MUHAMMAD YUSUF SHE'RLARI のテレグラム投稿

УРУШ БЎЛМАСИН

Дунё-дунё бўлиб яралди қачон,
Ҳаёт оҳанглари таралди қачон,
Зулмат ёруғликни кўролди қачон?..
Олам нурга тўлсин, уруш бўлмасин.

Баҳор келганини билмасам майли,
Қирларда лолалар термасам майли,
Юлдуздек чарақлаб юрмасам майли,
Инсон иқболига хуруж бўлмасин.

Балки умрим узун, балки қисқадир,
Майли билмай ҳузур , ҳаловат надур,
Майли бу оламда топмасам қадр,
Ҳаёт чаманида сўлиш бўлмасин...

Наҳот ғаним билса одам-одамни,
Куйдириб кул қилса ёруғ оламни,
Мен кимга ишондим ёлғиз боламни?..
Нима бўлса бўлсин,уруш бўлмасин!

Muhammad Yusuf

Kuzak keldi sorig‘ tortdi yaproqlar,
Dunyoni bir ajib sirlar so‘roqlar,
Ko‘nglimni kuydirib o‘tar firoqlar,
Diydor qiyomatga qoldimi OTA?!

Yashash xiyonatmi omonat jonga,
Umringni ulasa so‘ngsiz armonga,
Bir savol o‘rmalab kiradi qonga,
Diydor qiyomatga qoldimi OTA?!

Qanotsiz qushdayin men holi zabun,
Sizga mahtalligim ortar kunba kun,
Shunchaki bir toza muhabbat uchun,
Diydor qiyomatga qoldimi OTA?!?

Bisotim so‘z mening.
Taskin-tasalli,
Xayollaringizda bo‘lsam aqalli,
Kelmaysizmi bizni baxtli etgali,
Diydor qiyomatga qoldimi OTA?!

Madina Muhammad

T.me/Muhammad_Yusuf_ijodi

МЎМИН ЧОЛ

Мўмин чолнинг уч ўғил, ёлғиз қизи бор эди.
Тухфа эди тақдирдан, кампирдан ёдгор эди.
Қиз "эртага эгаси олиб кетар кўчдай" гап.
Юрт кезарди чол бу кун, кенжага келин излаб.

Қариганда тўрт томон зир чопиш қийин экан.
Ўғлинг қайсар бўлса гох, қиз топиш қийин экан.
Кампир тирик бўлганда, камаярди захмати,
Тили ширин, гапга хўб чечан эди раҳматли.

Тўй бир кунлиқ пул нима, азизмиди жонидан,
Мўмин озроқ пул олди, эски қадрдонидан.
Бека бўлди товусдай, кенжа ўғил қаллиғи.
Келин эмас, Худонинг берган олтин балиғи.

Бир кечанинг изохи - ярми қувонч, ярми ғам.
Эх, қанийди, шу кунни кўрганда кампири ҳам.
Ҳаёт ҳар ўйинига ўзи топар таърифин:
Оғзи ошга етганда, бурни қонар ғарибнинг.

Тўй ўтди-ю тўшакка ётиб қолди мўмин чол.
Жуда оғир хасратга ботиб қолди мўмин чол.
Ажал остона узра турар экан сузилиб,
Ёлғиз қизи қисматин ўйларди у эзилиб.

Жон дегани омонат Одам Ато ўғлига-
Мўмин ўлди. Тумонат эл йиғилди ҳовлига.
Мархум қандай зот эди? - Удумда бор бу савол.
Ҳалол эди, дедилар, ҳалол эди мўмин чол.

Эл чайқалиб елкага тобутни ортган они,
Озроққина қарзини эслатди қадрдони.
Муслимга омонатдан улуғ фарзи адо йўқ,
Халойиқ лол, бу не ҳол - уч ўғилдан садо йўқ.

Уч пахлавон уч пари- пайкарга қул эдилар,
Отамнинг бундай дўстин танимаймиз,-дедилар.
Қиз-ку "эрта эгаси, олиб кетар кўчдай" гап,
Аммо бу кун даврага отилди у қон йиғлаб.

Айтинг, деди, бас қилсин акаларим арзини.
Бўй етган кун тўлайман мен отамнинг қарзини.
Раво топса у кимни, бош қўяман кўксига.
Қарз ўрнига қалиним, тегсин отам дўстига.

Халойиқ лол. Бу не ҳол, бу не савдо, ёронлар,
Отасидан олдинроқ ўлар бўлди ўғлонлар.
Ривоятмас айтганим, ҳикмат бўлмас ёлғонда.
Бу воқеа рўй берди шу кунда, шу замонда.

Қарздан кечиб кетса ҳам, ота дўсти ҳайратда,
Уч ўғилни қишлоқдан ҳайдадилар, албатта.
Қиз-чи, дерсиз, қиз хаёт, яшар ота маконда,
Чунки унга муносиб йигит йўқ бу жаҳонда...

©Муҳаммад Юсуф

https://t.me/MUHAMMAD_YUSUF_IJODI

✍ Азиз Хўжа Нур

Табиатнинг жароҳати

🎤 Азиз Хўжа Нур


https://t.me/MUHAMMAD_YUSUF_IJODI

TABIATNING  JAROHATI

Yer biladi, o'z dardini osmon bilar,
Tabi nozik,  nokaslarning tabi uyat.
Nafsi uchun go'zallikni qurbon qilar,
Ozorlanding kechir bizni, o, tabiat.

Oldimizdan oqqan suvning qadri yo'qdir,
Isrof bo'lib qancha-qancha suvlar oqdi.
Odamiga farqi yo'qmi?.. Farqi yo'qdir.
Hazon yoqdi, o'rmon ichra olov yoqdi.

Tutun to'ldi atmosfera  o'pkasiga,
Toza havo izlayapti inson ahli...
Ziyon qilmang Yaratganning o'lkasiga,
Xudo haqqi, keladi-ya, Xudo qahri.

Oroldek dengizlar sahro bo'lmasdan,
Yo sahrolar toshqin suvga to'lmasdan.
To'yib-to'yib nafas olsin, mehr ber, suv ber,
Dov-daraxtlar qovjirab, gullar so'lmasdan.

E, berahm, bolta urma "ko'k"ning bag'riga,
"Chiqindizor" bo'layotir dunyo yo'lagi.
Befarqlarcha ko'z yumamiz bari-bariga,
Ozorlangan tabiatning og'rir yuragi.

Atrof-muhit qadr istar, munglidir holi,
Changli to'zon, iqlim ham o'xshar betobga.
Agar "Yashil hayot"ning ursa uvoli,
Insoniyat kiritilar qizil kitobga...

Achinib ketaman maxluqotlarga,
Tobora kuydirar issiqlik shamsi.
Ko'z o'ngimda tugab borayotgandek,
Nabotot olami  -- tiriklik ramzi...


Vodarig', bu holdan ranjimas hech kim,
Aybdor bandaman, Haqning quliman.
Tog'ning qulashini kuzatarlar jim,
Men ham tomashabinlarning biriman.

Joningga jabr qildik,  bilib-bilamasdan,
O, tabiat, tabiiyligim, bo'lmagin xafa.
Olam ahli, uyg'oning, mudrab yurmasdan,
Shiddat ila borliqni qiling mudofaa.


Portlatmanglar, tuproqlarda jon o'ladi,
Yongan yerda kuldan, giyoh unmog'i yo'q.
Bug'doy unsa, don, un bo'lar, non bo'ladi,
Ocharchilik, ko'p joyda non urvog'i yo'q.

Biz ichgan suv, bu mo'jiza ne'matlardan,
Avlodlar ham bahra olib yashash kerak.
Tanazullga yuz tutmasdan - nabototni,
Asrash kerak. Asrash kerak. Asrash kerak !..

Buzg'unchiga baxtsizlikning qaraxati.
Tuzuvchiga xushxabar bor, baxt rohati.
Kel, ey odam, malham bo'lib birlashaylik,
Bitib ketsin tabiatning jarohati.

                
                AZIZ   XO'JA   NUR

                Sirdaryo Sayhun


https://t.me/MUHAMMAD_YUSUF_IJODI

Менсиз ҳам кунларинг ўтмоқда, эркам,
Қайга қўл узатсанг етмоқда, эркам,
Юришларинг қайси маликадан кам,
Фақат қийин бўлди шўрлик юракка...

Менинг ҳам ҳажрингда ёнганим ёлғон,
Яшарман ўзимча, саройда султон.
Гўёки йўқ мендан бахтли бир инсон,
Зўрлик бўлса бўлди зўрлик юракка.

Энди кўришиб ҳам кўришмасмиз биз,
Гўё мен ёт йигит, сен бегона қиз,
На қўллар титрамас, на қизармас юз,
Эвоҳ, бу қандайин хўрлик юракка!

Қошинг ўсма ўпсин, кўзингни сурма,
Буни тақдир дерлар, ёр, лабни бурма,
Эслама, эслатиб тушимга кирма,
Жонимни ришталаб минг бир бўлакка.

Гарчи бўлмасам ҳам у кун тўйингда,
Ёнингда ёру мен бўлдим ўйингда,
Aлпомиш ўғиллар ўстир уйингда,
Муҳаммадинг қурбон шу бир тилакка!

✍ Муҳаммад Юсуф



https://t.me/MUHAMMAD_YUSUF_IJODI

ШУКУР ДЕЙСAН СЕН ҚAЧОН

Таъмагирни тортқилаб,
Нафси қўймас дейдилар.
Нокас ўзи тўйса ҳам,
Кўзи тўймас дейдилар.

Боқ бир ёруғ оламга
Кимлар зўрға кун кўрар.
Одамлар бор, боғдаги
Булбулдан ҳам пул сўрар.

Ёлғон дунё - бу дунё,
Aрзон дунё - бу дунё.
Не-не ҳоким, беклардан
Қолган дунё - бу дунё.

Киприкдан ҳам қисқадир
Мол-у дунё йўллари.
Ибрат бўлсин Искандар
Очиқ кетган қўллари!

Узат дейсан, бер дейсан,
Ҳеч қўймадинг одамзод.
Туя тўйди, фил тўйди,
Сен тўймадинг, одамзод.

Шукур қилар ҳаттоки
Қумурсқа-паррандалар.
Шукур дейсан сен қачон,
Хом сут емган бандалар?

Бу уч кунлик дунёда
Савлатингга керилма.
Қаср қурма, боғ қолдир,
Давлатингга керилма.

Ўз элингни қақшатсанг,
Хор бўласан ўзинг ҳам.
Бир кун шу эл меҳрига
Зор бўласан ўзинг ҳам!

✍ Муҳаммад Юсуф

Ўзбекистон.

✍ Муҳаммад ЮСУФ.

🎤 Юлдуз Усмонова.

https://t.me/MUHAMMAD_YUSUF_IJODI

Shoir Muhammad Yusuf qanday inson bo'lgan?

https://t.me/MUHAMMAD_YUSUF_IJODI

,,Олтин қалам "газетасининг 12- сони