Medical Laboratory

مختبريين وفاتحين مختبرات ويشتغلون تحليل السائل المنوي وهم بعدهم عبالهم ال Viscosity نفس ال Liquification

وبهاي المناسبة الطايح حظها " لا تعليق" لان اذا علقت راح اخسر متابعيني واخلاقي وسمعتي💔
عباقرة الله يسلمهم
.......
@abdiq96

ليس كلما يلمع ذهبا
فقد يأتيك ال 💩 بهيئة حبة سوداء
......
@abdiq96

اسماء المتعينين

استنادا لمصادقة مجلس الخدمة العامة الاتحادي وموافقة السيد وزير الصحة الدكتور صالح مهدي الحسناوي؛
وزارة الصحة تعلن عن اصدار الاوامر الوزارية الخاصة بتعيين الوجبة الثانية من خريجي ذوي المهن الطبية والصحية للعام الدراسي 2022/ 2023 في القوائم المرفقة وحسب الاختصاص في الدوائر المؤشرة إزاء اسم كل منهم مشمولين باحكام قانون التدرج الطبي والصحي رقم 6 لعام 2000 المعدل وحسب القوائم المدرجة بالرابط أدناه
https://moh.gov.iq/?article=14027

منو طلع اسمه يبشرني

واني اتصفح الفيسبوك شفت سؤال من احد الزملاء مثل ما موجود بالصورة كدامكم.

ونزلت اشوف الأجوبة وشفت هذا الجواب(كما في الصورة) لاحد الاشخاص اللي مكمل معهد + تقنية طبية ومتعين بخدمة تتجاوز ال 10 سنوات.

وجوابه بين طن اغلاط ارد عليها:
1- يكول مقاومة الانسولين وهي عدم دخول السكر الى كريات الدم الحمراء!!!!
تخيلوا بس تخيلوا وياي اذا كريات الدم الحمراء تعتمد عالانسولين معناها ماكو انسان عالكرة الارضية عايش!
لان كريات الدم الحمراء تظل على مدار 24 ساعة تشتغل ولازم طاقة مستمرة ولازم انسولين مستمر ما ينزل ابد!
زين من تجوع من تصوم واللي عدهم سكر نوع اول واللي عدهم سوء تغذية هذولي كلهم ما عدهم انسولين معناها الكريات الحمراء تموت معناها البشر يموت!!!


اذن كريات الدم الحمراء لا تحتاج ولا تعتمد على الانسولين لان الناقل مالها GLUT1 وهذا ما يحتاج لانسولين اللي يحتاج فقط ال GLUT4

وبعد اكو خرابيط اخرى مال مقاومة الانسولين البنكرياس ما ينتج كمية كافية!
وبالاخير ختمها بعبارة الانسولين يساعد على حرق الدهون!!
هو اصلا حتى الدهون تنحرق لازم ماكو انسولين!
من اكو انسولين راح يصير عندي خزن دهون
بغيابه يلا يصير lipolysis
......
@abdiq96

اليوم محمد اللامي سألني خوش سؤال عجبني فگلت اجاوبه هنا هم للفائدة:

يريد يعرف شنو هاي الرموز اللي تشبه الأسس اللي هي ° و +

هذني باختصار :
ال ° تعني حذف ويعني ماكو انتاج لجزيئة كاما او الفا او بيتا
واذا تلاحظون بالجدول اكو deletion يعني حذف

اما ال + فتعني اكو إنتاج للجزيئة بس مو كامل جزئي واذا تلاحظون بالجدول اكو
Nondeletion
يعني غير محذوف.
فمثلا عدنا هاي الرموز:
1- β°
هذا يعني حذف كامل للبيتا وماله انتاج
2- β+
تعني انتاج جزئي لبيتا

ونفس الشي وية الألفا
α+

وعدنا بالجدول رموز مركبة يعني شنو؟
يعني مرات عندي حذف جزئي او كلي ببيتا او الفا سوة يعني بجزيئات 2
وهكذا
......
@abdiq96

زين هسه عرفنا الاشياء اللي تزيد امتصاص الصوديوم
ما احد منكم فكر شنو الأشياء اللي تثبط امتصاصه خوما هيج ماله مثبط ؟!

اللي يثبطه هو:
Atrial natriuretic peptide
اللي يفرزه القلب من يحس الضغط صعد
وهذا وين يشتغل ؟
يشتغل هنا نفس ADH

- Collecting tubules الأنابيب الجامعة
- collecting duct القناة الجامعة
- Distal tubules الانابيب البعيدة
......
@abdiq96

توضيح الالتباس بين الفرق الوظيفي بين ال
- Aldosterone & Anti-diuretic hormone (ADH)
اول الألدستيرون شغله الرئيسي على مكانين :
- Collecting tubules الأنابيب الجامعة
- collecting duct القناة الجامعة

وراح يسبب:
- اعادة امتصاص الصوديوم
- طرح البوتاسيوم للبول
- اعادة امتصاص الماء

اما ال ADH فشغله يكون على:
- Collecting tubules الأنابيب الجامعة
- collecting duct القناة الجامعة
- Distal tubules الانابيب البعيدة

وشغله يكون إعادة امتصاص الماء H2O
يعني يمنع خروجه للبول ويحبسه بالجسم.
وبس
......
@abdiq96

الكلى يوميا ترشح 46.8 غرام
وهاي ال 46.8 غرام مو كلهن يروحن للبول لا
23.4 راح يروحن للبول
و 23.4 غرام راح يُعاد امتصاصهن.
للتوضيح بخصوصها:
https://t.me/fiqhalmokhtaber/1224
......
@abdiq96

Osteo = bone
Arthr = joint
Itis = inflammation

So it's inflammation of both joint & bone

الموضوع راح يصعد ترند خلال ساعة

اذا رحتو لمترجم كوكل وانطاكم هاي الترجمة فذبوها بالحاوية وابحثوا بعيد عنه
......
@abdiq96

إمرأة خمسينية تشكو من آلام بالمفاصل قوية
فگالولها السالفة المعروفة خاف عندج روماتيز روحي حللي تحليل روماتيز لان ام خلف جان عدها مثلج مفاصلها توجعها وطلع عدها روماتيز

فالمسكينة راحت عالمختبر :
السلام عليكم اريد تحليل روماتيز عدكم؟
- اي خالة عدنا
One hour later..
- ما عندج روماتيز ال ESR طبيعي

لعد الام المفاصل شنو؟
- اكيد من شغل المطبخ
اي اي كل النهار بالمطبخ اغسل واطبخ
المهم راحت للبيت تكول ما عندي روماتيز وبشرت اختها وجارتها وام زكي وام فتحي اللي دزنها للروماتيز

وتستمر الالام...

لحد ما بالنهاية طلع عدها Osteoarthritis
بهاي الحالة ال ESR و CRP يكونن طبيعيات.

فانبرأ المطبخ من هذه التهمة الظالمة.
وبس 🌚

اما شنو يعني Osteoarthritis فالافضل ابحثوا عنه مو كلشي جاهز لازم🌚
......
@abdiq96

توصيات المجلس الدولي للمعايير في أمراض الدم (ICSH) بشأن جمع عينات الدم لإجراء اختبارات التخثر

Differences between Gaucher cell & Niemann- pick cell

https://imagebank.hematology.org/image/64353/botryoid-neutrophil--in-a-scrub-typhus-case

تم التصحيح وهاي صور اضافية للحالة

Botryoid neutrophil is subtype of hypersegmented neutrophils with more distinctive appearance

الي يعانون من قصر نظر خادم لعيونكم

هذا جدول سويته الكم مجرد توضيح بسيط حول الإختلافات بين

(APTT, PTT, PT, INR, D dimer )

#معلومة_حيل_سريعة
اذا صار كسل بمنطقة تحت المهاد hypothalamus
كل الهرمونات راح تنزل باستثناء هرمون الحليب ال prolactin راح يصعد.
......
@abdiq96