Лезги Газет @lezgigazet1 Channel on Telegram

Лезги Газет

@lezgigazet1

Республиканская Общественно-политическая Газета
Эл.почта: [email protected]

Лезги Газет (Russian)

Лезги Газет - это республиканская общественно-политическая газета, предназначенная для тех, кто интересуется событиями в России и за ее пределами. На канале вы найдете самые свежие новости, аналитику и комментарии по самым актуальным темам. Наша редакция следит за развитием политической ситуации, экономическими событиями и культурными новинками. Если вы хотите быть в курсе всех событий, происходящих в мире, подписывайтесь на канал 'Лезги Газет' прямо сейчас! Мы также рады получать ваши письма и обратную связь на электронную почту [email protected].

Лезги Газет

13 Jan, 19:34

РФ-дин Госдумадин депутат Султан Хамзаева "Лезги газетдин" редакциядин коллективдиз Россиядин печатдин югъ мубаракна.

Депутатди къе газетдин кьилин редактор Мегьамед Ибрагьимован тIварцIел Тебрикдин телеграмма рекье тунвай.
125
Лезги Газет

13 Jan, 19:20

Къе, 13-январдиз, РД-дин Гьукуматдин Председатель Абдулмуслим Абдулмуслимова республикадин СМИ-рин векилрихъ галаз гуьруьш кьиле тухвана.

Гуьруьшдин сергьятра аваз премьер-министрди са жерге журналистрив РД-дин Гьукуматдин Гьуьрметдин грамотаяр вахкана.

Абурун арада "Лезги газетдин" экономикадин отделдин редактор Жасмина Саидовани ава.
140
Лезги Газет

13 Jan, 19:16

Къе, 13-январдиз, Россиядин печатдин югъ къейдзавай юкъуз, Росгвардиядин Дагъустанда авай Управленидин векилри "Лезги газетдин" редакциядин къуллугъчийриз пешекарвилин сувар мубаракна.

Кьилди къачуртIа, Управленидин векилри газетдин кьилин редактор Мегьамед Ибрагьимовавни яшайишдин месэлайрин отделдин редактор Рагнеда Рамалдановадив Разивилин чарар вахкана!
141
Лезги Газет

13 Jan, 16:13

РикIел гъун

«Куьне зи асгьабрикай садазни экъуьгъунар ийимир...»

(...) Асгьабар кIан хьун, абурукай хъсан рахун ва хъсан фикирун чи буржи тирдан гьакъиндай шагьидвалзавай делилар Къуръандани Суннада ава. Аллагьди Къуръанда лагьанва (9-сура, 71-аят, мана):
«Амма муъмин итимар ва муъмин дишегьлияр - абур сад-садаз куьмекчияр ва дустар я».
Асгьабрин имандал чна са шакни гъизвач, акси яз, ахьтин иман абурулай кьулухъ садахъни тахьайди ва хъженни тийидайди тестикьарзава. Аятра лугьузвай муъминрик сифтени-сифте асгьабар акатзава.
Суннадикай рахайтIа, Бухарийди гъанвай са гьадисада Пайгъамбарди (Аллагьдин салават ва салам хьурай вичиз) лагьанва (мана): «Имандин лишан я ансаррихъ кIанивал хьун, мунафикьвилин лишан – такIанвал (ансаррихъ)». (…)
(…) Сагьигь гьадисда Пайгъамбарди (Аллагьдин салават ва салам хьурай вичиз) лагьанва (мана): «Куьне зи асгьабрикай садазни экъуьгъунар ийимир. Эгер квекай сада Угьуд дагъ кьван къизил харж авуртIани (садакьа гайитIани), а касдивай (адалди) агакьариз жедач абуру (асгьабри) авур “са мекве авай кьвандав” ва я адан паюнив» (Бухарий).

Гьасамудин Сефибегов, «Жуьмя йикъан вязер» ктабдай, «Асгьабрин лайихлувал» хутба, 124- 125, 185 -чинар.
226
Лезги Газет

13 Jan, 11:00

🤝Абдулмуслим Абдулмуслимова Дагъустандин журналистрив гьукуматдин шабагьар вахкана

https://t.me/pravitelstvord/24339
299
Лезги Газет

13 Jan, 10:57

❗️Сергей Меликова Дагъустандин журналистриз пешекарвилин сувар мубаракна

https://t.me/melikov05/3197
281
Лезги Газет

13 Jan, 09:01

РД-дин Гьукуматдин Председатель Абдулмуслим Абдулмуслимова республикадин СМИ-рин векилриз Россиядин печатдин югъ мубаракна!

https://t.me/pravitelstvord/24322
285
Лезги Газет

13 Jan, 05:25

🔥Хьрак цIай хъийидайла куь хуьрера и кардиз (процессдиз) гьикI лугьузва?

✔️Хьар кутун;

✔️Хьар икIисун;

✔️Маса къайдада лугьузва.

📹Видео: @zarema_merdalieva
328
Лезги Газет

12 Jan, 16:34

РикIел гъун!

Исраф ва лавгъавал тавуна...

Гьадисда лагьанва (мана):

“Неъ, хъухъ, алукI куьне ва садакьа це исраф тавуна ва лавгъавал тавуна” (Бухарий).

(Ред: исраф – расточительство; лавгъавал – горделивость.)

«Исламдин эдебар, ахлакьар ва дуьаяр» ктаб, 64-чин, диндин алим Ямин Мегьамедов.
369
Лезги Газет

12 Jan, 08:18

Сергей Меликова Ватандин ЧIехи дяведин иштиракчи Ибрагьим-Паша Садикьоваз 101 йис тамам хьун мубаракна.
420
Лезги Газет

12 Jan, 08:03

❗️РД-дин юстициядин министерстводин ЗАГС-дин Управленидин делилралди, 2024-йисуз Дагъустанда 43 668 аял хана.

Аялрал эцигнавай тIварарикай рахайтIа, гадайрин арада виридалайни машгьур тIвар Мугьаммад я. Шаз 3186 аялдиз и тIвар гана.

Рушарин арада сад лагьай чкадал Марья (1072), кьвед лагьай чкадал Фатима (1021), пуд лагьай чкадал Амина (1000) ала.
393
Лезги Газет

12 Jan, 07:03

⁉️Аялар къугъвадай ихьтин затIуниз гьикI лугьузватIа низ чида?
399
Лезги Газет

12 Jan, 05:20

Хьрак авунвай афаррин дад масад жеда☺️

📹Видео: @zarema_merdalieva
402
Лезги Газет

11 Jan, 17:33

РикIел гъун

Аллагьди Къуръанда лагьанва (4-сура, 58-аят, мана):

«Гьакъикъатда, Аллагьди квез аманатар (квел ихтибарнавай шейэр дуьзвилелди) чпин иесийрив вахгун ва инсанрин арада дуван ийидайла, а дуванни адалатлувилелди авун эмирзава. (Бес), гьакъикъатда, гьикьван гуьрчегди я Аллагьди квез несигьат гузвай кар! Гьакъикъатда, Аллагь - вири ванер къведайди, вири аквадайди я!».

«Пак Къуръан ва адан манайрин таржума лезги чIалал» ктаб (таржумачи – Ямин Мегьамедов).
417
Лезги Газет

11 Jan, 14:48

❗️Алатай йисуз Дагъустанда хуьруьн майишатдин саки 45 мекера тешкилна

https://t.me/kavkaz_tass/6697
433
Лезги Газет

11 Jan, 13:32

Хуьруьн уьмуьрдай са легьзе

📹Видео: @zarema_merdalieva
404
Лезги Газет

11 Jan, 08:08

РФ-дин Президент Владимир Путинан 2024-йисан 23-декабрдиз кьабулнавай 1097-нумрадин Указдалди, чи ватанэгьли Ашурбегов Тофик Ашурбеговичаз «Государственный советник юстиции 3 класса» тIвар ганва.

Къейд ийин хьи, и тIвар генералдин тIварцIиз барабар я.

Гьукуматдин шабагь Тофик Ашурбеговав 10-январдиз Россиядин Федерациядин Генеральный прокурор Игорь Краснова вахкана.

Лагьана кIанда, Тофик Ашурбегова уьлкведин прокуратурадин органра фадлай къуллугъзава. Алай вахтунда ада РФ-дин Генеральный прокуратурадин университетда проректор яз кIвалахзава. Ам юридический илимрин доктор, РФ-дин лайихлу юрист я.

Тофик Ашурбеков 1960-йисуз Кьурагь райондин Кьурагьрин хуьре дидедиз хьана. Адан бубайрин бинеяр Ахцегь райондин Хинерин хуьряй я. ДГУ акьалтIарай 1986-йисалай ада уьлкведин прокуратурадин органра жуьреба-жуьре къуллугърал кIвалахна.
537
Лезги Газет

11 Jan, 05:27

Ассалам алейкум, играми стхаярни вахар!

Къенин югъ чун вири патал берекатар галайди хьурай!

📹Видео: @zarema_merdalieva
73
Лезги Газет

10 Jan, 20:16

⚽️Къе гьакIни Сергей Меликова Махачкъаладин "Динамо" командадик кваз къугъвазвайбурухъ ва клубдин тренеррихъ галаз гуьруьш кьиле тухвана.

Къейд ийин хьи, цIи футболистрин сад лагьай къугъун 28-февралдиз кьиле фида. "Динамо" "Локомотив" командадихъ галаз къугъвада.

Гуьруьшдикай гегьеншдиз РД-дин Администрациядин Кьилин Тг-каналдай кIелиз жеда.

📸Шикилар: РД-дин Кьилин пресс-къуллугъдинбур
217
Лезги Газет

10 Jan, 20:11

РД-дин Кьил Сергей Меликова "Защитники Отечества" фондунин регионрихъ галаз кIвалахдай Департаментдин регьбер Любовь Фроловадихъ ва фондунин Дагъустанда авай филиалдин кьиле авай Идрис Къурбановахъ галаз гуьруьш кьиле тухвана.

Гуьруьшдикай гегьеншдиз РД-дин Кьилин Администрациядин ТГ-каналдай кIелиз жеда.

Шикилар: Дагъустандин Кьилин пресс-къуллугъдинбур
216
Лезги Газет

10 Jan, 15:42

РикIел гъун!

Мугьманвилин эдебар

Мусурман кас мугьмандиз гьуьрмет авуна кIанзавайдахъ инанмиш я, вучиз лагьайтIа гьадисда лагьанва (мана): “Вуж Аллагьдихъ ва Эхиримжи Йикъахъ инанмиш ятIа, къуй ада вичин мугьмандиз гьуьрмет авурай” (Бухарий). Гьавиляй ада мугьмандиз теклиф авунин карда ихьтин эдебар хвена кIанда:
1. Мугьмандиз Аллагьдихъай кичIе тир муъмин ксариз эверун ва гьунагькар, зулумкар ксарикай яргъаз хьун. Гьадисда лагьанва (мана): “Вуна дуствал ая анжах муъминдихъ галаз ва вуна тIуьн неъ анжах Аллагьдихъай кичIе касдихъ галаз” (Дарамий). (...)

«Исламдин эдебар, ахлакьар ва дуьаяр» ктаб, 55-56-чинар, диндин алим Ямин Мегьамедов.
288
Лезги Газет

10 Jan, 08:59

📰Дагъустанда милли чIаларал акъатзавай газетрин алай йисан 1-нумрайрин сад лагьай чинар

https://t.me/etnomediadag/398
345
Лезги Газет

10 Jan, 07:05

📚Играми стхаярни вахар!

Лезги чIала, чи нугъатра пара гафар ава. Садбурукай гегьеншдиз менфят къачузва, бязибур лагьайтIа, рахунра, кхьинра кьериз-цIаруз гьалтзава. Нетижада абур михьиз рикIелай алатзава.

🗣️"Лезги гафарин алемдай" рубрикадик кваз чун гьа ихьтин гафарикай рахада, саналди абурун манаяр тайинарда, чи нугъатра абуруз манадин жигьетдай мукьва гьихьтин гафар аватIа жагъурда.

И сеферда чун "СЕКУЬ" ва "СЕКУЬЛ" гафарихъ галаз таниш жеда.

✔️Абурун манаяр низ чизватIа, баянра кхьихь!
325
Лезги Газет

10 Jan, 06:02

📰«Лезги газетдин» 2025-йисан 1-нумра чапдай акъатнава. Къе ам кIелдайбурув агакьда.

❗️ЦIийи нумра ЦIийи йисан вилик Сергей Меликова кьиле тухвай 2024-йисан призывдин нетижаяр кьуниз талукьарнавай совещанидикай кхьенвай макъаладилай гатIунзава.

🗞Нумрадай гьакIни кIелиз жеда:

✔️Дербент шегьерда СтIал Сулейманан цIийи гуьмбет ахъайна;

✔️Виликди финин рекье: газедин кьилин редактордин гаф;

✔️2024-йисан нетижайрикай;

✔️Цилингрин хуьруьн тарихдиз сиягьат;

✔️Эдебиятдин чина Дагъустандин халкьдин писатель Гьаким Къурбанан цIийи гьикая чапнава;

✔️Мадни и нумрада Низами Генжевидин «Лейлини Межнун» поэмадай чIукар ганва;

✔️Виридалайни хъсан 10 лезги спортсмен: 2024-йисан нетижайралди;

✔️Умра ва я гьаждал сиягьат;

✔️Лезги эдебиятдин 2025-йисан календарь.
317
Лезги Газет

10 Jan, 05:20

Шикилрай аквазвай какадин кIалуб авай къван СтIал Сулейманан райондин мулкарилай жагъанва.

Куь фикирдалди, ам вуч хьун мумкин я?

📸Шикилар: М.Ибрагьимованбур
326
Лезги Газет

09 Jan, 18:35

Хуьруьн уьмуьрдай са легьзе

📹Видео: @zarema_merdalieva
3,251
Лезги Газет

09 Jan, 17:57

✍️Лезги чайнворд

📚СтIал Сулейманан 155 йисахъ галаз алакъалу яз

❓Суалар:

1. Шикилдай аквазвай шаирдин тIвар. 2. Агъа СтIалдилай тир Дагъус­тандин халкьдин шаир (фамилия). 3. СтIал Сулейманан са шиирдин тIвар. 4. Цмурви писатель Эфендиеван тIвар. 5. «Кьисмет» гафунин синоним. 6. СтIал Сулейманан сад лагьай шиир. 7. СтIал Сулеймана гъавурдик квачиз рахадайбуруз талукь яз кхьей шиирдин тIвар. 8. «… кIелун я зи метлеб» (С.Сулейман). 9. Ватандин ЧIехи дяведа чан гайи СтIал Сулейманан хцин тIвар. 10. Себеб. 11. Лезги районрикай сад. 12. СтIал Сулейманан эсерар халкьдив агакьарунин рекье еке алахъунар авур, шаирдихъ галаз хуш рафтарвилер хвейи лезги алимдин тIвар. 13. Максим Горькийди СтIал Сулейманаз «20-асирдин …» лагьай тIвар гана. 14. Италиядин меркез. 15. СтIал Сулейманан сур гьи шегьерда ава? 16. СтIал Сулеймана вичин шиирда «самолет» гафунин чкадал вуч гаф ишлемишнава? 17. Бушкъаб. 18. СтIал Сулейманан райондин хуьрерикай сад. 19. Нехир хуьзвайди. 20. … Самурский. 21. Техил цанвай чил.

©ТуькIуьрайди – Магьад  Мегьдиев
395
Лезги Газет

09 Jan, 16:02

📚Лезги шиират

❄️Хиб

КьецIил танар чандал къвезва тарарин.
Хилерай мирварияр кватнава.
Хайи КцIар къужахдаваз тамарин,
Хиял хьана, живед къене гьахьнава.
Мукьвара мад ракъар къведа лагьана,
ТIебиатни, руш хьиз, милиз хъуьрезва.
ХъуьтIуьн эхир къвезва!..
На лагь, кьатIана,
ЧIереярни хвешивиляй ишезва.

©Автор: Гьилал Аскеров
378
Лезги Газет

09 Jan, 15:51

РикIел гъун

Аллагьди Къуръанда лагьанва (29-сура, 65-аят, мана):

«Амма абур (мушрикьар) гимидиз акьахайла (гьуьле, ва батмиш хьуникай къурху хьайила) - абуру тек са Аллагьдиз эверзава (куьмекдиз), са Адаз михьиз (ихласдиз, рикIин сидкьидай) дин (дуьа) талукьарна. Ва Ада абур кьураматдал хкана къутармишайла, ингье абуру (Адаз мад) шерикар гъизва».

«Пак Къуръан ва адан манайрин таржума лезги чIалал» ктаб (таржумачи – Ямин Мегьамедов).
385
Лезги Газет

08 Jan, 11:08

🗡 ПЕРВЫЙ КОНТЕНТ С НАШЕЙ МОДЕЛЬЮ СИНТЕЗА ЛЕЗГИНСКОЙ РЕЧИ

Очень приятно находить в потоке рилсов знакомый, слегка механический голос, который мы тренировали больше месяца. Рады, что наша разработка помогает создавать контент на родном языке

Делимся с вами авторами, которые научились использовать AI-генерацию лезгинской речи, и успешно применяют ее в своем контенте

1. @kureldi (instagram, tg) - 10к подписчиков
2. @suvanviyar (instagram) - ~2к подписчиков

Если вы тоже создаете контент с помощью нашей модели, кидайте рилс в комментарии - будем рады рассказать о вас!

Напоминаю, что наша модель доступна на HuggingFace, а чуть выше мы писали инструкцию, как повышать качество сгенерированного аудио.

А тем временем, сбор предложений для переводчика продолжается: @lek_translator_bot
22
Лезги Газет

08 Jan, 10:29

Мукъаят хьухь: телефондин лутуйри инсанар алцурардай цIийи къайдайрикай менфят къачузва.

Гегьеншдиз-видеода
73
Лезги Газет

08 Jan, 05:31

🥖Ахцегьвийри ихьтин фу чразва. Лезги фуан са жуьре я, вични пара тIямлуди жеда…

📹Видео: @zarema_merdalieva
211
Лезги Газет

07 Jan, 16:25

РикIел гъун

Къуръан кIелуникай…

(..) ГьакIни Пайгъамбарди (Аллагьдин салават ва салам хьурай вичиз) лагьана (мана): “Гьакъикъатда, рикIер муьрхъуь кьазва, ракь муьрхъуь кьазвайвал”. Адавай хабар кьуна: “Я Аллагьдин Расул, ам гьикI алудда?” Ада (Аллагьдин салават ва салам хьурай вичиз) лагьана: “Къуръан кIелуналди ва кьиникь рикIел гъуналди” (Байгьакъий).

(..) Мад са кIвалахдиз фикир це! Пайгъамбарди (Аллагьдин салават ва салам хьурай вичиз) лагьанва (мана): «Ни кIел авуртIа Къуръандай (са) гьарф (кьванни), (кхьида са) хъсан кар, (гьар) хъсан кардай (суваб жеда) цIуд къатдин ва за лугьузвач хьи, «Алиф, Лям, Мим» - са гьарф я, ваъ, «Алиф» - гьарф, «Лям» - гьарф, «Мим» - гьарф» (аль-Бухарий, ат-Тирмизи, Абу Ну’айм, аль-Байхакъи).

Гьасамудин Сефибегов, «Жуьмя йикъан вязер» ктабдай, «Къуръан - дуьз рехъ къалурзавайди» хутба, 207, 210 -чинар.
333
Лезги Газет

07 Jan, 06:31

Дуьз жаваб: Алибег Фатахов. Романдин тIвар: "КьатI-кьатI авур зунжурар".

https://t.me/lezgigazet1/23399
375
Лезги Газет

07 Jan, 05:15

ТIач. Лезгийри рикI алаз гьазурзавай хъвадай затI.

ТIач гьазурун са акьван регьят кар туш. Вахтни герек я, алахъунарни пара ава.

ТIач гьазурдай къайда низ чизватIа, баянра кхьихь!

📹Видео: @zarema_merdalieva
393
Лезги Газет

06 Jan, 16:29

РикIел гъун

Аллагьди Къуръанда лагьанва (4-сура, 147-аят, мана):

«Куьз я Аллагьдиз квез азаб гун, эгер куьне шукур авуртIа ва иман гъайитIа?! Бес, Аллагь - шукур ийидайди, вири чизвайди я эхир!»

«Пак Къуръан ва адан манайрин таржума лезги чIалал» ктаб (таржумачи – Ямин Мегьамедов).
398
Лезги Газет

06 Jan, 11:26

⁉️"Квез чидани?" рубрикадай

🐿🦉🐺ТIебиатдин жуьреба-жуьревиликай ин­санриз тамамдиз хабар тахьун тIебии кар я. Кьилди гьайванрин алемдикай ра­хайтIа, ана чаз гьеле ван тахьайбур, гьатта телевизордайни такурбур ава. Фил, бе­гемот хьтин еке гьайванрилай гъейри, тIебиатда жибинда гьакьдай хьтин лап гъвечIи гьайванарни яшамиш жезва.   

✔️Кеферпатан пуду. Колумбияда, Эквадорда ва Перуда яшамиш жезвай и ажайиб гьайвандин бедендин яргъивилел 60-74 сантиметр жеда.

✔️БицIи антилопа. Заланвал 2,5 килограммдикай ибарат и гьайван йикъан­ вахтунда саки дуьшуьш жедач: ам йифен вахтунда гьерекатдик жедайбурукай я. БицIи антилопа РагъакIидай патан Африкада яшамиш жезва.

✔️Сив гуьтIуь гъуьлягъ. Барбадос островда яшамиш жезвай и гъуьлягъ виридалайни гъвечIиди я. Яргъивал тахминан 10 сантиметрдикай ибарат тирвиляй бязи вахтара ам инсанри шарчихъ галаз какадарзава.

✔️Лув гудай кускус. Вичин бедендин яргъивилелай виш сеферда артух мензилдиз лув гуз жезвайвиляй адал ихьтин тIвар акьалтнава. 6-8 сантиметр алай и гъвечIи гьайван 40 метрдин кьакьанвал авай тарариз регьятдаказ акьахзава.

✔️Колибри-чIиж. Бедендал 5-7 сантиметр жеда.

✔️Яргъи тум галай планигал. Руфуник чанта квай гьайванрикай планигал виридалайни гъвечIиди я (5,5 сантиметр). Абур Австралиядин кеферпата гьалтзава.
373
Лезги Газет

06 Jan, 08:53

📥Яшайишдин икьрар

Яшамиш хьунин агъа кIанин кьадардилай тIимил къазанжи авай  ватандашдиз ва я хизандиз государстводи гузвай куьмекдин жуьре я яшайишдин икьрар.

❗️Яшайишдин икьрардин жуьреяр са шумуд ава. Абурукай чна агъадихъ кьилди малуматар гузва.

✔️Куьмекдин майишат еримлу авун. Хуьруьн майишатдин техника, штилар, тум, кIвалин гьайванар ва къушар маса къачун патал хизандивай 200 агъзур манат­ пул государстводин патай къачуз жеда.
Ихьтин са шартI ава: арзачиди гуьгъуьнлай хуьруьн майишатдин суьрсет маса гуналди къазанжи къачуз хьайитIа, анжах гьа дуьшуьшда яшайишдин икьрар кьилиз акъатнавайди яз гьисабзава. Са тIимил кьванни къазанжи къачун шартI я.

✔️КIвалахдихъ къекъуьн. КIвалахдик квачир касди кIвалахдал машгъулардай центрада регистрация авурла, адаз бейкарвиляй пособие талукь жезва. Ана регистрация авунихъ галаз сад хьиз, ватандашдивай яшайишдин рекьяй хуьдай органра кIвалах жагъурунин икьрар кутIуниз жеда. Яшайишдин икьрар кутIунайдалай кьулухъ бейкардиз яшамиш хьунин агъа кIанин кьадарда аваз са сеферда пулунин такьатар гуда. КIвалах жагъайдалай кьулухъни адав и жуьреда пуд вацра пуд пособие ахгакьда.

✔️Чирвилер къачун. Яшайишдин икьрардин бинедаллаз мад сеферда чирвилер къахчудай ва я алава курсар кьилиз акъуддай мумкинвал анжах бейкарриз ава. И такьатри чирвилер къачунин гьакъи эвез ийида. Амма чара ийизвай пулунин вини кьадар 30 агъзур манат я. Жуван рикIиз хуш хел хкядай мумкинвал ава: жуван пешедай дережа хкажайтIани жеда, маса пешедай цIийи чирвилер къачуртIани.

✔️Бизнес ачухун. Яшайишдин икьрардин и жуьредай виридалайни гзаф пул чара ийизва — 300 агъзур манат. И такьатар жуван кардик кьил кутун патал гузва. Кьилди къачуртIа, пул дарамат (ва я маса чка) кирида къачуниз, мебель ва маса тадаракар маса къачуниз, рекламадин тешкилатдиз харждай ихтияр ава. Кьилин шартI ам я хьи, чара ийизвай такьатар анжах бизнес вилик тухун патал серфна кIанзава. Икьрардин бинедаллаз пул къачунвай касди ам харж авур рекьер чекералди, икьрарралди, распискайралди тес­тикьарун герек я.

✔️Агьвал хъсанарун. Эменни, агьвал тIимил авай хизанривай яшайишдин икьрардин бинедаллаз пулунин алава куьмек къачуз жеда. Ихьтин мумкинвал уьлкведин гьукуматди 2021-йисалай ганва. Чара авур пул ихьтин рекьериз харж ийиз жеда:

☑️лап чарасуз суьрсетар къачуниз;

☑️парталар ва кIвачин къапар маса къачуниз;

☑️дарманриз ва сагъар хъувуниз;

☑️классдилай къеце алава тарсариз­;

☑️мектебда герек затIариз;

☑️ЖКХ-дин гьакъи гуниз.  
390
Лезги Газет

06 Jan, 07:01

✍️Чи каналда 29-декабрдиз акъатай сканворддин жавабар.

Гекъига. Куьне дуьз жавабар ганатIа килиг.

❗️Жавабар

✔️Дуьз цIарара: Къайгъударвал. Тезенег. Делил. Шире. Кьисас. Барнаул.

✔️Тик цIарара: Деве. Линг. Тил. Емиш. Дере. Истикан. Енисей. Кьел.

https://t.me/lezgigazet1/23352
386
Лезги Газет

06 Jan, 05:15

🍚Видеодай аквазвай ашдин жуьредиз куь хуьрера гьикI лугьузва?

📹Автор: @zarema_merdalieva
403
Лезги Газет

05 Jan, 16:29

РикIел гъун!

Хъсан ахлакьралди …

Гьадисда къейднава (мана):

“Гьакъикъатда, (Аллагьдин) бенде вичин хъсан ахлакьралди агакьда чIехи дережайрив Эхиратда ва лайихлу вине авай гьаларив, вич ибадатра зайиф хьайитIани” (ТIабараний).

«Исламдин эдебар, ахлакьар ва дуьаяр» ктаб, 5-чин, диндин алим Ямин Мегьамедов.
415
Лезги Газет

05 Jan, 08:08

🤝Ассалам алейкум, играми стхаярни вахар!

Къенин югъ чун патал берекатар галайди хьурай.

Видеода: дуьгуьдин афарар

📹Автор: @familyblog____
162
Лезги Газет

04 Jan, 19:29

РикIел гъун!

Къимет ниятриз килигна…

Са гьадисда лагьанва (мана):

“Гьакъикъатда, крариз къимет ниятриз килигна гузвайди я ва гьар са инсандив ам агакьда, вуч хьун адан ният тиртIа…” (Бухарий).

«Исламдин эдебар, ахлакьар ва дуьаяр» ктаб, 6-чин, диндин алим Ямин Мегьамедов.
280
Лезги Газет

04 Jan, 14:36

❗️Играми ватанэгьлияр!

Газ хаталу затIарикай сад я. Легьзедани мукъаятвал квадармир!

И видеода авай Гьажимурад Набиев хьтин къунши хьун бахт я...
318
Лезги Газет

04 Jan, 11:42

❗️Мукьвара чи ватанэгьли, Каспийск шегьерда авай Республикадин образованидин центрадин директор Анжела Байрамбеговадиз «Россиядин Федерациядин лайихлу муаллим» лагьай гьуьрметдин тIвар гана.

Идакай виликдай чна чи каналдай хабарни ганай.

Анжела муаллимдин уьмуьрда кьиле фейи и шад вакъиа адаз центрадин коллективдин патай муаллим Салият Велиметовнади лезги чIалал кхьенвай шиирдалди мубаракна!
336
Лезги Газет

04 Jan, 05:13

❗️Лезги хуьрер. Курхуьре авай са кIвал. СтIал Сулейманан район.

📹Видео: @sheykhova_k
370
Лезги Газет

03 Jan, 16:18

РикIел гъун!

Вири инсанар экуьнахъ...

Гьадисда лагьанва (мана):

“Вири инсанар экуьнахъ рекье гьатзава (къазанмишиз) ва абуру чпин чан ишлемишзава, харжзава: садбуру абурукай (дуьз рекье кIвалахна, диндар, хъсан, гьалал крар авуна, Аллагьдин разивал къачуна, адалди вичин чан ЦIун азабдикай) къутармишзава, муькуьбуру (гунагьар, гьарам крар ийиз Жегьеннем къазанмишиз) чеб телеф ийизва” (Муслим).

«Исламдин эдебар, ахлакьар ва дуьаяр» ктаб, 18-19-чинар, диндин алим Ямин Мегьамедов.
423
Лезги Газет

03 Jan, 14:24

❗️ЦIинин йисалай Дагъустандин вири мектебра фактчекингдай тарсар кардик кутада.

Фактчекинг - шак алай малуматар, делилар ахтармишун (чирун)

https://t.me/kavkaz_tass/6528
414
Лезги Газет

03 Jan, 14:09

🐕Миграгъви Эльдер халуди вердишарнавай кицI.

КицIин лакIаб Бубик я.

Тажуб жедай кар ам я хьи, кицIиз хъсандиз лезги чIал чизва 😊
407
Лезги Газет

03 Jan, 06:26

❗️РД-дин Кьил Сергей Меликован Указдалди, чи ватанэгьли Эмиль Агамоваз «Дагъустан Республикадин транспортдин лайихлу къуллугъчи» лагьай гьуьрметдин тIвар ганва.

🛤Агъаларан хва Эмиль Агамован бинеяр Кьурагь райондин Кьуьчхуьррин хуьряй я. Ада вичин уьмуьр уьлкведин ракьун рекьерихъ галаз алакъалу авуна. 17 йис тамам хьайидалай инихъ чи ватанэгьлиди ракьун рекьерин къурулушда кIвалахзава.

КIвалахдин рекьяй саки 40 йисан тежриба авай Эмиль Агамовакай къе ракьун рекьерихъ галаз алакъалу гзаф месэлайрай кьил акъатзавай пешекар хьанва.

✔️Яргъал йисарин гьакъисагъ зегьмет фикир тагана амукьнач: адаз республикадин дережада аваз лайихлу къимет гана. Мубаракрай!
443
Лезги Газет

03 Jan, 05:07

Ассалам алейкум, играми стхаярни вахар!

Къенин югъ чаз виридаз берекатар галайди хьурай!

📹Видео: @dalgat_kiri
429
Лезги Газет

02 Jan, 16:26

Ахцегьрин къамат дегишарайди

Абдул-Гъафар Исакьович Агьме­дов­ (1929-2018) — экономикадин илимрин кандидат, Дагъустандин лайихлу экономист, жемиятдин деятель,  халкьарин дуствилинни культурадин «Да­гъустан-Азербайжан» тешкилатдин пре­зидент­, къени къилихрин камаллу инсан! 2024-йисан 27-декабрдиз адан 95 йис жедай.

Зи буба Шерифалидин дуст Абдул-Гъафар Исакьович (рагьметлуяр таяр-туьшер тир ва вич бубадин халуйрикай тирвиляй зани гьуьрметдивди адаз халу лугьузва) заз фадлай чидай. Амма сифте яз чун кьисметди мукьувай Ахцегьа ваъ, 2008-йисан 15-октябрдиз Азербайжандин КцIар шегьерда танишарна. А макъамда Азербайжанда президентдин сечкийрин кампания кьиле физваз, чун, кьиле Ахцегь райондин кьил Сафидин Мурсалов аваз, Ахцегь райондай 5-6 касдин десте, КцIар районда гуьзчияр (международный наблюдателар) яз желбнавай. Гьа макъамда аниз халкьдин дипломатия кьилиз акъудун патал Махачкъаладай культурадин ва экономикадин алакъайрин «Дагъустан-Азербайжан» тешкилатдин президент Абдул-Гъафар Агьмедовни атанвай.

Сечкийрин 2-3-йикъан къене са мугьманханада ял ягъун кьисмет хьана, чна хейлин суьгьбетарнай. Гьа гуьруьшдилай кьулухъ чун садаз-сад хъсандиз чир хьана, чи танишвал дуствилин хуш алакъайриз элкъвена, ам заз камаллу насигьатчи хьана. Эхь, ажайиб кьисметдин мугьманперес инсан тир агъсакъалдиз дустар пара авай, кIандай, дуствилел къимет эцигиз чидай.  

Автор: Дашдемир Шерифалиев

Амай пай - "Лезги газетдин" сайтда
460
Лезги Газет

02 Jan, 14:31

РикIел гъун!

Геж жеда

…Бес я, я кас, аси гафар рахамир,
Сад Аллагьди вун хабарсуз явашда…
Ваз гунагьрай жаза тагуз аквамир,
Хажалатди са юкъуз вун кармашда…

…Вилери руьгь рекье турла цаварихъ,
«Уьмуьр» лугьур ахварай вун аватда.
Вил галамаз кIвалерихъни-йикъарихъ,
Гунагькар руьгь бедендивай къакъатда.

Чир хьайила батIул уьмуьр тухвайди,
На лугьуда: «Фенач зун дуьз рекьеваз…»,
Вун тушрни ягьанатиз рахайди -
Физвайдакай Пайгъамбардин ﷺ гелеваз?!.

Гьайиф чIугваз, ви вилера кьеж жеда,
«Зун рахкур…» луз на Халикьдиз эверда.
Хийир авач, а вахтунда геж жеда:
Уьмуьр гузва Аллагьди са сеферда.

Муса Агьмедов
450
Лезги Газет

02 Jan, 11:55

❗️Играми дустар!

Дегишвилер вилив хуьз, чна инлай кьулухъ тамамардай гьихьтин кIвалахар, крар фикирда кьуртIани, абур вири, сифте нубатда, Дагъустандин ва санлай чи вири Ватандин абадвилихъ галаз алакъалу я.

Къуй Россиядин пакадин югъ ислягьди ва агалкьунар авайди хьурай! Квехъ чандин сагъвал, бахтар ва вири хъсанвилер хьурай!

ЦIийи йис мубаракрай!

✔️Дагъустандин Кьил Сергей Меликов
424
Лезги Газет

01 Jan, 14:45

РикIел гъун!

Мусурман - ам я…

… Гьадисда къейднава (мана):

“Мусурман - ам я, вичин мецикай ва гъилерикай амай мусурманар саламатвиле авайди” (Бухарий).

«Исламдин эдебар, ахлакьар ва дуьаяр» ктаб, 40-чин, диндин алим Ямин Мегьамедов.
518
Лезги Газет

30 Dec, 15:52

РикIел гъун!

Гъилер чуьхуьн гваз...

(...)Гьамиша гъилер чуьхуьн гваз (капI гваз) ксуз алахъна кIанда. Адакай гзаф менфятар ава ва а кар са шумуд гьадисда къалурнава. Пайгъамбарди (къуй Аллагьдин патай салават ва саламар хьурай вичиз) лугьузва (мана): “Вун ви месел фидайла, гъилер чуьхуьн къачу, кпIуниз къачудай хьиз” (Бухарий).

«Исламдин эдебар, ахлакьар ва дуьаяр» ктаб, 68-чин, диндин алим Ямин Мегьамедов.
224
Лезги Газет

30 Dec, 13:05

🧮СтIал Сулейманан райондин Цмуррин хуьруьн мектебда, алим, жемиятдин крарал активнидаказ машгъул хьайи кас тир Мариф Къадимов рикIел хуьниз талукьарна, 9-классра кIелзавай аялрин арада информатикадай районрин уртах олимпиада кьиле фена.

Гьар йисуз кьиле тухузвай и мярекат мергьяматлувилин «Леки» ва «Хуьр» фондарин ва райондин администрациядин куьмекдалди тешкилна.

✔️Олимпиадада республикадин Кьиблепатан округдик акатзавай 5 райондай тир аялри иштиракна.

Акьулдиз, кьатIунин бажарагъдиз талукь и акъажунра 1️⃣ чка (пулдин приз — 10 000 манат) Мегьарамдхуьруьн райондин КьепIир-Къазмайрин юкьван мектебда кIелзавай Алия Шагьпазовади кьуна.

2️⃣ чка (8000 манат) — СтIал Сулейманан райондин Курхуьрин мектебда кIелзавай Азим Сердерова,

3️⃣чка (6 000 манат) — ЦIийи поселокдин СОШ-да кIелзавай Зульфия Жабраиловади,

4️⃣чка Кьурагь райондин КIирийрин мектебдин ученик Эльмар Казирова кьуна.
291
Лезги Газет

30 Dec, 09:51

❗️Белиж поселокда Мегьамед Ярагъвидин тIварцIихъ галай 1-нумрадин мектебдин 70 йисан юбилей шад гьалара къейдна.

Белижда образованидин бине кутур сад лагьай нумрадин умуми образованидин юкьван мектеб 1954-йисуз ачухнай.

Мектеб неинки чIехи жезвай поселокдин аялриз, гьакIни къваларив гвай Нуьгди, ЛукIар, Агълаб, ЦIийи Фригърин ва Белиж хуьрера яшамиш жезвай аялризни чирвилерин макандиз элкъвена. И хуьрера образованидин идараяр авачирвиляй абур чирвилер къачуз, авайни-авачир гьа и са мектебдиз къвезвай...

🔗Амай пай - "Лезги газетдин" сайтда

✍️Автор - Къагьриман Ибрагьимов
306
Лезги Газет

30 Dec, 05:05

🐄Хуьруьн уьмуьрдай са легьзе

📹Видео: @village_kliri
349
Лезги Газет

29 Dec, 19:30

🌨Кьуьд атанва суван хуьруьз,
Лацу хьанва кьуд пад михьиз…

📱Ахцегь район

📹Видео: @lenta_kavkaza
402
Лезги Газет

29 Dec, 16:43

❗️Дикъет!

Дагъустандин МВД-ди хабар гузва.
411
Лезги Газет

29 Dec, 15:57

Лезги сканворд

ТуькIуьрайди - К.Ферзалиев
404
Лезги Газет

29 Dec, 15:44

РикIел гъун

Аллагьди Къуръанда лагьанва (13-сура, 35-аят, мана):

(Аллагьдихъай) кичIебуруз хиве кьунвай Женнетдин шикил я: абурун (Женнетда авай тарарин, зурба кIвалерин) агъадихъай вацIар авахьна физва, анин недай затIар (емишар) ва анрин хъенар гьамишалугъбур я. Ам (Женнетдин суваб) - (Аллагьдихъай) кичIебурун нетижа я (абуруз жедай хъсан эхир я) ва кафиррин нетижа (эхир) - ЦIай я.

«Пак Къуръан ва адан манайрин таржума лезги чIалал» ктаб (таржумачи – Ямин Мегьамедов).
398
Лезги Газет

29 Dec, 10:44

Послание горожанам из Юждага.
413
Лезги Газет

29 Dec, 09:53

Чи каналда 9-декабрдиз гайи лезги кроссворддин жавабар.

Гекъига, куьне дуьз жавабар ганатIа килиг.

Жавабар:

1. Карка. 2. СафутI. 3. ТIебиб. 4. Керки. 5. Мисал. 6. Шириш. 7. Хашав. 8. Жагьад. 9. ТупучI. 10. Къулан. 11. РацIам. 12. Магьут. 13. Уьммет. 14. Имкан. 15. Лабар. 16. Гьанеф. 17. Нямет. 18. Аявал. 19. Куьрпе. 20. Куьрен. 21. Селим. 22. Пемпе. 23. Жижим. 24. Сихил. 25. Тавар. 26. Расим. 27. Тилит. 28. Мидад. 29. Закьум. 30. Камил.

https://t.me/lezgigazet1/23111
414
Лезги Газет

29 Dec, 09:47

❗️Мубаракрай!

Яргъал йисара «Лезги газетдин» редакцияда зегьмет чIугур, алай вахтунда, лайихлу пенсиядиз экъечIна, ял язавай чи гьуьрметлу вах, диде, РД-дин медениятдин лайихлу къуллугъчи Надият Мирзебалаевна Велиевадиз:

Лезги чилин, лезги чIалан
Къадир авай руш!
Ви камалдин жебехана
Хьайиди туш буш!

Машгьур ийиз газетдин тIвар,
ЧIугуна зегьмет.
Къе ваз гьарда лап кIевелай
Ийизва гьуьрмет!

Юбилеяр къуй мад хьурай,
Аллагьди хуьй вун!
КIвални хизан абад хьурай,
Тахьуй гьич юргъун!

Чандин сагъвал хьурай мягькем,
Уьмуьрни — яргъи!
Кьабул ая на чи патай
Тебрикар вири!

✔️Ваз баркаллу юбилей мубаракзавай, вун гзаф кIани «Лезги газетдин» редакциядин коллектив.
384
Лезги Газет

28 Dec, 17:44

РикIел гъун

Аллагьдин разивал туна, инсанрин разивал кIан жемир…

(…) Дуьз я, мусурман – сивел хъвер алай, чин ачух, чIуру кар тийидай, алазни-алачиз душманвал тийидай кас я. Амма им масабуру чи кьиле тваз алахъзавай, чи диндихъ галаз сакIани дуьз къвен тийизвай, диндиз акси тир затIар вири кьабулна, бейнидик кужумна, жув гьабуруз ухшар авуна, масабуруз кIанзавай къайдада авуна кIанда лагьай чIал туш кьван! Ваз Аллагьди рикIни, фикирдай кьилни ганва. Ваз, са бязи маса чкайриз килигайла, дуьз Ислам кьиле тухудай мумкинвални ганва. Ваз гьалал, гьарам чир хьанва. Аллагьди ваз чирдай инсанарни ракъурнава. Гьикьван гагьда вуна «заз хабар авачир, заз чизвачир» лугьуда?

Са бязи мусурманри акI фикирзава, чпи са бязи кутуг тавур мярекатра иштиракайла, гьадалди гьам инсанрин, гьамни Аллагьдин разивал къазанмишдайди хьиз. Им жедай кар туш. Вуна Аллагьдин разивал къачу, маса са затIни ваз герек туш. (…)
(..) Аллагьдихъай кичIе хьухь, лазим тушир чкайрикай хкечI. Герек авачир чкайрик я жув экечIмир, я жуван хизанни кутамир. (..)

Гьасамудин Сефибегов, «Жуьмя йикъан вязер» ктабдай, 270-271-чинар.
433
Лезги Газет

28 Dec, 14:22

❗️2025-йис патал «Лезги газет» кхьинин сергьятра аваз малумарнавай «Лезги газет» - гьар са кIвализ» серенжемдик Кьурагь райондин Кьурагьрин хуьряй тир Фахрудин Абумислимович Гьамидовани вичин пай кутуна.

💰Ада 2025-йис патал «Лезги газет» кхьиниз 25 агъзур манат пул чара авуна.

«Лезги газетдин» редакциядин коллективди Фахрудин Абумислимовичаз серенжемда иштиракунай сагърай лугьузва!

✔️Редакцияди «Лезги газет» - гьар са кIвализ» серенжем акьалтI хьанвайдакай хабар гузва.

🤝Адак пай кутур вири ватанэгьлийриз чна сагърай лугьузва!
419
Лезги Газет

26 Dec, 06:13

📰«Лезги газетдин» алай йисан эхиримжи – 48-нумра – чапдай акъатнава.

❗️Ам Бакуда СтIал Сулейманан 155 йисан юбилейдиз талукьарна кьиле тухвай мярекатдикай кхьенвай макъаладилай гатIунзава.

🗞ЦIийи нумрадай гьакIни кIелиз жеда:

✔️Сергей Меликова са жерге дагъустанвийрив гьукуматдин шабагьар вахкана;

✔️Заур Аскендерова Азербайжандин Милли межлисдин регьбердихъ галаз часпар ахъаюнин месэла веревирдна;

✔️Таира Муспагьовадин нубатдин гъалибвал;

✔️Махачкала да Хизандин йис акьалтI хьуниз талукьарнавай мярекат кьиле фена;

✔️Меценат Нариман Гъазалиева «Йисан ученик - 2024» конкурс кьиле тухун патал куьмек гана;

✔️«Леки» фондуни Цмурдал Мариф Къадимован экуь къаматдиз бахшнавай олимпиада тухвана;

✔️Расул Гьамзатов – СтIал Сулейманакай;

✔️Эдебиятдин чина Дагъустандин халкьдин шаир Сажидин Саидгьасанован эсерар ганва;

✔️Алкьвадрин хуьруьн мектебдин директор рагьметдиз фена;

✍️Киоскрай 2025-йис патал «Лезги газет» кхьин 28-декабрдал давам жеда.
67
Лезги Газет

26 Dec, 05:05

🍳Хуьруьн уьмуьрдай са легьзе

📹Видео: @rodi_food
111
Лезги Газет

25 Dec, 17:54

❗️Чи ватанэгьли, Каспийск шегьерда авай Республикадин образованидин центрадин директор Анжела Байрамбеговадиз «Россиядин Федерациядин лайихлу муаллим» тIвар ганва.

Шабагь адав къе РД-дин Кьил Сергей Меликова вахкана.

https://t.me/gtrkdagestan/26257
263
Лезги Газет

25 Dec, 16:21

❗️Играми чи каналдик экечIнавай стхаярни вахар.

🏺Испикрин хъенчIин къапарин сеняткарвилериз талукь проект уьлкведин дережада аваз кьиле физвай конкурдиз ракъурнава.

Гьи проектдихъ гзаф сесер хьайитIа, гьабур гъалибни жеда.

Ша чна вирида Испикрин хъенчIин къапарин сеняткарвилериз талукь проект гъалиб жедайвал ийин.

Сес гузвай къайда видеода къалурнава.

🔗Сес гузвай сайтдиз и ссылкадай гьахьиз жеда.
263
Лезги Газет

25 Dec, 15:50

РикIел гъун!

Туба хъия!

Гьатай чIавуз бирдан гъиле къуллугъ ви,
Йикъалай-къуз артух хьана шулугъ ви.
Яваш-яваш суй дегишна инсандин,
Нефсини вун гъиле туна шейтIандин.
…Къуватлуйрин вилик гардан илисна,
Ажузбуруз вуна ви хур экъисна.
Душман хьана мийир-межер лагьайди,
Ваз дуст хьана ви далуяр чухвайди.
Алдатмишна, тарашна на, къакъудна,
Гьарнай жуваз гьарамдин пай акъудна.
Чилер маса гуз-къачуз на базарна,
Халкьдин девлет ваз кIанивал гьарзарна.
На фикирна: «Захъ бахтарин луж хьана…»,
Гьакъикъатда, ваз хьайиди гуж хьана:
ЛугьузватIа девлет кIватIна балайриз,
Кьил хуьдайди тунва ирид архайриз,
А девлетар на кIватI авур кьасухдай -
Себебар я ви азабар артухдай.
Дувандин къуз «банкротдин» кар жеда…
Ви гунагьрал масадбурун пар жеда.
…Мадни геж туш, фагьум-фикир хъия на,
Туба хъийиз... я кас, сажда ая на.
Лагь: пис крар хъсанбурув дегишда,
Аллагьди ваз, белки, багъишламишда.

Муса Агьмедов
272
Лезги Газет

25 Dec, 12:53

Докъузпара райондин Мискискарин хуьряй тир Саид Залова грэпплингдай кьиле фейи дуьньядин чемпионатда 2-чка кьуна.

Къейд ийин хьи, С.Залов Абдулманап Нурмегьамедован мектебдин векил я.

2025-йис спортсмен патал хейлин акъажунрив ацIайди жеда. Къведай йисуз ада вичин къуватар ММА-дани алцумда.
305
Лезги Газет

25 Dec, 10:35

Сергей Меликова гьар йисуз тешкилзавай мергьяматлувилин "Ёлка желаний" серенжемда иштиракна

https://t.me/agiprd/21180
319
Лезги Газет

25 Dec, 10:35

Самолет аватунин нетижада чан аламукьнавайбурун кьадар 32-дав агакьнава.

Ихьтин рекъемар Азербайжандин Генпрокуратурадин пресс-къуллугъди раижзава
291
Лезги Газет

25 Dec, 10:33

Актауда самолет авунин нетижада чан аламукьнавайбурун чIехи пай самолетдин эхир кьиле ацукьнавайбур я
286
Лезги Газет

25 Dec, 10:30

7-январдиз Санкт-Петербур шегьерда лезги медениятдин межлис кьиле фида.

Гегьеншдиз - ФЛНКА-дин ТГ-каналда
286
Лезги Газет

25 Dec, 09:49

Актауда самолет аватайла чан аламаз амукьнавай инсанрин сиягь. Санлай - 29 кас.

Чешме: sputnikKZ
306
Лезги Газет

25 Dec, 08:53

Сергей Меликова къе шабагьар вахкайбурун арада духтурар, муаллимар, артистар, журналистар, яшайишдин хилен къуллугъчияр ва масабур ава

https://t.me/agiprd/21165?single
309
Лезги Газет

25 Dec, 08:37

⚡️Самолет аватунин нетижада чан аламайбурун кьадар мад 2-дан артух хъхьанва. Санлай - 27 кас. Абурукай 7 кас акьалтIай пис гьалда ава
298
Лезги Газет

25 Dec, 08:36

⚡️Сергей Меликова Актауда самолет аватунин нетижада телеф хьайибурун хизанриз башсагълугъвал гана ва Дагъустан герек куьмек гуз гьазур тирди къейдна

https://t.me/melikov05/3153
301
Лезги Газет

25 Dec, 08:18

Дагъустанда республикадин дережада аваз къейддай мад са цIийи сувар арадал гъанва: "Гзаф аялар авай хизанрин югъ"

https://t.me/agiprd/21159
305
Лезги Газет

25 Dec, 08:14

ЦIийиз пайда хьанвай делилралди, Актауда аватнавай самолетда Россиядин 16 агьали авай.

ТАСС-дин малуматралди, самолетда мад Азербайжандин - 37, Къазахстандин - 6, Къиргъизиядин 3 агьали авай.
285
Лезги Газет

25 Dec, 07:59

⚡️Чан аламайбурун кьадар 12-далай 25-дал кьван хкаж хьанва. Махсус къуллугърин пешекарри бедбахтвилин дуьшуьш арадал атанвай чкадал кIвалах давамарзава.

Гьавиляй чан аламай инсанар мадни гьат хъувун мумкин я.

Къуй абуруз Аллагьдикай куьмек хьурай!
307
Лезги Газет

05 Dec, 06:15

📰«Лезги газетдин» цIийи – 45-нумра – чапдай акъатнава.

❗️Ам РД-дин Кьил Сергей Меликова мукьвара кьиле тухвай «прямой линиядикай» гьазурнавай макъаладилай гатIунзава.

🗞ЦIийи нумрадай гьакIни кIелиз жеда:

✔️СВО-да икьрардин бинедаллаз къуллугъзавай дагъустанвийриз алава пул гуда;

✔️Дербентда Ислам диндиз талукь конференция кьиле фена;

✔️Кьасумхуьрел Алкьвадар Гьасан эфендидин 190 йисан юбилей къейдна;

✔️Чепелрин хуьре емишар хуьдай чIехи гьамбархана ахъайнава;

✔️Чи мектебдихъ вуч хьанва? М.Жалилован веревирдер;

✔️СтIал Сулейманакай – газетрани журналра;

✔️Мурад Саидова СтIал Сулейманакай кхьенвай ктабдикай;

✔️Налогдин вычет. Ам вуч я ва адакай гьикI менфят къачуда?

✔️«Лезги газетдин» редакциядай Ислам диндиз талукь лезги чIалал акъатнавай ктабар маса гузва.

🗳Играми стхаярни вахар! 2025-йис патал «Лезги газет» кхьиз рикIелай алудмир!
191
Лезги Газет

05 Dec, 05:16

Яраб винел къван эцигнавай сундухда вуч аватIа...

Шикилар: @dagvii
207
Лезги Газет

04 Dec, 19:14

Мегьарамдхуьруьн райондин патай Дагъустандин Халкьдин Собранидин депутат Ислам Гьуьсейханов гуьгьуьллудаказ дяведин махсус серенжемдиз фенва.

Идакай муниципалитетдин администрациядин ТГ-каналди хабар гузва.
289
Лезги Газет

04 Dec, 17:04

❗️ЦIи Дербентда гьар йисан декабрдин вацра эцигун адетдиз элкъвенвай 42 метр алай елка эцигдач. Ихьтин къарар шегьердин мэр Агьмед Къулиева кьабулна.

Ада гьакIни ЦIийи йисан сувариз виликдай хьиз салютар ахъай тийидайдакай ва эстрададин машгьур гъетерин иштиракчивал аваз чIехи концертар тежедайдакай хабар гана.

Вилик йисара и крариз харж авур пулдин такьатар цIи СВО-дин иштиракчийрин хизанриз куьмек гуниз чара ийида.
315
Лезги Газет

04 Dec, 16:40

📚7-декабрдиз Ярославль шегьерда Дагъустандин халкьдин шаир СтIал Сулейманан 155 йисан юбилейдиз талукьарнавай мярекат кьиле фида
310
Лезги Газет

04 Dec, 15:41

РикIел гъун

Тежедай кар туш…

(..) Динда авай гьар са затI инсандивай ялиз жедай шей я. Хиджабни гьакI я: дишегьлидивай ам алукIиз жезвай затI я, яни ам адавай кьилиз акъудиз жезвай кар я. Мусурман итимди вичин мукьва дишегьлидив хиджаб алукIун залан кар туширди агакьарун лазим я. Яни дишегьлидин вилерай ам залан кар яз аквазватIани, ам ахьтин залан кар туширдан гъавурда туна кIанда. КапI ийиз эгечIдалди чазни ам залан аквазвай кьван. «Вахт жагъидайди яни? Залай алакьдайди яни? Экуьнахъ къарагъиз жедани?» Гьикьван суалри чун яргъа ийизвай кпIунивай?! Гила, Аллагьдин регьимдалди, вири а крар ийиз алакьзва кьван, шукур хьурай Аллагьдиз. «Рамазандин сагъ са вацра сив хуьз жедайди яни?» - лугьудай са бязибуру. Амма гила абуру хуьзва кьван сагъ са вацра сивер. Инсан Аллагьди халкьнава ва инсан патал вуч – хъсан, вуч пис ятIа, тек са Аллагьдиз чизва. Динда ая лагьанвай гьар са затI ам инсандиз хъсанвал хьун патал ая лагьанвайди я. Динда гьарамарнавай гьар са затI, ам инсандиз писвал гъизвай затI тирвиляй гьарамарнавайди я. (…)

Гьасамудин Сефибегов, «Жуьмя йикъан вязер» ктабдай, «Хиджаб алукIуникай» хутба, 266-чин.
313
Лезги Газет

04 Dec, 15:29

🎖Украинада кьиле физвай махсус серенжемда иштиракзавай Кьурагь райондай тир пуд аскердиз Жукован медалар ганва.

❗️Абурун арада ава:

✔️Малик Гьажимурадов - КIутIул;
✔️Эмир Гьайдаров - Арабляр;
✔️Амил Османов - КьепIир.

Идакай муниципалитетдин ТГ-каналди хабар гузва.
293
Лезги Газет

04 Dec, 14:52

Гьар йисан 3-декабрдиз чи уьлкведа набуд инсанрин югъ къейдзава.

И юкъуз Мегьарамдхуьруьн райондин кьил Фарид Агьмедова набуд аялар авай хизанрал кьил чIугуна.

Гегьеншдиз «Лезги газетдин» сайтдай кIелиз жеда.
291
Лезги Газет

27 Nov, 19:05

❗️Сергей Меликовани Сергей Назарова Дагъустандин энергетикадин хел вилик тухунин месэлайриз талукьарнавай совещание кьиле тухвана

https://t.me/c/1414927197/20500
135
Лезги Газет

27 Nov, 12:52

Дербентда кьиле физвай конференциядал Мекка шегьердай атанвай мад са шейх рахана: Али Абдуллагь Мугьаммад.
306
Лезги Газет

27 Nov, 12:12

❗️И декьикьайра Дербент шегьерда кьиле физвай конференциядал Мекка шегьердай атанвай шейх, алим Аль-Муса Саад Муса рахазва.

Адан ихтилатар чи ватанэгьли, Исламдин илимрин доктор Гьашум Мегьамедова таржума ийизва.
313
Лезги Газет

27 Nov, 11:58

❗️И декьикьайра Дербент шегьерда Россиядин мулкарал Ислам дин атайдалай инихъ 1381 йис тамам хьуниз талукьарнавай илимдин конференция кьиле физва.
296
Лезги Газет

27 Nov, 10:20

❗️Дагъустандин Кьил Сергей Меликов «прямая линия» гатIундалди 2 югъ ама.

✔️РикIел хкин, ам 29-ноябрдиз кьиле фида.

Къейд ийин хьи, дагъустанвийривай чпин суалар «прямой линиядиз» рекье тун патал ихьтин къайдайрикай менфят къачуз жеда:

🔹ислен-жуьмя йикъара телефондин 8-8722-98-90-81 нумрадиз зенг авун;

🔹«Вопрос Главе РД» порталдин куьмекдалди (кхьинрин ва я аудио, видеоформатда);

🔹Сергей Меликован «ВКонтакте» сетда авай чиниз кхьин.

📺Ачух эфир ихьтин чешмейри къалурда:

☑️«Дагъустан» РГВК
☑️«Дагъустан» ГТРК
☑️ННТ
☑️РД-дин Кьилин ТГ-канал
☑️«Дагъустан» РГВК-дин ТГ-канал
🎙«Страна Гор», «Радио России» - Махачкъалада», «Прибой», «Ватан» ва «Столица» радиояр.
306
Лезги Газет

27 Nov, 09:02

Дербент шегьердин мэр Агьмед Къулиева Дербентда образованидин идарайрин ва яшайишдин кIвалерин патарив гвай АЗС-ар агалун патал серенжемар кьабулун буйругънава.

Идакай шегьердин кьилин ТГ-каналда хабар гузва.
303
Лезги Газет

27 Nov, 08:23

❗️Сергей Меликова СВО-дин иштиракчияр тир дагъустанвийриз куьмекар гузвай жемиятдин тешкилатрин векилрихъ галаз гуьруьш кьиле тухузва

https://t.me/c/1414927197/20460
309
Лезги Газет

27 Nov, 08:11

❗️Сергей Меликова Гьуьлуьн ях кьушунрин (морская пехота) югъ мубаракна

https://t.me/melikov05/3028
321
Лезги Газет

27 Nov, 07:33

🏅Мегьарамдхуьруьн райондай тир подполковник Фиридин Хуршидова Украина да кьиле физвай махсус серенжемда иштиракзава.

Женгера къалурнавай викIегьвилерай адаз РФ-дин Президентдин Указдалди, Суворован медаль ганва.

Къейд ийин хьи, им подполковникдин сад лагьай шабагь туш. Идалай вилик ам Жукован ва "ВикIегьвиляй" медалризни лайихлу хьана.
341
Лезги Газет

27 Nov, 06:02

🥇Чи ватанэгьли Камил Куругълиева азаддиз юкьварар кьунай Ереванда кьиле фейи дуьньядин чемпионатда 1-чка кьунва.

Идакай вичин ТГ-каналда СтIал Сулейманан райондин кьил Саид Темирханова хабар гана.

Къейд ийин хьи, Камил Куругълиев Къазахстанда, Актау шегьерда, дидедиз хьана. Адан бинеяр Агъа-СтIал ва Цнал хуьрерай я.
349
Лезги Газет

27 Nov, 05:05

🏔Цуругърин чарчар - Ахцегь райондин тIебиатдин иер нехишрикай сад

📹Видео: @_farid_kerimov
372
Лезги Газет

26 Nov, 15:13

РикIел гъун

Аллагьди Къуръанда лагьанва (3-сура, 135-136-аятар, мана):

«Ва чпи, алчах кар (чIехи гунагь) авурла, ва я чпи чпиз зулум авурла - Аллагь рикIел хкана ва чпин гунагьриз астагъфир авурбур - ва Аллагьдилай гъейри гунагьар мад ни багъишламишда?! - ва чпи авур (пис) крарал (кIевивализ) акъваз тавурбур, чпизни чиз-чиз (ам чIурувал тирди ва Раббидиз ажугъ авайди, ва эгер туба авуртIа Ада туба кьабулдайди) – (135) Ахьтинбуруз, - абурун эвез жеда: гъил къачун чпин Раббидин патай, ва чпин агъадихъай вацIар физвай Женнетар, абур ана гьамишалугъ яз амукьдай. Ва гьикьван хъсанди я (ам) - а амалзавайбурун гьакъи (суваб)! (136)».

«Пак Къуръан ва адан манайрин таржума лезги чIалал» (таржумачи – Ямин Мегьамедов).
398
Лезги Газет

26 Nov, 12:10

28-ноябрдиз йикъан сятдиз 1-даз Кьасумхуьрел, И.Тагьирован тIварцIихъ галай медениятдин маканда, алим, шаир, арифдар Алкьвадар Гьасан эфендидин 190 йис тамам хьуниз талукьарнавай мярекат кьиле фида.

Ана къецепатан уьлквейрай мугьман хьанвай алимри, республикадин гьукумдин органрин, Дагъустандин илимрин центрадин, жемиятдин, СМИ-рин векилри ва масабуру иштиракда.

Мярекатдин тешкилатчийрин арада РД-дин милли сиясатдин ва динрин крарин рекьяй министерство, СтIал Сулейманан райондин администрация ва Алкьвадар Гьасанан тIварцIихъ галай медениятдинни марифатдин центр ава.

И юкъуз мярекатдин иштиракчияр гьакIни алимдин сурал ва адан музейдизни фида.
425
Лезги Газет

26 Nov, 11:12

Сергей Меликов къе ДГПУ-да ахъайнавай женгининни ватанпересвилин центрадиз мугьман хьана.

Гегьеншдиз РД-дин Кьилин Администрациядин ТГ-каналдай кIелиз жеда.
193
Лезги Газет

26 Nov, 10:55

❗️Алкьвадар Гьасан эфендидин дидедин тIвар гьим тир? - суалдиз 80 касди жавабар гана.

Абурукай анжах 20 касди дуьз жаваб хкяна.

ЧIехи алимдин дидедин тIвар Хафса (Гьафсат) тир.

https://t.me/lezgigazet1/22861
191
Лезги Газет

26 Nov, 07:08

❗️Дагъустандин Кьил Сергей Меликов «прямая линия» гатIундалди 3 югъ ама.

✔️РикIел хкин, ам 29-ноябрдиз кьиле фида.

Къейд ийин хьи, дагъустанвийривай чпин суалар «прямой линиядиз» рекье тун патал ихьтин къайдайрикай менфят къачуз жеда:

🔹ислен-жуьмя йикъара телефондин 8-8722-98-90-81 нумрадиз зенг авун;

🔹«Вопрос Главе РД» порталдин куьмекдалди (кхьинрин ва я аудио, видеоформатда);

🔹Сергей Меликован «ВКонтакте» сетда авай чиниз кхьин.

📺Ачух эфир ихьтин чешмейри къалурда:

☑️«Дагъустан» РГВК
☑️«Дагъустан» ГТРК
☑️ННТ
☑️РД-дин Кьилин ТГ-канал
☑️«Дагъустан» РГВК-дин ТГ-канал
🎙«Страна Гор», «Радио России» - Махачкъалада», «Прибой», «Ватан» ва «Столица» радиояр.
225
Лезги Газет

26 Nov, 05:07

🏔Самур дере. Рутул район. Аттал хуьр. Ина цIахурар яшамиш жезва.

📹Видео: @mavlidin_gasilov
272
Лезги Газет

25 Nov, 20:33

СтIал Сулейманан районда спортдин какахьай жуьредин женгерай акъажунар кьиле фена.

Гегьеншдиз райондин администрациядин ТГ-каналдай кIелиз жеда.
345
Лезги Газет

21 Nov, 12:34

❗️Дагъустандин Кьил Сергей Меликов «прямая линия» гатIундалди 8 югъ ама.

✔️РикIел хкин, ам 29-ноябрдиз кьиле фида.

Къейд ийин хьи, дагъустанвийривай чпин суалар «прямой линиядиз» рекье тун патал ихьтин къайдайрикай менфят къачуз жеда:

🔹ислен-жуьмя йикъара телефондин 8-8722-98-90-81 нумрадиз зенг авун;

🔹«Вопрос Главе РД» порталдин куьмекдалди (кхьинрин ва я аудио, видеоформатда);

🔹Сергей Меликован «ВКонтакте» сетда авай чиниз кхьин.

📺Ачух эфир ихьтин чешмейри къалурда:

☑️«Дагъустан» РГВК
☑️«Дагъустан» ГТРК
☑️ННТ
☑️РД-дин Кьилин ТГ-канал
☑️«Дагъустан» РГВК-дин ТГ-канал
🎙«Страна Гор», «Радио России» - Махачкъалада», «Прибой», «Ватан» ва «Столица» радиояр.
72
Лезги Газет

21 Nov, 12:08

🏆Дагъустандиз федеральный дережадин шабагь ганва

https://t.me/melikov05/3004
91
Лезги Газет

21 Nov, 11:58

❗️Замир Гьажимурадов Дагъустандин Огни шегьердин кьил яз хкянава

https://t.me/dagogni_press/7373
106
Лезги Газет

21 Nov, 05:05

⛰Кьиблепатан Дагъустандин тIебиат

📹Видео: @r.shakhbanov1
241
Лезги Газет

20 Nov, 10:04

❗️Алкьвадар Гьасан гьи хуьре дидедиз хьана? - суалдиз жаваб гайи 104 касдикай анжах 17 касди дуьз жаваб гана.

Машгьур алим Алкьвадар Гьасан эфенди Балахани хуьре дидедиз хьана.

https://t.me/lezgigazet1/22754
370
Лезги Газет

20 Nov, 09:56

❗️РД-дин Халкьдин Собранидин Председатель Заур Аскендерова Кеферпатан Кавказдин Парламентрин Ассоциациядин заседанида иштиракзава

https://t.me/parlamentrd/16145
343
Лезги Газет

20 Nov, 09:22

❗️Дагъустандин Кьил Сергей Меликов «прямая линия» гатIундалди 9 югъ ама.

✔️РикIел хкин, ам 29-ноябрдиз кьиле фида.

Къейд ийин хьи, дагъустанвийривай чпин суалар «прямой линиядиз» рекье тун патал ихьтин къайдайрикай менфят къачуз жеда:

🔹ислен-жуьмя йикъара телефондин 8-8722-98-90-81 нумрадиз зенг авун;

🔹«Вопрос Главе РД» порталдин куьмекдалди (кхьинрин ва я аудио, видеоформатда);

🔹Сергей Меликован «ВКонтакте» сетда авай чиниз кхьин.

📺Ачух эфир ихьтин чешмейри къалурда:

☑️«Дагъустан» РГВК
☑️«Дагъустан» ГТРК
☑️ННТ
☑️РД-дин Кьилин ТГ-канал
☑️«Дагъустан» РГВК-дин ТГ-канал
🎙«Страна Гор», «Радио России» - Махачкъалада», «Прибой», «Ватан» ва «Столица» радиояр.
318
Лезги Газет

20 Nov, 05:04

🐏Дагъустан: чубанрин къайгъуяр

📹Видео: @r.shakhbanov1
390
Лезги Газет

19 Nov, 14:57

РикIел гъун

Гьинва ви шукур?

(«Садни хъуьредач Раббидал духтурханада…» тIвар алаз урус чIалалди малум тушир са авторди кхьенвай шиирдин бинедаллаз)

Садни рахадач Аллагьдиз аси,
Духтурханада хьанвайла ажуз:
Халикьдихъ галаз жеда вахъ сидкьи,
Секин хевлетда дуьаяр лугьуз.

Ажалдин къурху атайла бирдан,
Бес Никай вуна хкьазва панагь?!
Мумкин я, гил-мад пуч жеда ви чан,
РикIи тахъ-тахъиз, лугьузва: «Аллагь…».

Ялавди кьурла ви кIвалер-йикъар,
Мез «Аллагь…» лугьур гафарихъ физва.
КIеве гьатайла, дуьнья хьана дар,
Ви муьгьтеж гъилер цаварихъ физва.

Галукьзава вахъ теспача хабар:
«Баладин кьилел атанва къаза…»,
Вилера аваз туькьуьл тир накъвар,
Мад на Аллагьдиз ийизва суза.

Бирдан самолет цава юзазва...
И декьикьани хьанва ваз залан,
РикI лап шуткьун жез, ви мез рахазва:
«Я Аллагь, Вуна къутармиша ман…».

Гьар сеферда вун гьатайла кIеве,
Аллагь рикIел къвез, яваш жезва вун.
Амма хъхьайла гьал хъсан бере,
Мад, асивализ, дибарш жезва вун.

Такабурдиз нер хкажиз цавуз,
Эцигзавач пел Аллагьдин вилик.
«Зи рикI михьи я – зи капI гьам я…»,- луз,
КукIурзавач на ви метер чилик…

Аллагьдиз муьтIуьгъ тежезвай, инсан,
Вуна Нин вилик экъисзава хур?!
Вун гьакI гафарал яни мусурман?
Бес гьинва ви капI, гьинва ви шукур?..

Муса Агьмедов
401
Лезги Газет

19 Nov, 14:35

❗️Дагъустандин Кьил Сергей Меликов «прямая линия» гатIундалди 10 югъ ама.

РикIел хкин, ам 29-ноябрдиз кьиле фида.

✔️Къейд ийин хьи, дагъустанвийривай чпин суалар «прямой линиядиз» рекье тун патал ихьтин къайдайрикай менфят къачуз жеда:

🔹ислен-жуьмя йикъара телефондин 8-8722-98-90-81 нумрадиз зенг авун;

🔹«Вопрос Главе РД» порталдин куьмекдалди (кхьинрин ва я аудио, видеоформатда);

🔹Сергей Меликован «ВКонтакте» сетда авай чиниз кхьин.
367
Лезги Газет

19 Nov, 13:20

🏆14-17-ноябрдиз Москвада спортдин са шумуд жуьредай дуьньядин дережада авай акъажунар кьиле фена.

Чемпионатдин иштиракчийрин арада кьиле тренер Фейруз Къулиеваз аваз Докъузпара райондин Къурушрин хуьряй атанвай спортсменарни авай.

Акъажунра абурукай са шумудахъ дамахиз жедай агалкьунар хьана.

🌐Гегьеншдиз ФЛНКА-дин сайтдай кIелиз жеда.
356
Лезги Газет

11 Nov, 17:18

Нижний Новгороддин регионда кардик квай «Дагъустандин халкьарин милли медениятдин центр» тешкилатди Россиядин МВД-дин Нижний Новгороддин академиядин пешекарар гьазурунин ва пешекарвилин дережа хкажунин факультетдин курсунин начальник, полициядин майор Балиев Усман Казимовичаз накь уьлкведа къейд авур РФ-дин къенепатан крарин органрин къуллугъчийрин югъ мубаракзава.

☑️ Усман Балиеван ери-бине Хасавюрт райондин Къурушрин хуьряй я. 2014-йисуз ада винидихъ тIвар кьунвай академия яру медалдалди акьалтIарна.
241
Лезги Газет

11 Nov, 05:15

🏔Кьиблепатан Дагъустандин тIебиат

📹Видео: @fazir_kurbanov
371
Лезги Газет

10 Nov, 20:05

🥊24-ноябрдиз СтIал Сулейманан КIварчагърин хуьре спортдин какахьай жуьредин женгерай заланвилин 48 категориядай республикадин дережада аваз турнир кьиле фида.

Акъажунар Каспийск шегьердин депутатрин Собранидин председатель Абдулвагьид Жаватован куьмекдалди тешкилзава.

🏅Турнир КIварчагърин хуьре авай Гьабиб Аллагьвердиеван тIварцIихъ галай бокс вилик тухудай центрада кьиле фида.

Акъажунар сятдин 10-даз гатIунда.

☎️Суалар пайда хьайитIа, телефондин и нумрадиз +79621111156 зенг ийиз жеда.
429
Лезги Газет

10 Nov, 05:28

🏔Видеодай аквазвай сув (дагъ) гьим я?

📹Видео: @miskindzhinets
446
Лезги Газет

09 Nov, 19:03

⚽️«Динамо Махачкала» : «Оренбург» къугъун 2:1 гьисабдалди акьалтI хьана.

Дагъустандин футболистриз гъалибвал Сергей Меликовани мубарак авуна.
491
Лезги Газет

09 Nov, 18:59

❗️И йикъара Дербент шегьерда кьуд лагьай сеферда «Бубайрин ирс» лишандик кваз тарихдинни ватанпересвилин форум кьиле физва.

Гегьеншдиз ФЛНКА-дин ТГ-каналдай кIелиз жеда.
504
Лезги Газет

09 Nov, 18:48

📹Къе Дагъустандин СМИ-рин векилриз «99-й» фильм гьазурзавай майдандал пресс-тур тешкилнавай.

https://t.me/agiprd/20001
457
Лезги Газет

09 Nov, 18:45

❗️Къе РД-дин Гьукуматдин Председатель Абдулмуслим Абдулмуслимова республикадин шегьерранни районра яшайишдин кIвалеризни яшайишдин метлеб авай идарайриз вахтунда чим гунин месэлайриз талукьарнавай совещание кьиле тухвана.

Месэлаяр веревирд ийидайла ада «дежурный докладар» къерехда туна, гьакъикъи гьаларикай хабар гун тIалабна.

🎞Гегьеншдиз РД-дин Гьукуматдин ТГ-каналдин видеода.
459
Лезги Газет

09 Nov, 13:05

🍁Зулун багъдай шикилар

СтIал Сулейманан район
468
Лезги Газет

09 Nov, 07:40

🏆Мукьвара Москвада, спортдин «Динамо» Академияда, женгинин какахьай единоборствойрай (ММА)  Россиядин Кубок патал акъажунар кьиле фена. Ана уьлкведин 31 региондай тир спортсменри заланвилин са шумуд категориядай чпин устадвал къалурна. Абурун арадай яз, чи ватанэгьли, алай вахтунда Махачкъалада яшамиш жезвай Арсен Сулейманова 93 кг-дал къведалди заланвал авайбурун арада гъалибвал къачуна.

Финалда бамишардай къайда ишлемишай адаз Арслан Гьажиев (ХМАО-Югра) вахт амаз кумукьна, гъалибвал къазанмишун патал чи ватанэгьлидиз са декьикьадилайни тIимил вахт лазим атана. 

Чаз авай малуматралди, А. Сулейманов ММА-дай хейлин турниррин ва акъа­жунрин гъалибчи я. Кьилди къачуртIа, алай йисан майдиз 18-20 йисарин яшда авай жегьилрин арада Россиядин кIвенкIвечивал патал Калугада кьиле фейи акъажунра ам къизилдин медалдиз лайихлу хьана. Алай вацран эвелра, Кабардино-Балкариядин 1-президент­     В. М. Кокован экуь къаматдиз бахш­на, Нальчикда кьиле фейи Вирироссиядин турнирда вахт амаз кьве сеферда гъалибвал къазанмишай, виниз тир устадвал къалурай чи ватанэгьли, къизилдин медалриз хьиз, спортдин мастервилин тIварцIизни лайихлу хьана.

Арсенахъ панкратиондайни хъсан нетижаяр ава. Ам Россиядин кIвенкIвечивал патал акъажунрин гъалибчи я. Ада «Old school fighters» клубда тренер Артур Мегьамедован гъилик вичин устадвал хкажзава.

✍️Автор: Рагнеда Рамалданова
504
Лезги Газет

09 Nov, 06:25

❗️Буркина-Фасодикай итижлу делилар

✅Буркина-Фасо РагъакIидай патан Африкадин уьлкве я. Меркез — Уагадугу.

✅И Малидихъ, Нигердихъ, Бениндихъ, Тогодихъ, Ганадихъ галаз сер­гьят ава.

✅Уьлкведин умуми майдан 274200 квадратный километрдикай ибарат я.

✅Буркина-Фасода 20,8 миллион кас яшамиш жезва.

✅И уьлкве Африкадин лап кесиббурук акатзава.

✅Анин 10 агьалидикай 9 агьали хуьруьн майишатдал машгъул я.

✅И уьлкведа гьар кьве йисалай Африкадин виридалайни машгьур кинофестиваль  кьиле физва. И гегьенш мярекатди вири континентдин режиссерар, критикар агудзава.

✅«Хъипи металл» хкудунин жигьетдай 2021-йисуз и уьлкведи Африкада кьуд лагьай чка кьуна.

✅Буркина-Фасодин лап чIехи шегьер Бобо-Диуласо я.

✅Ина вагьши гьайванрин кьадар къвердавай тIимил жезва.

✅И уьлкведин агьалийрин чIехи пай мусурманар я.

✅Гзаф мулкар кьериз тарар ва кул-кусар авай чкаяр я.

✅Уьлкведа виридалайни гзаф менфят къачузвай улакь велосипед я. Кесиб­вилелди яшамиш жезвайвиляй абуру ужуз улакь хкязава.

✅Уьмуьрдин шартIар хъсанбур та­хьунихъ ва медицина зайиф хьунихъ га­лаз алакъалу себебралди Буркина-Фасо­да 65 йисалай виниз яшара авай агьалияр саки авач.
493
Лезги Газет

09 Nov, 05:31

🏔Кьиблепатан Дагъустан: Самур вацIни Шалбуз сув

📹Видео: @miskindzhinets_1
389
Лезги Газет

08 Nov, 05:06

🤝Ассаламу алейкум, играми стхаярни вахар!

🍂Къенин югъ чун вири патал берекатар галайди хьурай. Амин!

🎞Видео: @dalgat_kiri

🍁Видеода: Кьурагь дередин зул
498
Лезги Газет

07 Nov, 06:50

📰«Лезги газетдин» цIийи – 41-нумра – чапдай акъатнава.

✍️Ам Сергей Меликова са жерге дагъустанвийрив гьукуматдин шабагьар вахкуниз талукьарнавай мярекатдикай кхьенвай макъаладилай гатIунзава.

🗞ЦIийи нумрадай гьакIни кIелиз жеда:

✔️РФ-дин журналистрин Союздин Дагъустандин отделенидин 65 йис тамам хьанва;

✔️Лезги районра зулун призыв гьикI кьиле физва;

✔️Писатель Нариман Ибрагьимован «Душмандин руш» тIвар алай цIийи ктаб акъатнава;

✔️Мизамудин Магьмудов – тарифдиз лайихлу журналист;

✔️Луткунрин хуьревай Даир Агьмедован КФХ-дикай;

✔️Арендатор-багъманчи Тажир Батманован къайгъуяр;

✔️Эдебиятдин чина шаир Азиз Мирзебегован шиирар ганва;

✔️Докъузпара районда лезги шииратдин конкурс кьиле фена;

✔️Инсандик кафирвилин тахсир кутун. Баянар ва къейдер;

✔️ЦIийи Къурушрин хуьруьн 1-нумрадин мектебдин директор Ислам Гьажиметов рагьметдиз фена.

➖➖➖➖➖

❗️Играми стхаярни вахар! 2025-йис патал «Лезги газет» кхьиз рикIелай алудмир!
569
Лезги Газет

07 Nov, 05:30

🥖Хуьруьн уьмуьрдай бязи легьзеяр

🎞Видео: @tamara_abd
526
Лезги Газет

06 Nov, 19:15

❗️Душмандин беспилотникрин видеояр авунай жавабдарвилиз чIугвазва

https://t.me/agiprd/19909
578
Лезги Газет

06 Nov, 18:57

❗️СтIал Сулейманан райондай РФ-дин Яракьлу къуватрин жергейра къуллугъ ийиз мад 10 кас фена.

Идакай муниципалитетдин ТГ-каналди хабар гузва.

Къейд ийин хьи, зулун призыв декабрдин эхирралди давам жеда.
573
Лезги Газет

06 Nov, 06:01

⚡️Сергей Меликова вичин ТГ-каналда хабар гайивал, къе экуьнахъ Каспийск шегьердин винел уьлкведин Яракьлу къуватри БПЛА тергна

https://t.me/melikov05/2944
640
Лезги Газет

29 Oct, 12:05

📚Мергьяматлувилин «ЛЕКИ» фондуни, «Лезги газетдин» редак­цияди ва ФЛНКА-ди Докъузпара райондин администрациядин куьмекдалди 2-ноябрдиз Усугъчайдал Дагъустандин мектебрин 6-7-классрин ученикрин арада хсуси шиирар фасагьатдиз кIелунай акъажунар кьиле тухуда.

Конкурс медениятдин кIвалин дараматда сятдин 10-даз гатIун­да. Нетижаяр чкадал жюридин векилри кьада.

💰Хъсан чкаяр кьурбур патал пулунин пишкешар тайинарнава:

1 лагьай чкадай – 15 агъзур манат;
2 лагьай чкадай – 10 агъзур манат;
3 лагьай чкадай – 5 агъзур манат.

Ибурулайни гъейри, конкурсда тафаватлудаказ иштиракай мад 20 ученикдив пулунин пишкешар агакьда: 10 аялдив — гьардав 3 агъзур манат, муькуь цIудав — гьардав 2 агъзур манат. Гьа икI, приз­дин 23 чка жеда!

Аялриз хайи чIал кIанарунин, бажарагълу жегьилар винел акъу­дунин макьсаддалди кьиле тухузвай конкурсда иштиракун патал вири  муаллимри чпин ученикар желбуник чна умуд кутазва.

Конкурсдихъ галаз алакъалу суалар аваз хьайитIа, телефондин и нумрадиз зенгна, хабар кьаз жеда: 8 (967) 777-73-20​.
255
Лезги Газет

29 Oct, 11:00

❗️РикI алай пеше хкягъайла…

Краснодардин крайдин Новороссий­скда авай лезгийрин агалкьунрикай, ана арадал гъанвай лезгийрин тешкилатди тухузвай милли мярекатрикай чна идалай виликни хабар гана.

Ихьтин мярекат­рик кьил кутазвайбур жуьреба-жуьре къурулушра кIвалахзавай, гьа са вахтунда жемиятдин краривайни къерехда тежезвай ватанпересар я. Тежрибалу юрист Низам Султанагьмедович Малласеидовни гьахь­тинбурун жергедай я.

Ам 1987-йисан 4-августдиз Дербент райондин Белиж поселокда дидедиз хьана. Мектеб къизилдин медалдалди куьтя­гьайдалай кьулухъ, 2004-2009-йисара, ада Махачкъалада РФ-дин юстициядин минис­терстводин правовой академияда кIелна.

Чи ватанэгьлидиз вичин рикI алай пешедай кIвалах жагъурун четин акъвазнач: 2011-йисуз ам Новороссийск шегьердин УМВД-дин СУ-да силисчивиле кьабулна, 2014-2017-йисара УМВД-дин дознавателвиле кIвалахна. 2017-йисалай инихъ ада «уголовный дело ва процесс» хиляй агалкьунралди адвокатвиле кIвалахзава.

✍Автор: К.Ферзалиев

✅Амай пай - "ЛГ"-дин сайтда
280
Лезги Газет

29 Oct, 05:09

🌧Зулун легьзеяр

🎞Видео: @venera_lifee
346
Лезги Газет

28 Oct, 12:23

❗️Дагъустанда зулун призывдин кIвалах давам жезва.

И йикъара Мегьарамдхуьруьн райондайни са жерге жегьилар Ватандин вилик чпин хивевай буржи кьилиз акъудиз рекье гьатна.

Къейд ийин хьи, алай вахтунда армияда 1 йисуз къуллугъзава.

Зулун призыв 31-декабрдалди давам жеда.
421
Лезги Газет

28 Oct, 11:18

Россиядин Яракьлу къуватрин жергейра икьрардин бинедаллаз къуллугъ ийиз кIанзавайбурун фикирдиз!

Дагъустанда икьрардин бинедаллаз Украинада кьиле физвай дяведин махсус серенжемда иштиракзавайбуруз са сеферда гузвай пулдин куьмек 500 агъзурдал кьван артухарнава.

💰Гила армиядин жергейра къуллугъун патал икьрар кутIундайла, дагъустанвийриз 1 миллион манатдив агакьна пулдин такьатар гуда:

✅500 агъзур манат – Дагъустан Республикадин патай;

✅400 агъзур манат – федеральный бюджетдай

✅200 агъзур манат – райондин администрациядин патай


Къейд ийин хьи, икьрардин бинедаллаз дяведин махсус серенжемда иштиракзавай аскердиз вацра 210  агъзур манат мажиб гузва.

🔹Пулдин куьмекдилай гъейри, яшайишдин рекьяйни абуруз талукь са жерге кьезилвилер ава.
410
Лезги Газет

28 Oct, 09:13

📚Махачкъалада «Лезги газетдин» мухбир Абдулафис Исмалован урус чIалал «Большое видится на расстояние» тIвар алай ктаб чапдай акъатнава.

Ана Дагъустандин Кьил Сергей Меликова республика авадан авун патал кьиле тухузвай сиясатдикай, кIвалахрикай кхьенвай макъалаяр гьатнава.

Ктаб РД-дин Халкьдин Собранидин депутат Марат Алиярован куьмекдалди чапдай акъуднава.

Абдулафис Исмаилова журналистикадин хиле кIвалахиз саки 50 йис я. И девирда адан къелемдикай 7 ктаб хкатнава. Ам гьакIни Мегьамедсалигь Гусаевакайни Загьир Аруховакай гьазурнавай телефильмайрин авторни я.

❗️Ктаб «Лезги газетдин» редакциядай маса гузва. Алакъадин нумраяр: 8 (988) 430 16-54; (872-2) 66-00-60.
396
Лезги Газет

28 Oct, 07:05

"Лезги газет" кIелзавайбурун фикирдиз!

"Лезги газетдин" алай йисан 41-нумра, адет тирвал, и гьафтедин хемис юкъуз (31-октябрдиз) ваъ, къведай гьафтеда, 7-ноябрдиз, чапдай акъатда.
384
Лезги Газет

28 Oct, 05:05

Хуьруьн уьмуьрдай са легьзе

🎞Видео: @sh.niger.g1971
416
Лезги Газет

27 Oct, 18:56

⚡️Къе, 27-октябрдиз, лезги шаир, журналист Вадим Жамалдинов (Гъетягъ Вадим) рагьметдиз фена.

Вадим Жамалдинов "Лезги газетдин" редакциядихъ галаз фадлай алакъаяр хуьзвай мухбиррикай сад тир. Адан макъалаяр, шиирар мукьвал-мукьвал газетдин чинриз акъатзавай.

Россиядин журналистрин ва писателрин Союзрин член тир адан гъиликай «Гъетягърин булахар» (2009-йис), «Гьижрандин сес» (2011-йис), «Хайи лувар» (2016-йис), «Гъетягъар ва гъетягъвияр» (2021-йис) ва маса ктабар хкатна.

Шаирдин бине СтIал Сулейманан райондин Гъетягърин хуьряй тир, фадлай Герейханован хуьре яшамиш жезвай.

"Лезги газетдин" редакциядин коллективди Вадим Жамалдинован хизанриз, вири багърийриз башсагълугъвал гузва. Адан экуь къамат чи рикIера амукьда.
459
Лезги Газет

27 Oct, 16:59

📚ДГПУ-дин профессор, алим, Тахо-Годидин тIварцIихъ галай институтдин педагогикадин сектордин заведующий, чи ватанэгьли Шайдабег Мирзоеван "Народная педагогика Дагестан" тIвар алай цIийи ктаб чапдай акъатнава.

Ктабдикай алим Загьир Загьирова кхьенвай чIехи макъала "Лезги газетдин" сайтда чапнава.

Чна Шайдабег Айдабеговичаз нубатдин ктаб мубаракзава. Мадни чIехи агалкьунар хьурай чи гьуьрметлу алимдихъ!
451
Лезги Газет

27 Oct, 08:56

❗️Къе бине Ахцегь райондай тир меценат, жемиятдин деятель Нариман Гъазалиев хайи югъ я.

Лагьана кIанда, Н.Гъазалиева хайи чIал, дин, тарих, меденият хуьник еке пай кутазва.

Кьилди къачуртIа, ада гьар йисуз Кьиблепатан Дагъустанда жуьреба-жуьре конкурсар, мярекатар тухун патал пулдин такьатар чара ийизва, мергьяматлувилин серенжемар кьиле тухузва.

РД-дин информациядин ва печатдин Агентстводи, "Лезги газетдин" редакцияди Нариман Гъазалиевичаз хайи югъ мубаракзава ва адахъ чандин сагъвални агалкьунар хьун алхишзава.
481
Лезги Газет

27 Oct, 08:11

🥉Чи ватанэгьли Жабраил Гьажиева Албанияда азаддиз юкьварар кьунай кьиле фейи дуьньядин чемпионатда 3-чка кьуна.

Идакай Ахцегь райондин администрациядин ТГ-каналди хабар гузва.

Къейд ийин хьи, Ж.Гьажиев Ахцегьрин хуьряй я. Спортдин майданра ам Азербайжандин патай экъечIзава.
452
Лезги Газет

27 Oct, 07:51

🎖СВО-дин иштиракчийрин агалкьунар

РД-дин жемиятдин "Память гор" тешкилатдин филиалдин регьбер, Мегьарамдхуьруьн райондай тир Марат Забитоваз РФ-дин Президентдин Указдалди, "Жуьрэтлувиляй" медаль ганва.

Къейд ийин хьи, гьукуматдин шабагь аскердиз ада Украинада кьиле физвай женгера къалурай кьегьалвилерай гана.
430
Лезги Газет

27 Oct, 06:12

⚡️Мегьарамдхуьруьн райондин Муьгъверганрин хуьре 2 гьавадин кIвалери цIай кьуна.

Идакай "ЧП Дагестан" телеграм-каналди хабар гузва.
436
Лезги Газет

27 Oct, 06:03

❗️Зегьметдин рекье хьанвай агалкьунрай РД-дин Хатасузвилин советдин Секретардин заместитель Сефербег Гьамидоваз Дагъустандин Гьукуматдин Гьуьрметдин грамота ганва.

Шабагь адав РД-дин премьер-министр Абдулмуслим Абдулмуслимова вахкана.
438
Лезги Газет

26 Oct, 07:47

🎖СВО-дин иштиракчийрин агалкьунар

РФ-дин Президент Владимир Путинан Указдалди, Украинада кьиле физвай махсус серенжемдин иштиракчи, бине Мегьарамдхуьруьн райондай тир Ислам Эседуллаеваз Суворован медаль ганва.

Къейд ийин хьи, идалай вилик адаз "СВО-дин иштиракчи" медални къуллугъзавай кьушунрин кьилевайбурун патай Разивилин чар ганвай.
132
Лезги Газет

26 Oct, 05:03

Хуьруьн уьмуьрдай са легьзе

🎞Видео: @sh.niger.g1971
213
Лезги Газет

25 Oct, 16:29

❗️Мегьарамдхуьруьн райондин кьил Фарид Агьмедов Россия транспортдин министерстводин патай Разивилин чарчиз лайихлу хьанва.

Адаз и шабагь Азербайжандихъ галаз авай часпардилай машинар элячIзавай Ярагъ-Къазмаяр пункт цIийикIа туькIуьр хъувунин проектдик пай кутунай ганва.

Райондин кьилив Разивилин чар РД-дин Гьукуматдин Председатель Абдулмуслим Абдулмуслимова вахкана.
337
Лезги Газет

25 Oct, 16:22

Первые полосы еженедельников на языках народов Республики Дагестан на 25.10.2024г.


🌊 Основные темы этой недели на страницах дагестанской прессы:

📎 Илчи: О поездке в минувшую пятницу Председателя Правительства Дагестана Абдулмуслима Абдулмуслимова в Лакский район;

📎 Ёлдаш: Он спас и вытащил из лап врага 50 солдат! Мужеству и героизму Айгума Ногаева посвящена большая статья Герейхана Аджиева « Герой Мариуполя»;

📎 Лезги газет: Как отметили 95-летний юбилей Сулейман-Стальского района в репортаже собственных корреспондентов;

📎 Истина: как создавалась северо-кавказская диаспора на территории бывшей Османской империи, а также в Западной Европе и США;

📎Замана: Со дня рождения даргинской поэтессы, заслуженного работника культуры РФ и РД Умурахил Шапиевой исполнилось 100 лет;

📎 Ватан: Хизгил Авшалумов писал о нем: « Он был видным из себя мужчиной, обладал прекрасным голосом оперного певца и прекрасной дикцией...». О бывшем главном редакторе "“Зэхьметкеш” Асаиле Бинаеве;

📎 Голос степи: о выходе документального фильма "Против ветра," рассказывающего об опустынивании Ногайской степи;

📎 Нийсо: О Дне дагестанской культуры и языков - празднике, в котором хранится вся вековая мудрость и духовное наследие народов Дагестана;

📎Рутульские новости: о развитии, сохранении родного рутульского языка поговорили за круглым столом в Управлении культуры Рутульского района;

📎 Вести Агула: о героизме дагестанцев - уроженцев Агульского района в зоне специальной военной операции;

📎 Нур: 21 октября в День дагестанской культуры и языков проведены диктанты на цахурском языке в ДГПУ и школах цахурской долины.

📎Дербент: Интересные факты о том, как дагестанцы из 18 стран мира приняли участие в проекте "Мой Дагестан".

📶 Этномедиахолдинг "Дагестан"
299
Лезги Газет

25 Oct, 16:09

❓Квез чидани?

Дикдик

Шикилдай аквазвай ажайиб ва гуьрчег гьайван миргерин (антилопа) лап гъве­чIи жуьрейрикай сад я. Абурун кьакьанвилел 30-40 сантиметр жеда, яргъивилел — 50-70. Заланвал — вини кьил 6 килограммдив агакьда. И гьайванар Африкадин баябан чкайра, къумлухвал квай мулкара яшамиш жезва. Абурун кьуд жуьре малум я.

Дикдикар экуьнахъни нянихъ гзаф гьерекатдик жедай гьайванар я. Йикъан­ чими вахтунда абур кIачIичIлух чкайра,­ кул-кусрик жеда. Абуру анжах векь тIуь­налди уьмуьр кьиле тухузва.

ТIебиатда и гьайванрин уьмуьр 10 йисал кьван давам жезва. Дикдикрин душманрик чIехи гъуьлягъар, лекьер, еке чурчулар, асланар, лекьенар, къаракъу­лахар, чIурун кацер ва маса вагьшияр акатзава.
291
Лезги Газет

25 Oct, 13:42

🎖СВО-дин иштиракчийрин агалкьунар

Украинада кьиле физвай махсус серенжемдин иштиракчи, бине Мегьарамдхуьруьн райондай тир Сулейман Пазароваз "Дагъустандин халкьдин игит" тIвар ганва
324
Лезги Газет

25 Oct, 11:30

🚘РД-дин Халкьдин Собранидин депутат Имам Яралиева Махачкъаладин килисадиз куьмек яз вичин патай машин пишкешнава.

Идакай СтIал Сулейманан райондин администрациядин ТГ-каналди хабар гузва.

Машин Махачкъаладин епархиядин векил, килисадин къуллугъчи Анастасия Витера гьалдайвал я.

РикIел хкин, адан машин июндин вацра арадал атай терактдин нетижада цIай кьуна михьиз канай.
331
Лезги Газет

25 Oct, 10:31

⚡️Украинада кьиле физвай махсус серенжемда бине Кьурагь райондин КьепIиррин хуьряй тир Играт Керимов телеф хьана.

Аскердин 51 йис тир.

Кьурагь райондин кьил Замир Азизова вичин, администрациядин ва вири районэгьлийрин тIварцIихъай телеф хьанвай аскердин хизанриз башсагълугъвал гана.
337
Лезги Газет

25 Oct, 08:02

🎖СВО-дин иштиракчийрин кьегьалвилер

РФ-дин Президент Владимир Путинан Указдалди, Украинада кьиле физвай махсус серенжемдин иштиракчи, бине Мегьарамдхуьруьн райондай тир Гьажибег Темирхановаз Жукован медаль ганва.
359
Лезги Газет

25 Oct, 07:03

❗️СтIал Сулейманан райондин 7 мектебда агроклассар арадал гъидайвал я.

И кардиз талукь икьрарар кутIунин мярекат Кьулан СтIалрин мектебда кьиле фена.

Гегьеншдиз райондин администрациядин ТГ-каналдай кIелиз жеда.
366
Лезги Газет

25 Oct, 06:51

📚«Хкягъай чIалар»

Дагъустандин ктабрин чапханада и мукьвара тIвар-ван ва бажарагъ авай шаир, алим Азиз Мирзебегован хкягъай шиирар авай ктаб (тираж – 300 экз.) чапдай акъатна.
Шаирдин 65 йисан юбилейдихъ галаз алакъалу яз акъатнавай, 360 чиникай ибарат кIватIалда шиирар ва поэмаяр гьатнава. Адан эсерриз лирикадин гьиссер, эпический кьатIунар, ватандашвилин позиция ва дерин мана-метлеб хас я.

📝«Хкягъай чIалар» А.Мирзебегован 33-ктаб я.
Эдебиятдал рикI алайбурувай и ктаб 300 манатдай «Лезги газетдин» редакциядай маса къачуз жеда. Вацапдин и нумрадиз кхьихь: 8-928-560-26-17
444
Лезги Газет

20 Oct, 09:03

✍Лезги чайнворд

Суалар

1. Мах, кьиса. 2. Ярж. 3. Аялар къугъвадай затI. 4. Чумалдиз ух­шар куьлуь емиш. 5. «Наследие» гаф лезги чIалалди. 6. Гьафтедин ­­йикъарикай сад. 7. Цин хвал. 8. Чархачи, чавдар. 9. «Шагь Абасакай риваят» повестдин автордин тIвар. 10. Багьа къван, къаш. 11. «…пулунилайни багьа я» (халкьдин мисал). 12. «Промышленность» гаф лезги чIалалди. 13. Латин алфавитдин гьарф, математикада малум тушир число. 14. Гъуьр михьдай алат. 15. Мекьивиликди, тIалдикди беден зурзун. 16. Кьуру дамах. 17. Рекьел акъатнавай чухур.

✍ТуькIуьрайди — Магьад Мегьдиев
73
Лезги Газет

20 Oct, 07:30

🏔Ахцегь райондин Гутумрин хуьре

🎞Видео: @fazir_kurbanov
886
Лезги Газет

20 Oct, 06:00

❗️И йикъара чав шаир, Россиядин журналистрин союздин член, муаллим, «Лезги газетдин» редакциядихъ галаз гьамиша алакъа хвейи хъуьлуьдви Саид-Агьмед Абдурашидович Абдурашидов рагьметдиз фена лагьай туькьуьл хабар агакьна.

Саид-Агьмед Абдурашидов­ 1932-йисуз Рутул райондин Хъуь­луьдрин хуьре дидедиз хьа­на. Хуьруьгрин мектеб куьтя­гьай­далай кьулухъ ада Буйнакскдин хуьруьн майишатдин техникумда, гуьгъуьнлай Дагъус­тандин педагогвилин институтда кIелна. Советрин Армияда Ватандин вилик вичин хиве авай буржи тамамарна. Сифтедай кол­хозда, гуьгъуьнлай мектебда кIвалахна.

1970-йисарилай ада чкадилай цIийи хабарар, хци месэлайриз талукь макъалаяр агакьарзавай. 2005-йисуз адан «Фулфандин авазар» тIвар алай ктаб чапдай акъатна. 2015-йисуз муаллимдин «Хъуьлуьд ва хъуьлуьдвияр» ктабдизни экв акуна. Им ада эдебиятда, тарихда вичин гел, ирс тунва лагьай чIал я.

«Лезги газетдин» редакциядин коллективди Саид-Агьмед Абдурашидов рагьметдиз финихъ галаз алакъалу яз адан хизанриз, мукьва-кьилийриз башсагълугъвал гузва.
185
Лезги Газет

19 Oct, 15:09

❗️2023-йисан нетижайралди, яшайишдин вири хилерай хъсан агалкьунар хьанвай Дагъустандин са шумуд муниципалитетдиз грантар гудайвал я.

РД-дин Кьилин Администрациядин ТГ-каналди хабар гузвайвал, и макьсадриз республикадин бюджетдай 25 миллион манат пул чара авунва.

Шад жедай кар ам я хьи, грантриз лайихлу жедай районрин арада лезги районарни ава.

Кьилди къачуртIа, дагъдин районра 1-чкадиз - Ахцегь, 2-чкадизни Докъузпара район лайихлу хьанва.

Дагъдин ценерив гвай районрин арада 1-чка СтIал Сулейманан районди кьуна.
327
Лезги Газет

19 Oct, 09:21

❗️СтIал Сулейманан 95 йисан юбилейдиз сергьятра аваз, лезги халкьдин регьбер, имам Гьажи Давудан уьмуьрдин ва женгинин рекьиз бахшнавай выставкани ахъайна.

Адан тешкилатчи Гь. Давудан тIварцIихъ галай руьгьдинни марифатдин центр я (кьилевайди - Самур Алиев)
560
Лезги Газет

19 Oct, 09:04

❗️И декьикьайра Кьасумхуьрел СтIал Сулейманан райондин 95 йисан юбилейдиз талукьарнавай мярекатар кьиле физва
333
Лезги Газет

19 Oct, 07:03

🕌Дин

📌Къияматдин йикъан лишанар

6️⃣6⃣-6⃣7⃣ГъвечIи лишанар №№ 66 ва 67

Магьрдин (калымдин) къимет сифте хкажун, гуьгъуьнлай агъузун;
балкIанрин къимет багьа ва ­гуьгъуьнлай ужуз хьун

✅Хариджа ибн ас-Сальт аль-Буржумиди лагьана:

«Зун Абдуллагьахъ галаз адан кIваляй экъечIна: и вахтунда имамди рукуъ (капI ийидай чIавуз юкь агъузун) ийиз­вай, чнани адан гуьгъуьнал алаз рукуъ авуна. Ахпа чун жергедик экечI хъувуна. И чIавуз патавай физвай са инсанди лагьана: «Ассаламу алайка, я Абу Абдуррагьман». Ада лагьана: «Аллагьу акбар. Аллагьди ва Адан Расулди гьахъ лагьана». КапI авурдалай кьулухъ чна хабар кьуна: «Я Абу Абдуррагьман, вак и инсанди гайи саламди къалабулух кутурди хьиз я». Ада жаваб гана: «Эхь.

Лагьанвайвал, Къияматдин йи­къан­ лишанрик акатзава: мискIинрикай рекьерикай хьиз менфят къачун (и кардикай «65-нумрадин гъвечIи лишанда» раханва — ред.), инсанди анжах вичиз танишдаз салам гун, папа вичин гъуьлуьхъ галаз алишвериш кьиле тухун, магьрдин ва балкIанрин къиметар багьа хьун ва гуьгъуьнлай ужуз хъхьун ва, мад садрани багьа таххьун». 

(Къейд авун лазим я, Абу Абдуррагьмана лагьанвай гафар («Аллагьу акбар. Аллагьди ва Адан Расулди гьахъ лагьана» ва мсб.) капI акьалтIарайдалай кьулухъ лагьанвайди я, кпIунин къене — ваъ. — ред.)  

☑️"Дуьньядин эхирдин лишанрикай" макъаладай

📜Гьазурайди - диндин алим Ямин Мегьамедов.
365
Лезги Газет

18 Oct, 19:30

⚡️Украинада кьиле физвай махсус серенжемда Кьурагьрин хуьряй тир Расим Гьажиханов телеф хьана.

Аскердин 44 йис тир. Адахъ кьве велед авай.

Райондин кьил Замир Азизова вири районэгьлийрин тIварцIихъай Расим Гьажиханован хизанриз башсагълугъвал гана.

Гегьеншдиз Кьурагь райондин администрациядин ТГ-каналдай кIелиз жеда.
425
Лезги Газет

18 Oct, 19:24

🍯Кьурагьрин вирт - Россияда виридалайни хъсанди

Кьурагь райондин администрациядин ТГ-каналди хабар гузвайвал, Ашар хуьряй тир чIижерхъан Гьасанбег Рамазанов "Россиядин виридалайни хъсан вирт-2024" конкурсда гъалиб хьанва.

Конкурсда санлай къачурла Россиядай ва къецепатан са жерге уьлквейрай 145 касди иштиракна.

Гегьеншдиз Кьурагь райондин администрациядин ТГ-каналдай кIелиз жеда.
412
Лезги Газет

18 Oct, 16:09

❗️Мегьарамдхуьруьн райондин кьил Фарид Агьмедова Украинада кьиле физвай махсус серенжемдиз физ гьазур хьанвай Закир Шамовахъ галаз гуьруьш кьиле тухвана.

Къейд ийин хьи, З.Шамова РФ-дин Яракьлу къуватрин жергейра икьрардин бинедаллаз къуллугъда.

Гегьеншдиз Мегьарамдхуьруьн райондин администрациядин ТГ-каналдай кIелиз жеда.
450
Лезги Газет

18 Oct, 15:04

Сергей Меликова Татьяна Москальковадихъ галаз гуьруьш кьиле тухвана

https://t.me/agiprd/19484?single
415
Лезги Газет

18 Oct, 14:47

❗️Алкьвадар Гьасан эфендидин – 190 йис

Алай йисуз Дагъустандин революция­дилай виликан девирдин чIехи тарихчи ва илагьиятчи, философ, шаир, марифатчи Алкьвадар Гьасан эфенди дидедиз хьайидалай инихъ 190 йис тамам жезва. Ада чаз тунвай зурба ирсиникай виридалайни машгьурди, аквадай гьаларай, адал вичел чан аламаз чапдай акъатай тек са «Асари Да­гъустан» ктаб я.

📚«Асари Дагъустан», вичин уьмуьрдин кьилин кIвалах, Гьасан эфендиди 1890-йисуз кхьена акьалтIарна, амма чапдай ам анжах 1903-йисуз пачагьдин цензуради ихтияр гайидалай кьулухъ акъатна. Тарихдин и ктаб XIX асирда Дагъустандинни Ширвандин савадлу вири ксар гъавурда акьадай туьрк чIалал кхьенвай.

Адан хва Али Гьасанова урус чIалаз  таржума­ авур «Асари Да­гъус­тан» 1929-йисуз чапдай акъатна. Урус чIалал акъатай­ а ктаб гилан девирдин кIелдайбурув Алкьвадар Гьасан эфен­дидин неинки фикирар агакьарзавай шей, гьакI вини дережадин художественный таржумадин чешне хьизни къиметлу я.

✍Автор: Мансур Куьреви

✅Амай пай - "ЛГ"-дин сайтда
390

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.