سئچیلمیش شعرلر Telegram Posts

آذربایجان قیزی یام ...

خط:
#ریحان

🆔 @ReyhanK1990

بو تبریزه نه گلیب؟ ارکی گؤرموشم یوخودا
بو تبریزین هاواسین بورکو گؤرموشم یوخودا

دالان- دالان داغیلیر بو شهر، و گؤی مچیدی
آذان- آذان قورو منبر کی گؤرموشم یوخودا

نه سسدی بوردا اوشوتمه دوشور باغین جانینا
نه وار گؤرن بو گئجه کرکی گؤرموشم یوخودا

آزادلیغی توتولوب، آرزوسو دیدرگین اولوب
باشیندا طنطنه‌لی سرکی گؤرموشم یوخودا

دؤنوب داشا بورانین تورپاغی، قوچاق نبی‌نی
و گولله کئچمه‌ین اول بؤرکو گؤرموشم یوخودا

دیله توتوب باخیشین، تبریزه چکیب، گتیریب
نه گونده‌یم بو دیلی تورکو گؤرموشم یوخودا

نه تئز ییخیلدی، تؤکولدو آلینمایان قالالار؟
بو تبریزه نه گلیب؟ ارکی گؤرموشم یوخودا

#یعقوب_نیکزاد ❣👇👇👇❣
https://t.me/secilmiseirler

💢💢💢



#سن_بیر_قادین

قاپی آرخاسیندا دیزلرینی قوجاقلایان
ایچقیرا - ایچقیرا آغلایان
ماوی اینجه؛
سن بیر قادین...
بودور سنین آلین یازین
گؤز گؤیرمه‌لر
قیچ - قوْلون قارا قان چیرما
آجیماسیز یومروق‌لار هیم‌لشمه‌سینده
پامبیق بارماق‌لارینی گؤیه دیکمه‌لر
سندن بیر یانلی داد آلماق
اؤنونده بیر دامازلیق لذّت
سن اوْنا حسرت
بیر گؤز قیرپیمیندا تکرارلی خیانت
ائیلم‌لر بیرلییینده آدی دَیانت
سن بیر قادین...
آجی دونیا دیر سنین هر نه وارین
زهرلی رؤیا دیر بوتون اومودلارین
آغلایاجاق بو ایسلاق گؤزلرینه باخان
بیر کیمسه‌سیز باکیره
آدینی قوْیاجاقلار فاحیشه
زامانلا یاناشی دوْغولان گوندن محکوم
دوستاغین بو دؤرد دووار تابوتو
سن بیر قادین...
ببک‌لرین موْر
سنه خوْر باخان گؤزلر کوْر
آدینا توخانماق، "مئدوسانین" گؤزلرینه زیلله‌نمک
اصلینده سنی اؤزتله‌ین بیر شئی یوْخ
اؤزگه‌لر اؤزگه‌سی‌دیر سنی یامسیلایان
یقین جنّت‌ین اؤزو سن
آخی اوْ آیاغی‌نین آلتینا یئرلشمز


✍#سعید_صادقی‌فر

#ایمگه‌لر_کانالی https://t.me/secilmiseirler
✔️✔️✔️
👇👇👇
https://telegram.me/imgalar
https://t.me/secilmiseirler

▫️ﻗﺎﺭﺩﺍﺵ

ﺳﻼﻡ، ﮔﺆﺯﻟﺮﯾﻦ ﺁﯾﺪﯾﻦ، ﯾﺌﺘﯿﺐ ﺑﻮﺭﺍﻥ، ﻗﺎﺭﺩﺍﺵ!
ﻭ ﺁﺧﺸﺎﻣﯿﻦ ﺧﺌﯿﯿﺮ ﺁﯼ ﮔﻮﺯﮔﻮﺳﻮﻧﺪﻩ ﻗﺎﻥ، ﻗﺎﺭﺩﺍﺵ!

ﺑﺌﺸﯿﮑﺪﻩ ﺑﯿﺮ ﻗﺎﺭﺍ ﻻﯾﻼﯾﺪﺍ ﻗﻮﯾﻼﻧﯿﺐ ﮔﺆﺯﻟﺮ،
ﯾﺎﺗﯿﺐ ﺳﺎﯾﺎﻗﻼﯾﯿﺮﯾﻖ ﺁﻟﻨﯿﻤﯿﺰﺩﺍ ﺩﺍﻥ، ﻗﺎﺭﺩﺍﺵ!

ﺁﺧﯿﺐ ﺍﺅﻟﻮﻡ ﭼﺎﻧﺎﻏﯿﻦ ﺍﺅﻟﭽﻮ-ﺍﺅﻟﭽﻮ ﺩﻭﻟﺪﻭﺭﺩﻭﻕ،
ﺍﻭ ﭼﺎﻍ ﮐﯽ ﺷﺎﺧﺘﺎﯾﺎ ﺳﺆیکَنمیشیک، ﺍﯾﻨﺎﻥ، ﻗﺎﺭﺩﺍﺵ!

ﺁﻧﺎﻡ ﺩﺍﻧﯿﺸﻤﺎﺩﯼ، ﺩﯾﻠﺪﻥ ﺩﺍﻣﺎﺯلیغین ﮐﺴﺪﯾﮏ،
ﮔﯿلئیلی ﺳﻮﻓﺮه‌ده بسلَنمیشیک ﯾﺎﻭﺍﻥ، ﻗﺎﺭﺩﺍﺵ!

ﮔﻠﯿﻦ ﮔﺌﺪﯾﺐ ﻗﺎﺭﺍ ﻗﺎﻧﭽﯿﻞ ﮔﻮﻧﺶ ﺑﯿﺰﯾﻢ ﺍﺋﻮﺩﻥ،
ﮔﻠﯿﻨﺠﯿﮏ ﺍﺋلچیسی ﺍﻭﻟﺪﻭﻕ ﺍﻭﺗﺎﻧﻤﺎﺩﺍﻥ، ﻗﺎﺭﺩﺍﺵ!

#عیسی_زینی
@SheirOcagi
https://t.me/secilmiseirler

نه وار نه یوخ شاعیر قارداش
دونیا نه دئییر، آغلایاق؟
گؤزوموزدن قوروماز یاش
باشیما خئییر، آغلایاق

گوندوز رنگیم ساری سامان
گون اورتاسی گؤزوم دومان
گئجه یاری بایقوش یامان،
باشیمی یئییر، آغلایاق

گئجه‌لردن نه دئسم آز
مضراب سیمه ائله‌ییر ناز
سینه‌م‌ اوسته یارالی ساز،
قارامی گئییر، آغلایاق

دئ نئجه آلماییم وجه؟
قَهَر قاپلان من بیر جوجه
سنی آللاه باخ بیر گوجه،
اؤزونه اؤیور ! آغلایاق

نم‌لن قارا گؤزوم نم‌لن!
دم‌لن سوتول گؤزوم دم‌لن!
گئجه یاری اورک غم‌لن،
سینه‌می دؤیور، آغلایاق؟

سن‌ خسته من سن‌دن بتر
گؤرن بو گونلر ده اؤتر؟
بیزه قلم-دفتر یئتر !
گل اوتور شئعیر آغلایاق!!...

#مهدی_سربازی_علمداری

@qanadli_duyqular
https://t.me/secilmiseirler

یئنی اثریم هله‌لیک "ایشیق سایتیندا".😍
گلن گونلرده کانالیمیزدا پایلاشاجاغام.

https://ishiq.net/?p=36449

https://t.me/secilmiseirler

#محبّت_اوغرولاری

بیر عؤمورده
بیر گیزلی سئوگی یاشادیلار.
گؤروشدولر گیزلی،
بو دونیانین سئوینجینی، غمینی
بؤلوشدولر گیزلی.
ایکی قلبین چیرپینتی‌لارینی
ائشیتدیلر، دویدولار گیزلی.
اوغرون-اوغرون کئچدیلر،
اینسانلارین آخینیندان.
نه مجلیسلرده بیرگه گؤروندولر،
نه کوچه‌ده، یولدا بیرگه آددیم آتدیلار.
نه تویا، نه شنلیگه گئتدیلر،
نه بیرلیکده شکیل چکدیردیلر.
واخت اولدو، صوبحه‌دک او بوردا، بو اوردا یاتمادیلار،
هامینی آلداتدیلار.
تکجه اورک‌لرینی آلداتمادیلار
بو محبّت اوغرولاری.

#طالع_حمید

@qanadli_duyqular
https://t.me/secilmiseirler

علی و نینو رقصی😍😍😍😍😍😍

@afraurmia