#esse_mavzusi
NATIJALAR QACHON E'LON QILINGANI MA'QUL?
Barchaga ma'lumki 2-3-noyabr kunlari ona tili va adabiyoti fanidan milliy sertifikat imtihoni bo‘lib o‘tdi. Kimlardir sinov natijasi 29-noyabrda e'lon qilinadi desa, ayrimlar belgilangan muddatdan avvalroq ma'lum etiladi degan fikrni aytishmoqda. Aslida, xulosani qachon bilganimiz ma'qul? Quyida shu xususda mulohaza yuritmoqchiman.
Birinchi qarash tarafdorlari dalillariga e'tibor qaratadigan bo‘lsak, avvalo, BMBA tomonidan imtihon natijasi 21 ish kunida ma'lum qilinishi ko‘rsatib o‘tilgan. Shuningdek, yozma savodxonlik darajasini belgilovchi esse kompyuter emas, qo‘lda tekshirilishi qariyb bir oy vaqt talab etadi. Ekspertlarning aytishlaricha, bitta talabgor yozma ishi uchta kishi tomonidan qayta-qayta ko‘rib chiqilar ekan.
Ayrimlar belgilangan kundan oldin e'lon qilinishiga birlamchi, mahalla xotinlarining suhbatlaridagi gap-so‘zlarga ishora qilishayotgan bo‘lsa, ikkilamchi, ko‘pchilik 40 ta badiiy asarni o‘qib tugatmaganligi va bilimida bo‘shliqlar borligi uchun dekabr sinovini ko‘zlagani sabab noyabrda talabgorlar soni avvalgi holatlardan sezilarli kamaygani bilan izohlashmoqda. O‘tkazilgan so‘rovnamalarga ko‘ra, 2024-yilning ikkinchi yarmida onlayn va oflayn tayyorgarlik ko‘rib yurgan talabgorlarning 68 foizi noyabr oyidagi imtihon uchun ro‘yxatdan o‘tmagan. Sababi, yuqorida ta'kidlaganimizdek, dekabr oyida yana sinov tashkil etilishi nazarda tutilganligidadir.
Menimcha, 29-noyabrda g‘alvir suvdan ko‘tarilgani ma'qul. Birinchidan, yuqori darajali sertifikatni qo‘lga kiritgan o‘qituvchilar chala-chattimdan ko‘ra 1-dekabrdan butunligicha 20 foizlik ustama olishadi. Ikkinchidan, "Hammasini qoyillatdim" deb yurganlar past daraja olib qolishadigan bo‘lsa, xursandchilik kunlari hech bo‘lmaganda besh-olti kunga cho‘ziladi. Uchinchidan, BMBA o‘z ko‘rsatmasiga qat'iy amal qiladi degan o‘ydaman. To‘rtinchidan, talabgorlarda sabr tuyg‘usini yana ham kuchli shakllanishiga turtki bo‘lishi mumkin. Dono xalqimiz: "Sabr tagi-sara oltin",-deb bejiz aytmagan.
Demak, milliy sertifikat natijalarini belgilangan sanada talabgorga ma'lum qilingani ma'qul.
Sarvara Eshonxonova
https://t.me/ona_tili_Qurbonboyev
NATIJALAR QACHON E'LON QILINGANI MA'QUL?
Barchaga ma'lumki 2-3-noyabr kunlari ona tili va adabiyoti fanidan milliy sertifikat imtihoni bo‘lib o‘tdi. Kimlardir sinov natijasi 29-noyabrda e'lon qilinadi desa, ayrimlar belgilangan muddatdan avvalroq ma'lum etiladi degan fikrni aytishmoqda. Aslida, xulosani qachon bilganimiz ma'qul? Quyida shu xususda mulohaza yuritmoqchiman.
Birinchi qarash tarafdorlari dalillariga e'tibor qaratadigan bo‘lsak, avvalo, BMBA tomonidan imtihon natijasi 21 ish kunida ma'lum qilinishi ko‘rsatib o‘tilgan. Shuningdek, yozma savodxonlik darajasini belgilovchi esse kompyuter emas, qo‘lda tekshirilishi qariyb bir oy vaqt talab etadi. Ekspertlarning aytishlaricha, bitta talabgor yozma ishi uchta kishi tomonidan qayta-qayta ko‘rib chiqilar ekan.
Ayrimlar belgilangan kundan oldin e'lon qilinishiga birlamchi, mahalla xotinlarining suhbatlaridagi gap-so‘zlarga ishora qilishayotgan bo‘lsa, ikkilamchi, ko‘pchilik 40 ta badiiy asarni o‘qib tugatmaganligi va bilimida bo‘shliqlar borligi uchun dekabr sinovini ko‘zlagani sabab noyabrda talabgorlar soni avvalgi holatlardan sezilarli kamaygani bilan izohlashmoqda. O‘tkazilgan so‘rovnamalarga ko‘ra, 2024-yilning ikkinchi yarmida onlayn va oflayn tayyorgarlik ko‘rib yurgan talabgorlarning 68 foizi noyabr oyidagi imtihon uchun ro‘yxatdan o‘tmagan. Sababi, yuqorida ta'kidlaganimizdek, dekabr oyida yana sinov tashkil etilishi nazarda tutilganligidadir.
Menimcha, 29-noyabrda g‘alvir suvdan ko‘tarilgani ma'qul. Birinchidan, yuqori darajali sertifikatni qo‘lga kiritgan o‘qituvchilar chala-chattimdan ko‘ra 1-dekabrdan butunligicha 20 foizlik ustama olishadi. Ikkinchidan, "Hammasini qoyillatdim" deb yurganlar past daraja olib qolishadigan bo‘lsa, xursandchilik kunlari hech bo‘lmaganda besh-olti kunga cho‘ziladi. Uchinchidan, BMBA o‘z ko‘rsatmasiga qat'iy amal qiladi degan o‘ydaman. To‘rtinchidan, talabgorlarda sabr tuyg‘usini yana ham kuchli shakllanishiga turtki bo‘lishi mumkin. Dono xalqimiz: "Sabr tagi-sara oltin",-deb bejiz aytmagan.
Demak, milliy sertifikat natijalarini belgilangan sanada talabgorga ma'lum qilingani ma'qul.
Sarvara Eshonxonova
https://t.me/ona_tili_Qurbonboyev
