សារព័ត៌មាន ហង្សតូច​ - Channel

បុករត់! ជាទម្លាប់ដ៏អាក្រក់របស់អ្នកបេីកបរគ្មានទំនួលខុសត្រូវមួយចំនួន!

រថយន្ត LEXUS RX300 ពណ៍ស ស្លាកលេខភ្នំពេញ 2W-9618 បេីកបុក​ម៉ូតូឌ្រីមសង់ ពណ៍ខ្មៅ ស្លាកលេខកំពង់ឆ្នាំង 1K-5478 បណ្ដាលឲ្យ​បុរសម្ចាស់ម៉ូតូ​ ជាបុគ្គលិកហាងទំនិញ 7-Eleven ខ្ទាតឡេីងលេី​ចិញ្ចេីមផ្លូវ​ រងរបួសធ្ងន់​ (សន្លប់បាត់មាត់បាត់ក) ភ្លាមៗរថយន្ត​បង្កមិនព្រមឈប់រងចាំដោះស្រាយសិនទេ បានបន្ថែមល្បឿន​បេីករត់​ ជាប់ទាំងម៉ូតូទៅជាមួយអូសនឹងថ្នល់បែកផ្កាភ្លេីង​ រហូតទាល់តែខ្ទាតម៉ូតូចេញ​ ក៏មិនព្រមឈប់ដែរ​ និងមានពលរដ្ឋជួយដេញតាមដែរ​ តែតាមមិនទាន់មិនដឹងរត់ដល់ណាឡេីយ បន្សល់ទុក​តែស្លាកលេខរថយន្តដែលជ្រុះនៅកន្លែងកេីតហេតុប៉ុណ្ណោះ​ នៅចំណុចស្តុបបូកគោ លេីផ្លូវព្រះមុនីវង្ស កែងផ្លូវម៉ៅសេទុង ក្នុងសង្កាត់បឹងត្របែក ខណ្ឌចំការមន​ រាជធានីភ្នំពេញ​ កាលពីម៉ោង០២:០៤នាទីយប់រំលងអាធ្រាត​ ឈានចូលថ្ងៃទី២៦ ខែវិច្ឆិកា​ ឆ្នាំ២០២៤នេះ​ ។​

ភ្លាមៗជនរងគ្រោះ ត្រូវបាន​រថយន្ត​សង្គ្រោះរបស់មន្ទីរពេទ្យ​មិត្តភាព​ខ្មែរសូវៀត(ពេទ្យរុស្សី) មក​ដឹកយកទៅសង្គ្រោះ​ ។

ព័ត៌មានបន្ថែម​ សារព័ត៌មាន​ ហង្សតូច

ដៃស្អិតលើដងវិថី ជួប កងម៉ូតូប្រដេញសាគរជ័យ មិនងាយរួចខ្លួនទេ...!

សកម្មភាពកងម៉ូតូប្រដេញបង្ក្រាបករណីឆក់ទូរស័ព្ទ(ជាក់ស្តែង)ដែលដឹកនាំចុះផ្ទាល់ដោយ លោក​ឧត្តមសេនីយ៍ត្រី ប៊ុត​ វណ្ណារដ្ឋ​ អនុប្រធាននាយកដ្ឋានព្រហ្មទណ្ឌ នៃក្រសួងមហាផ្ទៃ នៅថ្ងៃទី២៤ ខែវិច្ឆិកា ឆ្នាំ២០២៤ វេលាម៉ោង២១:២០នាទី​យប់ ។

©កងម៉ូតូប្រដេញសាគរជ័យ

កម្លាំង​គណៈបញ្ជាការ​ឯកភាព​ខណ្ឌ​មានជ័យ ​ចុះ​ត្រួតពិនិត្យ និងអនុវត្តវិធានការរដ្ឋបាល ​​ទីតាំង​លួចបើកបង្កប់​ល្បែងស៊ីសងខុសច្បាប់ ស្ថិតនៅចំណុចជិតចំណតរថយន្តជាន់ផ្ទាល់ដីអគារខុនដូរ R & F (ច្រកទី១) ភូមិព្រែកតានូ សង្កាត់ចាក់អង្រែលេី ខណ្ឌមានជ័យ​ កាលពីម៉ោង១៨:៣០នាទី​ ថ្ងៃទី២៤ វិច្ឆិកា​ ឆ្នាំ២០២៤នេះ ។

ធ្វេីឡេីង​ដោយ​មានការបញ្ជាដឹកនាំផ្ទាល់ពីលោក សេង គន្ធ អភិបាលខណ្ឌមានជ័យ ទេីបកម្លាំងសាលាខណ្ឌ កម្លាំងអធិការដ្ឋានខណ្ឌ កម្លាំងសាលាសង្កាត់ និងកម្លាំង​ប៉ុស្តិ៍​ចាក់អង្រែលេី​​ ដឹកនាំដោយលោក កែវ​ សំណាង អភិបាលរងខណ្ឌ និងសមាសភាពចូលរួម លោក​ ជុន​ ចាន់រាជស៍ មន្ត្រីរដ្ឋបាលខណ្ឌ លោក​ សុក​ សាវន​ តំណាងចៅសង្កាត់ចាក់អង្រែលេី, វរសេនីយទោ​ នូ​ ប្រីយសត្យា អធិការរងខណ្ឌ, វរសេនីយ៍ត្រី​ ជា​ រតនា​ នាយប៉ុស្តិ៍ចាក់អង្រែលេី ។

ចាប់យក​វត្ថុតាង​ ៖ ទូហ្គេមបាញ់ត្រី​ ១គ្រឿង​, តុបៀរ ៤​, កុំព្យូទ័រ​ ៣, និងសម្ភារៈកៅអីមួយចំនួនទៀត​ ត្រូវបានចាប់យកមក​រក្សាទុក​នៅ​សាលាខណ្ឌ​, ចំពោះទីតាំងត្រូវបានអាជ្ញាធរ បិទទ្វារចាក់សោរជាបណ្តោះអាសន្ន ។ បច្ចុប្បន្នទាំងបុគ្គលិក​ និងអ្នកចូលលេង(ភ្ញៀវ) សរុប៩នាក់ ត្រូវបានឃាត់ខ្លួន បញ្ជូនទៅស្នាក់ការប៉ុស្តិ៍ រងចាំចំណាត់ការបន្ត​ ៕​

គ្រោះថ្នាក់ចរាចរណ៍​
រថយន្ត​ PRIUS ស្លាកលេខភ្នំពេញ 2BW—3547 បេីកបរដោយនារីម្នាក់​ បេីកទៅបុក​របាំងថ្មទ្រូងផ្លូវពេញទំហឹង​ បណ្ដាលឲ្យបែកបាក់ខូចខាតរបាំងថ្ម​ តែមិនបណ្ដាលឲ្យនារីដែលបេីកបររថយន្តរងរបួសនោះទេ​ ហេតុការណ៍នេះស្ថិតនៅចំណុចស្តុប​ស្ដានទូតវៀតណាម ផ្លូវព្រះមុនីវង្ស​ កែងផ្លូវលេខ៤៣២ ក្នុងសង្កាត់ទន្លេបាសាក់​ ខណ្ឌចំការមន​ រាជធានីភ្នំពេញ​ នៅវេលាម៉ោង១១:២០នាទីយប់​ ថ្ងៃពុធ​ ទី២០ ខែវិច្ឆិកា​ ឆ្នាំ២០២៤នេះ​ ។

ក្រោយពេលកេីតហេតុ​ គេឃេីញសមត្ថកិច្ចផ្នែកចរាចរណ៍​ផ្លូវគោក នៃអធិការដ្ឋានខណ្ឌចំការមន ចុះពិនិត្យមេីល​ និងហៅរថយន្តមកស្ទូចយករថយន្តបង្ក​ យកចេញពីកន្លែងកេីតហេតុ ដោយមិនដឹងយកទៅណាទេ​ ៕​ (ដំណឹងបឋម)​

ព័ត៌មានបន្ថែម​ សារព័ត៌មានហង្សតូច

រយៈពេល៦ម៉ោង​ ថ្ងៃទី២០ ខែវិច្ឆិកា​ ឆ្នាំ២០២៤នេះ​ មានរថយន្ត៤គ្រឿងក្រឡាប់ជា​បន្តបន្ទាប់​ ក្នុងនោះមាន​រថយន្តដឹកទំនិញ៣គ្រឿង​ ក្រឡាប់នៅក្នុង​រាជធានីភ្នំពេញ​ (តែមិនមានមនុស្សរងរបួសទេ​)​ និងរថយន្តលក្ខណៈគ្រួសារ​មួយគ្រឿងទៀត​ ក្រឡាប់នៅខេត្តកំពង់ស្ពឺ​ បណ្ដាលឲ្យមានមនុស្សរងរបួស​ ត្រូវបានបញ្ជូនមកសង្គ្រោះនៅឯរាជធានីភ្នំពេញ ។

អានព័ត៌មានលម្អិត ចុច សារព័ត៌មានហង្សតូច

ឮស្នូរសម្លេងផ្ទុះគ្រាប់កាំភ្លេីងផ្ទួនៗគ្នា​ជាច្រេីនគ្រាប់ បន្ទាប់ពីឮសម្លេងស្រែកឡូឡាឈ្លោះប្រកែកគ្នាខ្លាំងៗមួយសន្ទុះក្រោយមក បន្ទាប់ពីមានបុរសម្នាក់ បានដកកាំភ្លើងខ្លី បាញ់ទៅលេីបុរសស្ត្រី២នាក់ប្ដីប្រពន្ធ​ ជាអ្នកស្នាក់នៅបន្ទប់ជួលជាប់គ្នា បណ្ដាលឲ្យរងរបួសធ្ងន់ទាំងពីរនាក់ ហេីយត្រូវបានអ្នកជិតខាងរាយការណ៍ប្រាប់កម្លាំងសមត្ថកិច្ច​នគរបាលក្រុងតាខ្មៅ​ និងកម្លាំងស្នងការដ្ឋាននគរបាលខេត្តកណ្ដាល ចេញជួយអន្តរាគមន ឃាត់ខ្មាន់កាំភ្លេីងបាន​ យកមកធ្វេីការសាកសួរនៅស្នងការដ្ឋាននគរបាលខេត្តកណ្ដាលភ្លាមៗផងដែរ​ ។

ហេតុការណ៍នេះស្ថិតនៅក្នុងបរិវេណផ្ទះជួលមួយកន្លែង ផ្លូវលំ ភូមិព្រែកឬស្សីលិច សង្កាត់ព្រែកឬស្សី​ ក្រុងតាខ្មៅ​ ខេត្តកណ្តាល​ នៅវេលាម៉ោង០៩:០២នាទីយប់​ ថ្ងៃអាទិត្យ​ ទី១៧ ខែវិច្ឆិកា​ ឆ្នាំ២០២៤នេះ ។

ក្រោយកេីតហេតុ​ គេឃេីញ​មានវត្តមានរបស់​ឯកឧត្ដម​ គួច​ ចំរេីន​ អភិបាលខេត្តកណ្ដាល​ និងលោកឧត្តមសេនីយ៍ទោ ឈឿន សុចិត្ត ស្នងការខេត្តកណ្តាល បានចុះទៅដល់កន្លែងកេីតហេតុ​ សូមរងចាំព័ត៍មានបន្ថែមពីសមត្ថកិច្ចបន្តទៀត​ ។ (ដំណឹងបឋម)

ក្រុងតាខ្មៅ | មានគ្រោះថ្នាក់ចរាចរណ៍មួយ​
បង្កឡេីងដោយរថយន្តមួយគ្រឿង ម៉ាក Macerdes C180 ពណ៍ស ពាក់ស្លាកលេខភ្នំពេញ 2BC-9979 បេីកចុះពីស្ពានក្នុងល្បឿនលឿន​ បានរេចង្កូតទៅបុកបង្គោលភ្លើងបំភ្លឺផ្លូវ បណ្ដាលឲ្យខ្ទាតធ្លាក់ផ្លូវ​ ខូចខាតរថយន្ត​ និងបង្គោលភ្លេីងបំភ្លឺផ្លូវ​ តែសំណាងល្អ​ មិនបណ្ដាលឲ្យនរណាម្នាក់រងរបួសនោះទេ​ ។

ហេតុការណ៍នេះកេីតឡេីងវេលាម៉ោង១៦:០៥នាទីល្ងាច ថ្ងៃអាទិត្យ​ ទី១៧ ខែវិច្ឆិកា ឆ្នាំ២០២៤នេះ​ នៅចំណុចរង្វង់មូលគល់ស្ពានក្រវ៉ាត់ក្រុងទី៣ សង្កាត់រកាខ្ពស់ ក្រុងតាខ្មៅ​ ខេត្តកណ្តាល​ ។

ក្រោយទទួលបានព័ត៌មានចូលមកក្នុងគ្រុបតេលេក្រាមផ្លូវការរបស់អធិការដ្ឋាននគរបាលក្រុងតាខ្មៅ ភ្លាមៗលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ បានចាត់ឲ្យកម្លាំងជំនាញចរាចរណ៍ផ្លូវគោកនៃអធិការដ្ឋាននគរបាលក្រុងតាខ្មៅ សហការជាមួយកម្លាំងប៉ុស្តិ៍នគរបាលរដ្ឋបាលរកាខ្ពស់ ចុះអន្តរាគមន៍ភ្លាមៗ​ ដោយធ្វេីការពិនិត្យមេីលកំហូច​ រួចស្ទូចយករថយន្តបង្ក មករក្សាទុុកបណ្ដោះអាសន្ន​ នៅអធិការដ្ឋាននគរបាលក្រុងតាខ្មៅ​ ដេីម្បីរងចាំដោះស្រាយនៅពេលក្រោយ ៕ (ដំណឹងបឋម)​

ព័ត៍មានបន្ថែម Page | សារព័ត៌មានហង្សតូច
Telegram | ​សារព័ត៌មាន​ ហង្សតូច Channel

បុរសម្នាក់ជិះម៉ូតូឌ្រីមសង់ ស្លាកលេខកណ្ដាល 1AQ-1535 ក្នុងល្បឿនលឿន អកហ្សឺ​ ចាប់ហ្វ្រាំងអូសទៅបុកពីក្រោយរថយន្ត MG ពណ៍លឿង ស្លាកលេខភ្នំពេញ 2BW-8435 បណ្ដាលឲ្យរងរបួសខ្លួនឯង និងខូចខាតរថយន្តបែកកាងខាងក្រោយ​ នៅមុខ​ផ្សារយេីង(ហៅកាត់ផ្សារយួន)​ ផ្លូវជាតិលេខ២ សង្កាត់ចាក់អង្រែក្រោម​ ខណ្ឌមានជ័យ​ រាជធានីភ្នំពេញ​ នៅវេលាម៉ោង០៩:០២នាទីព្រឹក​ ថ្ងៃទី១៧ ខែវិច្ឆិកា​ ឆ្នាំ២០២៤នេះ​ ។ ករណីនេះ​ សមត្ថកិច្ចមូលដ្ឋានបានចុះទៅបាញ់គំនូសរួចយកអែបខាងសិន​ ដេីម្បីអោយភាគីទាំងសងខាង​ចរចារគ្នាមួយជំហានសិនផងដែរ​ ៕ (ដំណឹងបឋម)​ សារព័ត៌មានហង្សតូច

មុននេះ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ដឹកនាំកម្លាំង​ត្រួតពិនិត្យ​ តាមគោលដៅសំខាន់ៗ គោលដៅ​ទីតាំង​ប្រចាំបញ្ជា និង​ទីតាំងបញ្ជាការស្រាល ក្នុង​ព្រះរាជ​ពិធី​បុណ្យអុំទូក​ បណ្ដែតប្រទីប​ និង​សំពះព្រះខែ​ អកអំបុក​ ឆ្នាំ​២០២៤ នាម៉ោង១១ព្រឹក​ ថ្ងៃ​ទី​១៤​ ខែវិច្ឆិកា​ ឆ្នាំ​២០២៤នេះ​ ។

ព័ត៍មានបន្ថែម សារព័ត៌មានហង្សតូច

សូមអញ្ជើញទស្សនា វីដេអូប្រវត្តិសាស្រ្ដ នៃការយាងនិវត្តមកកាន់មាតុភូមិកម្ពុជាវិញ របស់សម្ដេចព្រះ នរោត្ដម សីហនុ ព្រះបរមរតនកោដ្ឋ និងសម្ដេចម៉ែ អមដង្ហែ ដោយសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត កាលពីថ្ងៃទី១៤ ខែវិច្ឆិកា ឆ្នាំ១៩៩១

Website | Facebook | Telegram | TikTok

កាន់តែពិសេស! ឆ្នាំនេះ​នៅទី​ព្រ័ត្រមាន​ដាក់​​កាមេរ៉ាសុក្រិតភាព (VAR)!

ក្នុងព្រះរាជពិធីបុណ្យអុំទូក​​ ឆ្នាំ​២០២៤ នៅ​មុខ​ព្រះបរមរាជវាំង គណៈកម្មការ​បច្ចេកទេស​ បាន​​ដាក់​កាមេរ៉ាសុក្រិតភាព(VAR)បន្ថែម​ ដើម្បី​ជួយ​ពង្រឹង​ការ​ដាក់​ពិន្ទុ​ដល់​ទូក​ឱ្យ​កាន់​តែ​ច្បាស់​បន្ថែម​ទៀត ពីលើ​ការ​ដាក់​ពិន្ទុ​បែប​ប្រពៃណី នាពេល​កន្លង​មក នាថ្ងៃទី១​ នៃព្រះរាជពិធីបុណ្យអុំទូក បណ្ដែតប្រទីប​ និងសំពះព្រះខែ ​អកអំបុក​ ត្រូវនឹងថ្ងៃទី១៤ ខែវិច្ឆិកា​ ឆ្នាំ២០២៤នេះ​ ។ សារព័ត៌មានហង្សតូច

ព័ត៌មានបន្ថែម​ https://t.me/chakangrefamily_news

សកម្មភាព​ក្រុមការងារ រដ្ឋបាលខណ្ឌជ្រោយចង្វារ ចុះត្រួតពិនិត្យរៀបចំសណ្ដាប់ធ្នាប់ “តំបន់ថ្មើរជើង” នៅតាមបណ្ដោយផ្លូវទន្លេសាប (ចាប់ពីចំណុចយុថ្កា រហូតដល់ខាងក្រោយសណ្ឋាគារសុខា-ភ្នំពេញ) នាព្រឹកថ្ងៃទី១ នៃព្រះរាជពិធីបុណ្យអុំទូក បណ្ដែតប្រទីប​ និងសំពះព្រះខែ ​អកអំបុក​ ត្រូវនឹងថ្ងៃទី១៤ ខែវិច្ឆិកា​ ឆ្នាំ២០២៤នេះ​ ។

ព័ត៌មានបន្ថែម​ សារព័ត៌មានហង្សតូច

ក្រុមជនសង្ស័យប្រដាប់ដោយដំបង ព្រួតវាយសម្លាប់បុរសម្នាក់ស្លាប់ហេីយ រួចនាំគ្នារត់គេចខ្លួនបាត់អស់ បន្សល់ទុក​វត្ថុតាងមួយចំនួន បង្កការភ្ញាក់ផ្អេីលដល់កម្លាំងប៉ុស្តិ៍នគរបាលស្ទឹងមានជ័យទី២ សហការជាមួយផ្នែកជំនាញនៃអធិការដ្ឋានខណ្ឌមានជ័យ ស្រាវជ្រាវឃាត់ខ្លួនអ្នកពាក់ព័ន្ធបាន២នាក់ យកទៅសួរនាំ ។

ហេតុការណ៍ដ៏សាហាវនេះកេីតឡេីង​កាលពីវេលាម៉ោង០១:៤៤នាទីយប់ ថ្ងៃព្រហស្បត្តិ៍ ទី១៤ ខែវិច្ឆិកា ឆ្នាំ២០២៤នេះ ស្ថិតនៅមុខឃ្លាំងមួយកន្លែង ជិតផ្ទះរបស់ជនរងគ្រោះ ម្ដុំអតីតទីលានចាក់សំរាម(ចាស់) ផ្លូវលំ ក្រុមទី៨ ភូមិព្រែកទាល់១ សង្កាត់ស្ទឹងមានជ័យទី២ ខណ្ឌមានជ័យ​ រាជធានីភ្នំពេញ​ ។ នេះជាដំណឹងបឋមដែលក្រុមការងារហង្សតូចទទួលបាន

ព័ត៌មានបន្ថែម​ សារព័ត៌មាន​ ហង្សតូច

លោកវរសេនីយ៍ត្រី ឯម ភារី នាយប៉ុស្តិ៍នគរបាលរដ្ឋបាលស្ទឹងមានជ័យទី៣ បានយកអំណោយមួយចំនួន ចុះសួរសុខទុក្ខប្រជាពលរដ្ឋក្រីក្រ១៥គ្រួសារ​

ស្ថិតក្នុងការសង្ស័យយ៉ាងខ្លាំង​ ខណៈបុរសសន្តិសុខក្រុមហ៊ុន LiDra Security យាមរោងចក្រតាក់សាន់​ បាត់៣ថ្ងៃ​ ប្រទះឃេីញសពអណ្ដែតទឹកទន្លេ មុខវត្តចាក់អង្រែក្រោម​

មានហេតុការណ៍ដ៏ភ្ញាក់ផ្អេីលមួយ នៅវេលាម៉ោង០៥:០៥នាទីល្ងាច​ ថ្ងៃទី២ ខែវិច្ឆិកា ឆ្នាំ២០២៤នេះ បន្ទាប់ពីបងប្អូនប្រជាពលរដ្ឋបានប្រទះឃើញ សាកសពបុរសម្នាក់ (ស្លៀកពាក់ឯកសណ្ឋានជាសន្តិសុខ) ឈ្មោះ វុទ្ធី សូវវឌ្ឍនៈ បានអណ្ដែតទឹកទន្លេ មកទេីជាប់ត្រែង មាត់ច្រាំងទន្លេបាសាក់ មុខវត្តចាក់អង្រែក្រោម ភូមិទួលរកា ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ​ ទេីបរាយការណ៍ប្រាប់សមត្ថកិច្ចមូលដ្ឋានប៉ុស្តិ៍ចាក់អង្រែក្រោម​ សហការជាមួយសមត្ថកិច្ចប៉ុស្តិ៍ចាក់អង្រែលេី​ ចុះទៅពិនិត្យមេីល​ រួចទាក់ទងទៅសមត្ថកិច្ចជំនាញការិយាល័យ​បច្ចេកទេសវិទ្យាសាស្ត្រ​ នៃស្នងការនគរបាលរាជធានីភ្នំពេញ​ ចុះទៅធ្វេីការពិនិត្យ​កោសល្យវិច័យ​តាមជំនាញផងដែរ (ដំណឹងបឋម) ៕

ព័ត៌មានបន្ថែម​ សារព័ត៌មានហង្សតូច

ខណ្ឌ័ពោធ៍សែនជ័យ សង្កាត់កាកាបទី2ដួលម៉ូតូរាល់ថ្ងៃដោយសាផ្លូវខ្ពស់ទាប អាណិតអ្នកដួលណាស់ ដួលនៅមុខសាលាសង្កាត់កាកាបទី២តែម្តង លោកចៅសង្កាត់ដូចគ្មានវិធានការអីសោះ ។

ឆេះទាំងមេឃកំពុងភ្លៀង!
អគ្គិភ័យឆាបឆេះផ្ទះពលរដ្ឋនៅលេីជាន់ទី៣ ភូមិបាក់ទូក សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ភ្លាមៗកម្លាំងនគរបាលការិយាល័យបង្ការ និងពន្លត់អគ្គិភ័យចេញរថយន្តជួយអន្តរាគមន៍បាញ់ទឹកពន្លត់ហេីយ

ចុចមេីលព័ត៍មានបន្ថែម​ សារព័ត៌មានហង្សតូច

បើអ្នកបានល្អហើយ សូមកុំនិយាយអាក្រក់ពីអ្នកដទៃ
បើអ្នកបានខ្ពស់ហើយ សូមកុំជាន់អ្នកដទៃដែលនៅក្រោម
បើអ្នកបានប្រសើរហើយ សូមកុំភ្លេចថាពីមុនអ្នកក៏ធ្លាប់លំបាក
បើអ្នកបានការងារល្អហើយ សូមកុំពេបជ្រាយអ្នកកិច្ចការតូចទាប
បើអ្នកបានទ្រព្យច្រើនហើយ សូមកុំភ្លេចចែករំលែកអ្នកអត់
បើអ្នកបានឈ្នះហើយ សូមកុំបំបាក់ទឹកចិត្តអ្នកចាញ់។
ជីវិតអ្នកៗប្រើបែបណាក៏បានដែរ សូមឱ្យតែវាស្ថិតក្នុងសេចក្ដីល្អ មិនធ្វើឱ្យអ្នកដទៃឈឺចាប់ដោយសារអ្នក ប៉ុណ្ណឹងគ្រប់គ្រាន់ហើយ។

#សៀវភៅ_សត្រូវលាក់មុខ
លើកទឹកចិត្ត-Motivation៚

ប្រឡងសញ្ញាបត្រ មធ្យមសិក្សា ទុតិយភូមិ ឆ្នាំ២០២៤ ខេត្តបន្ទាយមានជ័យ បេក្ខជនដែលប្រឡងជាប់ មានចំនួន៤.៨៣៩នាក់ ក្នុងនោះមាននិទ្ទេស(A) ចំនួន៧៤នាក់...!

ព័ត៌មានបន្ថែម​ សារព័ត៌មាន​ហង្សតូច

យុវជនជិះម៉ូតូ SCOOPY ឌុបគ្នា​ បង្ហោះកង់មុខ​ នៅផ្លូវម៉ៅសេទុង មុខវត្តទួលទំពូង​ សង្កាត់ទួលទំពូងទី២ ខណ្ឌចំការមន​ រាជធានីភ្នំពេញ​ នៅវេលាម៉ោង​០២:៣០នាទីយប់រំលងអាធ្រាត ឈានចូលថ្ងៃទី១ ខែវិច្ឆិកា​ ឆ្នាំ២០២៤នេះ​ ។

ព័ត៌មានបន្ថែម​ សារព័ត៌មានហង្សតូច

គ្រោះមហន្តរាយ​ធម្មជាតិ​ដ៏អាក្រក់​បំផុត​ ទឹក​ជំនន់ដ៏គំហុក នៅតំបន់ Malaga ទៅតំបន់ Valencia ​​ខាង​កើត ​ប្រទេស​អេស្ប៉ាញ ​បាន​ហូរ​អូស​រថយន្តរាប់ពាន់គ្រឿងទៅ​ ​ផ្លូវ​ក្នុងភូមិ​នានា​ក្លាយ​ទៅជាទន្លេ បង្អាក់​ខ្សែ​រថភ្លើង​និង​ផ្លូវល្បឿនលឿនមិនអាចធ្វេីដំណេីរបាន ហើយ​បាន​សម្លា.ប់​មនុស្ស​យ៉ាង​តិច​ណាស់​៩៥នាក់​ហេីយ។

រថយន្ត និងធុងសម្រាម អណ្តែតតាមផ្លូវ ត្រូវបានហូរតាមទឹក ដែលមានកម្ពស់ឡើងដល់ ៣ម៉ែត្រ ប៉ូលិស និងក្រុមជួយសង្គ្រោះ បានប្រើឧទ្ធម្ភាគចក្រ ដើម្បីសង្គ្រោះមនុស្សចេញពីផ្ទះរបស់ពួកគេ ក្រុមអ្នករុករកបានធ្វើការស្វែងរក អ្នកនៅរស់រានមានជីវិត និងជនរងគ្រោះដោយចំនួនរាប់មិនអស់នៅបាត់ខ្លួននៅឡើយ។

អានបន្ត​ចុច សារព័ត៌មានហង្សតូច

ព្រះរាជសុន្ទរកថា របស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីមហាមិទ្ទិញខួបលើកទី២០ នៃការយាងគ្រងព្រះបរមសិរីរាជសម្បត្តិ របស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា

រាជធានីភ្នំពេញ ព្រឹកថ្ងៃពុធ ទី៣០ តុលា ២០២៤

រថយន្ត​ ALPHARD ផ្លាកលេខ​ភ្នំពេញ​ 2BZ-7772 បេីកបរ លេីផ្លូវល្បឿនលឿន ស្រាប់តែផ្ទុះកង់ក្រោយ​ រេចង្កូតទៅបុ•ករនាំងដែកខាងស្តាំដៃ បណ្តាលឲ្យបុរសជនជាតិមីយ៉ាន់ម៉ាម្នាក់បានស្លាប់ និងជនជាតិ៥នាក់ទៀត របួសធ្ងន់និងស្រាល ។

ហេតុការណ៍នេះនៅចំណុចលេីផ្លូវល្បឿនលឿន​ ចន្លោះបង្គោលគីឡូម៉ែត្រលេខ១២៨-១២៩ ស្ថិតក្នុងភូមិគីរីវ័ន្ត ឃុំស្ទឹងឆាយ​ ស្រុកកំពង់សីលា​ ខេត្តព្រះសីហនុ​ កាលពីវេលាម៉ោង១៨:០៥នាទី​​ នៅថ្ងៃទី២៩​ ខែតុលា​ ឆ្នាំ២០២៤​នេះ ។

សារព័ត៌មានហង្សតូច

ប្រជុំផ្សព្វផ្សាយផែនការ ស្តីពីពិធីសំណេះសំណាល និងជូនដំណើរយោធិន នៃកងរាជអាវុធហត្ថ ទើបជ្រើសរើសថ្មី (ជាប់ជាស្ថាពរ) ចូលហ្វឹកហ្វឺន នៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជុំសែនរីករាយ)!
https://www.hangtochnews.com/detail/23608.html

ជនបរទេសម្នាក់ ទំនងប្រេីប្រាស់គ្រឿងញៀន​លេីសកម្រិត ដេីរផងរត់ផងទាំងស្រាត​ននលគក​តាមផ្លូវ​ ជាង៥ម៉ោង ពីម្ដុំផ្លូវជាតិលេខ១ ខណ្ឌច្បារអំពៅ រហូតដល់ខណ្ឌចំការមន​ រហូតដល់ខណ្ឌមានជ័យ ដោយមានការយកចិត្តទុកដាក់របស់សមត្ថកិច្ច ជួយជិះដេញអោយឆ្លងកាត់ផុតពីមូលដ្ឋានរបស់ខ្លួន!

ហេីយក៏សូម​អភ័យទោស​ចំពោះវិដេអូ អាក្រាតកាយនេះផង​ បន្ទាប់ពីទទួលបាន​ពីមហាជន​ ដោយមិនបានបិទបាំងទេ​ សូមមេត្តាអភ័យទោស​ ដល់ក្រុមការងារយេីងផង​ ។

កង់បីឥណ្ឌា ធីម62 ស្លាកលេខកំពត 1V-6287 បុកជាមួយកង់បីឥណ្ឌា អត់ធីម ស្លាកលេខភ្នំពេញ 1IB-9998 ដែលបត់ឆ្លងកាត់ផ្លូវ​ បណ្ដាលឲ្យខ្ទាតវិលក្បាលត្រលប់ក្រោយ មិនបណ្ដាលឲ្យមានមនុស្សរបួសទេ គ្រាន់តែខូចខាតកង់បីទាំងពីរគ្រឿង នៅកណ្ដាលផ្លូវ ។

ហេតុការណ៍នេះស្ថិតនៅលេីមហាវិថីសម្ដេចតេជោហ៊ុនសែន​ ហៅផ្លូវ៦០ម៉ែត្រ ទល់មុខហាង Le Rendenz-VOUS CAFE and EATERY ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ​ នៅវេលាម៉ោង០៨យប់ ថ្ងៃទី២២ ខែតុលា ឆ្នាំ២០២៤នេះ​ ។

ករណីនេះភាគីទាំងសងខាងដោះស្រាយគ្នាមិនទាន់ត្​រូវ បង្កការភ្ញាក់ផ្អេីលដល់អ្នកដំណេីររាយការណ៍ប្រាប់សមត្ថកិច្ចមូលដ្ឋានប៉ុស្តិ៍ចាក់អង្រែក្រោម ចុះជួយសម្របសម្រួលយកកង់បីទាំងពីរគ្រឿង​អែបខាងសិន​ ទុកអោយភាគីទាំងពីរចរចារគ្នាសិន​ និងកុំអោយ​យានយន្ត​ដទៃទៀតបេីកមកបុកបន្តទៀតផងដែរ​ ៕ ដំណឹងបន្ថែម https://t.me/chakangrefamily_news

ក្រសួងរៀបចំដែនដី នគរូបនីយកម្ម និងសំណង់ បានដោះស្រាយបញ្ចប់លើករណីវិវាទដីធ្លី នៅក្នុងភូមិសាស្រ្តខេត្តកណ្តាល ចំនួន ៥ករណី ដែលមានភាពប្រទាក់ក្រឡា និងពាក់ព័ន្ធនឹងគូភាគីច្រើននៅក្នុងទីតាំងតែមួយ។
https://www.hangtochnews.com/detail/23494.html

បងប្អូនសហគមន៍ អាជ្ញាធរមូលដ្ឋាន ជាមួយនឹងក្រុមការងារថ្នាក់ជាតិ បានមូលមតិគ្នាក្នុងការរៀបចំហេដ្ឋារចនាសម្ព័ន្ធទេសចរណ៍
https://www.hangtochnews.com/detail/23482.html

ជួយ Share យកបុណ្យម្នាក់មួយផង! មានបងប្អូនណាស្គាល់បុរសម្នាក់ដែលមានរូបសាក់នៅ​កំភួនដៃខាងស្ដាំបែបនេះទេ​ ? សូមជួយ Share ចែករំលែករកសាច់ញាតិគាត់ផង​

គាត់បានស្លាប់ហេីយ បន្ទាប់ពីជិះម៉ូតូឌ្រីមសង់ ស្លាកលេខភ្នំពេញ 1JH-5857 ក្នុងល្បឿនលឿន សង្ស័យវ៉ាជែងចូលគន្លងម្ខាងទៀត បុកផ្ទប់ចំពីមុខរថយន្ត CAMRY Hybrid ស្លាកលេខភ្នំពេញ 2X-8938 បណ្ដាលឲ្យបុរសខាងលេីបោកផ្ទប់នឹងកញ្ចក់រថយន្តពេញទំហឹង រួចប្លោងធ្លាក់ទៅខាងក្រោយរថយន្ត​ ស្លាប់ភ្លាមៗគួរឲ្យអាសូរ​ នៅ​ផ្លូវជាតិលេខ២១ ជិតធនាគារABA ភូមិថ្មី សង្កាត់តាខ្មៅ​ ក្រុងតាខ្មៅ​ ខេត្តកណ្តាល​ កាលពីវេលាម៉ោងជាង១០យប់ ថ្ងៃចន្ទ ទី២១ ខែតុលា​ ឆ្នាំ២០២៤នេះ​ ។

ក្រោយកេីតហេតុ សមត្ថកិច្ចមូលដ្ឋាននិងផ្នែកចរាចរណ៍ក្រុងតាខ្មៅ​ បានចុះធ្វេីការវាស់វែងតាមជំនាញ​ និងយកទៅរក្សាទុកនៅអធិការដ្ឋាននគរបាលក្រុងតាខ្មៅ រងចាំដោះស្រាយបន្ត រីឯសពបុរសម្ចាស់ម៉ូតូ មិនទាន់ស្គាល់អត្តសញ្ញាណ ត្រូវបានសមត្ថកិច្ចយកទៅតម្កល់នៅ​មន្ទីរពេទ្យជ័យជំនះ​ រងចាំស្រាវជ្រាវរកសាច់ញាតិមកទទួលយកទៅធ្វេីបុណ្យតាមប្រពៃណី ៕

ព័ត៌មានបន្ថែម​ សារព័ត៌មានហង្សតូច