لـ 𝒍𝒆𝒂𝒅𝒆𝒓 .

الليلة ولادة الامام علي بن ابي طالب عليه السلام.
بمثل هاي الايام من شهر رجب، 30 سنة بعد عام الفيل، راحت السيدة فاطمة بنت اسد سلام الله عليها تطوف حول الكعبة، وهي تطوف اجاها المخاض، فدعت الله سبحانه وتعالى، واذا بجدار الكعبة من المكان اللي يسمى "حائط المستجار" ينشق الجدار وتدخل السيد فاطمة سلام الله عليها، وتبقى 3 ايام في داخل الكعبة، وراها تطلع شايلة على ايدها اعظم انسان بعد رسول الله صلى الله عليه وآله، هذا الانسان اللي من اول عمره استلمه رسول الله صلى الله عليه وآله ورباه باخلاقه وجان يوكله بيده.

يوم 13 رجب انولد شخص شال الاسلام على جتافه، من صغر سنه جان يدافع عن الرسول صلى الله عليه وآله، جانت قريش يدزون اطفالهم ياذون الرسول، فالامام عليه السلام يلحكهم ويادبهم، وصلت بي المرحلة ينام بفارش النبي ويفتديه بنفسه، ومن بدت الغزوات جان اشجع الناس وسيفه جان يحمي الدين ويحمي النبي صلى الله عليه وآله، بحيث نزل الامين جبرئيل عليه السلام يكول "لا فتى الا علي لا سيف الا ذو الفقار".
وباروع الملاحم سطر تاريخ من الشجاعة ماله مثيل، وبعدما استشهد رسول الله صلى الله عليه وآله اخذ على عاتقه حمل الاسلام، وتحمل الاذى وشاف اللي شافه وتحمله في سبيل الاسلام، الى ان استشهد سلام الله عليه في بيت الله، انتقل الى جوار ربه من المكان اللي اجة منه، بداها ببيت الله وانهاها ببيت الله.

بالاخير، احنة هم لازم نصفن على نفسنا، نشوف تاريخ امير المؤمنين عليه السلام شلون قضى عمره الشريف لحظة لحظة في سبيل الاسلام وفي سبيل اني وياكم نبقى مسلمين ويوصلنا الدين الصحيح، شلون صمد هذا الانسان بكل هاي الشجاعة بوجه كل الضغوطات والاذية كله علمودنا وعلمود الاسلام والمسلمين، وهسة اجة دورنا احنا نكمل منهجه، من دراستنا من حياتنا كلها نخليها في سبيل الاسلام وفي سبيل الله، ورب العالمين يكول "فمن يعمل مثقال ذرة خيرا يره" حتى بيوم القيامة ان شاء الله نجي واحنا رافعين راسنا بانه اقتدينا بامامنا وسيدنا ومشينا على خطه، حتى ان شاء الله فعلا ننحسب من شيعته.

متباركين بهذا المولد المبارك، يعوده عليكم بالصحة والعافية والثبات على ولاية امير المؤمنين عليه السلام 🤍.

يا مُسهل الامور سَهل هذه الفترة ع قلوب احبابك 🤍.

الي ما يعرف "حَوقَل" ف يُقصد بيها :
لا حَوْلَ ولا قُوَّةَ إلَّا بالله العَليّ العظيم 🤍.

ف من تسمع "حَوقَلة" ، معناها : تَرْديد عِبارَة "لاَ حَوْلَ وَلاقُوَّةَ إِلاَّ بِاللَّهِ" .

‏هل تؤمن برسائل الله لك؟!‏
هذه رسالتك اليوم 🤍✨
سيجمعك اللَّه بما تَمنيته ، الله قادرٌ على أن يُغير قوانين الكَون كُلها لأجلِك وأجل دُعائِك الصادق من قلبك، إنهُ كَريم يخجل إذا رَفع أحدهم يَداه أن يَرُدها خائبة، يَخجل أن يخيب أمل من أحسن الظن به، فَاحلم بِما شِئت وتمنى ما شِئت، سيُدبرها اللَّه من حَيثُ لا تدري حتى وإن كان ما تتمناه شِبه مُستحِيل سيُعطيك اللَّه وسيدهشك بعطائه

- حَوقَل فإنَّها رافعة نافعة دافعة وكَنز من كنوز الجنة."

تطلع ٥ دقايق بره
ترجع تلكا اغراضك صايره غنائم حرب 😂

ماكو مُطر بـس برد فهذا الحل الانسب 🤣
@it4leader اكو اعتراض؟

اللهم خُذ مني حتى تَرضى 🤍.

- ﴿ وَآتَاكُم مِّن كُلِّ مَا سَأَلْتُمُوهُ ﴾ 🤍.

سوالف @itzHTHbot

النفسيه حرفيًا د تقره بالسالب

اي بالله ✨ .

أنا وقلبيّ مَحتاجين أيام حَلوه .

احلى شي بالشتا ، صَوت غَيث و مُطر 💆🏻🫀🤍.

بطبعي ، اكتب ايشي اشخبط المهم ما اسولف لاحد ، ف غالبًا اكو ورقه او دفتر بايدي ، ف اعتقد طلاب دفعتي يعرفون هل موقف .

قبل يمكن اسبوع ، جنا داخلين محاضره لماده ، وجان اكو هواي ضغط عليه بذاك اليوم ، ف جريت دفتري وبديت اكتب واني مو يم المحاضره ولا الدكتوره اصلا ، ف وصلت لاعنف جزء مدمرني هاي الفترا وجاي اكتب بيه ، وسبحان الله هيَ كالت "انتِ الي جاي تكتب ، كمل الشرح" ، حرفيًا كملت الشرح واني اصلا مو يمه بالي كله يم المشاكل .

كملت وعدت المحاضره ، لكن ما تحملت اشوف الورقه كدامي لزمتها وشمرتها ، ماعرف ممكن توكع بايد احد او يعني ، بس الطريقه صح مفيده لكن مؤلمه .

رباط سالفتنا ان تذكرت هل موقف لان وراها بيومين انحلت السالفه والحمدلله ، الامور ما تبقى ع حالها لكن مرات الانسان يبزع او طاقه حتى يكمل ماعنده .

https://t.me/it4leader/7582

قبل شوية شفت مقطع لشيخ يروي قصة شيخ ثاني .. المهم، يگول باحد فترات حياتي كتبت ورقة بيها كل مشاكلي اللي احس انُ صعب او مستحيل تحقيقها وتحتاج معجزة من رب العالمين حتى تصير .. خليتها بكتاب ونسيتها بعد ولا رجعتلها، ورا كم سنة وبالصدفة وگعت هاي الورقة من الكتاب وشلتها ومن قريتها .. استوعبت انُ كل المشاكل اللي چنت كاتبها وجنت اتوقع ما تتحقق الا بمعجزة هي رب العالمين حلها اليَّ والاشياء اللي چنت طالب انُ ينطينياها انطاني اضعافها .. فـ حجي ما تعرف رب العالمين شكاتبلك بعد كل مشكلة او ضائقة تمر بيها

مشكله حرفيًا من د افكر احس الطريق مسدود حتبقى هيج للابد ، ما عندك حل غير ان تحطها ع رب العالمين وتستمر هيج لحدما يصير شي انتَ ما متوقعه ويخرجك من هذا الشي .

وهذا اصعب شي يعيشه الإنسان ، مستقبله مجهول جدًا

https://t.me/it4leader/7578

الى اللا نهائيا وما بعدها ..
(من الظهر واني اريد اكتبها)

اني الى اين ؟ …

سبحان الي انطاني القوه والعقل والصبر والشغف ، حتى اكتب بهل قناه .

وسبحان الي اخذ كلشي مني ، ومالي طاقه لأي شي .
يا ضُعفك يا انسان ✨.

يمكن نص ساعة صافن بالرساله ، واتذكر شكد مرات جنت اكتب عن تجاربي واني بنفسي ما مقتنع بالرساله بس انشر ، وتقريبا ما اذكر اكو احد كالي اثر بيه هلشي قليل القليل كلش ومعدودين ع الاصابع .

بس هل رساله مختلفه ، اعتقد بسبب ان ذكرت التفاصيل ، شكرا ع كلامك الي يغير المود حرفياً 🤍.

واسئل رب العالمين ان يوفقك ويريح بالك اكثر واكثر وان ما يخليكم بحيره ، وان شاء الله هل ايام راجع للقناه بس دارتب كم شغله بحياتي 🤍.

من زمان بنفسي أشكرك بس شاء القدر وصارتلي ظروف

صراحة انت إنسان مبدع وكلامك بالقناة كثير أثر فيني بشهر الخامس كنت هوايه عاجزه وضايعه واحس أبواب الدنيا كلها نسدت بوجهي فقريت كلامك ع قناتك هذي وبعد اكو شخص هم عنده قناة سمعت كلامكم بوقتها وهوايه غيرني هذا الكلام ما كنت أعرف شنو يعني أتوكل ع الله وأسلم امري لرب العالمين ولا اعرف الثقه بقدرة الله ومعجزاته ولا ان الدعاء يغير الأحوال ويصنع المعجزات ولا انو كلما نبتعد عن ربنا وضعنا راح يتشتت ويتخلبط عشت شهور كثيره بشعور هوايه صعب كنت ضايعه عبارة عن جثه بلا مشاعر ما كنت اعرف انو الي ديصيرلي هو امتحان من رب العالمين ليا وأنو لازم اصبر وأنو اي شي يصير رب العالمين مقدره وأنو لازم ما نيأس ونتوكل ع الله وحتلو اشتد البلاء علينا ما كنت اعرف هيج كنت دائما أكول ليش رب العالمين يسويلنا هيجي بس حاليا اقتنعت انو اي شي يصير هو خير النا وعندي قناعة ورضا بربي كبيره ومتأكده وحاسه بعد هذا الصبر اكو نور بالنهايه واكو راحة واكو فرج وبيجي يوم راح أتعوض عن كل الي صارلي وع صبري وع الاحاسيس الي مايعلم بيها إلا الله وإذا العوض مو بالدنيا فيحكون بالاخره فأنت إنسان هوايه غيرتني هوايه دعيتلك وان شاء الله يا رب ترتاح بحياتك ويهون عليك كل شي ويبعد عنك كل شر

انتهى .

"هذا الطريق سنكملُه، لو قُتلنا جميعاً، لو استُشهدنا جميعاً، لو دُمّرت بيوتنا على رؤوسنا، لن نتخلّى عن خيار المقاومة الإسلاميّة."

حشرك الله مع جدك رسول الله "صلى الله عليه واله وسلم" .
و اشهد انك قد فُزت في هذه الدنيا الدَنيه .
في جنان الخُلد ان شاء الله 🖤.

صراحة درس اكثر من رائع ، ومفيد لدرجة ، خاصتاً هذا الوقت والزمان فوائد الصمت مهمة جداً ، وأيضا تطرق لـ موضوع "الاعجاب بالنفس" وشنو اضراره .

والمحاضرة 14 دقيقة "يادوب ربع ساعة" ، انصحكم بيها كلش ، وسماحة الشيخ الله يحفظة يوصل المعلومة بشكل حلو و قصصي لذالك انصحكم بيها .

وسلامتكم 🤍.

https://youtu.be/AhTdEiQBAAY?si=ZgCQzkpzzHIT9zUK

السلام عليكم ،
الحمدلله الي وفقني ونويت الزيارة لـ أمير المؤمين و الائمة من ولديه الأمام الحسين و اخيه ابا الفضل (سلام الله عليهم) بالنيابة عن مشتركين قناتي ، وما نسيتكم بالدعاء ، المهموم والي عندة ظروف و الي عندة دراسة ، والي بباله حاجة مستعصية ، وأيضا طلاب السادس الدور الثاني ، واخيرا تقربكم بالله يزيد 🤍.

و اسئل ربي العودة واياكم إلى مولاي أمير المؤمين ونجليه سلام الله عليهم .
وسلامتكم 🤍.

﴿ومن ثُم يَأتيكمُ مِنَ السماءِ رِزقَاً﴾

تائه في الـ لامكان 🙇🏻 .

‏﴿إِنْ أَحْسَنتُمْ أَحْسَنتُمْ لأَنفُسِكُمْ وَإِنْ أَسَأْتُمْ فَلَهَا﴾

ما يحتاج ترد ع ايشي واي شخص ، رب العالمين راح يرد ، مو بس ع الناس لالا ، راح يرد ع كلشي ياذيك من ظرف من فترة انتَ بيها ، سواء يرد بالعوض او راحة البال ، او حتى فقط يخليك تتخطى الي دتمر بي حالياً ، وتذكر دائما الصبر هوَ الي راح تتعوض عنه مثال ما كال رب العالمين ﴿وَبَشِّرِ الصَابِرِين﴾ .

وتذكر ، والله على كل شئ قدير .
وسلامتكم 🤍.

Channel created