ነገረ ወንጌላውያን

የዮሐንስ ራእይ ጥናት ፥ ምእራፍ 20 (የሺህ ዓመቱ መንግሥት)
https://youtu.be/xXjZT1DzRMM

https://youtu.be/MIPsnW2Z0pI?si=KVh0Wxp00vworojJ

https://youtu.be/1ioBnILRqjo?si=4rDuR4Rsv340aq4M

ሞጣ "I love አዳነች አቤቤ" ይል ነበር። አሁን ትቶት እንደው እንጃ! እኔም I love ሔኖክ JPS😜

ሔና አራድዬ ናት። ጭስ ናት። ጮሌ ናት። ሔና ክለብ ሓቫና ሚቀናበት የጭፈራ መድረክ አለው። የክለብ ጥምህን ደህና አድርጎ ይቆርጥልሃል።

ሔና እንደ ኃይሉ ዮሐንስ ነው። አይልመጠመጥም! ማትጨፍር ከኾነ ክለቤን ለቀህ ውጣ ይልሃል! በማያወላዳና በማያሻማ ቃል ማትዘንጥ ከኾነ አትምጣብኝ ይልሃል። ችጋራም ከኾንክ ትሸክከኛለህ ይልሃል። በማያከራክር መልኩ ሆድህን ሳትሞላ ወንጌል የለም ይልሃል። ከዚህ በላይ እንዴት ባለ ቃል ቢያጥረገርግህ ነው ምትባንነው?

ሔና አቅሙን ያውቃል። ትኩረት ሚሸጥ ቁስ እንደኾነም ተረድቷል። እሱ መድረክ ላይ የቆምክ ቀን "አገልግሎትህ" ኹለት እርምጃ ወደፊት ይራመዳል። ተፈላጊ ትሆናለህ። በእግር በፈረስ ትታሰሳለህ። በለስ ቀንቷቸው እሱ ጋር የቆሙም ስላገኙት እድል ግዝፈት ተናግረው አይጠግቡም።

ሔና መልእክት ማስተላለፍ ላይ አይቸገርም። እሱ ጋር ሄደህ "ስትዘምር" ባለ መድረኩ እሱ መሆኑን ለአፍታም እንዳይዘነጋህ አብሮህ መድረኩ ላይ ይንጎራደዳል። ዓይን ዓይኑን እያየህ መዘመር አለብህ። አንጀቱን እየበላህ መስበክ አለብህ። ካሜራው የሔናን እያንዳንዱን እንቅስቃሴ በቅርበት ይቀርጻል። ስለሆነም ልታስደንቀው ይገባሃል። ከጥበቃው ከጎደልክ እድልህን አባክነሃል።

ሔና ምንም ልታደርገው እንደማትችል ቋቅ እስኪልህ ድረስ ያስረዳሃል። ሔና ሚስጥራዊ ሰው አይደለም! አቋሙ የቱ ጋር ነው ብለህ በጥንቃቄ ልታጤነው አይገባህም። ራሱ ቀድሞ ይነግርሃል። ኃይሉ ዮሐንስም ስለ አቋሞቹ ግልጽ ነው። ታናናሽ አማልክት ነን ትላለህ ስትለው ቁርጥ አምላክን መስላለው ብሎ ያርምሃል። በቃ አይርመጠመጥም! እናም የሰሞኑን የሔናን ጭዌ እየሰማችሁ ምትደነግጡ ቅዱሳን ሔና ድብቅ አይደለም። ስውር አካሄድም የለውም። አራድዬ ነው። መላ ይወዳል። መላ ከሌለህ በፊቱ ትረክሳለህ። ጭፈራ ከሌለህ ሞገስ አጥተሃል። አገልጋዮች ናቸው ብለህ ለምን ፍዳህን ትበላለህ?

ዮ ማን ራሱ ሰሞኑን ጥሬ ግሬ የሰራሁት አዳራሽና የሰበሰብኩት ሕዝብ ላይ ከየትም መጥተህ አትሰለጥንም ብሏል። ማስኩን ቀስ እያለም ቢኾን አውልቋል። እውነቱ እኮ እሱ ነው! ግዛታቸው ነው። ንብረታቸው ነው! እድሜ ዘመናቸውን የገበሩበት ተቋማቸው ነው። የንግድ ማእከላቸው ነው። ሚስቶቻቸውን አውሮፓና አሜሪካ ያንሸራሸሩበት ገቢያቸው ነው። ልጆቻቸውን International school ያስተማሩበት ጥሪታቸው ነው። ቁርጥ አማርጠው የበሉበት እስትንፋሳቸው ነው። የተከበሩበት መጠሪያቸው ነው። በግድ አገልጋይ አታድርጓቸው! Most importantly ልትነቀንቃቸው አትችልም!!!

ኢብሳ ቡርቃ