فيه صح... وفيه أصح
🤔🤔جنى بنتي شخصيتها قوية جداااا. وعندها مهارات قيادية من صغرها. مختلفة ومتميزة. لما بتحط هدف في دماغها بتعرف تتفاوض وتحاور بلا تهاون ولا تراجع ولا إستسلام. وكل دي سمات جميلة جداااا أي إنسان نفسه يحقق نجاحات كبيرة في حياته في أي نطاق لازم يتسم بيها. لكن برغم كل العظمة دي جنى كانت أكتر حد في ولادي بيترفض ليها طلبات وبتبقى زعلانة وحاسة إنها مظلومة ومش واخده حقها أو إهتمام كافي زي إخواتها.
وكل ده بس بسبب إنها كانت بتمارس القدرات دي عليا في الأوقات الغلط. يعني في أخر ٥ دقايق في اليوم وأنا بنزيني خلص ومش قادر أتناقش. أو وأنا داخل إجتماع مهم أونلاين. أو خارج مستعجل علشان عندي معاد ومش حابب أتأخر عليه. وفضلت جنى مرة ورا التانية تبني جواها اعتقادات غلط عني وتكبر نظرية المؤامرة في دماغها لأن أفكارها وتحليلها لأسباب عدم تحقيق رغباتها كانت جوا دماغها هي بس ومش بتقولها.
وتمر الأيام وتتغير النتايج تماما. جنى بقت تعمل نفس الحاجات ، تطلب وتتفاوض وتصمم على اللي هي عاوزاه وتقنعني بيه وبقت أكتر حد في أخواتها عايش في الدلع. بتخرج وبتصرف وتدلع نفسها عالأخر. كل ده بس لما طبقت الحاجة الصح في الوقت الصح.
كتير مننا نفسه يوصل لمرحلة الحرية المالية ويبقى بيشتغل علشان هو حابب اللي بيعمله مش علشان مفروض عليه يقوم كل يوم الصبح يجري على أكل عيشه. وكتير مننا حقيقي بيبذل مجهود مضاعف ووقت حقيقي في حاجات صح جداااا ومهمة جداااا علشان يوصل للحرية المالية. لكن للأسف بيعمل الحاجات الصح دي في الوقت الغلط. فبتكون نتيجة مجهوداته ووقته إما عرقلة وبطأ في طريق زياده ونمو ثروته أو إنه بيخسر أي فلوس معاه مهما كانت مع الوقت ويفضل زي جنى بالظبط حاسس إنه بيتظلم أو بيسأل طول الوقت هو أنا ليه مش عارف أحسن وضعي المالي وأستريح شوية من الجري ورا رزقي طول الوقت وحاسس إني مش قادر أكمل.
التحدي الحقيقي إننا نقدر نوظف طاقتنا ووقتنا على الإستراتيجية الصح في الوقت الصح. طول عمرنا بنسمع مقولة "لا تضع البيض كله في سلة واحدة". والمقولة دي صح جدا لما تكون عاوز تستثمر فلوسك. لكن الإستراتيجية الصح دي ما حدش قالنا معاها إن الكلام ده يطبق لما تكون بالفعل عندك ثروة وعاوز تحافظ عليها. وبالفعل إنت قدرت خلال رحلتك في تكوين الثروة دي إنك تفهم وتعرف إيه الأماكن والمشاريع اللي تقدر تستثمر فيها وانت مطمأن. لكن في الوقت اللي إنت فيه لسه بتحاول تبني ثروة أصلا بتكون الإستراتيجة الأصح اللي تناسب الوقت ده إنك تحط كل البيض (اللي هتدخل بيه عالم الإستثمار فقط وليس كل بعنى كل) في سلة واحدة عارفها كويس وإحتمالات الخسارة فيها ضئيلة جدااااا وتكاد تكون منعدمة. وتحرس وتراعي السلة الواحدة دي لغاية ما تكبر وتساعدك إنك تنمي إستثمارك أكبر وأكبر. ووقتها ممكن تبدأ تفكر في تاني سلة.
الإستراتيجية الصح في الوقت الصح هي فقط اللي بتجيب نتايج مضمونة وسريعة بإذن الله. إستراتيجيات كتير قوية جدااا هتتعلمها وتعرف تطبقها إمتى وانت في رحلتك لتكوين ثروة تعيش بيها حياة الحرية المالية في برنامج "ويلث ماستري" برنامج إتقان إستراتيجيات تكوين الثروات.
خد القرار الصح في الوقت الصح واستفيد من هدايا الإنضمام لجروب المؤسسين واتعلم وطبق استراتيجيات هتخليك تشوف تقدم سريع في رحلتك لتكوين الثروة اللي بتتمناها.
للحجز في الأماكن المحدودة في مجموعة المؤسسين يرجى التواصل مع فريق خبراء البرنامج عن طريق الإيميل أو الواتس أب التاليين:
[email protected] +201140336441
