معًا حتّى الجنَّة💚 Telegram Gönderileri

هذا الشهر تُضاعَف فيه الحسنات، فزِد .. وتتضاعف وتُغلَّظ فيه السيئات، فتُب.

‏صفحة من القرآن في الأشهر الحرم ثوابها ليس كباقي الشهور، ونظرة محرمة في الأشهر حرام إثمها ليس كباقي الشهور، فانتَبِه.

‏ادعُ لغزة كأنك الوحيد الذي يدعو لها، حتى إذا سألك الله يوم القيامة ماذا فعلت لأجلها، تقول يارب لم أكن أملك غير الدعاء لها، ومتابعة أخبارها، يارب قلبي عاش بها، ومشاعري كانت معها، ودموعي لم تجف لأجلها، يارب لم أنسها ولم أغفل عنها !!

"حاسس إن يومك بيطير على الفاضي؟ 🤯"

خليني أحكيلك عن حاجة كلنا بنمر بيها...
عارف لما تصحى الصبح، تمسك الموبايل على طول، تدخل تشوف الأخبار، قلبتين على السوشيال ميديا، تدخل في نقاش هنا وترند هناك؟ فجأة تلاقي اليوم خلص، وتكتشف إنك ما عملتش أي حاجة مفيدة! 😅

ده بالضبط اللي إبراهيم السكران بيتكلم عنه في كتابه "الماجريات".
وده مش كتاب عادي، ده أشبه بجلسة مصارحة مع نفسك، بتخليك تسأل:
"أنا بعمل إيه بوقتي؟ وإزاي أولوياتي بقت ماشية ورا تفاصيل يومية، مالهاش أي تأثير حقيقي على حياتي؟"

الماجريات يعني إيه؟ 🤔
"الماجريات" هي كلمة قديمة معناها الأحداث اليومية اللي بننشغل بيها، بس من غير فايدة! زي إنك تتابع كل خبر صغير، أو تدخل في كل نقاش على السوشيال ميديا، أو حتى تغرق في متابعة ترندات ممكن تكون مسلية... لكن في النهاية؟ مفيش حاجة جديدة بتضاف لحياتك.

طيب الكتاب بيقول إيه؟
السكران بيتكلم ببساطة شديدة عن المشكلة دي، وبيقسمها لحاجتين:

1. إدمان التفاصيل اليومية:
كلنا بنحس إننا محتاجين نكون عارفين كل حاجة... السياسة، الاقتصاد، أخبار المشاهير، وحتى الخناقات على تويتر 😂. السكران بيقول إن ده مش غلط، بس لو ده بقى محور يومك، حياتك هتكون سطحية، ومفيش حاجة مهمة هتنجزها.

2. أمثلة من زمان:
الكتاب مليان حكايات عن ناس قدرت تركز على هدفها الكبير بدل ما تضيع وقتها.

زي الإمام النووي، اللي قرر يعيش بسيط، يركز على العلم ويبعد عن الجدال.

أو زي الشافعي اللي كان دايمًا مركز على هدفه وترك لنا علم عظيم.

وفي نفس الوقت، بيحكيلك عن ناس انشغلوا بالأحداث اليومية أو الجدل السياسي، ومع الوقت اكتشفوا إنهم ما حققوش حاجة ذات قيمة.

ببساطة:
السكران مش بيقولك بطل تتابع الأخبار أو الأحداث... هو بس بيقولك: "خليك واعي! خلي عندك أولويات... ركّز على اللي يبنيك، مش اللي يستهلكك."

طب نعمل إيه؟ 🤷‍♀️

اسأل نفسك: إيه الحاجة اللي فعلاً عايز تحققها في حياتك؟

قلل وقتك على السوشيال ميديا... تابع بس اللي يفيدك.

خصص وقت يومي لحاجة تطورك: تقرأ، تتعلم حاجة جديدة، أو حتى تفكر في حلمك الكبير.

الخلاصة؟
كتاب "الماجريات" مش هيقولك تعمل معجزات، لكنه هيخليك تبدأ من أهم نقطة: إنك توقف وتنظم وقتك، وتفكر... "إزاي أعيش حياة أعمق وأفضل؟"

طيب قولي بصراحة...
إيه أكتر حاجة بتحس إنها بتسرق يومك، مع إنك عارف إنها مش مفيدة؟
#اتعلم_كل_يوم_حاجة

مساء الفُل ..

في بوت على التليجرام رايق بصراحة تشيل منه الموسيقي بكل سهوله يدوب تبعت الفيديو او الاغنية اللي عايز تشيل منها الموسيقى وهو يرجع يبعتهولك من غير موسيقي بجد جميل.

لينك البوت
@highlight

https://t.me/musicrmvtyubot

التخريج : أخرجه النسائي في ((السنن الكبرى)) (10685)، والبيهقي في ((شعب الإيمان)) (630)، وقوام السنة في ((الترغيب والترهيب)) (766)
  
ذِكْرُ اللهِ تَعالى مِن أسْبابِ مَحَبَّتِه، والذِّكْرُ وما يَشتَمِلُ عليْه مِن تَحْمِيدٍ وتَسْبيحٍ يَجعَلُ العَبْدَ مُرتَبطًا باللهِ في كلِّ أَوْقاتِه وجَميعِ أَحْوالِه، والمُؤمِنُ الذَّاكِرُ للهِ يَسْتجيبُ لأوامِرِه على كلِّ حالٍ، أمَّا الغافِلُ فإنَّه لا يَقْبَلُ شَيئًا مِن الخَيرِ، بل لا يُوَفَّقُ إليه.

وفي هذا الحَديثِ يَقولُ النَّبيُّ صلَّى اللهُ عليْه وسلَّمَ: "إنَّ أَحَبَّ الكَلامِ إلى اللهِ أنْ يَقولَ العَبْدُ: سُبْحانَكَ اللَّهمَّ وبِحَمْدِكَ"، أي: أُنزِّهُك يا ربِّ عن كلِّ نَقْصٍ، وأُثْني عليْك أنْ وفَّقْتَني لتَسْبيحِكَ،

والتَّسْبيحُ: التَّقْديسُ والتَّنْزيهُ،
والحمدُ: الثَّناءُ بالجَميلِ،
وقدَّم التَّسْبيحَ على التَّحْميدِ؛ لأنَّ التَّسْبيحَ تَنْزيهٌ عن النَّقائِصِ، والحَمْدَ ثَناءٌ بصِفاتِ الكَمالِ والتَّخلِيةُ مُقَدَّمةٌ على التَّحلِيةِ.

"وتَبارَكَ اسْمُكَ"، أي: كَثُرَتْ بَرَكةُ اسْمِك العَظيمِ الجَليلِ، فوَجَدَ الخَيرَ كلُّ مَن ذَكَرَ اسْمَك،

والبَرَكةُ: هي الزِّيادَةُ في الخيرِ، "وتَعالى جَدُّكَ"، أي: عَلَتْ عظَمتُكَ وارْتفَعَتْ على عَظَمةِ مَن سِواكَ، والجَدُّ: العَظَمةُ، "ولا إلَه غَيرُكَ"، أي: ولا يَسْتحِقُّ العِبادةَ والتَّعْظيمَ غيرُك، ولا مَعْبُودَ بِحَقٍّ سِواكَ.

وإنَّما كانتْ هذه الكَلِماتُ أَحَبَّ الكَلامِ إلى اللهِ؛ لاشْتِمالِها على تَوحيدِ اللهِ تعالَى وتَقْديسِه والثَّناءِ عليه بأَنْواعِ الجَميلِ، والتَّنْزيهِ لَه عن كلِّ ما لا يَجوزُ عليْه مِن المِثْلِ والشَّبَهِ والنَّقْصِ، وكلِّ ما أَلْحَدَ فيه المُلحِدونَ مِن أسْمائِه.

وأفضليةُ هذا الكلامِ وكونُه أحبَّ الكلامِ إلى اللهِ تعالى محمولٌ على كلامِ البَشرِ، وإلَّا فالقرآنُ الذي هو كلامُ اللهِ تعالى أفضلُ وأحبُّ إلى اللهِ سُبحانَه من أيِّ كلامٍ، والاشتغالُ بالكلامِ المأثورُ في وقتٍ أو حالٍ ونحو ذلِك أفضلُ؛

فالجمْعُ بيْن هذا وبيْنَ ما يُوهِمُ ظاهره التعارُضِ كحَديثِ جابرٍ رضِيَ اللهُ عنه الذي أخرَجَه أبو داودَ والتِّرمذيُّ، والذي فيه أنَّ

"أفْضَل الذِّكرِ لا إلهَ إلَّا الله": أنَّ هذه الأذكارَ إذا أُطلِقَ على بعضِها أنَّه أفضلُ الكلامِ أو أحبَّه إلى اللهِ؛ فالمرادُ إذا انضمَّتْ إلى أخواتِها.

ويَحتمِلُ أنْ تكون (مِن) مُضمَرةٌ في الكلامِ، ويكونَ المعنى: مِن أحبِّ، أو مِن أفضلِ الذِّكرِ والكلامِ كذا. . . ، وكلمة (لا إلهَ إلَّا اللهُ) أفضلُ ذلك؛ لأنَّها ذُكِرتْ بالتنصيصِ عليها بالأفضليةِ الصَّريحةِ، وذُكِرتْ مع أخواتِها بالأحبيَّةِ؛ فحصَلَ لها التفضيلُ تَنصيصًا وانضمامًا.

"وإنَّ أبْغَضَ الكَلامِ إلى اللهِ"، وهو ما يَكْرَهُه اللهُ سُبْحانَه "أنْ يَقولَ الرَّجُلُ للرَّجُلِ" ناصِحًا له: "اتَّقِ اللهَ" بأنْ تَكونَ على خَوْفٍ مِن اللهِ، وتراقِبَه في نفْسِكَ،

"فيَقولُ" المَنْصوحُ له وهو غيرُ مُستجيبٍ لنُصحِه: "عليْكَ نفْسَكَ"، فالزَمْ حالَ نفْسِكَ ولا عليْكَ أنْ تَنْصَحَني، وهذا يَدُلُّ على تَكَبُّرِ المَنْصوحِ، وعَدَمِ قَبُولِه دَعْوةَ العَوْدةِ إلى طَريقِ اللهِ والخَوْفِ مِن بَطْشِه سُبْحانَه!

وفي الحديثِ: حَثٌّ وإرْشادٌ على دَوامِ ذِكْرِ اللهِ بِجَوامِعِ الكَلِمِ التي يُحِبُّها سُبْحانَه. وفيه: تَحْذيرٌ مِن عَدِمِ قَبولِ النَّصيحَةِ بِالتَّخْويفِ مِن اللهِ سُبْحانَه. وفيه: بيانُ تَفضيلِ بَعضِ الكَلامِ على بَعضٍ.

@YtbAudioBot

السلام عليكم
التطبيق ده مفيد لأي حد بيحفظ القران ومش بيلاقي حد يسمعله أو عايز يصحح قرائته أو حتى يعرف عن قواعد التجويد
كل المعلمين والمعلمات مجازات بجميع القراءات ماشاء الله
وحرفيا على مدار ٢٤ ساعة لأي حد جدوله مزدحم
بيكون معاك ١٨ دقيقه على مدار اليوم
ومجاني تماما

-
بسم الله..

بدايات الأشهر والسنوات بتكون فرصة جميلة لإعادة ضبط البوصلة وجدولة المهام ووضع الخطط

حسب التاريخ بداية السنة هتكون موافقة لبداية شهر رجب اللي تلقائي هيكون متبقي شهرين على رمضان..

أحسب الخطط لازم تكون مكثفة العام دا برغم إننا ولا مرة التزمنا بخطة وكملناها
صح؟
أنت عارف إنه صح..

الفكرة إننا بنحط الخطط وننتظر تنفذ نفسها

ومن الأوراد اللي أحسب لازم تكون يومية في خطتنا لهذا العام

1- المجاهدة :
المجاهدة مش رفاهية والشغف بدعوة
إنت مطلوب منك السعي.. مفيش حاجه هتتحقق لوحدها بدون بذل للأسباب والعمل الجاد

مش هتثبت على على عادة ولا عبادة غير لما تجاهد " والذين جاهدوا فينا لنهدينهم سبلنا "

2- أهل الله وخاصته
القرآن: بجد بقالك كام سنة عاوز تحفظ وبتنضم لحلقات وتخرج وتنضم وتخرج ولا مرة كملت في حين إنه على خطة السنة اللي فاتت كان زمانك حفظت القرآن أو نصفه حتى!

عرفت عندك طول أمل
نقصره بقا .

حط لنفسك خطة بجد حتى لو هتحفظ نصف وجه يوميا
أدومها وإن قل
مينفعش كل سنة تعدي بدون إنجاز يخص القرآن :)'

3- " رب ارجعون "
عباداتك :
أنت عارف أي عبادة محتاجه منك تحسن فيها، وأي عبادة محتاج تثبت عليها
حط أهداف واضحة أنا السنة دي لازم أخرج ب وليكن مثلا ( الخشوع في الصلاة، الثبات على القيام، ورد القرآن، ورد الذكر .. إلخ)

بجد أنا وأنت وكلنا في غفلة
أعمارنا بتضيع في ولا حاجه متخيل .. ولا حاجه

4- " ميراث رسول الله "
النبي صلى الله عليه وسلم ما ترك لنا توجيه ولا حيرة في أمر
فبعد تمسكنا بالقرآن لازم نتمسك بسنته صلى الله عليه وسلم اللي بها ننجو إن شاء الله

حط لنفسك أحد كتب الحديث وليكن صحيح البخاري تنجز ولو حديث يوميا حفظا وعملا ونشرا

5- تجول في عقول الرجال
القراءة :

إحنا في مرحلة وأوضاع تتطلب منا فقه بالواقع ووعي وثقافة
لازم يكون عندك تارجت لعدد كتب بأسمائها جاهز تخلصه بانتهاء العام وبعد كل كتاب تقيم اللي خرجت به وتسقطه على نفسك

6- أدومها وإن قل
يمكن مشكلتنا الكبرى إننا بنقول إما الكمال أو اللاشيء

من ضمن أهداف العام دا إنك أسبوعيا أو شهريا حسب المطلوب تثبت عبادة وعادة صغيرة تداوم عليها وتنميها وتسعى إنها تكون جزء من أورادك

7- ختامه مسك

من الأوراد اللي هتفرق معك في ضبط يومك إنه قبل النوم تراجع نفسك وتقصيرك وتجبره بعبادة ( استغفار، 100 تسبيحة، ركعتين، إلخ)


8- الأمة تحتاجك
يمكن الكلام في النقطة دي يحتاج شرح واستفاضة لكن الأمة محتاجه من أبنائها إنهم يكونوا صالحين وذخرا لها بصلاح أنفسهم وصلاح من يكفلوهم كالأبناء والإسرة

وأكبر شيء نواجه به موجات الحرب على الدين والمجتمع الإسلامي إننا نكون بذرة طيبة وكذا عائلتنا ومنه هينصلح المجتمع بأسره
" عليك بنفسك "

9- " الخلق الحسن أثقل شيء في الميزان "

تعرفوا إننا مفتقدين نتعامل مع ناس أخلاقيا متربيه علشان نأمن على أنفسنا

ومن الأهداف اللي بحطها لنفسي سنويا إني أربي نفسي قلبيا بالتزكية
" قد أفلح من زكاها "

التزكية مش بس هتحسن سلوكي في العبادات وتجديد السعي للآخرة وتزود إيماني والرضا بأقداري

دي كمان بتعلمني إزاي أتعامل مع إخواني المسلمين ويأمنوا من جانبي عدم الأذى النفسي

10- أخيرا وليس آخرا
كل الخطط دي حجة علينا مع انتشار وتيسير العلم الشرعي وسبل حفظ القرآن والصحة والفراغ

استغل عمرك فيما ينفع
صدقني الفيس هيروح، والواتس هيروح، والدنيا بأسرها هتروح
وأنت كمان هتروح

بس لما تروح خد معاك اللي يسرك تلقاه بين يدي الله

⬅️متنساش تدعي لأمتك الجريحة الغرقى كل يوم.. جدد مشاعر أمة واحدة جواك وإنه مصابهم مصابك
لعلها تنفرج بدعائك.

دا رابط خطة كانت موضوعة للعام الهجري
https://t.me/rafeek2/2989

بمناسبة موسم الـ Final والمذاكرة:

- قبل أسبوع الامتحانات أفضل شيء تبدأ بيه قراءة سورة البقرة، بص حطها concept كده أن أي خطوة هتاخدها وقلقان منها ومحتاج تطمّن ويتيسّر الأمر فعليك بسورة البقرة "أخذها بركة".

- توضأ قبل ما تبدأ مذاكرة، الوضوء من صفات المؤمن، والوضوء بيزيل عنك سيّئات كتير، لما تغسل وجهك فكل نظرة حرام ذنبها بيروح بالوضوء، ولما بتتمضمض فكل لفظ قولته حرام الوضوء بيطهرك من الذنب، ولما تغسل رجلك فإثم كل خطوة لذنبك ربّنا بيغفرهولك، فعليك بالوضوء.

- ابدأ بدعاء المذاكرة: "اللَّهمَّ إنِّي أسالك فهم النّبيين، وحفظ المرسلين والملائكة المقرّبين، اللَّهمَّ اجعل ألسنتنا عامرةً بذكرك، وقلوبنا بخشيتك، وإسرارنا بطاعتك، إنّك على كلّ شي قدير".

- حاجة واقفة معاك في حفظ أو فهم حاجة، فعليك بالاستغفار، أحد السلف كان بيقول: "كل ما يصعب عليا حفظ القرآن أو تعلُّم شيء ما، كان يستغفر"؛ لأن الاستصعاب دا بيكون من ذنوبك.

- لمّا الأذان يأذِّن لأي صلاة تقوم جري عالصّلاة وحط في بالك أن مفيش طاعة بتشغل وقت إلا وبتبارك فيه.

- ابدأ مذاكرتك بوِرد قرآن -صفحة مثلًا- واختم مذاكرتك بصفحة كمان مش هياخدوا منك خمس دقايق.

- لما تنتهي من مذاكرتك قول: "اللَّهمَّ إنّي أستودعك ما قرأت، وما حفظت، وما تعلمت، فردّه إليّ عند حاجتي إليه يا من لا تضيع ودائعه".

- أوَّل ما تدخل عالكويز أو الامتحان ردِّد: "اللَّهمَّ لا سهل إلّا ما جعلته سهلًا وأنت تجعل الحزن إذا شئت سهلًا".

- نسيت معلومة في الامتحان أو الكويز ردِّد: "اللَّهمَّ يا جامع النَّاس ليومٍ لا ريب فيه رُدَّ عليَّ ضالتي".

- أهم حاجة لما تيجي تسلّم ورقتك استودعها عند ربّنا بالتقدير أو الدرجة اللي بتتمناها، حتَّى لو كنت عاكك في الورقة اطمع في كرم الله.

ربّنا يوفِّقنا جميعًا. 💜

شير عرف غيرك فـ "الدّال على الخير كفاعله".

‏زاحِموا مشاغلكم بالقرآن، زاحموها بالبركة والسِّعة والنور.

{وَكَذَلِكَ أوْحَيْنَا إِلَيْكَ رُوحًا مِنْ أَمْرِنَا}

وهو هذا القرآن الكريم، سماه روحًا، لأن الروح يحيا به الجسد، والقرآن تحيا به القلوب والأرواح، وتحيا به مصالح الدنيا والدين، لما فيه من الخير الكثير.