Nurulloh Muhammad Raufxon Telegram Posts

#Ўзбекча_ўрганамиз

Қоида:
Бир тил чеккадан бирон сўз олишга мажбур қолганида у сўзни ўз тилининг айтилиш (талаффуз) қоидасига мослаб олади (айрим чет сўз маҳаллий тил айтилиш қоидасига уйғун келса, ўзгармасдан ҳам кирса бўлади). Бутун дунё тиллари четдан мана шу қоида асосида сўз қабул қилади.
Нимагадир фақат ўзбек тили бегана сўзни айни бегана шаклда олишга мажбурланган, мияларимизга сингдирилган.
То бу бузғунчиликдан қутулмас ва тилимизнинг сўз қабул қилиш мустақил қобилиятини тикламас эканмиз, ўзбек тили тобора қарамлашиб, қашшоқлашиб, хунуклашиб кетаверади.

Бир нечта ўрнак бераман:

"Велосипед" эмас, ВАЛАСАПИД бўлади.
"Акумулятор" эмас, АКИМЛАТИР бўлади.
"Вулканизация" эмас, ВУЛҚОНЛАШ бўлади.
"Глобализация" эмас, ГЛОБАЛЛАШУВ бўлади.
"Телефон" эмас, ТИЛПОН бўлади.
"Машина" эмас, МОШИНА бўлади.
"Аппарат" эмас, АПАРАТ бўлади.
"Автомат" эмас, АПТАМАТ бўлади.
"Ноль" эмас, НЎЛ бўлади.
Ва ҳоказо...

Ўзбекча шаклларнинг айримлари агар кўзларингизга ғалати кўринаётган ва қулоқларингизга ғалати эшитилаётган бўлса, бу нарса қоиданинг камчилиги эмас, балки кўзларингиз ва қулоқларингиз етти ёт бегана сўзга ва тескари "қоида"га аллақачон ўрганиб қолганидандир, тилингиз мустақиллигини йўқотганидандир.

Ора-орада шу каби ўрнаклар беришда давом этамиз, иншаоллоҳ.

Мен одатда давлатнинг чизиғидан чиқмай юраман. Чизиқларни ҳурмат қиламан, чунки давлатда қонун-қоида, тартиб-интизом бўлиши керак, деб ҳисоблайман.
Эскидан шундай эдим, ҳозир ҳам шундайман.
Лекин...
...кейинги пайтлар чизиқлар тобора кўпайиб, йўллар тобора торайиб кетяпти. Унисидан қочсангиз, иложсиз бунисини босасиз.
Бошларимиз жаримадан чиқмай қолгани шундан, жаноблар!

ИШОНЧ

Эслатаман, қайта-қайта эслатавераман, шояд бир кун кимдир, кимлардир эслаб қолар.

Чақираман, чақиравераман, шояд бир кун кимдир, кимлардир лаббай деб қолар.

Тақиллатаман, тақиллатавераман, шояд бир кун кимдир, кимлардир эшигини очиб қолар.

Давлатни емирадиган иллат

«Аср шоҳиди» кўрсатуви, 56-қисм

Томоша қилинг https://youtu.be/oLKreZ5QppQ

©️Azon Global

Бошқа ёқларда билмадим қандай, лекин биз томонларда ўлик чиққан уй эгалари рамазонда албатта ифтор бериши урфга кирган. Имкони борми-йўқми, рўза тутяптими-йўқми — фарқсиз.
Кимнингдир ўлгании билан рамазоннинг нима алоқаси борлигини биилмайман.

Бир ҳафта-ўн кун ичида уч ерга таъзияга бордим. Уйнинг ҳолатидан билса бўлади, жуда ночор оилалар. Нима, булар ҳам ифтор бериши албатта шартми?

Бир пайтлар Муҳаммад Содиқ Муҳаммад Юсуф тақсир ташаббуси, сўнгра имом-домлаларимизнинг қайта-қайта тушунтиришлари билан никоҳда қиз томонга тушадиган оғирликлар анча енгиллашди. Худди шунингдек, ўлим маросимлари ҳақида ҳам эл орасида мунтазам тушунтириш ишларини олиб бориш керак деб ўйлайман.

Nevaralarim Buyuk Çamlica jomesida ilk tarovihdan soʻng.
Ramazon xursandchiliklari!
Hamma narsa bolalar uchun!

https://youtu.be/o1mi2npZSvc?si=E5ICG_bcvH-ig42R

Qishlogʻimni koʻp sogʻinaman. Toshkentda yashash ancha qulay boʻlsa ham, barini tashlab qishlogʻimda yashagim kelaveradi. Lekin...

Kechqurun chiroq oʻchganicha hozirgacha yonmadi!
Ciroq boʻlmasa, nasos ishlamaydi. Nasos ishlamasa, suv ciqmaydi.
Suvni-ku paqir-maqirlab amallasa boʻladi, ammo butun isitish tizimi va hammom, hojatxona chiroq bilan ishlaydi!
Chiroq esa bitta shamol bilan kechqurun oʻchdi.
Aksiga olib kechadan havo keskin sovudi! Qorasovuq boshlandi. Chol-kampir kechasi bilan sovqotib chiqdik.

Vatanparvarlik deganlari dami ichiga tushib ketdi, qishloq muhabbati ham bitta sovuqqa chidayolmay, soʻnishga yuz tutdi. Hayt deb issiqqina, yoruqqina Toshkentimga qochvoraman shekilli endi...

Жарималар миқдорига қарши курашнинг энг самарали йўли қарши ИҚТИСОДИЙ ЗАРБАдир.
Бутунўзбекистон ҳайдовчилари ўзора келишган ҳолда БИР ОЙ мошина минмасак, ДАН чўнтагига бир тийин ҳам тушмайди!
Шунда ўзлари ялиниб: "Илтимос, бойкўт қилманглар. Майли, жарималар миқдорини беш бараварга қисқартирамиз", деб қолишади.
Нима дедиларинг?

Ўзб.да мошина ҳайдай бошлаганимга ҳали беш кун бўлмади, 3 (УЧ)та жарима келиб ўтирибди!
Бунинг устига, учаласи ҳам шубҳали, тортишувли.

2022 йили лифтимиз янгиланди. Советдан қолгани ишламай турганидагина товуш чиқармасди, бошқа пайти эшиги очилиб-ёпилишидан бошлаб то тўхтагунича бутун тўққиз қават эшитадиган даражада қалдир-қулдир қилиб юрарди.
Янгиси қилт этмаскан. Ҳам гапираркан. Яхши!
Фақат, битта қилиғи ёқмади -- жиҳозига "Ўзбекистонда ишлаб чиқарилган" деб ёзиб қўйилибди-ю, тили нимагадир хитойча! Кираётганингизда ҳам, чиқаётганингизда ҳам "Чанг чунг чинг", деявериб ғашга тегади. Ўзбекистонда давлат тили ўзгардимикан, деб ҳайрон бўлиб бир мақола ёздим.
Кейинги келишимга (2023 йили) тилини ўзгартириб қўйишибди.
Қайси тилга деб ўйлайсизлар?
Тўғри топдиларинг: ЎРИС ТИЛИга!
Мана, битта ҳам ўрис яшамайдиган уй лифти ўшандан бери ўрисчалаб ётибди!
Бўларкан-ку!
"Энди ёзмайман!" деб қўйдим. Тағин, тилини инглизча қилиб қўйишмасин...