين تشوف الرسائل اللي جاتلك على ماسنجر!

وبعدين تفتح واتساب ترد على اللي بعتلك و كمان تتفرج على الحالات!

ومن ثم تروح على انستجرام وتشوف الصور والفيديوهات الخيالية والمثالية وحياة البلوجر والانفلونسر!

تطلع وتروح على اليويتوب و تفتح الفيديوهات تشوفلك كام فيديو مقالب على كام فيديو محتواها تافهة وبعدين تسكرول في الـ Shorts!

وهكذا دواليك ونبدأ من جديد وتروح علي الفيسبوك وتفضل في الدوامة دي 3 ولا 4 ساعات!

وتغرد
مفيش وقت للقراءة
مش عارف العب رياضة امتى
مش قادر احفظ قرآن
كل يوم بأجل ومش بعرف اكمل حاجة
مش بعرف اذاكر ساعة على بعض
تركيزي منعدم وعلطول مصدع
أنا فاقد الشغف!

أنت المفروض تكون فاقد الشغف والطاقة والإرادة والقوة والحياة ونفسك مش الشغف بس:)

وأنت عارف الحل وهو انك تتخلص من العادة دي ومش تدريجي، العادات السيئة مش بنتخلص منها تدريجياً، إحنا بتقطعها مرة واحدة عشان كده خليك واعي ومدرك حجم اللي بتعمله في نفسك.

ولو كنت بتحلم احلام يقظة كتير عن المستقبل وأنت محقق إنجازات عظيمة، فـ متزعلش مني بس مستقبلك هو اللي أنت بتعمله حالاَ.

شيماء شبل

أنت متأخر عشان دايماً بتعظم المفقود!

الشيطان بيلعب معاك على حاجة خبيثة وأنت مش واخد بالك منها وهي تعظيم المفقود..

يعني ايه؟
يعني ان الحاجة اللي ناقصاك دي هي سبب شعورك بالحزن وانك بس لو جبتها يااه حياتك هتكون أحسن بكتير

أول ما تشتري كتب ورقية، هتقرأ كل يوم
أول ما تشتري الأداة الكذا، هتنتج أضعاف
أول ما تلاقي فلوس تشترك في الجيم، هتدمن الرياضة
أول ما تجيب أدوات مكتبية، هتذاكر كل يوم
أول ما تجيب سماعة، هتسمع بودكاست كل يوم
انك أول ما تشتغل هتكون شخص غني
وأول ما تلاقي الشخص المناسب، حياتك هتكون وردية

وكل ما تجيب حاجة، هتلاقي مفقود جديد وهتفضل في الدوامة دي علطول.

وبالمناسبة خليك عارف إن السعادة إختيار، مش مرتبطة ب اي وقت أو أداة معينة، فتوكل على الله وانجز بـ إمكانياتك المتاحة ☕

شيماء شبل

https://www.facebook.com/share/p/1ASfwsQdw2/?mibextid=qi2Omg

دايمًا ببحث عن فرصة أو سبب يخليني ادرس بره ودايمًا كان الحل اني لازم اسافر لكن الحلقة المفقودة هي ابدا منين!!

ولو فيه زيي كتير وعايزين يدرسوا بره وطلبة جامعات وحابين يدرسوا بكالوريوس أو لسه مخلصين ثانوي فأنا وجدتها أخيراً!! ♥️

ولو فيه مشكلة عشان مينفعش تسافر، ف المفاجأة هتدرس اونلاين من بيتك بس في جامعات عالمية!

لاقيت منصة بتبهرنا كل فترة حقيقي و مهتمة بالشباب الأفارقة جدًا وأنهم يقدموا محتوى على مستوى خطير! 🧑‍💻

برنامج Pathway من ALX 🔥

أنت عارف البرنامج ده هتتخرج منه وأنت متقن ايه؟

✅ مُتقن كل مهارات السوفت اسكليز واللي اهمها انك هتعرف تعمل سيرة ذاتية قوية وجذابة وهتعرف تقدم خطاب دافع محترف من غير ولا غلطة وكمان هتعرف كل المهارات اللازمة للمقابلات الجامعية.

✅ هتتقن كمان مهارات القرن الـ 21 وهي الهارد اسكليز واللي مش هتلاقيها متوفرة في اي برنامج!
– أسس ريادة الأعمال
– الجبر الجامعي
– المالية التجارية
– مقدمة في إنشاء المشاريع
– مقدمة في الإحصاء
– مقدمة في هندسة البرمجيات
– والتواصل الفعال باللغة الإنجليزية

✅ أنت هتكون وسط بيئة عمل قرية وطموحة وشغوفة بالعلم والمعرفة وهتلاقي دايماً مساعدة وإرشاد من أشخاص قوية مهاريًا وبالتالي هتاخد افضل توجيهات.

البرنامج مخصص عشان تتخرج منه قوي مهاريًا واكاديميأً وتقدر تقدم بقلب قوي في الجامعات الدولية، وكمان الأجمل إن بعض طلبة البرنامج ليهم فرصة منح أو توصيات أو خصومات في جامعات في الولايات المتحدة أو دول تانية هتلاقيها في التفاصيل.

فأنا بقولك إن أي شيء بيتحقق بالسعي والمثابرة والتجارب فلازم تحاول 🎯

وعشان لو مهتم قولي في الكومنتات وهبعتلك لينك التقديم والتفاصيل.

شيماء شبل


https://www.facebook.com/share/p/19U7s9ZLbJ/?mibextid=oFDknk
لينك البوست على صفحتي

في رحلتي للبحث عن وصفة سحرية للنجاح الساحق اكتشفت

إن مفيش وصفة للنجاح!
لازم تتعب وتبذل مجهود مادي ومعنوي وجسدي وطاقتك تُستنزف.
هياخد منك وقت ولازم تتعلم الصبر لأن النتيجة مش فورية.
هتلاقي انتقادات.
هتلاقي تحكمات.
هتلاقي استغلال.

وانك لازم تسعى في كل الأوقات وتحت أي ظرف وان مفيش حاجة اسمها الظروف المناسبة!

وإن أي تأخير أو تأجيل بتلاقي قصاده عشرة بيسبقوا.

وقدرت الخص الوصفة السحرية للنجاح في
اجتهاد + استمرار ☕

هل فاهم معنى "الأحوال لا تتغير، بل نحن من نتغيّر"؟

انتظار الوقت المناسب و الأدوات المناسبة و الظروف المناسبة لن يحقق أي نجاح..

- الموبايل اللي مستني تجيبه عشان تطلع شغل أحسن، مش هيجي لو مشتغلتش بأقصى ما عندك.

- الكتب الورقية اللي مستني أنها تتوفر ليك علشان تقرأ كل يوم، في الحالتين الوقت هيعدي سواء قرأت اونلاين أو لا لحين ما الورقي يتوفر بس النتيجة مختلفة.

- مكتبك اللي بتذاكر عليه أو بتشتغل عليه و مش عجبك و بتقول لما أغيره هبقى مُنتج أكتر و قاعد مستني التغير، فا مش هيتغير لوحده و دي حجة للهروب.

-لو مستني تجيب نوت بوك جميلة علشان تبدأ تخطط لحياتك فالايام هتعدي و كده كده سواء نوت بوك أو حتى كراسة مش هتزود من انتاجك ولا القلم هيفرق بينهم و هو بيكتب.

-لو مستني تروح الجيم عشان تلعب رياضة، فالوقت هيعدي و صحتك مش هتفضل.

- لو مستني حد يحفظك قرآن و حاطط ايدك على خدك و مستني الفرج، فا *اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُّعْرِضُونَ* (1) الأنبياء.

- لو مستني تشجيع ودعم من اللي حواليك، ابشرك محدش هيشجعك ولا حد هيدعمك غير لما تكون ناجح.

أنت محتاج تكون ممُتن لحياتك و أشياءك أكثر من كدا.

وقتك كدا كدا بيعدي و للأسف غير قابل للتعويض أو التخزين.

خليك شخص راضي، ممُتن، مجتهد، تسعى لامتلاك ما تحب و أنت بتحب شغلك و حياتك.

شيماء شبل

من الرسائل المفرحة بالنسبالي لأنها بتحسسني بقيمة اللي بقدمه 🤎

وأهم وأجمل شئ ومسعاي الأول والأخير هو ترك الأثر الحسن والطيب والحمد لله مستمرة على ده.

وبالنسبة لمجال كتابة المحتوى فأنا الحمد لله بدأت في سلسلة تحت هاشتاج
#كن_مبدع_في_كتاباتك_مع_شيماء_شبل
عشان انقل كل خبرتي وكمان كل اللي بتعمله في المجال لكل الناس اللى مهتمة بالمجال.

إزاي تكتب بوست ويكون viral و يوصل لاكتر من مليون شخص زي البوست اللي عملته من يومين!

أهلا بكل الناس المهتمة بمجال كتابة المحتوى، إحنا مستمرين في السلسلة دي. 🌸

هي وصفة كده بحاول اطبقها في كتاباتي وفي اوقات كتير بتنفع والبوست يوصل لاكتر من مليون وبالتالي عدد المتابعين يزيد.

وأنا النهاردة جايه اقولك على الوصفة لأحد الأشخاص الأجانب واللي تكمن في حروف كلمة:-
S.U.C.C.E.S

يلا بينا نشرح الحروف دي مع بعض.

1️⃣ حرف الـ S المقصود بيه Simple يعني يكون محتوى البوست بسيط مش لازم كلمات خزعبيلة ولا تكتب المعنى بطريقة مش الكل يفهمها.

2️⃣ حرف الـ U وهو unexpected ودي اضمنها 100% وجربتها كتير ونفعت معايا جدًا والمواضيع اللي محدش بيتكلم عنها لما بكتبها بتنتشر جدًا زي لما قلت إن كتب تطوير الذات ملهاش لزمة!

3️⃣ حرف الـ C هنا مقصود بيه انه يكون concrete يعني ملموس، المقصود إنه وانا بكتب البوست التسويقي عن المنتج الكذا ميكونش فيه فوائد نصية بمعنى مقولش فائدة المنتج

الأفضل أقول هو إزاي هيحول حياتك من كده لـ كده وارسم فكرة في دماغ العميل انه لازم ياخد المنتج ده، و يشارك البوست ده.

4️⃣ وهنا الـ C التالتة مقصود بيها Credible يعني قابل للتصديق لأن الناس لو مقدرتش تصدقك مش هتثق فيك ومش هتشير محتواك، ادعم علطول محتواك بـ أمثلة حقيقة.

5️⃣ حرف الـ E والمقصود بيه Emotions
لما تشتغل على العواطف زي الحزن أو القلق أو التحفيز هتلاقي المحتوى ينتشر بسرعة. 🤎

6️⃣ حرف الـ S الأخير وهو stories
الناس بتعشق أي قصص وحكايات، حتى أنت مش بتقدر تقاوم نفسك وانت بتسكرول لما يقابلك موقف وشخص بيسرده، أو حتى فيديو وحد بيحكي فيه.

وبس كده، جرب تطبق التريكات دي وهتنجح معاك بإذن الله.
ومتنساش تتابع سلسلة #كن_مبدع_في_كتاباتك_مع_شيماء_شبل

اكتر مشكلة بتواجه كُتاب المحتوى هو انهم يلاقوا شغل كويس؟
وعشان كده جبتلكم مصادر مهمة جدًا، موجود فيها عملاء بنسبة 100%

1️⃣ مواقع الفريلانسر
ودي مواقع بتكون فيه عملاء كتير بيطلوا خدمات معينة وفي نفس الوقت هتلاقي ناس كتير شغالة وبتعرض خدماتها واسعارها.

مثال على المواقع دي:-
Up work ✔️
Fiverr ✔️
Freelancer ✔️
SimplyHired ✔️
SimplyHired ✔️
Guru ✔️
مستقل دوت كوم ✔️

كل ما عليك تدخل على جوجل وتكتب اسم الموقع هيطلعلك في أول بحث هتدخل عليه وتشوف الخدمات هناك وتقدم خدماتك أو على الأقل تستفيد من خبرة الموجودين هناك.

2️⃣ موقع لينكد إن

لينكد إن مش واخد حقه حقيقي بس هو منصة عظيمة وإن كان مش عشان الشغل بس كفاية عليه طريقة عرض المحتوى والاحترام المتبادل عليه وأنه كله محتوى هادف من A to Z ووظائف كل يوم.

ابحث علطول على اليويتوب عن انشاء حساب احترافي على لينكد إن ومضيعش وقت.

3️⃣ جروبات الفيسبوك
يعني ده أكتر شيء منتشر حاليآ، لو كتبت في البحث جروب عمل لكُتاب المحتوى هتلاقي 100 جروب وهتلاقي عليهم ناس بتطلب كاتب بشروط معينة وهتلاقي ناس بتعرض الـ CV بتاعها ومهاراتها.

4️⃣ الـ personal Brand
وده أكتر شيء مثمر، اتعلم تسوق لنفسك صح هتلاقي كل يوم بيدق على بابك عميل واتنين ✨

اتكلم عن نفسك وعن شغلك علطول بس بطريقة صحيحة ومتنساش أذكار الصباح والمساء.

5️⃣ مواقع التوظيف
والمواقع دي اسمها اي؟
✔️ بيت دوت كوم
✔️ فرصنا
✔️ Indeed
✔️ Wuzzuf
✔️ Glassdoor

ودول ينطبق عليهم نفس الكلام على مواقع العمل الحر، ابحث على جوجل وادرس احتياجات المنصة واتعامل وبالتوفيق.

ولو مهتم بالسلسلة الجديدة متنساش تقولنا في الكومنتات عشان نستمر إن شاء الله. 🌸

هتكون سلسلة بعنوان
#كن_مبدع_في_كتاباتك_مع_شيماء_شبل

https://www.facebook.com/share/p/15A1VQtcgx/?mibextid=qi2Omg
♥️

عارفين مين هموا لصوص الطموح؟

ايوا، طموحنا ليها لصوص ولصوص خطيرة وخبيثة كمان!

أول لص وأخطرهم هو "خلق الأمل"
يعني تقول لنفسك لسه بدري لسه فيه وقت، بتفضل توهم نفسك إن مهما كان الشغل كبير ومهما كان هدفك انت هتقدر تلحق وتوصل!

بس للأسف، أنت مش بتوصل
أنت عمرك اللي بيخلص والناس بتاخد مكانك وأنت لسه متوكل على نفسك!

عمرها ما كانت بالاعتماد على النفس، لازم تتوكل على الله وتطلب منه المعونة وتلتزم ومتخليش النفس تسيطر عليك وأنك هتقدر حتى لو في آخر لحظة، لأنك كده هتضيع مع الأسف:)

تاني لص هو الكلام عن أهدافك للناس وأنت لسه محققتهاش
هتفضل طول عمرك تحكي وتتكلم والناس مش هتلاقي منك أي فعل!

لأن كثرة الكلام عن طموحاتك هتخلق وهم جواك بأنك حققت كل أهدافك وأنك شخصية عظيمة وأنت أصلا لسه في مكانك لم تحرك ثابت!
خلي النتائج هي اللي تتكلم عنك وأنت خليك ساكت ✨

متستناش انك تتغير وتلاقي نفسك مش بتتكلم كتير وبتشتغل أكتر في يومين ولا تلاته، اتعامل مع التغيير بالعقل والمنطق، لأن مفيش وصفة سحرية هتغيرك بين يوم وليله، كن صبور. 🌸

لو وصلت لهنا، فـ تفاعل مع البوست عشان يوصل للناس لأن الصفحة متقيدة:)

شيماء شبل

قمة الضلال لو بتتعب ومفيش مردود أخروي.. لو بتسعي وتعبك كله عشان الدنيا:)

دايمًا لما أقدم أي حاجة سواء تطوع أو شغل بـ احتسب النية لله.
عشان وقت ما ميكونش فيه عائد مادي يكون فيه جزاء أخروي ومتحسش إن سعيك على الفاضي وتكون مدرك إن فيه جزاء وأجر كده كده.

وقت ما تقرر إن كل حاجة بتعملها لله.. وقتها هتشوف الدنيا بعين صغيرة وكل مشاكلك هتهون وحجمها هيقل.

عدد نواياك دايمًا وخلي عندك يقين بالله وأنه مش هيضيعك لو فضلت متمسك بيه. ♥️

فـ اللهم لا تجعلنا من "الذين ضل سعيهم في الحياة الدنيا وهم يحسبون انهم يحسنون صنعًا"

شيماء شبل

https://www.facebook.com/share/p/osj6cz6APtJohd4P/?mibextid=oFDknk

في حال ان فيه حد منكم مش عارفني. 👀

https://www.facebook.com/share/f4NSfFPCW6v1EcEo/?mibextid=oFDknk ♥️

وأخيرًا مكتبة تضم كتبي، لقد هرمنا لأجل هذا المنظر 🥹♥️

الحمد لله ♥️

20 حاجة لو عملتها هتندم عليها في المستقبل، كن متأكد!

١- أنك قضيت وقتك في العالم الافتراضي *السوشيال ميديا*
و مقتضتش مع عائلتك وقت أطول.

٢-أنك بتصرف كل دخلك، ومش بتحوش ولو جزء صغير.

٣- أنك شغال في حاجة مش بتحبها، ومش بتحاول تغير من نفسك وتسعى إنك تشتغل في مجال بتحبه.

٤- أنك مش بتذاكر كويس، أو بتذاكر زيادة عن اللزوم خصوصا في فترة الجامعة.

٥- أنك فضلت مشغول أو مشغولة بتجميع الفلوس على حساب تربية أولادك.

٦- أنك ضيعت عمرك في مماطلة وترحيل أحلامك إلى وقت لا يعلمه إلا الله.

٨- هتندم على كل مرة شخص ائتمنك في علي سر أو شيء وأنت خنته.

٩- أنك سبت نفسك لتيار المجتمع و إن أي حد يقدر يتحكم في أحلامك وخططك.

١٠- هتندم على كل مبدأ فضلت متمسك بيه في حياتك رغم إنه غط.. المبادئ اللي تفضل ثابت عليها أنك لا تأذي نفسك ولا الآخرين، ولكن غير كدا لازم تحرر نفسك من المعتقدات القديمة.

١١- على كل تأنيب ضمير، سيبته يكبر ومعترفتش بخطئك وحاولت تصلحه.

١٢- على كل مرة كان قدامك فرصة وضيعتها، فرصة شغل في مجال بتحبه، كورس هيطور شخصيتك، خروجه مع أصحابك، تجمع عائلي.

١٣- على كل لحظة،زعلت والدتك وخلتها تبكي أو اتخانقت مع والدك.

١٤- على شخصيتك ال fake اللي عملتها عشان تعجب الناس.

١٥- أنك أجلت زيارة حد قريبك أو حد من صحابك، حتى توفاهم الله.

١٦- أنك معرفتش تعمل أصدقاء حقيقين.

١٧- على استسلامك في محاولاتك قبل ما توصل لخط النهاية.

١٨- هتندم على كل مرة ظلمت فيها إنسان أضعف منك.

١٩- هتندم لو مشيت من الدنيا من غير ما تسيب أثر جميل أو إحسان عظيم.

٢٠- هتندم على كل مرة حد قدملك نصيحة جميلة وأنت تجاهلتها، زي ما ممكن تتجاهل البوست ده دلوقتي.

مهما كان عمرك دلوقتي، عملت الأخطاء دي أو لا، اعتبر من دلوقتي فرصة جديدة واتغير قبل ما توصل لنقطة اللاعودة.

وأخيرًا.. النصائح الجميلة هتفضل مجرد كلمات جميلة لحد ما تطبقها. ♥️

- شيماء شبل

https://m.facebook.com/story.php?story_fbid=pfbid02sqK2JnjX3yxFhWm74dPbWrfXkC8zS48cGm9E5XcjUXjkU2C1wr3HvTKfuHbNqfKHl&id=100032108584567&mibextid=UyTHkb

ليه أنت عارف اللي مفروض تعمله… لكن مش بتعمله؟!

جيمس كلير في كتاب العادات الذرية قالنا:-

أننا نعلم تماما ما يجب فعله لكننا لا نفعله لأننا نؤمن بكوننا لسنا من نوعية الأشخاص الذين يفعلون هذا الفعل.

بالظبط دي مشكلة المعظم..
هو شايف نفسه دايماً على أنه غير قادر وغير مؤهل وغير كافي!!
والناتج إنك وأنت بتحاول في الفعل.. أفعالك بتكون عكس معتقداتك وعشان كده لو بدأت.. مش بتكمل:)

فخليك مؤمن و بص لنفسك على إنك شخص قارئ ورياضي ومنتظم في الصلاة ومتقن لعملك وإلخ.

وقتها أفعالك هتوافق معتقداتك وهيكون سهل عليك انك تعملها بدون محاربة من أفكارك.. ♥️

شيماء شبل