Dernières publications de سئچیلمیش شعرلر (@secilmiseirler) sur Telegram

Publications du canal سئچیلمیش شعرلر

سئچیلمیش شعرلر
ادمین
@saharxiyavi
بو آخاقدا، سئودیگیم ادبی اثرلری پایلاشیرام.
1,277 abonnés
2,440 photos
1,342 vidéos
Dernière mise à jour 06.03.2025 04:41

Canaux similaires

توُرک سوُزی💯
7,740 abonnés
عمران تورکجه
1,546 abonnés
Sonsöz | سوْن‌سؤز
1,161 abonnés

Le dernier contenu partagé par سئچیلمیش شعرلر sur Telegram

سئچیلمیش شعرلر

02 Mar, 10:13

35
#شرحسیز
https://t.me/secilmiseirler
سئچیلمیش شعرلر

02 Mar, 09:22

42
چاتدی حالاللاشماق واختی، آ یئرلر
یاماجلار الویداع-یاللار الویداع.
هر یارپاق مهریبان بیر أله بنزر
منه أل ائیله‌ین أللر الویداع.

دردیمی هئچ کیمه آچا بیلمه‌دیم
هیجرانین الیندن قاچا بیلمه‌دیم
ظولمون سدلرینی کئچه بیلمه‌دیم
چمنلر الویداع-چؤللر الویداع.

بیر اوْجاغین اوْدو-کؤزو اولمادیم
سازا دؤنوب یانیق کرم چالمادیم
توْزا دؤنوب قوینونوزدا قالمادیم
جیغیرلار الویداع-یوللار الویداع.

کۆکره‌یه-کۆکره‌یه قابارمادینیز
حسرتین بندینی قوپارمادینیز
یۇیۇب دردلریمی آپارمادینیز
یاغیشلار الویداع-سئللر الویداع.

هله بو دۆنیادا قالماق پاییم وار
بختیمین اۆزۆنه گۆلمک پاییم وار
آزادلیق یوْلوندا اؤلمک پاییم وار
اوْبالار الویداع-ائللر الویداع.

#شاهمار_اکبرزاده

@qanadli_duyqular
https://t.me/secilmiseirler
سئچیلمیش شعرلر

02 Mar, 08:55

36
☀️🔸🔸🔸


نرم‌نرمک می‌‌رسد اینک بهار
خوش به‌حالِ روزگار...

خوش به‌حالِ دختر میخک
که می‌خندد به ناز

خوش به‌حالِ جام لبریز از شراب
خوش به‌حالِ آفتاب

ای دلِ من گرچه در این روزگار
جامۀ رنگین نمی‌پوشی به کام
بادۀ رنگین نمی‌بینی به‌ جام
نُقل و سبزه در میان سفره نیست
جامت از آن می که می‌باید تُهی‌ست
ای دریغ از تو اگر چون گُل نرقصی با نسیم
ای دریغ از من اگر مستم نسازد آفتاب
ای‌ دریغ از ما اگر کامی نگیریم از بهار

گر نکوبی شیشۀ غم را به سنگ
هفت‌رنگش می‌شود هفتاد رنگ


✍#فریدون_مشیری


https://t.me/secilmiseirler
سئچیلمیش شعرلر

02 Mar, 08:24

36
💢💢💢



بخته‌وردیر دئییسن بلکه بو گون دردلی سارا؟!
بیلمیسَن دردلرینی هئی دانیشیر داش دووارا

مین دؤنه فابلایاسان دا آغارا باش یازیسی
توخونوبدور بو خالی ایلک گونو ایلمه قارا

یازیسان آیریلیقی من اوخویوب  سئودیجه‌ییم
وورولور سانکی سولوقلو یارامین اوسته یارا

هئچ گؤروبسن بیرینی اؤز اوره‌گیندن آسیلا؟!!
منی عاشیق اوره‌ییم آیریلالی چکدی دارا

بیر توزویدوم گونَشین شوقی ایله فیرلاندیم
گؤرکو سئوگین بو "منی" چکدی یئر اوستوندن هارا؟!

چاخماغین دیر چاخیلیر کؤنلومه هر چاخدیقجا
قلبیمین کول قابیسیندا کوزَه‌ریر مین سیگارا

سنی مندن آییرانلار گونو آخ وای اولسون
بوتون عؤمرون گؤره‌لیم سن کیمی اولسون آوارا

او قَدَر تاره دئدیم نیسگیلیمی من قارا گون
اینانانمازسان الیمدن داها تار گلدی زارا

گیزله‌دیدیک دئییرم کئشگه یاشیل سئوگیمیزی
ساده اولدوق گؤزه گلدی بئله کی دوشدو جارا

آتمادی آرپا چایا قورخدو اؤلوم تهلوکه‌سین
گونده حسرت دنیزینده بوغولور غملی "سارا"

"خان چوبان" یانما منیم دای اودوما آند وئریرم
بو قفسدن داها بیر قورتولوشا یوخدو چارا

✍#سحر_خیاوی

#ایمگه‌لر_کانالی https://t.me/secilmiseirler
✔️✔️✔️
👇👇👇
https://telegram.me/imgalar
https://t.me/secilmiseirler
سئچیلمیش شعرلر

02 Mar, 08:20

33
شاعیر اولماقدان اؤترو

بیر آز گونش، بیر آز هاوا،
بیر آز یاغیش اولمالی.
بیر آز آغاج، بیر آز یووا،
بیر آز دا قوش اولمالی.

بیر آز گئجه، بیر آز کوچه،
بیر آز ایشیق اولمالی.
بیر آز جاوان، بیر آز قوجا،
بیر آز اوشاق اولمالی.

بیر آز اؤزگه، بیر آز دوغما،
بیر آز تانیش اولمالی.
بیر آز نغمه، بیر آز دوعا،
بیر آز قارغیش اولمالی.

بیر آز سئوگی، بیر آز گوناه،
بیر آز ثاواب اولمالی.
بیر آز شوبهه، بیر آز سؤال،
بیر آز جاواب اولمالی.

بیر آز دونن، بیر آز بو گون،
بیر آز صاباح اولمالی.
بیر آز کافیر، بیر آز مؤمون،
بیر آز آللاه اولمالی...

#رامیز_رؤوشن

@qanadli_duyqular
https://t.me/secilmiseirler
سئچیلمیش شعرلر

02 Mar, 08:18

36
بیر بهانه بولدا بیرده گؤروشک
اوره‌ییم چوخ آما اؤزله‌ییب سنی
دئمیرم ساریلاق یوخسا اؤپوشک
گؤزلریم چوخ آما گؤزله‌ییب سنی

یاشام نه قورخویموش نه ده راحات‌لیق
سئوگی اوره‌یین‌ده پارتلایان قوروق
اولسون بیزیم اوچون بیرجه ساعات‌لیق
اورک‌دن-اوره‌یه چکیلمیش یولوق

دوغروسون ایسترسن خوشدور اوره‌ییم
سنی سئودیم‌دن یاشام دؤنسه ده
دئمیرم سئوگین‌دن بوشدور اوره‌ییم
محبت اودلاری کوله دؤنسه ده

باخسان گؤی‌لرین‌ده یوخوسو گلیر
گؤردوک‌جه یئر آدلی تئاتر سالونون
هله ده اوستوندن قوخوسو گلیر
تئاتردان اؤنجه‌کی اودکولونون..

بیر آن آیاق ساخلا خزل‌لر اوسته
قوی پاییز اینیلتیم دوسشون چؤل‌لره
بو حالی یازدیق‌دا غزل‌لر اوسته
قلم شاهید اولسون اسن ال‌لره

بئله سانما چکیب گئتسن یولونو
قلبیمه آرتیق‌جا آغریلار دَیَر
ترسه گؤرسترسن‌ده سن بو اویونو
گؤزلرین دوغرونو منه سؤیله‌یر...

#مهدی_سربازی_علمداری


@qanadli_duyqular
https://t.me/secilmiseirler
سئچیلمیش شعرلر

02 Mar, 08:11

35
https://t.me/secilmiseirler
سئچیلمیش شعرلر

02 Mar, 08:06

40
گئدن توپراقلاری قایتارماق اوچون
ساواشا بیلمه‌دیک، صولحه اؤیوندوک

آتامیز قورد ایدی، آنجاق بیز بوگون
اللردن اوت یئیه‌ن قوزویا دؤندوک

✍ بختیار وهاب زاده

🔺@dushunmek🔺
https://t.me/secilmiseirler
سئچیلمیش شعرلر

02 Mar, 06:36

58
هر ایش،
بیر یئردن باشلانیر
هر شئی بیر جور سینیر ساده‌جه
آغاجلار بیر جور
داشلار بیر جور
قوشلار بیر جور.
آمما آداملار،
بیر آز چئشیدلی سینیرلار؛
کؤرپودن دوشن کیمی یوخ
قایادان اوچان کیمی یوخ
اؤلومون قاباغیندا اییلن کیمی یوخ!
آدام،
هردن آتدان دوشوب، سینیر
هردن گؤزدن
هردن قلمدن
هردن،
سینیرلاری سیندیرا بیلمه‌دییی یئرده پارالانیر
هردن،
پاراسیزلیقدان سینیر آداملار عادی‌جه
و ها بئله...

شاعیر‌لرایسه؛
تنهالیغینی تک چکیب،
ایتییینین دالی‌سیجا قاچماغیندان
باجاریقلی گونلرینی اونوتماغیندان سینیرلار.
شاعیر
اوزونه قاپیلار باغلاییب،
گؤزلرینی مصراع‌سیز خیاللارا اوغورلادیب.
آرتیق
سیناغا تابلاشا بیلمه‌دیییندن
قافیه‌سیز سئودیگیندن
کؤرپه گولوشونو ردیف‌سیز گؤردویوندن سینیر
هئجاسیز بسله‌دییی داورانیشدان
ماراقسیز پئشه‌دن
تامسینمادیغی آزادلیقدان
و چوخ اومسوق، اومودسوزلوغوندان سینیر.
بعضا؛
اوزو قارالیقلا حیات سورمک
تراژدی‌لی عؤمور کئچیرمک
بیر دفعه بوش اؤلمک‌ده آغیر گلیر شاعیره.
و دیلینین قورخولوغونو
شعر‌یله گؤتوره بیلمه‌دیییندن سینیر
قوردا، قوشا وئریر الینی.
بعضا ده؛
قوش اورکلی یاشاییب،
گئجه‌لر اؤز سسینه اویانیب
گوندوزلر توفنگین آدینا دیکسینیر شاعیر.
نهایت‌ده؛
امه‌یی، یان گئتمه‌سین دئییه
کؤکسونو اؤتوروب
اؤزونو اوخشاییب
سینیخلارینی توپلاییب
یارالارینی کیتاب باغلاییر آدینا
و بئله‌سی‌ ده سینیر شاعیر.

#یعقوب_نیکزاد ❣👇👇👇❣
https://t.me/secilmiseirler
سئچیلمیش شعرلر

01 Mar, 22:23

71
▫️ماراقلی یالان

گلین، بیر ماراقلی یالان دانیشیم!
مضمونو باشقادی، فورماسی باشقا.
منیم یالانیمین ایپی فرقلیدی،
منیم یالانیمین تورباسی باشقا.

«یالان آیاق توتار، یئریمز» دئدی،
ان دوغرو یالانی بابام دانیشدی.
او گوندن بو گونه بابام قاریشیق-
بوتون یالانچی‌لار منه تانیشدی.

داها ملک‌لرین غملی‌دیر کؤنلو،
داها شئیطان‌لارین چارخی یاغلی‌دی.
کیم دئییر «قیرخ گوندو یالانین عؤمرو»؟
ایندیکی یالانلار قیرخ‌آیاقلی‌دی.

ایندی بیر سؤالین جاوابی مین‌دی،
حقیقت یالانین اؤزوندن کئچیر.
دونیانین ان یئکه یالانی ایندی،
ان خیردا ایینه‌نین گؤزوندن کئچیر.

من ده یالانچی‌یام، شعریم باش قاتیر،
هله دئمه‌دیگیم نئچه یالان وار.
منیم دانیشدیغیم یالان باشقادیر،
یانیندا یالان‌دیر بوتون یالانلار.

یوْزون، یالانیمی مین یئره یوْزون!
منیم یالانلاریم یانان چیراق‌دی.
شعرلر- ان گؤزل فیکیر تابلوسو،
شاعیرلر ان گؤزل یالانچی‌لاردی.

#منصور_حسن‌زاده
#شعر_اوجاغی
@SheirOcagi
https://t.me/secilmiseirler