Ko Kaung Hset

၁၈.၉.၂၀၂၄ ရက်နေ့ ...

စင်ကာပူနိုင်ငံ စက်သုံးဆီစျေးနှုန်းများအရ
92 ၁လီတာလျှင် - SGD 2.84 (မြန်မာငွေ ၉၃၀၀ ကျပ် ဝန်းကျင်)
95 ၁လီတာလျှင် - SGD 2.88 (မြန်မာငွေ ၉၅၀၀ ကျပ် ဝန်းကျင်)
ဒီဇယ် ၁လီတာလျှင် - SGD 2.60 (မြန်မာငွေ ၈၅၀၀ ကျပ် ဝန်းကျင်)
ပရီမီယမ်ဒီဇယ် ၁လီတာလျှင် - SGD 3.40
(မြန်မာငွေ ၁၁၀၀၀ကျပ် ဝန်းကျင်) ဖြင့်
ရောင်းချပေးနေတာကို လေ့လာတွေ့ရှိရပါတယ်။

မြန်မာနိုင်ငံတွင် ရောင်းချနေသော
စက်သုံးဆီအများစုမှာလည်း
စင်ကာပူနိုင်ငံမှ အဓိကတင်သွင်းတယ်လို့သိရပြီး
စျေးနှုန်းအားဖြင့်တော့ ထက်ဝက်မကသက်သာနေတာဟာ
အခွန်ကြောင့်လား
သယ်ယူပို့ဆောင်စရိတ်ကြောင့်လား
အရေအတွက် အများအပြားဝယ်ယူတာကြောင့်လား

သူငယ်ချင်းတို့ရော ဘယ်လိုထင်လဲ

photo credit

စင်ကာပူနိူင်ငံရိုးရာအစားအစာများ မိတ်ဆက်

Nasi Lemak
နာဆီလမဂ် ဟု အသံထွက်သည်

အဆိုပါ အုန်းထမင်းသည်
မလေးရှားနိုင်ငံမှ ကူးယူ မှီ​ငြမ်းထားတယ်လို့ ယူဆရပြီး
စင်ကာပူနိူင်ငံ၏ ရှေးဟောင်းရိုးရာအစားအစာဖြစ်သည် ၊

လတ်ဆက်ပြီး ချိုအီနေတဲ့
ကြက်တောင်ပံ / ကြက်ပေါင် / ငါးကြော် / ကြက်ဥဟက်ဗွိုင် /
ကြက်ဥပြုတ် နှင့် အုန်းထမင်းရောရာ ...
မြေပဲဆံကြော်အပြင်
ဘယ်နေရာမဆို တူညီတဲ့အရသာနဲ့
အချဥ်က အသက် ၊

စျေးနှုန်းအားဖြင့်
မိမိထည့်သွင်းတဲ့ ဟင်းအမည်ပေါ်မူတည်ကာ
အုန်းထမင်းတပွဲကို
SGD 3 ကျပ်( လက်ရှိ​ငွေစျေးနဲ့ဆိုရင်
ကျပ် ၁သောင်းဝန်းကျင်) ခန့်မှစတင်ပါတယ်။

MRT ရထားဘူတာ
Bus interchange ဘတ်စ်ကားဂိတ်ကြီးများရှိဆိုင်များနှင့်
Food court မုန့်စျေးတန်းအတော်များများမှာ
အလွယ်တကူ ဝယ်ယူရရှိနိုင်တာကြောင့်
စရိတ်စကချွေတာနိုင်ပြီး
စင်ကာပူ​ရောက်မြန်မာလုပ်သားများ
ကြိုက်နှစ်သက်စွာ ဝယ်ယူစားသုံးကြသော
အစားအစာထဲတွင် ပါဝင်ပါတယ်

Photo credit
Google

လက်ရှိရပ်ထားတာကိုကြည့်ရင်
အနည်းဆုံး တွဲဆိုင်း ၃၀ ရှိတယ် ၊
ရန်ကုန် ပဲခူး / လမ်းပိုင်းပေါ် ပြေးဆွဲနေတာ
ထပ်ပေါင်း
မနည်းမနောပါလား
မြို့ပတ်ရထားfleet ကို အစားထိုးနိုင်စွမ်းရှိနေပြီ

ရထားတွဲများ မှန်လုံ အဲကွန်းတပ်ဖြစ်လို့
ရာသီဥတုပူပြင်းတဲ့ မြန်မာပြည်နဲ့အကိုက်ပါပဲ ၊
အားနည်းချက်က တွဲဆိုင်းအများစုမှာ
အိမ်သာမပါရှိတာ
အဓိကရည်ရွယ်ထားတာ မြို့ပတ်ရထားလမ်းပိုင်းဖြစ်လို့
မထည့်သွင်းခဲ့ပုံပါပဲ

ရထားကိုယ်ထည်မြင့်မားခြင်းကြောင့်
လက်ရှိဘူတာရုံများမှ တက်ဆင်း
အဆင်မပြေဖြစ်နေကြပြီး
ပလက်ဖောင်းမြှင့်တင်ခြင်းများ
ဆောင်ရွက်နေတယ် ၊
အချို့ပြီးစီး အချို့ ကျန်ရှိနေဆဲ

စင်ကာပူမှာနှစ်ရှည်လများ ရထားစီးလာတဲ့
ကိုယ်တွေအတွက်တော့
များစွာမထူးဆန်းပါဘူး ၊
စင်ကာပူမှာတော့ ရထားပေါ် စားသောက်ခွင့် မပြု
ဒဏ်ရိုက်ပါတယ်

ရထားစီးသူများ စည်းကမ်းရှိကြဖို့ ၊
ဆေးလိပ်မသောက်ကြဖို့ ၊
အမှိုက် ကွမ်းတံတွေး မထွေးကြဖို့ ၊
မိမိပိုင်ပစ္စည်းကဲ့သို့သဘောထားပြီး
စောင့်ရှောက်ကြရင်ဖြင့်
ရထားတွဲများ ရေရှည်ခံပါလိမ့်မယ်

နောက်တချက်တွေးမိတာက ဆီစားနှုန်း ၊
ပြုပြင်ထိန်းသိမ်းစရိတ်၊
ရထားများရေရှည်ပြေးဆွဲနိုင်ဖို့က
တွက်ချေကိုက်ဦးမှပါ

Google ဝက်ဘ်ဆိုက်များမှာ
ရထား၏စက်ပိုင်းဆိုင်ရာအချက်အလက်များ
ရှာဖွေ မတွေ့ရပါ ၊
သက်ဆိုင်ရာမှ ထုတ်ပြန်တာလဲမတွေ့မိ

ရန်ကုန်မြို့ပတ်ရထားလမ်းပိုင်းက
ခရီးသည်စီးသီးသန့်ဆိုရုံနဲ့ လုံလောက်နိုင်မှာလား ၊
ဘတ်စ်ကားလမ်းပိုင်းနဲ့ချိတ်ဆက်မိဖို့
လိုအပ်နေသေးလား

သံလမ်းအိုတွေပေါ်မှာ ရပ်နားထားတဲ့
ယခင်ကမင်းသားကြီးတွေ
ဒီဇယ်စက်ခေါင်း
တွဲပေါင်းများစွာ မြင်တွေ့ရတော့ လွမ်းသလိုလို
နှမြောမိသလိုလို

ရှေးကတော့ မြို့ပတ်ရထားပေါ်မှာ လူတွေလည်းစီး
ဟင်းသီးဟင်းရွက်
စက်ဘီးစတဲ့ ကုန်တွေလည်းသယ်ခဲ့ကြ
ခေါင်းရွက်ဗျက်ထိုး စျေးသည်လေးတွေလည်း အဆင်ပြေ
စွယ်စုံသုံးခဲ့ကြ
သတိရမိပါသည်

ကမ္ဘာနဲ့အညီရင်ဘောင်တန်း
ခေတ်မှီတာလည်းကောင်းပါသည်

မိမိနိုင်ငံရဲ့အခြေအနေနဲ့ ကိုက်ညီတဲ့စနစ်ကသာ
ရေရှည်အဆင်ပြေနိုင်မှာလား

#demutrain
#yangoncity
#myanmar
#မြန်မာ့မီးရထား

လတ်တလောခေတ်စားနေတဲ့ DEMU
ရထားတွဲဆိုင်းများ

Diesel electric multiple unit(DEMU)
စနစ်သုံးရထားတွဲတွေ မြန်မာပြည်မှာ
ရောက်ရှိပြေးဆွဲနေတာဖြစ်ပြီး
ယခင်ရထားတွဲတွေထက် နည်းပညာပိုင်း
ပိုမိုအဆင့်မြင့်မား သက်တောင့်သက်သာ
ရှိစေတာကြောင့်
စိတ်ဝင်စားမှု့မြင့်တက်လျက်ရှိနေကြပါတယ်

စင်ကာပူနိူင်ငံမှာ ရောင်းချနေပြီဖြစ်တဲ့ မိသားစုစီးဗန်ကား ဘောက်စ်ဝက်ဂွန် ID Buzz,EVကား

စင်ကာပူနိုင်ငံ ရီရွှန်းအရပ်က ဆိုင်ကယ်ဆိုင်တခုကို မူးယစ်အထူးတပ်ဖွဲ့များက ဝင်ရောက်စီးနင်း ရှာဖွေခဲ့တဲ့ မြင်ကွင်းဖြစ်ပါတယ်၊ မူးယစ်ဆေးအများအပြား သိမ်းဆည်းရမိခဲ့ပါတယ်၊ စင်ကာပူနိုင်ငံတွင် မူးယစ်ဆေးမှု့ဖြင့် အမြင့်ဆုံးကြိုးဒဏ်အထိ ချမှတ်ခံရနိုင်တာကြောင့် သွားမရှုပ်ကြဖို့ အသိပေးချင်ပါတယ်။

အဆင်ပြေသွားမှာပါ

ရှေးဟောင်းဘုရားများ ကိန်းဝပ်စံပယ်လျက်ရှိပြီး ၊ ပုဂံခေတ်သဗ္ဗညု ပုထိုးတော်ကြီး ပုံစံတူစေတီကို ရန်ကုန်မြို့မှာလည်း ဖူးလို့ရပါတယ်

ပြည်ပထွက်ခွာမယ့် ညီ ညီမငယ်များ သိထားသင့်တာ

စင်ကာပူနိူင်ငံ တရားဥပဒေအကြောင်း တစေ့တစောင်း

ပြင်ဆင်မှု့များပြီးစီးပြီဖြစ်တာကြောင့် မနက်ဖြန် ၁.၁၀.၂၀၂၄ ရက်နေ့ကစပြီး
စင်ကာပူနိုင်ငံ MRT ရထားလမ်းနက်ဝပ် EWL အစိမ်းလိုင်းတခုလုံး အပြည့်အဝပြေးဆွဲနိုင်တော့မယ်လို့ သိရပါတယ်။

ရထားလမ်းအစိတ်အပိုင်းများ
ပျက်ဆီးချို့ယွင်းမှု့ကြောင့်
အစိမ်းလိုင်းပေါ်ရှိ
Jurong east ဂျူရောင်းအိစ့်နဲ့ Buona Vista ဘိုနာဗစ်စ်တာဘူတာတို့အကြားက လမ်းပိုင်းကို ယာယီပိတ်ဆို့ပြင်ဆင်ခဲ့ရတာ ဖြစ်ပါတယ်

စင်ကာပူနိုင်ငံကုန်းလမ်းပို့ဆောင်ရေးအာဏာပိုင် LTAကတော့ ခရီးသွားများအနေနဲ့ ပုံမှန်ထက် ၅မိနစ်လောက်
အချိန်စောပြီးထွက်လာစေချင်ကြောင်း အကြံပြုထားပါတယ်

လက်ရှိအချိန်အထိ ဂျူရောင်းအိစ့်(Jurong east) နဲ့
ဘိုနာဗစ်စ်တာ(Buona Vista)ဘူတာတို့အကြား
ရထားပြေးဆွဲနိုင်ခြင်းမရှိသေးပဲ ၊
လွန်းပျံဘတ်စ်ကားများဖြင့်
ခရီးသွားပြည်သူများ
သွားလာရေးအဆင်ပြေစေရန် စီစဥ်ပေးနေတာကိုလည်း
တွေ့ရပါတယ်

၁၉၈၇ခုနှစ်ကစတင်ခဲ့တဲ့ စင်ကာပူနိူင်ငံ
MRT ရထားလမ်းနက်ဝပ်ဟာ
ကီလိုမီတာ၂၀၀ အရှည်ရှိပြီး
လိုင်းခွဲ၆ခု
ဘူတာပေါင်း ၁၄၀ကျော်ဖြင့်
ကျွန်းလုံးအနှံဖြန့်ကျက်ထားကာ
နေ့စဥ် လူ၃သန်းကျော်ကို သယ်ယူပို့ဆောင်ပေးလျက်ရှိပါတယ်

photo credit
Sg local media &
Google

စင်ကာပူနိုင်ငံ ရထားလမ်းပိုင်း
ပြတ်​​တောက်မှု့ဖြစ်စဥ်

အစိမ်းလိုင်းလို့လည်းခေါ်ကြတဲ့
EWလိုင်းမှာ ရထားလမ်းအစိတ်အပိုင်း ကေဘယ်ကြိုးများ
ချို့ယွင်း ပြတ်တောက်မှု့ကြောင့်
ဘူတာအချို့ကြား ရထားပြေးဆွဲနိုင်ခြင်းမရှိခဲ့တာ
ယနေ့ ၂၇.၉.၂၀၂၄
သောကြာနေ့ဆိုရင်ဖြင့် ၃ရက်မြောက်ခဲ့ပြီ ဖြစ်ပါတယ်၊

မြေပေါ်မြေအောက်ပြေးဆွဲလျက်ရှိတဲ့
စင်ကာပူနိုင်ငံရထားလမ်းနက်ဝပ်ဟာ မကြာခဏ
စက်ချို့ယွင်းပြတ်တောက်တာမျိုး ရှိခဲ့ပေမယ့်
ယခုအကြိမ်ကတော့ အချိန်ကြာမြင့်ဆုံးဖြစ်ခဲ့ပါတယ်

Clementi ကလီမတီ ဘူတာအနီးမှာ
ရထားတစီးဟာ စက်ချို့ယွင်းမှု့ကြောင့်
ရပ်ဆိုင်းသွား
ပြန်လည်ဆွဲထုတ်စဥ်
ရထားလမ်းအစိတ်အပိုင်း
စက်ပစ္စည်းတွေထိခိုက်ခဲ့တယ်လို့လည်း
သတင်းများအရ သိရတယ်

LTA ပို့ဆောင်ရေးဝန်ကြီးနဲ့
SMRT တာဝန်ရှိသူများကတော့
မြေပြင်ဝန်ထမ်းများဟာ
နေ့ညမနားပြင်ဆင်လျက်ရှိပြီး
လာမယ့် တနင်းလာနေ့လောက်ဆိုရင်တော့
ပြန်လည်ပြေးဆွဲနိုင်လောက်မယ် ခန့်မှန်းကြောင်း
ပြောကြားထားပါတယ်