የላፍቶ ቢላል መስጂድ የትምህርት መድረክ

* የሰው ሐቅ ተሸክመህ ወደ ረመዳን አትግባ። መክፈል እየቻልክ የሰው ሐቅ ይዘህ አታጉላላ። አቅቶህ ከሆነ ጊዜ እንዲሰጡህ በትህትና አስረዳቸው።

* የበደልከውን ይቅርታ ጠይቅ። የበደሉህን ይቅር በል።

* መክፈል የማይችል ሰው ላይ ሐቅ ካለህ ብትችል እለፍ ወይም ቀንስላቸው። ካልሆነ ጊዜ ስጣቸው። "የትም ገብታችሁ አምጡ" አትበል። ወንጀል ላይ ገብተው ቢሰጡህ ሐላል አይሆንልህም።

* ስትሸጥም ስትገዛም ገር እና ቅን ሁን። ገዥም ሻጭም ሆነህ ሶደቃ የምታደርግበት ሁኔታ እንዳለ አስተውል።

* ግብይትህ ላይ ከውሸት፣ መሀላ ከማብዛት፣ ከማታለል፣ ... ተጠንቀቅ። ጊዜ ካለህ ቁርኣን ቅራ። ዚክር አድርግ።

* ቤትህ ውስጥ ሰላም ሁን። ከጭቅጭቅ ራቅ። ሶብር ይኑርህ። ለሚስትህ፣ ለልጆችህ አሳቢ፣ ተቆርቋሪ ሁን። ከአላህ በታች ያላንተ ማን አላቸው? ለባልሽ ምቹ ሁኚ። አንቺ ፈተና ከሆንሽበት ውሎውን ሁሉ ሰላም ያጣል።
=
ኡስታዝ ኢብኑ ሙነወር

السلام عليكم ورحمة اللہ وبركاته

እንኳን ደስ አላችሁ

ዛዱል መዓድ ኢስላሚክ ሴንተር በ ሸይኽ አሕመድ ሸይኽ ኣደም የሚሰጡ ትምህርቶችና መረጃዎችን በሶሻል ሚዲያ እንዲሁም በቅርቡ ይፋ ባደረገው ዌብሳይት ሲያስተላልፍ መቆየቱ ይታወቃል ።
አሁን ደግሞ ሁሉንም በዛዱል መዓድ የሚሰጡ ትምህርቶችን፣ የፈትዋ መጠየቂያ፣ እንዲሁም ወቅታዊ መልዕክትና መረጃዎችን
ያካተተ ለአጠቃቀም ቀላል የሆነ ልዩ አፕሊኬሽን ለዛዱል መዓድ ቤተሰቦች ይፋ ማድረጉን ስንገልፅልዎ በታላቅ ደስታ ነው።

አፕሊኬሽኑን ለማውረድ ከታች ያለውን ማስፈንጠሪያ ይጠቀሙ።

https://play.google.com/store/apps/details?id=com.alif.zadulmead_islamic_center_app

ረመዷን ላይ ይበልጥ የሚወደድ ዒባዳህ፥

1/ትክክለኛና የተሟላ ጾም መጾም፣

2/ቁርኣን በብዛት ማንበብ (ካልተቻለ ማድመጥ)፣

3/አምስት ወቅት ሰላትን በወቅቱና በጀማዓህ መስገድ፣

4/ቀብሊያና በዕዲያህ ሱንናህ ሰላቶች ላይ መበርታት፣

5/ተራዊሕና የምሽት ሰላቶችን በነቢዩ እና በሰሓባዎች ሱንናህ መሰረት መስገድ፣

6/ዚክርና ዱዓእ (በተለይም ኢስቲግፋር፣ አላህን ጀነትን መጠየቅና ከጀሀንም እንዲጠብቀን መማጸን) ማብዛት።

7/እንደ አቅም ሁኔታ የተቸገረን ሰው መርዳትና ጾመኛን ማስፈጠር፣

8/ሙሉ ሰውነትን አላህ ከሚጠላው ነገር በሙሉ ማራቅና ነፍስን አደብ እንድትገዛ መታገል፣

9/ከአላህም ይሁን ከሰዎች ጋር ስነምግባርን ማሳመር።

ዛዱል-መዓድ

"መጥፎ የምትለዉ ሰዉ ተዉበት አድርጎ የተሻለ ማንነት ኖሮት ... አንተ መልካም ነኝ ብለህ ምታስበዉ መንገድ ልትስት ትችላለህና  ምንም በኢባዳ ትጉ ብትሆንም የአላህ ባርያዎች ላይ አትንጠራራ ... አትኮፈስ ..በነፍስህ አትቸንገል ተናናሽ ሁነህ አላህ ጽናቱን እንዲሰጥህ የምንጊዜም ዱዐህ ይሁን ።"
اللهم يا مقلب القلوب ثبت قلبي على دينك