᷂عَـذبـا 𓄄

10 ?

‏شاعرك لا هاموا أصحاب الشعر في كل وادي
‏مستعدّ يوقف الدنيا على مطلع قصيدة
‏ㅤ صالح النشيرا

مثلك مثل ذاك القمر مالك أثنين
‏لا حل زولك زادت .. الدنيا حلى

‏نهب قلبي هواك وصار قلبي في هواك أْسير
‏ عيوني زاهدة في كل شي وفيك طماعة
‏
‏ تمنّي ما تبين ولك علي اللي تبين يصير
‏ لي أدوّر رضاك و مالك إلاّ السمع والطاعة

‏على جسر العمر ما كلّ موعد يقبل التأخير
‏أبي ليله معك وإن ماحصل ليلة أبي ساعة

‏تباهى على غيرك ب حشمه وزين قبال
‏وعينٍ تصيب المبتلي فيك وتتلّه

‏من يلوم فيك الذايقه كل ماتختال
‏لك من القصيد أطلال ومن القمر طلّه

‏يحبك من قلوب الأوادم كريم خصال
‏يدوّرك وإن ما جيت ما دوّر الزلّه

‏يالاصيله لاتضيقين والدنيا فسوح
‏مايليق الضعف وانتي معربـّة العماق

‏اخذي ضلوعي دعايم لسدك لايبوح
‏وشمريّ بي كل همـّه لصعـب ٍ مايطاق

‏لايهمك شي ماني على اسعادك شحوح
‏والله لو انك لهايب خذيتك بالعنــاق

‏نبرتك وانتي تقولين تكفى لاتروح
‏كنها شلفا معزي على الضلع الدقاق

🤍

‏أنا لا نفسي عصيّه و لا قلبي قطوع
‏أجفي الدنيا وأعوّد وأصير صحيبها

‏عن مشددة اللواحظ ومرخية السموع
‏قافلٍ بيبان ودّ الـعلوم وجيبها

‏ما درى باللي تكنّ الضلوع إلا الضلوع
‏وش تبي تنفعني الناس لو تدري بها

‏يالليل الشتاء لا توجع الخاطر الملتاع
‏ولا تختبر صبري ولا تختبر طيبي

‏اسامر نجومك واغبط العالم الهجّاع
‏لامنه بدا روتين ليلي .. وتعذيبي

‏اجر النسم ويتوق قلبي على المطلاع
‏ولا ودي احد ينتبه لي ويدريبي

‏من الطاري اللي حط صدري ثلاث امزاع
‏سريت ومعالم نجد وآنتي معازيبي

‏آحث القدم وعيون قلبي على المهزاع
‏شعوري غريب وضحكتي بث تجريبي

‏تعديت وركاب الوله لـ المكان ارياع
‏وضاقت بي الدار وتوثمت في جيبي

‏على ذكريات الماضي وتالي الاوجاع
‏يا مـ اكثر تنهايدي وياكثر ترحيبي

‏رحلتي وخليتيني من الغياب ارتاع
‏بعد كانت رجوم الفيافي مراقيبي
‏
‏انا اعاتبك من باب ود وغلا واقناع
‏ماقلت انتهى اللي بيني وبينك وغيبي

‏مايملى الفراغ اللي تركتي ورى الاضلاع
‏الا طيفك ، اللي بر بي يوم برتي بي

‏- عابر

‏تعال اقهويك من دَلـة الشوق فِنجال
‏القلب لك ديوان و انت اغلى مسايّره