هيثم النائب - Haitham alnaeb

من شهر وشوي
نزلت شركة ميتا الاصدار 3.2 من موديل الذكاء الاصطناعي المفتوح المصدر
Llama
بهالاصدار نزلت موديل SLM (Small Language Model)
صغير لدرجة انو ممكن يتم تشغيله على أجهزة الجوال أوفلاين
بحيث ممكن استخدامه كمساعد شخصي

أيضا نزلوا موديل لفهم محتوى الصور

صار ممكن لمطور الفلاتر قريبا جدا أنو يعمل برنامج مثلا يقرأ المحادثات، يمررها لل AI
ولما المستخدم بيسأل المساعد الشخصي:
- بدي اتوظف بشركة سيرياتل، مع مين خرج يساعدني؟ بجاوبه انو فلان عنده رفيق شغال فيها من سنتين... اي صح والله
- بدي اطلع مشوار.. بقلو فلان حكى معك تلات مرات وكنت مشغول ما رحت معه...
- لما يقول لحدا بشوفك المسا، بحاكيه المساعد عالخاص انو هاد بيته جنب سوق كذا و انت لازمك تشتري غرض كذا...

تخيلوا لو زودتوا الموديل بمحادثات سنين شو ممكن يتذكر فيها

القوة عن بقية البرامج انه اوفلاين يعني خصوصية عالية

شركة ميتا عرضت استخدامات تانية كتير متل اكمال تلقائي اثناء الكتابة عالكيبورد، تلخيص الشات ضمن جروب معينة ... والأفكار لا تنتهي

متوفر من قبل انظمة جوال تحتوي على موديل اوفلاين (يفترض)
لكن الميزة هلء انه مفتوح المصدر وفعلا اوفلاين

فلتبدأ التجارب

فاصل ترفيهي تقني

هذه ليست لوحة فنية
وانما مخطط من نوع خريطة فقاعات Bubble map

المخطط لعمليات الحوالات على بلوك شين
محتوى المخطط:
- (بالمنتصف): حوت قام بتحويل الأموال من محفظة الى 14 محفظة ثم الى 150 محفظة (لغرض الدخول للسوق بعد الثبات)
- الخطوط الجانبية (البرتقالي مثلا): شخص قام بتحويل الاموال من محفظة لمحفظة لمحفظة حتى يصعب تتبعه (أو هيك هو اعتقد)، واضح مكان الأموال بالمحفظة الأخيرة (عنونها ومحتواها بيظهر عند النقر)

هالنوع من المخططات بيوضح امور بشكل سريع، قد تكون مرهقة جدا للتبع بالمخططات التقليدية

خلونا نستخدم مخططات تانية عند اللزوم تخدم البيانات أكتر، غير ال Line وال Pie

لهلء في عالم عم يربطوا مع ال AI عن طريق API
😬

طيب تعبت وتعزبت بالربط مع موديل GPT
وإذ من شهر نزل Gemini 1.5 Flash 002
بكلفة 7 سنت لكل مليون توكين 😱
والنسخة الأصغر منه بنصف السعر

ما الحل؟ نعيد الربط؟ بركي طلع ما كويس بعد ما خلصنا ربط؟ بركي كويس بالحكي بس ما كتير بيفهم صوت بالسوري؟

سهلة... استخدم أحد مكتبات AI Framework
بتقدر من خلالها:
- التبديل بين عدد كبير من الموديلز والشركات مع دعم الموديلز المستقبلية
- فهم وقراءة الصور والمستندات
- توليد صور ومستندات
- تحويل المسجات الصوتية لنصوص
- توليد داتا فكتور لتقليص الكلفة بشكل ضخم

وحط قائمة منسدلة بلوحة الادمن يبدل بين الموديل من عنده حسب ما يشوف مناسب ✅

للبي اتش بي شفت هالفريمورك جديد وصاعد
https://github.com/theodo-group/LLPhant

للنود في كتير AI Framework
شاركونا شو بتستخدموا؟

هدية لكل المطورين:
أداة مميزة مفتوحة المصدر
PostHog

بتجمع مجموعة ميزات سوى، متل:
- إحصائيات عن سلوك مستخدمي الموقع أو التطبيق: مخططات بيانية لارتفاع معدل حدث معين (إضافة للسلة، مشاركة منتج...) أو "فنل" (لمعرف خسارة اهتمام المستخدمين بكل خطوة حتى اكمال الشراء مثلا...)، معدل الحفاظ على المستخدمين مع الوقت ... وغيرهم
- إحصائيات ويب
- تسجيل الجلسة فيديو
- اطفاء وتشغيل الميزات بالتطبيق أو الموقع بدون الحاجة لنشر اصدار جديد من التطبيق
- إختبارات على مستخدمي بعض الميزات للتأكد من النتيجة (هل زاد الشراء للمستخدمين اللي فعلنالهم الدفع عند التوصيل للضعف؟)
- رسائل منبثقة للمستخدمين فيها طلب تقييم او سؤال عن رضاء مستخدمين معينين عن ميزة معينة...
- جمع بيانات و ارسالها لمصادر مختلفة، مثلا ارسال معلومات اللي اكملوا الشراء لجوجل او فيس بوك ليبعتوا متلهم تحديدا
- إمكانية متابعة مشكلة حدثت مع مستخدم معين من خلال تتبع تحراكته بالتطبيق او مراجعة فيديو مسجل لجلسته

بمعنى آخر اختصار الحاجة لكتابة كود ونشر جديد لكتير أمور

- طيب مو هي شغلة فريق التسويق يقلنا شو بده يركب برامج؟
في كتير شركات تسويق ما عندها خبرة تقينة كبيرة و ما بتعرف بهالأدوات

- مدة التركيب ضمن تطبيق فلاتر أو ويب حوالي ساعة إلى ساعتين (اضافة الباكج، اضافة سطر التشغيل، اضافة كود الحدث بأماكن الأحداث الهامة متل: اشتراك جديد، اضافة للسلة، شراء)
- الكلفة: الكلاود مجانية حتى مليون حدث (ايفينت) بالشهر، او تركيبها على سيرفر خاص مجانا

- لكل مطور: انصح ادارة المشروع فيها، وركبها كهدية لهم، رح يدعولك يوميا

- طيب ليش وجع راسي بمهمة جديدة إلي حتى لو ساعة؟
عشان ما تروح عليك الفرص التالية:
- تعلم كيف بتشتغل متل ما بتشتغل الشركات العالمية على هالأداة و بتقدر تظهر ميزات لرفيقك ما ظاهرة الك حتى لو نفس التطبيق وخليها أمر عادي الك لتكون جاهز لهيك وظيفة
- وفر عليك كتير مهام مستقبلية بالكود من خلال اطفاء و تشغيل واظهار رسائل وتتبع المشكلة مباشرة من خلال هالاداة
- ارفع تقييمك ضمن الفريق بإضافات ومبادرات مهمة للمشروع (زيادة الاعتماد عليك كلاعب اساسي بالفريق)
- النتائج رح تسمح للإدارة يكتشفوا مشاكل ويحلوها ويضاعفوا المبيعات بتعديلات مباشرة أكيدة، بالتالي بيكبر المشروع وبتستفيد اكتر مهنيا وبترتفع الميزانية بالتالي بزيد احتمال زيادة راتبك قريبا

افتحها الآن بدقايق واستكشف واطرحها على الادارة
https://www.posthog.com

#استثمر_بمستقبلك_هلء

شو أخبار ال No-Code ؟
من أفضل الأدوات الصاعدة حاليا مفتوحة المصدر
Nocodb
أداة بتسمح ببناء داتا بيز، بناء واجهات محتلفة (داشبورد)، بدون كتابة أي كود!

تماما متل لما كذا شخص بفوتوا على جوجل شيت (اكسل) وبعدلو الوان الاعمدة سوى وتنسيق المحتوى تبعهم ومصدر البيانات لكل خلية وغيره

أيضا فيها محرر مرئي لبناء صفحات مخصصة ونماذج متل بناء صفحة بالوردبرس

وخالصة الداشبورد مع الداتا بيز مع ال API، ما بدها شهور برمجة واختبار!
ولا حدا عنده فكرة عن الكود!

يعني مطور الفلاتر والفرونت ايند ما عاد بده باك ايند يبني ادمن بانل و API ؟!!! مو دائما

معتمدة بكتير مشاريع
في شركة كلموني بنوا عليها ERP ضخم جدا لأدارة مشاريع البناء
لكن لما توصل لمراحل متقدمة كتير بصير في تأثير على الأداء لانها بتستكشف كل الأعمدة بالداتا بيز كل مرة (بتولد كل شي دايناميك بدون تدخل)

منطقي هيك شي؟
التجربة والواجهات اللي بتنتج وحدها هي الحكم
https://github.com/nocodb/nocodb

#خدلك_فكرة

لهلء بتسجل المطلوب يدويا أثناء الميتنغ؟ أو بتنسى كل شي بدهم ياه؟

في أدوات ذكاء اصطناعي متوفرة من سنتين كمساعد شخصي أثناء الاجتماعات، بسجل الملاحظات المطلوبة و بيعمل ملخص للاجتماع بالاضافة لتسجيل كامل لكل الاجتماعات

من أفضل الادوات اللي بتدعم اللهجة السورية ومجانا:
https://tldv.io

https://tactiq.io

هي عبارة عن اضافات كروم بتشتغل لحالها عند الدخول عالميتنغ و بتولد خلاصات حسب التمبلت المطلوب (خطة عمل، حملة تسويق...)
لحتى يتم فتح فيهم مهام او التعامل معهم لاحقا

المرة الجاية بيجيك سؤال مفاجئ بالميتنغ وانت شارد... افتح الملخص لايف 😂

تسجيل الجلسة
https://youtu.be/BcxBEn-l82E

جلسة سريعة عن برنامج ادارة المشاريع كليك أب

هل كليك أب جيد للعمل الفردي أو اذا فريق صغير أو كبير؟
هل الاشتراك المجاني كافي؟ وايمت بيلزمني أدفع؟
شو هي الميزات الكبيرة بالمقارنة مع جيرا أو تريلو؟
كم سهولة الدخول عليه والتعلم على ميزاته؟

بعد سنين من العمل على جيرا، نقلنا كل الشغل على كليك أب لكتير أسباب
رح أحكي أهمها وجاوب على الأسئلة لايف بكرا السبت 20-09-2024 الساعة 12 الظهر بتوقيت سوريا
على الرابط: t.me/haithamalnaeb

ما رح اتحول لديناصور

من تلات سنين عملت ابحاث بين برامج ادارة المشاريع الشهيرة، و حولنا على جيرا كونه بوقتها رقم واحد بالاجايل، و غني بالميزات، ومعتمد بالشركات العملاقة وسعره مقبول

وكل فترة بعمل ابحاث اذا نزلت برامج او تقنيات أفضل لتطوير العمل (جزء من الكايزن)

بالفترة الأخيرة استنفذت شركة اتلاسيان المالكة لجيرا طاقاتها على تحويل منصة تريلو الى شبيه جيرا على مراحل (بغرض دمج المستخدمين لاحقا)، وبالمناسبة عم تمر بمرحلة تراجع وخسارة مستمرة للسوق

بينما برامج ادارة مشاريع تانية خصصت مواردها لتطوير الميزات و تحسين تجربة المستخدم وتسهيل العمل

مؤخرا اكتشفت انو من كم شهر، أحد هالبرامج الشهيرة عمل تطويرات نوعية لدرجة ما عاد في داعي للمقارنة و بسعر مقارب

حولنا عليه وكان الفيد باك ايجابي من الجميع بلا استثناء، فيه كل شي وأكتر بكتير و بشكل ابسط بكتير

مين بيتوقع أي برنامج ادارة مشاريع؟

تجربة تحويل الباك ايند من php الى NestJs
ضمن أحد المشاريع اللي عملناها مؤخرا

خلفية عن المعطيات:
- مشروع تقني مع أكثر من مئة ألف مستخدم بمجال ال FinTech
- الإصدار الأول (الحالي) من المشروع مبني على خدمتين الأولى لارافل و التانية كود ايجنايتور
- الاصدار التاني تم كتابته ب NestJs TypeScript Monorepo (almost microservices) using kafka, auto generated swagger
- المشروعين تم اختبارهم على نفس سيرفر الاختبار
- المطورين نفسهم اللي كتبوا php كتبوا ال NestJS
- المطورين أول مرة بيكتبوا مشروع نود أو NestJs
- ما عطيت تنبيه للمطورين عن تقارير السونار أثناء العمل، ما تم التركيز على الجودة أولا، كنت ناطر شوف النتيجة بالأول

النتيجة:
- الاصدار الأول 387 ألف سطر، الاصدار التاني 9 آلاف سطر، كود أقل ب 97% !
- الاصدار الأول يحوي أكثر من ألفين مشكلة حساسة، الاصدار الثاني يحوي مشكتلين فقط، يعني تكنكال ديبت أقل ب 99.9%
- سرعة استجابة طلب للسيرفر على الاصدار الأول 85 مل ثانية، على الاصدار الثاني 22 مل ثانية، أسرع بأربع أضعاف (هاد امر معروف بين النود و البي اتش بي)

الخلاصة:
- سهولة التطوير لا تقارن اطلاقا، انضباط عالي بالكود، و رح نبدأ بتعميم هالشي على كل المشاريع الجديدة
- سرعة اداء عالية مباشرة، رح توفر تكاليف تشغيلية كتير و توفر معاناة استخدام مكتبات طرف تالت وطرق لمحاولة تحسين اداء
- استخدام فريمورك صاعد رح يساهم كتير بدعم المشروع بالمستقبل القريب، التعصب لفريمورك معين قد يؤدي لمسح الكود بالكامل بالنهاية (في عالم لهلء مصرين كود اجنايتور!!!)
- مشروع جديد من الصفر اكيد حيكون كود أقل ومشاكل أقل، بس مو بهالنسبة هي، أحد الاسباب المساعدة بمنع المشاكل ان التايب سكربت بتظهر الخطأ أثناء الكتابة وبتجبره يكتب صح، وأيضا فريمورك النيست كونه بدأ حديثا، اختصر كتير أمور داخليا ما في داعي يكتبها المطور كل مرة، مثلا ما في داعي لكتابة تعريف الراوت أو الفاليديشن أو ديبندنسي انجكشن أو ...
- ممكن لمطور الباك ايند اللي بيعرف المفاهيم (معه خبرة 3 سنين) انو يكتسب لغة تانية بدون ما يكون تحدي كبير، أو ممكن الدخول للنيست سهل كونه جافاسكربت

* الصورة من SonarQube

في تساؤل مستمر، أي فريم وريك او لغة هي المنتشرة اكتر او عم تصعد بسرعة أكبر وتتفوق على غيرها

كمطور ما بيلزم تخمن بناء على تجربة كم شخص حواليك
فيك تعتم على ارقام حقيقية على أرض الواقع
في مجموعة من المؤشرات اللي فيك تستنتج منها لوين رايح كل فريمورك
من ضمن هالمؤشرات:
- عدد الوظائف المطلوبة على منصات التوظيف اللي متعلقة بهالفريمورك، هاد بيعطيك الانتشار الحالي لكن ما بيعكس الاتجاه لوين رايحين
- تريند البحث على جوجل
- عدد المطورين اللي ضافو ريبو الفريمورك على المفضلة تبعيتهم (star)


مثال عن قراءة مؤشر النجوم لفريمورك الباك ايند على github
رح نلاحظ بهالصورة مجموعة أمور متل:
- لارافل اليوم تخسر السيطرة على المرتبة الأولى (من 2018) لصالح django
- nestjs من أحدث الفريمورك، قدرت خلال زمن قياسي الوصول للمرتبة التالة
- تراجع لسرعة نمو عدة فريمورك منها اكسبرس وسبرينغ و aspnet core
بالامكان اضافة فريمورك تاني للمؤشر لمقارنة معدل دخول مطورين جديد عليه مقارنة مع البقية

اذا مستهدف دولة معينة فممكن تركز أكتر على المؤشرات التانية

اختصر وقت و اختار المسار الأقرب من البداية