Elektron kitoblar

#Tavsiya

✏️Yaxshi yozay desangiz

Mark Tven (1835–1910) sarguzasht romanlaridan tashqari, oʻtkir hajvi, hikmatli soʻzlari bilan ham mashhur. Dunyo eʼtirof etgan adibning boshlovchi yozuvchilarga bergan maslahatlari, shubhasiz, maktab vazifasini oʻtaydi.

🟢 “Juda”, “oʻta” degan soʻzni ishlatmoqchi boʻlganingizda uning oʻrniga har safar “haddan ortiq” yoki “behad” iborasini qoʻllang. Shunda muharrir bu soʻzlarni oʻchirib tashlaydi va yozganlaringiz binoyiday boʻladi-qoladi.

Xulosa: ortiqcha soʻzlarsiz, aniq, ravon, taʼsirli yozing. Oʻrinsiz hayajon yoki yasama mubolagʻa sunʼiylikka olib keladi.

🟢 Sizga birov qalamhaqi taklif qilmagunicha, tekinga yozavering.

Ijodkor boʻlishni chin yurakdan istang, oʻz ishingizni seving. Faqat pul yo shon-shuhrat uchun yozsangiz, yaxshi natijaga erisha olmaysiz. Bundan hafsalangiz pir boʻladi va ijoddan tezda koʻnglingiz qoladi.

🟢 Maqola yozish uchun eng qulay fursat – uni oʻzingiz uchun yozib tugatgan paytingizdir. Faqat shundagina asli nima demoqchi ekaningizni aniq-tiniq anglaysiz.

Ilk urinishlar faqat qoralamalar, xolos. Buyuk yozuvchilarning aksariyati asarlarini qayta-qayta yozgan, tahrir qilgan. Ishlashdan, fikrlashdan erinmang.

🟢 Gʻoya, fikr hammada bor. Biroq hamma ham uni keragicha ifodalay olmaydi. Bitta xatboshida aytish mumkin boʻlgan fikrni uzundan uzoq choʻzadiganlar koʻp.

Soʻzlarni tejang, loʻnda yozishni oʻrganing. “Soʻz boʻtqasi” hech kimga kerak emas. Ortiqcha iboralar tushunarlilik darajasini tushirib yuboradi.

🟢 Bir safar baxtli tasodif tufayli bir narsani anglab yetdim: yarmiga kelib “toʻxtab” qolgan kitob – agar ozgina nafas rostlab, unga yangi kuch va gʻayrat bilan kirishsangiz – yurishib ketadi. Xom va pala-partish maqolalarga ham biroz tanaffusdan soʻng yangi ruh berish mumkin.

Ish unmay qolishi hammada kuzatiladi. Ijodiy kayfiyat oʻzgaruvchan boʻladi. Dam oling, boshqa yumushlar bilan shugʻullaning. Biroq tanballashib qolmang ham.

🟢 Buyuk kitoblar uslubi va mohiyatiga qarab baholanadi, qoliplangan grammatikasiga qarab emas.

Diqqatni gʻoya, uslub va syujetga qarating. Yozib boʻlgandan keyingina grammatika, ega-kesimning oʻrni haqida bosh qotirishingiz mumkin.

🟢 Sifatlar masalasida bir gap: ikkilanyapsizmi, oʻchirib tashlang.

Soʻzlarni, ayniqsa sifatlarni qoʻllashda eʼtiborli boʻling. Maʼnosini yoki oʻrnini bilmay ishlatgan soʻzingiz teskari, kulgili yoki mavhum maʼno keltirib chiqarishi mumkin.

🟢 Qisqa ibora va gaplar, oddiy til taʼsirchan ekanini angladim. Chin koʻngildan yozyapsizmi, shu uslubni mahkam tuting. “Parday mayin va gulday chiroyli” iboralar oʻquvchini chalgʻitishiga yoʻl qoʻymang.

Qanday usulni tanlash – oʻzingizga havola. Eng muhimi – mohiyat. Yozganingizni oʻqigan odam nima deyayotganingizni, nima demoqchiligingizni tushuna olsin.

🟢 “Ayol baqirdi”, demang. Uni shunday vaziyatga olib kelingki, oʻzi baqirsin.

Voqealarni xuddi koʻrib turganday, oʻzingiz qatnashayotganday tasvirlang. Shunda oʻquvchi ham shu tarzda mutolaa qiladi.

🟢 Bir xil usulda yozadigan adiblarni umuman tushuna olmayman.

Yangicha usullarni qidiring, soʻz yasab koʻring. Tasvir va ifodada tajribalar qiling.

🟢 Toʻgʻri soʻz va deyarli toʻgʻri soʻz oʻrtasidagi farq xuddi chaqmoq bilan tillaqoʻngʻiz oʻrtasidagi farqqa oʻxshaydi.

Soʻzlarni tanlash va qoʻllashga jiddiy ahamiyat bering.

🟢 Siz qancha koʻp tushuntirsangiz, men shuncha kam tushunaman.

Yana oʻsha gap: ravonlik, loʻndalik. Ortiqcha tafsilotlarga umuman oʻrin bermang.

Orif Tolib tayyorladi.

📚 @kitoblar_pdf

🚀 Dasturlashni o'rganish uchun 70 % chegirma!

❓ AyTi o'rganishim kerak, lekin kurs narxlari qimmat deb hali ham o'rganishni boshlamadingizmi?

⚡️ Unda PDP Academy sizga 70 % chegirma orqali onlayn va oflayn kurslarda o'qishni taklif etadi.

💡 PDP Academy'da o'qish orqali siz:

✔️ Bepul Coworking 24/7
✔️ MasterClass va qo'shimcha darslarda qatnashish
✔️ Real loyihalar va amaliyot orqali tajriba orttirish

🌀 Shoshiling, joyingizni tezroq band qiling. Chegirma 3 kun amal qiladi.

☎️ | 78-777-47-47
🤖 @pdpaloqa_bot

📍 Manzil: Shayxontohur tumani, Beruniy ko'chasi, 3A
Mo'ljal: Chorsu, Florensiya to'yxonasi ro'parasida.

https://t.me/+5TYa9lt3inNiMDAy
https://t.me/+5TYa9lt3inNiMDAy
https://t.me/+5TYa9lt3inNiMDAy

#Savodxonlik

​​Har bir ish toʻgʻri salomlashishdan boshlanadi.

Assalomu alaykum ✅
Vaalaykum assalom ✅

Vaalaykum assalom / Va alaykum assalom

Alikdagi “va” hamda “alaykum” jumlalari qoʻshib yoki alohida yozilishi borasida manbalarda ixtiloflar bor. Haqiqatan ham shunday.

2006–2008-yillarda chop etilgan “Oʻzbek tilining izohli lugʻati” toʻplamida “alaykum”ga bagʻishlangan maqola kelgan boʻlib, unda bu jumlalar alohida yozilgan.
Ammo 2013-yilda chop etilgan kirill va lotin alifbolariga asoslangan “Oʻzbek tilining imlo lugʻati”da bular qoʻshib yozilgan, buni yuqoridagi rasmda koʻrishingiz mumkin.

Musahhih Gʻiyosiddin Yusuf bu haqda quyidagicha yozadi:
...“va” alohida soʻz (bogʻlovchi) ekanining eʼtiboridan uni “alaykum”dan ajratib yozish toʻgʻri boʻladi.

Qaysi manbaga tayanish kerak?
Aslida imlo lugʻati birlamchi manba boʻlishi kerak. Lekin bizning holatimizda imlo lugʻatining toʻgʻriligiga ishtiboh bor. Shu bois masala ochiqligicha qolmoqda.

Istaganingizcha yozing, har ikki holatda ham yetarlicha asosingiz bor.

Va alaykum assalom ✅
Vaalaykum assalom ✅

©xatoliklar

📚 @kitoblar_pdf

#Adabiyot_olami

Adabiy qahramon, u xoh Otabek yoki Yoʻlchi, xoh Sholoxovning Sokolovi yoki Aytmatovning Yedigeyi boʻlsin, boshqa qahramonlar bilan birga kitobxonlarning shaxs sifatida shakllanishiga katta taʼsir koʻrsatadi. Agar siz Otabek yoki Yoʻlchi, Sokolov yoki Yedigey singari “katta” qahramonlar tasvirlangan asarlarni koʻproq oʻqisangiz, shu qahramonlarga oʻxshagan katta shaxs boʻlib shakllanasiz. Agar siz yengil-yelpi asarlarni oʻqishdan nariga oʻtmasangiz, shu asarlardagi yengil-yelpi qahramonlarning real hayotdagi nusxalaridan biri boʻlib qolasiz. Badiiy asarning estetik taʼsir doirasi shu qadar kuchliki, siz sevimli qahramonlaringizning uchqur soʻz va iboralarini takrorlabgina, ularga oʻxshab kiyinibgina qolmay, agar ular injiq boʻlsa, siz ham injiq boʻlib borasiz, agar ular tanti va saxovatli adabiy qahramonlar boʻlishsa, sizga ham shu xususiyatlar, albatta, yuqadi. Alisher, Oybek, Shuhrat, Otabek, Anvar, Yoʻlchi, Nodira, Zulfiya, Kumush, Gulnor, Hilola singari “adabiy” ismlarning xalq oʻrtasida keng tarqalgani ham bejiz emas.
Badiiy adabiyotning bu fazilatlari unutilib borayotgan Oybek va Gʻafur Gʻulom, Hamid Olimjon va Mirtemir, Shayxzoda va Mirkarim Osim, Asqad Muxtor va Turob Toʻla kabi yozuvchilarning asarlarida, bu asarlardagi har bir obraz va har bir poetik vositada – yarim tundagi yulduzlar yangligʻ – jilvalanib turadi. Bu yozuvchilardan uzoqlashish, bu yozuvchilarni unutish, bu yozuvchilar ijodidan bahramand boʻlmaslik yangi avlodlarning shu qutlugʻ fazilatlarsiz oʻsib-ulgʻayishiga, yaʼni manqurtlashishiga sabab boʻlishi hech gap emas. Holbuki, Abdulla Qodiriy, Choʻlpon va Fitratdan keyin adabiyotimizning oltin xazinasini, birinchi navbatda, xuddi shu yozuvchilar oʻzlarining yuksak badiiy asarlari bilan boyitib berganlar.

Naim Karimov, adabiyotshunos

📚 @kitoblar_pdf