Limited 10 પોસ્ટ✍

12/06/2022

11/06/2022

🌈 *વિકેન્ડ એકસ્ટ્રા પોસ્ટ* 🌈

*ઉડતા પંજાબની ગેંગવોરે પ્રખ્યાત યુવાન ગાયક સિદ્ધુ મૂસેવાલાનો ભોગ લીધો...!!!*

*ઉત્સવ-* રવિવાર પૂર્તિ
લેખક:- ✒ *અભિમન્યુ મોદી*
https://m.facebook.com/abhimanyu.modi.7

સિદ્ધુ મૂસેવાલાનું નામ ન સાંભળ્યું હોય તો એટલું જાણી લેવું જરૂરી છે કે તે ભારતીય જુવાન ઇન્ટરનેશનલ સ્તર પર ખ્યાતિ પામેલો ગાયક કલાકાર હતો. આ પંજાબી મુંડો કેનેડિયન બિલબોર્ડના ચાર્ટ પર બિરાજમાન હતો, તેણે ૨૦૧૯માં યુનાઈટેડ કિંગ્ડમના સિંગલ્સના ચાર્ટમાં મોભાદાર સ્થાન મેળવ્યું હતું અને અમેરિકાના પ્રખ્યાત મીડિયા હાઉસ ધ ગાર્ડિયને તેનું નામ પચાસ આશાસ્પદ ગાયક કલાકારોની સૂચિમાં મૂકીને તેનું સન્માન કર્યું હતું. તેનાં દસ ગીતો યુકે એશિયન ચાર્ટમાં સામેલ હતાં. તેનું એક ગીત ‘બમ્બિહા બોલે’ યુટ્યુબના ગ્લોબલ મ્યુઝિક ચાર્ટમાં આગળ પડતું હિટ હતું. તેણે રિલીઝ કરેલા ટ્રેક બ્રિટન, કેનેડા સિવાય ન્યુ ઝીલેન્ડના હોટ ચાર્ટ્સમાં પણ સ્થાન મેળવતા. તો આ સિદ્ધુ મૂસેવાલા ઓરકેસ્ટ્રા પ્રોગ્રામ આપતો સાધારણ ગાયક નહોતો. સફળતાનાં નવાં નવાં શિખરો સર કરી રહેલો સુપરહિટ પંજાબી સિંગર હતો.

મૂસેવાલા તો તેણે અપનાવેલું નામ છે. આ કમનસીબ યુવાનનું સાચું નામ શુભદીપ સિંહ સિદ્ધુ. તેનું વતન મૂસા નામનું ગામ. પોતાના વતનની યાદમાં તેણે તેનું નામ સિદ્ધુ મૂસેવાલા કર્યું અને તે મૂસેવાલા તરીકે જ બધે પ્રખ્યાત થયો. પંજાબી મ્યુઝિક અને પંજાબી સિનેમામાં તેનો સિતારો ચમકી રહેલો. તે પોતે રેપર હતો, ગીતો પણ લખતો, અભિનય પણ કરતો. તેની સાથે તે નેતા પણ હતો. મોટા ભાગના ગાયક કલાકારો પોલિટિક્સથી કે પોલિટિકલ કમેન્ટ્સ કરવાથી દૂર રહેતા હોય છે. (સોનુ નિગમ જેવા અપવાદો તો બધે હોય!) મૂસેવાલા તો પોતે સક્રિય રીતે રાજકારણમાં પડ્યો. આ તેની ભૂલ હતી કે નહિ તે ટિપ્પણી આપણે ન કરી શકીએ, પરંતુ પંજાબનું રાજકારણ બાકીના દેશ કરતા જુદું છે. પંજાબ હવે ઉડતા પંજાબ તરીકે ઓળખાય છે. ડ્રગિસ્તાનની સાથે તે ગેંગિસ્તાન પણ બની ગયું છે. પંજાબમાં પબ્લિક ફિગર બનીને નેતા બનવું એટલે અમુક અંશે જીવને જોખમમાં મૂકવો એવું કહી શકાય.

ગયા રવિવારની ઢળતી બપોરે સિદ્ધુ મૂસેવાલા પોતાની ગાડીમાં બોડીગાર્ડ વિના નીકળ્યો. તે બોડીગાર્ડ વિના નીકળ્યો તેમાં તેના પપ્પાને ચિંતા પણ થતી હતી. અડધે રસ્તે તેની ગાડી પર ગોળીબાર થયો. અજાણ્યા હત્યારાઓએ ચોવીસ કરતાં વધુ બુલેટના રાઉન્ડ છોડ્યા. મૂસેવાલાને ચોવીસ જેટલી ગોળીઓ વાગી. તેને હોસ્પિટલ પહોંચાડ્યો તેવો તરત ડોક્ટરોએ તેને મૃત ઘોષિત કર્યો. મૂસેવાલાની હત્યા પછીના તેની ગાડીના ફુટેજ, તેની ગાડીનો પીછો કરતી હત્યારાની ગાડીના ફુટેજ, લોરેન્સ બિશ્ર્નોઈ નામના ગેંગસ્ટરની સંડોવણી અને પરિણામ સ્વરૂપ સલમાન ખાનની સિક્યોરિટીનું વધવું વગેરે વગેરે છાપાં, મીડિયા, વોટ્સએપમાં આવી ગયું છે, પણ મૂસેવાલા શું છે અને પંજાબમાં આવી ગેંગવોરનું કલ્ચર કેમ ફૂલ્યુંફાલ્યું છે એ સમજવા મૂસેવાલા અને બિશ્ર્નોઈનો ભૂતકાળ જોઈએ.

૨૦૦૮ની વાત છે. સિદ્ધુ મૂસેવાલાની હત્યામાં જેનું સીધું નામ લેવાય છે તે હેન્ડસમ પણ ગેંગસ્ટર જેવો લોરેન્સ બિશ્ર્નોઈ હરિયાણા પોલીસ કોન્સ્ટેબલનો પુત્ર છે. તે ૧૫૦૦ મીટરની રેસ માટે તૈયારી કરતો. તેને એથ્લીટ બનવું હતું. પંજાબ યુનિવર્સિટીમાંથી કાયદાનો અભ્યાસ કરનારા આ યુવાનમાં પંજાબને મોટી સ્પોર્ટ્સ ટુર્નામેન્ટમાં એથ્લેટિક્સ કેટેગરીમાં રિપ્રેઝન્ટ કરવાની હોંશ હતી. ભણવામાં અને પ્રેક્ટિસ કરવામાં તે નિયમિત હતો. સિદ્ધુ મૂસેવાલાની હત્યાના કેસમાં જે બીજા એક ગુંડાનું નામ બહાર આવ્યું છે તે સંપટ નેહરા છે, જે લોરેન્સ બિશ્ર્નોઈનો મિત્ર હતો અને તે બંનેની દોસ્તી ઘણાં વર્ષો સુધી ચાલી. નેહરા અને લોરેન્સનું નામ કોલેજમાં પણ સાથે લેવાતું અને પછી પોલીસ રેકોર્ડમાં પણ તેનું નામ સાથે જ નોંધાયું. (ગેહરી દોસ્તી!) સ્ટુડન્ટ્સ ઓફ પંજાબ યુનિવર્સિટીનો તે સભ્ય હતો.

આ બંને સ્પોર્ટ્સપર્સને પંજાબ કે ભારતનું નામ રોશન કર્યું હોત જો તેની કોલેજમાં પોલિટિકલ મૂવમેન્ટ શરૂ ન થઈ હોત તો. તે બંનેનું ધ્યાન ફંટાયું અને કોલેજના પોલિટિક્સમાં ભાગ લેવા માંડ્યા. પંજાબ યુનિવર્સિટી સ્ટુડન્ટ્સ યુનિયનની ચૂંટણી વખતે લોરેન્સ બિશ્ર્નોઈએ એક પ્રતિસ્પર્ધીને માર્યો હતો. ત્યારે તેને પહેલી વખત જેલ થઈ હતી. એના પછી તેનું નામ પોલીસના ચોપડે નિયમિતપણે નોંધાતું રહ્યું. એક આશાસ્પદ એથ્લીટ ગેંગસ્ટર બની ગયો. બે-ત્રણ મહિના જેલમાં રહ્યા પછી લોરેન્સ જેવો બહાર નીકળ્યો એવો તરત તેણે સ્ટુડન્ટ્સ ઓફ પંજાબ યુનિવર્સિટી પર કબજો જમાવી લીધો. પછી તો કેમ્પસની અંદર બબાલ થવી સામાન્ય બની ગઈ. લોરેન્સની નાના-મોટા ગુનાઓમાં જેલમાં આવનજાવન પણ સામાન્ય થઈ ગઈ. ૨૦૧૦માં લોરેન્સ પોતે ચૂંટણીમાં ઊભો રહ્યો. નેહરા તેનો જમણો હાથ બન્યો. ગોલ્ડી બ્રાર કેનેડાથી લોરેન્સની બધી ગતિવિધિઓને પ્રોત્સાહન આપતો. આ ત્રણેય અત્યારે સિદ્ધુ મૂસેવાલાની હત્યામાં શકમંદો છે. ચૂંટણીમાં આ ગુંડા ત્રિપુટી હારી ગઈ.

અસંસ્કારી એવા આ ત્રણેએ ભેગા મળીને વિજેતા ઉમેદવારના પગ કાપી નાખ્યા. લોરેન્સે પોતાના ડરનું સામ્રાજ્ય પંજાબની કોલેજોમાં સ્થાપી દીધું. તેના પછીની ચૂંટણી લોરેન્સ જીત્યો. પંજાબની કોલેજોમાં ભણવાને બદલે ગુંડાગર્દીનું પ્રમાણ વધી ગયું. કોલેજ કેમ્પસોમાં લડાઈઓ સામાન્ય થઈ ગઈ. એક લડાઈમાં બિશ્ર્નોઈ, બ્રાર અને તે બંનેના બીજા ચાર ચમચાઓએ મળીને અવતાર નામના એક યુવાનને ગોળીથી મારી નાખ્યો. તે બ્રાર અને બિશ્ર્નોઈનું પહેલું ખૂન હતું.

દિલ્હીમાં ગોગીની ગેંગ હતી. જિતેન્દર ગોગી વોલીબોલ પ્લેયર હતો. ૨૦૦૮માં તેનો હાથ ભાંગી ગયો. વોલીબોલમાંથી તે ખૂનખરાબા અને સ્ટુડન્ટ પોલિટિક્સ બાજુ ફર્યો. તે પોતાની કોલેજ પૂરી કરે એ પહલાં તેની બેઠક ગુંડાઓ સાથે થવા લાગી હતી. ૨૦૦૮થી ૨૦૧૨ સુધીમાં તે ત્રણ વખત જેલ જઈ આવ્યો હતો. ૨૦૧૩માં ગોગીને તેનો બાળપણનો મિત્ર તિલ્લુ મળ્યો. તિલ્લુ અને ગોગીને ફાવતું નહિ. ધીમે ધીમે વિદ્યાર્થી રાજકારણમાંથી તિલ્લુ અને ગોગીની ગેંગ બની. તે બંને દિલ્હીના ક્રાઈમ નેટવર્કનો ભાગ બની ગયા. દિલ્હીનો એક મોટો ગુંડો કુલદીપ ફૈજા પણ ગોગીના સંપર્કમાં આવ્યો. હવે ગોગીનું ગેંગસ્ટર તરીકે કદ વધતું ગયું. પોલીસના ગોળીબારમાં ફૈજાનું ગઈ સાલ મૃત્યુ થઈ ગયેલું. બારેક જેટલા લોકો ગોગી અને તિલ્લુ ગેંગની લડાઈને કારણે માર્યા ગયા હતા. તે બંને પંજાબના ગેંગસ્ટરની જરૂર પડ્યે મદદ લેતા.

પંજાબ પોલીસે જેવું જાહેર કર્યું કે સિદ્ધુ મૂસેવાલાની હત્યામાં ગોલ્ડી બ્રાર અને લોરેન્સ બિશ્ર્નોઈની સંડોવણી છે એવો તરત એક ટેલિગ્રામ અકાઉન્ટમાં તિલ્લુ તરફથી મેસેજ આવ્યો, અમે બદલો લઈશું, મૂસેવાલાના આત્માને શાંતિ મળે. તો હવે આ પંજાબ અને સેંકડો કિલોમીટર દૂર રહેલા દિલ્હીની ગેંગો વચ્ચે મૂસેવાલાની હત્યા પછી આવી દુશ્મની કેમ? પોલીસનું માનવું છે કે દિલ્હીની ટોપની ક્રાઈમ સિન્ડિકેટમાં પોતાનું વજન વધારવા માટેની આ બધી હરકતો છે. ૨૦૧૩ સુધીમાં દિલ્હીની ગુનાખોરીના વિશ્ર્વમાં નીરજ બાવના અને નીતુ ડબોડિયાનું રાજ હતું. પોલીસ એન્કાઉન્ટરમાં ડબોડિયાનું મૃત્યુ થયું અને બાવનાની ૨૦૧૫માં ધરપકડ થઈ.

૨૦૧૫ સુધીમાં લોરેન્સ પંજાબમાં મોટો ગેંગસ્ટર થઈ ગયો. દવીન્દર બમ્બિહા તેનો દુશ્મન હતો. તે બંને ગેંગ વચ્ચે દારૂ અને રિયલ એસ્ટેટના ધંધા પર રાજ કરવા માટે દુશ્મનાવટ વધતી ગઈ. દિલ્હીમાં ગોગી અને તિલ્લુ બંનેનું મહત્ત્વ વધતું ગયું. ૨૦૧૬માં લોરેન્સે દિલ્હીના ગેંગસ્ટર સંદીપ કાલાને ફોન કર્યો. લોરેન્સને એની ધાક દિલ્હી સુધી બેસાડવી હતી. લોરેન્સ ત્યારે અજમેરની જેલમાં હતો. અજમેર જેલના કોઈ અધિકારીના ફોનમાંથી ગોગી, લોરેન્સ અને સંદીપ કાલા વચ્ચે વાત થઈ. સંદીપ કાલા ત્યારે દિલ્હીની તિહાડ જેલમાં હતો! હવે પંજાબ અને દિલ્હી વચ્ચે બે ગેંગોનાં ગ્રુપ બન્યાં. લોરેન્સ બિશ્ર્નોઈ, સંદીપ કાલા, ગોલ્ડી બ્રાર અને જિતેન્દર ગોગી એક થયા. તિલ્લુની સાથે બમ્બિહા અને હરિયાણાનો ગેંગસ્ટર કૌશલ રાણા જોડાયા. ગોગીનું ૨૦૨૧માં ખૂન થઈ ગયું અને સંદીપ કાલા પણ ગયા વર્ષે ઝડપાઈ ગયો. આ બધા ગેંગસ્ટરમાંથી ત્રણેક જણે ૨૦૨૧માં અકાલી યુથની પાંખના નેતા વિક્રમજિત સિંહની હત્યામાં હાથ હોવાનું કબૂલ્યું. હવે આ વિક્રમજિત સિંહના પંજાબી મ્યુઝિક ઇન્ડસ્ટ્રીમાં ઘણાં કનેક્શન હતાં. મૂસેવાલાને બમ્બિહા ગ્રુપ સાથે સારું બનતું. મૂસેવાલાને વિક્રમજિતના ખૂન વિષે અને બીજી ગેંગ વિશેની અંગત માહિતી ખબર હતી. માટે જ લોરેન્સે જેલમાં બેઠાં બેઠાં મૂસેવાલાનું ખૂન કરાવ્યું એ બનવાજોગ છે. હવે તો પોલીસ અને કોર્ટ તપાસ કરશે. આખો મામલો બહાર આવી શકે અથવા તો થોડા દિવસોમાં આ મામલો ભુલાઈ જશે એવું પણ બને.

હવે વાત કરીએ મૂસેવાલા જેની હત્યાએ પંજાબ-દિલ્હીની ગેંગવોરને ઉઘાડી પાડી. આ મૂસેવાલાને સતત બોડીગાર્ડ કેમ સાથે રાખવા પડતા? તે સિંગર તરીકે આટલો સફળ છે, પરંતુ તે ક્યારેય વિવાદોથી પર રહી શક્યો છે? ના. તેણે તેનાં ગીતો દ્વારા બંદૂક રાખવાની વૃતિને પોષી છે. શીખ ધર્મનું એક બહુ પવિત્ર અને પૂજનીય પાત્ર એટલે માતા ભગ કૌર. તેના નામનો તેણે તેના ગીતમાં અયોગ્ય રીતે ઉપયોગ કર્યો હતો ને પછી માફી માગવી પડી હતી. તેનાં ગીતોના શબ્દો પણ ભડકાવનારા હતા. ગન કલ્ચરને તો તેણે બહુ પ્રમોટ કરેલું. તેણે આડકતરી રીતે ખાલિસ્તાની ચળવળ અને ભિંદરાનવાલેને પણ સપોર્ટ કરેલો. મૂસેવાલા ગેંગસ્ટરની હિંસક દુનિયાથી અળગો ન રહી શક્યો. આપણા દેશના આવા ઘણા યુવાનો કરીઅર બનાવવાને બદલે, પોતાના કુટુંબનું કે ભારતનું નામ રોશન કરવાને બદલે આ પ્રકારની પ્રવૃત્તિઓમાં રચ્યાપચ્યા રહે છે.

*Source :* http://www.bombaysamachar.com/
----------------------
ટીમ
✍🏼
*Limited 10 પોસ્ટ* વતી
સુભાષ ગંઢા

(આ પોસ્ટ *કોપી રાઈટ* આરક્ષિત હોવાથી તેના લખાણ માં કોઈ ફેરફાર ન કરવો)

[85 ગ્રુપ, 18000 જેટલા વાંચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારું *Limited 10 ✉ પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*
વોટ્સએપ: 07041143511
ટેલિગ્રામ:
https://t.me/limited10post

એટલે દલખાણીયાની પોસ્ટ તો પી આઈની હતી પણ એનો પાવર આઈ જી જેટલો હતો. જયારે પણ કોઈ નવા એસ પી આ જીલ્લામાં મુકાઈ એટલે એના સસરા ભલામણ કરી દે કે મારો જમાઈ ત્યાં પી આઈ માં છે એટલે સાચવી લેજોને. એટલે ગમે તે એસ પી કે ડી વાય એસ પી આવે એટલે શરૂઆતમાં જ બધાની રિમાન્ડ લેવાઈ જાય પણ એમાંથી એક માત્ર આ પી આઈ દલખાણીયાને કોઈ કશું ન કહે એટલે એ ફાટીને ધુમાડે ગયો હતો. વિલભાઈ નીચે એક ખૂણામાં માથું મોઢું કરીને બેઠો હતો. એનું વિડીયો રેકોર્ડીંગ થઇ ગયું હતું. એફ આઈ આર ફાટી ગઈ હતી. ગુનાને સબંધિત તમામ કલમો અને પેટા કલમો પુરાવા સાથે લગાડવામાં આવી હતી. આ બધી વસ્તુની દલખાણીયાને જાણ નહોતી. એને તો ફક્ત હોટેલ સ્ટારકિંગ વાળાનો ફોન આવ્યો હતો. આ ધમાલ થઇ અને હોટેલ સ્ટારકિંગ વાળો ત્યાંથી નીકળ્યો હતો એણે જોયું કે નવા આવેલા પી એસ આઈના હાથે વિલભાઈ ઝુડાઈ રહ્યા છે અને જેઠાલાલ વિલભાઈની રીક્ષા લઈને પોલીસ ચોકીમાં ગયા છે. ત્યાં જઈને રીક્ષામાંથી બધી જ પેટીઓ પોલીસ એક ટેબલ પર ગોઠવીને એની સાથે વિલભાઈનો ફોટો પણ પાડવામાં આવ્યો છે એટલે હોટેલ સ્ટારકિંગ ના માલિકે તરત જ પી આઈ દલખાણીયાને ફોન કર્યો કે તમે જલ્દી આવો આ નવો આવેલ પી એસ આઈ ભેખડે ભરાઈ જશે. એ કોના માણસને પકડે છે એની એને જરા પણ ગતાગમ નથી પછી રેલો આવશે ને ભોગાવો થઇ જશે તો પછી કયારેય નહી ભેળું થાય એટલે વાત આગળ વધે એ પહેલા પતાવી. પી આઈ દલખાણીયા એની ફેવર કરતો જોઇને વિલભાઈને લાગ્યું કે કદાચ હવે મામલો ઉકેલાઈ જશે. પણ જાહેરમાં એની આબરૂ આણે કાઢી નાંખી છે આ ચોકડી પર હવે નીકળ્યા જેવું નથી રહ્યું. એ વિચાર કરતો રહ્યો અને આ બધી જ પરિસ્થિતિમાં પણ સાવ નિર્લેપ રહેનાર પી એસ આઈ કરણ એકદમ વિનમ્ર સ્વરે બોલ્યો.
“ સર ચા સાથે નાસ્તો લેશો કે આપના માટે કોફી બનાવું. સર અહિયાં જ આપણે પર્સનલ કેન્ટીન પણ બનાવી છે. કદાચ આપ કોઈ હોટેલનું ન ખાતા હો તો આ ઘર જેવું જ છે. તમે કહો એ નાસ્તો પણ ગરમાગરમ બની જશે. વણેલા ગાંઠિયા , ચંપા કળી, રતલામી સેવ ફાફડા પણ બની જાય બોલોસાહેબ તમે જે બોલો એ પંડિત હમણા દસ મીનીટમાં બનાવી દેશે” પી એસ આઈ કરણે અભૂતપૂર્વ સ્વસ્થતા બતાવીને પી આઈ દલખાણીયા સામે જેમ વેવાઈ ની સામે જોતો હોય એવા હાસ્ય સાથે વાત કરી.
“ ડફોળ તને એક વાર કહ્યું એમાં નથી સમજાતું કે હું અહિયાં એવું આચર કુછર ખાવા નથી આવ્યો. તને સાવ શરમ જેવી જાત છે કે નહિ મારી સામે આટલી ઘડી કોઈ ટકી પણ ના શકે. પેન્ટ પલળી જાય શું સમજ્યો. ચલમારે નીકળવું છે આને છોડી દે અને તારા કોન્સ્ટેબલને કહે જે પેટીઓ તે એની રીક્ષામાંથી બઠાવી છે એ મારી જીપમાં મૂકી દે હા તારે પીવા જોતી હોય એકાદ પેટી તું રાખી લે જે. તે આવું ન કર્યું હોત તો પણ તને ભાગે ભળતું મળી જાત..તારે મને મળવા આવવાનું હોય પણ હવે તને ત્રણ મહિના કશું જ નહિ મળે શું સમજ્યો અહિયાં પોલીસોનો એક કોમન રૂલ્સ છે. માની લે કે કે એક યુનિયન જેવું જ. કોઈ એનાથી અવળું હાલે તો ત્રણ મહિના સુધી એ નાત બહાર મુકાઇ જાય શું સમજ્યો જે કીધું એ કર્ય હાલ “ પી આઈ દલખાણીયાએ હાથમાં ચપટી વગાડતા વગાડતા બોલ્યો.
“ સાહેબ હવે એ મારા હાથની વાત નથી.આપણું કામ ગુનેગારોને પકડવાનું છે છોડવાનું નથી. છોડવાનું કામ કોર્ટનું છે. એફ આઈ આર ફાટી ગઈ છે. સાક્ષીઓના નિવેદનો લેવાઈ ગયા છે. મારી પાસે આ નંગને પકડવાના પૂરતા પુરાવા પણ છે કારણ કે આ નગ પાસેથી વિદેશી દારૂના છન્નું નંગ પકડાયા છે. નજરે જોવા વાળા પણ અછે અને આ નંગની કબુલાત પણ છે મારી પાસે એણે આ બધું શું કામ કર્યું એ પોતાની જીભે જ કબુલે છે. એફ આઈ આર નંબર લગાવી દીધો છે મોટા સાહેબ હવે એ નહિ છૂટે.. કોર્ટ કદાચ એને છોડી દે પણ કોઈ પોલીસવાળાની તાકાત નથી કે અત્યારે એને કોઈ છોડાવી શકે” પી એસ આઈ કરણે બહુ જ કડકાઈ સાથે શાલીનતા સાથે વાતચીત કરી હવે એના ચહેરા પર હાસ્ય નહોતું પુરેપુરી ગંભીરતા હતી.
“ કોને પૂછીને તે એફ આઈ કરી હોકા છાપ? તને તાલીમમાં આવું શીખવાડેલું છે? ગમે તેને રસ્તે હાલતા મળે એને પકડીને સીધી એફ આઈ આર જ લખવાની? આ પોલીસ ચોકીનો નિયમ તું ભૂલી ગયો લાગે છે અથવા તને કોઈએ અહીના ટર્મ્સ એન્ડ કંડીશન કીધા નથી લાગતા. અહિયાં કોઈ પી એસ આઈ કોઈ પણ ગુનેગાર પર ફરિયાદ નોંધી શકતો નથી. અહિયાં ખાલી તમારે બધું ધ્યાન રાખવા માટે છે, સહેજ શંકા લાગે તો અમને જાણ કરવાની અમે અમારી રીતે તપાસ કરીને પછી એફ આઈ આર અમે કરીએ છીએ? તને રાઈટ કોણે આપ્યો આ બધું કરવાનો? નક્કી તારે હવે સસ્પેન્ડ થવું જ લાગે છે એક પછી એક ભૂલ તું કરતો જ જાય છે. તને આ વિસ્તારની હજુ ખબર નથી અહીંથી રાતોરાત માણસ ઉપડી જાય અને પછી એની લાશ મધ્ય પ્રદેશમાંથી મળે એવું બને એવો આ મલક છે. અને આ વિલ ભાઈ એ બાબુ બાટલીનો માણસ છે અને બાબુ બાટલી ને જો આ ખબર પડીને તો તારી શી વલે કરશે એની હું કલ્પના પણ કરી શકતો નથી. સાલા તું તો મરીશ પણ અમને પણ મારતો જઈશ. લાગે છે કે તારે નાનું મગજ જ નથી. હું આને મારી સાથે લેતો જાવ છું. આની કોઈ વસ્તુ પકડાણી જ નથી.

જે નિવેદન તે લીધા હોય કે જે વિડીયો ટે ઉતાર્યા હોય એ બધું જેટલા બને તેટલા વહેલા ડીલીટ મારી દે નહીતર બાબુદાદા બાટલીને જો ખબર પડીને તો તું ડીલીટ થઇ જઈશ એ પાકું” આટલું કહીને પી આઈ દલખાણીયા ઉભો થયો અને વિલ ભાઈ તરફ સિસોટી વગાડીને સંકેતમાં સાથે આવવા કહ્યું. પી એસ આઈ કરણે પોતાના ખિસ્સામાં રહેલી એક પેન કાઢી એની પેનના ઢાંકણ પર ઉપર એણે અંગુઠો દબવ્યો અને ટક દઈને એક અવાજ આવ્યો અને પછી તરત પી એસ આઈ કરણે પોતાના ખિસ્સામાંથી યુ એસ બી કેબલ કાઢ્યો. એક છેડો એણે પોતાની પેનના પાછળ ભરાવ્યો અને કેબલનો એક છેડો મોબાઈલમાં સહુથી નીચે આવેલા એક પ્લગમાં ભરાવ્યો અને તરત જ મોબાઈલમાં વિડીયો શરુ થયો. જેમાં પી એસ આઈ કરણ સામે પી આઈ દલખાનિયા જે કઈ બોલ્યાં હતા એ બધું એકદમ કલીયર શૂટ થઇ ગયું હતું એ પણ ૧૦૮૦ એચ ડી વિડીયો ફોરમેટમાં! પી આઈ દલખાનીયા આ બધું જોઈ રહ્યા. એકાદ મીનીટનો વિડીયો બતાવીને કરણે કેબલ કાઢી લીધો અને પોતાના ખિસ્સામાં મૂકી દિધો અને બોલ્યો.
“અસલ સ્પાય પેન છે ક્રિસ્ટલ ક્લીયર ઓડિયો અને વિડીયો ક્વોલીટી. સતત છત્રીસ કલાક સુધી રેકોર્ડીંગ કરી શકાય એવી આ સ્પાય પેન છે. વળી સહુથી મોટી ખાસિયત એ છે કે આમાં વાઈફાઈ કનેક્ટ થઇ શકે એટલે જે જે રેકર્ડ થાય એ આ પેનના સ્ટોરેજમાં તો થાય જ પણ ગુગલ ડ્રાઈવ પર પણ થઇ જાય. પેન ચોરાઈ જાય કે કદાચ માણસ ડીલીટ થઇ જાય પણ ગુગલ ડ્રાઈવ ડીલીટ ન થાય તારા બાપથી શું સમજ્યો તું હોકા? તારું બધું આમાં રેકર્ડ થઇ ગયું છે અને હવે હું જે કરવા જઈ રહ્યો છું એ રેકર્ડ નથી થતું એટલે એના કોઈ પુરાવા નહિ મળે. હું મારા સાથી કર્મચારીને કોઈ દિવસ તુંકારે નથી બોલાવતો હું એમને હમેશા માનવાચક શબ્દોથી જ બોલાવું છું પછી ભલેને એ નાનામાં નાનો કોન્સ્ટેબલ કેમ ન હોય. માણસની કેપેસીટી એની ભાષા પરથી નક્કી થાય છે એ વાત સાચી. અને હવે તારા માટે હું તુંકારો વાપરું છું. ભલેને તું મારો સાહેબ હોય મને કોઈ ફર્ક પડતો નથી. તે પૂછેલા દરેક પ્રશ્નનો જવાબ હવે હું આપું છું. તે મને કીધું ને પોલીસ ટ્રેઈનીંગ માં હું શું શીખ્યો. પોલીસ ટ્રેઈનીંગમાં અમને શીખવાડવામાં આવ્યું છે. તમારે પાંચ વસ્તુ કાયમ યાદ રાખવાની છે. સહન કરવાનું.. સહન કરવાનું..સહન કરવાનું..સહન કરવાનું આ ચાર વાત અને છેલ્લી વાત “ સરખાઈ થી ઝીંકવાના.. સહન ન થાય પછી વારો પાડવાનો એમ મેં તારું બહુ સહન કર્યું પી આઈ પણ હવે નથી થતું” આમ કહીને જે પદ્ધતિથી વિલભાઈને પાડ્યો હતો આમલેટની લારીએ એ રીતથી પી એસ આઈ કરણે એક જ પાટાથી પી આઈ દલખાણીયાને તંબુના કાપડ ભેગો કરી દીધો. અને જેવો પી આઈ પડ્યો કે એના મોઢા પર આઠ દસ લાત વળગાડી દીધી અને સન્નાટો છવાઈ ગયો સન્નાટો. દલખાનિયાના ડોળા ફાટી ગયા હતા અને આ જોઇને વિલભાઈનું પેન્ટ પલળી ગયું હતું.
અને પી એસ આઈ કરણે ટેબલની સામે પડેલી ખુરશી પોતાની પાસે ખેંચી અને પોતે એના પર બેઠો અને બોલ્યો. હજુ નીચે જ ટાંગા લાંબા કરીને આ અચાનક શું બની ગયું એના ખ્યાલમાં જ પી આઈ દલખાણીયા અવાચક નજરે જોતો હતો.
“ હું અહિયાં સસ્પેન્ડ અને ડીસમીસ થવા આવ્યો છું. ચોપાટની કુકરી પાકી જાયને પછી એ ગાંડી થાય અને ગાંડી કુકરી ગમે ત્યાં હાલે ગમે એમ હાલે અને ગમે એને પતાવી દે એટલું તું ડફોળ સમજી લે જે. તારા ઉપરીને પણ સમજાવી દેજે કે આ પોલીસ ચોકીનો વહીવટ કરવા એ ન આવે હા ભૂલ હોય કાયદાકીય તો એ અમારું ધ્યાન દોરે બાકી આ પોલીસ ચોકી વાળાએ શું કરવું એના સલાહકાર બનીને કોઈ ન આવે તને તો હું જાવા દઉં છું બાકી આ પિસ્તોલથી પતાવી પણ દઉં. પતી ગયા પછી તું મારું શું ઉખેડી લે મને કોઈ કઈ નહી કરે કારણ કે મારું પોસ્ટીંગ જ અહિયાં આ માટે થયું છે અને ઠેઠ ઉપરથી થયું છે એ અહીના કોઈ પોલીસવાળાને ખબર નથી. મારે જેટલા રૂપિયા વાપરવા હોય એટલા હું વાપરી શકું. આ બધું એક જ દિવસમાં ઉભું થઇ ગયું એ જોઇને તને વિચ્ચાર ન આવ્યો કે આ પી એસ આઈ તારી જેમ ખૂટલ નથી પણ ખુદ્દાર છે. અને તારો આ વિડીયો મારી પાસે સલામત છે ત્યાં સુધી તારી નોકરી સલામત છે બાકી જે દિવસે આ વાયરલ થઇ ગયો તે દિવસે તારા સંડાસમાં આંટાફેરા વધી જવાના. એવા ઝાડા થઇ જવાના છે કે એ સાફ કરવા માટે પાણીના ટેન્કર મંગાવવા પડશે. અહીના તમામ ગુંડાઓ જેવા કે બાબુ બાટલી.. દીલું ડાયરી અને તારા જેવા એના પર્સનલ પાગીયાને ઝેર કરવા આવ્યો છું. કારણ કે હું કોઈ પણ વિસ્તારમાં જાવ ત્યાં કોઈ ગુંડો ટકી ન શકે કારણ કે એ સહુથી મોટો ગુંડો તો એ વિસ્તારમાં હું જ બનું છું. હું ગુંડો ખરો પણ ગુંડાઓ માટેનો ગુંડો!! એટલે આમ જુઓ તો હું પોઝીટીવ ગુંડો છું!! અને હા અહિયાં મેં તારી સર્વિસ કરી એ તું કોઈને નહિ કહે કારણ કે ભલે તું ખરાબ હો નીચ હો પણ આવી વાત કરવાથી તારી આબરુનું ધોવાણ થાય કે નહિ.અમુક બાબતો અનુભવવાની હોય કોઈને કહેવાની ન હોય એમ મારી સર્વિસ પણ તારે અનુભવવાની છે છેક અંદર સુધી ઉતારવાની છે. કોઈને કહેવું હોય તો પણ છૂટ છે, છાપામાં દેવું હોય તો પણ દઈ શકાય, પણ કોઈ માનશે નહિ.

આ વિલ ભાઈ એ પણ કઈ જોયું નથી એને પૂછી લે એ પણ ના પાડશે કે તારી સર્વિસ થઇ જ નથી. પણ તું બકતો હતો એ બધું જ મારી ગુગલ ડ્રાઈવમાં સેવ છે. બધું ઉડે પણ ગુગલ ડ્રાઈવ ન ઉડે એટલે તું આમ તો સમજુ છો અને અત્યારે તને ઘણી બધી સમજણ આવી પણ ગઈ હશે. તો તારા જે લાગતા વળગતા પોલીસ વાળા હોય એ બધા અધિકારીને સમજાવીને કહી દેજેને કે હમણા આ બાજુ બહુ ન નીકળે. અને હું જે કરવાનો છું એ કાયદાની મર્યાદામાં રહીને જ કાયદેસર કરીશ. એટલે જ્યાં કાયદેસર હાલતું હોય ત્યાં પછી ગેરકાયદેસરવાળા થી ન જવાય ચલ હવે નીકળ ઝડપથી આ મોઢું બોઢું લુંછી નાંખ અને આ મોઢા પર વધારે વાગ્યું હોય અને કળતું હોય તો નગોડનું તેલ આવે છે એ ગરમ કરીને મોઢા પર હળવા હાથે ઘસવાથી સોજા ઉતરી જાય છે. ચલ હવે નિકળ” કરણે ચપટી વગાડીને કહ્યું. કરણે ઘણા ગપ ગોળા પણ ફેંક્યા હતા. દલખાણીયાને આ બધું કહેવાનો એક હેતુ કરણના મગજમાં હતો. કરણ યોજનાબધ રીતે આગળ વધી રહ્યો હતો. અને પી આઈ દલખાણીયા ઉભો થયો માટે કેપ સરખી કરી એટલે પી એસ આઈ કરણે એને સલામી આપી. અને એની સાથે બહાર નીકળ્યો દરવાજામાંથી પી આઈનો ડ્રાઈવર આ બધો જ ડ્રામા એકદમ નજીક થી જોઈ રહ્યો હતો.
ડ્રાઈવરે જીપ શરુ કરી અને સડેલ જામફળ જેવા મોઢે પી આઈ એમાં બેઠો. સાહેબ જીપમાં બેઠા એટલે પી એસ આઈ કરણે વળી સલામી કરી અને પી આઇની નજરો નીચી ઢળી ગઈ. ડ્રાઈવરે જીપ આગળ ચલાવી અને ચોકડીએ પૂર્વ દિશામાં જીપ ચલાવી અને સો મીટર દુર જીપ ગઈ ત્યાં ડ્રાઈવર બોલ્યો.
“ સાહેબ મારું પાકીટ અને પૈસા તો ત્યાં જ રહી ગયા તમે જીપમાં બેસો હું લઈને આવું “ આટલું કહીને ડ્રાઈવરે જીપ રોકીને દોટ લગાવી અને પોલીસ ચોકીમાં આવ્યો. પોતાના સ્ટાફ સાથે પી એસ આઈ કરણ ઉભો હતો. સ્ટાફ ને બધી જ ખબર હતી કે અંદર શું બન્યું હતું. એટલે એ પણ ખુશ હતા. પી આઈનો ડ્રાઈવર આવ્યો અને પીએસ આઈને સેલ્યુટ કરી અને બોલ્યો.
“ એક સાચા પોલીસ અધિકારીને મારા દિલથી સલામ! બાકી જામો પડી ગયો સાહેબ.. જમાવટ થઇ ગઈ કે વાત જ ન પૂછો” આટલું કહીને એ ડ્રાઈવર વળી દોડીને જીપ તરફ જતો હતો. સહુ કોન્સ્ટેબલ ગર્વની નજરે કરણ તરફ જોઈ રહ્યા હતા.

ક્રમશ: આવતીકાલે
===========
લેખક :- મુકેશ સોજીત્રા 
૪૨, ‘હાશ’, શિવમ પાર્ક સોસાયટી,
સ્ટેશન રોડ , મુ.પો. ઢસા ગામ તા. ગઢડા 
જી.બોટાદ પીન ૩૬૪૭૩૦ 
-----------------------------
ટીમ
✍🏼
*Limited 10પોસ્ટ* વતી
મહેન્દ્ર મેરવાણા ( *ફાઉન્ડર એડમીન*) - દિલ્હી

(આ પોસ્ટ કોપી રાઈટ આરક્ષિત હોવાથી તેના લખાણ માં કોઈ ફેરફાર ન કરવો)

[ 85 ગ્રુપ,18000 જેટલા વાંચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારુ *Limited 10 ✉ પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*

વોટ્સએપ: 07041143511

ટેલિગ્રામ: https://t.me/limited10post
.

Dt . 11-06-2022

📝🔸 *વિકેન્ડ સ્પેશિયલ* 🔸📝

નવલકથા: 😎 *“તરકટ”* 👀

*લેખક :✒ મુકેશ સોજીત્રા*
https://www.facebook.com/WriterMukeshSojitra

*"તરકટ" ~ ભાગ - 81*

પંડિતે બનાવેલ ચા કરણે હાથમાં લીધી. ગરમાગરમ ચાની ચૂસકી લેતા લેતા કરણ બોલ્યો.
“ જોઈએ હવે વિલભાઈમાં કેટલો વિલ પાવર છે.. વિલભાઈ છે કે ઢીલભાઈ એ હમણા ખબર પડી જશે”
કોન્સ્ટેબલ જેઠાલાલ સાથે પી એસ આઈ કરણ ચા પૂરી કરીને વિલભાઈ જ્યાં આમલેટની લારી પર એક ટેબલ પર બેઠો હતો ત્યાં પહોંચ્યા. જેઠાલાલને જોઇને વિલભાઈ બોલ્યાં.
“ બાકી તમારા ભાગ્ય સુધરી ગયા છે. હું જોતો જ હતો કે પોલીસથાણું નવું બની ગયું છે. નવો પીએસઆઈ આણાંમાં બહુ સારું લાવ્યો છે. બાબુદાદા બાટલી ને ત્યાં પણ વાત થતી હતી. એક જ દિવસમાં પી એસ આઈએ બધું બદલી નાંખ્યું. આને કહેવાય ચમત્કાર જેઠાલાલ. બોલો કઈ કામ હતું? માલ જોઈતો હોય તો નહિ મળે બધો જ માલ આજે એડવાન્સ બુકિંગ થઇ ગયો છે. બસ ડીલીવરી કરવા નીકળ્યો છું. કોઈ જગ્યાએ ડીલીવરી ન થાય તો આપીશ પણ બેક કલાકની રાહ જોવી પડશે” નજર નીચી કરીને જેઠાલાલ અને પીએસઆઈ ને જાણે કશું જ માન ન આપતો હોય એમ લાપરવાહીથી વિલ ભાઈ બોલ્યાં.
“ કેટલો માલ છે રીક્ષામાં?” કરણે પૂછ્યું.
“ પૂરી આઠ પેટી છે. મહીને કમીશન મળતું હતું એ મળી જશે. આ જેઠાલાલને કહી બાબુદાદા બાટલી વાળા પાસે સમય માંગીને મીટીંગ કરાવી લો.નહીતર દાદા હમણા દિલ્હી જવાના છે એકાદ મહીને આવશે અને એક મહિનાનો હપ્તો ગુમાવશો. કહેતા હો તો હું બાબુદાદાને ભલામણ કરી દઉં” ટેબલ પર આમલેટ અને ડુંગળી અને બટર પાવ છાસ પાપડ સલાડ આવી ગયા હતા અને ખાવાની તૈયારી કરતો કરતો જ વિલભાઈ બોલ્યો.
“ હેડ કોન્ટેબલ ઓટો રીક્ષા થાણે લઇ જાવ આને હું લઈને આવું છું.. ચલ ઉભો થા.. બાબુ બાટલી જેવી કેટલીય ફાટલી નોટ મારા પગની જુતી બરાબર..આટલી બધી ચરબી નહિ સારી..“ આટલું કહીનેપીએસઆઈ કરણે એક પાટું ટેબલ ને માર્યું એટલે ટેબલ સીધું વિલ ભાઈ ની છાતી સાથે ભટકાયું. અને પાટું એટલું જોરદાર હતું કે ટેબલ પરણી આમલેટ બ્રેડ છાસ સલાડ વગેરે હવામાં ઊછળ્યું અને ખુરશીની સાથે વિલ ભાઈ જમીન પર ઢોળાઈ ગયાં. આ જોઇને બીજા ટેબલ પર લિજ્જત માણી રહેલા લોકોના જીવ તાળવે ચોંટી ગયાં. આમલેટની લારી વાળો પણ ધ્રુજવા લાગ્યો. કરણે એક હાથ ઊંચો કરીને સતાવાહી સ્વરે કહ્યું.
“ કોઈએ બીવાની જરૂર નથી, તમે તમારું કામ શરુ રાખો. અને ખાતા ખાતા આનદ માણો અને અહી જેટલા ખાઈ રહ્યા છે એ લોકોનું બીલ વિલભાઈ આપશે એટલે જેટલું ખાવું હોય એટલું ખાઈ લ્યો” આટલું કહીને કરણે જમીન પર પડેલા વિલભાઈને જોરથી એક પાટું લગાવ્યું કે એ બે બે ગ્લોટિયા ખાઈ ગયો. અને સાવ હેબતાઈ ગયો હોય એમ લાગતું હતું. અચાનક થયેલ આવા હુમલાથી એ સાવ ડઘાઈ ગયો હોય એમ લાગ્યું. આવી રીતે જાહેરમાં એની ધોલાઈ અને એ પણ પોલીસવાળા દ્વારા અને એ પણ આ વિસ્તારમાં એ એની કલ્પના બહારનું હતું. પી એસ આઈ કરણે વિલભાઈને કાંઠલો પકડીને ઉભો કર્યો અને વિલભાઈ પર્તીકાર કરવા તૈયાર થાય એ પહેલા જ ઉપરાછાપરી બે ય ગાળે ઝાપટવાળી કરી નાંખી અને એનાપેન્ટના ખિસ્સામાં થી પાકીટ કાઢીને એમાંથી પૈસા કાઢીને કરણે આમલેટવાળાને આપીને કીધું કે તને ખોટ ન જવી જોઈએ.આલે આમાં જેટલા પૈસા છે બધા તું રાખ આમેય આ વિલ ભાઈએ અત્યાર સુધી બધું મફતમાં જ ખાધું હશે એટલે એકી સાથે આજે તને ચુકવણું કરી દીધું. આ પોલીસ ચોકી પર હવે રોજ ચુકવણા થવાના છે. બધાયના ચુકવણા થવાના છે. વિલભાઈના મોટા મોટા ભીંસા પકડીને કરણ પી એસ આઈ એને પોલીસ થાણા માં લાવીને કહ્યું.
“ ચાલો રીક્ષામાં થી જે જે કઈ મળ્યું એના ફોટા પાડો અને આગળ આ વિલભાઈ વરરાજાને બેસાડો.. એને એકલો જ ખુરશી પર બેસાડો... એની બાજુમાં કનુજી અને સોમાજી ગોઠવાઈ જાવ તમારા વપરાયા વગરના પોલીસ દંડા લઈને વિલભાઈ ને જે પૂછીએ એનો જવાબ ન આપે એટલે એક દંડો ફટકારો અને પૂછ્યા વગર બોલે તો પણ બે દંડા ફટકારો.” અને બે પોલીસવાળા ગોઠવાયા. જેમ જેમ આ સમાચાર ફેલાયા એમ લોકોનું એક મોટું ટોળું પોલીસ થાણા ની પાસે ભેગું થઇ ગયું. ગીગાલાલે ટોળું વિખેરાઈ જાય એ માટે હાથમાં દંડો લઈને એ તરફ ગયા પણ પી એસ આઈ કરણે કહ્યું.
“ કોઈને રોકવાના નથી. ભલે લોકો જોતા. એ ભલે ઉભા રહ્યા. ભલે મોબાઈલમાં શુટિંગ ઉતારે. ઉતારવા દ્યો.આપણે કાયદેસર થાય એ જ કરવાનું છે. ખાનગી કામ ત્યારે કરવાનું હોય કે જયારે ખરાબ કામ કરવાનું હોય. આ ટોળું તો આપણને ઉપયોગી થવાનું છે. ટોળા વિડીયો વાયરલ કરી દેશે પછી બધાના પગ નીચે રેલો આવશે.મને ખ્યાલ છે કે ભીનું સંકેલવા માટે પૂરું દબાણ થશે. પણ જ્યારથી આ મોબાઈલ આવ્યાં છે અને મોબાઈલ દ્વારા વિડીયો શૂટ થવા લાગ્યા છે. ત્યારથી મોટા ભાગના પ્રકરણો ભીના સંકેલાતા નથી. મોબાઈલ એ આજની પાંચમી જાગીર ગણાવા લાગી છે. દેશના એક ખૂણામાં બનતી ઘટનાઓ ગણતરીની મીનીટોમાં આખા દેશમાં દાવાનળની જેમ ફેલાય જાય છે.

આજથી વીસ વરસ પહેલા બાજુના ગામમાં શું વહીવટ હાલે છે એ આપણને ક્યારેય ખબર ન પડતી પણ હવે નથી. હા આના દુરુપયોગ પણ થાય છે. પણ આપણે જે કરવાનું છે એ કાયદાની કલમ અને કાનુનની કિતાબ પ્રમાણે કરવાનું છે. ભલે લોકો ભેગા થાય. લોકો ભેગા થશે કાર્યવાહી જોશે અને પરિણામ એ આવશે કે લોકોએ જે વિશ્વાસ ગુમાવી દીધો હતો એ પરત આવશે. પ્રિન્ટ મીડિયા વેચાઈ શકે ટીવી મીડિયા વેચાઈ શકે કારણકે એમની સંખ્યા બહુ ઓછી છે.પણ આ મોબાઈલ મીડિયા કોઈથી નહિ ખરીદાય. કારણ કે મોબાઈલ મીડિયાના માણસો આ દેશમાં કરોડોની સંખ્યામાં છે. એક એક ઘરમાં પાંચ પાંચ મોબાઈલ મીડિયા છે માટે ગીગાલાલ અહી બેઠા રહો અને જે થાય તે જોયા કરો.
અને વિધિવત એફ આઈ આર લખાવવામાં આવી. એક એક વસ્તુનું વર્ણન કરવામાં આવ્યું. નજરે જોનાર સાહેદોના નામ લખવામાં આવ્યાં. આમલેટની લારીવાળા એ સાક્ષી તરીકે સહીઓ કરી કે મારી રૂબરૂમાં આ વિલભાઈ ઓટો રીક્ષામાં આઠ પેટી વિદેશી શરાબ લાવ્યો હતો. ત્રણ સાક્ષી ત્યાં નાસ્તો કરવા આવ્યાં હતા એમાંથી મળ્યાં. માલ મુદો જપ્ત કરવામાં આવ્યો. ઓટો રીક્ષા સાથે કુલ કેટલી વસ્તુ પકડાણી તેનો અંદાજ લાગાવવામાં આવ્યો. આખી એફ આઈ આર અને પંચ રોજકામ ત્રણ નકલમાં કરવામાં આવ્યું. કારણકે જેઠાલાલ હેડ કોન્સ્ટેબલનું કહેવું હતું કે આ પોલીસ ચોકી ટેન્ટમાં ચાલતી હોવાને કારણે અહિયાં કોઈ પણ ગુનેગાર પકડાય એની એફ આઈ આર થાય કે એને બાજુના તાલુકામાં આવેલી પોલીસ ચોકીમાં પાકા મકાનમાં રાખવામાં આવે છે. અહીંથી એફ આઈ આર ટ્રાન્સફર થાય છે અથવા તો એમ જ કહેવામાં આવે છે કે તમારે એફ આઈ આર કરવાની જ નહિ એ બધું અમે કરી લઈશું. એટલે પી એસ આઈ કરણ બધા જ ડગલા વિચારી વિચારીને ભરતો હતો. પકડાયેલા આરોપીનું વિડીયો રેકોર્ડીંગ કરવામાં આવ્યું. એ માટે એને પોલીસ ચોકીમાં આજે જ બનાવેલી પી એસ આઈ માટેની ચેમ્બરમાં લઇ જવામાં આવ્યો. ચાર મોબાઈલ કેમેરા શરુ કરીને આરોપીની કાયદેસર પુછપરછ કરવામાં આવી. જેમાં વિલભાઈ એ કબુલ્યું કે એને આ શરાબ બાબુ દાદા બાટલીના દસેક કિલોમીટર દુર આવેલા ફાર્મ હાઉસમાંથી મળ્યો છે. અને એનું કામ ખાલી ડીલીવરી કરવાનું છે. બધા જ પૈસા બાબુ બાટલીને મળે છે એમાંથી એને વીસ ટકા કમીશન મળે છે. પોતે ત્યાં નોકરી કરતો હોવાથી જો આ કામ ન કરે તો એને નોકરીમાંથી હકાલપટ્ટી કરવાની દમદાટી આપવામાં આવે છે એટલેના છૂટકે પેટનો ખાડો ભરવા માટે લાચારીથી આ વ્યવસાય કરવો પડે છે.
વિલ ભાઈએ બહુ ઝડપથી સમજી લીધું હતું કે જે રીતે એ પકડ્યો અને જે રીતે પી એસ આઈએ એની સરભરા કરી હતી એના ઉપરથી એને હવે કોઈ બચાવવા નહિ આવે. આ પી એસ આઈ કોઈનું નહિ માને. એક જ દિવસમાં જે રીતે પોલીસ ચોકીનું રીનોવેશન થયું એટલે આની પાછળ કોઈ મોટો રાજકીય હાથ છે એટલે જો વધારે વાયડાઈ કરીશ કે પાવર બતાવિસ તો હાડકા ખોખરા થઇ જશે એ નક્કી એટલે વિલ ભાઈ બરાબર સમજી ગયો હતો કે કે જે કઈ કહેવાનું છે સમજી વિચારીને કહેવાનું છે. અને બધો જ ઓળિયો ઘોળીયો બાબુ દાદા બાટલી ઉપર નાંખી દઉં તો પછી એ એને બચાવશે અને એની આડમાં એ પણ બચી જશે જેમકે વાવાઝોડું આવે અને કોઈ મોટા બંગલાની ઓથમાં એની પાછળ રહેલ નાનકડું કાચું ઝૂંપડું બચી જાય એમ જ.
નિવેદનના વિડીયો રેકર્ડ થઇ ગયા અને એટલી જ વારમાં કરણ પીએસઆઈના ઉપરી અધિકારી પી આઈ દલખાણીયા પોતાની મારતી જીપમાં આવી પહોંચ્યા. એમની જીપ પોલીસ ચોકીએ આવી કે તરત જ એણે કોન્સ્ટેબલને બરાબર મધ્યરાત્રીને શોભે એવી મસમોટી ગાળ કાઢીને કીધું.
“ આ તમારા બાપ ટોળાને શું ભેગું કર્યું છે... હાંકો ઝટ આ લોકોને” અને પી આઈ દલખાણીયાએ કીધું એટલે ગીગાલાલ સાથે કનુજી પણ જોડાયા અને ખાલી દંડા બતાવ્યા ત્યાં ટોળું આઘું ગયું પણ સમૂળગું ગયું નહી.
“ શું માંડ્યો છે આ મધરાત્રે ભવાડો.. હજી આવ્યો એને એક જ દિવસ થયો છે ને આ બધું શું માંડ્યું છે? અને આ બધું રીનોવેશન કોને પૂછીને કર્યું છે? બાપનું રાજ છે? નીતિ નિયમો કઈ માલુમ છે કે નહિ કે પછી પૈસા દઈને લાગવગથી ઘુસી ગયો લાગે છે?? અને આ કોને પકડ્યો છે? ચાલ આને છોડી મુક.. તને ખબર છે કે તે મોટા ભોરીંગના દરમાં હાથ નાંખ્યો છે. કશું કરતા પહેલા અમને પૂછતો જા અને બીજી વાત કે તું હાજર થઈને મને મળવા કેમ ન આવ્યો? પ્રોટોકોલ અને સિન્સિયારીટીનું ભાન છે કે નહિ? સાવ આને છૂટો કરી દે”?
પી આઈ દલખાણીયા એમની ચેમ્બરમાં આવ્યાં એટલે પી એસ આઈ એની જગ્યાએથી ઉભો થઇ ગયો અને સેલ્યુટ મારી અને એની સામેબે હાથ પાછળ રાખીને અદબથી ઉભો રહ્યો. પી આઈ દલખાણીયા એને જયારે આ બધું કહી રહ્યા હતા ત્યારે પણ એની નજર એની સામે જ મંડાયેલી હતી. દલખાણીયાને આ પસંદ નહોતું. કોઈ એની સામે વાત કરે ત્યારે ઇચ્છતા કે એની નજર જમીન તરફ ઢળેલી જ હોવી જોઈએ. દલખાણીયા નીચે આજુબાજુના એરિયાના ચારેક પી એસ આઈ આવતા હતા પણ બધા જ એની સામે નીચી નજરે વાત કરતા. દલખાણીયા આટલી હવા કરવાનું એક જ કારણ હતું કે એ ક પોલીસ અફસરની પુત્રીને પરણ્યો હતો,એના સસરા પોલીસમાં એક મોટા હોદ્દા પર હતાં.

.
Dt. 11-06-2022

📝🔸 *વાર્તા વૈભવ* 🔸📝

વાર્તા: *મૌન મનસા*

✒લેખક: *ડૉ. નિલેષ ઠાકોર "નીલ"*
https://www.facebook.com/doctornil

Mob: +91 99798 46971

Email: [email protected]

વિલાયેલું મોં, નિરાશ મન અને હતાશા પૂર્વક હાથ માં પ્રેમ થી સાચવી ને પકડેલા નાના સ્પાઇડર મેન ના રમકડાં સાથે 5 વર્ષ નો અવિ કાર માંથી ઉતર્યો. આ પહેલી વાર નહોતું, આદિ જોડે આવું ઘણીવાર બનતું કે પોતાના પપ્પા શનિ -રવિ સાથે રમવાનું પ્રોમિસ આપે ને પછી પોતે જ કામ માં વ્યસ્ત થઈ જાય. આજે શુકવાર ની સાંજે એના પપ્પા અમદાવાદ થી આશરે 25 કિમી દૂર એના દાદા ને ત્યાં લઈ ને આવ્યા હતા. આમ તો અવિ ને દાદા ને ત્યાં પણ બહુ ગમતું પરંતુ પપ્પા સાથે સમય વિતાવવો એ એના મન બહુ મોટી વાત હતી.
“ પપ્પા, લો અવિ ની કલરીંગ બૂક, આ કલર અને આ ટેબ્લેટ માં એની બધી જ ગેમ્સ ડાઉનલોડ કરી દીધી છે, આ બેગ માં એનો નાસ્તો પણ છે, હું રવિવાર સાંજે આવી ને અવિ ને લઈ જઈશ. “ હજુ કાર માથી પગ નીચે મૂક્યો ના મૂક્યો અવિ ના પપ્પા અયાંશ કાર માં ગોઠવાઈ ગયા.
“ બેટા, અયાંશ હજુ હાલ તો આવ્યો, થોડીવાર રોકાઈ ને જા ને, બેટા ચા મૂકી દઉં.” અયાંશ ની મમ્મી એ આજીજી કરી.
“ ના મમ્મી, હજુ મારે ઘરે જઈ ને મીટિંગ ની તૈયારી કરવાની છે, અવિ ને મૂકી ને જાઉં છું, મમ્મી રવિવારે આવીશ ને એટલે તારા હાથ નું જમી ને જઈશ બસ મમ્મી!” ને કાર સૌની આંખો સમક્ષ થી ઓઝલ થઈ ગઈ.
લગ્ન પછી 6 વર્ષ થી અલગ રહેતો પોતાનો એક નો એક દીકરો આમ હવે કોઈક દિવસ આવે કે ના આવે નીકળી જતો. અયાંશ ના પપ્પા ને તો પોતાના દીકરા જોડે બેસી ને ઘણી વાતો કરવી હોય ને અયાંશ ની મમ્મી પોતાના દીકરા ને પોતાના હાથ નું બનાવી ને જમાડવા તત્પર હોય, પણ અયાંશ વ્યસ્ત જ એટલો રહેતો કે ભાગ્યેજ આમ પોતાના મમ્મી પપ્પા માટે સમય ફાળવી શકતો.
આજે આમ અયાંશ ના મમ્મી પપ્પા ને પોતાનો દીકરો આમ જલ્દી માં જતો રહ્યો એનું દુખ થયું પણ નાનકડો અવિ અહી 2 દિવસ રહેવાનો એ વાત થી બંને ના ચહેરા પર ખુશી ની ચમક છવાઈ ગઈ. અને નાનકડા અવિ પર દાદા દાદી નો વ્હાલ અને પ્રેમ નો ધોધ વર્ષી પડ્યો. પોતાના પૌત્ર ને જે ભાવે એ રસોઈ બનાવવામાં અવિ ના દાદી વ્યસ્ત થઈ ગયાં.
“ કલરિંગ બૂક અને આ ટેબ્લેટ માં તો ગેમ રમી ને તો કંઈ મન ને આનંદ મળે ?” અવિ ના દાદા પોતાના નાનકડા પૌત્ર અવિ ની નાનકડી આંગળી પકડી લઈ ને નીકળી પડ્યાં, જેવી રીતે અયાંશ નાનો હતો ત્યારે લઈ ને જતાં. પોતાના દીકરા ને જ્યારે આમ આંગળી પકડી ને લઈ ને આવતાં ત્યારે કાલ્પનિક પરી કથાઓ સંભળાવતા, બસ આજ રીતે અવિ ને પણ પરી કથાઓ સંભળાવતા સંભળાવતા તળાવ ની પાળે લઈ આવ્યાં. ત્યાં હિંચકો, લપસણી અને એક મંદિર હતું. આ બધુ અવિ માટે નવુંસવું હતું, દાદાની આંગળી છોડી ને અવિ તો રમવા માં મશગુલ થઈ ગયો, ભૂખ લાગે ત્યારે દાદા જોડે નાસ્તો કરવા આવે અને પછી પાણી પી ને ફરી પાછો રમવામાં મશગુલ. દિવસ ક્યાં અસ્ત થઈ ગયો ખબર જ ના પડી. અવિ ના દાદી તો જાણે અવિ માં પોતાનો નાનો અયાંશ જ દેખાતો એટલે એની પાછળ ફરી ફરી ને અયાંશ ને વ્હાલ કરી ને જમાડતાં. રાત્રે પણ દાદા-દાદી જોડે વાતો કરતો, પરી કથા સાંભળતો સાંભળતો અવિ ગાઢ નિદ્રા માં તરત જ પોઢી ગયો. પોતાની પડખે પોઢી રહેલા પોતાના પૌત્ર ના ચહેરા પર અનેરી ખુશી જોઈ ને અવિ ના દાદા દાદી ને હૈયે ટાઢક હતી.
કલરિંગ બૂક ને ટેબ્લેટ એક ખૂણા માં એમ ના એમ હતાં, અવિ એ સ્પર્શ સુધ્ધાં પણ ના કર્યો. ક્યાંથી કરે! બસ દાદા ને દાદી જોડે થી સમય મળે તો ને ! આમ ને આમ 2 દિવસ વીતી ગયાં અવિ ને ખ્યાલ પણ ના આવ્યો અને અવિ ના પપ્પા અવિ ને લેવા આવી ગયાં.
દૂર થી જ પોતાના પપ્પા ને આવતાં જોઈ ને અવિ ભેટી પડ્યો, ને 2 દિવસ માં પોતે ક્યાં ક્યાં રમવા ગયો, શું શું કર્યું, શું શું પ્રવૃતિ બધુ જ હર્ષ પૂર્વક કહેવા લાગ્યો, પોતાના દીકરા ને આમ ખુશ જોઈ ને અયાંશ પણ ખુશ હતો.
“પપ્પા, ચાલો ને દાદા મને લઈ ગયાં હતાં એ જગ્યા બતાવું, પપ્પા તમને બહુ ગમશે, પપ્પા ચાલોને, હું લઈ જાઉં!” ને અવિ એ પોતાના પપ્પા ની આવતાં વેંત આંગળી પકડી ને તળાવ ના કિનારે લઈ ગયો.
એજ મંદિર, એ જ હિંચકો, એ જ લપસણી અને એ જ તળાવ. વર્ષો બાદ અયાંશ આ જગ્યા એ આવ્યો હતો, જાણે જિંદગી 20 વર્ષ રિવાઈન્ડ થઈ ગઈ. હીંચકા ને સ્પર્શ કર્યો ને એક ક્ષણ માટે જાણે પોતાના બાળપણ માં ખોવાઈ ગયો.
“ જુઓ પપ્પા, આ તળાવ માં પથ્થર નાખું, જુઓ પપ્પા કેટલો દૂર થાય છે અને તળાવ માં કેવા કુંડાળાં રચાય છે!” અયાંશ ની સમક્ષ નાનકડો અયાંશ અને એના પપ્પા ની યાદો તરવરી ઉઠી. અયાંશ નું મન બોલી ઉઠ્યું , “ પપ્પા..”
પોતાના પપ્પા સાથે નું સ્નેહબંધન અયાંશ ની આંખો ને સહેજ ભીની કરી ગયું. પોતાના પપ્પા તો અહી મંદિર રોજ આવતાં હશે, રોજ આ ક્ષણો એમને યાદ આવતી હશે, ને ક્યારેક એ કોલ પણ કરતાં હશે, પોતાના દીકરા જોડે 2 મિનિટ વાત કરવા, ને પોતે બસ “ પપ્પા, મીટિંગ માં છું, થોડીવાર રહી ને કોલ કરું” કહી ને તરત જ પોતાના પપ્પા નો કૉલ કટ કરી દેતો. ને એ “થોડીવાર” ની ક્ષણ પછી ક્યારેય ના આવતી.

કેટલીય વાર અયાંશ ની મમ્મી “ બેટા ખીર બનાવી ને રાખી છે, આવે તો લઈ જજે,” પોતાની મમ્મી ના આવા શબ્દો ના બદલા માં “ મમ્મી આ રવિવાર નહીં, આવતાં રવિવારે આવીશ.” પ્રત્યુત્તર આપી દેતો ને પછી એ “રવિવાર” નો સુરજ ક્યારેય ઊગતો નહીં.
પૈસા કમાવવાની હોડ માં ને હોડ માં ને શહેર ની વ્યસ્ત જિંદગી માં પોતે એટલો તો ખોવાઈ ગયો કે પોતાના મમ્મી પપ્પા કે પોતાના દીકરા અવિ સાથે ક્યારેય આવો સમય જ નહોતો ફાળવ્યો. પોતાના પાસેથી પોતાના મમ્મી પપ્પા ને અવિ એનો સ્નેહ ઝંખે છે, એ વાત નો અયાંશ ને ખ્યાલ જ ના રહ્યો.
“ જુઓ પપ્પા, આ તળાવ માં પથ્થર નાખું, જુઓ પપ્પા કેટલો દૂર થાય છે અને તળાવ માં કેવા કુંડાળાં રચાય છે!” જોયું તો નાનકડો અવિ પોતાના પપ્પા ને આંગળી પકડી ને કહી રહ્યો હતો ને સાથે જ અયાંશ ની યાદો ની ને વિચારો ની શૃંખલા તૂટી.
એક ક્ષણ માટે અવિ સમક્ષ જોયું ને બીજી ક્ષણે અયાંશ એ શર્ટ માં થી ટાઈ કાઢી ને બાંયો ઊંચી કરી ને પોતાના દીકરા ને ઊંચકી લીધો.
બાપ દીકરો બંને પથ્થર નાખવામાં મશગુલ થઈ ગયાં, આજે એક નવો જ અયાંશ જન્મ્યો હતો.
ઘરે આવતાં જ પોતાના મમ્મી અને પપ્પા ને ભેટી પડ્યો. “સોરી મમ્મી, સોરી પપ્પા.” પોતાનો દીકરો આમ અચાનક સોરી કહે છે, એ વાત થી અયાંશ ના મમ્મી પપ્પા ને અચરજ થયું.
“ મમ્મી , ફટાફટ મારા માટે ખીર બનાવી દે.” વર્ષો પછી જાણે પોતાનો અયાંશ આમ એની મમ્મી જોડે હક થી ને પ્રેમ થી આદેશ આપી રહ્યો હતો.
“ પપ્પા, આપણે દાદા દાદી ને આપની જોડે લઈ જઈએ તો ?” મને બહુ મજા આવશે એમની સાથે, મમ્મી ને પણ ગમશે, આપણે સાથે રહીશું તો બહુ મજા પડી જશે.” અવિ નો હર્ષ અને જીદ મિશ્રિત સ્વર જાણે અયાંશ ની પણ મૌન મનસા ને પણ વાચા આપી રહ્યો હતો.
વ્યસ્ત જિંદગી માં અયાંશ એ કેટલીક અમૂલ્ય ક્ષણો ને ગુમાવી દીધી હતી, હવે વધારે નહોતી ગુમાવવી એટલે એને હવે પછી ની તમામ ક્ષણો ને સાચવી લીધી.
શું તમે તો ક્યાંક અમુલ્ય ક્ષણો ને ગુમાવી નથી રહ્યાં ને તમારી વ્યસ્ત જિંદગી માં ?

*
“નીલ”
ડૉ. નિલેષ ઠાકોર
===================
નીલ
ડૉ. નિલેષ ઠાકોર
GMERS Medical College, Gandhinagar
[email protected]
----------------------------
ટીમ
*Limited 10પોસ્ટ* વતી
મહેન્દ્ર મેરવાણા ( *ફાઉન્ડર એડમીન*) - દિલ્હી

(આ પોસ્ટ કોપી રાઈટ આરક્ષિત હોવાથી તેના લખાણ માં કોઈ ફેરફાર ન કરવો)

[ 85 ગ્રુપ, 18000 જેટલા વાચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારુ *Limited 10 ✉ પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*
વોટ્સએપ: 07041143511
ટેલિગ્રામ:
https://t.me/limited10post
.

તા. 11/06/2022

🌈 *વિકેન્ડ એકસ્ટ્રા પોસ્ટ* 🌈

*'નિરાંત, રાહત અને હિંમત આપતા શરણાગતિના પ્રયોગો’*

*‘અજવાળાનો ઓટોગ્રાફ:* કળશ પૂર્તિ

✒લેખક: *ડૉ. નિમિત્ત ઓઝા*
https://www.facebook.com/drnimit.oza

મારા ઘડતર, વ્યક્તિત્વ વિકાસ અને જીવન પ્રત્યેના દૃષ્ટિકોણમાં, જો કોઈનો પ્રભાવ સૌથી વધારે રહ્યો હોય તો એ મારી મમ્મી છે. મહેનત, પ્રામાણિકતા, ધીરજ અને શ્રદ્ધા જેવાં કેટલાંય મૂલ્યો અને આદર્શો હું મમ્મી પાસેથી શીખ્યો છું, પણ જે સૌથી મહત્ત્વનો ગુણ એની પાસેથી શીખવા મળ્યો એ છે શરણાગતિ. કોઈ વ્યક્તિ કે પરિસ્થિતિ સામે નહીં, પરિણામ સામે. વધારે ચોકસાઈપૂર્વક કહું, તો વર્તમાન ક્ષણમાં આપણી સાથે જે કાંઈ બની રહ્યું છે, એ ઘટના સામેની શરણાગતિ. આપણી કેળવણીની એ સૌથી મોટી ઊણપ છે કે એ આપણને હંમેશાં લડતાં જ શીખવે છે, નમતાં નહીં. પરિસ્થિતિ કે સંજોગોનો સામનો કરવામાં આપણે એટલાં બધાં ટેવાઈ જઈએ છીએ કે પછી આપણાં જીવનમાં બનતી દરેક ઘટના સામે તલવાર ખેંચવા, બાંયો ચડાવવા કે વિરોધ કરવા આપણે મજબૂર થઈ જઈએ છીએ. આપણે દરેક ક્ષણને, દરેક પરિણામને, નિયતીના દરેક ચુકાદાને આપણી ઈચ્છા મુજબ તોડવા-મરોડવા માંગીએ છીએ. control freak બની ગયેલા આપણને એ જાણ જ નથી થતી કે આપણા કાબૂમાં હોય એવું પ્રયત્નો સિવાય બીજું કશું જ નથી. ન તો પળ, ન તો જીવન. વ્યક્તિઓ કે પરિસ્થિતિઓ મારી ઈચ્છા અને આદેશ અનુસાર વર્તે, ફક્ત એટલી જ મથામણમાં કેટલાંય લોકોનું આખું જીવન પસાર થઈ જતું હોય છે. એવા સમયે ‘શરણાગતિ’નો આ કન્સેપ્ટ બહુ જ રાહત આપનારો છે. આ હું એટલા માટે લખી રહ્યો છું કે મારા જીવનમાં વાવાઝોડાની જેમ ત્રાટકેલા એક પુસ્તકે મને આધ્યાત્મનું એક સાવ જ અલગ, સાવ જ નવું પરિમાણ બતાવ્યું છે. અત્યાર સુધી જેને આપણે આપણી હાર કે કાયરતા ગણતા આવ્યાં છીએ, એવી શરણાગતિ હકીકતમાં એક સદ્્ગુણ છે અને આ શરણાગતિ શીખવતું એક અદ્્ભુત પુસ્તક એટલે ‘ધ સરન્ડર એક્સપરીમેન્ટ’. અમેરિકન લેખક અને આધ્યાત્મિક ગુરુ માઈકલ સિંગરે લખેલાં બે પુસ્તકો ‘The Untethered Soul’ અને ‘The Surrender Experiment’ આપણું જીવન બદલી શકે છે. આ બંને પુસ્તકો ન્યૂ યોર્ક ટાઈમ્સ બેસ્ટ-સેલર રહ્યાં છે. પુસ્તક ‘ધ સરન્ડર એક્સપરીમેન્ટ’માં એક એવી અનુભવયાત્રાની વાત છે, જેનો નિર્ણય માઈકલ સિંગરે વીસ વર્ષની ઉંમરે લીધેલો. એ નિર્ણય હતો શરણાગતિનો. સમયના પ્રવાહ અને નિયતીના ચુકાદા સામે એકપણ પ્રશ્ન પૂછ્યા વગર, દલીલ કર્યા વગર કે એને બદલવાનો પ્રયત્ન કર્યા વગર જીવનના પ્રત્યેક પડાવ પર સંપૂર્ણ શરણાગતિ સ્વીકારી લેવાનો નિર્ણય. એનો અર્થ એ થયો કે આપણને જે જોઈએ છે એ પામવા માટે કે પછી જે નથી જોઈતું એને ટાળવા માટે ઈશ્વર, કુદરત, બ્રહ્માંડ કે વૈશ્વિક ચેતના સામે બાથ ભીડવાને બદલે, જે મળ્યું છે એનો પૂરી સમગ્રતાથી સ્વીકાર કરવો અને એ સ્વીકાર જ આપણા માટે ઉજ્જવળ ભવિષ્ય અને ઉન્નતિના દરવાજા ખોલશે. નથી સમજાતું? તો, ચાલો પુસ્તકમાં રહેલો એક પ્રસંગ કહું. ઉનાળુ વેકેશનમાં મિકી (માઈકલ) એકવાર એક મહિના માટે એક આધ્યાત્મિક શિબિરમાં કેલિફોર્નિયા ગયા. તેઓ પાછા ફર્યા ત્યારે તેમને જાણ થઈ કે તેમની એક ખાસ મિત્રએ છેતરપિંડી કરીને મિકીના કબજાની જમીન પર પોતાનું ઘર બાંધવાની શરૂઆત કરી દીધી છે. આ જાણીને મિકીને ખૂબ ગુસ્સો આવ્યો. તેઓ પેલી મિત્રને લાત મારીને પોતાની જમીન પરથી ખસેડવા માંગતા હતા, કાયદાકીય લડત આપવા માંગતા હતા, મિત્ર સાથે ખૂબ ઝઘડો કરવા માંગતા હતા, પણ પોતે લીધેલા એક સંકલ્પને કારણે તેમણે કશું જ ન કર્યું. એ સંકલ્પ એટલે જીવનની દરેક આફત વખતે શરણાગતિ સ્વીકારી લેવાનો પ્રયોગ. ધ સરન્ડર એક્સપીરીમેન્ટ. તેમણે નક્કી કર્યું કે ‘ગો વિથ ધ ફ્લો’. જે થાય, તે સારા માટે. એવું વિચારીને પોતાની જમીન પર ઘર બાંધવામાં મિકીએ પેલી મિત્રની મદદ કરી! મારી જેમ તમને પણ એવું જ થશે કે આ તો કાયરતા છે. આમાં શું સારું થવાનું? તો થયું એવું કે ઘર બન્યાના થોડા જ સમય પછી પેલી મિત્રની એક ડોના નામની સહેલી એની સાથે એ જ ઘરમાં રહેવા આવી. એ જ ડોના, આજે મિકી સિંગરના પત્ની છે. ડોનાના સ્વરૂપમાં મિકીને એમના જીવનનો એ પ્રેમ મળ્યો જેની તેમને લાંબા સમયથી પ્રતીક્ષા હતી. આ પ્રસંગ યાદ કરીને મિકી લખે છે કે આ બધું એટલે બન્યું કે જિંદગીને મારી ઈચ્છા કે ધારણા પ્રમાણે ચલાવવાને બદલે, હું જિંદગીના તાબે થયો. શરણાગતિ કરવાના આ સંકલ્પને છેલ્લાં પચાસ વર્ષોથી મિકી વળગી રહ્યા છે. તેઓ આજે 75 વર્ષના છે અને આજે પણ એ જ મંત્ર સાથે જીવન વિતાવે છે, સરન્ડર. આવું કરી શકવું, એ આપણા માટે તો બહુ મોટો પડકાર છે. આજીવન નહીં, તો એટલીસ્ટ એક દિવસ માટે તો આપણે આવો સંકલ્પ લઈ જ શકીએ. આધ્યાત્મની શરૂઆત જ સ્વીકાર અને સમર્પણથી થાય છે. પછી એ એક જન્મારા માટે હોય, એક દિવસ માટે કે એક ક્ષણ માટે. સ્વીકાર અને સમર્પણ વધતી ઉંમર સાથે નહીં, પણ સમજણ સાથે આવે છે. સમર્પણ કરી શકવું એ કોઈ કલા નથી. એ સાધના છે. એક કસરત છે. એક અભિગમ છે, જેની આદત પાડવી પડે છે.

આવનારા અંધારાની ફરિયાદ કે ચિંતા કર્યા વગર જેઓ ડૂબતા સૂરજને માણી શકે છે, તેઓ શરણાગતિને સમજી શકે છે.⬛


*-ડૉ. નિમિત્ત ઓઝા*

*source:-*
https://www.divyabhaskar.co.in/magazine/kalash/news/0.html
----------------------------
ટીમ
✍🏼
*Limited 10પોસ્ટ* વતી
કમલેશ ઉપાધ્યાય

(આ પોસ્ટ કોપી રાઈટ આરક્ષિત હોવાથી તેના લખાણ માં કોઈ ફેરફાર ન કરવો)

[ 85 ગ્રુપ, 18000 જેટલા વાંચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારું *Limited 10 ✉ પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*

વોટ્સએપ: 07041143511
ટેલિગ્રામ: https://t.me/limited10post
.

Dt. 11/06/2022

*ટૂંકમાં-8*

દોસ્ત,

દુનિયાના ઉત્તમ અંગ્રેજી પુસ્તકોનો ટૂંકો સાર ગુજરાતીમાં સાંભળવા મળે તો તમને ગમે?

આજનું પુસ્તક છે *The Practice of Groundedness*

શું તમને મહાન બનવાનું ભૂત વળગ્યું છે? હજુ વધુ સફળ થવાની દોટ અંદર અજંપો પેદા કરે તો? આજના યુગમાં માનસિક સ્વાસ્થ્ય કેમ જાળવવું તેની અનુભવકથા એટલે *The Practice of Groundedness*

ચાલો, તમને આ પુસ્તક થોડું ચખાડું!

વાંચન-લેખન- ઓડિયો રજુઆત:
ડૉ. વિશાલ ભાદાણી
Mob No. +91 94268 85387
-----------------------------
ટીમ
✍🏼
*Limited 10પોસ્ટ* વતી
મહેન્દ્ર મેરવાણા ( *ફાઉન્ડર એડમીન*) - દિલ્હી

(આ ઓડિયો કોપી રાઈટ આરક્ષિત છે )

[ 85 ગ્રુપ,18000 જેટલા વાંચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારુ *Limited 10 ✉ પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*

વોટ્સએપ: 07041143511

ટેલિગ્રામ: https://t.me/limited10post
.

11/06/2022

10/06/2022

*📚વાંચન વૈવિધ્ય📚*

*પોલિટિક્સ-પોલિટિક્સ રમીએ*

*'મેનેજમેન્ટની ABCD'-* કળશ
✒લેખક: *બી. એન. દસ્તુર*

તમે જે ધાડ મારી રહ્યા છો એની ખબર ગ્રાહક સપ્લાયરો, ડિસ્ટ્રિબ્યુટરો, સરકારી અફસરો મારફતે બોસને પહોંચાડતા રહો

પોલિટિક્સની રમત આપણા સૌના ડી.એન.એ.માં છે. બે વર્ષના બાળકને પણ ક્યારે રડવું, ક્યારે હસવું, રિસાઈ જવું, ભૂખ હડતાળ ઉપર ઉતરવું એની ખબર હોય છે.સંસ્થાઓમાં પોલિટિક્સની રમત રમાતી રહે છે. એ રમતાં ન આવડતું હોય તેને આકરી કિંમત ચૂકવવી પડે છે.થોડી પાયાની આવડતો મેળવી લો.⬛ સંસ્થાના કલ્ચર સાથે એકરૂપ થઈ જાઓ. સંબોધન, ભાષા, ડ્રેસ કોડ, વાતાવરણ વગેરે બાબતો ઉપર અમલ કરો.
⬛ સંસ્થામાં પાવરનાં સમીકરણો બદલાતાં રહે છે. પાવર ક્યાંથી આવે છે, ક્યાં જાય છે, ક્યાં શોર્ટ સર્કીટ થાયછે એનો અભ્યાસ કરતા રહો. જેની પાસે પાવર છે, એની નજદીક જવાના પ્રયત્નો કરતા રહો.
⬛ જેની પાસે અગત્યની માહિતી છે તેની પાસે પાવર છે. સંસ્થાની અંદર અને બહાર, માહિતીની આપ-લેનું અસરકારક નેટવર્ક બનાવો.⬛ સંસ્થામાં રિસોર્સ હંમેશાં શોર્ટ સપ્લાયમાં હોય છે. બને એટલા વધારે રિસોર્સ ઉપર નિયંત્રણ મેળવો અને દરેક રિસોર્સ વાપરવાની પ્રોસેસ શીખતા રહો.
⬛ બોસને ટેકો આપતા રહો. તમારું મૂલ્યાંકન કરવામાં એ કયા માપદંડ વાપરે છે તે શોધો અને એને અનુરૂપ વર્તન કરો.⬛ બોસને પણ બોસ હોય છે. બોસના બોસ આગળ, તમારા બોસના વખાણ કરતા રહો. બોસની નજરમાં એફિશિઅન્ટ અને ઈફેક્ટિવ બની રહો. જેમાં બોસની ચાંચ ઓછી ડૂબતી હોય તે વિષયના નિષ્ણાત બનો. મીટિંગોમાં બોસને ટેકો આપતા રહો. ખિસ્સામાં કાણું ન પડી જતું હોય તો જે ક્લબના બોસ મેમ્બર છે તે ક્લબની મેમ્બરશિપ મેળવો.⬛ છાપેલાં કાટલાં- જેની ઈમેજ સંસ્થામાં સારી ન હોય એવી વ્યક્તિઓથી દૂર રહો. હાય, હલોના સંબંધો તો રાખજો જ. ખુલ્લી દુશ્મનાવટ કરવાની મૂર્ખાઈ ન કરતા.
⬛ કંપનીમાં કયા પ્રકારની લીડરશિપ છે તેનો અભ્યાસ કરો અને એ જ ઢાંચામાં તમારી લીડરશિપ સ્ટાઈલને ઢાળી દો.
⬛ એ ભૂલશો નહીં કે તમારું મૂલ્યાંકન વાસ્તવિકતા ઉપર થવાનું નથી, પર્સેપ્શન ઉપર થવાનું છે. સૌ કોઈનું પર્સેપ્શન મેનેજ કરતા રહો. દાખલા તરીકે તમે કેટલા પ્રામાણિક છો તે અગત્યનું નથી. તમે કેટલા પ્રામાણિક પર્સીવ થાવ છો તે અગત્યનું છે.
⬛ તમારી જાતને અનિવાર્ય બનાવો. જે નોલેજ સંસ્થામાં ઓછું છે તેના નિષ્ણાત બનો.⬛ સૌ કોઈની નજરમાં રહો. તમારી સફળતાના ઢોલ પીટો. તમારું કામ ઉચ્ચ મેનેજમેન્ટની નજરમાં આવે એવું ન હોય તો હોશિયારીથી, તમે જે ધાડ મારી રહ્યા છો એની ખબર ગ્રાહકો, સપ્લાયરો, ડિસ્ટ્રિબ્યુટરો, સરકારી અફસરો મારફતે તમારા બોસને પહોંચાડતા રહો. દુનિયાની કોઈ ગાય દૂધ ‘આપતી’ નથી, એને દોહવી પડે છે અને ઘડો ભલે ભરેલો હોય એને ખેંચવા દોરડું જોઈશે.છેલ્લે, તમારી સેવામાં ચંદ શબ્દોમાં, થોરામાં ઘનું કહેતી એક સૂફી કથા: ભાગતા શિયાળને કોઈએ પૂછ્યું, ‘કેમ ભાગે છે?’શિયાળે કહ્યું, ‘મેં સાંભળ્યું છે કે લોકો ઊંટોને વેઠે પકડે છે.’પૂછનારે કહ્યું, ‘પણ તું ઊંટ થોડો છે?’શિયાળે કહ્યું, ‘ચૂપ કર. કોઈ બદમાશ મને ઊંટ છું એમ જાહેર કરે તો મને છોડાવશે કોણ?’⬛[email protected]


*Source:*
http://divybhskar.co.in
--------------------------------------
ટીમ
✍🏼
*Limited 10પોસ્ટ* વતી
તૃપ્તિ પટેલ

(આ પોસ્ટ કોપી રાઈટ  આરક્ષિત હોવાથી તેના લખાણ માં કોઈ ફેરફાર ન કરવો)

[81 ગ્રુપ, 18000 જેટલા વાંચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારુ *Limited 10 ✉  પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*
વોટ્સએપ: 07041143511
ટેલિગ્રામ:
https://t.me/limited10post

*જોડાઓ, અમારી સાથે*
વોટ્સએપ: 07041143511
ટેલિગ્રામ:
https://t.me/limited10post

🌺 *જળ શ્રી કૃષ્ણ...*
      *જય શ્રી કૃષ્ણ* 🌺

10/06/2022

📖 *શ્રીમદ્દ ભગવદ્દ ગીતા* 📖

*અધ્યાય:૪* - *જ્ઞાનકર્મસંન્યાસયોગ*
*શ્લોક: ૨૦*

*त्यक्त्वा कर्मफलासङ्गं नित्यतृप्तो निराश्रयः।*
*कर्मण्यभिप्रवृत्तोऽपि नैव किंचित्करोति स:॥૪-૨૦॥*

*શબ્દાર્થ:*
જે પુરુષ કર્મફળની આસક્તિનો સંપૂર્ણ ત્યાગ કરીને પરમ તૃપ્ત અને આશ્રયની આકાંક્ષાથી રહિત હોય છે તે કર્મમાં જોડાયેલો હોવા છતાં એનાથી લેપાયેલો નથી. *॥૪-૨૦॥*

*ભાવાર્થ:*
            કર્મ કરીને પણ કર્મ આપણને લેપાય કેવી રીતે નહીં, તે પ્રભુ વિવિધ રૂપે સમજાવતાં રહેલાં છે. આ શ્લોકમાં પ્રભુ ફરીથી એક નવી રીત કહે છે કે કર્મફળનો સંગ છોડીને જે નિત્યતૃપ્ત અને નિરાશ્રય રહી કર્મમાં તીવ્રતાથી / જોશભેર પ્રવૃત્ત રહે છે, તે કશું જ કરતો નથી. કશું જ કરતો નથી  એટલે કે તેને કર્મ લેપાતું નથી, ચોંટતું નથી, ચીટકી જતું નથી. એટલે કે દેશી ભાષામાં સમજીએ તો તે કર્મનો તે જવાબદાર નથી. તે કર્મ કરીને પણ અકર્તા છે.
     
            અહીં ૩ શબ્દો સમજવાના છે. કર્મફલાસંગ ત્યાગ, નિત્યતૃપ્ત અને નિરાશ્રય. અત્યાર સુધી ગીતાકારે ફલાકાંક્ષા છોડવા કહ્યું. અહીં કર્મફલાસંગ ત્યાગ કહ્યું છે. એટલે કે કર્મફળનો સંગ છોડ. એટલે કે કર્મફળનું ચિંતન કરતાં કરતાં અથવા તે જ હેતુ રાખીને કર્મ ન કર. કર્મ કર્તવ્ય તરીકે કર. એની આગળ જઈને પ્રભુને માટે કર. પ્રભુપ્રેમથી કર. કર્મફળ નો સંગ રહે એટલે કે સુતા-ઉઠતાં મનમાં તેનું જ ચિંતન ચાલતું હોય એવું ન હોવું જોઈએ. કારણકે ભગવાન તો આપણું ચિંતન પણ વાંચી લે છે, સાંભળી લે છે.
     
            કર્મફલાસંગ ત્યાગ કરવાનું ગીતાકાર એટલા માટે કહે છે કે પછી તે કર્મ વેપાર થઈ જાય છે. લેના-દેના થઈ જાય છે. તેનાથી કર્મની મીઠાશ જતી રહે છે. હું પિતાશ્રી પ્રત્યેના પ્રેમથી તેમના પગ કે માથું દબાવું તેની મીઠાશ જુદી છે. પરંતુ કાલે સવારે પૈસા માંગવાના છે તે ખાસ યાદ રાખીને હમણાં જરૂર ન હોવા છતાં પગ કે માથું દબાવું એ ઢોંગ-ધતિંગ-લુચ્ચાઈ-બદમાશી છે. શાસ્ત્રીય ભાષામાં પાતક છે. કર્મના ફળો જો ખરાબ મળે તો માનવીની જીંદગી બગડી જાય અને સારા મળે તો માણસને પચે નહીં, અહંકાર આવે અને એ પોતે જ પોતાનો આ અને આવનારા ભવો બગાડે. તેથી કર્મફળનું ચિંતન કરતા કરતા કર્મ ન કરો. ફળનું ચિંતન છોડી દો.
   
            નિત્યતૃપ્ત - -> માનવ હંમેશા "યે દિલ માંગે more" ના mode માં જ રહે છે. કોઈ વાતમાં કદી ધરાતો નથી. ભુક્તિ (ભોગો) માં. પરંતુ મુક્તિની તો વાત કરો એટલે જ ઓડકાર (ઊબકા એમ સમજવું) આવવા લાગે છે. અહીં નિત્યતૃપ્ત એટલે કે જે વ્યવહારમાં, ભોગોમાં, અધ્યાત્મમાં બધે જ તૃપ્ત છે. એને કશી હાયવોય નથી, ભૂખ નથી, અકળામણ નથી, આશાળભૂતતા નથી. તે કર્મફળ માટે તો અતૃપ્ત નથી જ પરંતુ મોક્ષ/ મુક્તિ માટે પણ અતૃપ્ત નથી. એનું કારણ એ નથી કે એ ગાંડા છે, અક્કલ વગરના છે. એનું કારણ ઈશ્વરપ્રેમ, ઈશવિશ્વાસ છે. મને જ્યારે જેની જરૂર પડી તે પ્રભુએ આપી જ છે, આપતો રહ્યો છે અને આપશે. તેથી તે નિત્ય (હંમેશા, કોઈપણ કાળમાં) તૃપ્ત છે. અને બીજું નિત્ય - નિત્ય કોણ? પ્રભુ. આપણે બધાં જ અનિત્ય છીએ. મર્ત્ય છીએ. તેથી નિત્યથી, નિત્ય પ્રત્યેના વિશ્વાસથી,નિત્ય પ્રતિના પ્રેમથી જે તૃપ્ત તે નિત્યતૃપ્ત.
     
            નિરાશ્રય - -> એટલે કે જેને જગતમાં બીજા કોઈના આશ્રયની જરૂર નથી. જે પ્રભુઆશ્રિત છે. કોઈ એમ વિચારશે કે તો પછી પ્રભુઆશ્રિત એમ કેમ ના લખ્યું? એવું એટલા માટે નથી લખ્યું કારણકે આ સૃષ્ટિ સકલ પ્રભુઆશ્રિત જ છે. એ નીકળી જાય પછી તો "રામ બોલો ભાઈ રામ". આપણે સૌ પ્રભુઆશ્રિત છીએ. પરંતુ આપણે તે સમજતા નથી, અનુભવતા નથી, જીવનમાં આવતું નથી. આપણે તો એમ શોધીએ છીએ કે "કોને પકડીએ તો કામ થઇ જાય?" આપણે હંમેશા link શોધીએ, જુગાડ વિચારીએ. વ્હેલું, સ્હેલું, સસ્તું મળે તેની તરકીબ શોધીએ. આપણે અન્યાશ્રિત છીએ. એમાંથી નિરાશ્રયની સ્થિતિ લાવવાની છે. તે માટે પ્રભુઆશ્રિત હોવાની સતત જાગૃતિ હોવી જરૂરી છે. જેને સતત પ્રભુઆશ્રિત હોવાની પ્રતીતિ રહે તે જ નિરાશ્રયી રહી શકે. મારો ધણી, મારો પિતા, મારો સ્વામી, નારાયણ છે. તેના હોવા છતાં બીજો આશ્રય શોધવો આ વ્યભિચાર છે. આ જેને સતત ધ્યાનમાં રહે છે તે નિરાશ્રય બની શકે.
     
            આવા જે લોકો છે તે "कर्मण्यभिप्रवृत्तोऽपि"  એટલે કે કર્મમાં અભિપ્રવૃત્ત હોવા છતાં તે કશું જ કરતા નથી. અભિપ્રવૃત્ત એટલે દિલ દઈને, પૂરી લગનથી મંડી પડેલા, મચી પડેલા. આ અદ્ભુત સ્થિતિ છે.

*વાત એક જ, પ્રભુ ફરી-ફરીને એ સમજાવે*
*કોણ જાણે ક્યા અર્જુનને કયો મુદ્દો ફાવે!!!*
                          *કયો મુદ્દો મન ભાવે!!!*
___
*સંદર્ભ:* શ્રી મદ્ ભગવદ્ ગીતા
*ઑડીયો:* પરવાનગીની અપેક્ષા સહ
___
✍🏼
ટીમ *Limited 10 પોસ્ટ*

(આ પોસ્ટ *કોપી રાઈટ* આરક્ષિત હોવાથી તેના લખાણ માં કોઈ ફેરફાર ન કરવો)

[85 ગૃપ, 18000  જેટલા વાચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારું *Limited 10 ✉  પોસ્ટ*, મારી પોકેટ 📚 લાઈબ્રેરી]

10/06/2022

*📈 અસલ અમીરી સ્ટાઇલથી જીવન જીવવામાં છે! 📈*

*"મેનેજમેન્ટ ફંડા"*- દિવ્ય ભાસ્કર
✒લેખક: *એન. રઘુરામન*
https://www.facebook.com/nraghuraman13

આ અઠવાડિયે મેં શિક્ષણ ક્ષેત્ર સાથે જોડાયેલા એવા યુવા પ્રોફેસરોને ડિનર પર વાતચીત માટે આમંત્રિત કર્યા જેઓ ખૂબ સારું કામ કરી રહ્યા હતા. પરંતુ ફાઇન ડાઇનિંગની કળામાં તેઓ એટલા પ્રભાવી સાબિત ન થઈ શક્યા. મારા મુજબ તે એકમાત્ર એવું પ્રોફેશન નથી જે આ સોશિયલ સ્કિનમાં નિષ્ફળ રહ્યું હોય. બધા પ્રોફેશનના યુવાનોમાં યોગ્ય રીતે ભોજન કરવાની કળા ક્યાંક ખોવાઇ ગઈ છે. જોકે, તેમાંથી કેટલાક એવું સ્વીકારે છે કે તેમને ખબર ન હતી કે મોઢું ખુલ્લું રાખીને ચાવવું અભદ્રતા છે. ઇંગ્લેન્ડમાં પણ આ શનિવારે ક્વીનના 70 વર્ષના શાસનનું ઉત્સવ મનાવવા માટે પ્લેટિનમ જુબલી ડિનરનું આયોજન કરવામાં આવ્યું હતું જેમાં 73 ટકા અંગ્રેજોને મહેસુસ થયું કે ડિનર પાર્ટીના શિષ્ટાચારમાં ઘટાડો થયો છે.
ડિનરના જે નિયમો મારા મહેમાનોને મૂંઝવણભર્યા જણાયા હતા - તે હતા ક્યા કોર્સ સાથે કઈ કટલરીનો ઉપયોગ કરવો, અથવા રોટલી/બ્રેડને હાથથી તોડવી કે છરીથી કાપવી. છરી, ફોર્ક અને નેપકિનના ઉપયોગ સિવાય ડિનર બાદ ક્યા ડ્રિંક માટે ક્યો ગ્લાસ લેવો અથવા ફોન ક્યા રાખવો તેને લઈને પણ કન્ફ્યુઝન જોવા મળ્યું. તેઓ જાણતા ન હતા કે જમતી વખતે ટેબલ પર કોણી ન રાખવી જોઈએ અથવા ચાવતી વખતે મોં બંધ રાખવું જોઈએ. તેમને અહેસાસ થઈ ગયો હતો કે તેમણે ઔપચારિક ભોજન સમારંભમાં અયોગ્ય વર્તન કર્યું હતું, પરંતુ ‘તો શું થયું?’ના વિચાર તેના પર ભારે પડી ગયા હતા.

અંગત રીતે વાત કરું તો, હું આ ‘તો શું થયું?’ વિચાર સાથે સંમત છું, કારણ કે આ મારું જીવન છે અને હું જે રીતે ખાવા ઈચ્છું તે રીતે ખાઈશ. પરંતુ મારા 40 વર્ષના કોર્પોરેટ અનુભવે મને શીખવ્યું છે કે જો તમારી પાસે કોઈ સ્ટાઈલ હોય તો તમે માત્ર ભીડમાંથી અલગ જ નથી દેખાતા, પરંતુ રેસ્ટોરાં અથવા એરપોર્ટ જેવા સાર્વજનિક સ્થળો પર પણ તમને વિશેષ અટેન્શન મળે છે. હવાઈ મુસાફરીનો દાખલો લો. કોઈપણ એરલાઈન તમે તેમના પ્લેનમાં કેટલી વાર મુસાફરી કરો છો તેની કાળજી લેતી નથી, પરંતુ જો તમે સ્માર્ટ-ટ્રાવેલ કરો છો તો તમારા પર ધ્યાન આપવામાં આવશે. ઈન્ડિગો એરલાઈન્સના બોર્ડિંગ ગેટ પરના દરેક કર્મચારીને તાલીમ આપવામાં આવે છે કે તે એવી સૂટકેસ પર ધ્યાન આપે જેના સોફ્ટ લગેજને કોઈ ઝિપથી ચુસ્તપણે બંધ કરવામાં આવી હોય. તેઓ એવી સૂટકેસને લઈને હોલ્ડ કરેલા લગેજમાં રાખી દે છે અને પ્લેનમાંથી ઉતર્યા પછી તેને મેળવવામાં તમારો કિંમતી સમય બગડે છે. પરંતુ જો તમે હાર્ડ લગેજ અને થોડી નાની સાઇઝની સામાન્ય સૂટકેસ લો છો, તો તેઓ તમને સ્માઇલ સાથે પ્લેનમાં જવા દે છે. દરેક ટ્રિપ દરમિયાન હું એ વાતનું ધ્યાન રાખું છું કે મારા શૂઝ સારી રીતે પોલિશ્ડ હોય અને મારી નાની સૂટકેસ પણ સ્વચ્છ હોય. હું તેમને શુભેચ્છા પાઠવું છું અને કાયમ તેમને તેમના દ્વારા કરેલા કોઈ યોગ્ય વાત જણાવીને એવું કહીને તેને હાઇલાઇટ કરું છું કે તમે આ કામ ખૂબ સરસ કર્યું છે. તેનાથી તેમના ચહેરા પર સ્માઇલ આવી જાય છે અને તેઓ તમારા માટે આભારી રહે છે.

મારા માટે શિક્ષણના વ્યવસાય સાથે જોડાયેલા લોકો લાઇફસ્ટાઇલનું એક કમ્પ્લીટ પેકેજ છે. જો તેઓ અનેક લાઇફ સ્કિલ્સની લાઇબ્રેરી નથી તો આવનારી પેઢી જીવન જીવવાની સ્ટાઇલ ગુમાવી દેશે. મારું માનવું છે કે સિલેબસ પરીક્ષામાં માર્ક્સ મેળવવા માટે હોય છે પરંતુ લાઇફ સ્કિલ્સ બાળક સાથે જીવનભર બની રહે છે.

*ફંડા એ છે કે*

_બધા કપડાં પહેરે છે, ભોજન કરે છે અને યાત્રાઓ કરે છે પરંતુ તેમને ભીડથી અલગ ત્યારે જ ઓળખવામાં આવે છે જ્યારે તેઓ આ તમામ બાબતો સ્ટાઇલથી કરે છે._
___
✍🏼
ટીમ *Limited 10 પોસ્ટ* વતી
ભાવિન સોની

(આ પોસ્ટ *કોપી રાઈટ* આરક્ષિત હોવાથી તેના લખાણ માં કોઈ ફેરફાર ન કરવો)

[85 ગૃપ, 18000  જેટલા વાચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારું *Limited 10 ✉  પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*
વોટ્સએપ: 07041143511
ટેલિગ્રામ:
https://t.me/limited10post

10/06/2022

*'જન'માંથી 'સજ્જન' બનવાના સાત ઉપાયો*

*એક જ દે ચિનગારી* - *ગુજરાત સમાચાર*

✒લેખક: *શશિન્*

- 'તમે મારી આગળ સાબિત કરી બતાવો કે તમે તમારી જાતને અંકુશમાં રાખી શકો છો, તો જ હું કહીશ કે તમે શિક્ષિત મનુષ્ય છો.'

એક માણસ મંદિરમાં બધા દર્શનાર્થીઓની ભીડ વિખરાઈ ગયા પછી એકાંતની પ્રતીક્ષામાં હતો. પૂજારી પણ જવાની તૈયારીમાં હતા. એમણે પૂછ્યું : 'તમારે કશી માગણી ઇશ્વર પાસે કરવાની છે? જો કોઈ ખાનગી વાત હોય તો હું પણ ગર્ભગૃહની બહાર ચાલ્યો જાઉં'

'ના, મારી માગણી ખાનગી નથી. આજે રાત્રે મને સ્વપ્ન આવ્યું કે તું દેશસેવા માટે કામ કરવાનો હોઉં તો ભગવાન પાસે એક માગણી કરજે.' પેલા માણસે કહ્યું.

'સારી વાત છે. સેવા માટે મેવાની વાત છે? પૂજારીએ વ્યંગ્યમાં પૂછ્યું.

'મને ચિંતા છે દેશમાં સાચા અને સારા મનુષ્યોના દિવસે-દિવસે થઈ રહેલા ઘટાડાની. મારા હાથમાં એક પ્રાર્થના આવી. મેં તે લખી લીધી છે. આપ કહો તો ભગવાન સમક્ષ વાંચી સંભળાવું.'

પૂજારીને લાગ્યું કે આ માણસ સહેતુક રાજકારણમાં પ્રવેશવા માગતો લાગે છે. એને માણસમાં રસ છે અને માણસાઈમાં રસ છે. પૂજારીની સમ્મતિ મળતાં લેખક એનનની પ્રેરક પંક્તિઓ તેણે વાંચવા માંડી. તેમાં લેખકે ઇશ્વરને પ્રાર્થના કરતાં માનવજાતિ વતી માગણી કરતાં લખ્યું હતુ. હે ઇશ્વર અમોને 'મનુષ્ય' આપો હાલના સમયમાં દૃઢ મન, વિશાળ અંતઃકરણ, સાચી શ્રધ્ધા અને કામ કરવાની તત્પરતા ધરાવનાર માણસોની જરૂર છે. જે માણસોને સત્તાનો લોભ મારે નહીં, જેમને સત્તાથી પ્રાપ્ત થતું દ્રવ્ય ખરીદી શકે નહીં. જે સ્વતંત્ર અભિપ્રાય અને ઇચ્છાશક્તિ ધરાવે છે, જેઓ માનસહિત જીવન ગાળવા ઇચ્છે છે. જે માણસો અસત્ય બોલતા નથી, જેઓ ઉચ્ચ દરજ્જાવાળા માણસની સામે ઉભા રહી શકે છે અને જરા પણ ડર્યા વિના તેમની દગાભરી ખુશામત પ્રત્યે તિરસ્કાર દર્શાવી શકે છે, સાર્વજનિક કર્તવ્ય અને ખાનગી વિચારોની બાબતમાં જેમ ધુમ્મસની ઉપર સૂર્યપ્રકાશ રહે છે, એવા ઊંચા માણસની હાલના સમયમાં જરૂર છે. પેલા માણસે વાત પૂરી કરી પૂજારીએ એ માણસને વંદન કરતાં કહ્યું ઃ મને આજે ભગવાનની સેવાનું ફળ મળ્યું છે. સાચુકલો માણસ એ જ જે ભગવાનને પોતાના સર્જન માટે વેઠેલા શ્રમનો પુરસ્કાર અર્પે છે. ભગવાન પાસે માગનારા વધ્યા છે પણ ભગવાનને આપનારા સાવ ઘટી રહ્યા છે. તમારી ભાવના ફળો-કહી ભગવાનને પહેરાવેલો હાર પેલા માણસને પહેરાવી આશીર્વાદ આપી પૂજારી વિદાય થયા.

આજના માણસને બધું 'ઇસ્ટંટ' એટલે કે તત્કાળ જોઈએ છે. તપવું અને ખપી જવું શબ્દને એણે જીવનકોશમાંથી જાકારો આપી દીધો છે. ધનની સ્થિતિ સુધરે તેમાં માણસને રસ છે પણ મનની સ્થિતિ સુધરે તેમાં માણસને રસ નથી.

માણસના જીવનનો ઉદ્દેશ સાવ બદલાઈ ગયો છે. એનામાં આત્મબળ અને સંયમ ઘટી ગયો છે. પરીક્ષાર્થીનું પેપર તો એક વાર ફૂટે છે, પણ માણસની જિંદગીમાં ઇમાનદારીનું પેપર ફૂટવા તૈયાર હોય છે. એને જાણવામાં કોઈનેય રસ નથી હોતો. માણસ જાતને ઘડવા તૈયાર નથી, એનું ઘડતર કોઈક કરી આપે અને તેનાં મધુર ફળ પોતાને મળે એવી અપેક્ષા રાખે છે. મફત મેળવવાની વૃત્તિ અને લાલસાએ આત્મ સન્માનનું ઘોર અપમાન છે, શ્રેષ્ઠ નાગરિકત્વનું પતન છે, એ વાતનું ચિંતન કે ચિંતા હવે મૂર્ખતામાં ખપે છે. ખંડિત વ્યક્તિત્વવાળા લોકો દેશને, દુનિયાને માનવજાતિને ભારે હાનિ પહોંચાડી રહ્યા છે. સ્વામી બનવા માટે ઉતાવળ કરનાર લોકો 'શોર્ટકટ' અપનાવી પોતાને ગુલામની પંક્તિમાં બેસાડે છે. માણસ સાચા જ્ઞાાન માટે કે ઉત્તમ ચારિત્ર્યના નિર્માણની પ્રેરણા માટે સ્કૂલ, કોલેજ કે યુનિવર્સીટીઓમાં ભણતો નથી, પણ જીવનની તૈયારી માટે ભણે છે, એ વાત યુવાનોએ સમજવાની આવશ્યકતા છે. ધ્યેય શુધ્ધિ અને ધન સુધ્ધિ વગરનું જીવન એ નૈતિક અપરાધ છે એ વાત ભૌતિક સુખોને જ સર્વસ્વ માનતી દુનિયા ધરાર ઇન્કારે છે. 

ગરીબીમાં પણ ઇમાનદારીનો પાલવ મજબૂત રીતે પકડી રાખે તેને માણસ નહીં પણ ઇશ્વરનું વરદાન પ્રાપ્ત ઇન્સાન કહેવાય. આ સંદર્ભમાં એક ગરીબ બાઈનું ઉદાહરણ પ્રેરક બની શકે છે. એક સદ્ગૃહસ્થ પશ્ચિમ વર્જિનાયામાં મુસાફરી કરતો હતો. તે એક વાર એક ઘરમાં ગયો. ત્યાંથી પોતાને માટે પોતાના સાથીઓ માટે તથા ઘોડાઓ માટે ખોરાક લઈ આવ્યો. ખોરાક માટે તે પૈસા ચુકવવા માગતો હતો. પણ એ ઘરની બાઈએ કહ્યું ઃ 'ભાઈ! રહેવા દો. ખોરાકના તો પૈસા લેવાય? પેલા માણસે પૈસા આપવાનો ખૂબ જ આગ્રહ કર્યો ત્યારે એ બાઈએ કહ્યું ઃ' જો આપ મને નીચી નહીં દેખાડો તો હું તમારી પાસે ફક્ત એક જ શિલિંગ લઈશ અને તેનાં વારંવાર દર્શન કર્યા કરીશ, કારણકે આ ઘરમાં એક વર્ષથી લક્ષ્મીનો જરા પણ. વાસ થયો નથી. આવા ચારિત્ર્યશીલ માણસો જ ઇશ્વરનું શ્રેષ્ઠ સર્જન ગણાય. તમે ખુમારીપૂર્વક કહી શક્શો ખરા કે હું અત્યંત ગરીબ છું. પરંતુ મને ખરીદી શકે એવો તવંગર હજી આ જગતમાં જન્મ્યો નથી.

માણસનું હૃદયએ ઇશ્વરનું ચિરસ્થાયી ઘર છે. પણ આપણે એની સાફ-સફાઈ માટે ક્યારેય ચિંતા કરતા નથી. છળ,કપટ, વાસનાઓ, લાલચો, લોભ અને દ્વેષના ઢગલા ત્યાં ખડકવા દઈએ છીએ. એટલે દુષ્કર્મોની દુર્ગંધથી માણસ પોતે જ ત્રાસે છે. હૃદય વાસનાઓની વખાર બનવા સર્જાયું નથી. આપણને વસ્તુની કિંમત આંકતા આવડે છે, વ્યક્તિની કિંમત આંકતાં આવડે છે. પણ પોતાના જીવનની કિંમત આંકતાં આવડતું નથી એટલે આપણે કામ અને દામને જ જીવન માનીએ છીએ. ઇશ્વરે આપેલી અનેક મૂલ્યવાન પ્રાકૃતિક ભેટો પરત્વે આપણે ધ્યાન આપતાં નથી. જીવન એક મહાન ગ્રંથ છે, તેના પ્રત્યેક પૃષ્ઠ પર પરમાત્માએ કેમ જીવવું તેનાં સૂચનો સ્પષ્ટ શબ્દોમાં લખેલા છે. પણ આપણે એ ગ્રંથને વાંચ્યા સિવાય જ કોરાણે મૂકી રાખતા હોઈએ છીએ. આપણને બીજા પર સત્તા ચલાવતાં આવડે છે પણ જાત પર સત્તા ચલાવતાં આવડતું નથી. આપણે 'લોભ'ને 'ચૂપ' થવાનો આદેશ આપી શકતા નથી. 'ક્રોધ'ને ચૂપ થઈ જવાનો આદેશ આપી શકતા નથી, મનોવિકારને મૌન ધારણ કરવાનો હુક્મ આપી શકતા નથી. મિસિસ એલિફન્ટ કહેતાં કે મારી આગળ તમે સાબિત કરી બતાવો કે તમે તમારી જાતને અંકુશમાં રાખી શકો છો, તો જ હું કહીશ કે તમે એક શિક્ષિત મનુષ્ય છો. એના વિના બીજું બધું જ શિક્ષણ નકામું છે.

માણસ વજનકાંટા દ્વારા પોતાનું વજન કેટલું વધ્યું કે ઘટયું તેનો અંદાજ મેળવે છે પણ પોતાનામાં કેટલી માણસાઈ વધી કે ઘટી તેનો તાગ મેળવવામાં તેને રસ પડતો નથી! મોરારિ બાપૂને પૂછો તો તેઓ કહેશે કે 'વજનકાંટા'ની નહીં પણ માણસાઈની વૃદ્ધિના 'ભજનકાંટા'ની ચિંતા કરશો તો તમારો બેડો પાર થઈ જશે.

મહાપ્રજ્ઞા કથાસાગર નામના એક પુસ્તકમાં મહાપ્રજ્ઞાજીની મને સજ્જન બનાવો શીર્ષકવાળી એક લઘુકથા સમાવિષ્ટ છે. તદનુસાર ઇંગ્લેંડના રાજા જેમ્સ બધાને પદવી પ્રદાન કરતો હતો. એક પ્રતિભાશાળી પુરુષ રાજા પાસે ગયો. રાજાએ પૂછ્યું ઃ 'તમારે શું જોઈએ છે?' પેલા માણસે કહ્યું ઃ મારે બીજી કોઈ પદવી જોઈતી નથી. મને સજ્જન બનાવી દો. રાજાએ કહ્યું ઃ હું તને ડયૂક બનાવી શકું. લોર્ડ પણ બનાવી શકું છું. પરંતુ સજ્જન ન બનાવી શકું.

મતલબ કે સજ્જનતા આરોપિત ન થાય. કોઈને સજ્જન ન બનાવી શકાય. માત્ર 'જન'માંથી 'સજ્જન' બનવાના સાત રસ્તા ક્યા?.

૧. ક્યારેય આત્મગૌરવ કે ઇશ્વરનું અપમાન ન કરશો.

૨. આત્મનિરીક્ષણ કરી અંતઃકરણમાં એકઠા થતા કચરાનો દરરોજ નિકાલ કરો.

૩. ધનના લોભને બદલે પ્રામાણિક અને નૈતિક જીવનની ઉપાસના કરો.

૪. જીવનું મૂલ્ય પૈસા કે ભૌતિક સુખોથી આંકવાને બદલે પ્રેમ, સેવા અને પ્રસન્નતાથી આંકો.

૫. બુધ્ધિની વૃધ્ધિને આંધળું મહત્ત્વ આપવાને બદલે અંતઃકરણ અને મનની શુધ્ધિને મહત્ત્વ આપો.

૬. આત્મકલ્યાણ સાથે વિશ્વકલ્યાણ માટે પણ પરમાત્માને પ્રાર્થના કરો.

૭. દુર્ગુણો દૂર કરવા તમારી જાત પાસે સત્તા ચલાવો.

*Source:-* https://www.gujaratsamachar.com/
---------------------------------------
ટીમ
✍🏼
*Limited 10 પોસ્ટ* વતી
*શ્યામ કારીયા*

(આ પોસ્ટ *કોપી રાઈટ* આરક્ષિત હોવાથી તેના લખાણ માં કોઈ ફેરફાર ન કરવો)

[85 ગ્રુપ, 18000 જેટલા વાંચકો *નિજાનંદ* અને માત્ર *માતૃભાષાના પ્રસાર-પ્રચાર* માટે ધબકતું, મારુ *Limited 10 ✉ પોસ્ટ*, મારી પોકેટ 📚 લાઈબ્રેરી]

*જોડાઓ, અમારી સાથે*
વોટ્સએપ: 07041143511
ટેલિગ્રામ:
https://t.me/limited10post