الشاعر حسين عبد الزهرة الدراجي

https://youtu.be/-Pnk6UWY2zk?si=42b2ODM1ouMLqANG

https://youtu.be/8D5tY08ivfw?si=l5sqyM3fFMKJlDbv

https://youtu.be/joR48algq2s?si=7oPVwP-WEUVR2n9a

https://youtu.be/nAR-IDIYIz0?si=N5GOt-BeomyDxBGt

الشاعر حسين عبد الزهرة الدراجي pinned «https://youtu.be/joR48algq2s?si=7oPVwP-WEUVR2n9a»

https://youtu.be/iDG_aP4_K9w?si=RH8NnR2sSfdxsrUt

قريبآ

🎤🎤الرادود علي الرميثي

✏️📝حسين عبد الزهرة الدراجي

شكرا الله

وفقيني هاي اسنه اتعناج وفقيني
تدريني مشتاك ازورج والله تدريني

الزيارتج حن الكلب
يالساكنه بديرت غرب
حطيني دمعه على بابج غاد حطيني

واويلاه يازينب

ـــــــــــــــــــــــــــــــــــــــــــــــــــــــــــــــــــــ

مابيه اصبر بعد مولاتي مابيه
يوميه كلبي يكتله الشوك يوميه

ادعيلي مولاتي ارد اجي
ويمج اموت من البجي

مسبيه اتمنيت روحي وياج مسبيه

واويلاه يازينب

ــــــــــــــــــــــــــــــــــــــــــــــــــــــــــــــــــــــ

مازاير ليش انه باقي الهسه مازاير
والخاطر ربعي مشت وانه اكسر الخاطر


يمته انرزق بزيارتج
يالموتتني غربتج

للعاشر دمعه بضريحج ابجي للعاشر

واويلاه يازينب

ــــــــــــــــــــــــــــــــــــــــــــــــــــــــــــــــــــــ

ملهوفه روحي الضريحج حيل ملهوفه
اجفوفه كلبي اجالج ماد اجفوف

محلفج انا بكسر الضلع
ماريد منج بس دمع

ومعروفه انتي الكريمه هواي معروفه

واويلاه يازينب

ــــــــــــــــــــــــــــــــــــــــــــــــــــــــــــــــــــــ

موزينه وياج حيل الدينه موزينه
متعبينه اليم مرقدج كلبج متعبينه

تمنينه يا ام الهلا
كبرج يصير بكربله

اتمنينه يم اخوتج كبرج تمنينه

واويلاه يازينب

ــــــــــــــــــــــــــــــــــــــــــــــــــــــــــــــــــــــ


مشكوره يم اعون والله اهواي مشكوره
مشكوره مــــــولاتي ماقصرتي مشكوره


من أرض العراق وجيتلج
بدمــــــوعي رايد اوصلج

مكسوره روحي الغربتج حيل مكسوره


واويلاه يازينب

ــــــــــــــــــــــــــــــــــــــــــــــــــــــــــــــــــــــ

عذرينه هاي السنه مانجي عذرينه
عذرينه يم عوان والله هوايه عذرينه

والله يا ام الخدر
ازيارتج تسوه العمر

ماذينه جرح الفراك هواي ماذينه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

https://youtu.be/LbMjmG0LoyE?si=ng-YUqDw6zelcx3C

https://youtu.be/DJT5WIMJKJs?si=uKMDqkkrrBk_Fa18

https://youtu.be/gdWP6XGQFKE?si=_BHoNSn1py5lv1Lg

https://youtu.be/joR48algq2s?si=7oPVwP-WEUVR2n9a

بحيل الله هــــل عام اوصلج وسجد شكر يم دارج
بعون الله يـــــــــــم عون السنه انحسب من زوارج
يالدمعتج تجــــــــــوي الجمر اجويني فدوه ابنارج
امن أرض الحسين وجاي الج ارد انحسب خطارج


يالماتــــــــــــردين اليجيلج
من حيلي يالحره عله حيلج
عينج عليه بروح الحسين
من ضيم دنياي اشتكيلج

زاير ان شاءالله العام انحسب
زاير مايهم طـــــــــــول الدرب
زاير دمعــــــتي الحزنج تصب


ــــــــــــــــــــــــــــــــــــــــــــــــــــــــــــــــــــــ


هنيالي كون بهل سنه بكتابج اتكتبيني
وشلت عيني من الدمع رايد دمع تنطيني
حبل الوصل هوه الدمع مابينج ومابيني
خاف ازلك بهاذ الدرب كضت طفل كضيني


رايد ازورج سهلي أمري
بابج اريد ادموعي تجري
يمج اريد انعه على الحسين
ولطم لحد ما خسفه صدري


رايد اكعد البابج وون
رايد من حزن كلبج حزن
رايد اوصلج حته اطمئن

ــــــــــــــــــــــــــــــــــــــــــــــــــــــــــــــــــــــ

وين الله يم كبرج اجي ويم بابج أقره بعبره
مازايرج طول العمر وبكلبي ضلت حسره
سايم عليج الله وعلي وفقيني ازورج مره
مثل الخدم خليني اجي وبروحي تلهب جمره

هاي الهضيمه التشلع كلوب
بابج يسدونه ويالغروب
والخدم تبقه اتنوح وتنوح
ومثل الشمع يم بابج اتذوب

زينب حلم عمري ازيارتج
زينب روحي طيره بكبتج
زينب وطن كلبي حضرتج

ــــــــــــــــــــــــــــــــــــــــــــــــــــــــــــــــــــــ

ذبلانه وبوجهج تعب من ممشه ذيج الهيمه
ليهسه متعوبه تره من السبي ومن ضيمه
ياحيف كبرج بالغرب يخت الينكط شيمه
الشباج صحنج من نطب نشتم دخان الخيمه

ياضيم كلبج ياعذابه
يالمالج ضلو كرابه
اكبر هضيمه عليح يم عون
بت شيخنا وبتي بخرابه

ويلي ماكو مثل مصيبتج
ويلي لهسه تسجب دمعتج
ويلي الصخر يبجي الحيرتج

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

كل مغربيه اتموت
منتظره بس تابوت

ماتت لمـــــــن جابـــــولها النوگ
وهيه المــــــصيبه بطبت السوگ

ــــــــــــــــــــــــــــــــــــــــــــــــــــــــــــــــــــــ

المحد شاف ضـــــلهه هسه شافوهه
اخت حسين مـــــن الخيمه طلعوهه
والاعظم مصـــــيبه بحبل جتفوهه
وبسوك الشـــــماته هـــــواي فروهه


موهينه ياهل ناس
تنطك اخت عباس
وجفها ابحــــــبل ياحيف مشبوك
وهيه المــــــــصيبه بطبت السوك

ــــــــــــــــــــــــــــــــــــــــــــــــــــــــــــــــــــــ

ماتت والگلب جــــــف بالعرج دمه
مـــن داس الشمر بضلوع ابو اليمه
التطشره الخيل ياهو اليگدَر ايلمه
حسين النعمه بس داسو عله النعمه


روحي اطلعت مرتين
من گطَع رأس احسين

ومن شفت صدره بخيل مسحوگ
وهيه المــــــــصيبة بطبت السوگ

ــــــــــــــــــــــــــــــــــــــــــــــــــــــــــــــــــــــ

زينب صعبه فوك الناكه صعدتتها
وي جتال اخـــوهه شلون مشيتها
عكب ذاك الـــــدلال وذيج هيبتها
هسه ابنص خرابه وحمره دمعتها


ابنص الخرابه شلون
تغفه وتغمض اعيون

وحركت خـــــــيم ياكلبي محروك
وهيه المــــــــصيبة بطبت السوك

ــــــــــــــــــــــــــــــــــــــــــــــــــــــــــــــــــــــ

راح احجيها بس ياهضمت الهضمه
تره صعبه وعلي من تنطك الحرمه
الضرب زينب تـره ماينحسب زلمه
عمر زينب كضه لجـــمه بأثر لجمه


الخلص عمرها انياح
من ياجـــــرح ترتاح
متن العفيفه ابسوط مطكوك
وهيه المــصيبة بطبت السوك

ــــــــــــــــــــــــــــــــــــــــــــــــــــــــــــــــــــــ

بهذيج لحضه من دخلت ونضروها
ابشتم وحجار اهـــــل الشام لاكوها
موهــــــينه عله زينب من يضربوها
بخرابه وعــــل تراب الحره كعدوها


هاي لأبــــــد متهون
تطلع أسيره ام عون
وضهر السمه عله الحره مفهوك
وهيه المــــصيبة بطبت السوك

ــــــــــــــــــــــــــــــــــــــــــــــــــــــــــــــــــــــ

الشمر كلما ابسوطه الحره يوصلها
عله راس الرمح دخن راس كافلها
غيور وجان حارس حته عن ضلها
ابو فاضــل البين اعيونه شايلها


من طــــكها والعباس
ضل يبجي دم الراس
وجن شمعه كلبي بنار معلوك
وهيه المــــصيبة بطبت السوك

ــــــــــــــــــــــــــــــــــــــــــــــــــــــــــــــــــــــ

كبل موتتها رادتت تحضر اخوتها
لجن محد حضرها وجه الدفنتها
بقت مطروحه بالغربه جنازتها
غريبه ام عون ضلت ياهضيمتها

جا وين لي شيعون
ضلت غريبه ام عون

بالشام حته الهوه مخنوك
هيه المصيبة بطبت السوك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

ما بنعمة الحسين فحدث

ــــــــــــــــــــــــــــــــــــــــــــــــــــــــــــــــــــــ

شحجي عن افضالك يا أمامي اهوايه
وفقتني اقرالكم وحـــــــــده منهن هايه
الخدمه نعمه اجبيره وحك راعي الرايه
امشي وتعنالها ويــــــــــن ماكو اقرايه

ما بنعمة الحسين فحدث

ــــــــــــــــــــــــــــــــــــــــــــــــــــــــــــــــــــــ

مجلسك كبرني وعــــــــــل أدب علمني
والدي للخدمه مــــــــــن الزغر حزمني
مايهمني ابنادم انــــــــــت بس اتهمني
منك ومن خيرك فــــــــدوه لا تحرمني

ما بنعمة الحسين فحدث

ــــــــــــــــــــــــــــــــــــــــــــــــــــــــــــــــــــــ

انه واحد عاشك والعشك عل فطره
انه يـــــاناس اعشك مجلس ابن الزهره
عل الطم من زغري ايدي أخذت شمره
بيش اجازي انه السوه صيتي اشكبره


ما بنعمة الحسين فحدث
ــــــــــــــــــــــــــــــــــــــــــــــــــــــــــــــــــــــ

رزق هــــذا المجلس ولحضر ماخسر
وليــــــصب دمعاته بعين زينب يكبر
الشارك بهل مئتم حسين منه اتشكر
ولدفع بي درهم الزهرة تنطي اكثر

ما بنعمة الحسين فحدث

ــــــــــــــــــــــــــــــــــــــــــــــــــــــــــــــــــــــ

بصوت واحد يله خل نسمع الوادم
عــــــــــجل اللهم الـــــــــــولي القائم
ابجاه هذا المجلسك رده سالم غانم
وحفظه من كل شر هاي دعوت هايم

ما بنعمة الحسين فحدث

ــــــــــــــــــــــــــــــــــــــــــــــــــــــــــــــــــــــ



حسين عبد الزهره الدراجي

مولاتي زينب ع

شلعان كلــــــــــــبي من الحبهم
ضاع العـــــــــــمر دمعه بدربهم
عنهم رحـــــــت والدمعه بالعين
ماحـــــــــــن ولا رف شو كلبهم

يــــــــدرون بيه فراكـــــهم ياذيني
السكنو بعيني هـــــواي بجو عيني
كسرت غصن كسرو كبالي سنيني

ليــــــــــــش الحبه وريـــــــــده يفاركني
الجان بدمـــــــــــعتي وفرحتي يشاركني

تعال اعيوني مشتاكه العيونك
ــــــــــــــــــــــــــــــــــــــــــــــــــــــــــــــــــــــ


حل مـــــــــــوتي لمن فاركتهم
تعـــــــــــــــبو روحي وتعبتهم
مو قــــصدي اجرحهم بالعتاب
بس جــــــــي احبهم عاتبتهم

من ضيمي اعاتبهم لئن مهضومه
ليش انه منهم اصبحت محرومه
ماشاف راحه هل كلب من يومه

ياراحه وانــــــــــه الشفتهم بعيوني
من ذبحو حسين احس هم ذبحوني


تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

يفراكهم حـــــــــــــــط بيه عله
ياهو اليــــــــــكول الفركه سهله
بيه جرح بــــــــــس ضايع دواي
جرح البـــــــــــــعد ياهو اليشله

موبيدي هاي الفركه صارت كوه
ماينحـــــــــمل مر يافراك الخوه
الله ولحد شـــــــوفو بيه شسوه

دمعاتي بالعـــــــين للحسين مشتاكه
فوك تعبي والضيم اجه نوب افراكه

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

انه العـــــــــزيزه الــــــــــدللوها
بــــــــس روحي بالفركه كتلوها
حكي اعتب على اخواني العزاز
غير الاخــــت حكها على اخوها

بالدنيه منهم مـــــــــــــايصح خواني
هاضـــــــــــــــمني يافركاهم وبجاني
مو دمعه فص عيني الوكع بحضاني

زينب تــــــــره انه الكتلني فركاهم
خواني احلى الايام عشتهن وياهم

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

حكي اعمي عيني مـــــن البواجي
لخواني حلويــن الـــــــــمحاجي
جانو اخوتي مــــــــــــن يتمشون
عله امتونهم حـــــــلوه الخواجي


ذوله اخوتي وهيبتي ونوماسي
عباس وحسين أغلى من انفاسي
زينبهم انـــــــــه الما ادنك راسي

مهيوبه ضليت منو الكال مذلوله
انه اخت الحسين اذلن معقوله

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

الكره الارضيه كلها اليوم فرحانه
وشغلنه اشموعنه بمولد السلطانه
واجب كــــــل موالي يفرح ويانه
انولــــــدت فاطمه والنور ضوانه
ريحانة محـــــــمد وأغله ريحانه
نبينه للـــــــــفرح شرعها بيبانه
اذا ننــــــسه الزجيه الله ينسانه
نهوه الزهــــرة احنه وهيه تهوانه
عشكنه الفاطــــمه للحفل جابانه

المحـــــــفل رتل رادوده
يقره اليوم احله انشوده
غير الزهـــــــراء مولوده
ليله الفرحه مريـــــــوده
للبألمـــــــــحفل موجوده
الزهراء هيه المقـــصوده

محلاها
ها ها
محلاها
ها ها

محلاها من فرحه ليله




حسين عبد الزهرة الدراجي

بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

بهاذ اليوم يامحـــــــــــــــله فرحنه
بجيت فاطـــــــــمه اتشافه جرحنه
دنيه وآخـــــــــــــــره وياها ربحنه

المحــــــــــفلها أنعم الله عليها جابتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

فرحه مـــــــــــن العمر هاليله هيه
نبارك للنبي بهاي المـــــــــــــــسيه
مـــــــــــولد فاطمه الزهرة الزجيه

على حب الزهرة تضوي اليوم شمعتنه
بهاذ اليوم يامحـــــــــــــــلاها فرحتنه
ــــــــــــــــــــــــــــــــــــــــــــــــــــــــــــــــــــــ

جـــــــــــــبرائيل زف الطاها بشره
الله يكـــــــــــــــول اعطيناك زهره
هنياله اليحــــــــــــصل منها نضره

فــــــــــرحانين وبمـــــــــــولدها لمتنه
بهاذ اليوم يامحـــــــــــــــلاها فرحتنه
ــــــــــــــــــــــــــــــــــــــــــــــــــــــــــــــــــــــ

مبارك مـــــــــن كلب والسان كلنه
بمــــــــــــولد فاطمه يخبل حفلنه
نتـــــــــــــــطشر وهيه تلم شملنه

نكـــــــلها اليوم مشكوره على جمعتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

الزهـــــــــــــرة اليوم نورنه ضواها
بيش انوصــــــــــف اليعشكها طاها
هيه الربنه يــــــــــــرضه من رضاها


والمـــــــــــــولدها فرحت كلها ديرتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ

خـــــــــــــن ذب السواد ونفرحلها
هـــــــــــــــاي الماخلق الله مثلها
سوه الكــــــــــــون كله من اجلها

ملوك انعـــــــــيش في خدمتها خلتنه
بهاذ اليوم يامحـــــــــــــــلاها فرحتنه

ــــــــــــــــــــــــــــــــــــــــــــــــــــــــــــــــــــــ



حسين عبد الزهرة الدراجي

https://youtu.be/EiPZM96hKco?si=L0zqurIKlRhF-gDg

ام البنين

انه ام البنين الرافعه الهامه
يكفيني الفخر الحسين خدامه
دخيل اسمه دخيل اسمه
0000000
يكفيني الفــــــــــخر اخدم ابو الاكبر
ونطــــــــــيت اربعه يظحون للخدر
الماعاش الحسين ابكلبه ثق يخسر
كلــــــــــبي بلا حسين يعيش مايكدر

انه المجوي كلـــــــبي بنار خيماته
انه ولدي فــــــــــدوه لون شيباته
دخيل اسمه دخيل اسمه
0000000
انه مقــــــــــصره وي حسين صدكوني
ماوافــــــــي لو انطي ضـــــــوه عيوني
هوه يهــــــــمني مــــــو ولدي اليهموني
وعنـــــــي كــــــونه راضي الف خيعوني

انه اهواي احبه ونبضي وي نبضه
هنيالي علــــــيه حسين من يرضه
دخيل اسمه دخيل اسمه
0000000
انطيته اربــــــــــع ومستحيه من عنده
مايجـــــــــازه المــــــــجوي الرمل خده
الله اليــــــــعلم اشــــــكد روحي اتوده
وهذا الكـــــــــلب بس حسين بي وحده

حسين وهل اسم كلش علي غالي
ومامٰش غيره واحد ساكن ابالي
دخيل اسمه دخيل اسمه
0000000
انه ام البنــــــــين وكــــــــــلها بيه ادره
عـــــــــدي اكبر فخر اخدم بني الزهره
نخـــــــيت الله اشكثر بدموعي الحمره
اتمنــــــيت انســـــــبي وي زينب الحره

ريت انه انسبي ودموعي مذروفه
ولا زينب تطـــــــب للشام مجتوفه
دخيل اسمه دخيل اسمه
0000000
اتمنيت انـــــــــه اروح الكربله وياهم
وفزع ماي مـــــــــن تعطش يتاماهم
ولد الزهـــــــــرة روحي اهواي تهواهم
ينـــــــــساني الله إذا فكرت انساهم

انه امعزبه الحـــــــــسين ابعز ناسي
انطـــــــيته ابوفاضل فخر نوماسي
دخيل اسمه دخيل اسمه
0000000
حسين عبد الزهرة الدراجي

https://youtu.be/TdDSqbxLcyk?si=9A-i0XgCsTKdqVpg

حرز للخايف

ادا وكلمات حسين عبد الزهرة الدراجي

علاقات عامة وتنسيق : منتظر الشرع
متابعة عامة : بدر صالح
الاشراف العام : حيدر البديري
انتاج شركة فري تايم للأنتاج والتوزيع الفني
تم التسجيل في #استوديوهات_نهاوند​

شكرا الله

https://youtu.be/XxAeivFWEjo?si=qRlyQBLq1yCGkJ-9

محتاج اشوفك الحضات
يابــــــو الرسوم الحلوات دليني وين انته

لياحــــــــــد اضل متانيك
ياهـــــــــو اليدليني عليك دليني وين انته
ــــــــــــــــــــــــــــــــــــــــــــــــــــــــــــــــــــــ

متانيك ودمعتي تشرح كل غذابي
يامهدي انه احبك كاتبها على بابي
ساعي دموعي ماجاك ماوصل كتابي


يمته الكاك وحجيلك
من فراكك اشكيلك
كل مصباح ابجيلك

غيابك حيل تعبني
ودمع الشوك فاضحني
بهجرك هاذ جارحني

انه الكتل كلبه الشوك
وبحبل بعدك مخنوك
يل كلبي عذبته

جايمته الملاكه يصير
همي اشتكى اليابير
ظل كلبي عذبته

ــــــــــــــــــــــــــــــــــــــــــــــــــــــــــــــــــــــ

ياهو امشيله مولاي ويكربني منك
ادور ونشد عليك ماكو أخبار عنك
كالو ماسكت يوم عل مسبيه ونك

ابجي وياك خليني
واللخيمات وديني
وعلى حسين بجيني

يالمتعوب من طفك
امسح راسي ابجفك
وشمل كلبي بعطفك

اذكرني بدعائك كل يوم
يالدمعتك تجري ادموم
للهشمو جثته
مدلي ايدك وخذني وياك
وبجيني فدوه المبجاك
للهشمو جثته

ــــــــــــــــــــــــــــــــــــــــــــــــــــــــــــــــــــــ

ماحب طاري الفراك يخنك روحي احسه
يمهدي وأنه اهواك لتضن مره انسه
جرحك بيه ماطاب ضل بكلبي نفسه

نار الشوك تجويني
الفركه هواي تاذيني
وين الكاك ياعيني

يمته وين نتلاكه
روحي هواي مستاكه
فاضت كلبي اشواكه


جا يمته اشوفنك جاي
طول غيابك مولاي
يالجيتك جيت ماي
العقلي جننته

وديتلك جم مرسال
بلياك مو زين الحال
طال البعد كلش طال
العقلي جننته

ــــــــــــــــــــــــــــــــــــــــــــــــــــــــــــــــــــــ

كل جمعه انه متانيك متانه الشجره للماي
مر العيوني لو طيف ورحم كلبي مولاي
يمته اسمعها وارتاح الحبيته صدك جاي

لآخر اخ تانيتك
وسئل دوم عن بيتك
محتاج الحنيتك

غربه الناس بعيوني
انه اهواك يدروني
بحسنك جن جنوني

غيرك فلا ريد انسان
انت السكنة الوجدان
والروحي عاشكته
من حكي اتغزل بيك
انه اليهيم بطاريك
والروحي عاشكته

ــــــــــــــــــــــــــــــــــــــــــــــــــــــــــــــــــــــ

هنيالي انه مولاي جي طحت بغرامك
غيري ويالخلك عاش مامجوي بخيامك
المر يومه بلياك مانال اهتمامك

الدوم انت على باله
يامولاي هنياله
البسمه اتكوم تحلاله

يم حسين ادعيلك
ومنانيه تعحيلك
يالمهدوم كل حيلك

بكل جمعه ارفعها اليد
عجل ضهورك يالحيد
وجرى الدمع سكته

يالعذبتني بفراكاك
حلمي اكعد اسويعه وياك
وجرى الدمع سكته

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

https://youtu.be/HY9I_TiEATA?si=DQOqnyqKkDCiryg_

https://youtu.be/_CHlxxtTQXs?si=7p_SilkWKQZICink

https://youtu.be/DDfd4wHuLvk?si=D7GPkVtWXnevGzm2

https://youtu.be/d4wQ6MsY-z0?si=C_UDw1WHWPYo_1KL

https://youtu.be/vImRLIx4A6I?si=lr8vmZca1FSzpH_t

https://youtu.be/TIQeTfEITZw?si=rTnqBK4pz4ABb1_S

https://youtu.be/vKbZiojXDXo?si=32vL_KnBtlwNtROf

https://youtu.be/MYYe2dAqkFA?si=rcSNqX2JjPFqcnOc

https://youtu.be/iQm_q_PyHIU?si=N1xzAAr6gKkME8JM

https://youtu.be/upgXIAgs78E?si=LFfFi2GJUEVcS8Aq

https://youtu.be/1yxttHcme-k?si=c1S2vPb3k8j9zfGA

https://youtu.be/cWckEN1Phv0?si=c8LLW1Rprk3qL7OP

الرادود هشام الغراوي

حسين عبد الزهرة الدراجي

شكرآ الله

قريبآ

ما احب طاري الفراك

الرادود علي الرميثي

حسين عبد الزهرة الدراجي

https://youtu.be/C32ZYpG1yjc?si=wzfJEBWEzM-jGwK-

https://youtu.be/mp5w4aEdGyk?si=PmKESIJWKgW7IPfq

https://youtu.be/rT9f_OpE_xM?si=MzKtGVm0Q9cpsC7V

مجانك بالكلب يحسين محد ياخذ مجانك

بصوت خدام الحسين ع

علي ومنتظر


شكرا الله

https://youtu.be/ySxiuBGn5wo?si=cHjfQSwchbn5P-Rz

الرادود عمار الكناني

حسين عبد الزهرة الدراجي

شكرا الله

الرادود علي الرميثي

حسين عبد الزهرة الدراجي

شكرا الله

https://youtu.be/xvfkSuPR0v4?si=9Zq6sS749MZLiWA3

خلقني الله على مودك يبن داحي الباب
حياتي بلا لطم مــــــــاتسوه صم تراب


🎤🎤الرادود عمار الكناني

📝✏️حسين عبد الزهرة الدراجي

هيئة مدد يامهدي

شكرا الله

https://youtu.be/nwjPggQdnss?si=FX1ifc4jmgq6EhH3

https://youtu.be/uiTuddUoRrc?si=Xbv6X2R0dVrmJaHK

لسان حال قبر السيده الزهراء حين دفنها امير المؤمنين عليهما السلام







إني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

انا گبر الزچيه وحاير ابــــــــــــهاي
منو هاي الـ علي دافنها جــــــواي
علي جنازها محـــــــــــــني وبجه هواي
و شــــــــــــفت ورد الجنان يشيع الماي

اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

اسئلت ذراتي يـــــــــــــاهي هاي ومنين
المنها ايفــــــــــــوح عطر الجنه صوبين
كــــــــــــالن هـــــاي ام الحسن وحسين
الخلق الله ســـــــــــــمه الها والأراضين

اني اشمُ رائِحَةً طيبه
ـــــــــــــــــــــــــــــــــــــــــــــــــــــــــــــــــــــ

الي كـــــــــــــــل الشرف صاير كبرها
وتــــــــــــرس ذراتي يامحلا عطرها
عظــــــــيمه وبس علي عراف سرها
وملـــــــــــــــعون الذي يجهل قدرها

اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

اطهر امــــــــــــرأه هـــــــــــــــاي الزجيه
موضــــــــــــع ســــــــــــر إلآه الكون هيه
فـــــــــــرض حبها على كــــــــــــل البريه
الكفوها بـــــــــــــــس علي حامي الحميه


اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

يوميه المــــــــلائك تنــــــــــــــزل ازور
ومــــــــــــن بابي لحد باب السمه النور
اعله ذراتي علي ظــــــــل دمعه منثور
ومثل كسرت علي انه اصبحت مكسور

اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

حسين عبدالزهره الدراجي

https://youtu.be/Zq-Mt5VBFiU?si=8qAdsXCQqJvDx4Ku

https://youtu.be/efP412JhNew?si=IxgfhZexPq_RL5nG

ياعلي الليله مرحومه عبرتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ
ياعلي الليله دمعــــــــــتك تترك ابخدك اثر
ضهرك لمـــــحد يكسره اليوم عل زهرة انكسر
ادري صعبه عليك تسمع فاطمه خدها انسطر
وابنك المـــحسن يحيدر وسفه بالباب انعصر

ياعلي اتهدم بحيلك حسرتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ
بليل اخذ نعش الزجيه و وسده حدر التراب
يــــم كبرها اكـــــعد يحيدر وقره آيات الكتاب
حزنك عله الزهـــــرة بين ياعلي بوجه النگاب
الله اليعــــــــــينك يحيدر شيّبك هاذ المصاب

ياعلي ابيش اوصفها كسرتك
ياعلي غسل الزهرة بدمعتك
ياعلي الليلة ودع فاطمه

ــــــــــــــــــــــــــــــــــــــــــــــــــ
عينك ابفـــــــــكد الــــزجيه مايمر بيها الوسن
كوم غســــــــــلها يحـيدر بالدموع ام الحسن
بهـــــــــيده لا تلـجم ضلعها من تلفلها بلجفن
وبالكــــــــــبر وياهـــا عمرك راح باجر يندفن

ياعلي الليله تتمنه دفنتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ

حيرت الفاكــــــــــد خليله حيره مامنها تره
شال كلبك وانــــــــــت ماخذ زهرتك للمكبره
ياعلي بكـــل خطوه تعثر ولدمع من دم جره
الليله تــــــــــدفنها بكبرها والضلوع امكسره

ياعلي ياوسف طفو شمعتك
ياعلي غسل الزهرة بدمعتك
ياعلي الليله ودع فاطمه

ــــــــــــــــــــــــــــــــــــــــــــــــــ

كسره مالت افـــــركه بانت ياعلي الليله عليك
ومثل بجي الفاجــدات انسمعه ياحيدر بجيك
الغافي بحـــــضان المكابر ياعلي لضن يجيك
ضعف مال فـــــراك هاذه مو كبر رجفت اديك

ياعلي ماتت ليله ضحكتك
ياعلي غسل الزهرة بدمعتك
ياعلي الليله ودع فاطمه
ــــــــــــــــــــــــــــــــــــــــــــــــــ

حسين عبد الزهرة الدراجي

ماتت اليوم العندي اغله من الهوه
شكد تمنيت اتصير موتتنه سوه
ابنص الگبور دافن النور
وطفه بعيوني الضوه

ــــــــــــــــــــــــــــــــــــــــــــــــــ

خل تصب مــــــــــن دم دمعتي وتترك آثار عله خدي
ماتت ليله الأعــــــــــزهه ويتمــــــــــتني انه ويولدي
بروحي ناصب چادر لها وابجي سكته بليلي وحدي
مو لحدها اتمنه احفره ريت انا يحــــــــفرونه لحدي

ابجي ضليت مثل المضيعله ام
يخنگ البيت شما اطبله انلچم
كلبي مكسور دافن النور
وطفه بعيوني الضوه

ــــــــــــــــــــــــــــــــــــــــــــــــــ

انه كــــــــــل شده احلها وهسه انه ابشده طايح
شدتي افـــــــراگ الزجيه زرعت ابروحي النوايح
حكي اذا راسي ألطـــــمه واوكف وكل ساعه طايح
زهرتي مهضومه مـــــــاتت وبنعشها لوحدي رايح

انه جناز ودمعتي بخدي اتهلي
علي انه وللكــــبر ماخذ علي
وجبدي مطرور دافن النور
وطفه بعيوني الضوه

ــــــــــــــــــــــــــــــــــــــــــــــــــ

انه ذاك الأسمي يــــــــــرهب اكسر ومحد كسرني
بس رحيل الـــــــزهرة عني غير ارسومي وهدمني
من وره انگابي ويبــــــــــين مايظمه انگابي حزني
بيدي لازم ضهري وامشي بياوكت هيج انه محني

ماهي سهله فـــراكها يكسر ضهر
بروحي تاكل الذكره ظلت والصور
ودمعي منثور دافن النور
وطفه بعيوني الضوه
ــــــــــــــــــــــــــــــــــــــــــــــــــ

جانــــــت ايامــــــــي زهيه حلوه والأحله الزجيه
جنت افيـــضن بالمــــــــــحنه من تباوع هيه ليه
ربي احرس واحمي حيدر تدعي جانت كل مسيه
هسه راحت وانــــــــــه ادعي ربي عجل بالمنيه


مات كلشي ويه موتت فاطمه
حته داري مــــن بعدها مضلمه
خدها مسطور دافن النور
وطفه بعيوني الضوه
ــــــــــــــــــــــــــــــــــــــــــــــــــ
بين عله ارسومي حزني ودمعي فاضحني بجفاها
ابجي حـــــــد ماعيني تطفه عليها لو نشدو ضناها
بيتي اصبح كله مضــــــــلم شالت الزهره وضواها
وانه أدعي كــــــــــون اموتن عمري ماريده وراها

شنهي ضلتي وأم الحسين وحسن
شيعتها وطــــــــــولها بليل اندفن
من ابجي معذور دافن النور
وطفه بعيوني الضوه
ــــــــــــــــــــــــــــــــــــــــــــــــــ
ياعلي ويــــــــنك حبيبي حلوه جانت من لسانج
فاطمه رجـــــــــعي دخليج زينب ابعازت حنانج
انتي اميرت روحي انتي وعد الاهج عالي شانج
مــــــــــن تفاركنه ولهسه محد يعوض مجانج

يالحنينه فركتج تدريها صعبه
من مشيتي بعيني كل الناس غربه
تبجي الحور دافن النور
وطفه بعيوني الضوه

ــــــــــــــــــــــــــــــــــــــــــــــــــ

حسين عبد الزهرة الدراجي

https://youtu.be/syXp1w0WJqo?si=mQNU0NNkTBL3ogIG

انا الكسرو ضـــــــلعها ابدفعت الباب
انا الكل خوفي جان ايطيح الحجاب

حرت بوليدي وبضلعي
وحرت بالنار وبدمعي

اويلاه اويلاه
ــــــــــــــــــــــــــــــــــــــــــــــــــ

موقف دفعت الباب قسم كلش رعبني
انا بنت السماوات وسف قنفذ يسبني
وفلان اجرء وگام عله وجهي ضربني
حرت مابيني وبين طيحت محسن ابني

انا بنت النبوه وبنت الاحساس
هضيمه الماهو زلمه يطكني ياناس

انا البضلوعي بسماري
وديه احتركت ابناري

اويلاه اويلاه

ــــــــــــــــــــــــــــــــــــــــــــــــــــــــــــ

صليل اضلوعي چتال وانا روحي نحيله
الكسرو ضلعه ياناس ينام شلون ليله
كلبي من الألم مات ولا هود عويله
بفراكي ابني الحسين غده يلهب دليله

انهضم بفراكي ابني ودمعه سجاب
ويموت حسين كلما شاهد الباب

عله الحايط اثر دمي
وبالنار احترك جدمي

اويلاه اويلاه
ــــــــــــــــــــــــــــــــــــــــــــــــــ

اجه الملعون ياناس وشايل مشعل النار
اجاني شر يدور وانا حسبالي خطار
بحقد ضل يدفع الباب ونبت بضلوعي بسمار
صحت فضه اسنديني وطحت يم عتبت الدار

انا الرب سمه يرضه الرضاهه
لجن بالدنيا ماواحد رعاهه

صعب مايلتم اصوابي
ودمعتي صارت انگابي

اويلاه اويلاه
ــــــــــــــــــــــــــــــــــــــــــــــــــ

هاي انه ام الحسين الملائك خدم عدي
تره موش انه والله اليسطره افلان خدي
آنه ازغيره والموت ماهوه عله كدي
اذا موتن يموتون الحسن وحسين ولدي

بوليداتي وصيت انه ابو اتراب
يداريهم اذا طولت الغياب

هذوله الأعز من روحي
يشوفتهم دوه اجروحي

اويلاه اويلاه
ــــــــــــــــــــــــــــــــــــــــــــــــــ

علي من بعدي مخنوك بقه ودمعه عله خده
حنين وكلبه شفاف وعده افراكي شده
بغيابي حيل ابو حسين مثل ماي وتبده
جرح افراكنه ابيش علي يضمده ويشده

يجرح افراكنه ماصحله مطياب
رمح جن بالكلب يفراك الاحباب

تفاركنه وخلص كلشي
وعلي الوحده رفع نعشي

اويلاه اويلاه

ــــــــــــــــــــــــــــــــــــــــ
حسين عبدالزهره الدراجي

يتراب  أوصيك ابوصيه
                        بالك تمس ضلع الزجيه
  
                مكسور ويألمها   يتراب لا تلجمها
                     عينك عليها  عينك   عليها
                ــــــــــــــــــــــــــــــــــــــــــــــــــ
        يتراب  هذا  انــــــــه  علي الحاجيتك ابآهاتي
        ماراح ارش مــــاي الورد  فوگك ارش دمعاتي
        يتراب بيك انه ادفنت العاشت عمرهه ابذاتي
        كلبي ايتعثر بالنبض ضـــــل من مشت مولاتي

                 كلبي بجراحه عله الكبر طاف
                  وكام الوجع برسومي ينشاف
   
          يتراب هاي ام بيتي  وياها خذت عافيتي
                عينك عليها         عينك عليها
               ــــــــــــــــــــــــــــــــــــــــــــــــــ         
        وكت الــــــدفن ماتت ادي  كوه التراب اتهيله
        البي حيل يشــلع خيبره  شو هسه ميت حيله
        يتراب متعـــــــــجب لأن عيني دمعها اتسيله
        هوه اليــــــــــفارك فاطمه يخلص نوايح ليله

                     اتمنيت كون اثنينه انموت
                    وننشال كــــون ابفرد تابوت

              شلي بعد بيامي    وبيدي دفنت أحلامي
                   عينك عليها         عينك عليها
                 ــــــــــــــــــــــــــــــــــــــــــــــــــ
         باليل شيـــعت الضوه وغبشت ابروحي الضلمه
         واهدومي احس ثكلت علي وكلبي ثكل بي دمه
         الشايل عله امتونه السمه  مــــابيه ينكل جدمه
         لمبجي شجــــــــعان الحرب بالدمع ناگع هدمه

                   حالي بغياب الزهرة موزين
                   وكل جرح بيه ابكد الحسين

          يتراب حته اخيالي   ضل يبجي دم الحالي
                عينك عليها             عينك عليها
                ــــــــــــــــــــــــــــــــــــــــــــــــــ
      من الكبر كـــــــــمت ورحت بس كلبي ضل امچلب
      ايدي عله خاصرتي ارجعت محني الضهر ومحدب
      شما  گــــــــرّب الـــــداري كمت  الموت ليه يگرب
     بس باوعت بــــابي طحت طيحت شمس بالمغرب


                   ومن شفت دم عل باب مطبوع
                   طاحن اعيوني كبل  الدموع

         وهدّمت صدري  الحسره  من اذكرتها  العشره
                 عينك عليها         عينك عليها
                ــــــــــــــــــــــــــــــــــــــــــــــــــ
      للبيت مــــــــــن طبيت انا وبوجهي اثر للكسره
      لاكتني زينب بالبـــــــجي  جاوين امي ابحسره
     ماجاوبتها  ودنكــــــــــت   خنكت عيوني العبره
     شحجــــليها وتوني ارجعت من دفن امها الزهرة    


                   هيهات ترجــــع امها هيهات
                   وعمره البجي ميرجع المات

         لو تبجي من دم عيني  ماترجع ام حسيني
                 عينك عليها           عينك عليها
                ــــــــــــــــــــــــــــــــــــــــــــــــــ

حسين عبد الزهرة الدراجي

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الله يلعن مــــــن حرك باب البتول
شنهي باجر عـــذره للباري شيكول
السطر خد الزهرة شيفيده اعتذار
غير نــــــــــار الحاطمه لا ما ينول


غـــــدا بسمار اليشهد عله الصار
الحــرك باب الزهرة خنيث وعار
غــــــدا ربنه يصلب امام الناس
الشــــــعل دار العتره يشعله بنار


لعنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

هل سوال مــــــــــوجه لهل العلم
ليش صــــوت الضلع رادو ينكتم
انه راح احجيها طك بطك وكول
ماخــــــــــاف وراح اذكر بالأسم


عمر هــــوه القاتل قسم بالله
وليجامل هـــــاذه يصير وياه
السكت والجاملهم تره مئثوم
غــــدا سوفه يلقا عذاب الله

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

من عمر وتباعه انــــــــه أعلن براء
الحقيقه هــــــــاي مو شعر وهجاء
هوه اليطك حرمه هم يتسمه حيد
زلمه مـــــاحسبه وحك رب السماء


على الزلم ينــــعد فشل والله
وذكـــــــرنه بخيبر اذا ينساه
اليكلي بالحومه شجاع وحيد
ذكــــــــــــرنه بهدمه لمن ذباه


العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الزلمه مـــــــــــــــن يهد يكابل زلمه
موش يتــــــمراجل يضل عل حرمه
الزلم تحجي افعالها بوكت الحروب
وهوه وكـــــــت الحرب ينزع هدمه


جبان وماكـــــــــــــابل علي مره
لــــــــون يشرد حكه تره انعذره
لئن يدري بحيدر ابـــــــد ميهاب
مثل شطرت خيبر علي يشطره


العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

https://youtu.be/rBsFiMtae5E?si=TvIgEk-BzaDdzes1

الرادود اسعد الحسيني

حسين عبد الزهرة الدراجي

شكرا الله

https://youtu.be/2XT7KNXWPIM?si=bwWl3tFjXfeLdVUt

https://youtu.be/MABMZVH8Qdk?si=yTUhYm40eTv0_wnY

https://youtu.be/OVVuShi_H_o?si=t7GUsCnyABPStYkp

انه الكسر ضهر الزلم هسه انكسر ضهري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

اجنازه شايل للگبر رحـــــــــت ورجعت اجنازه
لبيته يـــرد ميت تــــــــــره اليدفن بديه اعزازه
راح وتركــــــــني الوحـــــدي المثل الهوه اعتازه
للمثلي الحــــــــــيله تــــــــــره يراد الف عكازه

كسرت عظم هــــــدهد تره ماينجبر كسري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

لا مره مكسور بحــــــــــرب لا سيــــــــفي خاسر مره
بس هسه لا ضهري انكسر وجرحي عله طولي ابكبره
انه علي مشــــــــــيع علــــي وللــــــــــگبر ماخذ عمره
ياكسرتي الماتنوصــــــــــف لمن دفــــــــــنت الزهرة

من وسدتها عله الترب ضاگ الهوه ابصدري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ
مو بس تـــــره اجـــــدمي ثگل ثگلانه حته انفاسي
من بيتنه لحـــــد الگـــــــــبر ابيض صفه كل راسي
گمت امــــشي واعثر بالهوه وشكبره جرح احساسي
مــــــن شيعتها فاطمه جــــــــــن شيعت كل ناسي


مثل الهلال امشي صرت والدمع دم يجري
وي فاطمه ابنص الگبر بيدي ادفنت عمري

انه علي ودافن علي
ــــــــــــــــــــــــــــــــــــــــــــــــــــــــــــــــــــــ

بيدي شلت للمگــــــبره الچـــانت هوه ابنص ريتي
شلت الجنازه الوحـــــدي ودمعي جره عله الحيتي
مثل الگبر بيتي صــــــــــفه موحش ويخنگ بيتي
امنيتي جانت فاطــــــــــمه وياهه اموت امنيتي


مو الها اتمنه الگـــــــــبر ريت انحفر گبري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

انه المفــــــــــحطها جنــــــــــت الخيل والخياله
هسه ابجي ودمــــوعي حمر وگلبي الحزن يبراله
موقف كسر طــــــــــولي كسر وخل دمعتي هماله
صعــــــــــبه عله الزلمه تـــره تنطگ حرمته اكباله


انه علي يـــــــــم الحـــــسن اتقبلي عذري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ

روحين بــــس جنه ابجسد مانحب طاري الفرگه
عين ورمــــــــــش مانفترگ حيدر وزهرت عشگه
مرافگها خلــــــــــصت العمر ويامحله ذيچ الرفگه
من چنه نتلاكه ســــــــــوه يفيض العشگ بالملگه


بس هسه ماتت فاطمه وياحيرتي بأمري
وي فاطمه ابنص الگبر بيدي ادفنت عمري

انه علي ودافن علي

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

وفاة السيده معصومه ع



عن درايه ومعرفه
تراب كبرج بي شفه
يامعصومه دخيلج يامعصومه دخيلج
00000000
انتي باب الرحمه بابج مايخيب اليعتنيج
انتي من كد ماحنينه الطير ياكل من اديج
وفقيني مره وحده ارد ازورج ارتجيج
كل جرح مايبقه بيه لمن الصحنج اجيج

كلبي البصدري يدك
ينبض الصحنج عشك
يامعصومه دخيلج يامعصومه دخيلج
00000000
اكبال بابج يالرحيمه تنحل اگبر مشكله
مثل ابوج انتي كريمه وحاره بيج الهله
بيج يامعصومه اشمن عطر من طف كربله
هوه المحصل رضاتج بعد بالوادم شله

كلشي ماريد وغلاج
عندي اهم شي بس رضاج
يامعصومه دخيلج يامعصومه دخيلج
00000000
فاطمه المعصومه انتي بيج ريحة فاطمه
روحي عطشانه الحضرتج مو عطشها عله الظمه
يالضريحج جنة الله وطافته املاك السمه
عليج يامعصومه دمعي كون اصبه من دمه

انتي اسمج فاطمه
اشكد تحبج فاطمه
يامعصومه دخيلج يامعصومه دخيلج
00000000
واجب لليله بعزائج نلطم ونجري الدمع
واجب اليلطم عليج ابلطمته يكسر ضلع
دمعه لو صب عله خده يترك بخده طبع
كلبي معصومه ابمحبتج ذايب شلون الشمع

الحمد لله والشكر
بخدمتج يكضي العمر
يامعصومه دخيلج يامعصومه دخيلج
00000000
زاعلتها الدنيه كلها وصاحبة بس خدمتج
وانه عبدج وأبن عبدج جيت طالب رحمتج
الله لا يحرمني ادعي منج ومن نعمتج
شوكي يوميه يهزني يالحنينه الخضرتج

انتي يا سر الحياة
خدمتج هيه النجاة
يامعصومه دخيلج يامعصومه دخيلج
00000000
حسين عبد الزهرة الدراجي

الرادود سجاد الكعبي

حسين عبد الزهرة الدراجي

العتبة الكاظميه المقدسه

شكرا الله

شلعان كلــــــــــــبي من الحبهم
ضاع العـــــــــــمر دمعه بدربهم
عنهم رحـــــــت والدمعه بالعين
ماحـــــــــــن ولا رف شو كلبهم

يــــــــدرون بيه فراكـــــهم ياذيني
السكنو بعيني هـــــواي بجو عيني
كسرت غصن كسرو كبالي سنيني

ليــــــــــــش الحبه وريـــــــــده يفاركني
الجان بدمـــــــــــعتي وفرحتي يشاركني

تعال اعيوني مشتاكه العيونك
ــــــــــــــــــــــــــــــــــــــــــــــــــــــــــــــــــــــ


حل مـــــــــــوتي لمن فاركتهم
تعـــــــــــــــبو روحي وتعبتهم
مو قــــصدي اجرحهم بالعتاب
بس جــــــــي احبهم عاتبتهم

من ضيمي اعاتبهم لئن مهضومه
ليش انه منهم اصبحت محرومه
ماشاف راحه هل كلب من يومه

ياراحه وانــــــــــه الشفتهم بعيوني
من ذبحو حسين احس هم ذبحوني


تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

يفراكهم حـــــــــــــــط بيه عله
ياهو اليــــــــــكول الفركه سهله
بيه جرح بــــــــــس ضايع دواي
جرح البـــــــــــــعد ياهو اليشله

موبيدي هاي الفركه صارت كوه
ماينحـــــــــمل مر يافراك الخوه
الله ولحد شـــــــوفو بيه شسوه

دمعاتي بالعـــــــين للحسين مشتاكه
فوك تعبي والضيم اجه نوب افراكه

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

انه العـــــــــزيزه الــــــــــدللوها
بــــــــس روحي بالفركه كتلوها
حكي اعتب على اخواني العزاز
غير الاخــــت حكها على اخوها

بالدنيه منهم مـــــــــــــايصح خواني
هاضـــــــــــــــمني يافركاهم وبجاني
مو دمعه فص عيني الوكع بحضاني

زينب تــــــــره انه الكتلني فركاهم
خواني احلى الايام عشتهن وياهم

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ

حكي اعمي عيني مـــــن البواجي
لخواني حلويــن الـــــــــمحاجي
جانو اخوتي مــــــــــــن يتمشون
عله امتونهم حـــــــلوه الخواجي


ذوله اخوتي وهيبتي ونوماسي
عباس وحسين أغلى من انفاسي
زينبهم انـــــــــه الما ادنك راسي

مهيوبه ضليت منو الكال مذلوله
انه اخت الحسين اذلن معقوله

تعال اعيوني مشتاكه العيونك

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

ماردته لاجــــــــن صار الفراك
وين امشي لمن كلبي يشتاك

سلتني حيل الفركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ

مو حكي اذا كمت الهــــــــــوه ماشهكه
انـــــــــه الحــــــــــنين المايحب الفركه
بنار البــــــــــعد روحي اصبحت محتركه
يوجــــــــــع غياب الروحي حيل اتعشكه

الفاكدله غالي يعيش مهموم
وكلساع يبقى بذكره ملجوم

وغير الحزن مايلكه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ

المتعــــــــــلكه روحي بروحه شو فاركني
و كلبي وي كل دكه صــــــــــفه يوجعني
اشماشوف صوره الحسره احس تخنكني
وضل دمعي مـــــــن ينزل جمر يحركني

صايـــــح براسي افراك العزاز
كلــــــــــساع اروح بغالي جناز

ودربي بدموعي مغركه كمت الهوه ماشهكه
انه علي انه انه عة لي انه

ــــــــــــــــــــــــــــــــــــــــــــــــــ
انه علي الفــــــــــارك أعــــــــــز احبابه
ومــــــــــو شدخ كلبي لا غميج اصوابه
انه الحــــــــــزنه مايضــــــــــمه انكابه
انه الدمــــــــــعته بكــــــل وكت سجابه

جناز رحت ودمعي سايل
شايل حبيب الروح شايل

وبكلبي صارت حركه كمت الهوه ماشهكه
انه علي انه انه علي انه
ــــــــــــــــــــــــــــــــــــــــــــــــــ
انـــــــــه علي الياحــــــــيف داسو بيته
انه الخــــــذ مــــــــــنه الكــــــبر عافيته
دمعي حـــــمر عله المــــــــــارجع صبيته
ليش بعــــــــجل فاركـــــــــني الحبيته

فص عيني كون اليوم ابجيه
بالكبر نام للمــــــــــيت عليه

كمت الجفن ماطبكه كمت الهوه ماشهكه
انه علي انه انه علي انه

ــــــــــــــــــــــــــــــــــــــــــــــــــ
حسره بـــــــدليلي هــــــدمتلي اضلوعي
بالأخ يــــــــبدي ويـــــــنتهي موضوعي
ليــــــــل ونهار بخــــــدي تجري ادموعي
عاش الضــــــــــلام بروحي بعد شموعي


عاتبته بس مايسمع الموت
هضمه الخضار يضمه تابوت

اجفوفي تناطر ملكه كمت الهوه ماشهكه
انه علي انه انه علي انه

ــــــــــــــــــــــــــــــــــــــــــــــــــ

اندل ســــــــــمه الله وللاســــــــف تاليتي
رديت ونــــــــــشد ويــــــــــن صاير بيتي
والنــــــــــفس خنـــــــجر كام يذبح ريتي
تتنــــــــــكع شــــــــما نشــــــفت جفيتي

متعوب من الفركه متعوب
ماجني ساحل هاي الدروب

جفيني صارت زركه كمت الهوه ماشهكه
انه علي انه انه علي انه

ــــــــــــــــــــــــــــــــــــــــــــــــــ

حسين عبد الزهرة الدراجي

طبع اليفارك ياناس تتدرس اعيونه الغربه
خصه التحبه وتهواه ودفنه بيدك صعبه

ومن يبجن اعيونه لا لا تلمونه
الفاكد تعذرونه عذاب عذاب

ــــــــــــــــــــــــــــــــــــــــــــــــــــــــــــــــــــــ

التتنفسه مثل الهوه اتموت كون وياه سوه
اليدفن عشك روحه بكبر مايرهم العلته دوه

جرح البعد بيش يطيب واليركض براسه الشيب
ياديره التلمه

اليدفن اعز ناسه بليل يكضي العمر دمعه يسيل
ولجمه بثر لجمه

وانه الحنين المكسور الشيبت راسه الفركه
كون الله لا ينطي الموت ماخذ الروحي اتعشكه

زتيته بدموعي ولاخ بضلوعي
طفوهن اشموعي عذاب عذاب

ــــــــــــــــــــــــــــــــــــــــــــــــــــــــــــــــــــــ

الياخذ حبيبه للكبر كسره ابد ماينجبر
وانه علي الما انكدر بس هسه محني ومنكسر

انه الشلع خيبر ذاك بس هسه لا مو كواك
حيلي انهدم كله

من وني شيبت البيت اوكف وطيحن ضليت
الفركه مو سهله

اعظم جرح عاش وياي جرح الزجيه الزهرة
راحن ايامي الحلوات وراحت هذيج العشره

حك دمعتي اتلالي متعوب ياحالي
غالي ودفن غالي عذاب عذاب

ــــــــــــــــــــــــــــــــــــــــــــــــــــــــــــــــــــــ

ماحسبت هيج الأمر بالفركه ماينفع صبر
ياناس ماتت فاطمه دمعاتي خل اتصب جمر

الشايلها بعيوني عمر ادفنها صعبه بنص كبر
كون اندفن انه
كوه امشي ياسفه صرت بكل خطوه اكض ضهري كمت
فاكدلي ريحانه

ايدي عله ضهري ومهوم ودمعاتي عل خد تنصب
يبجي عله حالي ابني حسين جي بس اون ونحب

خنكتني العبره وجرحي فلا يبره
شيرجع الزهرة عذاب عذاب

ــــــــــــــــــــــــــــــــــــــــــــــــــــــــــــــــــــــ

اشما اطبن البيتي انهضم اشماشوف بابي لجم
محروكه داري ياوسف حكي لون كلي انهدم


انه علي داحي الباب ابني وكع يم الباب
من شدتت العصره

وأم بيتي بس تبجي ادموع منعدها مكسوره ضلوع
ويلي على الزهرة

راحت وخلتني وحيد بس انه ودموع العين
يم بابها الصار ارماد ابجي انه ووليدي حسين

بينه اصبحت كسره من راحت الزهرة
حسره بثر حسره عذاب عذاب

ــــــــــــــــــــــــــــــــــــــــــــــــــــــــــــــــــــــ

تاخذني الاخ وترد مومالت اكبور الورد
زهرت اسنيني وضحكتي ضميتها بنص لحد

الدللت روحي هواي عافتني اون ونت ناي
والدمعه بعيوني

اكسر الخاطر ضليت الشوفتها كلش حنيت
والوادم يلوموني

ذبلان لوني ومهضوم جي فاركتها ام بيتي
بول اوداع الزهراء شيبي طلع بلحيتي

بيه الهضم ديره من المالهم غيره
ياحيرتي حيره عذاب عذاب

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي