आयुष्याच्या डायरीतून..📝🎯🎉

जबाबदारीची आणि परिस्थितीची जाणीव असणं ही एकमेव गोष्ट पुरेशी आहे आयुष्यात न बिघडण्यासाठी..
#observation_based

Dear All….,.,,
आज लागलेल्या राज्यसेवा पूर्व परीक्षेच्या निकालानंतर…
पहिला गट ज्यांचे मुख्यपरीक्षेसाठी सिलेक्शन झालं आहे ,पूर्व परीक्षेचा टप्पा ज्यांनी यशस्वीरित्या पार पाडला आहे अशा सर्वांचं मनापासून अभिनंदन आणि त्याच वेळेस आयुष्यातल्या करियरसाठीच्या सर्वोत्तम लढाईसाठी सज्ज व्हावं यासाठीच्या शुभेच्छा सुद्धा.. ज्यांनी पूर्व परीक्षा पास केलेली आहे त्या सर्व मित्र-मैत्रिणींना माझं हेच सांगणं असेल की त्यांनी स्वतःला झोकून देऊन मुख्य परीक्षेची तयारी अतिशय छान पद्धतीने करणे अपेक्षित आहे ..आयुष्यातले Best efforts अशा पद्धतीने पुढचे 45 दिवस तुमची वाटचाल असायला हवी …
प्रचंड ताकदीने अभ्यास, प्रचंड सकारात्मकता, Active Readings ,
Revisions व्यवस्थित प्लॅन करणं ..आत्मविश्वास कुठेही डळमळीत होणार नाही अशा पद्धतीने स्वतःला Optimistic ठेवणं ..Panic बटन न दाबणं या गोष्टींची काळजी घेणं अतिशय महत्त्वाचं आहे ..
आपल्याला आपले स्वप्न जगता येत आहे अशा पद्धतीने आपल्या स्वप्नांसाठी सर्वोत्तम प्रयत्न आपल्याला द्यायचे आहे एवढा एकच ध्यास आपल्या मनी असायला हवा पुढचे 45 दिवस .

यानंतरचा दुसरा गट म्हणजे
ज्यांनी आजच्या राज्यसेवा पूर्व परीक्षेमध्ये आपला निकाल गमावलेला आहे अशा विद्यार्थ्यांना मी एकच सांगेन की आज आपल्याला प्रचंड वाईट वाटत असेल आणि ते वाटले ही पाहिजे Rather मी म्हणेल वाटलेचचच पाहिजे परंतु यातून काय घ्यायचे .?
तर सगळ्यात महत्त्वाचे या अपयशाचा वचपा पुढच्या परीक्षेच्या यशातून काढायचाच अशी खूणगाठ आज आपल्याला मनी बांधता आली पाहिजे तुमचा रिझल्ट कोणत्या कारणाने गेला हे ऐकण्यात कोणालाही स्वारस्य कधीच नसते म्हणूनच आज मिळालेलं अपयश हे कोणत्या कारणांमुळे मिळालं याची कारणमिमांसा करुन पुढच्या परीक्षेत त्याचा वचपा काढण्यासाठी सर्वस्वी तयारी करणं ही आपली जबाबदारी असते .म्हणतात ना ,”अपयश हे पोरकं असतं यशाला हजार बाप असतात”
पदरी पडलेलं अपयश हे फक्त एका परीक्षेतलं आहे त्यावर आपण नक्कीच मात करु शकतो असा सकारात्मक विचार मनी ठेवून अपयशाचा वचपा काढण्यासाठी मोर्चेबांधणी करणं सुज्ञपणाचे ठरेल..
बाकी सर्व तुम्ही जाणताच..
Best wishes always ✨💐✅💯

Live stream finished (1 hour)

#women'sDay

आदरणीय ती,

तुझ स्वतःच असं स्वतंत्र अस्तित्व आहे हे तू आम्हाला कित्येक वर्षांपासून सांगत आहेस. तरीही आमच्यातील अहंभाव मानायला तयार नाहीच. म्हणून साऊ हातात पुस्तकं घेऊन जात असताना आम्ही तिच्यावर शेण फेकून मारतो. पण तरीही तू खचत नाहीस. तू कपाळावर आडवा टिळा नाही लावत तर कर्तुत्वाने सारी व्यवस्थाच आडवी करतेस, अस कुठेतरी वाचलं होतं. इतकं प्रचंड सामर्थ्य तुझ्यात असताना आमच्या अस्तित्वाच्या च्या कारणालाचं आम्ही नाकारलं. एवढंच नव्हे तर आम्ही तुझ्याच गर्भात "ती ..." आकार घेतेय याची चुणूक जरी लागली तरी आम्ही तुला नामशेष केलं. हा हे मात्र खरंय की आम्ही तुझी फक्त पूजा अर्चना करूनच तुला खूप डोक्यावर घेतलं. पण प्रत्यक्षात मात्र चार भिंतीच्या पलीकडे जाऊ दिलं नाही. हे सर्व माफीच्या पलीकडे आहे.
पण तुझ्या सामर्थ्याचं मला विशेष कुतुहुल वाटतं. तुझ अस्तित्व नाकरलेल असताना तू फिनिक्स पक्ष्याप्रमाणे झेप घेऊन इतरांना ही सामर्थ्य देतेस. मग ते चार भिंतीना श्वास देऊन घर बनवणं असो की तिकडे अवकाशात झेप घेऊन सारे आसमंत कवेत घेण्याची इच्छा शक्ती असो. तुझ्या कर्तुत्वाने तू कायमच नवचैतन्य निर्माण केलेस. आम्ही तुझ अस्तित्व मान्य केलं नाही म्हणून तू हरली नाहीस उलट तुझ्या कर्तुत्वाने तू लक्ष वेधून घेतलस. तू टिकून राहिलीस. इतकी सहनशीलता तुझ्यात आली कुठून हे विचारणार नाही. कारण तू तब्बल नऊ महिने एक अंश तुझ्या गर्भात वाढवतेस हेच तुला विलक्षण बनवून जातं. इथेच तुझ्या क्षमतेची प्रचिती येते. त्यामुळे तुझ्या प्रती कृतज्ञता व्यक्त करण्याशिवाय इतर कुठलाही भाव मनी येत नाही. तू तुझ्या उपजत क्षमतेवर प्रचंड विश्वास ठेव. आम्ही तुला काय संधी देणार. तो तुझा हक्क आहे. आम्हीच आमचं अतिक्रमण कमी करून तुला झेप घेण्यासाठी पूरक अस काम निर्माण करणं गरजेचं आहे.
आणि हो तु स्वतःवर विश्वास ठेऊन जिद्दीने पेटून उठ , स्वतः ला केंद्रस्थानी ठेऊन स्वतः साठी जग. तुझ्या जगण्याचा आनंद साजरा कर. स्वतःसाठी जग. आर्थिक दृष्टीने स्वावलंबी हो. आणि असे कितीही शेण फेकून मारणारे आले तरी जिंकणार तूच असतेस. त्यामुळे निडर होऊन स्वतःच्या हक्काचं जग आणि स्वतःच्या हक्काचं यश सुद्धा मिळवं.
कारण तुच अस्तित्वाची मूर्ती आहेस आणि जडणघडण ही तुझ्याच ठायी वास करते.
खूप मनापासून तुला शुभेच्छा

-- 🌱 शुभम