ТАҒО ТАЙМ Telegram Posts

Bolasini urganlar tayyor tursin!.. Ustoz otadek ulug‘, naqli faqat kitoblarda qoldi...
Boburning biz ko‘rmagan surati.
"Oltin devor" ga qancha g‘isht ketadi?
Ushbu son shu va boshqa mavzularni tahlil qiladi.

16.02. Soat 21.00 My5

@hamzajumayev

ХЎП!

Хўп дейсан онанг учун
Хўп дейсанг боланг учун.
Мажбур бўлиб дейсан хўп
Амакинг, холанг учун.

Оринг учун хўп, дейсан
Ёринг учун хўп дейсан
“Ўтказиб қўйган” қай бир
Зоринг учун хўп дейсан.

Йўқ десанг кетар бошинг
Заҳар этарлар ошинг
Кесилади маошинг
Боринг учун хўп, дейсан.

Тушунасан, хўп, дейсан
Ишонасан, хўп дейсан
Битта иши тушибди,
Ошиносан! Хўп, дейсан!

Келинлар, куёвларга
Бегонага, ёвларга...
Ўзингга йўқ десанг ҳам
Хўп, дейсан бировларга.

Кулиб туриб хўп, дейсан
Туриб туриб хўп, дейсан
Бир балоси бўлса ҳам
Билиб туриб хўп дейсан.

“Ясаш” керак, хўп дейсан
Бўшаш керак, хўп, дейсан
Йўқ, деган кунинг йўқсан
Яшаш керак! Хўп, дейсан!

@hamzajumayev 13.02.2025

2004 yilgi surat...

Bu suratga har tikilganimda yangi yangi xulosalar olaman. O‘zimning va Islom Karimovning nigohlariga uzoq termulaman. Va har safar har xil xotiralar jonlanadi.

22 yoshimda ilk bor bu inson faoliyatini yoritishga jalb qilinganman. Hech qanday "tankasiz". Faqat mehnat orqali. Lekin, shu ham kimlargadir yoqmagan, fisqu fasod urchiganda mehnatimning o‘zi yetarli bo‘lmagan...

Nima bo‘lganda ham, hayotimda katta burilish yasab katta tajriba va katta xulosalar bergan shu DAVR.

Bugun O‘zbekistonning birinchi prezidenti Islom Karimov tug‘ilgan kun.

Xudo rahmat qilsin. 🤲

@hamzajumayev

Fransiya prezidenti o‘z twitterida o‘zbek tilida yozdi.

Men bu harakatdan, o‘z tilingizda gapiravering, uni ommalashtiring, degan maʼno uqdim...

@hamzajumayev

Табибга ишинг тушсаю, шифо тилаш ўрнига қарғиш олсанг...

Сиз нима дейсиз?
@hamzajumayev

Bu odam -- mening otam!

Oddiy ishchi maoshiga 3 qiz 1 o‘g‘ilni odam qilaman, deb tinmagan otam.
Halollikni qiyofasi qanday, desalar, men otamning qiyofasini ko‘rsatgan bo‘lardim.

Menga sinov kelganida tuproq bo‘lib to‘kilgan, ozgina yutug‘imdan to‘g‘dek yuksalgan otajonim.

Ko‘z o‘ngimda, ko‘zidan nuri, belidan quvvati ketib, sochlari oqarib menga suyanadigan paytida haligacha menga suyanchiq bo‘lib yurgan otam.

Sizni yaxshi ko‘raman otajonim! Bemehr o‘g‘lingizni kechiring. Dard ko‘rmang, g‘am ko‘rmang davlatim mening.

70 yoshingiz qutlug‘ bo‘lsin!

@hamzajumayev

Ғалабанинг шериги, мағлубиятнинг томошабини кўп...

(шахсий хулоса)
@hamzajumayev

Бобоси оғир... Тўй кўрсин...

16 ёшли қизни шу важ билан узатишади. 17 ёшида туғади. Бобо армонсиз, тўй кўриб омонатини топширади... Лекин, келинчак кун кўрмай ажрашиб кетади.

Бувим кимни десалар шу...

Йигит шу важ билан амакисининг қизига уйланади. Боласи ногирон туғилади... Буви ўлиб кетади. Ёш оила эса бир умр азобга маҳкум бўлади...

Таниш кейслар-а? Шу бобо бувиларга ҳайронман. Кўк чойни ичиб невара эваранинг дуои жонини қилиб ўтирса бўлмайдими? Худбин "Генерал" бўлиб олмасдан, ёшларни келажагини ўйласа бўлмайдими?

Юртимиздаги омадсиз никоҳларнинг ҳар иккинчиси айнан сулола "улуғлари" нинг примитив истаклари сабаб пайдо бўлади. Нима, 80 га кирган кампир тўй кўрмаганми шу пайтгача? Ёки алоқа узилмасин деб икки ўғлини қуда қилиб қўйган бобо, янги оила бузилмаслиги гарови бўла оладими?

Ҳаммаси эмас албатта, лекин шундай кексаларимиз бор орамизда. Лекин, энди эскича қарашлар билан оила қурилиши хато. Бу масалада аввало соғлиқ, билим ва муҳаббат, асосийси ЁШЛАРНИНГ ИСТАГИ инобатга олиниши керак. Қандайдир бемаъни, қайсар, алмисоқдан қолган қарашлар эмас...

@hamzajumayev

Умумий ҳолсизлик, чарчоқ, уйқучанлик, жиззакилик...

Сизни ҳам безовта қиладими? Яқинда бир эндокринолог шифокор танишим айтган гап мен учун кутилмаган янгилик бўлди. Унинг айтишича, биз истеъмол қиладиган, ўзимизда етиштирилган бирор нарсада йод моддаси йўқ!

Олмани уруғи, хурмо кабиларда ҳам. Чунки, у маҳсулотлар йодли бўлиши учун тупроқда, сувда, жуда бўлмаса ҳавода йод бўлиши керак. Йод танқис ҳудудда одам тугул ўсимликларда ҳам у бўлмайди!

Табиий йўл билан йод қабул қиламан, деб бефойда уринманг. Организмни кунлик йод билан таъминлайдиган препаратлар ичиб юриш -- ягона ечим.

Унинг айтганини қилиб кўрай, деб ҳар куни эрталаб бир таблетка йод ича бошладим. Атиги 3 кунда ўзгаришни сездим. Чарчоқ, депрессия, ҳолсизлик йўқолди. Эндокринологлар нега бунча босиқ, овозини баландлатмай гапириши сирини энди тушундим.

Ҳамма гап йодда экан.
Сиз ҳам синаб кўринг. Фақат албатта шифокорингиз маслаҳати билан.

Эфирда "Тағо тайм"
@hamzajumayev

Икки даврни кўрган компания...

Бундан 10 йил аввал Ўзбекистонда интернет дўкон очилганини эшитиб, қизиқишга қўнғироқ қилдим. Фируз Аллаевнинг ўзи кўтарган. Бугун у "Asaxiy.uz" асосчиси.

Кейинчалик, яна бир асосчи Элдор Ғафуров билан танишдим. Бу иккала йигит оддий қишлоқдан чиққан болалар. Улар асос солган компания икки бошқарув даврига гувоҳ. Биринчиси яшаб қолиш, иккинчиси эса ривожланиш даври...

Ҳамкорликда бир қанча лойиҳалар қилдик. Қачондир шу компаниянинг "овози" бўламан деб хаёлимга ҳам келмаган. Ишонмасангиз, 71-200-01-05 га қўнғироқ қилинг.

Фақат бугунмас. Айни дам "Asaxiy.uz" жамоаси юбилейни нишонламоқда. Тағони ўртага олиб "ола мурғак бале" га хиром айламоқда.

Табриклайман "Asaxiy.uz" 😍

@hamzajumayev