لُطف"الشيماء"❤

انت مش محتاج تغير اللي فات انت محتاج تركز فـ اللي جاي.♡

خدها قاعدة فـ حياتك واعتبرها بداية جديدة ليك ، انك دايماً تركز فـ حياتك اللي جايه ، تركز فـ شخصيتك واسلوب حياتك ودراستك وشغلك والناس اللي موجودين فـ حياتك..

لكن سيبك من اللي فات دي دروس بنتعلم منها عشان منغلطش نفس الغلط تاني ، دروس تقوينا وتشجعنا نكمل حياتنا فـ ركز فـ اللي جاي وبس ده الاهم.🥰
لـ شيماء عبد الرحيم توفيق

جروب لكل حاجة لطيفة 💕
كل يوم هنقدم نصيحة تبدأي بيها يومك ، ومعلومة تفيدك فـ حياتك وهنشجع بعض ع الاذكار والورد🥹💕
كل جمعه هنفتح الجروب ونشارك بعض اسبوعنا قضيناه ازاي..💕
وكل اربع هنعمل مساعدة بسيطة لاصحاب المشاريع الاونلاين ونعملهم شير وندعمهم 🥰🥰
جروب واتساب فقط وللبنات بس اللي عايزه تدخل تبعتلي
@shaimaa388

مساء الفل عليكم وحشتوني جدا جدا بما ان السنه بتخلص خلاص فـ حبيت ارجع تاني ونبدأ سنه جديدة مع بعض فـ اي رائيكم هنزل لينك الصراحه واي اسأله حبين تعرفوا اجابتها او فضفضه حبين تقولوها ليا
وعايزاكم تقولولي مواضيع اكتب بوستات عندها واعمل سيشن عنها ❤️❤️❤️❤️
http://shosho333ddd.sarhne.com

النهاردة بداية شهر جديد وأحلي حاجة ان بدأنا بيوم كله بركة وخير عشان كده استغل اليوم كويس اوي علي قد ماتقدر.🥰

اقعد مع نفسك واعمل خطة بسيطة للشهر ماينفعش ابداً يعدي عليك يوم وانت مش عارف مهمتك ايه فيه وهتسيب بصمة فيه ازاي..♡

جهز نفسك لو بقالك كتير مصلتش اعتبرها بداية ليك من قربك لربنا وحضر نفسك لصلاة الجمعه وجهز ادعيتك وسبحتك وسجادة الصلاة وماتنساش تصلي فـ الجامع وادعي ربنا باللي نفسك فيه.♡

قضي اليوم مع عيلتك ومتقطعش صلة الرحم ابداً وفرحهم بحاجة حتي لو بسيطة عشان تفتكر اليوم ده انك كنت سبب فـ فرحة غيرك.♡

طلع صدقه فـ اليوم عشان تحس ببركة اليوم وانك عملت خير النهاردة ونهيت اليوم بالخير.🥰🥰

ومش بس النهاردة كل يوم خليك سبب فـ فرحة غيرك سواء بكلمه طيبة أو بمساعدة أو بصدقة ، وماتنساش أهلك أول ناس لازم تساعدهم.♡
يلا جهز خطتك واستقبل الشهر الجديد بوعد مع نفسك انك هتتغير للأحسن.♡
لـ شيماء عبد الرحيم توفيق

مساء الخير ♡

اتمسك دايماً باللحظات الحلوة فـ حياتك والإيجابية ، كلنا بيعدي علينا أوقات حلوة وبنفرح فيها لكن بنفضل نفكر دايماً فـ المواقف السلبية وتبدأ تحس ان الدنيا صعبة وجاية عليك..

بالعكس الدنيا جميلة اوي بس عايزه حد يقدر النعم اللي عنده ، عايزاك تشكر ربنا علي كل حاجة صغيرة فـ حياتك علي كل مره خرجت من مواقف كتير مكنتش متخيل انها تعدي.🥰🥰🥰🥰

العمر بيتعاش مره واحده بس نعيشه صح واحنا مبسوطين ومش شايلين هم حاجة ونحمد ربنا حتي لو مضغوطين.♡
لـ شيماء عبد الرحيم توفيق

مساء الخير ♡
اكتر حاجه ممتعة فـ الحياة انك تدي نفسك فرصة تفهم نفسك ، تفهم انت بتحلم بإيه وبتحب ايه وبتكره ايه مش لازم تعرف كل ده فـ وجود شخص فـ حياتك وتقول هو اللي هيعرفني بحب ايه وبكره ايه وهو اللي هيغيرني للأحسن..

ايه المشكلة لما تبدأ انت تغير نفسك ايه المشكلة لما تعمل كل حاجه بتحبها وتجرب حاجات مختلفة عن شخصيتك بس هتفرحك..

لما تعرف أهدافك ماتبقاش تايه فـ الحياة ومش عارف انت عايز ايه ، زي مابتسمع أهداف غيرك وبتساعده ينجح فيها ساعد نفسك انت ، زي مابتحاول تفرح غيرك وتحب تشوف فرحته خليك حابب تشوف فرحتك انت كمان زي مابتنصح غيرك انه يتغير للأحسن انت كمان انصح نفسك وغير من نفسك للأحسن.🥰

صدقني لو هتفضل تصلح حياة غيرك هيجي الوقت اللي هتلاقي نفسك معملتش اي حاجة فـ الدنيا دي وغيرك حقق أحلامك فـ ابدأ من دلوقتي شوف نفسك واهتم بنفسك.♡

لـ شيماء عبد الرحيم توفيق

مساء اللُطف💗💗💗

" الخميس الونيس " 🥰

عود نفسك تختار يوم فـ الاسبوع تفصل فيه ، من حقك كإنسان انك تختار راحتك وتفصل شويه من شغلك ودراستك حتي لو مجرد ساعه.♡

روق علي نفسك وخدلك بريك واختار الحاجه اللي بتحبها خروجة بسيطة مع نفسك أو صحابك أو أكله من ايدك وتتجمع مع عيلتك فـ سهره لطيفة ، اقرأ حاجه تخليك تفصل شويه أو اسمع بودكاست يريح أعصابك.🥰🥰

بلاش تيجي ع نفسك وتقول راحتي بعدين لان ساعتها مش هتعرف ترتاح ابدا وهتحس ان شغلك ودراستك سببلك اكتئاب وبذلت مجهود كبير ونسيت نفسك.♡
لـ شيماء عبد الرحيم توفيق

مساء الخير♡
مافيش أحسن وأجمل من انك تخلق عالم خاص بيك ، بمعني انك تبعد عن اي حاجة تسببلك تشتت ، ابعد عن الناس المحبطة.

بطل تقارن نفسك بأي حد ناجح بالعكس انجح انت كمان أنت مش قليل ، يوم ماتفكر فـ حاجة فكر فـ مستقبلك ونجاحك ويومك هتعمل ايه فيه اوعا تفكر ده قال ايه وده حياته ماشيه ازاي عشان ربنا يكرمك.🥰

خليك مرتاح وعقلك صافي من اللي حواليك خليك فـ العالم بتاعك انت وبس ابسط نفسك اتعلم حاجات جديدة عشان نفسك افصل من كل حاجه ماتركزش مع حد عشان متخسرش كتير فـ حياتك بسببهم.♡

روق علي نفسك وخدها تحدي مع نفسك انك مش هتفكر فـ اي حاجة وحشه هتفكر بس فـ انك تخلق عالم جديد لنفسك وناجح.♡

لـ شيماء عبد الرحيم توفيق

♡.

أفضل حاول لحد ماتوصل♡

خلي الجملة دي دايماً فـ بالك ، كلنا عندنا أحلام نفسنا نحققها وننجح فيها لكن كُل حاجه مابتجيش بالساهل محتاجة صبر منك ومحتاجة محاولة مره واتنين وعشرة.🥰

علشان كده أوعا فـ يوم تستسلم وتقول كفاية محاولة لاء ، قول أنا هفضل أحاول قدام ربنا واتعب علشان ربنا يساعدني أحقق اللي نفسي فيه.♡

هتقابل مشاكل كتير بس المشاكل بتعلم ، هتسمع كلام سلبي كتير بس اتعلم التجاهل ماتسمحش لحد يقلل من أحلامك ابداً واسعي واعمل اللي عليك وأفضل حاول.♡
لـ شيماء عبد الرحيم توفيق

🥹💜💜

صباح الخير ♥️

فـ كامب هيتعمل قريب يوم 29/10 هيكون لمدة شهر وفيه مميزات كتير..
زي هنتعلم مهارات جديدة سوا ، هنتعلم نذاكر سوا وهيكون فـ متابعة وامتحانات.
وهيكون فـ جلسات لايف كوتش هيتعملك ومتابعة يوميه وهنضيف عادات ايجابية سوا ، اللي حابب ينضم يبعتلي برايفت.😍❤️❤️
@shaimaa388

" الكلمة الطيبة صدقة " ♡

نصيحة منك بسيطة تقدر تقدمها لغيرك بطريقة لطيفة ممكن تكون سبب فـ تغيير كبير فـ حياتة..

أو تشجيع لحاجة بيقدمها أو إنجاز حتي لو بسيط هتكون سبب كبير فـ فرحته وهيشتغل علي نفسه أكتر.🥰🥰

عشان كده متعتمدش فـ حياتك علي اسلوب الانتقاد وبس بالعكس الانتقاد ممكن يسبب ألم لغيرك ، أو يظهر مشاكل نفسيه بسببك فـ نصيحة مني ليك حب الخير لغيرك عشان ربنا يرزقك خير أكتر وأكتر..

لما تشوف حد بينجح شجعه وقويه ربنا هينجحك أضعاف نجاحه ، لما تلاقي حد محتاج دعم بكلمه حلوه متقصرش ابداً ، لما تحس ان فـ حد مش كويس وتعبان نفسيا خليك جمبه حتي لو مش هتعرف السبب بس حاول تفرحه كل ده هيرجع ليك خير وكرم من ربنا..♡
لـ شيماء عبد الرحيم

Channel photo updated

ليه لازم تخلي يوم الجمعة مفضل ليك.♡

لأن يوم الجمعة هو أفضل الأيام بدليل قوله صلى الله عليه وسلم : خير يوم طلعت عليه الشمس يوم الجمعة فيه خلق آدم, وفيه أدخل الجنة, وفيه أخرج منها, ولا تقوم الساعة إلا في يوم الجمعة.

عشان كده أوعا تضيع اليوم ده بشوية أفكار بسيطة تقدر تخليه مميز عندك وتكسب حاجات كتير منه.🥰🥰

—بخر بيتك وشغل قرآن وأذكر الله دايماً.♡

— جهز الاوتفيت بتاعك لصلاة الجمعة وحافظ دايماً علي الصلاة.

— ماتسبش سبحتك ابداً 🥰

— خلي دايما اليوم ده لصلة الرحم اسأل علي حبايبك وقرايبك واتجمع مع عيلتك.🥰

ماتضيعش ولا وقت من اليوم ده وراجع نفسك واكتب لنفسك خطة جديدة تبدأ بيها اسبوع جديد ونشيط ، واعمل دايماً الصالح ليك عشان يبقي ليك مكان فـ الجنة.♡
لـ شيماء عبد الرحيم توفيق.

Live stream finished (49 minutes)

Live stream started

مساء الفل النهاردة سيشن استعدادات الجامعة فيها كل حاجه تخص الدراسه والجامعة اجهزوا لانها هتبدأ دلوقتي ❤️

حضرت سبلايز الجامعة ولا لسه ! 😌

لو لسه محضرتك نفسك لخطوة جديدة فـ حياتك ، يلا بيتا نحضرها ونرتبها سوا..🥰

كل اللي مطلوب منك خطوات بسيطة أوي تنفذها عشان تبدأ مرحلة جديدة فـ حياتك.♡

عشان كده جهز نفسك فـ دردشه بسيطة عن استعدادات الجامعة مع كوتش / شيماء عبد الرحيم.

ع قناة التليجرام الساعه 7 مساءا الجمعه 27/9

https://t.me/lotf266
وماتنسوش الشير عشان صحابكم يستفادو.🥰

وده بوست السيشن ياريت تعملوا كومنتات عليه تشجعوني ♥️
https://www.facebook.com/share/eHP43Nrwtioo6LkH/?mibextid=oFDknk

صباح الخير عليكم يارب يومكم يكون لطيف زيكم.🥰🥰🥰

لو لسه مبعتش الـفيدباك السيشن اللي عملتها هستني تبعتها عشان انزلها اسكرين للبوست عندي ع الاكونت هكون ممتنه ليكم وهحب احتفظ برائيكم. ، وان شاء الله هنزلكم بوستات وكورسات مهمه اوي وهنعمل سيشن كتير.❤️❤️❤️

هستني رائيكم وفيدباك هنا ابعتولي برايفت.🥰
@shaimaa388

اتمني تكون السيشن عجبتكم هستني الفيدباك بتاعتكم عشان انزله عندي ع الاكونت.❤️❤️

وان شاء الله اعملكم سيشن كتير تستفادو منها 🥰🥰
ابعتولي هنا.
@shaimaa388

Live stream finished (1 hour)