Посты канала قناه الرادود الحسيني كرار السماوي

اذا باجر متت يهلي وتشيعوني
امانه الكـــــــربله رايد تودوني

ــــــــــــــــــــــــــــــــــــــــــــــــــــــــــــــــــــــ

أوصيــــــكم هلي ووصيتي احفظوها
ريـــــــــــــد اجنازتي الكربله اتودوها
مانه كبر ابـــــــــــــــو فاظل تزوروها

كمر عدنان احبه اهواي تدروني

ــــــــــــــــــــــــــــــــــــــــــــــــــــــــــــــــــــــ

وبعد عندي طلب يهلي ويضي العين
اريــــد اجنازتي اتعطلوها يم حسين
وعزه يقــيــــمولي يمه بالدمع وونين

وريد بكل عزه يهلي تذكروني

ــــــــــــــــــــــــــــــــــــــــــــــــــــــــــــــــــــــ

حسين البخــــــــدمته خلصت عمري
حبيبي والغــــربته دمعي ضل يجري
كيده مـــــــــــن اموتن يحضر بكبري

على موده رخصتها دمعة اعيوني
ــــــــــــــــــــــــــــــــــــــــــــــــــــــــــــــــــــــ

انا ابيوم الحـــــــشر لا خاف لا اهتم
روح الربي بدمــــــــــوع العزه محزم
الدمعه العل حسين اطـــــفي اجهنم

حسين المايخيب باجر اضنوني

ــــــــــــــــــــــــــــــــــــــــــــــــــــــــــــــــــــــ

اذا جاني الملك يهــــــلي بوكت دفني
انا عنـــــــــدي يقين حسين يحضرني
وكيد عله الصــــــراط ابأيده يلزمني

هوه وأمه بالمحشر يعبروني

ــــــــــــــــــــــــــــــــــــــــــــــــــــــــــــــــــــــ

جنت انه اخـــــدمه حسين عل فطره
وابــــــــــد لادورت لاجـــــــاه لاشهره
جنت كــــــــل همي ارضي امه الزهره

والف هنيالي اذا خادم يحسبوني

ــــــــــــــــــــــــــــــــــــــــــــــــــــــــــــــــــــــ

جنت ارتاح كلـــــــــــــش من اخدمنه
اكثـــــــــر مـــــــــــن هلي والله احبنه
عزيز الزهره هــــــــــاذ الماكو اعز منه

بفضل الله وخدمته الكل يقدروني

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

قصيدة: تـدري
الرادود: محمد الجنامي
الشاعر: وسام الشويلي
~~~~
تدري بحالتي تدري
غالي و اغله من عمري
دمعي بس الك یجري

تـدري .. تـدري
~~~~
مشاني ویاك العشگ حد ما صرت مجنونك
بعيوني راسملك صور یالرحمت الله اعیونك
صد لیه لو طارف نظر فدوه آنه اروح اللونك
لا تجفي عني امروتك صدگني اموت ابدونك

ليّلي مناطر اطیوفك
عيني رایده اتشوفك
شوگي یاکل ابصدري

تـدري .. تـدري
~~~~
هذا آنه گدامك عبد يمك امدنك راسي
سلمت بيدك یا ملك و اتحکم بانفاسي
شترید اعوفن ديرتي اهجر أحبابي و ناسي
والغربه اعیشنهه وطن مادامك باحساسي

انته ابدنيتني كلشي
عيني و یحرسک رمشي
دمي و بالنبض تَسرى

تـدري .. تـدري
~~~~
کلمة احبّك ما اظن تروي عشگ دلالي
وكلش قليلة ابحضرتك لو گلت عنك غالي
قیس التسودن بالعشگ یخجل یعاین خالي
یحسین مدري اقره شعر مدري الشعر يقرالي

ابچي واحچي ويروحي
بالچ ینگطع نوحي
ناوي الطم بگبري

تـدري .. تـدري
~~~~
يمك انه و اشتاگ الك واشلون اذا ما زورك
اعمه البصیره والبصر لو ما مشیت بنورك
ما احسب العید اشوکت بس احسب العاشورك
حتی اقره لامك فاطمة وانعه المصاب ابدورك

عایش آنه عالدمعة
همي اشلون الك انعه
البسمه ما تمر ثغري

تـدري .. تـدري
~~~~
کلشي بکیاني ایعود الك من هامتي ولجدامي
ايامي بس بمجلسك والباقي موش ايامي
انسه و یذکرني العطش حال الرضیع الظامي
وبمسمعي الزینب عتب حرگوا یخویه اخيامي

روحي تصبح ابحیره
وندب وین ابو لغیره
زینب نادتك خدري

تـدري .. تـدري
~~~~
اتخیل آنه ابکربله وانظر مصارع ناسك
والشمر لازم شيبتك وبسیفه یگطع راسك
ارکض اظل ابلا وعي واحساسي وي احساسك
وصرخ یبو الیمه شعجب شو ما نهض عباسك

ظامي وگطعوا نحرك
الخنصر طایح ابکترك
الصدرك گمت ادگ صدري

تـدري .. تـدري
~~~~

(﷽)
قصيدة: مشتاگه يهلنا
بصوت: عمار الكناني
الشاعر: علي عباس الربيعاوي
▪️▪️▪️▪️▪️▪️
مشتاگه يهلنه هواي مشتاگه    يابويه2
وعيوني خذتها مشية الناگه     يابويه2


🔷🔷🔷🔷🔷🔷🔷🔷

عفتوني بگلب مجروح
ونتم ما خذين الروح
صعبه عالوحيده اتنوح.  . يابويه

صعبه تنكسر لحلام
وگفت كلش الأيام
شيرتاح الجفن شينام       يابويه

انشدمن على الماشين
من وين الضعن من وين
صعبه بدون وجه أحسين.  يابويه

بس اهات بس النار
وشعندي بقت بالدار
ماضل اليودي اخبار.   يابويه يابويه

اخبار الأهل ياناس حراگه.  يابويه2
وعيوني خذتها مشية الناگه. يابويه2

🔷🔷🔷🔷🔷🔷🔷🔷

أتعذب صرت بالأه
وجروحي الف ويلاه
وشلون الحبيب انساه    يابويه

لاساعي اليجيب اجواب
عن سفرت هلي الغياب
هم عدكم خبر لحباب      يابويه

ماعدكم خبر عل راح
لو اقره رساله ارتاح
ذباح الهجر ذباح.             يابويه

ماضل الحچي الينگال
مكسوره وعليلة حال
گلبي وي الضعينه انشال.     يابويه

يكتلني الضعن ياوادم افراگه     يابويه2
وعيوني خذتها مشيت الناگه.   يابويه2

🔷🔷🔷🔷🔷🔷🔷🔷🔷

كل ساعه اركض اعله الباب
مهضومه ودليلي أنصاب
ياوسفه ألهوه چذاب.       .  يابويه

مايدرون لو يدرون
ودّو  للبواچي أعيون
اعرفهم هلي ايحنون.          يابويه

گمر اتلمس الحيطان
ونطر دگت البيبان
وين اللمه والخوان           . يابويه

معلوله ودليلي ايلوب
والبيت اعله ونتي ايذوب
عندي مابقى محبوب.          يابويه

لحگو للگلب وآثار نتاگه.          يابويه2
وعيوني خذتها مشيت الناگه.  يابويه2


🔷🔷🔷🔷🔷🔷🔷🔷🔷

يأذيني مسه الغروب
كلش موحشه الدروب
بس انه انتظر محبوب.     يابويه

ياويل الهجر ياويل
ع ألبلكت يحل الليل
والفرگه تريد الحيل         . يابويه

بعيوني صور لضعون
اول مابدو يمشون
عافوني وحيده اشلون        يابويه

مو مال انشده ياناس
حزني بياحزن ينقاس
راح أحسين والعباس.        يابويه

أتنطر گمت اي لحضة املاگه   يابويه2
وعيوني خذتها مشيت الناگه    يابويه2


🔷🔷🔷🔷🔷🔷🔷🔷🔷🔷

اي واحد يوصلهم
ماتبقه عليلتهم
فوگ الموت فرگتهم          يابويه

ثاري العله علت افراگ
انحل كلش من اشتاگ
تكتل يابشر لشواگ              يابويه

يزيدني الحنين اهموم
مالوم الگلب مالوم
تاذي ونت الملچوم            يابويه

ليلگاهم يگللهم
ماتوصل رسايلهم
منتظره خبر منهم           يابويه

اذاني الگلب مو لومه وشواگه  يابويه2
وعيوني خذتها مشيت الناگه.   يابويه2

🔷🔷🔷🔷🔷🔷🔷🔷
الكاتب عادل الوائلي
#اللهم_عجل_لوليك_الفرج_والنصر_والعافية
مشتاكة يهلنه | مكتوبة
مشتاكه مشتاقه مشتاقة مشتاكه