وادي الطفوف

اااياااام
للشااااام
دربي
وشضااام
محتااام
كلبي

بيناتنه العباس مالومه
كون اليموت يموت بالحومه
من گبل . موت الشام مو يومه.. مو يومه.. مو يومه

بين العده والوحدي جا ليش
وي الغرب فن واحد يعيش
كلهن اسهام الوكت بحشاي
مامش سهم من عده بالريش
_
من الليل
لليييل
دمعي
موزيين
يحسيين
وضعي

موزين حالي والله موزينه
أشلونه بالله الفاگد حسينه
كلشي ابحياتي ايكلي جا وينه... جاوينه.. جاوينه

وهاي الهزل ماتعرف ال اه
الوياه چنت غير اضل وياه
ياموت الاتمر عاليحنون
بالكي من اموت احسين الكاه
_
ااثاااار
لاحبااال
خضره
مو جاااان
اسميييي
الحره

اسمي الگبل بس حيدر ينوله
صاير سهل اي واحد يكوله
معقوله دار الوكت معقوله.. معقوله.. معقوله

روحي وعلي مو الاوليه
الماصار صار اهنانه بيه
الشام والليل وحجي الناس
طاحن سوه كلهن عليه
_
بل ااااه
والظييم
روحي
الوويل
شيفيد
نوحي

مهيوبه غير احسين مهيوبه
ضاعت الهيبه بشام ودروبه
مابيه بس والله انه متعوبه.. متعوبه.. متعوبه

حتى الخرابه اتطلع الاونين
مكطوع ثاري الرجه يحسين
ضلينه بالغربه عبايات
مثل السهم لمن تصد عين
____
ياموووت
لهناااااااا
حدي
ماموووت
لوجاااان
خووااان
عدي

حتى الچفن نضراته معروفه
الميِته هاي هواي معيوفه
حتى الگبر ادخله مجتوفه.. مجتوفه.. مجتوفه

بس كون الگا اخواني ياموت
حتى اذا ماصحلي زاتوت
تدري الحسين اهناك عالكاع
طايح امسلب ماله تابوت
_
اللـهم عـجـل لـوليـك الفـرج

محسن الحمداني

(شور)


يا مآيله يا مآيله   يا مآيله الدنيا اويه زينب

*------------------------*-------------------*

مالت الدنيا اويه زينب يوم حاديهه حده
تمشي وبناگه هزيله عـرجـه مابين العده
زينب اتلاهب گلبهه والهظم بيهه ابـتـده
ساعت الشافت رقيه چنهه ورده امگيده

ماصايره ماصاير   ماصايره شافت عَجب

*------------------------*-----------------*

اتحمّلت ظيم البراري وطبت الشام بحزنهه
تسمع بكلمت سبيه الوادم ايـگولـون عـنهـه
تنظر اعليهه الشماته وتستر الـحـره بردنهه
تنهظم زينب يشاهد واحـد الدمعه بجفنهه

بعيونهه بعيونهه    بعيونهه تحمل عَتب

*----------------------*------------------*

محد اليعرف قدرهه وجهلوا بجَدهه القرابه
بالحبل مشدوده اديهه وباتت بذيچ الخرابه
فوگ حيرتهه وسبيهه الغرب اصعب مصابه
والأشد تسمع رقيه بالدموع اتـصيـح بـابـه

مهظومه مهظومه   مهظومه من التعب

*--------------------------*-----------------*

للقصر ياحاله طبت وگالوا اعليهه السبيه
مخدرت عباس هايه توكف بديوان اميه
صعبه ويردد اسمهه ابن مرجانه وسُميّه
حيره ماصارت مثلهه أتمنت اهناك المنيه

شتموهه شتموهه   شتموهه ابلا سبب

*----------------------*----------------*

حـتـه موتتهه يـوادم صارت ابعيده وغريبه
عذباهه الشام حقده وماتت بعِظم المصيبه
دنيا مارحمت غربهه هاي مـو دنيا عـجيـبـه
ألهه منذوره المدامع والمحب باقـي بنحيبه

بجروحه بجروحه   بجروحه گلبه التهب

*-----------------------*------------------*

✍خادم زينب ع
الشاعر رعد الجريخي

خوية زينب .. اعذريني .. ما حضرتج هالمسيه
اشلون اشيعج .. من اجيلج .. وانه مكَـطوعات اديه
................؛؛؛؛؛؛؛؛؛؛؛؛؛؛..................
١؛*

يا زينب صعب أمري ... اجيج ومنكسر ظهري
بلا يساري ويميني اشلون ...
اشيعج يا بعد عمري

الما ظلتله جفينه ..... بحاجه الواحد يعينه
والمتسَحكَـه امتونه
يشيع اشلون ضي عينه

ورايج استمع يم عون
احضرلج بلايه اعيون
اشلون اوصلج انه اشلون
والاجنازه تريد امتون

وانه متني .. مهشمينه .. وشيلتج تصعب عليه
.............
٢؛؛**

زينب خوية اعذريني .... متشوف الدرب عيني
اوصلج يخوية اشلون
انه ابهل حاله تدريني

لو صح بيدي يازينب ... اجيج وانه كلي انحب
لجن حكم القدر ياحيف
بعيد اعليج دمعي انصب

مو سهله علي تنخين
وما جيلج يضي العين
اعذريني واعذري حسين
الاثنين احنه مذبوحين

اعلينه داست .. بالحوافر .. خوية زينب الاعوجيه
..............
٣؛؛؛***

عليج انه يصب دمعي ... لجن انتي اعلم بوضعي
على اجروف النهر خليت
جفيني وكسر ضلعي

وحق المنكَـطع نحره ....لو ظلت الي اليسره
اجيج وما اهم بيمين
ما جازيلج العشره

منج يل الأخت خجلان
ما صرت انه الج دفان
معذور البلا ذرعان
وعذر ما بينهه الخوان

سامحيني .. يا لحبيبه .. دفنتج ناس اجنبيه
.................
٤؛؛؛؛****

انه ابكربله وروحي .. اعله بابج هيه واجروحي
حضرت تسجب الدمعه
وابد ما بطلت نوحي

عفتج بس جسد انه .. يمج روحي حزانه
يا أكبر جرح بيه
اعليج اعيوني ذبلانه

ميت روحي تبجي اعليج
ولو عندي النفس انطيج
ليل انهار اسولف بيج
الشام الشام المأذيج

غربه غربه .. هوايه عشتي .. وشفتي انواع الاذيه
..................؛؛؛؛؛؛؛؛؛؛؛؛؛؛..............
✍️🏻 كلمات موسى الخادم

نعي للسيده زينب عليها السلام

انه الغريبه المالي ديره
من كربله للشام اسيره
محتاره والحيره چبيره
وين انطي وجهي وين اديره

اصفن وگول اتهون بلشام
وحچي الشماته اقوى من السهام
وسفه ابخرابه انبات ونام
انذبحت اگبالي كل الحلام

بلا خير حالي يل تنشدون
لاضل جدم لا ضلت امتون
بين الاعادي واليشمتون
صحتك يخويه ابدمع العيون

اگعد يبعد اختك سبوني
وعل سوگ هضمه مرروني
صاحو اسيره وشتموني
وبين الشماته وگفوني

العاشت غريبه اتضل غريبه
وموتتهه بل غربه مصيبه
جرحچ عله الشاطي طبيبه
وشماتچ ابكثره عجيبه

مالت وياچ الدنيه ميله
عباس من يروح حيله
فوگ القهر تحمين عيله
وضيم الخرايب صعب ليله


سلام البهادلي

في حق السيده زينب

الكال ذلاهه السبي
يشوف تل الزينبي
هاي زينب كله عفه
بت علي وبت النبي

---------------------
هيه قائد مو مره. ولا نكول ميسره
هاي زينب
بالشرف عفه وكمال تنحني اله الجبال
هاي زينب
خذت من حيدر صفات. . مدرسه لتضحيات
هاي زينب
بكربله عدهه كبر. . فوك تلهه ام الخدر
هاي زينب

اكصد المرقده شوف
بيهه كل زاير يطوف
بكربله أله مناره
بت علي وبت النبي

-------------------
هذا تله بكربله. ومقام. الهه عله
اخت الحسين
اسست هيه الوفه. منه ناخذ معرفه
اخت الحسين
اوكف اباب الصحن. . وعينك عله ام الحزن
اخت الحسين
شوف كبر ام الصبر. . شامخ بطول العمر
اخت الحسين

يمهه صفي نيتك
ومنه اطلب حاجتك
مرت عليه مصايب
بت علي وبت النبي

-----------------
ايه زينب بت نبي. . مايذله الجنبي
برض الطفوف
عالمه وكله علم. ويه كافله الشهم
برض الطفوف
عده دستور الحجاب. ما يغيره المصاب
برض الطفوف
خذت من امهه الحزن. . ضلت تنوح وتون
برض الطفوف

خذت من امه الصبر
بالحزن تكظي العمر
حته لو ضلت وحيده
بت علي وبت النبي

--------------
ترببت فحل الفحول. . محد الشافله طول
كله هيبه
شلون راحت ليسر. برفجت انذال وشمر
كله هيبه
نومه اهله عله تراب شافت انواع العذاب
كله هيبه
بين غربه بلاكفيل. جبل واكف ماتميل
كله هيبه

عكب. سبع. الكنطره
شلون تمشي ميسره
وشمر يحدي بظعنه
بت علي وبت النبي

--------------
طبت المجلس يزيد. زينب اتذله تريد
بوصط ديوان
الناس كله حاظره. . وعله زينب دايره
بوصط ديوان
كله سكتت من حجت. بهيبه وكفت مابجت
بوصط ديوان
مثل كافله الكمر. ماتهاب. منل. خطر
بوصط ديوان

كالت انه بت علي
ونصبه الباري ولي
اسعي سعيك وكد كيدك
بت علي وبت النبي

-----------------
الخادم
رحيم. الصالحي

محد بجه اعله اجنازتج
محد حضرهه دفنتج
محد وصلهه غربتج
يازينب العلويه
.....
أتمنيتي جان ابدفنتج عباس حاضر
وحسين اخوج الهشمت صدره الحوافر
جانت دعوتج روحج بيوم التسافر
يمج  يجوج الفاركوج ابيوم عاشر

ما أنصف اوياج الدهر
عشتي بهضم عشتي بقهر
منج اخذ شمس وكمر
الفاركتي موش اشوية
........
حتى ابدفنتج ما خلصتي من عذابج
مو جف كفيلج جف غرب هالت ترابج
بالموت وانتي اعيوانج اتصد اعله بابج
شمتانيه يم الخدر جيت احبابج

ياهو التتاني جيته
الكطعوله جف لو ركبته
العلترب ظلت جثته
سهم ورمح مرميه 


.......
بس ابن اخوج الشيعج هاي الهضيمه
اجنازتج ظلت حالهه حال اليتيمه
ابعازت امتون الشيلهه اتصيح الضليمه
محد فزع ليهه مثل حركت الخيمه

ماواحد الضل من هلج
بس الشماته تبره الج
ميته وضحكهم واصلج
وانتي الكلب مدمية


......
عشتي غريبه ومتي يا زينب  غريبه
خلصت حياتج نوح واهات ومصيبه
الشافت اخوهه أعلى الترب جثه سليبه
كل عمر ما يبقه الهه ابد لا مو عجيبه

عيشتهه جرح ابصف جرح
الشافت اخوهه ينذبح
وراسه اعتله فوك الرمح
واكطعت منه الجية


......
الشام اه يالشام بيهه اشفتي اذيه
ما رحمت ابحالج يبت خير البريه
ابنوك الهزيله دخلوج الهه  سبيه
وظلت ابالج هالصور حد المنيه

اتحملتي انواع المحن
شيدتي بحزانج وطن
من البجي عيونج عمن
الموتج عقدتي النيه


.......

وينه الينادي اوياي بالونه الثجيله
يا مايله الدنيه اويه زينب خوش ميله
هاليوم وحشه اديارهه صارت عليله
من عدهه شالت عافيتهه اوياهه شيله

دار العقيله مظلمه
تبجيهه املاك السمه
وين اليصب دمعه دمه
عل بالحبل مسبية
،.....
كلمات
موسى الخادم

اخت حسين ياصوت الانسانيه اخت حسين يارايتنه الثوريه
كد كيدك من صاحت لاذلـــــت لاخافت
اخت حسين يارايتنه الثوريه
***
هاي اخت حســين والله عاشت ابيت الأمامه
رضعت بثدي الحمـــيه اتربت ابعز وشهامه
درست اعلوم الصميده ورافكت اهل الزعامه
تشبه الزهره فاطمه اتخرجت زينب عالمه
ابكل الماسائل فاهمه صاحبة علم وكرامه
من هالبيت شخصيتهه المعروفه من هالبيت خطت للدين احروفه
بالقوه اكثر زادت لاذلت لاخافت
اخت حسين يارايتنه الثوريه
***
اختاره حسين المهمه وبيهه اســــرار القياده
سارت بدرب الملاحم وشاهدت يوم الشهاده
بعينه شافت الغربــــه وذبحت انحور السياده
من طاح اخوهه اعله الثره واعياله كلــــهه اميسره
وبخيامه نار اموجره ظلت بنفس الاراده
رغم الضيم واسيوف وخيل العسكر رغم الضيم لامالانت بت حيدر
هيهات انذل نادت لاذلت لاخافت
اخت حسين يارايتنه الثوريه
***
لبوة الكرار صــــــالت ورجفـــت كل العساكر
جبل من الصبر جانت نشــــهدلهه ابيوم عاشر
رغم سيل امن المصايب رغم حز ذيج المناحر
من شافت البيرغ هوه بنت الزجيه ابنينوى
شالت بديهه هاللوه ماتبالي بالمخاطر
لأجل الدين هذا الموقف غايتهه لأجل الدين جانت بالطف نيتهه
فوك الهزل راحت لاذلــــــت لاخافت
اخت حسين يارايتنه الثوريه
***
رادو اينالون منهه بــت علي الحره الشريفه
بذاك دين اهل الكراسي ابذاك ديوان السقيفه
انجمعت ابواق الجهاله لا أمـــينه ولانظيفه
لبوة علي حين انطقت زلزال سوت من حجت
ذيج اللسن كلهه اخرست امن ايزيد والف ابلفيفه
ظل هالصوت نتعلم من احروفه ظل هالصوت بالواقع هسه انشوفه
كل الناس الوالت لاذلــــت لاخافت
اخت حسين يارايتنه الثوريه
***
ام عــون نبراس الحميه الأبد لامابيــهه لوله
ادروس من عدهه انتعلم ثورة العز والبطوله
نوكف بوجه التســـــلط حكَنه مانسكت نكَوله
لاما تِاثر عالفكـــــــر صوات النشاز ابكل عصر
أولاد حيــــدر نفتخر صانع امجاد الرجوله
انظل خدام بس حسين اليستاهل انظل خدام مانتبع درب الباطل
بهذا المجلس كالت لاذلت لاخافت
اخت حسين يارايتنه الثوريه
***
وبهاي ثورته الابيــــــه حاربت ديــــــن الخرافه
عدلت درب العبــــــاده وصححت مسره انحرافه
بصوته العالي بصموده اصبح اعـــلان وصحافه
لساع تكتبهه الصحف ثورتهه ماتعرف ضعف
ناطق الرسمي تنوصف هدمت الشر واصطفافه
واحنه اليوم بأبيات العز نرثيهه واحنه اليوم من هالمجلس ننعيهه
نبرتنه امن اتعالت لاذلـــــت لاخافت
اخت حسين يارايتنه الثوريه
***

نقسم بهـــاي المجالس اي وحك بنت ابو الحمله
نبقى مانترك نهجـــكم لانغـــــــــــيره ولانبدله
نحيي كل هاي الشعائر صوتنه وياكــــم نسجله
من هالزلم هذ العهد خدامـــــج انظل للأبد
وانريد من عنج مدد ابجاهج الباري نسأله
نبقى اوياج واتوفقينه بخدمتنه نبقى اوياج واتزيدين ابنعمتنه
يالروحج ماماتت لاذلت لاخافت
اخت حسين يارايتنه الثوريه
***


ابو علي الركابي

بالغربه اعيش انا ابسبي
مرتين ليش اني انسبي
ياربي مرتين

ميفارگ عيوني الحزن
حتى ابمماتي وبالدفن
شماتي صوبين
🔮
راح اناطر...
وادري وحدي بالغرب ألمن اناطر
كل اخوتي...
ماتو وگلبي بقى بعازة خواطر
ماكو زاير..
هل سنه بابي فلا يوصلها زاير

اصبح يحرس صحني الذابح
انحور اخواني بذاك العام
يمكن يهدم قبري ويفتي
ويمسح اسمي أمن الاسلام
🔮🔮🔮
ياكافلي وينك صحت
ياوسفه من اتعذرت
مگطوع الايدين

بالغربه اعيش انا بسبي
مرتين ليش اني انسبي
ياربي مرتين
🔮🔮
خالي صحني...
والحمام البلصحن يبجي عليه
يهلي ردو..
ليش اعيش ابكل زمن دور السبيه
شوفو حالي..
امنين مادنگ اشوف الغاضريه

اطبول الشام امعرته ابراسي
شجره معرته بيها الفوس
ربها اتبيعه هاي الوادم
بس تنطيها اشويه افلوس
🔮🔮
تاريخهم من قبل أمس
ايبيع الشرف لاجل الفلس
ودينه اعله فلسين
🔮🔮
يحدي بيه..
جرحي لا مو كافلي العباس اشوفه
خل يجيني..
ياخذ اچفوفي ويرد كون ابچفوفه
ومضه روحي..
بنص شعر تنزف دمه ضلت حروفه

كون العباس ايرد وكته
ويوگف يم القبر وكون
الفكر يتدنه أيصد ليه
يشلع من جمجمته اعيون
🔮🔮
ادريبه ابو الغيره كلف
مايقبل بواحد صلف
ياوسفة البين
🔮🔮🔮
عفته بالطف..
والله مجبوره وعلي بلي جرالي
حسين غالي..
وبالي يفرغ بس يضل هوه اعله بالي
قبري خالي..
لو يعاين ينجرح چي قبري خالي

هذا العام احتار ابأمري
وتنزف تبقى ادموع العين
كل عام اشتم عطر اخواني
من الزاير قبر حسين
🔮🔮🔮
هل عام ويگول الحچي
خدامي چن تشبع بچي
ومتحيره العين
🔮🔮
والمجالس..
هل سنه بالشام أبد ماكو مجالس
ال اميه..
من گبل دمهم نگس عاده القدائس
عندي تبقى
ذوله خدامي مثل شذره ابمحابس

مشتاگين ادريهم كلهم
والمشتاگ ايضل مجمور
هذا العام اعذر خدامي
وكل خادم منهم معذور
🔮🔮🔮
الله يصبر كل گلب
ايعاين على اعيون الدرب
ينطي الوجه وين
🔮🔮
الشاعر ابو قسورة الكربلائي
قصيده مجموعه من عدة اوزان عن لسان حال السيده زينب عليها السلام
وزن حدي1
موشح مذيل 2
اعگيلي3
هاي القصيدة كتبتها ودمعي كام يجري مع العلم اني ماواصل السوريا
صدگ هضيمه هل سنه والله يساعد الناس الي كل سنه يروحون يزورها

ياموت اعله كيفك.  ماخليت الي أحباب
كل ناسي الاحبهم.    صارو جوه التراب
واعزازي الردتهم.       مستعجل خذتهم
...
ياموت حيل استعجلت     بعده وكت روحتهم
مو تدري ماعندي صبر.       وتحمل الفرگتهم
ضليت مكسور الگلب       واتحسر الشوفتهم
تركو فراغ بدنيتي.         ومحد يسد سدتهم
ماانسه ذكرهم.   راحو كلهم اعزاز
كلش والله صعبه.  بيهم امشي جناز
بچفوفي ادفنتهم.   مستعجل خذتهم
**
الدنيا من يوم المشو.  والله ابد ماتسوه
من شيعيناهم بعد.    راحت المه الحلوه
امنين اجيب الحيل انه. ومنين اجيب القوه
من سافروا عني صرت.  باالدنيا عايش گوه
صارو باالمقابر.              ويطولون الغياب
چا شمضيعه عيني.      و تعاين على الباب
من راحو شفتهم.        مستعجل خذتهم
**
اشگد ذكريات الهم بقت.  متعلگات أبالي
أصعب شي بهذا العمر.   لمن تفارگ غالي
من يوم ماراحو طحت.   طيحت البيت العالي
بساعة دفنهم باالنجف.   دافن جميع امالي
عشره وگعده چنه.  وياهم احله ضحكات
بسرعه وعنه راحو.  صرنه انعدهم اموات
كل لحضه اذكرتهم. مستعجل خذتهم
**
چم دار ضلت موحشه.   لمن رحل راعيها
وچم ام بقت متألمه.     ماواحد يواسيها
الهم اماكن ننجرح.           لمن نمر عليها
نتذكر الگعده سوه.        من چنه نگعد بيها
هيچ بسرعه راحت.   شيرجعها الايام. 
وانه بهذا عاشور.      راحت مني خدام
باالقرايه افگدتهم...مستعجل خذتهم
**
صرت اقره الهم فاتحه.      وابچي على ذكراهم
چنه سوى وما نتفرگ.        شو ما خذوني وياهم
عشرتهم ولا تنسي. حتى اگدر انه انساهم
مشتاگ لحبابي وعلي.      بس مدري وين الگاهم
وبوادي النجف غاد.   سكنوا مايرجعون
كون الدنيا تنعاد.      بس اشتنفع الكون
كلهم ودعتهم..... مستعجل خذتهم

سعد العبودي

قصيده لمولاتي زينب ع


زينب غَمضَت العين
لا عباس وحسين
حظروهه بدفنهه
همهه بكد الجبال
طول الدهر جتال
المصايب من ولنهه
@@@@@@@@
زينب شابحه العين بساعات المنيه
اليوم اتودع اليوم ودمعتهه جريه
رادت كون الاخوان يواروهه الثنيه

تسعر نار بيهه
ما مروا عليهه
ومحد حضر يمهه
@@@@@@@@@
كبل لا تغْمض العين رادت كون الحنان
حسين يسبل الايد وابو فاضل الدفان
بيده يهيل التراب ويقره يمهه قران

ومحتاجه الغوالي
نعشهه بقه خالي
وفركاهم عمنهه
@@@@@@@@
عمرهه خَلَص بالنوح ودمعتهه اعله خدهه
من يوم الزجيه المصايب واعدتهه
ليوم الغاظريه وكوم الي سبتهه

شافت نحر الخوان
وشب الكلب نيران
ومصايب الفجعنهه
@@@@@@@@@
ضلت تذكر الصار وضيم الي لفاهه
ذبح عباس وحسين هذا المرمراهه
تذكر حرك الخيام والضالم سباهه

ودمعهه من دمه سال
ايديهه امكيده بحبال
بسكته جان ونهه
@@@@@@@@
انواسي فاطمه اليوم بمصاب العقيله
نجري دمعة العين دمع من دم نسيله
نلطم نخسف اصدور ماننسه هاليله

هاي ام الخدر هاي
اخت الماشرب ماي
الماتت من حزنهه
@@@@@@@@@
✍️خادمة الزهراء ع ام حسين الفريداوي

والدي في ذمة الله

صباح الخير وانته الخير يامولاي
جميل اليوم من ابديه وانته وياي
صباح الخير صباح الخير
يا مهدي
افتح عيني أسبح بأسمك الغالي
‏الصبح مو نور.ِاشوفك انته الأگبالي
‏اصلي وأشعر اتابعني تبرالي
‏وتلبسني خشوع اليستر أحوالي
‏وقنوت الروح لحبيب الروح وادعيلك
‏ودمع العين لوُن الشوگ اوديلك
‏صباح النور وانته النور وانته اضواي
‏جميل اليوم من ابديه وانته وياي
‏صباح الخير صباح الخير
يا مهدي
اناجيك ولمن يغلب عليه النوم
‏ويفززني اشتياقي والگلب ملچوم
‏وصدى يگلي حبيبك وصل يمك گوم
‏وصلاتي بكل شعوري اني الك مأموم
‏افز ملهوف عيني اتشوف بأحساسي
‏واطش احروف اسمك ويَّ انفاسي
‏ووضوء الخير احسن بيك سر الماي
‏جميل اليوم من ابديه وانته وياي
‏ صباح الخير صباح الخير
‏ يا مهدي
‏اقرالك دعاء العهد فجريه
‏واسلم واحني راسي أبين رجليه
‏واگلك غيرك انته من يحس بيه
‏ويصبرني الامل باچر الك جيه
‏بصلاتي الگاك دعائي الگاك باب الخير
‏واحس بالروح بيها ايصير جنح الطير
‏تطير هناك تريد وياك يا رجواي
‏جميل اليوم من ابديه وانته وياي
‏صباح الخير صباح الخير
‏. يا مهدي
‏افتح عيني اشوفن نورك البيها
‏اغمضها بحلم ترجع تغطييها
‏يالعينك حنان ورحمه ماليها
‏صباح العافيه اللي يصبح عليها
‏رسايل شوگ بالتعجيل تسبيحي
‏وكلام الناس خلي ايزيد تجريحي
‏وهالتجريح بالتسبيح الگه ادواي
‏جميل اليوم من ابديه وانته وياي
‏صباح الخير صباح الخير
‏. يا مهدي
............................................................

‏للشاعر
كريم التميمي
الحان
ملا عدي الربيعي

سؤال   ساكن حبيبي ابْيا بَلَـد   
سُؤال   يالمُنتَظَر طال الوَعَد
سؤال يا قُلْ هُوَ اللهُ أحَد
سؤال
*
طَوَّل غيابك يا گُمر     يا عام تِطلع يا شَهر
يا يوم تِخلَص قِصّة المَغيب
عُمري ذِبَل مِثل الغُصِن    وبعدك ذِبَل حتّه الجِفِن
إيْ يالغِيابك زَيَّد المَشيب
يا كل مَكان وكل زمَن    وين انته ساكن يالوطن
وين انته واعتنيلك يالحَبيب
مِنْ عُمري ما ريد النَظر    بَس شوفِتـَك يالمُنتظر
لو شِفْتك اجروح الگلُب تِطيب
أهيم   وآخذ خيالي الحَضرِتَك   
أهيم   وابدمعي أرسم صورِتك
أهيم   وكل ليله أكتب يا مَدد  
سؤال
**
يتسائَلْ ابْعيني الدَمِع    عُمرَك تِعيشَه ابْيا وَضِع
يا سيّدي يا صاحبِ الزمان
دَمعاتك اتهِل مِنْ دِمَه    لِمصيبَة اُمّك فاطمه
وظل ويَّه دَمْعك يبچي كل مَكان
ضِلعَك حِنيته إعلى الضِلع    وصوت انكِسارَك ينسِمِع
صوته نِسمعه ابكل وَكِت أذان
حَيَّ عَلى فَرضِ العَدِل    وِاتنادي يا ثارِ الطِفِل
ذاكِ الجَنين الما لِگه الأمان
عجيب   هاي البَتول الطاهِره  
عجيب   مِنها الضُلوع إمْكسَّره
عجيب   واتگيّد اشلون الأسَد   
سؤال
*
واجِب أواسيك وفَرُض    دَوَّرتك ابكِل الأرُض
خِلْصَت حياتي ابكلمة التعال
وينك عَلَيْ طالِ السَفر    دوَّرتك ومالَك أثـَر
وگلبي افتِرَش واتوَسَّد الرِمال
لِلبضعه زاير مِن رِحِت    تايه صِرِت وينك صِحِت
لاشفِت نورَك لاشفِت خَيال
ابْلَحظتها غَرّگني الخَجَل    أتلَفَّت ابخوف اوَّوَجَل
والدنيا ليل وما بِزَغ هِلال
جواب   أُمنيتي مِنّك أسْتِمِع   
جواب   وابفرگتك صار الدَمِع
جواب   وانته الجواب اشما وِرَد   
سؤال
***
يالمَهدي طَوّل مَوعِدَك     عالزهره تِبچي الوَحَّدَك
توصل گبُرها ولابِس السَواد
وابلا عِمامه ابهل وَضِع   تنعى اعله خدها المنصفِع
ولمَّن تِوِن يِخشعلك الجَماد
نالَك يَمولاي التَعَب    تِسمحلي أطلب بَس طلب
وحاشه ترِد اچفوفي يالجَواد
ريت ابنيابه اتزور الي    يَمّ الگبُر يَابِن علي
مشتاگ اجيها وأعلِن الحِداد
أنوح   وَابچي إعله گبر امّ الحَسن   
أنوح   والدمعي ما أطلُب ثمَن
أنوح   وعَن نوحي مايسأل أحَد  
سؤال
*
ذَنبي حِجَب عيني وحِرِت    مَغشي عَلى اعيوني وصِرِت
أترجَّه نورك يِكشِف الظلام
أتصفَّح اوجوه المَلَه    وينك يَبِنْ عَقدِ الوِلَه
إنته الحَلال الخالَفَك حَرام
هايم وضَيَّعت الدَرُب    وحالي كِسَر باب الگلُب
يلْ حارِم أحبابك مِنِ المَنام
ضايع ابدنيه اْمْنِ الألم    وعُمري تِساوَه اوْيَه العَدَم
بَس رِدْ عَلَيْ فَرِّحني يَا إمام
وَاْصيح   يا يوم اشوفك سيّدي   
وَاْصيح   ساعَة ظُهُورك مَوْلِدي
وَاْصيح    كلْ ليله مولاي انولَد   
سؤال
***
گلْب اليحِبّك عاتَبَك    يا صَبْرَك اشْگد تَعَّبَك
حَتّى الهَوه يِتْأمَّلَك تِعود
يتنَفّس إبصُبْحَك عِطُر    وايتاني شَمسَك كِل فَجُر
گطرَة نِداك إتفتِّح الوُرود
وتِمسَح عَلى اعقول البَشَر    وخيرَك يِصُب مثل المَطَر
وكِلّ الكواكِب تِعلِن السُجُود
وحتّى النَجِم يسجِد إلَك    وقائِد تِصِير اعلى الفَلَك
والدِنيه كِلها اْبْأُمْرِتَك جُنود
فِداك   رُوحي وحَياتي وكِل هَلي   
فِداك   وصَرخة العالَم تِعتِلي
فداك   لَمَّن تِجي مَيظل بَعَد   
سؤال
**
ضياء الرُبيعي

يرجى التعميم عسى ان يستفيق العرب
( المخطط اليهودي للعرب)

منذ ان وجد الاسلام واليهود يركزوا وبدقة على ما يحدث للمسلمين هم يعلموا ان نهايتهم على يد المسلمين
ويعلموا جيدا ان توحد المسلمين ستزيل مايسمى دولتهم لذلك عمدوا على ان لا يتوحد المسلمين فقد تم ضخ اموال طائلة على تأسيس منظمات بأسم الحرية او الانفتاح وتأسيس منظمات بأسم
داا عش والقا عدة ومنظمات اخرى لبث الفرقة والاقتتال بين المسلمين لا يتركوا المسلمين ولا طرفة عين يراقبونهم عن كثب ، وجد اليهود طريقة للمسلمين تجعلهم اذلاء ضعفاء هي زج مجوعة من عرب البدو وتجنيدهم من مئات السنين بما يسمى الوهابية تتكلم بأمور الدين والتوحيد و السنة النبوية وحفظ القرآن ، لعل من المسلمين ينتمون اليها وقد نجحوا بذلك وهنالك العديد من المسلمين انتموا اليهم دون ان يعرفوا ان كبار هذه الحركة هم من موالين اليهود الهدف من تأسيس هذه الفرقة .
نصب العداء الى الشيعة وحث السنة على مقاتلتهم . كذلك من الشيعة لجأوا الى كسب مجموعة من الشيعة في بريطانيا وتحريضهم
على بث الفرقه وانشاء لهم قنوات مثلهم مثل الوهابية ايضا انشاء لهم قنوات تبث السموم من الطرفين
ليس هذا فحسب بل قامت اليهود بتجنيد عرب او من يهود العرب بأنشاء صفحات وهمية تبث الفرقة بين المسلمين وقد نجحوا نجاح باهر بذلك الشي . بث برامج تميل (الى الشـ ذوذ الجنسـ ي) انشاء منظمات بأسم الانفتاح دعم المسيحيين انشاء بارات في الشرق الاوسط دعم اشخاص يقيمون نوادي ليلية دعم المثليه بين صفوف المسلمين وتشجيعهم طبعا كل مايفعله اليهود من هذه عدم ترك اي بصمة لهم دون ان تشعر انهم وراء ذلك ، اي حكومة تهددهم يزجون المتطرفين بها لتجنيد بعض الشباب وتجهيزهم لمقاتله الجيش لكي يتم اضعافه وعدم قدرته على مواجهة الدولة اليهودية المزعومة
حيث قامت بدعم المتطرفين وحثهم على اقامة قنوات تبث الفرقة وتشيطن الدول التي تشعر انها خطر عليهم كأيران وحث المجتمع الاسلامي على محاربتهم
وقد اثمر عمل هذا في سوريا والعراق حيث قامت هذه الحركة بحث الشباب وتشجيعهم على الجهاد في العراق وفي سوريا بينما لانجدهم يتكلمون في مايحدث في فلسطين ولا نجدهم يفتون بمقاتلة اليهود حتى في قنواتهم الكل العالم تستنكر على مايجري في فلسطين بينما هم يبثون الفتن ويحرضون المسلمين على مواجهة ايران والشيعة عامة بحجة انقذوا السنة ياعباد الله انهم في خطر بينما لا نجدهم يقولوا انقذوا غزة ياعباد الله

ٱداء وألحان ملا عدي الربيعي الربيعي:
هم شایف شمس صلت صلاة اللیل؟
وبنور المهیمن فرشت المحراب ؟

هم شایف حیا بضلوعهه البسمار
سگطت محسن و ما ذبّت الجلباب ؟

فردوس الله خدهه ابلا خجل مسطور
وابلیس الدجل عاصر علیهه الباب

محسن من سگط بي ریحه من عباس
اظن ماخذهه یوم ابصلب داحي الباب

قرآن الله چانت تقره بالقرآن
تتلي هموم حیدر بطن گلبه الذاب

نبضة گلب حیدر نَص کتاب اللّه
تفسّر فاطمه من هالکتاب اکتاب

تقره البسمله و دمعتهه تصبح نور
من اربع تعش انوار ذوالالباب

اوّلهم محمد سید الکونین
و آخرهم محمد طاهر الانساب 

رادت تستخار الزهره بالقرآن
هل تشکي العلي عالضلع یوم انعاب؟

سمعت گلب حیدر ینبض التوحید
فتحت گلبه طلعت سورة الاحزاب

«رجالٌ صدقوا ما عاهدوا» الرحمن
یعني السوره بیهه اسرار و کود اعتاب

«و منهم من قضی نحبه » و  تخطّی الموت
و منهم ینتظر و ایوادع  الاحباب 

لذالک فاطمه لزمت سکوت الموت
لئن عرفت علي ایموت ابألم لمصاب 

تغطت بالعجل بالموت شمس النور
حتی اتطم المهه ابّطن گبر الغاب

خادم خدمةالحسین ع
ناصرآلبوعبید

السبت
08/رجب/ 1437

الساعة 19/28

https://youtu.be/n7pWpH_H6Go?si=Dvtjgd-gRwOXur-6

https://youtu.be/j4Tk6Qk_Qyw?si=-5eyAZUluGbP3SGJ

ياراحت البال __ بعدك علي طال
بجيتك يموعود___ يتغير الحال

*******
عمري خلص بس دمع _ يمته صوتك ينسمع
تعرف بجيتك شمع __ وحنه عشنه بلا ضوه
يمه ترجع من جديد ___ يله هل اعلينه عيد
إني يوميه ارفع أيد __ وياك ما اكعد سوه ¡¡

مشتاكه الانضار * يا صاحب الثأر
والحك الي يعود * بجيتك يموعود
_________
انطر لجيتك بقيت _ عمري يمشي وشيبيت
لجن ازغر لو اجيت _ وتشرق اعلينه بضواك
مني تسمع وين اجيك _ حافي يلمهدي اعتنيك
امنيتي اقبلهن اديك ___ وكلبي يسبكني اجاك

يا ساكن الروح * ما ابطل النوح
الفرحه الي تعود ** بجيتك يموعود
_________
يمته اشوف المنتظر __ ويرتوي بي النظر
ماني كادر علسهر ___روحي جاساها البرد
ذبلت اغصاني تعال __ كمت اكرر هل سوال
راح اموتن لا محال __ لون شخصك ما يرد

شي يرد الغياب ** ضل جرحي ما طاب
بيه الجروح تهود * بجيتك يموعود
_________
وين اشوف ابن الحسن ____ إني اصيرله وطن
كثرن اعلينه المحن _ وانته حلال الصعاب
يمته موعدنه يصير __وترجع لعشك يطير
واني اشوفك وين ادير __ والدعاء بيك استجاب

ضايع بلياك * يوميه انخاك
محضرين الورود * بجيتك يموعود
_________
شما تمرني جمعتك __ ادعي إني لشوفتك
عجل النه بجيتك __ ما بقه بينه صبر
استوطن علينه الظلام ____ والضوه ماله كلام
أنته ترضه يا امام __شعيتك عاشت قهر

يمته تهب ريح* ونسمعك تصيح
والميت يعود * بجيتك يموعود
_________
الشاعر : أنور خلف البيضاني

https://youtu.be/YWCfN7o2toc?si=Nw_B6AW4Sc7qgeyR

خدمة زوار الامام الحسين عليه السلام شرف لنا