Sufi Sartaaj🤲

Happy Lohrhi to all by Satinder Sartaaj Ji and the whole #HoshiarSingh (Aapna Arastu) team!..

Trailer Releasing On January 15th, 2025!..
ਜੱਗੋਂ ਅਵੱਲਾ; ਤਾਂਹੀਓਂ ’ਕੱਲਾ!
Movie to be released on February 7th, 2025!..
“ਤਰੀਕਾਂ ਨੇੜੇ ਆ ਗਈਆਂ।”!!

Din Langghe Hass-Khed Ke Ji; Hor Chaahida Vi Ki Hai Dasso Bande Nu’n lyrics (Unreleased):-

ਦਿਨ ਲੰਘੇ ਹੱਸ-ਖੇਡ ਕੇ ਜੀ; ਹੋਰ ਚਾਹੀਦਾ ਵੀ ਕੀ ਹੈ ਦੱਸੋ ਬੰਦੇ ਨੂੰ,
ਪੁੱਛੋ ਜਾ ਕੇ ਹਾਲਤਾਂ ਜ਼ਰਾ ਯਾਰੋ ਲੱਗ ਗਈ ਨਜ਼ਰ ਜੀਹਦੇ ਧੰਦੇ ਨੂੰ।

ਲੋੜ ਜੋਗਾ ਕੰਮ ਮਿਲ਼ ਜਏ; ਓਹੀ ਸਬਰ-ਸ਼ੁਕਰ ਨਾਲ਼ ਕਰੀਦਾ,
ਉੱਚਿਆਂ ਦੇ ਵੱਲ ਵੇਖ ਕੇ ਯਾਰਾ ਐਵੇਂ ਨਹੀਂਓ ਝੂਰ-ਝੂਰ ਮਰੀਦਾ,
ਇੱਕੋ ਹੀ ਹੈ ਰੱਸਾ ਬੇਲੀਆ; ਪਾ ਲੈ ਪੀਂਘ ਜਾਂ ਗਲ਼ੇ ’ਚ ਪਾ ਲੈ ਫੰਦੇ ਨੂੰ,
ਦਿਨ ਲੰਘੇ ਹੱਸ-ਖੇਡ ਕੇ ਜੀ; ਹੋਰ ਚਾਹੀਦਾ ਵੀ ਕੀ ਹੈ ਦੱਸੋ ਬੰਦੇ ਨੂੰ।

ਇੱਕ ਪਾਸੇ ਲੱਗਿਆ ਰਹੋ; ਘਰ ਦੇਰ ਹੈ, ਹਨੇਰ ਨਹੀਂਓ ਰੱਬ ਦੇ,
ਤੇਰਾ ਵੀ ਨਸੀਬ ਬਦਲੂ ਹੱਕ਼ ਜੀਹਨੇ ‘ਸਰਤਾਜ’ ਦਿੱਤੇ ਸਭ ਦੇ,
ਤੂੰ ਸੋਧ ਕਲਾਕਾਰੀ ਆਪਣੀ; ਜਿਵੇਂ ਫੱਟੀ ’ਤੇ ਤ’ਖਾਣ ਮਾਰੇ ਰੰਦੇ ਨੂੰ,
ਦਿਨ ਲੰਘੇ ਹੱਸ-ਖੇਡ ਕੇ ਜੀ; ਹੋਰ ਚਾਹੀਦਾ ਵੀ ਕੀ ਹੈ ਦੱਸੋ ਬੰਦੇ ਨੂੰ।

https://youtu.be/lj1IVw5jwiA?feature=shared

Mutma’in Hai’n, Shikast’on Se Ham Udaas Nahi’n lyrics (Unreleased):-

मुतमइन हैं, शिकस्तों से हम उदास नहीं;
यह हुनर भी तो वैसे हर किसी के पास नहीं।

जिसने देखा हो एक ज़लज़ला निगाहों से,
जिसने अफ़साने चुने हों बहकती आहों से;
कैसे कहिए कि उसे दर्द का एहसास नहीं,
मुतमइन हैं, शिकस्तों से हम उदास नहीं।

https://youtu.be/GSAq1qmkBwQ?t=853&feature=shared

Hun Allah Beli lyrics (Unreleased):-

ਮੌਲਾ ਨੇ ਜੇ ਕਿਹਾ ਮੰਗਣ ਨੂੰ; ਇਸ ਬੰਦੇ ਨੇ ਮੰਗਿਆ, ਜ਼ਰਾ ਨਹੀਂ ਸੰਗਿਆ,
ਆਪਾਂ ਨੇ ਇਸ ਦਾ ਆਸ ਦਾ ਝੋਲ਼ਾ ਯਾਰ ਦੇ ਰੰਗ ਵਿੱਚ ਰੰਗਿਆ; ਮੋਢੇ ਟੰਗਿਆ,
ਇਸ ਤੋਂ ਵੱਧ ਕੀ ਹੋਣਾ; ਕੱਪੜਾ ਝੋਲ਼ੇ ਦਾ ਵੀ ਪਾਟਾ,
ਛੱਡ ਕੇ ਤੁਰ ਗਏ ਬੇਲੀ, ਛਾਇਆ ਹਰ ਪਾਸੇ ਸੰਨਾਟਾ,
ਜੀ ਹੁਣ ਅੱਲ੍ਹਾ ਬੇਲੀ,
ਸੌਦੇ ਕੀਤੇ ਇਸ਼੍ਕ਼ੇ ਵਾਲ਼ੇ, ਸਾਨੂੰ ਪੈ ਗਿਆ ਘਾਟਾ,
ਛੱਡ ਕੇ ਤੁਰ ਗਏ ਬੇਲੀ, ਛਾਇਆ ਹਰ ਪਾਸੇ ਸੰਨਾਟਾ,
ਜੀ ਹੁਣ ਅੱਲ੍ਹਾ ਬੇਲੀ।

https://t.me/satindersartaaj143/339

Qaasid lyrics (Unreleased):-

ਕ਼ਾਸਿਦ ਦੌੜਿਆ ਝੰਗ-ਸਿਆਲ਼ ਤੋਂ ਜੀ, ਤੁਰਤ ਤਖ਼੍ਤ-ਹਜ਼ਾਰੇ ਵੱਲ ਆਇਆ ਏ,
ਡੇਰਾ ਪੁੱਛ ਕੇ ਧੀਦੋ ਦਾ ਜਾ ਵੜਿਆ, ਖ਼ਤ ਰੋਇਕੇ ਹੱਥ ਫੜਾਇਆ ਏ,
ਰਾਂਝੇ ’ ਪੁੱਛਿਆ; “ਖ਼ਬਰ ਕੀ ਲਿਆਇਆ ਏਂ, ਮੂੰਹ ਕਾਸਤੋਂ ਬੁਰਾ ਬਣਾਇਆ ਏ”,
ਕ਼ਾਸਿਦ ’ ਉੱਠ ਕੇ ਮੁੱਖ ਤੋਂ “ਆਹ” ਮਾਰੀ, ਅੱਗੋਂ ਇਹੋ ਜਵਾਬ ਸੁਣਾਇਆ ਏ;
“ਹੀਰ ਮਰੀ ਨੂੰ ਅੱਠਵਾਂ ਪਹਿਰ ਹੋਇਆ, ਮੈਨੂੰ ਸਿਆਲ਼ਾਂ ਨੇ ਅੱਜ ਭਿਜਵਾਇਆ ਏ,
ਹੀਰ ਜਾਨ ਬ-ਹੱਕ਼ ਤਸਲੀਮ ਹੋਈ, ਉਹਨਾਂ ’ ਦਫ਼ਨ ਕਰ ਖ਼ਤ ਲਿਖਵਾਇਆ ਏ,
ਗੁਸਲ ਕਫ਼ਨ ਕਰ ਕੇ ਕੱਲ੍ਹ ਹੀਰ ਤਾਈਂ, ਉਨ੍ਹਾਂ ’ ਕ਼ਬਰ ’ਚ ਜਾ ਦਫ਼ਨਾਇਆ ਏ,
ਕੁੱਲ ਮਹਿਰ ਬੈਠੀ ਏ ਉਹਦੀ ਫ਼ਾਤਿਆ ’ਤੇ, ਮੈਨੂੰ ਇੱਧਰ ਨੂੰ ਤੁਰਤ ਦੌੜਾਇਆ ਏ”,
“ਰਜ਼ਾ ਰੱਬ ਦੀ ਟਲ਼ੇ ਨਾ ਕਦੀ ਹਰਗਿਜ਼”; ਲਿਖ ਆਦਮੀ ਤੁਰਤ ਦੌੜਾਇਆ ਏ;
“ਤੇਰੇ ਮਾਲ ਨੂੰ ਧਾੜਵੀ ਉਹ ਪਿਆ; ਅੰਤ ਜਿਸ ਤੋਂ ਨਾ ਕਿਸੇ ਨੇ ਛੁਡਾਇਆ ਏ,
ਹੁਣ ਮਾਜ਼ੂਲ ਹੋਇਓਂ ਤਖ਼ਤ ਜ਼ਿੰਦਗੀ ਤੋਂ, ਤੈਨੂੰ ਹੁਕਮ ਤਬਦੀਲ ਦਾ ਆਇਆ ਏ,
ਅਸੀਂ ਸਬਰ ਕੀਤਾ ਏ, ਤੁਸੀਂ ਸਬਰ ਕਰਨਾ”; ਮੁੱਖੋਂ ਏਨਾ ਹੀ ਆਖ ਸੁਣਾਇਆ ਏ,
ਵਲੀ ਗ਼ੌਸ ਤੇ ਕੁਤਬ; ਸਭ ਫ਼ੌਤ ਹੋਏ, “ਮੌਤ ਸੱਚ ਹੈ” ਰੱਬ ’ ਫ਼ਰਮਾਇਆ ਏ,
ਚਾਰ ਦਿਨ ਦੀ ‘ਵਾਰਿਸਾ’ ਖੇਡ ਦੁਨੀਆ, ਓੜਕ ਖ਼ਾਕ ਦਰ ਖ਼ਾਕ ਰਲ਼ਾਇਆ ਏ।

Difficult Vocabulary~

• ਕ਼ਾਸਿਦ (ਡਾਕੀਆ ~Postman)
• ਤੁਰਤ (ਤੁਰੰਤ / ਜਲਦੀ ~Immediately/Instantly)
• ਜਾਨ ਬ-ਹੱਕ਼ ਤਸਲੀਮ ਹੋਣਾ (ਮਰ ਜਾਣਾ ~Death)
• ਮਹਿਰ (ਕ਼ੌਮ / ਜਾਣ-ਪਛਾਣ ਦੇ ਲੋਕ ~Tribe)
• ਫ਼ਾਤਿਆ (ਲਾਸ਼ ~Dead body)
• ਤਖ਼ਤ ਤੋਂ ਮਾਜ਼ੂਲ ਹੋਣਾ (ਤਖ਼ਤ ਤੋਂ ਲਾਹ ਦਿੱਤੇ ਜਾਣਾ ~Being removed from the throne)
• ਫ਼ੌਤ ਹੋਣਾ (ਖ਼ਤਮ ਹੋ ਜਾਣਾ / ਮਰ ਜਾਣਾ ~Destroy/Pass away)

https://t.me/satindersartaaj143/1498

Qaasid

Lyrics:-

https://t.me/satindersartaaj143/1499

One month to go!!
#HoshiarSingh (Aapna Arastu)
ਜੱਗੋਂ ਅਵੱਲਾ; ਤਾਂਹੀਓਂ ’ਕੱਲਾ!
Movie to be released on February 7th, 2025!..
“ਤਰੀਕਾਂ ਨੇੜੇ ਆ ਗਈਆਂ।”!!

Japji Sahib

https://t.me/satindersartaaj143/1451

Khush Bandeya’n Nu’n Haale Tu’n Ta’n Mileya Hi Nahi’n lyrics (Unreleased):-

ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਹੀ ਨਹੀਂ,
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ,
ਜਿਨ੍ਹਾਂ ਕੋਲ਼ ਹੈ ਸਕੂਨ ਦੀ ਜਾਗੀਰ ‘ਸਰਤਾਜ’;
ਓਹੀ ਜ਼ਿੰਦਗੀ ਦੇ ਵਿੱਚ ਅਸਲੀ ਨਵਾਬ ਨੇ।

ਕਿਤੇ ਬੇੜੀਆਂ ਪੁਚਾਵੋ, ਕਿਤੇ ਪੁਲ਼ ਬਣਵਾਈਏ,
ਕਿਤੇ ਛਾਂਵਾਂ ਬੀਜੀਏ ਤੇ ਕਿਤੇ ਨਿੱਘ ਵਰਤਾਈਏ,
‘ਸਰਤਾਜ ਸਿਆਂ’ ਗੀਤ ਸਾਂਝ ਪਾਉਣ ਵਾਲ਼ਾ ਗਾਈਏ,
ਓਏ ਸਕੂਨ ਦੇਣ ਵਾਲ਼ੇ ਇਹੀ ਤਾਂ ਸਵਾਬ ਨੇ,
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਹੀ ਨਹੀਂ,
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ।

https://t.me/satindersartaaj143/1494

Khush Bandeya’n Nu’n Haale Tu’n Ta’n Mileya Hi Nahi’n

Lyrics:-

https://t.me/satindersartaaj143/1495

Namastan Abhese (Unreleased):-

ਨਾ ਹੇਠਾਂ, ਨਾ ਉੱਪਰ, ਨਾ ਅੰਦਰ, ਨਾ ਬਾਹਰ,
ਨਾ ਸਾਹਵੇਂ, ਨਾ ਓਹਲੇ, ਨਾ ਬਾਤਰ, ਨਾ ਜ਼ਾਹਿਰ।
ਨਾ ਘਰ ਵਿੱਚ, ਨਗਰ ਵਿੱਚ, ਨਾ ਜੰਗਲ਼, ਨਾ ਬੇਲੇ,
ਨਾ ਭੀੜਾਂ ਦੇ ਅੰਦਰ, ਨਾ ਗੋਸ਼ੇ ਅਕੇਲੇ।
ਨਾ ਮੰਦਰ, ਨਾ ਮਸਜਿਦ, ਨਾ ਗਿਰਜੇ, ਦੁਆਰੇ,
ਮੜ੍ਹੀ, ਨਾ ਮਸਾਣੀ, ਥੜੇ, ਨਾ ਚੁਬਾਰੇ।
ਨਾ ਸੂਰਜ, ਨਾ ਚੰਦਰ, ਨਾ ਅੰਬਰ ਦੇ ਨੇੜੇ,
ਨਾ ਘਰ ਕਹਿਕਸ਼ਾਂ ਦੇ, ਨਾ ਖਿੜਿਆਂ ਦੇ ਵਿਹੜੇ।
ਜਲਾਂ ਤੋਂ, ਥਲਾਂ ਤੋਂ, ਸਰਾਂ ਤੋਂ ਅਲਹਿਦਾ,
ਗਰਾਂ ਤੋਂ, ਘਰਾਂ ਤੋਂ, ਦਰਾਂ ਤੋਂ ਅਲਹਿਦਾ।
ਪਰ੍ਹੇ ਵਿਸ਼ਵ ਤੋਂ, ਧੌਲ-ਧਰਤਾਂ ਤੋਂ ਬਾਹਰ,
ਪਰ੍ਹੇ ਰੂਪ ਤੋਂ, ਪੰਖ-ਪਰਤਾਂ ਤੋਂ ਬਾਹਰ।
ਜਿੱਥੇ ਥਾਨ ਸਿਰਜੇ, ਤਿੱਥੇ ਥਾਨ ਮੇਸੇ,
ਨਮਸਤੰ ਅਭੇਸੇ, ਨਮਸਤੰ ਅਭੇਸੇ।

ਨਾ ਸਿਰ ’ਤੇ ਜਟਾਵਾਂ, ਨਾ ਮੁੰਡਨ, ਨਾ ਬੋਦੀ,
ਨਾ ਆਸਣ, ਨਾ ਬੈਸਣ, ਨਾ ਤਕੀਆ, ਨਾ ਗੋਦੀ।
ਨਾ ਜਾਮਾ, ਨਾ ਪਹਿਰਨ, ਨਾ ਕੱਛ, ਨਾ ਕਛੌਟੀ,
ਨਾ ਝਾਲਰ, ਨਾ ਝੋਲ਼ੀ, ਤੜਾਗਾ, ਨਾ ਧੋਤੀ।
ਨਾ ਪੈਰੀਂ ਖੜ੍ਹਾਵਾਂ, ਨਾ ਮੋਢੇ ’ਤੇ ਲੋਈ,
ਨਾ ਜਮਕੂ, ਨਾ ਛਿਣਕੂ, ਕਵਜ, ਨਾ ਸੰਜੋਈ।
ਨਾ ਹੀ ਲਿੰਗ ਕੱਟੇ, ਨਾ ਹੀ ਕੰਨ ਪਾਟੇ,
ਨਾ ਹੀ ਨਾਗ ਧਾਰੇ, ਨਾ ਹੀ ਰੱਖੇ ਝਾਟੇ।
ਕਵਨ ਰੂਪ ਤੇਰੇ, ਕਵਨ ਤੇਰੇ ਭੇਸੇ,
ਨਮਸਤੰ ਅਭੇਸੇ, ਨਮਸਤੰ ਅਭੇਸੇ।

ਸਰਾਂ, ਤੀਰਥਾਂ, ਨਾ ਹੀ ਹਰਿਦੁਆਰਿਆਂ ਵਿੱਚ,
ਨਾ ਬਾਂਗਾਂ, ਅਜ਼ਾਨਾਂ, ਨਾ ਜੈਕਾਰਿਆਂ ਵਿੱਚ।
ਕਥਾਵਾਂ, ਰਤਾਨਾਂ, ਵਚਨ-ਗੋਸ਼ਟੀ ਵਿੱਚ,
ਨਾ ਤਸਬੀਹ, ਨਾ ਮਾਲ਼ਾ, ਨਾ ਹੀ ਸਿਮ੍ਰਤੀ ਵਿੱਚ।
ਨਾ ਵੇਦਾਂ, ਗ੍ਰੰਥਾਂ, ਪੁਰਾਣਾਂ, ਪਛਾਤਾਂ,
ਨਾ ਇੰਜੀਲ ਕੁਰਬਾਂ, ਤੌਰਾਂ ਤਜਾਤਾਂ।
ਨਾ ਹਿੰਦੂ, ਨਾ ਮੁਸਲਿਮ, ਨਾ ਸਿੱਖ, ਨਾ ਈਸਾਈ,
ਨਾ ਬੋਧੀ, ਨਾ ਜੈਨੀ, ਬਿਦਰ, ਨਾ ਬਿਹਾਈ।
ਤਿਲਕ-ਧਾਰ ਬਪਨਾ, ਜਟਾ-ਧਾਰ ਜੋਗੀ,
ਨਾ ਸ਼ੀਆ, ਨਾ ਸੁੰਨੀ, ਨਾ ਸਈਅਦ, ਨਾ ਸੋਫ਼ੀ।
ਨਾ ਮੰਗਾਂ ਤੋਂ ਜਾਣੂ, ਨਾ ਪੰਥਾਂ ’ਚੇ ਸ਼ਾਮਲ,
ਸਰਬਕਾਲ ਅਕਲੰ, ਕਲਾਮਾਨ ਕਾਮਲ।
ਅਜਾਇਬ, ਗਜਾਇਬ, ਰਜਾਇਬ; ਸੁ ਅਜਬੇ,
ਨਮਸਤੰ ਅਮਜਬੇ, ਨਮਸਤੰ ਅਮਜਬੇ।

https://t.me/satindersartaaj143/1492

Namastan Abhese

https://t.me/satindersartaaj143/1493

Jazbe/Lafza’n Bagair Shaayari, Sur De Bagair Gaauna lyrics (Unreleased):-

ਜਜ਼ਬੇ ਬਗੈਰ ਸ਼ਾਇਰੀ, ਸੁਰ ਦੇ ਬਗੈਰ ਗਾਉਣਾ;
ਮੇਰੇ ਖ਼ੁਦਾਇਆ ਮੈਂ’ਥੋਂ ਐਦਾਂ ਨਾ ਤੂੰ ਕਰਾਉਣਾ।

ਆਏ ਜੇ ਖੇਤ ਵਾਹ ਕੇ, ਸੌਂ ਗਏ ਜੇ ਮੰਜੀ ਡਾਹ ਕੇ;
ਬਹਿੜੇ ਦੇ ਛਿੱਕਲ਼ੀ ਲਾ ਕੇ ਇੰਞ ਬਾਜਰਾ ਬਚਾਉਣਾ।

Note:- Mukharha (First Stanza) may also be written as:~

ਲਫ਼ਜ਼ਾਂ ਬਗੈਰ ਸ਼ਾਇਰੀ, ਸੁਰ ਦੇ ਬਗੈਰ ਗਾਉਣਾ;
ਮੇਰੇ ਖ਼ੁਦਾਇਆ ਮੈਂ’ਥੋਂ ਐਦਾਂ ਨਾ ਤੂੰ ਕਰਾਉਣਾ।

https://t.me/satindersartaaj143/49
https://t.me/satindersartaaj143/437

Shalok~Baba Fareed Ji (Unreleased):-

ਬਿਰਹਾ ਬਿਰਹਾ ਆਖੀਐ ਬਿਰਹਾ ਤੂ ਸੁਲਤਾਨ॥
ਫਰੀਦਾ ਜਿਤੁ ਤਨਿ ਬਿਰਹੁ ਨ ਊਪਜੈ ਸੋ ਤਨੁ ਜਾਣੁ ਮਸਾਨੁ॥੩੬॥

~ਸ਼ੇਖ਼ ਬਾਬਾ ਫ਼ਰੀਦ ਜੀ

~~~

ਫ਼ਰੀਦਾ ਬੇ-ਨਿਮਾਜ਼ਾ, ਕੁੱਤਿਆ; ਇਹ ਨਾ ਭਲੀ ਰੀਤ।
ਕਬਹੀ ਚੱਲ ਨਾ ਆਇਓ ਪੰਜੇ ਵਖਤ ਮਸੀਤ।

~ਨਵਤੇਜ ਭਾਰਤੀ

Difficult Vocabulary~

• ਮਸਾਣ (ਸ਼ਮਸ਼ਾਨ / ਮੁਰਦਿਆਂ ਨੂੰ ਸਾੜਣ ਵਾਲ਼ਾ ਸਥਾਨ ~A place where dead people are burnt/Crematorium)

https://t.me/satindersartaaj143/50

Heer~Waris Shah (Unreleased):-

ਟਿੱਲੇ ਜਾਇਕੇ ਜੋਗੀ ਦੇ ਹੱਥ ਜੋੜੇ; “ਸਾਨੂੰ ਆਪਣਾ ਕਰੋ ਫ਼ਕ਼ੀਰ ਸਾਈਂ।
ਤੇਰੇ ਦਰਸ-ਦੀਦਾਰ ਦੇ ਦੇਖਣੇ ਨੂੰ ਆਇਆਂ ਦੇਸ-ਪਰਦੇਸ ਮੈਂ ਚੀਰ ਸਾਈਂ।
ਸਿਦਕ਼ ਧਾਰ ਕੇ ਨਾਲ ਯਕੀਨ ਆਇਆ; ਅਸੀਂ ਚੇਲੜੇ ਤੇ ਤੁਸੀਂ ਪੀਰ ਸਾਈਂ।
ਬਾਦਸ਼ਾਹ ਸੱਚਾ ਰੱਬ ਆਲਮਾਂ ਦਾ, ਫ਼ਕਰ ਓਸ ਦੇ ਹੈਣ ਵਜ਼ੀਰ ਸਾਈਂ।
ਬਿਨਾਂ ਮੁਰਸ਼ਦਾਂ ਰਾਹ ਨਾ ਹੱਥ ਆਵੇ, ਦੁਧ ਬਾਝ ਨਾ ਹੋਵੇ ਹੈ ਖੀਰ ਸਾਈਂ।
ਯਾਦ ਹੱਕ਼ ਦੀ ਸਬਰ ਤਸਲੀਮ ਨਿਹਚਾ, ਤੁਸਾਂ ਜਗ ਦੇ ਨਾਲ ਕੀ ਸੀਰ ਸਾਈਂ।
ਫ਼ਕਰ ਕੁਲ ਜਹਾਨ ਦਾ ਆਸਰਾ ਹੈ, ਤਾਬਿਹ ਫ਼ਕਰ ਦੀ ਪੀਰ ਤੇ ਮੀਰ ਸਾਈਂ”।

~~~

ਜੋਗੀ ਛੱਡ ਜਹਾਨ ਫ਼ਕ਼ੀਰ ਹੋਏ, ਏਸ ਜੱਗ ਵਿੱਚ ਬਹੁਤ ਖ਼ਵਾਰੀਆਂ ਨੇ।
ਲੈਣ-ਦੇਣ ਤੇ ਦਗ਼ਾ ਅਨਿਆਂ ਕਰਨਾ, ਲੁਟ-ਘਸੁਟ ਤੇ ਚੋਰੀਆਂ ਯਾਰੀਆਂ ਨੇ।
ਉਹ ਪੁਰਖ ਨਿਰਬਾਣ ਪਦ ਜਾ ਪਹੁੰਚੇ; ਜਿਨ੍ਹਾਂ ਪੰਜੇ ਹੀ ਇੰਦਰੀਆਂ ਮਾਰੀਆਂ ਨੇ।
ਜੋਗ ਦੇਹੋ ਤੇ ਕਰੋ ਨਿਹਾਲ ਮੈਨੂੰ, ਕੇਹੀਆਂ ਜੀਊ ਤੇ ਘੁੰਡੀਆਂ ਚਾੜ੍ਹੀਆਂ ਨੇ।
ਏਸ ਜਟ ਗ਼ਰੀਬ ਨੂੰ ਤਾਰ ਓਵੇਂ; ਜਿਵੇਂ ਅਗਲੀਆਂ ਸੰਗਤਾਂ ਤਾਰੀਆਂ ਨੇ।
‘ਵਾਰਿਸ ਸ਼ਾਹ’ ਮੀਆਂ ਰਬ ਸ਼ਰਮ ਰੱਖੇ, ਜੱਗ ਵਿੱਚ ਮਸੀਬਤਾਂ ਭਾਰੀਆਂ ਨੇ।

~~~

ਜਦੋਂ ਕਰਮ ਅੱਲਾਹ ਦਾ ਕਰੇ ਮੱਦਦ; ਬੇੜਾ ਪਾਰ ਹੋ ਜਾਏ ਨਿਮਾਣਿਆਂ ਦਾ।
ਲਹਿਣਾ ਕਰਜ਼ ਨਾਹੀਂ ਬੂਹੇ ਜਾਇ ਬਹੀਏ, ਕੇਹਾ ਤਾਣ ਹੈ ਅਸਾਂ ਨਿਤਾਣਿਆਂ ਦਾ।
ਮੇਰੇ ਕਰਮ ਸਵੱਲੜੇ ਆਣ ਪਹੁੰਚੇ, ਖੇਤ ਜੰਮਿਆਂ ਭੁੰਨਿਆਂ ਦਾਣਿਆਂ ਦਾ।
‘ਵਾਰਿਸ ਸ਼ਾਹ’ ਮੀਆਂ ਵੱਡਾ ਵੈਦ ਆਇਆ, ਸਰਦਾਰ ਹੈ ਸਭ ਸਿਆਣਿਆਂ ਦਾ।

~ਵਾਰਿਸ ਸ਼ਾਹ

Difficult Vocabulary~

• ਨਿਹਚਾ (ਨਿਸ਼ਚਾ ~Assurity/Certainty)
• ਸੀਰ (ਸਾਂਝੇਦਾਰ ~ Partner)
• ਨਿਰਬਾਣ (ਨਿਰਵਾਣ / ਮੁਕਤੀ ~Nirvana/Salvation)
• ਜੀਊ ਤੇ ਘੁੰਢੀਆਂ ਚਾੜ੍ਹੀਆਂ (ਨਾਰਾਜ਼ਗੀ ~Displeasure)

https://t.me/satindersartaaj143/45

Hun Hor Kite Jee Laggda Nahi lyrics (Unreleased):-

‘ਔਲੈਂਡ’ ਉਸ ਦੇਸ਼ ਦਾ ਨਾਂ ਮਿੱਤਰਾ;
ਜਿੱਥੇ ਅਹਿਸਾਸਾਂ ਦੀ ਛਾਂ ਮਿੱਤਰਾ,
ਸ਼ਾਇਰਾਂ ਦੀ ਅਸਲੀ ਥਾਂ ਮਿੱਤਰਾ,
ਹੁਣ ਹੋਰ ਕਿਤੇ ਜੀ ਲੱਗਦਾ ਨਹੀਂ,
ਗ਼ਮ ਸ਼ਰਬਤ ਬਣ ਕੇ ਵਗਦਾ ਨਹੀਂ।

ਇਸ ਦੇਸ਼ ’ਚ ਸ਼ਬਨਮ ਸੁੱਕਦੀ ਨਹੀਂ,
ਇੱਥੇ ਇਸ਼੍ਕ਼-ਦਾਸਤਾਂ ਮੁੱਕਦੀ ਨਹੀਂ,
ਦਰਦਾਂ ਦੀ ਦਾਰੂ ਰੁਕਦੀ ਨਹੀਂ,
ਇੱਥੇ ਦਿਨੇ ਸ਼ਬਾਬ ਤਾਂ ਛਲ਼ ਜਾਂਦਾ,
ਪਰ ਸ਼ਹਿਦ ਸ਼ਰਾਬ ‘ਚ ਰਲ਼ ਜਾਂਦਾ,
ਫਿਰ ਕੌੜਾਪਣ ਵੀ ਠਗਦਾ ਨਹੀਂ,
ਹੁਣ ਹੋਰ ਕਿਤੇ ਜੀ ਲੱਗਦਾ ਨਹੀਂ।

ਇਸ ਸ਼ੋਰ ’ਚ ਸੁਰ ਵੀ ਸ਼ਾਮਿਲ ਹੈ,
ਇੱਥੇ ਗਾਉਣ ਵਾਲ਼ਾ ਹੀ ਕਾਮਿਲ ਹੈ,
ਮੁਸਕਾਉਣ ਵਾਲ਼ਾ ਵੀ ਕਾਮਿਲ ਹੈ,
ਇਹ ਸ਼ੁਗਲ-ਮਜ਼ਾਕ ਜ਼ਰੂਰੀ ਨੇ,
ਦਿਲ ਹਿਰਨ ਹੈ, ਇਹ ਕਸਤੂਰੀ ਨੇ,
ਇਸ ਬਾਝੋਂ ਮਜ੍ਹਮਾ ਮਘਦਾ ਨਹੀਂ,
ਹੁਣ ਹੋਰ ਕਿਤੇ ਜੀ ਲੱਗਦਾ ਨਹੀਂ।

ਜਿਸ-ਜਿਸਦੇ ਵੀ ਇਕ਼ਰਾਰ ਹੋਏ,
ਜੀਹਦੇ ਨੈਣ ਦੋਹਾਂ ਤੋਂ ਚਾਰ ਹੋਏ;
ਇਸ ਸ਼ਹਿਰ ਦੇ ਓਹੀ ਸ਼ਿੰਗਾਰ ਹੋਏ,
ਰੱਬ ਦੇਵੇ ਐਸੀ ਫ਼ਨਕਾਰੀ;
“‘ਸਰਤਾਜ’”; ਕਹੇ ਦੁਨੀਆ ਸਾਰੀ;
“ਤੇਰੇ ਬਾਝੋਂ ਦੀਵਾ ਜਗਦਾ ਨਹੀਂ”,
ਹੁਣ ਹੋਰ ਕਿਤੇ ਜੀ ਲੱਗਦਾ ਨਹੀਂ।

https://t.me/satindersartaaj143/43

https://youtu.be/sUgOg17FADk?feature=shared

Teyaari’an lyrics (Released):-

ਸ਼ਾਦੀਆਂ-ਵਿਆਹਾਂ ਵਾਲ਼ੇ ਮੌਕਿਆਂ ਦੇ ਉੱਤੇ ਪਤਾ ਲੱਗਦਾ ਨਹੀਂ ਸੱਚੀਂ ਕੰਮ-ਕਾਜ ਦਾ,
ਨਾਲ਼-ਨਾਲ਼ ਵੱਟਦੇ ਹਾਂ ਲੱਡੂ, ਤੂੰ ਸਪੀਕਰਾਂ ’ਤੇ ਲਾ ਦੇ ਜ਼ਰਾ ਗਾਣਾ ‘ਸਰਤਾਜ’ ਦਾ।

ਕਿ ਜਿੰਦ-ਮਾਹੀ ਜੇ ਚੜ੍ਹਣਾ ਏ ਘੋੜੀ,
ਤਿਆਰੀ ਕਰ ਲੈ, ਜਚੂਗੀ ਜੋੜੀ,
ਵੇ ਇੱਕ ਪਲ ਬਹਿ ਜਾਣਾ ਮੇਰੇ ਕੋਲ਼,
ਵੇ ਤੇਰੇ ਮਿੱਠੜੇ ਲੱਗਦੇ ਬੋਲ।

ਜੇ ਜਿੰਦ-ਮਾਹੀ ਚੱਲੇ ਸਕੂਲ ਪੜ੍ਹਾਉਣ,
ਸਕੂਟਰ ਕੱਢ ਲੈ, ਲੱਗੀ ਮੈਂ ਆਉਣ,
ਜਮਾਤਾਂ ’ਕੱਠੀਆਂ ਲਗਾ ਕੇ ਆਈਏ,
ਸ਼ਾਮ ਨੂੰ ਸਬਜ਼ੀ ਬਣਾਉਂਦਿਆਂ ਗਾਈਏ।

ਪਈਆਂ ਬਹੁਤ ਨੇ ਤਿਆਰੀਆਂ ਅਜੇ; ਪਿਸ਼ੌਰੋਂ ਜੁੱਤੀ ਆਈ ਨਹੀਂ ਤੇ ਪੱਗ ਵੀ ਰੰਗਾਈ ਨਹੀਂ,
ਹਾਲੇ ਕਾਫ਼ੀ ਇੰਤਜ਼ਾਮ ਕਰਨੇ, ਤਰੀਕਾਂ ਨੇੜੇ ਆ ਗਈਆਂ ਤੇ ਸਾਹਿ-ਚਿੱਠੀ ਪਾਈ ਨਹੀਂ।

ਮੇਰੇ ਖ਼ਾਸ ਨੇ ਯਾਰਾਨੇ ਜਿਨ੍ਹਾਂ ਨਾਲ਼; ਉਨ੍ਹਾਂ ਨੂੰ ਸੱਦੇ ਭੇਜਣੇ ਤੇ ਲੈਣੇ ਇਕ਼ਰਾਰ ਵੀ,
ਓਦੋਂ ਸਾਰੇ ਹੀ ਮੌਜੂਦ ਚਾਹੀਦੇ; ਲਗਾਉਣ ਜਿਹੜੇ ਰੌਣਕਾਂ, ਕਰਾਉਣ ਕੰਮ-ਕਾਰ ਵੀ,
ਹਾਲੇ ਚਾਨਣੀ ਕਨਾਤਾਂ ਰਹਿੰਦੀਆਂ; ਕਿ ਇਸੇ ਖਿੱਚੋ-ਤਾਣੀ ’ਚ ਕਿਸੇ ਨੂੰ ਦਿੱਤੀ ਸਾਈ ਨੀ,
ਪਈਆਂ ਬਹੁਤ ਨੇ ਤਿਆਰੀਆਂ ਅਜੇ; ਪਿਸ਼ੌਰੋਂ ਜੁੱਤੀ ਆਈ ਨਹੀਂ ਤੇ ਪੱਗ ਵੀ ਰੰਗਾਈ ਨਹੀਂ।

ਨੀ ਮੈਂ ਸੋਚਦਾਂ; ਕਿੱਦਾਂ ਦਾ ਲੱਗੂਗਾ ਗੁਲਾਬੀ ਰੰਗ ਚੀਰੇ ਦਾ, ਫ਼ਿਰੋਜ਼ੀ ਸ਼ੇਰਵਾਨੀ ਦਾ,
ਖ਼ਾਸ ਲੱਭ ਕੇ ਨਮੂਨਾ ਭੇਜਿਆ; ਇਹ ਕੰਮ ਜ਼ਰ-ਦੋਜ਼ੀ ਦਾ ਨਫ਼ੀਸ ਜਿਹੇ ਈਰਾਨੀ ਦਾ,
ਦੇਖੀਂ-ਦੇਖੀਂ ਫੇਰ ਲੋਕ ਆਖਦੇ; ਸਜੀਲਾ ਤੇ ਸ਼ੌਕੀਨ ਹੈ ਦੁਆਬੇ ਦਾ ਜਵਾਈ ਨੀ,
ਪਈਆਂ ਬਹੁਤ ਨੇ ਤਿਆਰੀਆਂ ਅਜੇ; ਪਿਸ਼ੌਰੋਂ ਜੁੱਤੀ ਆਈ ਨਹੀਂ ਤੇ ਪੱਗ ਵੀ ਰੰਗਾਈ ਨਹੀਂ।

ਪਹਿਲਾਂ ਆਪਣੇ ਮੁਕਾਵਾਂ ਕੰਮ ਜਿਹੇ, ਤੇ ਫੇਰ ਖ਼ਾਨਦਾਨ ਵਾਲ਼ੀਆਂ ਵੀ ਜ਼ਿੰਮੇਦਾਰੀਆਂ,
ਇਹੋ ਸ਼ਗਨ ਸਬੱਬ ’ ਬਣਦੇ; ਚਾਅਵਾਂ ਨਾ’ ਮੇਲ਼ ਆਉਣਗੇ ਪੁਗਾਉਣ ਰੀਝਾਂ ਸਾਰੀਆਂ,
ਸਾਕਦਾਰੀਆਂ ਹੈਰਾਨ ਹੋਣੀਆਂ; ਲਜ਼ੀਜ਼ ਕਲਾਕੰਦ ਤੇ ਸਿਰੇ ਦਾ ਹਲਵਾਈ ਨੀ,
ਪਈਆਂ ਬਹੁਤ ਨੇ ਤਿਆਰੀਆਂ ਅਜੇ; ਪਿਸ਼ੌਰੋਂ ਜੁੱਤੀ ਆਈ ਨਹੀਂ ਤੇ ਪੱਗ ਵੀ ਰੰਗਾਈ ਨਹੀਂ।

ਬਾਕੀ ਫ਼ਿਕਰ ਕਰੀਂ ਨਾ ਝੱਲੀਏ, ਅਸਲ ਵੇਲਾ ਆਉਣ ਦੇ; ਫੇ’ ਹੋਣੇ ਤੈਨੂੰ ਨਾਜ਼ ਨੀ,
ਤੇਰੀ ਸ਼ਾਨ ਨੂੰ ਵਧਾਉਣ ਖ਼ਾਤਰਾਂ ਦਿਲਾਂ ਨਾ’ ਕੀਤੇ ਕਾਜ ਨੀ ਆਹ ਤੇਰੇ ‘ਸਰਤਾਜ’ ’ ਨੀ,
ਤੇਰੀ ਮੁੰਦਰੀ ਲੁਕਾ ਕੇ ਰੱਖ ਲਈ; ਮੈਂ ਕਿਸੇ ਨੂੰ ਦਿਖਾਈ ਨਹੀਂ ਤੇ ਨਜ਼ਰ ਲਵਾਈ ਨਹੀਂ,
ਪਈਆਂ ਬਹੁਤ ਨੇ ਤਿਆਰੀਆਂ ਅਜੇ; ਪਿਸ਼ੌਰੋਂ ਜੁੱਤੀ ਆਈ ਨਹੀਂ ਤੇ ਪੱਗ ਵੀ ਰੰਗਾਈ ਨਹੀਂ।

https://t.me/satindersartaaj143/1484

Teyaari’an

Lyrics:-

https://t.me/satindersartaaj143/1485

Jehlam De Paase (Tu’n Murh Laara Laaya) lyrics (Unreleased):-

ਵੇ ਜਿਹਲਮ ਦੇ ਪਾਸੇ ਨੇ ਮੌਸਮ ਉਦਾਸੇ,
ਤੂੰ ਮੋੜੇ ਨਾ ਹਾਸੇ ਤੇ ਕੋਸ਼ਿਸ਼ ਨਾ ਕੀਤੀ,
ਇਹ ਸੁਫ਼ਨਾ ਸੀ ਆਇਆ; ਤੂੰ ਮੁੜ ਲਾਰਾ ਲਾਇਆ,
ਉਮੀਦਾਂ ਦੇ ਜੰਗਲ਼ਾਂ ’ਚ ਹੀ ਰਾਤ ਬੀਤੀ।

ਵੇ ਜੇ ਕ਼ੌਲ ਕਰੀਏ; ਤਾਂ ਕਰ ਕੇ ਨਿਭਾਈਏ,
ਕਿ ਇੰਞ ਨਾ ਪਿਆਰਾਂ ਦਾ ਹਾਸਾ ਬਣਾਈਏ,
ਇਹ ਮਾਹਤਾਬ, ਪਾਣੀ; ਜੋ ਇਸ਼ਕ਼ੇ ਦੇ ਹਾਣੀ;
ਸੁਣਾਉਂਦੇ ਕਹਾਣੀ; ਕਿ ਕਿਉਂ ਲਾਈ ਪ੍ਰੀਤੀ,
ਇਹ ਸੁਫ਼ਨਾ ਸੀ ਆਇਆ; ਤੂੰ ਮੁੜ ਲਾਰਾ ਲਾਇਆ,
ਉਮੀਦਾਂ ਦੇ ਜੰਗਲ਼ਾਂ ’ਚ ਹੀ ਰਾਤ ਬੀਤੀ।

ਮੈਂ ਹਿਜਰਾਂ ਦੇ ਪਾਣੀ ’ਚ ਡੁੱਬ-ਡੁੱਬ ਕੇ ਤਰਦੀ,
ਤੇਰੀਆਂ ਉਡੀਕਾਂ ਰਹੀ ਫਿਰ ਵੀ ਕਰਦੀ,
ਤੂੰ ਲੱਜ ਨਹੀਂਓ ਪਾਲ਼ੀ, ਉੱਤੋਂ ਰਾਤ ਕਾਲ਼ੀ,
ਜ਼ਹਿਰ ਬਿਰਹਾ ਵਾਲ਼ੀ ਮੈਂ ਮਰ-ਮਰ ਕੇ ਪੀਤੀ,
ਇਹ ਸੁਫ਼ਨਾ ਸੀ ਆਇਆ; ਤੂੰ ਮੁੜ ਲਾਰਾ ਲਾਇਆ,
ਉਮੀਦਾਂ ਦੇ ਜੰਗਲ਼ਾਂ ’ਚ ਹੀ ਰਾਤ ਬੀਤੀ।

ਇਹ ਅੱਖੀਆਂ ਨਾ ਥੱਕੀਆਂ ਤੇਰੀ ਰਾਹ ਨੂੰ ਤੱਕਦੇ,
ਇਹ ਰੁੱਖ ਜਾਣਦੇ, ਪਰ ਨਹੀਂ ਬੋਲ ਸਕਦੇ,
ਵਫ਼ਾ ਆਜ਼ਮਾਈ ਜਾਂ ਹੈ ਬੇਵਫ਼ਾਈ;
ਸਮਝ ਨਹੀਂਓ ਆਈ ਤੇਰੀ ਪਿਆਰ-ਨੀਤੀ,
ਇਹ ਸੁਫ਼ਨਾ ਸੀ ਆਇਆ; ਤੂੰ ਮੁੜ ਲਾਰਾ ਲਾਇਆ,
ਉਮੀਦਾਂ ਦੇ ਜੰਗਲ਼ਾਂ ’ਚ ਹੀ ਰਾਤ ਬੀਤੀ।

ਗਿਣਾਂ ਤਾਰਿਆਂ ਨੂੰ ਤਾਂ ਮੇਰੇ ’ਤੇ ਹੱਸਦੇ,
ਕਿ ‘ਸਰਤਾਜ’ ਤੇਰੀ ਖ਼ਬਰ ਨਹੀਂਓ ਦੱਸਦੇ,
ਹਾਏ ਵਾਅਦੇ ਤੇਰੇ, ਬੈਠੀ ਰਹੀ ਹਨੇਰੇ,
ਤੂੰ ਆ ਕੇ ਸਵੇਰੇ ਖ਼ਬਰ ਵੀ ਨਾ ਲੀਤੀ,
ਇਹ ਸੁਫ਼ਨਾ ਸੀ ਆਇਆ; ਤੂੰ ਮੁੜ ਲਾਰਾ ਲਾਇਆ,
ਉਮੀਦਾਂ ਦੇ ਜੰਗਲ਼ਾਂ ’ਚ ਹੀ ਰਾਤ ਬੀਤੀ।

https://t.me/satindersartaaj143/42
https://t.me/satindersartaaj143/1481
https://t.me/satindersartaaj143/1482

Jehlam De Paase (Tu’n Murh Laara Laaya)

Lyrics:-

https://t.me/satindersartaaj143/1483

Jehlam De Paase (Tu’n Murh Laara Laaya)

Lyrics:-

https://t.me/satindersartaaj143/1483

Vo Jo Ham Me’n Tum Me’n Qaraar Tha ghazal (Unreleased):-

वो जो हम में तुम में क़रार था; तुम्हें याद हो कि न याद हो,
वही या’नी वा’दा निबाह का तुम्हें याद हो कि न याद हो।

वो जो लुत्फ़ मुझ पे थे बेशतर, वो करम कि था मिरे हाल पर,
मुझे सब है याद ज़रा-ज़रा; तुम्हें याद हो कि न याद हो।

वो नए गिले; वो शिकायतें, वो मज़े-मज़े की हिकायतें,
वो हर एक बात पे रूठना तुम्हें याद हो कि न याद हो।

कभी बैठे सब में जो रू-ब-रू; तो इशारतों ही से गुफ़्तुगू;
वो बयान शौक़ का बरमला तुम्हें याद हो कि न याद हो।

हुए इत्तिफ़ाक़ से ’गर बहम; तो वफ़ा जताने को दम-ब-दम;
गिला-ए-मलामत-ए-अक़रिबा तुम्हें याद हो कि न याद हो।

कोई बात ऐसी अगर हुई; कि तुम्हारे जी को बुरी लगी;
तो बयाँ से पहले ही भूलना तुम्हें याद हो कि न याद हो।

कभी हम में; तुम में भी चाह थी, कभी हम से; तुम से भी राह थी,
कभी हम भी; तुम भी थे आश्ना; तुम्हें याद हो कि न याद हो।

सुनो ज़िक्र है कई साल का; कि किया इक आप ने वा’दा था;
सो निबाहने का तो ज़िक्र क्या; तुम्हें याद हो कि न याद हो।

कहा मैंने बात वो कोठे की मिरे दिल से साफ़ उतर गई;
तो कहा कि जाने मिरी बला तुम्हें याद हो कि न याद हो।

वो बिगड़ना वस्ल की रात का, वो न मानना किसी बात का,
वो “नहीं-नहीं” की हर आन-अदा तुम्हें याद हो कि न याद हो।

जिसे आप गिनते थे आश्ना; जिसे आप कहते थे “बा-वफ़ा”;
मैं वही हूँ ‘मोमिन’-ए-मुब्तला; तुम्हें याद हो कि न याद हो।

~ मोमिन ख़ाँ मोमिन

https://t.me/satindersartaaj143/29

Ta’n Vaseele Hon’ge

Lyrics:-

https://t.me/satindersartaaj143/1364

Chaupai Sahib

https://t.me/satindersartaaj143/1247

Ilaahi Rangey lyrics (Released):-

ਜੇਕਰ ਦੇਖਣਾ ਨੂਰ ਸਰਦਾਰੀਆਂ ਦਾ; ਤਾਂ ਪਿਛੋਕੜਾਂ ਉੱਤੇ ਮਾਰ ਝਾਤ ਵੇਖੋ,
ਐਸੀ ਛੋਹ ਇਸ ਧਰਤ ਨੂੰ ਸਤਗੁਰਾਂ ਦੀ; ਪੰਜਾਬ ਨੂੰ ਮਿਲ਼ੀ ਜੋ ਦਾਤ ਵੇਖੋ।

ਕੋਈ ਬਖ਼ਸ਼ ਪਾਤਸ਼ਾਹ ਦੀ; ਜੀ ਸਾਡੇ ਜੋਸ਼ ਇਲਾਹੀ ਰੰਗੇ,
ਸਾਡੀ ਫ਼ਤਿਹ ਅਕਾਲ ਜਿਹੀ ਤੇ ਸਾਡੇ ਗੁਰੂ ਸਦਾ ਅੰਗ-ਸੰਗੇ।

“ਜੋ ਬੋਲੇ, ਸੋ ਨਿਹਾਲ; ਸਤਿ ਸ੍ਰੀ ਅਕਾਲ” ਹਮੇਸ਼ਾ ਕਹੀਏ,
ਸਾਡੀ ਕ਼ੌਮ ਹੈ ਮਰਦਾਂ ਦੀ, ਆਪਾਂ ਚੜ੍ਹਦੀ ਕਲਾ ’ਚ ਰਹੀਏ,
ਜੈਕਾਰੇ ਲਾ-ਲਾ ਕੇ ਦੁਸ਼ਮਣ ਨੇਜ਼ਿਆਂ ਉੱਤੇ ਟੰਗੇ,
ਸਾਡੀ ਫ਼ਤਿਹ ਅਕਾਲ ਜਿਹੀ ਤੇ ਸਾਡੇ ਗੁਰੂ ਸਦਾ ਅੰਗ-ਸੰਗੇ।

ਹੱਸ-ਹੱਸ ਕ਼ੁਰਬਾਨ ਹੋਏ; ਜੀ ਸਾਡੀ ਤਵਾਰੀਖ਼ ਨੂੰ ਪੜ੍ਹਨਾ,
ਸਾਨੂੰ ਗੁਰੂ ਸਿਖਾ ਗਏ ਨੇ ਜੀ ਮਜ਼ਲੂਮਾਂ ਦੇ ਲਈ ਖੜ੍ਹਨਾ,
ਬੁਰਿਆਂ ਲਈ ਬੁਰੇ ਅਸੀਂ, ਜੀ ਆਪਾਂ ਚੰਗਿਆਂ ਦੇ ਲਈ ਚੰਗੇ,
ਸਾਡੀ ਫ਼ਤਿਹ ਅਕਾਲ ਜਿਹੀ ਤੇ ਸਾਡੇ ਗੁਰੂ ਸਦਾ ਅੰਗ-ਸੰਗੇ।

ਸਾਡੀ ਪੱਗ ਹੈ ਸ਼ਾਨ ਸਾਡੀ, ਅਸੀਂ ਜੰਗ ਵਿੱਚ ਦੁਸ਼ਮਣ ਲਲਕਾਰੇ,
ਸਵਾ ਲੱਖ ਨਾਲ਼ ਇੱਕ ਲੜਦਾ, ਜੀ ਅਸੀਂ ਜਿਊਂਦੇ ਜੀ ਨਾ ਹਾਰੇ,
ਇਹ ਫ਼ੌਜ ‘ਗੋਬਿੰਦ ਸਿੰਘ’ ਦੀ ਸਿਖਾਉਂਦੀ ਸਬਕ ’ ਜੋ ਲੈਂਦਾ ਪੰਗੇ,
ਸਾਡੀ ਫ਼ਤਿਹ ਅਕਾਲ ਜਿਹੀ ਤੇ ਸਾਡੇ ਗੁਰੂ ਸਦਾ ਅੰਗ-ਸੰਗੇ।

ਸਦਾ ਸਿੱਖ ਜਰਨੈਲ ਦੀਆਂ ਜੀ ਰੱਬ ਰੱਖਦਾ ਉੱਚੀਆਂ ਸ਼ਾਨਾਂ,
ਸਾਨੂੰ ਵਿਰਸੇ ਵਿੱਚ ਮਿਲ਼ੀਆਂ ਖੰਡੇ, ਤੁਪਕ, ਤੀਰ, ਕਿਰਪਾਨਾਂ,
ਗੁਰਬਾਣੀ ਪੜ੍ਹਦੇ ਹਾਂ, ਸਾਡੇ ਗਹਿਣੇ ਕੜੇ ਤੇ ਕੰਘੇ,
ਸਾਡੀ ਫ਼ਤਿਹ ਅਕਾਲ ਜਿਹੀ ਤੇ ਸਾਡੇ ਗੁਰੂ ਸਦਾ ਅੰਗ-ਸੰਗੇ।

ਇੱਕ ਖੰਡਾ, ਇੱਕ ਓਅੰਕਾਰ (ੴ), ਹਰ ਪਲ ਨਾਲ਼ ਵਾਹਿਗੁਰੂ ਸਾਡੇ,
ਇੱਕ ਸ਼ੌਕ ਸ਼ਹਾਦਤ ਦਾ ਦਿੱਤਾ ਪਾਲ਼ ਵਾਹਿਗੁਰੂ ਸਾਡੇ ’,
ਸਿੰਘ ਸੀਨਾ ਤਾਣ ਖੜ੍ਹੇ, ਗੋਲ਼ੀ ਛਾਤੀ ਵਿੱਚੋਂ ਲੰਘੇ,
ਸਾਡੀ ਫ਼ਤਿਹ ਅਕਾਲ ਜਿਹੀ ਤੇ ਸਾਡੇ ਗੁਰੂ ਸਦਾ ਅੰਗ-ਸੰਗੇ।

Note:- Mukharha (Chorus) may also be written as:~

ਕੋਈ ਬਖ਼ਸ਼ ਪਾਤਸ਼ਾਹ ਦੀ; ਜੀ ਸਾਡੇ ਜੋਸ਼ ਇਲਾਹੀ ਰੰਗੇ,
ਸਾਡੀ ਫ਼ਤਿਹ ਅਕਾਲ ਜਿਹੀ, ਅਸਾਂ ਤੋਂ ਮੌਤ ਵੀ ਜਿਗਰੇ ਮੰਗੇ।

https://t.me/satindersartaaj143/1476

Ilaahi Rangey

Lyrics:-

https://t.me/satindersartaaj143/1477

https://youtu.be/AswLJ5i31Ak?feature=shared

Bulaauna Nahi’n Aaya lyrics (Released):-

ਕਦੀ ਪਿਆਰ ਸਾਨੂੰ ਜਤਾਉਣਾ ਨਹੀਂ ਆਇਆ,
ਉਹ ਕੋਲ਼ੋਂ ਦੀ ਲੰਘਿਆ, ਬੁਲਾਉਣਾ ਨਹੀਂ ਆਇਆ।

ਜਿਵੇਂ ਕਿ ਉਦੋਂ ਜਾਨ ਸ਼ੀਸ਼ੇ ਦੀ ਹੋ ਗਈ,
ਜਿਵੇਂ ਕਿ ਉਦੋਂ ਪੌਣ ਚੱਲਦੀ ਖਲੋ ਗਈ,
ਇਸ਼ਾਰੇ ਨਾ’ ਹੱਥ ਵੀ ਹਿਲਾਉਣਾ ਨਹੀਂ ਆਇਆ,
ਉਹ ਕੋਲ਼ੋਂ ਦੀ ਲੰਘਿਆ, ਬੁਲਾਉਣਾ ਨਹੀਂ ਆਇਆ।

ਕਿ ਧੜਕਣ ਦਿਲਾਂ ਦੀ ਵਧੀ ਬੇ-ਮੁਹਾਰੀ,
ਕਿ ਹੋਸ਼-ਓ-ਹਵਾਸਾਂ ਨੇ ਲਾਈ ਉਡਾਰੀ,
ਮਗਰ ਹਾਲ ਫਿਰ ਵੀ ਸੁਣਾਉਣਾ ਨਹੀਂ ਆਇਆ,
ਉਹ ਕੋਲ਼ੋਂ ਦੀ ਲੰਘਿਆ, ਬੁਲਾਉਣਾ ਨਹੀਂ ਆਇਆ।

ਉਨ੍ਹਾਂ ’ ਦੇਖਿਆ ਸੀ ਜਦੋਂ ਨੇੜੇ ਆ ਕੇ;
ਜੀ ਦੱਸੀਏ ਕੀ ਗੁਜ਼ਰੀ ਸੀ ਨਜ਼ਰਾਂ ਮਿਲ਼ਾ ਕੇ,
ਫੇ’ ਅੱਖੀਆਂ ਨੂੰ ਇਸ਼ਕ਼ਾ ਛੁਪਾਉਣਾ ਨਹੀਂ ਆਇਆ,
ਉਹ ਕੋਲ਼ੋਂ ਦੀ ਲੰਘਿਆ, ਬੁਲਾਉਣਾ ਨਹੀਂ ਆਇਆ।

ਕਿ ਜਿਸ ਥਾਂ ਖੜ੍ਹੇ ਸੀ; ਉਹਦਾ ਨਾਂ ਵੀ ਭੁੱਲਿਆ,
ਹਾਂ ‘ਸਰਤਾਜ’ ਸਾਨੂੰ ਮੁਕਾਵਣ ਤੇ ਤੁਲਿਆ;
ਕਿਹਾ ਗਾਉਣ ਨੂੰ, ਸਾਨੂੰ ਗਾਉਣਾ ਨਹੀਂ ਆਇਆ,
ਉਹ ਕੋਲ਼ੋਂ ਦੀ ਲੰਘਿਆ, ਬੁਲਾਉਣਾ ਨਹੀਂ ਆਇਆ।

~~~

Bulaauna Nahi’n Aaya English lyrics:-

Kadi pyaar saanu’n jataauna nahi aaya,
Oh kolo’n di langheya, bulaauna nahi aaya.

Jive’n ke odo’n jaan sheeshe di ho gayi,
Jive’n ke odo’n paun challdi khalo gayi,
Ishaarey na’ hathh vi hilaauna nahi aaya,
Oh kolo’n di langheya, bulaauna nahi aaya.

Ke dharhkan dila’n di vadhi be-muhaari,
Ke hosh-o-havaas’an ne laayi udaari,
Magar haal phir vi sunaauna nahi aaya,
Oh kolo’n di langheya, bulaauna nahi aaya.

Ohna’n ’ dekheya si jado’n nerhe aa ke;
Ji dassiye ki guzari si nazar’an mila ke,
Phe’ akkhiya’n nu’n ishaqa chhupaauna nahi aaya,
Oh kolo’n di langheya, bulaauna nahi aaya.

Ke jis tha’n kharhey si; ohda na’n vi bhulleya,
Ha’n ‘Sartaaj’ saanu’n mukaavan ’te tuleya;
Keha gaaun nu, saanu’n gaauna nahi aaya,
Oh kolo’n di langheya, bulaauna nahi aaya.

https://t.me/satindersartaaj143/1454

Bulaauna Nahi’n Aaya

Lyrics:-

https://t.me/satindersartaaj143/1455

https://youtu.be/k9h9M6EaW7o?feature=shared

https://www.instagram.com/reel/DCjGKPLSeew/?igsh=bzA3aXozZzFxdnpl

Japji Sahib

“ਉਹ ਬਾਬਾ ਰਬਾਬਾਂ ਨੂੰ ‘ਜਪੁਜੀ’ ਸੁਣਾਉਂਦਾ,
ਉਹ ‘ਨਾਨਕ’; ਜੋ ਨਦੀਆਂ ਪਹਾੜਾਂ ਤੋਂ ਲਾਹੁੰਦਾ,
ਇਹ ਓਸੇ ਨਦਰ ਦਾ ਨਿਆਰਾ ਇਸ਼ਾਰਾ;
ਜੋ ਸੁਰ ਦੇ ਕੇ ‘ਸਰਤਾਜ’ ਤੋਂ ਹੈ ਗਵਾਉਂਦਾ।”

ਆਪ ਸਭ ਨੂੰ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ 555ਵੇਂ ਜਨਮ ਦਿਹਾੜੇ ਦੇ ਪਾਵਨ ਅਵਸਰ ’ਤੇ ਲੱਖ-ਲੱਖ ਵਧਾਈਆਂ ਜੀ।!!

https://instagram.com/p/DCXgMWIyqtF/

Noor Naanak Da (Eh Gharhi Hai Daras Di):-

ਇਹ ਘੜੀ ਹੈ ਦਰਸ ਦੀ, ਦੀਦਾਰ ਦੀ,
ਇਹ ਘੜੀ ਹੈ ਪਈ ਮਿਹਰ ਪੁਰ-ਕਰਤਾਰ ਦੀ।
ਲੋਧੀ ਮੋਦੀਖ਼ਾਨੇ “ਤੇਰਾ” ਤੋਲਿਆ;
ਵਾਹਿਦ ਇੱਕ ਮਿਸਾਲ ਹੈ ਇਹ ਵਿਉਪਾਰ ਦੀ।
ਨੂਰ ‘ਨਾਨਕ’ ਦਾ ਵੱਸੇ ਸੁਲਤਾਨਪੁਰ;
ਵੇਈਂ ਨੂੰ ਕੋਈ ਬਖ਼ਸ਼ “ਇੱਕ-ਓਂਕਾਰ (ੴ)” ਦੀ,
ਲਫ਼ਜ਼ ਓਸੇ ਦੇ ਅਕ਼ੀਦਤ ਓਸ ਨੂੰ ‘ਆਰਤੀ’ ‘ਸਰਤਾਜ’ ਪਰਵਰਦੀਗਾਰ ਦੀ।

https://youtu.be/l4Y4WFKsfsY?si=-vYDeX1QDEC3HhZb

https://youtu.be/VkMPQKYIJV8?si=gIM755LmkFEMz6LY

Koi Daat Deyo Ji Sadqe lyrics (Unreleased):-

ਕੋਈ ਦਾਤ ਦਿਓ ਜੀ ਸਦਕ਼ੇ, ਪਰ ਵਿੱਚ ਖਰੂਦ ਨਾ ਹੋਵੇ,
ਫੁਲਝੜੀਆਂ ਤਾਂ ਜਾਇਜ਼ ਨੇ, ਲੇਕਿਨ ਬਾਰੂਦ ਨਾ ਹੋਵੇ।

ਹਰ ਥਾਂ ’ਤੇ ਪਿਆਰਾਂ ਵਾਲ਼ੀ ਹੁਣ ਬੀਜ ਦਿਓ ਫੁਲਵਾੜੀ,
ਹੁਣ ਯਾਰ ਵੈਰੀਆਂ ਸੰਗ ਵੀ ਤੂੰ ਪਾ ਲੈ ਪੱਕੀ ਆੜੀ,
ਨਫ਼ਰਤ ਦੇ ਤਿਣਕੇ ਦਾ ਤਾਂ ਹੁਣ ਜ਼ਰਾ ਵਜੂਦ ਨਾ ਹੋਵੇ,
ਕੋਈ ਦਾਤ ਦਿਓ ਜੀ ਸਦਕ਼ੇ, ਪਰ ਵਿੱਚ ਖਰੂਦ ਨਾ ਹੋਵੇ।

ਮੈਂ ਇੱਥੇ ਜੇ ਬੈਠਾ ਤਾਂ ਇਹ ਸਾਰੀ ਬਖ਼ਸ਼ਿਸ਼ ਥੋਡੀ,
ਇਹ ਫੁੱਲ ਖਿੜੇ ਨੇ ਤਾਂ ਹੀ; ਕੀਤੀ ਏ ਰੱਜ ਕੇ ਗੋਡੀ,
ਫਿਰ ਜਚਣੀ ਨਹੀਂ ਮਹਿਫ਼ਿਲ; ਜੇ ‘ਸਰਤਾਜ’ ਮੌਜੂਦ ਨਾ ਹੋਵੇ,
ਕੋਈ ਦਾਤ ਦਿਓ ਜੀ ਸਦਕ਼ੇ, ਪਰ ਵਿੱਚ ਖਰੂਦ ਨਾ ਹੋਵੇ।

https://t.me/satindersartaaj143/40

https://youtu.be/_5_VQ6J3cL4?feature=shared

https://youtu.be/mnqawZCDm-E?feature=shared

Jind Naalo’n Qeemti Samaan lyrics (Unreleased):-

ਗੁਜ਼ਰੇ ਜ਼ਮਾਨਿਆਂ ’ਚੋਂ ਜ਼ਿੰਦਗੀ ਫਰੋਲਦਿਆਂ ਲੱਭੀ ਇੱਕ ਚੀਜ਼ ਤੇ ਜਹਾਨ ਲੱਭਿਆ,
ਸੋਹਣੇ-ਸੋਹਣੇ ਮਹਿਕਦੇ ਤਸੱਵੁਰਾਂ ’ਚ ਬੰਦ ਕੋਈ ਜਿੰਦ ਨਾਲ਼ੋਂ ਕ਼ੀਮਤੀ ਸਮਾਨ ਲੱਭਿਆ।

ਸੁੱਤੇ ਹੋਏ ਸਮੇਂ ਨੂੰ ਜਗਾਉਣ ਦਾ ਸਿਲ੍ਹਾ ਵੀ ਸ਼ਾਇਦ ਕ਼ੀਮਤਾਂ ਤੋਂ ਵੱਧ ਹੀ ਚੁਕਾਉਣਾ ਪਵੇਗਾ,
ਕਿੰਨਾ ਚਿਰ ਸੰਧਲੀ ਖ਼ਿਆਲਾਂ ’ਚ ਗਵਾਚ ਹੋਣਾ; ਆਖ਼ਿਰ ਹਕ਼ੀਕ਼ਤਾਂ ’ਚ ਆਉਣਾ ਪਵੇਗਾ,
ਆਪਣੇ ਹੱਥਾਂ ’ ਨਾ ਲਿਖ ਆਪ ਨੂੰ ਸਜ਼ਾਵਾਂ ਆਪੇ ਮੋਹਰ ਲਾ ਕੇ ਰੱਖਿਆ ਐਲਾਨ ਲੱਭਿਆ,
ਸੋਹਣੇ-ਸੋਹਣੇ ਮਹਿਕਦੇ ਤਸੱਵੁਰਾਂ ’ਚ ਬੰਦ ਕੋਈ ਜਿੰਦ ਨਾਲ਼ੋਂ ਕ਼ੀਮਤੀ ਸਮਾਨ ਲੱਭਿਆ।

ਸੋਚਦਾ ਕਿ; ਮੈਨੂੰ ਇਹਦੀ ਭਾਲ਼ ਸੀ; ਕਿ ਆਪੇ ਤੁਰੇ ਜਾਂਦਿਆਂ ਸਫ਼ਰ ’ਚ ਨਜ਼ਰ ਪੈ ਗਈ,
ਹੋਸ਼ ਨਾਲ਼ ਕੀਤੀ ਇਹੋ ਕੋਸ਼ਿਸ਼ ਨਾ ਲੱਗੇ, ਗੋਤੇ ਖਾਂਦਿਆਂ ਸਫ਼ਰ ’ਚ ਨਜ਼ਰ ਪੈ ਗਈ,
ਜੀਹਦੀਆਂ ਕੰਧਾਂ ਨੂੰ ਵੇਲਾਂ-ਕਲੀਆਂ ਨੇ ਢਕਿਆ ਜੀ; ਇਸ਼ਕ਼ੇ ਦਾ ਅੱਜ ਉਹ ਮਕਾਨ ਲੱਭਿਆ,
ਸੋਹਣੇ-ਸੋਹਣੇ ਮਹਿਕਦੇ ਤਸੱਵੁਰਾਂ ’ਚ ਬੰਦ ਕੋਈ ਜਿੰਦ ਨਾਲ਼ੋਂ ਕ਼ੀਮਤੀ ਸਮਾਨ ਲੱਭਿਆ।

https://t.me/satindersartaaj143/1440

Jind Naalo’n Qeemti Samaan

Main Thode Sadqe Ha’n Pardesiyo; Tusi’n Rakkheya Vatan Sambhaal Ke lyrics (Unreleased):-

ਮੈਂ ਥੋਡੇ ਸਦਕ਼ੇ ਹਾਂ ਪਰਦੇਸੀਓ; ਤੁਸੀਂ ਰੱਖਿਆ ਵਤਨ ਸੰਭਾਲ਼ ਕੇ,
ਇਹੀ ਕ਼ਿੱਸੇ ਦੋਹਰਾ ਦਿਓ ਬੱਚਿਆਂ ਨੂੰ ਕੋਲ਼ ਬਿਠਾਲ਼ ਕੇ,
ਥੋਡੇ ਕਰਕੇ ਹੀ ਨੇ ਫ਼ਨਕਾਰੀਆਂ ਨਾਲ਼ੇ ਲੱਜ਼ਤ ਐਸ ਜ਼ੁਬਾਨ ਦੀ,
ਮੁੜ ਆਇਆ ਸ਼ਾਇਰ ਪੰਜਾਬ ਤੋਂ ਕੁਝ ਲਫ਼ਜ਼ ਸੁਰਾਂ ਵਿੱਚ ਢਾਲ਼ ਕੇ।

~~~ ਕੁੱਲ ਦੁਨੀਆ ’ਤੇ ਸਰਦਾਰੀਆਂ,
ਔਖੇ ਵਕ਼ਤ ਤੇ ਤੰਗੀਆਂ ਕੱਟੀਆਂ; ਪਰ ਛੱਡੀਆਂ ਨਹੀਂ ਦਿਲਦਾਰੀਆਂ,
ਮੈਂ ਅੱਜ ਵੀ ਬਹਿਣੀ ਵੇਖਦਾ, ਇੱਕ ਖਿੱਚ ਜਿਹੀ ਉਸ ਦਹਿਲੀਜ਼ ਦੀ;
ਜਿੱਥੋਂ ਤੁਰ ਪਏ ਅੱਧੀ ਰਾਤ ਨੂੰ ਅੰਮੀ ਤੋਂ ਨਜ਼ਰਾਂ ਟਾਲ਼ ਕੇ,
ਮੈਂ ਥੋਡੇ ਸਦਕ਼ੇ ਹਾਂ ਪਰਦੇਸੀਓ; ਤੁਸੀਂ ਰੱਖਿਆ ਵਤਨ ਸੰਭਾਲ਼ ਕੇ,
ਇਹੀ ਕ਼ਿੱਸੇ ਦੋਹਰਾ ਦਿਓ ਬੱਚਿਆਂ ਨੂੰ ਕੋਲ਼ ਬਿਠਾਲ਼ ਕੇ।

ਧਰਤੀ ਦੇ ਦੂਜੇ ਪਾਸੜੇ ਵੈਸਾਖੀ ਅਤੇ ਕਬੱਡੀਆਂ,
ਮੈਨੂੰ ਫ਼ਖ਼ਰ ਕਿ; ਗਿੱਧੇ ਪਾਉਂਦੀਆਂ ਇੱਥੇ ਜੰਮ ਕੇ ਹੋਈਆਂ ਵੱਡੀਆਂ,
ਸਤਿਕਾਰ ਬਜ਼ੁਰਗਾਂ ਵਾਸਤੇ; ਜਿਨ੍ਹਾਂ ’ ਸਿਰ ’ਤੇ ਫ਼ਿਕਰਾਂ ਛੱਡੀਆਂ,
ਸਾਨੂੰ ਐਨੇ ਜੋਗੇ ਕਰ ਗਏ ਸਾਡੇ ਮਾਪੇ ਉਮਰਾਂ ਗਾਲ਼ ਕੇ,
ਮੈਂ ਥੋਡੇ ਸਦਕ਼ੇ ਹਾਂ ਪਰਦੇਸੀਓ; ਤੁਸੀਂ ਰੱਖਿਆ ਵਤਨ ਸੰਭਾਲ਼ ਕੇ,
ਇਹੀ ਕ਼ਿੱਸੇ ਦੋਹਰਾ ਦਿਓ ਬੱਚਿਆਂ ਨੂੰ ਕੋਲ਼ ਬਿਠਾਲ਼ ਕੇ।

ਸ਼ਾ-ਅੱਲ੍ਹਾ ਰਹਿਣ ਮਹਿਫ਼ਿਲਾਂ ਲੱਗਦੀਆਂ, ਸ਼ਾ-ਅੱਲ੍ਹਾ ਖ਼ੁਸ਼ਬੂ ਆਵੇ ਪਿਆਰ ਦੀ,
ਰੱਬ ਭਲਾ ਕਰੇ ਸਰਬੱਤ ਦਾ ਅਤੇ ਪੱਤ ਰੱਖੇ ਫ਼ਨਕਾਰ ਦੀ,
ਸਾਡਾ ਜਜ਼ਬਾ ਦੂਣਾ ਹੋ ਗਿਆ; ਅੱਜ ਫੇਰ ਮੁਹੱਬਤਾਂ ਵੇਖੀਆਂ,
‘ਸਰਤਾਜ’ ਗ਼ੁਲਾਮ ਬਣਾ ਲਿਆ ਤੁਸੀਂ ਮੋਹ ਦੇ ਦੀਵੇ ਬਾਲ਼ ਕੇ,
ਮੈਂ ਥੋਡੇ ਸਦਕ਼ੇ ਹਾਂ ਪਰਦੇਸੀਓ; ਤੁਸੀਂ ਰੱਖਿਆ ਵਤਨ ਸੰਭਾਲ਼ ਕੇ,
ਇਹੀ ਕ਼ਿੱਸੇ ਦੋਹਰਾ ਦਿਓ ਬੱਚਿਆਂ ਨੂੰ ਕੋਲ਼ ਬਿਠਾਲ਼ ਕੇ।

https://t.me/satindersartaaj143/27

Dhan Dhan Raamdaas Gur shabad (Unreleased):-

ਧੰਨੁ ਧੰਨੁ ਰਾਮਦਾਸ ਗੁਰੁ ਜਿਨਿ ਸਿਰਿਆ ਤਿਨੈ ਸਵਾਰਿਆ॥
ਪੂਰੀ ਹੋਈ ਕਰਾਮਾਤਿ ਆਪਿ ਸਿਰਜਣਹਾਰੈ ਧਾਰਿਆ॥
ਸਿਖੀ ਅਤੈ ਸੰਗਤੀ ਪਾਰਬ੍ਰਹਮੁ ਕਰਿ ਨਮਸਕਾਰਿਆ॥
ਅਟਲੁ ਅਥਾਹੁ ਅਤੋਲੁ ਤੂ ਤੇਰਾ ਅੰਤੁ ਨ ਪਾਰਾਵਾਰਿਆ॥
ਜਿਨੑੀ ਤੂੰ ਸੇਵਿਆ ਭਾਉ ਕਰਿ ਸੇ ਤੁਧੁ ਪਾਰਿ ਉਤਾਰਿਆ॥
ਲਬੁ ਲੋਭੁ ਕਾਮੁ ਕ੍ਰੋਧੁ ਮੋਹੁ ਮਾਰਿ ਕਢੇ ਤੁਧੁ ਸਪਰਵਾਰਿਆ॥
ਧੰਨੁ ਸੁ ਤੇਰਾ ਥਾਨੁ ਹੈ ਸਚੁ ਤੇਰਾ ਪੈਸਕਾਰਿਆ॥
ਨਾਨਕੁ ਤੂ ਲਹਣਾ ਤੂਹੈ ਗੁਰੁ ਅਮਰੁ ਤੂ ਵੀਚਾਰਿਆ॥
ਗੁਰੁ ਡਿਠਾ ਤਾਂ ਮਨੁ ਸਾਧਾਰਿਆ॥੭॥

~ਭੱਟ ਸੱਤਾ ਜੀ, ਭੱਟ ਬਲਵੰਡ ਜੀ

https://t.me/satindersartaaj143/25

Saanu’n Ikk Pal Chain Na Aave lyrics (Unreleased):-

ਖ਼ੁਦਾ; ਦੁਸ਼ਮਣ ਕਿਸੇ ਨੂੰ ਵੀ ਹਿਜਰ ਦਾ ਰੋਗ ਨਾ ਲਾਵੇ,
ਜ਼ਮਾਨਾ ਮਾਰਦਾ ਤਾਅਨੇ, ਵਿਛੋੜਾ ਜਾਨ ਪਿਆ ਖਾਵੇ।

ਸਾਨੂੰ ਇੱਕ-ਪਲ ਚੈਨ ਨਾ ਆਵੇ ਸੱਜਣਾ ਤੇਰੇ ਬਿਨਾਂ,
ਦਿਲ ਕਮਲਾ ਡੁੱਬ-ਡੁੱਬ ਜਾਵੇ ਸੱਜਣਾਂ ਤੇਰੇ ਬਿਨਾਂ।

ਰਾਤੀਂ ਮੈਂ ਜਗਾਵਾਂ ਦੀਵਾ ਹੰਝੂਆਂ ਦੇ ਤੇਲ ਦਾ,
ਹਾਏ ਓ ਰੱਬਾ ਸੱਜਣਾਂ ਨੂੰ ਛੇਤੀ ਕਿਉਂ ਨਹੀਂ ਮੇਲ਼ਦਾ।

ਆ ਕਾਗਾ; ਤੈਨੂੰ ਚੂਰੀਆਂ ਪਾਵਾਂ, ਕਦੀ ਸਾਡੇ ਵੀ ਬੈਠ ਬਨੇਰੇ,
ਦੇ ਪੈਗ਼ਾਮ ਕੋਈ ਸੱਜਣਾਂ ਵਾਲ਼ਾ; ਵੇ ਮੈਂ ਸ਼ਗਨ ਮਨਾਵਾਂ ਤੇਰੇ।

https://t.me/satindersartaaj143/18

Jado’n Fankaariya’n Bolan (Rabb Sabh Jaan’da) lyrics (Unreleased):-

ਜਦੋਂ ਫ਼ਨਕਰਾੀਆਂ ਬੋਲਣ; ਓਦੋਂ ਖ਼ੁਦ ਬੋਲਣਾ ਕੀ,
ਰੱਬ ਸਭ ਜਾਣਦਾ ਬੰਦਿਆ; ਤੂੰ ਦਿਲ ਨੂੰ ਖੋਲ੍ਹਣਾ ਕੀ।

ਸੁੱਕਿਆਂ ਮੌਸਮਾਂ ਵਿੱਚ ਪਾਣੀਆਂ ਦੀ ਥੋੜ੍ਹ ਹੁੰਦੀ ਏ,
ਵਕ਼ਤਾਂ-ਮਾਰਿਆਂ ਨੂੰ ਆਸਰੇ ਦੀ ਲੋੜ ਹੁੰਦੀ ਏ,
ਜਦੋਂ ਬਰਸਾਤ ਹੀ ਪੈ ਗਈ ਤਾਂ ਪਾਣੀ ਡੋਲ੍ਹਣਾ ਕੀ,
ਰੱਬ ਸਭ ਜਾਣਦਾ ਬੰਦਿਆ; ਤੂੰ ਦਿਲ ਨੂੰ ਖੋਲ੍ਹਣਾ ਕੀ।

ਫ਼ਰੇਬਾਂ ਦੀ ਇਹ ਦੁਨੀਆ ਨੂੰ ਕੋਈ ਸਮਝਾਵੇ ਦੱਸ ਕੀਕਣ,
ਇਹ ਅਸਲੀਅਤ-ਹਕ਼ੀਕ਼ਤ ਨੂੰ ਪੱਲੇ ਵਿੱਚ ਪਾਵੇ ਦੱਸ ਕੀਕਣ,
ਕਿ ਜੋ ਮਿੱਟੀ ਤੋਂ ਬਣਿਆ ਏ; ਮਿੱਟੀ ਵਿੱਚ ਰੋਲਣਾ ਕੀ,
ਰੱਬ ਸਭ ਜਾਣਦਾ ਬੰਦਿਆ; ਤੂੰ ਦਿਲ ਨੂੰ ਖੋਲ੍ਹਣਾ ਕੀ।

ਅਸਰ ਹੁੰਦੈ ਜ਼ੁਬਾਨਾਂ ’ਚ ਜੇ ਦਿਲ ਵੀ ਸਾਫ਼ ਹੋਵੇ,
ਕ਼ਬੂਲੇਂਗਾ ਗ਼ੁਨਾਹ ਜੇਕਰ; ਤਾਂ ਸ਼ਾਇਦ ਮਾਫ਼ ਹੋਵੇ,
ਜਦੋਂ “ਤੇਰਾ ਹੀ ਤੇਰਾ” ਏ; ਤਾਂ ਘੱਟ-ਵੱਧ ਤੋਲਣਾ ਕੀ,
ਰੱਬ ਸਭ ਜਾਣਦਾ ਬੰਦਿਆ; ਤੂੰ ਦਿਲ ਨੂੰ ਖੋਲ੍ਹਣਾ ਕੀ।

ਜਦੋਂ ਨੁਕਤੇ ਦੀ ਗੱਲ ਆਈ ਤਾਂ ਨੇਤਰ ਆਪ ਬੰਦ ਹੋਏ,
ਇਹ ਗੱਲ ਲੱਖਾਂ ਆਗਾਸਾਂ ਦੀ, ਕਰੋੜਾਂ ਫੇਰ ਚੰਦ ਹੋਏ,
‘ਸਤਿੰਦਰਪਾਲ ਸਿੰਘ ਸਰਤਾਜ’ ਨੇ ਹੁਣ ਬੋਲਣਾ ਕੀ,
ਰੱਬ ਸਭ ਜਾਣਦਾ ਬੰਦਿਆ; ਤੂੰ ਦਿਲ ਨੂੰ ਖੋਲ੍ਹਣਾ ਕੀ।

https://t.me/satindersartaaj143/186
https://t.me/satindersartaaj143/172

Hoshiar Singh; Aapna Arastu !!…
Movie to be released on February 7th, 2025!..
ਜੱਗੋਂ ਅਵੱਲਾ; ਤਾਂਹੀਓਂ ’ਕੱਲਾ!..
😍😍

Hoshiar Singh; Aapna Arastu !!…
Movie to be released on February 7th, 2025!..
ਜੱਗੋਂ ਅਵੱਲਾ; ਤਾਂਹੀਓਂ ’ਕੱਲਾ!..
😍😍

“Life is the gift of nature, but a beautiful life is the reward of wisdom.”
~ Satinder Sartaaj Ji

https://www.instagram.com/reel/DBgWxL1Mrcs/?igsh=MXgwd2V1MThsamU2YQ==

“Bliss itself is a blessing; though blessing still has to travel towards bliss.”
~ Satinder Sartaaj Ji

https://youtu.be/wE-Bw9cIP3c

https://youtube.com/watch?v=PH0ZSeSeqVc&feature=shared

Jannat lyrics (Released):-

ਸੁਣਿਓ; ਸ਼ਾਇਰਾਂ ਨਾ’ ਖ਼ਿਆਲ ਜਿਹੇ ਫ਼ਰਮਾਏ ਜਾਂਦੇ ਨੇ,
ਪਰਦੇ ਜੰਨਤ ਜਿਹੀ ਦੁਨੀਆ ਤੋਂ ਸਰਕਾਏ ਜਾਂਦੇ ਨੇ।

ਵੈਸੇ ਮੰਨਣਾ ਔਖਾ ਏ; ਪਰ ਇਤਬਾਰ ਕਰਿਓ ਜੀ,
ਮੇਰੇ ਕਹਿਣੇ ’ਤੇ ਇੱਕ ਵਾਰੀ ਦੀਦਾਰ ਕਰਿਓ ਜੀ,
ਇਹਨਾਂ ਖ਼ਿਆਲਾਂ ਨੂੰ ਬੇ-ਸੁਰਤੀ ਵਿੱਚ ਪਾਰ ਕਰਿਓ ਜੀ,
ਤੱਕਿਓ ਰੂਹ ਦੇ ਕੋਨੇ ਕਿੱਦਾਂ ਰੁਸ਼ਨਾਏ ਜਾਂਦੇ ਨੇ,
ਸੁਣਿਓ; ਸ਼ਾਇਰਾਂ ਨਾ’ ਖ਼ਿਆਲ ਜਿਹੇ ਫ਼ਰਮਾਏ ਜਾਂਦੇ ਨੇ,
ਪਰਦੇ ਜੰਨਤ ਜਿਹੀ ਦੁਨੀਆ ਤੋਂ ਸਰਕਾਏ ਜਾਂਦੇ ਨੇ।

ਮੈਨੂੰ ਦੇ ਕੇ ਝਲਕਾਰਾ ਉਲਫ਼ਤ ਉਹਲੇ ਹੋ ਗਈ,
ਪਾ ਕੇ ਦਿਲ ਦੇ ਵਿੱਚ ਪਾਰਾ ਉਲਫ਼ਤ ਉਹਲੇ ਹੋ ਗਈ,
ਜੀ ਹੁਣ ਚੱਲਦਾ ਨਹੀਂ ਚਾਰਾ, ਉਲਫ਼ਤ ਉਹਲੇ ਹੋ ਗਈ,
ਦੇਖੋ ਹੁਣ ਕਦ ਆਸ਼ਿਕ਼ ਦਰ ’ਤੇ ਬੁਲਵਾਏ ਜਾਂਦੇ ਨੇ,
ਸੁਣਿਓ; ਸ਼ਾਇਰਾਂ ਨਾ’ ਖ਼ਿਆਲ ਜਿਹੇ ਫ਼ਰਮਾਏ ਜਾਂਦੇ ਨੇ,
ਪਰਦੇ ਜੰਨਤ ਜਿਹੀ ਦੁਨੀਆ ਤੋਂ ਸਰਕਾਏ ਜਾਂਦੇ ਨੇ।

ਉੱਥੇ ਲਫ਼ਜ਼ਾਂ ਪੈਰ ਵੀ ਧੁਆਏ ਜਾਂਦੇ ਨੇ,
ਉੱਥੇ ਰੁਲ਼ਦੇ ਹੋਏ ਪੱਤੇ ਵੀ ਵਡਿਆਏ ਜਾਂਦੇ ਨੇ,
ਉੱਥੇ ਸਾਰੇ ਗੁਰ ਪਿਆਰ ਦੇ ਸਿਖਾਏ ਜਾਂਦੇ ਨੇ;
ਤਾਂਹੀਓਂ ਨੈਣ ਜਿਹੇ ਮਿਲ਼ਾ ਕੇ ਫੇ’ ਝੁਕਾਏ ਜਾਂਦੇ ਨੇ,
ਸੁਣਿਓ; ਸ਼ਾਇਰਾਂ ਨਾ’ ਖ਼ਿਆਲ ਜਿਹੇ ਫ਼ਰਮਾਏ ਜਾਂਦੇ ਨੇ,
ਪਰਦੇ ਜੰਨਤ ਜਿਹੀ ਦੁਨੀਆ ਤੋਂ ਸਰਕਾਏ ਜਾਂਦੇ ਨੇ।

ਮੈਂ ਤਾਂ ਖ਼ੁਸ਼ ਹਾਂ; ਕਿ ਜ਼ਰੀਏ ਦੇ ਲਈ ਮੂਰਤ ਵੀ ਹੈ,
ਜਿਹੜੀ ਸੁਫ਼ਨਾ ਲੱਗਦੀ, ਦੁਨੀਆ ਤੇ ਸੂਰਤ ਵੀ ਹੈ,
ਨਾਲ਼ੇ ਉਹਲੇ ਨੂੰ ਜ਼ਾਹਿਰ ਦੀ ਜ਼ਰੂਰਤ ਵੀ ਹੈ;
ਤਾਂ ਹੀ ਸ਼ਾਇਰਾਂ ਤੋਂ ਦਸ’ਖ਼ਤ ਵੀ ਕਰਵਾਏ ਜਾਂਦੇ ਨੇ,
ਸੁਣਿਓ; ਸ਼ਾਇਰਾਂ ਨਾ’ ਖ਼ਿਆਲ ਜਿਹੇ ਫ਼ਰਮਾਏ ਜਾਂਦੇ ਨੇ,
ਪਰਦੇ ਜੰਨਤ ਜਿਹੀ ਦੁਨੀਆ ਤੋਂ ਸਰਕਾਏ ਜਾਂਦੇ ਨੇ।

ਤੇਰੇ ਨਗ਼ਮੇ ਤਨਹਾਈਆਂ ਦੇ ਵਿੱਚ ਗਾਏ ਜਾਂਦੇ ਨੇ;
ਨਾਲ਼ੇ ਸੁਣਿਆ; ਕਿ ਮੁੜ-ਮੁੜ ਕੇ ਦੁਹਰਾਏ ਜਾਂਦੇ ਨੇ,
ਇਹ ਤਾਂ ਦਿਲ ਦੇ ਵਿੱਚ ਸਾਂਭ ਕੇ ਸਜਾਏ ਜਾਂਦੇ ਨੇ,
ਤੇਰੇ ਵਰਗੇ ‘ਸਰਤਾਜ’ ਵੀ ਬੁਲਾਏ ਜਾਂਦੇ ਨੇ,
ਸੁਣਿਓ; ਸ਼ਾਇਰਾਂ ਨਾ’ ਖ਼ਿਆਲ ਜਿਹੇ ਫ਼ਰਮਾਏ ਜਾਂਦੇ ਨੇ,
ਪਰਦੇ ਜੰਨਤ ਜਿਹੀ ਦੁਨੀਆ ਤੋਂ ਸਰਕਾਏ ਜਾਂਦੇ ਨੇ।

https://t.me/satindersartaaj143/1401

Masroof lyrics (Released):-

ਸੋਹਣਾ ਦਿਲ ਕੋਈ ਖ਼ਾਕ ਰਾਹਾਂ ਦੀ ਛਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ,
ਦਿਲਬਰ ਦੇ ਜ਼ਰੀਏ ਖ਼ੁਦ ਨੂੰ ਪਹਿਚਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ।

ਰੂਹ ਹੁੰਦੀ ਨਾਯਾਬ; ਕਿ ਜਿਹੜੀ ਮਹਿਰਮ ਲਈ ਝੁਕਦੀ ਖ਼ੁਸ਼ ਹੋ ਕੇ,
ਆਪਣੇ ਦਿਲ ਦੀ ਲੈਅ ਟੁੱਟਣ ਤੋਂ ਬਾਅਦ ਵੀ ਉਹ ਰੁਕਦੀ ਖ਼ੁਸ਼ ਹੋ ਕੇ,
ਲੇਕਿਨ ਫਿਰ ਵੀ ਦੇਖ; ਕਿ ਜ਼ਿੰਦਗੀ ਮਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ,
ਸੋਹਣਾ ਦਿਲ ਕੋਈ ਖ਼ਾਕ ਰਾਹਾਂ ਦੀ ਛਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ।

“ਬੱਦਲ਼ਾਂ ਨੇ ਕਿਉਂ ਧੁੱਪ ਰੋਕੀ”; ਕਈ ਇਸ ਗੱਲ ਤੋਂ ਪਰੇਸ਼ਾਨ ਬੜੇ ਨੇ,
ਸੂਰਜ ਦਾ ਬਟਵਾਰਾ ਹੁੰਦਾ ਦੇਖ ਕੇ ਲੋਕ ਹੈਰਾਨ ਬੜੇ ਨੇ,
ਪਰ ਦੇਖੋ ਕੋਈ ਚੰਨ ਦੇ ਮੱਧਮ ਚਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ,
ਸੋਹਣਾ ਦਿਲ ਕੋਈ ਖ਼ਾਕ ਰਾਹਾਂ ਦੀ ਛਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ।

ਕੋਈ ਦਰਿਆਵਾਂ ’ਤੇ ਹੱਕ ਮੰਗਦਾ, ਕੋਈ ਬੁੱਕ ਭਰ ਸ਼ੁਕਰਾਨੇ ਕਰਦਾ,
ਇੱਕ ਹੈ ਜਿਹੜਾ ਰਜ਼ਾ ’ਚ ਰਾਜ਼ੀ ਰਹਿਣ ਦੇ ਸਦਾ ਬਹਾਨੇ ਘੜਦਾ;
ਉਹ ਅੰਬਰ ਦੀਆਂ ਤਣੀਆਂ ਫੜ ਕੇ ਤਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ,
ਸੋਹਣਾ ਦਿਲ ਕੋਈ ਖ਼ਾਕ ਰਾਹਾਂ ਦੀ ਛਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ।

ਇਹ ਕਿਹੜਾ ਬੇ-ਇਲਮ ਜਿਹਾ; ਜੋ ਸ਼ਾਇਰ ਬਣ ‘ਸਰਤਾਜ’ ਕਹਾਉਂਦਾ;
ਇਹ ਕਿਹੜੇ ਰੰਗਾਂ ਵਿੱਚ ਰੁੱਝਿਆ ਸਾਜ਼-ਨਵਾਜ਼ੀ ਕਰ-ਕਰ ਗਾਉਂਦਾ,
ਇਹ ਕ਼ੁਦਰਤ ਦੀਆਂ ਦਿਲਬਰੀਆਂ ਨੂੰ ਜਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ,
ਸੋਹਣਾ ਦਿਲ ਕੋਈ ਖ਼ਾਕ ਰਾਹਾਂ ਦੀ ਛਾਨਣ ਵਿੱਚ ਮਸਰੂਫ਼ ਹੈ ਕਾਫ਼ੀ।

https://t.me/satindersartaaj143/1395

Shabnami Yaada’n lyrics (Released):-

ਸ਼ਬਨਮੀ ਯਾਦਾਂ ਤਸੱਵੁਰ ਦੇ ਨਵੇਂ ਪੱਤਿਆਂ ’ਤੇ ਬਹਿ ਕੇ
ਆਫ਼ਤਾਬੀ-ਉਲਫ਼ਤਾਂ ਬਾਰੇ ਕਰਨ ਜੋ ਮਸ਼ਵਰੇ;
ਉਸ ’ਚੋਂ ਉਮੀਦਾਂ ਦੀ ਟਾਹਣੀ ਨੂੰ ਮਿਲ਼ੀ ਇਤਲਾਹ ਇਹੀ;
ਕਿ ਹਿਜਰ ਦੇ ਮੌਸਮ ’ਚੇ ਰੱਖਣੇ ਕਿਸ ਤਰ੍ਹਾਂ ਜਜ਼ਬੇ ਹਰੇ।

ਕੋਈ ਦਰ ਆਏ; ਮੁਹੱਬਤ ਨੂੰ ਸੁਨੇਹੇ ਦੇ ਦਵੇ,
ਆਸ਼ਿਕ਼ੀ ਦੇ ਪਰਬਤਾਂ ’ਚੋਂ ਸਫ਼ਰ ਕਰਦੇ ਨੂੰ ਕਵ੍ਹੇ;
“ਅਹੁ ਕੋਈ ਜ਼ਰਖ਼ੇਜ਼ ਧਰਤੀ ਮੰਗਦਾ ਏ ਸਿਦਕ਼ ਦੀ”;
ਖ਼ੁਦ ਆ ਨਹੀਂ ਸਕਦਾ; ਤਾਂ ਮੋਹ ਦੇ ਮੀਂਹ ਨੂੰ ਆਖੇ “ਵਰ੍ਹੇ”,
ਉਸ ’ਚੋਂ ਉਮੀਦਾਂ ਦੀ ਟਾਹਣੀ ਨੂੰ ਮਿਲ਼ੀ ਇਤਲਾਹ ਇਹੀ;
ਕਿ ਹਿਜਰ ਦੇ ਮੌਸਮ ’ਚੇ ਰੱਖਣੇ ਕਿਸ ਤਰ੍ਹਾਂ ਜਜ਼ਬੇ ਹਰੇ।

ਮਰਹਲੇ ਜੋ ਤੈਅ ਕਰੇ; ਮੁਆਵਜ਼ੇ ਬਣਦੇ ਦਿਓ,
ਮਿਹਰਬਾਨੀ ਕਰ ਕੇ ਹੁਣ ਤਾਂ ਹੱਕ ਕਣ-ਕਣ ਦੇ ਦਿਓ,
ਬਾਕੀ ਕਿਹੜੇ ਜ਼ੋਰ ਨੇ, ਜੋ ਹੁਕਮ ਨੇ; ਮਨਜ਼ੂਰ ਨੇ;
ਹੁਣ ਇਹ ਸਿਤਮ ਵੀ ਜਰ ਲਵਾਂਗੇ; ਜਿਸ ਤਰ੍ਹਾਂ ਬਾਕੀ ਜਰੇ,
ਉਸ ’ਚੋਂ ਉਮੀਦਾਂ ਦੀ ਟਾਹਣੀ ਨੂੰ ਮਿਲ਼ੀ ਇਤਲਾਹ ਇਹੀ;
ਕਿ ਹਿਜਰ ਦੇ ਮੌਸਮ ’ਚੇ ਰੱਖਣੇ ਕਿਸ ਤਰ੍ਹਾਂ ਜਜ਼ਬੇ ਹਰੇ।

ਮੁਹਲਤਾਂ ਮੰਗਦੇ ਵੀ ਦੇਖੇ ਆਸ਼ਨਾਈਆਂ ਦੇ ਤਹਿਤ,
ਉਹ ਫ਼ਿਜ਼ਾ ਰੰਗਦੇ ਵੀ ਦੇਖੇ ਦਿਲ-ਰੁਬਾਈਆਂ ਦੇ ਤਹਿਤ,
ਮੰਨੀਏ ਤਕ਼ਦੀਰ ਇਸਨੂੰ ਜਾਂ ਕਮੀ ਤਦਬੀਰ ਦੀ ਏ;
ਬੱਸ ਇਹੀ ਇੱਕ ਰਮਜ਼ ਰਹਿ ਗਈ ਏ ਜ਼ਰਾ ਇਲਮੋਂ ਪਰ੍ਹੇ,
ਉਸ ’ਚੋਂ ਉਮੀਦਾਂ ਦੀ ਟਾਹਣੀ ਨੂੰ ਮਿਲ਼ੀ ਇਤਲਾਹ ਇਹੀ;
ਕਿ ਹਿਜਰ ਦੇ ਮੌਸਮ ’ਚੇ ਰੱਖਣੇ ਕਿਸ ਤਰ੍ਹਾਂ ਜਜ਼ਬੇ ਹਰੇ।

ਮੁਸ਼ਕਿਲਾਂ ਨੂੰ ਹੌਸਲੇ ਦੀ ਲੋੜ ਹੁੰਦੀ ਹੈ ਸਦਾ,
ਖ਼ਾਹਿਸ਼ਾਂ ਨੂੰ ਦਿਲ-ਨਸ਼ੀਂ ਦੀ ਤੋੜ ਹੁੰਦੀ ਹੈ ਸਦਾ,
ਇਹ ਅਜਬ ਅਹਿਸਾਸ ਹੈ; ਜੋ ਕੈਫ਼ੀਅਤ ਲਬਰੇਜ਼ ਹੈ;
ਇਹ ਜਫ਼ਾ ਦੇ ਬਾਅਦ ਵੀ ਮਹਿਬੂਬ ਨੂੰ ਚੇਤੇ ਕਰੇ,
ਉਸ ’ਚੋਂ ਉਮੀਦਾਂ ਦੀ ਟਾਹਣੀ ਨੂੰ ਮਿਲ਼ੀ ਇਤਲਾਹ ਇਹੀ;
ਕਿ ਹਿਜਰ ਦੇ ਮੌਸਮ ’ਚੇ ਰੱਖਣੇ ਕਿਸ ਤਰ੍ਹਾਂ ਜਜ਼ਬੇ ਹਰੇ।

ਖ਼ੈਰ ਦਿਲ ਮੰਗਦਾ ਦੁਆ; ਕਰ ਦੇ ਹਮੇਸ਼ਾ ਦਸਤ ਵੀ,
ਸ਼ਾਨ ਨਾਲ਼ ਤਸਲੀਮ ਕਰ ‘ਸਰਤਾਜ’ ਇਹ ਸ਼ਿਕਸਤ ਵੀ,
ਦੇਖ ਇਹ ਹਮਦਰਦੀਆਂ ਵਰਗੀ ਇਨਾਇਤ ਓਸਦੀ;
ਕਿ ਨੈਣ ਤੇਰੇ ਕਮਜ਼ਕਮ ਰਹਿੰਦੇ ਨੇ ਹੁਣ ਖ਼ਾਬਾਂ ਭਰੇ,
ਉਸ ’ਚੋਂ ਉਮੀਦਾਂ ਦੀ ਟਾਹਣੀ ਨੂੰ ਮਿਲ਼ੀ ਇਤਲਾਹ ਇਹੀ;
ਕਿ ਹਿਜਰ ਦੇ ਮੌਸਮ ’ਚੇ ਰੱਖਣੇ ਕਿਸ ਤਰ੍ਹਾਂ ਜਜ਼ਬੇ ਹਰੇ।

https://t.me/satindersartaaj143/1402

Shabnami Yaada’n

Lyrics:-

https://t.me/satindersartaaj143/1403

Jannat

Lyrics:-

https://t.me/satindersartaaj143/1405

Nasheya Geya Koi (Qudarat’an De Naal Yaari)

Lyrics:-

https://t.me/satindersartaaj143/827

Taufeeq

Lyrics:-

https://t.me/satindersartaaj143/654

Chall Othey Challiye (Nadiya’n Naal Kinaarey)

Lyrics:-

https://t.me/satindersartaaj143/1032

Raaha’n ’Ch Khalota (Hausla Daler Da)

Lyrics:-

https://t.me/satindersartaaj143/1215

Eh Saade ’Te Rehen Deyo

Lyrics:-

https://t.me/satindersartaaj143/667

Masroof

Lyrics:-

https://t.me/satindersartaaj143/1404

Sufi Sartaaj🤲 pinned «Eh Saade ’Te Rehen Deyo lyrics (Released):- ਇਹ ਕੰਮ ਕਿੱਥੋਂ ਹੋਣਾ; ਦੱਸ ’ਤਾ ਤੁਸੀਂ; ਬੜੇ ਸ਼ੁਕਰਾਨੇ; ਪਰ ਕਰਵਾਉਣਾ, ਨਾ ਕਰਵਾਉਣਾ; ਜੀ ਹੁਣ ਇਹ ਸਾਡੇ ’ਤੇ ਰਹਿਣ ਦਿਓ, ਬਣ ਸਕਦਾ ਏ ਵਿਹੜੇ ਲੱਗੇ ਫੁੱਲਾਂ ਦਾ ਗੁਲਕੰਦ ਵੀ; ਪਰ ਬਣਵਾਉਣਾ, ਨਾ ਬਣਵਾਉਣਾ; ਜੀ ਹੁਣ ਇਹ ਸਾਡੇ ’ਤੇ ਰਹਿਣ ਦਿਓ। ਦਿੱਤੇ ਤੁਸੀਂ ਕਮਾਲ…»

https://youtube.com/playlist?list=OLAK5uy_m_MTA_kS3kNFj3-xrUIB5ZjYrXbMzBLQ4&si=dsiZ98wJ8mSAHRAC

Full Album

Hoshiar Singh; Aapna Arastu !!…
Movie to be released on February 7th, 2025!..
ਜੱਗੋਂ ਅਵੱਲਾ; ਤਾਂਹੀਓਂ ’ਕੱਲਾ!..
😍😍

Travel Diaries (ਸਫ਼ਰਾਂ ਦੇ ਸਿਰਨਾਵੇਂ)
Part 2. Nazariya :~
• Masroof
• Eh Saade ’Te Rehen Deyo
https://t.me/satindersartaaj143/666
https://t.me/satindersartaaj143/667
• Raaha’n ’Ch Khalota (Hausla Daler Da)
https://t.me/satindersartaaj143/123
https://t.me/satindersartaaj143/61
https://t.me/satindersartaaj143/1215
• Chall Othey Challiye (Nadiya’n Naal Kinaarey)
https://t.me/satindersartaaj143/569
https://t.me/satindersartaaj143/1032
• Taufeeq
• Nasheya Geya Koi (Qudarat’an De Naal Yaari)
https://t.me/satindersartaaj143/574
https://t.me/satindersartaaj143/827
• Jannat
• Shabnami Yaada’n
https://t.me/satindersartaaj143/1349

Sartaaj Live at Dharamshala last night 😍

Satinder Sartaaj upcoming shows at Ambala, Kapurthala & Abohar

Live now

https://www.youtube.com/live/5Bqg8EdsUZA?si=PqMQRsID5Y1j-U6S

Sartaaj Saahb will be live here today later some time

Pyaar Tainu’n Fer Ho Gya lyrics (Unrecorded):-

ਸੁਣ ਮਿੱਤਰਾ; ਪਿਆਰ ਤੈਨੂੰ ਫੇਰ ਹੋ ਗਿਆ;
ਦੱਸੀਂ ਚਾਰ-ਕੁ ਦਿਨਾਂ ’ਚ ਕਿੰਨੀ ਵੇਰ ਹੋ ਗਿਆ।

ਉਹ ਨੇ ਸਹਿਜ ਹੀ ਸੁਭਾਏ ਪਿੱਛੇ ਧੌਣ ਮੋੜ ਲਈ,
ਚੰਗਾ ਬੰਦਾ ਯਾਰਾ; ਆਪੇ ਹੀ ਕਹਾਣੀ ਜੋੜ ਲਈ,
ਉਹ ਨੇ ਨੈਣ ਕੀ ਮਿਲ਼ਾਏ; ਤੂੰ ਤਾਂ ਸ਼ੇਰ ਹੋ ਗਿਆ,
ਸੁਣ ਮਿੱਤਰਾ; ਪਿਆਰ ਤੈਨੂੰ ਫੇਰ ਹੋ ਗਿਆ।

ਦਿਲਲਗੀਆਂ ਨੂੰ ਦਿਲਾਂ ’ਤੇ ਨਹੀਂ ਲਾਈਦਾ ਜਨਾਬ,
ਹਰ ਪਿੱਛੇ ਹੀ ਸ਼ੁਦਾਈ ਨਹੀਂ ਹੋ ਜਾਈਦਾ ਜਨਾਬ,
ਤੇਰਾ ਵੱਸ ਨਹੀਂ; ਤੂੰ ਜ਼ੁਲਫ਼ਾਂ ’ਚ ਘੇਰ ਹੋ ਗਿਆ,
ਸੁਣ ਮਿੱਤਰਾ; ਪਿਆਰ ਤੈਨੂੰ ਫੇਰ ਹੋ ਗਿਆ।

ਜੀਹਨੇ ਇੱਕੋ ਪਿੱਛੇ ਬਾਰ੍ਹਾਂ ਸਾਲ ਮੱਝੀਆਂ ਚਰਾਈਆਂ,
ਜੀਹਨੇ ਛੱਡੀ ਜਾਇਦਾਦ, ਕੰਨੀਂ ਮੁੰਦਰਾਂ ਪੁਆਈਆਂ;
ਰਾਂਝਾ ਸੋਚਦਾ ਹੋਣਾ ਏ; “ਕੀ ਹਨੇਰ ਹੋ ਗਿਆ”,
ਸੁਣ ਮਿੱਤਰਾ; ਪਿਆਰ ਤੈਨੂੰ ਫੇਰ ਹੋ ਗਿਆ।

ਕਦੀਂ ਇਸ਼ਕ਼ੇ ਦੇ ਵਿੱਚ ਜਿੰਦ ਹਾਰ ਵੇਖਿਓ,
‘ਸਰਤਾਜ’ ਫੇਰ ਰੂਹਾਂ ਦੇ ਵਪਾਰ ਵੇਖਿਓ;
ਜਦੋਂ ਇੱਕੋ ਨਾਮ ਰੂਹਾਂ ’ਤੇ ਉਕੇਰ ਹੋ ਗਿਆ,
ਸੁਣ ਮਿੱਤਰਾ; ਪਿਆਰ ਤੈਨੂੰ ਫੇਰ ਹੋ ਗਿਆ।

Shurlee lyrics (Unrecorded):-

ਕਈ ਬੰਦੇ ਤਾਂ ਭੀੜ ’ਚੇ ਐਵੇਂ ਹੀ ਛੱਡ ਦਿੰਦੇ ਨੇ ਸ਼ੁਰਲੀ ਜੀ,
ਇਹਨੂੰ ਲੱਗਦੈ; ਰਾਧਾ ਆਊ ਜਦੋਂ ਵਜਾਊਂ ਮੁਰਲੀ ਜੀ।

ਕੱਪੜੇ-ਲੀੜੇ ਚੰਗੇ ਨੇ, ਪਰ ਕਮੀ ਜਿਹੀ ਏ ਅਕਲਾਂ ’ਚੇ,
ਐਹੋ ਜਿਹੇ ਬੇਚਾਰੇ ਸਾਰੇ ਜ਼ੋਰ ਲਗਾਉਂਦੇ ਨਕਲਾਂ ’ਚੇ,
ਅਸਲ ਆਦਮੀ ਤੁਰਲਾ ਛੱਡਦੇ, ਇਹ ਛੱਡਦੇ ਨੇ ਤੁਰਲੀ ਜੀ,
ਇਹਨੂੰ ਲੱਗਦੈ; ਰਾਧਾ ਆਊ ਜਦੋਂ ਵਜਾਊਂ ਮੁਰਲੀ ਜੀ।

ਕਈਆਂ ਨੇ ਤਾਂ ਕ਼ਿਸਮਤ ਆਪਣੀ ਆਪ ਵਿਗਾੜੀ ਹੁੰਦੀ ਏ,
ਮੈਂ ਸੁਣਿਆ ਏ; “ਉਸ ਬਹਿੜੇ ਦੀ ਹਾਲਤ ਮਾੜੀ ਹੁੰਦੀ ਏ;
ਇੱਧਰ-ਉੱਧਰ ਮੂੰਹ ਮਾਰੇ ਜੋ ਛੱਡ ਕੇ ਆਪਣੀ ਖੁਰਲੀ ਜੀ”,
ਇਹਨੂੰ ਲੱਗਦੈ; ਰਾਧਾ ਆਊ ਜਦੋਂ ਵਜਾਊਂ ਮੁਰਲੀ ਜੀ।

ਸਮਝ ਨਹੀਂ ਆਉਂਦੀ; ਐਸੇ ਬੰਦੇ ਕਿਵੇਂ ਗੁਜ਼ਾਰਾ ਕਰਦੇ ਨੇ;
ਇਹਨਾਂ ਦੇ ਪਰਿਵਾਰਾਂ ਵਾਲ਼ੇ ਲੁਕ-ਲੁਕ ਹੌਕੇ ਭਰਦੇ ਨੇ;
ਉੱਠਦੇ-ਸਾਰ ਸ਼ਰਾਬਾਂ ਮੰਗਦੇ; ਇਹ ਨਾ ਕਰਦੇ ਕੁਰਲੀ ਜੀ,
ਇਹਨੂੰ ਲੱਗਦੈ; ਰਾਧਾ ਆਊ ਜਦੋਂ ਵਜਾਊਂ ਮੁਰਲੀ ਜੀ।

ਆਦਤ ਤੋਂ ਮਜਬੂਰ ਆਦਮੀ ਹਰਕਤ ਐਸੀ ਕਰਦਾ ਏ,
ਗ਼ਲਤੀ ਕਰ ‘ਸਰਤਾਜ’ ਜਿਹਾ ਫਿਰ ਸਦਾ ਨਮੋਸ਼ੀ ਜਰਦਾ ਏ,
ਪਰਲੇ ਪਾਰ ਦਾ ਲਾਲਚ ਕਰ ਕੇ ਚੀਜ਼ ਗਵਾ ਲਈ ਉਰਲੀ ਜੀ,
ਇਹਨੂੰ ਲੱਗਦੈ; ਰਾਧਾ ਆਊ ਜਦੋਂ ਵਜਾਊਂ ਮੁਰਲੀ ਜੀ।

https://t.me/satindersartaaj143/180

Parso’n Raati’n lyrics (Unrecorded):-

ਪਰਸੋਂ ਰਾਤੀਂ ਪੁੱਛੋ ਨਾ ਜੀ ਐਦਾਂ ਦਾ ਘੜਮੱਸ ਪਿਆ;
ਇੱਕ ਵਿਚਾਰਾ ਸੋਫ਼ੀ ਬੰਦਾ ਦਾਰੂ-ਬਾਜ਼ਾਂ ਵੱਸ ਪਿਆ।

ਗੱਲ ਤਾਂ ਵੈਸੇ ਕੁਝ ਨਹੀਂ ਸੀ; ਸਭ ਬੈਠੇ ਮਹਿਫ਼ਿਲ ਲਾਉਂਦੇ ਸੀ,
ਜਿਹੜਾ ਨਹੀਂ ਵੀ ਪੀਂਦਾ ਉਹਨੂੰ ਧੱਕੇ ਨਾਲ਼ ਪਿਆਉਂਦੇ ਸੀ,
ਚਹੁੰ ਬੰਦਿਆਂ ਨੇ ਪਕੜ ਬਿਠਾਇਆ; ਉਹ ਜਦ ਉੱਠ ਕੇ ਨੱਸ ਪਿਆ,
ਪਰਸੋਂ ਰਾਤੀਂ ਪੁੱਛੋ ਨਾ ਜੀ ਐਦਾਂ ਦਾ ਘੜਮੱਸ ਪਿਆ।

ਥੋਨੂੰ ਤਾਂ ਫਿਰ ਪਤਾ ਹੀ ਏ ਜਦ ਅਧੀਆ ਅੰਦਰ ਜਾਂਦਾ ਏ;
ਉਹ ਗੱਲ ਵੱਖਰੀ ਏ; ਘਟੀਆ ਜਾਂ ਵਧੀਆ ਅੰਦਰ ਜਾਂਦਾ ਏ,
ਜਦੋਂ ਕਿਸੇ ’ ਦੁੱਖ ਦੀ ਰਗ ਛੇੜੀ; ਫੇਰ ਉਹਦੇ ਨਾਲ਼ ਫਸ ਪਿਆ,
ਪਰਸੋਂ ਰਾਤੀਂ ਪੁੱਛੋ ਨਾ ਜੀ ਐਦਾਂ ਦਾ ਘੜਮੱਸ ਪਿਆ।

ਮਹਿਕਸ਼ ਆਪਣੀ ਮਹਿਬਾਜ਼ੀ ਲਈ ਲੱਖ ਸਫ਼ਾਈਆਂ ਦੇਂਦਾ ਏ;
ਜਿਹੜਾ ਉਸਦਾ ਹਾਮੀ ਹੋਵੇ; ਠੋਕ ਗਵਾਹੀਆਂ ਦੇਂਦਾ ਏ,
ਮਾੜਾ ਕੁਝ ਨਹੀਂ; ਇਹ ਤਾਂ ਸੁੱਚਾ ਅੰਗੂਰਾਂ ਦਾ ਰਸ ਪਿਆ,
ਪਰਸੋਂ ਰਾਤੀਂ ਪੁੱਛੋ ਨਾ ਜੀ ਐਦਾਂ ਦਾ ਘੜਮੱਸ ਪਿਆ।

ਝਗੜਾ ਹੋਰ ਕੋਈ ਨਹੀਂ, ਕਹਿੰਦੇ; “ਓਹੀ ਗਾਣਾ ਗਾਓ ਜੀ”;
ਇੱਕੋ ਹੀ ਥਾਂ ’ਤੇ ਸੂਈ ਅੜ ਗਈ, ਕਹਿੰਦਾ; “ਫੇਰ ਸੁਣਾਓ ਜੀ”,
ਦੇਖ ਸ਼ਰਾਬੀ ਆਸ਼ਿਕ਼ ਨੂੰ ਆਖ਼ਿਰ ‘ਸਰਤਾਜ’ ਵੀ ਹੱਸ ਪਿਆ,
ਪਰਸੋਂ ਰਾਤੀਂ ਪੁੱਛੋ ਨਾ ਜੀ ਐਦਾਂ ਦਾ ਘੜਮੱਸ ਪਿਆ।

https://t.me/satindersartaaj143/119

Maa’n De Makhkhni Khaaneyo Ve kavita (Unreleased):-

ਅੱਠ ਘੰਟੇ ਕੁੱਲ ਕੰਮ ਕਰੋ; ਕਰਦੇ ਜਿਉਂ ਮਜ਼ਦੂਰ,
ਕੰਮ ਕਰ ਦੂਜੇ ਕੰਟਰੀ ਹੋ ਗਏ ਮਸ਼ਹੂਰ।

ਸੌਂ ਗਏ ਤਾਣ ਚਾਦਰੇ ਵੇ
‘ਸੰਤ ਜਗਮੇਲ’, ‘ਮੱਖਣ ਗੁਰਮੇਲ’,
ਗਰਮ ਕੱਪ ਚਾਹ ਪੀ, ਉੱਠੋ ਮਾਰ ਥਾਪੀ,
ਕਰੋ ਹਰਨਾੜੀ ਪਰਾਣੀ ਫੜਕੇ,
ਟਾਇਮ ਚਾਰ ਵਜੇ ਦਾ ਵੇ;
ਲਵੋ ਨਾਂ ਰੱਬ ਦਾ, ਭਲਾ ਹੋ ਸਭ ਦਾ,
ਬੜਾ ਕੰਮ ਨਿੱਬੜੇ ਪਹਿਰ ਦੇ ਤੜਕੇ,
ਅੱਖ ਪੱਟ ਕੇ ਵੇਖ ਲਓ ਵੇ;
ਚੜ੍ਹ ਗਿਆ ਤਾਰਾ, ਕੱਤੇ ਕੰਮ ਭਾਰਾ,
ਉੱਠੋ ਹਲ ਜੋੜੋ; ਖੇਤ ਵੱਲ ਮੋੜੋ,
ਮਹਿਲ ’ਚੋਂ ਨਿੱਕਲ਼ ਅੰਗਣ ਵਿੱਚ ਖੜ੍ਹ ਗਈ।
ਮਾਂ ਦੇ ਮੱਖਣੀ-ਖਾਣਿਓ ਵੇ;
ਸੂਰਮਿਓਂ ਪੁੱਤਰੋ ਚੁਬਾਰਿਓਂ ਉੱਤਰੋ;
ਫਰਕਦੇ ਡੌਲ਼ੇ; ਜਵਾਨੀ ਚੜ੍ਹ ਗਈ।

ਰਹੇ ਮਾਰ ਫੁੰਕਾਰੇ ਵੇ,
ਬਲ਼ਦ ਦੋ ਤਕੜੇ ਜੋੜ ਲਓ ਛਕੜੇ,
ਚਉ ਜੋ ਤੇਜ਼ ਸੱਬਲ਼, ਰਗੜ ਦਿਓ ਖੱਬਲ਼,
ਰੇਤਲੇ ਟੀਲੇ; ਡੇਗ ਦਿਓ ਧੋੜੇ।
ਕੁੱਟ ਬੰਜਰ ਜ਼ਮੀਨਾਂ ਨੂੰ,
ਕਰੜ ਜਿਹੀ ਧਰਤੀ ਖਾਦ ਨਾਲ ਭਰ ’ਤੀ,
ਸ਼ੱਕਰ ਵਾਂਗ ਭੋਰ ਤੋੜ ਦਿਓ ਰੋੜੇ,
ਫਿਰ ਫੇਰ ਕਰਾਹੇ ਵੇ;
ਹਲ਼ਾਂ ਰੱਖ ਮਧਰੇ ਬਣਾ ਦਿਓ ਪੱਧਰੇ,
ਕਰ ਦਿਓ ਰੌਣੀ, ਜਦੋਂ ਵੱਤ ਆਉਣੀ
ਦੋ-ਕੁ ਵਾਰ ਵਾਹ ਕੇ ਚਟਿਆਈ ਫੜ ਗਈ।
ਮਾਂ ਦੇ ਮੱਖਣੀ-ਖਾਣਿਓ ਵੇ;
ਸੂਰਮਿਓਂ ਪੁੱਤਰੋ ਚੁਬਾਰਿਓਂ ਉੱਤਰੋ;
ਫਰਕਦੇ ਡੌਲ਼ੇ; ਜਵਾਨੀ ਚੜ੍ਹ ਗਈ।

ਖ਼ਾਲੀ ਇੰਚ ਛੋੜਦੇ ਨਾ,
ਮੁਲਕ ਜੋ ਸਰਦੇ, ਬੜਾ ਕੰਮ ਕਰਦੇ,
ਲੋਹੇ ਨੂੰ ਕੁੱਟਦੇ ਨਰਮ ਹੱਥ ਫੁੱਟਦੇ,
ਮੈਸੋਲੀਨੀ ਸਦਰ; ਪਾੜਦਾ ਲੱਕੜਾਂ,
ਮੁੰਡੇ ਭਰੇ ਮਿਜ਼ਾਜਾਂ ਦੇ,
ਰਹਿਣ ਨਿੱਤ ਵਿਹਲੇ ਦੇਖਦੇ ਮੇਲੇ,
ਸੱਥਾਂ ਵਿੱਚ ਬੈਠ ਮਾਰਦੇ ਜੱਕੜਾਂ,
ਨਹੀਂ ਵਕ਼ਤ ਸ਼ੁਕੀਨੀ ਦਾ,
ਰਹੋ ਅਗਾਂਹ ਸਾਦੇ; ਜਿੱਦਾਂ ਪਿਓ-ਦਾਦੇ,
ਬਦਲ ਦਿਓ ਚਾਲ, ਕਾਲ ਤੇ ਕਾਲ
ਘਰੀਂ ਧੁੱਸ ਦੇ ਕੇ ਗ਼ਰੀਬੀ ਵੜ ਗਈ,
ਮਾਂ ਦੇ ਮੱਖਣੀ-ਖਾਣਿਓ ਵੇ;
ਸੂਰਮਿਓਂ ਪੁੱਤਰੋ ਚੁਬਾਰਿਓਂ ਉੱਤਰੋ;
ਫਰਕਦੇ ਡੌਲ਼ੇ; ਜਵਾਨੀ ਚੜ੍ਹ ਗਈ।

ਦਰਿਆ ਦੇ ਕਿਨਾਰੇ ’ਤੇ,
ਝਾੜੀਆਂ ਸਾੜ, ਫੂਕ ਸਲਵਾੜ੍ਹ,
ਜਿੱਥੇ ਖੜ੍ਹੀ ਪਿਲਸੀ, ਕਰੀ ਕਿਉਂ ਢਿੱਲ ਸੀ,
ਦੱਭਾਂ ਨੂੰ ਖੁਰਲ ਮੁੱਢੋਂ ਜੜ੍ਹ ਕੱਢਿਓ,
ਗਿੱਲ ਬਹੁਤ ਬਰੇਤੀ ਮੇਂ,
ਦੇਹੋ ਬੀ ਗੇਰ, ਲੱਗਣਗੇ ਢੇਰ,
ਨਰਮ ਭੁਇੰ ਮਟਰ, ਚਰਾਲਾਂ ਗੱਡਿਓ,
ਗਿਆਰ੍ਹਾਂ-ਬਾਰ੍ਹਾਂ ਸੂਬਿਆਂ ਮੇਂ;
ਜਿੱਥੇ-ਜਿੱਥੇ ਥੋੜਾਂ; ਕੱਢ ਦਿਓ ਬੋੜਾਂ,
ਬੋਰੀਆਂ ਭਰ ਦਿਓ, ਬਿਲਟੀਆਂ ਕਰ ਦਿਓ,
ਜਿਨ੍ਹਾਂ ਦੀ ਫ਼ਸਲ ਹੜ੍ਹਾਂ ਵਿੱਚ ਹੜ੍ਹ ਗਈ,
ਮਾਂ ਦੇ ਮੱਖਣੀ-ਖਾਣਿਓ ਵੇ;
ਸੂਰਮਿਓਂ ਪੁੱਤਰੋ ਚੁਬਾਰਿਓਂ ਉੱਤਰੋ;
ਫਰਕਦੇ ਡੌਲ਼ੇ; ਜਵਾਨੀ ਚੜ੍ਹ ਗਈ।

ਗੋਰੇ ਬੜੇ ਮਿਹਨਤੀ ਵੇ,
ਟਿੱਬੇ ਜਿਹੇ ਢਾਹ ਲਏ, ਨਵੇਂ ਕੱਢੇ ਖਾਲੇ,
ਜਾਣ ਕਾਰਖ਼ਾਨੀਂ, ਯਾਦ ਆ ਜਏ ਨਾਨੀ,
ਬਾਰ੍ਹਾਂ-ਬਾਰ੍ਹਾਂ ਘੰਟੇ ਡਿਊਟੀਆਂ ਲੱਗੀਆਂ,
ਨੰਗੇ ਸੀਸ ਦੁਪਹਿਰੇ ਵੇ,
ਬੂਟ ਜਿਹੇ ਕਰੜੇ, ਰਹਿਣ ਪੱਬ ਨਰੜੇ,
ਨੀਕਰਾਂ ਖਾਖੀ, ਜੀਨ ਦੀਆਂ ਝੱਗੀਆਂ,
ਆਲੂ ਨਿਰੇ ਉਬਾਲਣ ਵੇ,
ਲੱਗੇ ਭੁੱਖ ਚਾਰੂ, ਪੀਣ ਚਾਹ ਮਾਰੂ,
ਬੜੀ ਪਵੇ ਗਰਮੀ, ਮਿਲ਼ੇ ਸੁਖ ਕਰਮੀਂ,
ਹੈਟ ਲੈਣ ਧੁੱਪ ਤੋਂ, ਟੋਟਣੀ ਸੜ ਗਈ,
ਮਾਂ ਦੇ ਮੱਖਣੀ-ਖਾਣਿਓ ਵੇ;
ਸੂਰਮਿਓਂ ਪੁੱਤਰੋ ਚੁਬਾਰਿਓਂ ਉੱਤਰੋ;
ਫਰਕਦੇ ਡੌਲ਼ੇ; ਜਵਾਨੀ ਚੜ੍ਹ ਗਈ।

ਅਫ਼ਰਾਂਸ-ਅਮਰੀਕਾ ਮੇਂ
ਖਿੜੇ ਫੁੱਲ ਚੁਣਦੇ, ਵਿਸਕੀਆਂ ਪੁਣਦੇ,
ਸਿਰੋਂ ਲਾਹ ਟੋਪਾਂ ਘੜੀ ਜਾਣ ਤੋਪਾਂ,
‘ਬਾਬੂ’ ਬੰਬ, ਟੈਂਕ, ਬਣਦੀਆਂ ਜੀਪਾਂ,
ਇੱਥੇ ਮੁੱਦਤਾਂ ਗੁਜ਼ਰ ਗਈਆਂ ਵੇ,
ਵਿੰਗੇ ਹਲ ਓਹੋ, ਪੰਜਾਲੀ ਟੋਹੋ,
ਪੱਠਿਆਂ ਦਾ ਤੋੜਾ; ਬਲ਼ਦਾਂ ਨੂੰ ਕੀ ਪਾਂ,
ਥੋੜ੍ਹਾ ਝਾੜ ਦੇਸਣਾਂ ਦਾ,
ਲਵੋ ਬੀ ਹੋਰ ਟਿਊਬ-ਵੈੱਲ ਬੋਰ,
ਸਵਾਰ ਕੇ ਵਾਹਣ, ਬੀਜੋ ‘ਕਲਿਆਣ’,
ਇੱਕੋ-ਇੱਕ ਕਿੱਲਿਓਂ ਸੌ-ਕੁ ਮਣ ਝੜ ਗਈ,
ਮਾਂ ਦੇ ਮੱਖਣੀ-ਖਾਣਿਓ ਵੇ;
ਸੂਰਮਿਓਂ ਪੁੱਤਰੋ ਚੁਬਾਰਿਓਂ ਉੱਤਰੋ;
ਫਰਕਦੇ ਡੌਲ਼ੇ; ਜਵਾਨੀ ਚੜ੍ਹ ਗਈ।

~ਬਾਬੂ ਰਜਬ ਅਲੀ

https://t.me/satindersartaaj143/975
https://t.me/satindersartaaj143/189

Vatan Diya’n Taa’nga’n kavita (Unreleased):-

ਨੰਗ ਕੰਗਲਾ, ਹਰੀਜਨ ਹੋ, ਭਮੇਂ ਸਰਦਾਰ ਘਰੇ ਹੋ ਰੈਸ੍ਹੀ,
ਪਤਾ ਲੱਗਦਾ ਉੱਜੜ ਕੇ ਤੇ ਨਹੀਂ ਚੀਜ਼ ਪਿਆਰੀ ਦੇਸ਼ ਦੇ ਜੈਸੀ,
ਬੰਨ੍ਹ ਟੁੱਟ ਗਿਆ ਸਬਰ ਦਾ ਜੀ, ਗ਼ਮਾਂ ਦੀ ਨਹਿਰ ਚੜ੍ਹਦੀਆਂ ਕਾਂਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਢਹਿ ਗਏ ਕਿੰਗਰੇ ਦਿਲਾਂ ਦੇ ਜੀ, ਮੇਰੀਆਂ ਰਹਿਣ ਦਲੀਲਾਂ ਡਿੱਗੀਆਂ,
ਮੈਂ ਵਾਂਗ ਸ਼ੁਦਾਈਆਂ ਜੀ, ਨੀਵੀਂ ਪਾ ਬਹਿ ਜਾਂ ਢਾਲ ਕੇ ਰਿੱਗੀਆਂ,
ਰੱਤ ਸਿੰਮਦੀ ਅੱਖੀਆਂ ’ਚੋਂ, ਜਿਗਰ ਪਰ ਮਾਰੇ ਵਿਛੋੜਾ ਸਾਂਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਹੇਠੋਂ ਧਰਤੀ ਨਿਕਲ ਜਊਗੀ, ਕਰਾਂ ਵਰਣਨ ਜੋ ਸਿਰਾਂ ਪਰ ਵਰਤੀ,
ਕਿਸੇ ਵੇਲੇ ਭੁੱਲਦੇ ਨਾ; ਅੰਮਾਂ ਦੇ ਕੋਠੇ, ਬਾਪ ਦੀ ਧਰਤੀ,
ਯਾਰਾਂ ਨਾਲ਼ ਨੀਤਣੀ ਸੀ, ਕਿਤੋਂ ਨਾ ਸੁਨਣ ਸ਼ੌਕ ਦੀਆਂ ਬਾਂਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਵੇਖੇ ਕਿਲੇ ਰਿਆਸਤ ਦੇ, ਰਾਜੇ ਦੇ ਮੰਦਰ, ਵੜੇ ਨਾ ਅੰਦਰ,
ਕਪਤਾਨ ਟੀਮ ਦਾ ਸਾਂ; ਖੇਲਣੇ ਗਏ ਕ੍ਰਿਕਟ ਜਲੰਧਰ,
ਕਦੇ ਮੈਂ ਤੇ ‘ਅਰਜਣ’ ਨੇ ਮਾਰੀਆਂ ਸੇਖੇ ਝਿੜੀ ਛਲਾਂਗਾਂ।
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਪਾਉਂਦੇ ਘੁੰਮਰਾਂ ਲਹਿੰਗੇ ਸੀ, ਕੁੜਤੀਆਂ ਮੜ੍ਹੀਆਂ ਨਾਲ਼ ਕਤੂਨਾਂ,
ਬਹਿ ਕੇ ਸੱਥ’ਚ ਵੇਖਦੇ ਸੀ ਪਾਣੀ ਜਾਣ ਭਰਨ ਭਾਬੀਆਂ ਮੂੰਨਾਂ,
ਵੇਲਾ ਚੇਤੇ ਆ ਜਏ ਜੀ; ਸੁੱਤਾ ਪਿਆ ਉੱਠ ਪ’ਆਂ ਮਾਰ ਕੇ ਚਾਂਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਵਿਛੇ ਪਲੰਘ ਨਿਵਾਰੀ ਜੀ, ਫੁੱਲਾਂ ਦੀ ਮਹਿਕ ਬਾਗ਼ ਵਿੱਚ ਟਹਿਲਾਂ,
ਬੱਕੀ ‘ਮਿਰਜ਼ੇ ਖ਼ਾਨ’ ਦੀ ਜੀ ਪਾਂਮਦੀ ਜਾਂਦੀ ਨਹਿਰ ਪਰ ਪੈਲਾਂ,
ਨਾਲ਼ ਰਲ਼ ਜਏ ਪੌਣ ਦੇ ਜੀ; ਸ਼ੀਸ਼ਮੋਂ ਤੋੜ ਛਮਕ ਨੂੰ ਛਾਂਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਜਲ ਚਾਂਦੀ ਵਰਗਾ ਜੀ, ਪਟੜੀਓਂ ਉੱਤਰ ਬਰਮ ਪਰ ਬਹਿਣਾ,
ਰਾਮਪੁਰੇ, ਦੌਧਰੋਂ ਜੀ, ਕੈਰੇ, ਜਗਰਾਵੀਂ, ਮੌੜ ਤੇ ਸਹਿਣਾ,
ਗਏ ਮਹਾਂ-ਵੱਧਰੋਂ ਜੀ, ਸੂਏ ਦੀ ਬੰਨ੍ਹਣੀ ਟੋਟ ਅੜਾਂਘਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਠੇਕੇਦਾਰ ਅਨੇਕਾਂ ਨੇ; ਮੇਰੇ ਪਾਸ ਕਰਕੇ ਕਾਮ ਸੁਖ ਭੋਗੇ,
ਜੱਟ ਦਿਲੋਂ ਭੁਲਾਉਂਦੇ ਨਾ; ਜਿਨ੍ਹਾਂ ਦੇ ਲਾ ’ਤੇ ਦਾਸ ਨੇ ਮੋਘੇ,
ਪੈਦਾਵਾਰ ਵਧਾ ’ਤੀ ਸੀ; ਬੋਹਲ ਤੇ ਬੋਹਲ ਲਾ ’ਤੀਆਂ ਧਾਂਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

ਮੈਨੂੰ ਰੱਖ ਲਓ ਨਗਰ ਮੇਂ ਜੀ, ਨਗਰ ਦੇ ਲੋਕੋ ਹੱਥਾਂ ਦੀਆਂ ਵਾਹੋ,
‘ਬਾਬੂ’ ਜਾਣ ਦੇਵਣਾ ਨਾ, ਦਾਸ ਦੀ ਕਬਰ ਬਣਾ ਲਓ ਸਾਹੋ,
ਲਾਸ਼ ਦੱਬ ਦਿਓ ਗਾਮ ਮੇਂ ਜੀ, ਸੱਚੇ ਕੌਲ ਭੌਰ ਪਹੁੰਚ ਜਊਂ ’ਗਾਂ-ਗਾਂ,
ਮੈਨੂੰ ਉੱਠਦੇ ਬੈਠਦੇ ਨੂੰ ਰਹਿਣ ਹਰ ਵਕ਼ਤ ਵਤਨ ਦੀਆਂ ਤਾਂਘਾਂ।

~ਬਾਬੂ ਰਜਬ ਅਲੀ

https://t.me/satindersartaaj143/975
https://t.me/satindersartaaj143/189

Behadd Ramaz’an Dassda lyrics (Unreleased):-

ਬੇਹੱਦ ਰਮਜ਼ਾਂ ਦੱਸਦਾ ਮੇਰਾ ਢੋਲਣ ਮਾਹੀ,
ਮੀਮ ਦੇ ਓਹਲੇ ਵੱਸਦਾ ਮੇਰਾ ਢੋਲਣ ਮਾਹੀ,
ਔਲੀਆਂ ਤੇ ਮਨਸੂਰ ਕਹਾਵੇ, ਰਮਜ਼ ਅਨਲ-ਹੱਕ ਆਪ ਬਤਾਵੇ,
ਆਪੇ ਹੀ ਆਪ ਨੂੰ ਸੂਲੀ ਚੜ੍ਹਾਵੇ, ਤੇ ਕੋਲ ਖਲੋ ਕੇ ਹੱਸਦਾ ਮੇਰਾ ਢੋਲਣ ਮਾਹੀ।

‘ਬੁੱਲ੍ਹੇ’ ਨੂੰ ਸਮਝਾਵਣ ਆਈਆਂ ਭੈਣਾਂ ਤੇ ਭਰਜਾਈਆਂ;
“ਮੰਨ ਲੈ ‘ਬੁੱਲ੍ਹਿਆ’ ਸਾਡਾ ਕਹਿਣਾ, ਛੱਡ ਦੇ ਪੱਲਾ ਰਾਈਆਂ ’,
ਆਲ ਨਬੀ ਔਲਾਦ ਨਬੀ ਨੂੰ ਤੂੰ ਕਿਉਂ ਲੀਕਾਂ ਲਾਈਆਂ,
ਜਿਹੜਾ ਸਾਨੂੰ ਸਈਅਦ ਆਖੇ; ਦੋਜ਼ਖ ਮਿਲਣ ਸਜਾਈਆਂ,
ਜੋ ਕੋਈ ਸਾਨੂੰ ਰਾਈਂ ਆਖੇ; ਬਹਿਸ਼ਤੀਂ ਪੀਂਘਾਂ ਪਾਈਆਂ,
ਰਾਈਂ ਸਾਈਂ ਸਭਨੀਂ ਥਾਂਈਂ, ਰੱਬ ਦੀਆਂ ਬੇਪਰਵਾਹੀਆਂ,
ਸੋਹਣੀਆਂ ਪਰ੍ਹੇ ਹਟਾਈਆਂ ਨੇ ਤੇ ਕੋਝੀਆਂ ਲੈ ਗਲ਼ ਲਾਈਆਂ,
ਜੇ ਤੂੰ ਲੋੜੇਂ ਬਾਗ਼-ਬਹਾਰਾਂ; ਚਾਕਰ ਹੋ ਜਾ ਰਾਈਆਂ,
‘ਬੁੱਲ੍ਹਾ-ਸ਼ਾਹ’ ਦੀ ਜ਼ਾਤ ਕੀ ਪੁੱਛਨਾ ਏਂ, ਸ਼ੱਕਰ ਹੋ ਰਜਾਈਆਂ”।

ਹਾਜੀ ਲੋਕ ਮੱਕੇ ਨੂੰ ਜਾਂਦੇ, ਮੇਰਾ ਰਾਂਝਣ ਮਾਹੀ ਮੱਕਾ; ਨੀ ਮੈਂ ਕਮਲ਼ੀ ਹਾਂ,
ਮੈਂ ਤੇ ਮੰਗ ਰਾਂਝੇ ਦੀ ਹੋਈਆਂ, ਮੇਰਾ ਬਾਬਲ ਕਰਦਾ ਧੱਕਾ; ਨੀ ਮੈਂ ਕਮਲ਼ੀ ਹਾਂ,
ਹਾਜੀ ਲੋਕ ਮੱਕੇ ਵੱਲ ਜਾਂਦੇ, ਮੇਰੇ ਘਰ ਵਿੱਚ ਨੌਸ਼ੋਹ ਮੱਕਾ; ਨੀ ਮੈਂ ਕਮਲ਼ੀ ਹਾਂ,
ਵਿੱਚੇ ਹਾਜੀ, ਵਿੱਚੇ ਗਾਜੀ, ਵਿੱਚੇ ਚੋਰ ਉਚੱਕਾ; ਨੀ ਮੈਂ ਕਮਲ਼ੀ ਹਾਂ,
ਹਾਜੀ ਲੋਕ ਮੱਕੇ ਵੱਲ ਜਾਂਦੇ, ਅਸਾਂ ਜਾਣਾ ਤਖ਼ਤ-ਹਜ਼ਾਰੇ; ਨੀ ਮੈਂ ਕਮਲੀ ਹਾਂ,
ਜਿਤ ਵੱਲ ਯਾਰ ਉਤੇ ਵੱਲ ਕ਼ਾਅਬਾ, ਭਾਵੇਂ ਫੋਲ ਕਿਤਾਬਾਂ ਚਾਰੇ; ਨੀ ਮੈਂ ਕਮਲੀ ਹਾਂ।

~ਹਜ਼ਰਤ ਸਾਈਂ ਬਾਬਾ ਬੁੱਲ੍ਹੇ ਸ਼ਾਹ ਜੀ

ਨਾ ਮੈਂ ਜੋਗੀ ਨਾ ਮੈਂ ਜੰਗਮ, ਨਾ ਮੈਂ ਚਿਲਾ ਕਮਾਇਆ ਹੂ,
ਨਾ ਮੈਂ ਭੱਜ ਮਸੀਤੀਂ ਵੜਿਆ, ਨਾ ਤਸਬਾ ਖੜਕਾਇਆ ਹੂ,
“ਜੋ ਦਮ ਗਾਫ਼ਿਲ ਸੋ ਦਮ ਕਾਫ਼ਿਰ”; ਮੁਰਸ਼ਦ ਇਹ ਫ਼ੁਰਮਾਇਆ ਹੂ,
ਮੁਰਸ਼ਦ ਸੋਹਣੀ ਕੀਤੀ ‘ਬਾਹੂ’, ਪਲ ਵਿੱਚ ਜਾ ਪਹੁੰਚਾਇਆ ਹੂ।

ਨਾ ਮੈਂ ਸੁੰਨੀ ਨਾ ਮੈਂ ਸ਼ੀਆ; ਦੋਹਾਂ ਤੋਂ ਦਿਲ ਸੜਿਆ ਹੂ,
ਮੁੱਕ ਗਏ ਸਭ ਖੁਸ਼ਕੀ ਪੈਂਡੇ; ਜਦ ਦਰਿਆ ਰਹਿਮਤ ਵੜਿਆ ਹੂ,
ਕਈ ਮਨਤਾਰੇ ਤਰ-ਤਰ ਹਾਰੇ, ਕੋਈ ਕਿਨਾਰੇ ਚੜ੍ਹਿਆ ਹੂ,
ਸਹੀ ਸਲਾਮਤ ਪਾਰ ਗਏ ‘ਬਾਹੂ’; ਜਿਨ ਮੁਰਸ਼ਦ ਦਾ ਲੜ ਫੜਿਆ ਹੂ।

~ਹਜ਼ਰਤ ਸੁਲਤਾਨ ਬਾਹੂ

ਜਿਨ੍ਹਾਂ ਦੁੱਖਾਂ ਦੇ ਵਿੱਚ ਦਿਲਬਰ ਰਾਜ਼ੀ; ਤੇ ਉਨ੍ਹਾਂ ਤੋਂ ਸੁੱਖ ਵਾਰੇ,
ਦੁੱਖ ਕ਼ਬੂਲ ‘ਮੁਹੰਮਦ ਬਖ਼ਸ਼ਾ’, ਸਾਡੇ ਰਾਜ਼ੀ ਰਹਿਣ ਪਿਆਰੇ।

ਕੱਚ ਵੀ ਮਣਕਾ ਤੇ ਲਾਲ ਵੀ ਮਣਕਾ; ਤੇ ਇੱਕੋ ਰੰਗ ਦੋਹਾਂ ਦਾ,
ਜਦ ਸਰਾਫ਼ਾਂ ਅੱਗੇ ਜਾਂਦਾ; ਹੋ ਜਏ ਫ਼ਰ੍ਕ਼ ਹਜ਼ਾਰ ਕੋਹਾਂ ਦਾ।

ਮਾਲੀ ਦਾ ਕੰਮ ਪਾਣੀ ਪਾਉਣਾ; ਭਰ-ਭਰ ਮਸ਼ਕਾਂ ਪਾਵੇ,
ਮਾਲਕ ਦਾ ਕੰਮ ਫਲ਼-ਫੁੱਲ ਲਾਉਣਾ; ਲਾਵੇ ਜਾਂ ਨਾ ਲਾਵੇ।

ਦੁਸ਼ਮਣ ਮਰੇ ਤਾਂ ਖ਼ੁਸ਼ੀ ਨਾ ਕਰੀਏ; ਸੱਜਣਾਂ ’ ਵੀ ਤੁਰ ਜਾਣਾ,
ਦੀਗਰ ਦੇ ਦਿਨ ਰੋਇਆ ‘ਮੁਹੰਮਦ’; ਓੜਕ ਨੂੰ ਡੁੱਬ ਜਾਣਾ।

ਸ਼ਾਇਰ ਨਾਮ ਤਰਾਵਣ ਲਾਇਕ, ਕ਼ਦਰ ਨਹੀਂ ਕੁਝ ਮੇਰਾ,
ਉਹ ਖੇਤਾਂ ਦਾ ਸਾਈਂ ਤੇ ਸਾਡਾ ਖਾਲ਼ ਬੰਨੇ ਪਰ ਡੇਰਾ।

~ਮੀਆਂ ਮੁਹੰਮਦ ਬਖ਼ਸ਼

https://t.me/satindersartaaj143/1367
https://t.me/satindersartaaj143/225

ਕੁੱਤੇ ਨਾ ਯਾਰ ਹਰਨ ਦੇ, ਪਾਂਧਾ ਨਾ ਮਾਸ ਧਰਨ ਦੇ,
ਗੁਰੂ ਨਾ ਚੌੜ ਕਰਨ ਦੇ, ਸੱਯਦ ਨਾ ਘਰ ਵੜਨ ਦੇ।
ਪੈਸੇ ਨੂੰ ਦੱਬੇ ਜੁਆਰੀ ਨਾ, ਦਿਨੇ ਮੁੜੇ ਸ਼ਿਕਾਰੀ ਨਾ,
ਸਿਆਣਾ ਬੇਟੀ ਕੁਆਰੀ ਨਾ’ ਬੰਦਿਆਂ ’ਚ ਖੜ੍ਹਨ ਦੇ।
ਤੀਵੀਂ ਸੇ ਭੇਦ ਖੋਲ੍ਹੇ ਨਾ, ਹੱਟੀ ਤੇ ਪੂਰਾ ਤੋਲੇ ਨਾ,
ਖਾੜੇ ’ਚ ਸਿਆਣਾ ਬੋਲੇ ਨਾ, ’ਨ੍ਹੇਰੀ ਨਾ ਗੁੱਡੀ ਚੜ੍ਹਨ ਦੇ।
ਹਟੇ ਨਾ ਸ਼ੇਰ ਗੱਜਣੋਂ, ਟੱਲੀ ਨਾ ਟਲ਼ੇ ਵੱਜਣੋਂ,
‘ਰਜਬ ਅਲੀ’ ਸੱਜਣੋ ਰੱਦੀ ਨਾ ਕ਼ਿੱਸਾ ਪੜ੍ਹਨ ਦੇ।

ਖੰਘ ਨੂੰ ਮੁਲੱਠੀ ਤੇ ’ਜਵੈਣ ਖੋਲ੍ਹੇ ਕਬਜ਼ੀ,
ਰਸੌਂਤ ਗੰਦੇ ਮੈਲੇ ਤੇ ਕੁਨੈਣ ਮਾਰੇ ਤਪ ਨੂੰ।
ਘੋੜਿਆਂ ਨੂੰ ਸੂਲ ਤੇ ਮਲ੍ਹਮ ਮਾਰੇ ਫੋੜਿਆਂ ਨੂੰ,
ਬੱਕਰੀ ਨੂੰ ਝੜੀ ਤੇ ਕਲਹਿਰੀ ਮੋਰ ਸੱਪ ਨੂੰ।
ਬਲੀ ਜੋਧੇ-ਸੂਰਮੇ ਦਗ਼ੇ ਦੇ ਨਾਲ਼ ਮਾਰੇ ਸਾਰੇ,
‘ਬਾਲੀ’ ਮਾਰਿਆ ਰਾਮ ਨੇ, ਰਸਾਲੂ ਸਿਰ ਕੱਪ ਨੂੰ।
ਝੂਠ ਮਾਰੇ ਆਪ ਨੂੰ, ਤੇ ਸ਼ਾਨ ਮਾਰੇ ਦੂਸਰੇ ਨੂੰ,
‘ਰਜਬ ਅਲੀ’; ਮਾਰਦਾ ਖ਼ੁਦਾ ਦਾ ਨਾਮ ਗੱਪ ਨੂੰ।

~ਬਾਬੂ ਰਜਬ ਅਲੀ

https://t.me/satindersartaaj143/55

Neeti De Kabbit (Unreleased):-

ਨਾਮ ਨੂੰ ਸਵੇਰਾ ਚੰਗਾ, ਸੰਤਾਂ ਨੂੰ ਡੇਰਾ ਚੰਗਾ,
ਚੋਰ ਨੂੰ ਹਨੇਰਾ ਚੰਗਾ; ਜਿੱਥੇ ਕਿਤੇ ਲੁੱਕ ਜਏ।
ਜੁਆਈ ਭਾਈ ਸਾਊ ਚੰਗਾ, ਪੁੱਤਰ ਕਮਾਊ ਚੰਗਾ,
ਟੱਬਰ ਸੰਗਾਊ ਚੰਗਾ; ਝਿੜਕੇ ਤੋਂ ਰੁਕ ਜਏ।
ਇੱਕ ਗੋਤ ‘ਖੇੜਾ’ ਚੰਗਾ, ਖੇਤ ਲਾਉਣਾ ਗੇੜਾ ਚੰਗਾ,
ਜੰਗ ’ਚ ਨਬੇੜਾ ਚੰਗਾ; ਜੇ ਕਲੇਸ਼ ਮੁੱਕ ਜਏ।
ਚੌਧਵੀਂ ਦਾ ਚੰਦ ਚੰਗਾ, ‘ਬਾਊ’ ਜੀ ਦਾ ਛੰਦ ਚੰਗਾ,
ਆਂਵਦਾ ਅਨੰਦ ਚੰਗਾ; ਲਾਉਂਦਾ ਸੋਹਣੀ ਤੁਕ ਜੇ।

ਨਹਿਰ ਨੂੰ ਵਰਮ ਚੰਗੀ, ਚਾਹ ਛਕੀ ਗਰਮ ਚੰਗੀ,
ਬੇਟੀ ਨੂੰ ਸ਼ਰਮ ਚੰਗੀ, ਜੂਤ ਪੈਂਦੇ ਰਹਿਣ ਗੋਲੇ ਨੂੰ।
ਗੁੜ ਚੰਗਾ ਮਹਿਰੇ ਨੂੰ, ਸੁਜਾਗ ਚੰਗਾ ਪਹਿਰੇ ਨੂੰ,
ਮਸਾਲਾ ਚੰਗਾ ਟੈਰੇ ਨੂੰ, ਬਨੌਲੇ ਚੰਗੇ ਖੋਲੇ ਨੂੰ।
ਨਗਰ ਅਬਾਦ, ਤੇ ਕਮਾਦ ਵਿੱਚ ਖਾਦ ਚੰਗਾ,
ਘਿਉ ਤੋਂ ਆਉਂਦਾ ਸੁਆਦ ਚੰਗਾ, ਗਾਲ਼ਾਂ ਦਾ ਵਿਚੋਲੇ ਨੂੰ।
‘ਬਾਊ ਜੀ’ ਸਲਾਹੀ ਚੰਗਾ, ਤੇ ਗੁੱਜਰ ਮਾਹੀ ਚੰਗਾ,
ਅੜਬ ਸਿਪਾਹੀ ਚੰਗਾ ਅੜਬਾਂ ਦੇ ਟੋਲੇ ਨੂੰ।

ਲੋਕ ਨੇ ਵੈਰੀ ਬੁੱਧ ਦੇ, ਬੁੜ੍ਹੀ ਨਾ ਲਾਹੁਣ ਦੁੱਧ ਦੇ,
ਅਗਰਵਾਲ ਯੁੱਧ ਦੇ ਕਦੇ ਨਾ ਨੇੜੇ ਢੁੱਕਦੇ।
ਘੋੜੀ ਨਾ ਪਿੱਛੋਂ ਲੰਘਣ ਦੇ, ਸੂਰਾ ਨਾ ਅੱਗੋਂ ਖੰਘਣ ਦੇ,
ਬਿੱਪਰ ਸੰਗ ਭੰਗਣ ਦੇ ਰਹੇ ਨਾ ਨਾਲ਼ ਰੁਕਦੇ।
ਕਾਜ਼ੀ ਨਾ ਪਾਸ ਗਾਉਣ ਦੇ, ਨਾ ਖੰਘ ਵਾਲ਼ਾ ਸੌਣ ਦੇ,
ਕਵੀ ਨਾ ਸ਼ੋਰ ਪਾਉਣ ਦੇ, ਸੂਮ ਨਾ ਘਰੋਂ ਟੁੱਕ ਦੇ।
ਸਖੀ ਨਾ ਜਾਣ ਖ਼ਾਲੀ ਦੇ, ਨਾ ‘ਰਜਬ ਅਲੀ’ ਗਾਲੀ ਦੇ,
ਤੇ ਛੋਟੇ-ਮੋਟੇ ਮਾਲੀ ਦੇ ਕਦੇ ਨਹੀਂ ਕੰਮ ਮੁੱਕਦੇ।

ਨੀਚ ਸੇ ਪਿਆਰ ਹੋ ਜਏ, ਨਾਰ ਬਦਕਾਰ ਹੋ ਜਏ,
ਬਾਲਕਾ ਬੀਮਾਰ ਹੋ ਜਏ; ਉਹ ਨਾ ਰੋਣੋਂ ਥੰਮ੍ਹਦਾ।
ਗੇਹੂੰ ’ਚ ਪਿਆਜ਼ੀ ਹੋ ਜਏ, ਬਾਣੀਆ ਲਿਹਾਜ਼ੀ ਹੋ ਜਏ,
ਭਾਈਆਂ ’ਚ ਨਰਾਜ਼ੀ ਹੋ ਜਏ; ਹਰਜ ਕੁਟੰਬ ਦਾ।
ਕੁਣਕੇ ’ਚ ਗੰਢ, ਤੇ ਗ੍ਰੰਥ ਵੱਲ ਕੰਡ ਹੋ ਜਏ,
ਕਪਾਹ ਜੇ ਕਰੰਡ ਹੋ ਜਏ; ਨਾ ਵੜੇਵਾਂ ਜੰਮਦਾ।
‘ਬਾਊ’ ਦੀ ਬੇ-ਰੋਅਬੀ ਹੋ ਜਏ, ਤੇ ਨਿਸਾਰੂ ਗੋਭੀ ਹੋ ਜਏ,
ਤੇ ਫ਼ਕੀਰ ਲੋਭੀ ਹੋ ਜਏ; ਉਹ ਨਹੀਂ ਰਹਿੰਦਾ ਕੰਮ ਦਾ।

ਸੂਰਮੇ ਦੀ ਹਾਨੀ ਹੋ ਜਏ, ਹੋਛਾ ਜੇ ਗਿਆਨੀ ਹੋ ਜਏ,
ਆਗੂ ਜੇ ਜਨਾਨੀ ਹੋ ਜਏ; ਉਹ ਨਾ ਝੁੱਗੀ ਵੱਸਦੀ।
ਘਰ ਕਮਜ਼ੋਰ ਹੋ ਜਏ, ਪੁੱਤਰ ਲੰਡੋਰ ਹੋ ਜਏ,
ਜੇ ਸਿਆਣੂ ਚੋਰ ਹੋ ਜਏ ਤਾਂ ਪੁਲਸ ਰੋਜ਼ ਧੱਸਦੀ।
ਮੌਤ ਜੇ ਵਿਆਹ ’ਚੇ ਹੋ ਜਏ, ਮੀਂਹ-ਝੜੀ ਜੇ ਗਾਹ ’ਚੇ ਹੋ ਜਏ,
ਜੇ ਜੁਆਕ ਰਾਹ ’ਚੇ ਹੋ ਜਏ; ਜਾਨ ਦੁਖੀ ਫਸਦੀ।
ਸੱਪ ਜੇ ਅਸੀਲ ਹੋ ਜਏ, ਖ਼ਾਰਜ ਅਪੀਲ ਹੋ ਜਏ,
ਬੌਰੀਆ ਵਕੀਲ ਹੋ ਜਏ; ਵੇਖ ਲੋਕੀਂ ਹੱਸਦੀ।

ਲੱਤੋਂ ਲੰਙਾ ਬੈਲ ਹੋ ਜਏ, ਬੁੜ੍ਹਾ ਜੇ ਬੇ-ਟਹਿਲ ਹੋ ਜਏ,
’ਫ਼ੀਮ ਦਾ ਜੇ ਵੈਲ ਹੋ ਜਏ; ਐਦੂੰ ਦੁੱਖ ਕੋਈ ਨਹੀਂ,
ਕੋੜ੍ਹ ਦਾ ਜੇ ਦੁੱਖ ਹੋ ਜਏ, ’ਵਾ ’ਚ ਟੇਢਾ ਰੁੱਖ ਹੋ ਜਏ,
ਗੁਰੂ ਤੋਂ ਬੇ-ਮੁੱਖ ਹੋ ਜਏ; ਦੋ-ਜਹਾਨੀਂ ਢੋਈ ਨਹੀਂ।
ਨੀਤ ’ਚ ਫ਼ਰਕ ਤੇ ਰਸਾਇਣ ਦਾ ਠਰਕ ਹੋ ਜਏ,
ਬੇੜੀ ਜੇ ਗ਼ਰਕ ਹੋ ਜਏ; ਨਿੱਕਲ਼ੇ ਡਬੋਈ ਨਹੀਂ।
ਰਾਜੇ ਤੇ ਚੜ੍ਹਾਈ ਹੋ ਜਏ, ਜੇ ਖ਼ਰਾਬ ਜੁਆਈ ਹੋ ਜਏ,
ਖਾੜੇ ’ਚ ਲੜਾਈ ਹੋ ਜਏ; ‘ਬਾਊ’ ਚੰਗੀ ਹੋਈ ਨਹੀਂ।

ਕਾਜ਼ੀ ਤੋਂ ਹਰਾਮ ਹੋ ਜਏ, ਬਹੂ ਘਰੋਂ ਲਾਮ੍ਹ ਹੋ ਜਏ,
ਪੈਂਚ ਬਦਨਾਮ ਹੋ ਜਏ; ਉਹਨੂੰ ਪਿੰਡ ਮੰਨੇ ਨਾ।
ਫੱਟ ਵਿੱਚ ਰਾਧ ਹੋ ਜਏ, ਘਰ ਬਰਬਾਦ ਹੋ ਜਏ,
ਖੁਸ਼ਕ ਕਮਾਦ ਹੋ ਜਏ; ਉਹਦੇ ਸੁਆਦ ਗੰਨੇ ਨਾ।
ਮੱਲੜਾ ਅਯਾਸ਼ ਹੋ ਜਏ, ਜੇ ਗਰਮ ਛਾਛ ਹੋ ਜਏ,
ਬੰਦਾ ਬਦਮਾਸ਼ ਹੋ ਜਏ; ਉਹ ’ਤੋਂ ਭਲੀ ਬਨੇਂ ਨਾ।
ਬਿਨਾਂ ਨੰਬਰ ਨੋਟ, ਅਹਿਲਕਾਰ ਤੇ ਰਿਪੋਰ੍ਟ,
ਤੇ ਬੰਨ੍ਹਾਈ ਵਿੱਚ ਟੋਟ; ਹਰ-ਇੱਕ ‘ਬਾਬੂ’ ਬੰਨ੍ਹੇ ਨਾ।

ਸੋਗ ਵਿੱਚ ਹਾਸਾ ਮਾੜਾ, ਸੁਆਲੀ ਗਿਆ ਨਿਰਾਸਾ ਮਾੜਾ,
ਕੂੜ ਦਾ ਦਿਲਾਸਾ, ਤੇ ਗੰਡਾਸਾ ਮਾੜਾ ਜੰਡੀ ਨੂੰ।
ਹਾਕਮਾਂ ਨੂੰ ਬੋਬਾ ਮਾੜਾ, ਗਾਓਂ ਵਿਚਾਲੇ ਟੋਭਾ ਮਾੜਾ,
ਸਿਆਣੇ ਕਹਿੰਦੇ; “ਖੋਭਾ ਮਾੜਾ”, ਹਰਨੀ ਤਰੰਡੀ ਨੂੰ।
ਅੜੀਦਾਰ ਘੋੜਾ ਮਾੜਾ, ਯਾਰ ਦਾ ਵਿਛੋੜਾ ਮਾੜਾ,
ਕਾਲਜੇ ’ਚ ਫੋੜਾ, ਤੇ ਝੰਜੋੜਾ ਬੀਣੀਂ ਗੰਢੀ ਨੂੰ।
ਹਲਕੇ ਨੂੰ ਆਬ, ‘ਬਾਬੂ’ ਸੌਣ ’ਚ ਜੁਲਾਬ ਮਾੜਾ,
ਕਾਜ਼ੀ ਨੂੰ ਸ਼ਰਾਬ, ਤੇ ਬਰਸਾਤ ਮਾੜੀ ਮੰਡੀ ਨੂੰ।

ਲਾਗੀ ਨੂੰ ਮੜਕ ਮਾੜੀ, ਜੁੱਤੀ ਨੂੰ ਸੜਕ ਮਾੜੀ,
ਅੱਖ ਨੂੰ ਰੜਕ ਤੇ ਬੜ੍ਹਕ ਮਾੜੀ ਵੈਰਾਂ ਨੂੰ,
ਖੰਘ ਮਾੜੀ ਤਾਪ ਨੂੰ, ਲਗਾਉਣਾ ਹੱਥ ਸਾਂਪ ਨੂੰ,
ਕੁੱਟਣ ਮਾੜਾ ਬਾਪ ਨੂੰ, ਟੁੱਟਣ ਮਾੜਾ ਨਹਿਰਾਂ ਨੂੰ।
ਚੱਲੀ ਮਾੜੀ ਦੱਖਣ, ਸੰਖੀਆ ਚੱਖਣ ਮਾੜਾ,
ਵੈਲੀ ਘਰੇ ਰੱਖਣ; ਬਹਾਉਣਾ ਘਰੇ ਗ਼ੈਰਾਂ ਨੂੰ।
ਨਾਰ ਵਿੱਭਚਾਰ ‘ਬਾਬੂ’, ਪਾਂਧੇ ਦਾ ਉਧਾਰ ਮਾੜਾ,
ਪਾਂਧੇ ਨੂੰ ਸ਼ਿਕਾਰ ਮਾੜਾ ਤੇ ਅਚਾਰ ਮਾੜਾ ਸ਼ਾਇਰਾਂ ਨੂੰ।

ਚੱਖਣਾ ਕੀ ਬਿੱਖ ਨੂੰ, ਸਿਉਂਕ ਮਾੜੀ ਇੱਖ ਨੂੰ,
ਤਮਾਂਕੂ ਮਾੜਾ ਸਿੱਖ ਨੂੰ, ਪਿੱਪਲ਼ ਮਾੜਾ ਤਾਕਾਂ ਨੂੰ।
ਬਾਰ ਮੂਹਰੇ ਝਾੜ, ਰਹੇ ਨਿਆਈਂ ’ਚ ਬਘਿਆੜ,
ਮਾੜਾ ਭਾਈਆਂ ਦਾ ਵਿਗਾੜ, ਤੇ ਰਿਹਾੜ ਮਾੜੀ ਜੁਆਕਾਂ ਨੂੰ।
ਘੜੇ ਨੂੰ ਤਿੜਕ ਮਾੜੀ, ਜੂਏ ਦੀ ਫਿੜਕ ਮਾੜੀ,
ਤੇ ਹੁੰਦੀ ਝਿੜਕ ਮਾੜੀ ਸਗੇ-ਰੱਤੇ ਸਾਕਾਂ ਨੂੰ।
‘ਬਾਬੂ’ ਬੈਲ ਮੱਠਾ ਮਾੜਾ, ਤੇ ਗੁਰੂ ਨੂੰ ਠੱਠਾ ਮਾੜਾ,
ਭਲਵਾਨ ਢੱਠਾ ਮਾੜਾ ਖਾ ਕੇ ਤੇ ਖੁਰਾਕਾਂ ਨੂੰ।

ਜਰ ਮਾੜੀ ਸੰਦ ਨੂੰ, ਕਰੇੜਾ ਮਾੜਾ ਦੰਦ ਨੂੰ,
ਝੜੀ ਜਿਹੀ ਗ਼ੋਸ ਫ਼ੰਦ ਨੂੰ, ਤਪਸ਼ ਮਾੜੀ ਮੀਮੀ ਨੂੰ।
ਚੋਟ ਮਾੜੀ ਬੰਗ ਨੂੰ, ਵਡਿਆਉਣਾ ਮਾੜਾ ਨੰਗ ਨੂੰ,
ਸ਼ੱਕਰ ਮਾੜੀ ਖੰਘ ਨੂੰ, ਖਟਿਆਈ ਮਾੜੀ ’ਫ਼ੀਮੀ ਨੂੰ।
ਤੁੰਬ ਨਵੇਂ ਥਾਨ ਨੂੰ, ਲਤਾੜ ਮਾੜੀ ਵਾਣ ਨੂੰ,
ਫਲ੍ਹੇ ਜੁੜਾਉਣਾ ਸਾਨ੍ਹਾਂ ਨੂੰ, ਸਫ਼ਰ ਮਾੜਾ ਤੀਮੀ ਨੂੰ।
ਕੱਚਾ ਧਾਤ ਖਾਧਾ ‘ਬਾਬੂ’, ਬੇਹਾ ਪ੍ਰਸ਼ਾਦ ਮਾੜਾ,
ਤੇ ਭਰਾ ’ਤੇ ਵਾਧਾ ਮਾੜਾ, ਲਾਲਚ ਹਕੀਮੀ ਨੂੰ।

ਸਿਆਣਿਆਂ ਦੀ ਮੱਤ ਕੰਮ ਆਂਵਦੀ ਉਮਰ ਸਾਰੀ,
ਹਾਕਮਾਂ ਦੇ ਕੋਲ਼ੇ ਜਾ ਸੁਣਾਈਏ ਗੱਲ ਕੱਬੀ ਨਾ।
ਮਾਇਆ ਤੇ ਜ਼ਮੀਨ ’ਤੇ ਭਰਾਵਾਂ ਦਾ ਨਾ ਜ਼ੋਰ ਹੋਵੇ,
ਐਵੇਂ ਵਿੱਚ ਪਿੰਡ ਦੇ ਸਦਾਈਏ ‘ਖ਼ਾਨ ਖੱਬੀ’ ਨਾ।
ਆਪ ਦੀ ਜ਼ਨਾਨੀ ਪਾਸ ਹੱਸੀਏ ਨਾ ਹੋਰ ਨਾਲ,
ਖੇਲਣੇ ਕੋ ਬਾਲ ਕੋ ਫੜਾਈਏ ’ਫ਼ੀਮੀ ਡੱਬੀ ਨਾ।
ਜਾਣਾ ਪ੍ਰਦੇਸ ਦਮ ਦੂਣੇ ਲੈ ਜ਼ਰੂਰਤਾਂ ਤੋਂ,
ਹਲ਼ ਵਾਹੁੰਦੇ ‘ਬਾਬੂ ਜੀ’ ਹੰਢਾਈਏ ਪੱਗ ਛੱਬੀ ਨਾ।

Sajjana Ve Dil Deya Kaaleya (Thabba-Ku Zulfa’n Waaleya) kavita lyrics (Unreleased):-

ਥੱਬਾ-ਕੁ ਜ਼ੁਲਫ਼ਾਂ ਵਾਲ਼ਿਆ;
ਮੇਰੇ ਸੋਹਣਿਆ, ਮੇਰੇ ਲਾੜਿਆ;
ਅੜਿਆ ਵੇ ਤੇਰੀ ਯਾਦ ਨੇ
ਕੱਢ ਕੇ ਕਲੇਜਾ ਖਾ ਲਿਆ।

ਅਹੁ ਮਾਰ ਲਹਿੰਦੇ ਵੱਲ ਨਿਗ੍ਹਾ;
ਅੱਜ ਹੋ ਗਿਆ ਸੂਰਜ ਜ਼ਬ੍ਹਾ,
ਏਕਮ ਦਾ ਚੰਨ ਫਿੱਕਾ ਜਿਹਾ
ਅੱਜ ਬਦਲ਼ੀਆਂ ਨੇ ਖਾ ਲਿਆ,
ਅਸਾਂ ਦੀਦਿਆਂ ਦੇ ਵਿਹਰੜੇ
ਹੰਝੂਆਂ ਦਾ ਪੋਚਾ ਲਾ ਲਿਆ,
ਤੇਰੇ ਸ਼ਹਿਰ ਜਾਂਦੀ ਸੜਕ ਦਾ
ਇੱਕ ਰੋੜ ਚੁਗ ਕੇ ਖਾ ਲਿਆ,
ਥੱਬਾ-ਕੁ ਜ਼ੁਲਫ਼ਾਂ ਵਾਲ਼ਿਆ।

ਆਈਆਂ ਵੇ ਸਿਰ ’ਤੇ ਵਹਿੰਗੀਆਂ,
ਰਾਤਾਂ ਅਜੇ ਨੇ ਰਹਿੰਦੀਆਂ,
ਕਿਰਨਾਂ ਅਜੇ ਨੇ ਮਹਿੰਗੀਆਂ,
ਫਿੱਕੀਆਂ ਅਜੇ ਨੇ ਮਹਿੰਦੀਆਂ,
ਅਸਾਂ ਦਿਲ ਦੇ ਉੱਜੜੇ ਖੇਤ ਵਿੱਚ
ਮੂਸਲ ਗ਼ਮਾਂ ਦਾ ਲਾ ਲਿਆ,
ਮਿੱਠਾ ਵੇ ਤੇਰਾ ਬਿਰਹੜਾ
ਗੀਤਾਂ ਨੇ ਕੁੱਛੜ ਚਾ ਲਿਆ,
ਥੱਬਾ-ਕੁ ਜ਼ੁਲਫ਼ਾਂ ਵਾਲ਼ਿਆ।

ਸੱਜਣਾ ਵੇ ਦਿਲ ਦਿਆ ਕਾਲ਼ਿਆ
ਅਸਾਂ ਰੋਗ ਦਿਲ ਨੂੰ ਲਾ ਲਿਆ,
ਤੇਰੇ ਜ਼ਹਿਰ-ਮੌਹਰੇ ਰੰਗ ਦਾ
ਬਾਂਹ ’ਤੇ ਹੈ ਨਾਂ ਖੁਦਵਾ ਲਿਆ,
ਉਸ ਬਾਂਹ ਦੁਆਲ਼ੇ ਮੋਤੀਏ ਦਾ
ਹਾਰ ਹੈ ਅੱਜ ਪਾ ਲਿਆ,
ਕਬਰਾਂ ਨੂੰ ਟੱਕਰਾਂ ਮਾਰ ਕੇ
ਮੱਥੇ ’ਤੇ ਰੋੜਾ ਪਾ ਲਿਆ,
ਅਸਾਂ ਹਿਜਰ ਦੀ ਸੰਗਰਾਂਦ ਨੂੰ
ਅੱਥਰੂ ਕੋਈ ਲੂਣਾ ਖਾ ਲਿਆ,
ਕੋਈ ਗੀਤ ਤੇਰਾ ਗਾ ਲਿਆ,
ਥੱਬਾ-ਕੁ ਜ਼ੁਲਫ਼ਾਂ ਵਾਲ਼ਿਆ।

ਥੱਬਾ-ਕੁ ਜ਼ੁਲਫ਼ਾਂ ਵਾਲ਼ਿਆ;
ਮੇਰੇ ਹਾਣੀਆ, ਮੇਰੇ ਪਿਆਰਿਆ,
ਪੀੜਾਂ ਦੀ ਪਥਕਣ ਜੋੜ ਕੇ
ਗ੍ਹੀਰਾ ਅਸਾਂ ਬਣਵਾ ਲਿਆ,
ਹੱਡਾਂ ਦਾ ਬਾਲਣ ਬਾਲ਼ ਕੇ
ਉਮਰਾਂ ਦਾ ਆਵਾ ਤਾ ਲਿਆ,
ਕੱਚਾ ਪਿਆਲਾ ਇਸ਼੍ਕ਼ ਦਾ
ਅੱਜ ਸ਼ਿੰਗਰਫ਼ੀ ਰੰਗਵਾ ਲਿਆ,
ਵਿਚ ਜ਼ਹਿਰ ਚੁੱਪ ਦਾ ਪਾ ਲਿਆ;
ਜਿੰਦੂ ਨੇ ਬੁੱਲ੍ਹੀਂ ਲਾ ਲਿਆ,
ਥੱਬਾ-ਕੁ ਜ਼ੁਲਫ਼ਾਂ ਵਾਲ਼ਿਆ।

~ਸ਼ਿਵ ਕੁਮਾਰ ਬਟਾਲਵੀ

https://t.me/satindersartaaj143/56

Behadd Ramaz’an Dassda

Lyrics:-

https://t.me/satindersartaaj143/1371

Judaaiya’n kavita lyrics (Released):-

ਤੇਰੀ ਦੀਦ ਬਾਝੋਂ ਅੱਖੀਆਂ ਤਿਹਾਈਆਂ ਰਾਂਝਣਾ ਵੇ,
ਸਾਥੋਂ ਝੱਲੀਆਂ ਨਹੀਂ ਜਾਂਦੀਆਂ ਜੁਦਾਈਆਂ ਰਾਂਝਣਾ ਵੇ।

ਤੈਨੂੰ ਦੇਖਿਆਂ ਬਗੈਰ ਚੈਨ ਚਿੱਤ ਨੂੰ ਨਾ ਆਵੇ,
ਚੰਨਾ ਫੁੱਲਾਂ ਵਾਲ਼ੀ ਰੁੱਤ ਸਾਨੂੰ ਵੱਢ-ਵੱਢ ਖਾਵੇ,
ਤੇਰੇ ਨਾਲ਼ ਅੱਖਾਂ ਭੁੱਲ ਕੇ ਮੈਂ ਲਾਈਆਂ ਰਾਂਝਣਾ ਵੇ,
ਸਾਥੋਂ ਝੱਲੀਆਂ ਨਹੀਂ ਜਾਂਦੀਆਂ ਜੁਦਾਈਆਂ ਰਾਂਝਣਾ ਵੇ।

ਅਸੀਂ ਹੋ ਗਏ ਹਾਂ ਸ਼ੁਦਾਈ ਤੇਰੇ ਇਸ਼ਕ਼ੇ ਦੇ ਮਾਰੇ,
ਤੈਨੂੰ ਸਾਡੇ ਨਾਲ਼ੋਂ ਚੰਨਾ ਗ਼ੈਰ ਲੱਗਦੇ ਪਿਆਰੇ,
ਸਾਨੂੰ ਲਾਉਣੀਆਂ-ਬੁਝਾਉਣੀਆਂ ਨਾ ਆਈਆਂ ਰਾਂਝਣਾ ਵੇ,
ਸਾਥੋਂ ਝੱਲੀਆਂ ਨਹੀਂ ਜਾਂਦੀਆਂ ਜੁਦਾਈਆਂ ਰਾਂਝਣਾ ਵੇ।

ਕਦੇ ਆ ਕੇ ਦੇਖੀਂ ਅੱਖੀਂ ਸਾਡੀ ਜਿੰਦ ਕੁਰਲਾਉਂਦੀ,
ਦਿਨੇ ਚੈਨ ਨਹੀਂਓ ਆਉਂਦਾ, ਰਾਤੀਂ ਨੀਂਦ ਨਹੀਂਓ ਆਉਂਦੀ,
ਅਸੀਂ ਯੁੱਗਾਂ ਵਾਂਗੂੰ ਘੜੀਆਂ ਬਿਤਾਈਆਂ ਰਾਂਝਣਾ ਵੇ,
ਸਾਥੋਂ ਝੱਲੀਆਂ ਨਹੀਂ ਜਾਂਦੀਆਂ ਜੁਦਾਈਆਂ ਰਾਂਝਣਾ ਵੇ।

ਸਾਡੇ ਚਾਅਵਾਂ ਕੋਲ਼ੋਂ ਪੁੱਛ; ਕਿੱਦਾਂ ਹੋਏ ਬੇਕ਼ਰਾਰ,
ਤੇਰੇ ਰੋਸਿਆਂ ਤੋਂ ਵਾਰੀ, ਕੇਰਾਂ ਇੱਕ ਝਾਤੀ ਮਾਰ,
ਤੈਨੂੰ ਚੇਤੇ ਆਉਣ ਤੇਰੀਆਂ ਉਕਾਈਆਂ ਰਾਂਝਣਾ ਵੇ,
ਸਾਥੋਂ ਝੱਲੀਆਂ ਨਹੀਂ ਜਾਂਦੀਆਂ ਜੁਦਾਈਆਂ ਰਾਂਝਣਾ ਵੇ।

~ ਦੀਪਕ ਜੈਤੋਈ

https://t.me/satindersartaaj143/1365

Judaaiya’n

Lyrics:-

https://t.me/satindersartaaj143/1366

Ta’n Vaseele Hon’ge lyrics (Unreleased):-

ਹੀਲਿਆਂ ਨੂੰ “ਹਾਂ” ਕਰੋਂਗੇ; ਤਾਂ ਵਸੀਲੇ ਹੋਣਗੇ,
ਬੇ-ਦਿਲੀ ਨੂੰ “ਨਾਂਹ” ਕਰੋਂਗੇ; ਤਾਂ ਵਸੀਲੇ ਹੋਣਗੇ।

ਬੇ-ਖ਼ੁਦੀ ਆਪਣੀ ਜਗ੍ਹਾ ਤੇ ਜੁਸਤਜੂ ਆਪਣੀ ਜਗ੍ਹਾ,
ਜ਼ਹਿਨ ਦੀ ਆਦਤ ਅਲੱਗ, ਪਰ ਦੇਖ; ਰੂਹ ਆਪਣੀ ਜਗ੍ਹਾ,
ਸਾਫ਼ ਜੇ ਨਜ਼ਰਾਂ ਕਰੋਂਗੇ; ਤਾਂ ਵਸੀਲੇ ਹੋਣਗੇ,
ਬੇ-ਦਿਲੀ ਨੂੰ “ਨਾਂਹ” ਕਰੋਂਗੇ; ਤਾਂ ਵਸੀਲੇ ਹੋਣਗੇ।

ਕੁਛ ਤਾਂ ਹੈ ਜੋ ਪਾਕ ਹੈ, ਪੁਰਨੂਰ ਹੈ, ਜ਼ਰਖ਼ੇਜ਼ ਹੈ,
ਕੁਛ ਤਾਂ ਹੈ ਜੋ ਮਹਿਕਦਾ, ਬੇਤਾਬ, ਦਿਲ-ਆਵੇਜ਼ ਹੈ,
ਖ਼ੂਬ ਉਮੀਦਾਂ ਕਰੋਂਗੇ; ਤਾਂ ਵਸੀਲੇ ਹੋਣਗੇ,
ਬੇ-ਦਿਲੀ ਨੂੰ “ਨਾਂਹ” ਕਰੋਂਗੇ; ਤਾਂ ਵਸੀਲੇ ਹੋਣਗੇ।

ਸੁੰਞੀਆਂ-ਵੀਰਾਨ ਥਾਂਵਾਂ ’ਤੇ ਤਰਾਨੇ ਗਾਉਣ ਲਈ;
ਬੁਲਬੁਲਾਂ ਨੂੰ ਤੋਰੀਏ ਕੁਛ ਰੌਣਕਾਂ ਵਰਤਾਉਣ ਲਈ,
ਇਸ ਤਰ੍ਹਾਂ ਥਾਂ-ਥਾਂ ਕਰੋਂਗੇ; ਤਾਂ ਵਸੀਲੇ ਹੋਣਗੇ,
ਬੇ-ਦਿਲੀ ਨੂੰ “ਨਾਂਹ” ਕਰੋਂਗੇ; ਤਾਂ ਵਸੀਲੇ ਹੋਣਗੇ।

https://t.me/satindersartaaj143/1353