Մաս 1-ին
🗣 Կարևորը ԱԺ-ից. Հունիսի 12, 2024թ․
#ԱԺ #ՀայաստանԴաշինք
Փաշինյանի սադրիչ արտահայտությունների հետևանքով ԱԺ նիստերի դահլիճում քաշքշուք սկսվեց, իսկ ԱԺ պատերից դուրս ոստիկանությունը թիրախավորել էր բեմահարթակը՝ տասնյակ լուսաձայնային նռնակներ արձակելով հավաքվածների ուղղությամբ:
«Հայաստան» խմբակցության պատգամավոր Լիլիթ Գալստյանի՝ չկատարված խոստումների մասին հարցին ի պատասխան Նիկոլ Փաշինյանը բորբոքվեց, հունից դուրս եկավ, իսկ երբ իրավիճակը լարվեց, դուրս եկավ ԱԺ նիստերի դահլիճից ու թաքնվեց ԱԺ նախագահի աշխատասենյակում։
📌 Աղվան Վարդանյան
Ասա՛, թող դարպասները բացեն, քայլելով իջիր ժողովրդի մոտ, ասա՛, որ սիրում ես, խոնարհվում ես, հպարտանում ես։ Նորմալ մարդը ամոթից գետինը կմտներ, բայց սա այդ դեպքը չի։ Ես գիտեմ, հողը ամոթ ունի, հողը ձեզ չի ընդունելու։ Որ գնաք տուն, Ձեզ հայելու մեջ կնայեք։
📌 Թադևոս Ավետիսյան
Խոսում էիք «դուխով» կոչերով ու գլխարկներով, իսկ հիմա բերել եք եռագլուխ վախ, մարդկանց վախեցնում, և դուք եք վախենում թշնամուց, դրա համար ամեն ինչ զիջում եք՝ սեփական աթոռը պահելու ակնկալիքով։ Խոսում էիք ժողովրդավարությունից, բայց դրա փոխարեն ունենք անկանոն ոստիկանապետություն։
📌 Մհեր Սահակյան
Թուրք-ադրբեջանական տանդեմը մեր ազգային ինքնության հետ կապված խնդիր ունի և պահանջներ է ներկայացնում նույնիսկ Սահմանադրության դրույթների փոխելու հետ կապված։ Այս զիջումներում մինչև ո՞ւր եք պատրաստ գնալ, թեկուզ իշխանությունը պահելու համար։
📌 Արմեն Ռուստամյան
44-օրյա պատերազմից երկու օր առաջ ՄԱԿ-ին ուղղված տեսաուղերձում Լեռնային Ղարաբաղի կարգավիճակից ու Ցեղասպանությունից էիք խոսում։ Է՞ն ժամանակ եք ճիշտ ասել, թե՞ հիմա։ Ստել եք ՄԱԿ-ին, հիմա էլ շարունակում եք աղավաղել մեր պատմությունը և պատրաստվում եք գործել ԱԺ կողմից հաստատված ծրագրին հակառակ, որի իրավունքը չունեք։ Սա խոսում է ձեր կառավարության ոչ լեգիտիմության մասին, միակ ձևը հրաժարականն է, և նոր կառավարության ձևավորումը։
📌 Գառնիկ Դանիելյան
Ո՞ր իրական Հայաստանում է, որ գյուղը կարող է կիսվել երկու մասի, որ այդ գյուղացիների անվտանգությունը պետք է ապահովեն ծառերը, իսկ վարչապետինը՝ ոստիկանական, ԱԱԾ ու փրկարար ուժերը, որ առաջնագիծը հանձնելու համար գեներալներին ուսադիրներ են տալիս։ Ձեզ համար կարմիր գծեր չկան, թշնամին էլի տարածք պահանջի, ասելու եք՝ նախկիններն են մեղավոր։ Միակ լուծումը Ձեր հեռացումն է իշխանությունից։
📌 Արծվիկ Մինասյան
Նիկոլ Փաշինյանը, որ 2018-ին հոգին փառավորվում էր ոստիկաններին ծեծելուց, հիմա քրիստոնեաբար դարձել է համակրող, հանդուրժող։ Մի հատ էլ շնորհակալություն է հայտնում։ Ինչի՞ համար եք շնորհակալություն հայտնում, ծեծելո՞ւ, խոշտանգելո՞ւ։
📌 Գեղամ Մանուկյան
Ինչքա՞ն կարելի է ուրիշներին մեղադրել, ամեն անգամ մի նոր մարդու մեղավոր կարգել։ Քաղաքական պատվերով՝ 2,5 տարի է, որ ԱԱԾ մեկուսարանում նստած է Արցախի ՊԲ հրամանատարը Միքայել Արզումանյանը։ Պարբերաբար սուտ եք խոսել ու մեղավորներ կարգել։
📌Արմենուհի Կյուրեղյան
Եթե անհանգստացած ու վախեցած չեք Շարժումից, եթե Շարժումը մարող է, եթե համոզված եք, որ մնալու եք իշխանության, որովհետև լեգիտիմ եք, ապա ինչո՞ւ եք այդքան ոստիկանական ուժ կենտրոնացրել ու կիրառում։ Ինչքան բարձր եք գոռում, թե չեք վախենում, այնքան ձեր վախերն ավելի մեծ են։ Իսկ վախենում եք, որովհետև ոչ ոք ձեզանից ավելի լավ չգիտի, թե ինչ եք արել և իշխանությունը կորցնելուց հետո ինչեր են բացվելու և ինչերի համար եք պատասխան տալու։
📌 Արթուր Խաչատրյան
ԵԱՀԿ Մինսկի խմբի երեք երկրների նախագահներին ասում եք՝ սուտասան են։ Ուզո՞ւմ եք դրանից հետո ՀՀ դիվանագիտությունը պարտություն չկրի։ Ասում եք՝ եթե խաղաղության ճանապարհով չգնանք, կռիվ կլինի, իսկ որ գնանք, Աստված գիտի՝ ինչ կլինի։ Դուք ստեղծված իրավիճակում ադեկվատ լուծում չեք առաջարկում։ Երկիրը չեք առաջնորդում, տանում եք դեպի ձախողում։
📌 Սեյրան Օհանյան
Այս դահլիճում կրքերը բորբոքվում են, որովհետև այնուամենայնիվ չեք պատասխանում՝ ի՞նչ եք անելու կառավարության ծրագրի հետ․ այդ ծրագրի ու իրականության հետ մեծ տարբերություն կա։ Ձախողել եք պետական կառավարումը, անվտանգության և Արցախի հետ կապված բոլոր հարցերում։ Այսօր էլ այդ գործընթացը ՀՀ սահմանում է ընթանում․ հայ սահմանապահ գյուղացին ադրբեջանցու դեմ միայնակ է հայտնվում։
