THE DIFFERENT NORMIES

Law of attraction- Michael Losier
ဆွဲဆောင်မှုဉပဒေသ ဘာသာပြန်-အောင်မင်းဦး

Law of attraction(or) manifestationကိုယုံရင် ဒီစာအုပ်ကိုဖတ်ဖို့recommendပေးပါတယ်။ ဒီစာအုပ်မှာlaw of attraction(တစ်နည်းအားဖြင့် manifestation)ကိုဘယ်လိုစည်းကမ်းတကျ ထိထိရောက်ရောက်သုံးရမလဲ ဖော်ပြထားပါတယ်။

*ဘာသာပြန်တဲ့သူကတော့သိပ်ပြေပြစ်အောင်မပြန်ထားပါဘူး။ဒါ့ကြောင့်နားမလည်တာရှိရင်မေးနိုင်ပါတယ်။


Notes( I took )

၁။ဆွဲဆောင်မှုဉပဒေသကို ခုလိုအဓိပ္ပာယ်ဖွင့်ဆိုနိုင်တယ်။" အကောင်းပဲမြင်မြင် အဆိုးပဲမြင်မြင် ငါ့ရဲ့သတိပြုမှုနဲ့စွမ်းအင်တွေကပေးအပ်ထားသမျှ အရာအားလုံးငါ့ဘဝထဲကို ဆွဲဆောင်သိမ်းသွင်းအာရုံစိုက်ထားစေမည်"

၂။သင့်စကားများက အကောင်းဖြစ်စေ၊အဆိုးဖြစ်စေ ယိမ်းခါချက်တစ်ခုခုကိုတော့ခုတ်မောင်းနေသည်။

၃။အတည်ပြုချက်စကားမျိုး သင်ပြောလိုက်တဲ့အခါတိုင်းမှာဒီစကားလုံးတွေကသင့်ကို ဘယ်လိုခံစားချက်ပေးတယ်ဆိုတဲ့အပေါ်အခြေခံပြီး သင့်မှာတုံ့ပြန်ချက်တွေဖြစ်လာလိမ့်မယ်။

၄။သံသယ(အဆိုးမြင်ယိမ်းခါချက်)ရဲ့ဘုံအကျဆုံးသော လာရာအရင်းအမြစ်ကတော့ သင့်ဟာသင်ကန့်သတ်နေတဲ့ သင့်ရဲ့ကန့်သတ်ယုံကြည်မှုကပဲလာတာဖြစ်ပါတယ်။

၅။မည်သည့်ယုံကြည်မှုကိုမဆို ပြောင်းလဲပစ်နိုင်သည်။

၆။ဆင်တူနီးစပ်မှု‌အပေါ်ခမ်းနားသိုက်မြိုက်အောင် အောင်ပွဲခံခြင်းဟာသင်ဆန္ဒကှိနေတဲ့အပေါ်မှာ ယိမ်းခါချက်ထပ်ပေးအပ်လိုက်တာပဲဖြစ်တယ်။

၇။‌လေးမြတ်စွာအသိအမှတ်ပြုတတ်ခြင်းနဲ့ကျေးဇူးသိတတ်ခြင်းတို့က သင့်ငိုအားကောင်းတဲ့အကောင်းမြင်ယိမ်းခါချက်တွေပေးအပ်နေတယ်။

၈။ကိုယ့်မှာ မရှိသေးတဲ့အရာအပေါ်မှာအာရုံစိုက်လွန်းပြန်ရင်လည်း သင့်မှာ အဆိုးမြင်ယိမ်းခါချက်တွေပဲရလာလိမ့်မယ်။

၉။လစ်ဟာချက် သို့မဟုတ် ကွက်လပ်ဆိုတာ အဖြည့်ခံဖို့အတွက်အမြဲအဆင်သင့်စောင့်နေတတ်တယ်။

၁၀။သင့်ယိမ်းခါချက်ကမြင့်နေပြီ တစ်ယောက်ရဲ့ယိမ်းခါချက်က သင့်ထက်နိမ့်ကျနေပါက သင်အဟန့်အတား(အဆိုးမြင်ယိမ်းခါချက်)ကိုခံစားရလိမ့်မယ်။

#Violet

အခုလိုခေတ်ကြီးထဲမှာ ဖောက်ပြန်တယ်ဆိုတာ ဖက်တာ၊ နမ်းတာ၊ အိပ်ယာပေါ်မှာအတူ လက်ပူးလက်ကြပ်မိမှ ဖောက်ပြန်တာ မဟုတ်တော့ပါဘူး။

စစချင်းတော့ Social Media ပေါ်မှာ Friend Request လုပ်တာ၊ Post တွေကိုအသဲပေးတာ၊ Story ၀င်ကြည့်တာ၊ Comment ရေးတာတွေကနေ စကြတယ်။ ဒီကနေမှတစ်ဆင့် ချဉ်းကပ်လာတဲ့လူကို ပြတ်ပြတ်သားသားမလုပ်တာ၊ ရည်းစားရှိတာကို မရှိသလိုပြုမူတာ၊ တိတ်တိတ်စကားပြောတာ၊ Flirt တာတွေဖြစ်လာတယ်။

ဒါကို Micro Cheating လို့ခေါ်ကြတယ်။ ပထမဆုံးတော့ Emotional Cheating (စိတ်ပိုင်းဆိုင်ရာအရဖောက်ပြန်ခြင်း) ထိတွေ့ခြင်းမရှိပဲ စိတ်ခံစားချက်အရသာ ဖောက်ပြန်တယ်။ အဲ့ဒီကနေမှ Physical Cheating (ရုပ်ပိုင်းဆိုင်ရာအရဖောက်ပြန်ခြင်း) အပြင်မှာတွေ့ပြီး ထိတွေ့ဆက်ဆံတဲ့အထိ ဖြစ်လာကြတယ်။

အခုခေတ် Relationship တွေ တော်တော်များများမှာ Micro Cheating ဆိုတာမျိုးကို တွေ့နေရပါတယ်။ ကိုယ့်ရဲ့ကောင်လေး သို့မဟုတ် ကောင်မလေးက လာ Flirt တဲ့သူတွေကို မငြင်းပဲလက်ခံနေတာ၊ စည်းမခြားပဲ ဖြစ်ချင်သလိုဖြစ်နေတာမျိုးတွေပေါ့။

ဒါမျိုးကို ကိုယ်ကမေးလို့ပြောလို့ ခေါင်းစဉ်တပ်ကြပြန်ရင်လဲ သူနဲ့ကဒီတိုင်းသူငယ်ချင်းပါ၊ ဒီတိုင်းအသိတွေပါ၊ ဒီတိုင်းစကားပြောတာပါ ဆိုတာတွေနဲ့ပဲ ခေါင်းစဉ်တပ်တတ်ကြတယ်။ အမှန်တကယ်တော့ သူတို့ကိုယ်တိုင်ကိုက ဒါမျိုးကို သဘောကျနေကြတာပါ။

တကယ်တမ်း ဖောက်ပြန်မှုတွေ၊ အပြင်မှာတွေ့ပြီး ဖောက်ပြန်သွားကြတယ်ဆိုတဲ့ လူတွေကလဲ Micro Cheating ကနေပဲ ဖြစ်လာကြတာတွေဖြစ်တယ်။ အဲ့တာကြောင့် "ဒီတိုင်း" ဆိုတဲ့လူတွေကို အထူးသတိထားပါ။

စိတ်နဲ့ဖောက်ပြန်တာကလဲ ဖောက်ပြန်တာပါပဲ။ ရုပ်နဲ့ဖောက်ပြန်တာကလဲ ဖောက်ပြန်တာပါပဲ။ ဘာမှကွဲမသွားပါဘူး။ ဒါမျိုးအရူးကွက်နင်းတာတွေမှာ အလှည့်အစားမခံကြပါနဲ့။


#AdminSteven

အလုပ်လုပ်ချင်စိတ်ပျောက်နေတာလား?

Change your "have to" to "choose to"

"ငါစာတွေလုပ်ရဦးမယ်"

"ငါစာလုပ်ဖို့ရွေးချယ်ခဲ့တာ၊ ငါလုပ်ချင်လို့ကိုလုပ်တာ"

ဒီနှစ်ကြောင်းမှာတင်energyကမတူပါဘူး။

ဒါ့ကြောင့်ကိုယ်တစ်ခုခုလုပ်ချင်စိတ်မရှိဘူး၊ အချိန်စွဲနေမိရင်
ကိုယ့်ရဲ့ "လုပ်ရဦးမယ်"တွေကို "ငါလုပ်ဖို့ရွေးချယ်ခဲ့တာ၊ လုပ်ချင်လို့ကိုလုပ်တာ" လို့ ပြောင်းပြီးပြောကြည့်၊ တွေးကြည့်ပါ။

Feel good productivity by Ali Abdaal
#Violet #book

သူဘာကြောင့် ကိုယ်စာတွေမပြန်ရတာလဲ။
ကိုယ်မသိပဲလုပ်မိနေလောက်မယ့် အမှား ၇ ခု


၁။ ကိုယ့်ဘက်ကစာတွေ အများကြီးပို့နေခြင်း။

စာတွေအများကြီး မပို့ပါနဲ့။ သူ့ဘက်က၀င်မကြည့်ရင်လဲ ထားလိုက်ပါ။ ဘာလို့စာမပို့တာလဲ ဒီလိုမျိုးတွေ သွားမေးတာ၊ လောတာမျိုးတွေ မလုပ်ပါနဲ့။ အေးအေးဆေးဆေးပဲ ဖြစ်ပါစေ။

၂။ ခန့်မှန်းရလွယ်လွန်းနေခြင်း။

“ဒီနေ့ ဘယ်လိုလဲ။ အဆင်ပြေလား” ဒီလိုမျိုး ခန့်မှန်းရလွယ်လွန်းတဲ့ ကြုံရာကျပန်းမေးခွန်းထက် “ဒီနေ့ကိစ္စတစ်ခုကြုံရတော့ မင်းပြောခဲ့တာကို တန်းသတိရတာပဲ” ဆိုတဲ့ ပိုပြီးတိကျပြီး စိတ်၀င်စားဖို့ကောင်းတဲ့ စကားမျိုးကိုပြောပါ။

၃။ အလွန်အကျွံ ချီးကျူးမြှောက်ပင့်နေခြင်း။

“ချောတယ်၊ လှတယ်၊ မိုက်တယ်” ဒီလိုမျိုး သာမန်စကားတွေကိုပဲ အပ်ကြောင်းထပ်အောင် ပြောနေမယ့်အစား ထူးထူးခြားခြား ဖြစ်စေတာမျိုးကို ပြောပါ။ ဥပမာ “မင်းကတစ်််မူထူးခြားတဲ့ ခံစားမှုမျိုးပေးတယ်။ အဲ့တာကြောင့်ငါမင်းကို သဘောကျတာ” ဒါမျိုးတွေကိုလဲ အပ်ကြောင်းထပ်အောင် မပြောပါနဲ့။

၄။ ဆွဲဆောင်မှုရှိတဲ့မေးခွန်းမျိုးကို မမေးတတ်ခြင်း။

“စားပြီးပြီလား။ ဘာလုပ်နေလဲ” ဒီလိုမျိုး ရိုးလွန်းတဲ့မေးခွန်းတွေကိုပဲ မေးနေမယ့်အစား “ဒီနေ့ကော ထူးခြားတာ ဘာလုပ်ခဲ့လဲ” ဆိုတဲ့ ဖြေစရာများပြီး စဉ်းစားစရာပါစေတဲ့ မေးခွန်းမျိုးကို မေးပေးပါ။

၅။ ကိုယ့်ဘက်ကကို Reply ကြာနေခြင်း။

ကိုယ့်ဘက်ကအကြာကြီး ပျောက်နေပြီးမှ ဘာမှမဖြစ်ခဲ့သလို ပုံမှန်စာပြန်တာမျိုးကလဲ တစ်ဖက်လူကိုယ့်ကို လျစ်လျူရှုသွားနိုင်ပါတယ်။ ဒီလိုမျိုးဖြစ်တဲ့အခါ ဘာမှမဖြစ်သလိုမနေပါနဲ့။ အကျိုးအကြောင်း သေချာရှင်းပြလိုက်ပါ။

၆။ အရမ်း Needy ဖြစ်နေခြင်း။

ကိုယ့်လက်ကသူ့ကို တအားလိုနေတဲ့ပုံ၊ သူမရှိရင်မဖြစ်တဲ့ပုံပေါက်ရင်လဲ တစ်ဖက်လူက ကိုယ့်ကိုလျစ်လျူရှုနိုင်ပါတယ်။ Needy မဖြစ်ပါနဲ့။ ကိုယ့်ကိုယ်ကို တန်ဖိုးထားပါ။ ကိုယ့်ကိုယ်ကို တန်ဖိုးထားမှ ကိုယ်ကတန်ဖိုးရှိနေမှာပါ။ ကိုယ်ကတန်ဖိုးရှိနေမှ တစ်ဖက်လူလဲ လိုချင်မှာပါ။

၇။ ကိုယ်ကသူကြိုက်တဲ့သူ မဟုတ်လို့။

သူ့မှာကိုယ်မဟုတ်တဲ့ တစ်ခြားကြိုက်နေတဲ့သူ ရှိပြီးသားဆိုရင်လဲ ကိုယ့်ကိုလျစ်လျူရှုနိုင်ပါတယ်။

#AdminSteven

Hello Everyone 🫡

ဒီ Channel ရဲ့ Founder အသစ်ပါ။ Coco လို့ခေါ်လို့ရပါတယ်ရှင့်။

အကြောင်းအရာတစ်ချို့ကြောင့် THE DIFFERENT NORMIES ရဲ့ Main Channel ကို ကိုင်သွားမှာမလို့ ဒီ Channel ထဲက စာကိုဖတ်နေကျလူတွေဆို ရှင်းရှင်းလင်းလင်းဖတ်နိုင်ဖို့ Channel အသစ်လေးကို Join ပေးဖို့တောင်းဆိုချင်ပါတယ်။

Admin Steven နဲ့ Roven အပြင် တစ်ခြား Admin တွေလဲ ဒီအောက်က Channel မှာ စာဆက်ရေးသွားမှာမလို့ Link လေးကို Join ထားလို့ရပါတယ်။

https://t.me/+-qyNvemqALRiOGY9

Psychologyအကြောင်းdiscussလုပ်ဖို့Violet group ထောင်ထားပါတယ်။(commentမှာလည်းအကြံပေးတာနဲ့)

Psychologyနဲ့related topicတွေအကြောင်းဆွေးနွေးမှာပါ။

https://t.me/+l0zPhEt8Cfo4MGY1

#Violet

Personality isn't pregnant

အရင်နေ့ကViolet channelမှာpostတင်ပြီးစာအုပ်တစ်အုပ်ဖတ်လိုက်ရပါတယ်။

စာအုပ်က Personality isn't pregnant by Benjamin Hardy

အဲ့ဒီစာအုပ်ကိုဖတ်ပြီးVioletမှာမျှဝေချင်တဲ့အကြောင်းအရာအချို့ရှိပါတယ်။အဓိကစာအုပ်ရဲ့ပေးချင်တဲ့messageကိုအကျဉ်းချုပ်ဖော်ပြသွားပါမယ်။

Personality Isn’t Permanent - အဓိကအကြောင်းအရာများ

1. Personalityက‌ပြောင်းလဲနိုင်စွမ်းရှိခြင်း- စာရေးသူက personalityဟာ တင်းကျပ်တဲ့အရာမဟုတ်ဘဲ Violetတို့ရဲ့ ရွေးချယ်မှုတွေ(choices)၊ အလေ့အထတွေ(habits)၊ နေရာပတ်ဝန်းကျင်တွေ(environment)အပေါ် မူတည်ပြီး ပြောင်းလဲလာနိုင်တယ်လို့ ဖော်ပြထားပါတယ်။ Violetတို့ဟာ ကိုယ့်ရဲ့ အတိတ်ကလူ(past selves)တွေစီမှာပိတ်မိနေထိုင်စရာမလိုပါဘူး။

ဉပမာ- ကိုယ်ကစာဖတ်ရတာမကြိုက်ပေမယ့်နေ့တိုင်းစာနည်းနည်းစီဖတ်ရင်းစာဖတ်ရတာကြိုက်တဲ့သူဖြစ်လာနိုင်ပါတယ်။ငါကတော့စာဖတ်ရတာမကြိုက်တဲ့လူဘဲဆိုပြီးကိုယ့်ရဲ့အတိတ်ကselfစီမှာပိတ်မိနေဖို့မလိုပါဘူး။

2. ကိုယ်တိုင်ပြောင်းလဲခြင်း(self-transformation) - Violetတို့ကိုယ့်ကိုယ်ကိုယ်အတိတ်အမှတ်တံဆိပ်(past labels)တွေနဲ့ မသတ်မှတ်ဘဲ ကိုယ်ဖြစ်ချင်တဲ့အနာဂတ်အတွက် ရှင်းလင်းတဲ့ရည်မှန်းချက်တွေချခြင်းက ကိုယ်ဖြစ်ချင်တဲ့ကိုယ့်ရဲ့အနာဂတ်ကလူပုံစံ(ideal future identity)ဖြစ်လာနိုင်ပါတယ်။

ဉပမာ-ကိုယ်ကစာညံ့တဲ့လူဆိုတဲ့အတိတ်ကသတ်မှတ်ချက်တွေဖျောက်ပစ်ပြီးနေ့တိုင်းသာစာသေချာကြိုးစားမယ်ဆိုရင်ကိုယ်ဖြစ်ချင်တဲ့စာတော်တဲ့လူဖြစ်လာမှာပါ။

3. ကန့်သတ်ချက်များကို ဖျက်သိမ်းခြင်း - စာရေးသူက ကိုယ်ရည်ကိုယ်သွေးစမ်းသပ်မှုများ (Mbti ကဲ့သို့သော) က ကိုယ့်ရဲ့တိုးတက်မှုကိုlimitဖြစ်စေနိုင်ပြီးပုံသေစရိုက်(fixed traits)တွေနဲ့labelတပ်စေနိုင်ပါတယ်။ အဲ့တာအစား စာ‌ရေးသူကအသစ်‌သစ်သောပြောင်းလဲမှုတွေကိုထွေးပွေ့လက်ခံဖို့ပြောထားပါတယ်။

ဉပမာ-personality test(mbti,disc,big fiveကဲ့သို့)တွေကကိုယ့်ရဲ့အများဆုံးဖြစ်လေ့ရှိတဲ့selfကိုဘဲပြတာပါ၊ ကိုယ်က(mbtiမှာ)intpဆိုရင်တစ်သက်လုံးတစ်ချိန်လုံးintpမဟုတ်ပါဘူး။ကိုယ့်မှာလူတွေနဲ့ဟေးလားဝါးလားလုပ်ချင်တဲ့စိတ်၊ ပျော်ချင်ပါးချင်ကဲချင်တဲ့စိတ် တစ်ခါတစ်လေရှိမှာပါ။ အဲ့တာကို ငါကတော့intpမလို့အဲ့လိုsocialကျတာတွေမလုပ်ဘူး၊ esfjမလို့အမြဲတမ်းsocialကျတယ်၊ intjမလို့နှလုံးသားကို ဘယ်တော့မှဦးစားမပေးဘူး စသည်ဖြင့်ဆိုရင် ကိုယ့်ရဲ့တိုးတက်မှုမှာအဟန့်အတားဖြစ်စေပါတယ်။

4. အနာဂတ်ကိုယ်(future self)ကိုဖန်တီးခြင်း - personality ပြုပြင်ခြင်းကို တက်ကြွတဲ့ချဉ်းကပ်မှု(proactive approach)တွေနဲ့ကိုယ်လိုချင်တဲ့အနာဂတ်ကိုယ်(future self)ကို ကောင်းမွန်တဲ့အလေ့အကျင့်တွေနဲ့ဖန်တီးခြင်း၊ ကိုယ်ဖြစ်ချင်တဲ့လူတစ်ယောက်ဖြစ်ဖို့နေ့တိုင်းရွေးချယ်မှုတွေလုပ်ခြင်းနိုင်ပါတယ်။

ဉပမာ-ကျန်းမာတဲ့လူဖြစ်ချင်တယ်ဆိုရင်နေ့တိုင်းအစားအစာတွေရွေးချယ်စားပြီးလေ့ကျင့်ခန်းလုပ်မယ်ဆိုရင်အနာဂတ်မှာကျန်းမာတဲ့လူဖြစ်လာနိုင်ပါတယ်။

5. နေရာပတ်ဝန်းကျင်(environment)၏ အရေးပါမှု - စာရေးသူက ပတ်ဝန်းကျင်ရဲ့ သက်ရောက်မှုကို အလေးထားဖော်ပြပြီး၊ ကိုယ့်ရဲ့ အရည်အချင်းမြင့်မားမှုကို ပံ့ပိုးပေးမယ့် ပတ်ဝန်းကျင်ဖန်တီးသင့်ကြောင်း အကြံပြုထားပါတယ်။အပြုသဘောဆောင်သော လူများ၊ အတွေးအခေါ်များနဲ့ အတူ ရှိနေခြင်းက ကိုယ့်ရဲ့တိုးတက်မှုproductivityကိုမြင့်လာစေနိုင်ပါတယ်။

ဉပမာ-ကိုယ်ကစာဖတ်ချင်တယ်ဆို စာဖတ်တဲ့လူတွေနဲ့စာကြည့်တိုက်လိုနေရာမှာအချိန်ကုန်ဆုံးခြင်းက ကိုယ့်ရဲ့တိုးတက်မှုကိုပိုအထောက်အကူဖြစ်စေနိုင်ပါတယ်။

---
ဒီအချက်တွေက personalityကိုကန့်သတ်ထားတဲ့ ယုံကြည်ချက်(limited beliefs)တွေကနေ လွတ်မြောက်ပြီး ကိုယ်တိုင်ဖွံ့ဖြိုးတိုးတက်မှု(self-growth)ကို ပိုပြီးအာရုံစိုက်ဖို့ စာအုပ်ကဖော်ပြထားတဲ့အချက်တွေဖြစ်ပါတယ်။

ဒီစာအုပ်ထဲကပါတဲ့ကောက်နှုတ်ချက်တွေကိုဘာလို့ပြန်ရှင်းပြတာလဲဆိုရင်Violetကိုယ်တိုင်ကလည်းတစ်ချိန်ကစာအုပ်ထဲကဖော်ပြထားခဲ့သလိုလူဖြစ်ခဲ့ပါတယ်(Violetကmbtiကိုစသိစတုန်းကဆိုရင် enfjမလို့ လူတွေအပေါ်အမြဲကောင်းမယ်၊ ပျော်ပျော်နေပြီးpositive vibeအပြည့်ရှိမယ် စသည်ဖြင့်။ဒါပေမယ့် နောက်ပိုင်းmbtiအကြောင်းကိုသေချာလေ့လာပြီးအဲ့လိုfixed traitsတွေမထားတော့ဘဲ mbtiရဲ့ personalityတွေဆိုတာအချိန်အများစုမှာဖြစ်လေ့ရှိတဲ့ကိုယ့်ရဲ့selfကိုဖော်ပြထားတာ သိခဲ့ပါတယ်။ ဒါပေမယ့်လည်းအချို့ limited beliefsတွေနဲ့fixed traits‌ တွေရှိနေခဲ့ပြီးVioletရဲ့တိုးတက်မှု(productivity)ကို အတားအဆီးဖြစ်စေခဲ့ပါတယ်။ အရင်အပတ်ကလည်းmbtiအကြောင်းပြောထားလို့fixed traitsတွေဝင်သွားမှာစိုးလို့ ဒီစာအုပ်ထဲကအရေးကြီးပြီးမှတ်သားစရာကောင်းတဲ့messageအချို့ကိုဖော်ပြလိုက်တာဖြစ်ပါတယ်။

#Violet

https://www.16personalities.com/free-personality-test

Where you can test your mbti
#Violet

MBTI

The MBTI (Myers-Briggs Type Indicator) is a system that describes different personality types based on how people prefer to think, feel, and make decisions. It uses four main pairs of letters, each representing different personality preferences.

MBTI (Myers-Briggs Type Indicator) ဆိုသည်မှာ လူတို့၏ အတွေး၊ ခံစားမှုနှင့် ဆုံးဖြတ်ချက်ချပုံကို အခြေခံ၍ တစ်စုံ‌တစ်ယောက်၏ ပုဂ္ဂိုလ်ရေးစရိုက်(personality)အမျိုးအစားများကို ဖော်ပြသည့် စနစ်(system)တစ်ခုဖြစ်သည်။ ၎င်းတွင် စိတ်သဘောထားကို ကိုယ်စားပြုသည့် စာလုံးလေးစုံရှိပြီး၊ မတူကွဲပြားသည့် ပုဂ္ဂိုလ်ရေးစရိုက်(personality)လက္ခဏာများကို ကိုယ်စားပြုသည်။

1. E (Extraversion) and I (Introversion)

2. N (Intuition) and S (Sensing)

3. F (Feeling) and T (Thinking)

4. J (Judging) and P (Perceiving)

---

1. E (Extraversion) and I (Introversion)

E (Extraversion): အခြားသူများနဲ့အတူရှိရချိန်တွင် ပိုပြီးစွမ်းအင်ရတဲ့လူတွေ။

I (Introversion): ကိုယ့်ဘာသာတစ်ယောက်တည်းနေရချိန် ပိုပြီးစွမ်းအင်ရတဲ့လူတွေ။


2. N (Intuition) and S (Sensing)

N (Intuition): အတွေးအမြင်များ၊ အလိုလိုသိစိတ်၊ အနာဂတ်အကြောင်းတွေကို ပိုတွေးတဲ့လူတွေ။

S (Sensing): လက်တွေ့ကျစွာ လက်ရှိအခြေအနေကို အာရုံစိုက်တဲ့လူတွေ။


3. F (Feeling) and T (Thinking)

F (Feeling): ခံစားချက်များ၊ တန်ဖိုး(value)တွေကို အခြေခံပြီး ဆုံးဖြတ်ချက်ချတဲ့လူတွေ။

T (Thinking): အတွေးအခေါ်၊ အချက်အလက်(fact)တွေကို အခြေခံပြီး ဆုံးဖြတ်ချက်ချတဲ့လူတွေ။
[ဦီးနှောက်ကိုဦးစားပေးပြီးdecision
လုပ်တာနဲ့နှလုံးသားကိုဦးစားပေးပြီးdecisionလုပ်တာလို့အကြမ်းဖျင်းမှန်လို့ရပါတယ်]


4. J (Judging) and P (Perceiving)

J (Judging): စီမံခန့်ခွဲခြင်း၊ စီစဉ်ခြင်းကို ကြိုက်တဲ့လူတွေ။

P (Perceiving): အပြောင်းအလဲ၊ အရွေးချယ်မှုများကို ကြိုက်ပြီး ပေါင်းလွယ်တဲ့လူတွေ။

Details in next post~


#MBTI #Violet

TDN CHANNEL ကိုအသစ်သစ်သော အကြောင်းအရာတွေနဲ့ အတူ ပြန်လာဖို့ရှိပါတယ်ဗျ။ ကျွန်တော်တို့ အားတဲ့အချိန်ကိုခွဲထားပြီး တစ်ယောက်တစ်လှည့်စီ စာကို ပုံမှန်တင်ပေးပါမယ်။

စိတ်မကောင်းစရာတစ်ခုက ကျွန်တော်တို့တောင်ပြန်လာပြီ သူ/သူမတော့ပြန်မလာသေးဘူးမလား 🙂‍↕️🙂‍↕️

#R0VEN

The psychology of habit

---

အချို့အချိန်တွေမှာကိုယ်တောင်သတိမမူလိုက်ဘဲလုပ်မိလိုက်တဲ့အပြုအမူတွေကိုသတိထားမိပါသလား။အလေ့အကျင့်တွေကကျွန်ုပ်တို့မကြာခဏလုပ်တောင်လေ့ရှိတဲ့အပြုအမူများဖြစ်ပြီးတစ်ခါတစ်ရံလုပ်ဖို့မစဉ်းစားမိဘဲလုပ်မိတတ်ပါတယ်။၎င်းက သွားတိုက်ခြင်းကလိုမျိူး ရိုးရှင်းသည့်အရာများမှစပြီး ဖုန်းကို မကြာခဏ စစ်ဆေးခြင်းကဲ့သို့ ရှုပ်ထွေးသည့် အပြုအမူများအထိ ပါဝင်နိုင်တယ်။ ဒါပေမယ့် အလေ့အကျင့်များကို ကျွန်ုပ်တို့ဘယ်လိုရရှိလာသလဲ၊ အလေ့အကျင့်ကို ဘယ်လိုပြောင်းလဲနိုင်မလဲ?

The science behind habits

အလေ့အကျင့်သည် ဦးနှောက်ထဲမှာ"habit loops" ဟုခေါ်သော လုပ်ဆောင်ချက်များမှတစ်ဆင့် ဖွဲ့စည်းထားသည်။ ဤလုပ်ဆောင်ချက်တွင် အဓိက အစိတ်အပိုင်း သုံးခုရှိသည်။ အစိတ်အပိုင်းများမှာ cue, routineနှင့် reward ဖြစ်သည်။

- cue: cueသည်မှာ ဦးနှောက်ကို အပြုအမူတစ်ခုကို စတင်စေသည့် အချက်ဖြစ်သည်။ ဥပမာအားဖြင့် ပျင်းရိသောခံစားချက်သည် social media appကိုဖွင့်လိုက်စေသည်။
- routine: routineသည်မှာ အပြုအမူ ဥပမာအားဖြင့် ပို့စ်များကို အောက်ဆွဲ၍ကြည့်ခြင်း သို့မဟုတ် ဗီဒီယိုများကို ကြည့်ခြင်းဖြစ်သည်။
- reward: rewardသည် သင့်အပြုအမူမှ ရရှိသော အကျိုးရလဒ်ဖြစ်သည်။ ဥပမာအားဖြင့် ဖုန်းသုံးလိုက်ခြင်းဖြင့်
အပျော်အပါးရစေခြင်း သို့မဟုတ် အပန်း‌ပြေခြင်းကိုရရှိသည်။

အချိန်ကြာလာသည်နှင့်အမျှ ဦးနှောက်သည် cueနှင့် rewardတို့ကို ချိတ်ဆက်ကာ အပြုအမူများကို အလိုအလျောက်လုပ်ဆောင်သည့် အနေအထားသို့ ကူးပြောင်းသွားသည်။ ထို့ကြောင့်မကောင်းသော အလေ့အထများကို ဖြိုဖျက်ရန်ခက်ခဲသည်။

How to change a habit

အလေ့အထတစ်ခုကို ပြောင်းလဲခြင်းသည် ခက်ခဲပေမယ့် မဖြစ်နိုင်ခြင်းမဟုတ်ပါ။ အဓိကက cueကို သိရှိရန်နှင့် routineကို အလေ့အကျင့်အသစ်၊ ကျန်းမာသော အပြုအမူဖြင့် အစားထိုးရန်ဖြစ်သည်။ ဥပမာအားဖြင့် ပျင်းရိ‌သောခံစားချက်သည် သင့်ကို ဖုန်းကြည့်ရန် စတင်စေလျှင်(အမိန့်‌လျှင်)၊ထိုအရာကို စာဖတ်ခြင်း သို့မဟုတ် လမ်းလျှောက်ခြင်းဖြင့် အစားထိုးပါ။

အလေ့အကျင့်ကို အလေ့ကျင့်ခြင်းအားဖြင့် အမြဲတမ်း rewardကို ရယူနိုင်ပြီး (ဥပမာအားဖြင့် အပန်းဖြေခြင်းကဲ့သို့) ဦးနှောက်ကို ဖြည်းဖြည်းချင်းအောင် အလေ့အကျင့်တစ်ခု ပျိုးထောင်နိုင်ရန်လေ့ကျင့်နိုင်သည်။

Conclusion

အလေ့အကျင့်များသည် ကျွန်ုပ်တို့၏ နေ့စဉ်ဘဝတွင် အရေးကြီးသော အခန်းကဏ္ဍ တစ်ခုအဖြစ် ပါဝင်သည်။ ၎င်းတို့ကို နားလည်ပြီး ပြောင်းလဲရန် သင်ယူခြင်းဖြင့် ကျွန်ုပ်တို့၏ နေ့စဉ်လှုပ်ရှားမှုများကို ထိန်းချုပ်နိုင်ပြီး ကောင်းမွန်သော ဘဝပုံစံကို ရရှိစေပါသည်။

#Violet #psychologyofhabit

Main Character Syndrome


ကိုယ်ရဲ့ပတ်၀န်းကျင်မှာ ကိုယ့်ကိုယ်ကို အရေးအပါဆုံးလူလိုလို၊ အဓိက‌ဇာတ်ကောင်လိုလို ပြုမူတတ်တဲ့သူကို ကြုံဖူးကြပါသလား။

ဒီလိုလူမျိုးတွေကတော့ Main Character Syndrome လို့ခေါ်တဲ့ စိတ်ပိုင်းဆိုင်ရာရောဂါရှိနေကြတဲ့ သူတွေဖြစ်ပြီး ကိုယ့်ကိုယ်ကို ဇာတ်လမ်းတစ်ပုဒ်ရဲ့ အဓိကဇာတ်ကောင်၊ အရေးပါဆုံးပုဂ္ဂိုလ်လိုလို ထင်မြင်တတ်၊ ပုံဖော်တတ်ကြတယ်။

Main Character Syndrome
ရှိသူတစ်ယောက်ရဲ့ လက္ခဏာများ

1. လူတိုင်းရဲ့အာရုံစိုက်မှု၊ စိတ်၀င်စားမှုတွေကိုလိုအပ်။

2. လူတွေရဲ့ အာရုံစိုက်မှုတွေကိုရဖို့ အစွမ်းကုန်ကြိုးစား။

3. ကိုယ့်ကိုယ်ကို သူရဲကောင်းကြီးအဖြစ် ပုံဖော်တတ်သလို ဘယ်သူနဲ့မှမတူ ခက်ခဲကြမ်းတမ်းတဲ့ ဘ၀အခြေအနေတွေ ရှိခဲ့တဲ့ ခံရသူလူတစ်ယောက်အနေနဲ့လဲ ပုံဖော်တတ်။

4. ကိုယ့်ကိုယ်ကိုသာ အမြဲဗဟိုတည်ထား။

5. ကိုယ့်ကိုယ်ကို အရမ်းအရေးပါတဲ့သူအဖြစ် ပုံဖော်တတ်ပေမယ့် ကိစ္စအသေးအမွှားလေးတွေမှာတောင် အတွေးလွန်ပြီး သိမ်ငယ်စိတ်၀င်တတ်။

6. အရာရာကို ယုံကြည်ချက်လွန်ကဲ။

7. ကိုယ်မှားကြောင်း၊ မသိကြောင်း၊
မလုပ်တတ်ကြောင်း ဘယ်တော့မှ ၀န်မခံတတ်။

ကိုယ့်ကိုယ်ကို ဗဟိုပြုတာ၊ အာရုံစိုက်တာက တစ်မျိုးတစ်ဖုံကောင်းတယ်ဆိုပေမယ့် သူတို့မှာ လူသိနည်းတဲ့ Dark Side လဲရှိပါသေးတယ်။

သူတို့ရဲ့ Dark Side ကဘာလဲ။

ဒီလိုလူမျိုးအများစုက လက်တွေ့ဘ၀၊ နာကျင်စရာတွေကနေ ရုန်းထွက်နိုင်ဖို့ ကိုယ့်ကိုယ်ကို စိတ်ထွက်ပေါက်ပေးရင်းနဲ့ Main Character Syndrome ဖြစ်လာကြတာပါ။

သေချာလေ့လာကြည့်မယ်ဆိုရင်လဲ ဒီ Case က ဆယ်ကျော်သက်ကလေးတွေမှာပဲ ဖြစ်တာပါ။ အဲ့ဒီကလေးတွေကလဲ မိဘတွေ၊ သူငယ်ချင်းတွေနဲ့ ပြဿနာရှိရင်ရှိ၊ မဟုတ်ရင် ကိုယ်ကိုယ်တိုင် အထီးကျန်နေပြီး လမ်းပျောက်နေတဲ့သူတွေ များပါတယ်။

ပတ်၀န်းကျင်မှာ ကိုယ့်ကိုယ်ကို ယုံကြည်ချက်ရှိသူ၊ လူတော်လူတတ်ကြီးတစ်ယောက်လို ပုံဖော်တတ်ပေမယ့် တကယ်တမ်း နာကျင်စရာတွေ၊ ပြဿနာတွေ ဖြစ်တဲ့အခါ ဘာမှမလုပ်တတ်တော့ပဲ နလန်မထူနိုင်အောင် လမ်းပျောက်ခံစားနေတဲ့သူ ရှိနေတယ်ဆို အဲ့တာ Main Character Syndrome ရှိတဲ့လူတစ်ယောက်ပါပဲ။


Main Character Syndrome
ရှိသူတစ်ယောက်ရဲ့ တကယ့်စိတ်နေစိတ်ခံ

1. လူအထင်ကြီးအောင် အမြဲလုပ်တတ်။
အထင်ကြီးမှုတွေက သူတို့အတွက်တော့ အားဆေးပါပဲ။

2. လွယ်လွယ်နဲ့ခံစားတတ်။
ဒါပေမယ့် ဘာမှမဖြစ်သလို၊ ဂရုမစိုက်သလိုပဲနေ။ စိတ်ထဲမှာ ကြိတ်ခံစား၊ နောက်မှပြန်စဉ်းစားပြီးခံစား။

3. လျစ်လျူရှုခံရရင်၊ လူတွေရဲ့အာရုံစိုက်မှုမရရင် Depression ၀င်၊ အားမရှိ။

4. စိတ်အားငယ်လွယ်ပြီး လူတွေဆီကနေ အတည်ပြုချက်လိုအပ်။

Fiction တစ်ခု၊ Series တစ်ခုကိုကြည့်ပြီး အဲ့ထဲမှာပါ၀င်တဲ့ Character လို ကိုယ့်ကိုယ်ကိုထင်မြင်ပြီး လိုက်ပြုမူတတ်တဲ့သူတွေကလဲ Main Character Syndrome ရှိကြတဲ့သူတွေပါပဲ။

ကိုယ့်ကိုယ်ကို ဗဟိုပြုတာ၊ ယုံကြည်ချက်ရှိတာ၊ အထင်ကြီးတာက ကောင်းသင့်သလောက် ကောင်းတယ်ဆိုပေမယ့် အတိုင်းထက်လွန်သွားရင်တော့ အရာရာကဆိုးကျိုးနဲ့ပါပဲ Guys


#AdminSteven

Toxic ဖြစ်တဲ့ လူအမျိုးအစား 6 မျိုး


The Narcissist

1. ကိုယ့်အတွက်ပဲကိုယ်သိ၊
ကိုယ်အကြောင်းကိုယ်ပဲ စိတ်၀င်စား။

2. ကိုယ်ချင်းစာစိတ်၊ စာနာစိတ်ကင်းမဲ့။

3. သူတို့ကသာ အတော်ဆုံး၊ အလှဆုံး၊ လူတိုင်းထက်သာတယ်လို့ ထင်မြင်တတ်။


The Controller

1. ဘေးနားမှာရှိတဲ့ အရာအားလုံး၊
လူအားလုံးကို ထိန်းချုပ်ဖို့ ကြိုးစား။

2. ကိုယ်တိုင် တာ၀န်ယူမှု တာ၀န်ခံမှုမရှိ။
တစ်ခြားလူအပေါ်သာ လွှဲချတတ်။

3. တစ်ဖက်လူကို ဘာမှမလုပ်နိုင်တဲ့သူလို့
ခံစားရအောင် လုပ်တတ်၊ နှိမ်တတ်။


The Drama Magnet

1. အတင်းအဖျင်းနဲ့ အခြေအမြစ်မရှိ
ဇာတ်လမ်းတွေကို ဖန်တီးတတ်သူ။

2. သေးသေးကို ကြီးကြီးဖြစ်အောင် အမြဲလုပ်တတ်သူ။ မဟုတ်တဲ့ ကောလဟာလဖြန့်ရာမှာ ထူးချွန်။

3. လုပ်ချင်တာလုပ်ပြီးမှ ဘာမှမသိသလို၊ အပြစ်ကင်းသလို၊ မရည်ရွယ်သလို ပြုမူတတ်။


The Energy Vampire

1. တစ်ဖက်လူရဲ့အားအင်တွေကို
အမြဲစုပ်ယူပြီး ဖိအားပေးတတ်သူ။

2. ပြဿနာတွေဖန်တီးပြီး တစ်ဖက်လူကို
စိတ်ရှုပ်အောင် အမြဲလုပ်။

3. တစ်ဖက်လူကိုအမြဲ အပြစ်တင်ဝေဖန်။


The Compulsive Liar

1. ဘာပဲပြောပြော အမြဲလိမ်ညာတတ်။

2 တစ်ဖက်လူကို ကြိုးကိုင်ခြယ်လှယ်ပြီး
အတွေးမှားအောင် ဖန်တီးတတ်။

3. တစ်ဖက်လူကို အပြစ်ရှိစိတ်ဖြစ်အောင်
လုပ်ရာမှာ ထူးချွန်။


The Green Eyed

1. တစ်ခြားသူတွေရဲ့ ကောင်းသတင်းတွေအတွက် မပျော်ရွှင်ပေးနိုင်တဲ့သူ။

2. အမြဲတမ်း ခံရသူလိုပြုမူ (ပန်းနုသွေး)

3. တစ်ခြားသူအကြောင်းကို စိတ်မ၀င်စား၊ နားထောင်မပေးပဲ ကိုယ့်‌အကြောင်းကိုသာ
စိတ်၀င်စားစေချင်၊ နားထောင်စေချင်တဲ့သူ။


#AdminSteven

ကိုယ့်ရဲ့ရည်းစားဟောင်းက နောက်လူအတွက် ကိုယ့်ကိုရက်ရက်စက်စက် ထားသွားပြီး အခုနေနိုင်သွားပြီဆိုတော့မှ ကိုယ့်ကိုပြန်လိုချင်တယ်၊ နောင်တရပါတယ်ဆိုပြီး ဖြစ်‌နေတယ်။ အဲ့တာဘယ်လိုလုပ်ရမလဲ။

အမှန်တရားက ကိုယ့်ကိုချစ်လို့ ပြန်လိုချင်လာတယ်ဆိုတာထက် ကိုယ်ကောင်းကောင်းနေ၊ ကောင်းကောင်းပျော်နေတာကို မြင်လို့ နောက်တစ်ခါထပ်ပျက်စီးအောင် လုပ်ချင်လာတာပဲရှိတယ်။

ငယ်ငယ်လေးထဲက ကိုယ်မကစားတဲ့အရုပ်တစ်ခုက တစ်ခြားလူလက်ထဲရောက်ပြီး ကောင်းကောင်းဆော့လို့ရတာကို မြင်ရင် ပြန်လိုချင်သလို နှမြောသလိုနဲ့ မနေနိုင်မထိုင်နိုင် ဖြစ်တတ်တာ လူတွေရဲ့ထုံးစံပဲ။

တကယ်တမ်း လက်ထဲပြန်ရောက်လာတော့လဲ တန်ဖိုးထားလားဆိုတော့ မထားပြန်ဘူး။ အဓိကက ကိုယ်ကစားတာ၊ မကစားတာ တန်ဖိုးထားတာ၊ မထားတာထက် ကိုယ့်အရုပ်ဖြစ်နေတာကိုသာ လိုချင်ကြရုံပဲ။

အရုပ်အနေနဲ့ ဘာမှလုပ်လို့မရပေမယ့်
ကိုယ့်အနေနဲ့ကတော့ အရုပ်လို ဖြစ်မှာလား၊ မဖြစ်မှာလား ရွေးချယ်လို့ရတယ်။

လောကကြီးထဲမှာ ဒီလိုလူမျိုးအများကြီးရှိတယ်။ တွဲနေတုန်းမှာ လုပ်ချင်တာလုပ်၊ လူတကာနဲ့ပတ်ရှုပ်၊ ပြီးရင်လွယ်လွယ်နဲ့ပြတ်၊ သူ့ဘက်က နည်းနည်းလေးတောင် တုံ့ဆိုင်းခြင်း မရှိဘူး။ ပြတ်သွားပြီးနောက် ကိုယ်ကအဆင်ပြေသွာပြီဆိုတာနဲ့ ကိုယ်မရှိရင်ပဲ မနေနိုင်တော့သလို၊ နောက်ထပ်မမှားစေရတော့ပါဘူး၊ နောင်တရပါပြီဆိုတဲ့ အချိုးနဲ့ ပြန်ရောက်လာတတ်တယ်။ ပြီးရင် နောက်တစ်ခါထပ်လုပ်၊ နောက်တစ်ခါထပ်မှားပြန်တယ်။

တစ်ခါတစ်လေမှားတတ်တာက အမှားပါ။ နှစ်ခါ သို့မဟုတ် နှစ်ခါထက် ပိုမှားသွားရင်တော့ အဲ့တာအမှား မဟုတ်တော့ပါဘူး။ ဗီဇဖြစ်သွားပါပြီ။ ဗီဇဆိုတာ ပြင်မရပါဘူး။ ဒါအမှန်တရားပါ။ အမှားနဲ့ဗီဇကို အမှတ်မမှားပါစေနဲ့။

ဒီလိုလူမျိုးတွေက အနားမှာ
ကြာကြာထားရင် ထားသလောက်ကို
ကိုယ့်ရဲ့ Mental Health ကိုဆိုးရွားအောင်လုပ်ပြီး အနှောက်အယှက်မျိုးစုံကို ပေးအုံးမှာပါ။

အကြောင်းအရင်းကိုလဲသိပြီ၊ လုပ်ရမှာကိုလဲ သိပြီဆိုတော့ ကျန်တာကတော့ Bro တို့ Sis တို့အပေါ်ပဲ မူတည်ပါတော့တယ်။


#AdminSteven

- PTSD (Post-Traumatic Stress Disorder):
ဆိုးဝါးသည့် ဖြစ်ရပ်မှ အတွေ့အကြုံများရခဲ့သော အခါတွင် PTSD (Post-Traumatic Stress Disorder) တစ်ခုဖြစ်ပေါ်သည်။ ၎င်းသည် ကြောက်ရွံ့မှုတုံ့ပြန်မှုများကို ဖြစ်စေပြီး၊ ထိုဖြစ်ရပ်နှင့် အလားတူဖြစ်သော မှတ်ဉာဏ်များ၊ nightmaresများနှင့် သတိပေးစကားများအောက်တွင် ကြောက်ရွံ့မှုဖြစ်စေသည်။

7. ဆင့်ကဲတိုးတက်မှုအမြင်

-အသက်ရှင်ခြင်း Mechanism:
ကြောက်ရွံ့မှုသည် အန္တရာယ်များထံမှရှောင်ကြဉ်ပြီးအသက်ဆက်ရှင်နိုင်ရန်အကူအညီပေးသည်။အန္တရာယ်ကို သတိပြုမိသူများနှင့် အမြန်တုံ့ပြန်သောသူများသည် အသက်ရှင်နိုင်ခြေ ပိုမိုများပြီး၊ ၎င်းတို့၏ မျိုးစဉ်များကို ဆက်လက်ထားနိုင်ခြင်းဖြစ်သည်။

- ထိရောက်သောကြောက်ရွံ့မှုနှင့် မထိရောက်သောကြောက်ရွံ့မှု:
ကြောက်ရွံ့မှုသည် အန္တရာယ်မှ ကာကွယ်ရာတွင် အကျိုးရှိသည်၊ သို့သော် ထိုကြောက်ရွံ့မှုသည် မထိရောက်သောကြောင့် မကျွမ်းကျင်သောကြောက်ရွံ့မှုများဖြစ်လာသည်။ ဥပမာ-အလွန်တားဆီးသောကြောက်ရွံ့မှုများသည် လူတစ်ဦး၏ နေ့စဉ်လုပ်ငန်းများကို ထိခိုက်စေပြီး၊ ငြိမ်းချမ်းမှုကို ပျက်စီးစေသည်။

8. ကြောက်ရွံ့မှုကို ရင်ဆိုင်နည်းများ:

- Exposure Therapy:
ကြောက်ရွံ့မှုနှင့် phobias အတွက် ထိရောက်သောကုသမှုတစ်ခုဖြစ်ပြီး၊ လူများအား ကြောက်ရွံ့မှုပေးသော အခြေအနေများကို ရင်ဆိုင်ရန် လေ့ကျင့်ပေးခြင်းဖြစ်သည်။ အချိန်ကြာလာသည်နှင့်အမျှ ထိုကြောက်ရွံ့မှုသည် တဖြည်းဖြည်းလျော့ကျလာသည်။

- Cognitive-Behavioral Therapy (CBT):
CBT သည် ကေ မြာက်ရွံ့မှုကိုဖြစ်‌ပေါ်‌စေသည့် မတိကျသောအတွေးအခေါ်များကို သတ်မှတ်ဖယ်ရှားခြင်းနှင့် ကြောက်ရွံ့မှုနှင့် စိုးရိမ်မှုများကို ဖြတ်ကျော်နိုင်မည့် နည်းလမ်းများကို ဖွံ့ဖြိုးစေခြင်းဖြစ်သည်။

- Mindfulness နှင့် အနားယူမှုနည်းလမ်းများ:
နက်ရှိုင်းသော အသက်ရှူခြင်း၊ တရားထိုင်ခြင်းနှင့် mindfulnessလုပ်ခြင်း တို့ကို လေ့ကျင့်ခြင်းသည် ကြောက်ရွံ့မှုနှင့် စိုးရိမ်မှုတို့၏ ရုပ်ပိုင်းဆိုင်ရာ လက္ခဏာများကို စီမံခန့်ခွဲနိုင်စွမ်းကို တိုးတက်စေသည်။

အကျဉ်းချုပ်:
ကြောက်ရွံ့မှုသည် လူသားတို့၏ ဦးနှောက်နှင့် စိတ်ပိုင်းဆိုင်ရာအထဲတွင် အလွန်ကြီးမားသော အဓိပ္ပာယ်ရှိသော စိတ်ခံစားမှုဖြစ်သည်။ ၎င်းသည် အသက်ရှင်ရေးအတွက် အရေးကြီးသော တုံ့ပြန်မှုတစ်ခုဖြစ်သော်လည်း၊ ၎င်း၏ Mechanism နှင့် လက္ခဏာများကို နားလည်ခြင်းဖြင့် လူတစ်ဦး၏ လူမှုဘဝကို ပိုမိုကောင်းမွန်စွာ ဖြတ်သန်းနိုင်ရန် မဖြစ်မနေကြားသိရန်လိုအပ်သည်။ စိတ်ကုသရေးနည်းလမ်းများနှင့် လမ်းစဉ်များမှတစ်ဆင့် ကြောက်ရွံ့မှုကို ဖြေရှင်းနိုင်ပြီး၊ လူတစ်ဦး၏ ဘဝကို ပိုမိုသက်သာအေးချမ်းစေခြင်း အတွက် ဆောင်ကြဉ်းနိုင်ပါသည်။

#psychologyoffear
#Violet

Psychology of fear

စိတ်ပညာဆိုင်ရာကြောက်ရွံ့မှု

ကြောက်ရွံ့မှုသည် လူသားများအတွက် အလွန်ကြီးမားသော စိတ်ခံစားမှုဖြစ်ပြီး လူ့အသက်ရှင်ရေးအတွက် အရေးကြီးသော ပါဝင်မှုတစ်ခုလည်းဖြစ်သည်။ ဤသည်မှာ အန္တရာယ်ရှိသည်ဟုထင်သောအခါ ခံစားရသော တုံ့ပြန်မှုတစ်ခုဖြစ်ပြီး စိတ်ပိုင်းဆိုင်ရာ၊ ကိုယ်ပိုင်းဆိုင်ရာနှင့် အပြုအမူပိုင်းဆိုင်ရာ တုံ့ပြန်မှုအမျိုးမျိုးကို ဖြစ်စေပါသည်။ ကြောက်ရွံ့မှု၏ စိတ်ပညာကို နားလည်ခြင်းဖြင့် ကြောက်ရွံ့သည့် အကြောင်းရင်း၊ ၎င်းသည် ကျွန်ုပ်တို့၏ ကိုယ်နှင့် စိတ်ကို မည်သို့ သက်ရောက်သည်နှင့် ၎င်းကို မည်သို့ ထိန်းချုပ်စီမံနိုင်သည်ကို နားလည်စေနိုင်သည်။

စိတ်ပညာဆိုင်ရာကြောက်ရွံ့မှု၏ အဓိကအချက်များ:

1. ဇီဝဗေဒ အခြေခံအချက်များ:

- တိုက်ခိုက်မည်မဟုတ်ပါက ထွက်ပြေးမည်(fight-or-flight response):
ကြောက်ရွံ့ခြင်းကို ကြုံတွေ့လာရသည့်အခါ ကျွန်ုပ်တို့၏ခန္ဓာကိုယ်ကအလိုအလျောက် တိုက်ခိုက်ရန် သို့မဟုတ် ထွက်ပြေးရန် ပြင်ဆင်ကြသည်။ဤသို့ဖြစ်ရခြင်းမှနှလုံးခုန်နှုန်း၊ သွေးပေါင်နှုန်းနှင့် အသက်ရှူနှုန်းများကို တိုးမြှင့်ပေးသည့်adrenalineကြောင့်ဖြစ်သည်။

- Amygdala: ဦးနှောက်တွင် လေးခွ၏ ပုံသဏ္ဍာန်ရှိသော structure သေးသေးလေးတစ်ခုဖြစ်သော Amygdala သည် ကြောက်ရွံ့မှုကို ဖြစ်ပေါ်စေရာတွင် အရေးကြီးသော အပိုင်းတစ်ခုဖြစ်သည်။ ၎င်းသည် အန္တရာယ်များကို သတိမထားမိခင် ရှာဖွေတုံ့ပြန်ခြင်းနှင့် ကိုယ်ခန္ဓာကိုယ်အား တုံ့ပြန်ရန် အချက်ပြပေးခြင်းတို့ကို လုပ်ဆောင်သည်။

2. စိတ်ခံစားမှုနှင့် အတွေးအခေါ်ဆိုင်ရာ အချက်များ:

- ကြောက်ရွံ့ခြင်းနှင့် စိုးရိမ်ခြင်းအကြောင်း(fear vs anxiety):
ကြောက်ရွံ့ခြင်းသည် လက်ရှိတွင် ရှိသော အန္တရာယ်ကို တုံ့ပြန်ခြင်းဖြစ်ပြီး၊ စိုးရိမ်ခြင်းသည် အနာဂတ်တွင် ဖြစ်ပေါ်နိုင်ခြေကိုစိတ်ပူခြင်းဖြစ်သည်။ နှစ်ခုစလုံးတွင် ရုပ်ပိုင်းဆိုင်ရာ တုံ့ပြန်မှုများတူညီကြသည်၊ သို့သော် ကြောက်ရွံ့ခြင်းက လက်ရှိအချိန်တွင် ပိုမိုသက်ရောက်သည်။

- Cognitive appraisal:
ကျွန်ုပ်တို့အနေဖြင့် အခြေအနေတစ်ခုကို ဘယ်လိုတွေးခေါ်သလဲဆိုတာက ကျွန်ုပ်တို့ ကြောက်ရွံ့မှု ဖြစ်ခြင်းမဖြစ်ခြင်းကို သက်ရောက်စေတတ်ပါသည်။cognitive appraisalတွင် အန္တရာယ်နှင့် ကျွန်ုပ်တို့၏ ရင်ဆိုင်နိုင်စွမ်းတို့ကို ချင့်ချိန်သည်။ ထိုအချိန် ကျွန်ုပ်တို့အတွက် အန္တရာယ်များပြီး၊ မရင်ဆိုင်နိုင်ဘူးဟု ထင်ပါက ကြောက်ရွံ့လိုက်ဖို့နိုင်ပါသည်။

3. ကြောက်ရွံ့မှုအမျိုးအစားများ:

- မွေးရာပါကြောက်ရွံ့မှုများ:
‌‌‌‌ဤ‌ကြောက်ရွံ့မှုများ‌ မွေးကတည်းကကျွန်ုပ်တို့နှင့်ပါလာသည့်ကြောက်ရွံ့မှုများဖြစ်ပြီး၊ အမြင့်နေရာများ၊ ဆူညံသောအသံများ သို့မဟုတ် အန္တရာယ်ရှိသောတိရစ္ဆာန်များကို ကြောက်ရွံ့ခြင်းစသည်တို့လို‌ကြောက်ရွံ့ခြင်းများဖြစ်သည်။

- သင်ယူကြောက်ရွံ့မှုများ:
ဤ‌ကြောက်ရွံ့မှုများသည်ကျွန်ုပ်တို့ကြီးပြင်လာရာတွင်ကြုံတွေ့ခဲ့ရသောအတွေ့အကြုံများ၊ အခြားသူများထံမှုသင်ယူခဲ့ရသောကြောက်ရွံ့မှုများဖြစ်သည်။ဥပမာ-ကလေးတစ်‌ယောက်သည် ခွေးကိုက်ခံခဲ့ရခြင်းဖြင့်ခွေးများကိုကြောက်ရွံ့နိုင်သည်း

4. လူမှုပတ်ဝန်းကျင်နှင့် ယဉ်ကျေးမှု အကျိုးသက်ရောက်မှုများ:

- ယဉ်ကျေးမှု၏ သဘောထားများ:
ယဉ်ကျေးမှုများသည် ကျွန်ုပ်တို့ဘာကိုကြောက်ရွံ့သည်၊ ထိုကြောက်ရွံ့မှုကိုဘယ်လိုပြသ ဖြေရှင်းရမည်ကိုသက်ရောက်စေသည်။ယဉ်ကျေးမှုအချို့က ကြောက်ရွံ့မှုကို ဖြေရှင်းခြင်းကို တိုက်တွန်းပြီး၊ အချို့ကတော့ ရှောင်တိမ်းသည်ကို တိုက်တွန်းသည်။

- လူမှုပတ်ဝန်းကျင်မှသင်ယူခြင်း:
ကျွန်ုပ်တို့သည် အခြားသူများ၏ ကြောက်ရွံ့မှုများကို မြင်တွေ့ရခြင်းဖြင့်သင်ယူမိနိုင်သည်။ ဥပမာအားဖြင့်၊ မိဘတစ်‌ယောက်က ပင့်ကူများကို ကြောက်ရွံ့ပါက သူ၏ ကလေးသည်လည်း ဤကြောက်ရွံ့မှုကို ကြည့်ရှုခြင်းဖြင့် ထိုကြေုက်ရွံ့မှုကိုပျိုးထောင်ပေးနိုင်သည်။

5. အပြုအမူများအ‌ပေါ်အကျိုးသက်ရောက်မှုများ(impact on behaviors):

- ရှောင်တိမ်းမှု:
ကြောက်ရွံ့ခြင်းက လူများအနေဖြင့် အန္တရာယ်ရှိသည်ဟုသတ်မှတ်ထားသောအရာများ၊ အခြေအနေများ၊ လူများကို ရှောင်တိမ်းစေသည်။ ဤသည်ကခဏတာရက်(short-term)အတွင်း ကြောက်ရွံ့မှုကိုသက်သာစေသော်လည်း ဤသည်ကကြောက်ရွံမှုကိုအားပေး၍ကြောက်ရွံ့မှုကြီးထွားလာမည်ဖြစ်သည်။

- Phobias: Phobias သည် ထူးခြားပြီးစဉ်ဆက်မပြတ်ဖြစ်သော ကြောက်ရွံ့မှုများဖြစ်ပြီး၊ ဥပမာ-အမြင့်နေရာများ၊ ပျံသန်းခြင်း သို့မဟုတ် နေရာကျဉ်းများကိုကြောက်ရွံ့ခြင်းများပါဝင်သည်။ ၎င်းတို့သည် လူတစ်ဦး၏‌နေ့စဉ်ဘဝကိုထိခိုက်စေပြီး၊ အလွန်အမင်းရှောင်ရှားမှုကိုဦးတည်သည်။

6. ကြောက်ရွံ့မှုနှင့် စိတ်ကျန်းမာရေး:

- စိတ်ဖိစီးမှုရောဂါများ:
ကြာရှည်သောကြောက်ရွံ့ခြင်း(ongoing fear)နှင့် စိုးရိမ်ခြင်း(anxiety)များသည် စိတ်ဖိစီးမှုရောဂါများ ဖြစ်ပေါ်စေသည်။ ၎င်းတို့သည် generalized anxiety disorder(GAD)၊ အလွန်အမင်းကြောက်စိတ်မွှန်သောရောဂါ (Panic disorder) နှင့် လူမှုသွယ်ဝိုက်မှု စိုးရိမ်ခြင်း ရောဂါ (Social Anxiety Disorder) စသည့်‌ရောဂါများ ဖြစ်စေပါသည်။

About Introverts and Extroverts


အားလုံးလဲ Introvert နဲ့ Extrovert အကြောင်းတော့ အကြမ်းဖျင်းသိထားကြမှာပါ။ Introvert Extrovert အပြင်နောက်ထပ် Ambivert Omnivert Textrovert ဆိုပြီးလဲ ရှိပါသေးတယ်။ ဘယ်လိုမျိုးတွေလဲဆိုတာတော့ ဖတ်ကြည့်လိုက်ကြပါအုံး။


Ambivert

Ambivert ကတော့ ဟိုမရောက်ဒီမရောက်ပေါ့။ Introvert လဲမဟုတ် Extrovert လဲမဟုတ် အခြေအ‌နေအလျောက် ပြုမူနိုင်တဲ့သူ‌တွေဖြစ်တယ်။ Introvert လိုနေသင့်တဲ့အခါ Introvert လိုနေပြီး Extrovert လိုနေသင့်တဲ့အခါမှာတော့ Extrovert လိုနေကြတယ်။

Omnivert

Omnivert ကလဲ Ambivert လို ဟိုမရောက်ဒီမရောက်ပဲဖြစ်တယ်။ဒါပေမယ့်သူကတော့ နည်းနည်းကွဲပြားပါတယ်။ Ambivert ကတော့ အခြေအနေအပေါ်မူတည်ပြီး ခွဲခြားပြုမူနိုင်ကြပေမယ့် Omnivert တွေကတော့ သူတို့ရဲ့ခံစားချက်အပေါ် မူတည်ပြီး ပြုမူကြတယ်။

ဥပမာ ပါတီပွဲတစ်ခုမှာ စစချင်းတော့ပျော်ပျော်ပါးပါး အချိန်ကုန်ဆုံးနိုင်ပေမယ့် ခနကြာလာတဲ့အခါ ချက်ချင်းစိတ်ရှုပ်လာပြီး အိမ်တန်းပြန်တတ်ကြတာမျိုးပေါ့။ Omnivert တွေက စိတ်အပြောင်းအလဲ မြန်ကြပါတယ်။

Introvert

Introvert တွေကတော့ သူတို့ရဲ့ကိုယ်ပိုင်အတွေးတွေကို အာရုံစိုက်ကာ အချိန်ဖြုန်းခြင်းကို နှစ်သက်သူ တစ်ယောက်တည်းနေရတာကို နှစ်သက်ကြသူတွေ ဖြစ်တယ်။လူမှုဆက်ဆံရေးမှာလဲ ပြောဆိုရတာထက် နားထောင်ရတာကို ပိုပြီးသဘောကျကြတယ်။

Introvert တွေက လူစုလူဝေးကိုမကြိုက်။ပထမဆုံးတွေ့တွေ့ချင်းမှာ ချဉ်းကပ်ရခက်ခဲပုံပေါ်ပေမယ့် ရင်းနှီးလာတာနဲ့ ပေါတောတောဖြစ်လာတတ်ကြတဲ့သူတွေ ဖြစ်တယ်။အလုပ်လုပ်တဲ့အခါမှာလဲ အသေးစိတ် အာရုံစိုက်တတ်ပြီး အကြံဉာဏ်ကောင်းတွေလဲ ရှိကြတယ်။ဒါပေမယ့် ထုတ်မပြောတတ်ကြပါဘူး။

Extrovert

Extrovert တွေကတော့ Introvert တွေနဲ့ ဆန့်ကျင်ဘက် လူမှုဆက်ဆံရေးကို နှစ်သက်ကြတယ်။လူစုလူဝေး Active ဖြစ်တဲ့ပတ်၀န်းကျင်မှာ အချိန်ဖြုန်းရတာကို သဘောကျကြတယ်။ ပွင့်လင်းတက်ကြွပြီး Social Energy အပြည့်နဲ့လူတွေဖြစ်ကြတယ်။

Extrovert မှာ ကောင်းမွန်တဲ့ လူမှုဆက်ဆံရေးစွမ်းရည် ရှိကြတဲ့အတွက် ဘယ်အခြေအနေမဆို လူအမျိုးမျိုးနဲ့ လိုက်လျောညီထွေဖြစ်အောင် ပြောဆိုနိုင်ကြတယ်။ သူငယ်ချင်းတွေကြား လုပ်ဖော်ကိုင်ဖက်တွေကြားမှာလဲ ဦးဆောင်နိုင်စွမ်း ရှိကြတယ်။

Textrovert

Textrovert ကတော့ စာရိုက်စကားပြောတဲ့အခါမှာ စကားတွေအများကြီးပြောပေမယ့် လူချင်းတွေ့တဲ့အခါ ဖုန်းပြောတဲ့အခါတွေမှာ ရှက်တတ်ကြောက်တတ်ကြတဲ့သူတွေဖြစ်တယ်။


ကျွန်တော်အကြမ်းဖျင်းအချက်လေးတွေပဲ ပြောပြထားတာမို့ လိုအပ်ချက်လေးတွေလဲ ရှိနိုင်ပါတယ်။


#AdminSteven

ဖောက်ပြန်တယ်ဆိုတာဘာလဲ


1. ကိုယ့်ရဲ့ချစ်သူရည်းစား မသိအောင် တစ်ခြားလူကို ခိုးပြီးဆက်သွယ်တယ်ဆိုတာကလဲ ဖောက်ပြန်တာပါပဲ။

2. ကိုယ့်ရဲ့ချစ်သူရည်းစား မဟုတ်တဲ့သူကို အရမ်းတွေဂရုစိုက်ပေး၊ အရမ်းတွေစိုးရိမ်ပေး၊ အရမ်းတွေစိတ်၀င်စားနေတာကလဲ ဖောက်ပြန်တာပါပဲ။

3. တစ်ခြားယောက်ျား သို့မဟုတ် တစ်ခြားမိန်းမကို ကြိုးစားရင် အခွင့်အရေးရနိုင်သေးတယ်လို့ ထင်မြင်စေတာကလဲ ဖောက်ပြန်တာပါပဲ။

4. ကိုယ့်ရဲ့ချစ်သူရည်းစား မဟုတ်တဲ့သူနဲ့ Flirt တယ်ဆိုတာကလဲ ဖောက်ပြန်တာပါပဲ။

5. Social Media ပေါ်မှာ ယောကျာ်းတကာနဲ့‌ရော၊ မိန်းမတကာနဲ့ရောပြီး မကင်းမရှင်းဖြစ်တာ၊ မပြတ်မသားဖြစ်တာကလဲ ဖောက်ပြန်တာပါပဲ။

6. ကိုယ့်ရဲ့ချစ်သူရည်းစား မသိစေပဲ
ယောက်ျားတစ်ယောက် သို့မဟုတ် မိန်းမတစ်ယောက်ဆီက ထူးခြားတဲ့လက်ဆောင်တွေ လက်ခံတယ်ဆိုတာကလဲ ဖောက်ပြန်တာပါပဲ။

7. ဖောက်ပြန်တယ်ဆိုတာ အသားချင်းထိမှ၊ ပရောပရည်လုပ်မှ မဟုတ်ပါဘူး။ ကိုယ့်ကောင်လေးမဟုတ်တဲ့ တစ်ခြားယောက်ျားလေး၊ ကိုယ့်ကောင်မလေးမဟုတ်တဲ့ တစ်ခြားမိန်းကလေးနဲ့ စာအပြန်အလှန်ပို့ပြီး Chat History ကို ဖြတ်ပစ်ဖို့ လိုအပ်တယ်ဆိုတာကလဲ ဖောက်ပြန်တာပါပဲ။

8. ကိုယ့်ရဲ့ချစ်သူရည်းစား ရှိပါလျက်နဲ့ တစ်ခြားလူတစ်ယောက်ကို လိုချင်နေတာ၊ အရင်လူကိုပြန်လိုချင်နေတာ၊ လွမ်းနေတာ၊ မျှော်လင့်နေတာကလဲ ဖောက်ပြန်တာပါပဲ။


#AdminSteven

Introvert တစ်ယောက်နဲ့
ဘယ်လိုမျိုးပေါင်းသင်းဆက်ဆံရမလဲ


1. နားထောင်ကောင်းသူ ဖြစ်ပါစေ။

Introvert တွေက စကားပြောနည်းသလို စကားပြောပြန်ရင်လဲ သူတို့ပြောခဲ့တဲ့ စကားတွေကို စိတ်ပူအတွေးလွန်တတ်တာကြောင့် သူတို့ပြောတာတွေကို ဂရုတစိုက်နားထောင်ပြီး သူတို့ရဲ့အတွေးတွေကို လေးစားတန်ဖိုးထားကြောင်း ပြပေးရပါမယ်။


2. Private Time ပေးပါ။

Introvert တစ်ယောက်က တစ်ကိုယ်တည်းနေရတာ နှစ်သက်သလို တစ်ကိုယ်တည်းနေဖို့အချိန်လဲ လိုအပ်ပါတယ်။ကိုယ်နဲ့အဆက်မပြတ် စကားပြောဖို့၊အဆက်မပြတ် အတူရှိနေဖို့ ဖိအားသွားမပေးပါနဲ့။


3. Open-Ended Question တွေကို အသုံးပြုပေးပါ။

Open-Ended Question ဆိုတာ Yes or No ပဲ ဖြေရတဲ့မေးခွန်းမျိုး မဟုတ်ပဲ အမေးခံရတဲ့သူကို ပိုပြီးဝေမျှလာအောင် လမ်းကြောင်းပေးတဲ့
မေးခွန်းမျိုး ဖြစ်တယ်။ ဥပမာ
တစ်ခုခုကိုကြိုက်လား ဆိုတဲ့မေးခွန်းထက်
ဘာလုပ်ရတာကြိုက်လဲ ဆိုတဲ့မေးခွန်းမျိုး ဖြစ်တယ်။

သာမန်လူတွေအတွက်ကတော့ ပုံမှန်အတိုင်းလဲ အဆင်ပြေပေမယ့် Introvert တွေအတွက်ကတော့ Open-Ended Question တွေက ပိုပြီးအလုပ်ဖြစ်ပါတယ်။


4. Written Communication ကိုအသုံးပြုပါ။

အများစုသော Introvert တွေက
Face to Face ပြောဆိုဆက်ဆံတာ၊ ဖုန်းပြောတာတွေမှာ သူတို့ပြောချင်တာကို ပြောဖို့၊ အတွေးတွေကို ဖော်ပြဖို့ အခက်အခဲရှိတာကြောင့် ရုပ်မမြင် အသံမကြားရတဲ့ Texting ကိုသာ အသုံးပြုပေးပါ။ သူတို့ကို ပိုပြီးသက်သောင့်သက်သာ ဖြစ်စေပါလိမ့်မယ်။


5. စိတ်ရှည်သည်းခံပြီး နားလည်မှုရှိပါ။

Introvert တွေက သာမန်လူတွေထက် ကိုယ့်အပေါ် ပွင့်လင်းလာဖို့ အချိန်ပိုကြာနိုင်ပါတယ်။အဲ့ဒါကြောင့် စိတ်ရှည်သည်းခံဖို့ လိုပါမယ်။သူတို့ပြောမပြချင်တဲ့ အကြောင်းအရာတွေကိုလဲ ပြောပြလာအောင် အတင်းဖိအားမပေးပါနဲ့။


6. တိတ်ဆိတ်တဲ့နေရာကိုသာ ရွေးပါ။

Introvert တွေအတွက် အဆင်မပြေဆုံးက လူများတဲ့နေရာ ဆူညံတဲ့နေရာတဲ့နေရာတွေပါပဲ။Introvert တစ်ယောက်နဲ့အတူ ကိုယ်ရေးကိုယ်တာကိစ္စနဲ့ တွေ့တာပဲဖြစ်ဖြစ်၊ အလုပ်ကိစ္စနဲ့တွေ့တာပဲဖြစ်ဖြစ် ရှိခဲ့ရင် တိတ်ဆိတ်အေးချမ်းပြီး လူရှင်းတဲ့နေရာကိုသာ ရွေးချယ်ပါ။


7. လိမ်တာညာတာမျိုးတွေ မလုပ်ပါနဲ့။

Introvert တစ်ယောက်ကိုလိမ်မယ်ဆို
ပိပိရိရိလိမ်နိုင်မှ လိမ်ပါ။

ပိပိရိရိမလိမ်တတ်ပဲ လိမ်မယ်ဆိုရင်တော့ အကုန်ပေါ်သွားသိသွားပါလိမ့်မယ်။အများစုသော Introvert တွေက တော်တော်များများကို သတိထားမိပါတယ်။ ထုတ်မပြောကြရုံပါပဲ။
လိမ်လိုက်တာကဘာမှ ကြီးကြီးမားမားကိစ္စ မဟုတ်တောင် သူတို့အတွက်တော့ အထင်လွဲစရာ ကြီးကြီးမားမား ဖြစ်သွားပါလိမ့်မယ်။

For building relationship with introverts.

#AdminSteven