الخادم مقتدى سالم

افهم يگلبي الساتـــــر اعليك
عريــــان متغطي بالتراب
جر اذنك من ادروب الاوهام
محبوبك مسلبينه الاثياب

ياگلبي غمض عيونك وشوف
اتخيل ضعن بالغربه مچتوف
ضعـــن اليحبك يفتر بســوگ
راعـي الكفالـه امگطع اچفوف

بنوگ الهزل صعدت اميره
الكســــره الچبيره ،،، ابلايـــه عشيره
حيــــــــــــل انكسر حيل ،،،،

يـــاگلبي بـالك وافتهم زين
هاي اخت الحسين ،،، عمرها خمسين
ركضت اهوايه من الخيل ،،،،

حسين يامولاي ،،، حسين ياعطشان

((ہہ᯽★★★᯽★★★᯽ہہ))

هم روحــك وعيش التعب ذاك
ينــازع حبيبك عطشان
مـــــن الزلـــه بالك افتح العين
ساتر عليك وهوه عريان

عيش الكســـر لاتبــرد ابســـاع
جسم اليحبك تــــارس الگـــاع
مت عيني محد شاله من طاح
ايــدير وجها ومـــاكــو فــــزاع

شد الهمم وتحزم احزام
لا تغفه وتنــــام ،،، واحـرگني بالشام
ابچي المصاب المسلوب ،،،،

افطن يگلبي وانسه ترتاح
راسه ع الارماح ،،، ومرضوضه الاصفاح
متعوب امــامــك متعوب ،،،

حسين يامولاي ،،، حسين ياعطشان

((ہہ᯽★★★᯽★★★᯽ہہ))

كسرت حسيـن عالنهر عيش
للخيمه من رد مكسور
ايده عالضهره يگوم ويطيح
جدامــه الاكبر منحور

عـثـــرات رد للخيمـه عـثــرات
مــــــــــــن النهر للخيمه شمات
عيــــن ع زيــنــب عيـــن للماي
لو ما اخيته اعله النهر مـــــات

المذبوح ابنه بحضنه مذبوح
مـا تبرد جـــــروح ،،، كل عمرك تنوح
عيش انكسار المضلوم ،،،

العينه عليـــك اتعذب اهواي
ما شــارب الماي ،،، مــا قصر اويــاي
من الماي امامك محروم ،،،،

حسين يامولاي ،،، حسين ياعطشان

((ہہ᯽★★★᯽★★★᯽ہہ))

فز ياضميري حسين مذبوح
اضلوعه داستها الخيل
فوگ الرمـــل عـريـان ويلاه
والحافـر اهوايه اثگيل

طايح امامـي والــرمــل حـار
تـل اعله صدره مـــــن احجار
ينـــــــازع بقه ويديــر العيون
لخيامه ضلت تشتعل نــــــار

محد فزع لحسين ويلاه
من الگاع شالاه ،،، الــرمــل غطاه
ياگلبي عيش الچمات ،،،

اتخيل امامك يشهگ اتراب
وبمنحره طــاب ،،، من الشمس ذاب
شابـع حبيبك طعنات ،،،

حسين يامولاي ،،، حسين ياعطشان

((ہہ᯽★★★᯽★★★᯽ہہ))

للـخـادم
مـقتـدى سـالـم

#اعتذار_لمولاي_صاحب_الزمان_عج


من يجي اليل ،،، اصفن بـروحي و اعاتب
بدمعي اليسيل ،،، العجل مــــــولاي كاتب
اعذرني مــولاي
كل خوفي انه امعطلك
تقصيري اهواي
لــــــــو بيه حظ اندلك

يا صاحب الزمان ،،،، يا صاحب الزمان

((ہہ᯽★★★᯽★★★᯽ہہ))

اعتذر لـــو انه صايــــر كل سبب تأخيرك
ذنوبي عثره بدربك انه ابچي ليش لغيرك
خير مـاكــو براسي وانت غرگتني بخيرك
راح اعلم گلبي حتى بكلشي اريده يشيرك

سيدي مــو مـن گلب
عجل الساني اليگول
بالعهد اقــــــره چذب
بالي سارح ديره چول

اهوايه ندمان ،،، مــا ذكرتك حيل غافل
انــــــــه تعبان ،،، بير گلبي اذنوب شايل
سولف يرجواي
مثلــــي بشر قـــــابلك
تقصيري اهواي
لــو بيه حظ انـــــدلك

يا صاحب الزمان ،،،، يا صاحب الزمان

((ہہ᯽★★★᯽★★★᯽ہہ))

غافل وما ادري يمته ارجع مـــن اوهامي
وگصتي تعرگ مستحه واندم عليها ايامي
انه لو مـن گلبي احبك كــل فرض گدامي
انه گلبي اهواي فايخ وانت گلبك ضامي

حتى مــن ابچي ندم
مـــــــو لغربت عمتك
وانت تبچي عليها دم
وانـــه غــافـل طلعتك

حلها مولاي ،،، يمته اصيرن خوش واحد
اشرب الماي ،،، وانت عن الماي شـــارد
سولفلي بالماي
شمسوي بالطف بـ اهلك
تقصيري اهواي
لـــــــو بيه حظ انـــدلك

يا صاحب الزمان ،،،، يا صاحب الزمان

((ہہ᯽★★★᯽★★★᯽ہہ))

سيدي هذا انه وضعي راسي يحلم ينمسح
بگلب بارد مـــن اذكرك وانت گلبك من ذبح
شايل الـــــدنيا ع راسي وانت شايلك رمح
ابراحه امشي يا حبيبي تمشي انت علجرح

اوداعتك ضهري عدل
وانت ضهرك منحني
ايـــــدي مـا بيها حبل
امچتفه بنـــت الـــنبي

شده وشلون ،،، امي ما صعدت مهازل
اخ يم عون ،،، الهــزلـــــه فرتها القبائل
امعذبتك هـاي
اتموت ردت احسلك
تقصيري اهواي
لــــــو بيه حظ اندلك؛

يا صاحب الزمان ،،،، يا صاحب الزمان

((ہہ᯽★★★᯽★★★᯽ہہ))

منين مـــــا تقرانـي تلگه كلشي بيــه يعتذر
صح مؤسي ومذنب انه بس وحگك منتضر
بس عرفتك راضي عني انجبر مــــن انكسر
افتحلي حضنك ياحبيبي شلي بحضان الگبر

خذني يمك يا امان
الـــدنيا ما بيها امل
بحلم گلي بيا مكان
شلي ابهلي وانت اهل

خذني و ارتاح ،،، وطـــن گلبك للمحنه
تعبي يـــــنزاح ،،، يـمـــك اَطيـح تــعـبنه
ابكلشي وياي
توگفلي انت واهلك
تقصيري اهوي
لــــو بيه حظ اندلك

يا صاحب الزمان ،،،، يا صاحب الزمان

((ہہ᯽★★★᯽★★★᯽ہہ))

ياملاذي وكهف روحي فدوه علمني اوصلك
بـالــزچيــه وبــالعقيله عبــد جـــاي اتوسلك
مارجــع يـوسف قميصك كلها منتضره هلك
چـــــاره سويلي يمهدي وداعتك گلبي هلك

ضــايع بصحرت عذاب
معيّش اجـروحـي البعد
انـه يوميه اعله بـــــاب
عــنــك اَمتعـــب النشد

ارحم انسان ،،، بشوفتك مولاي يشفه
گلبي دخــان ،،، احترگ وابذكرك اطفه
تتگطع اعضاي
قـــابـــل ولا امبدلك
تقصيري اهواي
لـــوبيه حظ انــدلك
يا صاحب الزمان ،،،، يا صاحب الزمان:

((ہہ᯽★★★᯽★★★᯽ہہ))

عبد مولا
مـقتـدى سـالـم

#_ملا_ياسر_الجياشي
#_كلمات_الخادم_مقتدى_سالم

#فزاعية
#لمولاي_الامام_الكاظم_ع


ذبــوهـــا العگل لطمو عالعيون
غريب الكاظم وغربه اليشيعون
مــابيهن عـــرف شالنـه المتون
حماميـل اربعـه بنعشه يميلون

و اتميل حيل اجنازته ، امتون الغريبه اتشيله

((ہہ᯽★★★᯽★★★᯽ہہ))

لاذبــــت عگــل لا شگت اثــــياب
لا صيحه ودمـــع لا لفت انگـــــاب
محد فـــوگ راسه يهيل الاتــــراب
ضل اعله الجسر نعش ابن الاطياب

اللهْ لحد يـــاهـلـي ، مسموم مـــــات الكاظم

((ہہ᯽★★★᯽★★★᯽ہہ))

وين اهل الغريب اليوم چا وين
ثگيله الفاتـحـــه والميت الـــزين
فزعه نريد فـزعه ولطم ع العين
فزعت زينب من الخيمه لحسين

ذبـو العگل يلرافضه ، شيخ العشيره الطايح

((ہہ᯽★★★᯽★★★᯽ہہ))

شمعطل الهواشم خل يحضرون
مصيبتنه چبيــره ولا تقصــــرون
بالفزعه نريد اتسولف ام عــــون
شع صيت الغريب اندثر هـــارون

والفزعــه يـــــوم السابــع ، للكاظم انسويها

((ہہ᯽★★★᯽★★★᯽ہہ))

غـريبـه اجـنــازته وما فزع فزاع
كسرتنــه النعش مشمور بـــالگاع
اهلها الفزعه احنه ونعرگ ابساع
يحشمنه احنه محد يوم الــوداع

ذبـو الچفافي من المتن ، الميت مــن الساده

((ہہ᯽★★★᯽★★★᯽ہہ))

للـخـادم
مـقتـدى سـالـم

#لمولاي_ابا_الرضا_ع


امــامي السابـــع بعلمك
الــــدنيا تسبح بـ أسمك
صنيع المرجـــله الراهب ،،،
يلمحير الشمس رسمك

يلمبچي السجن ياهيبة السادة
الكعبه تربتك والــدنـيا سجادة
يراهب حيرت سجانك ادخيلك
يهيبة حيـدرة يــاقـائـد الـقـادة


ابا الرضا ،،، امام السابع ادخيلك
بسجن بس ما برد حيلك
السلاســـل هيه تشكيلك ،،، عظيم

ابا الرضا ،،، كريم وبل كرم اول
ع بابك كل شدد تنحل
اليجيلك يــرجع امدلل ،،، كريم

دخيلك يـا ابـا الـرضـا ،،،،،،

((ہہ᯽★★★᯽★★★᯽ہہ))

خــزائــن ربـك ابچفك
دخيلك محد يوصفك
يسر الله الصعب حله ،،،
الخواطر تجبر بعطفك

خيــرك زايــد اعلينه يبو النعمه
من حيلك اريد الحيلي للخدمه
حـزمني يبو معصومه حـزمني
المو منك دخيلك تذبح النسمه


ابا الرضا ،،، علاج النسمه من بابك
الطهاره مصنع اتـــرابك
امــــان الخايف اعتابك ،،، امـان

ابا الرضا ،،، ملاذ الكل گلب حاير
خيــرك ع البشر دايــر
تنطي وتجبر الخاطــر ،،، حنـان

دخيلك يـا ابـا الـرضـا ،،،،،،

((ہہ᯽★★★᯽★★★᯽ہہ))

الله اتجلى بحســانك
كهف للضايع احضانك
رحمت ربــــــــك بچفك ،،،
بيبان ( الله ) بيبـــانك

لعلمك والكرم ماكو بشر واصل
بكلهن يــــادخيلك سيدي كامل
فضلك سيدي امغرگ الــــدنيـا
يلمحير الوصف عمك ابو فاضل


ابا الرضا ،،، يسانـد گلبي بـالشده
حاشه المذنب اطرده
محد فـــارغ اتـــرده ،،، چبير

ابا الرضا ،،، نضيع وبيدك اتردنه
ابتعدنــه وليـنه تدنه
دخيلك سيــدي احنه ،،، نحير

دخيلك يـا ابـا الـرضـا ،،،،،،

((ہہ᯽★★★᯽★★★᯽ہہ))

مشكاة السمه اعيونك
گمر يا ابو الرضا لونك
اهيم مـــن اذكر الكاظم ،،،
احبـك وابقه مجنونك

هـارون اندثر وانت الفلك بيدك
سبحة فاطمة يا ابو الرضا گيدك
كرامات ومعاجز واهب الـرحمه
بخيت الساده گلبي انـه يريدك


ابا الرضا ،،، يوارث كل صفات الله
أدم مـــــــــن خلق قبله
السجن يـعبـدلك وصله ،،، امـام

ابا الرضا ،،، صيتك عــابـر السبعه
ضلمه وخنصرك شمعه
وي غيرك تـــره الدمعه ،،، حرام

دخيلك يـا ابـا الـرضـا ،،،،،،

((ہہ᯽★★★᯽★★★᯽ہہ))

للـخـادم
مـقتـدى سـالـم

#قصيدة_استوديو
#لمولاي_الامام_الكاظم_ع


اويلا يالكاظم اويلا ،،،،،

((ہہ᯽★★★᯽★★★᯽ہہ))

خفيفه اجنازتــه حيــــــل السجن هده
محـد عالنعش يبچـي ولطـم خـــــــــده
عمت عيني غـــريــب ع الجسر وحـــده

لاذبــــت عگــل لا شگت اثــــياب
لا صيحه ودمـــع لا لفت انگـــــاب
يميل من الهوه نعش ابن الاطياب
واويلا على المسموم واويلا

العمر خلص يويلي بضلمة مسجون
على المسموم صُبن حــيـــل يعيون
بهيده بهيده فـــــــــدوه يالتشيعون
واويلا على المسموم واويلا

ياناس شعجب ،،، مو عد العرب
موتك لــو گرب
تغمض اهلك عيونك

بزنزانه گضه ،،، شيخ الـرافضه
چا وين الرضا
تشيل الكاظم امتونك

سمعنا الناده عالجسر سمعنا
اويلا يالكاظم اويلا ،،،،،

((ہہ᯽★★★᯽★★★᯽ہہ))

بهيده يالشايل نعش موسى ابن جعفر
مـــــــــــــــــن السم تــــره چبده تفطر
خَيـال مـــــن السجن صاير كلش تغير

حـمـاميـــل اربـعـه ويميل نعشه
صـاح الناعي يوم الجمعه غبشه
الـــدنيا بفرگته يانــــاس وحشه
واويلا على المسموم واويلا

ويــــن اهل الغريب اليوم دلونه
نعشه ع الجسر غربه اليشيعونه
هاشم ويــــــــن خليهم يغسلونه
واويلا على المسموم واويلا

بالجمعه الفجر ،،، ضل اعله الجسر
نعشه وينتضر
رايد ولــــده يتنطر

لا يمـه اهــــــل ،،، تشييعة ابـعـجـل
لا واحــــــد زعـل
هاشم وين ماتحضر

تعنا محد من هله تعنا
اويلا يالكاظم اويلا ،،،،،

((ہہ᯽★★★᯽★★★᯽ہہ))

للـخـادم
مـقتـدى سـالـم

#نـزال_لمولاي_ابـو_الـرضـا_ع


شعار الرافضيه ،،، زحف للكاظميه

((ہہ᯽★★★᯽★★★᯽ہہ))

حــــده بينه الـــدمـــع للكاظميه
لبو طلبه امـــــــام الـــــرافضيه
التعب راحه بطريق ابن الزچيه
روافض يـــــــاعلي ختم الهويه

مشي مشي ،،،
المشي بـاب الطهــاره
كتب بـابــــه عبـــــاره
هــلا بذولـــه الغيــاره ،،، خدم مو يوم كل عام

مشي مشي ،،،
اعظم شــــــــــــــهاده
المشه ياخـــذ مــراده
عبيد وهمه ســـــــاده ،،، ملوك واحنه خدام

مشي ، لطم ، طبخ ، ولا نتعـب ولا نمل
دمع ، سهر ، تعب ، عمر دمعاتــــنه اتهل
حزن ، شهر ، دهر ، الخدامه احنه نفضل

تصيح الجعفريه ،،، زحف للكاظميه

((ہہ᯽★★★᯽★★★᯽ہہ))

اليلوم يلوم مـــــا نسمع كلامه
بشراين الگلب تمشي الخدامه
بياض اوجوهنه بيـوم القيامه
يناس الماخدم يشبع نـــــدامه

خَدم خَدم ،،،
تعب لســـــــاده يسوه
الخدامه اهوايه حلوه
نـذرنه العمر فــــــدوه ،،، لـ ابو الرضا عشگنه

خَدم خَدم ،،،
فخر يملينه يـــانـاس
وتاج الخدمه ع الراس
كبرنه بـــــزود عبــاس ،،، نموت بحبــه احنه

خَدم ، فخر ، شرف ، ابــد ماعدنـه غيره
مهد ، من ، المهد ، يصب علينــه خــيـره
مشي ، زحف ، بــده ، الـه من ديره ديره

على حب السبيه ،،، زحف للكاظميه

((ہہ᯽★★★᯽★★★᯽ہہ))

ملاين اعتنت مـــن كــــل مدينه
مشي مثل اربعين حسين اجينه
تــرف رايـــاتنـه الســود ابــدينه
لشيخ الـــــرافضه مفضل علينه

عشگ عشگ ،،،
عشگ مـــالــه نهايــه
تــرف رايــه ع رايــه
ابــد ماعدنــه غـايــه ،،، گلب ابيض وفطره

عشگ عشگ ،،،
على حبهـــم ربـــينـه
العلي اولــده انتمينه
خـّدم الهم هــــــوينه ،،، الخدمهم نــال اجره

زلم ، حرم ، اجت ، زحــــــــف للكاظميه
عهد ، نضل ، ابد ، خـّدم ولــــد الــزچيه
درب ، عشگ ، صدگ ، تحـدينــه المنيه

السمه نصبت عزيّه ،،، زحف للكاظميه

((ہہ᯽★★★᯽★★★᯽ہہ))

بعدنه ع العهد بـــــالــدم بصمنه
المشي مثل الصلاه ياناس عدنه
نضيع ونلتهي الخدمــــــه تلمنه
بياض الـــــدنيا تارسها جـــدرنه

علي علي ،،،
مشه بالـــــدم علينه
بخدمته احنه علينه
تـلـــوم النــاس بينه ،،، يطب الحچي ويطلع

علي علي ،،،
علي ماردلــه محتار
قسيم الجنه والـنـار
الـــدنيا ابچفه تندار ،،، النواصب گـــوه تقنع

طفل ، واحب ، علي ، طفل وبحبه هايم
عـمـر ، نــــذر ، الـــه ، فخر يمليني خادم
هلي ، انــه ، عـلــي ، اشگ حلگك يــلايم

تلوم شبيك بيه ،،، زحف للكاظميه

((ہہ᯽★★★᯽★★★᯽ہہ))

الاقـل
مـقتـدى سـالـم

#مولاتي_الزهراء
#غربت_مولاي_الكاظم_ع


من المدينه وسايلــه ادموعي
لبني اجيت ولازمــه اضلوعي
لهفان گلبي اهوايــــــه لهفان
ذابحني ابني المات عطشان

((ہہ᯽★★★᯽★★★᯽ہہ))

شــايلــه هموم اشكثر
النعشه فوگ ع الجسر
جيته بجدامي اجـــــر ،،، يجري دمعي

صــــوت ماكو الينسمع
نــاگـعـه اثيابي دمــــع
وايدي فــوگ ع الضلع ،،، ا يضلعي

حنيت الحاجب اجيته ضهري مايل
والدمع لطراف ثوبي ع ابني واصل
من خطف لوني وصلته گلبي ذابل

عندي المصايب كلهن اشويه
والدوهنني اجروح ابو ارقيه
للخيل صدره صــــار ميدان
ذابحني ابني المات عطشان

((ہہ᯽★★★᯽★★★᯽ہہ))

شيبي بــــالشيله طلع
گلبي مو دمعي الوگع
ع الجسر گلبي انشلع ،،، شلون حيره

جـرح ياخذني الجرح
المات مسموم وذبــح
انـــــــه تعبني الــرمح ،،، الچبيره

حسين يمه حسين جرحه الهاد حيلي
اشكبره ابني ومــاترس بالطف شليلي
الخيمه نــــــــــار وتسعر الهسه بدليلي

من كل كتر مرفوس ابن روحي
منين ما لزمه يصيح جروحي
الخيل سحگت وين ما چان
ذابحني ابني المات عطشان

((ہہ᯽★★★᯽★★★᯽ہہ))

ع الجســر جيــت انتچي
ابـيــا علـي وابــيــــا علي
اعيونـــي عــاميها البچي ،،، انعه لبني

مـن الضلع يجري النــزف
السم مــخــرب التــــــرف
جنازه مـــــا بيها عـــــرف ،،، وخرو عني

مغمض اعيونه لگيته ولونه اصفر
مــن شبگته ضلعي صاح الله اكبر
لچمت البسمار ضلت بيـــــه تسعر

البسمار واگف راسـه ابگلبي
ابنار بابي احترگت انه اركبي
خلصان حيلي انه خلصان
ذابحني ابني المات عطشان

((ہہ᯽★★★᯽★★★᯽ہہ))

يميل ضهري ويه الهوه
گلبي يــاربـــي انچــوه
لبني مــــايـــرهــم دوه ،،، چبده ذايب

من سجن مسبي السجن
كلها اهــــــون والـحــزن
حسين ضل ابلا دفــــــن ،،، ع التـرايب

امصايــب احسيـن العمني ودوهنني
محد مـــن الگــاع شـاله امسلب ابني
تمددت وي جسمه انـــه بضهر محني

امسح بنحره ويمسح بدمعي
وبهيده حط ايده على ضلعي
نيـران يسعر ضلعي نيــران
ذابحني ابني المات عطشان

((ہہ᯽★★★᯽★★★᯽ہہ))

شاط گلبي مــن الهظم
الشيب طـالــع بـــالهدم
راحـه مــــا شفت بحلم ،،، حزني دايم

اختنگ مــــــــــن التفت
انــــــــه حـيـل ادوهنت
ثمنطعش عمـري ومتت ،،،انـــه فاطم

الهسه نار الباب بچفوفي انه تسعر
ضلعي بين البـاب والحايــط تكسر
فدوه لبني البلحوافر صــدره ينجر

حسين طــــاح ومحد ايشيله
تعبانه وامسح دمعي بالشيله
دفـــان مــاصح لبني دفــان
ذابحني ابني المات عطشان

((ہہ᯽★★★᯽★★★᯽ہہ))

للـخـادم
مـقتـدى سـالـم

#لمولاي_الكاظم_ع

انه بسجن عّمتي بخرابه
وثنينه نبچي المصــــــابه
السحگت ع اضلوعه الخيل
دم المصابه اعيونــــه تسيل

((ہہ᯽★★★᯽★★★᯽ہہ))

تهون كلها وتبقه كسرتنه الچبيره
حسين مو تابوت شالو بالحصيره
ياهو مثله انذبحت اگباله عشيره
وياهو اخته ع الهزل راحت اسيره

انــــــه صح يوميه نــازح
الفرق حيل اهواي واضح
فوگي ماكو خـيول عشره
حسين بالدم جسمه سابح

صــــدري ما مرفوس انه
وجسمي ما ضل ابمچانه
نعشي ماضـل انـــــــــــه لليل
دم المصابه عيونــــــــه تسيل

((ہہ᯽★★★᯽★★★᯽ہہ))

صح سبوني والسلاسل فوگ اديه
بس متت و اخيول ما داست عليه
ومن متت فزعت الوادم انــــه اليه
حسين عــريان الضهر فوگ الوطيه

امسلــب بشــمس الضهــاري
بالرمل ضــــل جسمه عــاري
محد مـــــــن الـگــاع شـــالا
شربت ارســــومــه الصحاري

من كل كتر مرفوس الحسين
ويــــــن اليدور خنصره وين
ضــل الــرمــل فـــــــوگــه يهيل
دم المصابــــــه اعـيـونـــه تسيل

((ہہ᯽★★★᯽★★★᯽ہہ))

بسلاســل گيدونـــــي وعمتي بحبال
انه وحدي وعمتي وياها اشگد اطفال
انــــه زلمه وضعن جدي ابلايه كــفـال
الصار بالطف ياخلگ مــو سهله ينگال

ذبـــــــــح وحــبـال وهــــــزيلـه
اليطيح من الضعن محد يشيله
شلون حيره هــــــاي يــــانـاس
المصايب من اجت وين الثگيله

الراد ماي بصوط يروه
كلها تسكت صـار گــوه
بعمر الــورد شــافـو ويــل
دم المصابــه اعيونه تسيل

((ہہ᯽★★★᯽★★★᯽ہہ))

السجن مسگوف بس اخ الخرابه
ياوكت زينب تنـــام اعله التــرابه
تنعه ضلت اه يحسيـن ومصـــابه
بـالـرمـل عـريـان مسلوبــــه ثيابه

فــوگ رمـــل الغـــاضـريـه
داسته اخيول اعــــوجيـه
محد الشـــــالـــــه بمكانــه
ثلث تيام ضل ويلي رميـه

جـدي انــــه الشلع گلبي
دربــي مـا انــدلـه دربي
والخيـل ابضــلوعـه اتشيل
دم المصابـه اعيونـه تسيل

((ہہ᯽★★★᯽★★★᯽ہہ))؛

طفله ماعندي بحبل جروها بالسوگ
اعيون كله السوگ طبن عبي ع النوگ
والعبايــه اطــرافها بالخيمه محروگ
الماشمر ماي اعله زينب شمر طابوگ

الــشــــام كله اعليها يندار
جـــــــــار صـار يفزع بجار
الماتلحگ تشگــف اطيـــح
الما يشتم شايـــــل احجار

النضر مــا ينشگف دوم
والتطيح اتـگـول ماكوم
الشـــــام كله بــــزينب يعيل
دم المصابـــــه اعيونه تسيل

((ہہ᯽★★★᯽★★★᯽ہہ))

للـخـادم
مـقتـدى سـالـم

#اهـوازيـه_لمولاي_ابو_الرضـا_ع

اذا جاس التعب گلبك
اگصد موسى ابن جعفر
ابابه الحاجه يگضيها
مـو مــن طبعه يتعذر

((ہہ᯽★★★᯽★★★᯽ہہ))

امجرب بـــــاب للحاجه
تطلب روحــــــه ينطيها
بــس بيها شرط ياناس
صلاتك كــــون گاضيها
والشـــرط الاخير اسمع
النــيــه النــيــه صــفيها
وانــوب امسح ادموعك
( الكاظم) والله گاضيها

سخي ياراعي النخوه
هــذا المن ضهر حيدر
ابابه الحاجه يگضيها
مـو مــن طبعه يتعذر

((ہہ᯽★★★᯽★★★᯽ہہ))

لا تـحتــار بـــالــــشـده
بس دگ بـابــــه واتعنه
ابو القاسم كريم البيت
اكــــرم منه مــــا شفنه
فايض خيره ع الـوادم
واحنــه بــخيره غرگنه
نشكر فاطمه الـــزهـره
الخلت مرقده عــــدنه

انعم الله اعليك مولانه
سفرتـــــــك واصله للبر
ابابه الحاجـــه يگضيها
مـــو مــن طبعه يتعذر

((ہہ᯽★★★᯽★★★᯽ہہ))

اگصده و شأنك يــرفـعـه
وبس حلفه بگمر هــاشـم
اهنــانــه اعيونـه ينطيهن
غـــيــــر بجده مــتــــوالم
بـــالك لا تــــــــروح ابعيد
تــرجــع منكسر نــــــــادم
ابشر خير دگ بـــــابـــــــه
يصب اعـليــك يـــالخادم


بخيت الساده ابو القاسم
بكل شده وعلــــي يحضر
ابابه الحــــاجـــه يگضيها
مـــو مـــــــن طبعه يتعذر

((ہہ᯽★★★᯽★★★᯽ہہ))

فضلك زايـــــــد اعلينه
يلعليت خـــــــــــــدامك
فــدوه انــروح يامولاي
سبع فـــدوات لـجدامك
يملينـه الفخـر بلــبـــاب
انجدي ابــابــك ايتامك
ياكهفي وملاذ الـــروح
طهارت گلبي انســامك

يلشايـــل كــرم لحسين
بلطف عَزب الاكــــــــبر
ابابه الحاجـــه يگضيها
مـــو مــن طبعه يتعذر

((ہہ᯽★★★᯽★★★᯽ہہ))

يل مـــــا مقتنع شحچي
حــــرف واحــد ولا مني
روايات وكتب واقـــــره
شــــوف الكاظم شينطي
مــــــو بس بالكتب قاري
نخيته وكلشــــــي سهلي
القصيدة وهاي من فضله
شطر والباقـــــــــي كملي

مجرد انــــــــه بس اكتب
الحچي من عنده المسطر
ابابــــه الحاجـــه يگضيها
مـــو مـــــــن طبعه يتعذر

((ہہ᯽★★★᯽★★★᯽ہہ))

خـادم الـغـريـب
مـقتـدى سـالـم

كون نموت
شمتانين
مو نبچي ساعه ونرد مرتاحين
يكون اليوجعچ ينشاف بالعين
شمتانين
الشام النه الشام مو لخت الحسين
وعلي مقصرين
ما مرتاحه زينب واحنه زينين
ولا طبينه عـ ديوان مچتوفين
ولا حافي عـ جمره ابيوم ماشين
اليريد الصدگ
بيناتنه العباس مو يم الحچي مقصرين
خل انموت شمتانين

هاي ايامها ومعذور اليموت
بسجن مسجونه واحنه العدهم ابيوت
الشام خنگه الشام غربه الشام تابوت
اليطب الشام گوه يطلع الصوت
يكون انموت

النفس ما ينجر اهناك بالشام
اليموت اعله زينب عيب ينلام
اخ الشام
اذا نحچي الصدگ بس بـ الاسم خدام
اغمها العين كون التغفه وتنام
مظلومه يزينب هاي الايام
منهوب الصحن يايمه صاير مثل الاخيام
سم اوجوهم شفناها من العام
اخ الشام
من اسولف بيك ليش اطيح الاجدام
من سطوحك حجر طاح اعله الايتام
بيمن تطلب ام عون وبگلبك شضام
اخ الشام
كلها تصيح زينب شيلي منا
غريبه اليا وكت عد نــــاس ضلام

چندوب
يزينب بابچ ايسدونه كــل الغروب
يـزينب غربتچ (علة) اعله الگلوب
يزينب چندوب هاي الغربه چندوب
ييمه اليا وكت صحنچ يضل منهوب
يزينب ولا بينه اعلمودچ حيل متعوب
يزينب ولا بينه المصابچ شاگ الثوب

ياحزن يازينب يجازيچ
سوالف هـاي محد ميت اعليچ
لو بينه حظ بالشام زينب ما نخليچ
بارد گلبي ما محترگ مولاتي من ابچيچ
لو بيه خير انطيهم امي وانتي ما انطيچ
وغلاتچ يمه اريد الضيم كل البيچ
الله يساعدچ يمه السنه شبيچ

ما ينراد يمه الشام ماينراد
انعاد الزمن يام عون نفسه انعاد
ع بابچ يضحك الراح والراد
يوميه الضريحچ جاي هداد
اوجوهم يا يمه زينب چنها سم الزاد
الناس استوحدوچ ومـاكـو رداد
الله يعينچ هاي الايام
الشام منك اخ يالشام

الله يساعد گلبك يامولاي ياصاحب الزمان
شلون ليله هـاي ،،، 💔

مـقتـدى سـالـم

#{شـوگ_الـزيـارة}

يبس گلبــــي خضاره
ارزقيني الــــزيـــــاره
حلم روحي انه يم عون
اشوف انــــــه المناره

ازورچ بس بـ الاحلام
ثگيله اعليه الايـــــام
دخيلچ تخلص اشلــون
اموت بحسرة الشــام

ازورچ بالصور كــافــي ارزقيني اجــي زاير
طغه شوگي يمولاتي دخيلچ والگلب حــاير
بعد يمته بعد يمتــه ع بــابچ اكحل الناضــر

ع اعتابچ اريــد اسجد ع اعتابچ
ارزقــيني اشمن ريـحت اتــرابچ
يمولاتـــي اريد اشبع بچي ابابچ

(( اا يـلـغـريـبـة ... اا يـلـغـريـبـة ... ))

((ہہ᯽★★★᯽★★★᯽ہہ))

جذبني الباب الاخضر
دمعتـي بـخـــدي تعثر
اجي مــن حــال اليجون
يجونچ حــافـي بــالبر

اعله بــابـچ اغفه رايد
مـاعندي گلــب بــــارد
جمــر گـــلبـــي شيطفــي
الـى بحضرتچ گــــاعـد

تزورچ كل سنه الوادم ع شوگي وگعدّتي امتاني
حچولي اشگد ييمه اعليچ الدمع غرگهن ارداني
گلت الله كــــريــــم تهون وتصَبر بيــه اخــواني

يـگلـــولـــي الـغـروب الصحن ينسد
عمت عيني الصحن فارغ ولا احـد
شوكت يمته ازورچ انـــه چـا وَحـد

(( اا يـلـغـريـبـة ... اا يـلـغـريـبـة ... ))

((ہہ᯽★★★᯽★★★᯽ہہ))

دخيلچ گلبــــي شَيب
ع بــابـچ حلمي انحب
جمر شوگــــــــي شيطفي
عبد عنــــــدچ تعذب

اليزورچ يمه كل عام
السنه مولاتي مـا نام
انيست وحشتي ام عون
كسرني شوگي للشام

بطرگ روحي اجي رايد وحگچ وشلت عيني
الصبر يازينب اوشاله خلص صبري ترزقيني
اتاني لشوكت يمته اخــاف وتخلص اسنيني

خلص حيلي اجي بس الدمع شايل
بحلم راضي ازورچ لـــو حلم قابل
انــقــذينـــي عليچ بغيرة الكافــــل

(( اا يـلـغـريـبـة ... اا يـلـغـريـبـة ... ))

((ہہ᯽★★★᯽★★★᯽ہہ))

الغربتچ سافرت روحي
ثگيله اعليه اجــروحي
النفس مــــــا ينجر ابساع
امل وما يمل نـــــوحي

لـبـابــــــــچ يمه وديني
بغربتچ ارضـــه خليني
غـربـتچ واهس احــــزاني
ييمه الراحــه تـــــاذيني

اســافـر يمته بحزانـي اصب بصحنچ دموعي
ضلام الغربـــه البـابـچ وحگچ هيه مـوضوعي
نذر بس كون اجي يمچ لطم اكسرهن اضلوعي

تشب ناري واصبر روحـــي بالگوه
انعصر گلبي دخيلـــــــچ يم المروه
اذا مـا اجي الچ عمري انه مايسوه

(( اا يـلـغـريـبـة ... اا يـلـغـريـبـة ... ))

((ہہ᯽★★★᯽★★★᯽ہہ))

عـبـدهـا
مـقتـدى سـالـم

#لمولاتي_العقيلة_ع

اشرقت شمس علياَ بالطفوف
زينب العباس ترعب بـ الالوف
بنص زلمها الشام ما فكت حلگ
هاي زينب لو علي مرجفه الچفوف

العقيله ام الخدر
ستر للماله ستر
العالمه والطاهره
اكبر شوارب تجر

يــــــــاعقيلة بيت ال المصطفئ
بكبرياء الشام جـــواهــا انچفه
دخيل چفها دخيل اسمها ادخيلها
الشام طاغي طبت الشام انطفه

ياعقيلة بني هاشم ،،،،،

((ہہ᯽★★★᯽★★★᯽ہہ))

امــراية الزهره اميره ع الزلم
حيـــل حيدر زينب الما ينهدم
هدمت اقصور الطغات الطالبه
علم الله ابــــــراسها ام العلم

قمه زينب للشرف
بيها حيـــدر انعرف
تكسر ومــــا تنكسر
لله چف وعلي چف

سر الهي اخت الحسيـن الكلف
جبل شامخ كلشي جف وما تجف
الشام ذابل خورست وين الثگيل
زينب اية وعابره احدود الوصف

ياعقيلة بني هاشم ،،،،،

((ہہ᯽★★★᯽★★★᯽ہہ))

الله حافظها منو گــــــال اعثرت
افتهم مو من سبي مــــن حدبت
احتراماً راس اخوهــــا ع الرمح
لله بس وللحسين الهاشميه دنگت

حجاب صارت للسمه
والعبــايــــه فــاطمه
كعبه عالناگه اركبت
اتشبع الطاغي ضمه

السانها سيف ابو فاضل بالزعل
الشام طم روحه وهي مثل الجبل
هوه ياهو الطلع من حيدر ثلج
تچوي كلها وانضرب بيها المثل

ياعقيلة بني هاشم ،،،،،

((ہہ᯽★★★᯽★★★᯽ہہ))

خير زينب تارس الــــدنيا تـرس
الله حـــــارسها العقيله شتنحرس
دخلت ع الشــــام كعبه ع الهزل
الله من تحچي السمه ما الها حس

بت علي وفسر بعد
الكون للچفوفه سجد
گـــــــوه عنك تقتنع
عــلــي بالكعبه انولد

علي مــــن اصياره طر الكعبه
علي الله بكثر روحـــــــه يحبه
علي مخلف زينب ومنانه قيس
سابيتهم ياهو گـــــال امسلبه

ياعقيلة بني هاشم ،،،،،

((ہہ᯽★★★᯽★★★᯽ہہ))

خادمها
مـقتـدى سـالـم

#مولاي_صاحب_القلب_الكسير_ع

هوايه هنّه
وتبقه سالفتي الچبيره
عمتي حيرتها حيره
هوايه هنّه
هاي تاليها الاميره
ديره تشمرها ع ديره
هوايه هنّه

تهون كلها انـــــــه كسرتني العقيله
وَدعت سبعين زلمه مــــــن الهزيله
الكاسره عــــد اللّه خاطر كاسرتني
اخ يـــــــاغربتها دم اعليها اسيله

ما برد گلبي ولا راحه التمرني
وعلي حيل الشام يا وادم كسرني
السوگ طبگت امي بالحايط عصرني

واويـلاه يـالـغـريـبـه ،،،

((ہہ᯽★★★᯽★★★᯽ہہ))

اخ زينب
عمه فوگ الضيم عمه
صحنچ يخلونـه ضلمه
اخ زينب
واگـــــف الشريان دمه
شلون لچمه شلون لچمه
اخ زينب

مــــــا تفض عمه ولا راحه اشوفن
عمه عدكم زلمه عايش بس تدوهن
فدوه رحمي بحالي مو رايح اموت
هوايه هنّه وبيمن ابدي وياهي اعوفن

عمه بـ القرآن و الّيل لباسًا
يعني راحه الّيل والنومِ سباتًا
وانه مو مثل البشر بالهيمه اباتن

بسم الله الرحمن الرحيم
{وَجَعَلْنَا نَوْمَكُمْ سُبَاتًا (9) وَجَعَلْنَا اللَّيْلَ لِبَاسًا (10) وَجَعَلْنَا النَّهَارَ مَعَاشًا}
صدق الله العلي العظيم

واويـلاه يـالـغـريـبـه ،،،

((ہہ᯽★★★᯽★★★᯽ہہ))

هاي صعبه
رَدَت ايــــام الهزيله
يعين گلبــچ يلعقيله
هاي صعبه
هم عليله وهم عليله
عمه وجروحچ ثگيله
هاي صعبه

مناوب اجروحچ ولا تخلص تريد
بشــــام انتي وكافلچ عنچ بعيد
مــــــــــا تغّير نفسه حالچ والعذاب
الغربه نفس الغربه ضل صحنچ وحيد

الشام سالفته چبيره ودوهنتني
حاجب من امشي يعمه انه متني
كافي بس جروح جدي التارستني

واويـلاه يـالـغـريـبـه ،،،

((ہہ᯽★★★᯽★★★᯽ہہ))

شلون شده
راح اموت انه هلي
روحي خلصت ياعلي
شلون شده
بعد بـــــالدنيا شلي
يـــاهو حن گلبه الي
شلون شده

الدنيا ما تطلبني دوم شعدها مني
اشگد اطيح ومحد الگام ولزمني
يمته ارتــــــاح وتغمض عيني ليله
بروحي الم ويــرجــع الطف يهَدمني

اتعذبت يادنيا كــافـــي اتعذبت
عمي زيــن ونفس بيـه ومامتت
عكس يفتر ليش وياي الــــوكت

واويـلاه يـالـغـريـبـه ،،،

((ہہ᯽★★★᯽★★★᯽ہہ))

للـخـادم
مـقتـدى سـالـم

#مولاي_ابا_الفضل ع

شلون وادم ،،،، زينب الله يعينچ
كلشي غربه ،،،، الشام وينه وينچ
ارتاحي خويه الليله موت
فاتحه و مابيها صــــــوت
كلها غربه ،،،،

((ہہ᯽★★★᯽★★★᯽ہہ))

العنچ انه العطلاني خويه تدرين
مو لأن ياخويه انــه ابلايه چفين
الهسه يازينب ادور خنصر حسين

هوايـــه تعبني يخويه ومـــــــا لگيته
ابـــلايه اديـن اشلـــون زينب دوريته
كــــل هوى عليـــه جزه انــــــه نخيته

شلون حيره ،،، بكـربلـه شح الهوى
امنيتچ انتي ،،، نموت يازينب سوى
نعشچ امغرگه السكوت
فاتحه و مـابيها صوت
كلها غربه ،،،،

((ہہ᯽★★★᯽★★★᯽ہہ))

سامحيني يم گلب شايل محنه
بكل بلد واحد يزينب من اهلنه
انعم الله الموت ياخويه جمعنه

الليله أخر ليله مــــن عمرچ يزينب
بكربله الليله اخــــوچ عليچ ينحب
غمضي گلبچ يم گلب بالشام شيب

نعش خالي ،،، انتي يازينب خيال
شنهي عذري ،،، خويه لو گلتي تعال
عليچ شمـــات التفوت
فاتحه و مـابيها صوت
كلها غربه ،،،،

((ہہ᯽★★★᯽★★★᯽ہہ))

بعيد تدرين الدرب والعين وحده
شده يازينب يخويــه شلون شده
حسين طاح من الرمل ياويلي خده

الموت راحت بـــــــــال للفاگـد اخـوتــه
قــبــل مــوتــه وداعتچ يتمنه مـــــوتــه
حسين مات اعليه مت انـه ع صـــوتــه

نكسر ضهره ،،، بطيحتي فوگ النهر
يــا هظيمه ،،، حسين يمشي ابلا ضهر
يمشي كل خطوه يموت
فاتحه و مـابيها صوت
كلها غربه ،،،،

((ہہ᯽★★★᯽★★★᯽ہہ))

بغربه موتچ يالعقيله شلون حيره
حتى خويه بموتتچ صرتي اسيره
مالـــت الدنيا وبقيتي ابلا عشيره

الــدنـيـا مــــــا بيها امـــــان اعليچ دارت
مچتفه للشــــــام زينب بـــعــد صـــــارت
خويه مو بس ناسه حتى اسطوحه غارت

الماي خويه ،،، يچوي وعليچ انشمر
گلتي تخلص ،،، الشام ضل يمطر حجر
انهدت اعليچ البيوت
فاتحه و مـابيها صوت
كلها غربه ،،،،

((ہہ᯽★★★᯽★★★᯽ہہ))

وكت خويه الشام تمشين ع رايه
وكت زينب ناگتچ مـــا بيها رايه
وكت حمره تصير ياخويه العبايه

وداعتچ ياخويــه ويـــــــاچ انسبينه
وينزف اشگد راسي من تنطگ سكينه
راسي راد يطيح مـــن گلتي انخزينه

هنا رقيه ،،، وعينها براس الحسين
شفت خوله ،،، تلتفت ماتدري ويــن
من النضر رادت تموت
فاتحه و مـابيها صوت
كلها غربه ،،،،

((ہہ᯽★★★᯽★★★᯽ہہ))

للـخـادم
مـقتـدى سـالـم

اشگ ثوبي اريد وادگ بيدي عالراس
الثلج گلبه لا يحچي بــالغربـه ياناس
غريبه احنه عدنــه يوادم برض شام
صحنها ع بــابــه ولا شفنه حــــراس

المامحترگ گلبه ،،، لا يحچي بالغربه
زينب تره صعبه ،،، وحدها بالشام

هم ياگلب روحك ،،، لاتبرد اجروحك
لا تطمع بــنوحك ،،، عيشني الالام


احترگ ياگلبي بالك لوردت تهده
يگلبي تعرف ياهي الطايحه بشده
اخت حسين هاي المحد اموسده

(( الله يساعد گلبچ ام عون ،،، ))

((ہہ᯽★★★᯽★★★᯽ہہ))

الدمع ما يوافي يريت ابچي العيون
مصيبه السنه محد يـزورچ ام عـون
اعـــذرينــه يمه السنه مــــا وصلناچ
الشماته بضريحچ يزينب يضحكون

هظمه وعلي هظمه ،،، يمه الصحن ضلمه
عــــذرينــه يـــايمه ،،، كل ساعـه هداد

لا واحــــــد يعينچ ،،، لا يـمچ احـســينچ
خلصت بچي سنينچ ،،، وحشه وعلي غاد

يزينب بابچ يسدونه كــل مغرب
يــزينب يمه حيـل الـــوادم اتعب
يزينب شيلي كلها ع الصحن تكتب

(( الله يساعد گلبچ ام عون ،،، ))

((ہہ᯽★★★᯽★★★᯽ہہ))

يكــون العليها عليه انـــــه الغــروب
تره الماله بالشام عرف والله منهوب
عمت عيني يمه ولا واحد اويـــــاچ
وعـــلــي يمه حطيتي علة بـالگلوب

اخــذيني يم بـــابچ ،،، كـون اشتم اترابچ
واسجد ع اعتـــابچ ،،، يـمـه السنه هـاي

اخذيني من روحي ،،، نـزفن تره اجروحي
رايــد اجي بنوحي ،،، اشتاگيت انة اهواي

اعــذرينه يــــزينـــب نتعذر منچ
بچي ماكو السنه يازينب بصحنچ
يموتنه الله بــــس لا نبتعد عنچ

(( الله يساعد گلبچ ام عون ،،، ))

((ہہ᯽★★★᯽★★★᯽ہہ))

اريــد البس اسود واصب راسي بتراب
تلومون تلومون عليمن اذا شگ الاثياب
غـريـبـه تـره ام عـــــــون ولا يمها نغـار
عمت عيني يمه علينه انسد البــــــــــاب

الما فـــاگد العشره ،،، والما سحگ جمره
ولا راكـض بصحره ،،، لا يحچي ب ام عون

ستر الله مچتوفــه ،،، عــالناگــه للكوفــه
والكـافــل اچفوفــه ،،، مگطوعـه تــــدرون

ييمه اليا وكت تبقين بــالغربه
اليطب الشام مايندل بعد دربه
ييمه الما يــزورچ يحترگ گلبه

(( الله يساعد گلبچ ام عون ،،، ))

((ہہ᯽★★★᯽★★★᯽ہہ))

للـخـادم
مـقتـدى سـالـم

الخادم // محمد العامري

https://t.me/hskggdysu

عليمن تفرح بـــراس السنه الوادم
وعزيز الزهره عـاري ع الترب نايم
مـــو يــوم وسنه فاتحته ماتخلص
عــزاء ابـــن الزچيه للاَبــــــد دايم

يا راس السنه ،،، وراسه ع الرمح
مو ثوب الخدم ،،، تضحك للصبح
راحتــنــه اللطم ،،،، ا يـــلمنــذبـح

خلها تحچي الناس ماهمنه الحچي
احنه راحتنه وعلـي بــس بــالبچي
شنهي راس السنه وراسه ع الرمح
حسين فوگه الخيل بالطف تنتچي

(( حـسيـن يـا أبـاعـبـداللّْه ،،، ))

((ہہ᯽★★★᯽★★★᯽ہہ))

اذا صـاحـب زمـانـك يبچي يوميه
عليمن تـفــرح وعــمـــاتـــه مسبيه
يافشلتنه مــــن الــــزهـره يا فشله
وحسين انــــذبــح ما شـارب اميه

يصخام الـوجـه ،،، زينـب ع الهزل
يــاكسرت ضهر ،،، تـــنجــر بحبــل
لا تبـــــرد ابـــد ،،، ياگلـبـي اشتعل

الــراحـه للمرتـــاح گلبه مـــو الـي
زينــب بـــــسد الهـزل تغفه هلـي
اليفرح وزينب غريبه ابلا وطـــن
مـــن يطيح ابشده لا يندب علـي

(( حـسيـن يـا أبـاعـبـداللّْه ،،، ))

((ہہ᯽★★★᯽★★★᯽ہہ))

السنه بمجلس حبيب الزهره ابديها
وعين المابچت لمصابــــــــه اعميها
الفرح مو من نصيب المحترگ گلبه
سواد اهدومي انــــه اتكشخت بيها

انــــه المحترگ ،،، گلبـــه ع الخيم
ارد اگضي العمر ،،، اخدم بـ الخدم
المجلس فرحتي،،،جرني من العدم

انــــه مـــــرتــاح بگلب يلهب جمر
غير امامي اعله الرمـل دَمــه يخر
اليفرح ابراس السنه بــــــارد گلب
گلبي انـــــه امنيتي مــــايبرد عمر

(( حـسيـن يـا أبـاعـبـداللّْه ،،، ))

((ہہ᯽★★★᯽★★★᯽ہہ))

ياهو عله اخته بيكم طايحه الخيمه
مـــرتــاحيــن واخت حسين بالهيمه
محد يقبل اختــــــه تنسبي بنــاگــه
زيــنب مر عليها العــاشـــــر وضيمه

جيب اليقتنع ،،، زيـنـــب انـسبت
مچتوفه بحبل ،،، عالناگـه اركبت
مـــن بلد البلد ،،، يـاويـلــي مشت

الـفـرح الكم انـه خلوني احتــرگ
هيه هينه حسين بالطف ينسحگ
عميه عين الخيل وعيون الـــزلم
كلها فوگ حسين مــات ومختنگ

(( حـسيـن يـا أبـاعـبـداللّْه ،،، ))

((ہہ᯽★★★᯽★★★᯽ہہ))

للـخـادم ،،، ✍️
مـقتـدى سـالـم

إن   كان   عندك   عبرة   تجريها   فانزل  بأرض  الطف  كي  نسقيها 
فعسى  نبل  بها   مضاجع   صفوة   مـا   بلت   الأكباد   من   جاريها

يـــابـس گلب حسين وضامي
وشــــدوهـــا اعيون السحگنه
غط بــــــالـرمـل يـامت عيني
عشره اخيــــــول الـــــــداسنه

مــره تگلبه الخيــــــل الضهره
ومـــــره تگلبه الخيل الصدره
،،، متروسه اعيونه اتراب

هـــــــذا يطگه وذاك يجــــره
واحـــــــد يرفس ضل بنحره
،،، يضحك ومتاني السلاب

(( زيـنـب يـاغـريـبـة ... زيـنـب يـاغـريـبـة ))

((ہہ᯽★★★᯽★★★᯽ہہ))

أيسوقها زجر بضرب متونها
والشمر يحدوها بسب أبيها
عجباً لها بالأمس أنت تصونها
والـيــوم ال أميــه تبديها

المن چف حيدر ليد الكافل
طلعت مچتوفه من الخيمه
الما طالــع حتى اخيال الها
من بيت الله اتضيع ابهيمه

بالخيمه وطلعت مختنگه
مو ماي ايطفي المحترگه
،،، بتراب اطفي ام عون

صاحت محد بيكم يفزع
يخواني الماطلعت تطلع
،،، ماترهم هاي اشلون

(( زيـنـب يـاغـريـبـة ... زيـنـب يـاغـريـبـة ))

((ہہ᯽★★★᯽★★★᯽ہہ))

بأبي   التي  ورثت  مصائب  امها   فغدت    تقابلهـا   بصبر   أبيهـا
لم  تله  عن  جمع  العيال  وضمهم   بفراق    أخوتهـا    وفقد   بنيهـا

زينب طاحــت فــوگ اخـوتها
وبيا حـــــــــــال اتلاگت بيهم
محتــاره وَگفت بت ( حيدر )
صـاحت انــــه شبيدي اعليهم

السحگت فوگه اخيول اثگيله
تـالـــــي حسين بچفها اتشيله
،،، وزينب متعوبه اهواي

عــابــر صدره وضهره الحافر
منين اتلزمــه واشبر صـــايــر
،،، ويابس گلبه ع الماي

(( زيـنـب يـاغـريـبـة ... زيـنـب يـاغـريـبـة ))

((ہہ᯽★★★᯽★★★᯽ہہ))

ولقد  مررت  على  منازل   صفوة
ثقل   النبوة   كان   ألقي    فيهـا
فبكيت   حتى    خلتها    ستجيبني   ببكائهـا   حزنـا   على    أهليها

حجـــــاب السمه ام الخدر
زينب امـــيرة حــيــــــدره
دار الــوكــــــــــت وتغربت
بچف الشماتــــــــه اميسره

مسبيه ومــن ديــره الديره
زينب ضلت تـالــــي بحيره
مچتوفه وفروها بسوگ ،،،

ع النـاگــــه وتشگف بيديها
طـــاح احجار الشام اعليها
اتعب حيل النـــــــوگ ،،،

(( زيـنـب يـاغـريـبـة ... زيـنـب يـاغـريـبـة ))

((ہہ᯽★★★᯽★★★᯽ہہ))

كلام الفصيح //
للسيد المرحوم رضا الهندي (قدس)

كلام الشعبي // مـقتـدى سـالـم

يـــاموطن فقره ،،، يـاروح الزهره
يا أم اربــــع اقمار
باب الله الواسع ،،، يامأوى الضايع
يا مشكاة الانــوار
اكرم منچ ما شفنه ،،، الحبچ مأواه الجنه
يـ أم العباس يـ أم العباس

((ہہ᯽★★★᯽★★★᯽ہہ))

تسبيح الزهره احروفچ
سر حيدر بين اچفوفچ
كعبه ويـومـيه انطوفچ ،،، من نزور حسين

اهــل البيت يحبونچ
فاطم شافـو بعيونچ
يلمايفرغ مــاعـــونچ ،،، يا ركن الدين

ثابت ساس الدين بچفچ حبچ واجب ع الوادم
الرافع صيتچ يم الكافل چي خدامه انتي الفاطم
سر انتي ويصعب تفسيرچ يا أم وأب للخادم
حبچ واجــب يا مولاتي حيدر فـي حبچ هايم

مجازينه احسانچ ،،، موطن احضانچ
حضنچ بالفقره يضم
بــــابــــچ دگينه ،،، حــــــاشه تــردينه
للفــــقــره أب وأم
مولاتي ادخيلچ احنه ،،، الحبچ مأواه الجنه
يـ أم العباس يـ أم العباس

((ہہ᯽★★★᯽★★★᯽ہہ))

ســر ويصعب تفسيرچ
من خيرچ ياكل طيرچ
غرگانـــه الدنيا بخيرچ ،،، يا ام الخير

علمچ حيرها الـــــوادم
الدگ بابچ مارد نــــادم
يحبونــچ حــواء و آدم ،،، شتردين يصير

اربـع ولـدچ ماعزيتي واحــد عـن ابـن الزهره
شجره وطيبه تنگط غيره انطت لحسين الثمره
الله مخصص بابچ رحمه نطلب من عندچ نضره
دخيل اچفوفچ يامولاتي خيرچ واصل للصحره

شلتينه بعينچ ،،، فدوه الچفينچ
الدنيا وبيها الناس
ذكــرچ شاغلنه ،،، مثلچ ما شفنه
دخيلچ يـ أم العباس
نخدمچ ربچ خالقنه ،،، الحبچ مأواه الجنه
يـ أم العباس يـ أم العباس

((ہہ᯽★★★᯽★★★᯽ہہ))

ابــــابـــچ خلينه ابـابچ
رزقينــه انشم اتـــرابچ
نــوگــف نسجد لعتابچ ،،، الـحبچ ربحـان

الــدنيـا ابدونچ ماتسوه
علمتي اجيـــال الـخـوه
انـــــروح الچفچ فــدوه ،،، يـ ام الشجعان

مـاي بصحره وگلبچ خيمه موطن گلبچ للحاير
خيرچ مـاي تبده علينه فضلچ ع الــوادم دايـر
الكل يتمنه الكل امتاني يوصل يم گبرچ زايــر
من اكتب عنچ اخجل انه خاف انه بحقچ قاصر

بدويه وهيبه ،،، الحگ اتجيبه
غير مخلفه العباس
ياشارت حيدر ،،، يـ الماتتعذر
تاج انحطچ عالراس
بكل شده نشوفچ يمنه ،،، الحبچ مأواه الجنه
يـ أم العباس يـ أم العباس

((ہہ᯽★★★᯽★★★᯽ہہ))

حـــرز احروفچ ينحطن
ألينــــدب بسمچ يـــأمن
كـــنـــــــز الله الما يثمن ،،، بذكرچ اسرار

مـــــو دم انتي بشرياني
ذكـــــرچ دوم ع الساني
مــــــولاتي بحفظچ اني ،،، من الاشرار

رزقي اعيوني الدمعه وحرگه لمصاب حسينچ انعه
يامت عيني ميت ضامي وبالحافر رضو ضلعه
هل من ناصر صاح بهيمه مابيها الوادم فــزعه
فوگ الناگه الهظمت روحي زينب مچتوفه تودعه

رزقيني الدمعه ،،، ع المصابه وانعه
ويلاه يمصاب حسين
ياملجه روحي ،،، تتعافه جروحي
من تجري دموع العين
مجلس ابنچ يجمعنه ،،، الحبچ مأواه الجنه
يـ أم العباس يـ أم العباس

((ہہ᯽★★★᯽★★★᯽ہہ))

للـخـادم
مـقتـدى سـالـم

#مولاتي_ام_البنين_روحي_لها_الفداء

مشو كلهم سـوه
ضوه يتبع ضوه
من صدري شالو گلب ،،،
ضعن روحي طلع
انشلع گلبي انشلع
راحــو لــديـرة غــرب ،،،

مــن گلبي طلعو مـو مـن بيتي
يـاروحــي طلعـي المن ضليتي
الــديــره وحشـه اتنوح اعليهم
وياهـــم امشي چــــــانت نيتي

فارگوني ،،، ويـــــــــــــن الله ويردون اليه
فارگوني ،،، تطلع بدت روحي شويه شويه
فارگوني ،،، چندوب اضلن مــــــا ضل بيه

(( آلَسلَآمَ عٌلَى آلَحٌسيِّنِ وِعٌلَى ضّعٌنِ آلَحٌسيِّنِ ))

((ہہ᯽★★★᯽★★★᯽ہہ))

التعب مو مثل امس
گمـر يتبـــــــع شمس
اعيونـــي ويــاهـم مشن ،،،
صحـت محــد سـمع
دمـــــــع ردنــي نگع
الـــرمش شيب اندفــن ،،،

شصبر شتاني الـرايـــح غــالـي
مــا ونــدي اطبه البيت الخالـي
يادمعي كـــافــي تردهم صعبـه
تنوح المـدينــه النوحي وحالي

ماخذوني ،،، خلوني وحدي ابيت احزاني
ما خذوني ،،، چندوب اضلن چندوب اتاني
ماخذوني ،،، يــــــادنيا وَحد چا عنهم اني

(( آلَسلَآمَ عٌلَى آلَحٌسيِّنِ وِعٌلَى ضّعٌنِ آلَحٌسيِّنِ ))

((ہہ᯽★★★᯽★★★᯽ہہ))

الــمــوادع صــعـب
بقيت ابــــــلا گـلب
وجـع بيه ومـــــا احس ،،،

مــن اگوم ابيا علي
شيخلصها الــــــــي
خذت لــونــي الشمس ،،،

بگد مـــا اتــــانـــي تغِير لــــوني
حمره العبايـــــه ابلـون اعيـوني
غـالــي بضهر غــالــــي الـراحــو
وحــدي بقيت محدبــه امتوني

ودعوني ،،، منها وبـــــده الشيب بـراسي
ودعوني ،،، من صدري شالو حتى انفاسي
ودعوني ،،، همي وجروحي بثگل الرواسي

(( آلَسلَآمَ عٌلَى آلَحٌسيِّنِ وِعٌلَى ضّعٌنِ آلَحٌسيِّنِ ))

((ہہ᯽★★★᯽★★★᯽ہہ))

الگلب المن يــــدگ
بديت انـــه اختنگ
مـابيـــه اجـــــــر النفس ،،،
صفيت ويه الـدمـع
بعد مـــــــــا نجتمع
حـــزن بيتي انتــــــرس ،،،

التـارس مـحنــه البيـت امسافـر
من عندي كاسر مو بس خــاطـر
ضهري بغيابــه حسين الغالــــــي
مت عيني راح يدوسه الحافـــر

يامصيبه ،،، ادوس ع صدره خيول الثگيله
يامصيبه ،،، واعله الاميــــره يصعب شيله
يامصيبه ،،، تصعد اميــره الناگـه الهــزيله

(( آلَسلَآمَ عٌلَى آلَحٌسيِّنِ وِعٌلَى ضّعٌنِ آلَحٌسيِّنِ ))

((ہہ᯽★★★᯽★★★᯽ہہ))

الـخـادم
مـقتـدى سـالـم

#انقذني_دخيلك


وين ما بالدنيا مجلس حافــــي اركض اعتنيله
احسبني خادم لاتهدني حسين احلفك بالعقيله
انــــه غير دمـــوع عيني حسين ماعندي وسيله
مـــن تضيگ الــــــدنيا بيه ماكو غيرك اشتكيله

اعتذر عــن ذكـــرياتي تفشل اهواي
لو صدگ مولاي احبك ابچي عالماي
عبد ضايــــــــع يلتفت محد اليه ...
لاتهد ايــدي اخــاف اهـــواي مولاي


(( ...أدَرِك قَلبيّ المُتعَبْ ، يَامُولايّ . ))

((ہہ᯽★★★᯽★★★᯽ہہ))

ابير الذنوب انه غارگ انقذني مولاي برحمتك
احسبني جاهل وعفي عني طهر انفاسي بنسمتك
نـــدم شايل وعتذرلك عن سنيني الماخدمتك
هيه مــــــن الله المحبه والله رازقني محبتك

انه مـو گد خــادم الكم اعمه گلبي
بمغريات الدنيا لاهي غــرني ذنبي
التفتلي حسين يامولاي اضيعن ...
الشيب اخذني والضلام مغطي دربي

(( ...أدَرِك قَلبيّ المُتعَبْ ، يَامُولايّ . ))

((ہہ᯽★★★᯽★★★᯽ہہ))

عايش ع الله وخدمتك حسين ما يجازه خيرك
امداها اعيوني بيدي اطفيها اذا تبچي ع غيرك
بكهف حبك يـــامــلاذي حسيــن لا تعتق اسيرك
ياهــــو مثلك مثلي يقبل انت بــس الله چبيرك

حسين شتفيد الندامه الشيب اخذني
عبدك وعــــــاقبني بــــس لا لا تهدني
انطيني فرصه مالي غيرك ياملاذي ...
يــــاهـــــو يقبل بيه اذا گلبك طردني

(( ...أدَرِك قَلبيّ المُتعَبْ ، يَامُولايّ . ))

((ہہ᯽★★★᯽★★★᯽ہہ))

حاشه تطرد عبد نادم وانت تبچي ع اليذبحك
لحر گطع ماي الله عنك من اجالك انت تضحك
احن من امي عليه حسين اريد ابچي ع رمحك
انـــه بذنوبي اهزه حسين مـــــن يهتز يجرحك

سنين عمري الماعشتها ويـــاك نادم
اشگد چبيره من تگول الناس خادم
شهره مــادور وحگ دمعت رقيه ...
يزول كلشي ومجلسك مولاي دايم

(( ...أدَرِك قَلبيّ المُتعَبْ ، يَامُولايّ . ))

((ہہ᯽★★★᯽★★★᯽ہہ))

بـيـك لهيـنــي حبيـبـي غيــر راحــه التـعـب يمك
عندي واهس اگضي عمري حسين يامولاي اخدمك
كلشي ما اريد بحياتي عليه بس ترضه انت امك
اشگد عصيتك واشگد اذنب ماگلتلي بيوم اندمك

شرف اخدم واكنس اباب المجالس
رايـــد اكشخ سيدي بسود الملابس
شدني لو ناوي ارتخي بحبل المخيم
صدري ادگه العمر كله عندي واهس

(( ...أدَرِك قَلبيّ المُتعَبْ ، يَامُولايّ . ))

((ہہ᯽★★★᯽★★★᯽ہہ))

للـخـادم
مـقتـدى سـالـم

#مولاتي_الزهراء_ع


دفعو البــــــاب وصحت
لحگي يــــــــافضه متت طاح ابني

بعيني سطروني وطحت
لبني مـــــــــــا بيه التفت راح مني

فضه وي الحايط انــــه طبگوني
الباب الثگيل اندفع طيَح امتوني

طـاح ابـنـي ... طـاح ابـنـي

((ہہ᯽★★★᯽★★★᯽ہہ))

البـــاب اثگيله عليه اندفعت
اضلوعي اسمعهن لمن طگت
ابنار الباب اچفوفي احترگت ... لحگيني ابساع

فضه البسمار احــمـر لـــونـــه
يچوي ع اضلوعي يدفعونـــه
واصــــل وي محسن لعيونـــه ... هداء للگاع

الباب من اجذوع كله عليه طايح
فضه والبسمار حفره بصدري فاتح
طاح محسن للارض وبدمه سابح

عليـــه مــالحگ شبگ
بأذني اسمعنه شهگ ... عينه غمضت

النـــــار لاحت رگبته
امـــه يرفس شافته ... روحه طلعت

عليه يافضه التفت من يضربوني
الباب الثگيل اندفع طيح امتوني

طـاح ابـنـي ... طـاح ابـنـي

((ہہ᯽★★★᯽★★★᯽ہہ))

راس البسمـار بنـص گـلبي
وصلت نــــــار الباب اركبي
ضلمه الـــدنيا بعيني وربي ... يشهد ع الصار

حمره اعيونــي وينزف دمي
اجذوع اشتعلت كلها بهدمي
يسعر جمر البــــــاب بجدمي ... شيطفي النار

واحــد يجرني ويجي الثاني يطگني
وعله عيني من صحت فضه صفعني
وطحت للگاع واجـــه الثالث رفسني

چفه بعيونـــي انطبع
رمشي حسيت انشلع حمره عيني

يــــرفس الباب بحقد
يستراح وهــــــم يرد طيـح ابني

فضه مـــــابيه بعد افتح اعيوني
الباب الثگيل اندفع طيح امتوني

طـاح ابـنـي ... طـاح ابـنـي

((ہہ᯽★★★᯽★★★᯽ہہ))

بــــالـگـــوه اتنفـس مــختنگه
تطلع روحي من اشهگ شهگه
الماكل مـــــن خبزتنه يحرگه ... اعليه الباب

اجـذوع الباب مـــدخنه عليه
الحرگوهــــــا اعليه اتلث ميه
هـــــــــــــذا اليدفع ويجر بيه ... چانو اصحاب

ايــدي مـا اگدر اگـوم الى ع ضلعي
فضه والمكسور ضلعه يموت يدعي
امســح بدمي يفضه ويجري دمعي

سابحه بفيض الـــدمه
كلميني فــــــــــــاطمه ... صاحلي حسين

بحجرتي ومحد يطب
خــــايفه اكسرلي گلب ... ولــــدي الاثنين

بحالي يافضه الصعب لا يشوفوني
الباب الثگيل اندفع طيح امتوني

طـاح ابـنـي ... طـاح ابـنـي

((ہہ᯽★★★᯽★★★᯽ہہ))

امسح دمي الفوگ السبحه
گــوه اچفوفي اتفر الــرحه
لا ميته ولا طايـب جـرحه ... ضلعي المكسور

صــار اشگد ماشبگو حضني
ولــــدي ازغــار انحرمو مني
يــــــــــــوميــه معذبهم وَني ... دلالي يفور

عيني زرگـــــه وعنهم ابيدي اضمها
زينب وفوگ الشهر ما حضنت امها
فضه يافضه تـــــره اصوابي لجمها

زينـــب اشتــاگــت الي
انطيني من حيلك علي ... خايف اتموت

اوشاله حيلي وحــدبت
اخيال من امشي صرت ... بيتي تـابوت

أخر ايـــــام العمر الليله ودعوني
الباب الثگيل اندفع طيح امتوني

طـاح ابـنـي ... طـاح ابـنـي

((ہہ᯽★★★᯽★★★᯽ہہ))

خـادمـهـم
مـقتـدى سـالـم

#لمولاي_الغريب_القاسم_ع


ياخو الرضا ...انطيني من صبرك صبر
ياخو الرضا ... ارد اگضي ويــاك العمر
غـــريـب ،،،
ياخو الرضا ... لا تترك ايدي انه اضيع
ياخو الرضا ... مولاي احلفك بالرضيع
غـــريـب ،،،

مـــــولاي اجيت اتوسلك
مــــــن دنيتي گلبي هلك
من ايدي اخذني العالمك
واحسبني خَدام انـه الك ...

بسد رحمتك ... انه لايذ
،،، يامــــلاذ الحائرين
ترضه عني ... الزهره ترضه
،،، وانقبل عند الحسين
لاتهدنــــي ... رايــد اگضي
،،، سيدي اوياك السنين

(( ... السلام عليك .. ياقاسم العطاء ))

((ہہ᯽★★★᯽★★★᯽ہہ))

ياخو الرضا ... مــــولاي احلفك بالرضا
ياخو الرضا ... تغفرلي عـــن كل المضه
ذنــــوب ،،،
ياخو الرضا ... يــاسيـدي اعليــه التفت
ياخو الرضا ... بــــدنيا ومصايبها ضعت
ذنــــوب ،،،

عن غفلتي انه اعتذر
لاعندي حيله ولا عذر
بچيني لمصاب الخيم
والغربتـــك ابچي عمر

ادركلي گلبي ... گلبي متعب
لا تهد ايدي احير
انه ضايع ... مالي تالي
يمته يهتز الضمير
دروبي ضلمه ... دروبي صعبه
سيدي اعمه البصير

((... السلام عليك ... ياقاسم العطاء ))

((ہہ᯽★★★᯽★★★᯽ہہ))

ياخو الرضا ... من رحمتك خاف انطرد
ياخو الرضا ... عـــــن عبدك ايدك لا تهد
عــــــذاب ،،،
ياخو الرضا ... يــا ارحم مــــن اهلي الي
ياخو الرضا ... همي ع بـــابــــــك ينجلي
عـــــذاب ،،،

مــولاي اجيت من العدم
تحسبني اريد من الخدم
عيشني بجــــروح السبي
وجــازيني مـــولاي بألم

ما اگلك ... انــه قـاصـر
،،، انت اعـرف بالعبد
خيمه گلبك ... احتويني
،،، مـا رحم بيه البعد
بمجلس اهلك ... والغربتك
،،، حيلي للدمعه اشد

((... السلام عليك ... ياقاسم العطاء ))

((ہہ᯽★★★᯽★★★᯽ہہ))

ياخو الرضا ... اصعب جرح مـــا ينعقل
ياخو الرضا ... مچتوفــه زينب بـالحبل
جـــــــروح ،،،
ياخو الرضا ... ارزقــنـي دمعه ع الضعن
ياخو الرضا ... ويه الـذبـــح اهلك مشن
جــــــــروح ،،،

انعه المصــاب ام الخدر
سحگت اميــره ع الجمر
مــن حرگو اعليها الخيم
محتـــاره يــــــاهيمه تفر

العمته تطلع ... حافي تركض
،،، لنفس مــابـــي يـجـر
ياهــو يقبل ... عمته تطلع
،،، وي اجــــانب لليسر
والهزيــلــه ... بسدهـــا تغفه
،،، يا هضيمه ام الخدر

((... السلام عليك ... ياقاسم العطاء ))

((ہہ᯽★★★᯽★★★᯽ہہ))

رزق مولاي ابن الزهراء (ع) ...
خـادمهم
مـقتـدى سـالـم

#ثـگـيـل

الليله جمعه يا ابو صالح مارجـــــع منك خبر
اوشاله صبري وشوگي يكبر وين وداك الدهر
حيلي اخذتــه ياحبيبي وشيبي لهدومي عبر
يمتى اشوفك طيف مرني تَعبَن عيني الصور

نفرض اريد انه التقي اوياك
بلشام لــــو طف كربله الگاك
مــــولاي يمته اتسير بطيف
واگعد واسولف ضيم فرگاك

(( ياصاحب الزمان ... ياصاحب الزمان ))

((ہہ᯽★★★᯽★★★᯽ہہ))

طال الَغياب جرحي ما طاب ينزف بروحي الجرح
سهر ليلي اخيال صاير من البچي اعيوني ملح
ويـــن اروح ومالي غيرك ياهوى الله المايصح
سيدي ابيا ناس اعوضك انــت قـــــران الصبح

تبعدني عنك خــــــاف الايام
بچيني وحرگ گلبي ع الشام
انــه الموسيء الخايف ابيوم
مولاي اروح الدرب الاوهــام

(( ياصاحب الزمان ... ياصاحب الزمان ))

((ہہ᯽★★★᯽★★★᯽ہہ))

العمر يمشي وما اعرفه الموت ياساعه يجي
حمره عيني من البواچي تَعب اعيوني البچي
من اوگف الزم بيدي ضهري ع الحياطين انتچي
بيك اسولف ويه روحي المهدي ياملح الحچي

چندوب اضل امتاني چندوب
مـاعنــــدي انــــه صبر ايـــوب
ذابـــل خضاري وگلبي عطشان
فراگـــــك يعَور حيــل الاگلوب

(( ياصاحب الزمان ... ياصاحب الزمان ))

((ہہ᯽★★★᯽★★★᯽ہہ))

وين ادورك يـا ابــو صالح عليه يالمهدي التفت
ارد اشوفــــك صبري خلص سيدي ماضل وكت
بيه وصلت مــرحلــه انـه زغير عمري وحدبت
راسي ابيض ضهري مايــل زين عايش مامتت

الفــاگـــد ينــام اليــــل تعبان
ماجازي چفي من امشي حيطان
ساعي البريد اجروحي مولاي
هاك اخذه گلبي اهواي عطشان

(( ياصاحب الزمان ... ياصاحب الزمان ))

((ہہ᯽★★★᯽★★★᯽ہہ))

رزق مولاي ابن الزهراء (ع)

مـقتـدى سـالـم

#يـاخـذنـي_حـزنـك


اذنـــــب واتوباً ورجــــع لذنبي
مـن ايدي اخذني وادبلي گلبي
نـــدمــــان اجيتك دليني دربي
.... يـاحبيبي حسيـن

ضيعني ذنبي وحزنـــــك لگاني
مجلس عزاءك انــــــه احتواني
من گلبي اخدمك مو من لساني
.... يـاحبيبي حسيـن

احتويني ... كل وجودي
انه مخلوق الخدمتك

مني اخذني ... مالي تالي
انه اضيع ابلا محبتك

احسبني خادم ... ياحبيبي
خيري كل خيري نعمتك

لعالم خدمتك مـــولاي اخذني
بسن الطفولــــه وحبك جذبني
صح انــــه مذنب غافل حبيبي
بــــس انـــه غيرك محد يهمني

(( حسـين يـا ابـاعبـداللّه ... ))

((ہہ᯽★★★᯽★★★᯽ہہ))

عـالم خدمتك مـوطن روحي
نـــاذر دمعتي ونــــاذر نوحي
لحزنك حبيبي تميل اجروحي
.... يـاحبيبي حسيـن

حبــك مـلاذي بطيش اسنيني
بس انت حبك تــــارس عيني
ماعندي ثانـــــي غير احسيني
.... يـاحبيبي حسيـن

يـاملاذي ... المالي غيره
العايش ع الله وخدمته

عبدك اني ... ابابك اخدم
گـلبـك العـبــدك فتحته

انطيني ايدك ... لاتهدني
گلبي ما لحضه كسرته

يـــوميـه اذنب وابچي اشتكيلك
چنــدوب اگـــلك تــايــب دخيلك
تسامحني ورجــع بدروبي ضلمه
بــــس ماتردني انــه مــن اجيلك

(( حسـين يـا ابـاعبـداللّه ... ))

((ہہ᯽★★★᯽★★★᯽ہہ))

انــــه الموسيء الگلبه قــــاسي
شايـــل حبيبي الدنيا ع راسي
وبگلبي شايــــــل هَــم ومئآسي
.... يـاحبيبي حسيــن

همي بذنوبي وماهمني اخدمك
هيه المصيبه بذنوبــــي الچمك
مـــــــولاي احلفك بالزهره امك
.... يـاحبيبي حسيــن

ترضه عني ... نادم اني
عن ضياعي انه اعتذر

ابلا وجودك ... كلشي باهت
عندي مــايسوه العمر

مالي غيرك ... سر نجاتي
اسمك اجمل كــل ذكر

دمعي المصابك بـــــاب الطهاره
راح اگضي عمري خدمه وزياره
صحنك ملاذي بــــاب الله بابك
بــالحضره يرجع گلبي الخضاره

(( حسـين يـا ابـاعبـداللّه ... ))

((ہہ᯽★★★᯽★★★᯽ہہ))

فوگ الترايب صــــاير منامك
حط ع جـرحي جمرة خيامك
من عندي اخذني لعالم غرامك
.... يـاحبيبي حسيـن

ياخذني حزنك وانعه المصابك
بشمس الضهاري امسلبه اثيابك
يكسرني جرحك وابچي ع بابك
.... يـاحبيبي حسيـن

بلحوافـــر ... ياهضيمه
نعمت الله تنسحگ

من جروحك ... من سهامك
صعبه صاير تنشبگ

ياهو مثلك ... ياهو قبلك
وانت ميت مختنگ

من ايدي اخذني الحزنك اسافر
كــــون ع صدري ادوس الحوافر
ليليه دمـعــي الغربت بنــــاتــــك
راحــــه بدمعتي مــــولاي اساهر

(( حسـين يـا ابـاعبـداللّه ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم

#لمولاي_بقية_الزهراء_ع


بيا هيمه عايش يـا وطن
وحدك غريب ابن الحسن
مــن ثيابك يطيح الـدمـع
نــــار بدليــلك ع الضـعـن

شايل جرح ما ينحمل صاير خيال من السهر
مـــن الدمع يالمنتظر ماضـل بعد عندك نضر
بنــار المخيم محترگ بيك الجرح اين استقر

تعبان يا ابــــــو الحيل تعبان
عطشان مثل حسين عطشان
يالمهدي يطلع شيبه بــالثوب
العنده عمه تفوت ديــــــــوان

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

بالگوه مـن تمشي صرت
شصايــر حبيبي وحدبت
غـــربت مــــداليل الخيم
يالمهدي زيـــن وما متت

عماتــك ابين الـــزلـــم طلعن ركـــض يتعثرن
عاميهن ارمــاد الخيم بذيچ الصحاري اتسلبن
جدامك الطف انعرض ومن طبن بقصر المحن

للشام وصلن ويـلـي للــــشام
بالضعن تمشي الروس جدام
اصعب جــرح مـا ينعقل دوم
فــــــوگ الترايب زينب اتنام

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

العنده غــالي عـ الــــرمح
مـايـبرد بگلبـــه الجــــرح
مــا ينشف ابعينك دمـــع
امتعبك اهـــواي الــذبــح

المسبيه عماته بهزل من يمشي ايده ع الضهر
محني ويجر گوه النفس امذبل اعيونه السهر
صبرك خلص يـ ابن الحسن ياسيدي شابع قهر

من تمشي ايدك فوگ الاصفاح
يــايــوم يامـــولاي تـــرتــــــاح
متعوب چنك غصن مكســـــور
ع المسبي راسه بحضن الارماح

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

يالمهدي من كسر الضلع
ما فارگ اعيونـــك دمـع
حـالك صعب مـــا ينعقل
يــــــوميــه گلبك منفجع

ابروحك اجـــروح السبي شايل مصايب كربله
من المغرب المغرب تون شمسويه بيك العايله
بيدك يصب دمعك دمــه عمرك دموعك هامله

مـذبـوح مــن العطش مولاي
عطشان گلبك حيــــــل للماي
من تذكر اشصاير بـ الاطفال
يالمهدي گلبك يوگف اهـواي

(( يـ ابن فاطم سيدي العجل ...))

((ہہ᯽★★★᯽★★★᯽ہہ))

للـخـادم
مـقتـدى سـالـم

#مولاي_الامام_الحسين_يخاطب_علي_الاكبر_ع


زين بويـه وضال عايش
مــن وصلتك حيلي راح
گـــوم يمتعب عـمـامــك
گلبي قبل ادموعي طاح
ايــد بمتون ابـو فـاضل
وايد بويــــه ع الصفاح

بـويه من الخيمه اجيتك الف عثره
گـــوه اركض والجدم بالگوه اجــره
هــــــاي اول مره گلبي انـــه تكسره
عليك بويـه بكل عزيز احچيلي مره

مـــــن بين الزلم شلتك
الخيل اهواي ساحگتك
لميتــك وذر بيـــــــــدي
يبني تموت مـــو وكتك

(( عـلـي بـويـه عـلـي ... ))

((ہہ᯽★★★᯽★★★᯽ہہ))

اسحل ابــروحــي اجيتك
اگــبــال خلگ الله اعثرت
اشمتو بـيــــه وضحكـهـم
زيـــن بـويـــه ومــــا متت
فوگك انــــه مـــــــن المهر
اعلـــه وجهي انـــه طحت

الشيلت اجــدامـي بـعــد مـابيـه حيل
بـويه لميتك عـلـي من احوافر الخيل
يــاعـزيـز امــــك تگوم الـــدنــيــا ليل
تــرضـه ابـــوك اگــبـال عـدوانه يميل

امفرع بـويـه واتحسر
اگـعـد هـــــــــا يلموذر
يبني اتحيرت حــيــره
منَ المك ليـــش تطشر

(( عـلـي بـويـه عـلـي ... ))

((ہہ᯽★★★᯽★★★᯽ہہ))

بـاچـر احـتـــــاج اليلمني
الخيل تشلع بويه صدري
انــــه اليكرهونـــه اكثــر
دوس يشبع يبني ضهري
مو وكت موتك يـ الاكبر
بـالـتـراب يــــروح نحري

انــه شلتك يبني وانـــــه تشيله زينب
تطلع ومچتوفــه اديـــهـا اعليه تنحب
ادور ابـــيــــن الجثــث والخيمه تلهب
عليه بويه الخيل بـــاچـــر انـــه تلعب

يذبني الحـافـر الحــافر
والضهري السهم عـابـــر
شيبـي يـچلـب ابنحـري
وكلساع ابسهم عــاثـــر

(( عـلـي بـويـه عـلـي ... ))

((ہہ᯽★★★᯽★★★᯽ہہ))

وحدي باچر يبني حاير
للخيم والكــم شــصـيـر
بويه هــاي اعليه صعبه
زيــنــب بهيمه تـــحـيـر
من السحگ يابويه باچر
لگبــري انشـــال بحصير

يصير موتي سيوف وحجـار وسحگ
صعبه اصير امن السهام انــه انشبگ
شــلـون بــــــويـه انطاك گلبك نفترگ
النفس يطلع صـعـــبه مــــــن ينشهگ

حسين بطيحت اصحابـه
بـــــــاچــر كـلهـا طـــلابـه
محد يـــــفـــزع اعـلـيـــه
التـــفـــزع كلها ســــلابـه

(( عـلـي بـويـه عـلـي ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم

#مـولاتـي_فاطمة_الـزهـراء_ع


ادعي موتني يــربي
واصل البسمار گلبي
خدي مسطور ... ضلعي مكسور
گوه اجرن بالنفس
الباب الثگيل ... انـــدفـع حيل
بضلعي بسمار انغرس

((ہہ᯽★★★᯽★★★᯽ہہ))

من اشهگ الزم ضلعي بيدي حيل يلچمني الضلع
يــــــوصل البسمار گلبــه البـــــاب العلي ينـــدفع
ايـــد فوگ اضلوعي اخلي وايــــد امسح بالدمع

ثگيله حيل الباب وندفعت عليه
حيل مابيه احـــــــرك حتى اديه
يستجاب اليدعي ربـــه المغربيه
وانـــــه ادعي ربي عجلي المنيه

حسين يلچمني بدمعته
ضلعي يوجعني وشبگته
ضلعي مجروح ... طلعت الروح
حضني بدموعه انترس
الباب الثگيل ... انـــدفـع حيل
بضلعي بسمار انغرس

((ہہ᯽★★★᯽★★★᯽ہہ))

صحت فاطم (وأن) گالو گطعت گلبي الـ وأن
نار وسياط ع بـــابـي وانــــه خلف الباب اون
الحاجب من السطره طابگ ياخلگ وي الجفن

گــــوه اشهگ والنفس گــــــوه اجره
گوه اغمض عيني انـه بعيني سطره
والحسن بدموعـه ضل گلبي يكسره
اوشاله حيلي ياخلگ ضلعي شيجبره

الباب ع الحايط طبگني
اندفـع حـيــــل وخنگني
طحت للگاع ... ماكو فزاع
يلحگ بضلعي انرفس
الباب الثگيل ... اندفع حيل
بضلعي بسمار انغرس

((ہہ᯽★★★᯽★★★᯽ہہ))

النار تلهب والخنگني حــــيل دخـــــان الحرگ
لــــذت خلف الـبـاب عنهم والهوه مـــا ينشهگ
الباب حيل اثگيل وزنه بضهري محسن ينطبگ

طاح محسن حتى مالحگت اشمه
دنگت بلشيله امسح نَـــــــزف دمه
بهيده خليت ايدي فوگه لا الچمه
مــات ابني ومــــا نطق كلمة ييمه

شلته من الگاع بيدي
والدمـع سال ع خدي
مات مخنوگ ... گلبه محروگ
والدم بخده يبس
الباب الثگيل ... انـدفــع حيل
بضلعي بسمار انغرس

((ہہ᯽★★★᯽★★★᯽ہہ))

گوه اگوم اتوضه اصلي گعده اصلي انه صرت
ايد بالحايط مــــن امشي وايد بضلوعي وكت
زيــــن والله ونفس عندي ضال بيه ومــا متت

اخيال واتچه عله حايط راح حيلي
للصبح مــــن الـــوجع مـــــانام ليلي
بيدي اغمض اعيوني يلچمني دليلي
امسح بدمي ونـــــزف دمي بشليلي

الهيجت نـوحي اونيني
يـــمــه فــاطم كـــلميني
صحت يحسين ... تدمع العين
اشد من بابي الفرس
الباب الثگيل ... انـــدفع حيل
بضلعي بسمار انغرس

((ہہ᯽★★★᯽★★★᯽ہہ))

ضلوعي متكسره ولچمني حال الحسين وحسن
بحجرتـــي واسمع بچيهم گلبي يــاناس انطحن
ابــــــــــــاب حجرتهم مصيبه زينب وفضه بچن

أخر انفاسي وصحت يحسين يبني
يبوس اديه ومره يحضني ويشمني
بهيده شال ايده ورجع ليه وحضني
والحســـــن لازمني وبرجلي يحبني

اشتكيلــــه ويشتكيلي
شابگ ايدي ويندعيلي
يمه لو صاح ... گلبي يرتاح
حزني بگليبي انحبس
الباب الثگيل ... اندفع حيل
بضلعي بسمار انغرس

((ہہ᯽★★★᯽★★★᯽ہہ))

للـخـادم
مـقتـدى سـالـم

https://youtu.be/XJxB2vBHaII?si=DoEkd32QpCMl0uPK

#سـوالـف_خـادم

عندي قانون ... مايطب ثـانــي الگلب
انــه مجنون ... مثل عابس من يحب
للعشگ شــگ الملابس
انه عاشگ مثل عابس

((ہہ᯽★★★᯽★★★᯽ہہ))

بگلبي ما حط ثاني فوگ حسيني
هــوه بـس حسين تـــارس عيني
حسيـــن ديني ومبدئي وتكويني
الله لحسين وعـلـي مســــويني

من المهد راضع محبته
زلمه ســـواني بخدمته ... سيد الحب

صــوره بعيوني رسمته
وبلگلب اسمــــه نقشته ... سيد الحب

جوه ضلعي. مو گلب هوه اليدگ
انـــه طبعي. منسمع الخيل اختنگ
انسحگ عندي انه واهس
انــــه عاشگ مثل عابس

((ہہ᯽★★★᯽★★★᯽ہہ))

بعالم الـــذر وعشگته عشگ فطره
خيمه گلبه والبشر والدنيا صحره
بلا وجوده انــه مــــا اسوالي ذره
مايديــــر حسيـن للمحتاج ضهره

وطـــــــن گلبه للحياره
كلشي بـــالدنيا خساره ... الى حبه

التعب راحــــه بخدمته
عشگ فطره انه عشگته ... وطن گلبه

مالك الـــروح ... روحي مملوكه الة
دمعي والنوح ... للـــــــذبيح بكربله
اكشخ بجرحي وانافس
انه عاشگ مثل عـابس

((ہہ᯽★★★᯽★★★᯽ہہ))

ينطي كلشي لليمد ايــده ع بــابه
يـاهــو مثلــه يستر وسلبو ثيـــابه
يــاهو مثله نــــاذر الــربـــه شبابه
والله سوه الجنه لليبچي المصابه

الله حط الـدنيا بيده
لله ناذر چفه عضيده ... حبه واجب

اكتمال الـديــــن حبه
نــاذر اعيونــه لــــربه ... حبه واجب

حبه رحمه ... وحبه بس هوه الصدگ
المايخدمه ... اعمه گلبه مـــن العشگ
عشگي من لون النوارس
انه عاشگ مثل عــــابس

((ہہ᯽★★★᯽★★★᯽ہہ))

امـده اعيونـي اذا تبچي ع غيره
ياهو مثله ميت انشـال بحصيره
لليذبحه ولليطعنه ينطـي خــيره
الله حط الكـــون بچفوفه يديره

مـايهم چـان ع جرحه
عينه تدمع ع اليذبحه ... يـارحمته

احـن مــن امــي عليه
سـوه خير حسين بيه ... مـن خدمته

مـــن عرفته ... صــــار خير ابـراسي
ومن عشگته ... اغلى مــن كل ناسي
انسان سوتني المجالس
انــه عاشگ مثل عابس

((ہہ᯽★★★᯽★★★᯽ہہ))

اليل يشرب مــن ضـوه محبوبي
ومن ضواء يشرب سواد ادروبي
يـــاهــو مثله ساتر انــه اعيوبي
بيده مــــا اخجل يطيح اذنوبي

مالك اعيونـي وحياتـي
يحضر حسيـــن بمماتي ... يضوي گبري

عـــــــــازه عازتها دمعتي
الدمعه فانوس بوحشتي ... يضوي گبري

سر دمعتي ... الدمعه فانوس اللحد
وبـــغربتي ... حسين مثلك مــا اجد
بالگبر مـــولاي حـارس
انه عاشگ مثل عابس

((ہہ᯽★★★᯽★★★᯽ہہ))

للـخـادم
مـقتـدى سـالـم

رجفها الزلم مـــــن كر
طب المن ضهر حيدر
الحومه تريس اعليها
شـال الدنيا مـو خيبر

هيبه ... الطاير بالسمه يجيبه
حـار ومـن ضهر حـار
بمهره ... ولف اعمامته الخضره
حـيـدر چنـه من غـار
طبعه ... حسين بصدره مو درعه
مو من طبعه يندار

مدري شلون شايلته ... كاسر ضهر الكحيله
اليوم الفزعه جايبته ... امه وحـزمت حيله
يفدي حسين رايدته ... يلبسها الـزلـم شيله

(( الـسـاقـي ابـا الـفـضـل ... ))

((ہہ᯽★★★᯽★★★᯽ہہ))

محد يعبر حـــــدوده
غيرة حيــــدر وزوده
زلمه اليثبت اگـبـالـــه
شــال العكسر بجوده

قـائـد ... يشمر واحـد بـ واحد
عَـزب بالطف ارگـاب
اعيونه ... تخــزر مـن يلاگونه
الخزره تردهم اتراب
وينه ... اليوصل خيمت حسينه
طگ بـرمشه الانگاب

قائد عسكر حسينه ... اگباله القاده تنهان
يسطر بيده وبعينه ... عركـه وطبها فنان
الله مـحيـي چفينه ... يدير بچفه الاكوان

(( الـسـاقـي ابـا الـفـضـل ... ))

((ہہ᯽★★★᯽★★★᯽ہہ))

يگطع بـــــزره اليخزره
رد العسكــر بــــصــدره
ركضها الــزلـم ع الشط
ذب اليمنه ع اليســــره

كافل ... غيرة حيدره شايل
حنيت حاجبه اهلال
چفه ... طـب المعركـه بلهفه
طــف ابچفـه ينشال
بزغره ... سد الگنطره بزغره
اليثبت يمه رجـــال

عباس الحرب عيده ... اخياله يهَدم الحيل
حـــر يجيب البعيده ... طگ الخيل بالخيل
طگت حيـــدر ابيده ... يـبارز ويــن الثگيل

(( الـسـاقـي ابـا الـفـضـل ... ))

((ہہ᯽★★★᯽★★★᯽ہہ))

جــر احيودها بمهره
فــــارس محد يعبره
هــاشـم كلها عيالـــه
ازغرهم علي بضهره

قاده ... تكشخ كلها بــالســاده
رب المرجله اسبـــاع
حيدر ... ذوله المن ضهر حيدر
حگهم دوم مـا ضـاع
فحوله ... لعبو بالخصم جـولـه
فركو شارب الــــگـاع

زلمه اليشـرد بسيفه ... غير البرزو احيود
عباس الحچي بكيفه ... تارس جربته جنود
شتتهم اخــــذ حيفه ... راعي النخوه والزود

(( الـسـاقـي ابـا الـفـضـل ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم

الـدمعه بـ مجلس حسـين
فـانـوس اللحد ... 💔

#مـولانـه_ابـا_الـفـضـل


المرجف الــــزلـم ابـو فـاضـل
يطشرهـــا ويلـم ابـو فـاضـل
كلف حيد وشهم ابـو فـاضـل

يهيبة حـــيــدره ابـو فـاضـل
يسـبع الـگـنـطره ابـو فـاضـل
يحير الــنــاضره ابـو فـاضـل

باد حيل الجيش من طبها الگمر
طگها خـيــل بخيل ذبها ع النهر
حيـل الله وحـيـل حيــدر يمنته
ابـو فاضـل اول بـــراس السطر

كفهم السبعين الـــف
خشن عبــاس وكلف
من لكد مهره وبـــرز
غــرگت بسيل النزف

(( ابـو فـاضـل يـبـو فـاضـل ... ))

((ہہ᯽★★★᯽★★★᯽ہہ))


مهيـب بطــگته ابـو فـاضـل
تموت خــــزرته ابـو فـاضـل
شحلاتـه برايته ابـو فـاضـل

صنيـــع المرجله ابـو فـاضـل
يــحــل المعضله ابـو فـاضـل
على الـقــاده علة ابـو فـاضـل

رَكض الخيل ابــو فـاضل ع الركب
والزلـم شردت وتركض ع الــــرگب
بكيفه يـاخـذهــا ويطش بيها ويلم
گــاع الله تميل لــــــو سيفه غضب

طول ياخذها وعرض
مـــا تلحگ بـــالـركض
عــــركــــه طباها الگمر
تموت كلها ومــا تفض

(( ابـو فـاضـل يـبـو فـاضـل ... ))

((ہہ᯽★★★᯽★★★᯽ہہ))

يـــسگاي الخيم ابـو فـاضـل
يشيـــــال العلم ابـو فـاضـل
دخيله لـو هجم ابـو فـاضـل

يــركضهم زحف ابـو فـاضـل
يطگ الف بـالف ابـو فـاضـل
گمـر ماله وصف ابـو فـاضـل

راس طگ ابــراس شبعهم سـطـر
دخيل چفه ابـو فـــاضــل من يكر
الما تخاف اگبالـه مــــا ثبتت ابـــد
الزلم تركض واحــد بـواحــد يجر

دوم الاول بــالحرب
يغلب ومـــــا ينغلب
ضهر الحسين الگمر
سيفه يختار الصعب

(( ابـو فـاضـل يـبـو فـاضـل ... ))

((ہہ᯽★★★᯽★★★᯽ہہ))

ابن حامي الحمه ابـو فـاضـل
يــراعـي الموزمه ابـو فـاضـل
طبگ ارض بسمه ابـو فـاضـل

بــرز بيده اللـــوه ابـو فـاضـل
يطگ عشره سوه ابـو فـاضـل
علي وطب نينوه ابـو فـاضـل

بصدره اخذها وعالشوارب ضل يدوس
للخيم وصلت امطافرهـــــــا الـــــرَوس
خــــــوف البضهره يموت ابلا ذبــــــح
مـــن علي العباس مـاخذها الـــدروس

موش حي الله الذبح
بسيفه يختار الــوقح
هـاشمي بزغره شرس
لعبه بچفوفـــه الـرمح

(( ابـو فـاضـل يـبـو فـاضـل ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم

لحن قصيدة مولاي قمر بني هاشم .ع. 👆

#لمولاي_الـرضـا_ع


كبر شــــوگــي يـبو محمد
اطـــب يمتـى ارض مشهد
ازورك انــــــــــه چـا وحـد
... بقيت بحسرة ازياره

يضامــن يمتى تــــــرزقني
بضريحك كون افك حزني
دليـلـي وشــوگــي عـذبني
... الگلب مشتعله ناره

ياضامن ادموع الخلگ .. نيراني تسعر ماطفت
هلبت اجيلك لــو حلم .. عليك الغريبـه الحدبت
الصعدت هزل ماتنحمل.. بذيچ الصحاري اتعثرت

عليـــك زيـنـــــــب عمـتك
ارزقنــــي اوصل حضرتك
حـيـل مـــابـيـه انهدم ...
ضـامـــــي حيل الغـربـتك

(( يامولاي ياعلي ابن موسى الرضا ... ))

((ہہ᯽★★★᯽★★★᯽ہہ))

اَنــــه اچندوب الك ضامــي
تحقق يمتى الـــي احلامــي
ثگيـلــه اعــليـــه ايـــــامــي
... ازورك بالصور چندوب

يضامن كـــــــل گلــب حاير
اجيلك لـــــــــو حـلــــم زاير
اخافن موتــي لـــــو بـــاچـر
... التراب يصير الي ثوب

جندوب ازور بزايرك .. والحسره شبت بالگلب
وي ربعي عايش سيدي. بس انه احسن بالغرب
المغرب يجيني وانكسر..وعيوني دمعتها تصب

انـــت للضـايـــــع وطــن
يمته اوگــــف بــــالصحن
وانثر ادومـوعــي الك ...
سيـدي يــــــــا بـ الحسن

(( يامولاي ياعلي ابن موسى الرضا ... ))

((ہہ᯽★★★᯽★★★᯽ہہ))

غــريـب ابــديــــره مهـجـوره
ازورك لـيــلــي بـــــالـصـــوره
واغمض روحــــي مكســـوره
الـم ادمـــوعــي بــردانــي ...

حـلـم ياخذنــي يـم بــــابـك
اشمن ريحت اتــــــــــــرابـك
اريــــــد اسجـد ع اعتـــابـك
وحـيـد وشوگي بچانـــي ...

هلبت اجيلك سيدي ..من شوگي رايح احترگ
المن يعيش المايجي ..خل گلبه يــوگـف لايدگ
هوه اليزورك من يرد ..كل حيلي اشبگ بي شبگ

ربــعـــــي زارو مــــــــازرت
يـــاخـو معصومه شــوكـت
حـلمي يتحقق واجيـك ...
انـحـنـي ابــــابـــــــك ردت

(( يامولاي ياعلي ابن موسى الرضا ... ))

((ہہ᯽★★★᯽★★★᯽ہہ))

ازورك صــفـنــت الـمــغــرب
رسـايـل شـــــوگ الك اكتب
زيـــاره الحضـرتـك اطـــلب
ازورك لو حلم قابـل ...

غـربتـك تـاكــــــل بـروحـي
تهيـج حــزنـي وجـــروحـي
وبقيت بحسرتي ونـــوحـي
اخذني عليك ابو فاضل ...

شوگي الك ما ينوصف .. وعيوني ذبلها السهر
تعيرني روحي شأخرك ..ماتمشي وي هاي البشر
ليش انه من دون الخلگ .. مولاي ازورك بالصور

عــلـيـــــه زوارك تـــمـر
شــوگـــي يقبل ياعـذر
عـــن غـربـتك سولفو ..
ضلت ادمـوعــي تـخـر

(( يامولاي ياعلي ابن موسى الرضا ... ))

((ہہ᯽★★★᯽★★★᯽ہہ))

شـــــوگ الـــــزيـــــارة
مـقتـدى سـالـم

#لمولاي_قمر_بني_هاشم


العين ... عين الزهره عباس
بس بــــالعالـــي ينقـــاس
من يحچي ويه الحسين
دوم مدنگ الـــــــــــراس

بالتواضع ماله بــالــدنيـا مثيل
شما نسولف بيك يالكافل قليل
لبو فاضل الله مــا خالق شبيهَ
ما نقارن بيك واحــد مستحيل

عباس عباس ... تنومس الله بخلقه
عباس عباس ... خلقه فــــــن ودقه
عباس عباس ... عـلينه وزع غـيـره
عباس عباس ... احلـى اســم اَنطقه

(( يـا ابـا الـفـضـل يـاسـيـدي ... ))

((ہہ᯽★★★᯽★★★᯽ہہ))

البا ... بـــــا البسمله البا
عـبــــــــاس الله علا
محد مثله بـــــالكون
مــــن فوگ الله حيا

بخزرتـه العباس يذبحله الـــف
ياهــو مثله منين مـاتقراء كلف
ظل خياله يغطي كون بـ أكمله
حيل الله بچفه لا مالـــه وصف

عباس عباس ... سر صعب تفسيره
عباس عباس ... يــاچبير الــــــديره
عباس عباس ... ياجمال اعــيــونــه
عباس عباس ... هــــوه رب الغــيره

(( يـا ابـا الـفـضـل يـاسـيـدي ... ))

((ہہ᯽★★★᯽★★★᯽ہہ))

الاَلف ... أيه الاول انت
اسمك ســـر عشگتـه
جــودك يسگي غيره
يحيي الـروحه ميته

الگمره يمك تختفي وجهك گمر
مصنع الغيره ابــــو فاضل للبشر
شارتك تكتل دخيلك يــــا سخي
عطشوك وصـــار جـــــواك النهر

عباس عباس ... بـ الـصـــداره الاول
عباس عباس ... بكلشي انت الاجمل
عباس عباس ... غضـــب الله بچفك
عباس عباس ... دخيله لمن يـــزعل

(( يـا ابـا الـفـضـل يـاسـيـدي ... ))

((ہہ᯽★★★᯽★★★᯽ہہ))

السين ... سر بگلب الحسين
حـامي اضعونــه والـدين
قـائـــــد جيشه عـــبـــاس
انطه العينــــــــــه چـفـين

حـار وابن الحــــار ومدوخ الــزلم
المن ظهر حيـــدر طلع مــا ينلزم
ابوفاضل نص علي ونص الحسن
بشجاعـــــه وبـــالــكرم اول شهم

عباس عباس ... علينه مـــــاسد بابه
عباس عباس ... مـــــا يردلـه اطلابه
عباس عباس ... بــــالشدايد يحضر
عباس عباس ... الساقي احلى القابه

(( يـا ابـا الـفـضـل يـاسـيـدي ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم

#لسان_حـال_الـخـادم


شارد من ضياعي الكهف حزنك
رغم اذنوبي بيه انت قــــــــابل
امد ايدي الك وتمدلي ايـــــدك
اقبلني عبد سوه الذنب جـاهل

بيدك تكضني وارد لذنـــــوبي
ضلمه يامـــولاي حيل ادروبي
مقصر ومــــو گد خدمتك اني
مستحي وما تنعد انه اعيوبي

الزمني بيدك ... خــاف عنك ابتعد
صعبه يامولاي ارد ... خايف اهواي
وانت اقرب ... ليه من حبل الوريد
گلبي غيرك ما يريد ... انت مــولاي

(( مولاي مولاي يـا ابـاعبدالله ... ))

((ہہ᯽★★★᯽★★★᯽ہہ))

يلمجازيني بحنانك بيش اجازيك
ســاتـرني بثيابـــــك وانت عــاري
اخجل مــن حنانك سيدي اهواي
انه اليمته اضل بذنوبي واعذاري

انكسر يمته المصاب ايــتامك
واحترگ من اذكر انه اخيامك
سيدي ما اريده رزقي الراحـه
اقبلني ازغــر واحــد بخدامك

ارزقني حزنك ... وابچي لمصاب الضعن
عالمك احلى وطــن ... موطن جروح
اعذرني غـافـل ... انـــــــــــه شمقدم الك
مذنب انــه اتوسلك ... ارزقني بالنوح

(( مولاي مولاي يـا ابـاعبدالله ... ))

((ہہ᯽★★★᯽★★★᯽ہہ))

عن كلشي ابتعد خليني مولاي
ولهيني بجـــرح مـــايبرد بيوم
مثلك محد يلفيله مثلي انسان
غـــارگ بالذنوب وگلبه ملچوم

خيرك مغرگني الك شمقدم
مقصر ومو من گلب انه اخدم
چافي بيدي النعمه يابو النعمه
گلبي اعمه وللذنــب متحزم

اقبلني عبدك ... اعتذر عن الجره
قابل بكلشي اخسره ... وابقه وياك
انـــه احبــك ... حبك الجوه الضلع
واهس وياك الدمع ... رايـــد انعاك

(( مولاي مولاي يـا ابـاعبدالله ... ))

((ہہ᯽★★★᯽★★★᯽ہہ))

راح ابدي اخدمك واهدم اوهامي
وتــرك مغريات الـــدنيا والـوادم
مـــن حيلك اريد اشـويه تنطيني
علمني الادب واجـب لكل خادم

الخدمه اخلاق وتريد الواعي
وانــــت للخــــدام أب وراعي
التواضع واجبات الخـــــــادم
وانه للخدمه بتواضع سـاعي

الدنيا ضلمه ... دنيا من دونك عدم
وانت يحسين الاهم ... اهم واحد
كلشي صحره ... ابلا وجودك سيدي
بيك مولاي اقتدي ... الله شاهـــد

(( مولاي مولاي يـا ابـاعبدالله ... ))


((ہہ᯽★★★᯽★★★᯽ہہ))

للخادم
مـقتـدى سـالـم

مـولاتـي زينب عندما رجعت الى كربلاء


اجيت من الخرايب يمك حسين
مــو كواك حالـــي مــن الدواوين
رديت بضعن مابي رقيه اويـــاي
تعثر بــــالـــدرب جبت النساوين

وجع فرگاك اخذ حيلي
ع الهزلـــــــه نمت ليلي
يبعد اعيوني مــا تگعد
اگعد خـويــــــه تچيلي

اراويـك المتن لـــــو اثـــار الاحبال
لو حچيي الشماته الفشله من ينگال
يعگال العشيرة وطــــــاح العگـــال

(( يـاخـويـه حـسـيـن ... ))

((ہہ᯽★★★᯽★★★᯽ہہ))

خمسين العمر محد رحم حالـــي
اول مــــــره اطلع منشدهَ بـالـــي
دوهني الوكت ع الناگه مچتوفه
شلعان الگلب غربــه انـه تبرالـــي

رديـت بضعن حـــــايـر
يموت اشوالـه المسافـر
يـرجــــع محد امتانـــي
انـت وداسـك الحــافــر

تلگانـي بعد مـــــــا ضلت اجـــدام
شمسويه بـــأختكم طبت الــشـــام
بتراب الخرابــــــه مچتفه وتنــــام

(( يـاخـويـه حـسـيـن ... ))

((ہہ᯽★★★᯽★★★᯽ہہ))

عندي اعتاب الك يالتسوه الاعتاب
نامت خويه اختكم فـوگ الاتــراب
اخ الشــــــــــام بيه شسوه يحسين
صاحو بسمي خويه بسوگ الاجناب

ســوگ ويجمع الــوادم
واليحدي الضعن ضالـم
كلها تــــبـــاوع اعـليـنـه
نســوان الـ بني هــاشـم

اول مـــره اختـك بــــالــــحبـل تنجر
ومــــن الفشله حـتى اچتافـــي كزبر
والمايعرف اختك صاحوله بت حيدر

(( يـاخـويـه حـسـيـن ... ))

((ہہ᯽★★★᯽★★★᯽ہہ))

اطيح من الهزل لو صاحو بأسمي
يضربونـك يخويه ويحترگ دمي
فوگ ع الـرمـح وعيـونـــك اعليه
مو راسي انه شِيب يخوتي هدمي

يحسين انشلـع گــلبي
مــــا شوفن بعد دربي
عيوني ع الرمح تدمع
اموت اشوالي يــاربي

مشتاگـه الحچيكم خـويـه مشـتاگـه
وركــض للكفيل احچيلــه بـفــراگـه
وشمُر روحـــــي اله وانـه عالـــناگـه

(( يـاخـويـه حـسـيـن ... ))

((ہہ᯽★★★᯽★★★᯽ہہ))

للـخـادم
مـقتـدى سـالـم

https://youtu.be/HxdeaUylpaA?si=ri3ONwtG9iIy3SJL