پست‌های تلگرام Şeirlər aləmi🎶📝

Əgər qədir bilinirsə,
Bilərsən mən öldüyüm gün!
Ölən ilə ölünürsə,
Ölərsən, mən öldüyüm gün?
Göz yaşları silinirsə,
Silərsən mən öldüyüm gün.

Nə qədir bil,
Nə öl mənim xətrimə.
Göz yaşın sil,
Və gül mənim xətrimə.

Sağkən qədir bilinmir ki,
Ölən ilə ölünmür ki,
Axmayan yaş silinmir ki,
Gülmək qalır.
Sən gül mənim xətrimə.
Gülmək qalır.
Sən gül mənim xətrimə.

#KamranAbdullazadə

Gör hansı fəsildə durub gəlmisən,
Üşüyən budaqlar gün axtaranda.
Quşların hamısı köçüb gedəndə,
Sərçələr soyuqda dən axtaranda.

Buyur, gəl içəri,qapıda durma,
Keçən çoxdan keçib, özünü yorma.
Mən belə oluram, sən fikir vermə,
Bir çətin söhbətə yön axtaranda.

Ürəyim sonuncu yarpaqtək əsir,
Nə həsrət istəyir, nə sevgi gəzir.
İllərlə yolunda durdum müntəzir,
Bəs niyə gəlmədin mən axtaranda?

#SabirSarvan

Günəş, necə yanırsan?!
Necə alovlanırsan?!
Yer, niyə dolanırsan?!
Dayanıb sükutla dur!
Dərk et bu fəlakəti.
Görünməz müsibətdir
Xocalı müsibəti!
Yerdə qalsa belə qan,
Əl üzülər dünyadan.
Məğrurdur Azərbaycan!
Cəzasız qalmayacaq
Törədən cinayəti!
Dəhşətlər dəhşətidir
Xocalı müsibəti!

#HikmətZiya

" Lakin yenə təkrar edərim, bəncə, əsil qəhrəmanlıq yara bağlamaqdadır, abad etməkdədir. Yoqsa həmcinsinə qıymaqdan, yaqıb-yıqmaqdan zevq alanlar, başqasının fəlakətində səadət arayanlar, birər adi cəlladdan başqa bir şey deyildir".

#HüseynCavid

Payız mənə dərd danışdı:
Dedi, ömrüm bir qarışdır,
Xəzəlimə yaxşı baxın,
Əcəlimin adı qışdır..,

#KamranRzayev

♨ İmtahanlara ödənişsiz hazırlaşmaq, yeni sınaqları, izahlarını və daha çoxunu əldə etmək üçün seçim edin ⤵

Gecələr də danışmır, içə-içə ölmüşəm
gecənin ortasında.
Küçələrdə böyüyüb səni necə itirdim
küçənin ortasında? 🍂

#ElromanƏlizadə

‼ Sizə lazım olacaq kanallardan faydalanmaq üçün seçim edin, qoşulun və imtahanlarınıza ödənişsiz hazırlaşın, yeni sınaqları pulsuz əldə edin ⤵️

Gecə gəl, gör buranın mənzərəsin,
Xəzri çırpır qapısın, pəncərəsin,
Yapışıb bir yana dartır hərəsin,
Elə bil, meynələrin təqsiri var.
Bir də ondan daha çılğın biri var,
Darıxır.
 
#KamalHüseynzadə

Aşiqəm, əmrini ver aşiqi-nalanə, gülüm,
Yanına ya gəlim əql ilə, ya divanə, gülüm?

Sevirəm qəlb ilə canım kimi cananımı mən,
Ölərəm, ya yetərəm sən kimi canana, gülüm.

Sənə dost olmağıma cümlə şəhər düşmən olub,
Məni əfv eylə, baxıb bir belə düşmənə, gülüm.

Harda görsəm səni, zülfundən öpüb yalvararam,
Aşiqəm, aşiqə yoxdur yazı, divan, a gülüm!

Sənsizəm, səndən uzaq kimsəni düşsün demərəm,
Yetməyir əl sənə, yox səbir də hicranə gülüm.


#NizamiGəncəvi