The Road To The United Kingdom With Wassim 🇬🇧

#الطريق_لبريطانيا_لخريجي_الكليات_الطبية🇬🇧

#البوست_رقم6

مسا الخير

بهالبوست رح احكي عن التغير اللي صار بما يتعلق بالناحية المادية (الحساب البنكي).

بالبداية, في شي اسمه كشف الحساب البنكي او ال Bank Statement
شو هو؟ وايمت مطلوب؟ و كيف بقدر اعمله؟
- هو احد المتطلبات للحصول على الفيزا (طبعا مطلوب بآخر الخطوات بعد الحصول على القبول الجامعي) وهو عبارة عن انك تفتح حساب ببنك داخل سوريا او خارجها (معظم التجارب كانت ببنك داخل سوريا) وهالحساب لازم يكون فيه مبلغ يعادل الباقي من قسط الجامعة + مصروف لمدة 9 أشهر (تقريبا 20K£ على سبيل المثال وللتوضيح فقط)

طيب وين التغيير؟
التغيير انو قبل فترة قصيرة كانت السفارة البريطانية معتبرة انو الباوند يعادل 650 ليرة سورية (وهالشي كان الثغرة اللي سهلت الطريق شوي) يعني كان مطلوب ينحط حساب بالبنك تقريبا حوالي 13-15 مليون سوري (هالشي بس لتمشاية كشف حساب البنك لكن لما بتصل على بريطانيا بدو يكون معك المبلغ الحقيقي وبالسعر الحقيقي) , حاليا الحكومة البريطانية غيرت هالحسبة وصارت تعتبر انو الباوند يعادل 15 الف ليرة سورية وصار تقريبا مطلوب ينحط بالبنك 300 مليون سوري عالاقل (صار الفرق واضح؟؟)

طيب شو الحل لقدم حساب مقبول؟ في حلين:
1 - تحط المبلغ كامل بالليرة السورية بأي بنك بسوريا
2 - تحط المبلغ كامل بالعملة الاجنبية ($) ب بنوك محددة بسوريا (متل بنك البركة) او بأي بنك خارج البلد.

ملاحظة 1: برجع بكرر انو اي عملية دفع للجامعة او ببريطانيا بتتم بالسعر الحقيقي للعملة

ملاحظة2: الحساب البنكي لازم يكون باسم الطالب او والده او والدته (حصرا)
ملاحظة3: الأرقام اللي ذكرتها هي تقريبية (وقريبة للحد الأدنى)

بتمنى تكون وضحت هالنقطة تماما

وكالعادة, أي حدا عند سؤال أو استفسار بيقدر يسألني عالتعليقات او عالخاص, ممكن اتأخر شوي(بسبب الالتزامات والضغوطات) بس أكيد رح اعمل كل جهدي لجاوب الكل انشالله.

د. وسيم أفندي, طالب ماجستير تدبير الأمراض المزمنة بجامعة  ST Mary's Twickenham London

بالتوفيق❤️

قناة الطريق إلى بريطانيا:
https://t.me/RoadtoBritain


رابط حسابي الفيس: https://www.facebook.com/wassim.afandi.96?mibextid=ZbWKwL


رابط حسابي التلغرام: @wassim_AF

مرحبا جميعا
اول شي بعتذر كتير اني كنت بعيد عن القناة لفترة طويلة وحتى ما قدرت رد على بعض الاشخاص لعدة اسباب:
1. مشكلة صحية
2. ضغط كبير جدا بالجامعة والشغل
3. أنو صار بالفترة الأخيرة تغيير بطريق فيزا الماستر (من الناحية المادية) فكنت ناطر حتى يتم تأكيد الخبر و دراسة التغيير اكتر

-المهم انو التغير تأكد (للأسف طبعا) وصارت الأمور المادية اصعب نوعا ما (ولكن الحلول موجودة طبعا), و رح اشرح بالتفصيل اللي صار بالبوست القادم

+ أي حدا باعتلي و ماني رادد ف يبعتلي مرة تانية و رح جاوبه بأسرع وقت انشالله (بس بتمنى يكون متطلع عالبوستات السابقة مشان يكون عندو صورة واضحة.



د. وسيم أفندي, طالب ماجستير تدبير الأمراض المزمنة بجامعة  ST Mary's Twickenham London

بالتوفيق❤️

قناة الطريق إلى بريطانيا:
https://t.me/RoadtoBritain


رابط حسابي الفيس: https://www.facebook.com/wassim.afandi.96?mibextid=ZbWKwL


رابط حسابي التلغرام: @wassim_AF

مرحبا جميعا

بسبب عدد الرسائل الكبيرة جدا بالإضافة لحالة صحية, ف اضطريت اتأخر بالرد على بعض الرسائل
ف بتمنى تعذروني
وخلال يومين بكون مجاوب الجميع انشالله

بالتوفيق للكل ❤️

Channel name was changed to «The Road To The United Kingdom With Wassim 🇬🇧»

#الطريق_لبريطانيا_لخريجي_الكليات_الطبية🇬🇧

#البوست_رقم5

مسا الخير جميعا
الليوم البوست تكملة لبوست التكلفة لطريق فيزا الماستر.

- متل ما حكينا انو اكبر قسم من التكلفة هو سعر كورس الماستر او ال Course Fees اللي بيتراوح بين 13k ل +30k.

-في قسم من هالمبلغ بيندفع بمرحلة بعد الحصول على القبول ويسمى الوديعة / Deposit
بتتراوح بين 1000 ل 8000 عادة
الوديعة هي مبلغ بيندفع للجامعة بعد الحصول على القبول الغير مشروط من الجامعة (متل تثبيت وتأكيد للجامعة عالالتزام معهن)

المبلغ الباقي بيندفع بعد الوصول لبريطانيا, وعادة بتم تقسيطة لقسطين او ثلاثة اقساط / instalments

-رح اذكر مثال واقعي لتنفهم الخطوات اكتر: سعر الماستر تبعي بعد المنحة كان حوالي 14000 باوند,
بعد الحصول على القبول الغير مشروط(النهائي) دفعت الوديعة للجامعة واللي كانت 5000 باوند,

باقي من تكلفة الكورس 9000 باوند, سألتني الجامعة اذا بفضل ادفعن دفعة وحدة ولا على اقساط , انا اخترت ادفع على 3 اقساط, كل قسط 3000 باوند. وهيك تقريبا كل 3 شهور بدفع قسط

-طيب سؤال ممكن يخطر للكل,شلون رح ادفع الوديعة وانا بسوريا مافي دفع الكتروني؟!
للاسف الدفع عن طريق حدا بتعرفه برا البلد ليدفعلك (( ممكن عن طريق بنك البركة ولكن مع دفع رسوم))

بتمنى تكون الأمور المادية للفيزا صارت واضحة.

وكالعادة, أي حدا عند سؤال أو استفسار بيقدر يسألني عالتعليقات او عالخاص, ممكن اتأخر شوي(بسبب الالتزامات والضغوطات) بس أكيد رح اعمل كل جهدي لجاوب الكل انشالله.

د. وسيم أفندي, طالب ماجستير تدبير الأمراض المزمنة بجامعة ST Mary's Twickenham London

بالتوفيق❤️

قناة الطريق إلى بريطانيا:
https://t.me/RoadtoBritain


رابط حسابي الفيس: https://www.facebook.com/wassim.afandi.96?mibextid=ZbWKwL


رابط حسابي التلغرام: @wassim_AF

#الطريق_لبريطانيا_لخريجي_الكليات_الطبية🇬🇧🇬🇧

#البوست_رقم4

#التكلفة_المادية_لفيزا_الماستر_لبريطانيا

مسا الخير
من اكتر النقاط ""الغامضة"" نوعا ما والطلاب بدهن يعرفووا عنها هي التكلفة المادية لطريق بريطانيا

بهالبوست رح احكي عن التكلفة ((التقريبة)).

قبل ما ابدا :
((مشان ما يصير تفاجئ او صدمة من الارقام, رح احكي عن عامل مساعد واللي هو انو الفيزا بتسمح بعمل 20 ساعة اسبوعيا واللي ممكن يغطي تكاليف السكن والمعيشة ويزيد قسم كمان))


ملاحظة هامة جدا: التكلفة بتختلف بشكل كبير جدا من شخص لشخص ومافي مبلغ محدد.

ملاحظة تانية: الارقام كلها بالجنيه الاسترليني (الباوند) اللي بعادل تقريبا 1.25 USD

•التكاليف بتتقسم ل 3 اقسام (للتسهيل فقط)

1. وهو الأساسي و الأهم والأكبر, The Course Fees
وهاد بيتنوع كتير بس تقريبا بين 13000£ لل 30000£+

(بالبوست القادم رح اشرح تفاصيل هالمبلغ بالكامل, شو هو , وايمت بيندفع وكيف)

هالمبلغ بيختلف حسب الجامعة والتصنيف والمدينة, واختيار الماستر وتكلفتو بيرجع لكل شخص لحالته المادية و لتفضيلاته
و طبعا ممكن الشخص يحصل على منحة كاملة بتغطي كل التكلفة او منح جزئية (داخلية من الجامعة, و رح احكي عنا ببوست منفصل), ممكن تبدا من 10% من التكلفة لحتى ممكن تصل ل 70%.
ولكون واقعي, الاشيع والاسهل هو الحصول على منحة جزئية بين 10% ل 30%. اما المنح الاكبر في هي جدا تنافسية

2. تكاليف متفرقة تشمل تكاليف
.فحص اللغة: (تكلفة الفحص نفسه وتكلفة التحضير الو وتكلفة السفر لتقديمه) واللي بتننوع بين 200£ لل 1000£ حسب جاهزية الشخص و وتفاصيل تانية كتيرة
.تكاليف الفيزا: (رسوم الفيزا والتأمين الصحي) : حوالي 1400£
تكلفة تكيتات الطيران: بين ال 300£ لل1000£

3. تكاليف السكن والمعيشة: رح قسمو لقسمين :
*السكن: وهاد القسم اكتر شي ممكن يختلف من شخص لشخص, ممكن تقعد بسكن الجامعة المشترك او بغرفة مشتركة بسكن برايفت وهالشي بكلف بالشهر بين 300£ لل 600£ , وممكن يصل لل 1000£ في بعض الجامعات او بسكن برايف غير مشترك
وهالشي بيتعلق بكتير عوامل, منها المدينة, الجامعة, قرب السكن من الجامعة وتوفر المواصلات وووو...
*تكاليف المعيشة: من طعام وشراب ولباس ومواصلات واشاء تانية, ونوعا ما هاد ابسط جزء وبيقدر الشخص يتحكم فيه, ف ممكن يصرف بالشهر 250£ وممكن يصرف 2000£


وبرجع بكرر: الشي المذكور هو فقط تقريبي وممكن يختلف بشكل كبير جدا بين شخص وتاني

وكالعادة, أي حدا عند سؤال أو استفسار بيقدر يسألني عالتعليقات او عالخاص, ممكن اتأخر شوي(بسبب الالتزامات والضغوطات) بس أكيد رح اعمل كل جهدي لجاوب الكل انشالله.

د. وسيم أفندي, طالب ماجستير تدبير الأمراض المزمنة بجامعة ST Mary's Twickenham London

قناة الطريق إلى بريطانيا:
https://t.me/RoadtoBritain

رابط حسابي: @wassim_AF


بالتوفيق جميعا ❤️

#الطريق_لبريطانيا_لخريجي_الكليات_الطبية🇬🇧🇬🇧

#البوست_رقم4

#تجربتي_الشخصية_للحصول_على_فيزا_بريطانيا


مسا الخير جميعا
انطلب كتير انو احكي تجربتي, لهيك رح أحكي الليوم قصتي وتجربتي بالوصول لبريطانيا اللي كان فيها نصيب كبير من التوفيق و التميز والغرابة بنفس الوقت


بالبداية, انا خريج كلية الطب البشري 2022 جامعة حلب
اشتغلت ك طبيب مقيم بالأمراض الباطنة لمدة سنة ونص

بالبداية كانت خطتي انو قدم OET و Plab 1 واطلع ع بريطانيا عن طريق فيزا ال Plab2

ببداية ال 2022 حضرت ال OET وحجزته بتركيا ولكن للأسف ولظروف عائلية و "لوجستية" ما قدرت سافر و قدمه.

بعد هالشي ضليت تقريبا لنهاية ال 2022 بلا أي تقدم لنفس السبب, لحتى قررت انو غير الخطة وسافر عن طريق ال Student Visa واللي معروفة طبعا ب فيزا الماجستير.

بالشهر 11/12 من 2022 حاولت اجمع كلشي معلومات عن الطريق كون مل◌ّم بكل التفاصيل وبلشت تحضير بشكل فعلي لحتى صرت قدم بإحترافية وأكاديمية بحيث أضمن القبول (والمنح الداخلية للجامعات)
بنهاية الشهر الأول من 2023 كنت مقدم على 22 جامعة بريطانية بمختلف المدن وبتصانيف وتكلفة مختلفة جدا (لحتى اختار المناسب لالي),

وبنفس الوقت بلشت تحضير ال IELTS ولكن بشكل مأساوي صار الزلزال الغني عن التذكير (ينذكر ولا ينعاد) وللأسف تدمر قسم من البيت وانا فيه و تضرر بشكل كبير والحمدلله انا طلعت سليم بفضل الله,
ولكن بسبب هالشي ضليت حوالي 4 أشهر بحالة صدمة و "هجرة داخلية" وسفر وصدقا لا مبالاة بالسفر تماما.

وكان هاد السبب الرئيسي اني ما قدمت عالمنح الدولية واكتفيت انو قدمت عالمنح الداخلية للجامعات.

بهالوقت وصلني 19 قبول شرطي من أصل 22, ولكن ما كان معي وقت لتقديم الايلتس, ف بعتت لعدة جامعات خبرتن عن ظرفي واذا بيقبلو مني فحص اونلاين كاستثناء, وهاد اللي صار بالفعل, اكتر من جامعة قبلت هالشي (فحص Duolingo) .
وبالفعل قدمت الفحص وجبت السكور المطلوب وحصلت على ال Unconditional Offer
واخترت جامعة ST MARY's TWICKENHAM LONDON لأكتر من سبب :

1. فيها برنامج جدا جدا مميز بالنسبة لالي بسبب خبرتي و رغبتي بالأمراض الباطنة واللي هو كورس Chronic Disease Management
بنفس الوقت في مودييل كاملة عن ال Public Health و مودييل كاملة عن ال Nutrition
2.التكلفة كانت مناسبة لالي
3.حصلت من الجامعة على منحة التميز الأكاديمي بسبب خبرتي المرتبطة بالكورس
4.انو الجامعة مصنفة ضمن أول 5 جامعات ببريطانيا بجودة التعليم.
وكتير أسباب تانية صراحة.

والشي المميز اللي حكيت عنو بالبداية انو قدمت الفيزا لالي ولزوجتي ك Dependent والحمدلله حصلنا نحن التنين عالفيزا (ولكن للأسف ما بقا متاحة هالفيزا لل Thought Program لانو طلع قرار بإيقافها ببداية 2024) ولكن لسا موجودة لل Research Program.

وبالنهاية وبعد كل هالعقبات والوقت, الحمدلله وصلت بريطانيا وبلشت الماجتسير وسعيد جدا بالجامعة وببريطانيا بشكل عام, وبلندن بشكل خاص جدا.

في شي كتير مهم لازم اذكره, انو خلال هالرحلة كان موجود كتييير من الأشخاص الرائعين الداعمين اللي ما بخلوا ابدا بأي معلومة او مساعدة. ما رح اذكر الاسماء لأنو صراحة كتار بس هنن بيعرفوا هالشي, وشكرا كتير إلهم.

ف خلي دايما عندك ثقة بنفسك وباختيارك مهما قالولك الحواليك انو صعب او مستحيل.

البوستات القادمة رح كمل فيهن الحكي عن التكلفة التقريبة والخطوات كلها انشالله.

د. وسيم أفندي, طالب ماجستير تدبير الأمراض المزمنة بجامعة  ST Mary's Twickenham London

قناة الطريق إلى بريطانيا:
https://t.me/RoadtoBritain

رابط حسابي: @wassim_AF



بتمنى يكون بوست مفيد ومحفز وبالتوفيق للجميع❤️

#الطريق_لبريطانيا_لخريجي_الكليات_الطبية🇬🇧🇬🇧

#البوست_رقم3

مسا الخير جميعا

بالبوست السابق حكيت عن أول نوع من انواع الفيزا واللي هي ال Visitor فيزا أو متل ما معروفة ال Plab2 visa وحكيت عن صعوباتها.

الليوم رح احكي عن الفيزا الأسهل والأضمن (ولكن المكلفة أكثر) واللي انا وعدة اشخاص حصلنا عليها.

الفيزا هي ال Student visa او متل ما معروفة ب فيزا الماجستير.
رح احكي بهالبوست عن عدة نقاط:

1•شو هي فيزا الماجستير: هي نوع من أنواع الفيزا لبريطانيا منحصل عليها عن طريق الحصول على قبول جامعي لدرجة الماجستير من جامعة بريطانية.

2• ليش فيزا الماجستير: لانو هي الفيزا ممكن الحصول عليها بعد تحقيق متطلبات محددة, وتعتبر سهلة ومضمونة بشرط نشتغل عليها صح.

3• شقد مدة الماجستير: الماجستير المطلوب لهالنوع من الفيزا مدته سنة واحدة يسمى ب
master 1 year full-time

4• شو مدة الفيزا وهل كافية لعدل ببريطانيا: مدة الفيزا تقريبا سنة واربعة أشهر وبعد التخرج والنجاح من الماجتسير بكل بساطة بتحول الفيزا من Student visa ل Graduate Visa اللي مدتا سنتين, وبالنتيجة بصير معك حق الإقامة أكثر من 3 سنين وهي مدة كافية و زيادة لحتى تعدل وتبلش شغل, ملاحظة هامة : اللي بيشتغل صح وبيرتب أموره بكون قادر على انهاء امتحانات التعديل كلها قبل ما يخلص الماجستير وبهالطريقة بكون خلص التعديل خلال خلال سنة وحدة. (رح احكي عن هالنقطة ببوستات قادمة)

5• ايمت بيبدا الماستر وشقد معي وقت لقدم عليه:
الغالبية العظمى من برامج الماستر ببريطانيا بتبدا بالشهر التاسع من كل سنة (وفي برامج كتير قليلة بتبدا بغير أشهر)،
فأي حدا ببلش شغل صح من هلأ او بعد فترة قريبة بيقدر الشهر التامن من 2024 يكون واصل لبربطانيا.

( انا بالنسبة الي كنت عم اشتغل ع طريق فيزا البلاب 2 ولكن للاسف ما تيسرت معي ف بلشت شغل ع طريق الماجستير بالشهر الأول 2023 وكان هالشي كافي لاصل لبريطانيا بعد 8 اشهر بالرغم كن كل العقبات اللي صارت معي, و انشر هون تجربتي بالبوست القادم لعل تفيدكن وتفائلكن انشالله).

بكمل معكن بالبوستات القادمة اللي رح تحكي عن تجربتي, التكلفة التقريبة للطريق, تفاصيل وخطوات التقديم للجامعات والخطوات التالية من مقابلات وما الى ذلك....

د. وسيم أفندي, طالب ماجستير تدبير الأمراض المزمنة بجامعة ST Mary's Twickenham London

قناة الطريق إلى بريطانيا:
https://t.me/RoadtoBritain

رابط حسابي: @wassim_AF

بالتوفيق للجميع❤️

Channel name was changed to «Road to the United Kingdom🇬🇧»

#الطريق_لبريطانيا_لخريجين_الكليات_الطبية 🇬🇧

#البوست_رقم2

مرحبا جميعا 👋🏻
الليوم رح احكي عن أهم الطرق الممكنة للوصول لبريطانيا مع شرح عن كل طريق:

1.الطريق الأول وهو اللي بيعتمده معظم الأطباء حول العالم (عدا سوريا طبعا) واللي هو الوصول لبريطانيا عن طريق ال Visitor Visa أو متل ما متعارف عليها Plab 2 Visa.

التقديم لهاد الطريق بيتطلب انك تكون مجتاز شرط اللغة (اللي رح احكي عنها ببوست مفصل قريبا) بالإضافة للنجاح بفحص ال Plab 1.

للصراحة هاد الطريق الأسرع للتعديل والأقل تكلفة وبشكل كبير, ولكن للأسف شروطه صعبة واحتمال الحصول على الفيزا جدا قليل. فمثلاً يفضل يكون في إقامة غير سورية (على الرغم إنه هالشي ما مذكور ابداً) ولكن للأسف لحد هلأ مافي ولا تجربة معروفة لأي شخص سوري حصل عليها بدون إقامة خارج البلد.

بالإضافة مطلوب إثبات قدرة مادية مع إثبات مصدر الأموال بالإضافة انو مطلوب إثبات عودة للبلد. والصراحة بدها تكون كلها دلائل واثباتات قوية جداً.
وبعد هالشي بتضل الفيزا غير مضمونة (عالأقل كسوريين).

بس طبعا ما تتشائموا,مشان ما طول البوست, ف بالبوست الجاية رح احكي عن نوع الفيزا الأضمن والأسهل النا واللي أنا وعدة أشخاص حصلوا عليها بعد تحقيق شروط واضحة وبسيطة انشالله. So, stay tuned 👋🏻

وكالعادة, أي حدا عند سؤال أو استفسار بيقدر يسألني عالتعليقات أو عالخاص, ممكن اتأخر شوي (بسبب الالتزامات والضغوطات) بس أكيد رح اعمل كل جهدي لجاوب الكل انشالله.

د. وسيم أفندي, طالب ماجستير تدبير الأمراض المزمنة بجامعة ST Mary's Twickenham London

بالتوفيق للجميع ❤️

قناة الطريق إلى بريطانيا:
https://t.me/RoadtoBritain

رابط حسابي: @wassim_AF

مسا الخير جميعاً 🤗

الف مبروك الخلاص من الفحص الوطني وبالتوفيق للجميع بمرحلة ما بعد التخرج

حبيت احكي بهالبوست عن أحد طرق ما بعد التخرج ((الغير شائعة كتير)) متل التخصص بالبلد او السفر لألمانيا.

واللي هو الطريق ل بريطانيا او المملكة المتحدة 🇬🇧🇬🇧

أول شي رح عرفكن عن حالي, أنا الدكتور وسيم أفندي خريج كلية الطب من حلب عام 2021
اختصيت داخلية صدرية دراسات لمدة سنة ونصف, وحاليا عم ادرس ماجستير Chronic Disease Management بجامعة ST Mary's Twickenham London بمدينة London

طريق بريطانيا اللي كان قبل كم سنة شبه مستحيل أو غامض جداً, صار حاليا واقع ومتاح لأي خريج من الكليات الطبية, والأهم أنو بيقدر يصل لبريطانيا خلال وقت مانو طويل بعد شوية تعب و تحضيرات متل أي طريق تاني.

في أكتر من خيار ولكن للأسف كسوريين فنحن مقيدين أكتر, ومشان هيك الطريق الاسهل والأضمن هو طريق فيزا الماجستير او ال Student Visa Path.

ما رح طول عليكن بهالبوست اكتر بس رح خبركن انو رح انشر سلسلة منشورات عن طريق بريطانيا من الالف للياء, من مرحلة الصفر لمرحلة الحصول على الفيزا والوصول لبريطانيا 💜


وإذا في أي نقطة بتحبو ينحكى عنها بشكل تفصيلي خبروني عليها بالتعليقات ومنعمل عنها بوست كامل انشالله.


أي حدا عندو سؤال أو استفسار بيقدر يسألني عالتعليقات أو عالخاص وأنا رح رد عالكل انشالله خلال وقت قصير(ممكن اتأخر شوي بسبب الضغوطات والالتزامات) بس اكييد رح اعمل جهدي لرد عالكل.

بالتوفيق ❤️

قناة الطريق إلى بريطانيا:
https://t.me/RoadtoBritain

رابط حسابي: @wassim_AF

Channel photo updated

Channel created