قناه الرادود الحسيني كرار السماوي Telegram-Beiträge

القصيده📜حظروا البيارغ
الرادود🎙حسن خربيط
الذاكره علي التواب


حظروا البيارغ والجور
زينب تريد تموت باجر

꧁🌹꧂꧁🌹꧂꧁🌹꧂

اخ البجي يرادله عيون
وشلون بجي الفاجده شلون
يدرون كون بضيمي يدرون
عميه منهد ما شالت ام عون


المن تونين بسج يروحي من الونين
المن تونين
طاحوا مطاعين اعزاز روحج عالترب
طاحوا مطاعين

꧁🌹꧂꧁🌹꧂꧁🌹꧂
كون بضرها امسابك. انوح
تسوه النواعي بصوت مبحوح
خل طارش اعله خوانه يصيح
تابوت زينب ضال مطروح


دار الحجي وذاك النعي الزين
ماتت اليوم ام عون يحسين
من فراك وجهك. صاير اهواي
ما مرها ليل وطبكت العين


المن تونين بسج  يروحي من الونين
المن تونين
طاحوا مطاعين اعزاز روحج عالترب
طاحوا مطاعين


꧁🌹꧂꧁🌹꧂꧁🌹꧂

هاي الحجيه يعدل الاركان
يانادره ويعدال ديوان
بس الوكت دكاته دكات
خلاها تمشي بغير خوان


متربيه حدر اجفوف ابوها
وچلمته تشبه سيف اخوها
تالي الوكت بالضيم الفراك
ماتوا اهلها وموتوها


المن تونين بسج  يروحي من الونين
المن تونين
طاحوا مطاعين اعزاز روحج عالترب
طاحوا مطاعين



꧁🌹꧂꧁🌹꧂꧁🌹꧂


✍🏻 الكــــــاتبـــــــــه
🌸#ايمــــــــــــان_الكربلائيه🌸
#نسالكم_الدعاء_امانه_غير_مبري_الذمه_حذف_اسم_الكاتبه

بنات حسين 💔😥

بنات حسين يم الخيمه طاحن
ركضن محد الكال استراحن
افا ونسوان هاشم هاجه بجول
واني من البجي عويناتي راحن

الم روحي لم بيجن الم بحسين المطشر
حرت والله شسوي اني بذيال العبايه اعثر
عجوز وشيباني التل وحك عباس ماكدر

اريدن حل ماندل
اروحن وين محتاره
اريدن حل كتلني التل
عن عباس وخباره
-----------
اجاجن ليل عمه وماكو خيمه
زغار ولاذن بحدري هضيمه
زغار وخايفات وجلجل اليل
مو نسون زلمه تخوف الهيمه

يخوفجن ضلام الطف الحكو زغاركم خافن
حكهن من يخافن حيل مذبوح الزلم شافن
بعباتي الايحتهه النار التمن كلهن ولا ذن

حرت بيهن وحامين
عن ذباح والدهن
حرت بيهن يبجيهن
ومايقبل يساعدهن
-----------
وين حسين باكوهه التراجي
ثوب رقيه ناكع بل بواجي
رقيه عليك تنشد كلش هواي
يعمه امشي لبوي حسين حاجي

ايسن مايرد حسين ابوجن سابح بدمه
ينشدني  عليك هواي وكلهن مايرد عمه
كعد لارقيه تموت راح من البجي تعمه

ذباحك يهد بلسيف
وشايل صوط بجفوفه
ذباحك يهد ياحيف
وطفله بطفه مجتوفه
--------------
ضلمه وهيمه بل طف ركضوهن
اجه الذباح شايل راس ابوهن
شافن راس ابوهن يبجين عليه
ازغار بيا ذنب وليه ولوهن

لابوجن ولا عباس ولا لاكبر عدل يمجن
وايام الادلال تروح وبعد محد يدللجن
وحده بوحده مشدوده ركضن محد يلمجن

والتوكع تره تنداس
خيل هواي بل عاشر
والتوكع تره ياناس
تصبح حصت الحافر
---------------
بنات الساده يبجن والبجي هواي
العطش بين عليهن رادن الماي
الاعمجن يرد لا جود عباس 
يم الكافل امشن كومن وياي

كومن يابنات حسين يم عباس خل نمشي
جا بلكت يفز عباس بكلت يوعهه من نحجي
بعيده المشرعه عليجن يبجن واني كمت ابجي

مناشغ صار مايسمع
تكسر خاطر اطفالك
مناشغ صار مايرجع
يهد كل ساع جتالك

صباح جهاد ✍️

وصلوا زلم يم الخيم
و عالراس ادية شابچة
حرمة او لفوا حدي العدة
و اعلية كل ضيم انتچة
عطشانة و اجدامي اتعثر
من العطش گلبي بچة

وين الكفل...ضعن اختة ظل
گلبي ينوح او ما هدة
فوگ الجمر...أمشي و اطر
طف كربلا ابين العدة
حرگوا خيم...فرت حرم
او دربي گمـــــت ما وچدة

ابنص البراري اتلوعن...عالغبرة حماي الضعن
و اتطشرن وسط الزلم...و الصعبة ما يتجمعن

آآخ زينب آآخ زينب
♕♕♕♕♕♕♕♕♕♕♕♕♕♕♕♕
گومـــــولي يحماة النسة
موش آنه زينب بت علي
ترضوهة يا سادة أون
ترضوهة وحدي او أنولي
و الوادم اتعاين عَلي
او خيل العدة گربت ألي

ابلاية حمة...بت فاطمة
و اركضت انة ابين الزلم
حيلي ذبل...هذا الحصل
ما أدري واقع لو حلم
ظهري انحنة...عاينت انة
صــــــدر الكفلني منثلم

شوفولي حل وحدي ترة...يخواني و آنه امخدرة
مو مال اروح اوية الغرب...و ابنصهم ابقى اميسرة

آآخ زينب آآخ زينب
♕♕♕♕♕♕♕♕♕♕♕♕♕♕♕♕
طريتة طف النايحة
و ايدي اعلة گلبي او انتحب
عالتل صعدت ابحيرتي
عاينت اخوي المنسلب
حشمتة خوية اگعد ألي
و عاتبتة ذاك الينعتب

گتلة انتهض...و عشرة ترض
بضلوعة طاحنتة طحن
گلي اعتذر...يم الخدر
خوية استعدي للحزن
صاح العطش...آآآخ العطش
عالتل واسمعنة يــــون

أنظر لخوية بس هدم...داست عليه خيل او زلم
اشبيدي عليك آنه صحت...حيلي يغالي منهدم

آآخ زينب آآخ زينب
♕♕♕♕♕♕♕♕♕♕♕♕♕♕♕♕
عگب الحرگ عگب الركض
جابوهة الي النوگ الهزل
لمونة كلنة ابكربلا
او شدونة كل احنة ابحبل
بالصحرة حرگتني الشمس
و اتغيرت روح او شكل

خدري انسلب...ضگت التعب
عگب الكفيل العالنهر
روحي بچت...اضلوعي انحنت
ما أنصف ابحالي الدهر
چتفوهة ادي...كلهة عَلي
گلبي امن الاحزان انكسر

شافوني وحدي استبشروا...و الطولي عدواني انظروا
گاموا يشتموني اشكثر...ما يمي أي واحـــــــد دروا

آآخ زينب آآخ زينب
♕♕♕♕♕♕♕♕♕♕♕♕♕♕♕♕
حسين الزهيري

كتبت اعله الصخر قصه عذابي
ورسمت اول جرح ضيع شبابي
علي راح امن اديه
وشفت عكبه المنيه
انه الحسين
***
هاي اول مره اشعر صدري مخنوك
اشتم اشلون الهوه وحسيته مبيوك
اهواي خدي من الدمع يا ناس محروك
ابشط امن السيف جانت ذبحة الشوك


اخذ روحي ورحل وشتد حنيني
علي راح وبعد ماظن يجيني
كبل نفطر سويه
شفت عكبه المنيه
انه الحسين
***
جان حيدر دوم ينشد عالمساكين
انه ما شايف امير وينكل اطحين
وين تلكه من علي بهذا الزمن وين
كل يتيم اكباله جان ايشوفه الحسين

مثل حيدر جذب ماكو خليفه
امير وجان يكعد بالصريفه
جبير وعالي فيه
شفت عكبه المنيه
انه الحسين
**
علي قنبر صاحبه مو خادمه جان
ويقنع بفردت تمر وينام جوعان
علي جان وياليتيم ايكظي رمضان
كله بالدنيه جذب بس حيدر انسان

لان صاحب بخت ما يعرف ايميل
لذالك جاب نار وجوه عقيل
يدافع عن قضيه
شفت عكبه المنيه
انه الحسين
*
يختلف يا ناس حته بدكت الباب
علي كلهم جانو يسمونه ابو تراب
اليوم تبجي الدنيه لجله وزاد المصاب
اهلال عيد الفقره من وجه السمه غاب

تصيح بصوت هليله اليتامه
علي عكبه عله الدنيه السلامه
وبو جفوف السخيه
شفت عكبه المنيه
انه الحسين
***
علي بويه تصيح زينب من كلبها
تلتفت بالدار والدمعه تصبها
ضلت بلياك ما تندل دربها
والزمان اعله البجي عكبك غصبها

شتجاوب يا علي لو ناشدوها
بحزن تكظي عمرها المات ابوها
وصعب فكده عليه
شفت عكبه المنيه
انه الحسين
*
اليوم انوح بغربتي وتدروني مفجوع
اليوم مني بكربله جن راسي مكطوع
راح واليرحل بعد مترجعه الدموع
انه ما شفت الفرح وعليه ممنوع

تجيني كربله لمن يسافر
ويناس يروح صدري بالحوافر
احس بالغاضريه
شفت عكبه المنيه
انه الحسين
****
تمت
تحسين الخفاجي

🍃
#شهر_رمضان

اللهم بلغنا شهر رمضان ونحن في احسن الأحوال
اللهم بلغنا شهر رمضان بالخير والبركة
اللهم بلغنا شهر رمضان لا فاقدين ولا مفقودين
اللهم بلغنا شهر رمضان وحقق لنا ما نتمنى يارب العالمين
بحق محمد وال محمد

أّلَلَهِمَ_صٌلَ_عٌلَى_مَحٌمَدِ_وِأّلَ_مَحٌمَدِ
وِعٌجِلَ_فِّرجِهِمَ_وِأّلَلَعٌنِ_عٌدِوِهِمَ🌿

#امتانيه


امتانيه الخدام زينب ..
تـريـد واحـد معتني من يم أخوها
امتانيه والگلب شيّب ..
چي غريبه انگال عنها استوحدوها
تريد واحد يمها ينحب ..
الغـربه يـدروهه شنـو بس الاجوها

ويـنـكم يل مـن أهلهه حاسبتكم
هسه زينب يـم رقيه امتـانيتـكم
اگبـال بـاب الأخضر اتريدلهه لمّه
وعلي مشتاگه سنه وماشايفتكم

اتريد ؤن الفاگدين .. تريد عطر امنالحسين
امتانيه ومشتاگه
انشاء الله اتزورونهه .. اهـنــاك وتشوفونهه
ابنارهه الحـراگه

=======××ـ

هاي زينب ياهو يمهه ..
ابشامهه الضيم وچبير امصابهه
امبين اعله الگبه همهه ..
اهنا چنها تگول روحي اشجابهه
ويلي ما خلص حزنهه ..
ولان مـحـد يمـهـه ينـسد بـابهه

ياوحشته ايصير من يفرغ صحنهه
چنهه مو بت علي شو ليهسه چنهه
وسفه مايرتاح گلب ام عون وسفه
وينـه اليگوم ويساعدهه اعله ؤنهه

هنانه مدري اشجابهه .. اتريد هسه احبابهه
ويـلي عالـمتعوبه
وعلي صار اهـــوايه .. شــوگهه اعله الــرايه
بالجرح مصيوبه

=======××ـ

احنه مشتاگين ليهه ..
احساب نحسب والمسافه ابعيده
العون كله من أديهه ..
و زينـب التـخـتـار يـاهـو اتـريـده
ابچوا اهوايه عليهه ..
اگــبــالـهه لـحـد يــؤن ابــهـيـده

يمـته نسمع صوت مـن احبابهه
بعد ما ضل شي وصلتوا البابهه
نوصل ابلهفه وجـمـر وانـزورهه
أمنيـتنـه انـطــيح يــم اعـتـابهه

ننعه وي الناعيات .. انشوف باب الساعات
بي الگبل وگفوهه
طگ صبـرنه اعليهه .. نــريد نــوصل ليـهه
وين عنه اخذوهه

=======××ـ

نوگف اباب العقيله ..
عن قريب إن شاء الله وننعاهه
قـربت أيـام الثگيله ..
هــايــه والله أيـــام مـا ننـساهه
الدمع بالحرگه نهيله ..
احنه مــا نــگـدر تـره ابفـرگاهه

الحيـل منـهه وهيـه رايح حيلهه
انشوف بالله اشلون يخلص ليلهه
بلــبواچـي انــريــد نـوصـل ليـهه
عنـهه بلـكـت هالجــروح انشيلهه

بالجروح امساهرين .. يمته نصبح زايرين
نلطم اعله وجوهنه
هـيـه كــل احـلامـنه .. تحچي بيـهه ايامنه
والمصاب ايلــوحنه

=======××ـ

- خيري الصفراني ✍️

مناجاة ...


شايل ذنوب هواي   اغفرلي يا مولاي
يا سامعاً نجواي    يا ربي  ياربي
=====================
عبدك الاهي واسألك  يالبيدك الكون انملك
عندي ذنوب اتوسلك   غفرانك لذنبي

يا واحد الفرد الصمد   اشهد فلا مثلك احد
اطلب رحمتك والمدد   يالساكن بگلبي

سائل اجيت بهاي    اغفرلي يا مولاي
يا سامعاً نجواي     يا ربي  يا ربي
======================
اصبر على بلواي   وارفع الك شكواي
اطلب رضائك جاي   ياربي يا ربي
====================
اشگد من ذنوبي تبت   ما ارجعلها حسبت
وتالي ذنوب اتحملت    عاملني باحسانك

واسع عطائك للبشر   لطفك على الكون انتشر
يامنجي غرقى من البحر   نجيني سبحانك

ارفع الك دعواي    اغفرلي يا مولاي
يا سامعاً نجواي    يا ربي يا ربي
=========================
شابح الك عيناي    يا سيدي ورجواي
ارحمني في لُقاي   يا ربي يا ربي
=====================
انة الذليل المنكسر    وانت الجليل المقدر
لذنوبي اقدم يا عذر   وسبحانة يسألني

من اوگف اگبال العدل   يبدي السؤال وانسأل
هالموقف ايشيب الطفل  يا ربي ارحمني

لطفك اريدة وياي   اغفرلي يا مولاي
يا سامعاً نجواي    يا ربي يا ربي
======================
أسالكم الدعاء رائد الاسدي

قصيدة: مسيت العافية يحسين
بصوت: حسين والي الامي
الشاعر: عبدالخالق الحريشاوي

▪️▪️▪️▪️▪️
مسيت العافيه يحسين ولو يا عافيه الضلت
من ذاك العصر ياذاك تدوس الخيل ماملت
عشره الخيل وانت وحيد بجسمك كلشي ماخلت
الماخذ خنصرك يحسين عساه جفوفه النشلت

صار الليل خويه حسين وطبع الليل حيل اظلم
اجيتك شايطه من التل ولا خيّر اليتحشم
انعم الله الريحتك يحسين دلتني بمچان الدم
الم بجسمك المسحوك خويه وياي ما يلم

خويه حسين صار الليل وتانيت الزلم يمشون
وجيتك يا حنين الروح اشبكنك دگلي شلون
انه محركه الچفين وانت بكل كتر مطعون
انت السيف اخذ نحرك وانا السوط اخذ المتون

خلفله اعلى ذاك الليل ستر بالهيمه صارالي
يكون الكاع عدها السان وتحجيلك على حالي
الركض مو لام عمر خمسين والايتام تبرالي
لا وادم التسوه اعتاب لا صيوان ضلالي

يمك ما لكيت رسوم حرمه الكيت محنيه
خويه حسين راح الشوف التنوح حذاك ياهيه
التحت شيلتهه جابت ماي تشرب نحرك اميّه
ساعه تصيح يامذبوح وساعه احا يمسبيه

الكاتب حہسہيہن
لا أجيز حذف اسم الكاتب
▪️▪️▪️▪️▪️
#اللهم_عجل_لوليك_الفرج_والنصر_والعافية
مسية العافية يحسين مكتوبة

☜   بـسمـه تعـالى  ☞

الـقصـيدة : سافر الماي
اداء : سيد فاقد الموسوي
كلـمات : حمزة الحسناوي

★★★★★★★★★★★★

حـسين .. يالرايح وعايف گلب خايف عليك من الهوى
من تنزل بحضن الشمس بعدك ولا اكومن ضوى
دخان صاير مو گلب گد ما بالفراگ انچوى
غير الدوه يطيب المرض ليش انه اغصن بالدوه

بالگلب صار جمر كون يضل ما يدگ
اليعرفون شني يصير اذا نحترگ
نار الدموع والخدود نهر من جرح
يا دوه يفيد اذا صار جرح على الحرگ
بيت وحشى وبابنه انسد .. الصبح لابس لون الاسود
امس هوسة اليوم محد .. ضال يمي
سافر الماي وانه وياي .. ضال دمعي

★★★★★★★★★★★★

ارسم صوركم بالدمع هذا اليحب من يبتلي
واكتب رسايل بالعكس عود انتَ لموديها الي
كثرن ترا لخافن انسل وجروحي كلهن من هلي
واليختنگ يندب علي وانه اقرب الناس لعلي
اشبگ الگاع والاثار خفت تلبسه
وجرح العزاز يخليك تحب الجرح
يغفى بلكي الله بألف يا علي
بس الاحلام تراويك هلك ع الرمح
امس يمي اليوم هضمه
گمر عمي وماكو ضلمة
وزينب نصيحلها يمه .. شلون چلمه
سافر الماي وانه وياي .. ضال دمعي

★★★★★★★★★★★★

خل تذكر عيون الچنت وياهن مگضي الزمان
هم جبتوا طاريي ويانا كون بهل سفر
عبدالله هم يذكر گبل من جنت اشيلة على الظهر
گالولي يحجي وكيفت معناها عبدالله كبر
وانه بليل اذا نام احاجي الدمع
تغفى مرتاح اذا صوت اهلك ينسمع
ذني الجروح البروحي كلهن عرف
يحرك بروحه ثاري خيط الشمع

والله لو ماخذني يمك
اسمي راح يشيل همك
غاد من تشتاگ لأمك تصيح بأسمي
سافر الماي وانه وياي .. ضال دمعي

★★★★★★★★★★★★

شوف على دربك ما رضى واتذكر ايامك گمت
ليش من اشوفنك گبل جان الوكت
بحلامي اسافر للظعن واتخيل وياكم رحت
هم انعم الله على الحلل لو كاطع بعيني متت
اول تالي اموتن بالفراگ ترا
عود اضل ليش والعزاز مشو بالسره
همه يدرون يموتون والضعون مشت
حب الحسين بالعيون شفت ينقره
امس دهن حسين شارد للصبح خليته كاعد
خله يمهم ماي بارد .. ما فهمته
سافر الماي وانه وياي .. ضال دمعي

★★★★★★★★★★★★

يا مغرب لياخذني الك واكعد واسولفلك الاصل
وابچيلك بگد ما چنت اكتب رسايلكم واضل
ردتك تصبر للگلب مو گلبي منك ينحرم
هي انه بس ثوب وعظم وفراگك يدگ بالعظم
اخر اخبار للحسين بدت تنطرح
گاموا هواي يجيبولي طاري الرمح
عني ماريد يردون هلي من الحرب
بس ردت كون يموتون عدل مو ذبح
اخر اخبار ثگيله .. سولفولي عَ الهزيلة
والله لو ميته العليلة .. ارحملها
سافر الماي وانه وياي .. ضال دمعي

★★★★★★★★★★★★

الله الله الله محلاها هاي الليله

هالـيـله كل الشيعه فرحانه
صـاير عزيـز الزهـره مولانـه
يـلـه اليحـبـنـه يفرح ويـانـه
الليله العيون التبچي حليانه

الله الله الله ايدوم الفرح ندعيله
الله الله الله محلاها هاي الليله

——

هلـهـولـه حـلـوه اللـيـله سمعونه
المـنتـظر صـار الـي تـتـانـونـه
چـكـليـت طشـو يالـتحـبونــه
الدنيـا واهلـها فدوه لـعيـونه

الله الله الله أجمل قصر نبنيله
الله الله الله محلاها هاي الليله

——-

أجمل عباره الليله خطوها
اباب الشماته روحو علگوها
مولد حبيبي هاي اكتبـوهـا
ويوميه هايه خلي يـقـروهـا

الله الله الله بالصفگه خل نوميله
الله الله الله محلاها هاي الليله

——

نبضه عله نبضه الملگه تانينه
هلبت ضوه الله انشوفه مهدينه
كون اليحبه تطول اسنـيـنـه
حدمـا يجي ويشوفه ابعينـه

الله الله الله مهدي الضوه اشباقيله
الله الله الله محلاها هاي الليله


#حيدر العماري