- مـريم في الغابة 🌳.

-

هو ليش دنكبر
خلونا صغار

حاليًاااا

وانا جاي اهوجس تذكرت ليالي june بـ 2023 ورمضان ب سنة كعدتي بالبيت

و دردمتي بـ The middle of adventure, such a perfect place to start
I'm going back to 505
If it's a seven hour flight or a forty-five minute drive

شكد جانت ملخبطة، سيئة و حلوة ع بچي هواييي وضحك هواييييي و فراغ هوايييييي الكثير من الفائض من كل شيء
تحسك بوسط محيط بس انت اوردي ب غرفة ام 4 جدران
فراغ يجتاحك بس انت مملوء بكلشي

With some pic & memories
و هواجيس ب مستقبلك الي تضل سنة تهوجس بي همين (انا بنصه هسه)

ومن ذيج الفترة جتني فكرة الربط بين 3 ازمنة
ماضي حاضر مستقبل
احسها 2023 بوابة بينهم و نقلت من مرحلة لمرحلة ف مرحلة و بنفس السنة، شلون عرفتني متأثر ب Dark
(هنا يكمن سر رقم 3)

+ الربط بين ما انت تريد، وبين ما المجتمع يريد ويفرضة عليك، وبين ما الاهل يردون

المهم 23 جانت واووو it's made me

والمهم الثانية انو نفس الشعور جاني هسه
#نقاش

مختصر، لا تتعامل ويا الكتب الي تحبها وتريد تتعلم منها مثل تعاملك ويا الكتب الاكاديمية سواء جامعة او مدرسة

خلي الوضع يمك free limits

فكر بالنوعية (معلومات الصفحة) ✅
لا بالكمية (عدد الصفحات) ❌

4 اشياء حلوة في صورة 🫧.

-

+ شباب اكو تطبيقات اقرا منها مانجا بالانكليزي؟

اخوان فد شي يكون حواري وكذا و صفنات و غموض

اريد فلم حلو بما انو صخمت اليوم بالعضوية 💆🏻‍♀️

يلا كافي هواي حجيت اليوم،
فد ٣ أشهر اجي النوب

رب سائل يسأل
هيج طرق ما أطبقها لان اني الي طريقة خاصة
ما اعتقد اكو طرق ثانية عدا 2
الاولى حفظ كلشي من الألف للياء
والثانية مو عملية و تكون سطحية
ف واحد يطور من نفسووووو

-

التكنيك مستوحى من أسلوب ريتشارد فاينمان المُلهِم بالشرح، من أشهر علماء الفيزياء، اللي كان قدوة مو بس للفيزيائيين بل ايضاً للمعلمين بسبب طريقة شرحه المذهله، كان معروف بتبسيط اكثر المواضيع تعقيداً باستخدام مصطلحات وامثله جداً بسيطه وغير معقده لدرجة ان اي شخص يقدر يفهم اللي يشرحه وان كان تخصصه مختلف

يفضل تطبّق هذا التكنيك على المواضيع المعقده بالنسبه لك واللي تواجه صعوبه في فهمها او حفظها، لا تطبقه على اي شي تدرسه لانه بيستغرق وقت وجهد كبير منك

#نقاش

الجو حلو😞🌫

هاي صار شهر اكول يلا ميخالف شنسوي ما بيدنا شي 🤣🤣
والوضع هيجييي مستمر

🎬 The EVIL History of our Education System (Documentary)
👤 Jake Tran
🕑 18:13 - 👁 1.6M

يا أسفي على ما مضى :(

لا يعني جديات جديات
١٢ سنة دراسة و وية الجامعة ١٦ سنة
تتخرج ما تعرف اي مهارة تفيدك بحياتك
ما تعرف تحجي اي لغة خارج لغتك الام
ما تعرف تختار شريك حياتك
ما تعرف و لا شي عن تربية الاطفال
ما تعرف تفتح محل او شغل خاص بيك
ما تعرف تكمل معاملة حكومية وحدك
و ما تعرف تستعمل حاسبة
ما تعرف تصلح تلفونك اذا صار بيه عطل بسيط
ما تعرف طريقة عمل اكثر الاجهزة الكهربائية الي تستعملها يوميا
الا اذا تعلم نفسك بنفسك، كل هاي الامور مراح تتعلمها بالمدرسة او حتى بالكلية الا من رحم ربي

البارحة وللأسف الشديد تعرضت لهجوم سيبراني (تعرفون لان اني رمز سياسي فعال 😔) على حسابي التليكرام
ولكن لحسن حظي ولسوء حظ هذا الشخص مجهول الهوية 😉 لم يتمكن هو وموبايله الايفون 12 برو ماكس من فتح الحساب 😔

المهم خل احجيلكم اشصار وليش ماكدر ومستحيل راح يكدر
المهم مثل ما كلنا نعرف ان من نريد نسجل بالتليكرام فراح يطلب كود يوصل لك اما عن طريق

1. اتصال من رقم دولي بلجيكي ألماني سنغافوري
2. ينتظر دقيقة اذا ما وصل الاتصال فراح يوصل كود عن طريق ال sms
3. كذلك يوصل كود من داخل حساب التليكرام (اذا كنت تريد تسجل الحساب بأكثر من جهاز)

بعد ما تدخل الكود، راح تكدر تدخل للحساب

الفكرة ان هذا الشخص المجهول وصل له الكود ودخله بشكل صحيح (وهسه نعرف اشلون*)
بس خطيه يا فرحة ما تمت، بعد ما دخل الكود لگه بوجه "ادخل كلمة سر الحساب" 🤣
خطيه عاد وراها ما شفت له حس، شال غراضة وتوكل
وهكذا ذهب خاوي الوفاض 😥

المهم اني من زمان ردت احجي على موضوع التهكير والاختراقات، ف هاي السالفة سوت لي واهس علمود نوعي نفسنا، ف يعني اذا شفتوا اي فائدة من كلامي اتمنى تنشروه لاكبر قدر ممكن
ويعني عادي انسخوه وارسلوه مو شرط توجيه من قناتي (اخاف واحد يكول ده يريد يدور طشه)


الاختراق او التهكير
حرفيا كلش صاير سوء فهم لهذا المصطلح خصوصا عند العراقيين (بمثابة جديدين على التكنلوجيا وأنظمة الحماية رغم احنا اول من عمل نظام تشفير في التاريخ 🙁)

الناس تفكر الهكرية عبارة عن ناس خارقين يهكرون كله بضغطة زر او عن طريق موقع معين او برنامج يخلون بيه حساب شخص وبوووم غير رمز بالانستا مالته 🤣
بالعكس هي عبارة عن سلسلة طويلة من الخطوات الي تاخذ ساعات او ايام وبعض الاحيان سنوات من الشغل والتحضير
(مثل ما صار قبل 6 اشهر باخر تحديثات نظام Linux)


فالاختراق عبارة عن نوعين (هذني طاشات على المستوى الفردي)

1. بصورة مباشرة
2. بصورة غير مباشرة
أو كليهما
(طبعا اكو انواع ثانية وتعتبر هجمات سيبرانية على مستوى دولي)


— بصورة مباشرة

هو عن طريق فايروس يدخل بجهازك ويسوي للهاكر back door (باب خلفي) من خلاله يصير عندي سماحية اتحكم بموبايلك وشغل الكاميرا او المايك بدون ما تدري، او حتى اسرق كلمات السر المحفوظة والصور واي شي ثاني

— بصورة غير مباشرة او يطلق عليها الهندسة الاجتماعية (social engineering)

باختصار اقشمرك، مثلا اراسلك اكلك
"اني ضمن عملاء شركة تليكرام اخترناك للفوز باشتراك بريميوم سنوي وارسلنا لهذا الرقم (رقمك) كود للتأكد من هويتك، فيجب عليك ارسال لنا هذا الكود للفوز معنا"

طبعا تشوفون هاي واضحة وامبينه بس اكو أشخاص (خصوصا بوجود ال LLM AIs) يكعدون ساعات او ايام علمود يسوون لك سيناريو حقيقي بنسبة 99 بالمية ويقنعوك بطريقة صدك واو وخطية صارت وي اهواي مشاهر اليوتيوب ونباكت قنواتهم 😔

تكمن قوة الهندسة الاجتماعية بأنها تكون غير محدودة وتعتمد على خيال وافكار الهاكر وقوة دافعه للوصول للشي الي يريده


ف هسه نرجع لسالفتي، معقولة واحد عرض عليي مليون دولار وماكدرت اقاوم وانطيتيه الكود 😞

للأسف ما صار هيج شي

خل نرجع للبداية وكلنا اذا تريد تدخل لحسابك لازم تحتاج رقمك والكود الي يوصل لهذا الرقم

نجي نفكر بعقلية هكريه
الكود يجي من الشركة عالمية وصعب نلكفه
والرقم ما نكد نجيبه لان ال sim card عند صاحب الحساب

لعد اشلون بهاي الحالة؟ 🤨

الرقم يتم إدارته من قبل شركه محلية (زين او اسياسيل) والي يشتغلون بهاي الشركة هم بشر والبشر يسهل التلاعب بهم اذا جان عندك ما يتمناه غيرك 🥺

ف الهاكر يكدر يرشي، يبتز، يهدد، يساوم او شي ثاني للموظف الموجود بهذني الشركات علمود يطلعله رقم مشابه للرقم الضحية
بهاي الحالة الرسالة الي تحتوي الكود راح توصل له وراح يكدر يدخل للحساب 👀

أو الاحتمال الثاني ان شركة ده تبيع sim cards بأرقام مكررة ف هذا ابو الايفون 12 برو ماكس خطيه مشتري رقم موبايل يشبه رقمي وبنص الليل حمل التلكرام وده يريد يسجل برقمه بس لكه الرقم بيه كلمة سر 🥺

الخلاصة
هاي الاشياء تصير ويوم من الايام راح تتعرض لها
فلهذا الوقاية خير من العلاج

سووا كل الخيارات الامان الي يعرضها لك البرنامج من تليكرام او انستا وغيرها من كلمة سر ثنائية او التخطي بخطوتين وغيرها

الي مسوي نفسه هاكر فهذا فارغ واما الي ده ياذيون ويسرقون باموال ومعلومات العالم فهؤلاء عبارة عن كائنات خسيسة ومرضى نفسيين وكل شخص وله نهاية اما نهاية براسها حظ، يذكروه العالم بالخير او نهاية زبالة محد ينطيه وجه ومكروه من كل فئات البشر

Mariam in the Future😼:
#mems

القناة شي ثانوي حاليًا
ف اكمل الإلتزامات (ما تخلص)
واشوف المشكلة عندي طن افكار شگاگية بس تعال الي يكتب

تفضلت مريم الحلبوسي

مثاء الخير

مريم شو مداتنشرين شي والله خطيه المتابيع