சட்டத்தெனாலிராமன்

பதிவு: 102
உண்மைச்சம்பவம்

நம் வாசகர் ஒருவர் சென்னையில் பட்டரை நடத்துகிறார். மனிதாபிமான அடிப்படையில் பதினான்கு வயதுக்கு உட்பட்ட, பெற்றோர் இல்லாத, படிப்புவராத தன்பேரனுக்கு, அவனது பாட்டி கேட்டதால் வேலை கொடுத்தார். வேலை நேரத்தில் சோதனைக்கு வந்த தொழிற்சாலை ஆய்வாளர்கள் பிடித்து எழும்பூரில் குற்றவியல் வழக்கு போட்டுவிட்டார்கள்.

இவர் நம் வழியில் வாதாடி இருந்தால் நடந்த அவனது பாட்டியையும், அவனையும் சாட்சி சொல்ல வைத்து, வழக்கில் உண்மையை நிலைநாட்டி இருக்கலாம். இதுபோன்ற சிறுவர்களுக்கு என்ன செய்ய வேண்டும் என்பதை வழக்குபோட்ட முட்டாளுக்கும் கற்று கொடுத்து இருக்கலாம்.

ஆனால் இவரோ தானேவாதாட பயந்து பொய்யர்களின் வழியில் சென்று, 'எனது சொந்தக்காரரின் மகன் என்பதால் வேலை கொடுத்தேன் என்று சாட்சியம் கொடுத்து விட்டார்'. இப்படிச் சொல்லி தப்பித்து விடலாம் என்று வக்கீழ் பொய்யர் பொய்ச்சொல்லச் சொல்லி இருக்கார்.

எனக்கு தெரிய இவர் பொய் பேசமாட்டார். ஆனாலும், பொய்யர் நம்மை வசமாக சிக்கவைக்கப் போகிறார் என்பது புரியாமல் வேறுவழியின்றி சொல்லிவிட்டார்.

ஆமாம், நீங்கள் எவ்வளவுதான் உண்மை பேசுபவராக இருந்தாலும் நான் ஏற்கெனவே சொன்னது போல, பொய்யர்களிடம் போய்விட்டால் உனக்கு நான் அடிமையே என வக்காலத்தில் கையெழுத்து போட்டுக் கொடுத்துள்ள அடிமையே. ஆகையால், அவர்கள் சொல்வதை கட்டாயம் கேட்டு கெட்டுத்தான் ஆகவேண்டும்.

எனவே, பொய்யரை நம்பி பொய்சொன்ன இவரை குறுக்கு விசாரணை செய்து, "அந்த சிறுவன் வேறு சாதியை சார்ந்தவன்" என்பதை மிக எளிதாக ஒப்புக்கொள்ள வைத்து குற்றவாளியாக அறிவித்து ரூபாய் பத்தாயிரத்தை அபராதம் விதித்தார்கள். இதற்கு மூன்றாண்டுகள் சிறை தண்டனையும் விதிக்கமுடியும்.

குற்றம் புரிந்தவர்களே குற்றங்களை ஒப்புக்கொள்ள முன் வராத நிலையில், குற்றம் புரியாதவரைப் பொய்ச் சொல்ல வைத்து குற்றவாளி என அறிவித்தால், அவரின் மனம் எவ்வளவு வேதனைப்படும்.

வயதில் பெரியவராக இருந்தாலும், என்னை அய்யா என்றே அழைப்பார்; அன்பாக பேசுபவர். நம் சட்ட விழிப்பறிவுணர்வில் மிகுந்த நம்பிக்கை கொண்டு நிதி உள்ளிட்ட உதவிகளை செய்தவர், உண்மையாய் இருப்பவர், பொய்யரிடம் போய் குற்றவாளியானார் என்றால், இதெல்லாம் கர்மவினை என்று சொல்வதை தவிர வேறென்னச்சொல்ல?! இதைத்தானே கவிமணிப் பிள்ளையவர்களும் உவமையாக கேள்விகேட்கிறார்??

உவமை !

புற்றைவிட்டுப் புறம்போகாமல்
பட்டினி கிடக்கும்பாம்பின் வாயில்
தேரை குதித்துச் சென்றுவிழுவது
நாகம் முன்செய்த நல்வினைப்பயனோ?
தேரை முன்செய்த தீவினைப்பயனோ?

தேரை - வழக்காளி
பாம்பு - சட்டத்தொழில் பொய்யர்கள்

பாடல்: கவிமணிப்பிள்ளை

குறைந்தபட்ச கூலியை கொடுத்து, சிறுவனை வேலையில் அமர்த்தி கொடுமை செய்வதே குற்றம் என்பதே சட்டத்தின் சாரம். ஆனால், தொழிற்சாலையை ஆய்வு செய்யும் அடிமை முட்டாள்களோ, உண்மையிலேயே கொத்தடிமைகளாக நடத்தும் இடங்களில் ஆய்வுசெய்து தடுக்கமாட்டார்கள்.

அங்கெல்லாம் இவர்கள் சென்றால் உயிரோடே திரும்ப முடியாது. ஆங்கேயே புதைத்து சமாதி கட்டிவிடுவார்கள்.

ஆகையால் நாங்களும் வாங்கும் பெறுங்கூலிக்கு வேலை பார்த்தோம் என்பதை ஆவணப்படுத்த, மனிதாபிமானத் தோடு வேலை கொடுத்தவர்களை குற்றவாளிகள் ஆக்கி விடுவார்கள்.

மனிதாபிமான அடிப்படையில் வேலை கொடுத்ததற்கு மன உளைச்சலோடு மூன்றாண்டுகள் வழக்கை நடத்தி, பொய்யர்களுக்கு கூலி கொடுத்து குற்றவாளி ஆனதுதான் மிச்சம். குறைந்தது ஐம்பதாயிரமாவது செலவு செய்திருப்பார். இனி, இவருக்கெல்லாம் சமூக சிந்தனை சாதாரணமா வருமா?! இதில் கொடுமை என்னவென்றால், இது போன்ற சிறுவர்களுக்கும் வேலை கொடுக்க தனி சட்டமே உள்ளது. சிறு வயது என்பது கற்கும் பருவம். இப்பருவத்தில் கல்வி மீது பற்றில்லாத சிறுவர்களை அப்படியே விட்டு விட முடியாதே! ஆகையால்,யார் எக்கேடு கெட்டு போனாலும் பரவாயில்லை. சமூகத்தைப் பற்றி சிந்திப்பவர்கள் முதலில் சட்டத்தைப் பற்றி சிந்திக்க வேண்டும். என் சட்ட விழிப்பறிவுணர்வு கடமை தங்கு தடையின்றி வெற்றிநடை போடக் காரணமும் இதுவே!

நீ(தி) வாழ நீயே வாதாடு!
வாழ்க வளமுடன் நீதிமான்
வாரண்ட் பாலா

Our Telegram channel link
🪶🪶🪶🪶🪶🪶
https://t.me/lawterrorist2

பதிவு: 101
whatsapp மற்றும் telegram போன்ற செயலிகளில் profile pictureஆக வைத்துக் கொள்ளும் பொருட்டு நமது வாசகரின் வேண்டுகோளுக்கிணங்க நமது ஆசிரியர் வடிவமைத்த இந்த படமானது உங்களின் பயன்பாட்டுக்காக பகிரப்படுகிறது...
விரும்பியவர்கள் பயன்படுத்திக் கொள்ளுங்கள்...
Below click and join
🔽🔽🔽🔽🔽🔽
https://t.me/lawterrorist2

பதிவு: 100
தொழிலாளர்களே விழிப்புடன் செயல்படுங்கள்:

ஒரு ஊரில் வியாபாரி ஒருவன் வாழ்ந்து வந்தான். தனது ஊரிலிருந்து தினமும் சரக்கு மூட்டைகளைக் கொண்டு சென்று பக்கத்து ஊர் சந்தையில் விற்பது அவனது தொழில். இதற்காக மாட்டுவண்டி ஒன்றை அவன் வைத்து இருந்தான்.

ஒரு நாள் அவன் வண்டியில் பூட்டும் மாடு அவனிடம் வந்து, எஜமான் அவர்களே! இரண்டு
ஆண்டுகளாக நான் உங்களிடம் வேலை
செய்கிறேன். ஆனால் நான் செய்யும் வேலைக்கு நீங்கள் எனக்கு சாப்பிட கொடுக்கும் புற்களின் அளவோ மிகக் குறைவு. தயவு செய்து எனக்கு நீங்கள் கொடுக்கும் புல்லின் அளவை அதிகரியுங்கள் என்றது.

மாடு சொன்னதைக் கவனமாக கேட்ட வியாபாரி,
மாடே! நீ கடினமாக உழைப்பது உண்மையே. ஆனால், பக்கத்து வீட்டுக்காரன் மாடு 25 மூட்டைகளை தன் வண்டியில் சுமக்கிறது. ஆனால் நீயோ தினமும் 20 மூட்டைகளை மட்டுமே சுமக்கிறாய். நீ அதிக மூட்டைகளைச் சுமந்தால் உனக்கு புல்லின் அளவை அதிகரிப்பதைப் பற்றி யோசிக்கிறேன் என்றான்.

பக்கத்து வீட்டு மாடு பஞ்சு மூட்டைகளை மட்டுமே சுமக்கிறது என்பதை அறியாமல் இந்த மாடும் அதிக மூட்டைகளைச் சுமக்க ஒப்புக் கொண்டது.

இப்படியே ஓராண்டு சென்றது. மாடு மீண்டும் சென்று வியாபாரியிடம் புல்லின் அளவை அதிகரிக்க கேட்டது. அதற்கு வியாபாரி, “மாடே! அதிக பாரம் ஏற்றியதால் நம்முடைய பழைய வண்டி பாதிப்படைந்து விட்டது. எனவே நான் இப்போது புது வண்டி செய்ய சொல்லியுள்ளேன். அதற்கு ஆகும் செலவை வேறு நான் பார்க்க வேண்டும். இன்னும் சற்று நாள் பொறுத்துக் கொள். நான் புல்லின் அளவை நிச்சயம் அதிகரிக்கிறேன்” என்றான். வேறு வழியின்றி மாடும் ஒத்துக் கொண்டது.

புது வண்டி வந்த ஆறு மாதங்களுக்கு பின் மாடு மீண்டும் வியாபாரியிடம் சென்று வழக்கமான கோரிக்கையை வைத்தது. இப்போது வியாபாரி, “மாடே! இப்போதெல்லாம் உன்னுடைய வேகம்
மிகக் குறைந்து விட்டது. பக்கத்துக்கு ஊருக்கு செல்ல முன்பை விட அதிக நேரம் எடுத்துக் கொள்கிறாய். இதனால் நான் வியாபாரம் செய்யக் கூடிய நேரம் குறைந்து விட்டது. எனவே உனக்கு அதிக புல் தருவது இப்போதைக்கு சாத்தியமில்லை” என்றான்.

கோபமடைந்த மாடு, “எஜமான்! இந்தப் புது வண்டியின் பாரம் பழைய வண்டியை விட மிக அதிகம். இந்த கனத்தையும் சேர்த்து இழுக்க வேண்டியதாலேயே என்னால் முன்பு போல விரைவாக செல்ல முடியவில்லை” என்றது.

அதற்கு வியாபாரி, “மாடே! நீ என்ன காரணம் சொன்னாலும் உன்னால் எனக்கு அதிக லாபத்தை பெற்றுத் தர முடியவில்லை. நான் உன் மேல் ஏற்றும் மூட்டைகளின் எண்ணிக்கையை வேண்டுமானால் குறைத்து விடுகிறேன். ஆனால் நீ அதிக புல் கேட்காதே” என்றான். தன் இத்தனை ஆண்டு உழைப்பும் வீணாகி விடும் என்று பயந்த மாடு, “வேண்டாம் எஜமான். நான் எப்படியாவது வேகமாக சென்று உங்களுக்கு அதிக லாபம் பெற்றுத் தந்து விடுகிறேன்” என்று கூறியது.

மறுநாள் முதல், மாடு தன் சக்தியெல்லாம்
திரட்டி வேகமாக ஓட ஆரம்பித்தது. மீண்டும் முன்பு எடுத்து கொண்ட அதே நேரத்திலேயே பக்கத்துக்கு ஊருக்கு சென்று வியாபாரியை சேர்க்கத் தொடங்கியது. ஆனால் மிகக் கடின உழைப்பால் ஒரே மாதத்திலேயே நோயுற்று படுத்த படுக்கையானது. வழக்கமாக சாப்பிடும் புல்லைக் கூட அதனால் சாப்பிட முடியவில்லை. சில நாட்கள் கழித்து வியாபாரி, மாடே! உன்னை நல்ல விலைக்கு ஒருவர் கேட்கிறார். அவரிடம் உன்னை விற்று விடப் போகிறேன் என்றான்.

எஜமான்! நான் இப்போது இருக்கும் நிலைமையில் என்னால் எந்த வேலையும் செய்ய முடியாது. என்னை ஏன்
அவர்கள் விலைக்கு கேட்கிறார்கள்? என்றது.

வியாபாரி அதற்கு அவர்கள் உன்னை வேலை செய்யச் சொல்ல வாங்கவில்லை.
உன்னைக் கொன்று உன் தோலை எடுக்கவே உன்னை விலைக்குக் கேட்கிறார்கள் என்றான்.

வியாபாரி சொன்ன பதிலைக் கேட்டதும் மாட்டிற்கு கண்களில் நீர் வர தொடங்கியது.
எஜமான்! நீங்கள்
செய்வது அநியாயம். உங்கள் பேச்சை நம்பி மாடாய் உழைத்தாலேயே நான் நோயுற்றேன்.
இல்லாவிடில் நான் நீண்ட காலம்
ஆரோக்கியமாக இருந்திருப்பேன். நீங்கள் செய்தது துரோகம் என்றது.

அதைக் கேட்ட வியாபாரி, நான் செய்தது
துரோகம் இல்லை. ஒரு எஜமானனின் லட்சியம் தன் தொழிலாளியிடம் முடிந்த அளவு அதிக வேலை வாங்கி லாபம் பெறுவது. நான் அதையே செய்தேன். உன்னால் ஐந்து ஆண்டுகளில்
சம்பாதிக்க வேண்டிய பணத்தையும் மூன்றே ஆண்டுகளில் சம்பாதித்து விட்டேன். இப்போது உன்னை விற்பதன் மூலமும் பணம் சம்பாதிக்க போகிறேன். என்னுடைய அதிக லாபம் பெரும் நோக்கம் நிறைவேற உன்னுடைய ஆசையை மூலதனமாக்கி கொண்டேன். நீ முதல் முறையிலேயே சுதாரித்து கொண்டிருந்தால் தப்பித்து விட்டு
இருக்கலாம் என்றான். மாடு தன் முட்டாள்
தனத்தை எண்ணி நொந்து கொண்டது.

நீதி: நிர்வாகத்தின் நோக்கம் ஊழியர்களிடம் இருந்து எவ்வளவு வேலை வாங்க முடியுமோ அவ்வளவு வேலை வாங்குவது. இதற்காக பொய்யான பல வாக்குறுதிகளை தரலாம். பணியாளர்கள் தான் விழிப்புடன் இருக்க வேண்டும்.

நீ(தி) வாழ நீயே வாதாடு

வாழ்க வளமுடன்
நீதிமான் வாரண்ட் பாலா

Below click
🔽🔽🔽🔽🔽🔽
https://t.me/lawterrorist2

பதிவு: 99
நீதிமன்ற கட்டணம் தீர்ப்புக்கு முன்பாக செலுத்தினாலே போதும்:

உரிமையியல் விசாரணை முறை விதிகள் 1908-இன் விதி 90-இன்படி, உரிமையில் தொடர்பான எந்த பிரச்சினையையும், எழுத்து மூலம்தான் கண்டிப்பாக கொடுக்க வேண்டும். அப்படி கொடுக்கப்படும் மனு சட்டப்படி உரிய முறையில் இல்லை என்றாலும் கூட அதை உரிய முறைக்கு மாற்றியமைத்துக் கொண்டு தக்க தீர்வு வழங்க வேண்டியது நீதிமன்றத்தின் கடமையாகும்.

ஒருவேளை பணம் தொடர்பான வழக்குகளில் நீங்கள் உரிய கட்டணத்தை செலுத்த வேண்டியிருந்தால், விதி 149-இன்படி, தீர்ப்பு உரைப்பதற்கு முன்பாக விசாரணையின் எந்த கால கட்டத்திலும் செலுத்த உரிமை உண்டு.

ஆனால், எந்த உரிமையியல் நீதிமன்றமும் இந்த விதியை பின்பற்றுவதாக தெரியவில்லை. மாறாக, கட்டளை 7 விதி 11(3)-இன் கீழ், உரிய கட்டணத்தை செலுத்தவில்லை என்ற காரணத்தை எடுத்துக்கூறி மனுவை திருப்பி விடுவதை வாடிக்கையாக கொண்டு உள்ளன. எனவே, சட்ட விதி 149-ஐ எடுத்துப்பேசி நீதிபதியை சமாளிக்கி வேண்டியது உங்களின் திறமையைப் பொருத்தது.

நீ(தி) வாழ நீயே வாதாடு
வாழ்க வளமுடன் நீதிமான் வாரண்ட் பாலா...

Below click and join
🔽🔽🔽🔽🔽🔽
https://t.me/lawterrorist2

பதிவு: 98
போக்குவரத்து காவலர்களுக்கு போக்கு காட்டுவது எப்படி?

அந்த காவலர்களிலும் பெரிய திருடர்கள், போக்குவரத்து காவலர்கள் என்ற அளவிற்கு அவர்களுக்கு தன் வாழ்நாளில் லஞ்சம் கொடுக்காத வாகன ஓட்டி என யாருமே இருக்கமுடியாது.

வாகன ஓட்டிகள் பெரும்பாலும் லஞ்சம் கொடுப்பதற்கு காரணம் ஓட்டுநர் உரிமம், வண்டிக்கான பதிவுச்சான்று, காப்பீடு போன்ற ஆவணங்கள் இருந்தும் தற்சமயம் கையிருப்பில் இல்லாததுதான்.

உண்மையில் இதெல்லாம் கையில் கூடவே எப்போதும் வைத்திருக்க வேண்டும் என்ற அவசியம் இல்லை. பத்திரமாக வைத்திருந்தால் போதும். காவல் சோதனையின் போது கையில் இல்லை என்பதற்காக கவலைப்பட வேண்டாம். கையில் ஆவணங்கள் முறையாக இல்லாத போது சட்டப்படி அந்த ஆவணங்களை தமது உயர் அதிகாரிகளிடம் குறிப்பிட்ட கால கட்டத்திற்குள் காட்டி இந்த அறிவிப்பை ரத்து செய்து கொள்ள வேண்டும் என்று அறிவுறுத்தல் அறிவிப்புதான் கொடுக்கப்பட வேண்டும்.

அந்த அறிவிப்பை வாகன ஒட்டி பெற்றுக் கொண்டு அதில் குறிப்பிட்டுள்ள தேதிக்குள், குறிப்பிட்ட அதிகாரியிடம் கொண்டுச் சென்று காண்பித்தால் சரி பார்த்து விட்டு கொடுக்கப்பட்ட அறிவுறுத்தல் அறிவிப்பை ரத்து செய்து கொள்வார்கள்.

ஆனால், பல சமயங்களில் இதைச் செய்யாமல் உடனே அபராதம் செலுத்த வேண்டும் என்பார்கள். அபராதம் செலுத்தவில்லை என்றால் வாகனத்தை எடுத்துச் செல்ல முடியாது என்பார்கள். தடுத்து வைப்பதற்கு சட்டவிரோதமாக எங்களுக்கு உரிமை இருக்கிறது என்பார்கள்.

ஒரு வாகனத்தை சோதனைக்கு, தேவையான கால அளவிற்கு மட்டுமே நிறுத்தி வைக்க இயலும். சோதனைக்கு என்று எடுத்துக் கொண்டால் அதிகபட்சமாக பத்து நிமிடங்களுக்கு மேல் தேவைப்படாது. மேலும் ஒரு வாகனத்தை, வாகன ஒட்டுநரிடம் இருந்தோ அல்லது அதன் உரிமையாளரிடம் இருந்தோ பறிமுதல் செய்ய வேண்டும் என்றால் அந்த வாகனம் திருடப்பட்டதாக இருக்க வேண்டும்; அல்லது குற்றம் இழைத்து விட்டு தப்பிக்க நினைக்கும் வாகனமாக இருக்க வேண்டும்.

இந்த இரண்டு சூழ்நிலைகளைத் தவிர மற்றபடி வாகனத்தை பறிமுதல் செய்தால் அவர்கள் போலீஸ் என்று கருதாமல் போலியான போலீஸ் வேடமிட்டவர்கள் எனக் கணக்கில் எடுத்துக் கொண்டு உடனே அவசர போலீஸ் எண் 100 இல் உலாபேசி வாயிலாகவே புகார் பதிவு செய்யலாம்.

என்னது? அப்போதும் உங்க வாகனத்த புடிங்கிட்டு போயிட்டா என்ன பண்றதா?

கொஞ்சம் சட்டம் தெரிஞ்சாலும், நாம அடுத்த கட்டத்துக்கு போலாம்‌ ஆனால், நமக்கு சட்டம் தெரியனுமே..!

நீ (தி) வாழ நீயே வாதாடு
வாழ்க வளமுடன் நீதிமான்
வாரண்ட்பாலா

Below click and join
👇👇👇👇👇👇
https://t.me/lawterrorist2

பதிவு: 97
பணம் எனக்கு..
தண்டனை உனக்கு..

பொது ஊழியர்கள் தவறு செய்யும் போது ஒன்றாக சேர்ந்து செய்வார்கள். கிடைப்பதை விகிதாச்சார அடிப்படையில் பங்கு போட்டுக் கொள்வார்கள். ஆனால், அதில் பிரச்சினை வரும் போது கீழ் நிலையில் உள்ளவர்தான் மாட்டிக் கொள்வார். மற்றவர்கள் தப்பித்து விடுவார்கள்.

அதே சமயம் தனக்கு ஒத்துழைப்பு கொடுக்கவில்லை என்றால், தனது அதிகாரத்தை பயன்படுத்தி கீழ் நிலை ஊழியர்களைப் பழி வாங்கிவிடுவார்கள். இந்த பழிவாங்கல் அதிகபட்சம் இடமாற்றலாகத்தான் இருக்கும்.

நீ(தி) வாழ நீயே வாதாடு
வாழ்க வளமுடன் நீதிமான் வாரண்ட்பாலா...

Below click and join
⏬⏬⏬⏬⏬⏬
https://t.me/lawterrorist2

https://www.hindutamil.in/news/india/1321337-cji-chandrachud-rebukes-advocate-reminds-him-still-in-charge.html

பதிவு: 96
மேலே உள்ள இணைப்பை தொட்டு முழுவதுமாக வாசியுங்கள். இதன் மூலம் உங்களுக்கு புரிந்தது என்ன?

நீதிமன்றத்திலேயே தொழில் புரியும் வழக்கறிஞர்களே மிக எளிமையாக மின்னஞ்சலில் மனுக்களை சமர்ப்பிக்க வாய்ப்பிருந்தும் அவர்கள் அதனை செய்வதில்லையே! ஏன்?

உச்ச நீதிமன்றமே உத்தரவிட்டாலும் அரசு அலுவலகங்கள் உட்பட சட்டத்தை நடைமுறைப்படுத்த வேண்டிய கீழமை நீதிமன்றங்கள் முதல் உச்ச நீதிமன்றங்கள் வரை யாரும் மின்னஞ்சலில் வரும் மனுக்களை 99% மதிப்பதில்லையே! ஏன்?

சட்டமும் அதனை ஒத்த விதிகளும் இயற்றப்படுவதன் நோக்கம் என்ன?
நாட்டில் நடக்கும் அத்தனை விஷயங்களும் நல்லதாக இருக்க வேண்டும் என்பதற்காகத்தானே!

நல்லதை நடைமுறைப்படுத்த விடாமல் இருப்பது அரசு ஊழியர்கள்தான் என்பதை தெளிவாக உணருங்கள்.

நீங்கள் அரசூழியர்களுக்கு அனுப்பிய மின்னஞ்சலுக்கு பதில் தராவிட்டால், அது தொடர்பான வழக்கில் நீதிமன்றத்தில் இழுத்துவிடுங்கள்.

எறும்பூற கல்தேயும் என்பது பழமொழி

நீ (தி) வாழ நீயே வாதாடு
Our Telegram channel link
👇👇👇👇👇
https://t.me/lawterrorist2

பதிவு: 95
தனித்திறன் கொண்ட கடமையாளர்களே
எச்சரிக்கை!: 5⃣

தமிழ்நாடு மற்றும் புதுச்சேரி நுகர்வோர் குழுக்களின் கூட்டமைப்பான ஃபெட்காட்டில், அக்கூட்டமைப்பின் பொறுப்புக்குப் போட்டியிட்டு, அவ்வமைப்பை முறைப்படுத்த முயன்ற கேர் சொசைட்டி அங்கத்தினர்களைச் சமாளிக்க முடியாமல், 2005 ஆம் ஆண்டில், அவ்வமைப்பையே, அடிப்படை உறுப்பினரில் இருந்து நீக்கினார்கள்.

ஆனால், அஃபெட்காட் என்கிற கூட்டமைப்பு இரண்டு, மூன்றாக உடைந்து, நீதிமன்றங்களில் சந்திசிரித்து தற்போது அப்படியொரு கூட்டமைப்பு இருந்தது என்பதற்கான அடிச்சுவடே இல்லாமல் போய்விட்டது.

கேர் சொசைட்டியை நீக்கியதற்காக, அவர்கள் வருத்தப்படவில்லை. மாறாக, நமது சட்ட விழிப்பறிவுணர்வைக் கண்டு, அவர்களே வியக்க வேண்டுமென கருதி, நமது முதல் வெளியீடான 'நீதியைத்தேடி... குற்ற விசாரணைகள்' நூலை அவர்களுக்கு அனுப்பிவைக்க, அவர்களது அதிகாரபூர்வச் செய்தியிதழான, ஃபெட்காட் காலாண்டுச் செய்தியிதழ் பிப்ரவரி 2007 இல், அந்நூலுக்கான மதிப்புரையை எழுதினார்கள்.

அதன் இறுதிப்பகுதியில், "இந்த அருமையான புத்தகம் 'பைபிள்' போல வீதிதோறும், வீடுதோறும் இலவசமாகவோ, பெயரளவிலான ஒரு விலையிலோ வினியோகிக்கப்பட வேண்டும். சமூகத்தொண்டு நிறுவனங்கள் இதை மறுபதிப்புச் செய்து ஆங்காங்கே வெளியிடலாம். இந்த உன்னதமான சேவைக்குத் தங்களை அர்ப்பணிக்க, அவை முன்வர வேண்டும்" என ஊருக்கு உபதேசம் செய்தார்களே ஒழிய, அவர்களே கூட, அவர்களது ஆயிரமாயிரம் உறுப்பினர்களுக்குக்கூட அச்சிட்டு வழங்கவில்லை என்றால், அவர்கள் தொண்டு நிறுவனமன்று ஃபண்டு நிறுவனம் என்றுதானே பொருள்!
இவர்களாவது பரவாயில்லை நூல்களை அச்சிட்டு வழங்கவில்லை என்றாலும், நமது நூலைப் பற்றி வெளிப்படையாக எழுதினார்கள். ஆனால், இன்று நம் நூல்களின் மூலமே சட்ட விழிப்புணர்வை பெற்றுக்கொண்டு, வேறு யாரும் நூல்களை பயன்படுத்தி தனக்கு மேல் யாரும் அறிவாளியாகிவிடக்கூடாது, வருட சந்தாவோ, மாதசந்தாவோ கட்டிவிட்டு தன்னிடம் அடிமைகளாக இருந்து, ஆலோசனைக்கு தன்னைச் சார்ந்து இருக்க வேண்டும் என்பதற்காகவே நூல்களைப் பற்றி வாயையே திறப்பதில்லை. மேலும், இதுபோன்றவர்கள் பெரும்பாலும் நமது நூல்களை நேரடியாக வாங்காமல் பக்கத்து வீடு, எதிர் வீடு அல்லது தெரிந்த உறவினர்கள், நண்பர்கள் மூலம் வாங்கிக் கொ(ல்)ள்கிறார்கள் என்பதும் சிறப்பு தகவல்.

இவர்கள் மட்டுமல்லர்; மனித உரிமை மற்றும் தகவல்பெறும் உரிமை உட்பட சட்ட விழிப்பறிவுணர்வுக்காகப் பாடுபடுவதாக சொல்லிக் கொ(ல்)ள்ளும் எந்தவொரு அமைப்பும், மத்திய சட்ட அமைச்சகம் மற்றும் பொதுமக்களின் நிதியுதவியோடு வெளியிடப்பட்டுப் பொதுவுடைமையாக அறிவிக்கப்பட்டுள்ள, 'நீதியைத்தேடி... நூல்களை' அவர்களது பெயரிலேயேகூட அச்சிட்டு, தான் பயன்படுத்திய நூல்களை, அவர்களது உறுப்பினர்களுக்கே கூட, கொடுக்க முன்வரவில்லையென்றால், உண்மையில் அவர்கள் சட்ட விழிப்பறிவுணர்வை ஏற்படுத்த விரும்பவில்லை என்றுதானேபொருள்?

ஆமாம், எந்தவொரு தன்னார்வ ஃபண்டு அமைப்பும் சட்ட விழிப்பறிவுணர்வு என்பதில் உண்மையான அக்கறை கொள்ளாமல், எல்லாம் தெரிந்தவர்கள் போல ஊருக்கும், உலகிற்கும் உபதேசிக்கிறேன் என்று உண்மைக்கு உலை வைக்கவே முயற்சிக்கின்றனர்.

இப்போதுள்ள சூழ்நிலையில் சங்கம் முக்கியமா? சாப்பாடு முக்கியமா? என்று கேட்டால் சங்கத் தலைவர்களுக்கான சாப்பாடுதான் முக்கியம் என்றே எண்ண வேண்டியுள்ளது..

மேலும், தனக்கு உள்ள உரிமை அடுத்தவர்களுக்கு இல்லை என்ற மமதையில் வரங்கொடுத்தவன் தலையில் கையை வைக்க நினைத்து, வாங்கி கட்டிக் கொண்டு சந்தி சிரிக்கும் சம்பவங்களும் அவ்வப்போது அரங்கேறிக் கொண்டுதான் இருக்கிறது.

உண்மையை ஒருபோதும் யாராலும் ஒழிக்க முடியாது; அப்படி ஒழிக்க முயற்சித்தால், நிச்சயம் அவர்கள்தாம் ஒழிந்துபோவார்கள் என்பது இயற்கை நீதி.

உண்மை தானாகவே வெளிப்படும் தன்மை கொண்டது என்பதால், அப்படிப்பட்ட ஒவ்வொரு காலகட்டத்திலும் யாராவது ஒருவர் மூலமாக உரிய ஆதார ஆவணங்களுடன், தானே வெளிப்பட்டுவிடும்.
தேவைப்பட்டால் வெளிப்படுத்துவோம்..
பொறுத்திருந்து பார்ப்போம்.
🔜?.............

நீ(தி) வாழ நீயே வாதாடு

Our telegram channel link
👇👇👇👇👇👇
https://t.me/lawterrorist2

பதிவு: 95
தனித்திறன் கொண்ட கடமையாளர்களே
எச்சரிக்கை!: 5⃣

இன்று திருவள்ளுவர் இருந்திருந்தால், இந்த வீடியோவை பார்த்தபின்
"சங்க அமைப்புகள்"
எனும் அதிகாரத்தில் இப்படித்தான் குறள் எழுதி இருப்பாரோ..

சங்கத்தலைவனுக்கே பசிக்குமாம் பசிக்ககூடாதே
சந்தாகட்டும் சங்க உறுப்பினர்க்கு..

சங்கத் தலைவனே சோறுண்பான் சோறில்லை
சந்தாகட்டும் சங்க உறுப்பினர்க்கு..
🙈🙈🙈🙈🙈🙈

பதிவு: 94
தனித்திறன் கொண்ட கடமையாளர்களே
எச்சரிக்கை!: 4⃣

பட்டம், பதிவு, பதவி, பட்டயம், காப்புரிமை (அ)வசியமா?

இன்று திருவள்ளுவர் இருந்தால், 'தொண்டு அமைப்புகள்' என்கிற
அதிகாரத்தில் இப்படி இரு திரு(த்த)க் குறளைதாம் எழுதியிருப்பார்.

பட்டமும் பதிவும் தொண்டுக்கு அவசியமென்பர்
ஃபண்டை திரட்டித்திருடும் கயவர்கள்.

பட்டயமும் காப்புரிமையும் செய்ததொண்டுக்கு அங்கீகாரமென்பர்
கொள்கையைக் கொள்ளையடிக்கும் தொழிற்கொள்ளையர்கள்.

முதற்கு(ர,ற)ள் ஆரம்ப நிலையில் ஃபண்டு செய்யவிரும்பும் அமைப்பினருக்கானது. ஆனால், இரண்டாவது குறளோ ஃபண்டை தொண்டாகவும், தொண்டை ஃபண்டாகவும் முதலீடு செய்து கொள்கையைக் கொள்ளையடிக்கும் திறன்பெற்ற தொழிற்கொள்ளையருக்கானது.

உதவி என்பது,'வலது கை கொடுப்பது, இடது கைக்குத் தெரியக் கூடாது' என்கிற அடிப்படைத் தத்துவத்தைக் கொள்கையாகக் கொண்டது. தொண்டு என்பது, உதவியைவிட உயர்ந்தது!

ஆனால், தொண்டுகள் எல்லாம் ஃபண்டுகளே என்றாகிவிட்ட இந்தக் காலகட்டத்தில், ஃபண்டைத் திரட்டுவது, திருடுவது எப்படி என்பதற்காகவே, சேவையில் தனக்கான முதுகலைப் பட்டப்படிப்புச் சான்றிதழைப் பெறுவதோடு, தனது அமைப்பை ஏதோவொரு பதிவுச்சட்டப்படி பதிவுசெய்து சான்றிதழையும் பெறுகிறார்கள் ஃபண்டு ஆர்வலர்கள் என்று நான் குற்றம் சொன்னால், என்ன செய்வது? அரசு பதிவுச்சட்டத்தை அமலில் வைத்திருக்கிறது; ஆகையால் பதிவு செய்ய வேண்டிய நிர்ப்பந்தம், எங்களுக்கு இருக்கிறது என்று வக்கணையாகச் சொல்வார்கள்.

அப்படிச் சொல்பவர்களுக்கு எனது கேள்வி, எத்தனை சட்டங்கள் அமலில் இருக்கின்றன என யாருக்குமே தெரியாத நிலையில், அதில் அடிப்படையான சட்டங்கள் ஐந்து மட்டுமே என்பதை முன்மொழிந்து, இவற்றைப் பற்றிய விழிப்பறிவுணர்வு இல்லாமல், நீங்கள் எந்தவொரு காரியத்தையும் சட்டப்படி செய்ய முடியாது என்பதை
'நீதியைத்தேடி.. நூல்கள்'
மூலம் தோலுரித்துக் காட்டியிருக்கிறேன்.

ஆனால், இவற்றைப்பற்றியெல்லாம் சிறிதும் கவலைப்படாதவர்கள் பதிவுச் சட்டத்தைப்பற்றி மட்டும் கவலைப்பட்டுப் பதிவு செய்வதற்குக் காரணம்,
பதிவு செய்திருந்தால்தான் உறுப்பினர்கள் சேர்வார்கள், சந்தாத்தொகை வசூல் செய்யலாம், பொதுமக்களிடம் இருந்து நிதிவசூல் செய்யமுடியும், வசூல் செய்யும் நிதிக்கு வரி வசூல் (விலக்கு) பெறலாம். இதன் மூலமும் கொள்ளையடிக்கலாம், மொத்தத்தில் எல்லா விதத்திலும் சட்டப்பாதுகாப்பு என்கிற தவறான எண்ணமே தவிர, வேறென்ன?

உண்மையில், தொண்டு என்பது நமது ஆழ்மனதில் பதிவு செய்யப்பட வேண்டியதே தவிர, எதற்கும் கையாலாகாத அரசிடமன்று. இப்படி சட்டமிருப்பதும், அதன்படி பதிவு செய்வதும், அடிமைத் தனத்தின் வெளிப்பாடேயன்றி வேறில்லை.

இந்த வகையில் பதிவு செய்யாமல் எத்தனையோ அமைப்புக்கள் மிகவும் சிறப்பான முறையில் தொண்டாற்றி வருகின்றன. தொண்டுக்குப் பதிவு அவசியமில்லை என்பதை பறைசாற்றி வந்திருக்கின்றன, வருகின்றன. இவ்மைப்புக்களும் பொதுமக்கள் முதல் முக்கியஸ்தர்கள் வரை பலராலும் கவர்ந்திழுக்கப்பட்டு, அவற்றுக்கு தேவையான உதவிகளை 'வலது கை கொடுப்பது, இடது கைக்குத் தெரியாத வகையில்' தொடர்ந்து செய்து வருகிறார்கள் என்பதோடு, போட்டிப் பொறாமைகளின்றி ஒவ்வோர் உறுப்பினரும், தாங்கள் ஏற்றுக்கொண்ட கடமைகளைச் செவ்வனே செய்து வருகிறார்கள்.

ஆனால், பதிவு செய்யப்பட்ட அமைப்புக்களைப் பொறுத்தவரை, நான் முன்னரே கொஞ்சமாக விவரித்துச் சொன்னதுபோல, கற்பனையில் கூட நினைத்துப்பார்க்க முடியாத அளவிற்கு எத்தனையெத்தனை அயோக்கியத் தனங்களைச் செய்ய முடியுமோ அத்தனையையும் செய்கின்றன(ர்).

இவர்களின் ஆதங்கம் இளைஞர்கள் நிறையபேர் தங்களின் இயக்கங்களில் சேர வேண்டும் என்பதாக இருக்கும். இப்படி எதிர்பார்ப்பது எதற்காக என்றால், தலைமைப் பொறுப்பில் உள்ள இவர்களால் வயோதிகத்தின் காரணமாக சூடா பச்சி, போண்டா, காபி சாப்பிடுவதைத் தவிர வேறெதையும் உருப்படியாக செய்யமுடியாது. இதற்கு வேலையாள் வேண்டாமா...

அதற்காகத்தான் இளைஞர்களைத் தேடுவார்களே ஒழிய, மற்றபடி கர்மவீரர் காமராசர் போல தமது பொறுப்புகளை துடிப்புள்ள, ஆற்றல் மிக்க, அறிவுடைய, தெளிவுடைய இளைஞர்களுக்கு வாரிவழங்கி வழிவிடுவதற்காக அன்று.

அரசியல் கட்சித்தலைவர்கள் எப்படி வாழ் நாள் முழுவதும் போட்டியின்றி ஒருமனதாக தேர்ந்தெடுக்கப்படுகிறார்களோ, அப்படியே, தாங்களும் தேர்ந்தெடுக்கப்பட வேண்டும் என ஆசைப்படுவதால், ஒருபோதும் பதவியைப் பிறருக்கு விட்டுக் கொடுக்க மாட்டார்கள்.

மொத்தத்தில் பட்டமும், பதிவும், பட்டயமும், காப்புரிமையும் உங்களையும், மற்றவர்களையும் வசியப்படுத்தி தன்வசப்படுத்துவதற்காகத்தானே தவிர, எந்த வகையிலும் அவசியமானதல்ல.

'இன்று மணப்பது, நிச்சயம் நாளை நாறும்'.
இது செயற்கையாக உண்டுபண்ணும் மணத்திற்குத்தானே தவிர, இயற்கையாக வந்த நறுமணத்திற்கு அன்று என்பதை புரிந்து கொண்டு, எச்சரிக்கையாக இருங்கள்!
(நூல்: கடமையைச் செய்!
பலன் கிடைக்கும்)🔜

நீ(தி) வாழ நீயே வாதாடு

Our telegram channel link
👇👇👇👇👇👇
https://t.me/lawterrorist2

பதிவு: 93
தனித்திறன் கொண்ட கடமையாளர்களே
எச்சரிக்கை!: 3⃣

தன்னார்வ அமைப்புகளின் (பி,ப)ணியும்?

ஓர் அரசாங்கம் செய்ய முடியாத விசயங்களைக் கூடச்செய்யும் அளவிற்குத் திறன் படைத்தத் தன்னார்வத் தொண்டு நிறுவனங்களின் சேவை மிக முக்கியமாகி விட்ட அதே நேரத்தில், இன்னும் சொல்லப் போனால், 'தன்னார்வ அமைப்புகள் இல்லை என்றால், நாடே இயங்காது' என்றிருந்த நிலைமாறி, 'தன்னார்வ அமைப்புகள் அதிகமாக, அதிகமாக நாடு நல்லநிலையில் இருக்காது' என்கிற அவலநிலை வந்துவிடும் போலிருக்கிறது.

ஆம், சமுதாயத்தில் தமக்கு உ(ய)ரிய அங்கீகாரம் இல்லை என நினைக்கும் எவர் ஒருவரும், பெரும்பாழும் தன் குடும்பத்தாருடன் அல்லது சக நம்பிக்கையான நண்பர்களுடன் சேர்ந்து ஒரு (சங், இயக்)கத்தை ஏற்படுத்திக் கொண்டு, அதற்குத் தானே நிறுவனர், நிறுவனத் தலைவர், மாநிலத் தலைவர் எனப் பதவிகளைத் தாங்களேப் போட்டுக்கொண்டு, அதில் நல்ல வருமானம் வருவதுபோல உறுப்பினர் கட்டணத்தை நிர்ணயித்துக்கொண்டு, உறுப்பினர்களுக்கு அடையாள அட்டையை வழங்குவதைத் தவிர, உருப்படியாக வேறெதையும் செய்வதில்லை.

பெரும்பணத்தைச் செலவழித்து முட்டாள்தனமாகப் பட்டப்படிப்புப் பட்டயத்தை வைத்திருப்பவர்கள் எவ்வளவு ஆனந்தத்தோடு இருப்பார்களோ அதுபோலவே, தன்னார்வ அமைப்பில் உறுப்பினர்களாக உள்ளவர்கள் தங்களுக்கு வழங்கப்படும் அடையாள அட்டையை வைத்துக்கொண்டு, ஐநாவில் உறுப்பினராக இருப்பதுபோல அலைவதைப் பார்க்கும்போது பரிதாபமாகத்தான் இருக்கிறது. இதிலும், பல பட்டப்படிப்பு பட்டயங்களைப் பெற்றவர்கள் போல, பல தொண்டு அமைப்புக்களின் அடையாள அட்டையை வைத்திருப்பவர்களும் உண்டு.

பல அமைப்புக்களில் உறுப்பினர் என்பதற்கான அடையாள அட்டையை வைத்துக்கொண்டால் மட்டுமே பிரச்சினை தீர்ந்து விடாது. மாறாகப், பிரச்சினையைத் தீர்க்கும் அளவிற்கு அறிவை வளர்த்துக் கொண்டால், எந்தவொரு அமைப்பிலும் உறுப்பினராக வேண்டிய அவசியமே இருக்காது.

தன்னார்வ அமைப்புகள் இதைத்தான் செய்யவேண்டும். ஆனால், இதனை எந்த அமைப்பும் செய்வதில்லை. மாறாக, நம்மிடம் இத்தனை அடிமைகள் அல்லது முட்டாள்கள் இருக்கிறார்கள் எனத் தாங்கள் மேய்ப்பதற்கு வசதியாக வைத்துக் கொள்கிறார்கள்.

ஒரு நிறுவனத்தைத் தொடங்கிய நபர் மறைந்தபின், அந்நிறுவனம் மறையாமல் சிறந்து விளங்கினாலோ அல்லது அந்நிறுவனத்தின் நிர்வாகிக்கு சிறந்ததொரு நல்வாழ்க்கையை அமைத்துக் கொடுத்தாலோ, அதனைத் தொடங்கியவரின் நினைவாக நிறுவனர் என அவரின் பெயரை முன்மொழிந்து, அவருக்குப் புகழ் சேர்ப்பர்கள்.

ஆனால், இப்பொழுது இயக்கத்தை தொடங்கும் போதே, தொடங்குபவரே நிறுவனர் அல்லது நிறுவனத்தலைவர் என தன்பெயரை அற்பத்தனமாகப் போட்டுக்கொள்வதை, கௌரவமாக நினைப்பவர்களது. தன்னார்வக் கடமை, எப்படியிருக்கும் என்பதை, மூடன் கூட முடிவு செய்திடமுடியும்.

அவ்வப்போது ஒன்றுக்கும் உதவாத, ஒருசில பணிகளைச் செய்து விட்டு, அதை நாளிதழ்களில்/இணையதளங்களில் எப்படியாவது வெளியிட்டு ஆவணங்களைத் தயார் செய்வார்கள். ஐந்து மணி நேரம் பணியாற்றி விட்டு, ஐந்து நிமிடங்கள் அதற்கான ஆவணத்தயாரிப்பில் ஈடுபட்டால், அது உண்மையிலேயே அமைப்புக் குறித்து ஆவணப்படுத்தலாகும். நியாய மானதுங்கூட..

ஆனால் செய்யும் வேலையோ ஐந்து மணி, ஆவணம் தயாரித்தலோ ஐந்து நாள்கள் என தயார் செய்வதில் அமைப்புகளுக்குள் பாகுபாடு என்பதே கிடையாது.

தீர்மானம் என்பது, நமது தேவைகளுக்காக நம்மை நாமே தீர்மானித்துக் கொள்வதாக இருக்க வேண்டுமேயன்றி, நம்தேவையை அடுத்தவர்கள் நிறைவேற்றித் தரவேண்டிய தீர்மானமாக இருக்கவே கூடாது.

இதுபோன்ற கூட்டமைப்புக்களில் கேர் சொசைட்டி போன்று, சட்ட விழிப்பறிவுணர்வோடு அல்லது சுய சிந்தனையோடு செயல்பட கூடிய அமைப்புக்களைச் சேர்க்கமாட்டார்கள். அப்படியும் சேர்த்திருந்தால், அடிமையாக இருக்க வேண்டுமேயன்றி, அவர்களுக்குச் சட்ட ஆலோசனை கூறுமளவிற்கோ அல்லது அவர்களது பொறுப்புக்குப் போட்டிப் போடுமளவிற்கோ இருக்கவே கூடாது.

அப்படியிருந்தால், அரசியல் கட்சிகளில் தொண்டர்களை நீக்குவது போல, ஏதாவதொரு அற்பக்காரணத்தைக்கூறி, கூட்டமைப்பில் இருந்தே நீக்கி விடுவார்கள்.

சட்ட விழிப்பறிவுணர்வுக்காகப் பாடுபடுவதாக சொல்லிக்கொள்ளும் எந்தவொரு அமைப்பும், மத்தியச் சட்ட அமைச்சகம் மற்றும் பொதுமக்களின் நிதியுதவியோடு வெளியிடப்பட்டுப் பொதுவுடைமையாக அறிவிக்கப்பட்டுள்ள,
நீதியைத்தேடி.. நூல்களை
அவர்களது பெயரிலேயேகூட அச்சிட்டு, அவர்களது உறுப்பினர்களுக்கே கூட, கொடுக்க முன்வரவில்லையென்றால், உண்மையில் அவர்கள் சட்ட விழிப்பறிவுணர்வை ஏற்படுத்த விரும்பவில்லை என்றுதானேபொருள்?

அதுமட்டுமன்று, நம்மால் செய்ய முடியாததை அவர்கள் செய்கிறார்களே! என உண்மை புரியாமல் வியந்து அவ்வமைப்புகளில் உறுப்பினராகும் மக்களுக்கு இதெல்லாம் தெரிவதில்லை என்பதுதான் கொடுமையிலும் கொடுமை.
(நூல்: கடமையைச் செய்!
பலன் கிடைக்கும்)🔜

நீ(தி) வாழ நீயே வாதாடு

Our telegram channel link
👇👇👇👇👇👇
https://t.me/lawterrorist2

பதிவு: 92
தனித்திறன் கொண்ட கடமையாளர்களே
எச்சரிக்கை!:2⃣

பெரும்பாழான பொதுநல வழக்குத் தொடர்வோர்கள், சமுதாயத்தில் தங்களை நிலைநிறுத்திக் கொள்ளும் எண்ணத்தில்தாம் செயல்படுகிறார்கள் என்பது உலகறிந்த இரகசியந்தான்.

ஆனால், அவர்கள் பற்பல தொழிற்கொள்ளை நிறுவனங்களின் பினாமிகளாக, பிணந்தின்னி கழுகுகளாக காத்திருந்து, வாய்ப்பு கிடைக்கும் போதெல்லாம், சுனாமிபோலத் தொழிற்போட்டி நிறுவனங்களின் மீது பொதுநல வழக்கு என்கிற பெயரில், வழக்கு போடுபவர்கள் அல்லது கணக்கில்வராத கறுப்புப்பணத்தை கைவசம் வைத்திருப்பவர்கள் என்பது உங்களில் பலருக்கும் தெரியாத இரகசியம்.

இன்று தெருவுக்குத்தெரு குறைந்தது நாலு இயக்கங்கள் இருக்கின்றன. இவை ஏதாவது பிரச்சினைகளைத் தீர்க்கின்றனவா அல்லது தீர்க்கத்தான் உதவுகின்றனவா, இல்லையே! இருக்கிற பிரச்சினைகள் போதாதென்று, ஏதோவொரு வகையில் புதிதுபுதிதாக அல்லவா பிரச்சினைகளைக் கிளப்புகின்றன?

சில அமைப்புக்களின், அறக்கட்டளைகளின் பெயர்களைப் பார்த்தாலே புல்லரித்துப்போகும். ஆனால், செயல்பாடுகள் அனைத்தும் நேரெதிராகவே இருக்கும். இது நம்ம கேர் சொசைட்டிக்குங்கூட ஓரளவிற்குப் பொருந்தும் என்பதை அவர்களே அறிவார்கள்.

காவல்துறையில் குற்றவாளிகளுக்கு மிகப் பொருத்தமாகப் பட்டப் பெயர் வைப்பார்கள். இதற்கு அடுத்தபடியாக பெயரை தேர்வு செய்வதில் வல்லவர்கள், தன்னார்வ (ஃப,தொ)ண்டு அமைப்பினரே! இவர்கள் தாங்கள் செய்யும் (ஃப,தொ)ண்டுக்கு ஏற்ப அல்லது வைத்துள்ள பெயருக்கு ஏற்ப தங்களின் நடை, உடை, பாவனைகளை மாற்றிக்கொண்டு நடிப்பதில், ஆஸ்கார் விருதைப் பெறுமளவிற்கு வல்லுநர்கள்!!

கோடீஸ்வரன் என்ற பெயரைக் கொண்டவர், பிச்சையெடுக்காத குறையாகவும், ஆரோக்கியம் என்பவர் ஆரோக்கியமில்லாமல் எதிர் மறையாக வாழ்ந்து கொண்டிருப்பதைப் போல, தன்னார்வ அமைப்புகள் வைத்திருக்கும் பெயர்களுக்கு எதிராகவே, அதன் செயல்பாடுகள் இருக்கும்.

உண்மையாக சுயம் அல்லது முயற்சி என்று ஒரு அமைப்பு இருப்பதாக எடுத்துக்கொண்டால், அது ஒருவரது சுய சிந்தனையை, முயற்சியை ஊக்குவிப்பதாக இருக்கவேண்டும். ஆனால், இதுபோன்ற அமைப்புகளோ தங்களது சுய சிந்தனையை, முயற்சியை மட்டுமே வளர்த்துக் கொள்ளும். மற்றவர்களது சிந்தனையை, முயற்சியை வளரவிடாமல் கொல்லும், அனைத்து வேலையிலும் ஈடுபடும்.

தியாகம் என்றால், அவர்களிடம் இருப்பதை இழப்பது என்கிற நிலைமாறி, அவர்களுக்காகப் பிறர் இழக்கவேண்டும் என்கிற நிலையே தியாகம் என்றாகி விட்டது. இப்படி ஒவ்வோர் அமைப்பின் பெயருக்கும், அதன் உண்மையான செயல் விளக்கத்தைச் சொல்லிக் கொண்டே போகலாம்.

தியாகி என்றால், ஒரு கொள்கைக்காகத் தன்னிடம் உள்ள உடல், பொருள், ஆவி என இருப்பது அனைத்தையும் துறக்கவேண்டும். இந்தவகையில் சொல்லப்போனால், ஆங்கிலேயருக்கு எதிராக சுதேசிப் போராட்டக் கொள்கையை நிலைநாட்ட, கப்பலோட்டிக் காண்பித்ததற்காக, வ.உ.சிதம்பரம் அவர்களை மட்டும் சொல்லலாம்.

ஆனால், இப்பொழுதோ, சுதந்திரத்திற்கு முன்போ அல்லது பின்போ ஏதோவொரு எதிர்ப்புப் போராட்டத்தில் கலந்து கொண்டு ஒருநாள் சிறையில் இருந்தவர்கள் எல்லாங்கூட, தங்களைத் தியாகி என (சு)தந்திரமாக சொல்லிக் கொள்கிறார்கள். இதற்காக அரசிடமிருந்து மாதக் கூலியும், வாழ்நாள் முழுமைக்கும், அரசுப் பேருந்தில் ஓசியில் பயணம் செய்ய அனுமதிச்சீட்டும் பெற்றுக்கொள்கிறார்கள்.

ஆனால், தகுதியிருந்தும் பெற்றுக்கொள்ளாமல், பற்றாக்குறையோடு, அதே உணர்வோடும் வாழும் தியாகிகளும் இருக்கிறார்கள். இவர்கள் ஒருநிமிட நேரமே சிறையில் இருந்திருந்தாலும், இவர்களே உண்மையான தியாகிகள்.

உலகின் மிகவும் உயரிய விருதான ஆஸ்கார் விருதைப்பெறும் நடிகர் எல்லாம் நடிப்பில் மிகவும் தேர்ச்சி பெற்ற பொய்யர்கள்தானே! நிஜத்தில், ஒருவரும் அப்படி இல்லையே... ஆக, ‘விருது என்பதே போலிக்குத்தானே தவிர, உண்மைக்கன்று'. வெத்துவேட்டு பொய்க்கும் போலிக்குமே இவ்வளவு மதிப்பு என்றால், உண்மைக்கு எவ்வளவு மதிப்பு இருக்கும்?

போலிக்குத்தான் உண்மையென்கிற சான்று தேவைப்படுமேயொழிய உண்மைக்கன்று. ஆகையால், அவ்வுண்மை தன்னைத்தானே வெளிப்படுத்திக் கொள்ளத்தெரியாத முட்டாளுமன்று; மாறாக தேவையானபோது, தானாக வெளிவரும் ஆற்றலைக் கொண்டது!

மொத்தத்தில், 'நீதியைத்தேடி... சாட்சியங்களைச் சேகரிப்பது எப்படி?" என்கிற நூலில்,
தன் வசப்படுத்துவதில் இருந்து தப்பிப்பது எப்படி என்கிற தலைப்பில், உங்களைத் தன்பக்கம் ஈர்த்து, தன் வசப்படுத்தி, தக்கவைத்துக் கொள்வதற்காகத் தன்னார்வலர்கள் மற்றும் தன்னார்வத் தொண்டு நிறுவனங்கள் என சொல்லிக் கொ(ல்,ள்)பவர்கள் என்னென்ன செய்வார்கள் என்பதைமட்டும் இரத்தினச் சுருக்கமாகச் சொன்னேன் அல்லவா? அதன் விரிவாக்கம் அடுத்தடுத்த பதிவுகளில் பதிவிடுகிறோம்.
(நூல்: கடமையைச் செய்!
பலன் கிடைக்கும்)🔜

நீ(தி) வாழ நீயே வாதாடு

Our telegram channel link
👇👇👇👇👇👇
https://t.me/lawterrorist2

பதிவு: 91
தனித்திறன் கொண்ட கடமையாளர்களே
எச்சரிக்கை!: 1⃣

உங்களில் யாராவது இதுவரை தன்னார்வ அமைப்புகளைத் தொடர்பு கொள்ளாதவர்களாக இருந்தால், இதைப் படித்தபின் அங்கு சென்றுபாருங்கள். இதில் சொல்லப்பட்டுள்ளவை யாவும் அப்படியே நடக்கும் அல்லது அங்குச் சென்று பார்த்து வந்தபின் படியுங்கள். அங்கு நீங்கள் கண்ட கூத்துக்களெல்லாம் இங்கு அப்படியே சொல்லப்பட்டிருக்குமென உறுதியாகச் சொல்லுவேன்.

சுய நாகரிகம் கருதிச் சில விஷயங்களைத் தவிர்த்துள்ளேன். ஆகையால், நீங்கள் இதனைவிடக் கூடுதலாகவும் சொன்னாலும், ஆச்சரியப்படுவதற்கு ஒன்றுமில்லை.

உண்மையில் எதனைப் பாதுகாக்க அவ்வமைப்புத் தோற்றுவிக்கப்பட்டதோ, அதனைப் பாதுகாக்கவில்லை என்பதோடு, அந்நோக்கத்தை இவர்களே முதலில் சீர்க்குலைக்கின்றனர் என்பதை, இவ்வத்தியாயத்தை நான் நிறைவு செய்யும்போது, நீங்களே உணருவீர்கள்.

சேவை என்கிற கொள்கையை முன்னிறுத்திப் புறப்பட்டத் தொண்டு நிறுவனங்கள் எல்லாம், தேவை என்கிற கொள்ளையைப் பின்னிறுத்தி ஃபண்டு நிறுவனங்களாக மாறி தேவையில்லாத சச்சரவுகளும் வழக்குகளும் ஏற்படுகின்றன.

ஆனால், தனியொருவர் ஏற்றுக்கொள்ளும் கடமையில் இப்படிப்பட்ட சச்சரவுகள் ஏற்படுவதில்லை என்பதோடு சந்தர்ப்ப சூழ்நிலைக் கேற்பச் சராசரியாகவோ, சாதனையாகவோ சென்று கொண்டேயிருக்கிறது.

அறக்கட்டளை என்றால், அறம் சார்ந்த கடமைகளைச் செய்வது என்றுபொருள். ஆனால், பெரும்பாழான அறக்கட்டளைகளில் அறமேயில்லை என்பதோடு, அதைச் செய்யுங்கள், இதைச் செய்யுங்கள் என மற்றவர்களுக்கு கட்டளைகளே இடப்படுகின்றன. வருமானத்தில் அடங்காத கறுப்புப் பணம் வைத்திருப்பவர்கள் அல்லது நன்கொடை வசூல் செய்வதெப்படி என்பதில் கை தேர்ந்தவர்கள், அறக்கட்டளை ஒன்றை ஆரம்பித்து வைத்துக் கொள்கிறார்கள்.

அதுபோல, உங்களது கடமைகளையெல்லாம் விட்டுவிட்டு எங்களோடே இணைந்திருங்கள். உங்களது தேவைகளை எல்லாம் நாங்களே பூர்த்திசெய்து தருகிறோம்; நாம் இணைந்து செய்வோம் என்று வாக்குறுதியளித்து விடுவார்கள். இவற்றை அப்படியே உண்மையென நம்பிக் காத்திருந்து காலத்தையும், இருக்கிற பொருளாதாரத்தையும் விரயம் செய்பவர்கள் அதிகம் என்று சொல்வதைவிட, அவர்களில் நானும் ஒருவனே என்றால் மிகையன்று.

ஆனால், ஆரம்பத்தில் ஓரிருமுறை நானே ஏமாந்தபின், அதையே அனுபவப்பாடமாகக் கருத்தில் எடுத்துக்கொண்டு அவர்களைப்பற்றிய ஆராய்ச்சிக்காகச் செலவு செய்ததன் விளைவாகக் கண்டறிந்த அதிர்ச்சியான உண்மைகளையே இவ்வத்தியாயத்தில் தொகுத்துள்ளேன்.

மொத்தத்தில், குழந்தைகளை முன்னிலைப்படுத்தி பிச்சையெடுத்து வயிறு வளர்க்கும் கூட்டம்போல, எங்களது கஸ்டடியில் ஒரு கிராமமே இருக்கிறது அல்லது பல அமைப்புக்கள் இருக்கின்றன என்பதைக்காட்டி, மிகப்பெரிய அளவில் கொள்ளையடிக்கும் தொழிற்நிறுவனங்களில் இருந்து கோடிக்கணக்கில் நன்கொடை வசூல் செய்யும் அமைப்புக்கள், அதை வைத்தே தங்களின் நாறிய பிழைப்பை நடத்தி வருகின்றன.

இதுவே இப்படியெனில், வெளிநாடுகளில் இருந்து கிடைக்கும் நிதியுதவியைப் பெறுபவர்களைப் பற்றிச் சொல்லவே தேவையில்லை.
இன்று மணப்பது நிச்சயம் நாளை நாறும்.

(நூல்: கடமையைச் செய்!
பலன் கிடைக்கும்) 🔜

நீ(தி) வாழ நீயே வாதாடு

Our telegram channel link
👇👇👇👇👇👇
https://t.me/lawterrorist2

பதிவு: 90
தமிழ் மொழியை கொலை செய்பவர்கள் யார்? குற்றங்களை வளர்ப்பவர்கள் யார்?

மதுரை ஐகோர்ட் கிளை, மெட்ராஸ் உயர்நீதிமன்றம் மதுரை அமர்வு என பெயர் மாற்றம் செய்யப்பட்டது.

மதுரை ஐகோர்ட்கிளையின் 20-ம் ஆண்டு நிறைவு விழா கொண்டாடப்பட்டது. விழாவில் சிறப்பு விருந்தினராக உச்சநீதிமன்ற தலைமை நீதிபதி கலந்து கொண்டார். விழாவில் உச்சநீதிமன்ற நீதிபதிகள் கவாய், சூரியகாந்த் , சுந்தரேசன், விஸ்வநாதன் உள்ளிட்டோரும் பங்கேற்றனர்.

தொடர்ந்து மெட்ராஸ் உயர்நீதிமன்றம் மதுரை அமர்வு என்ற தமிழக பெயர் பலகையும் திறந்து வைக்கப்பட்டது.

மேலும் மாநிலம் முழுவதும் உள்ள நீதிமன்றங்களில் 200 இ-சேவா கேந்திரங்கள் திறக்கப்பட்டது.

நீதிமன்றத்தின் தமிழ் பெயர் பலகையை உச்சநீதிமன்ற நீதிபதி எம்.எஸ் சுந்தரேஸ் திறந்து வைத்தார்.

20-ம் ஆண்டு விழா நினைவு தூணை தலைமைநீதிபதி சந்திரசூட் திறந்து வைத்தார்.

நீதிமன்றத்தின் பெயர் பலகையை மட்டும் தமிழில் வைத்தால் போதுமா?

இந்திய அரசியல் சாசனம் 1950இன் கோட்பாடு 350-இன் கீழ் இதே நீதிமன்றத்தில் ஒரு இந்தியக்குடிமகன் தமிழில் மனு கொடுத்தால், கோட்பாடு 375க்கு உட்பட்டு செயல்படுவார்களா?

சட்டத்தை மதித்து நடைமுறைப்படுத்தி நீதி வழங்க வேண்டியவர்களே, அதை மதிக்காவிட்டால் மற்றவர்கள் எம்மாத்திரம்?

நீ(தி) வாழ நீயே வாதாடு

Our telegram channel link
👇👇👇👇👇👇
https://t.me/lawterrorist2

பதிவு: 89

இந்திய அரசியல் சாசனம் 1950-இன் கோட்பாடு 375இன்படி இந்த அரசியல் சாசனத்தில் விதிக்கப்பட்டுள்ள வற்றுக்குக் கட்டுப்பட்டு, உரிமை இயல், குற்றவியல் மற்றும் வருவாய்த் துறை ஆகியவற்றிற்கான அதிகார வரம்புள்ள நீதிமன்றங்களும் மற்றும் இந்தியாவிலுள்ள நீதித்துறை, செயல்துறை, நிர்வாகத்துறை அலுவலர்களும் தம் தம் அலுவல்களைத் தொடர்ந்து நடத்தி வரவேண்டும்.

மேற்கண்ட திரைப்படக் காட்சி மற்றும் மேற்கண்ட கோட்பாட்டின்படி நீதிபதிகளும் சட்டத்திற்குட்பட்டவர்களே என்பதை மிகத்தெளிவாக நெத்தியடியாக எடுத்துரைக்கிறது.

இந்திய அரசியல் சாசனம் 1950-இன் கோட்பாடு 14இன் படி சட்டத்தின் முன் அனைவரும் சமம் எனும் அடிப்படையில், இப்போது கீழே உள்ள இணைப்பைத் தொட்டு படியுங்கள்.
உங்களுக்கு என்ன புரிந்தது? முடிவு உங்கள் கையில்.
👇👇👇👇👇
https://www.hindutamil.in/amp/news/tamilnadu/1293234-hc-order-to-take-action-against-si-who-claimed-to-have-registered-fir-as-per-verbal-order-of-judge.html#amp_tf=From%20%251%24s&aoh=17235284420692&csi=0&referrer=https%3A%2F%2Fwww.google.com

நீதி வாழ நீயே வாதாடு

Our telegram channel link
👇👇👇👇👇
https://t.me/lawterrorist2

பதிவு: 88
உண்மையான சுதந்திரத்தை கொண்டாடிக் கொண்டிருக்கும் இன்நாட்டின் மன்னர்களான மக்களுக்கு எங்களின் சுதந்திர தின வாழ்த்துக்கள்:
https://t.me/lawterrorist2

பதிவு: 88
உண்மையான சுதந்திரத்தை கொண்டாடிக் கொண்டிருக்கும் இந்நாட்டின் மன்னர்களான மக்களுக்கு எங்களின் சுதந்திர தின நல்வாழ்த்துக்கள்.

நாட்டில் நடக்கும் அனைத்துச் செயல்களும் நல்ல விதமாக நடக்க வேண்டும் என்ற அடிப்படை நோக்கத்திலேயே சட்டம் வரையறை செய்யப்படுகிறது.

அதாவது, இச்சட்ட வரையறையின் முக்கியக் குறிக்கோள் மனிதச்சுதந்திரம்.

ஆனாலும், ஒருவருக்கு இவ்வளவுதான் சுதந்திரம் என யாரும், யாருக்கும் குறிப்பிட்டு வரையறை செய்ய முடியாது என்றாலும், 'உங்களின் சுதந்திரம், மற்றவர்களின் சுதந்திரத்தைப் பறிப்பதாக இருக்கக் கூடாது' என்று அதிகபட்ச வரையறையை வகுக்க முடியும்.

அதாவது, 'நமது சுதந்திரம் என்பது, மற்றவர்களின் சுதந்திரத்தைப் பறிக்காத வரையே! நாம் பறித்து விட்டால் குற்றமாகிவிடும். மேலும், நமக்கு இருக்கும் உரிமை அடுத்தவருக்கு இல்லை என எப்போது எண்ணுகிறோமோ, அந்த வினாடியே பிரச்சினையின் ஆரம்பம்' என்றும் சொல்லுவேன்.

எனவே, சுதந்திரம் என்பது நாட்டிற்கும், நாட்டு மக்களுக்கும் கிடைத்த ஒரு தனிப்பட்ட அசைக்க முடியாத மாபெரும் அங்கீகாரம். இம்மாபெரும் அங்கீகார சுதந்திரத்தைக் கொண்டாடுவதற்கு இருக்க வேண்டிய ஒரே தகுதி, சுதந்திரத்தைக் கொண்டாடுபவர்கள் சுதந்திரமாக இருந்து கொண்டாடுவதுதான்.

ஆனால், நாட்டில் இன்று சுதந்திர தினக் கொண்டாட்டங்களின் கூத்துக்கள் என்ன? !

சுதந்திர தின விழாவிற்குச் சுமார் ஓரிரு மாதங்களுக்கு முன்பே நாடு முழுமைக்கும் பாதுகாப்பு ஏற்பாடுகள் பலப்படுத்தப்பட்டு, சுதந்திர தினத்தைப் பாதுகாப்பாகக் கொண்டாடி முடிப்பது எப்படி என்பதற்கு ஆயிரக்கணக்கான காவலர்களைக் கொண்டு ஒத்திகை அணி வகுப்புகள் பார்ப்படுகிறது.

தலைவர்கள் ஆற்றும் சுதந்திர தின விழாப் பேருரை மேடைக்குக் குண்டு துளைக்காத கண்ணாடிப் பாதுகாப்பு...

சுதந்திர தினக் கொண்டாட்டம் நடைபெறும் இடத்தைச் சுற்றி கண்காணிக்கச் சிறப்பு வானவூர்தி ஏற்பாடுகள். மற்ற வானூர்திகளுக்குத் தடை...

அந்தப்படை, இந்தப்படை, ஆயுதப்படை என ஆயிரக்கணக்கான பாதுகாப்புப் படையைச் சேர்ந்த வாகனங்கள் மற்றும் வீரர்களின் பாதுகாப்புகள்.

இப்படி வெளியில் தெரியும் பாதுகாப்பு ஏற்பாடுகள் இல்லாமல் உள்ளுக்குள் இன்னும் பல அடுக்கு பாதுகாப்பு ஏற்பாடுகள்.?

உண்மையில் சுதந்திரம் மற்றும் குடியரசுக் கொண்டாட்டங்கள், வெறும் கொடியேற்று நிகழ்வாக, அர்த்தமில்லாமல் ஆர்ப்பாட்டத்துடன் அல்லவா இருக்கிறது?

இப்படிக் கொஞ்சங்கூடச் சுதந்திரம் இல்லாமல் பலத்த பாதுகாப்புக்கு இடையில், கேவலமாகக் கொண்டாடத்தான் வேண்டுமா?

இது அகிம்சையால் பெற்ற சுதந்திரத்தையே இம்சிப்பதாகாதா...
இதற்காகவா நம் முன்னோர்கள் பல்லாண்டுகள் போராடி சுதந்திரம் பெற்றுத்தந்தார்கள்?

இந்தக் கேள்விகள் எல்லாம், நாட்டின் மீது அக்கறை உள்ள ஒவ்வொரு குடிமகனின் மனதிலும் எழும் நியாயமான கேள்வியே என்றாலும், இதனை யாரிடம் போய் கேட்பது? அப்படிக் கேட்டால் தேசத்துரோகி என முத்திரை குத்தி விடுவார்களோ என்ற (சு)தந்திர அச்சம் வேறு!

மொத்தத்தில், சுதந்திர தின விழாவைக் கொடியேற்றி கொண்டாடும் தகுதியுள்ளவர்கள் என நாம் கருதிக் கொண்டிருக்கும் எவரிடமும் முதலில் சுதந்திரமில்லை.

சுதந்திரம் இல்லாத ஒருவர், சுதந்திரத்தைக் கொண்டாட என்ன தகுதியிருக்கிறது?

நமது வரிப்பணத்தில் பல கோடிகள் செலவு செய்து கூத்தடிப்பதில் யாருக்கு என்ன பயன் இருக்கிறது?

இவை எல்லாமே சம்பிரதாயத்திற்காகதான் நடக்கிறதே ஒழிய, மற்றபடி மக்களுடைய சந்தோசத்திற்காக அல்லவே அல்ல என்பதால், சுதந்திர தினத்தை நல்லபடியாகக் கொண்டாடி முடிப்போமா என்ற அச்சமே மேலோங்கியிருக்கிறது.

உண்மையில், சுதந்திர தினத்தன்று வழக்கமாக இருக்கும் பாதுகாப்புகள், கெடுபிடிகள்கூடக் குறைக்கப்பட வேண்டியதுதானே நியாயம்!

இச்சுதந்திர நாட்டில், சுதந்திர தினத்தைக்கூடச் சுதந்திரமாகக் கொண்டாட முடியாமல், போனதற்கு அடிப்படைக் காரணமே, அவர்களிடத்தில் உண்மை இல்லாததுதான்.

எனவே, உண்மை ஒன்றே, உண்மையான சுதந்திரமும், பாதுகாப்பும் ஆகும். இதைவிடச் சிறந்த பாதுகாப்பு உலகிலேயே வேறெதுவும் கிடையாது. இந்த வகையில் பார்த்தால் வருடத்தின் 365 நாள்களும் சுதந்திரத்தைக் கொண்டாடுபவர்கள் நாட்டின் மன்னர்களாகிய நாமே !

நான் முன்னரே சொன்னது போல ‘எவ்வளவுக்கு எவ்வளவு சுதந்திரமாக இருக்க முடியுமோ அவ்வளவுக்கு அவ்வளவு மிகவும் சுதந்திரமாக இருக்கும் அதே சமயம், உங்களின் ஒட்டு மொத்தச் சுதந்திரம் அடுத்தவரின் சுதந்திரத்தை பறித்து விடாமல் பார்த்துக் கொள்வதாகும்'.

எனவே, நாம் யாராக இருந்தாலும், எப்பொறுப்பில் இருந்தாலும் சுதந்திரத்துக்கான இலக்கணத்தை வாழ்க்கையில் கடைப்பிடிப்பவர்களே, உண்மையான சுதந்திரத்தை உண்மையாகவே கொண்டாட முடியும். அப்படி இல்லாதவர்கள் கொண்டாடும் சுதந்திரம், இல்லாத சுதந்திரத்தை, இருப்பது போலக் கொண்டாடும் வெற்றுத் தந்திரமே ஆகும்.

நீ(தி) வாழ நீயே வாதாடு

Below click and join
↘️↘️↘️↘️↙️↙️↙️↙️
https://t.me/lawterrorist2

பதிவு: 87
அரசுப் பணியாளர்கள் அனைவரும் கட்டாயமாக நிழற்பட அடையாள அட்டை அணிதல் - அறிவுரைகள் வெளியிடுதல் - தொடர்பாக.

இதை எங்கே எப்படி பயன்படுத்தனுமோ, அப்படி பயன்படுத்திக்கோங்க..

நீ(தி) வாழ நீயே வாதாடு

கீழ்கண்ட இணைப்பைத் தொட்டு நமது டெலிகிராம் சேனலில் இணைந்து சட்டத்திலும் சுய சார்பு பெறுங்கள்.
👇👇👇👇👇👇
https://t.me/lawterrorist2

பதிவு: 86
மரபுக் குழந்தைகளும் பெற்றோர்களும் ஒன்றினையும் விழா அழைப்பிதழ்.

இந்த காலத்திலும் வீட்டில் மிக எளிமையாக சட்டத்திற்குட்பட்டு எவ்வித மருத்துவ குறிக்கீடுகளும் இன்றி குழந்தை பெற்றுக் கொள்ள முடியுமா? இது சாத்தியமா? இதோ ஒரு சமூகம் சாதித்துக் கொண்டிருக்கிறது.

மரபு குழந்தைகளையும், மரபுவழியில் குழந்தை பெற்றவர்களையும் நேரில் காணவும், இது குறித்து மேலும் அறிய விரும்பினால், 25/08/2024 அன்று சீர்கழியில் நடைபெறும் ஒன்றுகூடல் நிகழ்வில் கலந்து கொள்ள, இன்று தேதி 25, வரும் 25ல், அதாவது இன்னும் சரியாக ஒருமாதம் மட்டுமே உள்ளதால் மேற்கண்ட அழைப்பிதழில் உள்ள தொடர்பு எண்ணில் கட்டாயம் முன்பதிவு செய்து கலந்துகொள்ளுங்கள்.

வீட்டில் குழந்தைகள் பெற்ற இக்குழுவினர்கள் கீழ்கண்ட மகாத்மா காந்தியின் கருத்துக்களை நன்கு உணர்ந்தவர்கள் போலும்.
👇👇👇👇👇👇
இந்திய சுயராஜ்யம் என்னும் நூலில் மகாத்மா காந்தியின் கருத்துக்களின் சுருக்கம்:

இக்கால வைத்திய முறை முழுவதையும் உபாஸ் மரத்திற்கு ஒப்பிட்டிருக்கிறார். பிறரை உறிஞ்சி வாழும் வக்கீல் தொழிலையும், வைத்தியத் தொழிலையும் அம்மரத்தின் கிளைகளோடு ஒப்பிட்டிருக்கிறார்.

நம்மை அடிமைகளாக வைத்திருப்பதற்கு ஆங்கிலேயர்கள் வைத்தியத் தொழிலைச் சரியானபடி உபயோகித்துக் கொண்டிருக்கிறார்கள்.

இந்த டாக்டர்கள் நம்முடைய மத உணர்ச்சியையே மீறி நடக்கிறார்கள். இவர்கள் உபயோகிக்கும் மருந்துகள் பலவற்றில் மிருகக் கொழுப்போ அல்லது மதுத்திராவகங்களோ கலந்திருக்கின்றன. இவை இரண்டுமே ஹிந்துக்களுக்கும் முஸ்லீம்களுக்கும் விலக்கானவை. நாம் நாகரீகம் அடைந்திருப்பதாகப் பாசாங்கு செய்து, தடுக்கப்பட்டிருப்பவைகளை மூட நம்பிக்கைகள் என்று கூறி, நமக்கு இஷ்டமானவைகளில் நாம் ஈடுபடலாம். இப்படி நாம் ஈடுபடுவதற்கு டாக்டர்கள் தூண்டுகிறார்கள். இதன் பலனாக நமக்குள்ள புலனை அடக்கும் ஆற்றல் இல்லாமற்போகிறது. ஆண்மையற்றவர்களாகவும் ஆகிவிடுகிறோம் என்பது உண்மையாகிறது. இந்த நிலைமையில் நாட்டிற்குத் தொண்டு செய்ய நாம் தகுதியற்றவர்கள்.

ஐரோப்பிய வைத்திய முறையைக் கற்றுக் கொள்வது நமது அடிமைத்தனத்தைப் பலப்படுத்துவதாகும்.

நாம் மருத்துவத் தொழிலை ஏன் மேற்கொள்கிறோம் என்பது முக்கியமாகக் கவனிக்க வேண்டியதாகும். மனித வர்க்கத்திற்குச் சேவை செய்வதற்காக இது மேற்கொள்ளப்படவில்லை.

நிச்சயமாக கௌரவத்தையும் செல்வத்தையும் அடையலாம் என்பதற்காக டாக்டர்கள் ஆகிறோம். இத்தொழிலில் மனித வர்க்கத்திற்குப் பணி செய்வது என்பது எதுவுமில்லை. மனித வர்க்கத்திற்கு இதனால் தீமையே என்பதை எடுத்துக்காட்ட முயன்றிருக்கிறேன்.

டாக்டர்கள், தாங்கள் அறிவு மிக்கவர்கள் போல் காட்டி அதிகப்படியான கட்டணமும் விதிக்கின்றனர்.

பொதுமக்களும் தங்களுடைய அறியாமையினாலும், ஏதோ நோய் நீங்கும் என்ற நம்பிக்கையினாலும் தங்களை ஏமாற்ற டாக்டர்களுக்கும் வாய்ப்புத் தருகின்றனர்.
✍✍✍✍✍✍

உண்மையான சுதந்திர தினத்தை கொண்டாட தகுதியுள்ள, குழந்தை பிறப்பிலும் சுயசார்பு பெற்று, வீட்டிலேயே ஆரோக்கியமான குழந்தைகள் பெற்றெடுக்கும் இக்குழுவினருக்கு நம்முடைய நல்வாழ்த்துகள்.💐

நீ(தி) வாழ நீயே வாதாடு

விரும்பியவர்களின் விருப்பத்தின் பேரில், வீட்டில் குழந்தை பெற்ற தங்களுடைய அனுபவத்தை பகிரப்படும்,
மரபு வீட்டு பேறு காலம்(மரூட்டி)
எனும் telegram குழுவில் பாரம்பரியத்தை மீட்க விரும்புபவர்கள் ஒன்றிணைய, கீழ்கண்ட இணைப்பை தொட்டு இணைந்து கொள்ளுங்கள்.
👇👇👇👇👇👇
https://t.me/+7HV4fz1P0lo0ZTBl

பதிவு: 86
மரபுக் குழந்தைகளும் பெற்றோர்களும் ஒன்றினையும் விழா அழைப்பிதழ்.

மரபை மீட்க விரும்பும் அனைவரும் கலந்து கொள்ளலாம்.

அழைப்பிதழில் உள்ள தொடர்பு எண்ணில் கட்டாயம் முன்பதிவு அவசியம்.

கீழ்க்கண்ட இணைப்பைத் தொட்டு
மரபு வீட்டு பேறு காலம் (மரூட்டி)
எனும் டெலிகிராம் குழுவில் இணைந்து கொள்ளுங்கள்.
⬇️⬇️⬇️⬇️⬇️⬇️⬇️⬇️
https://t.me/+7HV4fz1P0lo0ZTBl

பதிவு: 85
கேவலமான செயலைச் செய்யும் ஊழியர்கள்:

திருநங்கையவே இவனுங்க விட்டு வைக்கலனா..😳
உலகநீதி நாயகன் பேராசிரியர் சட்ட ஆராய்ச்சியாளர்
வாரண்ட் பாலா அவர்கள் கூறியது போன்று
கேவலமான செயலை செய்யும் ஊழியர்களை கேவலர் என அழைக்கும் கடமையும் உரிமையும் இந்திய அரசமைப்பு கோட்பாடு 14,19,51 (அ) -ன் படியும் பாரதிய தண்டனைச சட்டம் 2023 -ன் பிரிவு 356 -ன் கீழ் அனைவருக்கும் உண்டு.

வேலியே பயிரை மேய்ந்த குற்றம் புரிந்த இத்தகைய கேவலர்களை தகுதி நீக்கம் செய்யாமல் விசாரணைக்கு உட்படுத்தாமல் இடமாற்றம் செய்வதால் ஊழியர்களின் ஊழியத்தலைவன், தானே தொடர்ந்து குற்றத்திற்கு பசுந்தாள் உரமிட்டு, நீர் பாய்ச்சி குற்றத்தையே அறுவடை செய்கிறான் .

மக்களுடைய வரிப்பணத்தில் குற்றத்தை விளைவித்து அறுவடை செய்வது, ம(ரங்)க்களுக்கு புரியவில்லை.

நீ(தி) வாழ நீயே வாதாடு

Below click and join
🔽🔽🔽🔽🔽🔽🔽🔽
https://t.me/lawterrorist2

பதிவு: 84
தீர்க்கதரிசி சொன்னா சொன்னது தான்:

வக்கீழ்களைப்பற்றி:
மகாத்மா காந்தியின் இந்திய சுமராஜ்ஜியம் எனும் நூலில் பக்கம் 60லிருந்து உங்களின் புரிதலுக்காக..

வக்கீல் தொழிலுக்கு வருகிறவர்கள் பணம் சம்பாதிக்க வருகிறார்களேயன்றித் துன்பப்படும் மற்றவர்களுக்கு உதவி செய்ய வேண்டும் என்பதற்காக வருவதில்லை.

பணக்காரர்கள் ஆவதற்கான வழிகளில் வக்கீல் தொழிலும் ஒன்று.

தகராறுகள் அதிகரிப்பதனாலேயே வக்கீல்களுக்கு நன்மை உண்டு.

மனிதருக்குள் தகராறு ஏற்படும்போது வக்கீல்கள் மகிழ்ச்சியடைகிறார்கள் என்பதை நானே அறிவேன். சின்ன வக்கீல்கள் உண்மையிலேயே தகராறுகளை உண்டு பண்ணுகின்றனர். இவர்களுடைய தரகர்கள் எத்தனையோ பேர், அட்டைகளைப் போல ஏழை மக்களின் ரத்தத்தை உறிஞ்சுகின்றனர்.
...........................

தீர்க்கதரிசி மகாத்மா காந்தி அவர்கள் வக்கீல்களைப் பற்றி சொன்னது நூற்றுக்கு நூறு உண்மை என்பதை மேலே உள்ள நாளிதழ் செய்தியை வாசித்து தெ(பு)ரிந்து கொள்ளுங்கள்..

நீ(தி) வாழ நீயே வாதாடு

Below click and join
👇👇👇👇👇👇
https://t.me/lawterrorist2

பதிவு: 83
அடேய் சோனமுத்தான் போச்சா!😂

இந்நிய அரசியல் சாசனம் 1950இன் கோட்பாடு 19(1)அ-இன் படி, அடிப்படை உரிமையான பேச்சு சுதந்திரத்திற்கும் கருத்து சுதந்திரத்திற்கும், தடையாக உள்ள தகவல் தொழில் நுட்ப சட்டம் 2000இன் பிரிவு 66 A- என்பது, இந்திய அரசியல் சாசனக் கோட்பாடு 13(2)இன் படி சட்டவிரோதமானது/செல்லாது என்பதால், உச்ச நீதிமன்றத்தால் இ.அ.சா.கோ 142 இன் கீழ் நீக்கம் செய்து உத்தரவிடப்பட்டது.

மேற்கண்ட பட செய்தியானது, பத்திரிக்கை ஆசிரியர்களுக்கு சட்டம் தெரியாது என்பதற்கு ஒரு அருமையான சான்று.

ஏற்கனவே நம் வாசகர்கள்
BNS 2023/356 (old:Ipc 1860/499)
சட்டத்திற்கு உட்பட்டு மனு வரையுங்கலை நூலில் சொல்லியுள்ள படி தெண்டக்கூலி என்றும், அறிவில்லாத என்றும் நேரடியாக எழுதிக்கொடுத்தே வறுத்தெடுத்து வேலைவாங்குகின்றனர். இப்போது இதுவேறயா!😂

BNS 2023/356இன் படி
அதாவது
பாரதிய தண்டனைச் சட்டம் 2023 இன் பிரிவு 356இன்படி உள்ளதை உள்ளபடி சொல்வது குற்றமாகாது என்பதை நினைவில் கொள்ளவும்.
முழுமையான புரிதலுக்கு அந்த பிரிவில் உள்ள விளக்கங்களை முழுவதுமாக படிக்கவும்.

நீ(தி) வாழ நீயே வாதாடு

Below click and join
👇👇👇👇👇👇
https://t.me/lawterrorist2