فيـرُوز

"دون أن يخبرني أحد، أعرف كم أنا امرأة رائعة وأستحق الأفضل دائمًا."

في ( الحمدلله الي ربي فكني منه ) تجي بعد ما عيونك ينفتحوا من الشخص الي كنتي معمية عن عيوبه

ياااااه قداش ما شعورها يجنن! 🩶

"لم أعُد أستعجل الأشياء وأصرّ حدوثها، تركت كل ما يلزمني أن أتنازع معه ليصير لي، أريد أن أشعر كما لو أنّه يسعى لي كل ما أسعى له، بكل حُب وخِفة، وبالرغبة نفسها."

١٠:٣٧ مَ 🩶

‏"أتمنى إمتداد الطمأنينة فيّ، في أيامي، وحتى على المدى البعيد للذكرى، أتتوّق دائمًا للزهو المكبّل بالأمَل حتى مع الإعتراف ووضوح المصاعب، أصلّي دومًا لأكون أكثر خفة رغمًا عن كل شيء، أن أتمعن وجهي الضاحك مع نسيان أني أنا الذي يشعر أنه ثقيلٌ حتى مع نفسه.. أصلي برجاءٍ لهذا."

🩶

أذكروني في دعواتكم كل ما تدعوا وقت المطر 🩶

‏"وعسى أن تَهبني أعظم مما حلِمت"

وأحلى مما تمنيت، وأحسن من الي كان
في خاطري، وتعوضني أفضل عوض،
وتاخد بخاطري بطريقة أضخم من الي
أنا ديما نحلم بيها .. آمين

🩶

ماكُنت مثل العابرين فإنَّهُم
مرّوا عليّ وأنتَ سِرت خلالي

٣:١٥ مَ

‏﴿ وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ ﴾

‏لَّا يَضِلُّ رَبِّي وَلَا يَنسَى

وما يغفلش، وما يضيّعش تعب، وما يخليش، وما يهملش، ويفتح بدل الباب الي تسكر عشرة.

🩶

تنتهي القصص لما حني نسكتوا ( هكي قلت من قبل )
وعلى عكسها في قصص ثانية تبدأ ..

تبدأ القصص لما نسكتوا عن الي زعلنا، فتتحول المشكلة الصغيرة الي بوردة نقدروا نحلوها، لتراكمات لو سألتني عليهم مليون مرة حنقولك منعرفش، لأني فعلًا منعرفش عن أي زعل بنحكيلك، ومنعرفش هل حتقدر تجيب مئة وردة.. مئتين ؟ وهل حيرضيني هذا كله ولا لا !

لما تسكت في الوقت المفروض تقول فيه إنك آسف، ولما مفروض تقولي نحبك، مانبيش نخسرك، لما تسكت عن محاولاتك في إنك تبيني نكون معاك! لما تخلي قلبك يسكت عن حبه ليا، حتى وأنت قاعد تحبني.. مش لسبب، لأنك جبان، أو الحقيقة الأَمَر ( لأنك ماحبيتنيش من الأساس )

لما نسكت في الوقت الي كنت لازم نقولك فيه لهني وبَس، قلب البنادم مش من حجر، كيف قدرت تكون معاي بهالقسوة، أنتَ الي ماريتش مني إلا كل حِن!


تبدأ القصص لما نسكّتوا صوتنا الداخلي، لما نحاول نقنع نفسي إنك شخص كويس وأنت العكس، ولما نراجي منك إنك تكون شخص عمرك ما حتكون عليه!

القصص الي حتصنع منك نسخة هادية من برا، متكسرة من داخل، تبكي في كل مرة تحاول تكتب شعورها.

١٩/١٢/٢٠٢٤ - ١:٤٥ صَ

"لو لم أُجازف وأقترب، كنت سأظل أعتقد بأنَّ شيئًا جميلًا قد فاتني."

"قالوا ناس زمان :
يخطبوها مية وتقسم لواحد" ♥️

أستاحشت تستاحشني .. وأستاحشت إنك ترجع هداكا الشخص القديم، الي من يوم أختفي فيك وأني مستاحشة كل شيء من بعده.

١٢:٣٠ صَ

"أريد حديثًا أخيرًا
‏ليس لنعود .. ولكن لأفهم"

' لو تجلس على رمش عيني
ماعاد أشوفك مثل ما كُنت أشوفك '

‏"ليس بما تكنّه لي، بل بما يمكنك فعله من أجلي."

"لديها أجنحة لكنها تحب مُرافقتك."

- الي مستكثر عليها رفقتك في الطريق

ياربي ناس حنيّنة، ونصيب حلو، وأيام هادية، وحياة مليانة حُب، وسعادة تملي قلبي مهما تفاقمت عليا الأحزان .. 🤎

مسَاء الخير .. نسيت أمتى آخر مرة كتبتلك فيها، ممكن لأني كل ما نكتب نحاول نهرب من حقيقة إني نكتبلك أو نكتب عليك، وينتهي بيا المطاف بإني نكتب، نكتب وخلاص، بحجة أنه المقصود ديما عارف روحه!

الحقيقة إني معاش قادرة نحسّلك نفس المشاعر القديمة، مش نحبك، وبرضو مش كارهاتك، إنما بديت نحس إنك تباعدت، تباعدت للحد الي يخليك معاش صاحب سلطة على قلبي زي زمان، تباعدت لدرجة فعلًا حاساتك غريب، كان في فترة ما أقربلي من روحي! وتوا مجرد شخص بعيد، لا حتجمعنا صدفة ولا حيلمنا مكان.

شخص أنا منكرهاش، بس لو يسألوني هل حتختاري إنك تعيشي معاه من جديد حنقول لا .. لسبب ما حنقول لا

لأني مش رح نعرف نعيش الي عشته معاك من جديد، لا معاك ولا مع غيرك، لذلك بنختار إني معاش نختار حد بهالطريقة، ومعاش نحب حد بهالإندفاع، ومعاش نحاول بكل غباء إني نحافظ على شخص هو مايبيش من يحافظ عليه.

ولأني مش قادرة نصدق إنك بلا مشاعر ؟ كيف يقدر حد يكون بلا مشاعر بهالطريقة ؟ وقلبه قاسي لهالحد ؟
وبرضو مش قادرة نصدق كل لحظة دافية عشناها، لأنه لو كان ليا خاطر عندك حتى شوية، مكنتش توا نكتب على قداشك ما بديت غريب!

لا عجب أننا عشنا النهاية بأبشع صورة ليها، وإني مريت بأسوء شعور ممكن يمر على الشخص الي تعود يحبك هلبا وفجأة لقي نفسه يعود في نفسه على غيابك، لأنك مستحيل ترجع، ولأني مستحيل نقبلك ثاني.


الحياة أبدًا مش عادلة، بس نتمنى أنه ربي يرزقك بأنسانة تكتب، لعلها تغلبني في تخليدك في ذاكرة الآخرين بصورة أحسن من الي كاتبتها أنا، لعلك تحبها صح، وتخليها أنسانة سعيدة تحكي للناس عليك بحُب، مش تحكي قداشك واجع قلبها .. 🤎


١:٠٢ صَ - ١١/١١

' بَس بجد عندي سؤال، أنتِ حلوة كدة إزاي ؟ '

القرآن ما ذكر الحُب .. ذكر المودة ♥️

يمثّل أنه رجل والرّجال قليلٌ، وأفعاله ماتديرش حتى ظلهم.

نحب فكرة النجاح بعد التعب، نحب كوني تعتب هلبا باش وصلت هني، كل لحظة ضغط مريت بيها، كل زنقة أميرات في المنهج، كل مرة حسيت فيها أنه معاش عندي وقت والمنهج الي مقريتاش أطول بهلبا من الي قريته، كل مرة بكيت، كل مرة قلت خلاص معاش عندي جهد، كل ليلة سهرت فيها، كل فجر فقت فيه، كل منبه درته بكري وأنا ناقصة نوم لين خلاص، كل معلومة كان صعب نحفظها، وكل أمتحان مشيتله وأنا مش قادرة نثبت شيء، كنت متأكدة فيهم أنه ربي حيكافئني!

أنه ربي مش حيضيعلي تعب، أنا مدايرة الي عليا قدام ربي، وما توفقي إلا بيه .. وربي هلبا حنون وكريم 🤎

الحمدلله، هاذي مرحلة تميناها على خير من سلسلة يوميات طالبة الطب الجميلة، الحمدلله إني صفيت كل موادي لهالسنة

ياربي وفقني في الجاي، وكونلي عون وسَند فيه 🤎


١ نوڤمبر ٢٠٢٤ | ١:٣٦ صَ

Could be us ♥️

‏يارب أن لا ترفضني الفرص، ولا يستعسر علي الحظ، ولا تنقصني الطمأنينة

آمين..

‏"أحب رمزية الطبخ للمحبوب والأكل معه داخل المطبخ، مشهد يتجاوز كونه غريزة لرعاية الآخرين والبقاء على قيد الحياة إلى الإفصاح عن الحب والاهتمام.

جزء كبير من ممارسة الحياة يحدث هنا والأحاديث الحميمية والكاشفة دائمًا ما تجد طريقها للمطبخ بتلقائية، ربما الحب أن نأكل معًا ثم نبدأ الحياة." ♥️

عارفة إنك تقرالي، ولهَذا حنقولك
لو كان بينك وبين الجنة ذنبي، مش مسامحاتك.

"لن نتفق!

‏أنتَ لا يلفتك
الحريق بقلبي
‏وأنا يثير إنتباهي
خدش صغير في يدك"

٢:١٣ مَ

Channel photo updated

لما متهونيش على الشخص الي قدامك، حنتحّل كل حاجة ♥️

شهرين وشوية أيام وتنتهي سنة 2024، كل الي قاعدة نحس بيه حاليًا هو إني قدرت نخلي طفلي الداخلي سعيد، قدرت نقول على نفسي إنه her spark is back !

قدرت والحمدلله نقول إني تخطيت، بدون ذرة حُب، وبدون ذرة كُره .. قدرت نغيّر الخطة كليًا، ومعاها قدرت نكمّل بدون خطط لأنه خطة ربي ليا أحَن وأحسن

قدرت نقاوم، قدرت نكمّل، قدرت نتحمّل

قدرت نتعلّم من الغلطة الأولى، وإني ما نمدش إيدي في الجحر مرتين، وما نشربش أمية البحر كلها باش نتأكد أنه مالح! لأني تعلمت إنه الي فيه طبّة ما تتخبى، والي فيه طبع ما ينساه

قدرت نحس بالأستمتاع في الرحلة، وأنه أختياري لرفيق الرحلة قاعد أهم من الرحلة نفسها.

قدرت نحب، قدرت نعيش، قدرت نضحك بصوت عالي، قدرت نبكي، قدرت نطلع، قدرت نزور هلبا أماكن، نجرب هلبا حاجات، قدرت نتأمل!

أنا جدًا سعيدة بإني قدرت نتأمل في كل شيء من حولي، قادرة ناخد نفس هلبا عميق ونغمض عيوني ونحمد ربي على كل نعمة محاوطتني

أولهم إني قادرة نعيش، الحياة الي خاطري هلبا نعيشها ♥️


١٢:٥٤ صَ

بستنى في يوم إنك أنتَ تشوف
خسرت مين عشان مين
فلا تحكي ظروف!

٤:٣٧ مَ

"أتمنى أن يدركوا من أحببناهم أننا لم نراهم أبدًا كخطة بديلة، أو كممر جانبي، لطالما رأيناهم الحلول كلها.. لطالما كانوا الطريق والسفر ومحطة الوصول."


أتمنى أن يدركوا من أحببناهم كم أحببناهم.

Love is never blind .. الحُب أفعال ♥️

٣:٥٥ صَ

‏ولا تحوجنِي إلى أحد سواك، وعافني واعفُ عنِّي، وأصلح لي شأني كله، لا إله إلَّا أنت سبحانك إنّي كنت من الظالمين.

تخيلو أنه في هالحياة المليئة بالخسارات تكونوا الصفقة الرابحة لأحدهم! ويكونلكم هالشخص سند دائم، حضن دافي، وقلب بوسع الكون

تخيلو يكونلكم مكان سري عند حد في هالدنيا، توقفوا ضد العالم ساندين كتفكم عليه، عارفين أنه مهما صار هالشخص حيقعد في جنبكم


وتخيلو بعد هذا كله تمشوا تخذلوه! ياااااه

‏﴿ لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ﴾

الحُب يعمِي / أفتحي عيونك!

"ليست كل امرأة يمكن استبدالها بأخرى، هناك امرأة لو ضاعت منك وفرّطت بها فلن تجد من يشبهها، سوف تمضي بقية حياتك تجمع بقايا صورتها من ألف امرأة أخرى، ولكنك ياعزيزي لن تتمكن من جمعها لتعويض غيابها ماحييت."

فهمت يا عزيزي ؟

"سَعيدة بي، لكوني هذا الكائن البسيط المُحمّل بالحُب و الجمال و الرأفة، كاملاً دون أن ينقص منه شيء."

٧:٢٠ مَ ♥️

' مِش مسكتي في الي بايع وسبتي الي إداكي عينيه
قال وجاية تقولي أرجعلي، أنتِ فاكرة نفسك إيه! '

نحس إني مانبيش نتزوج إلا شخص يخليني نقول أنه الزواج فكرة مش مخيفة، وأنه الحياة برفقته صارت أسهل بألف مرة، يخليني نحس أنه وزن المسؤوليات مهما كبروا زي الريشة، وأنه أنا بديت مسؤولة من شخص كل مسؤوليته أنا ..

مانبيش نتزوج إلا الي مانشغلش عقلي معاه، الي نكون جنبه وحدة ما تفلترش في كلامها، ما تحسبش في خطواتها، الي في قلبها طول لقلبه هو .. لأنه هو الوحيد الي بياخدني على محمل الحُب

مانبيش نتزوج إلا الي يحب يديرلي كل شيء، مش لأني مانعرفش نديره بروحي، بس لأنه هو يحب يريحني

مانبيش نتزوج إلا الشخص الي يحب راحتي، يحب يشوفني فرحانة، عنده ضحكتي بالدنيا، وتظلم عنده هالدنيا كلها قدام دمعة من عيوني، الشخص الي الناس كلها تضرب بيه في المثل ' زي ما فُلان يحب مرته ' ويبدأ معروف في عيلته أنه مفسدها بالدلع، ويقوللهم نعيش وندللها

شخص يخليني نتوّرد، ونجي نكتبلكم هني أنه الحياة فعلًا صعبة، لكن بوجود ( فُلان ) معاي بدت أسهل


شخص حنيّن.. حنيّن، مانهونوش أنا وقلبي عليه ♥️

‏"بإستطاعتي أن أمشي إليك من شرق الأرض إلى غربها بلا كللٍ ولا ملل، لأني أسير بدافع الحب، في ذات الوقت الذي لا أستطيع فيه قطع خطوة واحدة لمكان أفتش فيه عن ذرة مشاعر تدفعني له ولا أجد، وعلى ذلك قِس."

( وَقُلْ رَبِّ زِدْنِي عِلْمًا )

ربِّ زِدني علمًا، وفهمًا، وذكاءًا
ربِّ باركلي في علمي، وفي عقلي وقلبي

ربِّ ألهمني الصواب في الجواب
وبلغني أعلى المراتب في الدين والدنيا 🤎

٥:٢٤ صَ

زعلان منّه ومش طايقه ومستاحشه وماتبيش تكلّمه لكن خاطرك تحكيله وماتبيشي وماتبيش حد غيره ..

' رايح لغيري على شمعة، وأنا جايبلك شمس! '

' وأنا الي كنت إذا شفت فيك عيب، أقول العيب بعيوني '

"ربي أوزعني أن لا أنطفئ، خذ بيدي إلى نجمٍ بعيد وأغمرني بضوءٍ لا يخفت وهجه ولا ينكمِش، إمنعني التعب والركض الطويل في مدارٍ أجهله، وخذ بيدي من بين أنياب القلق إلى رحابة حنانك وأمانك، واملأني بالسلام الذي أتوق إليه."

آمين 🤎

..