وەزارەتی پەروەردە / Ministry Of Education

ئەمڕۆ سێشەممە ۱٤ی۱ی۲۰۲٥، "ئالان حەمەسەعید ساڵح"وەزیری پەروەردەی حکومەتی هەرێمی کوردستان، بە ئامادەبوونى بەڕێزان پارێزگارى هەولێر و سەرۆکی یەکێتی مامۆستایانی کوردستان و بەرێوەبەری گشتی دیوانی وەزارەت و بەرێوەبەری گشتی رۆشنبیری و هونەر و بەرێوەبەری گشتی پەروەردەی هەولێر و بەرێوەبەری پەروەردەی ناوەندی هەولێر، لە هۆڵى گەلەرى میدیا، لە ژێرناونیشانى (هەولێر لە نێوان دوێنێ و ئەمڕۆدا )، بەشداری لە پێشانگەی شێوەکارى هاوبەشى مامۆستایانى هونەرمەند کرد.
دوای بەسەرکردنەوەی تابلۆکان وه‌زیری په‌روه‌رده‌ جگه‌ له‌ ده‌ربڕینی خۆشحاڵی بۆ گرنگی پێدان به‌جوانی سروشتی كوردستان هیوای سه‌ركه‌وتنی بۆ مامۆستایانی شێوەکار خواست.جێی ئاماژه‌یه‌ پێشانگایه‌كه‌ له‌ لایه‌ن بەرێوەبەرایەتی چالاکی قوتابخانەکان رێکخرابوو.

لینکی ئەپڵیکەیشنی ئی- هەڵسەنگاندن بۆ ئایفۆن (iOS )
https://apps.apple.com/app/e-halsangandn/id6738302171

لینکی ئەپلیکەیشنی ئی - هەڵسەنگاندن بۆ مۆبایلی ئەندرۆید Android
https://play.google.com/store/apps/details?id=com.eparwarda.ehalsangandn

🔴 لە ڕێکەوتی ٢٥ی ١٢ی ٢٠٢٤ پشووی سەرجەم ناوەندەکانی خوێندن دەستپێدەکات تا ٢ی ١ی ٢٠٢٥ .
لە رێکەوتی ٤ی ١ی ٢٠٢٥ هەڵسەنگاندنی بازنەی یەکەم و کرداری پیشەیی لە ناوەندەکانی خوێندن ئەنجامدەدرێت.

ئه‌مرۆ یەکشه‌ممە، ۲۲ی۱۲ی۲۰۲٤، "ئالان حەمەسەعید ساڵح" وه‌زیری په‌روه‌رده‌ی حکومەت هەرێمی کوردستان، به‌ئاماده‌بوونی به‌رێزان سەرۆکی دەستەی ئه‌مینداری زانكۆییەکانی جیهان و سەرۆکی زانکۆی ئەربیلی نێودەوڵەتی ، بەشداری کرد لە مەراسیمی کۆتایی خولی ڕاهێنانی زانکۆی ئەربیلی نێودەوڵەتی، کە بۆ ژمارەیەک مامۆستای شاری هەولێر لەبوارەکانی تەکنەلۆژیا و زیرەکی دەستکرد و زمانی ئینگلیزی ئەنجامدرا.
له‌مەراسیمەکەدا بروانامه‌ی رێزلێنان به‌سه‌ر مامۆستایان دابه‌شكرا .

خەمبار بووین بە بیستنی هەواڵی کۆچی دوایی مامۆستا و پەروەردەکار (محەمەد حەسەن جووجە) سەرۆکی پێشووتری یەکێتی مامۆستایانی کوردستان، بە ناوی وەزارەتی پەروەردەی حکومەتی هەرێمی کوردستان پرسە و سەرەخۆشی خۆمان ئاراستەی بنەماڵە و ئازیزانی دەکەین، رۆحی کۆچکردوو شادبێت.

انا لله وانا اليه راجعون

وەزارەتی پەروەردە
۲۱ی۱۱ی۲۰۲٤

سێشەممە ١٩ی ١١ ی ٢٠٢٤:
وەزارەتی پەروەردە لە ماوەکانی ڕابردوو پرۆسەی پاڵپشتی نوسەرانی راگەیاند، و بێبەرامبەر کتێب چاپ دەکات بۆ ئەو نوسەرانەی لەبارەی پەروەردە و ژینگە و لایەنی فێربوون و پێکەوەژیان و خزمەتی زمانی کوردی و هەستی نیشتیمانپەروەریی دەنووسن. پاش ئەوەی (١٠)کتێب لە شەش مانگی ڕابردوو بە چاپ گەیەندرا ، ئەمڕۆش (١٠)کتێبی دیکەی نوسەرانی پەروەردکار و ئەکادیمیست بە چاپ گەیەندران و بێبەرامبەر (٥٠٠) تیراژ پێشکەشی خاوەنەکانیان کرانەوە.
قۆناغی سێیەمی ئەو پرۆسەیە بەردەوامی دەبێت و لەماوەکانی ئاییندە ژمارەیەک کتێبی دیکە لەو بوارانەی ئاماژەی پێدراون بە چاپ دەگەیەندرێن و پێشکەشی نووسەرەکانیان دەکرێتەوە.
سوپاس بۆ بەڕێزان جەبار جەمال غەریب ڕاوێژکاری وەزارەت و سەرپەرشتیاری پرۆژە هەروەها بەرێوەبەر و کارمەندانی چاپخانەی وەزارەت لە هەولێر.

ئێكشەمبێ ١٧ی ١١ی ٢٠٢٤ ئیدارا سەربەخۆیا زاخۆ :
"ئالان حەمەسەعید ساڵح" وەزیرێ پەروەردێ یێ حوکمەتا هەرێما کوردستانێ، دگەل بەڕێزان ڕێڤەبەرێ گشتیێ پەروەردەیا زاخۆ و ڕێڤەبەرێ دڵنیایی جوری و سەرپەرشتیكرنا پەروەردەیی - زاخۆ ، ئامادەبوو ل ڕێورەسمێن دەرچوونا قوتابیێن پەیمانگەها وار یا نەحكومی .

🔶گشتاندنێک لەوەزارەتی پەروەردەی حکومەتی هەرێمی کوردستان سەبارەت بە ئەنجامدانی سەرژمێری گشتیی لەهەرێمی کوردستان:

🔴 فـەرمانی وەزاری لە وەزارەتی پەروەردەی حکومەتی هەرێمی کوردستانەوە:

ئەمڕۆ سێشەممە ١٢ی ١١ی ٢٠٢٤، "ئالان حەمەسەعید ساڵح" وەزیری پەروەردەی حکومەتی هەرێمی کوردستان،
بەئامادەبوونی بەرێزان باڵیۆزی فەرەنسا لە عێراق و کونسوڵی گشتی فەرەنسا لەکوردستان، سەردانی قوتابخانەی ( دانیال میتران- فەرەنسی ) لە هەولێر کرد.
سەردانەکە لە چوارچێوەی سەد ساڵیادی لەدایکبوونی خاتوو دانیال میتران و بایەخدان بوو بۆ قوتابخانەکانی فەرەنسا لە کوردستان و بەردەوامبوونی پەیوەندییە کلتووریی و پەروەردەییەکانی نێوان کوردستان و فەرەنسا، لەکۆتاییدا وەزیری پەروەردە پاڵپشتی وەزارەت و حکومەتی هەرێمی کوردستان بۆ ئەو دامەزراوانە دووپاتکردەوە.

ئەڤرۆ دووشەمبێ ١١ی ١١ی ٢٠٢٤ پارێزگەها دهوكێ:
"ئالان حەمەسەعید ساڵح" وەزیرێ پەروەردێ یێ حوکمەتا هەرێما کوردستانێ، دگەل بەرێزان سەربەست لەزگین و دكتۆر عەلی تەتەر و ڕێڤەبەرێ گشتیێ پەروەردەیا دهوكێ و ڕێڤەبەرێن پەروەردەیێن قەزایێن سنورێ پارێزگەها دهوكێ ، پشكداربووین ل پانوڕاما ژینگەهـ د ویستگەهێن ژیانێ دا ئەوا ژلایێ ڕێڤەبەریا گشتی یا پەروەردا دهوكێ - ڕێڤەبەریا چالاكیێن قوتابخانەیان ب هەڤكاری دگەل ڕێكخراوا Better World ( جیهانەكا باشتر) ل هولا محەمەد عارفێ جزیری هاتییە پێشكێشكرن.

♦کۆنگرەی رۆژنامەوانی بەرێز "ئالان حەمەسەعید ساڵح"وەزیری پەروەردەی حکومەتی هەرێمی کوردستان ،لەکەناڵی ئاسمانی کوردستان24.

♦تۆمارکردنی بەشداربووان دەستیپێکرد بۆ چوارەمین کۆنفرانسی نێودەوڵەتی ICET 2024
 
🔵 وەزارەتی په‌روه‌رده‌ى حکومه‌تى هه‌رێمى کوردستان، بانگهێشتی سەرجەم مامۆستایان و فەرمانبەرانی وەزارەت و بەڕێوەبەرایەتییە گشتییەکانی پەروەردە دەکات بۆ بەشداریکردن لە “چوارەمین کۆنفرانسی ساڵانەی نێودەوڵەتی پەروەردە و فێرکردن – 4th International Conference on Education & Teaching (ICET)" کە لەژێر ناونیشانی " پۆلی جیهانی : لە ئامێزگرتنی داهێنان و ئاڵنگارییەکان " لە ڕێکەوتی 27-25ی 11ـی 2024 بۆ ماوەی سێ ڕۆژ بە شێوەیەکی ئۆنڵاین بەڕێوەدەچێت.
 
🔵 کۆنفرانسی نێودەوڵەتی ICET 2024 قسەکەران و بەشداربووان لەسەرانسەری جیهانەوە کۆدەکاتەوە. ئامانجی کۆنفرانسەکە  بەشداریکردنە لە پێشخستنی پرۆسەی پەروەردە و فێرکردن لە قوتابخانەکان و برەودانە بە ئاستی لێهاتوویی و شارەزایی مامۆستا لە کوردستان و عێراق. پێشکەشکردنی بابەتەکان بە شێوەیەکی ئۆنڵاین دەبێت بە هەر سێ زمانی - ئینگلیزی و عەرەبی و کوردی. سەرجەم بەشداربووان بڕوانامەی نێودەوڵەتی بەخۆڕایی بەدەستدەهێنن.
 
🔵 لینکی خۆتۆمارکردن:
icet.stirlingschools.co.uk/participant-registration-form-2024
 
🔵 بۆ زانیاری زیاتر، تکایە سەردانی ئەم لینکەی خوارەوە بکە:
icet.stirlingschools.co.uk

گشتاندێک لە وەزارەتی پەروەردەی حکومەتی هەرێمی کوردستان:

ئاگاداری :بەکرێدانى فرۆشگاکانی قوتابخانەکانی سابیس.

وه‌زیری په‌روه‌رده‌ پێشانگایه‌كی شێوه‌كاری و کاری دەستی هاوبەشی مامۆستایان کردەوە

ئه‌مڕۆ سێشه‌ممه‌ ۲۹ی۱۰ی۲۰۲٤، "ئالان حەمەسەعید ساڵح"وه‌زیری په‌روه‌رده‌ی حکومەتی هەرێمی کوردستان، بەئامادەبوونی بەڕێزان قائیمقامی هەولێر و ڕاوێژکاران و بەرێوەبەرە گشتییەکانی وەزارەتی پەروەردە و سەرپەرشتیاران ، بەشداری لە پێشانگای شێوەکاری هاوبەشی مامۆستایانی پەروەردەی پارێزگاکان لەهۆڵی گالەری میدیای کرد.
شایەنی باسە (٧٠) مامۆستا لە پەروەردەی گشتیی پارێزگا و ئیدارە سەربەخۆکان و خوێندنی کوردی لە کەرکوک بەشدار بوون بە (٧٠) تابلۆ و (٤٢) پەیکەری کاری دەستی جۆراوجۆر.
لەکۆتاییدا وه‌زیری په‌روه‌رده‌ جگه‌ له‌ ده‌ربڕینی خۆشحاڵی بۆ گرنگی پێدان به‌ جوانی سروشتی كوردستان هیوای سه‌ركه‌وتنی بۆ مامۆستایانی شێوەکار خواست.جێی ئاماژه‌یه‌ پێشانگایه‌كه‌ له‌ لایه‌ن بەرێوەبەرایەتی گشتی چالاکی وەرزش و هونەری وەزارەت رێکخرابوو.

🔷 گـەڕانەوە بـۆ فێربوون

لە پێناو دەستڕاگەیشتن بە خوێندن، وەزارەتی پەروەردەی حکومەتی هەرێمی کوردستان لە ڕێکەوتی ۱ی۱۰ی۲۰۲٤ هەڵمەتی گەڕانەوەی بۆ فێربوون (Back to Learning) بە هەماهەنگی لەگەڵ ڕێکخراوی یونیسێف لەژێر دروشمی، "پەروەردە بۆ هەموان “ ڕاگەیاند. ئامانج لەم هەڵمەتە پێدانی دەرفەتێکی دیکەیە بە منداڵان و گەنجانی لە خوێندن دابڕاو یاخود ئەم منداڵانەی کە هەرگیز نەچوونەتە بەر خوێندن، بۆ ئەوەی جارێکی دیکە لە ڕێگەی خوێندنی ئاسایی، و نائاسایی، و خوێندنی ئۆنلاین یاخوود خوێندنی دەرەکی بتوانن دەستیان بە خوێندن بگات و دووبارە بەردەوامی بە خوێندنیان بدەن. ئەم هەڵمەتە بۆ ماوەی (٤٠) ڕۆژ لە ڕێکەوتی دەستپێکردنی بەردەوام دەبێت.

ئالان حمە سعید
وەزیری پەروەردە
٢٤ی ١٠ی ٢٠٢٤

🔷پەیجی فەرمی کۆمەڵگەی پەروەردەیی بارزانیی نەمر ⬇

https://www.facebook.com/profile.php?id=61566272190710&mibextid=LQQJ4d

بۆ ئازیزان لە مامۆستایانی گرێبەست..

لەبەر بەرژەوەندی قوتابییانی یەک بابەتی و دوو بابەتی بڕیارماندا:
( ئەو قوتابییانەی کە دەرەکی یەک بابەت یان دەرەکی دوو بابەت بوون لە سالی خوێندنی ٢٠٢٣-٢٠٢٤ و دووبارە دەرنەچون لە تاقیکردنەوەی بەکالۆری پۆلی ١٢ ی ئامادەیی ، کە پێویست بوو بۆساڵی خوێندنی ٢٠٢٤-٢٠٢٥ بەرێگەی بەرایی تاقیکردنەوەی سەرچەم بابەتەکان بکەنەوە ، بۆ بەرژەوەندی ئەو قوتابیانە کە ژمارەیان ٧١٥٢ قوتابییە ، بڕیارماندا کە بۆ ساڵی خوێندن ٢٠٢٤-٢٠٢٥ وەک دەرەکی یەک بابەت یان دەرەکی دوو بابەت بەردەوام بن تا بتوانن نمرەی پێویست بەدەست بێنن بۆ دەرچوون. و پێویست ناکات تاقیکردنەوەی بەرایی بکەنەوە بۆ داخڵ بوون. بە هیوای سەرکەوتنتان)

ئالان حمە سعید
وەزیری پەروەردە
١٠ ی ١٠ ی ٢٠٢٤

پەیامی وەزارەتی پەروەردە بەبۆنەی ڕۆژی مامۆستایانی کوردستانەوە

ئەمڕۆ ٥ ی ١٠ ڕۆژی جیھانی مامۆستایان و سبەی ٦ ی ١٠ ڕۆژی مامۆستایانی کوردستانە، پیرۆزبایی گەرممان ئاڕاستەی سەرجەم مامۆستایانی دڵسۆز و خەمخۆری پرۆسەی پەروەردە و فێرکردن لە کوردستان دەکەین، سوپاس و پێزانیمان بۆ ھەوڵ و ماندووبوونیان، ھەروەھا بەپێویستی دەزانین سوپاسی مامۆستایانی ناوچە کوردستانییەکانی دەرەوەی ئیدارەی ھەرێمی کوردستان بکەین کە ڕۆڵی پێشەنگیان ھەیە لە بەردەوامی و گەشەپێدان بە خوێندنی کوردی .
دووبارە پیرۆزبێت ڕۆژی مامۆستایانی کوردستان و جیهان.

راگەیاندنی وەزارەتی پەروەردە
٥ ی۱۰ی ۲۰۲٤

لە ١٥ی ئەم مانگەوە تا ٢١ی مانگ ، پشووی سەرجەم ناوەندەکانی خوێندنە، بەحکومی و ناحکومی و قوتابخانە نێودەوڵەتیەکانیشەوە ، و٢٢ ی ١٠ دەوامی ئاسایی هەموو ناوەندەکانی خوێندن دەستپێدەکاتەوە.

ئالان حمە سعید
وەزیری پەروەردە

🔹پێداویستیەکانی مامەڵەی مامۆستایانی گرێبەست.
پێشتر فەرمانی وەزاری دەرچوێندراوە، پێویستە بەڕێوەبەرایەتی گشتیی پەروەردەکان و بەڕێوەبەرایەتی پەروەردەی قەزاکان بە زوترین کات ئەو کارانە ئەنجامبدەن.

ئەمڕۆ پێنجشەممە ڕێکەوتی، ٢٦ی ٩ی ٢٠٢٤، سلێمانی :
"ئالان حەمەسەعید ساڵح" وەزیری پەروەردەی حکومەتی هەرێمی کوردستان، بەئامادەبوونی بەڕێزان پارێزگاری سلێمانی و بەڕێوەبەری گشتیی پەروەردەی سلێمانی بە وەکالەت ، قوتابخانەیەکی ١٨ پۆلی و باخچەیەکی منداڵانی نوێی کردەوە لە پرۆژەی شوقەکانی باڵامبۆ.