Salomatlik saboqlari

24 октябрь куни Наманганда кутилаётган об-ҳаво маълумоти

Ҳаво ўзгариб туради, куннинг биринчи ярмида айрим жойларда ёмғир ёғади.

Ғарбдан эсаётган шамол ўз йўналишини ўзгартириб, шарқдан секундига 5-10 метр тезликда эсади.

Кечаси 7-12, кундузи 14-19 даража илиқ бўлади.

Namangantoday

➡️ Обуна бўлинг ➡️https://t.me/namangantoda

Оғиздаги нохуш ҳид саратон аломати бўлиши мумкин

Батафсил ўқиш ➡️ https://namangantoday.uz/2024/10/22/ogizdagi-nohush-hid-saraton-alomati-bolishi-mumkin/

📝 Namangantoday

➡️ Обуна бўлинг ➡️https://t.me/namangantoday

❗️Дам олиш кунлари ҳарорат кечаси +10…+12, кундузи +25…+28 даражани ташкил қилади — Ўзгидромет

📝 Namangantoday

➡️ Обуна бўлинг ➡️https://t.me/namangantoday

❗️ Майиз асабни тинчлантириб, иммунитетни оширади, майиз енг қишдан КАСАЛ БЎЛМАЙ ЧИҚИНГ

Инсон саломатлиги учун ғоят фойдали бўлган майиз, шунингдек, суяк емирилиши ва буйрак касалликларида наф беради.

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❗️Болаларда диатез: Касаллик нима сабабдан келиб чиқади?

📌 Янги туғилган чақалоқнинг соғлом улғайиши ҳар бир онадан алоҳида эътибор ва ғамхўрликни талаб қилади. Айниқса, гўдакнинг асосий таоми кўкрак сути бўлган пайтда аёллар аллергия чақирувчи маҳсулотларни истеъмол қилишдан эҳтиёт бўлиши лозим. Акс ҳолда кичкинтойда диатез кузатилиши мумкин.

👩🏻‍⚕️ Республика ихтисослаштирилган аллергология илмий-амалий тиббиёт маркази директори, тиббиёт фанлари доктори, профессор Илмира Разикова билан айни шу мавзу — болаларда диатезнинг келиб чиқиш сабаблари, белгилари ва даволаш усуллари ҳақида суҳбатлашдик.

♻️ — Бу касаллик кўпинча болаларнинг икки oйликдaн икки ёшгaчa бўлгaн дaвpидa бoшлaнaди, — дейди профессор. — У aсoсaн икки oмилнинг қўшилиши, яъни нaслий мoйиллик ва aллepгeнлap билaн aлoқa нaтижaсидa юзaгa кeлaди.

🩺 Aллepгик peaкциялap pивoжлaнишигa oзиқ-oвқaт мaҳсулoтлapи (сигиp сути, aсaл, шиpинликлap, бoшoқли донлap, шoкoлaд, бaлиқ, цитpус ва қизил paнгли хўл мeвaлap) билaн биpгaликдa тaшқи тaъсиpлap (чaнг, кимёвий мoддaлap) сaбaб бўлиши мумкин.

‼️Диaтeз тepидa, кўпинчa юз вa бўйин сoҳaлapидa қизapишлap ҳамда тoшмaлap кўpинишидa кузaтилaди. Тoшмaлap қaттиқ қичишaди вa бoлaкaй бeзoвтaлaнaди.

🖇 Бундaн тaшқapи, диaтeз кичкинтойларда қуйидaги бeлгилap билaн ҳaм намоён бўлиши мумкин:

❇️ тepидa яллиғлaниш;

❇️ бoш сoҳaсидa қaзғoқ ҳoсил бўлиши;

❇️ иштaҳa пaсaйиши, тeз-тeз кeкиpиш, кўнгил aйниши, ич кeлишининг бузилиши, қopин сoҳaсидa oғpиқлap;

❇️ буpун, тoмoқ, кўзлapнинг яллиғлaниши;

❇️ уйқу бузилиши вa бeзoвтaлaниш.

💊 Шу билан бирга, ҳoмилaдopликнинг нoтинч кeчиши, бу даврда ўткaзилгaн инфeкциoн кaсaлликлap, тaқиқлaнгaн дopи вoситaлapини қaбул қилиш, тaмaки мaҳсулoтлapини чeкиш, спиpтли ичимликлap истeъмoл қилиш туфайли бoлaлapдa диaтeз pивoжлaнишининг эҳтимoли opтиб бopaди.

✅ Диaтeзнинг биp нeчa туpи бўлиб, улар кaсaллик бeлгилapи билaн фapқлaнaди. Шу сaбaбли дaвoлaш усулини aниқлaш учун жажжи беморларни мaxсус диaгнoстик тeкшиpувлapдан ўткaзиш тaлaб этилaди.

🖇 Диатез, асосан, атопик оилада туғилган ўғил-қизларда кўп учрайди. Шу боис агар ота ёки онада астма, аллергик ринит ва экзема каби хасталиклар бўлса, бирламчи бўғинда оилавий шифокор аёлнинг ҳомиладорлик давридан профилактика ишларини бошлаши лозим.

🔶 Чунки диатез кейинчалик болаларда атопик дерматит, ринит ва осонгина бронхиал астма касаллиги ривожланишига сабаб бўлиши мумкин.

❗️Aгap болаларда диaтeз бeлгилapи бўлсa, шифoкop кўpигига боришни кeчиктиpмaслик зарур. Мapкaзимиз мутaxaссислapи ана шундай ўғил-қизларни тўлиқ тeкшиpувлapдaн ўткaзиш баробарида, aсopaтлap юзaгa кeлишининг oлдини oлишгa ёpдaм бepaди.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❓Организм ўзини токсинлардан қандай тозалайди?

✅ Ҳозирда урф бўлган терминлардан бири “детокс” бўлиб, детоксикация – бу носоғлом турмуш тарзи, нотўғри овқатланиш, атроф-муҳит таъсири ва бошқа омиллар натижасида танамизда тўпланган токсинларни чиқариб ташлаш жараёни. Бу — умумий саломатлигимиз ва ҳолатимиз учун жуда муҳим.

👩🏻‍⚕️Тиббиёт фанлари доктори, доцент Дилафруз Абдуллаева бу ҳақда батафсил маълумот берди.

🍲 — Сўнгги овқат қабул қилишдан тахминан саккиз соат ўтгач, организмда ҳазм қилиш, сўрилиш жараёнлари тугайди ва танамиз детоксикация режимига ўтади, — дейди мутахассис.

🥤— Ҳозирда “детокс” атамаси танани турли шарбатлар орқали тозалаш билан боғлиқ бўлса-да, аслида, бу организмимиз ўзидаги токсинларни чиқариб ташлаш учун рационимиздаги озуқавий моддаларни қўллаш орқали ишга туширадиган биологик жараёндир.

📎 Танамизда жигар, буйраклар, тери ва йўғон ичак каби кўплаб детоксикация органлари мавжуд. Замонавий ҳаётнинг токсик юкини ҳисобга олган ҳолда самарали ишлаши керак бўлган танани табиий тозалашнинг учта босқичи мавжуд.

🖇 Биринчи босқич. Детоксикациянинг бу босқичи жигарда содир бўлади. У зарарли ёғда эрийдиган молекулаларни камроқ зарарли бирикмаларга айлантиришга ёрдам беради ва улар танадан осонроқ чиқарилади.

🖇 Иккинчи босқич. У ҳам жигарда содир бўлади ва конъюгация жараёнини ўз ичига олади. Яъни моддалар сувда эрувчан ва шунинг учун камроқ зарарли ҳолга келади. Кейинчалик бу моддалар буйраклар ва ичаклар орқали пешоб ва сафро билан чиқарилади.

🖇 Учинчи босқич. Бунда токсинлар ёки кераксиз бирикмалар ҳужайрадан детоксикация органлари: ичаклар, буйраклар, ўпкалар ва тери орқали чиқариб ташланади.

🟢 Соғлом турмуш тарзи ва тўғри овқатланиш орқали бу тизимнинг яхши ишлашини таъминлаш мумкин.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❗️Мутахассис: Болаларда астигматизм ўз вақтида даволанмаса, кўрликка сабаб бўлиши мумкин

📌  Сўнгги вақтларда телефон ва компьютердан ҳаддан ортиқ кўп фойдаланиш оқибатида болалар ўртасида кўз касалликлари кўп учрамоқда. Улардан бири астигматизмдир.

❓Хўш, у қандай хасталик?

➡️ Ушбу саволга Республика кўз касалликлари клиник шифохонаси бош шифокори Отабек Икромов батафсил жавоб берди.

👁  — Астигматизм — кўзнинг шох пардаси ёки линзаларининг эгрилиги нормал бўлмаган, кўришнинг хиралашишига олиб келувчи нуқсон, — дейди мутахассис. — Бунда ёруғлик кўзга кирганда, ғайритабиий эгрилик туфайли тўр пардага тўғри қаратилмайди. Оқибатда ноаниқ тасвир пайдо бўлиб, исталган масофада кўриш бузилади ёки хиралашади.

👫 У болалар орасида тез-тез учрайдиган муаммолардан бири бўлиб, айниқса, кейинги вақтларда телефон ва гаджетларга муккасидан кетиш, узоқ вақт телевизор кўриш, ётган ҳолда китоб ўқиш туфайли бундай ташхис қўйилаётган ўғил-қизлар сони бирмунча кўпаймоқда.

✔️ Шунингдек, унинг келиб чиқишига генетик омиллар, боланинг туғилиш жараёнида кўзнинг мугуз пардаси шаклининг бузилиши, кўз жароҳатлари, кератит, кератоконъюнктивит каби хасталиклар ҳам сабаб бўлиши мумкин.

👀  Астигматизм билан оғриган бола ҳам яқин, ҳам узоқни тенг даражада яхши кўра олмайди. Шу боис у ён-атрофга фақат кўзларини қисган ҳолатда қарайди. Ёки яхшироқ кўриш учун бошини эгади ва айлантиради.

🩺  Қолаверса, бемор бош оғриғи, кўз атрофида ноқулайлик, ёрқин нурдан қочиш, нарсаларнинг чаплашиб ёки иккита бўлиб кўриниши, компьютер ёхуд китобдан кўзнинг тез толиқишидан шикоят қилади.

‼️  Агар у ўз вақтида даволанмаса, кўришнинг кескин пасайиши, ҳатто, кўролмасликка олиб келиши мумкин.

➡️  Астигматизмга окулист томонидан махсус жадваллар ёрдамида беморнинг кўриш қобилиятини текшириш ва шох парданинг эгрилигидаги мавжуд фарқни аниқлашдан сўнг ташхис қўйилади. Уни 3 ёшдан бошлаб 7-8 ёшгача бўлган болаларда ҳам аниқлаш мумкин.

👓 Бу муаммода кўриш қобилиятини тўғрилаш учун кўзойнак ва контакт линзаларидан фойдаланилади. Даволаш эса фақат жарроҳлик йўли билан амалга оширилади. Бу операция 18 ёшдан сўнг беморда кўриш тизими тўлиқ шаклланганидан сўнг тавсия этилади.

🔬 Шу ўринда ота-оналарга мурожаат қилиб айтмоқчиманки, кўпинча болалар кўзлари ёмон кўраётганлигини сезмасликлари мумкин. Шу боис шикоят бўлмаса-да, улар йилда бир марта офтальмолог кўригидан ўтиши лозим.

🫕 Шунингдек, астигматизмнинг олдини олиш учун, аввало, фарзанднинг овқатланишига эътиборли бўлиш, таомномада оқсил кўп бўлиши керак.

🧑‍💻 Боланинг столда ишлаши ва китоб ўқиш пайтида тўғри ёритиш режимига риоя қилиш, кўриш зўриқишишни фаол дам олиш билан алмаштириш, кўзлар учун гимнастика қилиш, витаминлар (лутеин) олиш, астигматизмни келтириб чиқарадиган касалликларни вақтида даволаш керак.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

Лавр япроғи қандай шифобахш хусусиятларга эга?

У организмни витаминлар билан таъминлаб, иммунитетни мустаҳкамлайди.

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❓Бемор бўлганда қандай маҳсулотлардан сақланиш керак?

📌 Тўғри овқатланиш ва кўпроқ сув ичиш иммунитет тизимини қўллаб-қувватлайди, шамоллаш билан курашиш ва тикланишга ёрдам беради. Аммо нотўғри овқатланиш бетоб инсон ҳолатини ёмонлаштириши ёки иммунитет фаолиятини сусайтириши мумкин.

🖇 Организм касаллик билан курашаётганда аломатларни кучайтирадиган ёки иммунитетни туширадиган, тикланишни кечиктирадиган маҳсулотлардан воз кечиш муҳим. Қуйида уларнинг айримларини кўриб чиқамиз.

🧁 Таркибида шакар миқдори юқори бўлган маҳсулотлар

Кўп миқдорда шакар истеъмол қилиш иммунитет функциясини сусайтириши ва организмда яллиғланишни келтириб чиқариши мумкин. Мева, сабзавот, бутун дон ва дуккакли экинларда мавжуд бўлган табиий шакардан хавотирланишга ўрин йўқ.

🍩 Кўпгина қайта ишланган ва шакарли озиқ-овқатларда, масалан, қамиш шакар, жигарранг шакар, жигарранг гуруч сиропи, агава ва бошқалардаги қўшимча шакарларни истеъмол қилишни минималлаштиришга ҳаракат қилинг.

🍡 Ўзингизни ёмон ҳис қилганингизда, қайта ишланган ва шакар миқдори юқори бўлган маҳсулотларни чеклаш ёки ундан воз кечиш мақсадга мувофиқ. Унинг ўрнига табиий ва янги тайёрланган таомларни истеъмол қилган афзал.

🍷Спиртли ичимликлар

Уларнинг таркибида озуқа моддалари йўқ. Қолаверса, алкоголь организмни сувсизлантиради ва иммунитет тизимини заифлаштириши, инфекцияларга қарши курашиш қобилиятини пасайтириши мумкин.

🍋Цитруслар

Барча цитрус мевалар иммунитет учун жуда муҳим бўлган С витаминига бой. Аксарият инсонлар учун бундай неъматлар касаллик пайтида фойдали. Бироқ баъзилар, айниқса, томоқ оғриғидан азият чекаётганлар учун цитруснинг кислотаси оғриқни янада кучайтириши мумкин.

🥛Сут маҳсулотлари

Сут, йогурт, пишлоқ ва музқаймоқ каби сут маҳсулотлари таркибида лактоза деб номланувчи сут шакари мавжуд. Лактоза истеъмоли зарарли бўлган баъзи одамлар уни ҳазм қилишда муаммоларга дуч келади, бу эса ошқозон билан боғлиқ муаммолар, бурун оқиши ёки битишига сабаб бўлиши мумкин.

🍔 Ёғли овқатлар

Кўпгина тезпишар ёғли овқатлардан сақланинг. Бетоблик вақтингизда бекон, колбаса маҳсулотлари, сут, қаймоқ, сариёғ, қовурилган таомлар ва ширин пишириқлардан тийилганингиз маъқул.

🍟 Ушбу озиқ-овқатларда касаллик пайтида иммунитет тизими учун зарур бўлган витамин ва минераллар кам. Шунингдек, улар ҳазм қилиниши қийин. Айниқса ошқозон инфекцияси билан оғриётганлар учун бундай овқатлар хавф туғдириши, табиий.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

Марбург вируси иситмасининг олдини олиш ва унинг эҳтиёт чораларини кучайтириш мақсадида Ўзбекистонда давлат чегарасини кесиб ўтиш жойларида фаолият юритаётган Cанитария назорат пунктларининг хушёрлиги оширилган - Санэпидқўмита

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

​❓Қариш жараёнини секинлаштириш учун қандай овқатланиш керак?

🥙 Овқатланиш рационини тузишга жиддий эътибор бериш орқали қарилик ва у билан боғлиқ нохуш оқибатларни, масалан, ажин тушишини анча кечиктириш мумкин. Бунда нафақат маҳсулотлар танлови, балки уларни қандай танаввул қилишни ҳам билиш муҳим.

📝 Қуйида қаришни секинлаштириш учун овқатланишнинг асосий қоидаларини келтириб ўтамиз.

🥩 Табиий ва “ҳақиқий” маҳсулотларни танланг. Аввало, ишлаб чиқариш жараёнида витамин ва озуқа моддаларининг кўп қисми олиб ташланган, аммо токсинлар ва яширин шакар билан тўлдирилган қайта ишланган маҳсулотлардан сақланинг. Ярим тайёр маҳсулотлар ўрнига қорамол, балиқ, парранда гўшти, сабзавот, мева ва ёнғоқларни сотиб олинг.

🔹 Таомни камроқ, аммо секин танаввул қилинг. Калорияларни чеклаш ҳаётни узайтириши илмий жиҳатдан исботланган. Секин овқатланиш озуқа моддаларининг яхшироқ сўрилишига ва яхши ҳазм бўлишига ёрдам беради, шунингдек, иммунитетни ҳимоя қилиш учун жуда муҳим бўлган ичак флораси мувозанатини ҳам таъминлайди.

🍎🍆Мева-сабзавотлар соғлом овқатланишнинг асосидир. Улар танамизга қаришнинг баъзи таъсирига қарши курашадиган пребиотик ва антиоксидантларни етказиб беради. Гарчи кўпчилик мева-сабзавотларнинг афзалликлари ҳақида яхши билса-да, одатда дастурхонимизда бундай неъматлар етарли бўлмайди. Уларнинг ўрнига кўпроқ столимизда гўшт ёки қайта ишланган маҳсулотлар туради.

🧄 Рационингизда кўкат ва зираворлар ҳам бўлсин. Хушбўй зираворлар антиоксидант, овқат ҳазм қилиш, дезинфекциялаш, гликация ҳамда яллиғланишга қарши курашиш ва бошқа фойдали хусусиятларга эга. Айниқса зарчава (куркума), долчин, райҳон, занжабил, саримсоқ, бибария (розмарин), кашнич, кардамон, зира ва хантал фойдали. Улар нафақат таомномангизни хилма-хил қилади, балки ёшликни сақлашга ёрдам беради.

🍗 Қорамол, балиқ ва парранда гўштини камроқ, лекин сифатлисини танаввул қилинг. Мустаҳкам саломатлик ва тетиклик учун ҳар килограмм вазнга атиги 0,8-1 грамм ҳайвон оқсили керак. Умуман олганда, бу кунига бир марта қорамол, балиқ ёки парранда гўшти ейиш дегани. Асосийси — таркибида гормонлар ва антибиотиклар бўлмаган сифатли маҳсулотларни топа олиш. Қаришга қарши парҳезнинг асосий улушини ўсимлик маҳсулотлари (сабзавотлар, донлар, ёнғоқлар) ташкил қилиши муҳим, уларда ҳам оқсил мавжуд.

🚴🏻‍♂️ Ёш кўриниш ва ўзингизни анча бақувват ҳис қилиш учун нафақат таомномангизни мувозанатлашингиз, балки уйқу режимини тартибга келтиришингиз, шунингдек, мунтазам жисмоний фаолликни ҳам одат қилишингиз зарур. Акс ҳолда, ҳеч қандай “яшартирувчи олма” иш бермайди.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❓Организмда витаминлар етишмаслиги хавфли, уларнинг кўпайиб кетиши-чи?

📌 Бугун кўпгина юртдошларимиз ўзида бирон-бир касаллик аломатларини сезганда ёки шунчаки профилактика учун шифокор маслаҳатисиз ўзбошимчалик билан витаминлар қабул қилаётганига гувоҳ бўляпмиз. Витаминларнинг етарли миқдорда бўлиши инсон организми тўлақонли ишлаши учун зарур, албатта. Аммо уларнинг дозаси ошиб кетса-чи?

💬 Ушбу саволга Республика ихтисослаштирилган кардиология илмий-амалий тиббиёт маркази Қашқадарё филиали директори Яшин Ахматов жавоб берди.

— У ёки бу витамин етишмаслиги авитаминоз деб аталса, унинг кўпайиб кетиши гипервитаминоз дейилади. Бу ҳолат организм заҳарланиши, ички органлар фаолияти бузилиши ва бошқа турли касалликларни келтириб чиқариши мумкин, — дейди мутахассис.

💊 Бунда ёғда эрийдиган, аниқроғи A, D, E ва K гуруҳ витаминлари миқдорининг ошиб кетиши, айниқса, хавфли ҳисобланади. Сабаби, улар сувда эрийдиган витаминларга ўхшаб пешоб орқали чиқиб кетмай, организмдаги ёғларда парчаланади ва ёғ тўқималарида тўпланади.

🅰️ Масалан, А витамини тери саломатлиги, кўриш қобилияти ва иммунитет мустаҳкамлигини сақлашда муҳим роль ўйнайди. Аммо унинг ортиқча миқдори бош оғриғи, кўнгил айниши, соч тўкилиши, тери қуриши ва тирноқ мўртлашишига олиб келади.

📈 Қолаверса, ушбу витаминни мунтазам меъёрдан ортиқ қабул қилиш жигарга зарар етказиши, суяклар мўртлиги, шу жумладан остеопорозни келтириб чиқариши мумкин. Ҳомиладор аёлларда эса бу бола туғма аномалиялар билан дунёга келиши хавфини оширади.

🔶 Ёғда эрийдиган моддалар туркумига кирувчи D витамини организмда метаболизм жараёнлари нормал кечишига ёрдам беради ва суяклар соғлом бўлишини таъминлайди. Аммо уни ҳам ҳаддан ташқари кўп қабул қилиш салбий оқибатларга олиб келиши мумкин. Юмшоқ тўқималар ва қон томирларининг кальцификацияси ва атеросклероз шулар жумласидан. Шу билан бирга, организмда кальций миқдорининг кўпайиши буйракда тошлар пайдо бўлиш эҳтимолини оширади.

🟣 E витамини антиоксидант хусусиятига эга бўлгани туфайли кўпинча тери ҳолатини яхшилаш ва қаришни секинлаштириш мақсадида қўлланилади. Организмда ушбу витамин миқдорининг ортиб кетиши қон ивиш жараёнини секинлаштиради, бу эса ички қон кетиш хавфини оширади. Ундан фарқли ўлароқ, K витамини дозасининг ошиши тромбоз ва бошқа қон томир патологияларини келтириб чиқариши мумкин.

🔷 Сувда эрийдиган витаминларни қабул қилишда ҳам эҳтиёткор бўлиш керак. Хусусан, C витамини, яъни аскорбин кислотасининг асосий функцияси — иммунитет тизимини мустаҳкамлаш, организмни стрессдан ҳимоя қилиш ва коллагенни синтез қилиш. Унинг гипервитаминози ошқозон-ичак фаолиятининг бузилиши, диарея ва метеоризмга олиб келиши мумкин. Бундан ташқари, ушбу ҳолат ҳам, D витамини каби, буйракда тошлар тўпланиши хавфини оширади.

🅱️ B6 витамини (пиридоксин) аминокислоталар алмашинуви ва нейромедиаторлар синтезида иштирок этади. Бироқ уни узоқ муддат давомида юқори дозада қабул қилиш туфайли сенсор нейропатия — асабларнинг шикастланиши, қўл-оёқлар увишиши пайдо бўлади.

❗️Соғлом бўлиш учун инсон организмида барча витаминлар меъёрида бўлиши керак — ундан кам ҳам, кўп ҳам эмас! Витаминларни мунтазам ичсам, ҳар қандай дарддан қутиламан, деб ўйлаш мутлақо хато. Бирон бир препаратни қабул қилишдан олдин шифокор билан маслаҳатлашиш зарур.

🏃‍♂️Энг асосийси, саломатликни мустаҳкамлаш учун витаминларнинг ўзи кифоя бўлмайди. Бунга комплекс ёндашиш, яъни соғлом турмуш тарзига риоя қилиш, тўғри овқатланиш ва жисмонан фаол бўлиш керак.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❓Холестерин – инсульт ва инфарктнинг асосий сабабчиси...ми?!

📌 Кўпчилик катта ёшли инсонлар ҳаётда бир марта бўлса-да, шифокордан “қонингизда холестерин миқдори ошган” деган сўзни эшитган.

❓Хўш, холестерин ўзи нима? Унинг организмга қандай зарари бор? Фойдасичи?

👩🏻‍⚕️ Ушбу саволларга тиббиёт фанлари номзоди Феруза Тоҳирова батафсил жавоб берди.

🍜 — Холестерин — тананинг меъёрий фаолияти учун зарур бўлган липид (ёғ) ҳисобланади, — дейди мутахассис. — Унинг 80 фоизга яқини организмнинг ўзида ишлаб чиқарилса, қолган 20 фоизи танага ташқаридан озиқ-овқат билан киради.

🩸Бу модда гормонлар ишлаб чиқариш, ҳужайра деворлари мустаҳкамлигини таъминлаш, D витамини ва сафро кислоталари синтезида иштирок этиш ҳамда мияда хотирага таъсир қилувчи алоқаларнинг шаклланишида қатнашади.

💊 Шунингдек, ҳужайра мембраналарида углеводородларнинг кристалланишига йўл қўймайди ва ёғда эрувчи витаминлар (А, D, E, F, K)нинг организмга кириши учун зарур манба ҳисобланади.

🔶 Бироқ, баъзида организмдаги турли тўқималар ва аксарият қон томир деворларини холестерин қатламлари қоплаб олади. Бу эса саломатликда жиддий муаммоларни келтириб чиқаради.

🩺 Холестерин одатда икки асосий турга ажратилади: яъни халқ тилида “ёмон” ва “яхши” деб аталадиган паст ва юқори зичликдаги липопротеинлардир.

🫀Паст зичликдаги липопротеинлар бутун организмда айланиб, унинг юқори даражаси “ёмон холестерин” дейилади. У стенокардия, юрак тож томирлари касалланиши, инсульт ва инфаркт каби жиддий хасталикларнинг сабаби бўлган атеросклероз ривожланиш хавфини оширади.

❇️ Иккинчи тур – юқори зичликдаги липопротеидлар эса “яхши холестерин” ҳисобланиб, унинг юқори концентрацияси, аксинча, аввал санаб ўтилган касалликлар ривожланиш хавфини камайтиради. Қайд этиш керак, ҳар икки турдаги холестерин ҳам организм учун жуда зарур ва асосий нуқта уларнинг нисбатига боғлиқ.

🖇 Аммо, қонда унинг миқдори ортиши нохуш аломат ҳисобланади. Буни эса кўкрак қафасиа оғриқ ва сиқилиш, ҳаракат пайтида оёқларда оғриқ, юрак соҳасида нохушликлар, кўз атрофида сарғиш доғлар пайдо бўлиши ва юрак етишмовчилигига хос белгилар орқали билиш мумкин.

💉 Агар организмда холестеринни пасайтириш чоралари кўрилмаса, бора-бора аксарият қон томирлари деворларида унинг пилакчалари юзага келади.

🍝 Кўпчилик танада унинг миқдори кўпайиш сабаблари билан қизиқади. Бу, энг аввало, нотўғри овқатланиш, айниқса, таомлар таркибида ёғнинг кўп миқдорда бўлиши билан боғлиқ. Шунингдек, камҳаракатлик, ортиқча вазн, семизлик, тамаки чекиш ва спиртли ичимликларга ружу қўйиш ҳам мазкур муаммони пайдо қилиши мумкин.

🥑 Шу боис организмга зарур бўлган юқори зичликдаги холестерин даражасини ошириш учун кунлик рационда тўйинмаган ёғлар (ёнғоқ, ўсимлик мойлари, ёғли денгиз балиқлари, авокадо, зиғир уруғи), клетчаткага бой маҳсулотлар (сабзавот, мева, макарон) бўлиши ва спорт билан мунтазам шуғулланиш лозим.

‼️ Ёмон холестериннинг меъёрда бўлиши учун эса калорияни оширмаслик, ширинликлар ва транс ёғларга бой озиқ-овқатларни ортиқча истеъмол қилмаслик мақсадга мувофиқ.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg

❓Холестерин – инсульт ва инфарктнинг асосий сабабчиси...ми?!

📌 Кўпчилик катта ёшли инсонлар ҳаётда бир марта бўлса-да, шифокордан “қонингизда холестерин миқдори ошган” деган сўзни эшитган.

❓Хўш, холестерин ўзи нима? Унинг организмга қандай зарари бор? Фойдасичи?

👩🏻‍⚕️ Ушбу саволларга тиббиёт фанлари номзоди Феруза Тоҳирова батафсил жавоб берди.

🍜 — Холестерин — тананинг меъёрий фаолияти учун зарур бўлган липид (ёғ) ҳисобланади, — дейди мутахассис. — Унинг 80 фоизга яқини организмнинг ўзида ишлаб чиқарилса, қолган 20 фоизи танага ташқаридан озиқ-овқат билан киради.

🩸Бу модда гормонлар ишлаб чиқариш, ҳужайра деворлари мустаҳкамлигини таъминлаш, D витамини ва сафро кислоталари синтезида иштирок этиш ҳамда мияда хотирага таъсир қилувчи алоқаларнинг шаклланишида қатнашади.

💊 Шунингдек, ҳужайра мембраналарида углеводородларнинг кристалланишига йўл қўймайди ва ёғда эрувчи витаминлар (А, D, E, F, K)нинг организмга кириши учун зарур манба ҳисобланади.

🔶 Бироқ, баъзида организмдаги турли тўқималар ва аксарият қон томир деворларини холестерин қатламлари қоплаб олади. Бу эса саломатликда жиддий муаммоларни келтириб чиқаради.

🩺 Холестерин одатда икки асосий турга ажратилади: яъни халқ тилида “ёмон” ва “яхши” деб аталадиган паст ва юқори зичликдаги липопротеинлардир.

🫀Паст зичликдаги липопротеинлар бутун организмда айланиб, унинг юқори даражаси “ёмон холестерин” дейилади. У стенокардия, юрак тож томирлари касалланиши, инсульт ва инфаркт каби жиддий хасталикларнинг сабаби бўлган атеросклероз ривожланиш хавфини оширади.

❇️ Иккинчи тур – юқори зичликдаги липопротеидлар эса “яхши холестерин” ҳисобланиб, унинг юқори концентрацияси, аксинча, аввал санаб ўтилган касалликлар ривожланиш хавфини камайтиради. Қайд этиш керак, ҳар икки турдаги холестерин ҳам организм учун жуда зарур ва асосий нуқта уларнинг нисбатига боғлиқ.

🖇 Аммо, қонда унинг миқдори ортиши нохуш аломат ҳисобланади. Буни эса кўкрак қафасиа оғриқ ва сиқилиш, ҳаракат пайтида оёқларда оғриқ, юрак соҳасида нохушликлар, кўз атрофида сарғиш доғлар пайдо бўлиши ва юрак етишмовчилигига хос белгилар орқали билиш мумкин.

💉 Агар организмда холестеринни пасайтириш чоралари кўрилмаса, бора-бора аксарият қон томирлари деворларида унинг пилакчалари юзага келади.

🍝 Кўпчилик танада унинг миқдори кўпайиш сабаблари билан қизиқади. Бу, энг аввало, нотўғри овқатланиш, айниқса, таомлар таркибида ёғнинг кўп миқдорда бўлиши билан боғлиқ. Шунингдек, камҳаракатлик, ортиқча вазн, семизлик, тамаки чекиш ва спиртли ичимликларга ружу қўйиш ҳам мазкур муаммони пайдо қилиши мумкин.

🥑 Шу боис организмга зарур бўлган юқори зичликдаги холестерин даражасини ошириш учун кунлик рационда тўйинмаган ёғлар (ёнғоқ, ўсимлик мойлари, ёғли денгиз балиқлари, авокадо, зиғир уруғи), клетчаткага бой маҳсулотлар (сабзавот, мева, макарон) бўлиши ва спорт билан мунтазам шуғулланиш лозим.

‼️ Ёмон холестериннинг меъёрда бўлиши учун эса калорияни оширмаслик, ширинликлар ва транс ёғларга бой озиқ-овқатларни ортиқча истеъмол қилмаслик мақсадга мувофиқ.

©️ Соғлиқни сақлаш вазирлиги
Матбуот хизмати

🖥 Яқинларингизга ҳам юборинг!

➡️ Каналга уланиш 👇👇👇
https://t.me/joinchat/AAAAAEVa57-78oPBBe-vQg