فضفضة 🩵

يمكن تكون بكرا النتائج ادعولي. 🥺

📍بوست مهم:

بعدما خلصت امتحان تم استهلاك طاقتي بالكامل ورسائل القناة والفعاليات لا تعني أبداً أني ارتحت ورجعت لحياتي.

ما بستقبل رسائل عالبوت لأن ما عندي قدرة أسمع أي حدا إلا للشديد القوي لما حالتي تسمح بهالشي.

ما عندي الطاقة لفتح أي نقاش مع أي إنسان حتى عيلتي والمقربين وبيخنقني منظر الرسائل وبأجل الرد عليها لآخر لحظة.

ما تنتظروا مني دائماً رد عالرسائل وابعتولي رسائل حلوة عالبوت بنبسط فيهن.

صح خلص الامتحان بس ما خلصت القصص يلي كانت تعطّلني عن الدراسة للامتحان.

حالياً ناطرة نتائج الوطني وناطرة رب العالمين يعوضني عن تعبي وبس.

وقفت التبادل.
احذفوا أيمت ما بدكن.

أي شخص مو مستخدم البوت من قبل يبعت عليه ولو نقطة حتى تضل توصله رسائل حلوة.
@fadfada55555bot

لا تخلوا الفعالية تنسيكن القنوات الحلوة وترتيبها.🩵

بخصوص طلبات الانضمام للتعليقات حطوا اسم واضح حتى أقبل.

السؤال المفيد، كل حدا عنده تطبيق مهم يحطلنا اسمه بالتعليقات وشوية شرح عنه..

أما السؤال الأهمّ احكولي مواقف بتضحك صارت خلال المقابلات بالجامعة مع الدكاترة أو خلال الجامعة بشكل عام..😆

ما حدا فينا ما مرّ بموقف بضحّك خلال حياته، اعطوني لشوف شو عندكن..😆

نعمل فعالية سريعة ومفيدة بنفس الوقت؟

يا جماعة اسمه تبادل يعني بتنشروا رابط قناتي عندكن مشان ما أستخدم العنف. 😆

بمزح، بعرفكن حبابين.

روح 🩵🩶
https://t.me/ROOO701

اقتباسات 🩷🩶
https://t.me/hadyall

خاطرة 🩵🩶
https://t.me/kh_at_era

فاطمة مكتبي 🩷🩶
https://t.me/fjood4

فاطمة بصّال 🩵🩶
https://t.me/fatimabassal123

شغف 🩷🩶
https://t.me/batolpassion7

أثر 🩵🩶
https://t.me/amaan55555

أسلوب حياة 🩷🩶
https://t.me/osloophayatZhora0Tout

M.ROSE 🩵🩶
https://t.me/mariamroseme

عشوائيات 🩷🩶
https://t.me/leeeeeeeeeeen22

ماريا 🩵🩶
https://t.me/mariaa686

والذاكرين الله كثيراً والذاكرات 🩷🩶
https://t.me/mariaa577

بور بانك 🩵🩶
https://t.me/powerpankkk

عبق 🩷🩶
https://t.me/Abak_sim

نور 🩵🩶
https://t.me/Nooralfaez

رغد أضبط 🩷🩶
https://t.me/Raghadnaseradbat

يقين 🩵🩶
https://t.me/Yake1n

مدهامّتان 🩷🩶
https://t.me/modha28

كراميل 🩵🩶
https://t.me/caramell2006

ما بداخلي 🩷🩶
https://t.me/Your_depths

إيمان 🩵🩶
https://t.me/imanoalotibe

رفيقة دربي 🩷🩶
https://t.me/sondusaya2023

يا أمان الخائفين 🩵🩶
https://t.me/Ull_llX

غدير 🩷🩶
https://t.me/ghadeerallbabede

صبارة 🩵🩶
https://t.me/sabarah4

أثر 🩵🩶
https://t.me/ather01235

تبادل؟

ابعتولي اسم القناة والرابط فقطط

كان الحسن البصري لمّا يسمع أنّه في شخص إغتابه ..
بعث إليه طبق حلوى وقال :
سمعت أنّك أهديتَ إليّ حسناتك فكآفأتك بهذا.😂💗💗💗

مش كل الأبطال بتحارب الجريمة.

مُش كل من طبطب عليك حاسس بهمومك
يمكن ايده مبلولة وبيمسحها في هدومك🌚

يا ترا شو رح يكون شعور الطالبة يلي أخدت محاضراتي لما تشوفني كاتبة هيك؟ 😆

‏﴿وَكَيۡفَ تَصۡبِرُ عَلَىٰ مَا لَمۡ تُحِطۡ بِهِۦ خُبۡرٗا ﴾

قدر يلتزم بأول جدول عمله، وما صار في تراكم ❌
عمل أكتر من مية جدول واستغل وقته حتى اللحظة الأخيرة ✅

أكيد متفق مع الدكتور حتى جايب العلامة التامة ❌
أكيد دارس منيح والعلامة هي توفيق من رب العالمين والدراسة مجرد وسيلة ✅

طالعة عم تضحك من المادة، الله أعلم بتكون مسكّرتها ❌
طالعة عم تضحك من المادة، لاقت السؤال يلي درسته قبل الامتحان ✅

بتضل منعزلة عن الكل وقت الامتحانات وما بتحكي مع حدا، خايفة ع وقتها الثمين ما شاء الله ❌
بتضل منعزلة عن الكل وقت الامتحانات لأنها فترة ضغط نفسي وأي ضغط نفسي تاني من أحد الأصدقاء بدمّر النفسية والامتحان ✅

كل مواده معدل، ما عنده بحياته إلا الدراسة ❌
كل مواده معدل، بيعرف ينظم وقته، ويستغنى عن الرفاهيات وهي حريته الشخصية ✅

أنانية، ما بتنقّل حدا، ما بدها حدا يسبقها ❌
مانها أنانية، ولكن كل معلومة درستها هي أمانة مسؤولة عنها أمام رب العالمين ورح تُختبَر فيها مع المرضى، وكلّ شخص مسؤول عن نفسه فقط ✅

~فضفوضة.

وما عليك إلا حُسن السعي، ويسدد الله لك ما يشاء.

اعمل كل اللي تقدر عليه وربنا هيدبرلك اللي مش هتقدر عليه.

وافتكر دايمًا إنك مسؤول عن السعي مش النتيجة. 💛

له يا كتكوتي له!
وأنا عم قول ليش المُراقِبة بالامتحان تطلّعت فيني وصارت تضحك، طلعت عم تضحك على صورتي!

22. في صبية صديقتي عالفيس ضليت فترة راقبها فعلاً رائعة وناجحة ومميزة كتير وواثقة من حالها
حسيت اني لازم حاكيها
فعلاً حاكيتها وردت بكل لطف
وصارت كتير تحكيلي نصائح كتير كتير بدون ما اطلب
حسيت نصائحها اشارة من الله
وبالنهاية الدنيا لسا فيها ناس حلوة🥹💙

التفاعل حصراً ب ♥️

21. بالزلزال..
بيت عمي وقع عليهن، الولاد و أمهن تحت الردم، طلعوا مصابين إصابات شديدة و أمهن توفت و عمي كان عم يفقد اتصالو بالواقع من كتر الحزن..
نشرت بعدها أنا بوست عون إنساني
و ما بتصدقوا كم حدا اتصل
معالجة فيزيائية: أنا بتكفل بمعالجة الولاد ببلاش
آنسة كيميا: أنا بعطيه للشب البكالوريا دروسو ببلاش
عمو ما بعرفو: بيتي كبير بيجوا لعندي بتكفل فيهن متل تكفلي بزوجتي و ولادي
خالتو ما بعرفا: بيجي الشب بيدرس مع ابني و بيقعد عنا لآخر السنة
(الحمد لله الشب ما احتاج يسكن عند حدا أو دروس)
وحدة ما بعرفا شافت البوست و اكتشفت انو اللي توفت كانت جارتها بروسيا من عشر سنين، ف حكت و صارت تبكي ..
الفنانة نادين خوري اتصلت و عرضت اذا بتقدم مساعدة ..
بصدق الهاتف ما كان يهدا
الناس غمرونا بلطفهن و محبتهن و تعاطفهن و وقوفهن جنبنا..
وقتا عنجد تأكدت انو ما خليت.

بذكر وحدة من اللي اتصلوا، بنهاية الحديث قالتلي شو اسمك يا خالتو؟ قلتلا اسمي أمل
فرطت بكي و قالتلي: الأمل بالله  يا خالتو، الله يحميكِ.

التفاعل حصراً ب ♥️

20. مرة وقت كنت صف تاسع صار مشكلة مع اخوي الصغير كتير مزعجة وضل فترة 3 شهور بالدكاترة والمشافي وكتير انزعجت على الموضوع وانا طول عمري كنت من الناس اللي بيطلعو الأوائل على المدرسة .. فخلال هاي الفترة ما عدت اقدر ادرس بالمرة واشوف امي وابوي مرة كل كم يوم لانهن مع اخوي وعم يسافرو من محافظة لمحافظة .. هون كتير ناس وقفو جنبنا وساندونا واكترهن بيت جدي .. بس الشخص اللي عنجد كان اله تأثير هو رفيقتي المفضلة عندي وقتها هي اللي صارت تدعمني نفسيا وبفضل رب العالمين ما استسلمت وصارت تشرحلي الدروس وتناديني لعندها نقعد ندرس سوا وتساعدني احط برامج لأخلص التراكمات اللي علي وسندتني بكل ما تحمله الكلمة من معنى مع انه كنا صغار يعني .. والحمدلله بفضل من الله عز وجل ثم بفضلها هي وكل الناس اللي ساندوني قدرت اتجاوز الموضوع وطاب اخوي الصغير
وبالأخير نجحت وجمعت 305.7 من 310 😄

التفاعل حصراً ب ♥️

19. بعد نتائج الباك هالسنة بأول دورة الحمد لله كان مجموعي +٢٣٠ وبحكم المعدلات القليلة ف كانت مضمونة التحضيرية الي ،، بنفس يوم صدور النتائج حكتني ٱنستي الانكليزي وبدها تعطيني كتب تحضيرية من عندها ،، شوي وجابتلي ياهم بعدين لحتى سألت عن السنة واعرفت سعرهم ال🔥 تبينلي إنها ساعدتني أكتر من ما تخيلت ❤️‍🩹❤️‍🩹

التفاعل حصراً ب ♥️

رح وقّف استقبال الرسائل لما يوصل عدد المشاركات ل 30.

18. مرة كانت الدنيا صيف و كتير شوب و كنا راجعين أنا و أخي ع البيت ع الميتور قام خلص البنزين  و كان في مسافة منيحة لسا لنوصل ع البيت ...
لهيك أضطرينا ندفشه و نمشي للبيت بعدها شافنا واحد بالطريق و نحن ما بنعرفه أبداً وقف أخي و سأله ليش عم ندفش الميتور و إذا خربان
قله اخي انو خالص بنزينه بس
قام الشب كان معه بيدون بنزين و عبالنا بنزين .. مع انو وقتها كانت أول فترة أنقطاع البنزين و نوقف ع الطوبير بالساعات حتى نعبي...
و هاد الموقف ما بنساه أبداً

التفاعل حصراً ب ♥️

17. مرة بابا كان بحمص لشغلة وبده يرجع عالشام ركب ودفع وكلشي ووصل عالشام
وصل ع كراج السيدة زينب بده يركب مكرو تاني ليوصل عالمنطقة يلي ساكنين فيها مد ايده عالجيبة مافي ولا فرنك
كان معه قداحة ومسبحة كتير غاليين من الكويت اجوه هدية فقال إنه حيبيعن
بيسأل الناس ليبيع ماحدا يرضى يشتري
ف حس إنه اتسكرت بوجهه فقال يارب افرجها علي متل ما كنت افرجها عالناس
بيقلنا لسا ما خلصت الدعوة وما حسيت غير حدا عم يضرب ع كتفي من ورا قال فتلت ولا زلمة
وما بيعرفه ابدا ولا شايفه بحياته
هو الزلمة بياع عالبسطة بزر وما بزر
ولا بقول الزلمة لبابا شايفك حايص الك مدة قلي شو صاير معك قله لبابا هيك هيك بدي بيع هالقداحة والمسبحة تشتري! ولا قله عيب
وراح عالدرج يلي عنده وقله لبابا خود شو ما بدك ف ما اخد بابا قام هو كمش مصاري وعطاهن لبابا حتى من دون ما يعدهن
واخدن الحديث وطلع بابا بالمكرو ف ما حسه غير جايب بزر و مكسرات معبيهن وعطاه ياهن وحلف ما بيرجعوا ولما مشي اجا ليدفع الأجار قله الشوفير دفع الأجرة قرابتك عنك ووصاني وصلك عباب البيت
مع إنه هو لا بيقرب بابا ولا حتى بيعرفه

يعني الموقف بقلبي 💘

التفاعل حصراً ب ♥️

16. مرة كنا أنا و رفيقتي راجعين من الجامع ع بيوتها و هي بيتها كتير بعيد و هي كانت كتير تعبانة و تقلي ما عاد أقدر قلها يلا بس شوي لح نوصل لعند المكاري بعدين قبل المكاري بكم خطوة قالتلي ما عاد أقدر و داخت و وقعت بالأرض و أنا ما عاد عرفت شو أعمل قومتها و سندتها ع سيارة ولا أجت صبية لطيفة سألتني شبها؟ قلتلها ما بعرف داخت و مالي عرفانة شو أعمل يمكن نزل سكرها والله دغري تركتني و راحت جابتلها مي باردة كان بالصيف و شربتها و غسلتلها و اشترتلها شوكولا و طعمتها ياها مشان يرتفع سكرها شوي قام استفرغت كل شي رفيقتي و ما عاد قدرت تكمل أكل كان في جنبنا صيدلية ساعدتني الصبية لحتى فوتنا رفيقتي لعندها و قعدناها شافتها الصيدلانية قالت أكيد ضغطها نازل كان المستوصف جنبنا قال خدوها عليه إسعاف أخدناها و والله الصبية تساعد رفيقتي قبل ما ساعدها أنا و نزلناها ع المستوصف إسعاف و فوتناها ع الدكتور و طلعت لازم تروح ع الدكتورة يلي هنيك و كانت معاملتها كتييرر سيئة الله يهديها و بالأخير عطوها دوا و قعدوها لحتى هديت و بهالوقت البنت عطتنا موبايلنا لحتى نحكي منه كمان لأنه ع موبايلاتنا ما كان في تغطية و رفيقتي رجعتلها طاقتها و بعدها طلعنا من المستوصف و البنت معنا و ما تركتنا إلا بعد إصرار كبير منا إنه خلص ما عاد في شي كانت بدها توصلها ع بيتها والله
و من الحكي طلع عندها ولدين صغار و ما بعرف لوين كانت رايحة بس والله تركت كل مشوارها و بقيت معنا شي ساعة و نص
إنه عنجد الفرق بينها و بين الدكتورة
الله يجبرها يارب و يسعدها و يكرمها بكل يلي بتتمناه و يفك ضيقتها و يبعتلها ملائكة تعينها وين ما راحت.

التفاعل حصراً ب ♥️

15. وقت احترق بيتنا من فترة
كتير كانت القصة صعبة والاضرار ضخمة
يعني حرفياً ما نجى شي من البيت إلا نحنا
بس ماس الكهربا ووضع الحرق بخوف والناس نصدمت وتوقعت محد يطلع عايش
فـ اقتنعت انو الدنيا لسى بخير وقت شفت الناس كلها عندنا وبس بدها تساعد
لدرجة انو البقالية يلي بنفس الحارة ما رضيت تاخد ثمن شي أخدناه لبيتنا من منظفات أو من أغراض
حتى في واحد بس عرف إجى عالبيت وتطمن علينا وتكفل بثمن دهن البيت وحاول يجيب ناس تتكفل بالطينة والسيراميك بكون الأضرار كانت كبيرة

التفاعل حصراً ب ♥️

14. مرة كنت بالطريق ماشية مع ماما وتمام.. فجأة انا بالطريق متل اغمى عليي أو دخت هيك شي وما عاد في توازن متل نزل سكري..
ف ماما ما عاد عرفت شو تساوي وصراحة يعني كان بيتي لسا بده منيح لوصّل عليه..
ف اجت صبية الله يحميها ويجزيها ألف خير عم تطلع عليي ف فاتت على محل جابت شي حلو وعطتها لماما لتعطيني ياه منشان صحصح وفيق وتتحسن حالتي ف كان موقفها جداً مؤثر أنه كمية التوتر كانت عند ماما ومو عرفانة شو تساوي.. واخدتها وفقت وشكرتها كتير..
ف عنجد هلق في ناس منيحة 🥹🤍

التفاعل حصراً ب ♥️

13. كنت اول مرة بروح برا محافظتي مشان الدراسة..و بأول يوم وصلت ماكان معي حدا وكان موبايلي خالص شحنو وكان لازم اتصل بأمي لاطمنها انو وصلت ومو عرفانة شو اعمل ولا وين اروح
لقيت جنب السكن محل بسيط للكهربائيات فيو زلمة كبير سئلتو اذا ببيع شاحن موبايل رخيص  تمشاية حال قلي لاء مافي داعي تشتري هاتي انا بشحنلك ياه وشحنو و دلني على محلات اللي بدي ياها و قلي اي شي بدك ياه هون اسأليني واعتبريني متل والدك
حتى عطاني سخانة مشان السكن وماقبل ياخد ولا ليرة
ما بنسى موقفو بحياتي الله يجزيه الخير

التفاعل حصراً ب ♥️

12. مرة كنت رايحة على منطقة بتبعد عن منطقتي منيح واول مرة ومضطرة روح لحالي وهالمنطقة كبيرة وماكتير فيها سكن السرفيس نزلني مو مكان مابدي لأن مارح يكمل الخط كامل نزلت معي خالة وقلتلها مابعرف هون ابدا قالتلي لا تخافي مارح اتركك حتى وصلك مكان مابدك انتِ متل بنتي ضلت نص ساعة تمشي معي حتى وصلتني مكان بدي الله يوجهلها الخير وين ماكانت مابنسى هالموقف💛💛💛💛💛

التفاعل حصراً ب ♥️

11. قبل عدة أشهر، تعرضت صديقة لي لحادث سير خطير كانت في حالة حرجة، وكنت أتابع أخبارها بقلق شديد في أحد الأيام، تلقيت رسالة من والدتها تخبرني أنها بدأت تتعافى، وأن الأطباء قالوا إن حالتها قد تحسنت

قررت زيارة المستشفى لرؤيتها حينما دخلت الغرفة، رأيتها مستلقية على السرير، ومعها عائلتها بمجرد أن رأتني، أضاء وجهها بابتسامة، على الرغم من الألم الذي كانت تشعر به تحدثنا لفترة طويلة وضحكنا، واستعادت الأمل مع كل كلمة

ما أثّر فيّ أكثر هو عندما أخبرتني أنها كانت تشعر بالوحدة والخوف، لكن رسائلي لامها وحين تخبرها بها  كانت تمنحها القوة للاستمرار في تلك اللحظة، أدركت كم أن روابط الصداقة والمحبة قادرة على تغيير حياة شخص في أصعب الأوقات.

خرجت من المستشفى وأشعر أن الحياة مليئة بالأمل، وأننا جميعاً قادرون على تقديم الدعم لبعضنا البعض في الأوقات الصعبة شعرت أن الدنيا بخير عندما رأيت كيف يمكن للحب والصداقة أن تكون منارة في الظلام

التفاعل حصراً ب ♥️

10. مرة بأول سنة جامعة كنت ضايعة وماعارفة شي والا شوية رح ارسب بالتشريح العملي
كان في دكتور بيعطي فئة غير فئتي وعمل مراجعة قبل الامتحان مع اني مو من طلابه سمح لي احضر المراجعة اللي كانت من ال 8 لل 4 وكل الشرح وهوي يدقق فهمتي حفظتي انتبهي
ما بدي حدا يكره التشريح
بدي تحبوه وتفهموه
اجا يوم الامتحان مع انه ما كان رح يجي وكان رح يعمل الامتحان دكتور فئتي
وقف بباب القاعة الي كنا محتجزين فيها 😂
وقال : لا تخافوا هي اول عملي وأول خطوة
جوا بالمخبر هداك دكتورنا كان شديد جدا ومرعب الكل
اما هاد كان مستلم التخفيف 😅
كنت متوترة وعم ابكي ما بعرف ليش لدرجة ما طبيعية
وقتها قلي لا تتلبكي بنتي شهيق زفير ابدي انتو قدها
الحمد لله نجحت وانقذت حالي وصرت من الأوائل بالدفعة
وهلق صرت سنة ثالثة وكان ولا زال  هذا الدكتور هوي مثالي وقدوتي ومحفزي
عنده مبادئ وخطوط يستحيل يتخطاها
وبنفس الوقت رسخ مفهوم الاصرار والنجاح فيني

التفاعل حصراً ب ♥️

9. مريت باكتئاب حاد بسنة من سنين الجامعة، لظروف عائلية و اجتماعية و دراسية، وخضعت لعلاج نفسي بس ما كنت تحت المراقبة متل ما لازم، و بيوم شربت مضادات الاكتئاب يلي كانت معي بدافع انو اقتل حالي و احط حد لكل شي كنت عم مر فيه، كان رفيقي حاسس علي من قبل بيوم اني مو تمام، و تاني يوم ألح يشوفني، و وقت التقينا كنت جنب بيتي و مو بوعيي و الادوية بلشت تاخد مفعولها، مع ان هو بعرف تماماً الخطر يلي رح يحط حاله فيه اذا اسعفني ما فكر انو يحكي مع اهلي يلي ببعدوا عننا دقيقتين ويقلن اسعفوه لان بهيك حالة الدقيقة بتفرق، طالعني ب3 تكاسي و سندني و اخدني على 3 مشافي و ساعد الدكاترة و عملي غسيل معدة بايدو و سوائل معدتي نزعت تيابو، ومع ان تعرض للمساءلة و انسحبت هويتو بس بآخر اليوم وهو عم يستنى تحاليلي قعد يبكي لان خايف انو اموت و اروح جهنم، وضل معي لاجوا اهلي و خرجوني من المشفى، يمكن الناس تقول انو هو عمل متل ما انسانيته بتملي عليه، بس يلي ما عاش الموقف ما بعرف، و صديقي ما زال صديقي بل و أعز🤍🤍

التفاعل حصراً ب ♥️

8. مرة اختي مرضت ودخلت بغيبوية ووصلت للموت وصار بدها دم وزمرتها نادرة وما خلينا مكان إلا نشرنا فيه بعدين بيجي شخص ما منعرفوا تبرع وطلع 🥹💚

التفاعل حصراً ب ♥️

7. بعز عجقة المواصلات و زحمة كتير كان آخر اليوم و كل ساعتين ليجي مكرو و يجي مليان و مافي مكان و كان بيتي بعيد عن المكان الي انا فيه ..
و لما يجي مكرو كنت كل ما قرب لاطلع يدفشوا العالم و ما يخلولي مطرح و ارجع وقف انطر مكرو تاني
لحديت ما اجى مكرو و قربت لاطلع كمان ماقدرت ف إجى شب و صار يبعد الناس عني و يقلن طلعوها هي اختي وطلعت و وصلت ع البيت و عرفت بعدين انه هالشخص بيعرف بابا ع شان مرة ساعده بشغلة و حسيت انه حب يردله معروفه ولو بشي بسيط ✨

التفاعل حصراً ب ♥️

6. مرة شفت ولد مشتري آيس كريم تعباي كذا وحدة الو ولأخواتو غالبا
قام هوه وطالع من المحل وقع وطبو من ايدو فصاحب المحل دخلو ورجع عبالو مرة تانية، حرفيا فرحة الولد بعيونو كانت لا توصف وحتى ما كان ديرضى

التفاعل حصراً ب ♥️

5. بابا اجته جلطة ع فجأة .
ولحقناه اسعاف وعمليات وقثاطر وشبكة وو
وكان وقتا التكاليف كتير كبيرة ونحن كنا شوي بضائقة  بس خلص ها بابا
وأكيد أغلى شي ننبيعه هو رخيص عشانه.
بس بنفس يوم العملية اجت السكرتيرة وقالتلنا انه حسابكم اندفع كامل وصاحب المال قاللنا انه فضل أبوكم عليه للممات واليوم عم يردله دينه.
-بابا  مساعد كتير خلق بحياته
ب تصرف بكلمة ب فعل ب امور مادية وهالحكي ماهو شوفة حال
بس بدي وصللكم ل فكرة انه:
"كل ساقٍ سيسقى بما سقى "
"ومن يعمل مثقال ذرة خيراً يره "
انه حب الناس وعمل الخير لو كان كتير صغير
رح يجي يوم وينردلك وتشوف الخير انت كمان.
لان اوقات كتيرة نحن منشوف التصرف يلي عملناه صغير كتير بس آثاره على المتلقي بجوز كان كبير.
# لسا الحياة حلوة ولسا الحياة بخير طول مافينا نحن نعمل الخير❤

التفاعل حصراً ب ♥️

أرهقني الكتمان بس مزنوقة جداً جداً.

فناداها من تحتها ألا تحزني 🤍

💌 رسالة لك:

طبعاً هي حكتلي هيك وقتها لأن كان عنا دوام بقسم المخاض والشي الوحيد يلي فينا نعمله أنه بس نراقب شو عم يصير، وقتها رحت لعند المريضة وصرت أحكيلها شقد هي عظيمة ورب العالمين معها ورح يجيها طفل حلو إن شاء الله ولما تشتدّ عليها التقلصات تمسك إيدي وتشدّ عليها..

أنا ما عملت شي غيرك هيك، بس أثره عالمريضة عظيم كتير، دعتلي بأكتر وقت صعب عم تمرّ فيه.. 🥺🩵

الحالة النفسية ثم الحالة النفسية ثم الحالة النفسية للمريض.

عجزت مع ولد تعبان
اجا عالاسعاف عم يختنق
ارذاذات و ادوية و سيتامول وريدي و الخ ..

نبضو ما نزل عن ال١٤٠

الشي الوحيد ل نزلو نبضو لل ١٢٠ هو كان اتصال من ستو .. قالتلو انا ناطرتك لتخلص و تجي تنام عندي

" مرة أخرى .. إهمال الحاجات النفسية هو ضرب من ضروب الهروب من الطب "

خير خير يا رب!

مين كاتب كل هالكلام يلي فوق؟

أكيد مو أنا.

إذا بفيق الصبح وبلاقي حدا باعتلي عالبوت ليش كل هالحكي عالقناة وأنا شو استفدت سافقته كف لازقة وجهه بالحيط وعاملتله تمزق بغشاء الطبل.

انتوا:

تصبحوا على خير بدي لحق نام قبل ما يبلشوا الحلم من دوني.

مين حط هي 💯؟

بالله أنا وجهي وجه مشاكل؟

وأنا منهن. 🩵

وبيعملوا مشاكل كتير.

الأخوات الكبار دائماً أشرار وبحبوا السيطرة.