Fit Corner Sport- ፊት ኮርነር ስፖርት

🎉🎉Congratulations on your wedding day bro and best wishes for a happy life together!
🎉❤️የአብርሃምና የሳራ ትዳር ያርግላችሁ::
# Fit corner Adewa gym

ለመላው የክርስትና እምነት ተከታዮች በሙሉ እንኳን ለብርሃነ ልደቱ በሰላም አደረሳችሁ!

መልካም የገና በዓል!

ፊት ኮርነር ስፖርት አማካሪ

የምሽት የአካል ብቃት እንቅስቃሴ በውቧ ፒያሳ ተካሄደ።
ታህሳስ 24/2016 ዓ.ም፤ ፒያሳ፤ አዲስ አበባ
*****
በትናንቱ የረቡዕ ምሽት ከ12:00 ሰዓት ጀምሮ ደማቅ የማህበረሰብ አቀፍ የአካል ብቃት እንቅስቃሴ ውብ ሁና በተሰራቸው ፒያሳ ተካሂዷል።
ይኽ በአድዋ ድል መታሰቢያ ሙዚየም ፊት ለፊት የተከናወነው የምሽት የአካል ብቃት እንቅስቃሴ መርሃ ግብር በኢንስትራክተር ነፃነት ካሳ የተመራ ሲሆን ሌሎች አሰልጣኞችና የአካል ብቃት አሰልጣኞች፣ ሰልጣኞችና ፒያሳ አካባቢ ነዋሪዎች ተሳትፈውበታል።
ህብረተሰቡ ያለምንም ገደብና ያለክፍያ ከፍተኛ ልምድ ባላቸው የአካል ብቃት አሰልጣኞች የታገዘ እንቅስቃሴ እንዲያደርጉ እና ንቁ የአኗኗር ዘይቤ እንዲከተሉ የሚያበረታታ ቋሚ መርሃ ግብር መሆኑ ተገልጿል።
===//====

https://vm.tiktok.com/ZMk6beF4h

አድዋ ድል መታሰቢያ ሙዝየም ፊትለፊት የምሽት እንቅስቃሴ፤
ታህሳሰ 9/ 2017 ዓ.ም፤
ረቡዕ ምሽት
**
'' ስፖርት ለሁሉም በሁሉም ቦታ''

በውቢቷ ፒያሳ በአድዋ ጂም የሚገኙ የፊት ኮርነር ስፖርት አባላት እና በፒያሳና አከባቢው ያሉ ነዋሪዎች የተሳተፉበት የምሽት የአካል ብቃት እንቅስቃሴ ተካሄደ።

ይህ የምሽት የአካል ብቃት እንቅስቃሴ ፕሮግራም ፊት ኮርነር ስፖርት አማካሪ ከአድዋ ድል መታስቢያና ከአ/አ ወጣቶችና ስፖርት ቢሮ ጋር በትብብር የተዘጋጀ ነው:: በቀጣይም ማህበራዊ ኃላፊነታችንን ለመውጣት በየአስራ አምስት ቀኑ በነፃ የምሽት አካል ብቃት እንቅስቃሴ ለማድረግ ተወስኖዋል::

===//===
# ፊት ኮርነር ስፖርት አማካሪ
# ወጣቶችና ስፖርት ቢሮ
# አድዋ ድል መታስቢያ

የአካል ብቃት እና የጂም ስልጠናዎችን በሰለጠኑ ባለሞያዎች እንዲሰጡ ለማድረግ የሚያስችል ሁኔታ እየተፈጠረ ነው።
ህዳር 24/2017 ዓ.ም፤ አዳማ
📖📖📖**📰📰
የአካል ብቃት ስልጠና አሰልጣኞችን ለማብቃትና ሳይንሳዊ ስልጠናን የሚተገብሩ ለማድረግ የሚያስችል የአሰልጣኞች ማሰልጠኛ ሰነዶች ዝግጅት እየተከናወነ ነው።

የአካል ብቃት አሰልጣኞች ግልጽና አለም አቀፍ ግብብነት የሚፈጥር የሙያ ደረጃን ጨምሮ ሌሎች አስፈላጊ ሁኔታወችን ለማሟላት የሚያስችል ሁኔታ የሚያማላ መሆኑ ታውቋል።

ይህንን የሙያ ደረጃ ለማዘጋጀት ፊት ኮርነር ስፖርት አማካሪ ከባህልና ስፖርት ሚኒስቴርና ከስራና ክህሎት ሚናስቴር ጋር በመተባበር በመስራት ላይ ይገኛል።

ለአካል ብቃት አሰልጣኞች ተገቢው የንድፈ ሃሳብና የተግባር ብቃትን ማግኘት እንዲችሉ ለማድረግና በሳይንሳዊ መንገድ የተፈተሸ የስልጠና ሂደትን ለመተግበር የሚያስችል መሪ ሰነድ ለማዘጋጀት ከፍተኛ ልምድ ያላቸው የዩኒቨርሲቲ መምህራን፣ የአካል ብቃት ኢንስትራክተሮችና ሌሎች ባለድርሻ አካላት ተሳትፈውበታል።
===//====

ፆም አንድም ለነፍስ፤ አንድም ለስጋ ነው!
**
የኢትዮጵያ ኦርቶዶክስ ቤተክርስቲያን ፆም በርከት ያሉ ሲሆኑ በዓመት እስክ 252 ቀናት ይደርሳሉ፡፡ እንደሚፆመው ግለሰብ እድሜ፣ ፆታ፣ ሃይማኖታዊ እርከን ወይም ሌላ ሁኔታ በቀን ለሰዓታት ከመፆም ጀምሮ ለቀናት እስከ መፆም ሊደርስ ይችላል። የምግብ ክልከላው ግን ተመሳሳይና ወጥ ነው። ምንም አይነት የእንስሳት ተዋፅዖ መመገብ አይቻልም፤ ተከታታይ የጉልበት (calorie intake) ገደብና የሰዓት ገደብ አለው። ስለዚህ የኦርቶዶክስ ጾም ‘’ረጅም ፆም (intermittent fasting)’’ ብቻ አይደለም። ይህም በክርስትና እምነት ተከታዮች ዘንድ ከሚገኙ አጽዋማት ሁሉ የኢትዮጵያ ኦርቶዶክስ ጾም ጥብቅ መሆኑ ይገለጻል፡፡

የሆነው ሁሉ ሁኖ ጾም አንድም ለነፍስ አንድም ለስጋ ይጠቅማል፡፡ ለነፍስ ያለውን ጥቅም ለአባቶች እናቆየውና ሌሎች ጠቀሜታዎች ላይ እናትኩር፡፡

ከመፆም ጠቀሜታዎች መካከል ዋና ዋናዎቹ:-
ክብደትን (ውፍረትን) ለመቀነስ (ውፍረት ለብዙ በሽታዎች መንስዔ ነው)፣ በደም ውስጥ የሚገኝ የስኳር መጠንን ለመቆጣጠር ( by reducing insulin resistance) ፣ የደም ግፊትን ለመቀነስ፣ ካንሰርን ለመከላከል፣ የልብ ጤናን ለማሻሻል (በተለይም በዕረፍት ጊዜ የልብ-ምት ፍጥነት ዝቅ ለማድረግና ደም የመርጨት አቅም ለመጨመር) ፣ የአዕምሮ ጤናን ለማሻሻል፣ የኒውሮን (neurons) እክልን ለመከላከል፣ የእድገት ሆርሞን (Human Growth hormone /HGH/) መጠን ለመጨመር፣ በሽታ የመከላከል አቅምን ለመጨመር፣ ጉዳት የደረሰበት አካል ለመጠገን (የHGH መጨመር የሚያስገኘው አንዱ ጥቅም ነው)፣ የስብ መጠንን ለመቀነስ፣ የስኳር በሽታን ለመከላከል ወዘተ ... ይጠቅማል።
ለአብነት ያህል የኢትዮጵያ ኦርቶዶክስ ተዋህዶ የገና ፆምን መሰረት አድርጎ በተደረገ ጥናት፦ ጿሚዎች ከገና ፆም መጠናቀቅ በኋላ 3.3 ኪ.ግ ክብደት፣  1.09 BMI፣  1.01% የሰውነት ስብ መቀነስ ችለዋል (አለማየሁ እና ቃለአብ ፥ 2023)፡፡
የአካል ብቃት ልመምድ ከማድረግ አንፃር ስንመለከተው የኢ/ኦ/ተዋህዶ አማኞች የፆም ሁኔታ የምግብ ገደብ፣ የሰዓት ገደብና የምናገኘው ጉልበት መጠን ገደብ ተዋህደው ያሉበት በመሆኑ ልምምድን በአግባቡ ማቅድ ያስፈልጋል፡፡

በገና ጾም ወቅት የአካል ብቃት አእንቅስቃሴ ልምምድ ምክረ ሃሳቦች፦
1.  ጫናውን ማስተካከል (ቀላልና መካከለኛ ጫና ያላቸውን እንቅስቃሴዎች መስራት)
2.  ራስን ማዳመጥ (የተለየ አለመመቸት ወይም ህመም ካለ)
3.  ልምምዱን ከጾም ሰዓት ውጭ (ከሰዓት በኋላና ማታ ማድርግ/በተለይም ከበድ ያሉ ተግባራትን)
4.  ለሰውነት ግንባታ (body building) እና የጥንካሬ ተግባራት የሚሰሩ ግለሰቦች ያላቸውን መጠበቅ ላይ ማተኮር (በጾሙ በቂ/ተፈላጊ/የተሟላ ፕሮቲን /complete amino acids/ ስለማይገኝ)
5.  በቂ እረፍት መውሰድ
6.  የልምምድ ስዓትና የልምምድ አይነቶችን ከሰውነት አሰራር ስርዓት ጋር በተገቢው ሁኔታ ማጣጣም ያስፈልጋል፡፡

ታላቁ የረመዳን ጾም እና የአካል ብቃት ልምምድ

ከዓላማ (ምክንያት)፣ ከምግብና መጠጥ ክልከላና ከጊዜ ርዝማኔ አኳያ ጾም ብዙ ዓይነት ነው፡፡
በመሆኑም በዚህ ልጥፍ (Post) ታላቁ የረመዳን ጾም (Ramadan Fast) ላይ እናተኩራለን፡፡ በመሰረቱ ረመዳን ጾም ከስፖርት ብቃት፣ ከአካል ብቃት፣ ከጤና፣ ከሰውነት አሰራር ስርዓት ሁኔታና ከመሳሰሉት አንጻር በርካታ ጥናቶች የተደረገበት ጾም ነው፡፡ ይሁን እንጂ ሰዎች የረመዳን ወር ሲደርስ እንቅስቃሴውን በማቆምና በመቀጠል መካከል ሃሳባቸው ሲከፈል ይስተዋላል፡፡

በረመዳን ጾም ወቅት የአካል ብቃት ልምምድ ማድረግ የሚያስገኛቸው ጠቀሜታዎች፦
የሰውነት ክብደት ለመቀነስ (ጾመ + እንቅስቅሴ = ሰውነታችን ስብን የበለጠ እንዲጠቀም ያደርገዋል)፤ የአካል ብቃት እንዳይቀንስ፣ በሽታ የመከላከል አቅም (immunity) ለመጠበቅና ለማሻሻል፣ ተላላፊ ያልሆኑ በሽታዎችን ለመከላከል (ስኳር፣ ደም ግፊት፣ ውፍረጥ....)፣ ድካም ደካም የሚለውን ስሜት ይቀንሳል - ጉልበት (energy) ከፍ ያደርጋል፤ በስራ ላይ ትኩረትንና የማስታወስ ችሎታን ይጨምራል፡፡

በረመዳን ጾም ወቅት እንቅስቃሴ ብናቋርጥ (ባንሰራ) ምን ይከሰታል?
የሰውነት ክብደት ይጨምራል (የምናገኘው ካሎሪ ከምናቃጥለው ስለሚበልጥ) ፣ የጡንቻ መጠን ይቀንሳል እንዲሁም የሰውነት አሰራር ስርዓት ጤና ላይ ተጽዕኖ ይኖረዋል፡፡ ለምሳሌ ያህል በሳውዲ-አረቢያ በተደረገና 173 ቤተሰቦችን ባሳተፈ አንድ ጥናት 59.5 % ያህሉ በረመዳን ጾም ወቅት የሰውነት ክብደታቸው መጨመሩን አሳይቷል፡፡

በረመዳን ወቅት የአካል ብቃት ልምምድ ምክር ሃሳቦች፦
📌ጫናውን ማስተካከል፦ ቀላልና መካከለኛ ጫና ያላቸውን እንቅስቃሴዎች መስራት
📌ራስን ማዳመጥ (የተለየ አለመመቸት ወይም ህመም ካለ)
📌 ሙቅት ቦታዎች ላይ (በጸሃይ) እንቅስቃሴ አለመስራት
📌 ሳውና እና ስቲም ክፍሎችን አለመጠቀም (ውሃ ጥም ስለሚያባብሱ)
📌 በቂ እረፍት መውሰድ
📌 አዳዲስ እንቅስቃሴዎችን፣ አዲስ ግብ ወይም አዲስ ጫና አለመጀመር
📌 አመጋገብን ማስተካከል (በቂ ፕሮቲን፣ ሃይል ሰጭ ምግቦችንና ውሃ ማግኘት)
📌 የልምምድ ሰዓትና የልምምድ አይነቶችን ከሰውነት አሰራር ስርዓት ጋር በተገቢው ሁኔታ ማጣጣም

ማሳሰቢያ፦ የጤና ችግር ያለባቸውና ከዚህ በፊት እንቅስቃሴ ሰርተው የማያውቁ ግለሰቦች እንቅስቃሴ ከመጀመራቸው በፊት የህክምና ባለሞያ ማማከር ይኖርባቸዋል፡፡

በአዲስ አበባ ከተማ ታላቅ የማስ ስፖርት ተካሄደ፤
ሕዳር 15/ 2017 ዓ.ም፤ አዲስ አበባ
**
''የአካል ብቃት እንቅስቃሴ ለሁለንተናዊ ብልፅግና''

ከባለ ግርማ ሞገሱ የአድዋ ሙዚዬም እና በታሪካዊው የአዲስ አበባ ከተማ አስተዳደር መካከል በሚገኘው ቦታ የአዲስ አበባ ነዋሪዎች በነቂስ ወጥተው የተሳተፋበት ታላቅ የማስ ስፖርት ተካሄደ።

ይህ ከፍተኛ ቁጥር ያለው ሕዝብ በተሳተፈበት ማስ ስፖርት ላይ የከተማችን ከንቲባ ክብርት ወ/ሮ አዳነች አበቤ፣ የከተማችን ከፍተኛ አመራሮችና አስተባባሪ ኮሚቴዎች ተገኝተውበታል።
===//===

እንደማንኛውም አፍሪካዊ ወይም የታዳጊ ሃገር ዜጋ ''የበጀት እጥረት'' ወይም ''Budget Deficit'' ገጠመን ሲባል ሰምተው አያውቁም አንልም። ይህንን ሲሰሙ ምን ማለት እንደሆነ ይገባዎታል። በቀላል አገላለፅ ለስራው ከሚያስፈልገው በጀት ይልቅ ለስራው የተመደበው በጀት አንሷል ማለት ነው።
ወደ ጉዳያችን እንመለስ:-
ቀመር 1: ''በጀት = ካሎሪ'' ነው። ማለትም የካሎሪ እጥረት /Calorie deficit'' ማንኛውም የሰውነት ክብደቱን መቆጣጠር፣ መጨመር ወይም መቀነስ የሚፈልግ ሰው ሊረዳው የሚገባ ፅንሰ ሃሳብ ነው።

ለአብነት ያኽል አንድ 110 ኪ.ግ የሚመዝን ሰው በቀን 3500 ካሎሪ የሚጠቀም ቢሆንና በቀን የሚያገኘው ''ካሎሪ'' መጠን 2900 ቢሆን ግለሰቡ በቀን የ600 'በጀት' ማለት 'የካሎሪ' እጥረት ገጥሞታል።

በቀን የ600 ካሎሪ እጥረት (calorie deficit) ሰውነታችን ላይ ምን ሊያስከትል ይችላል?

የሰውነት የአሰራር ስርዓት ''የበጀት'' እጥረት ሲገጥመው ኘሮጀክት አይሰርዝም ባይባልም የመጀመሪያ አማራጩ ግን 'ከተቀማጭ ሃብት'' (reserved energy) ላይ የጎደለውን መሙላት ነው።

ቀመር 2: ተቀማጭ ሃብት = የሰውነት ስብ (ክብደት)

ይኽም ማለት አንድ ግለሰብ ሆን ብሎ (በልምምድ እና/ወይም በአመጋገብ) በቀን 600 ካሎሪ እጥረት እንዲገጥመው ቢያደርግ በ1 ወር ውስጥ ~ከ2 እስከ 4 ኪ.ግ ክብደት ይቀንሳል። ይኸም በዓመት ከ24 እስከ 48 ኪ.ግ ሊቀንስ ይችላል ማለት ነው።

ይኽንን ''የበጀት እጥረት'' መጨረሻ ስንመዝነው 110 ኪ.ግ ይመዝን የነበረው ግለሰብ በዓመቱ መጨረሻ ከ62 እስከ 86 ኪ.ግ ይመዝናል ማለት ነው።

የፊት ኮርነር ስፖርት አማካሪ ቤተሰብ ይሁኑ። በሳይንስ እንመራለን!! ሳይንስን እንተገብራለን!!
===//===

የብልፅግና ፓርቲ 5ኛ ዓመት ክብረ በዓል በማስ-ስፖርትና በልዩ ልዩ ዝግጅቶች በድምቀት ተከበረ።
ሕዳር 8/2017 ዓ.ም፤ ሸገር ከተማ፤ ኮየ ፈጨ
===//===
የብልፅግና ፓርቲ 5ኛ ዓመት ክብረ በዓል በማስ-ስፖርትና በልዩ ልዩ ዝግጅቶች ከማለዳው 12:00 ሰዓት ጀምሮ በድምቀት ተከብሯል።

በዝግጅቱ ላይ የሸገር ከተማ አስተዳደር ከፍተኛ የስራ ኃላፊዎች፣ አመራሮችና የከተማዋ ነዋሪዎች ተገኝተውበታል።

ብልፅግና እስካሁን እያከናዎናቸው የሚገኙትን በርካታ የልማት፣ ከተማን የማዘመንና የማህበረሰብ አገልግሎት ተግባራትን አጠናክሮ እንደሚቀጥልና የሃገራችንን ብልፅግና ለማረጋገጥ መትጋት እንደሚያስፈልግ ተገልጿል።
======//======

➧ በማሕበራዊ ሚዲያ ቤተሰብ ይሁኑ!!!
Telegram=>@FitCorner
Youtube=>http://bit.ly/subscribe_netsisport

የአካል ብቃት እንቅስቃሴ (Exercise) የምግብ ፍላጎት ይጨምራል?
*
በተለመዶ የአካል ብቃት እንቅስቃሴ መስራት የርሃብ ስሜት እንደሚጨምርና የምግብ ፍላጎት ከፍ እንደሚያደርግ ይነገራል፡፡ በዚህ ወገን የሚገኙ ተከራካሪዎች ዋነኛ ነጥብ እቅስቃሴ በምንሰራበት ጊዜ ተጨማሪ ጉልበት (calorie) እያወጣን በመሆኑ ሰውነታችን ተጨማሪ የጉልበት ምንጭ (ምግብ) ስለሚያስፈልገው መሆኑን የርሃብ ስሜት እንደሚኖር ያብራራሉ፡፡

ከዚህ በተቃራኒ ደግሞ የአካል ብቃት እንቅስቃሴ የርሃብ ሆርሞኖችን በተለይም ገርሊን (ghrelin) እና ሌፕቲን (leptin) ላይ አሉታዊ ተፅዕኖ ስለሚያደርግ የምግብ ፍላጎት ይቀንሳል፤ የርሃብ ስሜት ላይሰማንም ይችላል ሲሉ የሚከራከሩ አሉ፡፡ ሁለቱም ወገን በየዘርፋቸው ትክክለኛ ነገር አላቸው፡፡ እንቅስቃሴ ተጨማሪ ጉልበት እንድንፈልግ ያደርጋል፡፡ በተቃራኒ በተለይም ከፍተኛ ጫና ያላቸው እንቅስቃሴዎች ደግሞ ለአጭር ጊዜም ቢሆን የምግብ ፍላጎትን ይቀንሳሉ፡፡

ወሳኙ ነገር ግን የርሃብ ስሜትና አስተዋጽዖ የሚያደርጉ ምክንያች ከሰው-ሰው ይለያያል። እንቅስቃሴ በሰራን ቁጥር ተጨማሪ ጉልበት ከምግብ ማግኘት እንደሚያስፈልግ አከራካሪ ጉዳይ ባይሆንም በእንቅስቃሴ የምንጠቀመውን የጉልበት መጠን አጋኖ ማሰብ ተገቢ አይደለም፡፡
ለምሳሌ፡- አንድ 70ኪ.ግ የሚመዝን ሰው 1ኪ.ሜ ለመራመድ ከ60 – 75 ካሎሪ ብቻ ይጠቀማል፡፡ እርምጃው ከፈጠነ ወይም ዳገት ከሆነ የሚያስፈልገው ጉልበት (ካሎሪ) ከፍ ይላል፡፡ ነገር ግን 250ግ ከሚመዝን አንድ ነጭ ዳቦ 663 ካሎሪ እናገኛለን፡፡ ይህንን 663 ካሎሪ ለማጥፋት ይኸው ግለሰብ ከ125 ደቂቃ በላይ የፍጥነት እርምጃ መስራት አለበት፡፡
=//=

https://www.facebook.com/share/p/v494rztTeRnBerUW/

አዝናኝ ቆይታ በቢሾፍቱ!
.
.
.
https://youtu.be/J90pnB4XpV8?si=xr0Eh8yVzW9FKl0J

ጎፈሬ 🤝 ፊት ኮርነር ስፖርት

ታላቁ ብራንድ ጎፈሬ ለፊት ኮርነር ባቀረባቸው ጥራት ያላቸው ምርቶች ዕውቅና ተሰጥቶታል።

@goferesportswear

ታዋቂው የአካል ብቃት አሰልጣኝ ኢንስትራክተር ነፃነት ካሳ ሽልማት ተበረከተለት፡፡
ጥቅምት 24/2017 ዓ.ም - ቢሾፍቱ/ደብረዘይት
*🏆***🏆*
'A sound mind in a sound body' (Miletus)
ታዋቂው ግሪካዊ ፈላስፋ ሜሊተስ “ጤናማ አዕምሮን በጤናማ ሰውነት ውስጥ” ማግኘት ያለውን አስፈላጊነት በግልጽ ካሳዩ ቀደምት ጠቢባን መካከል አንዱ ነው፡፡ ይኽንን ተመሳሳይ ዓላማ ለማሳካት ሲባል ኢንተር ጂም የተመሰረተው ከዛሬ 22 ዓመት በፊት ነበር፡፡ ይኽንን ጂም በወጣት እድሜያቸው ከነፃነት ጋር በመሆን የመሰረቱና በጂሙ ለረጅም ጊዜ ስልጠና የወሰዱ ግለሰቦች በአንድ ላይ በመሰባሰብ ለኢንስራክተር ነፃነት ካሳ አሁን ለደረሰበት ደረጃ እና ለጂም-ኢንደስትሪው ላበረከተው አስተዋፅኦ የተሰማቸውን ደስታ ገልፀው የዋንጫ 🏆🏆 ሽልማት አበርክተውለታል፡፡

የፊት ኮርነር ስፖርት - ከቤት ውጭ የአካል ብቃት ስልጠና እና ልዩ የመዝናኛ ፕሮግራም
ጥቅምት 24/2017 ዓ.ም - ቢሾፍቱ/ደብረዘይት
**
“በጂምናዚዬም ውስጥ ከሚሰጡ ተግባራት በተጨማሪ ከቤት ውጭ የአካል ብቃት ስልጠና፣ ልዩ ልዩ የውድድር መልክ ያላቸው ጨዋታዎችና የመዝናኛ ፕሮግራም ለሰልጣኞችም ለአሰልጣኞችም ጠቃሚ ነው፡፡” (ኢንስትክተር ነፃነት ካሳ)

ከአዲስ አበባ ከተማ ውጭ (ቢሾፍቱ/ደብረዘይት) በሚገኘው ሊሳቅ ሪዞርት ከቤት ውጭ የአካል ብቃት ስልጠናና ልዩ ልዩ የመዝናኛ ፕሮግራሞች የተከናወኑ ሲሆን ይህም አካላዊ፣ አዕምሮአዊና ማህበራዊ ችሎታን ከማሳደግ በተጨማሪ አማራጭ የስልጠና ሂደትን በመከወን የስልጠና ተነሳሽነትን ከፍ ለማድረግ ያለመ መሆኑ ተገልጧል፡፡
በዚህ መርሃ ግብር ላይ ውሃ ውስጥ የሚከናወኑ ልዩ ልዩ ውድድሮች፣ የጀልባ ጉዞ፣ የእግር ኳስ ጨዋታዎችና የአካልና የአዕምሮ ብቃትን የሚፈትኑ ልዩ ልዩ ጨዋታዎች ተካትተው ነበር፡፡

የአድዋ ድል ሙዚዬም ጉብኝት -
ጥቅምት 24/2017 ዓ.ም - አዲስ አበባ
**
“ገብርየ ቢሞት ተተካ ባልቻ፤
መድፍ አገላባጭ ብቻ ለብቻ፡፡” (ኢትዮጵያዊያን)

የፊት ኮርነር ስፖርት አማካሪ ጂም አባላትና ሰራተኞች የአድዋ ድል ሙዚዬምን ጎበኙ፡፡ በፒያሳ እምብርት ላይ የሚገኘው ይህ ሙዚየም የአድዋ ጦርነት ታሪክን ከመነሻው እስከ ፍፃሜው ያሉውን ሂደት በዝርዝር የሚያስቃኝ ነው፡፡ የነገስታቱ አልባሳት፣ ቁሳቁስና የጦር መሳሪያዎች አሁንም ድረስ ከነ ግርማ ሞገሳቸው በሙዚዬሙ ይገኛሉ፡፡ ኢንስትራክተር ነፃነት ካሳን ጨምሮ፣ አሰልጣኞችና ሰልጣኞች በጉብኝቱ የተሰማቸውን ደስታ ገልፀዋል፡፡

ክብደት መቀነስ ለሚፈልግ ሰው ካርቦሃይድሬት ዋና ጠላቱ ይሆን እንዴ?
🥗🍌🍇🍓🍍🌽🥬🥖🥯🧀🥩🎂🍰
የሰውነት ክብደትን ስለመቆጣጠር ሲወሳ አመጋገብና እንቅስቃሴ የአንድ ሳንቲም ሁለት ገፅታወች ናቸው። ካርቦሃይድሬትን የሚመለከተው ስጋት የሚመዘዘው ግን ከተፈጥሯዊ ባህሪው ነው። በካርቦሃይድሬት የበለፀገ ምግብ ከተመገብን በኋላ ወዲያውኑ ወደ ግሉኮስ ይቀየራል። ይህም ዋነኛ የጉልበት ምንጭ ነው። ሰውነት ከሚፈልገው በላይ የሆነ ግሉኮስ ካለ ወደ ጉበት (liver) ይወሰድና በግላይኮጅን (glycogen) መልክ ይቀመጣል፤ ቀሪው ደግሞ በኢንሱሊን እርዳታ ወደ ስብ (fatty acid) ይቀየርና በተለያዩ የሰውነት ክፍሎች በስብ መልኩ ይከማቻል። ይህም በሰውነት የስብ መጠን ላይ ቀጥተኛ አስተዋፅዖ አለው። ይሁን እንጂ የሰውነት ክብደት ከመቀነስ አንፃር ስንመለከተው ዋናው ነገር በየዕለቱ ከሁሉም የምግብ አይነቶች የምናገኘው ጉልበት (energy) መጠን መብዛትና ማነስ -  በየቀኑ ከምናወጣው የጉልበት መጠን ጋር ያለው ሚዛን ነው። ለዚህም ነው ሰዎች ''ካርቦሃድሬትን'' ብቻ ነጥለው ''በጠላትነት'' መፈረጃቸው በብዙ ጥናቶች ዘንድ ተቀባይነት የሌለው። የካርቦሃይድሬት ምንጮችን መለየት ግን በጣም አስፈላጊ ነው። የሰውነት ክብደትን ለማስተካከል ጣፋጭ ነገሮችን🍰🍦🍭 በእጅጉ መቀነስ፤ የተፈጥሮ ይዘታቸውን የጠበቁ የእህልና ጥራጥሬ ምርቶችን (አጃ፣ ገብስ፣ ስንዴ፣ ሩዝ...)፣ አትክልትና ፍራፍሬዎችን በተገቢው መንገድ አመጣጥኖ መመገብና የአካል ብቃት እንቅስቃሴ አዘውትሮ መስራት ዋና መፍትሄዎች ናቸው።

👇ከታች ያለውን ማስፈንጠሪያ (Link) በመጫን በዩቱብ ከእኛ ጋር ቤተሰብ ይሁኑ! በየጊዜው መረጃ እናቀብልወታለን።
👇👇
ዩቱዩብ: https://youtube.com/@netsisport?si=GY0w80TrUxw12rjU

Baga Ayyaana Irreechaan Nagaan Geessan!

እንኳን ለኢሬቻ በዓል በሰላም አደረሰዎ!
መልካም በዓል!

የቦርጭ መንስዔና መዘዙ!
🎯🎯
ቦርጭ ከእንግሊዝኛው “abdominal obesity” ጋር አቻ ትርጉም ያለው ሲሆን በሆድ አካባቢ ከመጠን በላይ የሆነ ስብ መከማቸት ማለት ነው፡፡ ይህ ከፍተኛ የሆነ የስብ ክምችት በጤና ላይ ውስብስብ ጉዳት አለው፡፡ ምክንያቱም በሆድ አካባቢ ጣፊያ፣ ጉበት፣ ጨጓራ፣ አንጀትና የመሳሰሉት የሰውነት ክፍሎች ስለሚገኙ እና ተፅዕኖ ስለሚያርፍባቸው ነው፡፡
በሃገራችን ኢትዮጵያም 🇪🇹 ቦርጭ ያላቸው ሰዎች ቁጥር ከጊዜ ወደ ጊዜ እየጨመረ መምጣቱን ጥናቶች አመላክተዋል፡፡ በቅርብ ጊዜ ኢትዮጵያ ውስጥ ከተደረጉ ጥናቶች መካከል ዝቅተኛ ሁኖ የተገኘው  37.31% ሲሆን ከፍኛው 61.27% የሚሆኑ ተጠኝኞች ቦርጭ ያላቸው መሆኑን ያመላከተ ነበር፡፡ 
የቦርጭ መንስዔዎች:- እንቅስቃሴ አለማድረግ፣🍻አልኮል ማዘውተር፣ ጭንቀት፣ ዘረመል (Genetics)፣ እንቅልፍ ማጣት፣ ማጨስና አመጋገብ ሲሆኑ የሚያስከትለው ዋና ዋና ችግሮች ደግሞ የልብ በሽታ፣ ስኳር (Type II diabetes)፣ ደም ግፊት፣ ካንሰር፣ አስም፣ የጀርባ ህመምና የመሳሰሉት ይጠቀሳሉ፡፡
ቦርጭን ለማጥፋት አይነተኛ መፍትሔዎች አዘውትሮ የአካል ብቃት እንቅስቃሴ መስራትና የአኗኗር ዘይቤን ማስተካከል ናቸው፡፡

🙋 ለከረባት መደገፊያ እንዲሆን ቦርጭ እንዲኖርዎት ይፈልጋሉ? (ሃሳብዎን በአስተያየት መስጫው ላይ ያካፍሉን)

ከታች ያለውን ''Link'' በመጫን በፌስቡክ፣ በቴልግራም፣ በቲክቶክ፣ በዩቱብና በኢንስታግራም ከእኛ ጋር በመወዳጀት ቤተሰብ ይሁኑ! በየጊዜው መረጃ እናቀብልወታለን።
https://qrco.de/bfPmrI

ዲጄ ሸዋ ከኢንስትራክተር ነፃነት ጋር! አዝናኝ ቆይታ!

https://youtu.be/owse0No_hdU?si=04GTUUwZEwr743UT

ለምን ቴስቶስቴሮን (testosterone) ይኽን ያህል ተፈላጊ ሆነ?
የተለያዩ ሰዎች የቴስቶስቴሮን ሆርሞን በሚዋጥ (ክኒን💊) ወይም በመርፌ 💉ሲዎስዱ አይተው ያውቃሉ? ይህንን የሚያደርጉት ለምን ይመስልወታል?
ቴስቶስቴሮን የፆታ -ሆርሞን ሲሆን ከሴቶች ይልቅ በወንዶች ላይ በብዛት ስለሚገኝና የወንዳወንድ ባህርያትን የሚያላብስ በመሆኑ “የወንዶች ሆርሞን” በመባል ይታወቃል፡፡ ወንዶች ጺም፣ ደረት፣ ወፍራም ድምጽ ወዘተ… እንዲኖራቸው ያደርጋል፡፡
ከዚህም ባሻገር በሰውነት ውስጥ በርካታ ተግባራት አሉት፡፡ ዋና ዋናዎቹም የፆታዊ ፍላጎት (libido)፣ የአጥንት መጠንና ጥንካሬ በመጨመር፣ የስብ ክምችት በመቀነስ፣ የጡንቻ መጠንና ጥንካሬ በመጨመር፣ ቀይ-የደም ህዋሳት (red blood cells) እና የዘር ፈሳሽ (sperm) እንዲመረቱ በማድረግ ቁልፍ ሚና አለው፡፡  ይኸው ሆርሞን በሴቶችም ውስጥ የሚገኝ ሲሆን  የአጥንት ጥንካሬያቸውን በመጨመር፣ የእንቁላል (ovary) ምርትን በማስተካከል፣ ጤናማ የፆታዊ ፍላጎት (libido) እንዲኖራቸው በማድረግ ወዘተ… አስተዋጽዖ አለው፡፡
ለዚህም ነው ሰዎች በተለይም የሰውነት ግንባታ የሚሰሩ (body builders) እና የዚህ ሆርሞን መጠን በተለያዩ ችግሮች የቀነሰባቸው ሰዎች ሰው ሰራሽ የቴስቶስቴሮን (Synthetic testosterone)🧪🧪 የሚጠቀሙት፡፡ ነገር ግን በሰው ሰራሽ መንገድ በሰውነት ውስጥ ከልክ በላይ ሲገኝ በርካታ ውስብስብ ችግሮች አሉት፡፡ 
በጤናማ መልኩ የቴስቶስቴሮንን መጠን ለማሳደግ የጥንካሬ እንቅስቃሴዎችን መስራት ዋነኛው ሲሆን የሰውነት ክብደትን ማስተካከል፣ በቂ እንቅልፍ ማግኘት፣ አለማጨስ፣ አልኮል አለማዘውተር (አለማብዛት) በእጅጉ ይረዳሉ፡፡

ከእኛ ጋር በመወዳጀት ቤተሰብ ይሁኑ!👇
https://qrco.de/bfPmrI

የስኳር በሽታ ያለባቸው ሰዎች የአካል ብቃት እንቅስቃሴ እዲሰሩ የሚመከሩት ለምንድን ነው?
🏃🚶‍♂⛹‍♀🚴‍♀🏊‍♂
የስኳር በሽታ (Diabetes Mellitus):- ሥር የሰደደ የሜታቦሊክ በሽታ (metabolic disease) ሲሆን በደም ውስጥ ያለው የስኳር መጠን ከሚገባው በላይ ከፍ በማለቱ የሚከሰት ነው፡፡ ይህም በጊዜ ሂደት በልብ፣ በደም ሥሮች፣ በአይን፣ በኩላሊት እና በነርቭ ላይ ከፍተኛ ጉዳት ያስከትላል፡፡ የስኳር በሽታ የሚከሰተው የሰውነት ሕብረ ህዋሳት(Cells) ለኢንሱሊን ምላሽ አለመስጠት ወይም አለመግባባት (type 2) ወይም በሰውነት ውስጥ ኢንሱሊን በበቂ ሁኔታ (ጭራሽ) አለመኖሩ ነው (type 1)፡፡ በጣም የተለመደው የስኳር በሽታ ዓይነት አይነት -2 (type 2) ነው፡፡
በአሁኑ ጊዜ በአለም ላይ 422 ሚሊዮን ሰዎች የስኳር በሽታ ያለባቸው ሲሆን አብዛኛዎቹ ታማሚዎች የሚገኙት ደግሞ በማደግ ላይ ባሉ ሃገራት ነው፡፡ በየአመቱ 1.5 ሚሊዮን ሰዎች በዚሁ በሽታ ምክንያት ይሞታሉ (WHO፡ 2024)፡፡
የአካል ብቃት እንቅስቃሴ አዘውትሮ መሥራት ታዲያ ለስኳር ታማሚዎች የሚከተሉትን ዋና ዋና ጠቀሜታዎች ያስገኛል፡፡
👉በሰውነት ውስጥ የሚገኝ የስኳር መጠን ይቀንሳል፤
👉በሰውነት ሕብረ-ህዋሳት እና በኢንሱልን መካከል ተግባቦት እንዲፈጠር ያደርጋል፤
👉የHbA1c መጠን ከ7.0% በታች እንዲቀንስ ያደርጋል፤
👉የስኳር በሽታ የሚያመጡ ችግሮችን (ውፍረት፣ ቦርጭ ….) ይቀንሳል፤
👉በበሽታው ምክንያት የሚመጡ የአካላዊ ውስንነቶች (ህመሞች) ይቀንሳል፤
👉የልብና የደም ዝውውር ስርዓትን ያሻሽላል፤

እነዚህን ጠቀሜታዎች ለማግኘት የስኳር ታማሚዎች የትንፋሽ (aerobic)፣ የጥንካሬ (resistance) ወይም በጥምር (aerobic & resistance combined) እቅስቃሴዎችን መስራት ይችላሉ፡፡

“ህብራችን ለአንድነታችንና ለዘላቂ ሰላማችን” በሚል መሪ ቃል በተስፋ ሜዳ ደማቅ የአካል ብቃት እንቅስቃሴ ተከናወነ፡፡
ጳጉሜ 04/2016 ዓ.ም
ሳርቤት፤ ተስፋ ሜዳ፤ አዲስ አበባ
🏃🏿‍♀️🌼🌼🏃🏿‍♂️🌼🌼🏃🏿
ፊት ኮርነር ስፖርት አማካሪ ከኦሮሚያ ወጣቶችና ስፖርት ቢሮ ጋር በመተባበር “ህብራችን ለአንድነታችንና ለዘላቂ ሰላማችን” በሚል መሪ ቃል ሳርቤት በሚገኘው የተስፋ ሜዳ ደማቅ የአካል ብቃት እንቅስቀሴ ተካሄደ፡፡

በዚህ ደማቅ መርሃ ግብር ላይ በም/ፕሬዚደንት ማዕረግ የተከበሩ አቶ አዲሱ አረጋ፣ የኦሮሚያ ወጣቶችና ስፖርት ቢሮ ኃላፊ አቶ ማቴዎስ ብሩ፣ የፊት ኮርነር ስፖርት አማካሪ መስራችና ዋና ስራ አስኪያጅ ኢንስትራክተር ነፃነት ካሣ፣ የኦሮሚያ ክልል የመንግስት ሰራተኞችና ሌሎች ጥሪ የተደረገለቸው እንግዶች ተሳትፈውበታል፡፡

የተከበሩ አቶ አዲሱ አረጋ ለመላው ኢትዮጵያዊያን የእንኳን አደረሳችሁ መልዕክት ያስተላለፉ ሲሆን መጭው የ2017 ዓ.ም አንድነታችን የምናጠናክርበት፣ በህብር የምንኖርበትና ሠላማችንን የምናረጋግጥበት ጊዜ እዲሆን ምኞታቸውን ገልፀዋል፡፡

አቶ ማቴዎስ ብሩ በበኩላቸው መላው የኦሮሚያ ሰራተኞች እንደ ሁል ጊዜው ሁሉ የአካል ብቃት እንቅስቃሴን አዘውትረው በመስራት ጤናቸውን እንዲጠብቁ መልዕክት አስተላልፈዋል፡፡

ኢንስትራክተር ነፃነት ካሣ ሁላችንም አዲሱን ዓመት ጤናችንን በአካል ብቃት እንቅስቃሴ ለመጠበቅ የምንተጋበትና ጤናችንን ጠብቀን በሕብር የምኖርበት ዓመት እዲሆን ምኞታቸውን ገልፀዋል፡፡
🏃🏿‍♀️🏃🏿‍♂️🌼🌼🌼🌼🏃🏿🏃🏿‍♀️
#ፊት ኮርነር ስፖርት አማካሪ
#የኦሮሚያ ወጣቶችና ስፖርት ቢሮ
# ጳጉሜ 4 - የሕብር ቀን

በቅርብ ቀን በኢ.ቢ.ሲ ይጠብቁን!!

የማስ ስፖርት አድማቂው ዲጄ ሸዋ ከ ኢንስትራክተር ነጻነት ጋር በፊት ኮርነር ስፓር ጂም ያደረጉት አስገራሚ ቆይታ በቅርብ ቀን በኢትዮጵያ ብሮድካስቲንግ ቻናል EBC ይጠብቁን :::

ወዳጅ ይሁኑን:
https://youtu.be/9DkEHwEo7wc