Nadiya Ramazon

Hurmatli opa-singillar, ijtimoiy tarmoqlardan qanday foydalanayotganingizga e’tibor bering. Erkaklarning e’tiborini qozonish uchun yoki fitnaga sabab bo‘luvchi shaxsiy hayotingizga doir ortiqcha tafsilotlarni baham ko‘rmang! Hijob faqat kiyinishda emas, so‘z va xulq-atvorda ham bo‘lishi kerak. Muslima ayol hamisha o‘zini izzat-hurmatli tutadi – ham internetda, ham hayotda.

Shuning uchun virtual olamdan fahshdan yiroq bo'lib, vaqtni zoye qilmay, ezgu ishlar uchun foydalaning.

Bo'lar-bo'lmasga rasm qo'yish, har narsani yozishdan saqlaning! Shaxsiy rasmingizni qo'yishdan mutlaqo tiyilishni tavsiya qilaman. Yozganlaringiz qadriyatlaringizni aks ettirsin, ilm tarqatsin, yaxshilikka chaqirsin.

Alloh barchamizni to'g'ri yo'lda sobitqadam qilsin. 🌷

#Eslatma

@Nadiya_Ramazon

Mayli meni rostdan yomon ko‘ring, bu muammo emas. Ammo iltimos, meni yolg‘ondan yaxshi ko‘rmang!!!

Mahmud Darvish

#shunchaki

@Nadiya_Ramazon

Sevikli rafiqa bo‘lish uchun 7 muhim tavsiya

1. Mehr va e’tibor bering. Erkak uchun juftining e’tibori juda muhim. Uning holidan doim xabardor bo‘ling, yutuqlaridan xursand bo‘ling, tashvishlarini esa yengillashtirishga harakat qiling.

2. Hurmatni aslo unutmang. Sevgi hurmat bilan mustahkamlanadi. Juftingizni kamsitish, tanqid qilish yoki gaplarini mensimaslikdan tiyilib, uni tinglash va qadrlashni o‘rganing.

3. Sabrli va muloyim bo‘ling. Oilaviy hayotda tushunmovchiliklar bo‘lishi tabiiy. Har bir bahsda g‘olib chiqishga emas, balki bir-biringizni tushunishga intiling.

4. Go‘zalligingizni asrang. Nafaqat tashqi ko‘rinishingiz, balki ichki go‘zalligingizni ham parvarish qiling. Yaxshi xulq, shirin so‘z va ochiq chehra eng go‘zal bezakdir.

5. Mehrli va ehtirosli bo‘ling. Erkaklar ham iliq so‘z va yaqinlikka muhtoj. Unga mehribon bo‘ling, ba’zida yoqimli so‘zlar bilan erkalating.

6. Oilangizga sadoqatli bo‘ling. Oila sirlarini begonalarga aytmaslik, turmush o'rtog'ingiz va uning yaqinlarining aybi, oradagi kelishmovchiliklarni ko'chaga chiqarmaslik, undan yashirincha ish qilmaslik sadoqatning ko'rinishlaridandir.

7. Duo qiling. Oilaningiz baxti uchun bor imkoniyatingizni ishga solish bilan birga duo qilishni ham unutmang. Juftingiz va oilangiz uchun yaxshiliklar tilang, munosabatlaringizning bardavomligi uchun Yaratgandan yordam so'rang.

#tavsiya #ayollar

@Nadiya_Ramazon

Oʻzini hurmat qilgan inson atrofidagilarni ham hurmat qilishi kerak deb oʻylayman. Ijtimoiy munosabatlarda ham shunday. Deylik, kimdandir xabar kelganida uni ochib, javob bermaslik yoki kunlab xabarni umuman oʻqimaslik hurmatsizlik alomatidir. Hammaga ham vaqt qadrli, lekin bu bahona emas.

Agar darhol javob bera olmasangiz ham hech boʻlmaganda keyinroq javob berishingiz yoki band ekaningizni bildirishingiz odobdandir. Chunki ko'rishganda bunday qilmaymiz, birov gapirganda ters qarab ketmaymiz, ijtimoiy tarmoqda bunday qilishimiz internet odobini bilmasligimiz, virtual hayotni haqiqiy hayotdan ayro ko'rishimiz, bu yerda bo'laveradi deb o'ylashimizdan deb o'ylayman.

@Nadiya_Ramazon

Bir arobiyya ayol qizini turmushga berayotib unga shunday nasihat qildi:
“Eringning ko‘zi faqat sendagi go‘zallikni ko‘rsin. Uning burniga sendan faqatgina xushbo‘y hid borsin. Yodingdan chiqmasin, xushbo‘yliklarning eng yaxshisi suvdir!”.
Bu bir ajoyib nasihatdir. Ona uzoq yillarda to‘plagan tajribasini qizi ila baham ko‘rmoqda. Er uchun bezanish matlubdir. Bezanish bilan ayol erining hislariga ega chiqadi. Ko‘ziga, burniga, qalbiga…
Ayol kishi o‘z ziynatlarini eridan va mahramlaridan o‘zgasiga ko‘rsatishdan man qilingan. Nabiy sallollohu alayhi va sallam: “O‘zgalar hidlashi uchun atir sepib chiqadigan ayol zinokordir!”, deydilar.
Bu narsa haqiqiy zino kabi bo‘lmasada, kishilarni bu qabih ishdan man qilish uchun, ularni qo‘rqitish va zajr uchun aytilgan gapdir.
Islomimiz avvalo gunohning sabablarini to‘sadi. Olovni o‘chirish uchun uni avval yoqishni aqldan
deb bilmaydi.
Yomon ishga olib boradigan ish ham demak yomon bo‘ladi!!!

Abdulqodir Polvonov

#ayollar

@Nadiya_Ramazon

Muammolar tasnifi

Erkaklar koʻp hollarda aql bilan ish tutadi, ayollar esa hissiyot bilan. Bu barchamiz bilib, koʻrib turgan haqiqat. Lekin oila borasida juftliklar bir-biriga moslashishi kerak.

Oʻta jiddiy, ortiqcha tartibni talab qiladigan erkaklar ayollarga yoqmagani kabi, oʻta hissiyotlarga beriluvchan, sal narsaga taʼsirlanib ketaveradigan ayollar ham erkaklarga yoqmaydi.

Nima qilish kerak?

Oʻzingizdagi ayollik nazokatini doimo saqlang, baland ovozda gapirish, kulish, qoʻpol harakatlar, uy ishlarini betartib qilish — bular hammasi turmush o'rtog'ingizdagi jiddiylik, asabiylikni orttiradi. Chunki ayol kishi boʼla turib siz muloyim emassiz, u qanday oʻzgarsin?! Nozik harakatlaringiz turmush oʻrtogʻingizning ham sizga nisbatan yumshoqfeʼl boʻlishini taʼminlaydi.

Va yana:

Sekin-astalik bilan turmush oʻrtogʻingizga harakteri biroz ogʻirroq ekanini tushuntiring. Yodingizda tuting: erkaklarga hech qachon buyruq ohangida gapirmang, bu ularni gʻazabini qoʻzgʻaydi, oʻzini sizning yoningizda yerga urilgandek his qiladi, bu esa albatta sizdan koʻngli qolishiga sabab boʻladi. Shunday ekan, agar siz yuz foiz haq boʻlsangiz ham (unday boʻlmaysiz-u aslida) eringizning yonida oʻzingizni xokisor tuting. Kamchiliklarini muloyim, vaziyatni etiborga olgan holda tushuntiring.

Oʻzgaradi! Erkak kishida oila maʼsuliyati ancha yuqori boʻlgani uchun ham sizning munosabatlarni saqlash uchun bergan taklifingiz uni hech qachon eʼtiborsiz qoldirmaydi.

Davomini keyinroq joylayman, InshaAlloh.

#erkaklar #ayollar

@Nadiya_Ramazon

Allohdan va Rasulidan keyin men ayol sifatida itoat qiladigan inson – bu mening turmush o‘rtog‘imdir.

#Hayotiy

@Nadiya_Ramazon

“Erkak kishiga faqat cho‘ntagining bo‘shligi ayb bo‘lishi mumkin xolos», degan jumla qanchalar pastkashlikning cho‘qqisini ifodalaydi. Aslida kishini tarbiyasi kamligi, dini kamligi, aqli kamligi, erkaklik hamiyati va g‘ururi kamligi uchun ayblanadi. Mol-dunyo hech qachon seni haqiqiy erkak sifatida namoyon eta olmaydi.

Mustafo Mahmud

#erkaklar

@Nadiya_Ramazon

Kutib olish va kuzatish

Oilaviy munosabatlarning yaxshi holda bo'lishi ko'p jihatdan ayol kishiga bog'liq. Chunki erkaklar tirikchilik tashvishlari va boshqa muammolar bilan ko'proq band bo'lgani sababli ayolidan qanday muomala ko'rsa, shunday javob qaytarib qo'yaveradi, munosabatlarni yaxshilash uchun alohida harakat qilish ularda kamroq kuzatiladi.

Shuning uchun biz ayollar oddiy vaziyatlardan ham unumli foydalangan holda oradagi mehr-muhabbatni mustahkamlashga harakat qilishimiz kerak. Xususan, ularning ishga kuzatish va kutib olish o'zi kichik ko'rinsa-da, katta imkoniyatdir.

Ishga kuzatishda nimalarga e’tibor berish kerak?
1. Ochiq chehra va tabassum. Turmush o'rtog'ingizni ertalab ochiq chehrada, yaxshi kayfiyatda kuzatish kunni muvaffaqiyatli boshlashga yordam beradi.

2. Duolar bilan kuzating. “Allohga omonatsiz, ishlariningizni rivojini bersin” kabi iliq so‘zlar unga dalda bo‘ladi.

3. Shirin so‘zli bo‘ling. Salbiy gaplar va shikoyatlardan saqlaning. Bu nafaqat eringizning, balki sizning kuningizni ham yaxshi o‘tkazishga xizmat qiladi.

Kutib olishda nimalarga e’tibor berish kerak?
1. Chiroyli ko'rinishda bo‘ling. Uyda bo‘lsangiz ham eringizni kutib olishga alohida tayyorlaning. Toza va ozoda kiyinish, o‘zingizga qarash eringizni quvontiradi.

2. Yoqimli munosabat. Eshikni ochganingizda tabassum bilan salom bering va “Xush kelibsiz!” kabi iliq so‘zlar bilan kutib oling. Bolalarga eshikni ochib yubor deb o'zingiz ishlaringiz bilan band bo'lishingiz, uning kelganiga e'tibor qilmasligingiz ostonadagi birinchi "zarba" bo'ladi.

3. Eringizni tinglang. Uning ishdagi muvaffaqiyatlari yoki muammolari haqida so‘rang va uni chin dildan tinglang. Bu bilan u o‘zini qadrlangan va e’tiborda ekanini his qiladi.

4. Iliq muhit hozirlang. Uyda xotirjamlik va iliq muhitni ta’minlash, ovqatni vaqtida tayyorlash eringizni uyda halovat topishiga yordam beradi. Bular bo'lmasligi uni uydan uzoqlashtiradi, ishi tugasa ham kelgisi kelmaydi, ulfatlarining oldiga borishni o'ylaydi.

Kichik ko'ringan amallarga e'tibor qilish orqali katta mehr-muhabbat va e'tiborga erishishimiz mumkin! Siz turmush o'rtog'ingizni ishga kuzatish va kutib olishda nimalarga e'tibor qilasiz?
Fikrlaringizni izohlarda yozib qoldiring!

#munosabat

@Nadiya_Ramazon

Azizlar, yaxshimisizlar?

Sizlarga yanada manfaatli maʼlumotlar berish maqsadida bir narsani oʻylab turibman-da...

Oʻzingiz, oilangiz uchun kerak boʻlgan mavzuni @Nadiyablog_admin ga yozib qoldirsangiz. InshaAlloh sizlarning talablaringizdan kelib chiqqan holda shu mavzularni biiznillah yoritib boraman.

#murojaat

Savol va takliflar uchun: @Nadiyablog_admin

@Nadiya_Ramazon

Qachonlardir nasib qilsa birga choy icharmiz...
Omadimiz kelsa balki, yomgʻirda sayr ham qilarmiz...
Bundan-da goʻzal,ajoyib lahzalar boʻlar...

Ammo...Hammasi, SEN kelganingdan soʻng!..

Yoqimli yomgʻirni sayrsiz oʻtkazib yubormang. 😊

#shunchalki

@Nadiya_Ramazon

Ayolingizga tarbiya va ilm o‘rgating!

Amr ibn Qays rahimahulloh aytdilar: "Bir ayol qiyomat kuni Alloh huzurida eri bilan xusumatlashib qoladi va "U meni tarbiyalamagan va hech narsa o‘rgatmagan, menga (shunchaki) bozordan non olib kelardi", – deydi.

Tafsir Samaniy, 5/475

#Ayollar #erkaklar #tarjima

@Nadiya_Ramazon

Ayollar, rashk qilish borasida koʻoʻp haddimizdan oshib ketamiz-a, toʻgʻrimi?!

Indamasdan, erimizning telefoni kovlab, yoʻq joydan urush chiqarib, oʻzimizning ham turmush oʻrtogʻingizning ham tinchini buzib nima zarur-a?

Rashk sabab juda koʻp oilalar buzilib ketgani sizlarga ham maʼlum. Shuni bilsak-da, toʻxtamaymiz. Ha deganda, telefon titib, yoʻq joydan urush chiqaradigan ayolni eri qanday sevsin?! Qanday qilib unga ishonmaydigan ayolni qadrlasin?! Erkak kishi oʻziga bildirilgan ishonchsizlikni kechirishi juda qiyin...

Shubhalaringiz asosli boʻlgan taqdirda ham nima topasiz?! Eringizni oʻzingizcha qoʻrqitib, "ketaman" lar bilan tarbiyalab qoʻygingiz keladi, lekin bundan er hech qachon tarbiyalanmaydi. Bu vaqtda qilgan harakatlaringiz, haqoratlaringiz bilan yaxshilikka chaqira olmaysiz, aslo!

Nima qilish kerak?!

Agar eringizdan shubhalanyotgan boʻlsangiz, ochiq gaplashing. Harakatlaringiz meni shubhalantiryapti, ochiqchasiga gaplashib olaylik, oʻzimni qiynagan savollarga javob bersangiz koʻnglim hotirjam boʻlardi, buni hisob soʻrash deb oʻylamang, men faqat shubhalarimni tarqatish uchun aytyapman desangiz kifoya! Erda ham farosat bor, tinchlik kerak unga ham. Oʻylaydi-da, sizning urushlaringizdan bezillab ketgan erga bu taklifingiz juda yoqib tushadi.

Agar shubhalaringiz asosli boʻlsa ham ayolning vazifasi Allohni eslatish. Tergab, oʻzingizni ham uning ham joniga tegishni bas qiling!

Boshida qiyin boʻlishi mumkin, lekin qiyin ekan deb shunday yuravermaysiz-ku!

Keyin-chi, ayol erining istaklarini bilib, rioyasini qilib yursa, asosiysi, ayolligini unutmasa er ham hech qachon uyda ayoli turib boshqasiga qarab yurmaydi. Shuning uchun doimgi beradigan maslahatim, aybni avval oʻzingizdan qidiring, oʻzingizni isloh qilishdan boshlang!

#rashk #ayollar

@Nadiya_Ramazon

Ali ibn Abu Tolib roziyallohu anhu suyukli ayollari Fotima roziyallohu anho haqlarida:

"Men har safar unga qaraganimda, mening barcha qayg'ularim g'oyib bo'ladi va meni bezovta qiladigan va xafa qilgan hamma narsani unutib qo'yaman.."

"Bihar al-Anvar"

Yana Imom ibn al-Qoyyim rahimahulloh aytadilar:

- "Shuning uchun ayol (xotin) - tinchlik deb ataldi; chunki xotirjamlik shu bilan bog'liq.."

Alloh ﷻ aytdi:

- Va sizlarga sokinlik topishingiz uchun o'zingizdan juftlar yaratganligi va oralaringizda sevgi va marhamatni solib qo'ygani (ham) Uning oyat-belgilaridandir.. Albatta, bunda tafakkur qiladigan qavmlar uchun oyat-belgilar bordir.. 30:21

"Raudat al-muhibin"

#muhabbat

@Nadiya_Ramazon

Bir muddat facebookda faoliyat yuritib, keyin toʻxtatdim. Sababi vaqt! Jimgina ustozlarning fikrlarini kuzatishda davom etayotgandim, oldingidek...

Lekin shu kunlarda Kaliforniya va Amerikaning boshqa shtatlarida bo'layotgan yongʻin sabab koʻpchilik xursandchiligini yozayotganini koʻrib chidab tura olmadim!

"Biram chiroyli yonyapti, barakasini bersin, battar boʻlsin, bu ham kam, yongʻinni zavq bilan tomosha qilish ham mumkin ekan" kabi izohlarni oʻqib, toʻgʻrisi, holimizga achindim.

Maʼlumotlarga koʻra, Kaliforniya Amerikadagi musulmonlar eng koʻp yashaydigan shtatlar qatoriga kirar ekan. Shunday ekan, yongʻin boʻlgan joyda bitta boʻlsa ham musulmon borligi bizni sevintirmasligi kerak edi. Keyin, oʻsha Izrailga yordam berayotgan aqlsiz, ilmdan uzoq, din-diyonatni bilmagan insonlarni ham goʻdaklari bordir... Qariyalari bordir... Ularning ichida oʻsha yordam berganlarga qarshilar bordir...

Bular bari bir boʻlib, biz musulmonlarning chiqqan yongʻindan xursandchilik qilishimizga qanday yoʻl beradi?!

Yetkazilgan talafot, milliardlab zararlar ular uchun jazodir balki, Alloh bilguvchi. Lekin yongʻinda shular qatori halok boʻlgan musulmonlar, goʻdaklar, qariyalar... Ular ham Falastindagi dindoshlarimiz qatori emasmidi?!

Men onaman, balki shuning uchundir, shu uylar ichida kimning, qanday otaning farzandi boʻlishidan qatʼiy nazar yonayotgan goʻdaklarni koʻzim oldiga keltirib achinib ketyapman...

Alloh barchamizga ofiyat bersin...

Facebook sahifamdan

#mulohaza

@Nadiya_Ramazon

Orif Taskinning “Hayot menga shuni oʻrgatdi” kitobidan #iqtibos

Seni chindan xam sevganlar, sen uchun qaygʻurganlar haqida bilmoqchimisan?!
Ular seni nimaga ragʻbatlantirib, nimadan qaytarayotganlariga boq! Haqiqiy sevganlar seni maʼsiyat koʻchasidan toʻsishadi. Haqiqiy qaygʻurganlar seni jahannam azobidan asrashadi.
Yaxshilikka daʼvat qilib, yomonlikdan qaytarishadi. Ulargina seni chindan sevishadi, asrab avaylashadi. Seni dunyoning oʻtkinchi rohatlariga,lahzalik lazzatlariga chorlashmaydi.
Seni oʻzlariga emas, Robbilariga yaqinlashtirishadi. Ana oʻshalar chindan xam sevganlardir. Shunday insonlaring boʻlsa, qoʻyib yuborma! Chunki, ularning muhabbati seni hisob kuni arshning soyasiga oladi, jannatga kalit boʻladi.

Senchi?! Sen xam kimnidir shunday sevasanmi?!

@Nadiya_Ramazon

Ba’zi tushlarni yashaging kelsa, ba’zi yashaganlaring tush bo’lishini istaysan…

#Shunchaki

@Nadiya_Ramazon

Andalusiyalik muslima ayollar uylarini atirgullar bilan qoplashar, xonalarning kirish joylariga xushbo‘y mushklar sepishar, Kordoba shoyisidan eng hashamatli kiyimlarini kiyishar, eng qimmatbaho taqinchoqlarni taqishardi, ulardan birining eri uyga kelganida "Bu dunyodagi jannatingizga kiring", deya kutib olishardi.

Doktor Hamid al-Idrisiy tvitter sahifasidan tarjima qilindi.

#Ayollar #tarjima

@Nadiya_Ramazon

Islom ayollarni ilm olishga chorlaydi. Ayol uchun mas'ul bo'lgan erkak uning tarbiyasi va rivojlanishi uchun ham javobgardir. Ilgari kelinlarga sep bilan birga foydali kitoblar ham berilardi. Imom Zahabiy to‘y kuni bir qizga mahrlari bilan birga qimmatbaho “Muxtasar al-Muzaniy” kitobi sovg‘a qilinganini eslatib o‘tganlar.

"Rasululloh sollallohu alayhi vasallamning ayollari zamonaviy dunyoda" kitobidan #tarjima

@Nadiya_Ramazon

"لا عــارَ علــى الــرجل فــي إظـهار حُــبِّه لـزوجَتِه" .

#الـحَافـظ ابـن حــجر الـعسقـلانـي
📚فتح الباري(١٥٩/١٦) ] .

"Erkakning o'z ayoliga sevgi izhor qilishida uyat yoʻq (ya'ni bu uyatli ish emas)."

Hofiz Ibn Hajar Asqaloniy
📚 Fathul Boriy (16/159)]

#tarjima

@Nadiya_Ramazon

Siyrat kitoblarida keladiki, Rasululloh sollallohu alayhi va sallam so'nggi bemorliklarida qiynalib yotar ekanlar, Safiya onamiz roziyallohu anho: "Qaniydi, o'rningizda men bo'lib qolsam", – dedilar...

Muhabbatli inson jufti uchun hamisha shunday fidoyilikka tayyor bo'ladi. Ayniqsa, u bemor bo'lsa, o'zini ojiz his qilib qoladi. Barcha dori-darmonni hozirlab, duo qilib turganda ham to shifo topguncha barobar eziladi...

Alloh barcha bemorlarga shifo bersin!

#Muhabbat

@Nadiya_Ramazon

"Siz va turmush o‘rtog‘ingiz orasida kelishmovchilik sodir bo‘lsa, o‘z ayblaringizni qay tariqa oqlash haqida emas, balki o‘rtadagi nizoni qanday bartaraf etish haqida bosh qotiring. Shunda qarama-qarshilik yaxshi yo‘l bilan yechiladi".

Shayx Yusuf Xattor Muhammad
«Oila — baxt-saodat maskani» kitobidan #Iqtibos

#muammo

@Nadiya_Ramazon

Ayol uchun er naqadar ulug’ maqomda ekanini, afsuski, hamma ham bilavermaydi. Xususan, erini nohaqdan g’azabnok qilgan ayolning ibodati qabul bo’lmasligini eslash erning darajasini tasavvur qilishimiz uchun kifoya qiladi.

Hech bir musulmon ibodati qabul bo’lmay qolishini bila turib xotirjam bo’la olmaydi. Shunday ekan, erni nohaqdan g’azablantirishdan ham tiyilish kerak.

Abu Umoma roziyallohu anhudan rivoyat qilinadi:
«Nabiy sollallohu alayhi vasallam:
«Uch kishining namozlari quloqlaridan yuqori ko‘tarilmaydi: xojasidan qochgan qul, toki qaytib kelmagunicha, erini (nohaq) g‘azabnok qilgan xotin va qavmi yomon ko‘rgan imom», dedilar».
Termiziy va Abu Dovud rivoyat

#Ayollar #erkaklar #hadis

©Hubbuna

@Nadiya_Ramazon

Qaynona va kelin munosabatlari

“Qaynona — bu ona, u doimo haq, u chizgan chiziqdan chiqmaslik kerak” degan gaplarni aytib o'tirmayman. Bunday gaplarni momolarimizdan ko‘o‘o‘p eshitganmiz.

Aslida qaynona hech qachon sizga ona bo‘lmaydi. U har doim qaynonalik maqomida qoladi. Siz uni hurmat qilsangiz ham, qilmasangiz ham, bu maqom o‘zgarmaydi. Ammo sizning maqomingiz qaynonaga nisbatan qilayotgan muomalangizga qarab o‘zgarib boradi. “Megajin”dan tortib “qizim”gacha bo‘lgan muomala darajasini aynan siz belgilaysiz.

Qaynona ona bo‘la olmasa-da, u umr yo‘ldoshingizning onasi, tarbiyachisi va g‘amxo‘ri hisoblanadi. Qaynonaga qilayotgan xizmatingiz majburiyat emas, balki fazilatingiz va oilada olgan yuksak tarbiyangizning belgisi bo‘lishi kerak.

Darhol “qaynona o‘g‘lini qizg‘onadigan, kelinini xushlamaydigan bo‘lsa-chi?” degan savolni bermang. Albatta, bunday qaynonalar bor, buni men ham bilaman. Ular haqida alohida post qilaman, inshaalloh. Ammo hozirgi fikrlar kelinlarga qaratilgan.

Qaynona-kelin munosabatlari 50 ga 50 darajada mas’uliyat talab qiladi. Atrofimizda zolim qaynonalar ham, nonko‘r kelinlar ham kam emas, afsuski. Bu muammolarning oldini olish kerak. Ammo qanday qilib?

Islohotni, avvalo, o‘zimizdan va tarbiya qilayotgan qizlarimizdan boshlashimiz kerak. Qaynonangiz yomon bo‘lsa ham, uni hurmat qiling va xizmatini qiling. Faqat Alloh uchun qiling. Javobini Allohdan kuting. Agar javobni faqat qaynonadan kutadigan bo‘lsangiz, bir-ikki olasiz, keyin olmay qolasiz, hafsalangiz pir bo‘ladi. Shuning uchun javobni faqat Allohdan kuting.

Shuningdek, qizingiz oldida qaynonangizni yomonlamang. Aksincha, qilgan xatolaringizni tan oling. Bundan u ibrat oladi va kelajakda shunday xatolardan qochishga harakat qiladi. Agar bundan 20 yil avval onalarimiz shunday yo‘l tutganlarida, bugungi muammolarning kamida 90 foizi bo‘lmas edi. Lekin bu qilinmadi, natijasini esa hammamiz ko‘rib turibmiz.

Islohotni o‘zimizdan boshlaylik!

#munosabat #tavsiya

@Nadiya_Ramazon

Dunyoda mukammal oila, komil do‘stlik, namunaviy hayot, foydali tijorat, nurli kelajak yo‘q. Aqlingizni g‘ayrivoqeiy (bo‘lmaydigan) kutilmalardan ozod qiling!

Hamma qiynaladi. Lekin:
farq rozi bilan norozi o‘rtasida bo‘ladi. Haqiqatini topgan bilan unda chuqur ketgan o‘rtasida bo‘ladi.

Agar hayotni abadiy jannat emas, balki nuqsonli deya muomala qilsangiz, u go‘zallashadi. Uning asliga qarab muomala qiling, huzurlanasiz.

Ayman Yog‘iy

#Muammo

@Nadiya_Ramazon

"Uy bekasi" lavozimini mensimaganlar, bu mansabning muhimligidan va ummatning axloqiy-ijtimoiy hoziri va kelajagiga kuchli ta’siridan g‘aflatda bo‘lgan johillardir. Uy to‘ridagi bu mansab qiyinchiliklari, erkaklarning uy tashida duch keladigan mashaqqatlariga barobar keladi.

Shariat ikki jinsni ham o‘zlariga loyiq va ustun tomonlariga yo‘llaydi. Ba’zi ayollarning favqulodda qobiliyatlari, ularning bu xususiyatni yo‘qqa chiqarolmaydi.

Shayx Muhammad Gʻazzoliy

#Ayollar

@Nadiya_Ramazon

Ochiq-sochiqlikka intilish — psixologik muammolar ta'siri

Tabarruj (ya’ni axloq mezonlaridan tashqari kiyinish) — bu ayollarning e’tibor qaratish uchun qiladigan harakati bo‘lib, bu ko‘pincha ichki muammolar va o‘ziga ishonchsizlikdan dalolat beradi. Jamoat joylarida ochiq-sochiq kiyinib, makiyaj qilib yurish — ayolning o‘zidagi chuqur psixologik muammolarni, ba’zida esa bolalikdagi travmalarini yashirishga urinishidir.

Bugungi zamonaviy dunyoda bu holat normaga aylangan. Ko‘pchilik ichki muammolarga ega bo‘lgan, ochiq kiyinuvchi va jiddiy travmalarga ega ayollarni uchratish odatiy holga aylangan. Shuningdek, zamonaviy “mustaqil” ayollarda depressiya va xavotirlik darajasi hech qachon bugungiday yuqori bo‘lmagan.

Ba’zi musulmon oilalarda ulg‘aygan, lekin g‘arbiy dunyodagi “mustaqillik” va “erkinlik”ni taqlid qilishga uringan musulmon ayollar “moda” va “uslub”ni bahona qilib noto‘g‘ri hijob kiyishadi. Ular boshlariga sochi qisman yoki butunlay yopmaydigan yengil matodan bo'lgan ro‘mol tashlab, uni tor jinsi shim, kalta va yopishib turadigan ko‘ylak yoki forma shakldagi kiyimlar kiyishadi. Ustiga-ustak, yuziga qalin makiyaj, tirnoqlariga lak, baland poshnali tufli kiyib, atir sepishadi.

Bularning barchasi faqat e’tibor qaratish uchun.

Biroq, hissiy jihatdan yetuk, ruhan sog‘lom, e’tibor va tasdiqni tashqi omillardan izlamaydigan iymonli ayol tabarruj qilmaydi.

To‘g‘ri hijob esa sog‘lom ruhiyat va pok qalbning eng yaxshi tashqi ifodasidir.

Bizga Islomni bergan Allohga hamd bo‘lsin!

#tarjima

@Nadiya_Ramazon

Nikohingiz markazida nima turishi kerak?

Erkaklar, munosabatlaringiz markaziga o‘zingizni yoki ayolingizni emas, Allohni qo‘ying.

Ayollar, munosabatlaringiz markaziga o‘zingizni yoki turmush o'rtog'ingizni emas, balki Allohni qo‘ying.

Agar munosabatlaringizdagi barcha ishlarni Allohning roziligi uchun qilsangiz, oilangiz mustahkamlanadi va ikki tomon ham baxtli bo‘ladi.

Agar munosabatlarni faqat o‘zimiz yoki turmush o‘rtog'imiz uchun qilsak va Allohni unutib qo‘ysak, oxir-oqibat hech kim chinakam baxtga erisha olmaydi.

#tarjima

@Nadiya_Ramazon

Bolalarda poklik masalasi

Farzandlarimizni kichikligidan poklikka o'rgatish — bizning eng muhim vazifalarimizdan biri. Kichkinaligidan badani, kiyimi, o'rni toza bo'lishiga qattiq e'tiborli bo'lishimiz kerak. Ayrim onalar bolaga bo'laveradi degan o'yda bolalariga kir kiyimlar kiydirib qo'yadi yoki yuz-qo'llari kir bo'lib yuradi. Bu yaxshi emas, albatta. Shaxsan men buni qabul qila olmayman.

To'g'ri, bolalarimiz sho'x, bir o'ynab kelsa, ust-boshi kir bo'ladi, qo'l-oyoqlari ham yuviladigan bo'lib qoladi. Shu vaqtda bee'tibor bo'lmasligimiz kerak. Tezda ustlarini alishtirib, yuvinib olishlarini aytishimiz kerak. Shuningdek, ularga ovqatdan oldin va keyin qo'l yuvish, hatto o'yin o'ynaganda va boshqa vaqtlar ham kiyimlarini toza tutishga o'rgatishimiz juda muhim.

Bolalarimiz kunni poklik bilan boshlasin: tishlarini yuvsin, yuz-qo'lini yuvsin, sochlarini tarasin... Bular oddiy amallar bo'lishiga qaramay, bolalarning yoshiga ko'ra odatlanish biroz qiyin kechishi mumkin. Shuning uchun bunda biz ularning yonida turib, yordamlashib, o'rnak bo'lishimiz lozim.

Alloh taolo barchamizga farzandlarimizni sog'lom va pokiza qilib o'stirishimizda madad bersin! 🤲

#tarbiya

@Nadiya_Ramazon

Hammani kechirdim...

#ustozlardan

@Nadiya_Ramazon

Assalomu alaykum! Yaxshimisizlar? 😊

Oxirgi vaqtlarda blogim faoliyati ayrim sabablarga koʻra aanchagina sustlashib qoldi. Shunday boʻlsa-da sadoqat bilan kanalni tark etmay kuzatishda davom etayotganlaringiz uchun rahmat! InshaAlloh, endi yana faoliyatni tiklab, sizlarga manfaatli maʼlumotlar berib borishga harakat qilaman.

Darvoqe, ijodiy yangiliklardan ham bo'lishib ketay: yaqin orada ayollar uchun bir kitob boshlash niyatidaman. Bekor yurmay, unda yoziladigan mavzular haqida o'ylab yurdim. )

Koʻpchilik hol soʻrab yozibdi, hammalariga javob berolmadim, uzr. Borlaringizga shukr, men yaxshiman, Âlhamdulillah...

#hayotiy

@Nadiya_Ramazon

Seni kamchiliklaring, ayblaring, gunohlaring va savoblaring bilan chindan yaxshi ko‘radigan, xatolik qilganing uchun ham seni tark etmaydigan yagona zot faqat Alloh ekanligini bilganingda edi, boshqalarga qullik qilishdan voz kechar eding...

Abdulqodir Jiyloniy quddisa sirruhu

#iqtibos

@Nadiya_Ramazon

Ayrim hollardagi muammolar, seni yurakdan his etuvchi insonlar bilan, o‘z yechimini topadi, chunki seni qalbdan his etuvchilar sen uchun sanoqli bo‘ladi…

(C)

@Nadiya_Ramazon

Aslida hayotimdagi soxtalardan juda yaxshi xabardorman.Hohlasam, ulardan bir zumda va qanday qutulishni ham bilaman.Ammo u soxtalarni mening samimiyatimga ehtiyojlari bor...

Jaloliddin Rumiy

@Nadiya_Ramazon

Lev Tolstoy "Anna Karenina" asarida shunday yozadi:

"Qalbimizni kavlashtirganimizda baʼzan shunday narsalarni qidirib topamizki, ularning aslida oʻsha burchakda tinchgina yotgani yaxshiroq edi..."

Tolstoy bu fikrlari bilan inson qalbining chuqur burchaklarida yotgan sirlar, his-tuygʻular yoki kechinmalarni anglash va yuzaga chiqarish har doim ham foydali emasligini nazarda tutadi. Baʼzan, ularni oʻz holiga qoʻyib, tinch qoldirish yaxshiroq boʻlishi mumkin, chunki bu kechinmalarni ochib tashlash insonning ruhiy tinchligiga zarar yetkazishi yoki murakkabliklarga olib kelishi ehtimoli bor.

#mulohaza #iqtibos

@Nadiya_Ramazon

Butun umrim davomida menga aytilgan eng bebaho, eng goʻzal, hech qachon yodimdan chiqmaydigan soʻzlar yuqoridagi onamning soʻzlari boʻlib qoladi!.. 🥺

Farzand uchun bundan ortiq baxt boʻlmasa kerak! 🥺

Boringizga shukr, onajonim!

@Nadiya_Ramazon

Agar insonda biror kamchilikni koʻrmasang, demak, sen sevib qolgansan!..

Anton Chexov

#muhabbat

@Nadiya_Ramazon

Seni kamchiliklaring, ayblaring, gunohlaring va savoblaring bilan chindan yaxshi ko‘radigan, xatolik qilganing uchun ham seni tark etmaydigan yagona zot faqat "Alloh" ekanligini bilganingda edi, boshqalarga qullik qilishdan voz kechar eding...

Abdulqodir Jiyloniy
(Quddisa sirruhu)

#hikmat

@Nadiya_Ramazon

Shunday insonlar borki, ehtimol ular sizning hayotingizda eng afzal shaxs bo‘lmasligi mumkin. Lekin shuni ishonib aytamanki, bir kun kelib, huzuringizda ularning ismi tilga olinganda, siz beixtiyor nimtabassum bilan: “bu inson o‘zgacha inson edi”, deb yuborasiz. Agar ular hayotingizdan chiqib ketishsa, o‘rni bo‘shligicha qoladi. Shunday insonlarni vaqtida qadrlang!

“Hikmatlar chashmasi”dan #iqtibos

@Nadiya_Ramazon

XIYONAT
Imom Buxoriy va imom Muslim rohimahullohlar o‘zlarining "Sahih"larida keltirishadi:
"Sahobiylardan Ma’qal ibn Yasor roziyallohu anhu oxirgi bemorligida uni ko‘rgani Ubaydulloh ibn Ziyod kirdi. Ma’qal unga dedi:
- Men Nabiy sallollohu alayhi va sallamdan bir hadis eshitganman, agar yana yashashimni bilsam uni aytmas edim. Rasululloh sallollohu alayhi va sallam dedilar: "Alloh kimni bir qavmga boshliq qilsa, so‘ngra u qavmiga xiyonat qilgan holda vafot qilsa Alloh uni do‘zaxga kiritadi!".

Davlat raisidan tortib oila kattasigacha hamma boshliqdir.
Agar xotiningizning behayo kiyimlar kiyishiga jim tursangiz demak unga xiyonat qilayapsiz.
Agar qizingizning hijobiga beparvo bo‘lsangiz demak unga xiyonat qilayapsiz.
O‘g‘lingizning namoz o‘qishiga beparvo bo‘lsangiz demak unga xiyonat qilmoqdasiz.
Qizingizni go‘zal xulqli yigitga emas, puli ko‘p yigitga bersangiz demak unga xiyonat qilibsiz.

Haqiqiy muhabbat ahboblaringizni do‘zaxga kirishlaridan qo‘rqishingizdir!

Abdulqodir Polvonov

#hikmat

@Nadiya_Ramazon

Uzoq yo‘q bo‘lib ketib, so‘ng kelib hol so‘ramang! Chunki oradagi uzilishlar vaqt o‘tishi bilan o‘ladi va hikoyalar o‘zgaradi!..

Taskin

@Nadiya_Ramazon

Hurmat muhabbatdan ustun

“Men ayolimni sevaman, uni hech kimga xafa qildirib qoʻymayman” deb turib, oʻzaro munosabatlaringizda uni hurmat qilmasangiz, qanday qilib buni muhabbat deyish mumkin?!

Yoki:

“Erimni jonimdan ortiq koʻraman, boshqa ayollardan oʻlgudek qizgʻonaman” deysiz-u, lekin oʻziga oʻgʻlingizga qiladigan muomalangizni qilasiz. Shumi muhabbatingiz?!

Qanday qilib hatto hurmat ham qilmagan kishingizni sevishingiz mumkin?!

Oilaviy munosabatlardagi siniqlar, qoʻrs muomala, beeʼtiborlik, koʻngilsizlikning barchasi behurmatlikdan kelib chiqadi.

Bir-birini hurmat qiladigan juftliklarni koʻrganmisiz? Kuzatganmisiz oilasini? Agar koʻrgan boʻlsangiz, beixtiyor havasingiz kelgani aniq.

Xoʻsh, sizning ham oilangiz ana shunday havas qilsa arziydigan boʻlishiga nima toʻsqinlik qilyapti? Kim qarshilik qilyapti?!
Men aytaymi oʻsha kimligini? Oʻzingizsiz!

Ayniqsa, ayollar, maslahatim: oʻzingizni isloh qiling. Hozirdanoq boshlang, eringizga qaraganingizda Alloh shu insonga itoat qilishga buyurib qoʻyganini eslang. Oʻylab koʻring, bu qanday ulugʻ daraja! Rasululloh sallollohu alayhi vasallam: “Agar insonga sajda qilish kerak boʻlsa, ayolning eriga sajda qilishini buyurardim”, — deganlarini eslang. Yana siz hurmat qilishingiz uchun qancha sabab kerak? Mayli, kamchiliklari bor: yaxshi pul topmaydi, sizga mehr bermaydi, bolalarga vaqt ajratmaydi va hokazo… Qoʻyavering, insofni Alloh oʻziga bersin, siz oʻz vazifangizni biling! Hurmat qiling, eʼzozlang, ishdan qaytganida allambalo hidlar kelib turgan kiyimlaringizni alishtirib, pardozlanib, pokizalik va unga yoqimli boʻlgan ifor bilan kutib oling. Shirinsuxan boʻling, qani, qaysi erkakka yoqmas ekan?!

Erkaklar, ahli oilangizga yaxshilik qilishga buyurgan Alloh qiyomatda sizlardan javobini soʻraydi. Hamma narsaning chegarasi bor. Siz hurmat qilmasangiz, onangiz, otangiz yoki qoshlarini chimirib turgan opa-singillaringiz qanday hurmat qilsin ayolingizni? Siz ularning oldida ayolingizni pastga urib, ustidan kulib tursangiz, ular yomon koʻrmay, men yomon koʻraymi?! Qadrlamay turib qanday qadr topishingiz mumkin?!

“Onasi, koʻchaga chiqqanimda ishim yuzasidan nechta ayolga duch kelaman, lekin ayolim aynan sen ekanligingdan, peshonamga aynan sen yozilganingdan shukr qilaman”, — deb koʻring, baraka topkur, bir marta ayting-chi! Nima boʻlarkin? Kun boʻyi ota-onangiz, farzandlaringiz xizmati bilan band boʻlib, ayolligini ham unuta yozgan ayolingizga ayting-chi, nima derkin?!

Qisqasi, hurmat qilavering! Bu uchun yuqorida aytilgandek sabablar oshib-toshib yotibdi.

Shaxsan oʻzim oilada muhabbatdan koʻra hurmat muhim va har qanday ijobiy munosabatlarning boshi hurmatdan boshlanadi deb bilaman!

#Erkaklar #ayollar

@Nadiya_Ramazon

Ozgina vaqt kerak!

#ustozlardan

@Nadiya_Ramazon

Ayolning qiymatini agar eri bilmasa, butun olam uni qadrlasa ham foydasi yoʻq. Buvimni Alloh rahmat qilsin, naqadar hikmatli gap aytgan edi:
"Kim boshqalar oldida xotinini haqorat qilsa, boshqalar uning xotinini koptok qilib oʻynashadi"

"Nabaviy tarbiya" kitobidan #iqtibos

@Nadiya_Ramazon

Sevgisiz yashash osonroq, lekin usiz hayotda ma’ni yo‘q.

Lev Tolstoy

#muhabbat

@Nadiya_Ramazon

Hammasiga ulgurish mumkin!

Ilm o’rganish va uy ishlaridan ortib safarga chiqish bu ayol uchun nafaqat dam olish, balki sog’liqni tiklash va ruhiy kuch to’plashning eng yaxshi usulidir.

Juftingiz bilan qilingan safar esa zavqli va munosabatlarni yanada yaxshilash imkonidir. Bunda safar davomida bir-biringizga g'amxo'rlik qilishingiz, shirin xotiralarni eslash va kelajak rejalar haqida gaplashish kishiga bir olam zavq, quvonch bag'ishlaydi.

Uy-ro'zg'or va boshqa tashvishlardan ortib safarga chiqishga imkon qayda desangiz, unday emas, buning uchun faqat safarni birinchi o'ringa qo'yib, oldindan rejalashtirgan holda harakat qilsangiz bo'ldi.

Salmon Forsiy roziyallohu anhu aytganlaridek: «Senda Robbingning ham haqqi bor, nafsingning ham haqqi bor, ahlingning ham haqqi bor. Har bir haqdorga haqqini bergin».

#Safar

@Nadiya_Ramazon

"Qizim mening bir bo‘lagimdir, uni shubhaga solgan narsa meni ham shubhaga soladi va unga aziyat yetkazgan narsa menga ham aziyat yetkazadi..!"

𝑀𝑢ℎ𝑎𝑚𝑚𝑎𝑑 𝑠𝑜𝑙𝑙𝑜𝑙𝑙𝑜ℎ𝑢 𝑎𝑙𝑎𝑦ℎ𝑖 𝑣𝑎𝑠𝑎𝑙𝑙𝑎𝑚 𝑠𝑒𝑣𝑖𝑘𝑙𝑖 𝑞𝑖𝑧𝑙𝑎𝑟𝑖 𝐹𝑜𝑡𝑖𝑚𝑎 𝑟𝑜𝑧𝑖𝑦𝑎𝑙𝑙𝑜ℎ𝑢 𝑎𝑛ℎ𝑜 ℎ𝑎𝑞𝑙𝑎𝑟𝑖𝑑𝑎...

Qizimni sogʻindim🥺

Safar yaxshi lekin sogʻinchi yomon...

#qizim

@Nadiya_Ramazon

Alloh sizga yuzini o‘zgartirib turli rangga kirmaydigan kishini nasib qilgan bo‘lsa ancha baxtli inson ekansiz!

Abdulqodir Polvonov

@Nadiya_Ramazon

Tasavvur qiling, ikki oyogʻi yurishga yaroqli inson, lekin yurish uchun faqat bitta oyoqdan foydalanib, faqat bir tarafga ogʻirini tashlab yuraversa nima boʻladi? Ogʻirlik koʻtarayotgan suyak yemirilib-yemirilib oxiri tugab bitadi. Jamiyatimizda baʼzi ayollar bor, afsuski, xuddi oʻsha bir tarafga ogʻirini tushirib, yemirib borilgan oyoqlar kabidir.

Sal narsadan qiyiq axtarib, kun boʻyi ishlab charchab kelgan eringizga bir tonna uyilgan qovoq, oʻzingiz ham, uyingiz ham epsiz, oʻzingizga qarasangiz, oʻzingizning ham gʻashingiz keladigan holatingizda kutib olib erdan yana nima kutasizlar-a?! Shu holatingizga er sizga mehr bersinmi?! Bechora ayolim, bolalar bilan boʻlib yoki ota-onamning xizmatini qilib bir ahvolga kelib qolibdi, tashqi koʻrinishi mayli, koʻngli ham toʻzib, menga bir ogʻiz shirin soʻz aytolmaydigan holatga kelib qolibdi, kel, mehr beray, parvarish qilay dermidi?! Ikki dunyoda demaydi, ishonavering.

Alloh biz ayollarni fitratan shunday yaratgan, yaʼni er parvarishi, farzand tarbiyasi, uy va oʻzimizdagi pokizalik hamma-hammasiga yaraydigan qilib, ozgina farosatni ishlatsak boʻldi. Hamma narsaning meʼyorini biling, qaysi yumush sizga ogʻir kelyapti — tushuntiring erga, tushunmaydi desangiz, u holga kelishiga ham oʻzingiz sababchisiz. Bilasizmi, erkaklar ham fitratan ayolga moyil boʻlib yaratilgan, koʻngliga yoʻl topib yashasangiz, u ham tushunadi. Xizmatlardan charchagan boʻlsangiz, dam oling, shoshmang, sekin qilavering. Ertalabki birinchi ishingiz oyna boʻlsin, avval oʻzingizga qarab oling yaxshilab. Albatta qaynona-qaynota bilan yashaydiganlarga bu qiyin, lekin ilojini qilsangiz boʻladi. Mohir boʻling, eringizning yaqinlarini hurmat qiling, shu bilan oʻzingizni ham. Eng asosiysi, birinchi oʻrinda ayolligingizni unutmang. Er sizga xizmat uchun uylanmagan, siz ham asabini egovlayman shu erni deb turmush qurmagansiz. Eringiz bilan shunday kelishuv qilingki, natijada oʻzingizni ham toliqtirib qoʻymang, eringizni ham sizdan koʻngli toʻlsin.

Bu oldi-qochdi gap yoki imkonsiz narsa emas, atrofingizga qarang, kuzating, necha-necha ayollar bor halovatda yashaydigan. Ularning ham qaynona-qaynotasi, eri, farzandlari bor. Hammasining uddasidan chiqib, asosiysi, oʻzining ham ayolligini unutmay, hurmati bilan yashayapti. Oʻrnak oling oʻshalardan. Oson emas toʻgʻri, oson boʻlganda oilalar buzilmasdi. Lekin turmushga chiqolmay yoki necha yildan beri farzandsiz yashayotgan, yoki erining vafotidan soʻng farzandlari uchun turmush qurmay, tunlarini yigʻi bilan oʻtkazayotgan ayollarning oldida sizdagi mas'uliyat aanchagina oson, toʻgʻrimi?!

Shukr qilishni oʻrganing, nolishdan toʻxtang, oqila boʻling, itoatkorlikda bardavom boʻling. Bu fazilatlar sizni eringizning yonida yanada hurmatingizni oshiradi.

Keyin-chii, kitob oʻqing. Onalarimiz qanday yashab oʻtganlarini biling, asl sabr-matonat qanday boʼlishini oʻshalarda koʻrasiz.
Qaysi kitobligini bilasizlar-a?😁🙈

#oila #ayollar

@Nadiya_Ramazon

Xoʻoʻsh, ayollar qandaysizlar? 😁.
Yuqoridagini oʻqib, anaa, shunaqa boʻladi deb, postni egasiga ulashib qoʻyib oʻtiribizlarmi? 😊 Borlaringizga shukr, endi sizlarga ham bir shingil ataganimiz bor edi-da yoʻq demasangizlar...

Oila ikki shaxsning oʻzaro munosabatlari qoʻrgʻonidir. Bu qoʻrgʻon mustahkam, halovatli boʻlishi uchun avvalo shartnoma, ya'ni kelishuv toʻgʻri toʻldirilishi va bunga amal qilinishi kerak.

Har kimning oʻziga yarasha xarakteri, qaysarliklari boʻladi. Hamma narsa meʼyorida boʻlsa, bunga hech kim qarshilik ham qilmaydi, nadomat ham. Lekin doim ham inson bir xil mezonda turolmaydi, ya'ni inson tabiati oʻzgaruvchan boʻlib,
baʼzida jahlini bosa oladi, baʼzan esa yoʻq. Juftiga nisbatan ham shunday: undan biror xato oʻtsa, baʼzida kechirib, baʼzida esa kechirolmay qoladi.

Bir-birini tushunmagan er-xotin oʻrtasidagi munosabatlarni sindirib, oilani buzilishigacha olib keladigan omil tushunmaslik, tushunilmaslikdir. Agar juftlikning bir tarafi, yaʼni er yoki ayol tushunib, ikkinchi tarafda bunday boʻlmasa bu ham munosabatlarni chiroyli holatda saqlashga yetmaydi. Ikki taraf ham birdek harakat qilishi kerak boʻladi.

Afsuski, baʼzi oilalarda bu narsa koʻpincha ayoldangina talab qilinadi. Sen ayolsan, tushunsang boʻladi-ku, kun boʻyi ishlayman, charchayman, mingʻir-singʻirlarga toqatim toʻq, yashasang tushunib yasha, boʻlmasa, katta koʻcha deydigan erkaklar dastidan dardini ichiga yutiib yashaydigan ayollarimiz boor, Alloh ularga osonlik bersin.

"Hooy erkak! Oila faqat ayoling uchun kerakmi, u oilani saqlash uchun qanday harakat qilyotgan boʻlsa, sen ham kamida shunday harakat qilishing kerak!" deydigan odam yoʻq, boʻlsa ham quloq solmaydi. Ayolni qiyshiq qovurgʻa, toʻgʻrilab boʻlmaydi sinib qoladi toʻgʻrilasa deyishadi-ku, aslida oʻsha qiyshiq boʻlib, oʻzgarmaymaan, tegsang sinaman deydigan qovurgʻa yuqorida aytilgan erkaklarni oʻzlari! Alloh ularga insof bersin...

Hurmatli erkaklar, Alloh ayollaringizni sizlarga itoat qilishga buyurdi, Qurʼon va sunnatdan tashqarida boʻlmagan har qanday talabingiz bosh ustiga! Lekin oila sizni talabingiz va ayolingizni itoatidangina iborat emas. Boshqa munosabatlar ham bor, siz eʼtibor berishingiz, siz ham harakat qilishingiz kerak boʻlgan. Yuqorida aytilgandek, oilangiz halovatli, tinch boʻlishini istasangiz, tushunishni oʻrganing, oʻzingizni isloh qiling, unutmang, oilaning boshligʻi sizsiz! Bitta gapingiz bilan bor, bitta gapingiz bilan yoʻq boʻladi.

Munosabatlar yaxshilanishini, ayolingiz itoatkor, doim xushsuratda boʻlishini istasangiz, oʻzgaring, islohni oʻzingizdan boshlang, eng kamida ayolingizga yaxshilik qilishda bardavom boʻling!

"Sizlarning yaxshilaringiz oʻz ahliga yaxshi boʻlganlaringizdir" #hadis

Postni oxirigacha oʻqib, ayollarda ham ayb boor deyayotganlar uchun, albatta bor, esimdan chiqib qolgani yoʻq, keyingi postimizda, InshaAlloh, ayollarga ham toʻxtalamiz.

#oila #erkaklar

@Nadiya_Ramazon

Opa demoq - jon degani! U - eng ogʻir kunlarda ham singlisiga kuch boʻladigan, tamasiz mehr-muhabbat va fidoyilik koʻrsatadigan bir hadyadir!

"Ishq qalbning duosidir"
#iqtibos

@Nadiya_Ramazon

Har bir narsada ikkinchi imkoniyat boʻladi, lekin ishonchda emas!

Antuan De Ekzyuperi

#eslatma

@Nadiya_Ramazon

Alloh seni eng xayrlisi uchun asramoqda!

Yanglish odamlarni qadrlash, ularga ishonish va bular uchun badal toʻlash insonni toliqtiradi. Paulo Karlo yanglish insonlarni qadrlab charchaganlarga shunday deydi:

"Yanglish insonlarga duch kelish vaqt yoʻqotish emas, balki toʻgʻri odamlarni ajratib olish uchun bir ustozdir!"

#iqtibos

@Nadiya_Ramazon

Unutmaydigan qalb,
unutilmaydigan ishq,
voz kechilmaydigan muxabbat bo‘ladi..
Ammo baxtli bo‘lishga doim ham imkon bo‘lavermaydi..

Facebookdan

@Nadiya_Ramazon

Ruhimiz ko‘chmanchi qushlarga o‘xshaydi...
Qayerda omonlikni his qilsa o‘sha yerda tunaydi!

Ahli Irfon suhbatlaridan...

@Nadiya_Ramazon

Erkaklarning ayolidan kutuvlari bo'lgani kabi ayollar ham erkaklardan kutadigan ko'p narsalar bor. Xususan, erkak kishi faqat oilaning moddiy ta'minoti bilan cheklanib qolmasligi, ayolga mehr-e'tibor berishi, farzandlar tarbiyasida ko'maklashishi, ayolni yaxshiliklarga undashi va bu yo'lda qo'llab-quvvatlashi shular jumlasidandir.

Albatta, erkaklar ham ayolidan shunga o'xshash narsalarni istaydi. Ikkala tomonga ham aytadigan so'zimiz bor: shuni unutmangki, nima olishni istasangiz, shuni ko'proq bering — mehr istaysizmi, ko'proq mehr bering; qo'llab-quvvatlovmi, ko'proq qo'llab-quvvatlang va hokazo.

Afsuski, bunda matematik tenglamalar ishlamaydi — nimani ko'proq bersangiz, kamroq olasiz. Ozroq berganda esa hech narsa ola olmaysiz.

#erkaklar

@Nadiya_Ramazon

Singan paytingizda sizga malham bo‘lganlarni unutib bo‘lmaydi. Ansorlardan bo‘lgan bir ayol Ifk hodisasida Oisha roziyallohu anhoning musibatini anglagach, unga hamdard bo‘lish uchun keldi. Bir og‘iz so‘z ham gapirmasdan, faqatgina yig‘lab o‘tirdi.
Oisha roziyallohu anho uni o‘lgunicha unutmadi...
Gohida insonlardan faqat siz his qilgan narsalarni his qilishlarini istaysiz xolos. Ular dardingizni his qilishsa, unga jiddiy qarashsa yetarli bo‘ladi sizga.
Biz singanimizda insonlar tomonidan yechim aniq bo‘lishini istamaymiz. Biz yechim ularning qo‘lida emasligini yaxshi bilamiz. Biz ulardan yechimni kutmaymiz. Bizga ularning qalbi kerak xolos!

Abdulqodir Polvonov

@Nadiya_Ramazon

Koʻpchilik ijtimoiy tarmoqlarda ismini ibnu falon yoki bintu falon deb qoʻyib olishadi.

Shundaylarga eslatmaki, agar darhaqiqat otangizning ismi shunday boʻlmasa, bu ish shariatimizda harom ishlardandir!

Oʻzini otasidan boshqaga nisbat berish haromligi haqida oyat-hadislar bor.
Hatto Rasululloh sollallohu alayhi vasallam Zayd roziyallohu anhuni asrandi oʻg‘il qilib olganlarida, Zaydni odamlar Zayd ibn Muhammad (Solallohu alayhi vasallam) deb nomlab olgandilar. Oyat nozil boʻldiki, bu ishlar mumkin emasligi, uni oʻz otasining ismi bilan chaqirilishi kerakligi haqida.

Ummu fulan, abu fulanlarda muammo yoʻq inshaAlloh lekin ibn fulan bintu fulanlar nikni oʻzgartirishlari kerak agar haqiqatan otasining ismi shunday boʻlmasa albatta!

Facebookdan olindi.

@Nadiya_Ramazon

Hamma amallar niyatga ko‘ra bo‘ladir. Illo muhabbat amalga ko‘radir.

Ayman Yog‘iy

#muhabbat

@Nadiya_Ramazon

Istagan gaplaringizni qo’rqmay ayta oladigan va u bilan istalgan mavzuda suhbatlasha oladigan bir yaqiningizni bo’lishi ham baxt aslida!

#atalgan

@Nadiya_Ramazon

Hech kimning biror qilgan ishi javobsiz qolmaydi!

#ustozlardan

@Nadiya_Ramazon

Goʻzallik zavqlantiradi, bilim hurmat uygʻotadi, ammo insonlarni bir-biriga bogʻlaydigan narsa faqat mehribonchilikdir!

Tolstoy

#hikmat

@Nadiya_Ramazon

Er-xotinlarga nasihat

- Ishlarni orangizda maslahat ila yuriting! voqelikka rozi bo‘lib yashang! Bir-biringizga huzur-rohat baxsh eting, chunki hayot qisqadir.

- Ey kuyovto‘ra, ideal, namuna qilinadigan ayol izlama! Taqsimlab berilganiga rozi bo‘l! Faqatgina HUR-IYNlarda topiladagan shartlar qo‘yma!

- Ey kelinposhsha, faqatgina farishtalarda va payg‘ambarlarda topiladigan shartlar qo‘ymang! Odam zoti qusurli, xatokor bo‘ladi, qismatingizga rozi bo‘ling!

- Ayblarni bilmaslikka oling, xatolardan ko‘z yuming! Bu dunyodir, JANNAT emas. Odamlar ham Farishta emasdir.

Oiz Qarniy hafizahulloh

#tavsiya #oila

@Nadiya_Ramazon

Er-xotin orasidagi haq-huquqlarga amal qilish bilangina munosabatlar yaxshilanib qolmaydi. Lekin bularsiz oilaning oilaligi, erkakning erkakligi, ayolning ayolligi qolmaydi. Yaʼni oilani oila qilib turuvchi omil vazifa va majburiyatlarni anglash va bajarishdir. Busiz boʻlmaydi!

Majburiyatlar misoli uyning ustunlari, devorlari kabidir. Bu uyda xotirjam yashashingiz uchun undagi qulaylik va ba'zi bezaklar ham kerak bo'ladi.

Xuddi shuningdek, munosabatlar ijobiylashishini istasangiz, majburiyatlaringiz bilan cheklanib qolmang! Erkak ham, ayol ham oʻzidagi kamchiliklarini isloh qilib, munosabatlarni yaxshilash uchun birgalikda harakat qilsa, albatta, halovatli oilaga erishishlari mumkin.

Toʻgʻri, yillar davomida qarovsiz qolgan, jabr-zulm suvi bilan sug'orilgan munosabatlar tiklanmasligi mumkin, lekin, hech boʻlmaganda, oʻrtadagi nafrat koʻtariladi. Afsuski, ko'p oilalarda er-xotinlar bir-biriga toqat qila olmay qolgan — qalbida cheksiz nafrati bor, faqat farzandlar uchun birga yashaydigan holatga kelib qolgan.

Inson fitratan oʻzidagi aybni emas, qarshisidagi kishining ayblarini koʻradi va shunga koʻra muomala qiladi. Farosati va bilimi yetarli insonlar esa oʻzidagi aybni ham koʻrib, isloh harakatida boʻladilar. Oila mavzusida ham bu juda katta ahamiyatga egadir.

Hechdan koʻra kech. Hozirdanoq munosabatlarni yaxshilashni boshlang. Bemaʼni gʻururni bir chetga surib, oilangiz uchun oʻzingiz qiling harakat, juftingiz sizdan oʻrnak olsin!..

#oila

@Nadiya_Ramazon

Hech kim sizning og‘riqlaringizni, alamlaringizni tortib olishga qodir emas. Shunday ekan, sizdan saodatingizni ham tortib olishlariga yo‘l qo‘ymang!

Vilyam Shekspir

Xayrli kun azizlar!

@Nadiya_Ramazon

Madinani sogʻinganlar bormi?...🥺🥺🥺

#sogʻinch

@Nadiya_Ramazon

"Iffatli onalardan qancha-qancha yigitlar dunyoga kelgan. Oʻzimizni pokiza asramaguncha naslimiz pok boʻlmaydi. Iflos ariqdan pok suv oqmaydi. Iffatli onalardan esa qancha hayoli qizlar va oʻgʻillar tugʻilajak. Yosh qiz va yigit uchun nikoh jon tomiridek bo'lishi lozim".

Murat Tosunning "Olim yetishtirgan onalar" kitobidan #Iqtibos

@Nadiya_Ramazon

Insonlarning eng kechirimlisi — Allohdan eng ko‘p qo‘rqadiganiidir.
Va eng kam kechiruvchisi — qalbi qattiq va iymoni zaifidir.

"Va avf qilishingiz taqvoga yaqinroqdir". (Baqara, 237)

Shayx Abdulaziz Torifiy hafizahulloh

@Nadiya_Ramazon

@Lessons30 ustozimiz nega doim yaxshi kayfiyatda yuradilar desam, shunaqa xatlar kelib turar ekan-da. 😁

Bizga ham kelib qolar... 😊

@Nadiya_Ramazon

Agar oshiqlik juda uzoq davom etganida, kishilar holsizlikdan aritmiya yoki taxikardiyadan, ochlik yoki uyqusizlikdan oʻlib ketishardi.

Yanush V.

Bu kasallikka yoʻliqmaslik uchun kamroq oshiq boʻlinglar 😁

@Nadiya_Ramazon

Haqiqatan...

@Nadiya_Ramazon

"Ijtimoiy tushunchamizda shunday qarash bor: aksariyat ayollar murosasiz turmushiga bolalari uchun chidab yashayapti...
Holbuki, keyingi yillarda buning butunlay teskarisi namoyon boʻlyapti: bolalarining haqqi-hurmati xotiniga chidab, turmushda davom etayotgan erkaklar koʻpchilikni tashkil qiladi.
Erkaklarni anglash qiyin emas. Fitratidagi himoyalash, qoʻriqlash hissi bilan bolalarini halovatsiz bo'lsa-da, oilaviy to'kis muhitda o'stirish yaxshiroq ekanini mulohaza qilib, ajrashish uchun shoshmaydilar yoxud mukammal ayolni topa olishga ishonmaganlari uchun turmushda sabr bilan davom etadilar".

#Iqtibos

@Nadiya_Ramazon

Oisha roziyallohu anhodan rivoyat qilinadi:
«Rasululloh sollallohu alayhi va sallam:
«Mendan rozi bo‘lgan paytingni ham, mendan g‘azablanganingni ham bilaman», – dedilar.
«Buni qayerdan bilasiz?» – dedim.
«Mendan rozi bo‘lganingda «Muhammadning Rabbi bilan qasamki, yo‘q!» – deysan. Gʻazablanganingda esa «Ibrohimning Rabbi bilan qasamki, yo‘q!» – deysan», – dedilar. Men:
«To‘g‘ri. Allohga qasamki, ey Allohning Rasuli, men ismingiznigina hijron qilaman», – dedim»
Imom Muslim rivoyati

Naqadar go‘zal #muhabbat!

#hadis

@Nadiya_Ramazon

Inson ruhiyati xotiralar girdobiga oʻralashib qolgan boʻlsa, oldinga siljiy olmaydi.

"Shamollarda qolgan hislarim"

#iqtibos

@Nadiya_Ramazon

Go'zallik va har doim go'zal qolishning siri bor — JANJALDAN TIYILISH.

Nega deganda:

Janjal ayolni xunuk qiladi;

Janjal ayolni erta qaritadi;

Janjal ayolni charchatadi;

Janjal ayolni kasal qiladi;

Janjal ayolning sochlarini toʻkadi;

Janjal ayolni kalta oʻylaydigan insonga aylantiradi;

Janjal ayolni yolgʻizlatadi;

Oqila ayol avvalo o'zi uchun, jismoniy va ruhiy sog'ligi, o'z baxti va halovati uchun janjaldan qochadi.

Sema Marashlining
"Sevmoq shunchalar go'zal bo'lsa" kitobidan #Iqtibos

@Nadiya_Ramazon

Tark etadi...

#ustozlardan

@Nadiya_Ramazon

Bir qahvaxona devoridagi mana bu yozuv e’tiborni tortadigan ekan:

Bizda vayfay yo‘q. Bir-biringlar bilan gaplashib o‘tiringlar. O‘zinglarni 1995 yildagidek tasavvur qilinglar.

Arabchadan Muqim Mahmud #tarjimasi
2024-10-22

Gapning arabchasi juda chiroyli tahrir qilinibdi. Arabcha yozishni o‘rganayotganlar uchun ayni muddao.

Facebook sahifasidan olindi

@Nadiya_Ramazon

Ideal erkak, ideal ayol degan tushunchalar yoʻq! Bashariyat ichida bitta ideal zot bor edi... Bor edi... 1500 yil avval oʻtib ketganlar ular ham.

Nega endi oila mavzusiga kelganda ideallikka yopishib olish kerak? Oila qurish uchun ideal nomzod izlanadi! Hozirgi zamonda biror ideal ayol yoki erkakni taniysizmi?!

Ayollardan talab qilinadigan eng asosiy narsalardan biri eriga itoat qilishdir. Erkakning ilmi qay darajada boʻlmasin, Qurʼon va sunnatga zid kelmagan talablariga boʻyunsunadi — tamam...

Erkaklar esa ayolining haqlariga rioya qilib, uning haqqida Allohdan qo'rqadi.

Oilada ziddiyatlar, muammolar bo'lganda ikki tomon o'zaro ochiq gaplashgan holda yechim istab, murosaga keladi. Bundan ortig'ini kutmaslik kerak. Juftidan ideallik talab qilavermay, har kim oʻzini isloh qilishi kerak deb oʻylayman.

#oila

@Nadiya_Ramazon

"Millionlab kitobxonlarni yigʻlatgan asar" deyilibdi kitob taʼrifida.

Oʻqib koʻrganlar boʻlsa taqriz, oʻz fikrlaringizni @Nadiyablog_admin ga yuborsangiz lutfan...

Men nega yigʻlamadim deb oʻylab qarasam, hali oʻqimabman bu kitobni...😁🙈

#mutolaa

@Nadiya_Ramazon

"Tozalik ishlari albatta qilinadi. Lekin erkaklar juda toza va holdan toygan ayol o‘rniga biroz betartib bo‘lsa ham, istarali, kayfiyati yaxshi ayolni ko‘rishni istashadi. Uy juda kir va isqirt bo‘lib ketmaguncha hamma yog‘i yaltirab turgan ozoda uy ko‘p erkakni qiziqtirmaydi ham. Sen uyda sochingni supurgi qilib, ishga kuymalanib o‘tiraversang, tashqarida uyi besaranjom, lekin o‘ziga qaragan, tabassum qilib turadigan ayol eringni tortib olib qo‘yishi mumkin. Ayolligingni uy tozaligi bilan isbotlashga urinma".

"To‘ydan keyin ham muhabbat bo‘lsin" kitobidan #Iqtibos

@Nadiya_Ramazon

Ko‘p ayollar bilan gaplashsam, ularning aksariyati gapni “E opa, ko‘nglim qolgan” atamasidan boshlaydi. Turmush o‘rtog‘idan ko‘ngil qolishi bu yaxshi alomat emas.

Biroz ayblamay tursangiz, izohlashga harakat qilaman.
– Uning o‘zi noshukr
– Doim qo‘riqchi
– Telefonimni kavlaydi
– Ming‘ir ming‘ir
– Unga hamisha nimadir yetmaydi..
– Xotinning vazifasi uyda bola boqish

Shak-shubhasiz, janob, Siz haqsiz. Erkak degan Allohning mavjudoti kuchli, baquvvat, teran aql sohibidir. Tasavvur qiling, agar ayollarga sizning teranligingiz berilganda oilangizda o‘ta xotirjamlik bo‘lar edi. )

Ana endi, muhtaram janob, ayting-chi, u nima uchun noshukr?

Oxirgi marta kichkinagina qandaydir hadyacha qildizmi?

– Doim qo‘riqchi

Nimaga? Chunki sizga mutlaqo ishonmaydi.

– Telefonimni kavlaydi?

Ishonch bo‘lmasa, u kavlayveradi, shar’an halol emasligini tushuntirishdan oldin telefoningiz qulfini ochib, o‘zingiz bir tanishib oling. Siz ishonchlimisiz?

– Ming‘ir ming‘ir...

Ayol sifatida o‘zimni ham ming‘ir-ming‘ir xotinlarga toqatim yo‘q, ammo siz toqatli bo‘lishingiz shart. Shu tomoni bilan kuchlisiz-ku, axir!

– Unga hamisha nimadir yetmaydi

Haa, bu xilqatga ko‘za -ko‘za tilla, katta hovli, Dubayga chipta kerak-a, nazdingizda?

Aslo, to‘g‘ri, kerakdir nimalardir, ammo unga Sizning ishonch to‘la qalbingiz to‘ridan chiqayotgan lafzingiz kerak.

Janob, qachon uni bir o‘zini hayot tashvishlaridan sug‘urib “o‘g‘rilab" ketdingiz? (Anavi shovqin-suronli kafelarga emas) hech yo‘q ikki soatli tog‘ yo‘llariga? Qachon?
Hattoki u qaysi gulni, qanday rangini yoqtirishini ham bilmaysiz, bir paytlar olib kelgandirsiz chiroylirog‘ini, u esa o‘zining gulini kutmoqda...
Sevish va muhabbatni o‘z talqiningizcha o‘ylaysiz va shuni unga o‘tkazasiz! Yomonsiz!

Va bitta gap: uning ko‘zlariga termilib qarang, siz istayotgan narsalardan ko‘ra ulkanroq baxt xohlaydi.
Kuni bo‘yi nechta odamga yaxshi gap gapirasiz, unga esa eng yaxshi ikkita gapingizni cho‘ntagingizga solib qo‘ying.

Bolalari bilan o‘ziga dunyo qurib olsa qachondir Siz, janob, u dunyoga kirolmay qolasiz, ishoning!

Bitta siyqasi chiqqan gap-da.

👉 Ayol romantika egasi.
👆🏻 Romantika juda oddiy, uning o‘zini hammadan ajratib oling-da ko‘zlarini silab “Yaxshiyam borsan-e” deng!

Shunda bu "yaramas" xilqat emaklab yurib xizmatingizni qilaveradi.

(E’tibor bering, o‘qing 👉👉👉 umuman odam bo‘lmaydigan xotinlar bor, hatto umringizning uvoli, bu haqida jiddiy o‘ylab ko‘rish kerak)

Sizning ko‘nglingizning quli bo‘lib, bir kuni hatto o‘lib ham qoladi!

Madina Mo'minova

#ustozlardan

@Nadiya_Ramazon

Sha’roviy rahimahullohdan so‘rashdi:
— O‘g‘lingiz uylanganida unga qanday nasihat qilgansiz?
Shayx dedi:
— Men o‘g‘limga: "O‘g‘lim! Bu qiz otasini, onasini, akasini, singlisini tashlab yolg‘iz seniki bo‘lish uchun kelgan. Sen unga er bo‘lish bilan birga ularning barchasi bo‘l!", — dedim.

#Nasihat

@Nadiya_Ramazon

Ayolning joyi faqat uydami?

Ba'zida ijtimoiy tarmoqlarda "Ayolning joyi uyda, u bolalar tarbiyasi bilan mashg'ul bo'lishi kerak" degan gapni o'qib qolamiz.

Men bu fikrga mutlaqo qo'shilmayman. Chunki ayol – avvalo INSON. U ham bilim olishi, o'z ustida ishlashi, dunyoqarashini kengaytirishi lozim.

Ha, oila muqaddas. Farzandlar tarbiyasi, er-xotinlik munosabatlari, ro'zg'or yuritish – bular juda muhim. Lekin ayol faqat shu bilan cheklanib qolmasligi kerak.

Ilmli, dunyoqarashi keng, zamonaviy bilimlarni egallagan ayol oilasiga ham ko'proq foyda keltiradi. U farzandlariga yaxshiroq tarbiya bera oladi, turmush o'rtog'i bilan turli mavzularda suhbatlasha oladi, oilaviy muammolarni oqilona hal qila oladi.

Shuning uchun oila va ilmni muvozanatda olib borish eng to'g'ri yo'l deb o'ylayman. Zero, ona madrasadir!

Siz bu borada qanday fikrdasiz?

#ilm

@Nadiya_Ramazon

Har kimning o'ziga yarasha
kamchiligi bo'ladi va o'ziga xos odatlari bo'ladi, ba'zan birovning qiliqlarini barmoqlarini bigiz qilib ko'rsatishadi lekin o'zlarini surishtirib qaralsa bundan beshbattarroq chiqadi.

Fedor Dostoyevsky "Telba"
#iqtibos

@Nadiya_Ramazon

Xiyonatning eng achinarli tomoni shundaki, u hech qachon sizning dushmanlaringizdan kelmaydi.

Pario Pyuzo

@Nadiya_Ramazon

Hech bir ayol faqir eri bilan ochlikdan o‘lgan emas...
Ammo, fosiq, boy er bilan zulm va xorlikdan vafot etgan ayol bordir...

Shunday ekan, qizingiz uchun dirham va dinorga boy kishidan avval, axloq va diniga boy bo‘lganini tanlang!..

©Abulfaqiyh hanafiy

#hikmat

@Nadiya_Ramazon

Islomda erkak va ayol tengmi?

Erkak kishi

• Merosdan 2 ulush oladi = +2
• Uylanyotganida mahr beradi = -1
• Oilasining ta’minotini qilib berishga majbur = -1
• Maoshidan ahli ayoliga sarflab, ayolining barcha ehtiyojlarini to‘la-to‘kkis ta’minlashga majbur = -1

Umumiy: -1

Ayol kishi

• Merosdan 1 ulush oladi = +1
• Turmushga chiqayotganida mahr bermaydi = +1
• Oilasining ta’minotini qilib berishga majbur emas = +1
• Biror ishda ishlasa maoshini eriga yoxud uyiga sarflashga majbur emas = +1

Umumiy: +4

Tushunmaydigan va Islomni qoralaydigan johillar, bog‘cha bolasining saviyasidagilar uchun o‘zlariga xos qilib tayyorlandi. Salomat bo‘linglar!

Abdulloh Rahim

#erkaklar #ayollar

@Nadiya_Ramazon

Avval o‘zini yaxshi ko‘radi, keyin tilini yaxshi ko‘radi va o‘rganadi.

Avval o‘zini yomon ko‘radi, keyin tilini yomon ko‘radi va unutadi.

O‘zini hurmat qilmagan millatlar ham xuddi shunday. Ular ham o‘z tillarini unutishadi va ehtirom ko‘rsatgan millatlarining tilini o‘zlashtirishadi.

Ayyom muborak!

Bugun til bayrami ekan-ku! Ustozni gaplaridan oʻzbek tili va adabiyotidan 5 yarim yil taʼlim olganim esimga tushib ketdi...

Tilchilar bayrami qachon boʻlar ekan-a...🤔☺️

#tabrik

@Nadiya_Ramazon

Parijda bir masjidga bolakay kirib imomdan soʻradi:
— Meni onam yubordilar, sizlarning madrasangizda oʻqisam boʻladimi?
— Boʻladi. Lekin onang qani? Avval undan baʼzi maʼlumotlar olishimiz kerak, dedi imom.
— Onam tashqarida turibdilar, —dedi bola — Masjidga kira olmas ekanlar, chunki onam musulmon emaslar.

Imom shoshib koʻchaga chiqdi va bolaning onasidan maqsadini soʻradi. Ayol shunday javob berdi:
— Taqsir, mening bir musulmon qoʻshnim bor. U farzandlarini madrasaga kuzatayotganida farzandlari onasining qoʻlini oʻpib, boshiga suradi. U oila doim baxtli, xotirjam koʻrinadi. Yana men bu shaharda birorta musulmon farzand oʻz ota-onasini qariyalar uyiga berib yuborganini koʻrmadim. Iltimos, mening bolamga ham Islomni oʻrgating, shoyad bu ham menga oʻshalardek muomala qilsa.

Allohim, bizlarni musulmon qilib qoʻyganing uchun Oʻzingga cheksiz hamdlar boʻlsin!

Ikrom Sharif sahifasidan

#ibrat

@Nadiya_Ramazon

Qayerda, kim bilan boʻlmasin suhbat, muhabbat soʻzi eshitilsa, sen yodimga kelaverasan...

#muhabbat

@Nadiya_Ramazon

“Ayolimda boʻlmagan narsani talab qilmadim”

Shayx Ali Tantoviy rahmatullohi alayhi baxtli oila boʻlishning sabablari haqida shunday deydi:
1. Oʻzim bilgan xonadonga kuyov boʻlganman va meni yaxshi biladigan xonadon menga qizini berdi.
2. Oʻzimning tengimni oldim (har tomonlama).
3. Oddiy taʼlim olgan ayolni nikohimga oldim.
4. Men ayolimni yuzidagi goʻzallikni axtarmadim.
5. Oʻzim hurmat va ehtirom qiladigan xonadonga va meni ham hurmat va ehtirom qiladigan xonadonga kuyov boʻldim.
6. Har qanday holatda ham oilamda boʻladigan hodisalarga birovning aralashishiga yoʻl qoʻymadim.
7. Turmushimizning boshidan ayolim qanday boʻlsa, shundayligicha qabul qildim.
8. Ayolimning ishlariga aralashmadim.
9. Ayolimdan hech bir narsani yashirmadim.
10. Ayolimda boʻlmagan narsani talab qilmadim.

#tarjima

@Nadiya_Ramazon

Biror narsa oila ne’matiga teng kelolmaydi. Bundan boshqani afzal bilgan ziyondadir.

Ahmad Duvaydor

@Nadiya_Ramazon

Qur’on tilovatini endi boshlaganingizda telefoningiz jiringlab qoladi...

– Ikki rakat namoz o‘qishni niyat qilganingizda ijtimoiy tarmoqdagi manzilingizga xabar kelib qoladi...

– Endi kitob mutolaa qilaman deb turganingizda do‘stingiz biror mavzuni ochib qoladi...

– Biror yaxshilikni amalga oshirmoqchi bo‘lsangiz, uni to‘xtatuvchi biror hodisa yuz berib qoladi...

Ibn Qoyyim bu haqda shunday deydi:
“Qachonki banda ibodatni ado etishga yuzlansa, Alloh taolo uning rostgo‘yligini aniqlash maqsadida savorif - chalg‘ituvchini yuboradi. Agar banda unga qarshi kurashib, sabr qilsa va u amalni bajarishda mustahkam tursa, haligi chalg‘ituvchi toatga yordam beruvchiga aylanadi.

Alloh taolo bu haqda: «Bizning (Yo‘limiz)da jihod (jiddu-jahd) qilgan zotlarni albatta O‘z yo‘llarimizga hidoyat qilurmiz», deb aytgan.

(Ankabut surasi, 69-oyat)”.

“Toliblarga nasihat”dan #iqtibos

@Nadiya_Ramazon

Bir qadam oldinga, ikki qadam orqaga yuradigan odam oldinga harakat qilyapman deb iddao qilishi mutlaqo o'rinsizdir. Bunday holda u shunchaki bir joyda "tebranmoqda" va o'zini aldayotgan bo'ladi, atrofidagilarga ham bu yolg'onni singdiradi.

Oilaviy munosabatlarda ham shunday vaziyatlar ko'p uchraydi. Er yoki xotin o'z kamchiliklarini tan olsa-da, ularni bartaraf etish uchun harakat qilmasa, munosabatlar "jarlikka" qarab ketaveradi. Bunday o'rinsiz iddaolar, o'z navbatida, oilaning parchalanishiga va juftlar bir-biridan bezib qolishiga olib kelishi mumkin. Buning oldini olish uchun avvalo juftingizning emas, balki o'zingizning ayblaringizni ko'rish va ularni bartaraf etishga o'tish zarur.

Sog'lom munosabatlarni mustahkamlash uchun quyidagilarni tavsiya qilaman:

1. Ochiq gaplashing: Bir-biringiz bilan erkin fikr almashish bir-biringizni yanada yaxshiroq tushunishga yordam beradi.

2. Juftingizning fikrlarini inobatga olib harakat qiling: Har bir qaror va harakatda juftingizning nuqtayi nazarini hisobga olish munosabatlaringizni mustahkamlashga xizmat qiladi.

3. Aybdor qilishdan tiyiling: Har bir muammoga yondashishda ayblovchi bo'lishdan ko'ra, yechim izlashga harakat qiling.

4. Oilangizga alohida vaqt ajrating: Birgalikda sifatli vaqt o'tkazish o'zaro aloqalaringizni kuchaytiradi va yaqinlikni oshiradi.

5. Shariatga muvofiq bo'lgan narsalardan juftingizni to'smang: Ba'zan u shariatga muvofiq ish qilaman desa ham o'z nafsingizga yoqmagani uchun qarshilik qilasiz — bu noto'g'ri.

#oila

@Nadiya_Ramazon

Mashoyixlarimiz oila qurishga doir tavsiyalarida aytibdilarki:
• Ikkita dunyoga berilgan kishilar nikohlanishsa – jamiyat fasod boʻladi.

• Biri oxirat yodi bilan yashovchi va ikkinchisi dunyo hoy-havaslariga berilganlar oila qurishsa – hayotlarini amallab, bazoʻr yashab oʻtishadi.

• Ikki oxiratning tadorigini koʻrib yashaydiganlar turmush qurishsa – oralarida haqiqiy muhabbat hosil boʻladi.

#oila

@Nadiya_Ramazon

Agar menga biror narsa yoqmasa, demak, menga u shunchaki yoqmaydi. Nima uchun men koʻpchilikka yoqadigan yoki ular buni yoqadi deb oʻylagani uchungina menga shu narsa yoqadiganday koʻrsatishim kerak oʻzimni? Men bu narsa hozir urf boʻlgani uchungina sevishim yoki seva olmasligim mumkin emas...

Jek London "Martin Iden" #iqtibos

Yaxshi gaplar ekan... Qisqa qilib aytganda oʻzligingni angla demoqchi-da...

@Nadiya_Ramazon

Baʼzan inson shunchaki oddiylikni istab qoladi...

Bir finjon qahva, yomgʻir tomchilarining yoqimli ovozi va samimiy suhbatdosh...

Suhbat nima haqidaligi muhim emas, muhimi, seni javob qaytarish uchun emas tushunish uchun tinglasin, seni sendek his etsin, tamam...

#shunchaki

@Nadiya_Ramazon

@Qamarbooks tomonidan "Solihalar gulshani" kitobimizga taqriz tanlovi bo'lib o'tdi. Unda yuborilgan eng sara taqrizlar. 😊

#mutolaa

@Nadiya_Ramazon

Sen sevgan kuz

Vohid Luqmon qalamiga mansub ajoyib she'r Gulruh Pirnazarova ijrosida

Manba

@Nadiya_Ramazon

"Tortishuv ayollik sifati emas"

Mushriklar farishtalarni Allohning qizlari deb bo‘hton qilganda, bunga javob qilib Alloh taolo aytadi:

"Zeb-u ziynat ichida o'stiriladigan va yana tortishuvda (o'z haqini) bayon qilib bera olmaydigan
(ayol zotini Allohga nisbat berasizlarmi?)

(Zuxruf: 18)

Demak, "Tortishuvda haqini to'liq ajrata bilmaslik" asli ayol sifati!

Shovqin ko'tarib, janjal qilish hammadan haqini undirib olib "O‘TKIRLIK" qilish ayolga maqtovli sifat emas! Balki bu tabiiy ayollik xilqatidan chiqish demakdir!

Lekin bunaqa "O‘TKIRLIK" o'rniga Alloh taolo ayolga boshqa bir qurol berdi!
Oyatga qarang:
"Zeb-u ziynat ichida o'stiriladigan..."

Ayol xususan eridan haqlarini talab qilishda ziynat va chiroyi bilan erishmoqligi unga foydaliroq.
Buning tasdig'i Rasululloh alayhissalomning so'zlarida keladi:

"Sizlarga jannat ahlidan bo'lgan ayollaringni xabar qilaymi?
Ular muhabbatli, serfarzand ayollar, ULARGA (ERLARI TOMONDAN) ZULM QILINSA, yoki ular (erlariga) zulm qilib qo'yishsa aytishadi:
"Mana peshonam qo'lingizda ! Siz rozi bo'lmaguningizcha ko'zimga uyqu tatimaydi..."
(Nasaiy rivoyati)

Hadisdan ko'rinib turibdiki, hatto zulm ko'rsa ham o‘tkirlik qilmasdan, erining ko'ngliga kirishga harakat qiladigan ayollarni jannat ahlidan bo'lgan ayollar deb sifatlandi.

Chunki Rosululloh alayhissalam aytadilar:
"Kim haq bo'lsa-da, talashuvni tark qilsa, men unga jannatning markazidan bir uyga kafilman!"
(Abu Dovud)

"Haqqimni ber" deb talashib-tortishib nimagadir ega bo'lish mumkin, lekin qalb boy berilgan bo'ladi.
Rasululloh alayhissalam aytdilar:
"..Ixtilof qilmanglar, qalblaring ham ixtiloflashib qoladi..."

Imom Muslim

#hadis #oila

@Nadiya_Ramazon

Juftimiz bugun vafot etsa, bizda oz bo‘lsa-da pushaymonlik hissi bo‘ladimi?

Vafot etgan erimiz yoki ayolimizga o‘z vaqtida kerakli e’tibor qilmaganimizdan, gap qaytarib yoki urishib ranjitganimizdan, yaxshi muomala va munosabatda bo‘lmaganizdan afsuslanamizmi?

Vafot etgan turmush o‘rtog‘imizning kafanlangan jasadi oldida turib rozilik so‘ragan bo‘larmidik?

Siz uchun bitta eslatma, har bir insonni tirikligida qadriga yeting. Afsuslanishingiz mumkin bo‘lgan ishlarni qilmang!

Hammamiz vafot etamiz. Kimdir ertaroq, kimdir kechroq.

#oila

@Nadiya_Ramazon

Yigitlar, qadr-qimmatingiz faqat mol-mulkingiz bo‘lib qolmasin.

Qizlar, qadr-qimmatingiz faqat husningiz bo‘lib qolmasin.

Bularning har ikkisi ham o‘tkinchidir, demak o‘tkinchi qadr qimmat sohibi bo‘lib qolasiz yoki faqat faqirlar va badbasharalar oldidagina qadrli bo‘la olasiz.
Qadr-qimmatingiz — dinu diyonatingiz bo‘lsin, axloqingiz va muruvvatingiz bo‘lsin.

Ikrom Sharif

#ustozlardan

@Nadiya_Ramazon

Oila qurishdan asosiy maqsadlardan biri farzandli bo‘lish, ya’ni naslni davom ettirishdir. Insonlarda oila qurgach farzand ko‘rish tabiiy holdek bo‘lib qolmasligi, farzandni beruvchi Zot Alloh taolo ekanini eslatib turish uchun ba’zan oilada farzand tug‘ilishi kechikadi yoki kimlardir farzandsiz o‘tadi. Bu haqda Alloh taolo marhamat qiladi:

«U Zot xohlagan kishisiga qizlar hadya etur va xohlagan kishisiga o‘g‘illar hadya etur. Yoki ularni juftlab o‘g‘il-qiz qilib berur va xohlagan kishisini tug‘mas qilur...» 

Shuro surasi, 49-50-oyatlar

Farzand Allohning ulug‘ ne’mati. Shunday bo‘lsa-da, uni yaxshiga ham, yomonga ham beraveradi. Kimgadir farzand bermay turgani uning yomonligi uchun emas, unga shunisi yaxshiligi uchun bo‘lishi ham mumkin. Zotan, ba’zi payg‘ambarlar ham ulug‘ yoshlarida farzandlik bo‘lganlar. Bu haqda Kalomi sharifda zikr qilingan. Shuningdek, bu vaqtdagi ularning duolari ham keltirilgan. Quyida e’tiboringizga Zakariyo alayhissalomning duolarini keltirib o‘tamiz:

«Ey Robbim, meni yolg‘iz tashlab qo‘yma, Sen O‘zing vorislarning eng yaxshisisan».

Anbiyo surasi, 89-oyat.

Shuningdek, farzand talabidagi kishilar ko‘proq istig‘for aytishi ham tavsiya qilinadi.

#farzand

@Nadiya_Ramazon