پست‌های تلگرام Şeirlər aləmi🎶📝

Ayaqların qaçan saniyələrdi,
İşə tələsirsən dayan, nə olar.
Elə bu küçədə aç gözlərini,
Otuz il yatmısan, oyan, nə olar.

Bu şeiri də yazdım əlvida kimi,
Bax elə bu sətrim son vida kimi.
Mən ölsəm misratək, sən nida kimi,
Başımın üstündə dayan, nə olar.

Canım, bundan sonra "yaşa", "öl" kimi,
Qanatdın qəlbimi saritel kimi.
Qoşa əllərini qoşa gül kimi,
Sinəmin üstünə qoyam, nə olar.

Ah çəkim, ahımdan dağ-dağ olum mən,
Səni gəzə-gəzə çıraq olum mən.
Çürüyüm bir ovuc torpaq olum mən,
Sən də çıx üstümdə dayan, nə olar.
Bəlkə onda səndən doyam, nə olar!

#QəşəmNəcəfzadə

⛅

✅ Buraxılış sualları, cavabları və izahları paylaşılmış kanallar ⤵

‼ Bugünkü buraxılış sualları aşağıdakı kanal və qruplarda paylaşılacaq. Seçim edin, yaxın zamanda sualları əldə edəcəksiniz ⬇

‼ Sizə lazım olacaq kanallardan faydalanmaq üçün seçim edin və ən keyfiyyətli kanallara qatılaraq imtahanlarınıza pulsuz hazırlaşın, yeni cavablı sınaqları əldə edin ⬇

📗 Buraxılış tipli suallara yenidən nəzər yetirmək üçün aşağıdakı butonlardan seçim edin ⤵

Güllər üstə uçan, qaçan,
Bir qayğısız kəpənəkdin,
Çiçəklərin ürəyində,
Sən ən şirin bir diləkdin.

Sorağını gül-çiçəkdən,
Alınca mən, gördüm yoxsan,
Qaçdım sənin dalınca mən,
gördüm yoxsan.

Nəğmə deyir sənə güllər,
Yel əsdikcə narın-narın.
Hər çiçəkdən bir rəng alır,
Qızıl-qızıl qanadların.

Hansı gülü oxşadınsa,
Ləçəyində izin qaldı.
Səni tutdum, uçub getdin,
Əllərimdə tozun qaldı.

#BəxtiyarVahabzadə

Sevgimdən qaçmışam uzaq şəhərə,
Burda da həsrətin gəlib, dayanıb.
Ətrin səpələnib bütün güllərə,
Gözünün rənginə göylər boyanıb.

Səninçün dünyada bəlkə yoxam mən,
Səni sevdiyimi heç bilməyirsən.
Gündüz xəyalımdan, gecə yuxumdan
Bir an da, bir an da çəkilməyirsən.

Ürəyim, daşa dön, bu sirri saxla,
Bu sevgi, bu bəla hardan enibdir?
Bizim taleyimiz evlə, uşaqla
Hərəsi bir yana zəncirlənibdir.

Ölüncə eşqinlə olacağam mən,
Mən sənin ruhunda, qanında varam.
Üstünü kül örtmüş bir ocağam mən,
Balaca bir mehdən qaynayar yaram.

#FikrətQoca

Gecə keçir... Nədən bəs?
Yuxu gəlmir gözümə?
Niyə yata bilmirəm,
Mat qalmışam özümə...

Ürəyimin atəşi
Məni cana gətirmiş.
Səni tapan gözlərim
Yuxusunu itirmiş.

Yuxum qaçıb gözümdən,
Ürəyimlə bərabər.
Pəncərənin önündə,
O dolaşır gecələr.

Yuxu qaçıb gözümdən,
Sevgi bunu, sevgilim?
Pəncərənin önündən,
Qov yuxumu, sevgilim!


#BəxtiyarVahabzadə

Durur ayrıldığım kölgəli çinar,
Durur Gəncədəki bizim institut.
Xəyalım bir yerdə tutmadı qərar,
İlləri andırdı bir anlıq sükut.

Neyləyim, unutmur insan ürəyi,
Yaşadım dünyadan könlü yanıqlı.
Düz dörd il geyindim köhnə pencəyi,
Qolu gödək oldu, boynu yamaqlı.

O pencək saxladı məni soyuqdan,
Doğru danışmağı çoxu ar bilir.
Əynindən çıxardıb vermişdi atan,
Heç kim bilməsə də, qonşular bilir.

Bəzən ac da qaldım, daha nə danmaq,
Danışıb gülməyə könlüm olmadı.
Şeirim qəzetdə çap oldu, ancaq
Bir qəzet almağa pulum olmadı.

Lakin bu dərdimi bilmədi heç kim,
Mən bildim qədrini sevincin, qəmin.
Arabir xəlvəti baxıb sevindim,
Təzə yamağına köhnə çəkməmin.

Gülmə, görməmisən o sevinci sən,
Xoşbəxt böyümüsən, xoşbəxt ol, anam.
Bir də bilirsənmi, mən o sevincdən
Dünyada heç kəsə arzulamıram.

Ömrün yolları da pilləkan kimi,
Gendən ucalara lap çox baxmışam.
Mən o pillələrlə bir insan kimi
Gör ki, necə gəlib, necə qalxmışam...

#NərimanHəsənzadə