مش لاقي كلام أوصف بيه حالتي غير إني مكركب من جوايا، في قرارات مش قادر أخدها وخطوات مش عارف أخطيها، مخاوف كتير مش قادر أواجهها، ومش عارف أبدأ منين أو إزاي وبتدور جوايا أسئلة كتير بتتمحور في هل أنا هفضل في الوضع ده كتير ولا هقدر أتجاوز ولا مفيش مَخرج أساساً ودي حياتي اصلاً مش مجرد فترة وهتعدي؟
𝙈𝘼𝙍𝙑𝙀𝙇 •
@tciiiiiu
للشكاوي والإقتراحات
@TCIIIU
MARVEL (Arabic)
MARVEL هو قناة تيليغرام رائعة تخصّصت في عالم الأبطال الخارقين والروايات الهزلية. إذا كنت من محبي القصص الملهمة المليئة بالمغامرات والأبطال الخارقين، فإن هذه القناة هي المكان المثالي لك. يقدم MARVEL محتوى مميز وحصري حول كل ما يتعلق بشخصيات مارفل الشهيرة والمثيرة. ستجد هنا أحدث الأخبار، المقالات، والفيديوهات الخاصة بمواضيع مثل سلسلة أفلام Marvel Cinematic Universe وكتب الهزلية الشهيرة. تابع MARVEL اليوم لتكون على اطلاع دائم بكل ما يتعلق بعالم Marvel الشهير والشيق. انضم إلينا الآن ولا تفوت الفرصة للانغماس في عوالم خيالية مذهلة مع أبطال خارقين لا مثيل لهم.
𝙈𝘼𝙍𝙑𝙀𝙇 •
19 Jan, 11:05
الواحد مستني رمضان بفارغ الصبر، حاسس إن هي دي الليالي اللي هتظبط حالي و تروق بالي، بقالي كتير متلخبط و حاسس إني بجري بقالي سنين، عايز أرتاح شويه.
𝙈𝘼𝙍𝙑𝙀𝙇 •
18 Jan, 04:33
من أصعب الفترات اللي ممكن تعيشها إنك تفقد الشغف تجاه أي حاجه بتحبها أو بتبقي كل يوم مش في المود وتعاملك مع الناس بيبقي محدود وخايف تقرب من حد يخذلك وتلاقيك بتتعصب علي حاجات تافهه جداً، وجواك إحساس غريب اللي هو انا كويس فعلا ولا لا، و في الاخر بتسكت و بتنعزل تدريجيا عن الناس.
𝙈𝘼𝙍𝙑𝙀𝙇 •
16 Jan, 01:46
قد الدُنيا والله، بس عاوزين نعيش بجد مش نفضل طول عمرنا بنزُق الأيام وبنحاول نتعايش.
𝙈𝘼𝙍𝙑𝙀𝙇 •
14 Jan, 05:14
فكر كويس قبل ما تشارك مشاكلك النفسية مع حد واتأكد إنه يستحق ده وعنده من سعة الأُفق ما يكفي لإستيعابك، علشان الغلطة في المنطقة دي بفورة.
𝙈𝘼𝙍𝙑𝙀𝙇 •
13 Jan, 05:29
في لحظة بتيجي في أخر كل يوم بتحس فيها إن كل حاجه في حياتك حرفياً كانت ممكن تكون احسن من كده، بتبقي لحظه سيئة عشان بتحسسك بهزيمتك وان كل المجهود راح علي الفاضي وعجزك قدام كل حاجه حصلت وبتحصل.
𝙈𝘼𝙍𝙑𝙀𝙇 •
11 Jan, 01:58
أنا جاي أفكرك إنك بتحاول عشان ده اللي مطلوب منك، وعشان ربنا بيجازيك على محاولاتك دي، فعلى قدر سعيك ستُجزى، أما النتيجة فهي توفيق من الله.
𝙈𝘼𝙍𝙑𝙀𝙇 •
10 Jan, 02:01
بصراحة مش عايز أي حاجة غير القليل من الأمان والطمأنينة، مش عايز أبقى قلقان أياً كانت المعطيات، عايز أرتاح قليلاً بعد إذن العالم
𝙈𝘼𝙍𝙑𝙀𝙇 •
08 Jan, 22:18
أقصى طموحي الفتره دي إني مرجعش لنقطة الصفر تاني بعد ما مشيت مشوار طويل ناحية التعافي من حاجات كانت بتوجعني أو بتضايقني، مش عايز أعيش نفس الأيام دي مره تانيه، عايز أعيش أيام متطمن فيها و حياتي هاديه.
𝙈𝘼𝙍𝙑𝙀𝙇 •
07 Jan, 04:16
في أوقاتٍ ما، تبدو حياتي لا شيء سوى سلسلة من النّدم، من الخيارات الخاطئة، من الأغلاط المتعذّرة الإلغاء.
𝙈𝘼𝙍𝙑𝙀𝙇 •
06 Jan, 23:36
خليك الشخص اللي انت عاوز تكونه مش اللي الناس عاوزه تشوفه ملكش دعوه بالناس اعمل كل اللي انت عاوزه حتي لو مش هيعجبهم وهيتكلموا عليك وينتقدوك اعمل اللي انت عاوزه طالما مش بتغضب ربنا وهتكون مرتاح نفسياً باللي بتعمله ومتفكرش في الناس عشان ترتاح.
𝙈𝘼𝙍𝙑𝙀𝙇 •
05 Jan, 22:39
دايماً بشوف إن المنزلة الأعلى من الحب في أي علاقة تتلخص في إني أقدر أحكي بكل أريحية عن هواجسي الغير منطقية، وأفكاري الغريبة، ومخاوفي اللامبررة، وأحلامي الصغيرة، كأني بحكي مع نفسي من غير ما أشيل هم اللي قصادي هيشوفني إزاي، من غير ما أحتاج أحاسب على كلامي علشان ميتفهمش غلط دايماً مقتنع إن اللي بيحب حد مبيخليهوش يلجأ إنه يبرر تصرفاته ويدافع عن نفسه طول الوقت، ودايماً بيقصر عليه طرق طويلة، وبيمنحه الأمان اللي عاش وقت طويل يدور عليه.
𝙈𝘼𝙍𝙑𝙀𝙇 •
04 Jan, 16:35
انا كنت هبقي كويس خلاص، كنت علي تكة وهبقي بخير ليه برجع لنفس النقطة من تاني.
𝙈𝘼𝙍𝙑𝙀𝙇 •
03 Jan, 16:36
أنا مبسوط جداً إني بقيت سايب كل حاجه علي ربنا و راضي بأي حاجة بتحصل، عكس قبل كده كنت بضايق جداً و ازاي يحصل كده بس دلوقتي لا مهما يحصل الحمد لله والحمد لله على اللي حصل واللي بيحصل واللي هيحصل وحقيقي لا شيء يعادل الشعور بالرضا.
𝙈𝘼𝙍𝙑𝙀𝙇 •
02 Jan, 21:43
مش متأكد من أي حاجة غير أن ربنا هيسترها معايا، ده اليقين الوحيد اللي عايش عليه.
𝙈𝘼𝙍𝙑𝙀𝙇 •
31 Dec, 22:26
حاجه مخيفه انك فجأة بدون أى مقدمات تلاقي عينك تدمع وتعيط وانت متعرفش ليه وتلاقى مشاعر متلغبطة جواك وذكريات عدت في دماغك في ثوانى، وبعدها تلاقى نفسك هديت ونفسيتك مرتاحة، ولا انت عارف عيطت ليه ولا هديت ازاى بجد سبحان من بيده القلوب ومن يزيل الهموم.
𝙈𝘼𝙍𝙑𝙀𝙇 •
31 Dec, 09:40
انا عمري ما ندمت من اكتفائي بنفسي متقبل كوني شخص بيمارس ويعيش أغلب انفعالاته ومشاعره في الخفاء ويستوعب الهزائم والخيبات مهما كانت قسوتها لـ مجرد إني بقدر أواسي نفسي، أنا مشاكلي مع نفسي كبيرة جداً لكني ورغم طاقتي المنعدمة متقبل نفسي بكل ما فيها، الندم الحقيقي لحظة تعاملي مع الناس.
𝙈𝘼𝙍𝙑𝙀𝙇 •
27 Dec, 22:43
مفيش اجمل من السلام النفسي لما تحس انك هديت من جواك، بطلت تشوف تفاصيل تضايقك او انك مبقتش تتأثر بيها متبقاش كل شوية يهمك تشوف غلاوتك عند حد، ولا بتسعى لأي شيء عشان تبهر حد مش فارق مين مسألش لما احتاجته يسأل او يكون هنا مبقاش يفرق اي فعل وحش وعلى الأغلب مفيش عتاب، دماغي وصلت لراحة من الناس قلقاني على علاقتي بيهم بعدين وكله ما الا نتايج.
𝙈𝘼𝙍𝙑𝙀𝙇 •
26 Dec, 23:48
انا مبزعلش بس بتقفل، یعنى حكيتلك حاجة وانت مهتمتش خلاص مش هحکی تانى لكن مش هتقمص واعاتب واعمل حوار، كلمتك ومرديتش او حسستني بتقلى عليك خلاص مش هتكلم تاني، احتاجتك في حاجة وملقتكش مش هتضايق بس مش هتعشم فيك تانى يعني كل حاجة بتتعمل بيبقى ليها رد فعل بالنسبالى وهو انى بغير التعامل وبسطح العلاقة مش القمص والمضايقة اكيد بتضايق بس اکید برضو مش هعاتبك على عدم محبتك ولا هغير من نفسي واعاملك بنفس معاملتك.
𝙈𝘼𝙍𝙑𝙀𝙇 •
26 Dec, 07:24
لا اخفي عليكم سراً يا جماعة، ان موضوع الحدود دة شيء مهم جدا، ووجود حدود وضوابط في معاملاتك بينك وبين الناس بيريح كتير، وبيمنع اي استغلال او تطاول او اقتحام لخصوصيتك بدون رضا منك، مع الوقت كمان هتعرف اهمية ان كل واحد يعرف حدوده قبل التعامل معاك والخط الاحمر فين، عشان ميعديهوش، الحدود بتحافظ علي نفسيتك ومع الوقت هتتعلم ان كل شيء في الدنيا ولا يسوي قصاد استقرارك وسلامك النفسي.
𝙈𝘼𝙍𝙑𝙀𝙇 •
24 Dec, 22:16
مشكلتي في العلاقات عامةً ان نفسي عزيزة عليا مبعرفش اطلب من حد حاجة انا شخص بيحب يحس بقيمته عايز ضمانات دايماً اني مهم عندك وإن مرغوب فيا بخاف جداً اني اكون تقيل على اللي قدامی، عشان كده مش هتلاقيني مرتاح غير مع الناس اللي دايما بتحسسنى انهم عايزين وجودی زی ما أنا عايز وجودهم وأكتر.
𝙈𝘼𝙍𝙑𝙀𝙇 •
22 Dec, 06:52
بعد فترة من الوقت هتلاقي نفسك مش زعلان علي العلاقات اللي خسرتها ولا علي الحاجات اللي مش عارف تحققها ولا علي الناس اللي خذلتك اكتر حاجة هتزعل عليها هي عمرك اللي ضاع في اختيارات غلط، في الطرق اللي مش عايزة تنتهي ومبقاش ينفع ترجع لأولها، علي مجهود سنين اترمي في الأرض مقابل ولا حاجة.
𝙈𝘼𝙍𝙑𝙀𝙇 •
20 Dec, 23:01
لما ركزت في مُعظم المواقف اللي زعلتني لقيت إني مزعلتش من الموقف ولا حتى زعلت من الشخص اللي عمل فيا الموقف، أنا طلعت بزعل على نفسي، بزعل عشان لو الوضع اتعكس عُمري ما كُنت هتصرف زيهُم ومش هقبل أسيب حد متضايق مني وكُنت هراضيه مهما كان الموقف ومهما كان اللي حصل، عشان كده أنا بزعل على نفسي لإني ضيعت سنين عُمري مع ناس مش شبهي.
𝙈𝘼𝙍𝙑𝙀𝙇 •
20 Dec, 09:53
انا مشوفتش حزن قد ما بشوفه في عين حد بيحكي عن حاجة كان حاطط فيها كل امله ومكملتش، تلاقيه لسه بيحكي عن الحاجة دي بنفس الشغف والحب لكن بعد كدة بكل أسف وشعور بالهزيمة وخيبة الأمل يقولك بس للأسف مكملتش مفيش حاجة أصعب من انك تخسر قبل لحظة الوصول بلحظة، احساس بجد صعب وبيفضل سايب اثر.
𝙈𝘼𝙍𝙑𝙀𝙇 •
17 Dec, 22:07
قبل ما تبدأ سنه جديدة أي حد شايف اني اذيته بأي نوع من الأذي، اتكلمت عليه في ضهره و وصله الكلام أي حد سببتله اي اذي ومشاكل احرجته او حطيته في اي موقف وحش، اي حد زعلان مني لأي سبب اي حد شايل مني يكلمني ويقولي وأنا هتأسفله وهساعده عشان يعدي الموقف ده بسببي بأي طريقة، كل اللى هيعمل كده بشكره مُقدماً واللى هيفضل في حاجه جواه مش هيقولها اشهد ربي اني طلبت سماحه فرفض واني لا أقوي علي قصاصه مني أمام ربي.
𝙈𝘼𝙍𝙑𝙀𝙇 •
17 Dec, 16:39
مهما كانت علاقتك بشخص ما كويسة و قويّة، ومهما شاركتوا بعض أسرار وتفاصيل محدش يعرفها غيركم، متديش لنفسك مكانة أكبر من المنطق، والمنطق هو إن العلاقة الكبيرة دي ممكن تهدمها كلمة واحدة، ولازم كُلنا نعرف إن كُل حاجة قابلة للتغيير، حتّى أنت.
𝙈𝘼𝙍𝙑𝙀𝙇 •
16 Dec, 11:04
متعرفش بكرة مخبيلك إيه، ولا تعرف اختياراتك دي صح ولا غلط، ولا تعرف نهاية طريقك هتكون إيه، ولا حتى الشخص ده أنسبلك ولا لا، الحلم اللي نفسك فيه شر ولا خير، كل اللي تعرفه، إن ربنا بيفتح أبواب كتير بدل الباب اللي اتقفل، وإنه يبعد عنك حاجة، ده مش لسبب غير إن الأفضل هيحل محلها.
𝙈𝘼𝙍𝙑𝙀𝙇 •
14 Dec, 01:16
شعور إنك بقيت تتأقلم مع أي حاجه وأي وضع عشان مفيش حاجه تانيه تقدر تعملها، خلاك بقيت تتأقلم حتى مع الحاجات اللي ليها حل بس انت خلاص مش قادر تحل وبقيت شايف إن التأقلم هو الحل الأمثل.
𝙈𝘼𝙍𝙑𝙀𝙇 •
13 Dec, 17:37
مبحبش أكون في مكان بحارب على بقائي فيه ولا بحب الأشخاص الزحمة اللي علاقاتهم كتير، وأكره إني أكتشف اني مكنتش مميز ولا حاجة وأن الكلام اللي بيتقالي طلع بيتقال لغيري عادي، أنسحب من حياتك ولا إني أحارب علشان أفضل فيها.
𝙈𝘼𝙍𝙑𝙀𝙇 •
11 Dec, 04:46
مش زعلان غير مني والله
كل مرة بستني نهاية تانية
وبرضه بلاقي نفس النهاية
أنا معرفش بجيب العشم ده كله منين بصراحة
كل مرة بستني نهاية تانية
وبرضه بلاقي نفس النهاية
أنا معرفش بجيب العشم ده كله منين بصراحة
𝙈𝘼𝙍𝙑𝙀𝙇 •
05 Dec, 14:29
مش فكرة إني عايز اكون لوحدي، أنا عايز اكون وسط اللي بحبهم عادي جداً بس في نفس الوقت عايز افضل ساكت، مش قادر فعلاً اتكلم، وطبعاً محدش مُتقبل الموضوع ده ف مش بيكون في حل غير إني ابعد واكون لوحدي لحد ما اكون كويس، ولحد دلوقتي مش عارف اكون كويس.
𝙈𝘼𝙍𝙑𝙀𝙇 •
04 Dec, 22:11
لازم تتعود على الفراغ، على مرور اليوم من غير رسالة أو حتى حد يسأل عليك تعود أن تكون وحيد عشان متعانيش كتير لما تبعد عن كُل حاجة.
𝙈𝘼𝙍𝙑𝙀𝙇 •
03 Dec, 20:52
وصلت لمرحلة سخيفة إني لا عايز أحقق حاجة ولا عندي طموح ولا عايز اخد خطوة تجاه شيء ومع نهاية كل يوم مبستفادش غير إنه بينتهي، مُجرد يوم وبينتهي.
𝙈𝘼𝙍𝙑𝙀𝙇 •
29 Nov, 22:33
اعترف باني صعب، قاسي بعض الشيء، منعزل طول الوقت، أتجنب وجود الناس في حياتي، ولكني حين احب، اعطي كل ما لدي حتى وان لم يكن لدي شيء.
𝙈𝘼𝙍𝙑𝙀𝙇 •
28 Nov, 23:47
لحظات الانسحاب من أي علاقة، هي الأقسى، توديع صديق، إنهاء علاقة بعد كلام مطول لساعات سحبك من يومك، إدراكك إن الأمور خلاص كدة انتهت، مفيش أمل، الكلام اللي اتقال مضمونه إن مفيش أمل، وإنت وقعت في اختيار خاطئ، ربما هو جديد يُضاف لقائمة اختيارات طويلة كلها غلط، بعد الإنهاء، هتعيش فترة، طالت أو قصرت، بحاجة للتعافي من طموحاتك الوهمية، واصطدامك بواقع كنت بتتفاداه بكل الطرق، ومن الكلام اللي اتقال برضو، والأهم، من ثقتك في شخص جديد خذلك، وإنت حاكيله عن كل اللي خذلوك، مكانش ينفع هو يكون زيهم.
𝙈𝘼𝙍𝙑𝙀𝙇 •
28 Nov, 07:24
الاِستغناء من أشجع القرارات اللي الواحد مُمكن ياخُدها، مُنتهى القوّة إن يبقى عندك القُدرة تستغنى عن أي حاجة بتأذيك، تعتزل ناس بتضغط عليك، تبطل تروح أماكن مش مُريحة بالنسبة لك، تمنع نفسك تدخُل نِقاشات ما بيجيش من وراها غير وجع القلب وبس، حقيقي مَفيش أحسن من إن الواحد يقدر يستغنى ويبعد كُليًا عن وجع الدِماغ ويختار سلامه النفسي وراحته قبل أي حاجة.
𝙈𝘼𝙍𝙑𝙀𝙇 •
27 Nov, 13:07
انا في دوامه و مش عارف الاقيها منين ولا منين، دايما متلخبط مش قادر اخد قرار، حاسس ان ف حاجات كتير ناقصه، حاجات كتير مش مترتبه و مش ف مكانها الصح، انا تايه.
𝙈𝘼𝙍𝙑𝙀𝙇 •
26 Nov, 02:57
قمة السلام النفسي إنك ماتفرضش نفسك على أي حد في أي حاجة، ولا تجبر حد عليك، النصيب بيحرك الأمور بدون فرض، ولا اجبار ولا ضغط، بابك سكته سالكة للي عايزك، ورايدك.
𝙈𝘼𝙍𝙑𝙀𝙇 •
24 Nov, 23:45
هبدأ في سنه جديدة عاوز اقول بس أن انا مش مستني حاجه حلوه والله، بس اتمني ميكونش في حاجه مستنياني عشان الواحد جاب اخره والله.
𝙈𝘼𝙍𝙑𝙀𝙇 •
23 Nov, 22:40
فيه لحظة هتلاقي نفسك فيها مخضوض من قد ايه مشاعرك مبقتش موجوده، لا انت حاسس ولا انت فارق معاك، انت يدوبك بتفكر وبتزحم مخك وخلاص انما في الحقيقه؟ انت بطلت تحس.
𝙈𝘼𝙍𝙑𝙀𝙇 •
21 Nov, 02:25
الحياة أقصر من إنك تقضيها في محاولة إرضاء الناس، إللي بيحبك هيشوف الجانب الحلو فيك، وإللي بيكرهك لو عملت اية هيطلع فيك ألف عيب، ريح دماغك بقي.
𝙈𝘼𝙍𝙑𝙀𝙇 •
19 Nov, 07:12
إن أنا امحي الذكريات دي شئ صعب فشخ بالنسبالي، أصل حاجة وحشة لما تكون ميموريز حلوة بس الناس نفسهم بقوا وحشين.
𝙈𝘼𝙍𝙑𝙀𝙇 •
15 Nov, 22:33
أنا بقيت حاسس ببرود ناحية كل حاجة بتحصل حواليا ، حتى الحاجات اللي المفروض تفرحني بحاول أبين اني فرحان بسببها علشان اعدي الموقف ومحدش يسألني مالك ، مبركزش مع أي حد وهو بيكلمني ، ومبزعلش من أي حد لاني مبقتش مستني حاجة من حد ، بقيت عايز اليوم يعدي في سلام وخلاص.
𝙈𝘼𝙍𝙑𝙀𝙇 •
14 Nov, 23:25
شيء حزين لما تبقى جنب حد فترة من عمرك و بعدها تكتشف إنك مكنتش تعرفه بوضوح و حقايق تبدأ تظهر واحدة واحدة مكنتش تعرف عنها شيء، و الموضوع ملوش علاقة بيهم على قد إحساسك ب قد ايه أنت كنت مُغفل.
𝙈𝘼𝙍𝙑𝙀𝙇 •
14 Nov, 00:26
"وَلَوْ كُنتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ ۚ إِنْ أَنَا إِلَّا نَذِيرٌ وَبَشِيرٌ"
( عبد المُعز أحمد مُصطفي - سورة الأعراف )
( عبد المُعز أحمد مُصطفي - سورة الأعراف )
𝙈𝘼𝙍𝙑𝙀𝙇 •
12 Nov, 22:54
مكنتش أتمني أوصل للشخص اللي انا عليه حالياً، مع إنه اتعلم دروس كتير وبيحسّن من نفسه بقدر الإمكان، بس خسر كتير في حياته وأكبر الخسارات دي نفسه.
𝙈𝘼𝙍𝙑𝙀𝙇 •
12 Nov, 16:58
عندى مشكلة مع الجامعة انها عايزة تخليني ارجع أتعامل بحاجات بطلت اتعامل بيها من زمان زى مثلا الأسئلة المقالى وانا بقالى 3 سنين بمتحن mcq او ان الحاجة اللى هذاكرها هتجيلي فالامتحان عادى او أن فى اعمال سنة وانا اخر حاجة خدت عليها أعمال سنة كانت لوحة كمبيوتر فصل 3/4 كله كان مشترك ف فلوسها .
𝙈𝘼𝙍𝙑𝙀𝙇 •
12 Nov, 01:58
نفس تكرار الأيام ونفس الافكار اللي كل ما تحس إنك خلاص خرجت منها ترجع تكتشف أنك لسه فيها، وإن الاحساس ده كان محاوله للخروج وفشلت ورجعت زي الأول بدون أي سبب واضح.
𝙈𝘼𝙍𝙑𝙀𝙇 •
10 Nov, 23:46
هي الدنيا ايه غير اسعار غالية و دخلت كلية مش بتحبها وبتحب حد مش بيحبك.
𝙈𝘼𝙍𝙑𝙀𝙇 •
08 Nov, 12:56
نظرة الكره اللي بتبصها للشخص اللي دمر حياتك و أحلامك.
( أنت باصص في المراية )
( أنت باصص في المراية )
𝙈𝘼𝙍𝙑𝙀𝙇 •
07 Nov, 10:36
من الوقت للتاني لازم تحس بقيمة نفسك وتفتخر بمجهودك اللي بتقدمه حتى لو انت نفسك شايفه قليل ولا يُذكر، كونك بتجتهد في ألف حاجة حلال، وبتعافر هنا وهناك ده غير ضغوطاتك وضغوطات الحياة حاجة كبيرة، سعيك وشغلك حاجة كبيرة، كونك رب أسرة وفاتح بيت وبتربي ولادك بالحلال دي حاجة كبيرة، كونك بتعافر لجواز وبتحاول تدخل بيوت الناس من بابها حاجة كبيرة، سعيك في أي حاجة حلال دي حاجة كبيرة انت مش قليل ولا عُمرك هتكون قليل في زمن بقت كل حاجة صعبة على الكُل والحرام سهل ومُتاح.
𝙈𝘼𝙍𝙑𝙀𝙇 •
06 Nov, 18:23
تصالحت مع فكرة إني مش هقدر أكون الشخص الوحيد في حياة اللي أعرفهم، ومش عيب إني أكون صديق عادي هيبقي فيه أحلي مني، وأجدع مني، وأفضل مني، وأهم مني، بس كفاية إني أكون شخص سوي، مش بيأذي ولا بيضغط علشان الأثر هو اللي بيفضل في القلب، وأنا هسعي إني أكون شخص خفيف، لما يفتكروه يحسوا بكل شيء جميل.
𝙈𝘼𝙍𝙑𝙀𝙇 •
03 Nov, 02:51
ما تعملش ذكريات مع أي حد والسلام الذكريات هي الحاجة الوحيدة اللي ما بتخرجش من جواك بالساهل وبتفضل تطاردك طول عمرك، ف قبل ما تعيش حاجة أو تعمل ذكرى مع شخص ما تأكد الأول إن الشخص ده مش هيتخلى عنك في نص الطريق ويسيب ذكرياته تحاصرك لغاية ما تخلص عليك.
𝙈𝘼𝙍𝙑𝙀𝙇 •
01 Nov, 06:46
- ابعت اسمك علي طول وهسجلك بلاش نقطة أو استيكر.
- ( معلومة مهمة موت ) اقسم بالله ده ما جروب.
- مش بعمل تبادلات وشيرات ولو قررت أعمل هقول.
- ( معلومة مهمة موت ) اقسم بالله ده ما جروب.
- مش بعمل تبادلات وشيرات ولو قررت أعمل هقول.
𝙈𝘼𝙍𝙑𝙀𝙇 •
01 Nov, 06:44
لينك الواتساب للاستوريز لو حابب يعني، اسمك انجلش وهسجلك❤️
https://wa.me/201118955725
https://wa.me/201118955725
𝙈𝘼𝙍𝙑𝙀𝙇 •
01 Nov, 03:05
جزءٌ كبيرٌ من الراحة النفسيّة بتلاقيها في المصالحة مع نفسك، إنك تتقبّل وضعك أيًا كان وتتعامل مع ظروفك بواقعيّة، وإنه تكون عارف الدنيا مش جنة وبرضو كمان مش جحيم وتعيش كُل يوم بيومه براحة نفسية وتتقبل الوضع أياً كان بإبتسامة لطيفة، مفيش شئ مستاهل يخليك تنام زعلان .
𝙈𝘼𝙍𝙑𝙀𝙇 •
29 Oct, 23:05
الحياة دايمًا بتجبرني وعُمر ما كان عندي رفاهية الاِختيار، أُجبرتني أتجاهل حاجات كتير كانت أول إهتماماتي، أُجبرتني أغيّر من طباعي وأبطل طيبتي الزايدة عشان ما تتفهمش هبل، اُجبرتني أبعد عن الناس وما أثقش في وعودهُم بسبب كم الخذلان اللي شوفته، حاجات كتير كُنت مُجبر عليها رغم إني ما كُنتش طمعان في كتير، أنا كُنت عايز أعيش في هدوء وسلام وبس، لكن لا الناس ولا الحياة سابوني في حالي.
𝙈𝘼𝙍𝙑𝙀𝙇 •
28 Oct, 22:31
والله ما فرطت يوماً في ود، ولا نكرت لأحد فضلا ولا بدأت عداوة ولا حتي نويت ولكني عزيز النفس إن هان قلبي فارقت.
𝙈𝘼𝙍𝙑𝙀𝙇 •
26 Oct, 21:19
المُشكلة إني عارف إن الدنيا مش مستاهلة، وعارف إن الأيام بتنسي، وفاهم إن الحزن بياخد وقته ويروح، ومؤمن إن كل ده نصيب، ومُدرك إن هييجي وقت وربنا هيعوضني، لكن رغم إدراكي وفهمي لكل الكلام ده إلا أني برضه مش عارف أتجاوز الحاجات اللي مضايقاني ولا قادر انساها، وحاسس أني مُحاصر وكل همومي كاتمة علي أنفاسي.
𝙈𝘼𝙍𝙑𝙀𝙇 •
26 Oct, 06:26
انت المسؤول الوحيد عن رحلتك، تعافيك، تطوّرك، حُزنك، مافيش حد مسؤول انه ينتشلك من حزنك و شتاتك ف ماتبلغش في حبك و تعلقك بالناس، قدر و حب نفسك عشان علاقتك مع نفسك و مع اللي حواليك تكون صحية.
𝙈𝘼𝙍𝙑𝙀𝙇 •
24 Oct, 21:18
الشخص إللي قال عني بجح هو مش كداب انا فعلا كنت بجح معاه لان هو اساساً بجح، والشخص إللي قال عليا مؤذي هو مش كداب أنا فعلا اذيته بعد ما اذاني هو ١٠٠ مره، والشخص إللي شافني مش سالك وبحور عشان مقولتش الكلمتين إللي مستني يسمعهم مني هو مش كداب انا بحور مع الشخص الملاوع بتاع الحوارات، وإللي قال عني شخصيه طيبه وكويسه هو مش كداب انا لقيت انه شخص كويس وميستاهلش مني حاجة وحشه، وإللي شافني اناني هو مش كداب انا اناني مع الشخص الاناني إللي مبيديش مهما ياخد، وإللي شافني معنديش عزيز ولا غالي وبستغنى بسرعه ف هو كمان كان شخص بياع وانا قررت اتعامل معاه بمعاملته، في النهاية أنت بتختار الطريقه اللي هعاملك بيها.
𝙈𝘼𝙍𝙑𝙀𝙇 •
23 Oct, 22:29
حاسس إن مفيش جدوى من الكلام، وإن كل الأشياء المهمة اتقالت، وكل اللي هيتقال تاني هيبقى مجرد حاشية على ما سبق، وإننا المفروض نقعد ساكتين أربع خمس سنين كدة.
𝙈𝘼𝙍𝙑𝙀𝙇 •
21 Oct, 21:27
فكرة إنك عشان تخلص من حاجه مضايقاك اتكلم عنها فكرة فاشلة الحاجة كل ما تتكلم عنها كل ما يبقى صعب تتخلص منها ، هتفضل لازقه في دماغك لحد ما تسود الحياة في عينيك الفضفضة بتريح اه بس مش طول الوقت وكتر الكلام مش هيخلي الوضع أحسن إكراماً للي كان وانتهى نسيانه .
𝙈𝘼𝙍𝙑𝙀𝙇 •
20 Oct, 21:41
انا مُدرك تماماً فكره ان مفيش حد هيفرق معاه اللي بيحصلي داخلياً وان كلنا بنعاني ومتصالح جدا مع الفكره دي، بس بقيت مُرهق جدا من فكرة احتواء نفسي بنفسي دي ومابقتش قادر وجبت أخرى.
𝙈𝘼𝙍𝙑𝙀𝙇 •
19 Oct, 01:53
بدأت اتصالح مع ان في حاجات مينفعش التعامل معاها غير بالتجاهل كإن كل الحلول نفذت ومتبقاش غير التجاهل.
𝙈𝘼𝙍𝙑𝙀𝙇 •
15 Oct, 21:05
حقيقي الواحد أهدر وقت كبير جداً من حياته على حاجات متستاهلش، وحاجات كان باين من الأول إن نهايتها مش لطيفه.
𝙈𝘼𝙍𝙑𝙀𝙇 •
14 Oct, 15:36
تمام الوضع سئ بس استمرارك في التقليل من قيمتك وقيمة مجتمعك مش الطريق للإصلاح، خليك في نفسك هتتبسط وتقبل أن العالم مش مثالي.
𝙈𝘼𝙍𝙑𝙀𝙇 •
12 Oct, 22:00
أغرب حاجة ممكن تحطك تحت ضغط و تفسد كل علاقاتك وممكن تدمر حياتك، هو إستمرار إنتظارك لأشياء أنت متخيل أنها لازم تحصل من اشخاص مفضلة بالنسبالك، و لما متحصلش تبدأ تعبر عن غضبك و حزنك و كمان رفضك للنوع ده من العلاقة و تبدأ حياتك تتحول لحياة مملة و كئيبة و طبعا انت هتشوف انهم هم السبب.
𝙈𝘼𝙍𝙑𝙀𝙇 •
11 Oct, 07:11
مع مرور الوقت أكتشفت اني في وقت زعلي ببقي مُهتم أتراضي أكتر من أي شئ تاني أحس إن اللي قدامي فارق معاه زعلي ومهتم يجبر بخاطري ساعتها بس نفسيتي بتستكين وروحي بتهدي، بس انك تمشي وتسبني دي اكتر حاجه ممكن تغير كل اللي جوايا ليك من قمه الحب لقمه اللامبالاه.
𝙈𝘼𝙍𝙑𝙀𝙇 •
10 Oct, 06:46
وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمً
𝙈𝘼𝙍𝙑𝙀𝙇 •
09 Oct, 15:23
بعد فترة طويلة من المشاكل والصعوبات اللي بتواجهك في طريقك، هتبدأ تنضج وتفهم أكتر وهتبدأ تعتاد على الأمور لأنك هتدرك الموضوع بشكل أوضح وهتعرف إن دا خلاص الشكل النهائي لمسارك، هي دي حياتك بمعنى اصح، وكل اللي بيحصل هيبقى مجرد روتين يومي زي كوباية الشاي.
𝙈𝘼𝙍𝙑𝙀𝙇 •
08 Oct, 03:55
اللي شخصيتك وصلت له حالياً، إنك بشكل أو بأخر إتغيرت، إتغيرت ومش عارف إنت إتغيرت للأحسن ولا للأسوء للأقوي ولا للأضعف، تايه في النص ما بين ميول عقلك، ورغبات قلبك، وتقريبا مش هتوصل لنتيجه هتحس ب شخصيات كتير جواك، حاول تسيطر عليهم وممكن توصل للتغير الي حصل وتعرف أنت مين.
11,310
subscribers
6
photos
200
videos
