Sixième année médecine Batna promo 2019

بيان الكرامة.

اخت لنا بوضياف هانية ، ابنة المنطقة التي اقطن بها ، أم لـ 5 أطفال تناشدنا لإجراء

عملية جراحية ، اختنا تعاني من تليف الكبد منذ أكثر من 8 سنوات

قال رسول الله صلی اللہ علیہ وسلم من فرج عن مسلم كربة من كرب الدنيا فرج الله عنه كربة من كرب يوم القيامة، والله في عون العبد ما دام العبد في عون اخيه

استعين بالله تعالى و أتوجه إلى أهل الخير

وأصحاب الأيادي البيضاء والقلوب الخيرة بهذه المناشدة داعية من الله تعالى أن تجد قبولا لدى قلوبكم الكريمة من اجلها و من اجل مستقبل اطفالها

للاتصال :

الوالد : بوضياف عبد المجيد

CCP 6551288 94 مفتاح

0664925160 :جوال

#هاشتاق_كلنا_الأخت_بوضياف_هان ية

⭕تذكير : السلام عليكم و رحمة الله ، فيما يخص حملة "عون لغزة" لم يكتمل المبلغ المُراد و لكن الموعد اكتمل ، لذلك نُبلغ كل مُؤمِّل المشاركة بامكانية التواصل مع الأخ @sifouch1 طيلة الساعات الأخيرة قبل استكمال عملية إرسال التبرعات لمستحقيها و بارك الله فيكم

سلام يا أهل الخير. مريضة محتاجة ماديا وبحاجة لهذا الدواء لي عندو ويقدر يوفر وحدة ولا زوج ولا يعرف لي يقدر يوفرهولها يتواصل معانا وجزاكم الله

جماعة، عمروا هذا الاستبيان من فضلكم

https://forms.gle/q9zfcnHYEMFmuaa28

استطلاع آراء من طرف الطلبة الأحرار لولاية باتنة.

https://t.me/med_pharma_dent

- إذا تم الحكم بعدم شرعية هذا الإضراب ، ندخل إضراب جديد بمطالب جديدة و مفصلة .

- إذا تم إتهام الممثلين بالتحريض و ايداعهم الحبس المؤقت أو تغريمهم ، سندخل في اضراب مفتوح جديد الى غاية انصاف الممثلين .

- اذا حدث و تدخل الامن ، كل واحد يروح لدارو و الاضراب يبقى مستمر .

- اقتراح رفع دعوى قضائية من طرف الطلبة ضد الادارة التي قامت بشخصنة الدعوى المرفوعة .

- عليكم بالاستمرار لأن التوقف الآن يعني الخسارة .. بغاو يديرو جميع الطلبة exclu يديرو ( شيء مستحيل ) .

النخبة لا تهان و لن تهان .. " الاتحاد و الاستمرارية " هم اساس النجاح ..

#إضراب_الكرامة
منقول

#طلبة_الطب_يناشدون_رئيس_الجمهورية_للتدخل

عريضة كتبها ممثلو الطلبة بالعاصمة  يوم 18/11/2024 من أجل إرسالها للسيد رئيس الجمهورية
لكن وساطة الجمهورية الوطنية قد رفضت نقلها
لذا الرجاء نشرها على أوسع نطاق مُرفقة بالهاشتاغ الآتي :

السّلام عليكم

بعد استشارة قانونية حول المعطيات الحالية جيت نمدلكم المنظور القانوني تع وش حدث و وش ممكن يحدث

اولا ، الجهة لي شكات قدمت ادّعاء مدني ، وش معنتها؟
معنتها الشكوى مزالت مش مقبولة بل ممكن يقبلوها او لا

لهذا راح تصرا جلسة سماع للاقوال من طرف الممثلين تع الكليات المختلفة من طرف قاضي التّحقيق و من ثما يقررو هل يروحو للشرع او لا

منطقيا ، الادعاء هذا يخلاص قبل ما يبدا ، لانه معندوش قواعد قانونية ثابتة ، بل راهي ضد "concept تع الاضراب" و ليس ضد شخص معيّن هذي اولا ،
و ثانيا الاضراب بحد ذاتو قانوني و محمي بفضل الاشعار تاعو

في حالة ما قبلو الادعاء ، نروحو للشّرع ( و صراحة معلاباليش اصلا شكون يحضر و كيفاش!)
بعد محاكمة المحكمة الادارية رايحة تقرر هل الاضراب شرعي او لا

يعني حاليا ، فوق الورق
الاستدعاء هذا راح يفشل و معندوش رجل يوقف عليها
و نظن هي بالاكثر من اجل تشتيت الانتباه و تفكيك الصّفوف

الممثلين راح يجتمعو اليوم و يقررو وش الخطوة الموالية و نسناو البيان تعهم

لذلك نطلب منكم متبعوش الجهات لي تزرع الهول في نفوس الطّلبة ، هدفها فقط التّفاعل

السلام عليكم

ماتخافو ما والو

راهي وحدة من طرق الوزارة باه تضرب الاضراب قالك صحا صحا نشوفو في المحكمة اذا الاضراب تاعكم قانوني ولا لا.
شوفو التوقيت زعما اليوم بالخميس باه زعما زعما يفرو كلش بالويكاند وزعما زعما نرجعو نقراو
نورمالمو نفرحو لأنو بداو ياخذونا بجدية
هي في كل الاحوال خطوة متوقعة كنا نستناو فيها برك وقتاه

مجددا متخافوش نحكمو في بعضانا واحد مايقدرلنا

اضرابنا شرعي وحقنا في الاضراب مكفول دستوريا

تشفاو كي كنا نقولو لازم البصمة هنا يجي وقت البصمة بلي طلبة راهم صح في اضراب وموافقين عليه

هذا وين الاضراب راح يبدا صح صح بكري كامل كان غير جس نبض

استعدو راح ندخلو مرحلة جديدة راح يكون فيها يا نجيبو كلش يا نخسرو كلش

ربي يحفظكم لازم وعي بالقضية يوصل للسقف بارك الله فيكم

مجددا متخافوش
رانا يد وحدة مكملين

Soyez solidaire et nombreux


#منقول

الإضراب الطلابي الذي نفذ في هذه القضية كان نتاجا لقرارات ديمقراطية اتخذها الطلاب أنفسهم، حيث مثل ممثلو الطلبة مجرد صوت رسمي يعبر عن الأغلبية التي اختارت الإضراب كوسيلة لتحقيق مطالبها المشروعة.
1- شرعيه الاضراب:
وفقا للدستور الجزائري، الإضراب حق مكفول شريطة احترام الإجراءات القانونية. الطلبة حرصوا على تنظيم الانتخابات بشكل منتظم لاختيار ممثلين يمثلون إرادتهم الجماعية.
الإضراب جاء نتيجة رفض الطلاب للوضعية الحالية واستمر بناءً على الأصوات التي تُجمع بطريقة شفافة وديمقراطية، مما يعكس الشرعية القانونية والأخلاقية للتحرك.
2 -دور ممثلي الطلبه:
ممثلو الطلبة لم يتخذوا قرارات فردية، بل كانوا حلقة وصل بين الوزارة والطلاب، ينقلون مطالبنا واستجابات الوزارة بكل شفافية دون تدخل شخصي.
جميع الاجتماعات المطلوبة من الوزارة حضرها الممثلون، وتم خلالها عرض جميع الاستجابات الرسمية للوزارة على الطلبة كما هي، دون إضافة تعليقات أو تلاعب في المعلومات.
القرارات النهائية بخصوص الاستمرار أو التوقف عن الإضراب كانت تُترك دائمًا للطلاب، بناءً على تصويتاتهم وآرائهم، مما يعزز مبدأ الديمقراطية في هذا التحرك.
- 3كل الاجرائات قانونية :
ممثلو الطلبة كانوا دائمًا حريصين على احترام الإجراءات القانونية والاجتماعات المطلوبة، مما يجعل اتهامهم بأي تصرف غير قانوني غير مبرر.
هدفهم الوحيد كان توصيل صوت الأغلبية وحماية المصالح الجماعية للطلبة، دون التورط في أي ممارسات تعسفية أو فردية.
الزبدة :
ممثلو الطلبة لم يكونوا سوى وسطاء لنقل مطالبنا ورؤيتنا، مع الالتزام التام بالقوانين والإجراءات. أي محاولة لتجريمهم هي تعدٍّ على حقوقنا الجماعية وعلى حرية التعبير المكفولة بالدستور الجزائري .

#لا_لاهانة_العلوم_الطبية
#صامدون_صامدون

‼️‼️⚠️⚠️⚠️عاجل⚠️⚠️⚠️‼️‼️
تم رفع دعوة قضائية من طرف الوزارة ضد ممثلي الطلبة وطنيا لدى المحكمة الإدارية
ممثلة طلبة الصيدلة و ممثل طلبة الطب بكلية باتنة جاهم استدعاء ديجا

فضلا أيها الإخوة والأخوات..
اكثر وقت لازم نكونو فيه Solidaire هو هذا الوقت بالذات

يوم الأحد طلبة باتنة كامل مطالبين يجيو للكلية و يوقفوا مع خاوتهم..
لوكان جا كونطرول ولا سطاج ولا تيدي راكم كل دايرين الصف لا ظروف لا والو...
هذا هو وقت الواجب ..لي مكانش يجي من قبل دير كرامة لعمرك و فيق ..الناس تضرب في الطابلة على حقك و نتا قاعد

‼️‼️‼️‼️اعلموا صحابكم بش يجيو ‼️‼️‼️‼️

بسم الله و الحمد لله و الصلاة و السلام على رسول الله أما بعد ، نداء للإخوة الطلبة ، هؤلاء الذين يجوعون و يعطشون في غزة هم إخوانكم المسلمون فمن لهم غير الله و غيركم ، كاين إخوة بارك الله فيهم دارو الحملة هذي تاع عون لغزة و بإذن الله كلش موثق و شفاف على قناتهم تلغرام و واتس و من بين القائمين على التظاهرة طلبة معنا في كلية الطب و راهم يشكيو النقص الكبير لإقبال الطلبة على هذا الخير لذا حبذا لو نشاركوا كلنا و لو بمبالغ رمزية كوننا مازلنا طلبة و عندنا ظروفنا لكن يبقى العدد تاعنا كبير و نقدرو نلموهم مبلغ محترم ، فبارك الله فيكم الاقبال الاقبال و المسابقة المسابقة لهذا الخير ، و السلام عليكم و رحمة الله
✅ قناة تلغرام https://t.me/aownlegaza
✅ مجموعة واتس اب https://chat.whatsapp.com/JlgNerfYNNwHf0XvweMD2E

🔴 السلام عليكم.
بعد قرار عقد cp يوم غد مع ممثلي الطلبة يوم غد لإستئناف الدراسة ( حطونا أمام الأمر الواقع ) ، ستتم مقاطعة ال cp من طرف الممثلين بعد تصويتكم بذلك و دعمكم لهم في ال AG .
هذا القرار من الوزارة نعتبره ضغطا و إهانة لنا ، واحد مايهينكم و واحد مايعفس في قراركم .
لهذا لازم غدا الحضور يكون بقوة و أكثر من أي وقت بش يعرفوا بلي الإضراب مزال مش حابس ✊🏻
واجب عليك أنك تجي أخي الطالب أختي الطالبة .

📌رسائلكم:

✅ " السلام عليكم طبيبة

علابالي قلتيلنا مش رحا نزيد نهدر على حضور الإضراب خاطر رانا نتعاملو مع نخبة لي المفروض تفهم بلامنعاودو الهدرة أحترم ذلك بصح تعيشي عقبيلي هاذا الميساج

حبيت نقول للجماعة لي مش تحضر راهي نفسيات الناس لي تحضر دايما تعبت ، رانا ما عدنا قادرين لا نقراو لا نعيشو . صح كاين أنشطة و تحية للناس لي راهي تحاول تبدللنا الجو ، لكن الوضع راه متعب .

كلو بسبة غيابكم. نشوف روحي أني تعبانة و مدمرة و زملائي شادين الدار مرتاحين و يقراو . رانا كلنا ناس و كلنا نحسو و نتعبو !

ماشي نتوما بشر و حنا حجر .
لهذا اذا بقات فيكم ذرة انسانية ماذابينا تجو ، و نشوفو عددنا كبير ، و نرتاحو نفسيا بلي إضرابنا مزال على خير . و بلي تعبنا و وقتنا ماراهش يروحو باطل.
و ديرو في بالكم بلي ماراهيش شطارة ، راكو تخلصو حق تعبنا غالي عند ربي ... و انا وحدة مش مسامحة في ولا ذرة من تعبي و وقتي

ماراناش نهدرو على ليراهم ضد الاضراب ، هاذوك على الاقل عند كلمتهم ، راني نهدر على لي من جهة يقولو نعم و من جهة ما يجوش ؟!

علاه تقولو نعم مالا ؟! قولولنا مش جايين بش نربحو الوقت على الاقل و نرجعو نقراو ... مش حنا واقفين و نتوما راقدين . عيب و عار "

لقد أسمعت لو ناديت حيًّا ، لكن لا حياة لمن تنادي ... 💔

✅ " من فضلك زيدي لحقي ميساجي مع تاع الأخت

حنقولكم برك بلي هل يشرفكم أن تنطبق عليكم آية : "وَلَئِن جَاءَ نَصْرٌ مِّن رَّبِّكَ لَيَقُولُنَّ إِنَّا كُنَّا مَعَكُمْ ۚ "

هذه الآية على لي كانو يهربو وقت القتال مبعدا كي يربحو المسلمين يجو يقولولهم حنا ثاني رانا معاكم تقاسمو معنا نصركم.
هل راح يسمحلكم ضميركم اذا تحققت المطالب باذن الله أنو تجو و تتنعمو بيها بعد ما رقدتو في وقت الصح ؟"



#MILI
#منقول

السلام عليكم.
الوقفات لم تتوقف و لن تتوقف و عليه غدا توجد وقفة على الساعة العاشرة كالعادة .
و بالتزامن مع الوقفة ،ماتنساوش بلي راح تجي حافلة للتبرع بالدم حاتكون في ساحة الكلية 🩸
Soyez nombreux .

🎊 رسميا: 🎊

كلية باتنة تتخطى نسبة 70% من الطلبة (طب + صيدلة) في استبيان الإعتماد.

ستبدأ الآن عملية الفرز و إعداد التقارير لإرسالها إلى هيئة cidmef.

فيها خير إن شاء الله. ✨

هذا مثال تقدروا تستدلوا بيه قليلا 👆🏻👆🏻
(لكن لا يعني أنكم ما تكونوش موضوعيين وتحكموا بناء على تجاربكم الخاصة)

Check this out ! 🔥👇🏻👇🏻

منقول عن زميلتنا بحثت فالقانون :


زملائي الأعزاء، طلبة العلوم الطبية

الحمد لله رب العالمين، بعد شهر من إضرابنا تحققت خطوة أولى مهمة وهي إصدار مراسلة وزارية ترخص لعمداء كليات الطب والصيدلة وطب الأسنان من التعامل مباشرة مع الهيئات الدولية، مثل ECFMG، لتأكيد صحة الشهادات والوثائق الأكاديمية للخريجين ولكن، هل هذا يعني أننا وصلنا إلى هدفنا النهائي فيما يخص التأكد من شهاداتنا؟ بالتأكيد لا.

📌المراسلة خطوة مهمة في الاتجاه الصحيح، ولكنها ليست كافية. فما نحتاجه فعلا وما طالبنا به منذ بداية إضرابنا هو إصدار مرسوم وزاري يضمن ديمومة و رسمية تطبيق هذه التعليمة على المدى الطويل (وكذلك كل التعليمات والقرارات الناجمة عن الاستجابة لمطالبنا بشكل رسمي) 

❓ما الفرق بين المراسلة والمرسوم الوزاري ❓

📍📄 المراسلة هي كمنزل بني على رمال متحركة. مهما كانت هذه المراسلة قوية ومفصلة، فإنها تبقى معرضة للتغيير والتبديل في أي وقت ولا تضمن استمرارية تطبيق القرار.

🔘 المراسلة ليست قانوناً ملزماً؛ هي تعليمة إدارية تصدرها الوزارة لتوجيه تعليمات أو إعطاء معلومات معينة للأطراف المعنية، ويمكن تعديلها أو إلغاؤها بسهولة، خاصة مع تغير المسؤولين أو السياسات(قد يأتي مسؤول جديد برؤية وسياسات مختلفة، مما يدفعه إلى التعديل أو إلغاء القرارات التي لا تتوافق مع رؤيته أو مع الظروف المحيطة)


📍📄 أما المرسوم الوزاري فهو كمنزل بني على صخرة صلبة. هو نص قانوني صادر عن الوزير، له قوة قانونية ملزمة ويتم نشره في الجريدة الرسمية؛ النص القانوني الأعلى درجة و الذي يضمن حقوقنا بشكل قطعي ولا يمكن تغييره بسهولة، وهو الضمانة الحقيقية لاستمرارية تطبيق إجراءات توثيق و تأكيد شهاداتنا.

🎯 المرسوم الوزاري هو قوة قانونية ملزمة للجميع، ولا يمكن لأحد تجاوزه أو مخالفته.
🎯 يضمن المرسوم الاستقرار القانوني، ويجعل من الصعب إلغاؤه أو تعديله.
🎯 يضمن المرسوم الوزاري استمرارية تطبيق هذه التعليمة حتى في حال تغيير المسؤولين أو الهياكل الإدارية.
🎯 زيادة الشفافية وتوحيد الإجراءات الواجب اتباعها بشكل واضح، مما يجنبنا أي لبس أو تأخير.
🎯 يضمن المرسوم حصولنا على حقوقنا كاملة دون أي نقصان و بشكل رسمي وسريع.

📢 نظراً إلى أن إضرابنا نحن طلبة العلوم الطبية ما كان إلا للمطالبة بحقوقنا المسلوبة، فإن إصدار مرسوم وزاري مشترك بين وزارة التعليم العالي و وزارة الصحة، ينص على ضمان حق طلبة العلوم الطبية والأطباء الأخصائيين في توثيق شهاداتهم والتحقق منها سيكون أكثر إقناعًا لنا، حيث سيكون الضمانة الحقيقية للحصول على حقوقنا كاملة ويؤكد استجابة دولتنا لمطالبنا. كما أن المراسيم الوزارية ستعطي صورة إيجابية عن الدولة وحرصها على تلبية مطالب طلابها وأطبائها وضمان مستقبل مهني واعد و مستقر لهم

🔴 الوقفة غدا إن شاء الله على الساعة 9:30

صفحة الممثلين الرسميين لطلبة العلوم الطبية

https://www.facebook.com/profile.php?id=61568229405248&mibextid=LQQJ4d

راني عاودت حطيتلكم حصالة جديدة عند مراد كوبي

المبلغ الحالي مزال بعيد 3075 دج

الميڤافون الصغير ب 500 ألف (قالي مايكفيش )

المتوسط نسيت قداه قالي (قالي الباتري تاعو ماتساعدكمش )

او الكبير لي نصحني بيه يدير ب المساعدة علا حساب ما قالي 11 مية
بارطاجو البيب مع صحابكم السنوات الأخرى حتا مع زملائنا تخصص صيدلة

🔴 لي لقى شهادة BAC يتواصل معانا فالبوت. زميلة أضاعتها.

https://e-nyaba.mjustice.dz/nouvelle_plainte.php
كلكم وعيا ، ليس فقط كلام وتعليق
قوموا بايداع شكوى ضد خري عبد الناصر واخرى ضد قناة النهار
Partagez le lien 📍

⭐ تفقدوا هذا العمل الإبداعي لزميلنا في الدفعة @Badro_reziga وشاركوه مع أصدقائكم.

https://www.instagram.com/reel/DCPZlvMIeLb/?igsh=MWI0OHh5aXZveHNqYQ==

حائز على المرتبة الثالثة في الحدث الدولي pixel medz 🤎 ما شاء الله ✨

تقدروا تطرحوا أفكاركم في ڨروب فعاليات الإضراب ولا تنضموها وحدكم وتعرضوها

وهذي مجموعة الفعاليات لمن يريد أن ينضم أيضا ويساعد ...
https://t.me/fa3alyatkarama

السلام عليكم...
🔴 تنويه لنقطة هامّة جدا...
كيما عمبالكم معانا مجموعة من الزميلات قائمات على فعاليات الإضراب ومسؤولات على كامل المأكولات الخفيفة وقارورات المياه لي تلقاوهم فوق الطاولات، جزاهن الله كل خير. 🤎
هذه المجموعة لاحظت للاسف أن الطلبة غير متعاونين كما ينبغي...

المشاركات ماهيش تلحق بكري، وبمجرد ما يوصلوا يبداو الطلبة يهزوا قبل ما يحطوا المنظمين كلش ولا يزيدوا الملصقات (التي تضيف لمسة خاصة للإضراب). بمعنى أنكم ما تمدولهمش حتى الوقت الكافي أنهم يجهزوا الطاولات كما يجب ويصوروهم ويبينوا بلي كليتنا نشطة...!
لذا من الأحسن تصبروا إلى حين تجهز الطاولة كليا ويصوروا ومبعد هزوا وش حبيتو. (وما تقعدوش فوق الطاولات...)

نفس الشيء بالنسبة لقارورات المياه... ومن فضلكم ديروا اعتبار لبعضاكم ما تكونوش أنانيين. انتبهنا أنو كاين طلبة يهزوا قارورات الماء ويوقفوا جهة المدرجات ما يعيطوا ما يتحركوا. في حين أنو كاين أشخاص بعد الهتافات والوقوف في الشمس يكونوا ميتين بالعطش ما يلقاوش وش يشربوا...

وبالحديث عن الجماعة لي ما زالوا يوقفوا جهة المدرجات، أظن أنو تحدثنا وهتفنا بما يكفي في هذا الصدد. يعني... رانا كامل كبار ونفهموا.. راهو عيب زملاءكم وزميلاتكم يوقفوا في الشمس ويهتفوا ملء حناجرهم حتان يبحّوا، ونتوما واقفين ساكتين وتتفرجوا فيهم كيفاش يعيطوا (؟؟؟) حتى ولو طلعتوا تصوروا وتوثقوا بضع لقطات من مكان أعلى، التصوير مش ساعة كاملة (3 دقائق على الأكثر وتهبط) وماكمش كامل cameramen.

فلو سمحتم، نرجو منكم مراعاة هذه النقاط. خصوصا مسألة طاولة الفعاليات، تحلوا ببعض الصبر...
وانشروا هذه الرسالة مع زملائكم من السنوات الأخرى لأن دفعتنا ليست الوحيدة المعنية بالأمر...

تذكروا أننا النخبة، إذًا فلتعكس تصرفاتنا هذه التسمية ✨
Soyez civilisés. Soyez solidaires.

لي ودر مبلغ مالي اليوم في الوقفة يبعث فالبوت

إنا لله و إنا إليه راجعون
زميلتنا اوراغ ليلى في ذمة الله 😭😭😭😭😭
طالبة سنة خامسة صيدلة في كلية باتنة توفتها المنية اليوم بعد صراع مع المرض تذكروها من صالح دعائكم بارك الله فيكم💔😭
اللهم ارحمها واغفر لها اللهم اجعل قبرها روضة من رياض الجنة