ПУРИНЧЕН МАЛТАН Telegram Gönderileri

❗️Китай ҫыннисем Чӑваш Енре туса кӑларнӑ качака сӗтне ӗҫме пуҫлӗҫ

Ӑна унта Шупашкар округӗнчи «Деревенский дворик» аграри кооперативӗ ӑсатма тытӑнасшӑн.

✅ Асӑннӑ предприятире сӗте 2020 ҫултанпа кӗленче савӑта тултарса сутаҫҫӗ, Раҫҫейри 27 региона ҫитереҫҫӗ.

🔴 Китай ҫыннисем Чӑвашри чӑх урисене кӑна мар, качака сӗтне те кӑмӑлласса шанатпӑр.

❗️Аварире 16-ри хӗр суранланнӑ

Ӗнер 16 сехетсенче Ҫӗнӗ Шупашкарти Совет урамӗнче «Опель» автомобиль «Хёндене» пырса тӑрӑннӑ.

✅ «Хёндере» автошкулӑн инспекторӗпе 16-ри курсант ларса пынӑ. Хӗре медиксен пулӑшӑвӗ кирлӗ пулнӑ. Тӗрӗсленӗ хыҫҫӑн ӑна киле янӑ.

🔴Ҫул ҫинче асӑрханулӑх пирки манас марччӗ.

❗️Паллӑ Раҫҫей киноактерӗ Андрей Градов паян ҫуралнӑ кун ячӗпе саламсем йышӑнать

Вӑл Мускавра ҫуралнӑ. 9 ҫулта амӑшӗсӗр юлнӑ, йӑмӑкӗпе иккӗшне кукашшӗпе кукамӑшӗ - Иоаким Максимов-Кошкинскипе Тани Юн - ҫитӗнтернӗ. Андрей Градов Щукин ячӗллӗ театр училищинче вӗреннӗ. 1977 ҫултанпа кинофильмсемпе сериалсенче ӳкерӗнсе ҫӗр-ҫӗр роль калӑпланӑ.

🔴 Саламлатпӑр!

🌟🌟🌟Ҫӗнӗ юрӑ🌟🌟🌟

Яша Федоров - «Ту юрату»

Шÿтлеççĕ😂

❗️Алина Федоровăна "Чăваш Республикин культурăн тава тивĕçлĕ ĕçченĕ" хисеплĕ ят панă

Алина Федорова концертсем йĕркеленипе, уяв каçĕсене хутшăннипе пĕрлех Эстрада артисчĕсен пĕрлĕхĕн тилхепине те нумай çул çирĕп тытса пырать. Хушăва Чăваш Ен Пуçлăхĕ Олег Николаев алă пуснă.

🔴 Саламлатпăр.

❗️Шупашкарти аварире 16-ри хĕрĕн пурнăçĕ татăлнă

Тискер авари паян, кăрлач уйăхĕн 17-мĕшĕнче, кăнтăрла иртсен пулнă. "Яхтинг" пĕрлешÿ тĕлĕнче çул урлă каçакан студенткăна "Хендай Санта Фе" автомобиль вилмеллех таптанă. Руль умĕнче 20-ри хĕр пулнă. Малтанлăха палăртнă тăрăх, çул çитмен ача вилĕмĕшĕн шăпах вăл айăплă. Ĕç-пуçа малалла тишкереççĕ.

🔴 Мĕн тери пысăк хуйхă.

❗️Мӑнукне пӑвса вӗлернӗ хӗрарӑма сиплеме ярасшӑн

Пӗлтӗр ака уйӑхӗнче Шупашкарта пулнӑ инкек чылайӑшне сехӗрлентерчӗ. 61-ри хӗрарӑм 9-ти мӑнукне пӑвса вӗлернӗ.

✅ Ҫак кунсенче ун тӗлӗшпе пуҫарнӑ уголовлӑ ӗҫе тишкерсе пӗтернӗ. Тӗрлӗ экспертиза ирттернӗ хыҫҫӑн хӗрарӑм психика чирне пула хӑй мӗн тунине ӑнланман тесе палӑртнӑ. Специалистсем ӑна медицина учрежденийӗнче сиплеме сӗннӗ. Ҫитес вӑхӑтра унӑн шӑпине суд татса парӗ.

❗️Улатăрти Герасим манах ятарлă çар операцийĕнче пуç хунă

Герасим (Богатырев) иеродиакон Дзержинский хулинчи Николо-Угрешский семинарийĕнче вĕреннĕ, Улатăрти Çветтуй Троица мăнастирĕнче нумай çул ĕçленĕ, унтах манаха тухнă. Ятарлă çар операцине хăй ирĕкĕпе кайнă, унта хастарлăхпа хăюлăх кăтартса "Паттăрлăхшăн" медале тивĕçнĕ. Тăшман пульли ят-сумлă манаха пĕлтĕрхи раштав уйăхĕн 14-мĕшĕнче вĕлернĕ.

🔴 Хурланатпăр.

❗️Шупашкарти Çĕнтерÿ паркĕ çавăн пек пулĕ

Ăна икĕ-виçĕ çулта хăтлăлатасшăн. Пĕрремĕш тапхăрĕнче, кăçал, тавралăха сăнама май паракан кĕпер тума, паллă пулăмсемпе паллаштаракан стела, Паттăрсен ячĕсене çырнă плита вырнаçтарма, ятарлă çар операцине хутшăнакансене халалланă палăк лартма палăртнă.

🔴 Чăтăмсăррăн кĕтетпĕр.