وەنەدی @vanadihowraman Channel on Telegram

وەنەدی

19 Feb, 17:57

🌼 ئەوەگێڵای پەی لاو :
زوانی رەسەنی هۆرامی 🌼

۱ صدای کفش کهنه = چەکە چەکە

۲ پچ پچ زیاد =
چرپ و هۆڕ ، فیشق وهۆڕ

۳ چین وچروک = چرچ و لۆچ

۴ صدایی کە از تماس آب باجسم تافتە برخیزد = چزە چز

۵ چز و وز = چز و هۆڕ

۶ گل و لای =
چڵپاو ، هەڕ و چڵپاو ، هەڕو لیتە

۷ صدای آب خوردن سگ وگربه = چڵپ و لێس ، چڵپە چڵپ

٨ خالی از سکنه =
چۆڵ و هۆڵ ، هاڵی وهەواڵە

۹ چشیدن = چشتەی ، چەشکە

۱۰ ابزاری در آسیاب قدیمی = چەق چەقە

۱۱ هو و جنجال =
چەق چەق ، گرموو قاڵ ، حەمەرەمزێ ، هەراو بەزم

۱۲ خرت وپرت منزل =
چەک و پووش ، خڕ وپڕ

۱۳ کج و کوله =
چەفت و چوێڵ ، لار و وێر ،گێڕو گواڵ

۱٤ اتاقی که قبلا در کنارشبستان مسجد برای بحث و اظهارنظر ساخته میشد = چەقەخانە

۱٥ کف زدن دسته جمعی =
چەپڵە رێزان

۱٦ شر شر آب =
چۆڕە چۆڕ ، تکە تک

@VANADIHOWRAMAN

378

وەنەدی

18 Feb, 10:57

ئەوسا دوورئیسەی ئینە زوانمابێ
ئامێتەو هۆشی و هەم ڕەوانمابێ

ئەوسا ئیسە
وەزەرە پیادەبە

ڕاسەڕا موستەقیم

دلێ ڕاسە وەسەت

پانایی عەرز

درێژایی توول

بەرزی ئێرتێفاع

پەلە عەجەلە

خواینە
بخەینە سەبرکەرە

داخەم مەشۆ موتەئەسێفانە

دادەنگ ساکت بە

دارسان جەنگەڵ

ڕازە داستانە

وەر دڵ سوبحانە

گۆشتینە ئاوگۆشت

چاشتە تەڕێ چاشتەی ئاوەکیە

کوشنەشەو خامووشش کەرە

گیسنەشەنە
گریسنەشەنە ڕۆشنش کەرە

تشی تورشی

تازیەبار عەزادار

شێت بیانی ئەعسابم ورد بی

قنیات قەناعەت

دەس پۆگێرتەی سەرفەجویی

نمەسرەوو ئارام نمەگێروو

ویرت نەشۆوە فرامۆشش نەکەری

واچەشەو پەنە یادئاوریش کەرە

@VANADIHOWRAMAN

1,666

وەنەدی

14 Feb, 20:41

ماچا :
ئی دوە بەیتێ شاعێرەکەشا ئەحەمەۮ بەگی کۆماسین ، جە هەرحاڵنە شاعێرەکەشا هەرکەسێ بۆ بەڕاسی زریفیشا چەنە وارۆ :

ساتێ وەرجە مەرگ هەی مەلەک چارەم
موژەت بەر ئاوەر ،،،،،،،،،،، نە دڵەی پارەم

موژەی تۆ حەیفەن ،،،، ئاهوی نەساسڵ
چەنی ئازای من ،،،،،،،،،،،،،، بڕێزۆ نە گڵ

@VANADIHOWRAMAN

1,196

وەنەدی

14 Feb, 15:40

ماچا : فەتعەلی شاو قاجاری
بازەجارێ شێعرێ واچێ ٠
ڕوێوە دەسە شێعرێ وەنۆوە پەی شاعێرێوە
دەرباری و ماچۆ : چەنیێنێ ؟
شاعێریچ شێعرەکێش بەدڵێ نەمەبا و بێ پەروا
ماچۆ : ناڕێکێنێ
فەتعەلی شایچ دەسوور مۮۆ وزاش تەوێڵەو بیناش ئاوڕەو ئەسپاوە ٠
شاعێریچ چن سەعاتێوە تەوێڵەنە بۆ هەتاشا واوەی دەسوور مۮۆ باراشەو حوزوورش ٠
ئەزنەو شا شێعرەکا وەنۆوە و پەرسۆشەو وەنە
ئیسە چەنینێنێ ؟
شاعێری کرۆڵیچ بێ ئانەیە جوابێ بۮۆوە ٠ هۆرمێزۆوە هەتا بزیۆرە ٠ شایچ پەرسۆ کۆگە ملی ؟
شاعێریچ ماچۆ : تەوێڵە !!😂😁😂

@VANADIHOWRAMAN

تەوێڵە :
گەوڕوو هەر و هەسەرێ و ئەسپی

1,118

وەنەدی

13 Feb, 20:32

قسێوە وەشەو سەمەرێ مامۆسا ( هەژاری ) ڕەحمەتی :

فەرماوۆ ڕوێ بەغۮانە پەشتەو شیشێ دووکانێوەنە چەقەڵێوە مۆمیایی کریا نریابێرە ، چێروو قاچیشەو نویسیابێ :
"ویس و پەنج دینارێ تەمام "
منیچ بە سەرسامیەو زوانوو وێم گەسوو ئاما دڵمرە ، هەی یاران !
ئی مامۆ چەقەڵە پایەبەرزە چانەی مشۆ بە زیننۮەی سەرەو شاعێر و نویسەننۮە و هونەرمەننۮوو کوردی بیە بۆ ، ژیواینە ئاورایی و تەرسینە وەقرەش نەبیەبۆ و ئیسە لاشەش بیەبۆ پی مودە گەمەجاڕە ، یۆ چووزانۆ ؟ هەزارێشا بە زیننۮەیی فلسێ نمەیژا و کەچی یۆشا بە مەردەیی ویس و پەنج دینارێ کەرۆ٠
بەدرێژایی تارێخوو پەڕ نەگبەتوو کوردی هەر شاعێر و هونەرمەندێوە کوردی واتەو شێعرەکاش بەزوانەکەو وێش نیابۆرە هیچ کەسێ لێوە خەیریش وەنە نەکەردەنەو بە سۆکیچ دیەینێش پۆرە ، بیەن بە مەسەڵەو قسێ دەموو خەڵکی : هەرکەسێ پینێ جلەکاشەو باو پاڵەی چەکێ و لارو وێرێش پانەبا ماچا : گم بە تەرح و تووزت ئەو شاعێری مشۆ و کەسێچ ماچۆ : هەرت بە چن ؟

@VANADIHOWRAMAN

1,387

وەنەدی

10 Feb, 19:54

گەلە بێ شۆت و بڕیا ماس و دۆ
ماچی وێرانەن سارا و کەش و کۆ

شوانە مەرد و هەوارگە ماتەم
دما گەلەو یاران پێوارەن نەچەم

بێرە و بێرەگایچ ،، فاتێحەش ونیا
دەوارەو شاۮێ ، چێخەش هۆرکنیا

پەچە بێ ئاسار ، سکۆڵە خاپوور
ئایر مەردەرەو ئارگا خاکێ سوور

هلێزە کەوتە ،،، جە هاوار و دەنگ
کاسیارە بێ نق وینەی سیا سەنگ

هەتیمان ئاسا ،،،،، هۆبێ بێنازێ
گر کۆرێ بیێوەچەمێ و ڕێوازێ

هۆبە نشینا ،،،، هەرکام فیاتێ
بیێ مێمانوو ،،،، خاکوو وەڵاتێ

#فەهیم

@VANADIHOWRAMAN

1,871

وەنەدی

10 Feb, 05:24

‍من جە جەنگی تەرسوو :

چون جەنگ سەواۮش نیا ؛ چون شناسنامه بەشەرەکا نموانۆوە ، دەفتەروو مەشقوو زاڕۆڵەکا نموانۆ ، قەباڵە شووکەردەی تازە وەیوەکا نموانۆ ، باوەڕنامەو دانشگاهی دەرز وەنەکا نموانۆ ٠

من ئەو جەنگی تەرسوو :
چون جەنگ کۆرارێ ، جوانی کوڕا نمەوینۆ ، زەرێفی کناچڵەکا نمەوینۆ ، سەباو زاڕۆڵەکا نمەوینۆ ،
ئاواتی بەشەری نمەوینۆ ، دڵتەنگی و خەفەتی نمەوینۆ٠

من جەنگی تۆقنانا :
چون بێ ئەۮەبا ، پاش منیۆ بانوو یانا و سەروو شاراو ڕوەو بنیاۮەمەکارە ، سەروو دڵارە وسەروو وەشەسیاییرە ٠٠٠

من جەنگی تۆقنانا چون وێمانە بێگانەی نمەشناسۆ و خاس و خرابش حاڵی نیا ، دیندار وبێ دینی نمەشناسۆ ، پیر وجوان لاشەو بە هەمیەتارێ ، باسواد وبێ سەواد نمەشناسۆ ، دارا و نەۮاری نمەشناسۆ ، تەڕ و وشکی نمەشناسۆ ، پاش کەوت هەریاگێ گردی سۆچنۆ ٠

من جە جەنگی تەرسوو :
چون هەر جلێش پۆرەبا و هەر نقابوو ڕوومەت بەننۮێوەش دابۆ هەر قسێوە کەرۆ دیسان جەنگا و جەنگیچ هەر بارێرە بنویسیش نمەبۆ بە گەنج و هەر ڕەنجا ٠
من جەنگی تۆقنانا :
چون جەنگ هەقە جە گرۮی سانۆوە پەوکای منش زاڵەترەک کەردەنا ٠ .

عێرفان نەزەر ئاهاری

شەڵڵەی:
تاوابیەیم زاڕۆڵەکا هەتا تەمامیای جەنگا دڵمەنە شارەینێوە ٠

@VANADIHOWRAMAN

1,780

وەنەدی

10 Feb, 05:02

🔹ماناو سفەری

🔸 کەلیمێ سەفەری : ( جە زوانوو عەرەبینە یانی : بەرکەوتەی و ڕۆشنایی ) وەروو ئانەیچە پەنەشا واتەن سەفەر ، چوون سەفەرەنە ئەخلاقوو تەبێعەتوو ڕاویاری و کەردەوەو ڕەفتاروو دەروونیش پەی ماباقی هام ڕاویارا ئاشکرا بۆ و یۆترینی مژناسا ٠

@VANADIHOWRAMAN

1,252

وەنەدی

04 Feb, 20:35

👆هۆرامان ، زەڵم 👆

سەرچەمەو زەڵموو ، تافوو جوانیم
خەڵاتی خوۮایی🌷 پەی هۆرامانیم

پەوکایش ئەرمانای ،، خوۮای تاقانە
بی بە بەڵگەیوە ،،،،، تۆ چی دنیانە

تا واچوو بەهەشت حاشا نەۮارۆ
ئانا نموونەش .،، ئاشکران ئارۆ
( فەهیم )

@VANADIHOWRAMAN

1,957

وەنەدی

02 Feb, 10:55

زمسانەن ، سەردەن ، زقم و بۆرانەن
دەمە و کرێڵە و کڕێوەی کەلانەن

چوار وەرزوو عەمریم ویەرد یاوا دەی
بێ تفاق و زمهاڕ وەی وە یانەم وەی
( فەهیم )

@VANADIHOWRAMAN

6,312

وەنەدی

01 Feb, 19:31

قسمت ما نیست از صبح وطن جز تیرگی
چشم ما ازسرمەی شام غریبان روشن است
🌷صائب تبریزی🌷

بەشما جە ئاسۆ ساعبوو وەڵاتی ‌ تاریکی و لێڵین ،، چەنی نەهاتی

سۆماو چەماما بە کڵەو غاواران
هۆبەو خەماما ،، شیوەنگەو یاران
(فەهیم )

@VANADIHOWRAMAN

2,967

وەنەدی

01 Feb, 07:25

قەۮ قەۮ بۆ ، دەسێ بە جەفاکاری
چاتاشە بەرزەو ،،،،،، وزۆتارە واری

جارجارشێت ئاسا جۆرێم مەی پەنە
واچوو بەشەرنا ، عەیبم مەی وەنە
(فەهیم )

@VANADIHOWRAMAN

4,187

وەنەدی

25 Jan, 19:16

حەکایەتێوە وەشە :

جوانێ خیاڵش بێ ژەنی بارۆ ، بە پیرە ژەنێوەش وات : بەش کناچێوەم پەی بێزیەو !
پیرەژەنیچ کەوتە پەرس و جۆ کەردەی و شۆنەو بەینێوەرە کناچڵەیوەش دیەوەو و بە جوانەکەیش وات :
یوە عالەم ئێستێنیوە پەی ! هەتا دڵت وازۆ یانەۮاری کەرەو ڕێکو پێکەنە ،

جوانەکەیچ کەردشەو جواب : ژنیەنم کۆتا باڵەینە ٠
پیرەژەنەکێچ واتش : ئەوخاستەر زەڕوو پارچەی کەمتەری مۮەی ٠

جوانەکەیچ واتش : ماچا ترەیچەنە ٠
پیرژەنەکیچ وات : ئینەیچ بەشەو خوۮاینە ! چون گرکەس زانۆ ئیراۮوو گەوەرەو فرەیوە جەژەنا فرە دواین ، ئی کناچێ وەروو تری وسەرزوان گێرتەیش هازەو قسەکەردەیش نیەنە و سەرەت نمەیشنۆ ٠

جوانەکەی وات : ژەنە هامساکێما واتەن چەمیچێش کەم حوکمێنێ ٠

پیرژەنێ وات : ڕاس ماچۆ ئینەیچ هەر خەیرەنە ئیتر کەسێ چەمش نیا شۆنەو نامووسیتەو مەگنۆ تەماش٠

جوانەکەی کەردەو جواب : ژنیەنم شەلای شەلۆ و ئینەنەیچ عەیبێ گەورەن٠
پیرە ژەنەکێ وات : شمە هەڵای جوانێندێ سەرەتا بەرنمەشۆ نمەزاندێ ئی شەلایچە نێعمەتێوەن ئیتر نمازۆ خانمەتا خیابانەو خیابان کەرۆ و دەس کەرۆ هەڵە خەرجیێ و قەرانەت پەنە نازۆ ، ئەولاکەیچش تەرسەو گلێرای و دەس و پا مەڕیایچش نیەنە ٠

جوانەکەی ئەزنەوواتش : کورە ئینێ گر چش ماچا : ئاوەزەیوە درۆس وحەسابیچش نیا ٠
پیرە ژەنەکێچ واتش : بەشەر چ هەڕێ کەرۆ سەرەرە دەسوو بەهانێ پیایاوە ، وەێوەی پی عالیە گەرەکت نیا عەیبێوە وچکلەش بۆ ٠

@VANADIHOWRAMAN

چش یانی : بە دەرک ، بەتوون ، بە جەحەنەم ،

2,939

وەنەدی

21 Jan, 19:43

@VANADIHOWRAMAN

2,201

وەنەدی

21 Jan, 19:42

ئێنە زوانە شیرینە هۆرامیەکەو سەی فەتاحی جەبباری و مەڵڵا عومەری ڕەنجوری کەرکووکی ، حەمەئاغەی دەربەن فەقەرەین کە پێسەش سەرئامان . 😳😳😳

@VANADIHOWRAMA

3,261

وەنەدی

20 Jan, 07:36

ویرما نەشۆوە :

هیچ وەخت سەواۮ ئاوەز نمارۆ ۰

ئاوەز یانی :
جیاکەردەیۆ خاس و خرابی ،

سواۮ یانی :
جیا کەردەیۆ هەرمانەی درۆسە جە نادرۆسێ ،

ئینە ئاوەزا :
کە راو ئێستەیۆ درۆسی وە یام نادرۆسی جە سەواۮیما پەنەماچۆ !

مەکریۆ کەسێوە فێروو ئاوەزی کەری ،

بەشەر مشیۆ :
دەروونوو وێشنە گێڵۆ شۆنەو ئاوەزیرە هەتا بێزۆشەو !

ئێمە :
ئوستادی هۆرکەوتێ عیلمیێ دانشگایێ وەیام دینیێما هەنێ کە داراو سوادینێ و بی بەش جە ئاوەزی ۰

سواۮ فێر بیەی فرمووڵ و ئاگادارین جە عێلمەنە یام باسێوە تایبەتەنە !

خاویر کریمنت :
کتێبوو بێ شعووری

@VANADIHOWRAMAN

3,222

وەنەدی

18 Jan, 20:04

گرۮیما مرمێ ۰
گردما ۰
یۆما بەرنمەشۆ ،
کوچالەی دێرتەر ۰
کوچالەی زووتەر ، کوتووپڕی ۰
تەمامیەیمێ ۰۰۰
رۆی ئی یانە کەسەرش گێریان بۆبە یانەوجۆڵاکەرەی و لانەو شەمشەلەکۆرا ،
هەرئی ماشینە کە وەشما مسیۆ وەروو وارانیۆ جە زیارەتەڵانوو ماشینانە ژەنگە پوونۆش ،
هەرئی زاڕۆڵا کەبۆنەو ئاۮیشاوە مەنێنمێ ملاشۆنەو ژیوای وێشارە ۰
تەنانەت نمەیا کێلەکێچما وینا ۰
وەڵێ ئێمەنە ملیاردها بەشەرێ سەروو ئی زەمینیرە لوەینێ رارە ۰
ملهۆڕانە واتنشا :
مەر من ئیجازە بۮەوو !
مەر سەروو لاشەیمرە ویەرۆ
وەلێ ئیسەکەسێ نمەتاوۆ تەنانەت پێشەکایچشا بێزۆوە کە سەرشارە ویەرۆ یان نەویەرۆ !
وەڵێ ئێمەنە کەسانێ ژیوەینێ کە زەریف و وەش پەنەکەوتێ بیێنێ
ئاهووئاسا بەلەنجەوە لوێنێ رارە ،
بە ئەوە جووڵیەیشا لەرەوجەواهێراتیشا ئامان ۰
ساوەی سوورە جەسووری گۆنایشا رەنگەش پڕەینە
ئیسە تەنانەت کەسێ نامێشا نمەزانۆ ۰
وەڵێ ئێمەنە کەسانێ بیێنێ کە کەللێ دژمەنەکاشا کەردێنە بە کاسەو شراب واردەیشا ۰
سەردار و ئەمیرانێ بەگورزی گرانەو چەنی شێرا پەنجێشا پێکەینێ ۰
بێ باکوو گرۆڵیا بێنێ و ئیسە کەسێ نمەزانوو جە کۆگەو تارێخینە گمێ بیێنێ !
گردوو ئی غەرەزا ،
گردوو ئی تاڵی و سۆڵیا ،
گردوو ئی تەشەرا ،
گردوو ئی زەهرەمار کەردەی دەقێقا وەنەو یۆترینی ،
گردوو ئی ژارمتەی و بوختان کەردەیە و نالایەق واتەیە
بە یۆترینی تەمامیا و ویر مشاوەو وقەرانێ نمەکەرا
جیاتی ئانەی ژیوای کەرمێ بەژاروو ماری وەنەو یۆترینی ،
ئەرکریۆ پێوەرە بیمێ ،
ئەر نمەپۆڕیۆ یۆترینی جیا بازمێ و دوورگێرمێ ،
ویرمانەشۆوە گردما مرمێ ،
تاقما بەرمەشۆ ،
کەمێ دێرتەر۰۰۰
کەمێ زووتەر
بێواۮە ، ۰۰۰
ژیومێ و بازمێ ماباقیچ ژیوا

(دیل کارنگی )

@VANADIHOWRAMAN

3,649

وەنەدی

16 Jan, 21:41

ئا کەلیمێ :
کە پەی خەڵاتی یام هەقەدەس و
چێوداینە وە یام پەی ڕشفەتی و مامەڵە پەشیمانی بەکار بریێنێ :

چێرچۆکانە
یام چێر زەنگۆڵانە :
ئیسە بیەن بەچێر مێزی ئەدارا😜

شیروایی یا ماڵ :
زەڕێ بێ کە دیاری کریێ زەما بۮۆش
بە یانەو هەسوورەی 😳

پاقەۮەمانە :
دیاریێ بێ
کە پەی پێۮابیەی زاڕۆڵەی دریێ 💐

زوان گوشاۮانه :
ئاخەڵاتینە کە پەی زوان گێرتێ زاڕۆڵەی دریۆ 🌷

شەرموانە :
خڵاتی بێ دریێ بە وەیوێ هەتا
چاکەسیە کە شەرموانەکێ مۮۆ شەرم نەکەرۆ 🌺

سەرقەڵەمانە :
زەڕێ بێ کە دریێ بە دۆعا نویسی 😳

دەس وەشانە :
زەڕێوەن کە دریۆ پا کەسیە هەرمانێوەش رێکەوسێنە 🌸

حاجیانە :
نانوو چاشتێوەن کە عانێ حاجی حەجەنە مەیوە دریۆ بەخەڵکی 🌼

پاگوشانە یام پاوە کەردەی یام باوەخون :
مێمانیێوەن کە دماو شووکەردەی کناچی دریۆ🌻

رەنجبەرانە :
هەقەدەسێوە بێ کەدریێ بە رەنجبەری☘

شوانانە :
یام شەرتەشوان : هەقەدەسوو شوانەی بێ🍁

جمعانە :
نانێوەن کە شەوا جمعەی دریۆ بە خاۮموو مزگی ، یام ئا وەزێنێ کە شەوا جمعەی مزگینە دریا بە خەڵکی 🌷

ئاغانە :
دەخڵ و دان یام زەڕێوە بێ دریێ بە ئاغە یا مالکوو زەمینی 🌿

پووشانە :
زەڕێوەن دریۆ بابەتوو لەوڕیای
حێوانی 🌿

هەرانە :
زەڕێ بێ کەدریێ جەڕاو نەزانکاری یام مامەڵە پەشیمانینە 😭

وەزەبان :
خەڵاتێ بێ کەپەی پێۮا بیەی زاڕۆڵەی دریێ🌳

دەراڵانە :
دریێ بە کەسێ هەرمانێوە جۆرە کەرێ🎋

حەماڵانە :
دریێ بەکۆڵبەری بابەتوو هۆر گێرتەی کەل وپەلی 🥀

شاگردانە :
زەڕێوەن کە دریۆ بە شاگردی🎄

دەربەژەنانە :
عانێ وەیوە یانەو تاتەیشەو ئێ بەر کابرێوە چەقوو بەرەکەی گێرێ و هەتا زڕێوەشا نەۮایه نازێ وەێوەکێ بزیۆرە 🌝

باربوو :
کۆمەک یام زڕێوە بێ دریێ بە کەسێوە کە یانێش کەردێنێوە وەیام چێوێوە گرانش سانایە🌼

کاکە بەشانە :
بەشێوە زیاۮە بێ کە دماو مەردەی تاتەی دریێ بە کوڕی گەورەی 😜

قێخانە :
زڕێوە بێ کە خەڵک دێنێش بە قێخاو دەگای 🌿

خاۮمانه :
هەقوو خاۮموو مزگی بێ 🌾

@VANADIHOWRAMAN

3,800

وەنەدی

15 Jan, 10:47

🌷گەوهەرێ گەوهەربارا هۆرامانی 🌷

گوڵ سەورۆگانە هۆر گنۆ 🌺

هەورت بۆ وارانت نەبۆ ☁️

گاوێ چەموو وێشەنە نمەوینۆ
پووشێ چەموو خەڵکینە وینۆ 😳

شەڕ سەروو شوومی و ئاشتی خەرمانی 😱

تووتەی ئاورایینە ئاساوی لێسێوە
جنۆکەیچ ۰۰۰۰ ۰۰۰۰ تووتەکەی 😳

@VANADIHOWRAMAN

2,094

وەنەدی

07 Jan, 18:41

❤️ زەریفارێ ❤️

چۆپەڕ نادیاروو ژیواینە دوێ چێوا سەرسام کەردا ،
کەوەیی ئاسمانی وینوو و زانویچ نیا و خوۮای نمەوینوو زانوویچ هەن٠
سەرەم سڕمەنەن سڵام دەس پەنە کەروو هەر دیۮارێوەن ٠
وەلێم نمانە کۆتایین ، ڕەنگا ماناش ئانێ بۆ کە ئاخروو نمای ئەوەڵوو دیۮارین ٠
خوۮایا یاونەمنە کە بێ تۆ چێشم سەرمەی وەلێم نمارەش ڕام !!!

خوۮایا هەم یاونەمنە وهەم نیشانەم بۮە کەبێ تۆ بوو بەچێش ٠

پاڵاو زاڕۆڵەیوە دەریای بەرد ، زاڕۆڵە لەوەنە نویستش : دریای دز !

چەولاتەرەو پیایێ ماساوەی عالەش گێرتە و ڕووە ڕێزەکاوە نویسش :
دەریای ناندەر !
جوانێ نقم بی ئەۮاکێش نویسش :
دەریای پیاکوش !
ڕیش چەرمەیوە مرواریش گێرتوو نویسش : دەریای خەیرات کەر!
شەپۆلێوە نویستەکاش شتێرە ٠
دەریا ئارام و سەروو وێ واتش :
" ئەرگەرەکتا دەریا بێ گۆش مەۮە قسێ ئێۮوو ئەوی "
ئانە کە ویەرد ، ئانەکە مەڕیاو ئانەکە نەبی٠٠٠خەمش مەوەرە پەی ،
ژیوای ئەر ئاسان بیەی
بە گرەوایەو دەس پەنە نەکریێ ٠٠٠

@VANADIHOWRAMAN

3,011

وەنەدی

05 Jan, 11:51

⚜️حکایەتێوە وەشە ⚜️

ئیڕەج پزشکزاد رۆزنامه نگار و نویسننۮەی نامۮار ساڵەها چەیوەڵ نویستە بێش :
کەلاسوو یەرەموو دەبستانی وەنێنێ ، فرە دەرزوان و تەڕ وتەمیس وڕێکوو پێک بێنێ٠
ڕۆی مودیروو مەدرەسەی منوو یەرێ مەدرەسەیی تەرێش کە پێسەو من ڕێک وپێکوو دەرزوان بێنێ چڕیەیمێ دەفتەروو پەروەندەکەش دەیمێ بنەو دەسی ومەدرەسەنە بەرێش کەردیمێ ٠ شەوێ بەگرەوایەو جەرەیانەکەم کۆرناوە پەی تاتەیم ٠

ساعبێ شەو تاتەیم دەس گێرتا وبەرداشەو پەی مەۮرەسەی و بەتووڕەییەو پەرساش وەنەو مودیری ئی زاڕۆڵەتا چی بەر کەردەن ؟
مودیری کەردەوجواب :
مەدرەسەیی ئی مەدەرسەیە ئەغڵبشا کەچڵێ بیێنێ ، مەرکەزەو دەسوورشا دان کەچڵەکا بەرکەرمێ هەتا ماباقیەکەیچ کەچڵێ نەبا ٠
تاتەیم وات : خۆ کوڕەکەو من کەچەڵ نیا ؟
مودیروو مەدرەسەی وات : بەڵێ منیچ زانوو وەلێم ئەرقەرار بۆ کەچەڵەکا مەدرەسەنە بەرکەرمێ مشیۆ بەرەو مەدرەسەکەی بینمێ ٠ پەوکای ئی زاڕۆڵە ساقاما بەرکەردێنێ بەرەو مەدرەسەکەی نەبینیۆ !
حەکایەتوو ئی بەرەگاو ئێمەیچە عەینوو چێوین ٠ ساقەکێ ڕەحەت تەر گیریا و بەرکریا !

@VANADIHOWRAMAN

1,881

وەنەدی

30 Dec, 09:21

نایلینەی مۆئمێنیە :
کناچڵە زەریفڵەکێ داریانی 💐

چەنی دنیەیوە دەس وەشی جە کاکە فەتحۆڵڵای ڕەزایی داریانی پەی هەرمانە دەرد واردەکاش 💐

@VANADIHOWRAMAN

2,725

وەنەدی

29 Dec, 04:57

🌷گەوهەرێ :
گەوهەربارا هۆرامانی 🌷

گوڵ :
سەورۆگانە هۆر گنۆ 🌺

هەورت بۆ وارانت نەبۆ ☁️

گاوێ :
چەموو وێشەنە نمەوینۆ
پووشێ چەموو خەڵکینە وینۆ 😳

شەڕ:
سەرووشوومی و ئاشتی خەرمانی 😱

تووتەی :
ئاورایینە ئاساوی لێسێوە
جنۆکەیچ ۰۰۰۰ ۰۰۰۰ تووتەکەی 😳

@VANADIHOWRAMAN

2,737

وەنەدی

27 Dec, 16:07

ئێرانەنە :
کەی سجیل یام شناسنامە دریا ؟

یەرەموو مانگەو ئارگاو(دی) ساڵەو ۱۲۹۷ی یانی ۱۰٦ ساڵێ چەیوەڵ پەی ئەوەڵجاری ئەدارەو سەبت ئەحواڵی ئێرانەنە مەرزیارە و ئەوەڵین سجیل(شناسنامە) دریا بە ژەنێوە بەنامێ: فاتمەی ئێرانیە و ئەوەڵین گوزرنامەیچ دریا بەپیەیوە بەنامێ: عەبدولحسین خانی سپەنتای جەشاروو بەمبەیینە ٠ چی دەوراننە بازەکەسێ بە نامێ کاربەدەسێ سەبت ئەحواڵی پەی سجیل دای لوێنێ محاڵە جۆر بەجۆرەکارە هەتا نامێ وفامیلی خانەوادەگی بنویسا پەی خەڵکی و سەبتش کەرا ٠
ئی سجیل و فامیل دایچە وێش حەکایەتێوەش بێ ٠
مەعمووروو سەبت ئەحواڵوو ئازەمانەیە یاپاوکسم وکاروو باباو قەۮیمیا کەسەکەیرە فامیل نویسێ وە یام ڕوەو شۆرەتوو ولەقەبیشەو ٠
بازە کەڕەتێچ پاو شغڵوو کسموو کابرایرە فامیل و شۆرەت نویسیێ ، بنەیمێرە ئەرکابرا جل وراز و خیات بیەی شۆرەتش بێ بە خیاتی و یام چۆتاشوو نەجار بیەی بە نەجاری ، ئەر تڵا ورەش بیەی شۆرتش بێ بە جواهێری ٠ یام حەکیم دۆکتۆر بیەی بێ بە حەکیمی ٠
بڕێ وەختایچ پاو قەۮو قوارە و ڕێختوو کابرایرە نامێ فامیلیش نویسیێ : پێسەو خوەش چێهرەی ، یام قارەمانی ٠
یام کابرای مەعموور نامێ دەگاکێ پەرسی و نامێ ئادەگێ کەرێ بە شۆرەتوو خەڵکەکەی ، ئەگەریچ چادەگەینە کسێ وێش شۆرتێوەش پەی وێش هۆرچنیەی ئاخروو شۆرەتەکەیشەو نامێ دەگاکی نویسیێ ، پێسەو خەڵکوو دەگاو کەرجۆی لاوشاروو سنەینە کە ئەغڵەبشا شۆرتشا : فاتحی کەرجۆن ، وەلێم ئەر خوۮا ئاڕۆشە ناردەی ملەرە مەعموور تووڕە بیایە وەنەو کەسێوە شۆرەتی زڕەتاڵوو ناشیرینش پەی نویسێ : بنەیمێرە ئەرکابرا سیاوڵە بیەی شۆرتش کەرێ بە کەلاغی یانی قاڵاوی ، یام ئەگەر کابرا خوڕایە وەنەو مەعمووری شۆرتش کەرێ بە غەوغایی یانی توشوو قاڵکەر ،
یام ئەرکابرا دەسش کیسەنە بیەی شۆرەتوو دەست دەرجیبیش نویسێ پەی ٠
وەلێم جەهەرحاڵەنە شناسنامە و سجیل وێش نیشانەو شارسانیەتوو زانایین 😳

@VANADIHOWRAMAN

2,960

وەنەدی

25 Dec, 06:09

🔴 کوڕێ واتش :

خوۮا حافێزیم جەتاتەیم کەردوو پەی هەرمان کەردەی لوانێ پەی دوور وەڵاتا وقەرار پاسەبێ دوێ ساڵێ تەر بەووە ٠

کەم کەم وەختوو ئەوەگێڵایم نزیک بێوە ، ڕەفێقێوەم هەواڵێوەش جە ئەۮا و تاتەیمەو ئاردا پەی کە چن ڕوێ چەیوەڵ تاتەم وەروو ئانەیە هەرەکەشا دزیەن فرە ناڕەحەت بیەن ، ئەزقەزا دزەکە هەرەکەی بەرۆ پەی شاری و بارێوە قورسش منیۆنە وێش دلێ جەنجاڵەو بازارینەچەنی بازاریا گنۆ قسێرە ،
وەلێم هەرەکە چون ڕاو یانەیش زانەینە بە بارەکەوە ئامانەو وەروو بەرەی ٠
تاتەیچم هەکە چەمش گنۆ هەرەکەی چڕۆ وەنەو ئەۮایموو ماچۆ : ژەنەکێ بۆ کۆڕەکەت دوێ ساڵێ لوان چێوێش نەکیاسێنمێوە پەی بۆ بزانە هەرەکە دوێ ڕوێ لوان چێشش ئاردێنمێوە پەی 😁

@VANADIHOWRAMAN

2,439

وەنەدی

24 Dec, 12:50

ڕەحمەتیە :
مەتی مریەمێ ئەۮاو کاکە ئوسمانی کێمنەیی

ئەوسا چون ولێ ،،،،،، دلێ باخانە
یام چنوورێوە ،،،،،،،، دلێ شاخانە

ژەرەژان ئاسا ،،،،، چا کاوە کاوا
دەم نیێنی نەپاو چۆڕەو وەرواوا

جارجارێ دەنگت نەواو مەلا بێ
وەشی هەوارا و ملەگا و کەلابێ

نەرەجیێت ڕوێ ،،، نەمی گۆچانە
هەتاکە تاوی ،،،،،،، بەیرە کۆڵانە

دەک پیریچ پیر بۆ ،،نەمەنۆهازیش
تۆئاسا وشک بۆ سەرچەمەونازیش
( فەهیم )

@VANADIHOWRAMAN

2,432

وەنەدی

23 Dec, 10:03

"ڕاوە بەی"

شێعرێ ؛ #خاتوو_ژوانێ

مێلودی و دەنگ؛
# شۆعەیبی _خالێدی_زاد

@VANADIHOWRAMAN

2,297

وەنەدی

22 Dec, 15:57

پیری کە ئاما ، نیاش تەگبیرێ
وێران بۆ یانەی کەنیاش پیرێ
( فەهیم )

گەوهەرێ :

گەوهەربارا هۆرامانی 🌼

هەرکەسێ پڕۆ بەرزی بێهەوا
بڕا وە باڵاش ، کاڵای ناڕەوا 😜

ئا زۆرە گنۆ ئەوچەڵەمێ ،
گنۆ ورێسێ هەیهوو 😳

جە وەری تێرما واردەن
مەنەن وەرەشێڵە 😱

ئەسپش بە پێخام ئاوی وەرۆوە 🥺

هێڵەو روەنیشا کەردە پەی هەری
گۆشش چەقنانە 😭

کەچەڵ ئێننۮەش ستەما کڵاوەش گنۆرە 😍

تاخان رازیۆ ، لەشکەر ترازیۆ 🥺

ئازارەو جوانی پێسەنە تکەو بانی 💐

@VANADIHOWRAMAN

3,492

وەنەدی

20 Dec, 13:52

قازی :

حوکمێوەش دەربارەو کوڕێ 15 ساڵەیەو کە دووکانێوە ئیمریکاینە بە نان و پەنێرەی دزیەتیۆ وەختوو ڕەمای کەوتەبێ وەنەو قەفەزەیوە و ماڕابێش بەرکەرد ٠
قازی شۆنەو ژنیەی جەرەیانەکەیرە پەرساشەو ئەو کوڕەکەی :
تۆ ئی نان و وپەنێرتە دزیەن ؟کوڕەکە بەتەرێقیۆ سەرەش تەکنا ،
قازی واوەی پەرساشەو : قەفەزەکەیچ تۆماڕان ؟
واتش : بەڵێ
+ چی دزیت کەرد ؟
- ئەوەجەم بێ
+ نەتاوێنی جیاتی دزی سانیش ؟
- زەڕم نەبێ
+ لاو ئەۮا و تاتەیتەو ئاردەیت
- تەنیا ئەۮام هەنە و نەوەشەنە و ئینا یاگێنە ، نان و پەنێرەکەیچم پەی ئاۮێ دزی ٠
تۆ هیچ کسمێوەت نیا ؟
- ماشین شتەینە هەرمانە کەرێنێ ، بۆنەو ئەۮایمەو ڕوێ ئیجازەم گێرت و نەلانیۆ و بەرشا کەردا ٠
دماو پەرسوو جوەکەی قازی ئی حوکمش بەرکەرد :
دزی بەتایبەت دزی نانی ، جەنایەتێوە یەکجار ئاوڕوو بەرا ،

ئێمە گردما تاوان بارێنمێ ٠
ئی دزی و جنایەتە ئارۆ ئێمەکەردەن ،
هەر وەروو ئینەیە هەرکامما 10 دولارێ جەریمە بیمێ و هەر کەسیچ تا 10 دولارەکەی نەۮۆ هەقش نیا چی بەرەنە بزیۆرە ٠

قازی ئەسکەنازێوە 10 دولاریش کیسەنە بەر ئارد و دسش کەرد بە نویستەی :
جگە ئینەی ساحێب دووکانیچ کە ئی کوڕە ئاوراشە دان گێرتەیرە مشیۆ 100دولارێ جەریمەکریۆ و ئەرتا سەعاتێ تەر جریمەکەی نەۮۆ دووکانەکەش بینیۆ ٠

🔺گردشا ئاواجەمی داواو بەخشایشا کەردە وەنەو کوڕەکەی و زەڕەکەشا دا ٠
قازی دادگانە زیارە و کۆشاش کەسێ هەرسەکاش نەوینۆ ٠
هەکە حازرا قازیشا دی پرمەو گروای گێرتێ ٠
قازی وات :
ئەر کەسێ نان دزۆ مشیۆ تەماموو دەسڵاتدارا و دارایا خەجاڵەتبارێ با!!!
ئاۮیشا مشیۆ تەرێقینە مرا !

@VANADIHOWRAMAN

2,158

وەنەدی

20 Dec, 05:45

قسەێوە مەکینە :

شەوێوە وەروە ساڵەو سەرداو سۆڵەنە کابرەیوە تەقە مۮۆ وەنەو بەرەو یانەیوە ٠
یانەوەیچ ماچۆ : کێنی؟
کابرایچ ماچۆ : وارەزاو خوۮاینا ! یانەوەیچ داخێنە کەرۆە جواب : تەشریف بەرە پەی یانەو لالۆیت ( مزگی )

@VANADIHOWRAMAN

2,067

وەنەدی

19 Dec, 17:27

ئانە هەم دیسان وەیشوومەی زەلان
نیشت نەپای هەرد و ملەگا و کەلان

تەریۮان ئاسا ،،،، بێ وەفای بێ مەیل
بەردش بە تاڵان ،،،،،، خەڵات سوەیل
(فەهیم )

@VANADIHOWRAMAN

2,445

وەنەدی

19 Dec, 15:30

✍ مەولەوی و زمسان

🎙 وەنایەو :
حەمەی فەهیمی

🎙میکس و مونتاژوو دەنگی :
سۆران فەهیم

📹 ئامادەکەردەی وئەوە ڕازنای :
دەنگوو نوریاوی 🌷

@VANADIHOWRAMAN

2,316

وەنەدی

17 Dec, 04:35

💐گەوهەرێ گەوهەرباراهۆرامانی 💐

هەرچی بەها بەی بە هوو ملۆ 😳

هەرە چکۆ کەوتی و کونە چکۆ دڕیای ؟

هەرزنی دەسشەو مەڕێزارە 😱

هەزار تەڵێش بە قلیچکە تەقنەینێ 😭

شەریکوو دزی و رەفێقوو قافڵەی 😜

چەنی وەرگی وەرۆ و چەنی مەیێ شیوەن کەرۆ 🥺

@VANADIHOWRAMAN

2,389

وەنەدی

15 Dec, 11:57

شاهۆ و کۆساڵان گوششا چەنەبۆ
کوڕە مریەمیچ ، حەتمش وەنە بۆ

هەر هۆرامیێ ،،، لادۆ جە زوانیش
مەردەو مەزارین ، هەرچن مەنەبۆ
( فەهیم )

دوروین و ڕیک وستەی : کەیهان ئەدوایی

@VANADIHOWRAMAN
‎

2,373

وەنەدی

14 Dec, 20:52

نایلین مۆمێنی

@VANADIHOWRAMAN

2,689

وەنەدی

14 Dec, 12:26

گەوهەروو گەوهەربارا هۆرامانی

ئی قسێ قەۮیمیا کاکە عابێۮی عومرانی کیاستێنێ دنیەیوە دەس وەشیش وەنە کەرمێ 🌷💐🌷

دەنگوو دەهۆڵی دوورەو وەشا 🍁

بزە :
شەقێش وریێنێ لوێ نانوو شوانەی وەرێ🍁

مەیاوی وێڕێ پانتۆڵێ مەوەژە 🍁

ئەسپی نەسنیا ئاوڕەش پەی بەسا 🍁

سوار :
تانەگنۆرە سواری مەمسۆ (فێر نمەبۆ )

@VANADIHOWRAMAN

2,386

وەنەدی

12 Dec, 18:41

مەولەوی و ورزوو پاییزی🍁

@VANADIHOWRAMAN

1,882

وەنەدی

11 Dec, 12:19

شنیدمت کەنظرمی‌کنی بەحال ضعیفان
تبم گرفت ودلم خوش بەانتظار عیادت
❤️ شیخی سەعدی❤️

‍ئەژنیم پەرسیوە ،، وەنەو هەژارا
سەرمۮەی وەنەو ،،،،، لاشە بیمارا

یاوی گێرتانێ و دڵ وەشوو ئامایت
تووتیا ئاسان ،، خاکوو پا و پاڵایت
(فەهیم )

@VANADIHOWRAMAN

2,953

وەنەدی

11 Dec, 10:19

حەکایەتێوە مەکینە :

برەیوە هۆرامانوو ئەودیمی : ئێراقی

کۆرنێوە ئەوسا خانێما بی
شەوانێ لوێنمێ خزمەتش دیواخاننە٠
خان سەروو کورسیەو نیشتەبێرە ونۆکەرێوە لاشنە مردابێرە ٠ وەختارێ سڵام کەرێنمێ خان نەسانێشەو نۆکەرەکەش واچێ : خان فەرماوۆ : علیکم السلام ، کوچالەی مردێنمێرە نۆکەرەکە واچێ : خان فەرماوۆ : بنیشتێرە ، دماو دە پانزە دەیەقا نۆکەرەکە واچێ : خان فەرماوۆ :
خوۮا حافیزتا بۆ !

@VANADIHOWRAMAN

2,121

وەنەدی

10 Dec, 15:06

🌻گەوهەرێ گەوهەربارا هۆرامانی🌻

هەرچی گۆشێنە بۆ بەچەمچە بەرمەی💐

سەرە وەش بۆ هەرکڵاوێ فرێنێ🌸

نامێش نیەنە کوولەکێ تەڕەنە🌷

نمیارۆ کولەکێ تەڕەنە بانگ بۮۆ 🌹

کولەکێ تەڕەنە ئاویر کەرۆوە 😱

ئاوە گەنەی چێروو سمەرا 🌾

@VANADIHOWRAMAN

2,076

وەنەدی

09 Dec, 20:35

گەوهەرێ گەوهەربارا هۆرامانی 🎄

یۆنەگبەتیش ئاما بەتوەو ماسی تاسیۆ 🌲

بزەی گەڕۆڵە سەرچەمەوە ئاوی وەرۆوە 🌻

هەر یاوا بەهەری تەمەرێز هەی تەمەرێز 🌿

گەدایی وەشا قۆرتێش خرابێنێ🍁

هەرو گاو :
گژیاو وردە حەێوان دلێنە مشۆ 🌷

@VANADIHOWRAMAN

1,644

وەنەدی

09 Dec, 17:12

🔆 نۆتشە پاییزوو 1403

🎶ده نگ:
برای کۆچ کەردە سەباح هۆرامی

📸ویدیو:حەمید فاتێحی

@VANADIHOWRAMAN

1,780

وەنەدی

04 Dec, 06:16

لوولێوە خەمینە

@VANADIHOWRAMAN

2,160

وەنەدی

03 Dec, 11:29

شێوەو قسەکەردەی هۆرامی زوانا شەبەکی

@VANADIHOWRAMAN

2,450

وەنەدی

02 Dec, 17:52

مەردەکا هۆرزدێ ! زیننۮێ مەردێنێ
بادەو جامبازا ،، بێ هۆش کەردێنێ

یانەوەی بێکار ،،،،، دز هەمەکارەن
نەزان زانانوو ،،،،،،،، زانا پەتیارەن

دژمەن بی بەکەس کەس بی بەناکەس
ڕەنجوو چن ساڵەو کەسان شی نەدەس
( فەهیم)

@VANADIHOWRAMAN

2,392

وەنەدی

01 Dec, 18:26

گۆرانیێوە مەکینە :
جە هۆرامیا محاڵوو باجێڵانوو عێراقی 🌷

جەگردوو واڵە و برا هۆرامیەکا ئەودیمی ( عێراقی ) داواکەرمێ هەر جۆرە گۆرانیێ یام شێعرێ یام قسەکەردەی واڵە و برا هۆرامیەکاما جە محاڵوو زەنگەنەی ، شەبەک و باجێڵانینە دەس گنۆ پی شمارە تەلەفوونوو تەلگرامیە کیاناما پەی ، حەیفا هۆرامیێ ئاگاشا جە فەرهەنگ و محاڵوو یۆترینی نەبۆ ٠
دەسوو هامکاری و دڵسۆزیتا منیەیمێ سەروو چەماماوە 💐

09188774476

@VANADIHOWRAMAN

2,352

وەنەدی

30 Nov, 12:33

پاییز ها ویەرد ، زمسان راویارا
وەقرەم بێ وەقرەی ئامای وەهارا

وەرزا و وەرزەکەو چەرخوو دەورانی
ئاساو ئاسایی ،،، عەمرش هاڕانی
( فەهیم )

@VANADIHOWRAMAN

1,112

وەنەدی

28 Nov, 10:57

قسێوە وەشە :

پیەیوە قسە وەشی نوتشی کابرەیوە ڕیش چەرمەی وینۆ و تەماشە کەرۆ بازێ وەزێ زلەزلێ ئینەی مشتەشەنە ٠ ئێۮیچ پەرسۆش وەنە ئینێ چێشێنێ مشتەتەنە؟ ڕیش چەرمەەیچ ماچۆ : وەزینێ ،
دیسان پەرسۆشەو ونە چێششا پەنە کەری ؟ ڕیش چەرمەکەیچ ماچۆ : بەروو بنیەوشا ٠
پیاکەیچ کەرۆوە جواب : لوە بوەرەشا تەڵاقم کەوتەبۆ تربچەیچ پەی تۆ دێرا 😳

@VANADIHOWRAMAN

1,406

وەنەدی

26 Nov, 17:12

ئەنوەرسادات :
ڕەییس جمهوروو ئەوساو میسری پەرساش وەنەو وزیروو کەشتوو کاڵی : خەبەراتوو ئاگاوداریە کە قەوڵت دابێنێ پەنە ؟؟؟
ئاغەی مەرعی وەزیروو کەشتوو کاڵوومیسری جوابش داوە : ڕەییس هەرمانەش تەمامیەینە تەشریف بارە وزەش ڕا ٠

ساداتی کەردەو جواب : خاسا ساعبێ سەعات 10 مەو ٠

جەڕاسینە تەنانەت زەمینەکەیچش نەسنیا بێ ، مەرعی لوا پەی شاروو ( فیۆمی ) و گاودارییش پەڕجە گاو و گۆرەکەش حازرکەرد ٠ئی ڕوەکەوە سادات لوا پەی وستەی ڕاو ئی گاوداریە ، هەکە یاوا ئا محاڵە دیش گاوداریەکە ئینا وەشتەرین یاگێنە وپەڕا گاو گۆرەکێ ٠ دماو چەم پەنەکەوتەکەی سادات ئاغەی مەرعیش بەرد گۆشەیوە و پەرساش وەنە : پەی هەر گاومێشێوە چن کەرهات دەینە ؟؟
ئاغەی مەرعی چی سوالێ پەشۆکیاو واتش : 10 لیرێ ئاغەی ڕییس٠٠٠

ساداتیچ واتش : 10 لیرێ پەی 12 سەعاتا ئیجارەیوە فرە نیا ؟!!!
ئاغەی مەرعی هۆر پڕووسقیاو پەرساش کێ عەرزش کەردەنی :
ئی گاومێشامە بە کرها ئاردێنێ ؟؟

ساداتی وات ئاغەگیان ! من زاڕۆڵەو ئی ئوستانێنا ، عانێ ئامانێ دلێ گەوڕەکەی گاومێشەکێ بێ وەقرێ بێنێ ، گاومێشیچ وەختێ بێ وەقرەبۆ ئانە نیا گەوڕەکەو وێشەنە ٠٠٠!!

دەسکەوت :
ئەرلوای لاو وەنە پەرسیاو رەییسێوە لاشاخێ شانێ . بزانە ئا کەسە نیا یاگێ وێشەنەو بەناهەق نریان ئاگە ٠

@VANADIHOWRAMAN

1,412

وەنەدی

26 Nov, 06:04

سەرداو سۆڵەنە و شەرا و گەرمانە
چەترەو سەرەیما ،،،،،، تەنیا ئەۮانە

عانێ پیرە بیە و نەمەنە هازش
هەر زاڕۆڵەیوە ، نەکێشۆ نازش

پەنە نەزانوو گێل و بێ مایەن
ڕسواودلێ خەڵکی و بەرەوخوۮایەن

سپڵەی بێقیمەت وەحشی هەردانەن
بێ ئاوەزێوەن ،،، نامێش ئینسانەن
( فەهیم )

@VANADIHOWRAMAN

2,984

وەنەدی

25 Nov, 10:27

قسێوە مەکینە :
کابرەیوە نوتشی ملۆ قاوەخانەیوە ٠ کابرای قاوەچی وەروو پیری دەسێش لەرزا ، نمەزانوو سەروو چێشی قسێشا گیریا یۆ ٠ نوتشیەکەیچ بە قاوەچیەکەی ماچۆ : کورە گم بە تاتەم یەرێ ئاننۮە تۆ گیانش چەنەبێ کەردما چێروو خاکیەو !

@VANADIHOWRAMAN

1,634

وەنەدی

23 Nov, 19:12

کەماڵا 🦋

چون خەزان زەرد ڕەشتەی سوەیلم
جە یاران بڕیا و دوورکەوتەی لەیلم

لەیلم هۆرامان ،، نەجدم کۆ وکەمەر
جوانیم ویەرد ،، عەمرم بێ سەمەر

پیادە ڕۆ تەڵان ،، خیابان سارامەن
گرمەو ماشینا ،،،،،، بوڵبوڵ نەوامەن

دووکانێ کەپرێ ،،،،،، پاساجێ باخێم
پەی مەسکەنوو وێم هەزاران داخێم
(فەهیم )
@VANADIHOWRAMAN

1,615

وەنەدی

23 Nov, 06:31

خەزان وێم ئاسا رێزارە و بی زەرد
مەناڵۆ وێنەی ،،، ئەوگارانی دەرد

ئاۮ دلێ تەوەناش کەردەن بە ماوا
من نادیارەن ماوام بۆ کام هەرد؟
( فەهیم )

@VANADIHOWRAMAN

1,857

وەنەدی

21 Nov, 06:02

یانەو مامۆسا سەیدی جە دەگاو سەروو پیرینە👆

کاتێوەت زانا ، گێرتم قارە
پێسەو موسای عەسام شارە

ژیوارم کەرد ،،،،، زرێبارە
ئەگەرنێشات تۆم پەی نارە
مامۆسا 🌷سەیدی🌷

بێشۆن بی سەیدی و یانەش کەلارە
نیشاتڵێچ ناما و عەساش نەشارە🏑

ژیواریچ مەنەو ، نەبی زرێبارە
شیرینە مەردە و کاسیارە هارە
( فەهیم )

@VANADIHOWRAMAN

2,066

وەنەدی

20 Nov, 19:12

دیانێ پەی سەعاتێ ،

شش ویس دەیەقێ ساعبێ بێ ٠

ئەزنەو وتانیۆ .

چەودما هۆرساوە ،

دیانیوە پەی سەعاتێ ٠

شش ویس دەیەقێ ساعبی بێ٠

ئەجیام : هەڵای هەواتاریکا ،
ڕەنگا ئەوجارەکە چەمێم وەرمەو بێنێ ٠

لام ئاسەرە وەختارێ هایم بیەو وەرکەوتە بێ وەلێم سەعات دیسان سەروو ششوو ویس دەیەقێ ساعبێوە بێ ٠

بەسەرسامیەو هۆرساوە باوەڕ نەکەرێنێ سەعاتەکێ مەردێ بۆ ٠
ئی عاۮەتێشە نەبێنێ و منیچ چەمەڕا نەبێنێ ٠

بنیاۮەمەکێچ هەر ئی سەعاتا مشا ٠

بازێ ئینەی دەورمارە سەعات ئاسایی ڕێک وپێک و بێ مردامانێنێ ٠
ئاننۮە ئارام و سەروو وێ سووڕیاوە دەورتەرە کەسووڕ واردەیشا نمەوینی ٠

بیەیشا لاتەو بێ هەمیەتارێ ،
بێ منەت دەورتەرە گێڵا ،
بێ ئانەیە واچا خجڵا باتریشا تەمامیای تەمامیۆ ،
کتووپڕێوەنە ڕۆشنایی ڕۆی ماچۆ : ئیتر نیەنێ ٠

قەۮروو ئی بەشەرا بزانمێ ٠

وەڵێ شش و ویس دەیەقێنە ٠٠٠!

@VANADIHOWRAMAN

2,100

وەنەدی

20 Nov, 11:53

نەقاش هەرتۆنی ❤️ پەروەردگارا
ئاراییش دەروو 🌷 مەلوو باڵدارا

منی بێ مایەو ،،، دوورجە عێرفانی
تەنیا مەرواچوو هەر وێت خوۮانی
( فەهیم )

@VANADIHOWRAMAN

4,574

وەنەدی

18 Nov, 07:58

کابرەیوە لوا لاو بەنامێ غەیب زانوو حەساب گیرێوە و واتش : قوربان گیان ! موترەکەشا دزیەنا و نمەزانوو کێچ دزیەن ٠ حساب گیریچ دەموو کتێبیش کەردەو واتش : دوێ نەفەرێ سوارش بیێنێ و بەرایش بەرا ڕووبە کرماشان ٠ ساحێب موتوریچ کەردشەو جواب : بەو دەورتەرە موتۆرئاوا 😳

@VANADIHWRAMAN

1,710

وەنەدی

17 Nov, 19:55

دیار فەتحی :
زاڕۆڵە مەدرەسەیی کەلاس چواروو دەبستانوو شاروو هۆرامانوو تەختی : 500 میلیۆنێ تڵاش ئێسەو داشەو بە ساحێبەکەیش ٠
هەواڵێوە کوڵ و کۆتا وەلێم بەرز و پەڕ مانا ٠
شێخ سەعدی فەرماوان :
" گەورەیی بە عەقڵا نەبە ساڵ ، دارایی بە هۆنەرا نە بەماڵ "
بازەکەسێ ئاننۮە نەۮار و کەم دەسێنێ کە تەنیا زەڕدارێنێ !
ئاخ وەشڵەی ئانیشا کە بەۮ ئەخموو گرانجان و لارێنێ وازشا ئاردەی جە بەۮ ڕەفتی و ناڕاسی و ئی زاڕۆڵەشا کەردەی بە سەرمەشقوو ژیوایشا و بەکەردەوەو هەرمانێ بێ فەڕێ نامێ هۆرامانیشا بەۮنام نەکەردایە ٠
وەختارێ شوتی پاکوو ڕزقی حەراڵ دریا بە زاڕۆڵا و خاس گەورێ کریەی دەس کەوت و سەمەرش هەر ئینەن : دنیەیوە سەربەرزی و شانازی پەی هۆرامانی و هۆرامی زوانا ٠ کاناڵەو (وەنەدی) مەبارەکبای ماچۆ بە گردوو هۆرامیا و دەسوو ئەۮاو تاتەو ئی عەزیزە ون شیرینەی ماچ کەرمێ و جە ئاسانەو خوۮای گەورەینە لاڵیەیمێ عەمرێوە درێژ و پەڕجە وەشنامی وسەرکەوتەیوە ئەوپەڕ نادیاری کەرۆ خەڵاتوو کاکە دیاری
❤️💐❤️

@VANADIHOWRAMAN

1,477

وەنەدی

16 Nov, 09:01

ژەن ئاردەی :
کەوتە بێ سەرەم ، پەنەم وەش یانەو ئاژەنێ کە مارووش جە وێما دەوڵەمەننۮ تەرێ نەبا هەتا ژیوای وەشتەرش پەی ڕێک وزوو ٠
ئەۮام چێمنە کناچێوەش نیەی بێنێوە پەی ٠
نمەزانوو ئی قسێ چەنی یاوەی بێ لاو ڕەییسەکەیم چون داوەتەش کەردا پەی نەهاری هەتا مۆچیاریم کەرۆ٠

ڕەییسکەم نامێش عاسم بێ وەلێم کارمەندەکێ واچێنێش پەنە عاسم گوورەوایی !
سەروو واۮەی لوانێ پەی ڕەستوورانی ٠
رەیییس هەتا چەمش کەوتا پەنە واتش : جوانێوە نەجیب و ماقووڵ گۆش بەراوازنی خیاڵما مۆچیاریێت کەروو ٠
نەۮەو سەرەت یانەو میزان و وەزعەی وەشتەرە وەش کەری پەی ژەنەکێت ! ئەرگۆشم نەۮاری وەنە وێم ئاسا هەڕە ملۆ سەرەترە ٠
پاسە بەۮ بەخت بیانێ گرکەس ماچۆم پەنە عاسم گورەوایی!
پەرسام :
جەنابوو ڕەییسی چی ماچات پەنە ؟کەردشەو جواب :
چون بەۮ بەختی من جە هیتەی گورەوەیوە دەسش پەنەکەرد ٠چەودما داستانەو زیننۮەگیش گێڵنانیوە پەی :
عانێ خیاڵم بێ ژەنی باروو وەروو وێمرە واتم : مشیۆ کناچێ یانە کەم دەسێوە وازوو کە چەنی بیە و نەبیەیم ساچۆ و وڕوو ویانەی فرەم وەنە نەگێرۆ ٠
هەر پی مرامەو کناچێوە ویسوو یەک ساڵێم واسە بەنامێ سەباحەتێ
باوانیش نەبی(جەهێزیە)
تاتەش کاربەدەسێوە ساۮە بێ ٠ فرەیچ زەریفە نەبێ ، منیچ وەشحاڵ بێنێ ژەنەو وێم دەسە کەوتێنە ٠

سەباحەتە ژەنەو یانەی بێ ٠ واچێنێ ئێشەو بلمێ جبەرەو نان وەرمێ ، واچێ چی زەڕی زیاۮە خەرج کەرمێ
؟ واچێنێ سەباحەت گیان جلێت پەی سانوو واچێ : مەر ماقووڵی ئینا جلاوە؟
هەتا ڕوێ بە زۆر هیتەی گورەوێ زەریفێم سانا پەی ٠ دوێ مانگێ ویەردوو گۆرەوێش نەکەردێنە٠
ڕوێ واتم : ئازیزەکێم گۆرەوە تازەکات چی نمەکەرینە ؟ بە ڕوەو واتش : ئی گۆرەوە تازێ چەنی ئی پاڵا کۆنا ناجۆرێنێ !
به زۆر بردەم پەی بازاری و هیتەی پاڵاەی تازێم سانا پەی ٠ سەبایشەو کە خیاڵما بێ بلمێ مێمانی دیسان گۆرەو پاڵا تازەکاش نەکەردێنە ٠ واتەم پەنە : چی گۆرەو پاڵایەکات سننۮۆقنە نماری بەر
کەردشەو جواب :
ئاخر جەلەکێم چەنی گۆرەو پاڵەیەکام بە یۆترینی نموەرا !
هەرئاۮ ڕوە دەسێوە جلێ تازێم پەی سانا٠
وەلێم ژەنەکێم نەکەردێشەنە٠ دەلیلەش ئینێ بێ ئی جلێ چەنی جاکەتەکۆنەکەیش بە یۆترینی نموەرا !
لوانێ دوێ بلووزێ عالێم سانەی٠
ئیجارە ڕووسەریش گەرەک بێ ٠
روسەریچم سانا و ئیتر ناتەمامیش نەبێ! وەلێم تازە ئینە ئەوەڵوو کاری بێ! چون گۆرەوەکێش کۆنێ بیێ بێنێ و کجیەکەیچش باوەش نەمەنەبێ ئەزنەو پۆشتێم کەردەوە!

هەتا ڕوێ دیم تشنانش ، پەرسام چێشتا؟ واتش ئی قژامە بە جلەکام نموەرا ٠
قەرار بی حەفتەی کەڕەتێ بلۆ ئارایشگا ٠
شەونەو بەینێوەرە، دیم سەباحەتە پەشێۆنە ٠ واتش : کەل و پەلوو یانەی باوش نەمەنەن و بە وێما نموەرا٠
فاڕای دلێ یانەی ڕەحەت نەبێ وەلێم وەروو دڵوو ژەنەکێم فاڕەیم ٠
سەباحەتە یانەو تاتەیشەنە ڕادیۆش نەۮیەبێ وەلێ یانەو ئێمەنە شەوانە تەماشە تەلەفزیۆنی کەرێ!
بەینێش پەنەشی ڕوێ واتش : یانەکەما قەۮمیا و مەحەلەکێچش پیس و پۆخڵەنە ، منیچ ئاپارتمانێوە عالم مەحەلێ دەوڵەمەننۮنشینەنە گێرتە کرها ٠ واوەی ئی جارە کەل و پەلوو یانەکەی چەنی یانەکەی جۆرێ نەبێنێ ، ئەیزەن دلێ یانەم واڕا ٠
شۆنەو دوێ یەرێ مانگارە سەباحەتە دووبارە تشناشەو٠
پەرسام خەیرا ؟ پێسەو هەمیشەی ڕوەش نەبێ واچۆ وەلێم بەجۆرێ یاوناش ماشینش گەرەکارێ !
بە قەرزو قۆڵەو واروو چوەر کەردەی ماشینێم سانا پەی خانمێم ٠
ئیسە ئیتر ڕەحەت نەتاوێنێ پێسەو عانێ تازە واسێ بێم قسێش چەنی کەروو!
جەگر زەریفێ زەریفتەرە بێ!
کارش بیە بێ مەلەکەردەی و سەینەما و ئارایشگاو مێمانی لوای !
کناچێوە کە یانەو تاتەیشنە ئاویش دەس نەگنێ یانەو مننە ویسکی وەرێ ، ویسوو چوارسەعاتەو خوۮای وەروو وێشرە واچێ : بنیاۮەم مشیۆگر چێش بە یۆی وەرۆ !
ئەوەڵەو نەزانێنێ چی ئی قسا کەرۆ نا تەمامیش نەمەنە بێ وەلێم دماتەر حاڵیم بی چێوێ کە ژیوای سەباحەت خانمێنە کۆنە بیەنوو بە ماباقی چێوا مەوەرۆ وێمنا !
مەجبوور بیا تەڵاقش بۮەو و
یانە و ماشین و دلێ یانە و هەرچێم بی بەردش ٠
تەنیا چێوێ کە پەی من مەنەو ئی لەقەبوو عاسم گۆرەوایە بێ !
ئی هیتە گۆرەوە بیێ بایسوو ئانەیە گرچێوێ بە یۆترینی بوەرۆ

عەزیز نەسین

@VANADIHOWRAMAN

1,902

وەنەدی

14 Nov, 05:22

پەی زاڕۆڵا
شێعرە: پاییز
نویستەی: شارۆ
ئاهەنگساز: فەرید عەباسی
ڕێکوستەی، میکس و مسترینگ: کاوان موحەمەدی
وانەرێ: نەرگس قادری، موژدە ڕەسووڵی، نەزیرە ڕاست‌خانە
زەبت: تیون ئستودیۆ

هەرمانێوە جە: زاگرۆس ئەنیمەیشن‌ی

کاناڵەو وەنەدی دنیەیوە دەس وەشی برای ساحێب زەوقی کاکە فەرید عەباسی و ماباقی ڕێکوزا و هۆنەرمەندا ئی سروودە عالە زاڕۆڵانێ
کەرۆ 💐💐💐

@VANADIHOWRAMAN

2,146

وەنەدی

14 Nov, 05:21

رێزارە خەزان ، نیشتەرە دامان
بیێ مەحرەمێ ، باڵاو نەمامان

پاییز لەچەکش فڕە دەێرە واری
ئەزنەو وێش داوە ، لانەو بێعاری
(فەهیم )

@VANADIHOWRAMAN

1,619

وەنەدی

09 Nov, 06:18

پاییز بارخانەش ، پێتەو جە باخان
سەردەن سەرهەردان چۆڵەن ئێڵاخان

هاناوان بێ ناز ، بڵبڵ خەم نە کۆڵ
شاروو خامۆشان سارا و دەر و دۆڵ
(فەهیم )

@VANADIHOWRAMAN

2,361

وەنەدی

07 Nov, 05:01

زەمانێ :
کە بەردەداری ئیمریکانە باوبێ ژەنێوە سیاو پۆسە بە نامێ (هاریت ) دەسەیوەش پەنانە نیابێ یۆوە و بەردەکا ڕەمنێ ٠

دماتەر پەرساشا وەنە : ئی هەرمانەو نەجات دای بەردا چێشش سەخڵەت بێ ؟
دماو چن تاوێ بێ دەنگیرە واتش : ڕەزاکەردەی بەردەیوە کە باوەڕش بۆ بەردە نیا و مشیۆ ئازاد و پیاو وێش بۆ ٠٠٠٠!

@VANADIHOWRAMAN

2,230

وەنەدی

06 Nov, 09:42

نەرەجیام رۆی ، کەجوانە بیێنی
هەرئەجیێم ئەۮەی ، بەپیری دیێنی

ئەۮا داخەکێم ، نەزانام کێنی
تەنیاحاڵیم بی هەرپێسەو وێنی
( فەهیم )

@VANADIHOWRAMAN

1,855

وەنەدی

06 Nov, 09:28

گۆرانیەو : وێرانە بۆ

گۆرانی واچ : کاکە بهرووز بەڵخەیی

شێعرێ : مامۆسا خەمیار نەوسوۮی

@VANADIHOWRAMAN

1,725

وەنەدی

05 Nov, 08:11

🔴 ‌داستانێوە مەکینە :

دزێوە وێش کەردە بانگێوەرە و قێڕناش : "کەس نەجمۆ زڕەڕوو دەوڵەتین "
پی قسێ مشتریەکێ سەروو زەمینیۆ ئیژیەیرە ٠
ئینە ماچاش پەنە
" شێوەو ویرکەردەیەو "
وەختارێ دەزەکێ لوەیوە حەشارگەو وێشا ، دزە جوانەکە کە لیسانسوو تجارەتیش بێ بە دزە پیرەکەی کەشش کەلاسێ سواۮش بێ وات : " بارە با زەڕەکەی بژمارمێ " دزە پیرەکەی وات : " وەختی فرەش گەرەکا ، شەوێ تەلەفزیۆن وێش ماچۆ چننۮە بریان "
پینەی ماچا
" تەجرەبە و سەرئامای "
شۆنەو ئەرەزیای دزەکارە سەرپەرسوو بانگی بەڕەییسیش وات : ئەلعان تەلەفوون کەروو پەی پۆلیسی وەلێم ڕەییسی وات : " بخەینە تا وێچما بازێ چی زڕیە هۆرگێرمێ و بنیەیمێش سەروو ئانەیۆ کەوەڵتەر بەردەنما جا واچمێ چننۮەشا بەردەن ٠
پینەیچ ماچا "
چەنی شەپۆلێ مەلەکەردەی "
وەختارێ تەلەفزیۆنی وات " ئاننۮە جە بانگی دزی کریان ، دزەکێ زەڕەکەشا ئەژمارا و بە ئاڵۆزیۆ واتشا : ئێمە گیانوو وێما وس خەتەر و 200 ملیۆنێمادەس کەوت وەلێم ڕەییسێ بانگی بە چەم ترووسکنایوە و بێ تەرس 800 ملیۆنێشا یاوا لا ٠
پینەیچ ماچا "
زانایی جە تڵای فرەتەر مێژۆ "

@VANADIHOWRAMAN

1,772

وەنەدی

04 Nov, 12:47

کناچێوە دەنگ وەشە 💐💐💐

@VANADIHOWAMAN

1,943

وەنەدی

03 Nov, 14:14

وێنەگیر:بهمن شریفی

پاییزا و خەزان ، عاقێقی ڕەنگەن
درێ ماتێنێ و هەوار بێ دەنگەن

بڵبڵ گیرۆۮەی ، جەور زەمانەن
ژەرەژ ئاوارە و بێ خانە و لانەن

هەرنەمام ڕەنگێ ، هەرباخ خەڵاتێ
هەر سەراو کاڵاو ،،، فەرەنگ وەڵاتێ

وەلێم هەزارداخ هەزاران حەسرەت
بێ بەقان ماوای پەڕدەردو مەینەت

کاتێوەت زانا ، وەیشوومەو داران
مێردەزمەو دەرە و کەپر و هەواران

شاۮیش شێونا ، چون جەفا کاران
سیاوپۆشش کەرد ،هەوارگەویاران

ئەوسا وێم ئاسا پەڕجەداخ و دەرد
گەڵاو شاۮیشا بەردەو هەرداو هەرد
(فەهیم )

@VANADIHOWRAMAN

1,808

وەنەدی

02 Nov, 16:33

تاتە :
نانوو دووکانەکەیش دزی ، وەلێم هەکە ئاما بزیۆرە دووکانداری وەرگێرت ٠ کناچڵەکێ بە پەشۆکیایەو پەرسۆ وەنەو تاتەیش چێشا ؟؟؟
تاتەی نگەران هەتا مەی دەم کەرۆوە و واچۆ بەخشەم دووکاندار ماچۆ : کناچڵەکێم تاتەت ٠ باقی زەڕەکەیش ویر شیەبێ ٠ عانوو ئەرەزیایچ تاتەکە خەفەتبار و بێ گریک دیارا ، دووکاندار دیسان چڕۆشەو وەنە و ماچۆ : برا کیسە برنجەکەیچت ویرشی ! ڕەحمەتوو پروەردگاری وەنەو ئا بەشەرا کە بێ بەهانێ دەسشا ئینا دلێ بەخشای و خەیراتینە٠

@VANADIHOWRAMAN

2,063

وەنەدی

01 Nov, 18:13

پاییز بارخانەش ،،،🍁 ،،، پێتەو جە باخان
سەردەن سەرهەردان ☁️ چۆڵەن ئێڵاخان

هانێ بێ نازێ و بڵبڵ خەم نە کۆڵ🐦‍⬛️
شاروو خامووشان سارا و دەرە و ودۆڵ
( فەهیم )

@VANADIHOWRAMAN

1,699

وەنەدی

01 Nov, 04:50

* ژیرێوە واچێ :
دنیا یانەیوە گەورەن و بەشەرەکاش هەرکام کەل و پەلێوە دلێ یانەکەینێ

بازێشا : کاردینێ : تێژێ و بێ ڕەحمێ

بازێشا : شقارتێنێ : ئایر هۆرگیسنا

بازێشا : کتریەنێ : زوو مەیا قوڵێ

بازێشا : تابلۆ ڕوەو دیوارینێ
بیەی نەبیەیشا یانەنە یۆن ٠

بازێشا : چەمەچە چایینێ
تەنیا کارشا شێوناین ٠

بازێ ڕادیۆنێ :
تەنیا مشیۆ گۆششا پەی گێری ٠

بازێشا : تەلەفزیۆنەنێ
هەرخەریکوو نمایش داینێ ،
مشیۆ تەنیا تەماشەشا کەری ٠

بازێشا قازانێنێ :
پەیشا بێ فەرقا چێششا چەنەبۆ تەنیا پەڕێ با ٠

بازێ قەندانێنێ : شیرین و لەزەت

بازێ مەکۮانێنێ :
مەکین و مەزەۮارێ ٠

بازێ پێسەنێ بووفەیوە زریفی ٠ ڕواڵەتێوە ڕووبازار و قیمەتیشا هەن و دلێوە چڵ و چۆێنێ ٠

بازێ سەماوەرێنێ :
ڕواڵەتشا ئارام و دەروونشا نائارام وبێ وەقرێنێ ٠

بازێوە تۆپێنێ :
وێشا هیچ کارێنێ و بە مەیلوو ئێۮو ئەوی فڕ دریا پیلاو پەولارە ٠

بازێ سەننۮڵیێ ڕەحەتێنێ :
تاوی سەرشاوە نیشیرە وەلێم هیچ وەخت نمەتاوی پاڵشا پۆدەی ٠

بازێ کڵاوێنێ :
بازە جارێ منریا و بازە کەڕەتێ لابریا وەلێم هەردوی لەیرە بەشەریخڵەتنا ٠

بازێ چەکوشێنێ :
کارشا کوای و وەنەدای و ماڕاین ٠

وەلێم بازێ ترازیێنێ :
دادگەر و کەتمان نەکەر و هەق واچێنێ هەرچن بە زەرەروو وێچشا بۆ ٠

دەسەیوە گۆزەڵێ بلۆرینێ :
پاک و زەراڵ و یاگێ باوەڕی ٠

*تاقمێ جامێنێ :
سافێ و بێ شیلە و پیلە و بێ کەمتەرین قولچی و ناسافی ٠

دەسەیوەچەترێنێ :
وەروو ڕەهێڵەو گیر و گرفتاوە ٠ هۆردریا

بڕێ شەمعێوەنێ :
سۆچیا و تەمامیا ، وەلێم با بە ڕۆشنایی و گەرما و دڵنیایی دەوروو بەریشا ٠

🔹 کوڵ و کۆتا ئینە هەمیتدارا کە بزانمێ ئێمە ئەوکام وەسیلەو دلێ یانەی مشمێ ٠

@VANADIHOWRAMAN

2,765

وەنەدی

30 Oct, 18:01

پاییزوو هەوارا هۆرامانی

@vanadihowraman

1,519

وەنەدی

28 Oct, 08:01

هۆرامان ، دەگاو ناوێ

پاییزاوفەسڵوو رەنگ زردی داران
واۮەو بێ نازی ، نشینگەو یاران

هەی هوویاعەمردیسان جەنۆوە
هەواران گێڵمێ بە یادوو تۆوە
(فەهیم)

@VANADIHOWRAMAN

2,508

وەنەدی

24 Oct, 11:32

قەڵەم واچۆچێش زوانش لاڵەن
خیاڵ سەرسامی نیگای محاڵەن

شێعرە شعوورش کزە و نەزانەن
مەر تەنیا واچۆ : یە هۆرامانەن
(فەهیم )

@VANADIHOWRAMAN

2,906

وەنەدی

23 Oct, 09:33

قسێوە ژیرانێ :

ماچا کابرەیوە دەمەرە ئیژیابێرەو دەمش نیابێ ئاوەو ڕۆخانەیوە ، ژیرێوە پارە ڕەۮ بی و واتش پەنە :
لالۆ گیان ! ئاو واردەیەو پی فیاتە
تۆ وەریشەو عاقڵانە نیا ! کابرایچ سەرەش بەرز کەردەو کەردشەو جواب : عەقڵ چێشا ؟ ژیرەکەیچ وات : هیچێ ئاوەکیت وەرە 🥹🥹

@VANADIHOWRAMAN

2,198

وەنەدی

23 Oct, 04:52

🍁 مامۆسا بێسارانی 🍁
و
🍁 وەرزوو پاییزی 🍁

@VANADIHOWRAMAN

2,037

وەنەدی

23 Oct, 04:24

پاییز وەیۆ ئاسا وێشدان دار و گۆڵ
کەردەن ئارایش ، باخان چڵا و چڵ

هەزاران داخێم ، دەوام نەدارۆ
شەڵتەوئەجەلی ئەوجەسەش وارۆ
(فەهیم )

@VANADIHOWRAMAN

3,133

وەنەدی

21 Oct, 19:15

ئاکەلیمێ :
کەپەی خەڵاتی یام هەقەدەس و
چێوداینە بەکار بریێنێ :

چێرچۆکانە
یام چێر زەنگۆڵانە :
ئیسە بیەن بەچێر مێزی ئەدارا😜

شیروایی یا ماڵ :
زەڕێ بێ کە دیاری کریێ زەما بۮۆش
بە یانەو هەسوورەی 😳

پاقەۮەمانە :
دیاریێ بێ
کە پەی پێۮابیەی زاڕۆڵەی دریێ 💐

زوان گوشاۮانه :
ئاخەڵاتینە کە پەی زوان گێرتێ زاڕۆڵەی دریۆ 🌷

شەرموانە :
خڵاتی بێ دریێ بە وەیوێ هەتا
چاکەسیە کە شەرموانەکێ مۮۆ شەرم نەکەرۆ 🌺

سەرقەڵەمانە :
زەڕێ بێ کە دریێ بە دۆعا نویسی 😳

دەس وەشانە :
زەڕێوەن کە دریۆ پا کەسیە هەرمانێوەش رێکەوسێنە 🌸

حاجیانە :
نانوو چاشتێوەن عانێ حاجی حەجەنە مەیوە 🌼

پاگوشانە یام پاوە کەردەی یام باوەخون :
مێمانیێوەن کە دماو شووکەردەی کناچی دریۆ🌻

رەنجبەرانە :
هەقەدەسێوە بێ کەدریێ بەرەنجبەری☘

شوانانە :
یام شەرتەشوان : هەقەدەسوو شوانەی بێ🍁

جمعانە :
نانێوەن کە شەوا جمعەی دریۆ بە خاۮموو مزگی ، یام ئا وەزێنێ کە شەوا جمعەی مزگینە دریا بە خەڵکی 🌷

ئاغانە :
دەخڵ و دان یام زەڕێوە بێ دریێ بە ئاغە یا مالکوو زەمینی 🌿

پووشانە :
زەڕێوەن دریۆ بابەتوو لەوڕیای
حێوانی 🌿

هەرانە :
زەڕێ بێ کەدریێ جەڕاو نەزانکاری یام مامەڵە پەشیمانینە 😭

وەزەبان :
خەڵاتێ بێ کەپەی پێۮا بیەی زاڕۆڵەی دریێ🌳

دەراڵانە :
دریێ بە کەسێ هەرمانێوە جۆرە کەرێ🎋

حەماڵانە :
دریێ بەکۆڵبەری بابەتوو هۆر گێرتەی کەل وپەلی 🥀

شاگردانە :
زەڕێوەن کە دریۆ بە شاگردی🎄

دەربەژەنانە :
عانێ وەیوە یانەو تاتەیشەو ئێ بەر کابرێوە چەقوو بەرەکەی گێرێ و هەتا زڕێوەشا نەۮایه نازێ وەێوەکێ بزیۆرە 🌝

باربوو :
کۆمەک یام زڕێوە بێ دریێ بە کەسێوە کە یانێش کەردێنێوە وەیام چێوێوە گرانش سانایە🌼

کاکە بەشانە :
بەشێوە زیاۮە بێ کە دماو مەردەی تاتەی دریێ بە کوڕی گەورەی 😜

قێخانە :
زڕێوە بێ کە خەڵک دێنێش بە قێخاو دەگای 🌿

خاۮمانه :
هەقوو خاۮموو مزگی بێ 🌾

@VANADIHOWRAMAN

2,529

وەنەدی

13 Oct, 11:35

ڕەحمەتی ئوستاد :
موحەممەد ڕەزا شەجریان 🌷

ئاننۮەو گەورەیی و عەزەمەتوو دەنگە ئاسمانیەکەیش پیا بێ💐

@VANADIHOWRAMAN

2,973

وەنەدی

11 Oct, 18:35

شێعرێ : مامۆسا ❤️ مەولەوی ❤️

دەنگ : شاهۆ حسەینی

@VANADIHOWRAMAN

2,326

وەنەدی

09 Oct, 07:28

شاکارێوە :
ئیبراهیم نەبەوی

مەیێ پێسەو پاڵنگی نمەشرێخنا ،
پێسەو هەری نمەسڕا
پێسەو هەورێشە نمەڕەما ،
پێسەو شێری نمەنەڕنا ،
پێسەو ماساوێ نمەلا چێروو ئاوێ ،
پێسەو ئەسپی غار نمەکەرا
ڕەنگا هەر وەروو ئینەیچ بۆ هەمیشە بەگەلەیی ژیوا و تووتەیوە چەمۮاریشا کەرۆ هەتا وەرگێ وەحشیێ نەوەراشا و دزێ نەبەراشا ئاخرسەر قەسابێ سەرەشا بڕا ٠
تووتێ وەفاۮارێنێ ،
وەلێم نە پەی مەیا ،
بەڵکوو پەی قەسابا ،
پەوکای دێمۆکراسی و ئازاۮی دەرەدەو مەیا نموەرۆ چونکەتەی مشێۆ ڕەئیە بۮا بە تووتەی یام قەسابی ، ئەر جگە ئینەیە بۆ مشیۆ خیانەت کەرا و بلا ڕووبە وەرگ کە ئاۮیچ موەرۆشا ٠
تەنانەت ئەر ئارۆیانەیچ ژیوا تەنیا بە مکانیزە و ئارۆیانە سەرەبڕیا ،
ئەر دیندارێچ با جەژنەکانە قەلەمنار کریا و سەرە بڕیا ٠
یۆگێرتەی مەیا هەتا عانێ حەیبەتی وەرگینە و باوەڕ کەردەی بە تووتەی و کاردەو قەسابی بۆ بێ سەمەرا ، تەنیا بۆ باییس کوشتارگەی مکانیزی و ئارۆیانێ وەشێ کریا ٠
هۆرجنیەی بریا ڕاوە ،
گردوو مەیا ڕەئیەشا دابە
+ تووتەی + ،
چون بێژ ئاۮی کەستەری نەشناسێنێ ،
پەشتەو سەرەو هەر مەیێ سەرنەکەوتێوە وەرگێوەن ٠
دێمۆکراسی " دنیاو مەیانە "
یانی هۆرچنیەی یۆ چینیشا :
تووتە ٠٠٠ وەرگ٠٠٠ یام قەساب!!؟؟
مشیۆ کۆشمێ جە مەی بیەی ترازیەیمێ وە ئی کاریچە بێ زانایی و لەیەکەودای و گەرک بیەی ڕێک نمەگنۆ ٠

@VANADIHOWRAMAN

3,152

وەنەدی

08 Oct, 04:31

🍁مەولەوی و وەرزوو پاییزی🍁

میکس و مونتاژ سۆران فەهیم

@VANADIHOWRAMAN

1,749

وەنەدی

05 Oct, 19:43

عانێ :
جەنگێ گیسیۆنە هەرکەسێ بەشێوەش گێرۆ گەردەن ، سیاسەتدارێ ئەسڵەحەو تەقەمەنیش جۆر کەرا ، دارەی و دەوڵەمەننۮێ خەرجش ، کەمدەس و نەۮارێچ زاڕۆڵێشا کیانا پەی جەنگی ٠ وەختارێچ جەنگ تەمامیۆ ، سیاسەتدارێ دەسوو یۆترینی شوارا و دارا و دەوڵەمەننۮێ چێوی گران کەراو هەژار و نەۮاریچ شۆنەو قەبرەو ڕۆڵەکاشارە گێڵا ٠

#ئارتور_شوپنهاوێر :
فەلسەفەزانی نامۮاری ئاڵمانی

@VANADIHOWRAMAN

2,037

وەنەدی

05 Oct, 12:11

هۆرامانوو ئەودیمی ، شاروو بیارێ

ئانە وەهاروو ئینەیچە پاییز
خەڵاتی خوۮایی وەتەنی ئازیز

@VANADIHOWRAMAN

1,823

وەنەدی

02 Oct, 02:41

پاییز بارخانەش ها ئینا ڕاوە
هامن وێم ئاسا قاڵش بڕیاوە

عەمریچ ساڵ ئاسا وەرزا و وەرزشەن
تینیش نەمەنە و ،،،، واۮەی لەرزشەن
(فەهیم)
@VANADIHOWRAMAN

2,357

وەنەدی

30 Sep, 08:07

پەی زاڕۆڵا
شێعرە: پاییز
نویستەی: شارۆ
ئاهەنگساز: فەرید عەباسی
ڕێکوستەی، میکس و مسترینگ: کاوان موحەمەدی
وانەرێ: نەرگس قادری، موژدە ڕەسووڵی، نەزیرە ڕاست‌خانە
زەبت: تیون ئستودیۆ

هەرمانێوە جە: زاگرۆس ئەنیمەیشن‌ی

کاناڵەو وەنەدی دنیەیوە دەس وەشی برای ساحێب زەوقی کاکە فەرید عەباسی و ماباقی ڕێکوزا و هۆنەرمەندا ئی سروودە عالە زاڕۆڵانێ
کەرۆ 💐💐💐

@VANADIHOWRAMAN

2,669

وەنەدی

30 Sep, 08:00

هۆرامانی وەشەسیا🍁 پاییزوو زەڵمی🍁

پاییزسەفەری و زمسان ڕاویارەن
وەقرەم بێ وەقرەی ئامای وەهارن

وەرزاو وەرزەکەو چەرخوو دەورانی
ئاساو ئاسایی عەمرش هاڕانی
(فەهیم )

@VANADIHOWRAMAN

1,898

وەنەدی

28 Sep, 17:11

مەوەلەوی :
و دوور کەوتەیەو جە شێ عەزیزی جانەوەرەیی ڕەفێقیش

میکس و مونتاژ : سوران فەهیم

@VANADIHOWRAMAN

1,808

وەنەدی

19 Sep, 06:12

کوڕێوە :
ملۆپەی سەروازی ، دماوچن مانگا مەیوە پەی مەرەخەسی و سەردای وەنەو ئەۮا و تاتەیش ، عانێ بڕ مۮۆوە یانە تەماشە کەرۆ تاتەش ڕیشێوە فرەش ئامان و دەسش دان وەروو زەنگۆڵاش ، ئێۮیچ ماڵۆ تەوقەو سەرەیشرە و دەس کەرۆ ئەۮا ڕۆکەردەی ، تاتەیچش ماچۆ : هەتیم ئەۮا ڕۆ چێشیتا ئەۮات ساق وسەلیمەنە ، کوڕەکەیچ دەموو گروایەو کەرۆوە جواب : ئەی ئی ڕیشتە چی نەتاشان ؟ تاتەکەیچ بە تووڕەییەو ماچۆ : خوێڕی ڕیش تاشەکە تۆ بردە بێ ؟

@VANADIHOWRAMAN

2,556

وەنەدی

18 Sep, 06:04

کابرەیوە :
دلێ تاقمەیوەنە پەیامش نیابێرە و نویستەبێش :
عانێ مەیمێ دنیا ڕووت و قوتێنمێ ،
عانێ مرمێچ هیچما پۆرە نیا و ڕووتێنمێ ،
ئیتر چی مشیۆ بە ڕووتی نەژیومێ ؟

قسەزانێوەیچ
جە جوابنە نویسەبێش :
عانێ ئامای دنیا قسێ نەکەرێنی ،
عانێ مریچ هەر قسێ نمەکەری ،
دەی ئیسەیچ "دەمت بینە "

@VANADIHOWRAMAN

3,135

وەنەدی

18 Sep, 05:37

پاییزاو خەزان ڕوەش کەردەو باخا
نەوسوێلی ڕەشت ، دیۮەو ئێڵاخا

هاکا بێ کەس کەوت بڵبڵوو چڵی
هەم بیناش نیاوە شیوەنوو گوڵی

تویچ نەبی غەڕەو مەقام و ماڵی
یام بە زریفی و جوانی جەماڵی

هەر پاییزش مەی ئی دنیای بێ پۆ
بابڵبڵ ئاسا نەبی ڕەنجە ڕۆ

وەشەڵێم پا کەسی ژیوا پاکانە
عەمرش ویارا ،،،، بە بێ باکانە

نەبی خڵاموو ،،،،،، دەسەو زۆردارا
دنیاش بە ساچای و قەناعەت ویارا
( فەهیم )

@VANADIHOWRAMAN

2,916

وەنەدی

13 Sep, 06:57

بۆنەو نزیک بیەیۆ ورزوو پاییزی🍁

@VANADIHOWRAMAN

2,322

وەنەدی

11 Sep, 19:47

هۆرامان ڕەنگین کویسان خاڵ‌خاڵا
دمـاو ئازیـزام ،، شـادٚیـم بەتاڵا

بێهرووز بەڵخەیی

@VANADIHOWRAMAN

2,561

وەنەدی

01 Sep, 09:28

یاۮێوە ڕادیۆ مەریوانی و
بەرنامەوهۆرامی ئەوسای

@VANADIHOWRAMAN

3,270

وەنەدی

20 Aug, 12:24

دیمەنێوە سەمەرە :
جە دنیاو پەلەوەرا !
دارەکۆ هەتا تاوۆ بلوێ گلێرێ کەرۆوە و دلێ قڕۆڵوو درەختانە هۆرشا گێرۆ پەی ڕۆ تەرۆ و تووشی و سەخڵەتی ٠ ئەردارەکوێ چن ڕوێ واردەشا نەبۆ ماباقی پەلەوەرا گێراو و ئاننۮە ماڵا تەوقەو سەرەیشارە هەتا کاسەو سەرەیشا مەڕیۆ و مەژگەکەیشا وەرا ٠
+ بەیاگێن زانمێ : دارەکوێ سانیەیوەنە 20کەڕەتێ دەنووک مۮا وەنەو درەختێوە ٠

@VANADIHOWRAMAN

3,800

وەنەدی

17 Aug, 18:37

نامەو : ✍
مامۆسا رەنجووری کەرکووکی
پەی وەلی دێوانەی
@vanadihowraman

2,814

وەنەدی

17 Aug, 18:32

❤️ مەڵڵا عۆمەری ڕەنجوری زەنگەنەیی❤️
و
🍁 فەسڵوو پاییزی 🍁

واتم ئەی نەمام نادرەی داران ڕەنگین چون قوماش خاسەی تجاران

باڵا وە کاڵای قیمەت دارەوە
قامەت وە قوماش یەمەن شارەوە

سەۮ شکۆر وە فەیز کارساز کاران تۆکەردەن وە شەوق باڵای وەنداران

یە چێشەن بەی تەور مەلەرزی وە لەرز
لەرزان تەر جە تووڵ تاف پای قەڵوەز

دیم ئاما بە دەنگ وات ئەی دەردەدار
ڕەنجووری ئەوڵاۮ قەیس هێجران بار

ڕاسەن هام وە بەرگ سوەیل ڕەشتەوە
بەکاڵای واڵای نوور پێ وەشتەوە

بەی تەور بەی قانوون تەمام تۆفمەن وەلێ جە وای سەرد تەمام خۆفمەن

مەتەرسوون نەبا جەی جای ڕەواندا بۆزۆم وە کۆسی دەردێ گراندا

عوریانم کەرۆ چون وەنی دڵگیر
بکەرۆم وە پەنۮ هەر جوان و پیر

واچان نامامێ جە پای هەردەی هەرد وەیشووم ناهاڵ ، کاڵاش غارەت کەرد

@VANADIHOWRAMAN

2,846

وەنەدی

17 Aug, 18:27

(تەڵقینەی هۆرامیە :
به شێوە زوانوو هۆرامیاو زەنگەنەو محاڵوو کەرکووکی ،
ماواو و مەکانەکەو مەڵڵا عۆمەری ڕەنجووری ، خەمە وەرەکەو وەلی دێوانەی 🌷

@VANADIHOWRAMAN

4,006

وەنەدی

وەنەدی (Kurdish)

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی

وەنەدی