عن ألمانيـا و اللغة الألمانية

# معلومة قانونية يمكن بتهمك..

اليوم رح نحكي عن موضوع الإفلاس الخاص (Privatinsolvenz ) بطريقة مبسطة ومختصرة وإن شاء الله مفهومة للجميع..

الإفلاس الخاص (Privatinsolvenz ): هو عبارة عن إجراء قضائي لمساعدة الشخص الذي لا يستطيع سداد ديونه من التخلص من هذه الديون..

هل أي شخص عليه ديون بيقدر يقدم على الأفلاس ويتخلص من ديونه؟

الجواب لا .. الموضوع بيحكمه شروط لازم تكون متوفرة..

1- لازم تكون (überschuldet) يعني لازم تكون غارق بالديون ودخلك وأملاكك غير كافيين لسداد الديون..

طيب هل في مبلغ معين بيتحدد على أساسه اذا الشخص غارق بالديون أو لا؟

الجواب لا.. المبلغ يختلف باختلاف الحالة المادية للشخص والدخل وعدد أفراد الأسرة..

2- لازم قبل ما تقدم طلب الإفلاس أمام محكمة الإفلاس ( Insolvenzgericht) تكون حاولت حل موضوع الديون خارج القضاء..

يعني لازم تكون محاولة إيجاد طريقة ودية مع الدائنين لسداد الدين فشلت وحصلت على إثبات انها فشلت.. الإثبات هي Bescheinigung... بتحصل عليها عن طريق Schuldenberater..

3- بعد توافر الشرطين 1 و 2 بتقدم طلب الإفلاس أمام المحكمة.. بعد تقديم الطلب المحكمة بتتحقق من بعض الأمور اهمها:

- Ehrlichkeit: بتتحقق المحكمة من صدق المعلومات التي أدليت بها عن دخلك وثروتك..

شو الأسباب لي ممكن بسببها طلب الإفلاس ينرفض؟

1- عدم توافر أحد لشروط المذكورة فوق..
2- عدم تقديم جميع الوثائق والمستندات..
3- سبب مهم جدا: هو التعمد أو الإهمال الجسيم..

شو يعني هالشي؟
يعني اذا شافت المحكمة انك تعمدت الحصول على قروض أو عقود على فترات متقاربة أو قصيرة قبل إشهار الإفلاس هالشي بيندرج تحت إطار التعمد ويعتبر سبب كافي لرفض طلبك..

والإهمال الجسيم يعني أنك كنت مهمل بشكل كبير وإهمالك أدى إلى تفاقم الديون..

3- في حال قبلت المحكمة طلبك للإفلاس بتمنحك شي بسموه ( Wohlverhaltensphase) وهي عبارة عن فترة بتكون مدتها ثلاث سنوات لإثبات حسن نيتك والالتزام بدفع الأقساط لي بتفرضها المحكمة بعد دراسة وضعك المادي والاجتماعي..

بهالفترة لازم تلتزم بالتعليمات وتسدد الأقساط ولازم تخبر المحكمة في حال تغير دخلك سواء زاد أو نقص..

بعد ما تخلص مدة الثلاث سنوات بنجاح بتمنحك المحكمة ورقة ( Restsculdbefreiung) وهي ورقة الإعفاء من باقي الدين..

والرجاء التفاعل مع المنشور للفائدة العامة ولا تنسونا بالدعاء...

#معلومة قانونية يمكن بتهمك..

حكينا بالمنشور السابق عن Steuerklasse 1.. اليوم رح نذكر بعض النقاط لأصحاب Steuerklasse 3 و 5..

بإذن الله بهاد المنشور رح نشرح بشكل بسيط اللغط الحاصل بخصوص إلزامية المتزوجين بتقديم الإقرار الضريبي..

متى يجب على أصحاب الفئة الضريبية 3 و 5 تقديم الإقرار الضريبي؟

1- اذا كان أحد الزوجين يحصل على دخل من صاحب عمل ( يعني بصفة موظف وليس شغل خاص) وكان الزوج الآخر يحصل على دخل من عمل خاص ( Selbstständigkeit )..

2- اذا كان الزوجين يحصلون على دخل من عمل خاص..

3 - اذا كان أحد الزوجين يحصل على دخل من صاحب العمل والزوج الآخر يحصل على مساعدة بديل الراتب ( Lohnersatzleistung )... متل Krankengeld او Arbeitslosengeld I او Elterngeld او Mutterschaftsgeld..

ملاحظة مهمة: المقصود ب Arbeitslosengeld هنا المساعدة من Agentur für Arbeit وليس من Jobcenter..

ملاحظة مهمة أيضا: يجب أن تكون مساعدة بديل الراتب تتجاوز مبلغ 410 يورو سنويا... أما إذا كانت أقل فلا توجد إلزامية للتقديم..

4- إذا كان اخد الزوجين أو كلاهما يحصلان على دخل من صاحب العمل وكان أحد الزوجين يحصل على دخل إضافي فيما يسمى Neben Einkünfte.. متل الدخل عن طريق تأجير شقة أو الدخل عن طريق التداول في الأسهم والعملات الرقمية الخ..

متل لا يجب على المتزوجين تقديم الإقرار الضريبي؟

بكل بساطة في حال عدم توافر أحد النقاط الي ذكرتها فوق..

بالمختصر إذا كنت متزوج وعم تاخد راتب من صاحب العمل وزوجتك لا تعمل ولا انت ولا زوجتك عم تاخد مساعدة بديل الراتب ولا عندكم دخل إضافي عن طريق تأجير شقة أو تداول بالأسهم ف انت غير ملزم بتقديم الإقرار الضريبي..

نصيحة : بتقديم الإقرار الضريبي للمتزوجين بكون عندكم خيارين إما Zusammenveranlagung (التقييم الضريبي المشترك ) أو Einzelvernalgung (التقييم الضريبي الفردي) ينصح باختيار التقييم الضريبي المشترك.. لأنه بيمنح مزايا ضريبية افضل .. ما رح نقدر نشرح المزايا حرصا على عدم إطالة المنشور...

# معلومة قانونية يمكن بتهمك..

بهالفترة وصل لبعض الناس بوست من Finanzamt مع المطالبة بتقديم الإقرار الضريبي لغاية تاريخ معين وتهديد بغرامة مالية في حال عدم التقديم..

البعض تواصل معي وخبروني انه سابقا ما إجاهم مطالبة عن سنوات سابقة ف شو السبب ؟؟

اول نقطة لازم نعرفها اذا انت من أصحاب Steuerklasse 1 بشكل عام غير ملزم بتقديم الإقرار الضريبي..

ايمت بتصير ملزم؟

1- لما بكون عندك Vollzeit و Teilzeit بنفس الوقت او Teilzeit و Teilzeit بنفس الوقت..

2- لما بكون عندك Vollzeit او Teilzeit واحد فقط ولكن خلال السنة بدلت Arbeitgeber خلال السنة..

3- لما بكون عندك Vollzeit او Teilzeit واحد فقط ولكن حصلت على شي اسمه Lohnersatzleistung ( بديل الراتب) .. متل Krankengeld من التأمين الصحي بسبب انك اضطريت تغيب عن العمل بسبب ظرف صحي لمدة أكثر من ست أسابيع.. أو متل "Arbeitslosengeld من Agentur für Arbeit...

بتخصل على Arbeitslosengeld لما بينتهي عقد عملك خلال السنة .. او متل البدائل الأخرى Kurzarbeitsgeld او Mutterschaftsgeld إلخ..

في حال كان بديل الراتب لي حصلت عليه يتجاوز 410 يورو بالسنة بتصير ملزم بتقديم الإقرار الضريبي..

نقطة مهمة لمعلومة مغلوطة عن الإقرار الضريبي... اذا قدمت الإقرار الضريبي لمرة هل انا مجبر قدمها كل سنة؟

الجواب لا.. إلزامية تقديم الإقرار الضريبي هي فقط للفئات المجبرة بالتقديم.. اذا انت غير مجبر بتقديم الإقرار الضريبي ف فينك تقدمها مرة وما ترجع تقدمها مرة تانية اذا ما حابب..

أخيرا وليس آخرا تقديم الإقرار الضريبي السنوي في الغالب بكون من صالحك وبترجع جزء من الضرائب المدفوعة..

#معلومة قانونية أكيد بتهمك..

حالة بتمر على جميع المستأجرين... انا مستأجر وتعطل عندي شي بالبيت شو بحقلي وكيف بتصرف لأضمن حقي.. طبعا عم نحكي عن الأضرار لي بتكون على مسؤولية المؤجر..

أول وأهم شي منعمله هو انه نخبر صاحب البيت خطيا وحط الف خط تحت كلمة خطيا ... أوعى وأحذر ودير بالك انك تخبر الموضوع فقط شفهيا..

بتبعت لصاحب البيت رسالة سواء على الواتس أو بالإيميل او بالبريد بتخبره بالضرر الموجود وبتنتظره يرد عليك..

هلأ في مؤجرين بطنشوك وما بردوا ... هون بتبعتله خطيا مرة تانية وبتعطيه مهلة للتصليح... المهلة بتختلف حسب الضرر وأهميته... وبتكتب انه في حال عدم التصليح خلال المهلة انك رح تخفض قيمة الإيجار..

طبعا ومهم جدا انه قيمة التخفيض تكون متناسبة مع حجم الضرر الواقع عليك... ممكن ببعض الحالات يكون 10 بالمية وببعض الحالات يوصل لغاية مية بالمية..

في حال ما صلح المؤجر بتبلش بتخفيض قيمة الإيجار فورا من بعد إنتهاء المهلة لي عطيته ياها..

كتير حالات بتمر علي من ناس ضاع حقهم القانوني بسبب انهم خبروا المؤجر بالضرر بالإتصال وما خطيا..

# معلومة قانونية أكيد بتهمك...

اليوم رح نحكي عن موضوع مهم جدا لكل شخص وكل عائلة مستأجرة منزل في ألمانيا..

حكينا بالمنشورات السابقة عن Mietkaution وكم المدة لي بحق لصاحب البيت يحتفظ فيها..

موضوع اليوم هو طريقة المطالبة باسترجاع Kaution والخطوات القانونية لي لازم نعملها..

1- بعد ما تخلص المدة لي بحق لصاحب البيت يحتفظ فيها بمبلغ Kaution منبعت بريف خطيا على عنوانه ومنطالبه بتحويل مبلغ الكاوتسيون مع إعطاءه مهلة أسبوعين لتحويل المبلغ..

2- في حال استجاب كان الوضع ممتاز.. في حال ما استجاب وما حول المبلغ بكون عنا خيارين..

الخيار الأول انك تروح عند محامي مختص في قانون الإيجارات وهو بطالب بالمبلغ أو تتوجه لشركة التأمين القانونية تبعك ( Rechtsschutzversicherung ) في حال كان عندك هيدا التأمين .. هنن اما بيوصلوك مع محامي من عندهم او بيعطوك الإمكانية انك تختار محامي من عندك..

طبعا موضوع Rechtsschutzversicherung موضوع مهم ورح نحكي فيه بإيام جاية..

الخيار التاني هو انك تقدم Mahnverfahren او بنا يسمى Mahnbescheid قدام محكمة البداية بمدينتك ( Amtsgericht)..

عن طريق Mahnbescheid بتم إرسال مطالبتك باسترجاع المبلغ من المؤجر عن طريق المحكمة.. طبعا المؤجر بكون معه مهلة شهر ليعترض على مطالبتك ولازم يبين الأسباب..

في حال ما اعترض وما دفع المبلغ .. بصير من حقك تحصل على Vollstreckungsbescheid ( أمر تنفيذ من المحكمة).. هذا الأمر يعتبر متل حكم المحكمة العادي..

طبعا تكاليف Mahnbescheid بالإضافة لتكاليف Vollstreckungsbescheid يضافوا لمبلغ الكاوتسيون وملزم المؤجر انه يدفعهم..

# معلومة قانونية يمكن بتهمك..

بحكم انه بهالفترة كتير ناس بتغير تأمين سيارتها و مستوىSF ( Schadenfreiheitsklasse) بيلعب دور مهم بتحديد سعر التأمين.. رح أشرح كذا نقطة بخصوص الموضوع..

كتير شباب تواصلوا معي مشان تغيير التأمين وخبروني انهم صرلهم خمس سنوات وفي منهم أكتر ورغم هيك لهلأ مستوى SF عندهم 2 او 3 ...

شو الأسباب لي بتخلي SF تبعك اقل من لي لازم يكون:

1- انك عامل عقد باكيت ( أسوء انواع التأمينات وشرحت عن مساوئه بمنشور سابق) .. عن طريق تأمين الباكيت بتدخلك الشركة ب SF أعلى من لي بتحقلك.. مثلا انت SF تبعك 1 بتعطيك الشركة مثلا SF 3 (Sondereinstufung) مشان تجعل العقد مغري بالنسبة الك.. لحد هون الأمور ممتازة..

عند خروجك من عندهم بعد سنة بسبب انه اسعارهم غالية ما بيعطوك SF 3 لي دخلوك فيها ولا حتى SF 2 لي المفروض انت بالحالة العادية بعد مرور سنة على التأمين... بالعكس برجعوك ل SF الأصلية تبعك وهيك بتكون خسرت سنة عالفاضي وفي بعض الناس بتخسر سنوات اكتر بسبب انهم ما بيعرفوا هالمعلومة..

2- انك تعمل حادث ويكون الحق فيه عليك ف بهالحالة أغلب الشركات بتخفض SF تبعك .. بعض الشركات بتخفضها بشكل كبير وبعضهم بشكل خفيف حسب العقد ..

3- اذا مأمن سيارتين بنفس الوقت على اسمك ف انت بتستفيد من SF تبعك في تأمين سيارة واحدة .. والسيارة الثانية ما فينك تأمنها على نفس مستوى SF تبع السيارة الأولى..

بعض الشركات اذا مأمن عندهم سيارة وحبيت تأمن عندهم السيارة ثانية ممكن يعطوك نفس SF للسيارة الأولى اذا حبوا أنهم يعطوك ولكن هم غير مجبرين..

# معلومة قانونية يمكن بتهمك..

بما أنه شفت السؤال تكرر اكتر من مرة بخصوص شراء السيارة من شخص Privat والبعض تعرض لحالات غش وخداع رح نحكي اليوم ان شاء الله بإختصار عن النقاط لي لازم ننتبه عليها وعن الحقوق بعد عملية الشراء..

النقاط لي لازم انتبه عليها عند الشراء لسيارة Privat:
1- تجريب السيارة... جرب السيارة لمدة نصف ساعة على الأقل..

2- حاول تاخد السيارة بعد التجريب وتفحصها عند مختصين.. متل DEKRA على سبيل المثال... الفحص بالعادة رح يكلفك لحد 150 يورو.. بس على الاقل بتتأكد من وضع السيارة..

3- خلي صاحب السيارة يأكدلك بشكل خطي في العقد انه السيارة Unfallfrei..

4- افحص أوراق السيارة وأوراق TÜV والهوية الشخصية للبائع ..

5- اعمل عقد بيع بشكل خطي واكتب فيه العيوب الموجودة في السيارة تفاديا للمشاكل اللاحقة بعد الشراء..

6- يفضل الدفع يكون عن طريق الحساب البنكي وفي حال كان bar اكتب المبلغ بشكل خطي واحصل على توقيع البائع مع تاريخ استلام المبلغ..

هلأ منجي للجانب القانوني من الموضوع.. ما هي حقوقي كمشتري بعد الشراء؟

اهم نقطة بالموضوع انه اغلب عقود البيع Privat بكون مكتوب فيها انه Gewährleistung ausgeschlossen.. بما معناه انه أي عيوب موجودة بالسيارة بعد البيع البائع غير مسؤول عنها..

طيب هل هالشي قانوني وفي حال كان قانوني هل بيشمل كل العيوب ولا في استثناء؟

نعم هالبند قانوني وبيعفي البائع منمسؤولية تحمل الأضرار الموجودة في السيارة بعد البيع.. بشكل عام يسري مبدأ في بيع السيارة Privat يسمى gekauft wie gesehen.. يعني بتشتري ما بتشوف ومافي ضمان..

طبعا هالشي له إستثناء وهو:

العيوب الموجودة في السيارة والتي تم إخفائها بطريقة إحتيالية تستثنى من القاعدة ..

على سبيل المثال اذا ذكر البائع ان السيارة Unfallfrei وهي ليست كذلك فمن حق المشتري إلغاء العقد بأثر رجعي والمطالبة في التعويض عن الضرر Schadenersatz..

اي أضرار تم أكتشافها بعد البيع وكان البائع قد أخفاها او لم يذكرها ضمن العيوب المذكورة في العقد تخول المشتري إلغاء العقد بأثر رجعي..

طبعا لازم تتصرف من الأساس ضمن الأصول القانونية لتحمي حالك ويكون عندك القدرة على إثبات arglistige Täuschung عند البائع.. أي إثبات الإحتيال المتعمد من البائع عند البيع..

# معلومة قانونية يمكن بتهمك...

شفت اكثر من معلومة مغلوطة او بالأحرى غير مفهومة بالنسبة للبعض... لهيك رح أشرحها بطريقة بسيطة وسهلة إن شاء الله..

كيف برجع تكاليف الطريق إلى العمل عن طريق الإقرار الضريبي ( Fahrtkosten أو Entfernungspauschale)..

بعض النقاط المهمة :

- لغاية مسافة عشرين كيلو بينحسب 30 سنت عن كل كيلو متر..

- ابتداء من مسافة 21 كيلو متر بينحسب 38 سنت عن كل كيلو..

طي إذا انا على سبيل المثال بيتي بعيد عن شغلي عشرين كيلو ( 20 كيلو متر × 0,30 سنت × 230 عدد إيام العمل في السنة = 1380 يورو) رح يرجعلي هيدا المبلغ لما بقدم الإقرار الضريبي؟

الجواب لا... لأنه من الأساس في شي أسمه المبلغ المقطوع للمصروفات المتعلقة بالعمل Werbungskostenpauschbetrag .. هيدا المبلغ ممكن يختلف من سنة لأخرى وبتحدده الدولة .. حاليا بسنة 2024 المبلغ هو 1230 يورو..

طيب شو يعني هالحكي بالنسبة إلي ؟ ما فهمت بالضبط ..

ببساطة مبلغ المصروفات 1230 يورو انت بتستفيد منه بشكل مسبق بالسنة نفسها لما بتقبض الراتب... بالمشرمحي انت بتدفع ضرائب أقل من لي لازم تدفعها عن طريق انه هالمبلغ بخفف العبئ الضريبي السنوي عليك..

طيب كيف لكن منسمع انه في ناس رجعت مصاري من تكاليف الطريق ؟

الجواب : بيرجعلك مصاري لما بتكون تكاليف الطريق على من مبلغ المصروفات المقطوعة المذكور..

يعني مثلا تكاليف الطريق : 1500 يورو - 1230 يورو مبلغ المصروفات = 270 يورو..

ف أنت يا اخي العزيز بتقدر ترجع جزء من 270 يورو عن طريق Steuererklärung..

ملاحظة مهمة : تكاليف المصروفات المقطوعة المتعلقة بالعمل ما بتشمل بس تكاليف الطريق وإنما بتشمل تكاليف تانية كتيرة منها:

-اللابتوب او الكومبيوتر او جهاز التلفون اذا بتستخدمها بالعمل..
- تكاليف الإنترنت والإتصالات ..
- ملابس العمل ..
- تكاليف نقل المنزل اذا انتقلت بسبب العمل..
وجميع التكاليف المرتبطة بالعمل..

# معلومة قانونية يمكن بتهمك..

إخوتي وأخواتي في معلومة خاطئة وللأسف منتشرة بشكل كبير عند كتير من الناس وكتير متداولة بالتعليقات وهي انه أي شخص بقدم الإقرار الضريبي مرة بصير مجبر يقدمه كل مرة..

في فئات معينة من الموظفين هنن فقط ملزمين بتقديم الإقرار الضريبي في حال توافرت شروط الإلزام فيهم..

الشخص الأعزب يلي Steuerklasse تبعه 1 غير ملزم انه يقدم واذا قدم مرة غير ملزم يقدم كل سنة .. وطبعا نصيحة انه يقدم لأنه عم يضيع على حاله في الغالب كل سنة مبلغ لا بأس به ..

1_ المتزوجين ل عندهم Steuerklasse 3 und 5 او Steuerklasse 4 mit Faktor في حال حصولهم تنيناتهم على دخل ... يعني في حال كانوا الزوجين يعملون..

2- المتزوجين لي عندهم Steuerklasse 3 و 5 في حال كان واحد منهم يعمل وتم تقديم الإقرار الضريبي لمرة واحدة ... بتصير دائرة الضرائب بتجبرهم بالتقديم سنويا ... طبعا ممكن مكتب الضرائب ما يجبرهم ولا يبعتلهم بوست مشان يقدموا... يعني الموضوع يختلف من دائرة ل دائرة..

2- الناس لي عندهم عملين مع أصحاب عمل مختلفين.. يعني Vollzeit و Teilzeit مع بعض أو Teilzeit و Teilzeit مع بعض... هون بتكون Steuerklasse 6 لواحد من العملين..

3- الناس لي بتشتغل بس عندهم دخل إضافي فوق 410 يورو بالسنة ( متل Kleingewerbe مثلا او عندهم بيت ومأجرينه)..

4- الناس لي عندهم Selbstständigkeit..

ملاحظة : هلأ بيطلعلي واحد بقلي انا متزوج و ما عملت Steuererklärung وما حدا جبرني ولا بعتلي شي...

القاعدة العامة هي انه Finanzamt ما بيبعت بوست ولكن في بعض الناس بتوصلهم مطالبة من Finanzamt وما حدا يسألني ليش هدول الناس لأنه ما بعرف.. ممكن تكون عملية اختيار عشوائية عن طريقهم..

انت المسؤول عن تقديم الإقرار الضريبي بدون ما يطالبك Finanzamt بهالشي..

المخالفة في حال عدم التقديم هي بين 25 يورو وبين 25 الف يورو حسب الحالة والتفاصيل.. ولا تخافوا المخالفة ما بتجي مباشرة في حال ما قدمتوا الإقرار وإنما بيوصلكم اول الشي بوست من Finanzamt بوجوب التقديم...

بغض النظر اذا كنت مجبر او غير مجبر بتقديم الإقرار الضريبي.. ولكن ينصح انك تقدمه لأنه في كتير تفاصيل ممكن ترجع عن طريقها جزء من الضرائب عن طريق Steuererklärung.. وفيك تعرف بشكل تقريبي كم ممكن يرجعلك قبل ما تتكلف بأي تكلفة وقبل ما تقدم الإقرار

# معلومة قانونية يمكن بتهمك..

المنشور توعوي وليس الهدف منه التخويف وإنما فقط للتنبيه والتوعية..

سؤال: انا حصلت خلال سنة 2024 على دخل من صاحب العمل وآخر ثلاث شهور تركت العمل وحصلت على بديل الراتب ( Lohnersatzleistung ) من Agentur für Arbeit.. هل انا مجبر قدم الإقرار الضريبي عن سنة 2024؟؟

الجواب : نعم انت مجبر ومعك مهلة لغاية 31.07.2025 لتقدم الإقرار الضريبي..

طيب في حال تجاوزت المهلة وما قدمت الإقرار شو ممكن يصير؟

في احتمالين .. الأول انه Finanzamt يذكرك ويبعتلك بوست مع تهديد بغرامة مالية ومهلة جديدة لحتى تقدم .. وبهالحالة بكون عداه العيب وبحبك وخايف على مصلحتك..

الإحتمال التاني انه ما يذكرك نهائيا ويتركك أكبر وقت ممكن .. ممكن يتركك سنوات طويلة مشان يكبر مبلغ المخالفة..

يعني قصدك انه مبلغ المخالفة بيكبر كل ما مر وقت أطول على عدم تقديمي الإقرار؟؟

نعم..

نصيحة .. اي شخص متوافر عنده شروط الإلزام بتقديم الإقرار الضريبي لا يطنش لأنه Finanzamt بيتركك بالبداية وبس تصير المخالفة محرزة بيبعتلك..

المثال لي ذكرته بالمنشور هو مجرد حالة واحدة ... وانا منزل سابقا بمنشور سابق عن الفئات الضريبية المجبرة بالتقديم..