مُمَرِّضْ (Student Community)

⭕️رسالة مهمة لكل مستخدمي البوت⭕️
السلام عليكم ورحمة الله وبركاته

طبعا زي ما انتو شايفين السنادي مختلفة عن اي سنة قبل كدة
1️⃣في الاول كانت المحاضرات كلها Powerpoint او PDF
وكانت أحد وظائف البوت اننا نرفع المحاضرات ديه عليه علشان وصولنا ليه يبقى اسهل
أما دلوقتي محتوى دراستنا لكل المواد تقريبا بقى من الكتب، وديه رفعها صعب جدا وأظنكم مدركين ده كويس
عشان كدة منهج الفرق الأربعة كلها على البوت دلوقتي هو لحد 2023 فقط
فانت لو طالب في أي فرقة ده هيبقى بمثابة مرجع ليك
(كمان هتفتح كتابك وتقارن منهجك بالمناهج القديمة ولو لاقتها هيا هيا فعادي ذاكر واستزيد منها، فيه محاضرات كانت مترتبة ومتنسقة احسن من الكتب)
وأي تغيير جديد فاحنا هنرجع نكمل زي الاول ونتابع معاكم كل جديد إن شاء الله
طبعا وظيفة البوت مش محاضرات بس....تابع الرسالة
____________
2️⃣من الحاجات الجميلة اللي قدرنا نقدمها في البوت بفضل الله ثم بفضل المجهود الضخم لزمايلنا
هو الاسئلة والملخصات
وديه الحمدلله ما زالت مستمرة
بس عاملينها في جروبات فرعية topics groups
هتلاقيها في بوتون بعنوان "🧩أسئلة وملخصات📝"
_____________
3️⃣آخر حاجة مطولش عليكم بقى:
بمحاولة لطيفة من ممرضي البوت انهم يسهلوا على الممرضين من الفرق المختلفة تواصلهم ومساعدتهم لبعض، عملوا جروب Nurses Community
لينك الجروب: https://t.me/+nWaSUUeu6KNlY2Y0
وإعتذار كبير مننا لكل واحد بعتلنا على بوتون "كلم ممرض" واتأخرنا عليه، ده كان فقط بسبب عدد الناس الكتير اللي كانت بتبعت ومش ملاحقين نوعاً ما نرد على كله، فالجروب ده هيسهل كتير جدا تواصلنا مع بعض
ولسه محتفظين بالبوتون وتقدر تبعتلنا عليه اي حاجة عاوز تقولهالنا برايفت

#️⃣دمتم بخير يا ممرضين

*📢 نداء إلى أعضاء هيئة التدريس وموظفين و طلاب جامعة عين شمس لمساعدة أبنائنا الفلسطينين*

نظراً للإقبال الشديد على التبرع بالدم لصالح أشقائنا في دولة فلسطين 🇵🇸 والذين وصل عددهم (٦٣٥٤) متبرع ❤️ورغبة العديد من المتبرعين لاستكمال الحملة لمن لم يحافلهم الحظ من التبرع ..تم التنسيق مع مسئولي جمعية شريان العطاء لاستمرار حملة التبرع *لمدة أسبوع بدءًا من يوم السبت ١٤ أكتوبر حتى يوم الخميس ١٩ أكتوبر* نظراً لاحتياج الأشقاء الفلسطينيين لكل قطرة دماء ❤️ وذلك من الساعة ٩ صباحاً بشارع القائد الكائن بين الإدارة العامة لرعاية الشباب بالجامعة وكلية الآداب

ملحوظة / 🚫 محظور نهائياً حيازة أي شعارات أو أعلام أو تيشرتات مدون عليها أي عبارات أو أعلام دول شقيقة وكذا شال فلسطين ... الغرض من الفاعلية هو المساعدة الجدية والفعالة 💪 لأشقائنا في فلسطين دون أي مظاهر أخرى .. ومن سيخالف تلك التعليمات سيتعرض للمسائلة القانونية.. إحنا هنساعد إخواتنا في فلسطين بجد 💪 مش بالشعارات والهتافات

السلام عليكم ورحمة الله وبركاته
البوت جهز خلاص🌚❤️
أهلاً بيك في أول Student Community ✨

"ممرض بوت "
👈هتلاقي في البوت كل حاجه لكل الفرق الدراسية من سنه اولي لحااد رابعه🫶🏻

مش بس هيبقي موجود محتوى السنه الدراسيه الي قبلك لا قدرنا نطور من ده و هينزلك اول باول كونتنت السنه الي انت فيها كمان💙

هتلاقي في البوت :
📌 محاضرات كل المواد pdf

📌 تلخيصات و شرح للمحاضرات

📌 اسئلة على كل محاضرة في المنهج

📌 فيديوهات العملي بالتفصيل

📌 اسئلة وخبرات الطلبة اللي قبلنا

📌 زرار للمهارات فيه شرح لأغلب الادوات اللي بتحتاجها في المذاكرة او البرزنتيشن او العملي او في شغلك من شرح لوورد و باوربوينت وإسعافات اولية وغيره☺️

📌 كمان هتلاقي زرار تضغط عليه و تسال الي انت عاوزه واي حد من الفريق هيرد عليك في اقرب وقت(كلم ممرض)

➖➖➖➖➖➖➖
🤝كنا Believers وشغالين على سنة دراسية واحدة وقدمنا كتير بفضل الله ثم بفضل المجهود الضخم لكل أفراد التيم وآراء ومقترحات كل طالب استعمل بالبوت

👏ودلوقتي بقينا Momared ولأول مرة بوت بيشمل الفرق الدراسية كلها، وقدرنا نطور جدا بفضل الله من المحتوى وشكل العرض ❤️

البوت ده من اول ما طلع وهو بيتطور كل يوم مع كل ممرض جديد بينضملنا ولسه هيتطور إن شاء الله اكتر بيكم💙
باب المشاركة في مساعدة زمايلك مفتوح طول الوقت
ما عليك إلا انك تبعتلنا على البوت
ادخل علي زرار (كلم ممرض)

👇👇 اللينك 👇👇
https://t.me/momared_bot

شرح ال medical terminology للي ده مبيفتحش معاهم🥰👇👇👇👇

ازيك يا اشطر ممرض ايه الحمد لله خلصت من اول سنتين بقي فالكليه يلا مبارك ليك يعم 🌚😂♥️


اهلا بيك فسنه تالته و الي تعتبر امتع سنه اه والله زي مبقولك كده في كل سنين دراستك كمان 🐣♥️
اول سؤال هي سنه تالته دي فيها كام ماده ؟

هقولك الاول قولي كل ترم فيه ايه 🌚
عندك ترمين يا شطور :
اول ترم و ده بيبقي ع حسب التقسيمة بتاعه الاسماء يعني ممكن يكون الترم التاني بالنسبالك مش الاول🌚
1: ترم نسا "maternal "
2: ترم اطفال " Pediatric "


*اول حاجه نتكلم عن كل حاجه تخص ترم نسا :.
❓ايه المواد الي بدرسها ؟
تعالي اقولك بالتفصيل يا اشطر ممرض 🫶🏻
عندك ٧ مواد منهم مادتين ممتدين معاك طول السنه :

❗المواد الممتده و هي :

1: nursing administration" اداره تمريض " :و دي ماده أساس شغلك لانك بتبقي مدير تمريض و هنا بقي بتدرس ازاي تعمل كل حاجه فشغلك من تنظيم الشغل و تجهيز ال plan بتاعه الشغل كمان و المهم في الماده دي تتذاكر اول باول و اوعي تهملها يا شطور🥰♥️
2: English: و مش هتكلم عنه
كتير انتو اكيد عارفين هو زيه زي الي بندرسه كل سنه ده.

المواد الباقيه بقي و هي :

1: تمريض نسا و توليد : دي مادتنا الاساسيه دي الي لو ذاكرتها اول باول هتذاكر بسهوله جدا باقي المواد و هنا بتدرس تشريح الرحم و امراضه و كل مرحله من مراحل الحمل و الولاده كمان .

2: علم نفس مرأه : و هنا بتدرس كل حاجه نفسيه في المراه سواء قبل الحمل و اثناء و بعد الولاده و سن اليأس كمان و الاعراض الي بتحس بيها ..

3: امراض نسا :
بتدرس فيها اي مرض ليه علاقه بالرحم و ما الي اخره كمان في ماده ممتعه و جميله جدا .

4: احصاء طبيه : من اسمها هي ماده رياضيه بحته مليانه ارقام المهم جدا علشان تفهم الماده دي و تبقي تمام فيها متفوتش محاضره في المدرج و متقلقش منها خالص و عندك ع البوت كل حاجه خاصه بيها هتسهلها عليك جامد فمتقلقش منها ♡.

5: هويه و تاريخ مصر :
ماده مبتتضافش للمجموع و بس 🌚😂♥️

طيب و دلوقتي هقولك ع كل حاجه تخص مواد ترم اطفال🥰:
عندك خمس مواد و طبعا معاك موادك الممتده🫶🏻
1: Pediatric nursing:
تمريض اطفال بتاخد فيه كل مرحله من مرحله الطفوله و مقاييسها و كل حاجه بتميزها و بتاخد امراض الأطفال في كل جهاز من اجهزه الجسم .

2: علم نفس النمو :
هنا بقي بتدرس كل مرحله من مرحله الطفوله بتتميز بايه نفسيا و ايه الامراض النفسيه الي ممكن تيجي للطفل فكل مرحله🥹.

3: اداره صحه عامه :
ماده شبيهة جدا بالاداره بتدرس فيها ازاي تدير الشغل و تنظم الادويه و ما الي اخره .

4: باطنه و جراحه اطفال :
هنا بتدرس الامراض الي بتصيب الاطفال الي بالمناسبه بتبقي واخدها فالنيرسنج فهتبقي سهله ان شاء الله 🥰🫶🏻

5: موسيقي و تاريخ :
تقريبا كده و دي برضو مبتتضافش 🐣😂😂😂😂
و بس كده عرفت كل حاجه تخص مواد سنه تالته و قريب جدا هننزل كمان العملي ايه نظامه 🫶🏻
و متنسوش تقولوا رايكم و تسألوا الي انتو عاوزينه في الكومنتس🥰🫶🏻

لكل زميل او زميله معانا فالكليه و داخلين سنه تالته ....💕
هننزل انهارده بوست فيه كل حاجه تخص سنه تالته من المواد و العملي كمان..🌚
انتظرونا .....⏳
❗و متنسوش تبعتوا اللينك لزمايلكم علشان كله يستفيد🥰
#Q_A
#ممرض

شرح ال medical terminology بالترجمة كمان لكل طلبه سنه اولي و لو فيه اي سؤال اكتبوه و هنرد عليكم بكل الحب🥰♥️🐣

👉Medical terminology 👈

❔ممرض Q&A❓

📃الإجابة المختصرة: انت مش لازم بالظبط دلوقتي تاخد كورس انجليزي عشان تدخل الكلية، هتدخل عادي منغيره، بس بمشاكل قاااااد كدة🫷 🫸

📑الإجابة الطويلة:
👈انت محتاج تتقن الانجليزي عشان تعرف تعمل اي حاجة...لأن الانجليزي دلوقتي هو لغة العلم

🍃لازم انجليزي عشان تعرف تقرأ وتستوعب المواد اللي بتذاكرها منغير ما تعاني وتضيع وقت في ترجمة كل كلمة، وبعدين عشان تحفظها

🍃لازم انجليزي عشان تعرف تبحث وتقرأ في المصادر والمراجع الانجليزية بكل سهولة ومتحجمش نفسك فالمصادر العربية القليلة

🍃لازم انجليزي عشان تعرف تتكلم وتشرح وتتواصل، وده مش هين

بالنسبة للمصطلحات الطبية:
👈فهيا ليها قواعد بسيطة ثابتة طول الوقت، بتتعلمها وبتبني عليها بعد كدة اي مصطلح جديد
اتعلمها صح واحفظها واتقنها وهتستريح طول حياتك

وده👇 PDF سهل وبسيط لشرح المصطلحات الطبية
وحد من زمايلنا بيشرحه برضو وهنرفعه قريب إن شاء الله

لو عندك إضافة او سؤال سيبها في التعليقات😊
دمتم بخير💙✨
#Q_A
#ممرض

مُمَرِّضْ (Student Community) pinned «السلام عليكم ورحمة الله وبركاته 💧ولأن لكل حاجة مقدمة، فديه هتكون مقدمتنا قبيل إطلاق البوت وأخيراً...الأول من نوعه [المجتمع الطلابي للتمريض] 💥صفحة "ممرض" ➖➖➖➖➖➖➖➖➖➖➖ بطبيعة حالك دلوقتي (طالب كنت او خريج..اول سنة او الاخيرة) فالصفحة ديه ليك الصفحة ديه هتبقي…»

"اعرف تمريض" ✨

https://t.me/+qmiv82_1w2g4YTU0

متنساش تسيب رأيك أو استفسارك في التعليقات 🤍✨
👇👇👇👇👇👇👇👇

"اعرف تمريض"
⏪اول فيديو انيميشن على الصفحة
عشان زمايلنا اللي في أول سنة ليهم في كلية التمريض 🤍

📌بنعرض شرح عام ومبسط لمهنة التمريض من الدراسة وحتى التخرج
📌وقدام هنشرح بنفس الطريقة فروع ومعلومات كتيرة في الدراسة والمهنة

💌ابعتوا لينك الصفحة لكل زمايلكم سواء لسه داخلين الكلية او موجودين معانا بالفعل، عشان ميفوتهومش الفيديو ده او الفيديوهات اللي هنعملها قريب إن شاء الله 🥰

هننزل الليلة اول فيديو تعريفي لكلية تمريض إن شاء الله
نبعت اللينك لكل زمايلنا☺️

السلام عليكم ورحمة الله وبركاته
💧ولأن لكل حاجة مقدمة، فديه هتكون مقدمتنا قبيل إطلاق البوت
وأخيراً...الأول من نوعه [المجتمع الطلابي للتمريض]
💥صفحة "ممرض"
➖➖➖➖➖➖➖➖➖➖➖

بطبيعة حالك دلوقتي (طالب كنت او خريج..اول سنة او الاخيرة) فالصفحة ديه ليك
الصفحة ديه هتبقي بمثابة حلقة الوصل بين الدفعات كلها، بما فيهم الدفعات اللي اتخرجت

حلو الكلام...يعني ايه بقى؟🤔
📍يعني اللي في اولى وعاوز يسأل سؤال لحد قبله هيلاقي ألف طالب مر بنفس تجربته وهيفيده

📍واللي في رابعه او في الامتياز وعاوز يكتب نصيحة او يشرح حاجة لزمايله اللي بعده بواقع اللي مر بيه هيقدر برضو يوصل لألف طالب لسه بادئين مشوارهم

📍ده غير فيديوهات الانيميشن والريلز اللي فريق ممرض بيقدم بيها الشرح

📍والصفحة طبعا هتبقى مربوطة بالبوت وملخصاته واسئلته، فتعاملك مع البوت مش هيبقي مجرد تلقي وفقط، ده انت هتبقي بتتفاعل معاه بأسئلتك وإضافاتك

📍وأي حاجة جديدة بخصوص الكلية او مهنة التمريض عموماً، هنبقى اول ناس بنعرفهالك
➖➖➖➖➖➖➖➖➖➖➖

🌝وزي ما هتشوف وهيعجبك إن شاء الله
خليناها صفحة مش جروب عشان تلاقي الحاجة قدامك بكل سهولة ومتتوهش وسط الشات زي ما بتشوف في الجروبات الكبيرة⚖

🌚وسهلنا موضوع التواصل في الصفحة بإننا فتحنا على كل بوست هينزل ميزة الكومنتات، هتقدر تعلق على البوست وتسأل الناس وترد عليك📲..وهتفهمني اما تدخل

📨وطبعا سؤالك او البوست اللي حابب تنزله لزمايلك هتبعته بكل سهولة لأدمن الصفحة بالطريقة اللي تحبها وهينزل على طول📤

يلا منتظرينكم 😗
لينك الصفحة:
https://t.me/+qmiv82_1w2g4YTU0

#ممرض
#Student_Community