The people's voice (ခမ်းသားငေါဝ်း)

ဆီဆိုင်နယ်တခွင်လုံးဆီဆိုင်နယ်တခွင်လုံး PNLA" ထိုးစစ်ဆင် စစ်ရေးလှုပ်ရှားမည် ဟု Hsihseng page မှသတင်းမှားဖြန့်ဝေ
....................
ခမ်းသားငေါဝ်း
နိုဝင်ဘာ ၁၆၊ ၂၀၂၄

https://www.facebook.com/share/p/18Mz8TRgUW/

ဆီဆိုင်နယ်တခွင်လုံး PNLA" ထိုးစစ်ဆင် စစ်ရေးလှုပ်ရှားမည်ဟု နိုဝင်ဘာ ၁၆ ရက်နေ့ ရက်စွဲဖြင့် Hsi-Hseng channel page မှသတင်းမှားဖြန့်ဝေနေကြောင်းသိရသည်။

ရှမ်းတောင်၊ဆီဆိုင်မြို့နယ် တခွင်လုံး (PNLA) စစ်ရေးလှုပ်ရှားသွားလာခွင့်မရှိ ဟန့်တားပြောဆိုသောဘယ်အဖွဲ့အစည်းကိုမဆို အပြတ်ရှင်းခံရလိမ့်မည်ဟု PNLA"ပြောရေးဆိုခွင့် ရှိသူ ခွန်ရိန်းယံထံမှ သိရသည် ဆိုပြီး သတင်းမှား ဖြန့်ဝေခဲ့ခြင်းဖြစ်သည်။

"အဲ page က ကျွန်တော့် ကိုဆက်သွယ် မေးမြန်းတာလည်းမရှိဘူး၊ အဲဒီ စကားကိုလည်းကျွန်တော်ပြောခဲ့တာမရှိဘူး”ဟု PNLA ပြောခွင့်ရ ခွန်ရိုန်းယံ ကခမ်းသားငေါဝ်းကိုပြောသည်။

ထို့အပြင် ထို Hsi-Hseng channel page သည် PNLA/PNLO page လည်းမဟုတ်သလို PNLA တပ်ဖွဲ့ နှင့်လည်းမသက်ဆိုင်ကြောင်းဆိုသည်။

PNLO/PNLA အကြောင်း နှင့်ပတ်သက်ပြီး PNLO/PNLAပြန်ကြားရေးမှ တရားဝင်ထုတ်ပြန်ခြင်းနှင့် ပြောရေးဆိုခွင့်ရှိသူ တရားဝင်ပြောဆိုခြင်းမှသာ တရားဝင်ကြောင်း သိရသည်။

လက်ရှိဆီဆိုင်မြို့တွင် တိုက်ပွဲ ဖြစ်ပွားခြင်းမရှိဘဲ ထို Hsi-Hseng channel page မှ မကြာခဏ သတင်းမှားဖြန့်ဝေခြင်းကြောင့်ပြည်သူများ သီးနှံသိုလှောင်ခြင်းမပြုလုပ်ရဲဘဲ ရသည့်စျေးဖြင့်အရှုံးနှင့်သာရောင်းချနေရကြောင်းသိရသည်။

ဆီဆိုင်မြိုတွင် တိုက်ပွဲငြိမ်နေသည့်အတွက် ပြည်သူများလည်း တန်ဆောင်မုန်းလပြည့်နေ့တွင် မြို့ဘုံကထိန်များကျင်းပနိုင်ကြပြီဖြစ်ကြောင်းသိရသည်။

လတ်သလောဆီဆိုင်မြို့ကို ဝင်ရောက်တိုက်ခိုက် သိမ်းပိုက်ပြီးတိုက်ပွဲဖြစ်ရန်မရှိသေးသော်လည်း PNLA ဘက်မှ ကိုယ့်ကိုကိုယ် ကာကွယ်ရန် အဆင်သင့်အမြဲတမ်းပြင်ဆင်ထားကြောင်း ခွန်ရိန်းယံကဆက်ပြောသည်။

#ppv002
#သတင်းမှား
#ဝါဒဖြန့်
#hsihseng
#ကောလာဟလ

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

တောင်ကြီး တန်တောင်တိုင်မီးပုံးပျံ ပွဲတော် ၄ ရက်အတွင်း ထိခိုက်ဒဏ်ရာရရှိသူ အယောက် ၇၀ ကျော်ရှိ
........................
ခမ်းသားငေါဝ်း
နိုဝင်ဘာ ၁၆၊၂၀၂၄

https://www.facebook.com/share/p/19QkJFxBeR/

တောင်ကြီးတန်ဆောင်တိုင် မီးပုံးပျံပွဲတော် ၄ ရက်အတွင်းထိခိုက်ဒဏ်ရာရှိသူ အယောက် ၇၀ ကျော်ရှိကြောင်းစုံစမ်းသိရသည်။

ရှမ်းပြည်နယ်တောင်ပိုင်း၊ တောင်ကြီးတန်ဆောင် တိုင်ပွဲကို နိုဝင်ဘာလ ၁၁ ရက်နေ့တွင် စတင်ကျင်းပခဲ့ပြီး နိုဝင်ဘာလ ၁၄ ရက်နေ့အထိ ၄ ရက်အတွင်း မီးပုံးပျံယမ်းထိခိုက်မိခြင်း၊အမူးလွန်သတိလစ်မေ့မြောခြင်း၊ ရန်ဖြစ်ခြင်း၊ ယဥ်တိုက်မှုစသည်တို့ကြောင့် ထိခိုက်ဒဏ်ရာရရှိသူ ၇၀ ကျော်ရှိသည်။

'' လူကညတိုင်းလိုလိုပြည့်ကျပ်နေတာ၊ ပင်မဝင်ပေါက်လမ်းကြောင်းတစ်ခုပဲ ပေးဝင်တာ၊ အဲ့လမ်းတွေဆို ပြည့်ကျပ်နေတာပဲ၊ တိုးလိုတောင်မရဘူး၊ လူပိမှာကိုတောင်စိုးရိမ်နေရတယ်၊ အဲ့မှာ မိန်းကလေးတွေ ၊ ကလေးငယ်တွေဆို အသက်ရှူ ကျပ်ပြီး သတိလစ်သွားတာအချို့တွေ့ရတယ်''ဟု ဒေသခံတစ်ဦးကခမ်းသားငေါဝ်းကိုပြောသည်။

မီးပုံးပျံ ယမ်းထိမှန်ခြင်း နှင့် ခိုက်ရန်ဖြစ်ပွားမှုကြောင့်လည်း ဒဏ်ရာရသူများရှိကြောင်းသိရသည်။

'' မီးပုံးပျံ ကိုအနီးနားကနေကြည့်တဲ့လူတွေဆိုလည်း ယမ်းတွေထိသွားတာရှိတယ်၊ တချို့မီးပုံးပျံက နိမ့်နိမ့်ကလေးတင် မီးကျည်တွေကြဲ သွားတာ၊ ဒုတိယ ညမှာဆို စတိတ်စင်ရှေ့မှာ ရန်ဖြစ်ကြတာ၊ ဆယ်ယောက်လောက်ရှိတယ်၊ လုံခြုံရေးက ရှိပေမယ့် လာတားပြီးထိန်းပေးတာမျိုးမရှိဘူး'' ဟု ၎င်း ကဆက်ပြောသည်။

အဆိုပါထိခိုက်ဒဏ်ရာရရှိသူ အများစုသည် စစ်ရှောင်များ နှင့် ရန်ကုန်မန္တလေးအစရှိသည့် နယ် ဝေးဖက်ကလူများဖြစ်ကြ ကြောင်းသိရသည်။

တောင်ကြီးတန်ဆောင်တိုင်ပွဲတွင် ပွဲတွင်းနေ့စဥ်လူ​ ပြည့်ကျပ်နေပြီး တောင်ကြီးမြို့ရှိ ဟိုတယ်၊တည်းခို ခန်းများအကုန် ပွဲပြီးနေ့အထိ ဘွတ်ကင် ပြည့် နေကြောင်းသိရသည်။

ယခုနှစ် တောင်ကြီး တန်ဆောင်တိုင်မီးပုံးပျံ ပွဲကို နိုဝင်ဘာ ၁၁ ရက်နေ့မှ ၁၇ ရက်နေ့အထိ ကျင်းပသွားမည်ဖြစ်ကြောင်းသိရသည်။

#PPV 003
#တောင်ကြီး တန်ဆောင်တိုင်
#လူထိခိုက်မှု
#မီးပုံးပျံပွဲ
#မှုခင်း

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

တောင်ကြီးတန်ဆောင်တိုင်ပွဲမှပြန်လာသည့်ကား ယာဥ်မတော်တဆ ဖြစ်ပြီး ၃ ဦး သေဆုံး
......................
ခမ်းသားငေါဝ်း
နိုဝင်ဘာ ၁၆၊ ၂၀၂၄

https://www.facebook.com/share/p/1DU3FmdiE5/

ရှမ်းပြည်နယ်တောင်ပိုင်း၊ တောင်ကြီးမြို့နယ် ၊ အောင်သ ပြေတွင် ရပ်ထားသော တွဲကားကို တန်ဆောင် တိုင် ပွဲမျပြန်လာသည့် ကဲန်တာ ကားဝင်တိုက်မိသဖြင့် ၃ ဦး သေဆုံးခဲ့ကြောင်း လူမှု ကူညီရေး အသင်းများ ထံမှ သိရသည်။

ဖြစ်စဉ်မှာ အောင်သပြေ ၂၂၂ တပ် အပေါ်ဘက် အလယ်ဂိတ် အနီးတွင် နိုဝင်ဘာလ ၁၆ ရက် မနက် ၃ နာရီအချိန်ယာဥ်တိုက်မှု ဖြစ်ပွားခဲ့ခြင်းဖြစ်ပြီး ဒဏ်ရာရရှိ သူများကို လူမှုကူညီရေးအသင်းများက ချက်ချင်း ဆေးရုံတင်ပို့ပေးခဲ့ရကြောင်း သိရသည်။

“ကျွန်တော်တို့ ပို့ပြီး ပြန်ဆင်းတဲ့ အချိန်ထိတော့ ၃ ဦးဆုံး၊ ၇ ဦး လူနာပေါ့ ကောင်မလေး တစ်ယောက် ဘာမှ မဖြစ်ဘူး။ ၄ ယောက် က အခြေအနေ မကောင်းဘူး၊ ခြေကျိုးပေါင်ကျိုးတွေကလဲ ၃ ယောက် လောက် ပါသေးတယ်။ အားလုံး ၁၂ ယောက် ၁၃ ယောက်လောက် ပါတယ်။” ဟု လူမှုကူညီရေး အသင်းမှ တာဝန်ရှိသူ တစ်ဦး ကပြော သည်။

ထိုကားသည် တောင်ကြီး တန်ဆောင်တိုင် မီးပုံးပျံ ပွဲလည်မှ ပြန်လာသော ပင်ဖြစ် ကျေးရွာမော်တော် ကား ဖြစ်ပြီး အောင်သပြေတွင် ရပ်ထားသော တွဲကားကို အနောက်မှ ဝင်တိုက်မိသဖြင့် ၃ ဦး သေဆုံးခဲ့ခြင်း ဖြစ်သည်။

ထို ကားပေါ်တွင် ၁၂ ယောက်မှ ၁၃ ယောက်ခန့် ပါဝင်နိုင်ပြီ ၃ ယောက်သေဆုံးကာ အမျိုးသမီး တစ်ဦးသာ လွတ်ပြီး ကျန်လူများထိခိုက်ဒဏ်ရာများ ရ ရှိခဲ့ကြောင်း ရွှေညောင်မြို့ မြို့မ ၂ ရှင်မှု ကူညီရေး ထံမှ သိရသည်။

အခင်း ဖြစ်စဉ်တွင် ထိခိုက် ဒဏ်ရာရရှိသော လူနာ များကို တောင်ကြီး စဝ်စံထွန်း ဆေးရုံသို့ ကူညီ ပို့ဆောင် ပေးခဲ့ကြောင်း ရွှေညောင်မြို့ မြို့မ ၂ ရှင်မှု ကူညီရေး အသင်းထံမှ သိရသည်။

photo ရွှေညောင်မြို့ မြို့မ ၂ ရှင်မှု ကူညီရေး

#PPV-006
#မှုခင်း
#အောင်သပြေ
#ယာဥ်တိုက်မှု
#တောင်ကြီး
VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

ညောင်ရွေမြို့ရှိ Inle Princess Resort ဟိုတယ် မီးလောင်ပျက်စီး
..................
ခမ်းသားငေါဝ်း
နိုဝင်ဘာ ၁၆၊ ၂၀၂၄

https://www.facebook.com/share/p/1B48TBbVj4/

ညောင်ရွေမြို့နယ်၊ အင်းလေးဒေသရှိ Inle Princess Resort ဟိုတယ်ကို နိုဝင်ဘာ ၁၅ ရက်တန်ဆောင် မုန်းလပြည့် ညက မီးလောင်ပျက်စီးသွားကြောင်းဒေသခံတစ်ဦးထံမှသိရသည်။

ရှမ်းပြည်နယ်တောင်ပိုင်း၊ ညောင်ရွေမြို့နယ်၊ အင်းလေးဒေသ၊ မန်ကျီးစင်ကျေးရွာရှိ Inle Princess Resort ဟိုတယ်သည် နိုင်ဝင်ဘာလ ၁၅ ရက်နေ့ ည ၇ နာရီအချိန်တွင်မီးလောင်ပျက်စီးသွားသည်။

'' တချို့ကျ မီးပုံးပျံ ပျက်ကျသွားတယ်လို့ပြောပေမယ့် အကြောင်းအရင်းအတိအကျကို မသိသေးပါဘူး၊ မီးတော့ အကြီးအကျယ်လောင်သွားတာ'' ဟု ဒေသခံတစ်ဦးကခမ်းသားငေါဝ်းကိုပြောသည်။

ညောင်ရွှေမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များလာရောက် မီးငြိမ်းသတ်ခဲ့ရာ ည ၁၀ နာရီခန့်တွင် မီးငြိမ်းသတ်နိုင်ခဲ့ကြောင်းသိရသည်။

အဆိုပါမီးလောင်မှုကြောင့် ဟိုတယ်ပင်မအဆောင်မီးလောင်ပြာကျသွားပြီး ဟိုတယ်တောင်ဘက်ခြမ်းရှိ တည်းခိုဆောင် ၁၀ လုံးကျော် မီးလောင်ပျက်စီးခဲ့ပြီး လူထိခိုက်မှုမရှိကြောင်းသိရသည်။

အဆိုပါဟိုတယ်ကို အမျိုးသားဒီမိုကရေစီအဖွဲ့ချုပ် (NLD )အစိုးရ၏ ဟိုတယ်နှင့်ခရီးသွားလာရေးဝန်ကြီး ဦးအုန်းမောင်မိသားစု ပိုင်ဆိုင်ကြောင်းသိရသည်။

#PPV 003
#မီးလောင်မှု
#Inleprincessresort
#ညောင်ရွှေမြို့
#အင်းလေး

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

ရွာငံစစ်ဆေးရေးဂိတ် အလစ်ငိုက်တိုက်ခိုက်ခံရပြီး ရဲ ၅ ဦးသေဆုံး
......................
ခမ်းသားငေါဝ်း
နိုဝင်ဘာ ၁၆၊ ၂၀၂၄

https://www.facebook.com/share/p/19Z449V2ry/

ရွာငံမြို့အထွက်ရှိ စစ်ဆေးရေးဂိတ်ကို တော်လှန် ရေးတပ်ဖွဲ့များ အလစ်ငိုက်ဝင်ရောက်တိုက်ခိုက်ခဲ့ပြီး ရဲ ၅ ဦးသေဆုံးခဲ့ကြောင်းဒေသခံတစ်ဦးထံမှ သိရသည်။

ရှမ်းပြည်နယ်တောင်ပိုင်း၊ ရွာငံမြို့ အထွက်ရှိ စစ်ဆေးရေးဂိတ်ကို နိုဝင်ဘာလ ၁၄ ရက်နေ့ ညနေခင်းအချိန်က တော်လှန်ရေးတပ်ဖွဲ့များ အလစ်ငိုက်ဝင်ရောက်တိုက်ခိုက်ခဲ့ခြင်းဖြစ်သည်။

'' ရွာငံမှာလည်း တန်ဆောင်တိုင်ရှိတယ်၊ တချို့ကလည်း တောင်ကြီးတန်ဆောင်တိုင်ပွဲကိုလာတာပေါ့၊ သွားသွားလာလာနဲ့ အရမ်းရှုပ်နေတုန်း အလစ်ငိုက်ဝင်တိုက်ခံရတာ၊ အပြန်အလှန်ပစ်ခတ်မှု ခဏ ဖြစ်သွားတယ်၊ အဲ့မှာ ရဲ ၅ ဦးသေသွားတယ်''ဟု ဒေသခံတစ်ဦးကခမ်းသားငေါဝ်းကိုပြောသည်။

အဆိုပါတိုက်ခိုက်ခံရမှုအပြီးတွင် စစ်ဆေးမှုပိုမိုတင်းကျပ်ထားပြီး အဆိုပါဂိတ်ကိုဒေသခံအချို့ဖြတ်သန်းသွားလာခြင်းမပြုလုပ်တော့ကြောင်းသိရသည်။

'' သူတို့ခံလိုက်ရတော့ ပြည်သူဖက်ကို ဖိလာတာ ၊ အစစ်အဆေးတွေအရမ်းကြမ်းနေတယ်၊ တချို့ဆို အဲ့ဂိတ်ကိုတောင် ဖြတ်မသွားရဲတော့ဘူး၊ ပြည်သူတွေလည်းအသွားအလာပိုဂရုစိုက်ဖို့လိုတယ်'' ဟု ၎င်း ကဆက်ပြောသည်။

အဆိုပါ စစ်ဆေးရေးဂိတ်တွင် အာဏာစသိမ်းပြီးကတည်းက ချထားပြီး ယခင်ကလည်း ဖြတ်သန်းသွားလာနေသည့်ပြည်သူများအား ဖမ်းဆီးငွေညှစ်ခြင်းများမကြာခဏ ပြုလုပ်နေကြောင်းသိရသည်။

#PPV003
#ဂိတ်တိုက်ခိုက်ခံရ
#ရွာငံ
#ထိတွေ့တိုက်ခိုက်
#ရှမ်းတောင်

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

ခမ်းသားငေါဝ်း ပရိတ်သတ်တောမ်ႏ ပအိုဝ်ႏခမ်းသားဖိုင်ႏ ကားကအဝ်ႏ မဂ်လာႏဒျာႏသွူသြ။ နေင်ႏ ၁၃၈၆ ဗာႏ တထိန်ႏဗွေနီꩻ၊ ခရာဇ်နေင်ႏ ၂၀၂၄ ၊ နိုဝင်ဘာ ၁၅ နီꩻ မွူးနီꩻသောကျာႏ၊ မွူးဟာခိုႏငိမ်ꩻခွꩻရျူႏအခိင်ႏ အောဝ်ႏ နီသွဉ်းသီး ခမ်းသားငေါဝ်းသတင်ꩻဌာႏန သေသင်ꩻသတင်ꩻတလီꩻလောင်းအခြပ်ရဲဉ်ႏကို နီသွဉ်းသီး အီႏဒေါ့ နယ်ꩻလွေꩻယင်းသွူ သတင်ꩻထူꩻဖိုင်ႏနဝ်ꩻသွူ။

ယခုနှစ်တောင်ကြီး တောင်တိုင်ပွဲတွင် လိုင်စင်မဲ့ကား၊ ဆိုင်ကယ်များ တန်ဆောင်တိုင်ကွင်းအတွင်း ဝင်ခွင့်မပြု
.................................................

ခမ်းသားငေါဝ်း
နိုဝင်ဘာ ၁၀၊ ၂၀၂၄

https://www.facebook.com/share/p/1HQ2SEoRYM/

ယခုနှစ်စစ်ကောင်စီ ကျင်းပသည့် တောင်ကြီးတန်ဆောင်တိုင်ပွဲတွင် ပွဲကျင်းပရာ အဝေရာကွင်းအတွင်းသို့ နေ့ခင်းဘက်လည်း လိုင်စင်မဲ့ ကား၊ ဆိုင်ကယ်များဝင်ခွင့်မပြုကြောင်း ဒေသခံထံကသိရသည်။

တောင်ကြီးတန်ဆောင်တိုပွဲ အဝင်လမ်း၊ အထွက်လမ်းဖြစ်သည့် စူဌာမုနိဘုရားဘက်လမ်းနှင့် အနောက်မြို့ပတ်ကွင်းအဝင်လမ်းများအား လိုင်စင်မဲ့ကား၊ ဆိုင်ကယ်များ ဝင်ရောက်ခြင်းမပြုရန် နိုဝင်ဘာ ၈ ရက်နေ့တွင် ဆိုင်းပုဒ်ထောင်ပြီး ပိတ်ပင်ထားသည်။

“မနေ့ရှေ့တနေ့ကအဲ့နေရာနားကဖြတ်သွားတုန်း မေးကြည့်တာ နေ့ဘက်လည်းမရဘူးလို့ပြောတယ် အာ့တော့မကြည့်ရုံပေါ့ ကားသူခိုး၊ ဆိုင်ကယ်သူခိုးကပေါကပေါနဲ့ ညတော့မထွက်ရဲဘူး နေ့မီးလုံးလေးမြင်ရမလားလို့လေ” ဟု ဒေသခံတစ်ဦးက ခမ်းသားငေါဝ်းကိုပြောသည်။

စစ်ကောင်စီကျင်းပသည့် ယခုနှစ်တောင်ကြီး တန်ဆောင်တိုင်ပွဲကို နိုဝင်ဘာ ၉ ရက်နေ့မှ ၁၅ ရက်နေ့ထိ ကျင်းပရန်စီစဉ်ထားပြီး လက်ရှိမိုးလေဝသအခြေအနေကြောင့် လာမည့် နိုဝင်ဘာ ၁၁ မှ ၁၇ ရက်နေ့အထိ ပြောင်းလဲကျင်းပသွားမည်ဖြစ်ကြောင်း နိုဝင်ဘာ ၈ ရက်နေ့တွင် ပွဲကျင်းပရေးကော်မတီက ထုတ်ပြန်ထားသည်။

ယခုနှစ်တောင်ကြီးတန်ဆောင်တိုင်ပွဲတွင် ညမီးကြီး မီးပုံးပျံ ယမ်မီး ၂၆ လုံး၊ စိန်နပန်ညအလှမီးပုံးပျံ ၂၄ လုံး၊ နေ့လွတ်ခြေနှစ်ချောင်းအလှမီးပုံးပျံ ၁၄၇ လုံး၊ နေ့လွတ်ခြေလေးချောင်းအလှမီးပုံးပျံ ၃၈ လုံး၊ အရုပ်အုပ်စု ၂၃ လုံး စုစုပေါင်း ၂၅၈ ယှဉ်ပြိုင်သွားမည်ဖြစ်ကြောင်း သိရသည်။

PPV001
#လူ့အခွင့်အရေး
#လိုင်စင်မဲ့ကား
#ဆိုင်ကယ်
#တောင်ကြီးတန်ဆောင်တိုင်
#မီးပုံးပျံ
#ညမီးကြီး

မုန်တိုင်းကာလ ၀ိုင်ဖိုင်လိုင်းပြတ်တောက်နေ သည်ကို ၀ိုင်ဖိုင်ကုမ္ပဏီအချို့အစားထိုးပြန်မပေး
.................
ခမ်းသားငေါဝ်း
နိုဝင်ဘာ ၁၀၊၂၀၂၄

https://www.facebook.com/share/p/1Dx97avLep/

ရှမ်းပြည်နယ်တောင်ပိုင်း၊ တောင်ကြီးမြို့တွင် စက်တင်ဘာလ မုန်တိုင်းကာလအတွင်း ၀ိုင်ဖိုင်လိုင်းများ ပြတ်တောက်နေသော်လည်း တချို့ ၀ိုင်ဖိုင် ကုမ္ပဏီများ အစားပြန်ပေးခြင်း မရှိကြောင်း စုံစမ်းသိရသည်။

တောင်ကြီးမြို့ရှိ MBT အင်တာနက် လိုင်းသည် ပြတ်တောက်ခြင်းအတွက် သီးခြား အစားထိုးရက်ပြန်ပေးခြင်း မရှိကြောင်းနှင့် သက်ဆိုင်ရာစက်လိုင်း၏ ပြတ်တောက်မှု အခြေအနေကို ကြည့်၍ ရက်အစားထိုး ဆောင်ရွက်ခြင်းသာရှိကြောင်း သိရသည်။

"ဒီလောက်ပျက်ရက် များလည်း တချို့ ဝိုင်ဖိုင် ကုမ္ပဏီတွေ မသိဟန်ဆောင်ပြီးတော့ မပေးသလို နေတယ်။ တချို့က ၃ ရက် လောက်ပဲ ရက်အစားထိုး ပြန်ပေးတယ်။ ” ဟု တောင်ကြီးမြို့ ရှိ ၀ိုင်ဖိုင် သုံးစွဲသူ တစ်ဦးကပြော သည်။

တောင်ကြီးမြို့ရှိ Welink Filber Wifi သည် မုန်တိုင်းကာလအတွင်း ပြတ်တောက်မှုများအတွက် ၃ ရက်သာ အစားထိုးပေးခြင်း ရှိကြောင်း သိရသည်။

“အဲ့ဒီရက်တွေ လကုန်ရက်အထိ ဝိုင်ဖိုင် လိုင်းမတက်လို့ ဖုန်းဘေလ်ထည့်ပြီး သုံးနေကြရတယ်။ အဲ့ဒီ တစ်လ အတွင်းမှာတောင် ဖုန်းဘေလ်တွေ ရှစ်သောင်း တစ်သိန်းလောက် မနည်းဘူး ကုန်သွားတယ်။ ဖုန်းဘေလ် ကလည်း ထည့်လိုက်တာနဲ့ ဖြတ်တောက်သွားကြတယ်။ နောက်ပြီး အင်တာနက် ပက်ကေ့ တွေ ကိုလည်း စျေးတင်ပြီး ရောင်းကြတယ်။”ဟု ၎င်းကဆက်ပြောသည်။

စက်တင်ဘာလ မုန်တိုင်းသင့်ဒေသများ အတွင်း mpt ဖုန်းအချင်းချင်း ၇ ရက် အတွင်း ဖုန်းခေါ်ဆိုခွင့်ကို ပထမတစ်ကြိမ်၊ ဒုတိယ တစ်ကြိမ် အထိ နှစ်ကြိမ်တိုင်တိုင် အခမဲ့ ခေါ်ဆိုခွင့် နှင့် MPT Point များဖြင့် Data များ ကို ၁၀ gb သက်သာစွာ ဝယ်ယူခွင့်ကို ဆောင်ရွက်ပေးခြင်း ရှိခဲ့ကြောင်း သိရသည်။

We Link မှ ခွဲထွက်သော ကုမ္ပဏီခွဲ Link Star Wifi ကုမ္ပဏီ သည်မုန်တိုင်းကာလ အတွင်း လိုင်းပြတ်တောက်မှု များအတွက် အစားထိုး ၁ဝ ရက် ပြန်ပေးကြောင်း သိရသည်။

ထို့ပြင် တောင်ကြီးမြို့ရှိTrue Net Wifi သည်လည်း စက်တင်ဘာလ လိုင်းပျက်ရက်များအတွက် တစ်လနီးပါး(၂၇) ရက် အစားထိုး ပြန်လည်ပေးခြင်း ရှိကြောင်း သုံးစွဲသူ တစ်ဦး ပြောပြချက် အရ သိရသည်။

“ အဲဒီတုန်းက ၃ ရက် အတွင်း လိုင်းပြန်ရတယ်။ ချက်ချင်းပဲ လိုင်းပြန်လည် ကောင်းမွန်ရေး ကိုပဲ ပြင်ဆင် ဆောင်ရွက်ခဲ့ပါတယ်။ အရောင်းကို နားထားလိုက်ပြီး လိုင်းကောင်းမွန်အောင် ပြင်တယ်။ ဒါပေမယ့် ကလောဘက်မှာတော့ တိုင်တွေပြုတ်ထွက်သွားတာဆိုတော့ လိုင်းမရတာတွေတော့ရှိခဲ့ပါတယ်။ ညောင်ရွှေ အင်းလေးဘက်မှာလည်း အခုထိ ပြင်ဆင်တုန်း လိုင်းမရတာတွေလည်း ရှိနေပါသေးတယ်။ ကျန်တဲ့ မြို့ပေါ် တွေမှာတော့ သက်ဆိုင်ရာ ဖိုင်ဘာ လိုင်းအလိုက် ရက်အစားထိုး ပြန်ပေးတာတွေ ရှိပါတယ်။”ဟု ATOM Telecom ကုမ္ပဏီ တာဝန်ရှိသူ တစ်ဦးက ပြော သည်။

၂၀၂၄ ခုနှစ် စက်တင်ဘာလ အတွင်း မုန်တိုင်းဒဏ်ကြောင့် wifi လိုင်းများ အင်တာနက် ပြတ်တောက်ခြင်း အတွက် သက်ဆိုင်ရာ ဖိုင်ဘာလိုင်း တစ်လိုင်းချင်းစီ ကို မက်ဆေ့ SMS ပေးပို့အသိပေးခြင်း၊ ၁၅ ရက်မှ ရက် ၂၀ အထိ အစားထိုးရန် ပြန်ပေးခြင်း ရှိကြောင်း ATOM Telecom ကုမ္ပဏီ တာဝန်ရှိသူ တစ်ဦးက ရှင်းပြသည်။

သဘာဝဘေး ကြောင့်လိုင်းပြတ်ခြင်းကိုအစားထိုးပြန်မပေးခြင်းသည် စားသုံးသူအတွက် နှစ်နာဆုံးရှုံးမှုရှိကြောင်းသိရသည်။

စက်တင်ဘာလပထမပတ်တွင်ရှမ်းပြည်နယ်တောင်ပိုင်းနေရာအတော်များများ မုန်တိုင်းကြောင့် ရေကြီးရေလျှံမှု ဖြစ်ပွားခဲ့ကြောင်းသိရသည်။

#PPV-006
#Humanright
#wifi
#Taunggyi
#စားသုံးသူနစ်နာ
#အစားထိုး

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

တောင်ကြီးတန်ဆောင်တိုင်မီးပုံးပျံပွဲတော်ကာလ အတွင်း သူခိုးများပြီးဆိုင်ကယ် ပျောက်ဆုံးမှုများလာ
...................
ခမ်းသားငေါဝ်း
နိုဝင်ဘာ ၁၀၊ ၂၀၂၄

https://www.facebook.com/share/p/19ieqpK25q/

တောင်ကြီးမြို့တွင် တန်ဆောင်တိုင်မီးပုံးပျံပွဲတော်ကာလ အတွင်း သူခိုးများလာပြီးဆိုင်ကယ်များ ပျောက်ဆုံးမှု ပိုများလာကြောင်း မြို့ခံများထံမှ စုံစမ်းသိရသည်။

တောင်ကြီးမြို့မစျေး ၊ ကုန်သည်လမ်းတွင် စျေးနေ့ စျေးဝယ်ရင်း မော်တော်ဆိုင်ကယ် ခေတ္တရပ်နားထားစဉ် ခိုးယူခံရခြင်း ရှိကြောင်း ၊ ထိုလမ်းပေါ် တစ်လျှောက်တွင် ဆိုင်ကယ် သုံးစီးထက် မနည်း နေ့စဉ် ပျောက်ဆုံးမှု ကြုံတွေ့နေရကြောင်း ပျံကျစျေးသည် တစ်ဦးက ရှင်းပြသည်။

“ အခု ပွဲတော်ကာလ အတွင်း ဆိုတော့ လူစုံတယ်။ ပွဲတွင်းမှာ လုပ်စားတဲ့ ခါးပိုက်နှိုက်တွေ သူခိုးတွေ များလာတယ်။ အရင်တစ်စျေး၊ စျေးနေ့တုန်းကလည်း ဆိုင်ကယ် တစ်စီးခိုးခံရတယ်။ အမကြီး တစ်ယောက် ဒီနားလေး ခန ရပ်ပြီး စျေးဝယ်လိုက်တာ ပြန်လာတော့ မရှိတော့ဘူး။ ဟိုဘက်ခြမ်းမှာလည်း ဆိုင်ကယ်တွေ ပျောက်တယ်။ အရမ်းမြန်တယ်။ စျေးဝယ်ရင် ခါးပိုက်နှိုက်တွေကိုလည်း သတိထားရဦးမယ်။ ဖုန်းတွေ ပိုက်ဆံအိတ် တွေကို အိတ်ခွဲပြီးတော့ နှိုက်ယူတတ်ကြတယ်။ လူရှုပ်တဲ့ အချိန်တွေမှာ ဝင်နှိုက် ဝင်ခိုးတတ်ကြတယ်။ ” ဟု စျေးသည် တစ်ဦးက ပြောပြသည်။

နိုဝင်ဘာလ(၈) ရက် ညနေပိုင်း (၆) နာရီခန့် အချိန်တွင် တောင်ကြီး အိုးရှင်း ရှေ့နားတွင် ရပ်ထားသော Click SHN /9438 ဆိုင်ကယ် ဇက်ချိုးပြီး ခိုးယူသွားကြောင်း၊ ရပ်နားချိန် ၁၀ မိနစ် အတွင်းမှာ ခိုးယူသွားကြောင်းသိရ သည်။

တောင်ကြီးမြို့ တန်ဆောင်တိုင် မီးပုံးပျံပွဲတော်ကို နိုဝင်ဘာလ (၁၁) ရက်မှ (၁၇) ရက် အထိ ခုနှစ်ရက် တိုင်တိုင် ကျင်းပပြုလုပ်သွားမည် ဖြစ်ကြောင်း ရှမ်းပြည်နယ်တောင်ပိုင်း ရိုးရာ မီးပုံးပျံ ပညာရှင် အသင်းက ထုတ်ပြန်ကြော်ငြာထားသည်။

တောင်ကြီးတန်ဆောင်တိုင် မီးပုံးပျံပွဲတော်ကြီးကို မူလ က နိုဝင်ဘာလ(၉) ရက်တွင် ကျင်းပရန် စီစဉ်ထားသော်လည်း နိုဝင်ဘာလ(၁၁) ရက်သို့ ပွဲရက်ရွေ့လိုက်သဖြင့် လာရောက်လည်ပတ်သူများအ ခက်တွေ့ နေကြောင်း ကြားသိရသည်။

#PPV-006
#Taunggyi
#သူခိုး
#တန်ဆောင်တိုင်ကာလ
#ပွဲတော်

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

စစ်ကောင်စီကလေကြောင်းဖြင့်ဗုံးကြဲတိုက်ခိုက်၍ ဖယ်ခုံမြို့နယ် ကာလကျေးရွာစစ်ရှောင် ၂ ဦးသေဆုံး
.........................
ခမ်းသားငေါဝ်း
နိုဝင်ဘာ ၉၊ ၂၀၂၄

https://www.facebook.com/share/p/15h6ZYyYXr/

ဖယ်ခုံမြို့ အရှေ့ဖက်ကမ်းရှိ ကာလ ကျေးရွာတွင် တိုက်ပွဲဖြစ်ပွားခြင်းမရှိဘဲ စစ်ကောင်စီက လေကြောင်းဖြင့်ဗုံးကြဲတိုက်ခိုက်ခဲ့၍ စစ်ရှောင် ၂ ဦးသေဆုံးပြီး ၁ ဦးဒဏ်ရာရ ခဲ့ကြောင်း ရှေ့တန်းမြေပြင် သတင်းရင်းမြစ် တစ်ဦးထံသိရသည်။

ရှမ်းပြည်နယ်တောင်ပိုင်း၊ ဖယ်ခုံမြို့ အရှေ့ဖက်ကမ်းရှိ ကာလကျေးရွာတွင် နိုဝင်ဘာလ ၈ ရက်နေ့ ည ၁၁ နာရီခွဲအချိန်က တိုက်ပွဲဖြစ်ပွားခြင်းမရှိဘဲ စစ်ကောင်စီ လေကြောင်းဖြင့် ဗုံး ၄ လုံးကြဲချတိုက်ခိုက်ခဲ့ခြက်းဖြစ်သည်။

'' မနေ့ည ၁၁ ခွဲလောက်လာကြဲသွားတယ်၊ စစ်ရှောင် ၂ ဦးသေသွားတယ်၊ ၁ ဦးဒဏ်ရာရတယ်၊ နေအိမ်တွေလည်း အနည်းဆုံး ၄ လုံး ပျက်စီးသွားတယ်'' ဟု ရှေ့တန်းမြေပြင်သတင်းရင်းမြစ် တစ်ဦးကပြော သည်။

အဆိုပါကာလကျေးရွာတွင် တိုက်ပွဲဖြစ်ပွားနေခြင်းမရှိဘဲ စစ်ရှောင်များသာ ရှိနေကြောင်းသိရသည်။

ပြီးခဲ့သည့် စက်တင်ဘာလတွင်လည်း စစ်ကောင်စီက တိုက်ပွဲဖြစ်ပွားခြင်းမရှိဘဲ ဖယ်ခုံအနောက်ဖက်ရှိ စစ်ရှောင်စခန်းတစ်ခုကို လေကြောင်းတိုက်ခိုက်မှုပြုလုပ်ခဲ့သောကြောင့် ပြည်သူ ၉ ဦးသေဆုံးခဲ့သည်။

#PPV 003
#Humanright
#လေကြောင်းတိုက်ခိုက်
#ဖယ်ခုံအရှေ့ဘက်
#စစ်ရှောင်

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

လွိုင်ကော်တွင် စစ်ကောင်စီက အမျိုးသားများအား စစ်မှုထမ်းခေါ်ယူနေ
.......................
ခမ်းသားငေါဝ်း
နိုဝင်ဘာ ၉၊ ၂၀၂၄

https://www.facebook.com/share/p/17Bni6EX6G/

လွိုင်ကော်မြို့တွင် စစ်ကောင်စီက အမျိုးသားများအား စစ်မှုထမ်းခေါ်ယူနေ ကြောင်း စစ်ရှောင်နေသူ ဒေသခံအမျိုးသားတစ်ဦးထံမှသိရသည်။

ကရင်နီ( ကယား)ပြည်နယ်၊ လွိုင်ကော်မြို့တွင်း နေထိုင်နေသည့် အသက် ၃၀ မှ ၅၀ နှစ်ကြားအမျိုးသားများအား အောက်တိုဘာလမှစတင်ပြီး ပြည်သူ့လုံခြုံရေးအတွက်ဆိုကာ စစ်မှုထမ်းခေါ်ယူနေသည်။

" သူတို့ ( စစ်ကောင်စီ) ကရပ်ကွက်လုံခြုံရေးအတွက် ဆိုပြီး ပြည်သူ့စစ်ပုံစံမျိုးဖွဲ့မယ်လို့ပြောတယ်၊ အဲ့ဒါ သူတို့ထိန်းချုပ်တဲ့မြို့ပဲလေ၊ ဘာမှပြောလို့ရလိုက်မှာမဟုတ်ဘူး ခေါ်တာနဲ့ တန်းသွားရမှာပဲ'' ဟု စစ်ရှောင်နေသူ ဒေသခံတစ်ဦးက ခမ်းသားငေါဝ်းကိုပြောသည်။

စစ်ကောင်စီကစစ်မှုထမ်းခေါ်ယူနေသောကြောင့် အမျိုးသားအချို့တိမ်းရှောင်နေရကြောင်းသိရသည်။

'' တစ်ချို့ ယောက်ျားလေးတွေကတော့ပြန်ပြေးနေကြပြီ၊ စစ်ကောင်စီက ပြည်သူ့လုံခြုံရေးလို့သာပြောတာ လိုအပ်ရင်ရှေ့တန်းပါသွားခိုင်းမှာပဲ၊ အစကတည်းက လွိုင်ကော်မြို့ အေးချမ်းတည်ငြိမ်ပြီး ပြန်လာနေလို့ရပြီလို့ စစ်ကောင်စီက ဝါဒဖြန့်တာတွေကိုမယုံဖို့လိုတယ်၊ အခုတော့နောက်တစ်ခါပြန်ပြေးတော့ ဒုက္ခပိုရောက်ရတာပေါ့ '' ဟု ၎င်း ကဆက်ပြောသည်။

စစ်ကောင်စီက လွိုင်ကော်မြို့ ရပ်ကွက်တော်တော်များများကို ပြန်လည်ထိန်းချုပ်ထားနေပြီး စစ်အင်အားဖြည့်တင်းမှုများဆက်လက်ပြုလုပ်နေကြောင်းသိရသည်။

photo online

#PPV 003
#Humanright
#လွိုင်ကော်
#ပြည်သူ့စစ်
#WhatHappenInMyanmar

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

တောင်ကြီးမြို့တွင် ဝိုင်ဖိုင်လိုင်းများကို အချိန်ပိုင်း ဖြတ်တောက် နေသည်မှာ ၂ ရက်ရှိပြီ ဖြစ်ပြီး vpn များကိုလည်း ဘမ်းနေ
...........................
ခမ်းသားငေါဝ်း
နိုဝင်ဘာ ၉၊၂၀၂၄

https://www.facebook.com/share/p/1GV1P1aXLN/

ရှမ်းပြည်နယ် တောင်ပိုင်းတောင်ကြီးမြို့တွင် ဝိုင်ဖိုင် လိုင်းများကို အချိန်ပိုင်း ဖြတ်တောက် နေသည်မှာ ၂ ရက်ရှိပြီ ဖြစ်ပြီ vpn ဆာဘာ များကိုလည်းဘမ်းနေကြောင်း ကြားသိရသည်။

နိုဝင်ဘာလ (၇) ရက် ညနေပိုင်း အချိန်တွင် ဝိုင်ဖိုင် လိုင်းများ အားလုံးကို ဖြတ်တောက်ထားခြင်း ဖြစ်ကာညပိုင်း အချိန်ရောက်မှ ပြန်ဖွင့်ပေးကြောင်းနောနိုဝင်ဘာလ (၈) ရက် မွန်းလွဲပိုင်းတွင် လည်း ဝိုင်ဖိုင်များ ပြတ်တောက်နေပြီး ညပိုင်း အချိန်ရောက်မှ ဝိုင်ဖိုင် လိုင်းပြန်ရခြင်း ဖြစ်ကြောင်း သိရသည်။

"ခုရက်ပိုင်း သိသာလာတာ က ဝိုင်ဖိုင် တွေက အချိန်ပိုင်း ဖြတ်တောက်နေတာ ၂ ရက် ရှိနေပြီ။ ဖုန်းနဲ့ သုံးတဲ့ VPNတွေလည်း သုံးလို့မရတာ သိသာလာတယ်။”ဟု ဒေသခံ တစ်ဦးက ပြောသည်။

မိုဘိုင်းဖုန်းဖြင့် အသုံးပြုနေသော vpn များကိုလဲ အသုံးမပြုနိုင်ရန် ဘမ်းနေသဖြင့် တစ်ခု မှ အသုံးပြုရ အဆင်မပြေကြောင်းစစ်တပ်အာဏာသိမ်းပြီးနောက်ပိုင်းတွင် အခကြေးငွေဖြင့် အသုံးပြုနေသော vpn များကို ပင် ဆာဘာ အလုံးလိုက် ဘမ်းနေသဖြင့် နာမည် တစ်မျိုးပြီး တစ်မျိုး ပြောင်းထုတ်ခြင်း၊ vpn Version များကို အသစ် များ ဆင့်ကဲ ဆင့်ကဲ ထပ်ထုတ်နေရခြင်း ရှိကြောင်း vpn ရောင်းချသူများထံမှ သိရသည်။

တောင်ကြီး တန်ဆောင်တိုင် ပွဲတော် နီးကပ်လာချိန် ဝိုင်ဖိုင်များကို အချိန်ကိုက် ဖြတ်တောက်နေခြင်း ဖြစ်နိုင်ကြောင်း မြို့ခံ အချို့ က ထင် ကြေး ပေးနေကြသည်။

၂၀၂၄ ခုနှစ် စက်တင်ဘာလ(၁၁) ရက် ရေကြီးစဉ် ကာလ အတွင်းမှာလည်း တလကျော်သည် အထိ ဝိုင်ဖိုင်လိုင်းများ ပြတ်တောက်ခြင်း ရှိခဲ့ပြီး၊ တစ်ပတ်ကျော် ကြာပြီးနောက် အက်တမ် ဖုန်းလိုင်း သာလျှင် စတင် အင်တာနက် သုံးနိုင်ခြင်း ရှိခဲ့ကြောင်း သိရသည်။

ထိုသို့ ရေကြီးစဉ်ကာလ ၀ိုင်ဖိုင် လိုင်းများ ပြတ်တောက်ခြင်းကြောင့် တစ်လကျော် ကာလအတွင်း ဖုန်းဘေလ် ဖြင့် အင်တာနက် အသုံးပြုကြရသဖြင့် အပိုထွက်ငွေ များစွာ နစ်နာမှု ရှိကြောင်း ဝိုင်ဖိုင် အသုံးပြုသူ တစ်ဦး က ထောက်ပြပြောဆိုထားသည်။

#PPV-006
#Humanright
#vpn
#wifi
#တောင်ကြီး

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

ရာသီဥတုအခြေအနေကြောင့်စစ်ကောင်စီပြုလုပ်မည့် တောင်ကြီးတန်ဆောင်တိုင်ပွဲတော်ရက်ပြောင်းရွေ့ ကျင်းပ
....................
ခမ်းသားငေါဝ်း
နိုဝင်ဘာ ၉၊၂၀၂၄

https://www.facebook.com/share/p/19suyxEF5y/

ယခုနှစ် စစ်ကောင်စီ ကျင်းပမည့် တောင်ကြီးတန်ဆောင်တိုင် မီးပုံးပျံပွဲတော်ကို ရာသီဥတု အခြေအနေကြောင့် ရက်ပြောင်းရွေ့ ကျင်းပသွားမည်ဖြစ်ကြောင်းသိရသည်။

ရှမ်းပြည်နယ်တောင်ပိုင်း၊ တောင်ကြီးမြို့ တန်တောင်တိုင်ပွဲတော်ကို နိုဝင်ဘာ ၉ ရက်နေ့မှ ၁၅ ရက်နေ့အထိ ကျင်းပသွားမည်ဟု ယာထားသော်လည်း မိုးအဆက်မပြတ်ရွာသွန်းနေမှုကြောင့် နိုဝင်ဘာလ ၁၁ ရက်မှ ၁၇ ရက်အထိ ပြောင်းရွေ့ကျင်းပသွားမည်ဟုဆိုသည်။

'' မိုးကဒီလိုတစ်နေကုန် ရွာနေရင် ပွဲလုပ်လည်း လူကရှိမှာမဟုတ်ဘူး၊ မီးပုံးပျံလွတ်ရင်လည်း အဆင်ပြေနိုင်မှာမဟုတ်ဘူးလေ၊ လူမစည်မှာ စိုးလို့ ရက်ပြောင်းထားတာနေမှာ'' ဟု တောင်ကြီး ဒေသခံအမျိုးသားတစ်ဦးက ခမ်းသားငေါဝ်းကိုပြောသည်။

ယခုနှစ် တောင်ကြီးတန်ဆောင်တိုင်မီးပုံးပျံပွဲတော်တွင် မီးပုံးပျံ ညမီးကြီး ယမ်းမီး ၂၆ လုံး၊ စိန်နားပန် မီးပုံးပျံ ၂၄ လုံး၊ နေ့လွတ် ခြေနှစ်ချောင်း ၁၄၇ လုံး၊ ခြေလေးချောင်း ၃၈ လုံး၊ အရုပ်အုပ်စု ၃၈ လုံး ပါဝင်ယှဥ်ပြိုင်သွားမည်ဖြစ်ကြောင်းသိရသည်။

#PPV 003
#ပွဲတော်
#တောင်ကြီး တန်ဆောင်တိုင်
#မီးပုံးပျံပွဲ
VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

နေင်ႏ(၁၃၈၆)ဗာႏ တထိန်ႏလာဆန်ꩻ(၈)နီꩻ၊ ခရာဇ်နေင်ႏ(၂၀၂၄) နိုဝင်ဘာလာ(၈)နီꩻ၊ မွူးနီꩻသောကျာႏ မွူးဟာခိုႏငိမ်ꩻခွꩻရျူႏအခိန်ႏ အောဝ်ႏခမ်းသားငေါဝ်းသေသင်ꩻသတင်ꩻ တလီꩻလောင်းအခြပ်အရဲဥ်ႏကို အီႏဒေ့ါꩻနယ်လွေꩻဖေႏယင်း သတင်ꩻထူꩻဖိုင်ႏနဝ်ꩻ------------------

ကောပ်ခမ်းလော့ꩻတရွꩻလွေꩻထာꩻတဲင် မောက်ꩻမုဲင်ႏဝေင်ꩻကိုထီလွန်းထီတန်မုထွာလွေꩻယင်းသတင်ꩻ၊ ထာꩻမာꩻအဆင်ႏတပြေႏတဝ်းတွော့ꩻ တွိုႏထုဲင်ꩻပအိုဝ်ႏလိုꩻယွဲးဝင်ꩻမူႏဝင်ꩻခိုဝင်ꩻနီဖြာꩻယို စို့ꩻသီချာအနမ်းသတင်ꩻ၊ ထုဲင်ꩻခမ်းကို တပတ်အတွင်ꩻဆောမ်ꩻလꩻလွေꩻမန်းခမ်းသားတရျာꩻလွိုသတင်ꩻ တောမ်ႏသꩻဝင်ႏစာꩻခရာႏ သတင်ꩻအလင်ဖိုင်ႏထွူ အီႏခြုဲင်းနယ်လွေꩻဖေႏပါယင်း “သတင်ꩻမီဒီယာအခရာႏ လိုႏသေနာႏ(၅)” ရောမ်ဖြုဲင်ꩻနဝ်ꩻသွူ။

#Khamsarngor
#podcast
#radio
#pao

မိုးအဆက်မပြတ်ရွာသွန်းမှုကြောင့် ကျေးသီးဒေသ လယ်စပါးပျက်စီးမှု ကြုံနေရ
...................
ခမ်းသားငေါဝ်း
နိုဝင်ဘာ ၈၊ ၂၀၂၄

https://www.facebook.com/share/p/19YaJnziAt/

ကျေးသီးမြို့နယ်ရှိ ကျေးရွာအချို့တွင် ယခုရက်ပိုင်း မိုးအဆက်မပြတ်ရွာသွန်းမှုကြောင့် ရိတ်ထားသည့် လယ်ယာစပါးများ ရေမြှုပ် ပျက်စီးမှု ကြုံနေရကြောင်း နိုဝင်ဘာ (၈)ရက် ယနေ့တွင် စုံစမ်းသိရသည်။

ရှမ်းပြည်နယ်တောင်ပိုင်း ကျေးသီးမြို့နယ်ရှိ ကျေးရွာအချို့တွင် (၃)ရက် ဆက်တိုက်မိုးရွာသွန်းမှုကြောင့် မိုးမရွာခင်ရက်ပိုင်းက ရိတ်သိမ်းပုံထားသည့်စပါးနေရာတွင် ရေတက်လာခြင်းကြောင့် စပါးပျက်စီးမှု ကြုံနေရသိရသည်။

"မိုးလေဝသ သတင်းဘာညာလည်း ငါတို့မသိဘူးလေ။ ဆက်တိုက်ရွာမှန်းမသိတော့ ရိတ်ထားလိုက်တာ အခုတော့ ရေထဲကနေ ပြန်သယ်ယူနေရတာ တချို့တော့ အပင်ပေါက်နေပြီ"ဟု ဒေသခံ‌ တောင်သူတစ်ဦးက ပြောသည်။

နောက်ထပ် တောင်သူ တစ်ဦးကလည်း "အရင်နှစ်တွေက ဒီနေရာဆို ရေတက်တာ မရှိဖူးဘူး။ အခုက ကျဖို့တောင်မမြင်ဘူး။ ပျက်စီးမှု အရမ်းမများပါစေနဲ့ပဲ ဆုတောင်းတယ်" ဟု ခမ်းသားငေါဝ်းကို ပြောသည်။

ပြီးခဲ့သည့် နိုဝင်ဘာ ၆ ရက်နေ့က မိုးအဆက်မပြတ်ရွာသွန်းမှုနိုင်ရြောက်း မိုးဇလ ဌာနက ခန့်မှန်းသတိ ပေးထားသည့်အတိုင်း ယ်နေ့အထိ မိုးဆက်လက်ရွာသွန်းနေသည်။

မြန်မာနိုင်ငံတွင် ယခုနှစ်အတွင်း မိုးများမှုကြောင့် ရေကြီးရေလျှံမှုဖြစ်ကာ တောင်ပြိုခြင်း၊ ရေတက်ခြင်းတို့ကြောင့် နေအိမ်များ၊ တောင်ယာခင်းများ များစွာ ပျက်စီးဆုံးရှုံးမှု ကြုံနေရကြောင်း သိရသည်။

ယခု ရက်ပိုင်းလည်း ရှမ်းပြည်နယ်တောင်ပိုင်းတွင် မိုးဆက်လက်ရွာသွန်းနိုင်သောကြောင့် မြေပြိုခြင်း၊ တောင်ပြိုခြင်းစသော သဘာဝဘေးအန္တာရာယ်ကို သတိထားရန် လိုအပ်ကြောင်း မိုးလေဝသ သတင်း လေ့လာစောင့်ကြည့်သူများက အသိပေးထားသည်။

#PPV0011
#သဘာဝဘေး
#မိုးဆက်တိုက်ရွာ
#စပါးရေမြှုပ်
#ကျေးသီးမြို့နယ်

VPNအခက်အခဲကြောင့်သတင်းများကို Facebook မှာ ကြည့်ရှုရန် အဆင်မပြေပါက The people's voice - ခမ်းသားငေါဝ်း ရဲ့ YouTube Channel ကို subscribe လုပ်ထားရုံ၊ Telegram join ထားရုံ၊Tiktok like ထားရုံနဲ့ သတင်းတွေကို အချိန်နဲ့တပြေးညီ ကြည့်ရှုနိုင်မှာဖြစ်ပါတယ်။
youtube channel
www.youtube.com/@khamsarngor7295
ခမ်းသားငေါဝ်း Burmese Version
https://www.facebook.com/KhamSarNgor
ခမ်းသားငေါဝ်း English Version
https://www.facebook.com/KSNEnglish/
website
https://www.thepeoplevoicepaoh.com/
ခမ်းသားငေါဝ်း Telegram
t.me/ppv21
ခမ်းသားငေါဝ်း Tittok www.tiktok.com/@khamsarngor1
ခမ်းသားငေါဝ်း N -social
https://mita.website/d/social.php?r=ur1534

https://x.com/thepeoples62271/status/1848684334871355418?s=46

ပင်လောင်းတောင်ဘက် မိုင်းဖြတ် လွယ်ဖွီးရွာဘက်တွင် တိုက်ပွဲပြင်းထန်နေ
.......................................

ခမ်းသားငေါဝ်း
အောက်တိုဘာ ၂၂၊ ၂၀၂၄

https://www.facebook.com/share/p/Aa7aUktDnkSTomwb/

ပင်လောင်းတောင်ဘက်တွင် တိုက်ပွဲပြင်းထန်နေဆဲဖြစ်ပြီး စစ်ကောင်စီက လေကြောင်းနှင့် လက်နက်ကြီးဖြင့် အပြင်းအထန်တိုက်ခိုက်နေကြောင်း အောက်တို ဘာလ (၂၂)ရက်‌နေ့တွင် ရှေ့တန်းသတင်းရင်းမြစ်တစ်ဦးထံမှ သိရသည်။

ရှမ်းပြည်နယ်တောင်ပိုင်း၊ ပင်လောင်းမြို့နယ်တောင်ဘက် ရှမ်း-ကယားနယ်စပ်တွင် စက်တင်ဘာလဒုတိပတ်မှစတင်ကာ ယနေ့ထိတိုင်စစ်ကောင်စီ၊ လက်အောက်ခံ PNOပြည်သူ့စစ်နှင့် တော်လှန်ရေးအင်အားတပ်ပေါင်းစုတို့ တိုက်ပွဲပြင်းထန်နေဆဲဖြစ်ပြီး စစ်ကောင်စီတပ်ဘက်က လေကြောင်းနှင့် လက်နက်ကြီးများအသုံးပြုကာ အပြင်းအထန်တိုက်ခိုက်နေကြောင်း သိရသည်။

“တိုက်ပွဲအခြေအနေကတော့ ပြင်းထန်နေဆဲပဲ၊ အခုရက်ပိုင်းတိုက်ပွဲအဓိကဖြစ်တာကတော့ ပင်လောင်းမြို့နယ် မိုင်းဖြတ်နဲ့ လွယ်ဖွီးရွာတွေဘက်မှာပဲ၊ စစ်ကောင်စီကလည်း လွယ်ဖွီးဘက်မှာရော မိုးဦးဘက်မှာပါ လက်နက်ကြီးအထိုင်ချပြီး နေ့တိုင်းနီးပါးပစ် လေယာဥ်နဲ့ရော ဗုံးနေ့တိုင်းလာကြဲတယ်” ဟုရှေ့တန်းစစ်မြေပြင် သတင်းရင်းမြစ်တစ်ဦးက ခမ်းသားငေါဝ်းကိုပြောသည်။

တိုက်ပွဲအတွင်းတွင် စစ်ကောင်စီနှင့် PNOပြည်သူ့စစ်ဘက်က (၁၀၀)ဦးခန့်ထိခိုက်ကျဆုံးမှုရှိပြီး တော်လှန်ရေးအင်အား တပ်ပေါင်းစုတွေဘက်ကလည်း ထိခိုက်ကျဆုံးမှုရှိကြောင်း ၎င်းကပြောသည်။

နောက်ဒေသခံတစ်ဦးကလည်း “ဒီဘက်မှာအခြေအနေကတော့ သိပ်မ‌ကောင်းဘူး၊ ကျွန်တော်တို့က တိုက်ပွဲဖြစ်တဲ့နေရာနဲ့က မလှမ်းမကမ်းပဲဆိုတော့လေ အခုလောလောဆယ်တော့ သူတို့(စစ်ကောင်စီ)မပြေးခိုင်းသေးဘူး၊ အခြေနေဆိုးရင်တော့ ပြေးရမှာပေါ့” ဟုခမ်းသားငေါဝ်းကိုပြောသည်။

တိုက်ပွဲဖြစ်ပွားသည့် နောင်ဝိုးရွာဘက်နှင့် မလှမ်းမကမ်းရှိနေသည့် မိုးဦးရွာဘက်တစ်ကျောတွင်လည်း စစ်ကောင်စီက ညနေ(၆)နာရီမှ မနက်(၆)နာရီအထိ အပြင်မထွက်ကြရန် ပြောထားကြောင်း ဒေသခံပြောပြချက်အရ သိရသည်။

စစ်ကောင်စီတပ်သည် နေ့စဥ်နီးပါး လက်နက်ကြီးနှင့် လေကြောင်းဖြင့် ပစ်ခတ်တိုက်ခိုက်နေသည့်အတွက် ကြောင့်တောတောင်ထဲတွင် စစ်ရှောင်နေရသည့်ဒေသခံများအတွက် ထပ်မံရှောင်တိမ်းရန်အခက်အခဲရှိနေပြီး စားဝတ်နေရေးအတွက်လည်း အခက်အခဲများရှိနေကြောင်း သိရသည်။

#PPV007
ဓာတ်ပုံ-အွန်လိုင်း
#စစ်ရေး
#လူ့အခွင့်အရေး
#ပင်လောင်းမြို့နယ်တောင်ဘက်
#ရှမ်း-
#ကယားနယ်စပ်တွင်
#PNOပြည်သူ့စစ်
#တော်လှန်ရေးအင်အားတပ်ပေါင်းစုများ
#လေကြောင်း
#လက်နက်ကြီး
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7

အာဏာသိမ်းပြီး နောက် စစ်ရေးပဋိပက္ခဖြစ်ပွား ပြီး နယ်စပ်ကုန်သွယ်ရေး ရပ်နားထားရတာကြောင့် ကုန်ဈေးနှုန်းတွေမြှင့်တက်လာလို့ ပြည်သူတွေ စားဝတ် နေရေး အခက်ခဲနဲ့ ရင်ဆိုင်နေရ

အများသုံးကား ဝယ်ရန်ဟုဆိုကာ တစ်အိမ်အနည်းဆုံး ၇ သောင်းကျပ် ကောက်ခံမည်ဟုဆို
....................................

ခမ်းသားငေါဝ်း
အောက်တိုဘာ ၂၂၊ ၂၀၂၄

https://www.facebook.com/share/p/bZ21Gn3Qxm9Tm2k2/

ဆီဆိုင်မြို့ ဟိုခဲရပ်ကွက်တွင် အများသုံးကား၀ယ်ရန် တစ်အိမ်လျှင် အနည်းဆုံးခုနှစ်သောင်းကျပ်ကောက်ခံသွားမည်ဖြစ်ကြောင်း ဒေသခံထံက သိရသည်။

ရှမ်းပြည်နယ်တောင်ပိုင်း ဆီဆိုင်မြို့ ဟိုခဲရပ်ကွက်တွင် အများသုံးကားမရှိသေးသည့်အတွက် ရပ်ရွာအတွင်းအဆင်ပြေစေရန်၊ ကားတစ်စီး၀ယ်ရန်အတွက် ရပ်ကွက်အတွင်း တစ်အိမ် အနည်းဆုံးခုနှစ်သောင်းကျပ် ကောက်ခံသွားမည်ဟုသိရသည်၊၊

“ရွာမှာကကိုယ်ပိုင်ကားရှိတာကနည်းတယ် အခါတိုင်းသူတို့ဟာနဲ့သုံးရင် ပြောစရာဖြစ်မှာစိုးတယ်‌၊ အဲကြောင့်ရပ်ရွာအတွက်အဆင်ပြေအောင်ဆိုပြီး ၀ယ်မယ်ပြောတာပဲ၊ ရပ်ရေးရွာရေးအတွက်ဓာတ်ဆီ၊ ဒီဇယ်တွေ၀ယ်ထည့်ပြီးသုံးပေါ့ဆိုပြီးပြောတယ်”ဟု ဒေသခံအမျိူးသမီးတစ်ဦးက ခမ်းသားငေါဝ်းကို ပြောသည်။

၀ယ်မည့်ကားကိုရပ်ရွာအရေးတွင် သုံးရန်နှင့်ချောဆွဲခေါ်ရာတွင် သုံးရန်အတွက်အသုံးပြုမည်ဖြစ်‌ကြောင်း ၊ ယခုဆီဆိုင်တွင်ကားရှိတဲ့အိမ်များက ချောဆွဲလိုက်ရတာတွေရှိသည့်အပြင် လူ‌တွေလဲလိုက်သွားရကြောင်း သိရသည်။

“ချောဆွဲတာခေါ်တဲ့နောက်ပိုင်း ကားရှိတဲ့အိမ်တွေကလိုက်‌နေကြရတော့ ကားရှိတဲ့လူတွေက အိမ်မှာမနေချင်ကြတော့ဘူးလေ၊ သူတို့အတွက်မမျှတဘူးအဲကြောင့်အခြားနေရာမှာပြောင်းရွှေ့နေထိုင်ကြတာများတယ်၊ ရွာကိုမပြန်နေကြတော့ဘူး ကားမရှိတဲ့အိမ်ကလဲ လူလိုက်သွားရတာရှိတယ်”ဟု ဒေသခံတစ်ဦးကပြောသည်။

ဟိုခဲရပ်ကွက်တွင် အိမ်‌ခြေ(၂၀၀)ရှိပြီး ဆီဆိုင်မြို့တွင် စစ်ပွဲဖြစ်ပြီးနောက်ပိုင်း ကားချောဆွဲခြင်းများလည်းရှိကြောင်း စစ်ကောင်စီ၏ စစ်မူထမ်းခေါ်ယူမှုထုတ်ပြန်ချက်ထုတ်ပြီး ယခုတွင်စစ်မှုထမ်းရန်လိုက်သွားရသည့် လူငယ်များလည်းရှိနေကြောင်း သိရသည်။

PPV0014
#လူ့အခွင့်အရေး
#ဆီဆိုင်မြို့
#ဟိုခဲရပ်ကွက်
#ကိုယ်ပိုင်ကား
#အများသုံးကား
#ရပ်ရွာအတွင်းအဆင်ပြေစေရန်
#ကားတစ်စီး၀ယ်ရန်
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7

အပူပိုင်းမုန်တိုင်းအရှိန်ကြောင့် ရေလွမ်းမိုးခြင်း၊မိုးကြိုးပစ်ခြင်းနှင့်၊ လေပြင်းတိုက်ခိုက်ခြင်းများဖြစ်ပေါ်လာနိုင်ကြောင်း NUG အသိပေး
................................................

ခမ်းသားငေါဝ်း
အောက်တိုဘာ ၂၂၊ ၂၀၂၄

https://www.facebook.com/share/p/KZeiQD9zFn7SoXXm/

အပူပိုင်းမုန်တိုင်းအရှိန်ကြောင့် မြို့ပြဒေသများတွင် ရေလွှမ်းမိုးခြင်း၊ မိုးကြိုးပစ်ခြင်းနှင့် လေပြင်းတိုက်ခတ်ခြင်းများဖြစ်ပေါ်နိုင်သည့်အတွက် လုံခြုံသည့်နေရာများတွင် သတိပြု နေထိုင်နိုင်ကြပါရန် NUG ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက အောက်တိုဘာလ ၂၂ ရက်နေ့တွင် အသိပေးထုတ်ပြန်ထားသည်။

ထို့အပြင် မုန်တိုင်းအရှိန်ကြောင့် မိုးသည်းထန်ခြင်း၊ လေပြင်းတိုက်ခိုက်ခြင်း၊ပင်လယ်ပြင်တွင်လိုင်းကြီးခြင်းများ ဖြစ်လာနိုင်သောကြောင့် ပင်လယ်ပြင်ငါးဖမ်းထွက်ခြင်းကို ခေတ္တရပ်နားထားသင့်ကြောင်းလည်း အသိပေးထားသည်။

ထို့အတူ ရန်ကုန်တိုင်း၊ ဧရာဝတီတိုင်းနှင့် မကွေးတိုင်းတို့တွင် နေရာအနှံ့အပြား၊ တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ စစ်ကိုင်းတိုင်း၊ မကွေးတိုင်း၊ မန္တလေးတိုင်းနှင့် ပဲခူးတိုင်းတို့တွင်နေရာကွက်၍မိုးကြီးခြင်းနှင့် ရှမ်းပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင်နေရာကျဲကျဲ မိုးရွာသွန်းခြင်းများ ဖြစ်ပေါ်နိုင်ကြောင်းသိရသည်။

နိုင်ငံတကာမိုးလေဝသဌာနများ၏ ၂၀၂၄ ခုနှစ်၊ အောက်တိုဘာလ (၂၂)ရက်နေ့၊ နံနက်ပိုင်း ခန့်မှန်းချက် များအရ ဘင်္ဂလားပင်လယ်အော် အရှေ့အလယ်ပိုင်းတွင် ဖြစ်ပေါ်လျက်ရှိသည့် လေဖိအားနည်းရပ်ဝန်းသည် ပိုမိုအားကောင်းလာကာ အပူပိုင်းမုန်တိုင်းငယ်အဖြစ်သို့ရောက်ရှိလာကာ လာမည့် ၂၄ နာရီအတွင်း ဆိုင်ကလုန်းမုန်တိုင်းအဖြစ်ပိုမိုအားကောင်းလာပြီး အနောက်မြောက်ဘက်သို့ ဦးတည်ရွေ့လျားမည် ဖြစ်သောကြောင့် မြန်မာ့ပင်လယ်ပြင်နှင့် ကမ်းရိုးတန်းဒေသများတွင် လှိုင်းကြီးခြင်းများနှင့် လေပြင်းတိုက်ခတ်ခြင်းများဖြစ်ပေါ်နိုင်ကြောင်းသိရသည်။

PPV 003
ဓာတ်ပုံ-NUG
#မိုးလေဝသ
#ရန်ကုန်တိုင်း
#ဧရာဝတီတိုင်း
#မကွေးတိုင်း
#တနင်္သာရီတိုင်း
#မွန်ပြည်နယ်
#ကရင်ပြည်နယ်
#စစ်ကိုင်းတိုင်း
#မကွေးတိုင်း
#မန္တလေးတိုင်း
#ပဲခူးတိုင်း
#ရှမ်းပြည်နယ်
#ချင်းပြည်နယ်
#ရခိုင်ပြည်နယ်
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7

တောင်ကြီးမြို့နယ်တွင် ရေကြီးရေလျှံဖြစ်ပြီး ခရမ်းချဥ်သီးတစ်ပိဿာ ၆၀၀၀ ကျပ်ထိစျေးနူန်းမြှင့်တက်နေ
....................................

ခမ်းသားငေါဝ်း
အောက်တိုဘာ ၂၁၊ ၂၀၂၄

https://www.facebook.com/share/p/cnR3TykUWCTamk7z/

တောင်ကြီးမြို့တွင်အောက်တိုဘာလအတွင်းခရမ်းချဥ်သီးတစ်ပိဿာ ၆၀၀၀ ကျပ်ထိစျေးနူန်းမြှင့်တက်လာကြောင်းဒေသခံထံမှသိရသည်။

ရှမ်းပြည်နယ်တောင်ပိုင်း၊တောင်ကြီးမြို့တွင်အောက်တိုဘာလ ၁၈ ရက်နေ့ကခရမ်းချဥ်သီးတစ်ပိဿာကို ၄၀၀၀ ကျပ်ရှိရာကနေရက်ပိုင်းအတွင်းမှာပဲ ၆၀၀၀ ကျပ်ထိစျေးမြှင့်တက်လာကြောင်းသိရသည်။

"အရင်ထက်တော့စျေးတက်လာတယ်၊စက်တင်ဘာလတုန်းဆိုတစ်ပိဿာမှ၂၀၀-၃၀၀ထိဘဲ၊ ရေကြီးရေလျှံဖြစ်ပြီးနောက်ခရမ်းချဥ်သီးဈေးတစ်ဖြည်းဖြည်းချင်းတက်လာတယ်၊သူချည်းဘဲတက်တာမဟုတ်ဘူးလေ၊တစ်ခြားသီးနှံတွေရောဘဲတက်တယ်"ဟုကုန်စိမ်းသည်အမျိူးသမီးတစ်ဦးကပြောသည်။

စက်တင်ဘာလတွင်ခရမ်းချဥ်သီးတစ်ပိဿာဈေးအများဆုံး၅၀၀ကျပ်သာရရှိသောကြောင့်လမ်းဘေးတွင်သွန်ပစ်ခဲ့ရပြီးရေကြီးရေလျှံဖြစ်ပြီးနောက်ခရမ်းချဥ်သီးစျေးပြန်တက်လာရခြင်းဖြစ်သည်။

ခရမ်းချဥ်သီးစိုက်တောင်သူတစ်ဦးကလည်း"ခရမ်းချဥ်သီးကမိုးများရင်မိုးဒဏ်မခံနိုင်ဘူးလေ၊အပင်တွေအနာဖြစ်လာတယ်၊အပင်တွေအနာဖြစ်တော့ဆေးဖိုးတွေထပ်ကုန်ပြန်ရော၊နောက်ပြီးအမြန်ခူးရတယ်၊စျေးကွက်ထဲမှာသာစျေးကောင်းရနေတာ"ဟု၎င်းကပြောသည်။

ရှမ်းတောင်တွင်ခရမ်းချဥ်သီးအဓိကစိုက်ပျိူးသည့်ဒေသများမှာအင်းလေး၊ကလော၊အောင်ပန်း၊ပင်လောင်း၊နောင်တရား၊ ညောင်ရွှေစသည့်ဒေသများဖြစ်ကြောင်းသိရသည်။

#Photo-Online
#PPV0012
#တောင်ကြီးမြို့
#ခရမ်းချဥ်သီး
#ဈေးနုန်းမြှင့်
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7

နောင်ချိုနှင့် နမ့်ဆန်မြို့ကို စစ်ကောင်စီတပ်က လေကြောင်းဖြင့် ဗုံးကျဲရာ ပြည်သူ ၁ ဦးထိခိုက်ပြီး အဆောက်အဦးများပျက်စီး
.......................................

ခမ်းသားငေါဝ်း
အောက်တိုဘာ ၂၂၊ ၂၀၂၄

ရှမ်းပြည်နယ်မြောက်ပိုင်း နောင်ချိုမြို့နှင့် နမ့်ဆန်မြို့တို့ကို စစ်ကောင်စီတပ်က အောက်တိုဘာလ (၂၁)ရက်နေ့ ယနေ့ နံနက်ပိုင်းတွင် လေကြောင်းဖြင့် ဗုံးကျဲတိုက်ခိုက်မှု ပြည်သူ (၁)ဦး ထိခိုက်ဒဏ်ရာရရှိခဲ့ပြ အဆောက်အဦးများ ပျက်စီးခဲ့ကြောင်း (TNLA) က သတင်းထုတ်ပြန်ထားသည်။

နောင်ချိုမြို့ သပြေရပ်ကွက်တွင် အောက်တိုဘာ (၂၁) ယနေ့ နံနက် (၁)နာရီကျော်၌ စစ်ကောင်စီိကလေကြောင်းမှတစ်ဆင့် ပေါင်(၃၀၀)ဗုံး (၂)လုံး နှင့် ဗုံး(၆)လုံး လာရောက်ကျဲ ချတိုက်ခိုက်သွား‌ကြောင်း ဗုံးကျရောက်ပေါက်ကွဲမှုကြောင့် ဦးဂိုကာနတ်၏ နေအိမ်နှင့် ပါဟတ်ရပ်ကွက်ရှိ ဆိုင်ခန်းတချို့ ပျက်စီးကာ အရပ်သားတစ်ဦး ဒဏ်ရာရကြောင်း ဖော်ပြထားသည်။
"ရှောင်ဖို့ကလည်း ဘယ်နေရာသွားရှောင်ရမလဲ။ ငါတို့လည်း အဆင်ပြေမယ်ထင်တဲ့နေရာတော့ သတိထားနေနေတာပဲ။ ထိခိုက်တာက ပြည်သူတွေပဲဗျာ သူတို့အတွက် ဘာအကျိုးမြတ်ရတာလဲ မသိဘူး"ဟု နောင်ချို ဒေသခံတစ်ဦးက ပြောသည်။

အလားတူ နံနက်(၈)နာရီ မိနစ်(၃၀) တွင် နမ်ဆန်မြို့နယ် ကျောက်ဖြူလေးကျေးရွာကို စစ်ကောင်စီတပ်က လေကြောင်းဖြင့် လာရောက်ဗုံးကျဲတိုက်ခိုက်ခဲ့ပြီး ဘုန်းတော်ကြီးကျောင်းအတွင်း ကျရောက်ပေါက်ကွဲသဖြင့် ကျောင်းဆောင်တချို့ ပျက်စီးသွားကြောင်း သိရသည်။

အောက်တိုဘာလ (၁၉)ရက်နေ့တွင်လည်း စစ်ကောင်စီတပ်က ဂျက်ဖိုက်တာဖြင့် (၂)ကြိမ် လာရောက် ဗုံးကြဲတိုက်ခိုက်ရာ အရပ်သား(၄)ဦး သေဆုံးပြီး (၃)ဦး ဒဏ်ရာရရှိခဲ့ကြောင်း၊ သတင်းကျွတ်လပြည့်ညတွေလည်း စစ်ကောင်စီမှ နောင်ချိုမြို့အတွင် လေကြောင်း တိုက်ခိုက်မှုကြောင့် ပြည်သူ (၄)ဦး ဒဏ်ရာရခဲ့ကြောင်း သတင်းထုတ်ပြန်ခဲ့သည်။

PPV0011
ဓာတ်ပုံ-TNLA
#လေကြောင်းဖြင့်ဗုံးကြဲ
#နောင်ချိုမြို့
#နမ့်ဆန်မြို့
#အဆောက်အဦးများပျက်စီး
#TNLA
#ဘုန်းကြီးကျောင်း
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7

လားရှိုးမြို့ကို စစ်ကောင်စီက လေကြောင်းဗုံးကျဲမှု၊ လူ(၂)ဦး ထိခိုက်၊ အဆောက်အဦးပျက်စီး
.....................................

ခမ်းသားငေါဝ်း
အောက်တိုဘာ ၂၂၊ ၂၀၂၄

https://www.facebook.com/share/p/SsDuRNaYhzY6yFKB/

လားရှိုးမြို့ကို စစ်ကောင်စီမှ ထပ်မံဗုံးကျဲတိုက်ခိုက်သဖြင့် ဒေသခံပြည်သူ (၂)ဦးထိခိုက်ဒဏ်ရာရပြီး အဆောက်အဦးများ ပျက်စီးသွားကြောင်း သိရသည်။

ရှမ်းပြည်နယ် မြောက်ပိုင်း၊ MNDAA ထိန်းချုပ်ထားသည့် လားရှိုးမြို့၊ ရပ်ကွက် (၁၂)တွင် အောက်တိုဘာ(၂၂)ရက်၊ နံနက် (၁၂) နာရီကျော်အချိန်က စစ်ကောင်စီမှ လေကြောင်းဗုံးကျဲ တိုက်ခိုက်ခဲ့သည်၊၊

"ရပ်ကွက် (၁၂)ဘက်မှာ ကျတယ်။ လူသေတာတော့ မရှိဘူး။ အဆောက်အဦးတော့ ပျက်စီးကုန်တယ်"ဟု ဒေသခံတစ်ဦးက ပြောသည်။

စစ်ကောင်စီသည် ရှမ်းပြည်နယ် မြောက်ပိုင်းကို လေကြောင်းဖြင့် ဗုံးကျဲတိုက်ခိုက်မှု အကြိမ်ကြိမ်ပြုလုပ်နေပြီး လူသေဆုံးမှု၊ အဆောက်အဦးများစွာ ပျက်စီးမှု ရှိကြောင်း သိရသည်။

PPV0011
ဓာတ်ပုံ-အွန်လိုင်း
#လေကြောင်းဗုံးကြဲ
#MNDAA
#လားရှိုးမြို့
#ရပ်ကွက် (၁၂)
"မြေပြင်သတင်းများကို ခမ်းသားငေါဝ်းကဆက် လက် ရေးသားဖော်ထုတ်လျက်ရှိပါတယ်။ပြည်သူလူထုတွေအနေနဲ့ မြေပြင်သတင်းတွေ ဓာတ်ပုံ ၊ ဗီဒီယိုတွေ ပေးပို့လိုပါက ခမ်းသားငေါဝ်း page မှာလည်းကောင်း၊ ခမ်းသားငေါဝ်း signal နဲ့telegram နံပတ်ဖြစ်တဲ့ +959774725839 ကိုလည်းကောင်း လွတ်လပ်လုံခြုံစွာ သတင်းပေးပို့နိုင်ပါတယ်ခင်ဗျား။
signal - https://signal.me/#eu/b1BdB1VJ0J4DDza-uD79yC3cP7VuRGLNKT9z8_N_mdcUbrnJioZDPaAJDrB21W7