الناشر مهدي الكعبي

شاهد ابداع الشاعر كامل السعيدي


https://t.me/kamelAbdullah

امي گبل الشمس تطلع من اجيها
هسه عكست والشمس طلعت عليها
هاي الي جم مره اگعد رحت بيها
گمت اشيلنها وترد اطيح اديها
چانت امنيتنه تفتح عينها
راد يوگف يمها گلب حسينها
بينت رعشات اديه....والحسن صبر عليه

امي لا مو نايمه

حسين گلبي امي لا مونايمه
كتله ميته يگلي لا جي صايمه
باوع الباب ابوراك....طايح وبي دم هذاك
امي لا مو نايمه
................................................................
يعينه الله الماتت امه گبال عينه
امي مو حي الله امي شگد حنينه
رحنه يمها تشابگينه ثنينه
من بچينه. عيونها نفتحت علينا
رادت تگللنا يمه بصوتها
حسين گلي هاي صحوة موتها

اشرت يمكن وراي......رادت تگلي تعاي
امي لا مو نايمه

حسين گلبي امي لا مونايمه
كتله ميته يگلي لا جي صايمه
باوع الباب ابوراك....طايح وبي دم هذاك
امي لا مو نايمه
................................................................
من لگينه الطفل ميت البحضنها
حسين گض ضلوعه وتحرك جفنها
كتله خنمشي و نشيل الباب عنها
انتَ شيل الباب وانه اخذ ابنها
چنه متوهمين لا مو غافيه
امي ميته وميته يمها العافيه
امي مو مالة وداع....ماتكفي لامي گاع

امي لا مو نايمه

حسين گلبي امي لا مونايمه
كتله ميته يگلي لا جي صايمه
باوع الباب ابوراك....طايح وبي دم هذاك
امي لا مو نايمه
................................................................
شما تقربنه اعله.وجه امي ونباوع
نلگه اثار اعله خدها مال اصابع
هذا ياهو مسوي هيج وجفه طابع
وذاك مسمار بگلبها ضلوع شالع
امي قطرة دم بعد مابيها
كون تنشل ايده المسويها
ربي لتخلي يگوم....وعمره مايتهنه يوم

امي لا مو نايمه

حسين گلبي امي لا مونايمه
كتله ميته يگلي لا جي صايمه
باوع الباب ابوراك....طايح وبي دم هذاك
امي لا مو نايمه
................................................................
شلون تگضي ايامنه الـ بالبيت صعبه
يتميتينه ورانه هواي غربة
هاي اول مره ابوي يتيه دربة
الشلع خيبر بيج يمه انشلع گلبة
شفت ابوي اتلوه موش اطباعه
وبلحيته الشيب فك اشراعه
شالها وگلبه انفطر.....ودمعته بعينه نهر

امي لا مو نايمه

حسين گلبي امي لا مونايمه
كتله ميته يگلي لا جي صايمه
باوع الباب ابوراك....طايح وبي دم هذاك
امي لا مو نايمه
................................................................
الملا:سيد فاقد الموسوي
اسم القصيدة: حسين گلبي

القصيده 📜 أمنيتي
الشاعر. ✍🏻 عبدالله القرمزي
الرادود 🎙 محمد الجنامي

امنيتي يا صاحب الزمان
اراك سيدي كما تراني

꧁꧂꧁꧂꧁꧂

لو ان لي امنيه وحيده
مولاي يا ذا الغرة الحميده
اراك يوم الطلعه الرشيده
وليس لي من بعدها اماني

꧁꧂꧁꧂꧁꧂

قد اذابت الروح اليك عشقا
يا عروة الى السماء الى وثقا
هل من سبيل سيدي فتلقى
لتخرج الدنيا من الهواني
ذبنا الى لقائك انتظارا
يا من له مجدا ولايجارى
متى نرى في كفك الفقارا
فيه تقيم العدل في المكاني

꧁꧂꧁꧂꧁꧂

اشفق على قلوبنا المكسوره
مولاي يا ذر الرايه المنصوره
يا صاحب المعالم الماثوره
رؤيتكم احلى من الجنان
قبلك خوفي تنتهي حياتي
وما بلغت فيك امنياتي
خذ بيدي مجردا قناتي
من ظلمه القبر الى حصاني

꧁꧂꧁꧂꧁꧂

متى البي صيحه المنادي
مجرداً سيفي على الاعادي
ونصرتي لابن النبي الهادي
معدةً بالحب والتفاني
صلى عليك ذو الجلاله
بليل والنهار اذ تجلى
متى نرى سيفك قد تعلى
كحيدر من ركنه الامامي

꧁꧂꧁꧂꧁꧂
أّلَکْأّتٌـبًهّـ

🌸#إيمان_الكربلائيه 🌸
#نِسِـأّلَکْمً_أّلَدٍعٌأّء_أّمًأّنِهّـ غُيِّر مًبًريِّ أّلَذمًهّـ حًذفُـ أّسِـمً أّلَکْأّتٌـبًهّـ

ام الوجود
_*أم الوجود 💔*_


_*أمااااااه  يازهراااااء*_

💔😭___

يازجيه ..... هاي اديه
تلطملج ونوحي يعله
تقبليني ..... بهايه عيني
صلى الدمع وانتي قبله

عمري خدمه ..... راح اختمه
واليخدمج ماكو مثله
يالعظيمه ..... اشقد كريمه
اليبجيلج عيونه تحله

اخذي بإيدي يم الحسين .... ضايع جيت وحزنج وطن
طالب حنانيكي يزهراء .... من كل خوف بهذا الزمن
انتي ام الكل الوجود ... انتي مو بس ام الحسن

نعم ياأمي ..... عزاك همي
رضاك حلمي ..... اماه يازهراء

💔😭___

ماأجامل ..... بل اقاتل
وببابج القه العقيده
المايدافع ..... يعني دافع
وبعصرتج خله ايده

القلبه شاعر ..... يعني شاعر
والمايحس  مانريده
هذا حبنه ..... ولو تعبنه
نداوي الجروح بقصيده

حاشى نجامل دافع الباب ... ذاك الطفه بعينج ظوه
الخله دموعج تجري بالليل ...  ومافاد اويه اضلوعج دوه
يحقى انك يزهره ... تتاذين بشهق الهوه

رايتي الصفعا ... لمسيِ الضلعا
سكبتِ الدمعا ... اماه يازهراء

💔😭___

الخدمه فرضي ..... اعلي فرضي
حتى الله يرضى عليه
خلي بيدي ..... ولا تزيدي
حتى ابقه امدلج اديه

برزقي قطري ..... انه ادري
كثرة دلالي اذيه
رسمي دربي ..... ظمي قلبي
لا ياخذوه يالزجيه

الحب شوق ودمعه بالليل ...  والما يبجي حبه جذاب
والما باجي لكسر الضلوع ...  كل عمره مايعرف يحب
لجلج تقضي ايامي بالاه ... وخدمه وشوق ودمعه وندب

لك يافاطم ... بدمعي قادم
واسمي خادم ... اماه يازهراء

💔😭___

✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لااجيز حذف الاسم

( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)

نسألكم الدعاء وبرائة الذمه ان وجد اخطاء اثناء نقل القصيده
خادمه لخدمة الزهراء وابنائها عليهم السلام
_*خادمتكم أمينه تسألكم الدعاء*_ 🌹🍃
لا اجيز حذف اسمي

الرادود ...  يحيى عفاره
الشاعر ... ميثاق الحمداني

📜القصيدة: ابجو عليها
اداء: مسلم الوائلي

الشاعر: ابو ضامن محمد الزيدي
اه --- يم الحسن
**
ابجـو عليــهه ولا تقصرون
من اللطم طيحوها المـتون
امكــم غريـبه مكـابله الباب
تشاكف بديهه من يدفعون

الليله امـكم ذابـــلات عيونهه
ها يالتحــبونهه لاتضـمون الــدمع
زهــرة الله اليــوم ذابل مايهه
جيش كامل جايهه يريد من عدهه ضلع
دفعو بالباب وتشاكف بيدهه
وخافت على وليدهه لا يطيح من الدفع

مصيبة --- جيش كامل على حرمة وحيدة
مصيبة --- غاركة بدمـهه وزلمـهه بـعيـدة
**
امــكـم غريبه مــعاشرة الاه
من كل گلب طلعو الأويلاه
جذوع النخل كلش ثكيلات
طبكن عليهه وصاحت احاه

جذوع من هاي الثكيله الحادة
فوك ضلع الوالدة والكسر فوكة كسر
من الحرك ياناس الله يعينهه
ياكل بجفينهه اخ يا حر الجمر
بالعبـايه مجلبه ويدفـعونها
مايلات متونها تكوم كوه وتنهطر

عجيبة -- مــرة بـعتبه بـابهـا يدفـعونها
عجيبة -- من المدافع مايلات مــتونهـا

**
اللـيلة هاي تــريد الدمـوع

وين ادليله عله امة مشلوع

ياناس هم تـدرون شــيصير

البسمار من يطــب بالضلوع

رمح جنه ومارحم بضلوعها

ولاتهزه دموعها حرمة ماعدهه ولي

براس محسنهه انعوج بسمارهم
طفل بيمن غاثهم بطن امة وينولي
هشمو راس الولد كدامهه
وردة محد شامهه ولا مدللهه علي

غريبه -- طفـل ماشـاف الضوه يذبحونه
غريبه -- كبال عين الشــالته يطــيحونه
**
الله يـساعـد كــلب الحســين
يشوف امة تشهك من الونين
يعدل ضلعهه ويرجع يطيح
شيعدل الــمكسوم نــصــين

وزينب بشيلتهه فزعت فايرة
تصيح يمة وحايرة تهدي وتشد ياجرح
والحسين يكلهه يمة صوابج
وحك حوبت بابج يروحله فدوة الذبح
يانواعيـهه وبجيـهه العايله
ما نعتهه الثـاكله ولا يخلصهه الصبح

نحيبه --- الفاكد امة الحسرة تاخذ روحة
نحيبة --- تموت بس تعيش دوم جروحة

📜 القصيدة: اليتعبك ينعشگ
🎤 أداء: مسلم الوائلي
🖋 كلمات: محمد الموسوي
~~~~
هاي الگضتها تصيحلي الغالي
خلتني وحدي ودمعتي تلالي
لا تطر يالفجر مو علي الينهجر
هاي الگضتها تصيحلي الغالي
~~~~
يالتراب .. اعله ام حجاب .. وسفه تنذب وانا حي
حيلي راح .. شستراح .. دافن الكوثر بدي

يا اسم الله ... عليج ما گايل فده
طاح شوج اعله النده
علي ظل الوحده ... يا اسم الله

ليش بله ... اليتعبك ينعشگ
واليصاحب يفترگ
واليفارگ يختنگ ... ليش بله

ليش الأحبه ويوصل الجبدي
يهجرني وانه فراگه مو گدي
دللتها شكثر مو علي الينهجر
هاي الگضتها تصيحلي الغالي
~~~~
يا ضواي .. يا حلالي ويا هلي ..
من الحنان .. العدها جان .. جنت اسميها أم علي

يا أم بيتي ... الما رمش يمها الجفن
خاف اغمض خاف احن
هسه شلتج عالمتن ... يا أم بيتي

سيريتي ... حلم ورموشي غطه
ليش طيفج ما بطه
حلم فر فرة گطه ... سيريتي

جم مره گتلج وين هالغيبه
ورموشي صارن شيبه يم شيبه
والظهر منكسر مو علي الينهجر
هاي الگضتها تصيحلي الغالي
~~~~
من جفاج .. شگد وراج .. نزلت دموعي الذهب
شگد بجيت .. ما نسيت .. انتي احله من العتب

هيه قسمه ... وگلبي عاشگ ونهجر
وجدمي بالممشه عثر
وياي عمرج شو گصر ... هيه قسمه

العين تعمه ... كون فارگها الضوه
وانتي اغله من الهوه
فراگج ودمعي سوه ... العين تعمه

حيدر هذاك الحلفوا بصبره
بجيتي عينه ونكسر ظهره
بين عليه كبر مو علي الينهجر
هاي الگضتها تصيحلي الغالي
~~~~
تعبي راح .. دمعي طاح .. ضاگت بعيني السمه
شعندي ضال .. بليه بال .. يامن يرد فاطمه

تعبني ... ذكرياتج يا هلي
يا فرحتي الموش الي
يكسر الخاطر علي ... تعبني

رحتي مني ... وراح كل ذاك العشگ
واليدگ ضل ما يدگ
خاف يوگف من صدگ ... رحتي مني

كل ساعه يوگف هذا البصدري
جم مره بعدج متت ما ادري
لا حلالي العمر مو علي الينهجر
هاي الگضتها تصيحلي الغالي
~~~~
كل حبيب .. من يغيب .. يبدي گلبك ينعصر
الموت اجاج .. من خذاج .. بالنفس گمت انهطر

مو أبالي ... اعطش وانه نهر
تذبل بعيني الصور
هذا كسران الظهر ... مو أبالي

موش غالي ... الما ينزل دمعتك
الما يخرب مشيتك
الما يطلع حسرتك ... موش غالي

وانه اعله كلهن طشريتيني
من كل كتر اتلوه عفتيني
صاحبيتي الگبر مو علي الينهجر
هاي الگضتها تصيحلي الغالي
°°°°°°°°°°°°°°°°°°°°°°°°°°°°°°°°°°°°

✨خدمة محبي باسم الكربلائي تقدم
📜قصيدة : الدنيا ماترحم مكتوبة
✒️للشاعر : علي السقاي
💿اصدار : عظماء 2
📌ليلة 6 ربيع الاول 1434 | حسينية آل ياسين الكويت


روح الله ويَّاك ييُمه الدنيا ما ترحم
بِالدنيه شِتريد إذا أولها تتيتَم
ماكو غير الجروح اسمع جلمتِي وروح
🔹🔹🔹🔹🔹
يَامَحسِنْ ثَالِث الْحَسنِينْ أَسمَكْ
يَابَضْعَة فَاطمه وأُمَكْ تِكَلمَكْ
إّذا عًمري تِريدَه الْعُمرَ أَسَلمَكْ
لّجِنْ يَاوليدِي مَاراح أَبْقَى يَمَّكْ
مِثَلْ هَالدنيا لاتْصَدَقْ ترحمَكْ
لَونْ بِيها رَحَم جا رحمت أُمَكْ
بِالدنيا أولاد يظلمونا وظيفتهم
شما جرا مصاب أساسه من سقيفتهم
مِنهُم قَلبِي مَجروح.. اسمع جلمتي وروح
🔹🔹🔹🔹🔹
إِلَكْ خَلْ أَحجِي يَآ آخِر بِنينِي
شتريد بدنيا مارحمت حنيني
بعدني بزُغري وبزَهوة سنِينِي
الضِلَعْ مِتْكَسِر ولَطمَه على عِينِي
صَحَتْ مِن سَقَطوك بكِلْ وَنِينِي
يَقَعْ قَلبِي ولايوقَعْ جِنينِي
مِنْ فَكرت بِيكْ قِلَتْ اسبقنِي للجنَّه
بِالدنيا لاتعيش يتيم وتِكبَر الونّه
قَبلِي سَلَّم الروح.. اِسمَع جِلمتِي وروح
🔹🔹🔹🔹🔹
يَاوردَه انْقِطْعَتْ بِين الرياحِينْ
قَبلْ مِيلادَك اِتْعنَّى لك البِينْ
جَدَلْ خَل نِفترضْ لَو عايش سنِينْ
الدنيا تراقبك ماتغمض العِين
مصِيرك بيها بَس واحِد مِن اثنِين
لَو مِثلَ الحَسَن لو مِثلَ الحسِينْ
لَو عِمرك يطول يَيُمه ومامِتت بِالسَم
وي نَحر الحسِين وريدَكْ لاتِظَنْ يَسلَمْ
توقع يُمه مذبوح.. اِسمَع جِلمتِي وروح
🔹🔹🔹🔹🔹
بِالطف لوتِعيش تأَدِي بِيعَه
رخِيصَ الدَّم لَابو اليَّمه تبيعَه
قَبل مَاجِثَتَكْ توقَع صريعَه
بدورَك تِكفَلَ الحُرَّة الوَدِيعَه
لَأجِلْهَا تْغَرِّق الطَف بِالشَريعَه
تَالِي توقَعْ جفوفَك قطيعَه
خَل يَاخِذ الدور أَخوك اِلـ مابَعَد شِفتَه
الـ يَّتْسَمَى عَبَّاس وَهوالـ يَّتْكَفِلْ بأختَه
بعينه ثارك يلوح اِسمَع جِلمتِي وروح
🔹🔹🔹🔹🔹
أَريد بْموتَتَكْ يَم عتبَة الدار
أَواسِي حسين حينَ بطفله يَحتَار
أشوف لكربلا بعيونك آثار
مِثَل عَبدالله بس النبله بِسمار
بِجيت على المِصاب مابعد صار
مِثل بابِي وخيم قلبِي اشْتَعَلْ نَار
ابجِي على طفلين ولايبرد جَمر قَلبِي
مِن هايَ الأحزان أَنوح وأَشْتِكِي لربِي
أدعِي ودمعِي مَسفوح.. اِسمَع جِلمتِي وروح
🔹🔹🔹🔹🔹
كًلْ شِي عمره يَخلَص حَتى لَو طَآل
فَقط وَجهالله باقِي بْحُكم الآجَآل
مِن اقَلَّك روح موبَس جِلمَه تِنْقَالْ
أنَا أدرِي الموت أرحَم بكِلَّ الأحوال
إلَّا يكون تِحمَلْ سبِي العيَال
تِنْظَر وَقْفَة أختَكْ بينَ ألرجَالْ
أرحَم لك تموت ولَا تِنظر وَضِعْ زِينَبْ
سبِي ودَواوين شِماتَه وحُرَّة تِتغَرَّبْ
زِينَبْ تِبجِي وتنوح.. اِسمَع جِلمتِي وروح
🔹🔹🔹🔹🔹
بْسَكوتَكْ يَابنِي صِرتَ أَسمَعْ جَوابَكْ
أَودْعَكْ وَالمَهَدْ أَصبَح تُرَابَكْ
عَلى الْعَتْبَه كْتَبِتْ قِصَّة عَذابَكْ
شَهِيدَ بروحتَكْ وَالجِنَّه بَابَكْ
يَامحسِن لاتِظَنْ هِيَّنْ مصابِك
أعيش أيامي مِتْلَهفَه بغيابَكْ
بِسْ باقِي أيَّام نِعَذبها بمدامعنا
يَيُّمَه والموت عقب فرقتنا يجمعنا
موعد يكتبه اللوح.. اِسمَع جِلمتِي وروح
🔹🔹🔹🔹🔹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻

: بويه علي , حيدر البياتي
بويه علي بويه علي .. يابا الحسن
بويه علي بويه علي .. گلبي انطعن

شفتك يبويه والدمه ينزف من اجبينك
ونازل عمت عيني اعله رمشك يالولي وعينك

ريت .. بويه الطبر راسك طبر
ريت .. طابرني وموتي حضر
ريت .. يفداك يا بويه العمر .. ريت

منك يحلال الشدد .. اشراد الزمن
بويه علي بويه علي .. گلبي انطعن
.
.
من ايدي اتروح ويظل بويه النزل خالي
يا غالي بعدك ياعلي ايودعني چم غالي

آه .. بِجْنازه بويه تنحمل
آه .. وموحش يظل والله النًزِل
آه .. بعدك فلا يلتم الشمل .. آه

الماعنده بالدنيا علي .. ماله وطن
بويه علي بويه علي .. گلبي انطعن
.
.
تغفه يبويه بالگبر واتطول الغيبه
وآنه اشاهد ياعلي امصيبه ورا امصيبه

راح .. بويه حنانك ياعلي
راح .. ومن هالمسه محد إلي
راح .. أبقى يبويه ابلا ولي  .. راح

كل إخوتي اتروح واظل .. وحدي بشجن
بويه علي بويه علي .. گلبي انطعن
.
.
هالليله دمك انظره ويابا الحسن باجر
انظر دمه احسينك يبوالحملات عالحافر

ليش .. يا بويه جسمه ينسحِگ
ليش .. كلبه خِلص من الشَهِگ
ليش .. ويوصل إلى اخيامي الحرِگ .. ليش

وبالهيمه يا بويه الحرم .. يِتراكضن
بويه علي بويه علي .. گلبي انطعن
.
.
يالمنطبر راسك الروس اهناك اعاينها 
برماح محموله ويصب سيل الدمه منها

آه .. يا يوم عاشور الظهر
آه .. ما يبقى يا بويه صبر
آه .. رايدتك اهناك اتحضر .. آه

ابْناتك گبل ما على الهزيــله .. لن يركبن
بويه علي بويه علي .. گلبي انطعن
____
تمت ببركات أمير المؤمنين عليه السلام
فاطمة_كريم
الفاتحة مع الصلوات إلى روح والدي
▪️▪️▪️▪️▪️
اللهم_عجل_لوليك_الفرج_والنصر_والعا

انه خايف صدري ما يشبع لطم صدر المنيه
انه خايف بالكبر ماكو ليالي الفاطمية

على فراش الموت وبروحي انازع
وتجمعت كل الاهل يمي اباوع
بالمجالس راح عمري ماهو ضايع
اثر لطمة صدري ضلت على الاصابع
انه خايف على المغيسل والدفن انسى الرزيه
انه خايف بالكبر ماكو مجالس فاطمية

ياحسين الصرخة هذه شيعوني
للنجف احبابي بالمدمع خذوني
وبتراب اللحد لمن وسدوني
همه راحو واني تتلفت عيوني
انه خايف خوف حسرة ما زرت كبر الزجيه
انه خايف بالكبر ماكو مجالس فاطمية

بالكبر صوت اسمعت ودموعي تجري
هذا منكر حجه ذنوبي بوسط كبري
كتلة ما اجاوب ولا تسمعلي عذري
ها دخيلج فاطمة بهالشدة احضري
انه خايف خاف ما تشهد علي لطمة ايديه
انه خايف بالكبر ماكو مجالس فاطمية

اجت حرمة محدم بالهم ظهرها
تكعد وتنهض ومحميه بكسرها
سامع الزهراء ماتت في صغرها
مشيبه بالستين شو هسه عمرها
انه خايف تتعب ام الحسن من تحضر اليه
انه خايف بالكبر ماكو مجالس فاطمية

تكلي انت الماعفتني وما اعوفك
على الصراط بايدي راح الزم جفوفك
يالبجيت على الضلع ما داعي خوفك
كنت من تقرى وتون بعيوني اشوفك
انه خايف ونتي على الزهرة ما جانت شجية
انه خايف بالكبر ماكو مجالس فاطمية

اضمنت جنة ربي وبحبكم انافس
جنة مابيها لطم مابيها واهس
ما يموت العاش عمره بالمجالس
مثل عابس بالحشر مليون عابس
انه خايف افتقد بالجنة جوكات العزيه
انه خايف بالكبر ماكو مجالس فاطمية

من بعد هذا الحجي نجبرت خواطر
موكب بكبري بنيت وبكلبي حاير
وجهت دعوتي بسكان المقابر
الجفن ابيض حتى اتطبل بيوم عاشر
انه خايف على الزهرة من يمر طاري رقية
انه خايف بالكبر ماكو مجالس فاطمية

القصيده 📜امي الدور عزائي
الشاعر ✍🏻 علي عويز الشويلي
الرادود🎙عمار الكناني


امي لا تدور عزائي بگلب لهفان
ابقى ادور عن عزاها وين ما جان
لليالي الفاطميه حافي اجي من الغاضريه

꧁꧂꧁꧂꧁꧂

انا حسين على النوح ادور من اجيب
يا خدام اجي يكون على امي اشبع بشي
العبد ضرباها وشفت حومر العين
وعثرت گامت تصيح الحگني يحسين
طاح محسن وانسحگ بهواي رجلين
وشوتموها وبﺟوها اگبالي
امي وارد الطم على امي ويا اللي اويليطمون
وحتى اذا اطيح بعزائكم لا تختمون
الزهره امكم وامي هيه
حافي اجي من الغاضريه


꧁꧂꧁꧂꧁꧂

اجي احساس ضمه وراس ونبل من حرمله
عزائات فلا ابات ليلالي ابكربله
عالرمح ادخل عزوه امي تنزف دموع
وهدعش معصوم اجيبه تلطم وياي
اسمع اسوي بروحي ابقه مقصر هواي
واگبال امي مدنگ راسي
غمض لو شميتوا ريحه دمعه ايتام
هسه زينب بالغرايب تجي من الشام
يا هلا بختي السبيه
حافي اجي من الغاضريه

꧁꧂꧁꧂꧁꧂
ترى وياي قمر جاي ودينه امگطعه
صرخ ويل ولطم حيل اعله صدره بمشرعه
للعزه جايب رقيه شايله الجود
وتلطم وتجفين ايديها من الحبل سود
من السبي لحد هسه بيهن بعده مشدود
وتصيح عيوني ارد اعميها
وبكثر حبي الزچيه لبو صالح
ابكل عزاء من البواچي الكاه طايح
اخ يا ضلع الزچيه حافي اجي من الغاضريه

꧁꧂꧁꧂꧁꧂

الي التلوع من الجذوع العصرنها وحنت
يدفعون وبالضلوع البسامير انثنت
جيت اون والطم على امي وعيني تنوح
حيل بيكم عالبواجي وياي لو اروح
اخفي لو اقره عليكم اقسه الجروح
المحسن بسماره بنص ضلعه
تلزم الحايط وتمشي شويه واطيح
واسمع الملعون اضربوا فاطمه ايصيح
وترسوا ابدمعها الثنيه حافي اجي من الغاضريه

꧁꧂꧁꧂꧁꧂
الكاتبه
🌸إيمان الكربلائيه🌸#نسالكم_الدعاء_امانه_غيرمبري_الذمه_حذف__اسم_الكاتبه

اسم القصيدة : فاكد اخو
اسم الرادود :#محمد_الجنامي
اسم الشاعر :#كرار_حسين_الكربلائي
المناسبة :عاشوراء محرم الحرام 1443
المكان : البصره/الفاو/موكب وحسينية ام الحسن


🏴🏴🏴🏴🏴🏴🏴🏴🏴

فاگد اخو..... هيبة ابو......
وبساعه وحده ودعت عشرة عمر

ياحيرتي...... ياغربتي.....
الفارگله غالي كسرته ماتنجبر

......................

من تشوف انسان محني دمعته بعينه نهر

گول اخو مفگود منه وكسر من عنده الظهر

خله يبچي ولاتلومه لو يموت من القهر


يناس الراح من عنده اخيه
يضوگ بروحته طعم المنيه
وحگ عباس لمن راح عباس
انحنيت ومات كل الحيل بيه


فراگ الگمر.....كسرة ظهر....
وابفزة سنيني وشفت نجم الظهر

فوگه طحت......وشگد نحت
الفارگله غالي كسرته ماتنجبر

........................

العنده اخو الوادم تهابه ومايمر صوبه الهوى

مثل عين وشوف چنه عمر گضيناه سوى

چتت اتباهه بخيي عافني وگلبي انچوى


طحت محد لزم بالناس ايدي
صحت عباس وينك ياعضيدي
چنت بأربع جهاتي واگف الگاك
عفتني بكربله ضايع اوحيدي

صاح الگلب....بعدك صعب....
وموادع الخوه شعل روحي بجمر

ياابا الفضل...... مال الحمل
الفارگله غالي كسرته ماتنجبر

.......................


بعيني ظل خالي مچانه راح اخوي وتچوتي

المن احچي ويمن ابچي ومنهو يفهم دمعتي

تخوصرت وأيدي اعله ظهري والتفت ماهي اخوتي


مشه الما گالي ذاك بحياته
يضوي سنينه چان شحلاته
جفانه التارس الدنيه محنه
ابو الغيره يسمنه خواته

ليش الزمن.....ماخذ وطن
حارمني من كلمة يخويه من الزغر

بعد الحسن.....حامي الظعن
الفارگله غالي كسرته ماتنجبر

.................

واگف اعله النهر يمه وشايل بچفي العلم

گتله انهض يابوفاضل بعدك اطيح الخيم

خفت توگع عينه بيدي لو شلت منهه السهم


الخيمنه ماأرد صاح بونينه
اعتذرلي گال من بنتك سكينه
بچه الزينب وطلعت روح عباس
ولطمت الوجه بيساره ويمينه

راسه انمرد.....صابه العمد
والمشرعه انترست ضوى بدم البدر

شگد حاولت....اصبر گلت
الفارگله غالي كسرته ماتنجبر

....................

ارجعت بس تعثر اجدامي وشفت زينب حايره

تگلي شو رديت وحدك وينه سبع الگتطره

كلمة العباس طايح بالمدامع تنقره


صحت يختي استعدي الضيم الأيام
بعد بس ساعه صدري اترسه الأسهام
بعد ذبحي مخيمنه يحرگوه
وعمت عيني وراچ السبي للشام

بنت النبي......بدرب السبي
ايشيب گلب زينب ترى من اليسر

عگب الخدر.....ويه الشمر
الفارگله غالي كسرته ماتنجبر

🏴🏴🏴🏴🏴🏴🏴🏴🏴

⛔ لا يجوز شرعاً حذف روابط الخدمه ⛔
القصاید المکتوبه للرادودين حسن الصالحي و محمد الجنامي

الرئيسية  قصائد محمد باقر الخاقاني  كلمات كرم الزهراء مكتوبه محمد باقر الخاقاني الشاعر سيد مرتضى الياسري
كلمات كرم الزهراء مكتوبه محمد باقر الخاقاني الشاعر سيد مرتضى الياسري
صوت مكتوب     قصائد محمد باقر الخاقاني     تعليق   

كلمات كرم الزهراء مكتوبة

الرادود محمد باقر الخاقاني
كلمات الشاعر مرتضى الياسري

هيئة سيدة الوجود | العراق - بغداد - حي الأمين الثانية
جمادى الاولى  :: 2022-1444
~
قصيدة : هاي الدنيا رحلة
الرادود : محمد باقر الخاقاني
كلمات : مرتضى الياسري
~
كتابة القصيدة : موقع صوت مكتوب
تصوير : الجود ميديا
مونتاج : سجاد عباس العكيلي
مكساج : حسن المنصوري

هاي الدنيا رحلة ولابد بيوم
تخلص رحلتي ويمضي زماني

شرد ابقى بحياتي وعمري محدود
وين ارد اوصل وشرسم أماني

منو آني والفظ اسمج يا ام الاطهار
واقره مصيبتج وابجي منو اني

اسمج أنبياء ما عرفته شلون
سمحتي بلفظه يتشرف لساني

آنه مو نبي وتدريني خطاء
لذلك ما رضيتيلي هواني

ممتحنة وصبر عندج على الباب
وصبرج غطى بالدنيا أمتحاني

عرفت أسمج هداية وأنرحم بيه
ويطهرني اذا مر على أذاني

السلام عليكِ يامولاتي يا فاطمة

صح اسمج هداية بس جرح بي
شلون تكف دمعتي على الهداني

جرح عندج واذا أكول آنه وياج
يعني ويه الدمع بس إقتراني

افرشي عمري يمج وانت گلبيه
تبقينـه .. تسيريه للتفاني

بس شوفي أمنياتي شبيها مكتوب
آنه اكبر طموحي بكلبي باني

دمعة صادقة لمصاب الضلوع
أبدل بيها كل جاهي وكياني

السلام عليكِ يامـولاتي يا فـاطـمه

ولو عندج طبع لو ردتي تنطين
ماتنطين شي ويروح ثاني

شكو بروحي الج مولاتي أحجيه
يا لتشوفين كلبي شبيه معاني

هـاي الـدنيـا رحـلة ولابـد بيـوم
تـخلص رحلـتي ويـمضي زمـاني

شرد ابـقى بحـياتي وعـمري محـدود
ويـن ارد اوصـل وشـرسـم أمـاني

وين تريد تحدي بكلبي الأيام
ودروب المتاهه المنها أعاني

اريد امسح أيامي الما لكن خير
شكو يوم أبلا ذكرج حداني

وما اريدن مكان بين الوجوه
بسجل خدامج اتأمل مكاني

حتى اصفه كلب ماعنده بس راي
واحد والدمع يصبح بياني

وإنت تقسمين العمر آهات
ومن أيدج احصل صك ضماني

حتى اتربه دمعه ليوم عاشور
و الم جروح من ايامه اتاني

📝قصيدة: عافوني وراحو
🖋الشاعر: علي عويز الشويلي
🎙الرادود: ملا محمد الجنامي

عافوني وراحو...وچم باچر اباچر مشت يمتہ يردون
مثل الدمع سالو...لو سال عالخد الدمع ما يرد للعيون
عافوني وراحو...وچم باچر اباچر مشت يمتہ يردون
⚫️⚫️⚫️⚫️⚫️
يجروحي ما تطيبي...الا التقي بحبيبي
ورده ولگت ماي
حالف اذا اجالي...حافي الاگي الغالي
بجروحي الهواي
بس الصدى يردلچ عليهم من تصيحين
ياروحي عدلہ المن بعد چا ما تموتين
دنياه ماتسوه المشوا عنہ العزيزين

حنيني...ونيني...البعدهم
شالو اهل روحک...حدر الترايب يا علي وخلوک محزون
مثل الدمع سالو...لو سال عالخد الدمع ما يرد للعيون
عافوني وراحو...وچم باچر اباچر مشت يمتہ يردون
⚫️⚫️⚫️⚫️⚫️
تلگہ الخليلہ عافہ...يابس حچي اعلہ شافہ
للملقہ ضماه
يرسم على الترايب...صورة حبيبہ الغايب
ويتعاتب وياه
بدمعي اكتب باسمک گمت واشتم بالحروف
ومن گد صفنتي اخدودي گامت تاكل اچفوف
حلفت العيون اتعمي بس طيفک تشوف

هيامي...وغرامي...ابهواكم
شمحلاها لو عادو...ويندک علي بابي وافک بابي ويطبون
مثل الدمع سالو...ولو سال عالخد الدمع ما يرد للعيون
عافوني وراحو...وچم باچر اباچر مشت يمتہ يردون
⚫️⚫️⚫️⚫️⚫️
شالفايده ابچينہ...الراح ما يجينہ
ومترده الدموع
ما ينقطع عويلہ...دافن بديہ خليلہ
ايظل گلبہ مشلوع
يمشي وتظل برويحتك چلماته الحنان
تطلع صوره اتظل عليك منين ما چان
مرات واحد دنيتہ يلگاها بانسان

خيالي...اعلہ حالي...بچالي
لحبابي الغابو...حالف اطش روحي نذر لمن يرجعون
مثل الدمع سالو...ولو سال عالخد الدمع ما يرد للعيون
عافوني وراحو...وچم باچر اباچر مشت يمتہ يردون
⚫️⚫️⚫️⚫️⚫️
تلطم تگطع ايدينک...واتدک سنہ اعلہ عينک
مايرجع الراح
هيهات ماترده...مي عالرمل تبده
وشيلمہ لو طاح
يمس المسہ والبيتي ارد چن طير مصيوب
امفارگ واصيحن لا هلہ بجيتک يالغروب
وامطشر عيوني انتظار بكل الدروب

حسرتي...وجمرتي...چوتني
نشتاگ واشتاگو...بس يوگف تراب الگبر بين اليحبون
مثل الدمع سالو...ولو سال عالخد الدمع ما يرد للعيون
عافوني وراحو...وچم باچر اباچر مشت يمتہ يردون
⚫️⚫️⚫️⚫️⚫️
ابچي وشنو الجنيتہ...الضيعتہ مالگيتہ
ظل جرحہ ما طاب
شال النظر من عيني...من عالبتول اديني
هالت التراب
شما حزنت عليچ الخلگ يم حزني ماتصير
من الطم اعليچ اختلف لطمي بسامير
وآلام الضلوع ادعي كون بضلعي اتدير

يروحي...وجروحي..الحنينہ
يافاطمة امنيتي...كون انہ مو انتي بطولچ يدفنون
مثل الدمع سالو...ولو سال عالخد الدمع ما يرد للعيون
عافوني وراحو...وچم باچر اباچر مشت يمتہ يردون
⚫️⚫️⚫️⚫️⚫️

اللهم صل على محمد وآل محمد

زينب لفت يم حسين... لاجن گابعه بالهم
تگله ياهو دگ الباب... وعليمن هالفزع ملتم
///////////////////////////////////////
تعنت خايفه لحسين من سمعت الباب اندگ
طبت گعدت اگباله وتهل ادموعها وتشهگ
تگله اشعدهم اويانه وعلينه هجمو أبيا حگ؟!!!

سولفلي يماي العين
لاتخفي عليّ يحسين
عليمن هالفزع صوبين
وليش اگلوبنه انعصرت وكلشي بدارنه غيّم
/////////////////////////////////////

بجه لمن سمعها احسين وشبگها واختلف وضعه
يگلها اشلون اسولفلج واعرف گلبج وطبعه
يختي اليمشي يم الباب يرجع منكسر ضلعه

والله اليدري والنجار
شثگلها خويه باب الدار
واخاف أيخونه البسمار
والله ايساعد المعصور عالعاصر الما يهتم
//////////////////////////////////////

تگله وجارنه يحسين شو ليهسه ما فازع؟
يخي شمتاني اول جار و الله اموصي بالسابع
يگلها ابداره ضل كاعد الأمس لاگيته بالجامع

تگله جا نسه العشره!!؟؟
الماكل خبزة الزهره
وحد الله نوّه ايعبره
الهضيمه البارحه الكرار ابابه واگف امحزم

///////////////////////////////////////

يگلها الماله اسم ياحيف يغيّر اسمج واسمي
ويطيّح محسن اعله الگاع ويخلّي عالثرى مرمي
تگله من هذاك الباب اضمن وين ضلع أمي

وبده يگلها بنواعيه
تره الهدو ثلثميه
ومحد گال علويه
واصبري لو سمعتي فلان بأسم جدنه الرسول يذم
///////////////////////////////////////

تلّثم كل خشب بالگاع اوگف عالباب يتحّضر
شيغير نية الحطاب النوّه ايهزر گلب حيدر
ومدري اشجم ضلع منها يزينب راح يتكّسر

أمن اليوم أنسي كل فرحه
وضمي المهد والرحه
صباح الله انعصر صبحه
وماندري الحياه يالون گدما شفنه لون الدم
///////////////////////////////////////

ويختي باجر البسمار رمح يتحول بصدري
َيرجع كل حطب يفزع على اخيامي وعلى عطري
وباجر كسر ضلع امي تشوفي واضح بظهري

نار اليوم احفظيها
ورسالة ضيم احسبيها
باجر ما تطفيها
وقرار أخذي ألمن اتصيرين من تشب بالمخيم


تضمين الشاعر عبد الحسين الشرع

أحمد ماجد الكلابي
محمد الخاقاني

📜قصيدة : مولى علي
✒️للشاعر : حمزة السماوي
📌 : استشهاد أمير المؤمنين الامام علي (ع)
📅:ليلة 21 رمضان 1445
🕌: العتبة الحسينية المقدسة - كربلا

علي علي علي علي
مولى علي مولى علي
▪️▪️▪️▪️▪️
شالوا جنازة حيدره
والدنيا صارت آخره
روس اليتامى مطبره
جبريل كسروا خاطره
من السمه نزلت مره
فاطمة تصيح محيره
▪️▪️▪️▪️▪️
هذا الحسن يبچي دمه
والانبياء محزمه
من طاح حماي الحمه
ما طاحت شلون السمه
بهاي المصيبة المؤلمة
الله يساعد فاطمه
▪️▪️▪️▪️▪️
زمزم بچه وتبچي منه
تبچي النفوس المؤمنة
مولاي الحسين انحنه
عمره كبر مية سنة
يابويه محبوبك آنه
يا علي وسميت الظنه
▪️▪️▪️▪️▪️
هذا الكفيل وحسىرته
غرگت الكوفه بدمعته
من كثر قوة لطمته
طيح يساره ويمنته
منك ورثها غيرته
رايتك صارت رايته
▪️▪️▪️▪️▪️
لو بس رحل عقد الوله
زينب تطيح بمعضله
والقادم اصعب مرحلة
بلا أبو تمشي لكربله
والظعن يفگد كافله
خدر العقيلة منهو إله
▪️▪️▪️▪️▪️
رمضان بسمك يا علي
فدوه نروح آنا وهلي
كل عام صيحة تعتلي
انت الأبو وانت الولي
ندري بغيابك ننولي
تبقى انته حبنه الأولي

تهدمت والله أركان الهدى
--
اللهم_عجل_لوليك_الفرج

قصيدة: يا عساني ميته بداله
بصوت: علي بوحمد
الشاعر: عبدالله بوحمد

▪️▪️▪️▪️▪️
عقب الأكبر أريد .. أموت وما أعيش
طلع مابيه جروح .. رجع بجنازه ليش
شوفوا طوله .. شوفوا جماله
ياعساني ميته بداله
ياعلي الأكبر
-
أقلكم يالهواشم .. هذا ولدي
قبل ساعة .. حبيبي جان عندي
تراني ماعرفته .. وآنا أمه
اشكثر مجروح .. الله يعين فقده
علي يشبه محمد .. عجيبه تغير
أدور عالملامح .. ولكن توذر
الوجه مقدر اشوفه .. لانه تعفر
مثل ابني يحيف .. على الغبره ينام
جماله ابلا مثيل .. يذبحونه حرام
ابدمه غافي .. حلوه خصاله
ياعساني ميته بداله
شوفوا طوله شوفوا جماله
ياعلي الاكبر
عقب الأكبر أريد .. أموت وما أعيش
طلع مابيه جروح .. رجع بجنازه ليش
شوفوا طوله .. شوفوا جماله
ياعساني ميته بداله
ياعلي الأكبر
--
يزينب يالفواطم .. جاوبّني
صدق هذا المسجى .. هذا أبني!؟
حلم لو واقع .. ابعيني اشوفه !
علي مو توه يمي .. راح مني
طحت فوقه واحضنه .. واحركه بيديه
انا ليلى اقله .. اعلى جسمك رميّه
بقه ساكت غريبه .. ولا رد عليّه
حلم بعيوني جان .. علي ابشيبه يصير
لجن لهفي عليه .. رحل عمره قصير
أنا أمه .. دمعي جراله
ياعساني ميته بداله
شوفوا طوله .. شوفوا جماله
ياعلي الاكبر
عقب الأكبر أريد .. أموت وما أعيش
طلع مابيه جروح .. رجع بجنازه ليش
شوفوا طوله .. شوفوا جماله
ياعساني ميته بداله
ياعلي الأكبر
---
خلوني اعله جسمه .. بحزني انعى
اصيح بصوتي .. يمه وخل يسمعه
علي تجّاره عالخد .. دمعه دمعه
مثل ما صار جسمك .. قطعه قطعه
عسه ابني يردلي .. ويمدها جفوفه
ويفز من احجي باسمه .. يَمَحله حروفه
منو المثلي ابنها .. تقطع تشوفه
تمنيته يعيش .. على راسي يدوم
اشكثر يمّه بجيت .. يريت ابني يقوم
اقبالي ميت .. نومه جلاله
ياعساني ميته بداله
شوفوا طوله .. شوفوا جماله
ياعلي الاكبر
عقب الأكبر أريد .. أموت وما أعيش
طلع مابيه جروح .. رجع بجنازه ليش
شوفوا طوله .. شوفوا جماله
ياعساني ميته بداله
ياعلي الأكبر
----
مشتاقه اعله صوته .. البي محنّه
وكلمة يا هلا .. اسمعها منه
مشى بعمر الورد .. راح المماته
كسر قلبي .. كسر مايدري عنّه
ادور وينه صوته .. اريدن اسمعه
عسى صوتي اعله جثته .. اليّه يرجعه
يريت ايرد عليه .. اعله راحه اودعه
ولا يفارقني يوم .. عجب عنّي يروح
علي اليطلب رضاي .. يخليني انوح
اجروحه عذره .. والكل بجاله
ياعساني ميته بداله
شوفوا طوله .. شوفوا جماله
ياعلي الاكبر
عقب الأكبر أريد .. أموت وما أعيش
طلع مابيه جروح .. رجع بجنازه…

قصيدة: البارحه
اداء:سيد فاقد الموسوي
الناشر:قاسم الخليلي
الشاعر:...........

البارحه يم الحسين وكل واخوتي البارحه
ما رايحه بالخيمه ريحتهم بقت ما رايحه
يم خيمتي الدنيه بكبره زغيره
كل ساع وحده من البنات مسيره
البارحه البارحه
لمت احباب البارحه التمينه
وما مشي غريب وكله منه وبينه
وتبده جاسم جاسم مستحه كبال حسين. من رمله كامت طلبت ايد سكينه
وتبسم حسين بصدر ديوانه
وجسام ما كمل الكعده ويانه
الفاتحه... كام ابو فاضل عمه يقره الفاتحه
البارحه..... يم الحسين وكل اخوتي البارحه.....
البارحه الواهس خذانه بغفله
من تم فرحنه وكام جاسم صله
كامت رباب تهني سكنه وجسام
وتكله يوم انشاء الله ل عبد الله
وين العزيز البارحه مكابلني
ما نزل عيون ابو فاضل عني
نسامحه طيبين حتى الما يحبنه نسامحه
البارحه ...يم الحسين وكل اخوتي البارحه.....
مرسال اجاني وبي هيج علتي
من العليله الضلت بطايفتي
وتكول من ما جيتكم اعذروا وياي
عمه المرض حارمني من عرس اختي
وتكلي زينب عمه جنج يمي
كل ساعه ادورنج بغرفة عمي
والنايحه... من ما اشوفج تبدي عمه النايحه
....البارحه... يم الحسين وكل اخوتي البارحه
........
كل ساع يم خيمه الحلم ياخدني
وعبدالله يتراولي بعده بحضني
مدري شنزل منه متوني  وفزيت
ومن الحلم ثاري الحلم فززني
ويكلي هسه الثار بيني وبينيج
توه الحوافر ركضت على حسينج
ما لايحه... ما ضل مكان وحرمله ما لايحه.....
البارحه.... يم الحسين وكل اخوتي البارحه...............
طشت ايتامك والعطش كاتلهم
ما لحكت يحسين المهم كلهم
شافوكم تموتون بس همه زغار
ليهسه مقتنعين يرجع عمهم
ميت بعيد وكون ميت يمنه
بلكي الله ويكولون نايم عمنه
ما صايحه... ليهسه عباس انكتل ما صايحه.....
البارحه ... يم الحسين وكل اخوتي البارحه.......
صا الصبح والنوك جابوهه اولام
وما ندري يا درب النشد بيه حزام
كالولي للشام وكلت خد حسين
انه ادري بس بخدودك يصير الشام
ما طول عليك اختصرلك كلشي
والهزل تذب الزلم من تمشي
للطايحه شيله اصيرن للبنات الطايحه...
البارحه.... يم الحسين وكل اخوتي البارحه

عدنه جريمة قتل ... ناتجها ام وطفل
والجاني رد يعترف ..  وحنه فتحنه السجل

----------1----------

فتحنه سجلهم رؤوس الجريمه
اخذنه اعترافات خطيره واليمه
يشرحون تفاصيل جنايه عظيمه
عليمن هجمتوا على حرمه ويتيمه
كلمن روه قصته ... عن هجمته وغايته
فعل وفعل يختلف ..واحنه فتحنه السجل

----------2----------

شخص كال انه  للي شعلت نار على الباب
حرقته    ودخلنه  ولاجان   بالحساب
لقيت الزجيه وعلى الباب بلا حجاب
تنادي يبويه ولوني  هالعراب
كال انه شفت العجب ...وجه البتول  انظرب
جف الصفعها صلب ... وحنه فتحنه السجل

----------3 ----------

شخص كال وره الباب تلاوذ  شفتها
ترى  الباب  ثقيله  وعليها  دفعتها
عصرتها لحد ماتون  اسمعتها
تكلي عليمن وانه  تجاهلتها
اني عصرتها  بقهر ...واسمع ضلعها نكسر
اني  الوله  ومايعف  ... وحنه فتحنه  السجل

----------4----------

يقول صفعتها وشفت دم بديه
اثاري الدمه من جفنها الزجيه
اسبها وكانها غريبه  وسبيه
تكلي حجابي واكلها  شعليه
سبيت ابوها وبجت ... وتحسرت ماحجت
خفت الارض تنخسف ... وحنه فتحنه السجل

----------5----------

شخص كال شفتها وشفت غيم حزنها
زحف تمشي وتقوم تدور على ابنها
اجه قنفذ بسوط رغم دم جفنها
ولاها وضربها وغده ازرق متنها
واحد دفعها برمح ... يسطرها فوق الجرح
احنه نكرنه العرف ...وحنه فتحنه السجل

----------6----------

شخص كال شفتها توزع نظرها
لحيدر لفضه لبنها وكسرها
اختلط دم جفنها مع دم صدرها
الصدر صابه مسمار لمن ذاك عصرها
عالحايط انظر دمه ...كسروا ظهر فاطمه
انظرها راحت زحف ...وحنه فتحنه السجل

----------7----------

شخص كال انه ثاني ثنين اجوها
وديعة  رسول  الله  لا ترحموها
اذا  صاحت  اني  الزجيه  ضربوها
تكيدون  بعلها وتشتمون  ابوها
عندي قلب ناصبي ... اكسر ضلوع النبي
خلي الحقد ينكشف ... واحنه فتحنه السجل

----------8----------

اكوا  واحد يصيح  ابشري يازهره
كيدنه  ابو حسين   ولامن  ينصره
ابجي  على  حسين  ونضري على نحره
باجر نذبحه  وندوس  على  صدره
زينب  يجيها الشمر ...وشجم ظهر  ينكسر
قصتها ماتنوصف ...واحنه فتحنه السجل

-------------------------
للشاعر عبد الخالق المحنه


🕋🕋🕋🕋🕋🕋🕋
سيتم رفع الحانكم للقناة👇👇

#


يشرفنا انظمامكم ياخدام الحسين عليه السلام الى

اماه يا زهراء
الرادود : عمار الكناني _ محمد الجنامي
الشاعر : كرار حسين الكربلائي
...........
اٌمّاهٌ يازهراء اٌمّاهٌ يازهراء
...................

سلام الله على ضلعج   يا أمنه الكلها حنّيه
يخيمه وحزنج يلمنه  بمجالسنه الحسينيه
واليخدمج  صدك عنده   بخت تدعيله يوميه
كريمه واليدك بابج  اكيد الحاجة مكضيه

نورٌ  من العلياء     اٌمّاهٌ يازهراء
اٌمّاهٌ يازهراء       اٌمّاهٌ يازهراء

...................
اذا عافتني كل الناس   اعرفج ما تعوفيني
اذا مره يمرني العوز   فضل خيرج  يغطيني
اذا مر المرض بيّه    يمولاتي تشافيني
اذا عيني غفت مهموم    يجي طيفج يواسيني

ذكرٌ له الاء ...   اٌمّاهٌ يازهراء
اٌمّاهٌ يازهراء    اٌمّاهٌ يازهراء
..................
بعدني بأول اسنيني  وكفت بابج مجدي
كضيت سنيني بس الطم  على ضلعج دمعتي بخدي
سواج بدنيتي خيمه   وحج كلشي ما عندي
على عتابج حياتي  تنتهي  وتبدي

اني لكي بكاء   اٌمّاهٌ يازهراء
اٌمّاهٌ يازهراء  اٌمّاهٌ يازهراء
...................
اذا صار العصر امي   بجفنها تبيني العبره
اكلها شبيج وتكلي    ييمه عصروا الزهرة
اريد تعلم اوليدك على   فاطم يدك صدره
ضلعها المنكسر بالباب ابد ما ينجبر كسره

كسر له اصداء    اٌمّاهٌ يازهراء 
اٌمّاهٌ يازهراء  اٌمّاهٌ يازهراء 

...................
اضمن حزني وتسولف دمعتي بيني وبينج
انكسر ضلعج عصر  بالباب حوافر سحكت حسينج
مثيلج  زينب انسطرت  وصفت حمره مثل عينج
تصيح بيوم عاشوراء   ييمه بعازتج وينج  

حزني لعاشوراء     اٌمّاهٌ يازهراء
اٌمّاهٌ يازهراء          اٌمّاهٌ يازهراء
...........





اللهم صل على محمد وآل محمد

الخاطر فاطمة
اداء :ملا علاء التميمي
الشاعر : قاسم رضا



سلام الله عليها الدمعة ما تجري
الخاطر فاطمة الغيها الفرص كلها
واعاند نفسي وشتطلب افشلها
وإذا شيطاني راد الزهرة تزعل يوم
أوجر گلبي بدموعي التهل إلها
بحماچ انا يم الحسن بحماچ
يا كريمة ومن ضياعي انخاچ
وياچ اعيش ومن اموت وياچ
الغوث ٠٠ مولاتي فاطمة
سلام الله عليها الدمعة إذا تجري
واصير بعين فاطم خادم اشكبري
سلام الله على عمري الي گضيته دموع
إذا مو بالدمع ما ينحسب عمري
ضليت ما اعيش بلا دمع ضليت
وعلى هالچلمة انه تربيت
الغوث ٠٠ مولاتي فاطمة
اهم بس للتريده وغيره ما همني
عدا مجلس عزاها ما يوالمني
واذا أرفض خدمتي ودمي بيه يزيد
تكضني من ايدي مولاتي وترجعني
أماه ٠٠ انا للزهرة صحت أماه
ابنچ لآخر نفس وياه
انسه روحي حسين ما انساه
اماه انا للزهرة صحت أماه
الغوث مولاتي فاطمة
وانه بهلخدمة عاداتي وتقاليدي
فقط لام الحسن حزني وتناهيدي
واذا حان الدمع والمجلس يقيموه
اجيچ وينلغن كلهن مواعيدي
للموت ٠٠ ما افارگ خدمتچ للموت
وارد اصيحنها بعلاة الصوت
اليروي گلب ام الحسن مبخوت
الغوث مولاتي فاطمة