MSI - MYANMAR SOCIETY INFORMATIONS

ဧရာဝတီတိုင်းမှာ AA နဲ့ ပူးပေါင်းတပ်တွေ စစ်ဆင်ရေးစတင် (ရုပ်/သံ)
ဧရာဝတီ၊ ဇန်နဝါရီ ၁၀၊ ၂၀၂၅
ရခိုင်ပြည်နယ် တခုလုံးနီးပါးကို သိမ်းပိုက်ထိန်းချုပ်ထားနိုင်ပြီ ဖြစ်တဲ့ အာရက္ခတပ်တော် (AA) ဟာ မဟာမိတ် တပ်တွေနဲ့ ပူးပေါင်းကာအနောက်တောင်တိုင်း စစ်ဌာနချုပ် (နတခ) ရှိတဲ့ ဧရာဝတီတိုင်းကို စတင်ထိုးစစ်ဆင် တိုက်ခိုက်နေပါပြီ။
စစ်ကောင်စီဟာ ဂွမြို့သိမ်းတိုက်ပွဲနဲ့အတူ ဧရာဝတီတိုင်းကို ထိုးစစ်တွေရောက်လာမှာ စိုးရိမ်ပြီး ငါးသိုင်းချောင်းဘက်မှာ ခံစစ် အခိုင်အမာပြင်ထားပေမယ့်လည်း တော်လှန်ရေးတပ်တွေရဲ့ထိုးစစ်က ကုန်းတွင်းပိုင်းကမဟုတ်ဘဲ ပင်လယ်နဲ့ကပ်နေတဲ့ ကျေးရွာတခုကနေ ဧရာဝတီတိုင်း ထိုးစစ်စတင်လိုက်တာ ဖြစ်ပါတယ်။
လက်ရှိမှာ ဧရာဝတီတိုင်း ကမ်းခြေပတ်လမ်းမှာရှိနေတဲ့ မကျီးဇင် နဲ့ကုလားချောင်းကျေးရွာ အပါအဝင် အနီးဝိုက်မှာ တိုက်ပွဲစတင်နေပြီလို့ဒေသခံတွေက ဧရာဝတီကို ပြောပါတယ်။
https://youtu.be/5lP-0iUKI64
#မြန်မာ #ဧရာဝတီ #မကျီးဇင် #နတခ #AAPP

⚫️ ဇီရိုးမိုင်တွင် ကြမ်းကြမ်းတမ်းတမ်းစစ်ပြီး လူဖမ်း

ယနေ့ နေ့ခင်း ၃ နာရီခွဲခန့်က ရန်ကုန်အဝင် ဇီးရိုးမိုင်ဂိတ်တွင် အကြမ်းဖက်တပ်သား အင်အားအများအပြားဖြင့် အစစ်အဆေး ကြမ်းနေခဲ့ပြီး မိန်းကလေး ၁ ယောက်ကိုလည်း လက်နောက်ပြန် လက်ထိပ်ခတ် ဖမ်းထားကြောင်း သတင်းရရှိသည်။ ဖုန်းများပါ အသည်းအသန်စစ်နေသည်။

10 Jan 2025
#RangoonScoutNetwork

(၇၇)နှစ်မြောက် ကချင်ပြည်နယ်နေ့
10th January 2025

ယနေ့ ဇန်နဝါရီလ(၁၀)ရက်နေ့ဟာဆိုရင် တိုင်းရင်းသားညီအစ်ကိုမောင်နှမများဖြစ်သည့် ကချင်လူမျိုးတို့၏ နေ့ထူးနေ့မြတ်ဖြစ်သော (၇၇)နှစ်မြောက် ကချင်ပြည်နယ်နေ့ဖြစ်ပါတယ်။ ကျွန်တော်တို့ ပြည်သူ့လွတ်လပ်ရေးအဖွဲ့/ ပြည်သူ့လွတ်လပ်ရေးတပ်တော်အနေဖြင့်လည်း ကချင်ပြည်နယ်နေ့ကို လေးစားစွာဖြင့် ဂုဏ်ပြုကြိုဆိုရင်း ကချင်တိုင်းရင်းသားများနှင့်အတူ လူထုတစ်ရပ်လုံး တွဲလက်များခိုင်ခိုင်တွဲကာ စစ်အာဏာရှင်စနစ်ဆိုးအောက်မှ လွတ်မြောက်ပြီး စစ်မှန်‌သောဒီမိုကရေစီရောင်ဝါထွန်းလင်းသည့် နိုင်ငံဖြစ်လာစေရန် မမှိတ်မသုန်ဆက်လက်တိုက်ပွဲဝင်သွားကြဖို့ကိုလည်း တိုက်တွန်းနှိုးဆော်လိုက်ရပါတယ်။

#ကချင်ပြည်နယ်နေ့
#ပြည်သူ့လွတ်လပ်ရေးအဖွဲ့
#ပြည်သူ့လွတ်လပ်ရေးတပ်တော်
#PIO_PIA

ပူတင်နဲ့ ထရမ့်တွေ့ဖို့ စီစဉ်နေပြီ

CJ Platform

အမေရိကန်ပြည်ထောင်စုရဲ့ ရွေးကောက်ခံသမ္မတ ဒေါ်နယ်ထရမ့်က ရုရှားသမ္မတ ဗလာဒီမာပူတင်နဲ့ တွေ့ဆုံဆွေးနွေးမယ့် အစည်းအဝေးတစ်ခုကို စီစဉ်ထားတယ်လို့ ယမန်နေ့ ဇန်နဝါရီ ၉ ရက်နေ့မှာ ပြောပါတယ်။

ဒါပေမဲ့ သူတို့နှစ်ဦး တွေ့ဆုံဆွေးနွေးမယ့် နေ့ရက်အချိန်တွေကိုတော့ ထရမ့်ဘက်က မသတ်မှတ်ရသေးဘူးလို့လည်း သိရပါတယ်။

လာမယ့် ဇန်နဝါရီ ၂၀ ရက်နေ့မှာ ထရမ့် တကျော့ပြန် တရားဝင်သမ္မတ ဖြစ်လာပြီးရင် ၂၀၂၂ ခုနှစ် ဖေဖော်ဝါရီလမှာ စတင်ခဲ့တဲ့ ရုရှား- ယူကရိန်း စစ်ပွဲကို သံသမန်ရေးရာ နည်းလမ်းနဲ့ ရပ်တန့်အောင် လုပ်ဆောင်သွားနိုင်တယ်လို့ မျှော်လင့်ချက်တွေ ရှိနေပေမဲ့ ယူကရိန်းဘက်ကတော့ အလျင်စလို စစ်ပြေငြိမ်းခဲ့ရင် သူတို့ဘက်က တန်ဖိုးကြီးကြီးမားမား ပေးဆပ်ရနိုင်တဲ့ ကိစ္စကို စိုးရိမ်မှုတွေ ရှိနေပါတယ်။

ထရမ့်ရဲ့ အကြံပေးတွေကတော့ ယူကရိန်းနဲ့ နယ်မြေအတော်များများကို ရုရှားလက်ထဲ ပေးအပ်ရလိုက်နိုင်တဲ့ စစ်ပြေငြိမ်းရေး အစီအစဉ်တွေကို အဆိုပြုထားတယ်လို့ ဆိုပါတယ်။

"သူ (ပူတင်) က ‌တွေ့ချင်နေတာပါ။ ကျွန်တော်တို့ဘက်ကလည်း အစည်းအဝေးကို စီစဉ်နေပါတယ်"လို့ ထရမ့်က ပြောပါတယ်။

သူဟာ ဖလော်ရီဒါပြည်နယ် ပမ်းဘိခ်ျမြို့က မာအေလာဂိုးအပန်းဖြေနေရာမှာ ကျင်းပတဲ့ ရီပတ်ဘလီကန် ပြည်နယ်အုပ်ချုပ်ရေးမှူးတွေနဲ့ တွေ့ဆုံပွဲမတိုင်ခင်မှာ အခုလိုပြောခဲ့တာလည်း ဖြစ်ပါတယ်။

"ကျွန်တော်တို့ကလည်း ဒီစစ်ပွဲကိုပြီးသွားအောင် လုပ်ရပါမယ်။ ဒါက တကယ့်အရှုပ်ကြီးပါပဲ" လို့လည် ထရန့်က ရုရှား-ယူကရိန်းစစ်ပွဲနဲ့ပတ်သက်ပြီး မှတ်ချက်ပေး ပြောဆိုပါတယ်။

ရုရှားဘက်က ယူကရိန်းကို ကျူးကျော်မှု စတင်ကတည်းက အမေရိကန်ပြည်ထောင်စုရဲ့ လက်ရှိသမ္မတ ဂျိုးဘိုင်ဒင်ဟာ ယူကရိန်းအတွက်လုံခြုံရေးအတွက် ကူညီထောက်ပံ့မှုအဖြစ် အမေရိကန်ဒေါ်လာ ၆၀ ဘီလီယံကျော် အပါအဝင် ၁၇၅ ဘီလီယံကျော်အထိ အကူအညီပေးခဲ့ပါတယ်။

ဒါပေမဲ့ နောက်တက်လာမယ့် ထရမ့်ဟာ စစ်ပွဲကို အမြန်ဆုံး အဆုံးသတ်လိုတယ်လို့ ပြောဆိုထားတဲ့အတွက် အခုလိုမျိုးအကူအညီတွေ ဆက်လက်ရနေဦးမလားဆိုတာ‌ကတော့ မသေချာသေးပါဘူး။

ရုရှားရဲ့ ပြောရေးဆိုခွင့်ရှိသူ ဒီမီထရီ ပက်စ်ကော့ဗ်‌ကတော့ ထရမ့်ဘက်က ဆက်သွယ်ဖို့ ဆန္ဒရှိတာကို ပူတင်ဘက်က ကြိုဆိုကြောင်း၊ ဒါပေမဲ့ လက်ရှိအချိန်ထိ တရားဝင် ဆက်သွယ်ပြောဆိုတာမျိုး မရှိသေးကြောင်းနဲ့ ထရမ့် တရားဝင်သမ္မတရာထူးရယူတာကို စောင့်တာက ပိုသင့်လျော်ကြောင်းကို ယမန်နေ့ အစောပိုင်းမှာ အသိပေးထားပါတယ်။

ဓာတ်ပုံ - Reuters

ပုံစာ- ၂၀၁၉ ခုနှစ် ဇွန်လ ၂၈ ရက်နေ့က ဂျပန်နိုင်ငံ အိုဆာကာမြို့မှာ ကျင်းပတဲ့ G-20 ထိပ်သီးအစည်းအဝေးအတွင်း အမေရိကန်သမ္မတ ဒေါ်နယ်ထရမ့်နဲ့ ရုရှားသမ္မတ ဗလာဒီမာ ပူတင်တို့ တွေ့ဆုံခဲ့စဉ် (ပုံအဟောင်း)

ကိုးကား - Reuters

#CJPlatform #ပူတင် #ထရမ့် #စစ်ပြေငြိမ်းရေး

Website တွင် ဖတ်ရှုရန် >>> https://cjplatform.com/10-1-2025-3/

ပူတင်နဲ့ ထရမ့်တွေ့ဖို့ စီစဉ်နေပြီ

ထိုင်းမှာ အထောက်အထားမဲ့ မြန်မာနိုင်ငံသား ခြောက်ဆယ်ခန့် ဖမ်းဆီးခံရ
~~~
■ ထိုင်းနိုင်ငံ၊ ဆာရာဘူရီခရိုင်မှာ အထောက်အထားမဲ့ မြန်မာနိုင်ငံသား ၅၈ ဦးကို ဖမ်းဆီးရမိကြောင်း ထိုင်းသတင်း The Pattaya က ဇန်နဝါရီလ ၈ ရက်နေ့မှာ ဖော်ပြပါတယ်။

ဆာရာဘူရီခရိုင် အမြန်လမ်းမတစ်ခုမှာ သတင်းအရ ပစ်ကပ်ထရပ်ကားတစ်စီးကို ဇန်နဝါရီလ ၇ ရက်နေ့က ကြားဖြတ်စစ်ဆေးရာက အခုလိုဖမ်းဆီးမိခဲ့တာလို့ ဆိုပါတယ်။

ဖမ်းဆီးခံရသူတွေကလည်း ထိုင်းနိုင်ငံကို တရားမဝင် ဝင်ရောက်ခဲ့တာကို ဝန်ခံခဲ့တဲ့အတွက် သက်ဆိုင်ရာ ရဲဌာနကို လွှဲပြောင်းပေးထားပြီး ဥပဒေအရ ဆက်လက်ဆောင်ရွက်နေတယ်လို့ ဆိုပါတယ်။

ဒီဇင်ဘာလ ၂၆ ရက်နေ့ကလည်း ထိုင်းနိုင်ငံ၊ ဖစ်ချဘွန်ခရိုင်မှာ အထောက်အထားမဲ့ မြန်မာနိုင်ငံသား ၂၆ ဦး အဖမ်းခံလိုက်ရတယ်လို့ ထိုင်းသတင်းဌာနဖြစ်တဲ့ Khaosod က ဖော်ပြပါတယ်။

စစ်တပ်အာဏာသိမ်းပြီးနောက် အကြောင်းအမျိုးမျိုးကြောင့် မြန်မာနိုင်ငံသားတွေ ထိုင်းနိုင်ငံထဲ ဝင်ရောက်လာမှုတွေ များနေသလို လူကုန်ကူးခံရမှုတွေလည်း များနေတယ်လို့ အလုပ်သမားအရေး ကူညီနေသူတွေက ပြောပါတယ်။

ဖမ်းဆီးခံရတဲ့ မြန်မာနိုင်ငံသားတွေကို စစ်ကောင်စီလက်ထဲ အတင်းအကျပ် ပြန်မပို့ဖို့ လူ့အခွင့်အရေး ကျွမ်းကျင်သူတွေက တောင်းဆိုထားပါတယ်။
---------------

ထိုင်းနိုင်ငံ၊ ဆာရာဘူရီခရိုင်တွင် ဖမ်းဆီးခံရသည့် အထောက်အထားမဲ့ မြန်မာနိုင်ငံသားအချို့အား ၂၀၂၅ ခုနှစ်၊ ဇန်နဝါရီလ ၇ ရက်နေ့တွင် တွေ့ရစဉ်။ (Photo: The Pattaya News)

RFA Burmese Website တွင် ဖတ်ရှုရန် .....

#ထိုင်း #အထောက်အထားမဲ့ #ဖမ်းဆီး #လွတ်လပ်တဲ့အာရှအသံ #rfaburmese

စစ်မှုထမ်း သင်တန်းဆင်းနှစ်ဦး KNLA ထံ လက်နက်နဲ့တကွ ခိုလှုံလာ
~~~
■ စစ်ကောင်စီရဲ့ ပြည်သူ့စစ်မှုထမ်းဥပဒေအရ စစ်ကောင်စီတပ်သားဖြစ်လာသူ နှစ်ဦး ကရင်အမျိုးသားလွတ်မြောက်ရေးတပ်မတော် (KNLA) ထံ လက်နက်နဲ့တကွ ခိုလှုံလာတယ်လို့ ကရင်အမျိုးသားအစည်းအရုံး (KNU) က ဇန်နဝါရီလ ၉ ရက်နေ့မှာ ထုတ်ပြန်ပါတယ်။

ပဲခူးတိုင်း၊ ညောင်လေးပင်ခရိုင်၊ ကျောက်ကြီးမြို့နယ် KNLA တပ်ရင်း (၉) ထံ ဇန်နဝါရီလ ၅ ရက်နေ့မှာ လာရောက်ခိုလှုံတာဖြစ်ပြီး သူတို့ နှစ်ဦးက စစ်ကောင်စီရဲ့ စစ်မှုထမ်းသက်တမ်း တစ်လသာ ရှိသေးတယ်လို့ KNU က ပြောပါတယ်။

အသက် ၂၄ နှစ်အရွယ် ကိုမင်းမင်းဇော်နဲ့ ၂၅ နှစ်အရွယ် ကိုကျော်မင်းဦးတို့ နှစ်ဦးဟာ စစ်ကောင်စီတပ်ထုတ် MA အမျိုးအစား ခြေမှုန်းရေးရိုင်ဖယ် သေနတ် နှစ်လက် ယူဆောင်လာတာကြောင့် ဆုကြေးငွေတွေလည်း ပေးအပ်ခဲ့တယ်လို့ ဖော်ပြပါတယ်။

ဒီထုတ်ပြန်ချက်နဲ့ ပတ်သက်လို့ စစ်ကောင်စီဘက်က တစ်စုံတစ်ရာ တုံ့ပြန်ပြောဆိုလာတာ မတွေ့ရသေးပါဘူး။

KNLA တပ်ရင်း (၉) ထံ လာရောက်ခိုလှုံခဲ့သည့် စစ်ကောင်စီတပ်ဖွဲ့ဝင်နှစ်ဦးအား ၂၀၂၅ ခုနှစ်၊ ဇန်နဝါရီလ ၆ ရက်နေ့တွင် တွေ့ရစဉ်။ (Photo: Facebook/ Karen National Union)

#စစ်မှုထမ်း #KNLA #ခိုလှုံ #လွတ်လပ်တဲ့အာရှအသံ #rfaburmese

လျှောက်မဲ့လမ်းကိုရွေးခဲ့တာလား အားလုံးဟာပုံမှန်ပါဘဲ သူ့နေရာနဲ့သူတည်ရှိမှု့တစ်ခုမတည်မြဲတဲ့တစ်ခု
သမိုင်းကိုရေးတာလား သမိုင်းကရေးတာလား ရေးတဲ့သမိုင်းမှာ ရှင်သန်မှု့တစ်ခု

👉 တစ်ခုခု by Atom
👇
https://ouo.io/h3F1U7F

🖥 DAILY HIGHLIGHTS (09 JAN 2025)

1️⃣ စစ်ရေးထူးခြားသတင်းများ

⬜️ ရခိုင်
အမ်း-ပဒါန်းလမ်းပေါ်ရှိ အမ်း ရိုးမဘက်ခြမ်းမှ စစ်ကောင်စီစခန်းအားလုံးကို AA သိမ်းပိုက်ထိန်းချုပ် – AT

⬜️ မကွေး
ချင်း-မကွေးနယ်စပ်မှ ထီးလင်းမြိုကို NUG တပ်များ ထိုးစစ်ဆင်နေ – MN

⬜️ ချင်း
မြိုသိမ်းတိုက်ပွဲပြင်းထန်နေ၍ ဖလမ်းမြိုအဝင်လမ်းများကိုချင်းတပ်ဖွဲယာယီပိတ် – MZM

•
2️⃣ နိုင်ငံခြားရေးထူးခြားသတင်းများ

⬜️ အမေရိကန်
MyTel ကို အမေရိကန်ဒဏ်ခတ်ပိတ်ဆို့ – TI

⬜️ ဂျပန်ယာကူဇာ
မြန်မာမှ နျူကလီးယားပစ္စည်းများကို လက်နက်ဝယ်ယူပေးရန် မှောင်ခိုကူးခဲ့ဟု ဂျပန် ယာကူဇာ ဝန်ခံထွက်ဆို – DVB
•
3️⃣စီးပွားရေးထူးခြားသတင်းများ

⬜️ ဒေါ်လာဈေး
ဒေါ်လာနှင့်ရွှေဈေး တက်ရိပ်ပြ – DVB
•
4️⃣ ကျားဖြန့်

⬜️ တရုတ်မော်ဒယ်
တရုတ်မော်ဒယ် ထပ်မံပျောက်ဆုံးမှု ထိုင်းရဲ အပူတပြင်းစုံစမ်း – TI
•
5️⃣ စစ်ကောင်စီ ရာထူးအပြောင်းအရွှေ့

⬜️ ဗဟိုအကြံပေး
စစ်ကောင်စီ ဗဟိုအကြံပေး အဖွဲ့ဝင် ဦးစိုင်းလုံးဆိုင်ကို အနားပေး – BBC
•
6️⃣ အခြားထူးခြားသတင်းများ

⬜️ စစ်သုံ့ပန်းမိသားစု
ရခိုင်တွင် စစ်သုံ့ပန်းအဖြစ် ဖမ်းဆီးခံထားရသည့် ဗိုလ်မှူးချုပ် ၃ ဦး၏ မိသားစုဝင်များ စစ်တပ်ထံမှ လစာထုတ်ယူခွင့်မရရှိတော့သည့်အပြင် စစ်တပ်က ပေးထားသည့် အရာရှိအိမ်ရာများမှလည်း ဖယ်ရှားပေးရတော့မည် – KT

⬜️ တစ်သက်တစ်ကျွန်း
ထောင်တစ်သက်ကနေ ၁၅ နှစ်လျှော့လိုက်တဲ့သူတွေထဲ ဒါရိုက်တာရှင်ဒေဝီ ပါဝင် – RFA

#RangoonScoutNetwork

တစ်ခုခု

အဖြူ အမဲ ဆေးချယ်ထားတဲ့ ဘဝတစ်ခု ပန်းချီကားတစ်ချပ် အိမ်မက်တစ်ကောင်
မျှော်လင့်ချက်အပိုင်းစတစ်ခု မမျှော်လင့်တော့တဲ့မျှော်လင့်ချက်တစ်ခု

👉 တစ်ခုခု by Atom
👇
https://ouo.io/tHfNo1

စစ်တပ်ပိုင် MyTel ကို အမေရိကန် အရေးယူပိတ်ဆို့
-----------------------

MyTel သည် လူ့အခွင့်အရေး နှင့် အကြမ်းဖက်မှုများ ဆက်တိုက်ကျူးလွန်နေသော စစ်ကောင်စီကို ဘဏ္ဍာငွေနှင့် ထောက်လှမ်းစောင့်ကြည့်ရေး ဝန်ဆောင်မှုများ အကူအညီပေးခြင်း၊ စစ်ကောင်စီကို ဆန့်ကျင်တော်လှန်နေသူများကို ပစ်မှတ်ထားခြေရာခံကာ ဖိနှိပ်မှုများတွင် ပါဝင်သက်ခြင်းတို့ကြောင့် အမေရိကန် စက်မှုကုန်ထုတ် လုပ်ငန်းနှင့် လုံခြုံရေးဌာနက ပိတ်ဆို့ခြင်းဖြစ်သည်။

ပုံစာ-အာဏာမသိမ်းမီ ၂၀၂၁ ဇန်နဝါရီလကုန်ပိုင်းက စစ်တပ် ထောက်ခံကြောင်းဆန္ဒပြပွဲများတွင် ပါဝင်သူများကို ရန်ကုန်မြို့ရှိ Mytel ရုံးချုပ်ရှေ့တွင် တွေ့ရစဉ်။ (ဓာတ်ပုံ − EPA)

အပြည့်အစုံဖတ်ရန် > https://myanmar-now.org/mm/news/60284/

Myanmar Now ၏ နေ့စဉ် သတင်းလွှာကို အခမဲ့ စာရင်းသွင်းရန် > https://myanmar-now.org/mm/newsletter/

"နောက်လာမည့် ရက်သတ္တပါတ် ၁ ပါတ်အတွင်း ပြည်နယ်တိုင်းများအလိုက် ဖြစ်နိုင်မည့် အမြင့်ဆုံးအပူချိန်-အနိမ့်ဆုံးအပူချိန်များ"
ဇန်နဝါရီလ ၉ ရက် - နေ့လည် ၁ နာရီ
====

အနိမ့်ဆုံးအပူချိန်(ညအပူချိန်)များသည် နံနက်အစောပိုင်း ၆ နာရီ ခန့်တွင် အပူချိန်အကျဆုံး(အအေးဆုံး)ဖြစ်ပြီး အမြင့်ဆုံးအပူချိန်(နေ့အပူချိန်)များသည် မွန်းလွဲ ၂ နာရီဝန်းကျင်တွင် အပူချိန်အမြင့်ဆုံး(အပူဆုံး)ဖြစ်ကြောင်းတွေ့ရပါတယ်။

ယနေ့ ဇန်နဝါရီ ၉ ရက် မှ ဇန်နဝါရီ ၁၅ ရက်အထိ ချင်းပြည်နယ်၊ ကချင်ပြည်နယ်၊ ရှမ်းပြည်နယ်၊ ကယားပြည်နယ်နှင့် ကရင်ပြည်နယ်မြောက်ပိုင်းဒေသများမှအပ ကျန်ပြည်နယ်တိုင်းဒေသအားလုံးတွင် နေ့အပူချိန်များသည် ၃၀ °C အထက်ဆက်လက်ရှိနေမှာဖြစ်ပြီး -
ည အပူချိန်များသည် ကရင်ပြည်နယ်တောင်ပိုင်း၊ မွန်ပြည်နယ်တောင်ပိုင်းနှင့် တနင်္သာရီတိုင်းဒေသများမှအပ ကျန်ပြည်နယ်တိုင်းဒေသအားလုံးတွင် ၂၀ °C အောက်သို့ ကျဆင်းပြီး အအေးပိုလာနိုင်ပါသည်။

⚠️ အထူးသတိပြုရန် ⚠️
နံနက်အစောပိုင်းအေးနေသော်လည်း နေ့လည်ပိုင်းတွင် ပူပြင်းခြောက်သွေ့သည့် ရာသီဥတုအခြေအနေက -
🔸 မီးလောင်ခြင်းကို အားပေးနေသည့်အတွက်လည်းကောင်း၊
🔸 မီးလောင်သည့်အချိန် မီးဧရိယာကျယ်ပြန့်လျှင် ပြင်ပမှတိုးဝင်လာသည့် အားပြင်းသောလေပြင်းများကြောင့်လည်းကောင်း "မီးလောင်ရာ လေပင့်"သည့်အခြေအနေဖြစ်နိုင်တာကြောင့် မီးဘေးအန္တရာယ်ကို အထူးသတိထားကြရမှာဖြစ်ပါတယ်။

အခုတော့ မလွမ်းတော့ပါချယ်ရီ
မဆွေးတော့ပါချယ်ရီ
နေမဝင်တိုင်းပြည်ရဲ့ တောင်တန်းနေရာမှာ
နွေဦးရောက်လာတိုင်း လှပစွာပွင့်လန်းတော့ပါ
ကိုယ်ကတော့ ကြယ်တွေကြေကျနေတဲ့
ဟောဒီတိုင်းပြည်ကြီးမှာ
မတရားမှုတွေကိုတော်လှန်နေရင်း
အခွင့်သာမှ မင်းရှိရာတိုင်းပြည်သို့
အချစ်များစွာနဲ့ ကိုယ်ပြန်လာပါ့မယ်
ချစ်သောချယ်ရီ

APM(4.3.2024)

👉 ချစ်သောချယ်ရီ by AM
👇
https://ouo.io/Yg329f

(၂၅) နှစ်ပြည့် အထိမ်းအမှတ် အမျိုးသမီးများအဖွဲ့ချုပ် (မြန်မာနိုင်ငံ) ၏ နိုင်ငံရေး ရပ်တည်ချက်ကြေညာစာတမ်း

မိမိတို့ အမျိုးသမီးများအဖွဲ့ချုပ် (မြန်မာနိုင်ငံ) သည် အမျိုးသမီးများ ဖွံ့ဖြိုးတိုးတက်ရေး၊ လူ့အခွင့်အရေး၊ ဒီမိုကရေစီ၊ ငြိမ်းချမ်းရေး၊ တရားမျှတမှု စသည့် တူညီသော ရည်မှန်းချက်များနှင့် မြန်မာနိုင်ငံမှ သမိုင်းကြောင်း နောက်ခံကွဲပြားသော တိုင်းရင်းသူအမျိုးသမီးများ စုပေါင်းဖွဲ့စည်းထားသည့် အမျိုးသမီးနိုင်ငံရေးအဖွဲ့အစည်း ဖြစ်သည်။ မြန်မာနိုင်ငံတွင် နိုင်ငံသားတိုင်း အခြေခံလူ့အခွင့်အရေးကို ခံစားရပြီး တိုင်းရင်းသား တန်းတူရေးနှင့် ကျား-မတန်းတူညီမျှမှုကို အာမခံချက်ပေးသည့် စစ်မှန်သော ဖက်ဒရယ်ဒီမိုကရေစီ တည်ထောင်နိုင်မှသာ စစ်မှန်သော ငြိမ်းချမ်းရေး ရရှိနိုင်မည်ဟု မိမိတို့အနေဖြင့် ယုံကြည်သည်။

လွန်ခဲ့သော (၂၅)နှစ်တာကာလအတွင်း အဖွဲ့ချုပ်အနေဖြင့် မိမိတို့၏ နိုင်ငံရေးရည်မှန်းချက်များ အတိုင်းတစိုက်မတ်မတ် လုပ်ဆောင်ခဲ့ပြီး စည်းရုံးလှုံ့ဆော်မှုများ ပြုလုပ်ခဲ့သည့်အပြင် ပြည်ထောင်စုအဆင့်နှင့် ပြည်နယ်အဆင့် ဖွဲ့စည်းပုံအခြေခံ ဥပဒေများရေးဆွဲရေး လုပ်ငန်းစဉ်များတွင်လည်း ပါဝင်ဆောင်ရွက်ခဲ့သည်။ အဖွဲ့ ချုပ်၏ ကိုယ်စားလှယ်များသည် ပြည်ထောင်စု မြန်မာနိုင်ငံ ဖက်ဒရယ် ဖွဲ့စည်းပုံအခြေခံ ဥပဒေရေးဆွဲရေးနှင့် ညှိနှိုင်းရေးကော်မတီ (FCDCC) တွင် ပါဝင်ခဲ့သည်။ ထိုနည်းတူ တော်လှန်ရေးနယ်မြေများတွင် ကျင်းပသော တိုင်းရင်းသား လက်နက်ကိုင် တော်လှန်ရေးအဖွဲ့အစည်းများ (EROs) ၏ ထိပ်သီးဆွေးနွေးပွဲများကို တက်ရောက် ခဲ့ပြီး ပြည်တွင်းတွင် ကျင်းပသည့် ပြည်ထောင်စုငြိမ်းချမ်းရေးညီလာခံ (UPC) ကိုလည်း ပါဝင်တက်ရောက် ခဲ့သည်။

စစ်ပွဲများအတွင်း လိင်ပိုင်းဆိုင်ရာ အကြမ်းဖက်မှု အပါအဝင် စစ်ရာဇဝတ်မှုများနှင့် လူသားမျိုးနွယ်ကို ဆန့်ကျင်သည့် ရာဇဝတ်မှုများကို ကျူးလွန်ပြီး ပြစ်ဒဏ်မှ ကင်းလွတ်နေသော စစ်အာဏာရှင်များကို နိုင်ငံတကာ ရာဇဝတ်မှုခုံရုံးတွင် တရားစွဲဆို အပြစ်ပေး အရေးယူနိုင်ရန်အတွက်လည်း မိမိတို့ အဖွဲ့ချုပ်အနေဖြင့် ကုလသမဂ္ဂ လုံခြုံရေးကောင်စီနှင့် နိုင်ငံတကာအသိုင်းအဝိုင်းကို တင်ပြတောင်းဆို၍ စဉ်ဆက်မပြတ် စည်းရုံးလှုံ့ဆော်ခဲ့သည်။ အမျိုးသမီးနိုဘယ်လ်ဆုရှင်များအဖွဲ့ (NWI) နှင့် ပူးပေါင်း၍ သဏ္ဍန်တူနိုင်ငံတကာခုံရုံးကို အမေရိကန်နိုင်ငံ၊ နယူးယောက်မြို့တွင် ကျင်းပပြုလုပ်၍ မြန်မာနိုင်ငံမှ အမျိုးသမီးများအပေါ် ရာဇဝတ်မှုကျူးလွန်ရာတွင် တာဝန်ရှိသူစစ်ခေါင်းဆောင်အား အပြည်ပြည်ဆိုင်ရာ ရာဇဝတ်မှုတရားရုံးသို့ ပို့ဆောင်ရန် တိုက်တွန်းခဲ့သည်။

Political Declaration to commemorate the 25th Anniversary of the Women’s League of Burma (WLB)

The Women’s League of Burma is a political organization formed by women from different ethnicities and diverse political backgrounds in Burma. We work towards shared goals of the advancement of the status of women, human rights, democracy, peace, justice and establishing a federal democratic union.

We believe that genuine peace is possible only when we establish a genuine federal democracy, in which every citizen enjoys basic human rights, and in which ethnic and gender equality are both guaranteed.

For 25 years, we have worked for our prescribed goals and advocated steadfastly for change in Burma. As a women’s political organization, we have participated in constitution drafting processes at both Union and state levels. As such, WLB prominently represented women’s voices in the Federal Constitution Drafting and Coordinating Committee (FCDCC). Furthermore, our representatives have attended the high-level summits of the Ethnic Resistance Organizations (EROs) that were held in the liberated area and also participated in the Union Peace Conferences (UPC) that was held inside the country

With regards to the civil war and armed conflicts in Burma, including the Burma military’s use of sexual violence, and all the War Crimes and Crimes Against Humanity, committed by the Burma military, we have consistently advocated for justice and accountability. WLB has urged international communities, including the United Nations Security Council, to hold military leaders accountable at the International Criminal Court (ICC). In collaboration with the Nobel Women’s Initiative (NWI) in 2010, we conducted the mock International Tribunal in New York City, USA and demand the referral of the military dictator to ICC for his responsibility for crimes against women and the people of Burma.

Full PDF - https://www.womenofburma.org/press-release/political-declaration-commemorate-25th-anniversary-womens-league-burma-wlb-0

တရုတ်ဒရုန်းတွေကို စစ်ကောင်စီ ကျယ်ကျယ်ပြန့်ပြန့် အသုံးပြုလာ
~~~
■ စစ်ကောင်စီတပ်တွေဟာ တရုတ်နိုင်ငံထုတ် ဒရုန်းတွေကို တိုက်ပွဲတွေမှာ ကျယ်ကျယ်ပြန့်ပြန့် အသုံးပြုလာနေတယ်လို့ တော်လှန်ရေး အင်အားစုတွေက ပြောပါတယ်။ ပြီးခဲ့တဲ့ စက်တင်ဘာ ၄ ရက်နေ့ကလည်း စစ်ကိုင်းတိုင်း၊ အရာတော်မြို့နယ်အတွင်း စစ်ကောင်စီတပ်ရဲ့ တရုတ်ထုတ် နည်းပညာမြင့် ထောက်လှမ်းရေးဒရုန်း တစ်စင်း ပျက်ကျခဲ့ပြီး တော်လှန်ရေး အင်အားစုတွေလက်ထဲ ရောက်ရှိခဲ့ပါတယ်။ ဒီအကြောင်းကို RFA ဝိုင်းတော်သူ မခက်မာ တင်ပြပါလိမ့်မယ်။

#တရုတ် #ဒရုန်း #စစ်ကောင်စီ #တိုက်ပွဲများ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

မတ္တရာအနောက်ခြမ်းရွာတချို့ကို MDY-PDF ပြန်တိုက်ယူ
--------------------------

စစ်ကောင်စီက ကြည်း၊ရေ၊ လေ သုံးကာ ရယူခဲ့သော မတ္တရာအနောက်ခြမ်းမှ ကျေးရွာတချို့ကို MDY- PDF နှင့် ပူးပေါင်းတပ်များက ပြန်တိုက်ယူခဲ့ပြီး သပိတ်ကျင်းနယ်တွင်မူ PLA တပ်ဖွဲ့များ အများဆုံး အခြေစိုက် သည့် တွင်းငယ်ရွာကို လက်လွှတ်လိုက်ရသည်။

ပုံစာ- ယခုနှစ် စက်တင်ဘာအတွင်း ရှေ့တန်းစစ်မြေပြင်တွင် တွေ့ရသော MDY-PDF မှ ဒေါက်တာ စိုးသူရဇော် ။ (ဓာတ်ပုံ-မိုးဦး/Myanmar Now)

အပြည့်အစုံဖတ်ရန် > https://myanmar-now.org/mm/news/59671/

Myanmar Now ၏ နေ့စဉ် သတင်းလွှာကို အခမဲ့ စာရင်းသွင်းရန် > https://myanmar-now.org/mm/newsletter/

ကျောင်းသားလူငယ်များပါ စစ်မှုထမ်းရန် စုဆောင်းခံနေရဟုဆို

9 Dec 2024 Bywar Oo/ MPA

ရန်ကုန်မြို့တွင် အခြေခံပညာကျောင်းတက်နေသည့် လူငယ်လေးများကို စစ်မှုထမ်းရန်အတွက် စစ်သားစုဆောင်းခြင်းများ ပြုလုပ်လာကြောင်း ရန်ကုန်မြို့တွင်နေထိုင်ကြသည့် မြို့ခံများက ပြောသည်။

ပြည်သူ့စစ်မှုထမ်းဥပဒေပြဌာန်းချက်တွင် ပညာသင်ကြားနေသူများအနေဖြင့် စစ်မှုထမ်းဆောင်ရန် တာဝန်မှ ယာယီရွှေ့ဆိုင်းနိုင်သည်ဟု ထည့်သွင်းဖော်ပြထားသော်လည်း မြေပြင်တွင် စစ်သားစုဆောင်းရေးထဲထည့်ရန် ကြိုးစားနေကြခြင်းဖြစ်သည်။

Youtube တွင် ကြည့်ရှုရန် >>> https://youtu.be/HvFvQDfejvY

ကိုယ်ရေးအချက်အလက်မှားယွင်းမှုများကြောင့် စမတ်ကတ်လုပ်သူများအခက်တွေ့နေ

9 Dec 2024 By Bywar Oo / MPA

မှတ်ပုံတင်စမတ်ကတ်ပြုလုပ်ရာတွင် ကိုယ်ရေးအချက်အလက်မှားယွင်းမှု များစွာဖြစ်ပေါ်လာခြင်းကြောင့် စမတ်ကတ်လုပ်သူများ အခက်တွေ့နေရကြောင်း ကိုယ်တိုင်ကြုံတွေ့ခဲ့ရသူများထံမှ သိရသည်။

မူလထုတ်ပေးထားသည့် နိုင်ငံသားစိစစ်ရေးမှတ်ပုံတင်ကတ်ပြားပေါ်ရှိ မိဘအမည်၊ လူမျိုး၊ မွေးနေ့သက္ကရာဇ်၊ အလုပ်အကိုင်ဖော်ပြချက်များနှင့် လဝက၏ ဆာဗာ၊ စာရင်းစာအုပ်များတွင်ထည့်ထားသော အချက်အလက်များကွဲလွဲနေခြင်းဖြစ်သည်။

Youtube တွင် ကြည့်ရှုရန် >>> https://youtu.be/xhbdCbWVUhc

မတ္တရာက ရွာတချို့ကို မန္တလေး ပြည်သူ့ကာကွယ်ရေးတပ်မတော် ပြန်ထိန်းချုပ်
~~~
■ မန္တလေးတိုင်း၊ မတ္တရာမြို့နယ် အနောက်ဘက်အခြမ်းက ရွာသစ်၊ ဝန်စုနဲ့ ထိန်ပင်စောက်ရွာတွေကို ပြန်ထိန်းချုပ်နိုင်ပြီလို့ ပြည်သူ့ကာကွယ်ရေးတပ်မတော် - မန္တလေး (MDY-PDF) က ဒီဇင်ဘာလ ၉ ရက် ဒီနေ့ထုတ်ပြန်ပါတယ်။

စစ်ကောင်စီတပ် ထိန်းချုပ်ထားတဲ့ အဲဒီရွာတွေကို ပြီးခဲ့တဲ့ ဒီဇင်ဘာလ ၆ ရက်နေ့ကစလို့ ပြည်သူ့ကာကွယ်ရေးတပ်မတော် - မန္တလေးက ပြန်ထိုးစစ်ဆင်တိုက်ခိုက်ခဲ့တာလို့ ဆိုပါတယ်။

တိုက်ပွဲအတွင်းမှာ စစ်ကောင်စီတပ်ဘက်က လက်နက်ခဲယမ်းတွေ သိမ်းဆည်းနိုင်ခဲ့တယ်လို့ ဆိုပေမဲ့ အသေးစိတ်ကိုတော့ ထုတ်ပြန်ထားတာ မရှိသေးပါဘူး။

မတ္တရာမြို့နယ် အရှေ့ဘက်အခြမ်းမှာလည်း ဒီရက်ပိုင်းတိုက်ပွဲဖြစ်ပြီး မြို့ကုန်းရွာတိုက်ပွဲမှာ စစ်ကောင်စီတပ်သား ခုနစ်ဦး သေဆုံးပြီး တစ်ဦး ဖမ်းဆီးထားတယ်လို့ ပြည်သူ့ကာကွယ်ရေးတပ်မတော် - မန္တလေးက ပြောထားပါတယ်။

ဒီဇင်ဘာလ ၈ ရက် မနေ့က မတ္တရာမြို့နယ်အနောက်ခြမ်း ဧရာဝတီမြစ်ဘေးက ပိုဝ (မြောက်) ရွာ နဲ့ ဆင်ကုန်းရွာကို စစ်ကောင်စီတပ်က စီးနင်းမီးရှို့သွားတယ်လို့ ဒေသခံတွေက RFA ကို ဒီနေ့ ပြောပါတယ်။

တစ်နေကုန်နီးပါး မီးရှို့ခဲ့တာဖြစ်ပြီး မီးလောင်ဆုံးရှုံးတဲ့ နေအိမ်အရေအတွက် အတိအကျကိုတော့ မသိရသေးဘူးလို့ လုံခြုံရေးအရ အမည်မဖော်လိုတဲ့ မတ္တရာ ဒေသခံ တစ်ဦးက RFA ကို ပြောပါတယ်။

"ပိုဝ (မြောက်) ရွာနဲ့ ဆင်ကုန်းရွာ ရှို့တာ။ မနေ့က တောင်ပေါ်လာတက်ကြည့်တာ ပိုဝ (မြောက်) ရွာ နဲ့ ဆင်ကုန်းရွာရှို့တာ။ မနေ့ကတော့ တစ်နေကုန် ရှို့နေတာပဲ။ ညနေခင်းအထိလည်း ရှို့တုန်းရှိသေး"

ပိုဝ (မြောက်) ရွာနဲ့ ဆင်ကုန်းရွာတွေဟာ နေအိမ် ၃၀၀ ကျော်ခန့်ရှိကြပြီး အဲဒီရွာတွေကို စစ်ကောင်စီတပ်က စစ်ကြောင်းထိုး မီးရှို့တာ နှစ်ကြိမ်ထက်မနည်း ရှိခဲ့တယ်လို့ ဆိုပါတယ်။

မတ္တရာမြို့နယ် အနောက်ဘက်ခြမ်းကို စစ်ကောင်စီတပ် ထိန်းချုပ်ထားပြီး ရွာတွေမှာ နေရာယူတပ်စွဲနေတာကြောင့် ဒေသခံတွေ ထွက်ပြေးတိမ်းရှောင်နေရတယ်လို့ မတ္တရာမြို့နယ်က စစ်ရေးအခြေအနေကိုစောင့်ကြည့် သတင်းဖော်ပြနေတဲ့ Wetlet Informational Network အဖွဲ့ တာဝန်ရှိသူ တစ်ဦးက RFA ကို ပြောပါတယ်။

"မနေ့က ပိုဝ (မြောက်) နဲ့ ဆင်ကုန်းကို ခုနစ်နေရာလောက် ခွဲရှို့တာ။ ဒီကနေ အမြင်အရကို နှစ်ရွာလုံးနီးပါးတော့ တော်တော်များတယ်။ ဒီရွာတွေက အရင်ကလည်း ခဏခဏ မီးရှို့ခံရတာ။ အခုဆိုရင် အနောက်ခြမ်း တစ်ခြမ်းလုံး စကစက စစ်ကြောင်းထိုးတာ။ အရင်ကတော့ တစ်ရွာဝင်လိုက် တစ်ရွာထွက်လိုက် လုပ်တာ။ ခုက တစ်ရွာဝင်ပြီးရင် အဲ့ရွာမှာ အထိုင်ထပ်ချတယ်။ လက်နက်ကြီးနဲ့လည်း လှမ်းလှမ်းထုတယ်။ မတ္တရာမြို့နယ် အနောက်ခြမ်း ပြည်သူတွေက အကုန်လုံး ထွက်ပြေးနေရတာ"

ဒီအခြေအနေနဲ့ ပတ်သက်လို့ တုံ့ပြန်ချက်ရဖို့ စစ်ကောင်စီရဲ့ မန္တလေးတိုင်း ပြောခွင့်ရသူ တိုင်းစီးပွားရေးဝန်ကြီး ဦးသိန်းဌေးကို RFA က တယ်လီဖုန်းနဲ့ ဆက်သွယ်ပေမဲ့ လက်ခံဖြေကြားတာ မရှိပါဘူး။

မတ္တရာမြို့နယ်ထဲက MDY-PDF ထိန်းချုပ်ရာ ဝန်စုနဲ့ ရွာသစ်ရွာ အပါအဝင် ရွာပေါင်း ၁၅ ရွာခန့်ကို ပြီးခဲ့တဲ့ စက်တင်ဘာလထဲက စစ်ကောင်စီတပ်က စစ်ကြောင်းထိုးပြီး ရွာတွေကို စီးနင်းမီးရှို့တာကြောင့် ဒေသခံတစ်သောင်းကျော် နေရပ်စွန့်ခွာ ထွက်ပြေးခဲ့ရပါတယ်။
_________

မန္တလေးတိုင်း၊ မတ္တရာမြို့နယ် ပိုဝ (မြောက်) ရွာနဲ့ ဆင်ကုန်းရွာအား စစ်ကောင်စီတပ်က မီးရှို့ခဲ့သည်ကို ၂၀၂၄ ခုနှစ်၊ ဒီဇင်ဘာလ ၈ ရက်နေ့က တွေ့ရစဥ်။ (ရောင်နီနွေဦး ဓာတ်ပုံ)

#မန္တလေးတိုင်း #PDF #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

ထိုင်းစစ်တပ်နဲ့ ရန်သူမဟုတ်ကြောင်း “ဝ”တပ်ဖွဲ့ပြော
~~~
■ “ဝ” ပြည်သွေးစည်းညီညွတ်ရေးတပ်မတော် (UWSA) ဟာ ထိုင်းစစ်တပ်နဲ့ ရန်သူတွေမဟုတ်ကြောင်း “၀” တပ်ဖွဲ့ ပြင်ပ ဆက်ဆံရေးဌာနက ဒီဇင်ဘာလ ၇ ရက်နေ့က တရုတ်ဘာသာနဲ့ ထုတ်ပြန်ချက်မှာ ဖော်ပြပါတယ်။

ငြိမ်းချမ်းရေးကို လိုလားတဲ့ “၀” တပ်ဖွဲ့အနေနဲ့ ထိုင်းစစ်တပ်ကို တိုက်ခိုက်မယ်ဆိုတာ မဟုတ်မှန်ဘဲ စစ်ပွဲကို ဖန်တီးတဲ့ ကောလာဟလတွေကို “၀” တပ်ဖွဲ့အနေနဲ့ ပြင်းပြင်းထန်ထန် ကန့်ကွက်တယ်လို့လည်း ထုတ်ပြန်ချက်မှာ ဖော်ပြပါတယ်။

“၀” တပ်ဖွဲ့ ပြင်ပ ဆက်ဆံရေးဌာန တာဝန်ရှိသူတစ်ဦးကလည်း ဒီထုတ်ပြန်ချက်မှာ ပါတဲ့ “၀” တပ်ဖွဲ့ရဲ့ ပြောဆို ချက်တွေဟာ မှန်တယ်လို့ RFA ကို ဒီဇင်ဘာလ ၈ ရက်မနေ့က အတည်ပြုပြောပါတယ်။

ရှမ်းပြည်နယ် အရှေ့ပိုင်း မြန်မာ-ထိုင်း နယ်စပ်မှာရှိတဲ့ တာချီလိတ်၊ မိုင်းဆတ်၊ မိုင်းတုံ၊ ဟွေအော်နဲ့ ပုံပါကျင် ဒေသအတွင်း မြို့နယ်တွေကို “ဝ” တောင်ပိုင်း ၁၇၁ စစ်ဒေသလို့ UWSA “ဝ” တပ်ဖွဲ့က သတ်မှတ်ထားတာပါ။

ထိုင်းနဲ့ မြန်မာနိုင်ငံကြား နယ်မြေအငြင်းပွားမှု ပြဿနာတွေရှိနေတဲ့ ထိုင်းနိုင်ငံ မယ်ဟောင်ဆောင်ခရိုင် နယ်စပ်က UWSA “ဝ” တပ်ဖွဲ့ ရဲ့ ၁၇၁ စစ်ဒေသတပ်စခန်း ကိုးခုကို ပြန်ဆုတ်ပေးဖို့ ထိုင်းတော်ဝင် စစ်တပ်အရာရှိတွေနဲ့ UWSA ထိပ်ပိုင်း ခေါင်းဆောင်တွေကြား ပြီးခဲ့တဲ့ နိုဝင်ဘာလ ၁၈ ရက်နေ့နဲ့ ၁၉ ရက်နေ့ က ထိုင်းနိုင်ငံ ချင်းမိုင် မြို့မှာ တွေ့ဆုံခဲ့ချိန်မှာ ထိုင်းဘက်က တောင်းဆိုထားပါတယ်။

ဒီလို တောင်းဆိုပြီးနောက် ထိုင်းစစ်တပ်က အဲဒီဒေသတွေကို စစ်အင်အားဖြည့်နေတာကြောင့် “၀” တပ်ဖွဲ့နဲ့ ထိုင်းစစ်တပ်ကြား စစ်ရေးတင်းမာခဲ့ပါတယ်။

နယ်စပ်တင်းမာမှု အခြေအနေတွေနဲ့ ပတ်သက်ပြီး ထိုင်းအမျိုးသားလုံခြုံရေး၊ နယ်စပ်ရေးရာနဲ့ အမျိုးသားအဆင့် မဟာဗျူဟာ ပြုပြင်ပြောင်းလဲရေးကော်မတီက လာမဲ့ ဒီဇင်ဘာ ၁၃ ရက်နေ့မှာ ဆွေးနွေးဖို့ စီစဉ်နေကြောင်း ထိုင်းအခြေစိုက် သတင်းတွေမှာ အခုရက်ပိုင်း ဖော်ပြထားပါတယ်။
_________

"ဝ" ပြည် သွေးစည်းညီညွတ်ရေးတပ်မတော်မှ တပ်ဖွဲ့ဝင်များကို ၂၀၁၉ ခုနှစ် ဧပြီလ ၁၇ ရက်နေ့က ပန်ဆန်းမြို့တွင် ပြုလုပ်သည့် စစ်ရေးပြ ချီတက်ပွဲတစ်ခုတွင် တွေ့ရစဉ်။ (Photo: RFA)

#ထိုင်းစစ်တပ် #UWSA #လွတ်လပ်တဲ့အာရှအသံ #rfaburmese
RFA Burmese Website တွင် ဖတ်ရှုရန်…

ပန်းဘဲတန်းမြို့နယ် တိုင်းလွှတ်တော်ကိုယ်စားလှယ်
ဦးသန်းနိုင်ဦး ဘယ်ရောက်နေပီလဲ ?

ကိုသန်းနိုင်ဦး နဲ့က ရင်းနှီးခဲ့တာကြာပီ ၈၈ မျိုးဆက် တဖြစ်လဲ ကဗျာဆရာ နေတာက စမ်းချောင်းမှာနေတယ် ။ ပထမဆုံးပြောပြချင်တာက ရွေးကောက်ပွဲကာလ က သူ့အိမ်မက်က ၀န်ကြီး သို့မဟုတ် ဒု၀န်ကြီး တနေရရာရာလောက်တော့ ရနိုင်တယ်လို့ သူ့ကိုယ်သူမှန်းဆထားကြောင်း ကျနော့်ကိုထုတ်ပြောဖူးသူ ။ တော်လှန်ရေးအစ နေ့ရက်တွေမှာ သူလဲ ဒေါ်စိုးပပ လိုပဲမြို့နယ်ထဲမတွေ့ရဘူး ဒါပေမဲ့ ကဗျာဆရာတစ်ယောက် ဖြစ်နေတော့ ကဗျာဆရာများသမဂ္ဂသပိတ် စစ်ကြောင်းမှာ သွားပူးပေါင်းပါနေတာတွေ့ရတယ် ။ အဲ့အချိန်ထိ လေးစားစိတ်မလျော့သေးဘူး နောက်ပိုင်း လွှတ်တော်ကိုယ်စားလှယ် အားလုံးနီးပါး ၅၀၅ ပုဒ်မတွေထုတ်ခံရချိန် ရန်ကုန်ထဲ ကျန်နေတဲ့ ကိုယ်စားလှယ်အချို့ စကစ ဆီ ခံ၀န်လက်မှတ်တွေထိုးကြ တချို့ အဖမ်းခံနေရချိန် သူလဲ လည်သလိုနေတယ် ။ နောက်ဆုံး သိရတာက ပြည်သူ့ပါတီက ဦးကိုကိုကြီး နဲ့ မဂ် လာတောင်ညွန့် ၂၀၂၀ မှာ NLD ကပြန်အရွေးမခံရတော့တဲ့ တိုင်းကိုယ်စားလှယ် ဦးလှဌေး တို့ရဲ့ ကူညီစောင်မ ချိတ်ဆက်ပေးမှု နဲ့ စမ်းချောင်းရဲစခန်းမှာ သွားအဖမ်းခံတယ် (တနည်းခံ၀န်သွားလုပ်ရာမှာညှိနှိုင်းပေးကြတယ်)

ဖြစ်ချင်တော့ အဲ့ကာလ က စမ်းချောင်းမြို့နယ်စခန်းမှုးက ပန်းဘဲတန်းမြို့နယ်မှာ ဒုရဲအုပ်လုပ်သွားဖူးတဲ့ အောင်အောင် ။ အဲ့တော့ အိုကေတာပေါ့ ။ ခုတော့ ကျန်းမာရေးမကောင်းဘူး ကင်ဆာရောဂါလိုလို ခံစားနေရတယ်ကြားတယ် ။ ကိုသန်းနိုင်ဦး အကြောင်း အများကြီး ပြောစရာမရှိဘူး စကစ ဆီလက်မှတ်ထိုးထားတယ် တော်လှန်ရေးထဲ မပါတော့ဘူး ။ ဒီလောက်ပဲ

Sithu Maung

ကာတွန်း

နောက်တယောက် လိုက်မယ် (ကာတွန်း-ဘီရုမာ/ဧရာဝတီ)

https://bit.ly/3ZJz1xO
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

KNDO တပ်ဖွဲ့ဝင်ကိုသတ်ခဲ့တဲ့ pdf ရဲဘော်နှစ်ဦးကို ခုံရုံးဖွဲ့စစ်မယ်

------------------------------

အသတ်ခံရသူဟာ ကရင်အမျိုးသားကာကွယ်ရေးတပ်ဖွဲ့(KNDO)ရဲ့ တပ်ဖွဲ့ဝင် အသက် ၅၄ နှစ်အရွယ် ဦးမောင်နိုင် ဆိုသူဖြစ်ပြီး ပြီးခဲ့တဲ့ နိုဝင်ဘာလ ၂၅ ရက်နေ့က အသတ်ခံခဲ့ရတာပါ။

(အပြည့်အစုံကို Website မှာ ဖတ်ရှုနိုင်ပါတယ်)

https://www.tntynews.com/?p=42222

“တော်လှန်ရေးအဖွဲ့ဆိုလည်း ပြောလို့မရဘူး။ ကျနော်တို့အနေနဲ့ ပြောရရင်တော့ တောမီးလောင် တောကြောင်လက်ခမောင်းခတ် ငွေရှာတဲ့ အဖွဲ့ပဲ”

------------------------------

ကျွန်းစုမြို့နယ်ထဲက ဒေသခံရေလုပ်ငန်းရှင်တွေနဲ့ မီးသွေးဖောင်လုပ်ငန်းရှင်တွေဆီကို ဒေါင်းနက် Black Peacock (စစ်ခွေးလက်ပါးစေသုတ်သင်ရေးအဖွဲ့) လို့ အမည်ပေးထားတဲ့အဖွဲ့တစ်ဖွဲ့ကနေ ခြိမ်းခြောက်စာပို့ပြီး ငွေတောင်းတာတွေ အခုနှစ် ဩဂုတ်လလောက်ကစပြီး ပြုလုပ်လာတာ ရှိနေပါတယ်။

ဒါကြောင့် ခြိမ်းခြောက်စာပို့တဲ့ လုပ်ရပ်အပေါ် ဒေသခံ၊ လုပ်ငန်းရှင်တွေက ဘယ်လိုသဘောထားရှိနေပါသလဲ။ ဒေသအခြေစိုက်ကျွန်းစုမြို့နယ်ပြည်သူ့ကာကွယ်ရေးအဖွဲ့ရဲ့တာဝန်ရှိသူတွေကကော ဘာတွေ လုပ်ဆောင်နေတာ ရှိနေသလဲဆိုတာကို တနင်္သာရီတိုင်းမ်က မေးမြန်းကာ “တောင်ပိုင်းသားတို့ အသံ” ကဏ္ဍကနေ ဖော်ပြလိုက်ပါတယ်။

(အပြည့်အစုံကို Website မှာ ဖတ်ရှုနိုင်ပါတယ်)

https://www.tntynews.com/?p=42251

2024 May 21 က ရေးတင်ခဲ့သောစာလေးပြန်လည်ဝေမျှလိုက်ပါတယ်

https://t.me/msi22222/132135

ပန်းဘဲတန်း အမတ်တွေ ဘယ်ရောက်ကုန်ပီလဲ ?

ဒေါ်စိုးပပ နဲ့ ဦးသန်းနိုင်ဦး

ဒေါ်စိုးပပ အကြောင်းအရင်ပြောမယ်
တော်လှန်ရေးအစ နေ့ရက်တွေမှာ ဆန္ဒပြသူတွေကို ရေသန့်ဘူးဝေသလိုလို ဆေးအကူပဲလုပ်ပေးသလိုလို နဲ့ လူလုံးထွက်မပြ ဆန္ဒပြပွဲတွေ မြို့နယ်လူထုနဲ့ စီစဥ်ရာမှာ သူမပါခဲ့ဘူး ။ မြို့နယ် လူထုက ချီတက်ဆန္ဒပြရာမှာ ကိုယ့်မြို့နယ်က ရွေးကောက်ခံကိုယ်စားလှယ်နဲ့ အတူတူ တိုက်ပွဲ၀င်ချင်တာတောင် မပါခဲ့ဘူး ။ အဖမ်းမခံရအောင် နေနေတာလို့ မပြောနဲ့ အကြောင်းမပြနဲ့ အဲ့အချိန်က လူကြားထဲ လူအုပ်ထဲ ၀င်ဆွဲရဲတဲ့ အခြေအနေ မရှိသေးဘူး ။

နောက် သိပ်မကြာဘူး လပိုင်းလောက်မှာ မဲဆောက်ကိုထွက်တယ် UNHCR တင်တယ် ဒုက္ခသယ်ခံယူတယ် IOM က ပေးတဲ့ ဟိုတယ်မှာ နေစရိတ်စားစရိတ်ငြိမ်း နဲ့ Zoom Meeting လေးတွေမှာ တော်ကီဖုတ်တယ် ။ ခုတော့ အမေရိကားရောက်သွားပီ ။ အရင် ၅ နှစ်သတ်တမ်းကလဲ မြို့နယ်သိပ်မဆင်းလို့ မြို့လူထုက ဝေဖန်တော့ ကျမက တိုင်းလွှတ်တော်မှာ ကော်မတီ ၄ ခုမှာတာ၀န်ယူရတာမအားကြောင်း အလုပ်များကြောင်းတွေပြတယ်။ ဗဟိုနဲ့နီးစပ်တဲ့ NLD office politic မှာပဲနေခဲ့တယ် ။

NLD ထဲက လွှတ်တော်ကိုယ်စားလှယ်အချို့ဟာ ပါတီကရွေးချယ်လို့အမတ်ဖြစ်လာသူတွေလို့ ယူဆခံယူကြတာ မှန်ပါတယ် ဒါပေမဲ့ လူထုက မဲပေးခဲ့ပီဆို ပါတီကိုယ်စားလှယ် ဆိုတာထက် ပြည်သူ့ကိုယ်စားလှယ်ဖြစ်သွားပီ ။ NLD ပါတီ လွှတ်တော်ကိုယ်စားလှယ်များဟာ ပါတီရဲ့ မူ၀ါဒ တွေ နိုင်ငံရေးရည်မှန်းချက်တွေ နဲ့ ကိုယ်မဲဆွယ် ကတိပေးခဲ့တဲ့ ရွေးကောက်ပွဲကြေငြာစာတမ်းပါ အချက်တွေကို ကြေလည်ထားမယ် နားလည်ထားကြမယ်ဆိုရင် ကိုယ်လုပ်နေတဲ့ အလုပ်ဟာ ပါတီရဲ့ မူတွေ ရည်မှန်းချက်တွေနဲ့ သွေဖြည်နေလား ဆိုတာ ချင့်ချိန်ရင်း ရဲရဲ၀င့်၀င့် ပြတ်ပြတ်သားသား ပြည်သူ့မျက်နှာကိုကြည့်ပီး အလုပ်လုပ်နိုင်စွမ်းရှိသင့်ကြတယ် ။

ကျနော် ထိုင်းမြန်မာနယ်စပ် မဲဆောက်ကို ၂၀၂၁ အောက်တိုဘာလ မှာရောက်ပါတယ် မဲဆောက်ကိုမရောက်ခင် လွတ်မြောက်နယ်မြေတစ်ခုမှာ PDF ရဲဘော်တွေနဲ့ အတူ စခန်းတစ်ခုမှာနေပီး သူတို့အားလုံးနဲ့အတူ နေပီး ဇလုံကိုင်ထမင်းတန်းစီစားနေချိန် ဒေါ်စိုးပပ တစ်ယောက် မဲဆောက်က ဟိုတယ်ပေါ်မှာ နေစားစရိတ်ငြိမ်း တတိယနိုင်ငံ အမေရိကားကို တန်းစီစောင့်နေတယ် ။ မဲဆောက်ရောက်ပီး ၃ လအကြာမှာ CRPH က အစီအစဥ်နဲ့ ပြည်သူတွေ ထည့်၀င်လှူဒါန်းထားတဲ့ Gofundme အစီအစဥ်က ငွေအချို့နဲ့ မဲဆောက်ရောက် လွှတ်တော်ကိုယ်စားလှယ်တွေ အတွက် Safe House အစီအစဥ်လေးတွေ လုပ်ဖြစ်ကြချိန်အထိ ဟော်တယ်ပေါ်က အမတ်များက မိသားစုလိုက် တူ/တူမများ ချစ်သူ မယား အပေါင်းအဖော်များနဲ့ CRPH ရဲ့ Safe House အစီအစဥ်ကို မဆင်းလာကြတော့ပါဘူး ဘန်ကောက်ထွက်ဖို့နဲ လေယဥ်ပေါ်တက်ဖို့ အထုပ်တပြင်ပြင်ပေါ့ ။ မသွားကြပါနဲ့လား လို့တားမရတာ ကိုယ့်ရွေးချယ်မှုနဲ့ကိုယ်ပါ ကိုယ့်သမိုင်းပါ ။

ငါတို့ကိုနေဖို့စားဖို့စီစဥ်ပေးမလား တတိယနိုင်ငံမထွက်ဘူး လို့ မေးလာကြရင် တချိန်ချိန် CRPH က ဘာလုပ်ပေးခဲ့လဲလို့ မေးလာကြရင် နေထိုင်ဖို့အရိပ်ရယ် ကျောတခင်းစာရယ် လစဥ်စားသောက်ဖို့ ဘတ် ၃ ထောင်ရယ် (၂) နှစ်ခွဲစာ စီစဥ်ပံ့ပိုးပေးခဲ့ကြတယ် ဆိုတာ ဘယ် လွှတ်တော်ကိုယ်စားလှယ်မှ ငြင်းမယ်မထင်ဘူး ။

ပြည်သူ့ကိုယ်စားလှယ် ဆိုသူ အမတ်တွေဟာ တချိန်ချိန်ကျရင် သက်ဆိုင်ရာ မဲဆန္ဒရှင်ပြည်သူတွေရဲ့ အကဲဖြတ်မှုကို ခံရမှာအမှန်ပဲ ။ ဒီကိုယ်စားလှယ်ဟာ ငါတို့ကိုယ်စား အလုပ်တွေ လုပ်နေတယ် ဆိုတဲ့ စိတ်ခံစားချက်ကို ကိုယ့်မဲဆန္ဒရှင်ပြည်သူတွေကို ပေးနိုင်ဖို့လိုတယ် ။ Time Zone နေ့ည ပြောင်းပြန်မတူတဲ့ အမေရိကားကနေ Zoom Meeting တက်ရင်း အလုပ်တွေလုပ်ပြနေပါတယ်ဆိုပီး ဂျင်းမထည့်ဖို့ပဲလိုတာ
တော်လှန်ရေးကြီးပီးသွားလို့ တချိန်ချိန်ကြရင် ငါတို့က အမတ်တွေ ပြည်သူ့ကိုယ်စားလှယ်တွေ အတူတူပဲဆိုပီး မထင်ပါနဲ့ မတူဘူး ဖြတ်သန်းခဲ့ပုံချင်းမတူဘူး စွန့်လွှတ်အနစ်နာခံခဲ့ပုံချင်းမတူဘူး

ဒီလောက်ပါပဲ ... နောက်နေ့ ပန်းဘဲတန်းအမတ် ဦးသန်းနိုင်ဦး အကြောင်းကို ဆက်ရေးပါမယ်
Sithu Maung

တော်လှန်ရေးမှာ အမေရိကားနဲ့ သြစီကို အစောဆုံး ဒိုးပီး ကိုယ့်ကိုကိုယ် NLD ရဲ့ ခေါင်းဆောင်လို့ထင်နေတဲ့သူတွေ အဲ့နိုင်ငံတွေမှာ သာရေးနာရေးနိုင်ငံရေးလောက်လုပ်နေတဲ့ အမတ်တချို့တွေကို မေးကြည့် တော်လှန်ရေးအောင်ချင်တယ်လို့ဖြေမှာပဲ

ပြည်တွင်းက အညာဒေသက စစ်မြေပြင်က မီးကြွမ်းနေတဲ့ ဆန်ကိုစားပီး စစ်ဘေးရှောင်နေရတဲ့ ပြည်သူတွေ တော်လှန်နေသူတွေကို မေးကြည့်လဲ အောင်ချင်တယ်ဖြေမှာမလွှဲ

ဘယ်တတိယနိုင်ငံမှ မထွက်ဘဲ မြန်မာပြည်ရဲ့ နယ်စပ်မျဥ်းတွေပေါ် / မြန်မာပြည်နဲ့ ၁၅ မိနစ် နဲ့ နာရီ၀က်ပဲဝေးတဲ့နေရာမှာ နေပီး ပြည်တွင်း လွတ်မြောက်နယ်မြေတွေ သွားလာပီး ကျရာတာ၀န်တွေ လုပ်နိုင်သလောက် လုပ်နေသူတွေရဲ့ စိတ်ဆန္ဒလဲ တော်လှန်ရေး နိုင်ကိုနိုင်ရမယ် အောင်စိတ်ထားလုပ်ကြတယ် ။

တူနေသယောင်နဲ့ မတူကြတာက အောင်ချင်ပုံ အောင်ချင်နည်းလမ်းတွေပဲ ငါတို့အခန်းကဏ္ဏလေး ခပ်မြင့်မြင့် နဲ့ နိုင်ချင်နေတဲ့ အတ္တစိတ်ကိုလျော့ဖို့လိုတာ ။တော်လှန်ရေးနိုင်တယ် ပီးတယ် ဆိုတာ လက်နက်နဲ့ နိုင်သွားတာကို ဆိုလိုတာ မဟုတ်ဘူး တိုက်ပွဲတွေရပ်လိုက်တာကိုလဲ ဆိုလိုတာမဟုတ်ဘူး လူထုလိုချင်တဲ့ အပြောင်းအလဲကို ဖန်တီးယူနိုင်ခြင်း ကိုဆိုလိုတာလို့ နားလည်ထားတယ် ။ ကျနော်တို့အားလုံးမှာ ခိုင်မာတဲ့ ရည်မှန်းချက်တွေရှိပီးသားပါ ။

ကျနော့်ရဲ့ တစ်သီးပုဂ္ဂလအမြင်ပါ
Sithu Maung

ရာဇဝတ်မှုကလူ့သဘာဝတဲ့လား

နိုင်ငံရေးအရဦးဆောင်မှုနေရာယူထားကြသူတွေဟာ စကားကိုဆင်ဆင်ခြင်ခြင် သတိထားပြောဆိုကြဖို့သင့်ပါတယ်။ လွယ်လွယ်ပေါ့ပေါ့မပြောသင့်ပါဘူး။ ဘာ့ကြောင့်လဲဆိုတော့ ကိုယ်ကခေါင်းဆောင်ဖြစ်နေလို့ပါ။ ကိုယ့်ကိုလူအများက ဝိုင်းကြည့်နေကြတယ်ဆိုတာ မမေ့ပါနဲ့။ ချစ်လို့ကြည့်နေတဲ့သူတွေရှိသလို၊ မုန်းလို့ကြည့်နေတဲ့သူတွေလည်းရှိပြီး ၊ ကိုယ့်စိတ်ရင်းကိုသိချင်လို့စောင့်ကြည့်လေ့လာနေတဲ့ သူတွေပါရှိနေကြတယ်ဆိုတာကို မမေ့သင့်မမေ့အပ်ပါဘူး။ ကိုယ်ပြောလိုက်တဲ့စကားတခွန်းဟာ အဖွဲ့အစည်းတခုလုံးရဲ့ မူဝါဒလို့လည်း အသတ်မှတ်ခံရတတ်ပါတယ်။ လူမှုကွန်ရက်မှာတင်လိုက်ပြီဆိုရင်လည်း ပြည်သူလူထုကို တရားဝင်ပြောတဲ့စကားသဖွယ်ဖြစ်သွားပါ တယ်။ ဒီနေ့ခေတ်မှာ အမေရိကန်သမ္မတကအစ လူမှုကွန်ရက်ကနေ တရားဝင်စကားပြောနေတာကိုလည်း အားလုံးအသိပါ။ ခေါင်းဆောင်တယောက်က public ဖွင့်ပြီးပြောတဲ့စကားမှန်သမျှဟာ တရားဝင်စကားတွေချည်းပါပဲ။

ဒေါက်တာတူးခေါင်ရေးတဲ့ဒီပို့စ်ထဲမှာ တော်တော်ဆိုးတဲ့မှတ်ချက်တခုပါပါတယ်။ “ရာဇဝတ်မှုတချို့တလေရှိတာ လူ့သဘာဝပါ” ဆိုတဲ့စကားပါ။

ရာဇဝတ်မှုဟာ စစ်ကောင်စီကကျူးလွန်တဲ့အခါ ယုတ်မာရက်စက်မှုဖြစ်ပြီး ပသုံးလုံးကကျူးလွန်တဲ့အခါ လူ့သဘာဝ အဖြစ်ပြောင်းလဲမသွားပါဘူး။

လက်အောက်ငယ်သားဖြစ်ကြတဲ့ ပသုံးလုံးတွေက ဒီပို့စ်ကိုဖတ်မိတဲ့အခါ ငါတို့ကျူးလွန်မိတဲ့ ရာဇဝတ်မှုဆိုတာ လူ့သဘာဝပါကွာလို့ တွေးမိပြီး ခပ်ပေါ့ပေါ့နဲ့ ထပ်ကျူးလွန်မိကြမယ်ဆိုရင် မခက်ပါလား။ ငါတို့ရာဇဝတ်မှုကျူးလွန်မိတာကို ငါတို့ခေါင်းဆောင်တွေက ခွင့်လွှတ်တယ်လို့တွေးကြမယ်ဆိုရင်မခက်ပါလား။

ဒီလိုစကားမျိုးတွေကို အမှတ်တမဲ့မပြောမိဖို့လိုပါတယ်။ လုပ်ဖော်ကိုင်ဖက်တွေကလည်း ဒီလိုပြောဆိုချက်မျိုးတွေအတွက် သတိပေးကြဖို့ သင့်ပါတယ်။

TheinMyat

ချင်းနဲ့ စစ်ကိုင်းမှာ ဖုန်းနဲ့ အင်တာနက်လိုင်း ပြတ်တောက်
~~~
■ ချင်းပြည်နယ်နဲ့ စစ်ကိုင်းတိုင်းမှာ စစ်ကောင်စီရဲ့ ဆက်သွယ်ရေးလုပ်ငန်းစုဖြစ်တဲ့ မြန်မာ့ဆက်သွယ်ရေးလုပ်ငန်း အမ်ပီတီ (MPT) တယ်လီဖုန်းလိုင်းကလွဲပြီး ကျန်တဲ့ တယ်လီဖုန်းလိုင်းနဲ့ အင်တာနက်လိုင်းတွေ ပြတ်တောက်နေတယ်လို့ ဒေသခံတွေက RFA ကို ဒီဇင်ဘာလ ၇ ရက်နေ့က ပြောပါတယ်။

ပြီးခဲ့တဲ့ နိုဝင်ဘာလ ၂၀ ရက်နေ့ကစပြီး ချင်းပြည်နယ်က မြို့နယ်တွေနဲ့ စစ်ကိုင်းတိုင်း၊ ကလေးနဲ့ တမူးမြို့နယ်တွေမှာ အက်တမ် (Atom) ဖုန်းလိုင်း ပြတ်တောက်သွားပြီး အူရီဒူး (Ooredoo) ဖုန်းလိုင်းလည်း ဒီဇင်ဘာလ ၅ ရက်နေ့ ညနေပိုင်းကစပြီး ဖုန်းနဲ့ ဖိုက်ဘာအင်တာနက်လိုင်း (FTTH) အားလုံးပြတ်တောက်သွားတယ်လို့ ဆိုပါတယ်။

မြို့သုံးခုထက်မနည်း နှစ်ဖက်တိုက်ပွဲပြင်းထန်နေတဲ့ ချင်းပြည်နယ်မှာ ဟားခါးမြို့ကလွဲရင် ကျန်ရှစ်မြို့နယ်မှာ တယ်လီဖုန်းလိုင်းတွေ ပြတ်တောက်နေပြီး ဟားခါးမြို့မှာတော့ အမ်ပီတီ (MPT) ဖုန်းလိုင်းတစ်ခုတည်းသာ ရတော့တယ်လို့ ဒေသခံတွေက ပြောပါတယ်။

စစ်ကိုင်းတိုင်း၊ ကလေးမြို့မှာ အင်တာနက်သုံးဖို့နဲ့ ဖုန်းပြောဖို့အတွက် MPT ဖုန်းလိုင်းသာရတာကြောင့် ဖုန်းဆင်းကတ်တွေ သုံးသောင်းကျပ်အထိ ဈေးတက်လာတယ်လို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက RFA ကို ပြောပါတယ်။

"အခုက ချင်းပြည်နယ်မှာ ဖုန်းလိုင်းအားလုံး ပြတ်တောက်တာလို့ ပြောလို့ရတယ်။ MPT ကတော့ မြို့ပေါ်နေရာတွေမှာပဲ ရတာ။ အဲဒါတောင်မှာ တိုက်ပွဲဖြစ်တဲ့နေရာတွေမှာ လိုင်းမရတော့တာ ကြာလှပြီ။ ကလေးမြို့မှာလည်း ဖိုက်ဘာလိုင်းတွေလည်း ပြတ်၊ MPT ကလွဲပြီး ကျန်တဲ့ အော်ပရေတာအားလုံး ပြတ်တာ"

အင်တာနက်နဲ့ ဖုန်းလိုင်း ဖြတ်တောက်ခံရတာကြောင့် ဒေသခံတွေဟာ မိသားစု၀င်တွေနဲ့ အဆက်အသွယ်ရဖို့နဲ့ သတင်းအချက်လက်ရဖို့နဲ့ ငွေလွှဲ ငွေထုတ်ဖို့ ခက်ခဲနေတယ်လို့ ဆိုပါတယ်။

ဒီကိစ္စနဲ့ပတ်သက်ပြီး တုံ့ပြန်ချက်ရဖို့ စစ်ကောင်စီရဲ့ ချင်းပြည်နယ်နဲ့ စစ်ကိုင်းတိုင်းက ပြောခွင့်ရသူတွေကို RFA က တယ်လီဖုန်းနဲ့ဆက်သွယ်ပေမဲ့ လက်ခံဖြေကြားတာမရှိပါဘူး။

အက်တမ် (ATOM) နဲ့ အူရီဒူး (Ooredoo) ဝန်ဆောင်မှုစင်တာတွေကို RFA က ဒီဇင်ဘာလ ၇ ရက်နေ့ ဆက်သွယ်တဲ့အခါ ဆက်သွယ်ရေး ဆာဗာ (Sever) လိုင်းတွေ ပြတ်တောက်နေတာဖြစ်တယ်လို့ ပြောပါတယ်။

မြန်မာနိုင်ငံမှာ အင်တာနက် သုံးစွဲနိုင်တဲ့အခြေအနေတွေကို လေ့လာစောင့်ကြည့်နေတဲ့ အရပ်ဘက်အဖွဲ့အစည်းတစ်ခုဖြစ်တဲ့ မြန်မာအင်တာနက်စီမံကိန်းက ကောက်ယူထားတဲ့ အချက်အလက်တွေအရ ၂ဝ၂၄ ခုနှစ်၊ ဇူလိုင်လ ၂၂ ရက်နေ့အထိ စစ်ကောင်စီက မြန်မာနိုင်ငံအနှံ့ အင်တာနက် ဖြတ်တောက်ထားတဲ့နေရာ ၂၄၉ ခုအထိ ရှိပါတယ်။

အဲဒီထဲမှာ စစ်ကိုင်းတိုင်းက အင်တာနက်ဖြတ်ခံရတဲ့နေရာ အများဆုံးဖြစ်ပြီး ဒုတိယအများဆုံးကတော့ ကချင်ပြည်နယ်နဲ့ တတိယကတော့ ချင်းပြည်နယ်မှာဖြစ်ပါတယ်။
---------------

မိုဘိုင်းဖုန်း သုံးစွဲနေသူတစ်ဦးအား တွေ့ရစဉ်။ (Photo: RFA)

RFA Burmese Website တွင် ဖတ်ရှုရန် .....

#အင်တာနက် #ဖုန်း #ချင်း #စစ်ကိုင်း #လွတ်လပ်တဲ့အာရှအသံ #rfaburmese

မှော်ဘီလေတပ်စခန်းအား တာဝေးပစ်မစ်ဇိုင်းဒုံးများဖြင့်တိုက်ခိုက်ခဲ့ဟု USOပြောက်ကျားတပ် ပြော

ရဲခေါင်/People's Spring

ရန်ကုန်မြို့၊ မှော်ဘီမြို့နယ်ရှိ စစ်ကောင်စီ ၏ လေတပ်စခန်းကို တာဝေးပစ်မစ်ဇိုင်းဒုံးများဖြင့် တိုက်ခိုက်ခဲ့သည်ဟု မြို့ပြအထူးစစ်ဆင်ရေး (U.S.O)က အသိပေးထုတ်ပြန်သည်။

ယမန်နေ့(ဒီဇင်ဘာ ၆ရက်)ည ၁၀နာရီခန့်က တိုက်ခိုက်မှုသည် စစ်ကောင်စီ၏ အပြစ်မဲ့ပြည်သူများနှင့် တိုင်းရင်းသားဒေသများ လေကြောင်းဖြင့် ပစ်သတ်တိုက်ခိုက်မှုအတွက် တုံ့ပြန် တိုက်ခိုက်ခြင်းဟု ဆို သည်။

"ညက တစ်လုံးပြီး တစ်လုံးဆက်တိုက် တစ်အုန်းအုန်း ဖြစ်သွားတာ။ဒီမနက်တော့ ရေသိုးရွာ လေတပ်စခန်းနားတွေ ဒုံးလေးလုံးထိတယ် ကြားတယ်"ဟု မှော်ဘီမြို့နယ်နေသူတစ်ဦးက လူထုနွေဦးက ပြောသည်။

လေတပ်စခန်းတိုက်ခိုက်မှုကို Shadow (S.A.F.) နှင့် Brave Warriors For Myanmar (B.W.M)တို့ပူး ပေါင်းလုပ်ဆောင်ခဲ့ပြီး ထိခိုက်မှုများရှိနိုင်ကာ ပြည်သူများသတိထားသွားလာရန် အသိပေးသည်။

မှော်ဘီလေတပ်စခန်းတိုက်ခိုက်ခံရမှုကြောင့် မှော်ဘီမြို့နယ်တွင် စစ်ကောင်စီ၏ ဖမ်းဆီးခံရသူအချို့ရှိသည်ဟုဆိုသော်လည်း လူထုနွေဦးအနေဖြင့် သီးခြားအတည်မပြုနိုင်သေးပေ။

မြို့ပြအထူးစစ်ဆင်ရေး(U.S.O)ကမူ တော်လှန်ရေးရဲဘော်များအားလုံး ဘေးကင်းကြောင်း အသိပေးထားပြီး လေတပ်စခန်းတိုက်ခိုက်မှုအခြေအနေနှင့်ပတ်သက်ပြီး ဆက်သွယ်မေးမြန်းနေဆဲ ဖြစ်သည်။

စစ်ကောင်စီ၏ အရှေ့တောင်တိုင်းစစ်ဌာနချုပ် နယ်မြေနှင့် အထူးသဖြင့် ကရင်ပြည်နယ်တိုက်ပွဲများ၌ လေကြောင်းပစ်ကူအများဆုံးပေးသည့် မှော်ဘီလေတပ်စခန်းကို နိုဝင်ဘာ ၉ ရက်ကလည်း USOက ပစ်ခတ်တိုက်ခိုက်ခဲ့သေးသည်။

ပြီးခဲ့သည့် အောက်တိုဘာ ၉ရက်ကလည်း မှော်ဘီလေတပ်စခန်းအား ပြောက်ကျားတပ်ဖွဲ့က လက်နက်ကြီးဖြင့် ပစ်ခတ်တိုက်ခဲ့သေးသည်။

ထို့အပြင် မှော်ဘီလေတပ်စခန်းအား ပြီးခဲ့သည့် စက်တင်ဘာ ၉ ရက်ကလည်း Civilian Military (Sagaing Region Defense Force – SRDF) အဖွဲ့က လက်နက်ကြီးဖြင့် ပစ်ခတ်တိုက်ခိုက်ခဲ့သေးသည်။

Group Think

ဝေဖန်ဆန်းစစ်သူမရှိ တစ်သံတည်းထွက်နေတဲ့အဖွဲ့ဟာ
အဆုံးအဖြတ် မှားတတ်ကြောင်း သတိပေးကြပါစို့ -

အတော်ဆုံးလူတွေ ပါနေစေဦးတော့ - မေးခွန်းထုတ်
မယ့် ဆန်းစစ်မယ့်သူ မရှိတဲ့ အဖွဲ့ဟာ ဆုံးဖြတ်ချက် မှားယွင်း
တတ်ကြောင်း ကျွန်တော်တို့ သတိရှိရပါမယ်။ အစည်းအဝေး
တွေမှာ လူအများစုက အကြောင်းအရာတစ်ခုကို ရာနှုန်းပြည့်
သေချာကြောင်း ပြောဆိုနေတဲ့အခါ ကိုယ့်မှာ ကွဲပြားတဲ့အမြင်
ရှိပေမယ့် နှုတ်ဆိတ်နေလိုက်တာမျိုး ကြုံဖူးကြမှာပါ။

အတိုက်အခံမရှိတဲ့ အုပ်စုထဲမှာအဖွဲ့ဝင်တွေဟာ ဒီလောက်သေချာနေမှ
တော့ ငါတို့ မမှားနိုင်ဆိုတဲ့ ယုံကြည်မှုအမှားကို တည်ဆောက်မိ
ပြီးသား ဖြစ်နေတတ်ပါတယ်။ ငါတို့ခေါင်းဆောင်တွေ မှန်
တယ်လို့ ယုံကြည်ထားရင် ဒါမလွဲနိုင်ဘူး}ဆိုတဲ့ ယုံကြည်မှုမျိုး
လည်း ပေါ်တတ်ပါတယ်။

ကွဲပြားတဲ့အမြင် တင်ပြလာသူကိုလည်း အဖွဲ့ညီညွတ်မှုကို
ဖျက်ဆီးသူလို့ အလိုလိုမြင်လာကြပါတယ်။ ဒီလိုနဲ့
သမိုင်းမှာ အဖွဲ့အစည်းတွေ၊ ခေါင်းဆောင်တွေ အဆုံးအဖြတ်
မှားတာ အများကြီး ကြုံခဲ့ရပါတယ်။

ကျွန်တော်တို့ဟာ အများနောက်ကလိုက် ခေါင်းညိတ်
သူတွေဖြစ်နေရင် ကိုယ်ပါဝင်နေတဲ့ အုပ်စုအတွက် အကျိုး
မများနိုင်ပါဘူး။ ကျွန်တော်တို့ ကိုယ်တိုင် ခေါင်းဆောင်တွေ
ဖြစ်နေရင် ဝေဖန်ဆန်းစစ်တတ်သူတွေကို နေရာပေးဖို့ လိုပါ
တယ်။

ဒေါက်တာမြင့်ဇော်၏ ငြိမ်းချမ်းခြင်းဆီ ခြေလှမ်းများ (၂၀၁၃) စာအုပ်မှ

DAILY HIGHLIGHTS (06 Dec 2024)
•••••••••••••••®•••••••••••••••
⚠️ စစ်ရေးထူးခြားသတင်းများ

#️⃣ ရခိုင်
အမ်းလေဆိပ်၊ စစ်ကောင်စီ တပ်ရင်းများအားလုံး၊ ဌာနဆိုင်ရာရုံးများအားလုံး အပါအဝင် အမ်းမြို့နယ်တစ်ခုလုံးကို AA က တိုက်ခိုက်သိမ်းပိုက်လိုက်ပြီး အနောက်ပိုင်းတိုင်းစစ်ဌာနချုပ် တစ်ခုတည်းသာ သိမ်းပိုက်ရန် ကျန်တော့ – KT

#️⃣ ကချင်
ဗန်းမော်မြို့တွင် တိုက်ပွဲပြင်းထန်ခဲ့ပြီးနောက် စစ်ကောင်စီ၏ ရုံးဌာနများကို KIA က ထိန်းချုပ်၊ စစ်တပ်၏ ပစ်ခတ်မှုများကြောင့်ပြည်သူ အနည်းဆုံး ၇ ဦးသေဆုံးပြီး မံစီမြို့တွင်လည်း တိုက်ပွဲပြင်းထန်နေ – KT

#️⃣ မန္တလေး
သပိတ်ကျင်းရှိ PLA သိမ်းထားသော စခန်းများကို စစ်ကောင်စီ ပြန်တိုက်ယူ – MN
•••
🌐 နိုင်ငံခြားရေးထူးခြားသတင်းများ

#️⃣ ထိုင်း
ထိုင်းနိုင်ငံမှာပြုလုပ်မယ့် အစည်းအဝေးမှာ မြန်မာ့အရေးကို အာဆီယံဝန်ကြီးတွေ ဆွေးနွေးမယ် – AT

#️⃣ ရုရှား
ကြံ့ခိုင်ရေးပါတီဥက္ကဋ္ဌ ဦးခင်ရီနှင့် ရုရှားနိုင်ငံ ဒူးမားလွှတ်တော် ဒုဥက္ကဋ္ဌတို့ တွေ့ဆုံ – TI

#️⃣ ဆလိုဗေးနီးယား
မြန်မာကို ICJ မှာ တရားစွဲထားတဲ့အမှုမှာ ဆလိုဗေးနီးယားပါဝင်လာ – RFA
•••
🗑 ကျားဖြန့်

တရုတ်နိုင်ငံသား ၁၈ ဦး အပါအဝင် ကျားဖြန့်လုပ်ကိုင်သူ ၄၅ ဦးကို အရေးယူထားကြောင်း စစ်ကောင်စီပြော – RFA
•••
🖥 အခြားထူးခြားသတင်းများ

တစ်နိုင်ငံလုံး လျှပ်စစ်ဓာတ်အားလိုအပ်ချက်၏ ၃၅ ရာခိုင်နှုန်းဝန်းကျင်သာ ဓာတ် အား ထုတ်နိုင်တော့သဖြင့် ရန်ကုန်၊ မန္တလေး အပါအဝင် မြို့ကြီးများအားလုံးတွင် မီးပြတ်တောက်ချိန် အလွန်ကြာမြင့်လာ – KT

ကျောင်းသုံးဖတ်စာအုပ်တွေ ပြန်အပ်ရမယ်လို့ဆို – MKM

#RangoonScoutNetwork

အမ်းမြို့နယ်၊ အနောက်ပိုင်းတိုင်းစစ်ဌာနချုပ် (နပခ) ဌာနချုပ်အတွင်းမှ နေရာအများစု (နပခဌာနချုပ်ဂွင်တစ်ခုသာကျန်) နှင့် အမ်းလေဆိပ်တို့အား အာရက္ခတပ်တော်မှ အပြီးသတ်သိမ်းပိုက်ပြီးနောက် အကြမ်းဖက် ဖက်ဆစ် စစ်ကောင်စီ၏ အမ်း၊ ရုံးဌာနများရှေ့တွင် တွေ့ရသော အာရက္ခစစ်သည်တော်များ

NEFDC၏ သဘောထားထုတ်ပြန်ချက်

အမေရိကန်လုပ် တာဝေးပစ်ဒုံးကျည်ဖြင့် ယူကရိန်း၏ တိုက်ခိုက်မှု တတိယကမ္ဘာစစ်ဖြစ်လာနိုင်ဟု ရုရှား ဆို

ယင်းခြိမ်းခြောက်မှုအသစ်များ ပေါ်ပေါက်လာလျှင် ရုရှားအနေဖြင့် “သင့်လျော်သော ဆုံးဖြတ်ချက်များ”ကို မဖြစ်မနေ ချမှတ်ရလိမ့်မည်ဟုလည်း ပူတင်က ပြောသည်။

သတင်းအပြည့်အစုံဖတ်ရန် >
https://www.daweiwatch.com/18/11/2024/101408/

ဆန်၊ ဆီ၊ စက်သုံးဆီ၊ ရွှေနှင့် ဒေါ်လာ ယနေ့ ပေါက်ဈေး

ဧရာဝတီ၊နိုဝင်ဘာ ၁၈၊ ၂၀၂၄

စစ်ကောင်စီ သတ်မှတ်သည့် ဆန်လက်ကားဈေးမှာ အကြမ်း အနိမ့်ဆုံး ဧည့်မထ ၁ အိတ် - ၈၂၀၀၀ ကျပ်၊ အချော အမြင့်ဆုံး ရွှေဘိုပေါ်ဆန်း ၁ အိတ် - ၁၅၀၀၀၀ ကျပ်

ယခုတပတ်တွင် ပြင်ပဈေးကွက်မှာလည်း ကြိုက်ရောင်းကြိုက်ဝယ်နှင့် ဈေးတမျိုး ရှိနေကြောင်း သိရသည်။

စားအုန်းဆီ

စစ်ကောင်စီ၏ စားအုန်းဆီ ရည်ညွှန်းလက်ကားဈေးမှာ ၁ ပိဿာ ၇၀၁၅ ကျပ်
ပြင်ပဈေးမှာ ၁ ပိဿာလျှင် ၁၄၀၀၀ ကျပ် ဝန်းကျင်တွင်ရှိနေ

ယင်းဖော်ပြပါ ဆီဈေးနှုန်းမှာ ရန်ကုန်မြို့မှ ဈေးနှုန်းများဖြစ်ပြီး မြို့နယ်နှင့် နေရာဒေသလိုက်၍ ကွာခြားမှုများ၊ မြင့်တက်မှုများ ရှိနိုင်သည်။ (ယခုတပတ်တွင်သတ်မှတ်ဈေးမှာ ၁ ပိဿာလျှင် ၃၈၀ ကျပ်အထိ ဈေးတက်လာသည်။)

စက်သုံးဆီ

ဓာတ်ဆီ ၉၂ ၁ လီတာ ၃၀၁၀ ကျပ်
ဓာတ်ဆီ ၉၅ ၁ လီတာ ၃၂၀၀ ကျပ်
ဒီဇယ် ၁ လီတာ ၂၆၆၅ ကျပ်
ပရီမီယံ ဒီဇယ် ၁ လီတာ ၃၃၁၀ ကျပ်

တချို့ စစ်ပွဲ ဖြစ်ပွားရာ ဒေသများတွင် သတ်မှတ်ဈေးထက် ဈေးနှုန်းအဆမတန် မြင့်တက်မှုများလည်း ရှိနေသည်။

ရွှေနှင့် ဒေါ်လာ

ပြင်ပဈေးကွက်အရ အမေရိကန် ၁ ဒေါ်လာလျှင် ၄၄၅၀ ကျပ်ဝန်းကျင်တွင်ရှိနေ

အကယ်ဒမီ အခေါက်ရွှေ တကျပ်သား ကျပ် ၅၉ သိန်းကျော်တွင်ရှိနေ
လက်ဝတ်ရတနာ ၁၅ ပဲရည် တကျပ်သား ကျပ် ၅၇ သိန်းကျော်တွင်ရှိနေ
ရန်ကုန်တိုင်းရွှေလုပ်ငန်းရှင်များအသင်း (YGEA) က သတ်မှတ်ဈေး အကယ်ဒမီအခေါက် ရွှေ ၁ ကျပ်သား ၅၂၂၃၁၄၅ ကျပ်၊
ကမ္ဘာ့ရွှေဈေး တအောင်စ အမေရိကန် ဒေါ်လာ ၂၅၇၁

အချိန်နှင့် အမျှ ဈေးနှုန်း အပြောင်းအလဲ ရှိနိုင်သည်။

#ဧရာဝတီ
#နေ့စဉ်ကုန်ဈေးနှုန်း
#ဆန်ဈေး
#ဆီဈေး
#လောင်စာဆီဈေး
#ရွှေဈေး
#ဒေါ်လာဈေး

"အာဏာသိမ်းပြီးနောက်ပိုင်းမှာ အခြေအနေက ပြောပြလို့ မရအောင် ဆိုးရွားလာတယ်။ မျှော်လင့်ချက် မရှိဘဲနေရတာ ရှင်လျက်နဲ့သေနေသလို ခံစားရတယ်။ ဒီလိုနိုင်ငံတနိုင်ငံမှာ ဘာကြောင့် အချိန်ဖြုန်းမလဲလို့ လူငယ်တွေ မေးခွန်းထုတ်လာကြတယ်။ နိုင်ငံခြားကိုသွားပြီး ဘဝသစ်ပြန်စရင် ဘဝက ဘယ်လိုရှိမလဲလို့ ကျနော်တို့ အများစု စဉ်းစားကြတယ်"

Website တွင် ဖတ်ရန် https://bit.ly/3OdEial
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

တရုတ်ဓာတ်ငွေ့ပိုက်လိုင်းတည်နေရာပုံများအား cobra column တပ်ခွဲ ၅မှ ဖော်ပြ

ကိုးကန့် ခေါင်းဆောင်ဖုန်တာရွှင်ကို တရုတ်အစိုးရက အကျယ်ချုပ်ဖမ်းထားလိုက်ပြီ
----------------------------------
လားရှိုးမှပြန်လည်ဆုတ်ခွာရန် ငြင်းဆန်နေသည့် ကိုးကန့်တပ် MNDAA ၏ခေါင်းဆောင် ဖုန်တာရွှင်ကို တရုတ်အစိုးရက ဖမ်းဆီးထိန်းသိမ်းလိုက်သည်ဟု တော်လှန်ရေးတပ်များနှင့် MNDAA နှင့်နီးစပ်သူများကဆိုသည်။

ဖုန်တာရွှင်ကို တရုတ်အစိုးရက ၎င်းတို့၏ အထူးကိုယ်စားလှယ်နှင့်တွေ့ဆုံရန်ဟုဆိုကာ ပြီးခဲ့သည့်လအတွင်းက တရုတ်နိုင်ငံသို့ ယူနန်ပြည်သို့ ဖိတ်ကြားခဲ့ပြီးနောက် ပြန်မလွှတ်တော့ခြင်းဖြစ်သည်။

တရုတ်အစိုးရသည် MNDAA အပါအဝင် တရုတ်နယ်စပ်မှ လူမျိုးစုတပ်များကို စစ်ကောင်စီကိုဆက်လက်တွန်းလှန်ခြင်း မပြုရန်၊ NUG နှင့်အဆက်အသွယ်ဖြတ်ရန် ဆက်တိုက်ဖိအားပေးနေခဲ့သည်။

လားရှိုးကိုစစ်ကောင်စီလက်ထဲ ပြန်မထည့်ပေးပါက ဖုန်တာရွှင်၏တပ်ဖွဲ့ကို ခြေမှုန်းပစ်မည်ဟု တရုတ်အစိုးရက ပြင်းပြင်းထန်ထန်ခြိမ်းခြောက်ထားသည်။

အပြည့်အစုံဖတ်ရန် > https://myanmar-now.org/mm/news/59268/

Myanmar Now ၏ နေ့စဉ် သတင်းလွှာကို အခမဲ့ စာရင်းသွင်းရန် > https://myanmar-now.org/mm/newsletter/

ကယန်းအမျိုးသား တပ်မတော်(KNA) ပြောရေးဆိုခွင့်ရှိသူ ခွန်းဆောင်ဒူနဲ့ တွေ့ဆုံမေးမြန်းခြင်း

ဖက်ဒရယ်ဂျာနယ်၊ မြန်မာ

ကယန်းအမျိုးသားတပ်မတော် (KNA)အနေနဲ့ ညီညွှတ်ရေးနဲ့ ပေါင်းစည်းရေးမူကိုပဲ ဦးတည်ဆောင်ရွက် သွားမှာဖြစ်ပြီး လူမျိုးတမျိုး၊ အစုအဖွဲ့တခုကို တိုက်ခိုက်ဖို့ရည်ရွယ်ပြီးတော့ ဖွဲ့စည်းလိုက်တာ မဟုတ်ဘူးလို့ KNA ပြောရေးဆိုခွင့်ရှိသူ ခွန်းဆောင်ဒူက ပြောပါတယ်။

စစ်ကောင်စီတပ်ကို တိုက်ခိုက်ရန် လွိုင်ကော်၊ ဒီးမော့ဆို၊ မိုးဗြဲ၊ ဖယ်ခုံမြို့နဲ့ ကယန်းဒေသတွေရှိ ပြန့်ကြဲနေတဲ့ ကယန်းလက်နက်ကိုင်တပ်ဖွဲ့တွေကို တစ်စုတစ်စည်းတည်း ပြန်လည်ပေါင်းစုပြီး ကယန်းအမျိုးသား တပ်မတော်(KNA)ကို အောက်တိုဘာလ ၂၉ရက်က စတင်ဖွဲ့စည်းခဲ့ပါတယ်။ KNAကို ကယန်းဒေသအတွင်းရှိ တော်လှန်ရေးမှာ ဦးဆောင်ပါဝင်နေတဲ့ ပုဂ္ဂိုလ်တွေနဲ့ ကော်မတီတရပ် ဖွဲ့စည်းကာ စုပေါင်းဦးဆောင်မှုနဲ့ ချီတက်သွားမှာဖြစ်ပြီး စစ်အာဏာရှင် ပြုတ်ကျရေးအတွက် ဆက်လက်ချီတက်သွားမှာဖြစ်တယ်လို့ ဆိုပါတယ်။ ဒီအကြောင်းအရာတွေနဲ့ပါတ်သက်လို့ KNAပြောရေးဆိုခွင့်ရှိသူ ခွန်းဆောင်ဒူကို ဖက်ဒရယ်ဂျာနယ်၊ မြန်မာက တွေ့ဆုံမေးမြန်းထားတာ ဖြစ်ပါတယ်။

အပြည့်အစုံကို ပုံနှိပ်ပြီး ဖတ်ရှုရန် -

https://federaljournalmm.org/fj-mm-20322-2/

BPLA သည် ဗမာတပ်ဖြစ်တဲ့အတွက် ဗမာဒေသမှာ အခြေချရမယ် (ရုပ်/သံ)

ဧရာဝတီ၊ နိုဝင်ဘာ ၁၈၊ ၂၀၂၄

ကရင်ပြည်နယ်နဲ့ ရှမ်းပြည်နယ်မြောက်ပိုင်း စစ်ဆင်ရေးတွေမှာ ပါဝင်တိုက်ခိုက်နေတဲ့ ဗမာပြည်သူ့လွတ်မြောက်ရေးတပ်တော် (BPLA) ဟာ အညာဒေသကို ဝင်ပြီး စစ်ဆင်ရေးတွေလုပ်ဆောင်တော့မယ်လို့ BPLA ရဲ့ ကွပ်ကဲရေးမှူး မောင်ဆောင်းခ က ကြေညာထားပါတယ်။

BPLA ဟာ ကရင်ပြည်နယ်ထဲက စစ်ဆင်ရေးတွေမှာ ကရင်အမျိုးသား လွတ်မြောက်ရေးတပ်မတော် (KNLA)နဲ့ အတူ ပါဝင်နေသလို ရှမ်းပြည်နယ်မြောက်ပိုင်းက ၁၀၂၇ စစ်ဆင်ရေးတွေမှာလည်း ညီနောင်မဟာမိတ် သုံးဖွဲ့ဖြစ်တဲ့ မြန်မာအမျိုးသား ဒီမိုကရက်တစ်မဟာမိတ် တပ်မတော် (MNDAA)၊ တအာင်းအမျိုးသားလွတ်မြောက်ရေးတပ်မတော် (TNLA)နဲ့ အာရက္ခတပ်တော် (AA) တို့နဲ့ အတူပူးပေါင်း တိုက်ပွဲဝင်ခဲ့တာဖြစ်ပါတယ်။

အညာကို ဝင်မယ့်စစ်ဆင်ရေးတွေမှာလည်း စစ်အာဏာရှင်ကို အနိုင်တိုက်ဖို့အတွက် အမျိုးသားညီညွတ်ရေးအစိုးရ (NUG) လက်အောက်ခံတပ်တွေ၊ ဒေသခံ ပြည်သူ့ကာကွယ်ရေးတပ်တွေနဲ့ စစ်ရေးလှုပ်ရှားမှုတွေမှာ ပူးပေါင်းဆောင်ရွက် သွားမှာဖြစ်တယ်လို့ မောင်ဆောင်းခ က ဧရာဝတီနဲ့ သီးသန့် ဆက်သွယ်မေးမြန်းချက်မှာ ပြောပါတယ်။

https://youtu.be/q-5A2J0DPHA
#မြန်မာ #ဧရာဝတီ #BPLA #မောင်ဆောင်းခ #အညာဒေသ #NUG #PDF
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

လက်ရှိကျုပ်တို့တော်လှန်ရေးမှာ အများစုက မိမိကိုယ်ကျိုးစီးပွားအတွက် ဟန်ပြပြီး လိမ်နေကြတာ ဘယ်ကိစ္စမဆို အကျိုးမြတ်ရရေးပဲ ကြည့်ပြီး လုပ်ကြတာ တိုင်းပြည်အပေါ်ချစ်လို့ မဟုတ်ဘူး ပေါ်ပြူလစ် ဆယ်လီနိုင်ငံရေးသမားတွေဆိုတော့ အပေါ်ယံ နာမည်ကြီး ဖို့နဲ့ လူသိများရေးက အဓိကဖြစ်ပြီး အနုပညာရှင်လိုလို အတွေးခေါ်ပညာရှင်လိုလို ရှောက်ပြော၊ ရှောက်လုပ်ပါတော့တယ် အကျိုးဆက်ကတော့ အမှန်တရားဟာ ပျောက်သွားပြီးလူထုဟာ အတုအယောင်တွေကို အစစ်အမှန်ထင်သွားတာပါပဲ။

တော်လှန်ရေးကို စျေးကွက်စီးပွားရေးလို အသုံးချကိုယ်ကျိုးရှာကြတာပဲ၊ အဲ့လိုလုပ်ကြသူတွေက အုပ်စုလိုက်ညီနေကြတော့ မှန်တဲ့သူတွေက ငြိမ်ခံနေရတာပဲ၊ တော်လှန်ရေးကို လက်တွေ့အမှန်တရားထက် စိတ်ခံစားမှုကောင်းအောင်၊ ကြည့်ကောင်းအောင် လုပ်ကြပြီး လူထုကလည်း အဲ့လိုလုပ်ရက်တွေ အမှန်ထင်ပြီး အမှားတွေကြား နစ်မွန်းနေကြ တာ မြေပြင်က လူတွေအဖို့ အတော်အကြပ်ရိုက် ဒုက္ခရောက်စေပါတယ်။

crd post

DAILY HIGHLIGHTS (17 Nov 2024)
•••••••••••••••®•••••••••••••••
⚠️ စစ်ရေးထူးခြားသတင်းများ

ပုလဲမြို့သိမ်းတိုက်ပွဲတွင် စစ်သုံ့ပန်း ၂၅ ဦး ဖမ်းဆီးရရှိပြီး လက်နက်အများအပြား သိမ်းဆည်းရရှိကာ မြို့ကို သိမ်းပိုက်နိုင်ခဲ့သော်လည်း လေကြောင်း စစ်ကူများကြောင့် ပြန်လည် ဆုတ်ခွာခဲ့ရ – KT

ပုလဲမြို့ကို စစ်ကောင်စီက ထိန်းချုပ်ပြီးနောက် ဒေသခံတွေကို ပြန်ခေါ် – RFA

မင်းတပ်မြို့တိုက်ပွဲ ဆက်လက်ပြင်းထန်၊ စစ်ကောင်စီ လေကြောင်း ပစ်ကူပေးတိုက်နေ – PS

ကရင်နီပြည်သို့ စစ်ကောင်စီ အင်အားအလုံးအရင်းဖြင့် ဖြည့်တင်းနေဟု KNDF ဒုစစ်ဦးစီးချုပ်ပြော – PS

🌐 နိုင်ငံခြားရေးထူးခြားသတင်းများ

မြန်မာ စီးပွားရေးလုပ်ငန်းရှင်တွေကို တရုတ်က ခြောက်လနေထိုင်ခွင့်ဗီဇာ ထုတ်ပေးမည် – RFA

ဘင်္ဂလားဒေ့ရှ်သို့ ဆန်တန်ချိန် ၂ သိန်း ထပ်ပို့နိုင်ရန် စစ်ကောင်စီ ဆွေးနွေးနေ – DVB

📊 စီးပွားရေးထူးခြားသတင်းများ

တိုင်းရင်းသားလက်နက်ကိုင်များ သိမ်းပိုက်ထားသော ဒေသများသို့ စက်သုံးလောင်စာဆီများ လုံး၀ ရောက်ရှိခြင်းမရှိစေရေး ဆောင်ရွက်ရန် စစ်ကောင်စီက ညွှန်ကြား – KT

စက်သုံးဆီ တင်သွင်းရန် ဒေါ်လာ ၃၅ သန်း ထပ်ရောင်းမည် – DVB

🗑 ကျားဖြန့်

မြ၀တီမြို့အတွင်းရှိ ကျားဖြန့် တရုတ်သူဌေးများ မြို့သစ်တည်ကာ လုပ်ငန်းများ ထပ်မံတိုးချဲ့နေ – MPA

🖥 အခြားထူးခြားသတင်းများ

ပြည်ပရောက် မြန်မာများ စစ်မှုထမ်းရန် ဆင့်ခေါ်ချိန် ပြန်မလာပါက နိုင်ငံကူးလက်မှတ် သက်တမ်းတိုးခွင့်ပိတ်ပင်မည်၊ ပြည်တွင်းပြန်ရောက်လျှင် စစ်မှု ထမ်း ဥပဒေအရ ထောင်ဒဏ်ချမှတ် အရေးယူမည့်အပြင် ပြည်ပထွက်ခွာခွင့် ရာသက်ပန် ပိတ်ပင်မည် – KT

ရန်ကုန်လေဆိပ်တွင် PV နိုင်ငံကူးလက်မှတ်ဖြင့် ပြည်ပထွက်မည့် လူငယ်တချို့၏ မိုဘိုင်းလ်ဖုန်းများ စစ်ဆေးခံရပြီး မိသားစုကို နှုတ်ဆက်ကန်တော့နေသည့် ဓာတ်ပုံပါသည်ဟုဆိုကာ လေယာဉ်ပေါ် တက်ခွင့်မပေး ၊ ပထမဆုံးအကြိမ် ပြည်ပထွက်မည့် လူငယ် အများစုကို မြန်မာနိုင်ငံမှ ထွက်ခွင့်မပြု – KT

#rangoonscoutnetwork

တရုတ်ရဲ့ ပုဂ္ဂလိကလုံခြုံရေးလုပ်ငန်း-PSCတွေမြန်မာနိုင်ငံထဲ ရောက်နေတာ အချိန်အတိုင်းအတာ တစ်ခုစာလောက် ကြာခဲ့ပြီးပါပြီ။ ဥပမာ ပြရရင် အဲရစ် ပရင့်စ်ရဲ့ Frontier Services Groupလိုမျိုးပေါ့။ ဒါပေမဲ့ စစ်အာဏာသိမ်းမှုအလွန် ကာလတွေအတွင်း မြန်မာနိုင်ငံမှာ ဖြန့်ကျက်ထားတဲ့ PSC တွေရဲ့ ပွင့်လင်းမြင်သာမှုနဲ့ တာဝန်တွေက ကွဲပြားမှုတွေ ရှိလာပါတယ်။ မြန်မာနိုင်ငံရဲ့ မတည်ငြိမ်မှု အခြေအနေက တရုတ်-ပါကစ္စတန် နယ်စပ် စင်္ကြံ ၊ အာဖရိကနဲ့ အလယ်ပိုင်းအာရှ ဒေသတွေမှာ တရုတ်က ဖြန့်ကျက်နေတဲ့ ရပ်ဝန်းတစ်ခု လမ်းကြောင်းတစ်ခု မဟာစီမံကိန်း (BRI)တို့မှာ ကြုံနေရတာတွေနဲ့ အတော်လေး ဆင်တူသလို ရှိနေပါတယ်။ အဲဒီကုမ္ပဏီ က လုံခြုံ​ရေးဝန်ထမ်း​တွေဟာ တရုတ်စစ်တပ်က အငြိမ်းစား​တပ်ဖွဲ့ဝင်​တွေ ပါဝင်​လေ့ရှိပါတယ်။

အဲဒီတော့ မြန်မာနိုင်ငံမှာလည်း နိုင်ငံခြား ကုမ္ပဏီတွေထက် တရုတ်ရဲ့ ထိန်းချုပ်မှုအောက် PSCတွေသာ ဝင်ရောက်လာမယ့် သဘော ရှိပါတယ်။ ရှိရင်းစွဲ လုပ်ငန်း လည်ပတ်နေတဲ့ PSCတွေရဲ့ အနေအထားနဲ့ ချိန်ထိုးကြည့်တဲ့အခါ မြန်မာနိုင်ငံရောက် တရုတ် PSCတွေကလည်း ဖောက်သည်ဖြစ်တဲ့ သတ္တု တူးဖော်ရေး ကုမ္ပဏီတွေဖက်က တောင်းဆိုတာတွေကို ဖြည့်ဆည်းဖို့ ဘာမဆို လုပ်မယ့် သဘောပါပဲ။

မြန်မာနိုင်ငံထဲမှာ တရုတ် PSCတွေ လုပ်ငန်း ဆောင်ရွက်နိုင်မှု ဖြစ်တန်ခြေ သုံးခုရှိပါတယ်။

(People's Spring သတင်းဌာနမှာ ၂၀၂၄ခုနှစ်၊ ဇန်နဝါရီလ ၂၃ ရက်​နေ့မှာ​ဖော်ပြခဲ့တဲ့​ဆောင်းပါး
ရှင် စိုင်းဒီပထွန်းရဲ့ "တရုတ်ပုဂ္ဂလိက လုံခြုံရေးတွေ စိမ့်ဝင်လာနိုင်ခြင်းရဲ့ အလားအလာ" ​
ဆောင်းပါးကို ပြန်လည်​ဖော်ပြ​ပေးလိုက်ပါတယ် )

https://www.ludunwayoo.com/feature-mm/2024/01/23/88802/


https://www.ludunwayoo.com/feature-mm/2024/01/23/88802/

🟩သေနင်္ဂမဟာဗျူဟာ အွန်လိုင်းအကြံပေး

ကာတွန်း - ညိုမြ

စစ်တပ်ထိန်းချုပ်ရာ မူဆယ်သို့ ဓာတ်ဆီသယ်ဆောင်ခွင့် TNLA ပိတ်

ဧရာ၀တီ၊ နိုဝင်ဘာ ၁၇၊ ၂၀၂၄

ရှမ်းပြည်နယ်မြောက်ပိုင်းတွင် စစ်ကောင်စီတပ် ထိန်းချုပ်ထားနိုင်သည့် တရုတ်- မြန်မာနယ်စပ်ဂိတ်ရှိရာ မူဆယ်မြို့သို့ စက်သုံးဆီသယ်ဆောင်ခွင့်အား ပလောင် (တအာင်း) အမျိုးသား လွတ်မြောက်ရေးတပ်မတော် (TNLA) က နိုဝင်ဘာ ဒုတိယအပတ်မှစ၍ ပိတ်လိုက်ကြောင်း သိရသည်။

TNLA ထိန်းချုပ်ထားသည့် တရုတ်- မြန်မာနယ်စပ် နမ့်ခမ်းမြို့မှတဆင့် မူဆယ်မြို့သို့ သယ်ဆောင်မည့် စက်သုံးဆီများအား နမ့်ခမ်း- မူဆယ်လမ်းမကြီးပေါ်ရှိ TNLA ၏ ကုန်စည်စစ်ဆေးရေးဂိတ်မှ ပိတ်လိုက်ခြင်းဖြစ် ကြောင်း နမ့်ခမ်းဒေသခံ အမျိုးသားတဦးက ဧရာ၀တီကို ပြောသည်။

၎င်းက “စစ်တပ်ရှိတဲ့ မူဆယ်မြို့ဘက်ကို ဓာတ်ဆီတွေ မရောက်အောင်လို့ TNLA က ပိတ်လိုက်တဲ့ သဘောပေါ့။ နမ့်ခမ်းမှာ ရှိတဲ့ ဓာတ်ဆီတွေကိုလည်း ထိန်းထားလိုက်တာ ဟုတ်တယ်။ မန္တလေးဘက်ကနေ ရှမ်းမြောက်ဘက်ကို စစ်တပ်ကဓာတ်ဆီတွေ ဖြတ်တောက်ထားသလိုမျိုး မူဆယ်ကိုလည်း ပြန်ဖြတ်လိုက်တဲ့ ပုံစံမျိုးပေါ့“ ဟု ပြောသည်။

မူဆယ်သို့ယာဉ်မျိုးစုံဖြင့် စက်သုံးဆီအပိုသယ်ဆောင်မှုများကိုလည်း TNLA မှ စစ်ဆေးသိမ်းဆည်းနေပြီး နမ့်ခမ်းမြို့သို့ ပြန်လည်ဝင်ရောက်လျှင် ယင်းဓာတ်ဆီများအား ပြန်ပေးကြောင်း ၎င်းက ဆိုသည်။

TNLA ၏ မူဆယ်အား ပိတ်ပင်ခြင်းမှာ နမ့်ခမ်းမြို့သို့ ဝင်ရောက်လာသည့် စက်သုံးဆီပမာဏကိုထိန်းသိမ်းထားခြင်းဖြစ်ကာ စက်သုံးဆီရှားပါးမှုနှင့် စျေးအဆမတန်မြင့်တက်မှုများ မပေါ်ပေါက်စေရန် လုပ်ဆောင်လိုက်ခြင်းဖြစ်ကြောင်း ဒေသခံတချို့ကဆိုကြပြီး လက်ရှိ နမ့်ခမ်းမြို့ပေါ်တွင် ဓာတ် ဆီ တလီတာ ၇,၈၀၀ ကျပ်ဖြင့် အကန့်သတ်မရှိ ဝယ်ယူရရှိနိုင်ကြောင်း သိရသည်။

အောက်တိုဘာ၂၂ ရက်မှစ၍ တရုတ်ပြည် ကျယ်ဂေါင်မြို့မှ မူဆယ်မြို့သို့ လျှပ်စစ်ပစ္စည်းများအပါအဝင် စက်သုံးဆီများပါ ပိတ်ပင်ဖြတ်တောက်ခဲ့ခြင်းကြောင့် မူဆယ်မြို့နှင့်နမ့်ခမ်းမြို့များတွင် စက်သုံးဆီပြတ်တောက်မှုများဖြစ်ပေါ်ခဲ့ပြီး နမ့်ခမ်းမြို့သို့ပင် TNLA ထိန်းချုပ်နယ်မြေများမှ စက်သုံးဆီများ ဝင်ရောက်လျက်ရှိသည်။

လတ်တလော မူဆယ်မြို့ပေါ်တွင် စက်သုံးဆီပြတ်လပ်မှုကြောင့် အရောင်းဆိုင်အားလုံး ပိတ်သိမ်းထားရပြီး မှောင်ခို လမ်းကြောင်းဖြင့် ဝင်ရောက်မှုများရှိသော်လည်း ဓာတ်ဆီ ၁ လီတာ ၁၅,၀၀၀ ကျပ်ဝန်းကျင် ဖြစ်ပေါ် နေသည်။

နိုဝင်ဘာလ ၁၃ ရက်တွင်လည်း မူဆယ်မြို့ပေါ်ရှိ နှစ်နိုင်ငံတရားဝင် ကုန် သွယ်ရေး မန့်ဝိန်းဂိတ်ပေါက်မှ တရုတ်တွင် ထုတ်လုပ်သည့် စိုက်ပျိုးသီးနှံများအား မြန်မာဘက်သို့ တင်ပို့ခွင့်ပြုလိုက်သော်လည်း စက်သုံးဆီများ ပိတ်ပင်ထားဆဲဖြစ်သောကြောင့် မူဆယ်ရှိ စစ်ကောင်စီအာဏာပိုင်များက ထိုဂိတ်အား ယနေ့ထိ တန်ပြန်ပိတ်ဆို့ထားသည်။

၁၀၂၇ စစ်ဆင်ရေးဖြင့် TNLA နှင့် မြန်မာအမျိုးသားဒီမိုကရက်တစ် မဟာမိတ်တပ်မတော် (MNDAA) တို့ ထိန်းချုပ်ထားသည့် မြို့ ရွာများသို့ စစ်ကောင်စီနှင့်တရုတ်ဘက်မှ စက်သုံးဆီအပါအဝင် အခြေခံလူသုံးကုန် အမျိုးမျိုးအား ပိတ်ဆို့ဖြတ်တောက်ထားသော်လည်း နည်းလမ်းပေါင်းစုံနှင့် ဝင်ရောက်မှုများရှိနေရာ ဓာတ်ဆီ ၁ လီတာမှာ ၇,၀၀၀ ကျပ် ဝန်းကျင်တွင် ရှိနေသည်။

သတင်း- မိုင်းခြိူဝ်းဇာရ် “CJ”
ဓာတ်ပုံ-ဧရာဝတီ၊ CJ

#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မှတ်ပုံတင်နဲ့ UID အတုလုပ်သူ နှစ်ဆယ်ကျော်ကို စစ်ကောင်စီ ဖမ်းဆီး
~~~
■ နိုင်ငံသား စိစစ်ရေးကတ်ပြား (မှတ်ပုံတင်) နဲ့ Unique Identification Number (UID) ကတ်ပြားအတုလုပ်ပြီး နိုင်ငံကူးလက်မှတ် လျှောက်ထားရာမှာ ပူးပေါင်းပါဝင်သူ ၂၃ ဦးကို ဖမ်းဆီးကာ အမှုဖွင့်ထားတယ်လို့ စစ်ကောင်စီ ထိန်းချုပ်ထားတဲ့ သတင်းစာတွေမှာ နိုဝင်ဘာလ ၁၇ ရက် ဒီနေ့မှာဖော်ပြပါတယ်။

လူမှုကွန်ရက် စာမျက်နှာတစ်ခုဖြစ်တဲ့ လဝကရုံး (ဟစ်တိုင်) လို့ အမည်ပေးထားတဲ့ Facebook Group ကနေ ပွဲစားတွေနဲ့ချိတ်ဆက်ပြီး နိုင်ငံသား စိစစ်ရေးကတ်ပြားနဲ့ UID ကတ်ပြားအတုပြုလုပ်ပြီး နိုင်ငံကူးလက်မှတ် လျှောက်ထားသူတွေကို မြို့နယ် ခုနစ်မြို့နယ်က ရဲစခန်းတွေမှာ တရားစွဲဆိုခဲ့တာလို့ ဆိုပါတယ်။

နိုင်ငံသား စိစစ်ရေးကတ်ပြားနဲ့ UID ကတ်ပြားအတုပြုလုပ်ပြီး နိုင်ငံကူးလက်မှတ် လျှောက်ထားရာမှာ ပါဝင်ခဲ့တဲ့ Jack But Jaxk အကောင့်ပိုင်ရှင် ချစ်မင်းခိုင်ပါ သုံးဦးကို သင်္ကန်းကျွန်း မြို့မရဲစခန်းမှာ အမှုဖွင့်ခဲ့သလို Aent Hmue အကောင့်ပိုင်ရှင်ဖြစ်တဲ့ အံ့မှူး အပါအဝင် ၁၁ ဦးကို မင်္ဂလာဒုံ မြို့မရဲစခန်းမှာ အမှုဖွင့်ခဲ့တယ်လို့ ဖော်ပြထားပါတယ်။

ဒါ့အပြင် ရဲထက်စိုး အပါအဝင် ငါးဦးကို မြဝတီ မြို့မရဲစခန်းမှာ အမှုဖွင့်ခဲ့သလို သန့်ဇင်ထွန်းကို အင်းစိန် မြို့မရဲစခန်းမှာ အမှုဖွင့်ခဲ့ပြီး အောင်သူထက်ကို စမ်းချောင်း မြို့မရဲစခန်း၊ ခင်မောင်ကျော်ကို မော်လမြိုင် မြို့မရဲစခန်းနဲ့ ထက်မြတ်အောင်ကို ဒလ မြို့မရဲစခန်းမှာ အသီးသီး အမှုဖွင့်ခဲ့တယ်လို့ စစ်ကောင်စီ ထုတ်ပြန်ချက်မှာ ဖော်ပြပါတယ်။

နိုင်ငံသား စိစစ်ရေးကတ်ပြားနဲ့ UID ကတ်ပြားအတုပြုလုပ်ပြီး နိုင်ငံကူးလက်မှတ် လျှောက်ထားတာဟာ နိုင်ငံတော်နဲ့ ပြည်သူတွေရဲ့လုံခြုံရေးကို ထိခိုက်တာကြောင့် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန စစ်ဆေးဖော်ထုတ်ခဲ့တာလို့လည်း ဆိုပါတယ်။

စစ်ကောင်စီကတော့ ရုံးလုပ်ငန်းတွေနဲ့ပတ်သက်ပြီး ပြည်သူတွေရဲ့ မသိနားမလည်မှုကို အခွင့်ကောင်းယူပြီး ငွေကြေးရယူ၊ အမြတ်ထုတ်သူတွေကို ထိရောက်စွာ အရေးယူမယ်လို့ အသိပေးထားပါတယ်။

ဒါ့အပြင် UID နံပါတ် ရယူလိုသူတွေအနေနဲ့ သက်ဆိုင်ရာ မြို့နယ် လဝကရုံးတွေမှာ နိုင်ငံသား စိစစ်ရေးကတ်ပြားနဲ့အတူ လူကိုယ်တိုင် သွားရောက်ပြီး အခကြေးငွေ ကုန်ကျမှုမရှိဘဲ ဆောင်ရွက်နိုင်တယ်လို့ ဆိုပါတယ်။

ဒါပေမဲ့ စစ်ကောင်စီက လူဝင်မှုကြီးကြပ်ရေးရုံးတွေက UID ကတ်ပြားနဲ့ နိုင်ငံသားစိစစ်ရေးကတ်တွေ လုပ်တဲ့အခါ အချိန်ကြန့်ကြာမှုတွေရှိသလို ရုံးပိုင်းဆိုင်ရာဘက်က မှားယွင်းမှုတွေကို ပြန်မပြင်ပေးတာတွေကြောင့် အခက်အခဲရှိတယ်လို့ ဒဂုံမြို့သစ်တောင်ပိုင်းမြို့နယ်က လုံခြုံရေးအရ အမည်မဖော်လိုတဲ့ မြို့ခံတစ်ဦးက ပြောပါတယ်။

ပြီးခဲ့တဲ့ ဧပြီ ၄ ရက်နေ့က လူတစ်ဦးချင်းစီရဲ့ ဇီဝအချက်အလက် ကောက်ယူမှုစနစ် မှတ်ပုံတင်ပြီးမှ ထုတ်ပေးတဲ့ UID ကတ်နဲ့ နယ်စပ်ဖြတ်သန်းခွင့်ပြုတော့မယ်လို့ စစ်ကောင်စီက ထုတ်ပြန်ထားပါတယ်။
_____
ရန်ကုန်တိုင်း၊ ဒဂုံမြို့သစ်တောင်ပိုင်းမြို့နယ် အမှတ် ၁၈ ရပ်ကွက်တွင် UID ကတ်လုပ်ပေးနေသည်ကို ၂၀၂၄ ခုနှစ်၊ ဇွန်လ ၂၀ ရက်နေ့က တွေ့ရစဥ်။ (RFA Photo)

#မှတ်ပုံတင် #UID #အတုလုပ်သူများ #ဖမ်းဆီး #စစ်ကောင်စီ #လွတ်လပ်တဲ့အာရှအသံ #rfaburmese

RFA Burmese Website တွင် ဖတ်ရှုရန်…

အမ်းတွင် အင်အားလာဖြည့်သည့် ရဟတ်ယာဉ်တစ်စီးကို ပစ်ခတ်ခဲ့ဟု AA အတည်ပြု

DMG ၊ နိုဝင်ဘာ ၁၂

အနောက်ပိုင်းတိုင်းစစ်ဌာနာချုပ် (နပခ) သို့ အင်အားလာဖြည့်သည့် စစ်ကောင်စီ ရဟတ်ယာဉ်တစ်စီးကို ပစ်ခတ်ခဲ့သဖြင့် ထိမှန်သွားခဲ့ကြောင်း အာရက္ခတပ်တော် ပြောရေးဆိုခွင့်ရှိသူ ဦးခိုင်သုခက အတည်ပြုသည်။

နိုဝင်ဘာ ၁၀ ရက်၊ မွန်းလွဲ ၂ နာရီခွဲအချိန်တွင် နပခဌာနချုပ် ပတ်ဝန်းကျင်တွင် လက်နက်ခဲယမ်း၊ ရိက္ခာ၊ စစ်အင်အား လာပို့သည့် ရဟတ်ယာဉ် ၄ စီးကို ပစ်ခတ်စဉ် တစ်စီး၏အမြီးပိုင်းကို ထိမှန်သွားခဲ့သည်ဟု ဦးခိုင်သုခက ပြောသည်။

“အဲဒီထိသွားတဲ့ ရဟတ်ယာဉ်ဟာ အဲဒီနေရာမှာ ထိုးကျပျက်စီးသွားတာမျိုး မဟုတ်ဘဲ သူတို့ အကြမ်းဖက် စစ်ကောင်စီ ထိန်းချုပ်ထားတဲ့ နေရာအထိ ရောက်အောင် သူတို့ကြိုးစားထိန်းမောင်းပြီးမှ သတ်မှတ်နေရာကို မရောက်ဘဲ အဆင်ပြေတဲ့တစ်နေရာမှာ ဆင်းသက်သွားတယ်လို ကျနော်တို့ သိရပါတယ်” ဟု ဦးခိုင်သုခက သတင်းမီဒီယာများသို့ ဖြေကြားထားသည်။

အဆိုပါပစ်ခတ်ခံရသည့် ရဟတ်ယာဉ်မှာ မကွေးတိုင်း၊ ငဖဲမြို့နယ်မှာ၊ ကျောက်ဆုံရွာအနီးသို့ ဆင်းသက်သွားခဲ့ကြောင်း သိရရှိရဟု ဦးခိုင်သုခက ဆက်ပြောသည်။

နပခဌာနချုပ်တစ်ခုလုံးကို အလုံးစုံသိမ်းပိုက်နိုင်ရေး AA က ဆက်လက်ထိုးစစ်ဆင်နေပြီး လက်ရှိတွင် စစ်ကောင်စီ တပ်စခန်း ၁၀ ခန့် သိမ်းပိုက်ထားကာ နေ့စဉ်နှင့်အမျှ တိုက်ပွဲပြင်းထန်လျက်ရှိသည်။

လက်ရှိတွင်လည်း နပခဌာနချုပ် စစ်သင်တန်းကျောင်းအနီးတွင် တိုက်ပွဲပြင်းထန်နေပြီး စစ်ကောင်စီက လေကြောင်းမှတစ်ဆင့် ပစ်ကူပေးရင်း စစ်အင်အားဖြည့်တင်းနေကြောင်း သိရသည်။

“အမ်းဟာ စစ်ကောင်စီအတွက် အရေးကြီးတယ်။ အနောက်တံခါးလို့ခေါ်တဲ့ ရခိုင်နဲ့ ချင်းတောင်အပါအဝင် အုပ်ချုပ်ထားတဲ့ နယ်မြေပေါ့။ ပြီးတော့ စစ်တွေကနေ ကုန်းလမ်းထွက်ပေါက် တစ်ပေါက်တည်းသာရှိတဲ့ အမ်းစစ်ဌာနချုပ် ဖြစ်တယ်။ ဒါကြောင့် စစ်ကောင်စီအတွက် အရေးပါတယ်” ဟု CDM ဗိုလ်ကြီး ဇင်ယော်က ပြောသည်။

ရခိုင်ဒေသအတွင်း စစ်ကောင်စီနှင့် AA တို့ တိုက်ပွဲဖြစ်ပွားနေသည်မှာ တစ်နှစ်နီးပါး ကြာမြင့်လာပြီဖြစ်သည်။ ပွင့်လင်းရာသီရောက်လာ၍ အမ်း၊ ဂွ၊ တောင်ကုတ်၊ မောင်တော တိုက်ပွဲများမှာ ပိုမိုပြင်းထန်လာနေသည်။

ပုံစာ - ပလက်ဝတိုက်ပွဲအတွင်း ပစ်ချနိုင်ခဲ့သော ရဟတ်ယာဉ်ရှေ့တွင် တွေ့ရသော AA တပ်ဖွဲ့ဝင်များ။

https://www.dmgburmese.com/သတင်း/ami17yi.html

မိုးမောက်မြို့ကိုပြန်သိမ်းရန် ဒရုန်းအများအပြားသုံးပြီး စစ်တပ်ထိုးစစ်ဆင်
-------------------------------------
ဗန်းမော်ဘက်မှ မိုးမောက်မြို့ဘက်သို့ စစ်ထိုးနေသည့် စစ်ကောင်စီတပ်က လက်နက်ကြီးနှင့် လေကြောင်းပစ်ကူအပြင် ဗုံးတပ်ဒရုန်းများ အသုံးပြုနေသည်ဟု KIA က ပြောသည်။

“တော်တော်ကြီးတဲ့ ဒရုန်းတွေသုံးတယ်၊ (၁၂၀ မမ)ဗုံးသီးတွေ ၂လုံး၊ ၃လုံး သယ်နိုင်တဲ့ ဒရုန်းတွေသုံးတာ” ဟု KIA က ပြောသည်။

ပုံစာ- စစ်သင်တန်းတွင် ဒရုန်းအသုံးပြုမှု ပါဝင်ကြောင်း မှတ်တမ်းဓာတ်ပုံကို စစ်ကောင်စီဘက်တော်သားများက အွန်လိုင်းတွင် တင်ထားသည်။

အပြည့်အစုံဖတ်ရန် > https://myanmar-now.org/mm/news/59101/

⚠️ Signal ကိုစစ်ကောင်စီက တကယ်ဝယ်လိုက်ပြီလား⚠️

ကိုယ့်လူတို့ရေ…

အခုတလောကြားနေရတာပါ…

📌Signal ကို စစ်ကောင်စီက ဝယ်လိုက်ပြီ…

📌Signal အစားထိုး တစ်ခြား App တွေကို သုံးဖို့ စဉ်းစားနေပြီလား?

👉Content မှာအသေးစိတ်ဖတ်ကြည့်ပါဗျို့…

👉Signal အပြင် တစ်ခြား App မှာ Code မကျတဲ့ ပြသနာ ဖြစ်နေတဲ့ ကိုယ့်လူတို့လည်း Comment မှာ အခက်အခဲလေးတွေ မျှဝေခဲ့လို့ရပါတယ်။

'ရန်ကုန်တွင် ကော်ရှူသည့်ကလေးများ WY သုံးလာသည်အထိ မူးယစ်ဆေးပျံ့နှံ့နေ'

ရန်ကုန်မြို့မှာ အိမ်ခြေမဲ့ ကော်ရှူနေတဲ့ ကလေးတချို့ပါ WY စိတ်ကြွမူးယစ်ဆေး သုံးလာတဲ့အထိ ဆေးပြားပျံ့နှံ့မှုတွေ များလာနေတယ်လို့ ကိုယ်တိုင်တွေ့မြင်သူတွေက ပြောပါတယ်။

ကလေးတချို့မှာ မူးယစ်စေဖို့အတွက် ကုန်ကျစရိတ်နည်းတဲ့ ကော်ရှူတာကို စွဲလမ်းအသုံးပြုရာကနေ မူးယစ်ဆေး အလွယ်ရလာတာကြောင့် WY ပြောင်းသုံးတာတွေ ရှိနေတာလို့ ဆိုပါတယ်။

ကိုယ်တိုင်တွေ့မြင်ခဲ့တဲ့ ရန်ကုန်မြို့ခံတယောက်က “ဗဟန်းထဲမှာ ၁၂ နှစ်၊ ၁၃ နှစ်အရွယ် ကော်ရှူတဲ့ ကလေးတွေ WY သုံးတာ ကိုယ်တိုင်တွေ့ရတာ။ အခါတိုင်း ကော်ဘူးကိုင်ကိုင်ရှူနေတဲ့ ကလေးတွေ။ သူတို့ ဘယ်လို ဝယ်သုံးလဲတော့ မသိဘူး။ WY ဆေးပြားက ဈေးပေါပေါနဲ့ ပြန့်နေတယ်ဆိုတာတော့ ကြားတယ်”လို့ ပြောပါတယ်။

ရန်ကုန်မှာ WY ဆေးပြားအနေနဲ့ တပြားကို ကျပ် ၂၀၀၀ လောက်နဲ့ အလွယ်တကူဝယ်လို့ ရတဲ့အခြေအနေမှာရှိနေတယ်လို့လည်း ရန်ကုန်မြို့ခံက ပြောပါတယ်။... – DVB

11 Nov 2024
#rangoonscoutnetwork

တရုတ်ဘက်မှ ကုန်စည်စီးဆင်းမှုအား ပိတ်ပင်ခဲ့ခြင်းကြောင့် ကုန်စျေးနှုန်းပိုမိုမြင့်တက်လာနိုင်ဟုဆို

11 Nov 2024 By Poesangle/ MPA

ရှမ်းပြည်နယ်မြောက်ပိုင်း၊ မူဆယ်မြို့နယ်ရှိ ဆင်ဖြူဂိတ်နှင့် နန်းတော်ဂိတ်များမှ ပစ္စည်းသယ်ယူခွင့်ကို တရုတ်အစိုးရက လုံး၀ပိတ်ပင်ခဲ့ခြင်းကြောင့် ပြည်တွင်း ကုန်စျေးနှုန်းများ ပိုမိုမြင့်တက်လာနိုင်သည်ဟု ဒေသခံများက ဆိုသည်။

တရုတ်နိုင်ငံ ကျယ်ဂေါင်မြို့မှ ပစ္စည်းများကို ခရီးသည်တင်ကား၊ အိမ်စီးကား၊ ဆိုင်ကယ်၊ သုံးဘီးနှင့် လက်တွန်းလှည်များ အသုံးပြုပြီး မြန်မာနိုင်ငံအတွင်းသို့ ကုန်စည်ပို့ဆောင်ခွင့်အားလုံးကို တရုတ်ပြည်သူ့သမ္မတနိုင်ငံ၊ ရွှေလီမြို့အစိုးရက ပိတ်ပင်လိုက်ခြင်းဖြစ်ပြီး ကုန်ပစ္စည်း သယ်ယူမည်ဆိုပါက တရားဝင်ထောက်ခံချက်များဖြင့်သာ လုပ်ဆောင်ခွင့်ပြုမည်ဟု နိုဝင်ဘာ ကိုးရက်တွင် ထုတ်ပြန်ထားသည်။

သတင်းအပြည့်အစုံဖတ်ရန် >>>> https://tinyurl.com/2s4pk4bv
Telegram Link - https://t.me/MPANews
Twitter Link - https://twitter.com/mmpressphoto
MPA English Website - https://mpapress.com/en

မနေ့က နပခဌာနချုပ်ကို ဂျက်ဖိုက်တာ ၃ စီးနဲ့ လေကြောင်းတိုက်ခိုက်မှု အပြင်းအထန်လုပ်ပြီးတော့ Y12 အပါအဝင် ရဟတ်ယာဉ်တွေနဲ့ ရိက္ခာ၊ စစ်ကူတွေကို ချပေးတယ်။ AA က ပြန်လည်ပစ်ခတ်တာ ရဟတ်ယာဉ် ၁ စီးက မီးခိုးတွေထွက်ပြီးတော့ သူပျံတာ ဒရုန်းလောက်တောင် မမြန်တော့ဘူး။ မကွေးဘက်ကို ထိုးကျသွားတာ တွေ့လိုက်တယ်

Website တွင် ဖတ်ရန် https://bit.ly/3Cq5CQ3
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ရခိုင်စစ်ရေးကြားက ကိုယ်ဝန်ဆောင်မိခင်များ ကျန်းမာရေးစောင့်ရှောက်မှု လိုအပ်နေ

DMG ၊ နိုဝင်ဘာ ၁၁

ရခိုင်ဒေသအတွင်း စစ်ရေးပဋိပက္ခများကြောင့် စစ်ဘေးတိမ်းရှောင်နေရသည့် ကိုယ်ဝန်ဆောင်မိခင်များမှာ ကျန်းမာရေးစောင့်ရှောက်မှု အကူအညီများစွာ လိုအပ်လျက်ရှိနေကြသည်။

တိုက်ပွဲမဖြစ်မီက ကိုယ်ဝန်ဆောင်များမှာ ကာကွယ်ဆေးထိုးနှံခြင်းနှင့် ကျန်းမာရေးစောင့်ရှောက်မှုများ ရရှိခဲ့သော်လည်း လက်ရှိတွင် ငွေကြေးအခက်အခဲ၊ ဆေးဝါးရှားပါးမှုကြောင့် ကိုယ်ဝန်နှင့်ပတ်သက်၍ စိုးရိမ်မှုရှိနေကြသည်။

“ပုံမှန်ဆိုရင်တော့ ဆရာဝန်တွေ၊ အိုဂျီတွေနဲ့ ပြရမယ်။ ပိုက်ဆံမရှိလို့ မပြနိုင်ဘူး။ ကလေးအနေအထားတွေ သိချင်တယ်။ ကလေး အတည့်လား၊ အပြန်လားဆိုတာ သိချင်တယ်။ လမ်းစရိတ်မရှိလို့ မသွားရဘူး။ လမ်းစရိတ်က အသွားနှစ်သောင်း၊ အပြန်နှစ်သောင်းပေးရတယ်” ဟု ကျောက်တော်မြို့နယ်၌ ခိုလှုံနေသူ စစ်တွေဒေသခံ ဒေါ်အေးဆန်းချေက ပြောသည်။

ရခိုင်တွင် ၂၀၂၃ ခုနှစ်၊ နိုဝင်ဘာလတွင် စတင်ခဲ့သည့် တကျော့ပြန်တိုက်ပွဲအတွင်း ကိုယ်ဝန်ဆောင်၊ ကလေးငယ်များအပါအဝင် ဒေသခံ ခုနစ်သိန်းနီးပါး နေရပ်စွန့်ခွာ တိမ်းရှောင်နေရပြီး စားနပ်ရိက္ခာ၊ ဆေးဝါး စသည့် အရေးပေါ်လိုအပ်ချက်များ မြင့်မားနေဆဲဖြစ်သည်။

စစ်ဘေးရှောင်များမှာ စစ်ရှောင်စခန်း၊ ဘုန်းကြီး‌ကျောင်း၊ စာသင်ကျောင်းနှင့် ဘုရားရင်ပြင်များ၌ နေထိုင်ကြရပြီး ကိုယ်ဝန်ဆောင်များမှာ နေရာထိုင်ခင်း အကျပ်အတည်းကြောင့် ကလေးမွေးဖွားရန်အတွက် အခက်အခဲများ ကြုံနေကြရသည်။

“မွေးဖို့အတွက် အခန်းလိုတယ်။ အခန်းက မရသေးဘူး။ ဆေးရုံဆေးခန်းမှာ မွေးဖို့ကလည်း ငွေကြေးမတတ်နိုင်ဘူး။ ကိုယ့်မှာက တစ်ရက်ရှာတာကို တစ်ရက်စားနေရတာ” ဟု ကျောက်တော်မြို့မှ စစ်ဘေးရှောင် ဒေါ်ခင်ဝင်းနွယ်က ပြောသည်။

အလုပ်အကိုင်ရှားပါးမှု၊ ကုန်ဈေးနှုန်းမြင့်တက်မှုနှင့် ကူညီထောက်ပံ့မှုများ နည်းပါးသဖြင့် စစ်ဘေးရှောင်များမှာ စားဝတ်နေရေး အကျပ်အတည်းဖြင့် ရင်ဆိုင်နေကြရပြီး ဝမ်းရေးအတွက် ကြုံရာကျပန်းလုပ်ကိုင်ကာ ဖြတ်သန်းနေကြရသည်။

ကိုယ်ဝန်ဆောင်များအတွက် လိုအပ်သည့် ကျန်းမာရေးစောင့်‌ရှောက်မှုများအပြင် အာဟာရပြည့်ဝစွာ မရရှိခြင်း၊ ကာကွယ်ဆေးမထိုးရခြင်း တို့ကြောင့် မိခင်နှင့်ကလေးအတွက် အန္တရာယ်ရှိလာနိုင်ကြောင်း ကျန်းမာရေးအသိုင်းအဝိုင်းက ထောက်ပြကြသည်။

“ကိုယ်ဝန်ဆောင်တွေမှာ ကာကွယ်ဆေးတွေ မရ၊ အာဟာရချို့တဲ့လာရင် မိခင်နဲ့ကလေးအတွက် အန္တရာယ်ရှိတယ်။ ကာကွယ်ဆေး မထိုးရရင် ရောဂါတွေ အလွယ်တကူ ဝင်နိုင်တယ်။ နောက်ပိုင်းဆိုရင် မိခင်နဲ့ကလေး သေဆုံးနှုန်းတွေပါ တက်လာနိုင်တယ်” ဟု ကျန်းမာရေးဝန်ထမ်းတစ်ဦးက ပြောသည်။

တိုက်ပွဲစတင်ချိန်မှစ၍ စစ်ကောင်စီက ရခိုင်ဒေသကို လမ်းခရီးပိတ်ဆို့ထားဖြင့် ကုန်စည်ပြတ်လပ်ကာ ကုန်ဈေးနှုန်း အဆမတန်မြင့်တက်မှုဒဏ်ကို ဆိုးရွားစွာ ရင်ဆိုင်နေကြရသည်။

ရခိုင်ပြည်အတွင်း လာမည့် ၂၀၂၅ နှစ်တွင် အငတ်ဘေးကျ‌ရောက်နိုင်ပြီး လက်ရှိတွင် လူဦးရေ ၂ သန်းခန့်မှာ အငတ်‌ဘေးဆိုက်မည့် အန္တရာယ်နှင့် ရင်ဆိုင်နေရသည်ဟု ကုလသမဂ္ဂဖွံဖြိုးရေး အစီအစဉ် (UNDP) က နိုဝင်ဘာ ၇ ရက်တွင် ထုတ်ပြန်ထားသည်။

https://www.dmgburmese.com/သတင်း/ycawngsh.html

ရခိုင်တွင် စက်သုံးဆီဈေးနှုန်း ကျင်ဆင်းလာသော်လည်း ယာဉ်ငှားရမ်းခများ မြင့်တက်နေဆဲ

DMG ၊ နိုဝင်ဘာ ၁၁

ရခိုင်ဒေသအတွင်း စက်သုံးဆီဈေးနှုန်းများ တဖြည်းဖြည်း ကျဆင်းလာသော်လည်း ယာဉ်ငှားခဈေးနှုန်းများ မြင့်တက်နေဆဲဖြစ်၍ အခက်ကြုံနေရကြောင်း ဒေသခံပြည်သူများက ပြောဆိုကြသည်။

ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား စသည့် မြို့နယ်အချို့တွင် အိန္ဒိယသုံးဘီး (ဒေသအခေါ် တုတ်တုတ်)အပါအဝင် အငှားယာဉ်ငှားရမ်းခများ ဈေးနှုန်းမြင့်တက်နေ၍ ငွေကြေးအကုန်ကျများစွာဖြင့် သွားလာနေကြရသည်။

ကျောက်တော်မြို့နယ်၊ ပြိုင်းချောင်းကျေးရွာမှ ဈေးသည်အမျိုးသမီးတစ်ဦး “နယ်ဘက်ကလာပြီး ကျောက်တော်မြို့မှာ ဈေးလာရောင်းတာ။ ကားခအသွားအပြန်က အရမ်းဈေးများတယ်။ ရောင်းမထွက်တဲ့ နေ့တွေဆိုရင် ကားစရိတ်တောင် မတတ်နိုင်ဘူး” ဟု ပြောသည်။

အငှားယာဉ်စရိတ် မြင့်တက်မှုကြောင့် ဈေးသည်အချို့မှာ ခြေလျင်လျှောက်ပြီး မြို့ပေါ်သို့ သွားရောက် ရောင်းချကြသလို အလုပ်အကိုင်အဆင်မပြေမှု၊ စားဝတ်နေရေးခက်ခဲမှုတို့ကြောင့် ဒေသခံအများစုမှာလည်း မြို့တွင်းနေရာအများအပြားကို ခြေလျင်လျှောက်၍သာ သွားလာနေကြသည်။

ရခိုင်တွင် တိုက်ပွဲဖြစ်ပွားမှုနှင့်အတူ စစ်ကောင်စီ၏ လမ်းခရီးပိတ်ဆို့မှုကြောင့် စက်သုံးဆီများ ပြတ်လပ်ကာ စက်သုံးဆီ 92 တစ်လီတာကို ငွေကျပ် ၂၀,၀၀၀ ခန့်အထိ မြင့်တက်ခဲ့ပြီး ပုဏ္ဏားကျွန်း - ကျောက်တော်၊ ကျောက်တော် - မြောက်ဦး ပြေးဆွဲသည့် တုတ်တုတ်ခအနေဖြင့် ခရီးသည်တစ်ဦးကို ငွေကျပ် ၃၅,၀၀၀ ကျပ်အထိ ဈေးမြင့်တက်သွားခဲ့သည်။

လက်ရှိတွင် 92 တစ်လီတာ ငွေကျပ် ၁၂,၀၀၀ အထိ ဈေးကျသွားသော်လည်း အငှားယာဉ်ဈေးနှုန်းများမှာ လျော့ကျသွားခြင်းမရှိဘဲ မြင့်တက်နေဆဲဖြစ်၍ ခရီးသည်များမှာ အခက်ကြုံနေခြင်း ဖြစ်သည်။

“စက်သုံးဆီတွေ ဈေးကျသွားပေမယ့် ကားစရိတ်တွေက မကျသေးဘူး။ မြောက်ဦးကနေ ကျောက်တော်သို့ သွားမယ်ဆိုရင် တစ်ယောက်ကို သုံးသောင်းပေးနေရသေးတယ်။ အဲဒါကလည်း ခရီးသည်အနည်းဆုံး လေးယောက်လောက်ရမှာ ကားထွက်တာ” ဟု မြောက်ဦးဒေသခံ အမျိုးသမီးတစ်ဦးက ပြောသည်။

စက်သုံးဆီဈေးနှုန်း အဆမတန်မြင့်မတက်မီက ကျောက်တော် - မြောက်ဦး ခရီးသည်တစ်ဦးကို ငွေကျပ် ၇,၀၀၀ သာ ရှိခဲ့သည်။ လက်ရှိ အငှားယာဉ်ဈေးနှုန်း မြင့်တက်နေခြင်းမှာ စက်သုံးဆီဈေး မြင့်တက်မှုကြောင့် ဟု ကားသမားများက ပြောဆိုကြသည်။

“ဆီဈေးတက်တဲ့အပေါ်မူတည်ပြီး ကားငှားစရိတ်ကိုလည်း ဈေးမြင့်တယ်။ စက်ပစ္စည်းတစ်ခုခု ချွတ်ယွင်းရင် ပြန်ပြုပြင်ဖို့မလွယ်ဘူး” ဟု မြောက်ဦး-ကျောက်တော် အငှားယာဉ်တုတ်တုတ်မောင်းသူ တစ်ဦးက ပြောသည်။

ရခိုင်တွင် စက်သုံးဆီအပါအဝင် ကုန်ဈေးနှုန်းများ အဆမတန်မြင့်တက်နေ၍ ဒေသခံများမှာ စားဝတ်နေရေး အခက်အခဲများဖြင့် ကြုံတွေ့နေကြရသည်။

https://www.dmgburmese.com/သတင်း/caatsonj.html

အမ်း လက်နက်သိုလှောင်ရုံကို AA တိုက်ခိုက်

DMG ၊ နိုဝင်ဘာ ၁၁

အနောက်ပိုင်းတိုင်းစစ်ဌာနချုပ်(နပခ)တည်ရှိရာ အမ်းမြို့ရှိ စစ်ကောင်စီ၏ စစ်လက်နက်များသိုလှောင်ရုံကို အာရက္ခတပ်တော်(AA)က ပစ်ခတ်တိုက်ခိုက်ခဲ့ပြီး ပေါက်ကွဲပျက်စီးမှုများရှိကြောင်း သတင်းရင်းမြစ်များထံမှ သိရသည်။

နပခဌာနချုပ်အနီးရှိ စစ်ကောင်စီ၏ စစ်လက်နက်ပစ္စည်းများ အဓိက သိုလှောင်သည့်နေရာကို နိုဝင်ဘာ ၁၀ ရက် ညနေပိုင်းအချိန်တွင် AA က RPG ဖြင့် တိုက်ခိုက်ခဲ့ခြင်းဖြစ်သည်။

“လက်နက်ကြီး၊ ခေတ်ပေါ်လက်နက်၊ ဒရုန်းအထိုင်စက်တွေ၊ ဒရုန်းတွေ အဲဒီဂိုဒေါင်ထဲမှာရှိတယ်။ အမ်းစစ်ဒေသတစ်ခုလုံးအတွက် သိမ်းထားတဲ့လက်နက်တွေ ရှိတယ်။ စစ်ပွဲအတွက် အဲဒီနေရာကပဲ ထုတ်ပေးနေတာ” ဟု စစ်ရေးသတင်းရင်းမြစ်တစ်ဦးက ပြောသည်။

AA တိုက်ခိုက်မှုကြောင့် လက်နက်သိုလှောင်ရုံတွင် ကျရောက်ပေါက်ကွဲမှုနှင့်အတူ မီး‌လောင်ကျွမ်းသွားခဲ့ပြီး အနီးအနားရှိ ရိက္ခာသိုလှောင်ရုံမှာလည်း မီးလောင်ကျွမ်းမှုများရှိခဲ့သည်။

တိုက်ခိုက်မှုအတွင်း စစ်ကောင်စီတပ်ဖွဲ့ဝင် ၁၁ ဦးထက်မနည်း သေဆုံးမှုရှိခဲ့ကြောင်း သိရသော်လည်း DMG အနေဖြင့် သီးခြား အတည်မပြုနိုင်သေးပေ။
“အဲဒီဂိုဒေါင်ကို စောင့်ကြည့်ကြီးကြပ်တဲ့ တာဝန်ရှိပုဂ္ဂိုလ်အပါအဝင် စစ်သားတွေ ဂိုဒေါင်ပေါက်ကွဲမှုကြောင့် ဆုံးသွားတယ်။ ပေါက်ကွဲတဲ့အသံက အရမ်းကျယ်တယ်။ မီးလောင်တာတွေကိုလည်း မြင်ရတယ်” ဟု မြေပြင်သတင်းရင်းမြစ်တစ်ဦးက ပြောသည်။

နိုဝင်ဘာ ၁၀ ရက် နေ့လယ်ပိုင်းအချိန်တွင်လည်း နပခဌထဲသို့ လက်နက်ခဲယမ်းများ ပို့ဆောင်ပြီးပြန်လာသည့် စစ်ရဟတ်ယာဉ် ၄ စီးကို AA က ပစ်ခတ်မှုကြောင့် တစ်စီးပျက်ကျသွားခဲ့ကြောင်း စစ်ရေးသတင်းရင်းမြစ်ထံမှ သိရသည်။

အမ်းတွင် စစ်ကောင်စီနှင့် AA တို့ကြား တိုက်ပွဲများ ဆက်လက်ပြင်းထန်နေပြီး ယမန်နေ့က စစ်ကောင်စီ၏ စစ်သင်တန်း‌ ကျောင်းအနီးတွင် နှစ်ဖက်တိုက်ပွဲများ ပြင်းထန်ခဲ့သည်။

နပခဌာနချုပ်တစ်ခုလုံးကို သိမ်းပိုက်နိုင်ရေးအတွက် AA က ထိုးစစ်အရှိန်မြှင့် တိုက်ခိုက်နေပြီး လက်ရှိတွင် စစ်ကောင်စီတပ်စခန်း ၁၀ ခန့် သိမ်းပိုက်ထားသည်။

အမ်းတိုက်ပွဲအတွင်း လက်နက်ကြီး၊ လေကြောင်းပစ်ခတ်မှု တို့ကြောင့် အမ်းမြို့နယ်တွင် နေအိမ်အဆောက်အုံ ပျက်စီးမှု ရာနှင့်ချီရှိနေသည်။

https://www.dmgburmese.com/သတင်း/nasohaaw.html

တရုတ်ဒရုန်းကုမ္ပဏီကို စစ်ခေါင်းဆောင် သွားရောက်လေ့လာ
------------------------------------
စစ်ရေးတွင် ဒရုန်း အသုံးပြုမှု ခြေတစ်လှမ်းနောက်ကျနေသော ဗိုလ်ချုပ်ကြီးများက အားနည်းချက်ကို ပြုပြင်ရန် ကြိုးပမ်းနေပြီး သေဆုံးသူအများစုမှာ အရပ်သားများ ဖြစ်နေသည်။

ပုံစာ- နိုဝင်ဘာ ၈ ရက်က ချုံချင့်မြို့ ဒရုန်းများကို ကြည့်ရှုနေသည့် စစ်ခေါင်းဆောင်။ (ဓာတ်ပုံ-MOI)

အပြည့်အစုံဖတ်ရန် > https://myanmar-now.org/mm/news/59072/

ပြည်သူသို့ အသိပေးတင်ပြခြင်း

မိဘပြည်သူများခင်ဗျာ MSI အနေဖြင့် MSI နှင့် ယခင့် ယခင်က ဆက်သွယ်ထားဖူးသော ပြည်သူများ အားလုံး၏ လုံခြုံရေးကို အထူး အလေးထားသောအားဖြင့် SDB Bank ငွေသွင်းခြင်း - PRF များ ထောက်ပို့များ - NUG Pay ငွေသွင်းခြင်းများအတွက် MSI နှင့် ယခင့် ယခင်က ဆက်သွယ်ထားဖူးသူများကိုသာ လက်ခံ ဆောင်ရွက်ပေးလျှက်ရှိပါကြောင်း။

လူသစ်များအနေဖြင့် လုံခြုံရေးအခြေအနေများကြောင့် MSI မှ လက်ခံဆောင်ရွက်ပေးနိုင်ခြင်း မရှိပါကြောင်းကို လေးစားစွာ အသိပေးအပ်ပါသည်။

လူသစ်များအနေဖြင့် SDB Bank - NUG pay ဖလှယ်နိုင်ပါသည်။ ထောက်ပို့များအတွက် NUG pay - SDB Bank ဖြင့် ဆောင်ရွက်နိုင်ပါသည်။ အခြားသော မည်သည့် Third Party Payment များ ဖြင့် လက်ခံ ဆောင်ရွက်ပေးနိုင်မည် မဟုတ်ပါ။

SDB Bank ငွေသွင်းလိုသော လူဟောင်းများအတွက် ယခင်က MSI နှင့် ဆက်သွယ်ဖူးသည့် အထောက်အထား ပြောပြပေးဖို့လိုအပ်ပါသည်။

လုံခြုံရေးအတွက် ဆောင်ရွက်ရခြင်း ဖြစ်ပါသဖြင့် မိဘ ပြည်သူများအနေဖြင့် နားလည်ခွင့်လွှတ်ပေးနိုင်မည်ဟု MSI မှ ယုံကြည်ပါသည်။

လက်ရှိအချိန်အထိ တော်လှန်ရေးတွင် တစ်တပ်တစ်အား ပါဝင်အားဖြည့်ပေးနေကြသော မိဘပြည်သူများအား အစဉ်အမြဲ အထူးလေးစားလျှက်

NUG ပတ်စပို့စ်သက်တမ်းတိုးပေးခြင်း တရားမဝင်ဟု စစ်ကောင်စီ ကြေညာ

ဧရာဝတီ၊ နိုဝင်ဘာ ၁၀၊ ၂၀၂၄

တောင်ကိုရီးယားနိုင်ငံရောက် မြန်မာနိုင်ငံသားများ၏ နိုင်ငံကူးလက်မှတ်များကို အမျိုးသား ညီညွတ်ရေးအစိုးရ (NUG) ကိုယ်စားလှယ်ရုံးမှ သက်တမ်းတိုးပေးနေချိန်တွင် ဆိုးလ်မြို့ရှိ စစ်ကောင်စီ မြန်မာသံရုံးက တရားမဝင်ဟုဆိုကာ ယမန်နေ့၌ ထုတ်ပြန်သည်။

ထိုသို့ ထုတ်ပြန်ရာတွင် တောင်ကိုရီးယားနိုင်ငံသို့ ရောက်ရှိနေသော မြန်မာနိုင်ငံသားများအနေဖြင့် နိုင်ငံကူးလက်မှတ်များကို တရားမဝင်တံဆိပ်တုံး အတုအပဖြင့် သက်တမ်းတိုးခြင်းများ လုပ်ဆောင်နေကြောင်းတွေ့ရှိရသည့်အတွက် မြန်မာသံရုံးက ယင်းနိုင်ငံကူးလက်မှတ်များကို ဖျက်သိမ်းခြင်းနှင့် အမည်မည်းစာရင်းရေးသွင်းခြင်းများ ဆောင်ရွက်ခဲ့ကြောင်း၊ တရားမဝင် တံဆိပ်တုံး အတုအပပြုလုပ်ပြီး နိုင်ငံကူးလက်မှတ်များကို သက်တမ်းတိုးနေသူများအား အိမ်ရှင်နိုင်ငံ၏ တရားဥပဒေအရ အရေးယူဟန့်တားနိုင်ရေး လုပ်ဆောင်နေသည်ဟု ထည့်သွင်းဖော်ပြထားသည်။

တောင်ကိုရီးယားနိုင်ငံသို့ရောက်ရှိနေသာ မြန်မာနိုင်ငံသားများအနေဖြင့် နိုင်ငံကူးလက်မှတ်ကိုင်ဆောင် အသုံးပြုခြင်းဆိုင်ရာ စည်းကမ်းများကို ဖောက် ဖျက်ခြင်းကြောင့် မိခင်နိုင်ငံနှင့် အိမ်ရှင်နိုင်ငံ၏ ဥပဒေအရ အရေးယူခံရနိုင်သည်ဟု အောက်တိုဘာ ၁၅ ရက်တွင်လည်း စစ်ကောင်စီက ပထမအကြိမ် ထုတ်ပြန်ခဲ့သေးသည်။

ထိုသို့ ထုတ်ပြန်အသိပေးထားသော်လည်း မြန်မာနိုင်ငံသားများအနေဖြင့် နိုင်ငံကူးလက်မှတ်သက်တမ်းတိုးခြင်းများကို NUG ကိုယ်စားလှယ်ရုံး၌ သာ သွားရောက် လုပ်ကိုင်နေကြဆဲဟု သိရသည်။

NUG တောင်ကိုရီးယားကိုယ်စားလှယ်ရုံးက နိုင်ငံကူးလက်မှတ် သက်တမ်းတိုးခြင်းများအတွက် အခွန်နှင့် ငွေကြေး ကောက်ခံခြင်းမရှိဘဲ သက်တမ်း ၂ နှစ် တိုးပေးနေကြောင်း၊ NUG ကိုယ်စားလှယ်ရုံးမှ နိုင်ငံကူးလက်မှတ် သက်တမ်းတိုးပေးမှု လုပ်ဆောင်နေခြင်းကို တောင်ကိုရီးယားအစိုးရကလည်း အသိအမှတ်ပြုကာ တရားဝင်လက်ခံထားကြောင်း ကိုရီးယားရောက် မြန်မာများထံက သိရသည်။

ပုံစာ- ယခုနှစ် မေလအတွင်းက NUG နိုင်ငံခြားရေးဝန်ကြီး ဒေါ်ဇင်မာအောင်နှင့် စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီး ဦးတင်ထွန်းနိုင်တို့ ကိုရီးယားလွှတ်တော်အမတ်များနှင့် တွေ့ဆုံခဲ့စဉ်/ NUG ကိုယ်စားလှယ်ရုံး

#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

ဟိုပန်တွင် ပြည်သူ့စစ်ဖွဲ့ရန် UWSA ညွှန်ကြား

ဧရာဝတီ၊ နိုဝင်ဘာ ၁၀၊ ၂၀၂၄

“ဝ" ပြည် သွေးစည်း ညီညွတ်ရေး တပ်မတော် (UWSA) ထိန်းချုပ်ထားသော ရှမ်းပြည်နယ် မြောက်ပိုင်း၊ ဟိုပန်မြို့တွင် ရပ်ရွာလုံခြုံရေးအတွက်ဟုဆိုကာ ပြည်သူ့စစ်များဖွဲ့စည်းရန် ညွှန်ကြားလိုက်ကြောင်း ဒေသခံများက ဆိုသည်။

"ရပ်ရွာလူကြီးတွေကို ခေါ်တွေ့တယ်၊ ရပ်ရွာလုံခြုံရေးအတွက်လို့ ပြောတာပဲ။ ၁၀ အိမ်မှာ အနည်းဆုံး ၃ ယောက်လောက် သွားရတယ်” ဟု ဒေသခံတဦးက ဆိုသည်။

ပြည်သူ့စစ်ဖွဲ့ရန် အသက် ၁၈ နှစ်မှ ၄၀ နှစ်အတွင်း စာရင်းကောက်ခံလျက်ရှိပြီး လူငယ်များကို အဓိကထားကောက်ခံနေကြောင်း၊ ရပ်ကွက်တခုနှင့်တခု ကောက်ခံရာတွင်လည်း ပုံစံမတူကြောင်း သိရသည်။

"တချို့ရွာတွေကို ၂ ယောက်လောက်ပဲ ကောက်တယ်။ တချို့ကျတော့လည်း ၁၅ ယောက်ကနေ ၂၅ ယောက်ထိ ကောက်တယ်” ဟု ဒေသခံ အမျိုသားတဦးက ဆိုသည်။

မိသားစုဝင်တဦးဦးသည် ဝ ပြည်နယ်၏ အစိုးရလက်အောက်၌ တာဝန်ထမ်းဆောင်သူဖြစ်ပါက ပြည်သူ့စစ်အဖြစ် ကောက်ယူမှုမှကင်းလွတ်ခွင့်ရှိကြောင်း ၎င်းက ထပ်မံပြောသည်။

ထို့အတူ တန့်ယန်း၊ မိုင်းယော်နှင့် မိုင်းကျက်တို့၌လည်း အောက်တိုဘာ၊ နိုဝင်ဘာလတို့တွင် "ဝ" တပ်၏ တပ်သားသစ် ကောက်ခံသည့် သတင်းများ ထွက်ပေါ်လျက်ရှိသည်။

သတင်း- “ခေါက်တွေတိုက်”
ပုံစာ- UWSA တပ်ဖွဲ့ဝင်များ/ ဧရာဝတီ
#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မြောက်ကိုရီးယား စစ်သားများနဲ့ ရင်ဆိုင်တိုက်ခိုက်နေရကြောင်း ဇဲလန်စကီးပြောကြား

မျက်မှောက်ခေတ်၊ နိုဝင်ဘာ ၉

ရုရှားနိုင်ငံ ခါ့စ်ခ်ဒေသမှာတပ်ဖြန့်ထားတဲ့ မြောက်ကိုရီးယား စစ်သားများနှင့် ယူကရိန်း စစ်သားများ နှင့် စစ်ပွဲမှာ ရင်ဆိုင်တိုက်ခိုက်နေရကြောင်း ဇဲလန်စကီးက ကြာသပတေးနေ့မှာ ပြောကြားလိုက်ပါတယ်။

ယူကရိန်းက ရုရှားနယ်မြေဖြစ်တဲ့ ခါ့စ်ခ်ဒေသအား၃ လကြာ စစ်တိုက်ခဲ့ကြောင်း သိရပါတယ်။ အဆိုပါနေရာတွင် မြောက်ကိုရီးယား စစ်သား ၁၁၀၀၀ ရှိကြောင်း ဇဲလန်စကီးက သတင်းထောက်များအား ပြောကြားခဲ့ပါတယ်။

ထို့အပြင် ‌စစ်တပ်အချို့ဟာ ယူကရိန်းအား တိုက်ခိုက်နေကြောင်းနှင့် ဆုံးရှုံးမှုများလည်းရှိကြောင်း ပြောကြားခဲ့ပါတယ်။
သို့သော် မည်သည့်ဘက်မှ ဆုံးရှုံးနေသည်ကို ဇဲလန်စကီးက မပြောကြားခဲ့‌ကြောင်းသိရပါတယ်။ ခါ့စ်ခ်ဒေသဟာ ယူကရိန်းနိုင်ငံမြောက်ပိုင်းနှင့် နယ်နိမိတ်ထိစပ်နေကြောင်း သိရှိရပါတယ်။

နယူးယောက်တိုင်း သတင်းဌာနရဲ့ အစီအရင်ခံစာအရ မြောက်ကိုရီးယား တပ်ဖွဲ့၀င်အများအပြားကျဆုံးနေကြောင်း သိရှိရပါတယ်။

မော်စကိုနှင့် ပြုံယမ်းအကြား ပြင်းထန်လာတဲ့ စစ်ရေးပူးပေါင်းဆောင်ရွက်မှုအား မည်ကဲ့သို့ တုံ့ပြန်ရမည်ကို အမေရိကန်နှင့် မဟာမိတ်များက ချိန်ဆနေကြကြောင်း သိရပါတယ်။

ယူကရိန်းနှင့် နေတိုးအဖွဲ့၀င်များဟာ ဒေါ်နယ်ထရမ့် ပြန်လည်ရွေးကောက်ခံမှုဟာ စစ်ပွဲရဲ့ ချိန်ခွင်လျာအား မည်ကဲ့သို့ အကျိုးသက်ရောက်မည်ကို တွက်ချက်နေကြပြီး အမေရိကန်ရဲ့ ထောက်ပံ့မှု သိသိသာသာ လျော့ကျနိုင်တဲ့အတွက် ထိန်းကျောင်းလျက်ရှိကြောင်း သိရပါတယ်။

ကြာသပတေးနေ့မှာ ရုရှား သမ္မတပူတင်က ဒေါ်နယ်ထရမ့်နှင့် စကားပြောဆိုရန် အဆင်သင့်‌ဖြစ်ကြောင်း ပြောကြားခဲ့ပါတယ်။

ဆိုချီမြို့ Black Sea resort မှာကျင်းပခဲ့တဲ့ ဆွေးနွှေးပွဲမှာ ထရမ့်နှင့် ဆွေးနွှေးဖို့ အဆင်သင့်ဖြစ်ကြောင်း ရုရှားအကြီးအကဲ တစ်‌ဦးက ပြောကြားခဲ့ပါတယ်။

ပူတင်က ထရမ့်ရဲ့ အနိုင်ရရှိမှုအား ဂုဏ်ပြုခဲ့ကြောင်းလည်း သိရှိရပါတယ်။

-CNN

အပယ်ခံအလွှာမှ ပြည်သူ့အသံများ

ပြည်သူ့အသံ အမှတ်စဉ် (၁၄၃)

👇👇👇
ဒီချိန်မှာ အရာရာနောက်ကျသွားပါပြီ..
ပြည်သူဟာ လေးနှစ်လုံးလုံး တောင့်ခံထောက်ပံ့ပေးခဲ့ပြီးပြီမို့ ၂၀၂၅မှာ သူတို့လုံခြုံရေးအတွက် သူတို့ဖာသာ လမ်းရွေးရပါတော့မယ်..အဲ့ချိန်မှာ အရင်ဆုံးပြည်ပပြေးသူအပေါင်းက ပြည်တွင်းလူများအား ပြစ်တင်ဆဲရေးကြပါလိမ့်မယ်..စကစရွေးကောက်ပွဲပြီးတာနဲ့ nug crph ဆိုသဟာတွေလည်း မျောက်သစ်ကိုင်းလွတ်ပါပြီ
👆👆👆

#minoritypeoplevoices
#mpv
https://t.me/MinorityPeopleVoices

တရုတ်ရှိ အဆင့်မြင့်ဒရုန်းစက်ရုံကို စစ်ခေါင်းဆောင် လေ့လာ

ဧရာဝတီ၊ နိုဝင်ဘာ ၉၊ ၂၀၂၄

တရုတ်နိုင်ငံ၊ ကူမင်းမြို့သို့ ရောက်ရှိနေသည့် စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်သည် ယနေ့ နိုဝင်ဘာ ၈ ရက်တွင် ချုံချင့်မြို့ရှိ စက်ရုံ၊ အလုပ်ရုံများကို သွားရောက်ခဲ့ပြီး အဆင့်မြင့်ဒရုန်းများကို လေ့လာခဲ့ကြောင်း သတင်းထုတ်ပြန်သည်။

ချုံချင့်မြို့ရှိ Zhongyue Aviation UAV Firefignting-Drone Co.Ltd. ကုမ္ပဏီမှ ထုတ်လုပ်ထားသည့် လူမှုကယ်ဆယ်ရေး လုပ်ငန်းများတွင် အသုံးပြုသော အဆင့်မြင့်ဒရုန်းများကို ကြည့်ရှုခဲ့ပြီး အထပ်မြင့်အဆောက်အဦများ၊ တောမီး လောင်ကျွမ်းမှုများနှင့် အခြားသဘာဝဘေးကယ်ဆယ်ရေးလုပ်ငန်းတို့တွင် ဒရုန်းများအသုံးပြု၍ ပြုလုပ်ပုံ အဆင့်ဆင့်နှင့် ဒရုန်းဖြင့်မီးငြှိမ်းသတ်မှုအား လက်တွေ့ သရုပ်ပြသခဲ့သည်။

အဆင့်မြင့်နည်းပညာများကို အသုံးပြု၍ လူသားအကျိုးပြုဒရုန်းများ တီထွင်ထုတ်လုပ်မှုနှင့် ဘေးအန္တရာယ်ကယ်ဆယ်ရေး လုပ်ငန်းများ ဆောင်ရွက်နိုင်ခဲ့မှုအား ချီးကျူးဂုဏ်ပြုခဲ့ကြောင်း စစ်ခေါင်းဆောင်က ဆိုသည်။

ထို့ပြင် SERES မော်တော်ကားကုမ္ပဏီမှ ထုတ်လုပ်လျက်ရှိသည့် ကားအမျိုးအစားများကို ပြကွက်တခုချင်းစီအလိုက်၊ ကားအမျိုးအစားအလိုက်အချက်အလက်များနှင့် စက်ရုံအတွင်း ကားထုတ်လုပ်နေမှုအဆင့်ဆင့်တို့ကိုလည်း လိုက်လံ ကြည့်ရှုခဲ့ကြောင်း သိရသည်။

Chongqing International Logistics Hub Park ၌ တရုတ်-ဥရောပ-အနောက်နိုင်ငံတို့ကြား ကုန်စည်စီးဆင်းလျက်ရှိသည့် ကုန်းလမ်း၊ ရေလမ်း လမ်းပြမြေပုံ၊ ချုံချင့်မြို့၏ ဖွံ့ဖြိုးတိုးတက်မှုသမိုင်း၊ ယန်စီမြစ်ပေါ်ရှိ ကုန်စည်စီးဆင်းမှုဆိပ်ကမ်းများနှင့် လမ်းပန်းဆက်သွယ်ရေးနှင့် မြို့ပြပုံစံငယ်တို့ကိုလည်း ကြည့်ရှုခဲ့ကြောင်း သိရသည်။

ဓာတ်ပုံ- MRTV

#WhatsHappeningInMyanmar
#RejectMilitaryCoup

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy

မဲခေါင်ဒေသ ဝန်ကြီးချုပ်များကို ရွေးကောက်ပွဲအရေး စစ်ခေါင်းဆောင် စည်းရုံး
-----------------------------------------
တရုတ်နိုင်ငံတွင် ဒေသတွင်း ခေါင်းဆောင်များနှင့် တွေ့ဆုံခွင့်ရနေသော အာဏာသိမ်းခေါင်းဆောင်က ၂၀၂၅ ရွေးကောက်ပွဲအစီအစဉ် ရှင်းပြပြီး ထောက်ခံမှု ရှာဖွေနေသည်။

ပုံစာ- နိုဝင်ဘာ ၇ ရက်နေ့က ရိုက်ကူးပြီး မြန်မာစစ်တပ်က ဖြန့်ဝေသော မှတ်တမ်းဓာတ်ပုံတွင် တွေ့ရသည့် စစ်ခေါင်းဆောင်နှင့် ထိုင်းဝန်ကြီးချုပ် ။ (ဓာတ်ပုံ-AFP)


အပြည့်အစုံဖတ်ရန် > https://myanmar-now.org/mm/news/59046/

NUG လက်အောက်ခံ MNOU အား CDM ကျောင်းသားတစ်ဦး၏ တိုင်စာ

Myanmar Nway-Oo University - မြန်မာ့နွေဦးတက္ကသိုလ် ရဲ့ ရိုင်းစိုင်းမှု၊ Professional မဆန်မှု နဲ့ ရင့်ကျက်မှုမရှိခြင်းတို့အား အရေးယူပေးပါရန် ❗

ကျနော်တို့ CDM ကျောင်းသားတွေအနေနဲ့ တော်လှန်ရေးကာလမှာ ဒီလိုကျောင်းတွေ ပေါ်ပေါက်လာတာ၊ စီစဉ်ပေးတာကို ကျေးဇူးအများကြီးတင်ရပါတယ်။ အစစအရာရာ ကိုယ်ထူကိုယ်ထ စနစ်နဲ့ စတင်လာခဲ့ကြတာဖြစ်လို့ အကုန်လုံးကိုလည်း နားလည်ပေးသလို ကျောင်းသားတစ်ယောက်အနေနဲ့ တတ်နိုင်တဲ့နေရာကနေ ပါဝင်ရင်း ပညာရေးလမ်းကြောင်းပေါ် ဆက်ပြီး လျှောက်လှမ်းနိုင်အောင် အတူတူကြိုးစားပါဝင်ခဲ့ပါတယ်။

MNOU ဟာ စတင်ခဲ့တဲ့အချိန်တုန်းက လူညီညွတ်ပြီး Educated ဖြစ်တဲ့ ပညာရေးအသိုင်းအဝိုင်းရှိခဲ့ပေမဲ့ အခုအချိန်မှာတော့ ပြောင်းလဲသွားတာ မြင်ရတာ ရင်နာစရာပါပဲ။ ကျောင်းလျှောက်ဖို့ စတင်ကြေငြာကတည်းက ကျောင်းအပ်ပြီး Moodle account မရခင်အထိ စာပြန်တာတွေဟာ Professional မဆန်ဘဲ (ကျောင်းတစ်ကျောင်းရဲ့ ပုံရိပ်ကို ထိခိုက်တဲ့ထိ) ရင့်သီးမောက်မာနေတာ အောက်ကပုံအတိုင်းပါပဲ။ (ဒါတောင် ဥပမာ အနေနဲ့ ss တစ်ခုတည်း ပြထားတာဖြစ်ပါတယ်)

ကျွန်‌နော်တို့ MNOU ကျောင်းသားတွေအနေနဲ့ စကစလက်ထက်ကလို ကျောင်းသားအပေါ် ရိုင်းစိုင်းရင့်သီးမောက်မာမှုတွေကို လုံးဝ (လုံးဝ) လက်မခံနိုင်ပါဘူး။ ဒါကြောင့် MNOU အနေနဲ့ ထိရောက်စွာ ကိုင်တွယ်ပေးဖို့ တောင်းဆိုလိုပါတယ်။

(ဒီအကြောင်းတွေကို private ဖြေရှင်းဖို့ ကြိုးစား‌ခဲ့ပေမဲ့လည်း Unprofessional staffတွေက Ban လိုက်တဲ့အတွက် အခုအချိန်ကစပြီး လူသိရှင်ကြားဖြေရှင်းပြီး တရားမျှတမှုကို တောင်းဆိုလိုပါတယ်)

ထရမ့်သမ္မတ ဖြစ်လာရင် ထိုင်းနယ်စပ်က မြန်မာဒုက္ခသည်တွေကို အမေရိကန်လက်ခံမှု ပယ်ဖျက်နိုင်ခြေရှိဟုဆို

-People's Spring

အမေရိကန် ရွေးကောက်ပွဲ ရလဒ်ကို အကြောင်းပြုပြီး ထိုင်းနယ်စပ်မှာရှိတဲ့ မြန်မာ ဒုက္ခသည်တွေ အမေရိကန်ဆီ ရွှေ့ပြောင်း အခြေချခွင့် အစီအစဉ်တွေ ပယ်ဖျက်ခံရဖွယ် ရှိနေကြောင်း လူ့အခွင့်အရေးပညာရှင် တစ်ဦးက သတိပေးခဲ့ပါတယ်။

အမေရိကန် ရွေးကောက်ပွဲမှာ တကျော့ပြန် အနိုင်ရခဲ့သူ သမ္မတဟောင်း ဒေါ်နယ်လ်ထရမ့်ဟာ ပြည်ပကနေ ရွှေ့ပြောင်း အခြေချလာသူတွေအပေါ် ခါးသီးတဲ့ အမြင်မျိုး ရှိသူ ဖြစ်ပါတယ်။

လက်ရှိ အမေရိကန် အစိုးရဟာ ထိုင်း-မြန်မာ နယ်စပ် ဒုက္ခသည် စခန်းတွေမှာ ရှိနေတဲ့ မြန်မာနိုင်ငံသားတွေကို စိစစ် လက်ခံပြီး အခြေချ ခိုလှုံခွင့် ပေးနေပေမယ့် ထရမ့်အာဏာရလာရင် အဲဒီ အစီအစဉ်ကို ဖျက်သိမ်းနိုင်တယ်လို့ အာရှ လူ့အခွင့်အရေးနဲ့ အလုပ်သမားရေးရာ အားပေးကူညီမှုအဖွဲ့ (AHRLA)ရဲ့ ဒါရိုက်တာ ဖိလစ် ရောဘတ်ဆန်က ပြောပါတယ်။

လက်ရှိ အမေရိကန် အစိုးရရဲ့ အစီအစဉ်ထဲမှာတော့ လူနည်းစု တိုင်းရင်းသားအများစု ပါဝင်တဲ့ ဒုက္ခသည် ၆၀၀၀၀ လောက်ကို အမေရိကန် အပါအဝင် တခြား တတိယ နိုင်ငံတွေမှာ ရွှေ့ပြောင်း နေရာချပေးဖို့ ရည်ရွယ်ထားပါတယ်။

ထိုင်းနဲ့ အမေရိကန် အစိုးရတွေ ဆွေးနွေးပြီးတဲ့နောက် ထိုင်းနယ်စပ် ဒုက္ခသည် စခန်းတွေကို အပြီးပိတ်သိမ်းနိုင်ရေးအတွက် အဲဒီ အစီအမံကို သဘောတူခဲ့တာပါ။ ဒါပေမဲ့ အခုတော့ အမေရိကန်မှာ အစိုးရ ပြောင်းတော့မှာဖြစ်ပြီး အဲဒီ သဘောတူညီမှုကို ဆက်လက် အကောင်အထည်ဖော်ဖို့ မသေချာတော့ပါဘူး။

ထရမ့်ဟာ လူ့အခွင့်အရေး ရှုထောင့်ကို ဘယ်တုန်းကမှ ဦးစားမပေးခဲ့ဘူးလို့ ရောဘတ်ဆန်က ပြောပါတယ်။ ထရမ့်ဟာ ရွှေ့ပြောင်းအခြေချမှုတွေကို ဆန့်ကျင်တဲ့ မူဝါဒတွေကို အကောင်အထည် ဖော်လာချိန်မှာ နောက်ဆက်တွဲ အရှုပ်အထွေးတွေ၊ ဂယက်တွေပါ ကြုံလာရနိုင်တယ်လို့လည်း သတိပေးခဲ့ပါတယ်။

ဥပမာ အမေရိကန်မှာ နှစ်တွေနဲ့ချီ နေထိုင်ခဲ့ပေမယ့် အမေရိကန် နိုင်ငံသား မဟုတ်သူတွေကို ဖမ်းဆီးပြီး နယ်နှင်တာမျိုးတွ ဖြစ်လာနိုင်တယ်လို့ သူက ဆိုပါတယ်။ ရောဘတ်ဆန်က အဲဒီလို နယ်နှင်မှုတွေရဲ့ နောက်ဆက်တွဲအဖြစ် မိသားစုတွေ ကွဲကွာတာ၊ အာဏာပိုင်တွေနဲ့ လူထုကြားမှာ တင်းမာတာတွေ ဖြစ်လာနိုင်တယ်လို့လည်း ထောက်ပြခဲ့ပါတယ်။ အထူးသဖြင့် ထရမ့်ရဲ့ မူဝါဒတွေကို လက်မခံနိုင်တဲ့ ဒီမိုကရက်တစ်ပါတီ အုပ်စိုးရာ ပြည်နယ်တွေမှာ အဲဒီပြဿနာမျိုးတွေ ပိုမို ဖြစ်ပေါ်လာနိုင်တယ်လို့ ရောဘတ်ဆန်က ဆိုပါတယ်။

ထရမ့်ဟာ အမေရိကန်မှာ အမျိုးသမီးတွေရဲ့ ကိုယ်ဝန်ဆောင်ခွင့်၊ ဖျက်ချခွင့် ကိုယ်ပိုင် ဆုံးဖြတ်ချက်နဲ့ ပတ်သက်ပြီး ပိုမို တင်းတင်းကျပ်ကျပ် ချုပ်ကိုင်မယ့် မူဝါဒမျိုး ပြဋ္ဌာန်းဖို့ပါ ဖိအားပေးလာဖွယ် ရှိကြောင်း သူက သတိပေးသွားခဲ့ပါတယ်။

ကိုးကား: The Nation

MSI - MYANMAR SOCIETY INFORMATIONS pinned «နောက်တကြိမ် မြန်မာ့တော်လှန်ရေးစဖြစ်ဖို့ အချိန်ဘယ်လောက်ယူရနိုင်ပါသလဲ။»

" ထိုင်းအစိုးရက မြန်မာနိုင်ငံရေးအခြေအနေကိုနားလည်ဖို့လိုတယ်။ ကမ္ဘောဒီးယားနိုင်ငံလို မဟုတ်ဘူး။ ကမ္ဘောဒီးယားနိုင်ငံက ဘာပြဿနာမှမရှိဘူး။ မြန်မာနိုင်ငံကနေ အသက်ဘေးလွတ်ရာ ထွက်ပြေးလာတဲ့လူတွေဟာ အခြေအနေ အမျိုးမျိုး အကြောင်းအမျိုးမျိုးနှင့် ထိုင်းနိုင်ငံကိုရောက်လာ ကြတယ်။ တချို့က နိုင်ငံလှုပ်ရှားသူတွေ၊ ပီဒီအက်ဖ်တွေ၊ ထောက်ပို့တွေ၊ ဘလက်လစ်ဝင်သူတွေ ဖြစ်ကြတယ်။ ဒီလိုလူတွေကို ဖမ်းဆီးပြန်ပို့ခြင်းမလုပ်သင့်ဘူး။ ထိုင်းနိုင်ငံအနေနဲ့ လူသားချင်းစာနာထောက်ထားမှုရှိရမယ်"ဟု Mr. Sompong Srakaew က ပြောသည်။

ထိုင်းနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီးသည့် မြန်မာရွှေ့ပြောင်းလုပ်သား ၁၂၇ ဦးကို ပြီးခဲ့သည့် စက်တင်ဘာ ၂၆ရက်က ရနောင်းမြို့မှတဆင့် ကော့သောင်းမြို့ကို ‌လွှဲပြောင်းနေရပ်ပြန်ပို့ရာ ကော့သောင်းမြို့ရှိ စစ်ကောင်စီအဖွဲ့က အသက်အရွယ်ငယ်ရွယ်သူ ၂၇ဦးကို ရွေးထုတ်ပြီး ကော့သောင်းမြို့ခွဲတမ်းအတွက် စစ်မှုထမ်းရန် ခေါ်ဆောင်ခံခဲ့ရသည်။

ထိုင်နိုင်ငံတောင်ပိုင်း အကျဥ်းထောင်အသီးသီး၌ အကြောင်းအမျိုးမျိုးဖြင့် အကျဥ်းကျခံရသော မြန်မာရွှေ့ပြောင်းလုပ်သားများ ပြစ်ဒဏ်ကျခံပြီးနောက် ထိုင်း - မြန်မာနှစ်နိုင်ငံသဘောတူညီမှုဖြင့် နေရပ်ပြန်ပို့ပေးသည့် အစီအစဥ်မှာ ယခင်ကတည်းက လစဥ်ပြုလုပ်လေ့ရှိသည်။

အကြောင်းအမျိုးမျိုးဖြင့် ပြစ်ဒဏ်ကျခံပြီးသော မြန်မာလုပ်သားများအား ထိုင်းနိုင်ငံတောင်ပိုင်း ရနောင်မြို့မှ ကော့သောင်းမြို့သို့ စက်လှေဖြင့် နေရပ်ပြန်ပို့ပေးခြင်း ဖြစ်သည်။

သို့သော် လက်ရှိတွင် စစ်ကောင်စီက နေရပ်ပြန်ပို့ခံရသူများအနက် လူငယ်များအား ရွေးထုတ်ပြီး စစ်မှုထမ်းရန် အတင်းအဓမ္မခေါ်ဆောင်နေခြင်း ဖြစ်သည်။

ထိုင်းဝန်ကြီးချုပ်နှင့် စစ်ခေါင်းဆောင်တွေ့ဆုံအပြီးနောက်တရက်တွင် ထိုင်းရောက်မြန်မာများအား သံရုံးကခြိမ်းခြောက်သတိပေး

ဒီးဒီ/People's Spring

ထိုင်းဝန်ကြီးချုပ်နှင့် အာဏာသိမ်း စစ်ခေါင်းဆောင်မင်းအောင်လှိုင်တို့ တရုတ်နိုင်ငံ၌ တွေ့ဆုံအပြီးနောက်တရက်တွင် ဘန်ကောက်မြို့ရှိစစ်ကောင်စီ၏မြန်မာသံရုံးက ထိုင်းရောက်မြန်မာများအား ခြိမ်း‌ခြောက်သည့်သတိပေးချက်တစ်ခု ထုတ်ပြန်လိုက်သည်။

တရုတ်နိုင်ငံ ယူနန်ပြည်နယ် ကူမင်းမြို့၌ ပြုလုပ်သည့် ဒဿမအကြိမ်မြောက် ဧရာဝတီ-ကျောက်ဖရား-မဲခေါင် စီးပွားရေး ပူးပေါင်းဆောင်ရွက်မှု မဟာဗျူဟာ (ACMECS) ထိပ်သီး အစည်းအဝေး၏ ဆက်စပ် အစီအစဉ်တစ်ခုတွင် ထိုင်းဝန်ကြီးချုပ် ဖေထောင်ထန် ရှီနာဝပ်ထရာနှင့် စစ်ခေါင်းဆောင် မင်းအောင်လှိုင်တို့ နိုဝင်ဘာ ၇ရက်က တွေ့ဆုံခဲ့ခြင်း ဖြစ်သည်။

ထိုင်းဝန်ကြီးချုပ်နှင့် တွေ့ဆုံချိန်တွင် စစ်ခေါင်းဆောင် မင်းအောင်လှိုင်က ထိုင်းနိုင်ငံရောက် မြန်မာများ၏ အချက်အလက်များ မျှဝေပေးပို့ရန် တောင်းခံခဲ့ကြောင်း ထိုင်းသတင်းဌာန Thai Enquirerက ဖော်ပြသည်။

မင်းအောင်လှိုင်က ထိုင်းနိုင်ငံရောက် မြန်မာနိုင်ငံသားတွေ၏ တည်နေရာနှင့် အခြား အချက်အလက်များ မျှဝေပေးရန် ထိုင်းဝန်ကြီးချုပ်ထံ တောင်းဆိုခဲ့ပြီး အဆိုပါအကြောင်းအရာကို ထိုင်းနိုင်ငံခြားရေးဝန်ကြီးဌာနထံလည်း ပေးပို့ထားကြောင်း Thai Enquirerက ဆိုများသည်။

ထို့သို့ တွေ့ဆုံတောင်းဆိုပြီး နောက်တစ်ရက်တွင် ဘန်ကောက်မြို့ရှိ စစ်ကောင်စီ၏ မြန်မာသံရုံးက ထိုင်းရောက်မြန်မာများနှင့်ပတ်သက်ပြီး သတိပေးချက် ထုတ်ပြန်လာခြင်းဖြစ်သည်။

ထိုင်းတော်ဝင်ရဲတပ်ဖွဲ့၊ လူဝင်မှုကြီးကြပ်ရေးဗျူရိုက လူဝင်မှုကြီးကြပ်ရေးအက်ဥပဒေ (B.E.2522)နှင့်အညီ နေထိုင်ခွင့်သက်တမ်းတိုးခြင်းဆိုင်ရာကိစ္စရပ်များအား အထူးအလေးထား အရေးယူဆောင်ရွက်နေကြောင်း၊ ထိုင်းနိုင်ငံအတွင်း သက်တမ်းကျော်လွန်နေထိုင်သူများအား လူဝင်မှု ကြီးကြပ်ရေးဗျူရိုအနေဖြင့် အရေးယူဆောင်ရွက်သွားမည်ဖြစ်ကြောင်း စစ်ကောင်စီ၏ မြန်မာသံရုံးက ခြိမ်းခြောက်ထုတ်ပြန်ထားသည်။

ထိုင်းနိုင်ငံအတွင်း သက်တမ်းလွန်နေထိုင်သူများအနေဖြင့် တစ်ရက်လျှင် ဘတ် ၅၀၀နှုန်းဖြင့် စုစုပေါင်း ဘတ်၂၀,၀၀၀ ထက်မပိုသော ဒဏ်ကြေးငွေအား ပေးဆောင်ရမည်ဖြစ်ကြောင်း၊ သက်တမ်းလွန်နေထိုင်သူများအနေဖြင့် ၎င်းတို့ နေထိုင်ခဲ့သည့် သက်တမ်းလွန်ကာလအလိုက် ထိုင်းနိုင်ငံအတွင်းသို့ ပြန်လည်ဝင်ရောက်ခွင့်အား ပိတ်ပင်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

သက်တမ်းကျော်လွန်နေထိုင်မှုအလိုက် အနည်းဆုံး (၁)နှစ်မှ (၁၀)နှစ်အထိ ထိုင်းနိုင်ငံသို့ ပြန်လည်ဝင်ရောက်ခွင့် ပိတ်ပင်မည်ဟု ထပ်မံဖော်ပြထားသည်။

မြန်မာသံရုံး၏ ထုတ်ပြန်ချက်အပေါ် Lynn Wai Lattအကောင့်က "ကိုယ့်လူမျိုးကိုယ် ဘယ်လို ဒုက္ခပေးရမလဲပဲ အစီအစဉ်ရှိတဲ့ စစ်တပ်လက်ကိုင်တုတ်သံရုံး"ဟု မှတ်ချက်ပြုရေးသားထားသည်။

စစ်ကောင်စီသည် ထိုင်းရောက်မြန်မာများထံမှ အခွန်အခရရှိရေးနှင့် ၎င်းတို့အားလုံး သံရုံးနှင့် ထိတွေ့ဆက်ဆံမှုရှိစေရန် လုပ်ဆောင်လာခြင်းဟု ထင်မြင်ကြောင်း ထိုင်းရောက်မြန်မာလုပ်သားအရေးဆောင်ရွက်နေသော MHAC မဟာမိတ်အဖွဲ့မှ ကိုရဲမင်းက ပြောသည်။

" အဓိက အခွန်အခရဖို့ ဦးတည်နေတာလားပေါ့။ ထိုင်းကလည်း သူတို့အနေနဲ့ အလုပ်သမားတွေနဲ့ ထိပ်တိုက်မတွေ့အောင်တော့နေမယ် ထင်တယ်။ မင်းအောင်လှိုင်တောင်းဆိုတဲ့အတိုင်းတော့ မလုပ်လောက်ဘူး။ သူလည်း နိုင်ငံတကာရဲ့စောင့်ကြည့်မှုကို ခံနေရတာဆိုတော့"ဟု ကိုရဲမင်းက ပြောသည်။ သို့သော် ထိုင်းရောက်မြန်မာများအနေဖြင့် ယခင်ကထက် ပိုမိုသတိထားနေထိုင်ကြရန်လည်း ကိုရဲမင်းက ဆိုသည်။

ထို့အပြင် ထိုင်းနိုင်ငံ မဲဆောက်မြို့တွင်လည်း မနက်ဖန် စနေနှင့် တနင်္ဂနွေ နှစ်ရက်ကို ထိုင်းအစိုးအဖွဲ့စုံက စစ်ဆေးဖမ်းဆီးမည်ဖြစ်၍ မဲဆောက်နေမြန်မာများအနေဖြင့် အဆိုပါ နှစ်ရက်အား အပြင်မထွက်ကြရန် လူမှုကွန်ရက်တွင် အချင်းချင်းသတိပေးနေကြသည်။

ထိုင်းအစိုးရသည် ရက်ပေါင်း ၁၂၀စီမံချက်ဟုဆိုကာ ဇွန်လ ၅ ရက်မှအောက်တိုဘာ ၂ ရက်အထိ သတ်မှတ်ပြီး အထောက်ထားမဲ့ နေထိုင်သူများအား စစ်ဆေးရာ ထိုင်းရောက်မြန်မာ ၂၀၉,၄၃၅ ဦး စစ်ဆေးခံရပြီး ၁,၂၈၉ ဦး ဖမ်းဆီးအရေးယူခဲ့ကြောင်း ထိုင်းအစိုးရက ကြေညာထားသည်။ ထိုသို့ အရေးယူခံရသူများအား နှစ်ပတ်ကျော်ကြာ ထိန်းသိမ်းပြီး နယ်စပ်သို့ ပြန်ပို့ဆောင်မှုများ ပြုလုပ်ခဲ့သည်။

ထိုင်းအစိုးရအနေဖြင့် အလုပ်သမားဥပဒေအရ တရားမဝင်ရွှေ့ပြောင်းလုပ်သားများအား အရေးယူဆောင်ရွက်ပြီး မိခင်နိုင်ငံကိုပြန်ပို့လေ့ရှိသော်လည်း လတ်တလောမြန်မာနိုင်ငံ၏ အ‌ခြေအနေအရ နေရပ်ပြန်ပို့မှုများမလုပ်ဆောင်သင့်ကြောင်း ထိုင်းရောက်ရွှေ့ပြောင်းလုပ်သားများအရေးဆောင်ရွက်သူ ထိုင်းနိုင်ငံ မဟာချိုင်အခြေစိုက် အလုပ်သမားကာကွယ်ပေးရေးကွန်ရက် (Labour Protection Network Foundation -LPN)တည်ထောင်သူ Mr. Sompong Srakaew က ပြောသည်။

အနာဂတ်ဖက်ဒရယ်ပြည်ထောင်စုတည်ဆောက်ရာ၌ ပြည်နယ်အားကောင်းရေးမှသည် ပြည်ထောင်စုအားကောင်းရေးဖြစ်သော bottom-up federalism ဖြင့်ချဉ်းကပ်ရေးအပါအဝင် ပြည်နယ်ဖက်ဒရယ်ယူနစ်များအကြား ရှင်းလင်းတဲ့လုပ်ပိုင်ခွင့်အာဏာများခွဲဝေကျင့်သုံးကြရေးအတွက် NUG နှင့် K2C တို့ ၃ရက်တာလူတွေ့အစည်းအဝေးမှတဆင့် သဘောတူညီချက်ရရှိခဲ့ကြောင်း ကရင်နီအမျိုးသားတိုးတက်ရေးပါတီ(KNPP) မှ ဦးအောင်ဆန်းမြင့်က သတင်းစာရှင်းလင်းပွဲတွင် အသိပေးကြေညာ

၂၀၂၄၊ နိုဝင်ဘာ ၅

"ကျနော်တို့အားလုံးက ဖက်ဒရယ်ဒီမိုကရေစီပြည်ထောင်စုကိုတည်ဆောက်ကြမယ်လို့ ယေဘုယျသဘောတူညီထားကြပေမယ့် ဘယ်လိုဖက်ဒရယ်စနစ်နဲ့တိုင်းပြည်ကိုတည်ဆောက်မလဲ ပြည်ထောင်စုနဲ့ပြည်နယ်တွေအကြား ဘယ်လိုလုပ်ပိုင်ခွင့်အာဏာတွေကိုခွဲဝေကျင့်သုံးကြမယ်ဆိုတာကို ကျနော်တို့တလရအင်အားစုတွေကြားထဲမှာ အဓိပ္ပါယ်ဖွင့်ဆိုချက်နဲ့အတူ ရှင်းရှင်းလင်းလင်းရှိနေကြဖို့ အထူးလိုအပ်ပါတယ်" 

"ဒါမှလည်း တာဝန်ယူမှုတာဝန်ခံမှုအပိုင်းမှာရှင်းလင်းမှာဖြစ်သလို စစ်အာဏာရှင်တိုက်ဖျက်ရေးကို စနစ်တကျနဲ့ထိရောက်စွာ ဆောင်ရွက်နိုင်မှာဖြစ်ပါတယ်။ ဒါ့အပြင်ကျနော်တို့တလရအင်အားစုတွေကြားထဲမှာ ပူးပေါင်းဆောင်ရွက်မှုနဲ့ ယုံကြည်မှုတွေကို ပိုမိုမြင့်တင်သွားနိုင်မယ်လို့လည်း မျော်လင့်ပါတယ်"

"ကျနော်တို့အားလုံးရဲ့အတွေ့အကြုံအရ ကျနော်တို့တိုင်းပြည်ကို ဗဟိုမှပြည်နယ်များသို့ လုပ်ပိုင်ခွင့်အာဏာခွဲဝေခြင်းဖက်ဒရယ်စနစ် (သို့မဟုတ်) ဗဟိုအခြေပြုဖက်ဒရယ်စနစ် federalism နဲ့ ကျနော်တို့ပြည်ထောင်စုသစ်ကိုတည်ဆောက်သွားလို့မရပါဘူး။ ဒါကဗဟိုချုပ်ကိုင်မှုစနစ်ကို ပြန်လည်အသက်သွင်းပြီး အာဏာရှင်စနစ်ကိုပြန်လည်ပေါ်ပေါက်လာစေနိုင်တာကြောင့်ပဲဖြစ်ပါတယ်" 

"ဒါကြောင့်ကျနော်တို့က ပြည်ထောင်စုတည်ဆောက်ရေးအတွက် ပြည်နယ်များအတူတကွပူးပေါင်းခြင်း (သို့မဟုတ်) ပြည်နယ်အားကောင်းရေးမှသည် ပြည်ထောင်စုအားကောင်းရေးဆိုတဲ့ coming together စနစ်ဖြစ်တဲ့ bottom-up federalism approach နဲ့ ကျနော်တို့အနာဂတ်ဖက်ဒရယ်ဒီမိုကရေစီပြည်ထောင်စုသစ်ကိုတည်ဆောက်သွားမှသာ နှစ်ပေါင်း ၇၆နှစ်ကျော် တိုင်းရင်းသားတွေ တောင်းဆိုလာတဲ့ အမျိုးသားရေး တရားမျှတရေးနဲ့ ကိုယ်ပိုင်ပြဌာန်းခွင့်အခွင့်အရေးတွေကို အပြည့်အဝဖော်ဆောင်နိုင်လိမ့်မယ်လို့ လက်ခံယုံကြည်ထားကြပါတယ်"

အပြည့်အစုံကိုရုပ်သံတွင်နားဆင်ပါ<<<

MSI - MYANMAR SOCIETY INFORMATIONS pinned Deleted message

BPLA အပေါ် NUG ရဲ့သဘောထားကို သမ္မတရုံးပြောရေးဆိုခွင့်ရှိပုဂ္ဂိုလ်ဦးကျော်ဇော်က TM Media နဲ့အင်တာဗျူးမှာ ထည့်သွင်းပြောကြားခဲ့ပါတယ်။

အင်တာဗျူးအပြည့်အစုံ -
https://youtu.be/2l6hlej2DbY?si=ATRWeHtBPH3PQveN

🛑ကရင်နီလူထုအသံ (Karenni People's Voice)က သတင်းစာစောင် ဖြန့်ဝေမည်🛑

ကရင်နီလူထုအသံသည် လူထုသတင်းရရှိရေးအတွက် အလေးထားလုပ်ဆောင်လျက်ရှိပြီ ကနဦး ခြေလှမ်းအနေဖြင့် အတွဲ ၁ အမှတ်၁ သတင်းစာစောင်ကို နိုဝင်ဘာ ၆ရက်နေ့(မနက်ဖြန်)တွင် အခမဲ့စတင်ဖြန့်ဝေပါမည်။

ပထမဆုံး ဖြန့်ဝေမှုသည် အရေအတွက်အနည်းငယ်ဖြင့် စမ်းသပ်ထုတ်ဝေမှုသာဖြစ်သည့်အတွက် စစ်ဘေးရှောင်စခန်းများကိုသာ ဦးစားပေး ဖြန့်ဝေနိုင်ပါဦးမည်။

အဆိုပါ သတင်းစာစောင်ကို အွန်လိုင်းမှဖတ်ရှုနိုင်ရန်အတွက်လည်း ကရင်နီလူထုအသံက စီစဥ်ထားပါသည်။

နောက်ထုတ်မည့် စာစောင်များကိုတော့ အများပြည်သူနှင့် သက်ဆိုင်သည့်နေရာများစွာတွင် ဖြန့်ဝေနိုင်ရန် ကြိုးစာမည်ဖြစ်ပါကြောင်း လေးစားစွာ အသိပေးအပ်သည်။

သတင်းစာစောင်ထုတ်ဝေမှုကို ကူညီပံ့ပိုးပေးသော Clean Yangon (သန့်ရှင်းသော ရန်ကုန်)ကို ကျေးဇူးအထူးတင်ရှိပါသည်။

-အယ်ဒီတာ

#KarenniPeoplesVoice #သတင်းစာစောင် #ဖြန့်ဝေ

ယနေ့ ကူမင်းမြို့ Hualuxe hotel ၌ တရုတ်စီးပွားရေးလုပ်ငန်းရှင်များနှင့် တွေ့ဆုံရာတွင် လျှပ်စစ် ဓာတ်အား ဖွံ့ဖြိုးရေးအပါအဝင် ရင်းနှီးမြုပ်နှံမှု ဆိုင်ရာကိစ္စရပ်များကို ပြောဆိုသည်။

Website တွင် ဖတ်ရန် https://bit.ly/3YzATHF
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

စစ်ခေါင်းဆောင်ရဲ့တရုတ်ခရီးစဉ် တိုင်းဝန်ကြီးချုပ်ပါဝင်၊ နေပြည်တော်လေဆိပ်မှာပေါက်ကွဲမှုဖြစ်

YouTube >>> https://youtu.be/mITCkaLSjAA

Black List စာရင်းဝင်သူများ ပြည်ပထွက်ခွာခွင့် မပြုရေး သေချာ စိစစ်ရန် လဝက ဝန်ကြီး ညွှန်ကြား

ဧရာဝတီ၊ နိုဝင်ဘာ ၅၊ ၂၀၂၄

အပြည်‌ပြည်ဆိုင်ရာလေဆိပ်မှတဆင့် ပြည်ပထွက်ခွာသူများတွင် Black List (အမည်မည်းစာရင်း) ပါသူများ ထွက်ခွာခွင့် မပြုရေး အလေးထားဆောင်ရွက်ရန် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်က မှာကြားခဲ့ကြောင်း ယနေ့ထုတ် သတင်းစာတွင် ဖော်ပြသည်။

နိုဝင်ဘာ ၄ ရက်က ရန်ကုန်အပြည်ပြည်ဆိုင်ရာ လေဆိပ်သို့ ပြည်ထောင်စုဝန်ကြီး ဦးမြင့်ကြိုင် သွားရောက်၍ လေဆိပ်ရှိ CIP Lounge အစည်းအဝေးခန်းမ၌ လဝက ဝန်ထမ်းများကို တွေ့ဆုံခဲ့စဉ် အမည်မည်းစာရင်းရေးသွင်းထားသူများ ပြည်ပသို့ ထွက်ခွာခွင့် မပြုမိစေရန် စနစ်တကျ စိစစ်တားဆီးနိုင်ရေးနှင့် အမည်မည်းစာရင်း မရှိသူများကို မှားယွင်းတားဆီးမှုမရှိစေရေး ဂရုပြုဆောင်ရွက်ကြရန်လိုသည်ဟု ပြောကြားခဲ့ခြင်းဖြစ်ကြောင်း သိရသည်။

ထို့ပြင် လုပ်ငန်းများဆောင်ရွက်ရာတွင် ဥပဒေ၊ လုပ်ထုံးလုပ်နည်းများနှင့်အညီ ဖြစ်စေရေး၊ နိုင်ငံတကာအဆင့်မီ စိစစ်ဆောင် ရွက်နိုင်ရေး၊ နည်းပညာတတ်ကျွမ်းနားလည်စေရေး ကြိုးပမ်း ဆောင်ရွက်ကြရန်လိုကြောင်း၊ ဝန်ထမ်းများအနေဖြင့် လုံခြုံ ရေးအသိ၊ လုံခြုံရေး သတိအမြဲရှိစေရန်လိုအပ်ပြီး ဆက်စပ်ဌာနများနှင့်လည်း ညှိနှိုင်းပေါင်းစပ်ဆောင်ရွက်ကြရန်လိုကြောင်း ပြောသည်။

မြန်မာနိုင်ငံမှ နာမည်ကြီး ထင်ရှားကျော်ကြားသော ကုန်သည်ကြီးများ၊ ဘဏ်လုပ်ငန်းရှင်များ၊ ရွှေဆိုင်ပိုင်ရှင် အပါအဝင် စီးပွားရေးလုပ်ငန်းရှင်များအနေဖြင့် ပြည်ပသို့ ထွက်ခွာလိုပါက ထွက်ခွာလိုသည့် အကြောင်းအရာကို စစ်ကောင်စီထံ တင်ပြ အကြောင်းကြား ခွင့်ပြုချက် တောင်းခံရန် လိုအပ်သည်ဟု ပြည်ထဲရေးဝန်ကြီးဌာနက ထုတ်ပြန်ထားရာ မန္တလေးမြို့မှ နာမည်ကြီး ရွှေဆိုင်ပိုင်ရှင်ဖြစ်သော အောင်သမာဓိရွှေဆိုင်ပိုင်ရှင် ဦးအောင်ဆန်းဝင်းသည် ခွင့်ပြုချက်တောင်းခံခြင်းမရှိဘဲ ပြည်ပထွက်ခွာရန် လုပ်ဆောင်ခဲ့သဖြင့် လေဆိပ်တွင် ပတ်စ်ပို့သိမ်း၍ အိမ်ပြန်ခိုင်းခဲ့ကြောင်း သိရသည်။

ဖြစ်စဉ်မှာ အောင်သမာဓိရွှေဆိုင်ပိုင်ရှင် ဦးအောင်ဆန်းဝင်းသည် နိုဝင်ဘာ ၃ ရက် နံနက် ၈ နာရီ ၁၅ မိနစ်အချိန် မန္တလေး အပြည်ပြည်ဆိုင်ရာလေဆိပ်မှတဆင့် MAI လေကြောင်းလိုင်းဖြင့် ထိုင်းနိုင်ငံ သု၀ဏ္ဏဘူမိလေဆိပ်သို့ သွားရောက်ရန် လေဆိပ်သို့ ရောက်ရှိစဉ် ၎င်း၏ နိုင်ငံကူးလက်မှတ်အား သိမ်းဆည်း၍ နေအိမ်သို့ ပြန်ခိုင်းခဲ့ခြင်းဖြစ်သည်။

"ဦးအောင်နဲ့ ပတ်သက်ပြီးတော့ ပတ်စပို့သိမ်းပြီး အိမ်ပြန်ခိုင်းတယ်ဆိုတာမျိုးတော့ သတင်းကြားရတာမျိုးပဲ ရှိတယ်၊ အခုက ကြိုတင် ခွင့်ပြုချက် မတောင်းလို့ ပတ်စ်ပို့အသိမ်းခံရတာလို့တော့ ပြောနေကြတာပဲ၊ ဦးအောင်က အရင်ကတည်းက ထိုင်းကို အခုလိုမျိုး မကြာခဏ သွားနေတာပဲလေ၊ အခုမှ ဘာကြောင့်ခွင့်မပြုတာလဲဆိုတာတော့ မသိရဘူး”ဟု နီးစပ်သူတဦးက ပြောသည်။

ဦးအောင်ဆန်းဝင်းအပါအဝင် ရွှေဆိုင်ပိုင်ရှင်များ၊ နိုင်ငံခြားငွေလဲလှယ်သူ ၁၁ ဦးကို ပြည်တွင်းနိုင်ငံခြားငွေလဲလှယ်နှုန်း မတည်ငြိမ်စေရန် ဆောင်ရွက်မှု၊ ရွှေစျေးကစားမှုများဖြင့် စစ်ကောင်စီက ဖမ်း၀ရမ်း ထုတ်၍ ပြည်ပထွက်ခွာခွင့် ပိတ်ကာ အမည်မည်းစာရင်း(Black List) သွင်းထားကြောင်း သိရသည်။

၎င်းတို့အား ပြီးခဲ့သည့် ဇွန်လ ၂ ရက်က ဖမ်း၀ရမ်းထုတ်ခဲ့သလို ရွှေကုန်သည်နှင့် ဝယ်ရောင်း ၂၁ ဦးကိုပါ ဖမ်းဆီးအရေးယူခဲ့ကြောင်း၊ ထိုသို့ ဖမ်းဝရမ်းထုတ်ခံထားရသူများ ပြင်ပတွင် လွတ်လပ်စွာ သွားလာနေမှုနှင့် ပတ်သက်၍ စစ်ကောင်စီဝါဒဖြန့် တယ်လီဂရမ်ချန်နယ်များတွင် “နိုင်ငံတော်က ဝရမ်းထုတ်ထားသော်လည်း ဥပဒေအထက်မှာ နေ၍ အပြင်မှာ အေးဆေး နေခွင့်ရကြသူများ၊ ရွှေရောင်းတဲ့ မျက်နှာတွေမို့ အတော်ကြီးပုံရတယ်”ဟု မကြာခဏ ရေးသားဖြန့်ဝေ နေကြသည်။

#WhatsHappeningInMyanmar
#RejectMilitaryCoup
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/3btQYpR

အညာကို ဦးတည်တော့မယ့် ရှမ်းမြောက်အောင်ပွဲရ တော်လှန်ရေးတပ်များ
*****************
ကောင်းချစ်အောင်
နိုဝင်ဘာ ၅၊ ၂၀၂၄။

ရှမ်းပြည်နယ်မြောက်ပိုင်းဒေသမှာ စစ်ကောင်စီအနေနဲ့ ပြီးခဲ့တဲ့ တစ်နှစ်တာအတွင်း သူတို့ရဲ့တိုက်ခိုက်ရေးတပ်ရင်း ၉၀ထက်မနည်းကို ဆုံးရှုံးလိုက်ရပါတယ်။

မြောက်ပိုင်းမဟာမိတ်ညီနောင်သုံးဖွဲ့ရဲ့ ၁၀၂၇ စစ်ဆင်ရေးကြောင့်ဖြစ်ပြီး မဟာမိတ်တပ်ဖွဲ့တွေရဲ့ အင်အားသောင်းနဲ့ချီတဲ့ထိုးစစ်ကို စစ်ကောင်စီအနေနဲ့ ရပ်တန့်နိုင်စွမ်း မရှိခဲ့တာ ဖြစ်ပါတယ်။

ကျမတို့လိုချင်တာက ဖက်ဒရယ် ဒီမိုကရေစီ ပြည်ထောင်စု (ရုပ်/သံ)

ဧရာဝတီ၊ နိုဝင်ဘာ ၄၊ ၂၀၂၄

ကရင်နီပြည် ကြားကာလ အုပ်ချုပ်ရေးကောင်စီ (IEC )ကိုဖွဲ့စည်းထူထောင်ထားတာ အခုဆို ၁ နှစ် ကျော် ရှိပြီဖြစ်ပါတယ်။

IEC ဟာ ကရင်နီပြည်နယ် အတိုင်ပင်ခံ ကောင်စီ (KSCC )ကနေ ပေါ်ပေါက်လာတာဖြစ်ပြီး အုပ်ချုပ်ရေး နဲ့ စစ်ရေးကဏ္ဍတွေအပြင် တရားဥပဒေစိုးမိုးရေး ကဏ္ဍ၊ ပညာရေး၊ ကျန်းမာရေးနဲ့ စစ်ဘေးရှောင် ကူညီရေးလို စာနာမှု ဆိုင်ရာ အကျပ်အတည်း ဖြေရှင်းဆောင်ရွက်ရေး စတဲ့ ကဏ္ဍ အသီးသီးမှာ တာဝန်ယူသွားမယ်လို့ ဆိုထားပါတယ်။

IEC ဘာတွေလုပ်နေလဲ၊ ဘာတွေရည်မှန်းထားလဲ Bottom-up Federalism အောက်ခြေကနေ အပေါ်ထိ တည်ဆောက်မယ့် ဖယ်ဒရယ်ဝါဒ ဆိုတာ ဘာလဲ၊ အတွင်းရေးမှူး (၁) မဇူးပဒုမ္မာကို ဧရာဝတီမြန်မာပိုင်း အယ်ဒီတာ ကိုရဲနည်က ဆက်သွယ်မေးမြန်းထားပါတယ်။

https://youtu.be/mnMGuFlHoic
#ဧရာဝတီ #ကရင်နီပြည်ကြားကာလအုပ်ချုပ်ရေးကောင်စီ #Bottom-up Federalism #ဇူးပဒုမ္မာ #IEC
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR

Bottom up Federalism ကို သာမာန်စကားနဲ့ ပြောရင် ဒေသအလိုက် ပြည်သူတွေက တိုက်ရိုက် သတ်မှတ်တဲ့ ဖက်ဒရယ်စနစ်မှာ ပြည်သူတွေက ကိုယ်တိုင် ဆုံးဖြတ်ချက်ချ၊ ကိုယ်တိုင်ကျင့်သုံးတဲ့ အုပ်ချုပ်ရေး စနစ်ကို ဆိုလိုပါတယ်။ ကိုယ့်ဒေသ လူမှုအသိုင်းအဝိုင်းမှာ လုံခြုံရေး၊ လူမှုရေး၊ စီးပွါးရေး၊ နိုင်ငံရေး ဘယ်လို ကျင့်သုံးမယ်ဆိုတာကို ပြည်သူတဦးချင်း အဆင့်မှာတင် ပါဝင်ကျင့်သုံး ဆုံးဖြတ်ပိုင်ခွင့်ရှိတာကို ဆိုလိုပါတယ်။ ဘယ်လူမျိုး၊ ဘယ်လူများစု၊ ဘယ်လက်နက်ကိုင်စစ်တပ်၊ ဘယ်ပါတီ၊ ဘယ်အဖွဲ့အစည်း၊ ဘယ်သူတဦးတယောက်ကမှ ပြည်သူ့ဆီက ကိုယ်ပိုင်အုပ်ချုပိုင်ခွင့် အာဏာကို လုမယူဘူးဆိုတာ သေချာစေတဲ့ စနစ်ရဲ့ အခြေခံမူပါ။ Minorities within minorities လူနည်းစုတွေကြားထဲက ပိုငယ်တဲ့ လူနည်းစုတွေရဲ့ ကိုယ်ပိုင်အုပ်ချုပ်ပိုင်ခွင့်ကို bottom up federalism က သေချာစေပါတယ်။ ပြဿနာ တခုခုဖြစ်လာရင် နောက်ဆုံးမှာ တိုက်ရိုက်သက်ဆိုင်ရာ ပြည်သူရဲ့ အသံကို အခြေခံပြီး ဖြေရှင်းတဲ့ မူပါ။

ဒါကို ကြောက်ကြတာလား? အာဏာက ပြည်သူဆီက အရင်းခံတယ်ဆိုတာကို လက်တွေ့မှာ နားမလည်ချင်ယောင်ဆောင်ကြတာလား? ဒီလို bottom up federalism ဆိုတာ အားလုံးတော်လှန်နေရတဲ့ အကြောင်းအရင်း မဟုတ်ဘူးလား? ဒါကိုလက်မခံနိုင်ရင် လက်တွေ့မှာ ယုံကြည်မှု ဘယ်လိုတည်ဆောက်မလဲ?

ဒီမူကို လက်မခံဘူးဆိုရင် မိမိစိတ်ထဲမှာ ပြည်သူကို အာဏာမပေးချင်သေးဘူး ဆိုတဲ့ အာဏာရှင်စိတ် ရှိနေသေးတယ်ဆိုတာ သိထားပြီး ပြန်စိစစ်ကြပါ။

crd MTC

မိမိကြမ္မာ မိမိ စီမံဖန်တီးပိုင်ခွင့် ရှိရမယ်ဆိုတဲ့ အယူအဆ နားမလည်ရင် လက်မခံနိုင်ရင် - Bottom-up Federalism ကို မြင်တတ်မှာမဟုတ်ဘူး…

မြန်မာနိုင်ငံ ကိစ္စကို အိမ်နီးချင်းနိုင်ငံကလူတွေရဲ့ သဘောထားမဲဆန္ဒကောက်ခံပြီး စီစဉ် ဆုံးဖြတ်လို့ မသင့်တော်တဲ့ jurisdiction သဘောတရားကို သဘောမပေါက်ရင် - Bottom-up Federalism ကို မြင်တတ်မှာ မဟုတ်ဘူး…

အဆိုးဆုံးကတော့…

ဒို့တာဝန် အရေး (၃) ပါး အတွေးအခေါ်ထဲ ပိတ်မိနေရင် - Bottom-up Federalism ကို (လုံးဝ) မြင်တတ်မှာမဟုတ်ပါဘူး…

crd SKZS

စစ်ခေါင်းဆောင်ခရီးစဉ်အတွင်း တရုတ်နိုင်ငံသား လုပ်ငန်းရှင်များနှင့် တွေ့ပြီး ရင်းနှီးမြှုပ်နှံမှုများ ဖိတ်ခေါ်

ဧရာဝတီ၊ နိုဝင်ဘာ ၅၊ ၂၀၂၄

တရုတ်နိုင်ငံ ယူနန်ပြည်နယ် ကူမင်းမြို့တွင် ကျင်းပမည့် အဋ္ဌမအကြိမ်မြောက်မဟာမဲခေါင်ဒေသခွဲထိပ်သီးအစည်းအဝေး တက်ရောက်ရန် စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်သည် ယနေ့နံနက်အစောပိုင်းတွင် နေပြည်တော်မှ ထွက်ခွာ၍ ကူမင်းမြို့သို့ ရောက်ရှိပြီးနောက် တရုတ်နိုင်ငံသားလုပ်ငန်းရှင်များနှင့် တွေ့ဆုံနေကြောင်း သိရသည်။

ထိုသို့တွေ့ဆုံရာတွင် မြန်မာနိုင်ငံ၌ အခြေခံအဆောက်အဦများ တည်ဆောက်ရန် ဘိလပ်မြေ လိုအပ်ချက် များစွာရှိနေသည့်အတွက် ဘိလပ်မြေစက်ရုံ တည်ထောင်ရန် အခွင့်အလမ်းများ ရှိနေကြောင်း လုပ်ငန်းရှင်များအား စည်းရုံးခဲ့သည်။

၎င်းက “ကျနော်တို့နိုင်ငံ ဖွံ့ဖြိုးတိုးတက်ဖို့အတွက် အခြေခံအဆောက်အအုံများ တည်ဆောက်ရာမှာ လိုအပ်တဲ့ ဘိလပ်မြေများကိုလည်း ပြည်တွင်းမှာ လုံလောက်အောင် မထုတ်လုပ်နိုင်သေးတာကြောင့် ဘိလပ်မြေထုတ်လုပ်ရေးလုပ်ငန်းကဏ္ဍမှာလည်း အခွင့်အလမ်းကောင်း များစွာ ရှိနေပါတယ်၊ မြန်မာနိုင်ငံမှာ ဘိလပ်မြေထုတ်လုပ်ဖို့အတွက် အခြေခံကုန်ကြမ်းတွေဖြစ်တဲ့ ထုံးကျောက်၊ ဂျစ်ပဆင်ကျောက်နဲ့ ဂေါ်ဒန်ကျောက်များ ပေါကြွယ်ဝပါတယ်”ဟု ပြောသည်။

အဋ္ဌမအကြိမ်မြောက်မဟာမဲခေါင်ဒေသခွဲထိပ်သီးအစည်းအဝေးကို နိုဝင်ဘာလ ၆ ရက်မှ ၇ ရက်အထိ ကျင်းပမည်ဖြစ်ရာ ယခု အစည်းအဝေးသည် အာဏာသိမ်းပြီးနောက် စစ်ခေါင်းဆောင်၏ ပထမဆုံးအကြိမ် တရုတ်နိုင်ငံသို့ သွားရောက်သည့် ခရီးစဉ်လည်း ဖြစ်သည်။

ပုံစာ-စစ်ခေါင်းဆောင် ယနေ့ နံနက် တရုတ်သို့ ထွက်ခွာစဉ်နှင့် လုပ်ငန်းရှင်များနှင့် အစည်းအဝေးကျင်းပနေစဉ်

#WhatsHappeningInMyanmar
#RejectMilitaryCoup

အကြမ်းဖက် မင်းအောင်လှိုင် ယနေ့ နံနက်ပိုင်း MAI အထူးလေယာဉ်ဖြင့် တရုတ်နိုင်ငံ၊ ကူမင်းမြို့သို့ ထွက်ခွာ၊ မဲခေါင်အစည်းအဝေးတက်ရောက်ပြီး ချောင်ချင်းနှင့် ရှန်ကျန်းမြို့များသို့ လည်ပတ်မည်

ရန်ကုန်၊ နိုဝင်ဘာ ၅

အကြမ်းဖက်စစ်ခေါင်းဆောင် မင်းအောင်လှိုင်သည် ယနေ့ နိုဝင်ဘာလ ၅ ရက်နေ့ နံနက် ၆ နာရီ ၃၀ မိနစ်ဝန်းကျင်အချိန် MAI အထူးလေယာဉ်ဖြစ်သော Airbus 319 -XYALK ဖြင့် တရုတ်နိုင်ငံ၊ ကူမင်းမြို့သို့ ထွက်ခွာသွားပြီဖြစ်ကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။

အကြမ်းဖက် မင်းအောင်လှိုင်သည် တရုတ်ဝန်ကြီးချုပ် Li Qiang ၏ ဖိတ် ကြားချက်ဖြင့် နိုဝင် ဘာလ ၆ ရက်နေ့မှ နိုဝင်ဘာလ ၇ ရက်နေ့ အထိ ကူမင်းတွင် ကျင်းပမည့် မဲခေါင်နိုင်ငံများ အစည်း အဝေး သို့တက်ရောက်မည်ဖြစ် ကြောင်း သိရှိရသည်။

ယင်းသို့ မဲခေါင်အစည်းအဝေး တက်ရောက်ပြီးနောက် နိုဝင်ဘာလ ၇ ရက်နေ့ညနေ ပိုင်းမှစတင်၍ ချောင်ချင်းမြို့နှင့် ရှန်ကျန်းမြို့များသို့ သွားရောက်မည်ဖြစ်သည်။

"ဒါက ၈ ကြိမ်မြောက် GMS မဲခေါင်နိုင်ငံများ အစည်းအဝေးကို တရုတ်နိုင်ငံက အိမ်ရှင်အဖြစ် လက်ခံကျင်းပလို့ ဖိတ်ကြားတာဖြစ်ပါတယ်။ တရုတ်နိုင်ငံဝန် ကြီးချုပ်နဲ့လည်း ပြင်ပမှာ သီးခြား ခေတ္တခဏ တွေ့ဆုံခွင့်တောင်းထားတယ်။ ချောင်ချင်းနဲ့ ရှန်ကျန်းမြို့တွေကတော့ တရုတ်လုပ်ငန်းရှင်တွေနဲ့ တွေ့ပြီး ဖွံ့ဖြိုးတိုးတက်မှုတွေကို လေ့လာမှာဖြစ်ပါတယ်" ဟု နေပြည်တော်စစ်ဘက်သတင်းရင်းမြစ်က ဆိုသည်။

ယင်းနောက် အကြမ်းဖက် မင်းအောင်လှိုင်သည် ရှန်ကျန်းမြို့မှတစ်ဆင့် နိုဝင်ဘာလ ၁၀ ရက်နေ့ နေပြည်တော်သို့ ပြန်လည်ရောက်ရှိမည်ဖြစ်ကြောင်း သိရှိရသည်။

ဓာတ်ပုံ - ပြည်ပခရီးစဉ်တစ်ခုကို သွားရောက်ရန် နေပြည်တော်လေဆိပ်တွင် တွေ့ရသည့် အကြမ်းဖက် မင်းအောင်လှိုင်။ (ပုံအဟောင်းဖြစ်ပါသည်။)

DAILY HIGHLIGHTS (04 Nov 2024)
•••••••••••••••®•••••••••••••••
⚠️ စစ်ရေးထူးခြားသတင်းများ

တရုတ် - မြန်မာနယ်စပ်ရှိ ဖီမောမြို့ကို သိမ်းပိုက်ထားဟု KIA အတည်ပြု – PS

ဖီမော်မြို့၊ ကန်ဖန့်ရွာကို KIA ပူးပေါင်း တပ်များ ဝင်ရောက်လာစဉ် ပြည်သူ့စစ် အဖွဲ့ဝင် ၁၀၀ ကျော်က လက်နက်ချ အလင်းဝင်၊ ပြည်သူများက KIA တပ်ဖွဲ့ဝင်များကို သောင်းသောင်းဖျဖျ ကြိုဆို – KT

ဖားကန့်မြို့နယ်၊ ဆယ်ဇင်းရှိ အင်အား ၄၀၀ ဝန်းကျင်ရှိသော စစ်ကောင်စီနှင့်SNA ပူးပေါင်း စခန်း၊ ပန်ချယ်စခန်းတို့ကို KIA ပူးပေါင်းတပ်များက တိုက်ခိုက် သိမ်းပိုက်ရရှိ – KT

ဖာပွန် ခေါပုတ်စခန်းမှ ဗိုလ်ကြီး ၃ ဦးအပါ ၁၇ ဦး လက်နက်များဖြင့် ဖမ်းမိ – TI

တောင်သာရှိ ပျူစောထီးအထိုင်စခန်းကို တိုက်ခိုက်သိမ်းပိုက်မှု ပျူစောထီးများ ထွက်ပြေးသွားပြီး လက်နက်ခဲယမ်း တချို့ သိမ်းဆည်းရရှိ – KT

🌐 နိုင်ငံခြားရေးထူးခြားသတင်းများ

ကူမင်း GMS အစည်းအဝေး တရုတ်ဝန်ကြီးချုပ် လီချန် ဦးဆောင်မည် – TI

စစ်ခေါင်းဆောင်ခရီးစဉ်မတိုင်မီ ခရိုနီများ ကူမင်းသွား – TI

ဖီမော်မြို့ကို KIA က သိမ်းပိုက်ပြီးနောက် တရုတ်-မြန်မာ ဖျင့်မာနယ်စပ်ဂိတ်ကို တရုတ်က တစ်ဖက်သတ် ပိတ်ပစ်ပြန် – KT

နိုင်ငံရေးပါတီနဲ့ အပစ်ရပ် လက်နက်ကိုင်တပ်ဖွဲ့တချို့ အိန္ဒိယကို သွားရောက် – RFA

📊 စီးပွားရေးထူးခြားသတင်းများ

ထင်ရှားကျော်ကြားသော စီးပွားရေးလုပ်ငန်းရှင်များအားလုံး ပြည်ပ ထွက်ခွာလိုပါက စစ်ကောင်စီထံမှ ကြိုတင်ခွင့်ပြုချက် တောင်းခံရမည်၊ မန္တလေးလေဆိပ်မှ ထိုင်းသို့ သွားမည့် အောင်သမာဓိရွှေဆိုင်ပိုင်ရှင် ဦးအောင်ဆန်းဝင်း ပတ်စ်ပို့သိမ်းခံရပြီး လေဆိပ်မှ လှည့်ပြန်ရ – KT

မြန်မာနိုင်ငံမှာ​ထုတ်လုပ်မှုရပ်နားထားတာကြောင့် မြေရှားသတ္တုစျေးနှုန်းဆက်တိုက် မြင့်တက် – PS

🗑 ကျားဖြန့်

အိန္ဒိယ၌ အွန်လိုင်းငွေလိမ်လည်ခံရမှုများပြားလာ၊ အာဆီယံ ၅ နိုင်ငံကို လိမ်လည်မှု အဓိကနေရာ အဖြစ် သတ်မှတ် – DVB

🖥 အခြားထူးခြားသတင်းများ

ရေအားလျှပ်စစ်စက်ရုံများ ပြန်လည်ပြုပြင်ရန် စစ်ကောင်စီက ကြိုးပမ်းနေသော်လည်း မူလကုမ္ပဏီများ ခေါ်မရ ဖြစ်နေ၍ ပြင်ဆင်ရန် မလွယ်ကူသေးဘဲ ဓာတ်အားရရှိမှု ပိုမို လျှော့ကျလာနေ၊ လျှပ်စစ် မီးပြတ်တောက်မှုများ ပိုမိုဆိုးရွားလာရန်ရှိ – KT

စစ်ဆေးခံနေရသည့် MFTB ဦးဆောင်ညွှန်ကြားရေးမှူး အလုပ်ထုတ်ခံရ – MN

#rangoonscoutnetwork

အညာကို အခြေချမယ့် BPLA ဘယ်လိုစိန်ခေါ်မှုတွေကြုံနိုင်မလဲ (Editorial Talk)

မဇ္ဈိမ။ ။၁၀၂၇ စစ်ဆင်ရေး တနှစ်ပြည့်တဲ့နေ့မှာ ဗမာပြည်သူ့လွတ်မြောက်ရေးတပ်တော်(BPLA) တပ်မှူး မောင်ဆောင်းခ
က မကြာခင် အညာဒေသမှာ အခြေချပြီး စစ်ဆင်ရေးဖော်ဆောင်တော့မယ်လို့ သတင်းစကားပါးလိုက်ပါတယ်။ တိုင်းရင်းသားတော်လှန်ရေးတပ်ဖွဲ့တွေနဲ့ မဟာမိတ်စုဖွဲ့မှု အားကောင်းပြီး စစ်ရေးအတွေ့အကြုံလည်းရလာတဲ့ BPLAအနေနဲ့ အညာဒေသမှာ အခြေချမယ့်ကိစ္စနဲ့ပတ်သက်ပြီး ဒီတပတ် မဇ္ဈိမ Editorial Talk အစီအစဉ်မှာ ဆွေးနွေးထားပါတယ်။

ကဲ.. လာမယ်လို့ ကြေညာထားတဲ့ အတိုင်း လာပါပြီခင်ဗျာ 📣📣

Impact 360 Myanmar က စီစဥ်တဲ့ ဒုတိယမြောက် ရက်တိုသင်တန်း 🔥

“အသွင်ကူးပြောင်းမှုဆိုင်ရာ တရားမျှတမှု နှင့် ဖက်ဒရယ်လစ်ဇင်”

အချိန် ၂ ပါတ်ခွဲ စာသင်ချိန် ၁၂ ချိန် အတွင်းမှာ လက်ရှိ နိုင်ငံရေး အခြေအနေနဲ့ရော အနာဂါတ် နိုင်ငံတည်ဆောက်ရေးအတွက်ပါ အရေးပါတဲ့ အကြောင်းအရာတွေကို လေ့လာ ဆွေးနွေးနိုင်မှာ ဖြစ်ပါတယ်။ အားလုံး မျှော်ရည်ကြတဲ့ ဖက်ဒရယ်ပြည်ထောင်စုကို တည်ဆောက်ဖို့မှာ သီအိုရီ နည်းနာ သဘောတရားတွေနဲ့၊ လက်ရှိမှာ ကြားသိနေရတဲ့ လူ့အခွင့်အရေးချိုးဖောက်မှုတွေ၊ ဆုံးရှုံးရမှုတွေ၊ နာကျင်ခံစားရမှု ထရော်မာတွေကို တိုင်းပြည်ပြန်လည်တည်ဆောက်ရေးမှာ ဘယ်လို ပြန်တည့်မတ်နိုင်မလဲ၊ ဘယ်လို ကုစားမှုတွေ ပေးနိုင်မလဲဆိုတဲ့ သဘောတရားတွေ သိထားရင် ပြည်သူများအကြား ပိုမိုထိထိရောက်ရောက် ဆွေးနွေးအဖြေရှာနိုင်ကြလိမ့်မယ် ဆိုတာ i360 က ယုံကြည်တဲ့အတွက် ယခုသင်တန်းကို စီစဉ်ရခြင်း ဖြစ်ပါတယ်။

ထုံးစံအတိုင်းပဲ အောက်မှာ ပေးထားတဲ့ လင့်လေးနဲ့ သင်တန်းကို လျှောက်ထားနိုင်ပါတယ်။ ⬇️⬇️

ဒီဘာသာရပ်တွေနဲ့ ပါတ်သက်တဲ့ သင်တန်းတွေ တက်ဖူးစရာမလိုပါ။ အကောင်းဆုံး ဆရာတွေကနေပြီး ဘာသာရပ်တွေနဲ့ ပါတ်သတ်တဲ့ အတွေးအခေါ် အယူအဆတွေ နဲ့ လက်တွေ့ သက်ရောက်နိုင်မှုတွေ၊ နောက်ပြီး စဥ်းစားချင့်ချိန်စရာတွေကို မိတ်ဆက်ဆွေးနွေးသွားမှာဖြစ်ပါတယ်။ စာသင်ချိန်တိုင်းမှာ ဆွေးနွေးပွဲအချိန်တွေ ထည့်သွင်းထားပြီး သင်ကြားလိုက်တဲ့ အတွေးအခေါ် အယူအဆတွေကို ချက်ချင်း ဆွေးနွေးကြရမှာဖြစ်ပါတယ်။ နောက်ပြီး ကာလတိုအတွင်းမှာ သင်ကြားမှုကို ပိုမိုမြန်ဆန် ထိရောက်စေဖို့အတွက် မြန်မာလိုဖတ်စာအချို့ကိုလည်း ပေးသွားမှာပါ။

ဒါကြောင့်မို့ ဆွေးနွေးနိုင်မယ့်၊ ပေးတဲ့စာတွေ (အများကြီးမဟုတ်) အချိန်မီဖတ်လာနိုင်မယ့်၊ သင်တန်း ၁၂ ရက်ကို မပျက်မကွက် တက်ရောက်နိုင်မယ့်သူတွေကို ဖိတ်ခေါ်ပါတယ်။ 💪💪

ထုံးစံအတိုင်းပဲ သတ်မှတ်လူဦးရေ ရွေးချယ်ပြီးရင် ဖောင်ပိတ်မှာဖြစ်တဲ့ ဦးရာလူစနစ်ကို ကျင့်သုံးမှာကြောင့် အမြန်ဆုံးလျှောက်ထားကြဖို့ ဖိတ်ခေါ်ပါတယ်။ 🏃🏃‍♀️🏃🏽‍♂️

သင်တန်း ကြာချိန် - ၂ ပါတ်ခွဲ (နိုဝင်ဘာလ ၁၈ ရက်မှ ဒီဇင်ဘာလ ၃ ရက်ထိ)
သင်တန်း နေ့ရက်နှင့် အချိန် - တနင်္လာမှ သောကြာ (၅ နာရီ - ၇ နာရီ)
သင်တန်းလျှောက်ထားရန် လင့် - https://docs.google.com/forms/d/1AGHOy7lG-_F8iBtPjWkFOv55hmeXYIzoqz3Yhe9Aa1k/edit

တရားမဝင် မြန်မာထုတ်ကုန်တွေ မစားကြဖို့ အမေရိကန် ထပ်မံသတိပေး
~~~
■ မြန်မာနိုင်ငံက တရားမဝင်တင်သွင်းလာတဲ့ ကြက်သားအပါအဝင် အသားအမျိုးမျိုးပါတဲ့ ထုတ်ကုန်တွေကို မစားကြဖို့ အမေရိကန် အစားအသောက်ဘေးကင်းရေးနဲ့ စစ်ဆေးရေး ဝန်ဆောင်မှုဌာန (FSIS) က အောက်တိုဘာ ၂၄ ရက်မှာ ထပ်မံသတိပေးလိုက်ပါတယ်။

ဒီတစ်ခေါက် FSIS က ကြေညာလိုက်တဲ့ထုတ်ကုန်တွေဟာ Best တံ‌ဆိပ် အမဲသားဟင်း၊ ကြက်သားဒံပေါက်၊ မြန်မာဘဲသွေး၊ ထိမိဂွိ နဲ့ အိမ်ချက်တံဆိပ် မုန့်ဟင်းခါးအနှစ်၊ အုန်းနို့အနှစ်၊ မင်းသားကြီးတံဆိပ် ငါးခြောက်ထုပ် စတာတွေ ပါဝင်ပါတယ်။

ဒီထုတ်ကုန်တွေဟာ အမေရိကန် အစားအသောက်ဘေးကင်းရေးနဲ့ စစ်ဆေးရေးဝန်ဆောင်မှုဌာန အသိအမှတ်ပြု USDA အမှတ်အသားမပါသလို ပြည်သူ့ကျန်းမာရေးသတိပေးချက်တွေလည်း မရှိဘူးလို့ ဆိုပါတယ်။

နိုင်ငံတွင်းကို ဒီထုတ်ကုန်တွေ ဘယ်လိုရောက်လာသလဲဆိုတာ ဆက်လက်စုံစမ်းနေတယ်လို့လည်း ဆိုပါတယ်။

အမေရိကန်နိုင်ငံက အရီဇိုးနား၊ ကယ်လီဖိုးနီးယား၊ အိုင်အိုဝါ၊ ကန်းဆက်၊ မေရီလန်း၊ မင်နီဆိုးတား၊ နီဘရားစကား၊ အိုကလာဟိုးမားနဲ့ တက်က်ဆက်စ် စတဲ့ ပြည်နယ် ကိုးခုမှာ တင်သွင်းရောင်းချနေတာကို FSIS က စစ်ဆေးတွေ့ရှိခဲ့တာပါ။

FSIS က လက်လီရောင်းချတဲ့ဆိုင်တစ်ဆိုင်ကို ဝင်ရောက်စစ်ဆေးစဉ်မှာ အမေရိကန်ကိုတင်ပို့ဖို့ အရည်အချင်းမပြည့်မီတဲ့ မြန်မာနိုင်ငံက တင်ပို့တဲ့ အသားနဲ့ ကြက်သား ထုတ်ကုန်တွေကို တွေ့ရှိခဲ့တယ်လို့ ဆိုပါတယ်။

ဒါတွေကို စားလို့ တစ်ခုခုဆိုးကျိုးဖြစ်တယ်ဆိုတဲ့ အတည်ပြုချက်တွေတော့ မရှိသေးပေမဲ့ ဖြစ်လာခဲ့ရင် ကျန်းမာရေးဌာနနဲ့ ဆက်သွယ်ကြဖို့လည်း ရေးသားထားပါတယ်။

ဒီပစ္စည်းတွေ ဆက်မရောင်းဖို့ ဆိုင်ရှင်တွေကို တိုက်တွန်းထားပြီး ဝယ်ထားမိခဲ့ရင် လွှင့်ပစ်တာ ဒါမှမဟုတ် ဝယ်ခဲ့တဲ့ဆိုင်တွေကို ပြန်အပ်တာတွေလုပ်ကြဖို့လည်း ကြေညာထားပါတယ်။

သြဂုတ်လ ၁၆ ရက်ကလည်း အဖွားလက်ရာ စည်သွတ်ဘူးဟင်းလျာတွေ၊ စံပြဒေါ်ကြည်နဲ့ ထိမိဂွိ မုန့်ဟင်းခါးတို့ကို အမေရိကန်ရဲ့ အရောင်းဆိုင် စင်တွေပေါ်ကနေ ဖယ်ချဖို့ဆိုပြီး FSIS က သတိပေးခဲ့ပါတယ်။
___
မြန်မာနိုင်ငံမှ တရားမဝင် တင်သွင်းလာသည့် စားသုံးရန်မသင့်သည့် စည်သွတ်ဘူးထုတ်ကုန်များအား အမေရိကန်ပြည်ထောင်စု အစားအသောက် ဘေးကင်းရေးနှင့် စစ်ဆေးရေးဝန်ဆောင်မှုဌာန (FSIS) က ၂၀၂၄ ခုနှစ် ဩဂုတ်လ ၁၆ ရက်နေ့တွင် ထုတ်ပြန်ထားစဉ်။ (Photo : FSIS )
#မြန်မာထုတ်ကုန် #FSIS #rfaburmese #လွတ်လပ်တဲ့အာရှအသံ
RFA Burmese Website တွင် ဖတ်ရှုရန်…

စစ်အာဏာရှင်ကိုတိုက်ခိုက်နေသည့်"အမြစ် ဖျက်သိမ်းရေး"စစ်ဆင်ရေး ဆောင်ရွက်နေဟု KIOဥက္ကဋ္ဌ အသိပေး

▪️စစ်အာဏာရှင်စနစ်ကို ဆန့်ကျင်တိုက်ခိုက်သည့်အဖွဲ့အစည်းများနှင့် ဆက်လက်လက်တွဲမည်ဟု ထပ်မံအသိပေး

ထားမြတ်/People’s Spring

ကချင်လွတ်လပ်ရေးအဖွဲ့၊ ကချင်လွတ်လပ်ရေးတပ်မတော်(KIO/KIA)က စစ်အာဏာရှင်ကို တိုက်ခိုက်ချေမှုန်းနေခြင်းကို ရည်ညွှန်းသည့် "အမြစ်ဖျက်သိမ်းရေး"စစ်ဆင်ရေးဆောင်ရွက်နေကြောင်း KIO ဥက္ကဋ္ဌ ဗိုလ်ချုပ်ကြီး အင်ဘန်လက ပြောကြားသည်။

ယနေ့ (အောက်တိုဘာ ၂၅ရက်) ကျရောက်သည့် KIO တည်ထောင်ခြင်း (၆၄)နှစ်မြောက် မိန့်ခွန်းတွင် ဗိုလ်ချုပ်ကြီး အင်ဘန်လက ကချင်ဘာသာဖြင့် ပြောဆိုခဲ့ခြင်းဖြစ်သည်။

KIO ဗဟိုကော်မတီက “Ru Nu Dan Majan Masing” (ပင်မအမြစ်ဖြတ်စစ်ဆင်ရေး) ဦးဆောင်ကော်မတီဖွဲ့စည်းပြီး ဖော်ဆောင်နေကြောင်း ဥက္ကဋ္ဌ ဗိုလ်ချုပ်ကြီးအင်ဘန်လ ပြောကြားခဲ့ကြောင်း Kachinwavesက ဘာသာပြန် ဖော်ပြသည်။ ပင်မ အမြစ်ဖြတ် စစ်ဆင်ရေး ဆိုသည်မှာ တရားဝင် ဘာသာပြန်ဆိုချက်မဟုတ်ဟုလည်း မှတ်ချက်ရေးသားထားသည်။

ယင်းစစ်ဆင်ရေးနှင့်ပတ်သက်ပြီး ကချင်စစ်ရေးသတင်းရင်းမြစ်တစ်ဦးက ဘာသာပြန် ရှင်းပြပေးရာ၎င်းက "အဲဒီ ရူနူဒန်မဂျန်( Ru Nu Dan Majan) ဆိုတာက အမြစ်ဖြတ်သိမ်းရေးပေါ့ ဗမာလို ပြောလို့ရှိရင်။ ဒါ စစ်အာဏာရှင်ကို တိုက်တဲ့ဟာ ရည်ညွှန်းတာ"ဟု ပြောသည်။

KIO/KIA အနေဖြင့် စစ်ကောင်စီတပ်စခန်းသိမ်းတိုက်ပွဲများကို ၂၀၂၃ အောက်တိုဘာ ၁၈ရက်က စတင်ပြီး ကချင်နှင့် ရှမ်းမြောက်၌ တပ်စခန်းသိမ်း တိုက်ပွဲများ ဖော်ဆောင်ခဲ့ရာ ၂၀၂၄ မတ်လ ၇ရက်တွင် စစ်ဆင်ရေးအရှိန်ကို တဆင့်မြှင့်ပြီး စစ်ကောင်စီတပ်စခန်းများစွာကို တပြိုင်တည်း ထိုးစစ်ဆင် တိုက်ခိုက်သိမ်းပိုက်မှုများ လုပ်ဆောင်ခဲ့သည်။

ထိုသို့ စခန်းသိမ်းတိုက်ပွဲများကို နေရာဒေသ အများအပြား၌ ဖော်ဆောင်ခဲ့သော်လည်း စစ်ဆင်ရေးအမည်ကို အသိပေးပြောကြားခြင်းမရှိဘဲ တစ်နှစ်ခန့်အကြာတွင် KIO ဥက္ကဋ္ဌ ၏ မိန့်ခွန်း၌ ထည့်သွင်း ပြောပြခဲ့ခြင်းဖြစ်သည်။

KIA အနေဖြင့် တစ်နှစ်အတွင်း စစ်ကောင်စီတပ်စခန်း ကြီးငယ် ၂၅၀ ကျော်ကို တိုက်ခိုက်သိမ်းပိုက်ထားနိုင်ပြီး မြန်မာ - တရုတ် နယ်စပ်မြို့ ၂မြို့ အပါအဝင် မြို့ပေါင်း ၁၃ မြို့ထက်မနည်းကို KIAက စိုးမိုးထိန်းချုပ်ကာ အုပ်ချုပ်ရေးဖော်ဆောင်လျက်ရှိသည်။

ဗိုလ်ချုပ်ကြီး အင်ဘန်လ၏ မိန့်ခွန်းတွင် စစ်အာဏာရှင်စနစ်ကို ဆန့်ကျင် တိုက်ခိုက်သည့် အဖွဲ့အစည်းများနှင့် ဆက်လက်လက်တွဲမည်ဟုလည်း ထပ်လောင်း အသိပေးပြောကြားထားသည်။

စစ်ကောင်စီတပ်က လေကြောင်း၊လက်နက်ကြီးများ ပစ်ခတ်ပြီး အရပ်သား ပြည်သူလူထုများအား တိုက်ခိုက်သတ်ဖြတ်ခဲ့၍ အသက်အိုးအိမ် ပျက်စီးဆုံးရှုံးခဲ့ရသည့် အပေါ် အလွန် ဝမ်းနည်းကြေကွဲရကြောင်း KIO ဥက္ကဋ္ဌက ပြောကြားပြီး အခက်အခဲများကို ကျော်လွှားနိုင်ပါစေကြောင်း ဆန္ဒပြုထားသည်။

လက်ရှိ တော်လှန်ရေးသည် မြန်မာပြည်သူ တစ်ရပ်လုံး ထောက်ခံသည့် တော်လှန်ရေးဖြစ်၍ စစ်အာဏာရှင် ကျရှုံးမည်မှာ သေချာကြောင်း၊ ထို့ကြောင့် KIO ဝန်ထမ်းများန ပြည်သူများ အပါအဝင် အားလုံးက နိုင်ငံရေး ရည်မှန်းချက်များ အောင်မြင်ရေး ကြိုးပမ်းရန် KIO ဥက္ကဋ္ဌက တိုက်တွန်းထားသည်။

MNDAA ခေါင်းဆောင်နဲ့ တရုတ်ကိုယ်စားလှယ်တို့ ယူနန်မှာ တွေ့ဆုံ
~~~
■ ကိုးကန့်တပ်မတော် (MNDAA) ခေါင်းဆောင် ဦးဖုန်တာရွှင်နဲ့ တရုတ်နိုင်ငံခြားရေးဝန်ကြီးဌာန အာရှရေးရာ အထူးကိုယ်စားလှယ် မစ္စတာ တိန့်ရှီးကျွင်းတို့ ဒီရက်ပိုင်းမှာပဲ တရုတ်နိုင်ငံ ယူနန်ပြည်နယ်မှာ တွေ့ဆုံခဲ့တယ်လို့ တိုင်းရင်းသားလက်နက်ကိုင်အဖွဲ့တွေနဲ့ နီးစပ်သူတွေက အောက်တိုဘာလ ၂၅ ရက်နေ့မှာ ပြောပါတယ်။

ဦးဖုန်တာရွှင်ရဲ့ ကျန်းမာရေးအခြေအနေ စစ်ဆေးဖို့ တရုတ်နိုင်ငံကို သွားရောက်ချိန် တွေ့ဆုံကြတာလို့ တိုင်းရင်းသား လက်နက်ကိုင်အဖွဲ့တွေနဲ့ နီးစပ်သူတစ်ဦးက RFA ကို ပြောပါတယ်။

“ဖုန်တာရွှင် ကျန်းမာရေး စစ်ဆေးဖို့ သွားရင်းတွေ့ကြတာပါ။ အဓိကတော့ လားရှိုးအကြောင်း ဖြစ်ဖို့များပါတယ်။ လားရှိုးကနေ MNDAA တပ်ဖွဲ့တွေ ဖယ်ပေးဖို့ ဖိအားပေးတဲ့ သဘောပဲ ဖြစ်ဖို့များပါတယ်”

ဒီကိစ္စနဲ့ ပတ်သက်လို့ MNDAA ဘက်က သတင်းထုတ်ပြန်တာမရှိသလို MNDAA သတင်းပြန်ကြားရေး တာဝန်ရှိသူတွေကို RFA က ဆက်သွယ်မေးမြန်းထားပေမဲ့ ပြန်လည်ဖြေဆိုတာ မရှိသေးပါဘူး။

လားရှိုးမြို့ဟာ ရှမ်းပြည်နယ်မြောက်ပိုင်းရဲ့ ဗဟိုနေရာဖြစ်တာကြောင့် ကိုးကန့်တပ်ဖွဲ့အနေနဲ့ ပြန်လက်လွှတ်ဖို့ မဖြစ်နိုင်ဘူးလို့ တိုင်းရင်းသားအရေး လေ့လာသုံးသပ်သူတစ်ဦးက ပြောပါတယ်။

“လားရှိုးက လေယာဉ်ကွင်းရှိတယ်။ အဓိကကျတဲ့နေရာ ဖြစ်နေတယ်။ စစ်တပ်က မြေပြင်ကနေ လားရှိုးကို လာဖို့က တန့်ယန်း၊ မိုင်းရယ်၊ နမ့်လန်တွေကနေ လာရမယ်။ အဝေးကြီးပဲ ဒါကြောင့် လေကြောင်းနဲ့ ဖိအားပေးပြီး ဖယ်ခိုင်းနေတာ။ လားရှိုးပြီးရင် ကွတ်ခိုင်၊ သီပေါ၊ သိန္နီ မူဆယ်အထိ နောင်ချိုအထိ ဖယ်ခိုင်းမှာပဲ။ ဖြစ်နိုင်မလား စဉ်းစားကြည့်ပေါ့”

သြဂုတ်လ ၂၇ ရက်နေ့တုန်းကလည်း မစ္စတာ တိန့်ရှီးကျွင်းဟာ "ဝ" တပ်ဖွဲ့ခေါင်းတွေဖြစ်တဲ့ UWSP ပါတီ ဒုတိယ-ဥက္ကဋ္ဌ ဦးကျောက်ကော်အမ်း ဦးဆောင်တဲ့အဖွဲ့ကို ယူနန်ပြည်နယ် ခေါ်ယူတွေ့ဆုံပြီး MNDAA ထိန်းချုပ်နယ်မြေတွေကို စားနပ်ရိက္ခာ၊ ဆေးဝါး၊ လျှပ်စစ်၊ ရေ၊ လူဝင်လူ ထွက်ခွင့်တွေ ပိတ်ထားဖို့ ဖိအားပေးခဲ့တယ်လို့ အဲဒီတွေ့ဆုံမှု အခြေအနေကို သိထားသူတွေက ပြောပါတယ်။

ကိုးကန့်တပ်ဖွဲ့က လားရှိုးမြို့ကို သိမ်းပိုက်တာကို တရုတ်နိုင်ငံက လက်မခံကြောင်း၊ ဒါဟာ တရုတ်-မြန်မာ ချစ်ကြည်ရေးကို ထိခိုက်စေကြောင်း တရုတ်ကိုယ်စားလှယ်က "၀" တပ်ဖွဲ့ခေါင်းဆောင်တွေကို ပြောခဲ့တယ်လို့လည်း ဆိုပါတယ်။

အောက်တိုဘာလ ၁၇ ရက်နေ့ကလည်း မစ္စတာ တိန့်ရှီးကျွင်း ဦးဆောင်တဲ့ သံတမန်အဖွဲ့ဟာ ကချင်လွတ်လပ်ရေးအဖွဲ့ (KIO) ယာယီဥက္ကဋ္ဌ ဗိုလ်ချုပ်ကြီး ဂမ်ရှောင် ဦးဆောင်တဲ့အဖွဲ့နဲ့ တရုတ်နိုင်ငံမှာ တွေ့ဆုံခဲ့ပြီး တိုက်ပွဲတွေ ဆက်လက်မဖော်ဆောင်ဖို့နဲ့ ဆွေးနွေးအဖြေရှာဖို့ ပြောဆိုခဲ့တယ်လို့ KIO/KIA နဲ့ နီးစပ်သူတွေက ပြောပါတယ်။

တရုတ်နိုင်ငံဘက်က တိုင်းရင်သားလက်နက်ကိုင်အဖွဲ့တွေကို ခေါ်ယူတွေ့ဆုံပြီး ဖိအားပေးနေသလို တစ်ဖက်မှာလည်း စစ်ကောင်စီဘက်က မြောက်ပိုင်း ညီနောင်မဟာမိတ်သုံးဖွဲ့ ထိန်းချုပ်ထားတဲ့မြို့တွေကို နေ့စဉ်လိုလို လေကြောင်းကနေ ဗုံးကြဲ တိုက်ခိုက်နေပါတယ်။
---------------

၂ဝ၂၂ ခုနှစ်အတွင်းက မြန်မာနိုင်ငံသို့ လာရောက်သည့် ခရီးစဉ်အတွင်း တရုတ်အထူးကိုယ်စားလှယ် မစ္စတာ တိန့်ရှီးကျွင်းအား တွေ့ရစဉ်။ (Photo: Myanmar Military)

RFA Burmese Website တွင် ဖတ်ရှုရန် .....

#တရုတ် #MNDAA #ယူနန် #လွတ်လပ်တဲ့အာရှအသံ #rfaburmese